القائمة الرئيسية

الصفحات

رواية ادوار وهمية الفصل السابع عشر 17 بقلم بنوتة الشيخ

      

 رواية ادوار وهمية الجزء السابع عشر



رواية ادوار وهمية البارت 17 الحلقة السابعة عشر


ريم:سكرت ضي الدار وخلت السهاره مفتوحه
رواد:علاش انتي هكي !؟
ريم:كيف،؟
رواد:حتى قصتك تحكي فيها بي لا مبالاة؟؟
شن صاير معاك مخليك هكي ريم!
ريم:غمزتله...مش لازم كل شي تعرفه
رواد:ترديلي فيها يعني !
ريم:بنضرات تكبر....اي😌
وعطاته بضهر تغطت ورقدت
رواد:سكر ضي السهاره يلي جنبه ورقد
لعب في راسه الشطان وهوا يشوف لي كتفها المكشوف
قعد يقرب بشويه بشويه لين لصق فيها بتردد كبير قرب يديه على خصرها ونجح في الشي هاذا
ريم:بعد من عليا بلاش حركاتك الرخيصه هاذي
رواد:ضحك وناض يشوفلها....من امتى كانت حركات المتزوجين رخيصه!؟
ريم:لما اديرها مع اي حد طبيعي بتولي حركات رخيصه
رواد:ضربها ببصاره على وجها....خير امك انتي كارهتيني هكي
ريم:خايفه نحبك وانت قيس بعد يومين تطلعلي بي شخصية حد تاني
رواد:ضحك .....وانا خايف نحبك وانتي ريم تطلعيلي ريماس زي ماصار مع ناصر
ريم:ضحكت وهيا تساوي في الغطا
رواد:تنهد وهوا يشوف لي السقف.....كلها ادوار وهميه الزح
ريم:قعمزت وتلفتتله....امتي بتجيب ولدي؟
رواد:غضوا ممكن ...كان لحقت
ريم:امك متحكي شي؟؟يعني عادي
رواد:شن دخلها؟
ريم:تضايق مرات ..مش انت قلتلها ان ولدي مش معاي من البدايه !
رواد:في حوشنا في استقلاليه في المواضيع هيا كل واحد حر في نفسه
ريم:خدت نفس ...شكرا
رواد:قام حاجبه وهوا يمضغ....ع شنو!
ريم:انك خديت بخاطري وبتجيبه وهكي
رواد:شافلها بخبث....تقدري تشكريني بطريقه ثانيه ع فكره
ريم:في احلامك قيس....ورقدت
رواد:شايفك تعودي ع اسمي الجديد ياعبيده
ريم:طالع عليك لان اسم شلافطي
رواد:ضحك بصوت واطي....قويه الفرخه
_______________________________
انور:ناض من النوم ع صوت صياااح وتكسير
صوت كأن في حد مخنوق بيموت 💔💔
نزل من السرير بسرعة البرق يحاول يتماسك لين يوصل للغرفه يلي فيها فاطمه..
