القائمة الرئيسية

الصفحات

رواية شمس غداره كاملة بقلم دوداا حوده

 رواية شمس غدارة جميع الفصول



روايه شمس غداره الفصل الأول

#شمس غداره
#الحلقه الأولي
#بقلم دوداا حوده
الام :يالله يا كوثر حطي الاكل
عصام :كوثر اعملي ليا شاي
كوثر :هو انت مش هتاكل
عصام :لا مش جعان دلوقتي
الام :مافيش الكلام ده قولنا كله هياكل
عصام:مرات اخويا حبيبتي
كوثر :ولا اعرفك وبعدين بقي يا عصام مش ناوي تتجوز
عصام:انا اتجوز وحده تقولي رايح فين وجاي منين امشي
حسين :بس برضه تلاقي وحده تسالك مالك وانت زعلان تهون عليك تعبك
كوثر :حبيبي اقسم بالله
حسين :تفضيلك محفظتك تقولك خد الزباله وانت نازل
كوثر :بقي كده ماشي يا حسين
عصام وحسين : هههههههههههه بنهزر معاكي
كوثر :هزراكم رخم
الام :يالله الاكل اتحط
كوثر :ربنا ما يحرمني منك يا امي
الام:ولا منك ربنا يعلم انك مش مرات ابني انتي بنتي والله
عصام :اه علشان كده محدش عارف يكلمها
الام :ولا حد يكلمها دي بنتي لما نشوف المحروسه بتاعتك لما تيجي
عصام :هو انا هاخد اي بنت كده دي لازم تكون زي كوثر بنت حلال وتكون بتحبك يا امي والباب خبط فتحت كوثر
كوثر :شمس تعالي يا حبيبتي
شمس :لا معلش ماما بعتا الحاجات دي لطنط ام حسين
الام :تعالي يا شمس
شمس :معلش لازم اروح ومشيت
كوثر :اي رايك يا عصام في البت شمس
عصام :حلو المحشي
الام :محشي في عينك
كوثر :بنت ناس وبجد عارفين أصلها وفصلها
عصام :مش هتجوز انا ريحوا دماغكم
الام :دي قمر خساره فيك
كوثر :اه والله خساره فيك
عصام :خلاص مبروك عليك يا حسين
حسين: بجد ياريت
كوثر :ياريت في عينك
عصام : هههههههههههه بقولك اي لو تعبانه مني ومن خدمتي اقوم اخد هدومي وامشي
كوثر :انا مش بهزر بجد
عصام :عايزه اي يا كوثر
كوثر :والله انت زي شريف اخويا ونفسي افرح بيك
عصام :طيب نبقي نشوف الموضوع ده
كوثر :كده يا ماما نأكل ونروح نشرب الشاي معاهم انا وانتي ونشوف حد متكلم عليها ولا لا
حسين :البس يا معلم
عصام :اهدي يا كوثر
كوثر :موافقه يا ماما سيبك منهم
الام :لا بعد الاكل اي
عصام :عين العقل يا امي اهدي انتي بقي يا كوثر
الام :قومي دلوقتي هو انا هعرف اكل الا لما اشوف الموضوع ده
حسين : هههههههههههه امك مستعجله هي كمان
عصام :منك لله يا كوثر
كوثر :حبيبي يا اخويا هههههههههههه وراحت ليهم واتكلموا في موضوع شمس وعصام وحددوا ميعاد عصام يروح فيه
عصام :الخميس الجاي اي يا ماما بس
الام :يا حبيبي دي خطوبه مش عايز الموضوع بعد كده ننهي
حسين :والله انا شايف انها بنت حلال
عصام :اه مامراتك اللي مخترها
حسين :ولا بتكلم بجد فعلا بنت حلال وحلوه مش وحشه
عصام :بس انا معرفهاش
كوثر :بكره تعرفها وارتاح منك بقي ومن طلباتك اللي ما بتخلصش
عصام :ماشي يا كوثر بكره هتردلك لما اتجوز جوزك عليكي
كوثر : بعينك ده بيحبني وما يقدرش يستغنى عني
الام : ربنا يخليكم لي يا ولاد ويجمعكم ما يفرقكم يا رب
عصام :يا رب يا امي ويخليكي لنا يا رب ويجي يوم الخميس وراح تقدم حسين وعصام
واتفقوا علي كل حاجه وعصام خد رقم تلفونها وبقوا يتكلموا كل يوم وفعلا حباها
كوثر : اي مالك مبسوط ليه كده
عصام بجد شمس دي طلعت حاجه جميله اوي
كوثر : شفت مش انا قلت لك
عصام : عندك حق يا بومه اول مره تعملي حاجه صح
كوثر : انا بومه طب والله لوريك البومه على حق
وجه ميعاد الفرح وكان عصام جهز شقته اللي في الدور التالت واتجوز فيها
عصام :انتي جميله اوي يا شمس
شمس :حبيبي ربنا يخليك ليا
عصام :بجد مكنتش عارف اني هحبك اوي كده
شمس :بصراحه ولا انا وعدا اسبوع وطلعت الام ليهم
الام :مبروك يا عرايس
شمس:الله يبارك فيكي يا ماما
الام :الغدا انهارده معانا تحت اي رايكم
شمس :تحت امرك يا ماما طبعا
الام: حبيبتي والله بجد معزتك من معزه اولادي بالظبط
شمس :ربنا يخليكي نزلوا فعلا يتغدوا
كوثر :منوره يا عروسه
شمس:تحبي اساعدك
كوثر :انهارده لاانتي عروسه بس بعد كده ايدك ب ايدي
عصام :عايز شاي يا كوثر
كوثر :برضه ما مراتك اهي
عصام :عايزه من ايدك انتي
كوثر :يابني ارحمني بقي
عصام :خلاص بجد قولنا لازم حسين يتجوز
كوثر ضربت عصام بهزار علي ضهرو :انت رخم
شمس :اي قله الادب دي
كوثر : بتقولي اي
شمس :لما تمدي ايدك علي سفلك تبقي قليله الادب
كوثر :انا بهزر معاه
شمس:وانا مسمحش ليكي بكده الكل أنصدم من رد الفعل
يتبع
علقي ب١٠تعليقات علشان يوصلك الجزء الثاني

