القائمة الرئيسية

الصفحات

رواية ادوار وهمية الفصل الثامن عشر 18 بقلم بنوتة الشيخ

       

 رواية ادوار وهمية الجزء الثامن عشر



رواية ادوار وهمية البارت 18 الحلقة السابعة عشر

مروه:تشوف لي صاحبتها يلي كانت لابسه الكاب العرايسي وبتطلع
لكن مع منو بتطلع ؟؟
مع راجلها!!؟
ضحكت مروه بصدمه وسألت ايمن
مروه:ايمن !..شنو ادير هنايا انا مزال منبيش نروح
ايمن:شبحلها بنضرات متوتره بدون مايرد عليها
مسك في يد حياة وطلعها معاه وسط الزغاريط يلي ملت المكان 💔
مروه من صدمتها مدارتش ردة فعل غير انها داخت
اغمى عليها وسط المعازيم ومعش تعلم بي شي
____________________________________
ريم:وقفت بصدمه وهيا تربط في الاحداث ببعض ملامحها كانت مصدومه وهيا تراجع في الاحداث
امك !...امك شفتها مره جايه غادي
بوك كان عارف من البدايه انك مش رواد !!
خوتك يعرفو!!
رواد الجناح هاذا لي منو؟؟
رواد:سكت وهوا يشوفلها
ريم:قعمزت مسكت راسها بين يديها وهيا تحاول تستوعب وتذكر!
تذكر في البنت يلي كانت ميته بكي في عزاء ناصر وهيا متقربلاش
كانت نفسها !
هيا ساره ؟؟؟؟؟؟؟
ريم:حطت صوابعها على عيونها وهيا تحاول تركز....ساره
اختك؟؟؟؟
رواد:بعد ما خداك متحملش فكرت انه متزوج وحده علاقته بيها مش تمام!
ريم:اي؟؟؟؟؟
رواد؛جي هنايا قعد عندنا فتره
امي سخفت عليه قررت تزوجه مره تانيه وقالتله اختار على ذوقك
ريم:واختار ساره؟؟
رواد:اي
ريم:رقدت ع السرير وهيا ساكته ...والجناح هاذا كان ليهم ؟للعرسان ساره وناصر!
رواد:وقف يولع في دخانه ....بزبط
معندهمش نصيب اهو خديتيه انتي
ريم:قعمزت من جديد تشوفله.....تعبت ننصدم كل شويه رواد
كان عندك شي تاني احكيه
رواد:معش في شي غير ان اسمي قيس مش رواد
ريم:خوت ناصر وبشير بوهم عندهم علم !!
رواد:هاذي تفاصيل بتوجعلك راسك فوتيها ريم
خلاصة الموضوع انهم عرفو وبوي يلي هوا بشير عارف من الاول
ريم:يعني ولدي يكون ولد خوك ....هاذا باش تبي تربيه واصريت عليا نجيبه وفرحت لما قتلك؟يعني رواد الحقيقي خوك حتى هوا !!؟
رواد:نفخ الدخان وابتسم بي استفزاز ....اهو بدت ريم الشاطره تفهم
ريم:راسي بيتفجر انا بندير قهوا.....طلعت بس مسكها رواد من يدها❤️
ريم:شافتله مش فاهمه
رواد:طفى الدخان وشافلها....خلينا من الدوشه هيا كلها
في النهايه ناصر الله يرحمه وولدك عندك
خلينا في الجاي وخلينا في القصص يلي توا
ريم:يلي هيا؟
رواد:عجبني الجو .....عجبني انسجامك مع امي رغم انك زي النم متنسجمي مع حد لكن حلو متفاهمين
منعرفش كيف لكن حسيتك تغيرتي طريقة لبسك بدت مناسبه اكتر بديتي تتحكمي في اعصابك وبديتي تعرفي تتفاهمي مع الناس
ريم:رجعت خصلة الكيرلي وراها....وهاذا شي حلو ولا اخي ؟
رواد:لف يده ع خصرها وجبدها ليه ❤️...بنسبه ليا مليح وهلبا
ريم:فهمت من نضرات عيونه شنو كان ناوي ....لا لا لا لا
رواد:شنو يمنع !؟
ريم:مش متريحتلك
رواد:ضحك...تدوي جديات انتي ؟
ريم:اي .....انا بعقلي قيس
المره الاولى وافقت على علاقه كل واحد في اتجاه
والنتيجه هاذي ....اشرت على ولدها
رواد:بس هاذي نتيجه حلوه !