فتح الباب وشاف المنضر يلي مستحيل ينساه في حياته
كانت فاطمه تحاول تنتحر عن طريق انها تشنق روحها💔
نخنقت بي الوشاح يلي ربطاته في الثريا متع الكرستال
بس الثريه متحملتش وطاحت تكسرت على فاطمه
تقدم انور في اتجاها وهوا خايف يكون صايرلها شي
انور:انتي بخير؟؟؟
فاطمه:منهاره بكي ....لا💔
استمرت فاطمه تبكي بحرقه تمسح في دموعها ويديها دم من المرش يلي متناثر في كل مكان
ساعدها انور انها تنوض وقامها في حضنه
لان فاطمه مكانتش تقدر تمشي او تطلع من دائرة المرش يلي كانت محاوطتها
طلعها من الغرفه يلي كانت فيها لي غرفة النوم
جاب الكحول والفاشه وقعد يداوي في يديها ويحكي
انور:درتي حادث ومخداكش ربي
حاولتي تنتحري وقصيتي وريدك ومخداكش ربي
وتوا تحاولي تنتحري وانتي مخنوقه ونفس الشي ما متيش
افهمي فاطمه ربي يعطي فيك في فرص معش اضيعيها
فاطمه:نزلت راسها ع الارض تبكي ....لي شنو بنعيش ؟💔
بنتي يلي درت كل شي عشانه ماتت وضاعت من بين يديا
قيس روح مع مرته وحتى لو مكانش متزوج منقدرش نرجعله بسبب كل شي صار
انا موجوده بدون فايده حمل عليك انت ومرتك بس انور💔
انور:وجعاته💔...سكت بدون مايحكي حرف
يشوف فيها تبكي وقلبها محروق وهوا مش قادر يدير شي
بكت فاطمه بدرجه مش طبيعيه اي حد يشوفها مستحيل يقعد فيه صبر وبي الاكيد رح ينهار ويبكي معاها
قرب منها انور ...قعمز على السرير وحط يده على ضهرها يحاول يصبرها على الدنيا يلي قست عليها
انور:انتي شايفه الدنيا سوداء لانك قاعده متخطيتيش الصدمه
صدقيني بيجيك وقت وترجعي لي حياتك الطبيعيه ورح تتعافي من هاذا كله
فاطمه:بحركه عفويه لي اي حد مجروح حضناته ممكن تحس بي شويه امان يخفف عليها
انور:في ضرف واحساس زي هاذا مقدرش يبعدها 💔
وزي كل موقف يصير في حياتنا بي الغلط خشت عائشه عليهم 💔
شفت المنضر واختارت انها تنسحب على طول بس انور تلامحها 💔
انور:بعدها من عليه بلطف....تريحي هنايا شوي ونجيك
فاطمه:هزت راسها موافقه ولفت جسمها على بعضه ورقدت
______________________________________
نورهان:يلي صار معاها كأنه حلم ❤️
حلم جميل ومتبيش تفيق منه
فرحت بي رجعة مجد ليها وانه قطع طريق طوووويله عشانها
فرحت انه قاعد مذكرها ومنساهاش❤️
فرحت انه واعدها ياخدها❤️
تلاشت ابتسامت نورهان وهيا تفكر....ياخدني؟؟
شن كان قصده لما قال رح نرجع وناخدك من هنايا؟...يتزوجني يعني؟!
حطت يديها ع فمها بصدمه....يديرها ويتزوجني!!!
في نفس الوقت كان مجد يفكر وهوا يسوق ويحكي داخله
مجد:انا غبي؟؟؟؟
كيف نقطع مسافه زي هاذي عشان نشوفها!!
كيف نوعدها بي شي انا منعرفش لو نقدر عليه اولا!
ضرب يده ع المارشه ....وين كان عقلي وقتها🤦🏻
سكت شويه وهًوا يسوق بعدين قال....منعرفش شن صايرلي
لكن كل يلي نعرفه اني وعدت ونبدا عيل كان خلفت وعدي
_______________________________________
انور:عائشه عائشه
عائشه:تحاول تمسك اعصابها ...تلفتت
انور؛حاولت تنتحر و.....
عائشه:تشوف لي الثريا الطايحه ....لو حاولت تنتحر ادخلها غرفة نومي وترقدها على سريري وترقدها في حضنكككك ؟؟؟؟
انور:حط يده ع راسه ....منعرفش كيف بنبررلك لكن خشت بعضها عليا انا بروحي مفهمتش كيف صار
عائشه:اوكي قلبك طيب وواقف معاها لانها مجروحه
به وانا؟؟
تحملت انها تكون ضره تحملت ان تكون عندك بنت بي اسمك وهيا لاهي من دمك ولا من دم خوك ومع هاذا كله قلت حرام منبيش ندير معاها جو الخبث الانسانه هاذي يلي فيها مكفيها
بس حتى انا نحس انور💔
انور:حضنها بقوه.....نخسر العالم كله ومنخسركش انتي عارفه كويس الشي هاذا ولا لا !!
عائشه:بعداته....يلي نعرفه ان بيجي يوم خلاص معش نقدر نتحمل فيه شي
وخدت المكنسه وخشت لي الدار بدون ما تحكي كلمه زياده
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ليل طويل :-
رقدت فيه فاطمه من التعب
ومرقدتش فيه نورهان من الفرح ❤️
ناضت فيه ريم ع غفله شافت رواد ماسك فستان فاطمه يشوفله💔
قرب عليه بعدين تراجع ولوحه
فهمت ريم ان رواد منساش حبه ليها رغم الضروف المعقده وكونها مرت خوه توا💔
ناضت فيه سلمى وشافت بعينها كيف بدر راقد متغطي وقدامه التالفون مفتوح ع مكالمة فيديو
كانت مروه راقده مقابله ومسكره عيونها
نزلت دمعت سلمى بدون صوت وسألت نفسها لي الدرجه هادي الحب؟؟؟
ليل طوييييل
وكانت فيه بطله تخطط كيف تتخلص من الانسان يلي كابس ع حياتها ومكرها في عيشتها
البني ادم يلي مداير الفرق بينها وبين بناته والفرق هاذا بيقتلها
فات احلا ليل على ريماس ❤️
سكرت عيونها لاول مره وهيا مرتاحه ❤️
مفيش حد يخبط عليها معندهاش موعد معين لازم تنوض فيه
مفيش صوت اغاني وضحك رجاله وهيا خايفه يخش عليها حد في اي لحضه
رقدت وهيا تدعي انها تنوض وتكون موتت وليد مش مجرد حلم وينتهي
ليل طويل على عائشه وهيا تهزب في نفسها
كيف مش قادره تتحكم في مشاعر الطيبه يلي عندها
انور بيضيع من بين يديها 💔
في النهايه شافت لي وجه انور التاعب ...قربت عليه خطاته وباساته ع راسه
اختارت انها ترمي حمولها على ربي وبس
___________________________________
ثاني يوم ..🌥🌥
الساعه 10الصبح :—
بدر:طالع من الحمام ......صباح الخير
سلمى:تسكر في الغاز....صباح النور
بدر:استغرب كيف ردت عليه !!...واضح ان سلمى بدت ترضى بي الشويه
قعمز بدر ع الطاوله بدي يفطر بشويه عليه
اما سلمى خشت لي غرفة نومها معش طلعت !!
__________________________________
رواد:ياكل...في موضوع بنهدرزو فيه
ريم:تصب في القهوا....يلي هوا !؟
رواد:يشوفلها وعيونه بيطلعو...ممكن بعد اذنك تسكري التوب باش نقدر نركز
ريم:سكرت السريته وهيا مبتسمه بي استفزاز....احكي
رواد:خدي رشفه من القهوا....بتنتقلي لوطه مع امي
ريم:ضحكت...مستحيل
رواد:نعم!؟
ريم:تغيرت ملامحها لي جديه....شنو بابا النضرات هيا
لا نعم لا جلم ندوي جديات انا طبعي ميتأقلمش مع العزايز خلينا واقعيين هوا انت ومتحملني بسيف تبي امك تتحملني!
رواد:فاطمه بترجع هنايا معندهاش مكان ومتقدرش تقعد مع ضرتها
ريم:تشوفله بنضرات غريبه...فاطمه!؟
رواد:اي...بطلي عناد في لوطه جناح دار نوم وحمام ومطبخ بار مفتوح فيه صاله صغيره يعني مليكش علاقه بيها امي
ريم:سكتت وتلفتت ....وقفت ع روس صوابعها تجيب في الطواسي
شافلها رواد من فوق لعند لوطه ....واصلا لازم تسكني بروحك باش تقعدي تلبسي هكي 🔥
تعودت نشوف الحاجات الحلوه هيا🤤
ريم:رشت عليه اميه......بطل قلة ادب ع الصبح
ملبس لي روحي مش عشان سواد عيونك
رواد:حط يده ع خدها واستمر يتفرج عليها بي نضرات ادوب
وطبعا ريم متجاهله النضرات هاذي زي كل مره!
____________________________________
مروه:مقعمزه تفطر في صغارها
خش عليها ايمن ناضت بنته تجري حضناته❤️
مروه:وين كنت بايت؟
ايمن:اعتقد انه ميهمكش !
مروه:سألت انا
ايمن:قعمز حط بنته على رجله متجاهل النضر لي مروه....عند صاحبي
مروه:ولدك حليبه كمل وبنتك عندها تطعيمه
ايمن:يصير خير
مروه:نبي فلوس
ايمن:شافلها بهزوه....فلوس ؟
مروه:اي ....عرس حياة متحدد من شهرين وانا نوقض فيك
نبي ناخد قفطان ونبي حق المزين
ايمن:معنديش
مروه:نعم؟؟؟جديد الكلام هاذا
ايمن:قلت م.......