نعمه من ربي في النهايه؟
ريم:نتيجه حلوه لكن تخيل لو بوه عايش؟؟
كيف بيكون الوضع بيني وبينه قدام ولده؟
كل يوم عراك وميروحش للحوش لانه بيكون وقتها متزوج غيري
رواد:سكت وعلامات الاقتناع على وجها
ريم:فكت يده يلي كان لافها وطلعت
رواد:خدي نفس عميق وهوا يفكر
كيف للوضع لو رجع لي المانيا ؟؟
وكيف الوضع لو قعد مع ريم وربى ولد خوه ؟
_________________________________________
سلمى:قعمزت ع السرير تبكي بحرقه 💔
اي هيا طلبت الطلاق وحصلاته
بس قلبها محروق 💔
كيف يبدلها بي وحده متزوجه وبي صغارها؟؟
كيف يبدل اهتمامها وحبها ليه بي علاقه عابره ومصيرها واضح ان فاشل
بكت هلبا لدرجة حست قلبها بيوقف 💔
موعرها كسرة الخاطر لما تجيك من شخص كنت تشوف فيه الدنيا كلها 💔
كانت العيله كلهامصدومه من خبر طلاق سلمى
كيف جي فجآه هكي بدون مبررات
ليها شهور بس يعني اطلقت وهيا عروسه قاعده
بدر قنين وشخصيه وحالته الماديه تعتبر كويسه
سلمى محترمه وهاديه وجميله معروفه عند الناس كلها بي عقلها ورزانتها
شنو الشي يلي يخلو اثنين كويسين هكي يطلقو ؟
السؤال هاذا كان في بال الناس كلها ومفيش حد لقي جواب للاسف 💔
_____________________________________
فاطمه:مقعمزه في المطبخ تقطع في السلاطه وتشوف لي انور مستغربه
ليش اليوم بايت عندها؟في العاده حتى تبدا عائشه طالعه انور يقعد فوق ولا ينزل لي امه
تشوف في انور مقعمز يقلب في القنوات وهوا واخد راحته في المكان
وقفت فاطمه حطت السلاطهفي السفره وغسلت يديها
نشفتهم وقامت شعرها
انور:يقلب في القنوات مفيش حاجه محدده عجباته
طلعت فاطمه من المطبخ وحطت السفره ع الطاوله نزلت منه زوز صواني وزوز كيسان عصير ورجعت السفره مكانها
انور:يشوف لي الصونيه ...فيها بيتزا ورز شويه فاصوليا وسلطه ...علاش محطيتيش في صونيه وحده؟
فاطمه:قعمزت ع الصالون وتشوفله .....ك كك كيف!؟
انور:علاش انتي بروحك وانا بروحي ؟يعني مفروض حطيتي سفره مع بعض انا وياك
فاطمه:مش عارف هكي جي في بالي خلاص حاضر نحطها ولا يهمك ....وناضت بس مسكها من يدها
❤️
انور:خليك ارتاحي حتى هكي عادي مش معقوله بنتعبك من جديد !
فاطمه:نزلت عيونها بصدمه لي يده وكيف كان ماسكها
انور:بعد يده بهدوء.....قعمزي تعشي
فاطمه:قعمزت وهيا تلعب بي الماكله وتفكر في تصرفات انور يلي صايره غريبه
اما انور مخلي الوضع طبيعي جدا
يتفرج ع التلفزيون ويتعشى وحتى انه يضحك لما تجي لقطه كوميديه
____________________________________
مروه:فاقت من الاغماء وهيا تشوف في نضرات الشماته والشفقه لي الناس يلي جنبها
كانت تسحابه كابوس بس لما فاقت وسمعت كلام الناس حوليها عرفت ان يلي صار حقيقه
كانت لما يصير موقف يوجعها تتصل بي صاحبتها تجي ترفعها بعيد على حوشها
بس المره هاذي صاحبتها هيا يلي كسرتها شنو رح ادير؟
ملقتش نفسها غير متصله بي بدر ومنهاره بكي 💔
تكلم فيه وتعيط وتخبط قدام الناس
خلاته يجي يروح بيها وكسرت حاجز الخوف ان حد يشوفها راكبه معاه 🔥
طلعت من حوش العرس عبايتها مش مسكره ووجها خريطه من المكياج السايح والتخبيط على وجها 💔
بدر:ولع السياره وطلع بي تسطريبه