مروه:ترضاها انت؟؟؟...ترضى يقولو ع مرتك متشرده؟
ولا راجلها ميصرفش عليها!!
ايمن مهما كانت علاقتنا مش تمام بس لازم قدام الناس نكونو بي شكل كويس عشان صغارنا
ايمن:سكت وعلى وجها علامات الاقتناع ....انا بنرقد
مروه:وقت نوم هوا ؟
ايمن:امس حوش صاحبي غريب عليا مقدرتش ناخد راحتي فيه ....وخش غرفة النوم
مروه:على وجها علامات القرف....الله ياخدك
_____________________________________
عائشه:تحكي ع التالفون...شويه وتجي امها
اكيد بتتغدى هنايا قلت انوض بكري نطيب
ولاء:حماره انتي ؟؟؟
عائشه:لو تشوفيها يا ولاء والله تقطع القلب تبي تقتل روحها بي اي طريقه
ولاء:اوكي تسحف ربي معاها بس يا هبله ضرتك راهو
عائشه:مش موضوعي تكون ضرتي او شي تاني
بس المهم اني بنعمل بي اصلي
ولاء:انور م......
عائشه:قاطعتها....انور يحبني ❤️
مستحيل يفكر في شي تاني وكل ما ندير حاجه كويسه تقعد في ذاكرته❤️
ولاء:صدقت ماما لما قالت اختك عبيطه
عائشه:ضحكت....مسمومه مابعد يلي بيطيح فيك انتي
ولاء:انا عندي محاضره هي اقلبي وجهك يانيه
عائشه:هي سلام😂❤️...سكرت عائشه التالفون
حطاته ع جنب وكملت تقشير البطاطه
انور:حضنها من الخلف .....صباح الخير❤️
عائشه:ابتسمت ونزلت راسها ع جنب مكمله يلي في يدها..صباح النور
انور:شنو اديري ؟
عائشه:امك قالت ان مريم ام فاطمه بتجي عشان بنتها قلت نذير الغدي بكري
حرام امك تتعب فيه وهيا مش ناقصه
اااه والفطور وراك واتي
انور:باسها في رقبتها بحنيه.....كيف نكافيك؟
عائشه:سيبت يلي في يدها والتفتت ليه
حطت يديها الاثنين ع كتافه وقرباته منها ❤️....متتغيرش عليا❤️
خليك معاي متخليش حد ياخدك مني ❤️
انور:وانا معاك وليك طول العمر
عائشه:ابتسمت وقربت منه
قرب منها انور بيخطف منها بوسه بس قاطعهم صوت فاطمه يلي كانت واقفه على بعد خطوات منهم
فاطمه:بصوت متردد ...صباح الخير
عائشه:بعدت بسرعه من انور وعطتها بي الضهر
انور:بتوتر ومتحشم من الموقف......صباح النور
فاطمه:مشبكه يديها في بعض ولابسه برنوص كانت عيونها متورمه زي العاده💔 ....انا نبي ننزل
انور:وين؟شقتك مش فاضيه لوطه
فاطمه:عارفه....نبي نقعد جنب امك لين ترصل ماما ونروح معاها
انور:تروحي؟؟وانتي في الحاله هادي. ؟
فاطمه؛اي ....منبيش نثقل اكتر من هكي يكفي يلي صار امس
انا اعصابي تعبانه مش مجبورين تتحملوني
عائشه:استجمعت شجاعتها وتلفتت....لا مثقله ولا شي
تقدري تقعدي معانا لين تستعيدي عافيتك بشويه متنزليش وحتى امك غداها فوق اليوم
ركزي ع صحتك لين ترجع بعدين امشي وين ما تبي