مروه:موقفتش بكي طول الوقت
بدر:يسوق وعيونه في الطريق ....وين تبي؟
مروه:بصوت بكي ....اي مكان اي مكاااان
بدر:تروحي الحوش ؟
مروه:جديات تسأل فيا سؤال زي هاذاا؟؟
معش نبي الحوش ولا نبي حد بدر ارفعني لي ابعد مكان
بدر:ساكت وملامحه حزينه حتى هوا 💔.....كمل سواقته وكان في باله مكان واحد بس قادر يرفعها ليه ويلي هوا (استراحته )..زي العاده 🤷🏻‍♀️
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ريم:باست راس ولدها وغطاته ❤️
ركبت السرير وتغطت ....حطت راسها ع المخده وهيا تفكر
زعمى توا ريماس اختها شنو بيصير معاها ؟؟
بترجع لي حوش اهلها ولا بيديرو زي مادارولها ويجوزوها خوه 💔
من بين الافكار هاذي كلها قاطعها حضن من الخلف وغمرتها ريحة رواد ❤️
ريم:قلبت عيونها بملل ....الف مره نقولك بطلها الحركات هاذي رواد
رواد:زاد لصق فيها....اسمي قيس
بعدين مش قاتيلي مش مرتاحتلك؟خلاص خليني نريحك ❤️
ريم:وهكي بتريحني بقلة ادبك هاذي ؟
رواد:ضحك....انتي اسكتي خيرك المهم النتيجه النهائيه
ريم:ابتسمت وهيا كامته ضحكتها
رواد:قرب من رقبتها
ريم:هي هي وين استانست حسيت بيك !
رواد:بعد شويه....اسف خداني الشعور 😌
ريم:بارد ....وضحكت بصوت واطي
____________________________________
ريماس:حاطه راسي ع المخده ونفكر ...كيف بيصير فيا ؟
لعند توا ماما مسايرتني ومش مضيقه عليا يعني عادي لو رجعت حوش بوي اول ما نسكر 40يوم
مسكينه ريم 💔لما مات راجلها قلبت الدنيا وقالت لو يجي شيباني نزوجها المهم متقعدليش
علاش ديمه مرت الاب مش حنينه 🤦🏻‍♀️🤦🏻‍♀️
قاطع كلامها مع نفسها مسج وصلها ...
محمد:كيفك اليوم؟
ريماس:سكرت تالفونها وهيا متردده شن تبعتله
فتحت تالفونها تتفرج ع الرسائل كلهم تتحسب فيه
وهوا يتأسف وبي اي طريقه يبيها تسامحه !
بس الشي يلي داره كبير ومستحيل يخلي بنت تتقبل انسان دمرها 💔
رجع وصل مسج تاني مسكت تالفونها وهيا متكنطيه
بس نفتحو عيونها على وسعهم لما شافت شن مكتوب :-
محمد:تتزوجيني ؟؟
ريماس:حطاته للمره الثالثه في الحضر وهيا عارفه ان رح يخشلها برقم تاني
____________________________________
بدر:مد لي مره كوب خداته من يده وهيا متغطيه بي بطانيه خفيفه بعد ما مسحت مكياجها يلي تلخبط
بدت تشرب في القهوا وسارحه ...واضح على وجها ملامح التعب والصدمه
بدر:قعمز جنبها وكان نفس الحاله
مضايق تاعب مش مصدق ان طلق سلمى وخسرها خلاص 💔
كانت احسن واطيب وانضف بنت عرفها في حياته 💔
خسرها بسهوله هكي
مروه:تزوج صاحبتي وخاني 💔
بدر:خدي رشفه من القهوا ...عادي
مروه:شبحتله وناقره حواجبها ....شن هوا يلي عادي ؟
بدر:حتى انتي خنتيه مع ولد خالته وين المشكله ؟
مروه:من جدك انت تدووووي؟؟؟؟؟؟
بدر:مروه خلينا واقعييين شويه هاذا يلي صاير
حقيقه متقدريش تنكريها
مروه:سكتت شويه....قالتله عليا انا وياك💔
بدر:حط الكوب ع الطاوله....مستحيل كنهادا راهو دبحك وفرغ فيا
مروه؛يعني محكتلاش ؟
بدر:طبعا لا
مفيش راجل يسمع بي مرته تطلع مع غيره ويسكت
مروه:مسحت دموعها ...انت شن صار فيك ؟
بدر:شي
طلقتها وتمت القصه
مروه:سكتت
بدر:يتقلب بي ملل ومضايق 💔.....شنو بتروحي ولا كيف !