انور:ابتسم....مفيش كلام بعد كلامها 🤷🏻‍♀️
فاطمه:ابتسمت بي تعب ....ربي يحفضك
عائشه:ويحفضك...تعالي قعمزي افطري مابين كملت الغدي
فاطمه:لا معنديش نفس صحيتي ...انا نبي نرقد بس
عائشه:ع راحتك
فاطمه:رجعت للغرفه حطت راسها ع المخده وسكرت عيونها كأنها تبي تهرب من الواقع عن طريق النوم 💔
___________________________________________
ريم:ماسكه شنطة السفر
سهام:رتبي حوايجك طول لاني نضفته الجناح
امس من لما قالي قيس بتجو لوطه طرت من الفرحه والله
ريم:ابتسمت...ربي يعطيك الصحه
رواد:ماسك الشنطه التانيه وخش
سهام:رتب معاها المرا متخليهاش بروحها
رواد:واقف جنب ريم....اكيد امالا شنو
سهام:السخانه فصلتها عشان المولد
رواد:لمس ريم في خصرها بدون ما تشوفه امه
ريم:نصدمت وقعدت ساكته بدون حركه قدام امه ومش قادره تكلمه
رواد:منتبه مع امه ويده في خصر ريم وتنزل بشويه
ريم :مسكت الشنطه.نخششها وتجيك خالتي
سهام:به بنتي ...شافت لي رواد
امشي ساعد البنت تحرك
رواد:خدي الشنطه التانيه ولحقها
__________________________________________
بدر:يغسل في يده وتلفت انصدم
سلمى لابسه عبايتها وواتيه مع شناطي جنبها
بدر:وين؟؟
سلمى:حوش اهلي
بدر:وحوش اهلك رافعه الحوايج هاذم كلهم؟؟؟
عرس ولا شنو؟
سلمى:شافت لي الشناطي....لا مش عرس
كل القصه ان خلاص ماشيه ومش راجعه
بدر:نعم!!!؟
سلمى:اي زي ما سمعت....مش مفيش حاجه في الدنيا تجبرني نعيش مع شخص قلبه مش معاي!
بدر:بطلي هبال ورجعي شناطيك داخل
سلمى:امس بايت معاها!!فيديو
بدر؛شافلها بنضرة كيف عرفتي !
سلمى:اي اي واخدك النوم وهيا راقده والمكالمه بينكم شغاله بدر
بدر:انا مش......
سلمى:منبيش نكثر كلام الله يخليك يكفي
بتروح بيا باهي متبيش بنكلم خوي احمد ولا ماما يجوني
بدر:خدي مفاتيحه وطلع وطبعا لحقاته سلمى
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
مريم:نوضي روحي معاي يابنتي قعادك هنايا غلط
انا امك نهتم بيك راك بنتي الوحيده
فاطمه:انور حلفلي مفيش طلوع لين نرد صحتي
مريم:كيف يتقعدي وجهك في وجه هذاك النذل يلي سيبك في عرسك ترا فهميني
فاطمه؛مستحيل نسمح لي نفسي نتلاقى معاه ابدا
بعدين خلاص هوا عنده مرته وكل حد فينا شاف طريقه
مريم:ربي معاك ويجازيك على صبرك وخلاص
فاطمه:خوتي كيف حالهم
مريم:بخير معش عرفنا وين نمشو هنايا ولا حوش خالتك
فاطمه:خالتي!!
من خالتي
مريم:كميله ....منبيش نرعشك
فاطمه:احكي شن صاااير
مريم:وليد توفى....عريس مسكين سحن كبد امه
فاطمه:عيونها لمعو...ك كك كيف مات!