مروه:لا....بنبات هنايا اليوم لو تبي تروح انت روح
بدر:اتكى ع الطالون وعقله مع سلمى
اما مروه ناضت من جنبه وخشت لي غرفة النوم
سكرت على نفسها ورقدت ع السرير
___________________________________
فاطمه:غسلت اماعين العشي وسكرت ضي المطبخ
اتجهت لي غرفة نومها ترتب في حوايجها
سكرت الضي وتغطت في سريرها
سكرت عيونها وهيا تستغفر عشان تقدر تقدر ترقد بدون ما تبكي هلى بنتها نفس كل ليله
بس فجآه ناضت مخلوعه من مكانها
انور:خيرك؟
فاطمه:حاطه يدها ع قلبها....لل ل لاء لا شي بس نخلعت مش متعوده حد معاي في الشقه
انور:اسف
فاطمه:ولا يهمك عادي ...ورجعت تغطت
انور:نحى تب التوته يلي كان لابسه
فاطمه:رقدت ع السرير وهيا مغمضه عيونها بتوتر
انور:وتعودي يكون فيه حد معاك في الحوش
قاطمه:فتحت عيونها بصدمه وهيا مش فاهمه!!
انور:رجع سكر الضي ورقدت جنبها في السرير عادي زي اي متزوجين !!
____________________________________
ليل معبي بي التفكير !
بدر يلي مشاعره تلخبطت 💔
اول مره يكون مع مروه في استراحته ومتكونش في حضنه !
علاش المره هادي حس بي قرف العلاقه بينهم؟
علاش مش قادر ينسى تعابير وجه سلمى لما طلقها
كانت مكسوره بس قويه لما حبست دموعها في عيونها 💔
كيف كانت قويه هكي رغم عارف ان في ناااااار داخلها تحرق فيها
ليل معبي دموع علي مروه يلي حست بي شعور سلمى 💔
نفس قسوة الخيانه بس راجلها دارها بي الحلال وهيا بي الحرام !
امها تتصل بيها الف مره وهيا متردش
استغربت امها كيف مروه مجتش خدت صغارها لعند ها الوقت ؟
ليل معبي دموع على سلمى حتى هيا !
كيف سلم فيها بسهوله هكي !!
كانت تتمنى لو سكر راسه ع الطلاق
تتمنى لو طلب منها السماح وحلف ميعاودهاش
كانت رح تسامحه مستحيل ترده من كثر حبها 💔
بس هوا كسرها وخلاها💔
ليل معبي تفكير على ريماس ...
شن هدف محمد من كل يلي يدير فيه !؟
جديات ناوي يصلح غلطته بس في شي تاني ؟؟
مهما كان هدفه قاعده حاسه بنفس الكره في قلبها
ليل معبي انتضار على نورهان يلي كانت مصره متفقدش الامل في مجد
وكانت رح تراجيه العمر كله ❤️
ليل معبي بي دقات قلب عاليه على فاطمه !
وجود انور جنبها في السرير لي اول مره موترها
شنو سر الحركات هادي ؟
نفس دقات القلب موجوده عند ريم في كل مره رواد يدير في روحه راقد ويزيد يتقرب ويلصق فيها❤️
تفك في يده في كل مره ويرجع فيها احرف من قبل لين خلاص استسلمت 😂🤦🏻‍♀️
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ثاني يوم🌥🌥
الساعه 10ونص الصبح:-
ريم:التفتت وهيا مسكره عيونها وتتكسل
واول ما فتحت عيونها كان رواد قدام وجها راقد❤️
ابتسمت بي عفويه وبعدت يديه من على خصرها وناضت
مسكت ولدها يلي كانت يتململ في فراشه وبدت تلعب فيه وتحضن فيه
_______________________________
انور:طالع من الحمام وهوا مبتسم....صباح الخير
فاطمه:صباح النور...وحطت السفره ع الارض
انور:اي هكي في سفره وحده
فاطمه:ابتسمت ...اي درته ع خاطرك هكي
انور:سلم خاطرك❤️
فاطمه:كيف ام عائشه؟
انور:بخير كلمتني امس قتلي بدت تتحسن
فاطمه:الف لاباس عليها
انور:تسلمي....تطلعي معاي
فاطمه:وين؟
انور:بنخطم على صاحبي يخدم في المرسي انزلي غيري جوك شويه ع البحر
فاطمه:مبتسمه بتوتر...اء اء اي عادي
انور:تمام كملي فطورك ووتي روحك معناها
فاطمه:ان شاء الله
انور:كمل ماكلته وعيونه في التالفون
________________________________________
في السياره:-
مروه:اول مره تروح بيا من غير فطور
بدر:عندي خدمه
مروه:حطت يدها على خده ...مش م...
بدر:قاطعها....مروه مش رايق لي قصصك ريحيني
مروه:بلعت ريقها وسكتت
بدر:انزلي مش طايق روحي
مروه:فتحت الباب ونزلت وهيا مضايق 💔
جت بتركب لي شقتها شافت كندرة ايمن قدام باب حوش العيله وجنبه كندرة بنت
خشت ولما شافتهم هجمت على صاحبتها تحاول تضربها وتنعت فيهم بي ابشع الالفاظ🤦🏻‍♀️
حياة:واقفه بعيد ع اساس كيوت وخايفه ومروه ماسكها ايمن وامه سعاد يلي كانت راضيه على الزواجه هادي
والسمر يلي تتفرج من بعيد تضحك متشمته
استمرت مروه تعيط وتعافر في ايمن لي دفها وطاحت ع الارض
ايمن:خلااااااص عاد انتي مش اول ولا اخر وحده يجيب راجلها ضره
مروه:اكتفت انها تسكت وتشوفلهم ...زادت حرقتها نضرات سمر يلي كانت تضحك
قربت نورهان من مروه وقامتها من على الارض
نورهان:ارحمي نفسك هاذم مينفعش الدوه معاهم
اطلعي وخلاص
مروه:لملمت باقي كرامتها وركبت لي شقتها تبكي
لمياء سكرت روشن شقتها بعد ما كمل صوت العياط
____________________________________
رواد:مقعمز يفطر
سهام:تو مش كان جبتلي الخضرا بكري خير؟؟
رواد:صبح يافتاح خلينا نفطرو
سهام:به وانت متبيش حد يكلمك سبحان الله
ريم:تو يجيبها بسيف عليه يا امي ولا يهمك 😂
سهام:سلمك كنه وخلاص 😂
ريم:سكتت وهيا تراجع في كلامه....قتلها يا امي ؟❤️❤️
سهام:ريم بالله جيبيلي الفرخ خلي نمرجه شويه😂
رواد:صغير الولد ردي بالك
سهام؛انت الهى في فطورك واسكت ...كمل بسرعه واطلع جيب الخضرا جارتي سماح بتجيني
رواد:ردي بالك تخليها تقرب الولد تشفطه بي بوسه هيا فمها اكبر من وادي الكوف
سهام:خزي حرام عليك😂😂😂
ريم😂😂😂😂
انور:السلام عليكم
سهام:توترت لما شافت فاطمه نازله حتى هيا
رواد:اهلا ابو النور ...وينك امس مجيتش شوط الكارطه!
انور:رقدت الصقع هوا مايبي الا النوم
رواد:النوم وال ...هاااا😂😂
انور:وسخ😂
رواد:بي نبره عاديه جدا....شن حالك فاطمه اليوم؟
فاطمه:شبحتله وردت...الحمد الله الله يسلمك
ارتاح قلب سهام لما شافتهم يتعاملو عادي بدون حساسيات
وريم كانت تراقب في حركات رواد بي الملي ولقاته فعلا مفيش اي حركه غلط دارها مع فاطمه !
______________________________________
مروه:نزلت من الدروج مع شنطتها يلي لمت فيها كللللل حوايجها
تلاقت مع حياة في الدروج
مروه:الله لايهنيك وربي يحرق قلبك زي ما حرقتي قلبي ياواطيه ياخاينه حسبي الله فيك
حياة:ضحكت....حبيبتي ربي حرق قلبك انتي زي ما حرقتي قلب مرت بدر المسكينه وكان في خاينه هيا انتي
انا خديته بي الحلال وهاذا شرع ربي وردي بااااالك تفكري اديري حاجه
احمدي ربك قاعده مش فاضحاتك مع راجلك والله لو نشوف شي ميعجبنيش نقوله وبي الدلائل
مروه:كانت مصدومه في طريقة كلام صاحبتها💔💔💔....اشبعي بيه خليتهولك
وطلعت
_______________________________________
في سوق الحوت:-
كانت اول مره لي فاطمه في سوق الحوت
مستغربه تتفرج وخايفه اضيع وسط الزحمه 😂
مسكت يد انور وطول الوقت مصدومه في انوع الحوت واشكاله الغريبه يلي اول مره تشوفهم !