مريم؛لقوه ميت في فراشه كل واحد يقول حاجه
فيه يلي يقول مخدرات ويلي يقول سكته قلبيه
اهو مات وخلا مرته عروسه شهور بس
فاطمه:داخلها نطفت النار اتجاها لما عرفت ان ربي خدالها حقها 💔
طق طق طق
عائشه:فتحت الباب وحطت سفره مشكله❤️
تفضلو غدي
مريم:مكلفه على روحك يابنتي صحيتي
عائشه:ولا يهمك ....تعالي فاطمه لازم تاكلي عشان الدوا
فاطمه:تعالي معانا
عائشه:بتوتر....لا صحتين انا حطيت مع انور
فاطمه:تفهمت الوضع...اها تمام يسلمو يديك
عائشه:الله يسلمك صحتين....وطلعت
_____________________________________
خش رواد للغرفه ماسك الشنطه ونهالت عليه ريم ضرب بي شنطتها ورواد يضحك حاول يمسكها بس كانت عنيده ومستمره تضرب وتهزب لين مسكلها يديها الاثنين وطيحها ع السرير
ريم:داهشه ونفسها بسرعه بسرعه حاسه قلبها بيطلع....الف مرررره نقولك الحركات الرخيصه هادي معش اديرهولي تجي اليوم اديرهالي قدام امك ياصايع
رواد:ماسكلها يديها ويضحك...قرب منها ويحكي بصوت واطي
كنت نبصر خيرك متتحمليش
ريم:مش بصاره هاذي اسمها حرق دم لما ادير الحاجه وعارفني منحبهاش
رواد؛انتي دمك محروق ولا فاير لانك تفقدي في اعصابك لما تشوفي فيا
ريم:شنو معناها هيا؟؟....تقصد اني؟
نحييييبيي من عليا تو نوريك فقد الاعصاب كيف
رواد:طلقها وطلع من الغرفه بسرعه وهوا يضحك
_____________________________________
فاتو اسبوعين مسكرات🤞🏻
رجعت فاطمه شقتها اول يومين تعبت فيهم بس في كل مره تلقى انور جنبها❤️
بدت تحاول تطلع من الحزن يلي محاوطها خصوصا ان رمضان قرب❤️
سلمى:رجعت حوش اهلها وطلب الطلاق رسميا بدون ما تذكر السبب
ع قد ما ترجتها امها وخوي مقالتش لدرجه يسحابوها مسحوره !
تحسنت علاقة عائشه بي انور خصوصا بعد ما انور شاف طيبت قلب عائشه وقطع ع نفسه ديم يسعدها العمر كله
ما ريم تأقلمت مع ام رواد(قيس)كل يوم تشرب في قهوة العشيه مع بعض❤️
ويهدرزو ...ريم محستش ابدا بي ان سهام تفكيرها معقد او كبيره في السن
علاقتها مع رواد كانت مش مفهومه ...مفيش اي مشاعر بينهم
بس كانت تحب تستفزه بي لبسها ومكياجها وحركاتها
وهوا مرات يشد في روحها ومرات يفقد في اعصابه معاها ولما خلاص يوصل فيها تمنعه 🤚🏻
نورهان:فرحتها مدامتش...زي ما جاها مجد فجآه وواعدها
اختفى من جديد بدون ما يكلمها
بدر كان شعوره ملخبط بين الحوش يلي بدي مكان سيئ وفاقد الحياه بدون سلمى 💔
وبين تمسكه بي مروه !....مشاعر متلاشيه مش قادر ياخد قرار
مش قادر يطلق سلمى ومش قادر يقعد مع مروه
______________________________________
طق طق طق
فاطمه:حطت الصلايه ع جنب وفتحت الباب...اهلا انور
انور:عرف من عيونها ولبستها انها كانت تبكي في صلاتها زي العاده ...اهلين بيك
فاطمه:سكتت شويه وانور مطلبش شي تحشمت ...تفضل خش
انور:زايد فضلك ...ونحى الكندره وخش
فاطمه:خشت بسرعه للمطبخ حطت قهوا ع النار كأن يلي جي ضيف براني مش راجلها💔
انور:خش وراها...جيت نطمن عليك
فاطمه:ابتسمت...ربي يبارك فيك
انور::عائشه امها مريضه هلبا واحتمال تبات غادي لي وقت مش معروف
فاطمه:الف لاباس عليها شن صاير؟
انور:مفهمتش بس الموضوع فيه المعده وهكي
فاطمه:سلامات ما تشوف شر
انور:يحكي بتردد....الله يسلمك
اء المهم اءء انا اليوم
احتمال نبات هنايا
فاطمه:الحوش حوشك نسأل فيا !
انور:ضحك بتوتر
______________________________________
ريم:مقعمزه جنب سهام وفاتحه تالفونها زي العاده
سمعت سهام قالت
سهام:منو الحلو هاذا!!