انور:مسك اخطبوت....شوفي هيا بالله مش تشبه سميره يلي تجي تهدرز ع امي
فاطمه:طلقتها ضحكه من قلبها
انور:كان فرحان ان شافها تضحك من جديد بعذ موت بنتها
كمل يلف بيها السوق ويهدرز ويضحك معاها لين اتصلت عائشه طلبت منه فلوس ويجي للمشفى يجيبهم
ركب فاطمه معاه ومشي...طبعا طول الطريق وفاطمه مسكتتش وهيا تحكي مصدومه في السوق
وصلو للمشفى ونزل انور بسرعه ...عطي لي عائشه الفلوس واطمن عليها وطلع لكن!!
شتفت عائشه ان فاطمه معاه في السياره وحستها💔
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
بعد مرور 5شهور
5شهور كانت كافيه!
كانت كافيه تخلي رواد متعلق بي ريم ويحب يحكيلها كل شي يصير معاه بي الحرف يحب يستفزها عشان تعصب
يفوت قدامها يلقاها ماسكه كتاب يطيحه على وجها😂❤️
كانت كافيه لي ريم عشان تتأكد ان رواد مش كله سلبيات
فيه حاجات حلوه!
5شهور كانت كافيه عشان ريماس ترمي العده وتبدا تعتاد على الجو في حوش بوها
رغم انها حست روحها ثقيله على اهلها بس مع هاذا مستحيل تغامر وتتزوج من جديد!
5شهور كانت كافيه تخلي انور ميحبش القهوا الا من يدين فاطمه
معش يحب يطلع حتى لي السرق العادي الا مع فاطمه
لان كان دمها خفيف واضحك فيه ❤️
بدي يميل ليها!!!
اما عائشه لهت مع مرض امها يلي زاد وهملت انور💔
5شهور مكانتش كافيه لي سلمى يلي مقدرتش تنسى حتى بعد ما رمت العده💔
كل ليله نفس الدموع ينزلو ونفس الاسئله في راسها
5شهور مكانتش كافيه على بدر ينساها او يرجع يتقبل مروه من جديد
مكانتش كافيه عشان ينسى ان هوا فقد حاجه مستحيل تعوضه!!
5شهور مكانتش كافيه عشان مروه تطفى نار الحقد داخلها انجاه صاحبتها
طلبت الطلاق وايمن ماترددش وعطاهولها 💔
قعدو صغارها معاها وفهمت ان حتى بدر معش متقبلها💔
5شهور خلت نورهان تفقد الامل في مجد ومن الغل وافقت ع الشخص يلي تقدملها
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
سلمى:قامت الصلايه ....ادخل
امها:تقبل الله
سلمى:منا ومنكم
امها:شابكه يديها بتوتر...شنو حالك
سلمى:ضحكت...شنو حالي؟؟ماما خيرك
امها:بلعت ريقها....في شخص برا
سلمى:مني !
امها:اء ب ب بدر
سلمى:.....
__________________________________
رواد:خش لي غرفة النوم .....
ريم:ماسكه ولدها ..تلفتت
تمسح ع شعر ولدها....اهو جي بابا البارد هي
رواد:حطي الولد شويه نبيك
ريم:فهمت من تعابير وجها ان في شي.... حطت ولدها في سريره وجاته ...شنو؟
رواد:يشوفلها
ريم:خبطاته ع كتفه ....خيرك تقول في حد خالعك 😂
رواد:خدي نفس ...
ريم:اممم الموضوع جديات يعني !!؟شنو مخبي عليا !؟
رواد:مش انا يلي مخبي عليك المره هاذي
المره هادي انتي ريم ......
__________________________________
انور:حط الفوشار ....تعالي فاطمه
فاطمه:طلعت من الحمام اوراق وعيونها دموع
انور:تعالي الفيلم بيدا
فاطمه:قعمزت جنبه وعيونها ع الاوراق
انور:شن فيه ؟
فاطمه؛عائشه امتى بتروح ؟
انور؛ممكن بكرا
فاطمه؛ابتسمت وعيونها يطيحو ....اي احسن
انور:خيرك؟
فاطمه:خدت نفس ....يتبع


reaction:

تعليقات

تعليق واحد
إرسال تعليق

إرسال تعليق