ريم:قامت عيونها وقلبها بيطلع من مكانه لما شافت ولدها ....ناضت تجري خداته في حضنها ❤️
كان صغير عمره شهرر
حضناته وتشم في ريحته بطريقه تجنن
سهام:صغير وليدك
ريم:هزت راسها بمعنى اي وعيونها ع ولدها
سهام:ربي يفرحك بيه
ريم:يارب .....شافت لي رواد
صحيت هلباااا
رواد:العفو....الولد جعان رضعيه
ريم:هزت راسها وخشت بيه بسرعه لي دارها فرحانه بيه
سهام:مسحت دموعها ورجعت للمطبخ
_______________________________________
لمياء:انا مش فاهمه شي كيف خوك رجع فجآه
وكيف امها تعطيه الولد
كريم:شي طبيعي الولد يردوه لي امه لانه صغير
لمياء:كيف بوك م ......
كريم:خلاااااص لمياء ياسر صدعتيلي راسي
لمياء:اوووووف سكتنا
_____________________________________
بدر:وين طالعه؟
مروه:نوتي في روحي عندي عرس صاحبتي حياة
بدر:هاذي يلي تسوق ؟وتجيب فيك ايام الاستراحه؟
مروه؛اي هيا
بدر:امتى مروحه؟
مروه:منعرفش ....انت صارلك من مشي لي سلمى ؟
بدر:اي بعد المغرب
مروه؛لو متبيش ترجع براحتها
بدر:مروووووه شن قلنا في الموضوع هاذا حني !
مروه:اوكي به😒
بدر:توصلي كلميني
مروه:تمام
بدر:سكر الخط
مروه؛الحقيره هاذي ان شاء الله يطلقها ونفتك منها
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
الساعه8المغرب:-
رواد:طلع من الحمام يمسح في وجها ...رقد البطل
ريم:تمسح ع شعر ولدها.....اي
رواد:مليح....وقعمز ينحي في خاتمه
ريم:اعتقد خلاص مش محتاج وقت اكتر من هكي عشان تقولي
رواد:شني؟
ريم:شن في رواد!
كيف قدرت تجيبه الولد؟؟
كيف قدرت تلعب عليهم وتطلع من القصه بكل بي بساطه !!
في لغز في الموضوع متكدبش عليا
كيف تعرف كل شي عليا !!!
منو انت باش تتبرعله بي كليتك ؟
رواد:ابتسم بوجع.....خوه
ريم:عقدت حواجبها....نعم!!
رواد:خوه مش من نفس الام
من اب واحد بس
ريم:وقفت بصدمه وهيا تربط في الاحداث ببعض ملامحها كانت مصدومه وهيا تراجع في الاحداث
امك !...امك شفتها مره جايه غادي
بوك كان عارف من البدايه انك مش رواد !!
خوتك يعرفو!!
رواد الجناح هاذا لي منو؟؟
رواد:
______________________________________
بدر:يهز في رجله بتوتر....شنو متبيش تروحي
سلمى:ابدا
بدر:وقف....بطلي الكلام هاذا سلمى اكسري الشر وتحركي معاي خليتك اسبوعين ع راحتك
سلمى:مش مروحه بدر
دير حل لي روحك معش تضلم بنات الناس
منعرفكش لما تزوجنا وحبيتك من قلبي بس كسرتني
في شنو قصرت معاك !!!
مهتمه بيك في كل شي علاش تشوف برا ؟
بدر:خدي نفس.....سلمى روحي
سلمى:طلقني
بدر:بي انفعال.....اطلعي معاي سلمى
سلمى:طلقننننننني
بدر؛فصل وفجآه طلعت منه ...انتي طالق ......وطلع
_____________________________________
كانت حفلة حياة بسيطه عائليه بس
طول الحفله والناس تحكي من تحت لا تحت ويشوفو لي مروه
مروه كانت تسأل علاش حاطينها محل اهتمام ؟
هل لان طالعه تهبل ولا سامعين عليها دوه ان تخون في راجلها!!
تمت الحفله وطول الوقت مروه مع صاحبتها لين جي العريس بيروح بيها
خشت مروه الحمام حكت مع بدر وعدلت مكياجها
طلعت من الحمام فرحانه بطيييييير بعد ما بدر كلمها منهار وقلها طلقتها
بس بسرعه ما اختفت الضحكه لما شافت ايمن راجلها واقف جنب حياة
مروه:ايمن؟؟شنو ادير هنايا؟.....يتبع

reaction:

تعليقات