شمس غدارة الفصل الثانى

عصام :انتي بتقولي اي يا شمس
شمس :والله يا حبيبي احنا تربيتنا مينفعش وحده تهزر معاه سلفها كده
كوثر :عصام ده اصغر مني انا اللي مربيا
شمس :بقي راجل دلوقتي وفاتح بيت
كوثر :انا اسفه ودخلت اوضتها
حسين :اي
عصام :اي مش فاهم
حسين :رايك اي في اللي حصل
شمس :طبعا هطلع انا اللي غلطانه اكيد وحده تمد ايدها علي جوزي يعني مش بتحترمه ولما اتكلم اطلع انا اللي غلطانه صح 😭😭بعد اذنكم شكرا يا ماما علي الغدا النكد اللي كلنا وطلعت شقتها
حسين :ايوه برضه مفهمتش اي
عصام :كوثر برضه غلطانه يا حسين انا دلوقتي بقيت راجل مينفعش هزار بالايد
حسين :والله وده من أمتي بقي
عصام :انا مش شايف مراتي غلطانه ينفع شمس تهزر معاك بايدها بعد اذنكم
الام :لا معقول ده عصام
حسين :مراتي اتهانت يا امي
الام : انا يا حبيبي هصلح الموضوع معلش تعالي نشوف كوثر
وطلع عصام ل شمس
شمس :اه يا انا 😭😭دخلت في بيت عيله يبقي هتظلم ملكيش حظ يا بت يا شمس مع الإنسان اللي حبتي
عصام :ينفع يا شمس
شمس :بغير علي جوزي مش حقي
عصام :من مين كوثر دي اختي
شمس :اغير عليك من مامتك كمان
عصام :انتي غلطتي يا شمس لو مش حباه اني اهزر مع كوثر تقولي ليا بيني وبينك مش قدامهم تعملي اللي عملتي ده
شمس :كنت حاسه أنهم هيسخنوك عليا
عصام :عالفكره انا طلعت عيل قدام اخويا علشان محدش يتكلم وقولت أن انتي عندك حق
شمس :قربت من عصام يعني انا معنديش حق
عصام :بس اصل ....
شمس :اصل اي هه
عصام :بس انا بحب حسين اخويا ومينفعش اخسروا
شمس :طيب انا هراضي كوثر بس مش عايزك تهزر معاها تاني مفهوم
عصام :مفهوم يا روحي وقامت شمس من عالسرير
وراحت عند التسريحه
عصام :بتعملي اي
شمس :السلسله دي مش عاجبني
عصام :هنبقي نروح نغيرها
شمس :لا انا هديها ل كوثر وتجبلي غيرها
عصام :موافق يا روحي
شمس :حبيبي ايوه كده احب جوزي يسمع كلامي
عصام :انا تحت امرك يا شمس
😭😭😧
وتحت في اوضه كوثر
الام :ممكن ادخل يا كوثر
كوثر :يا خبر تعالي يا ماما
الام :انتي بتعيطتي
كوثر :صعبان عليا نفسي اوي يا ماما
الام : متزعليش الا مني انا
كوثر :انا طول عمري يا ماما بهزر مع عصام كده وهو والله زي اخويا بالظبط
الام :انا ليا كلام مع شمس يا حبيبتي
كوثر :لا لو سمحت يا ماما بلاش تتكلمي معاها لو سمحت
الام :البيت ده ليه اصول ومينفعش هي تتعدي الأصول وتزعل حد من البيت
وباب الاوضه خبط
شمس :انا اسفه يا ابله كوثر
الام :شمس تعالي
شمس :انا بس متربيه علي حاجات في بيت بابا اسمها عيب وعلشان كده عملت اللي عملته ده انا اسفه
كوثر :انا كنت معتبره عصام زي اخويا والله علشان كده هزرت معاه
شمس :حبيبتي علي عيني وراسي بس اسالي أي شيخ كده هيقولك حرام والله بس عالعموم حقك عليا
كوثر :خلاص مافيش حاجه
شمس :طيب ممكن تقبلي مني الهديه دي
كوثر :لا مش مستهله والله
شمس :علشان اعرف انك مش زعلانه ياريت تقبليها
حسين :شكرا يا شمس الموضوع مش مستاهل الهديه الغاليه دي
شمس :كده يا ابله كوثر هتزعلني
حسين :هي ملهاش دعوه هي مش هتقبل الهديه ألا لما انا اقول ماشي وانا مش موافق انتو اخوات والموضوع انتهي
شمس :طيب هنتغدا بقي ولا اي
الام :يلا يا كوثر وخرجت لعصام
عصام :ها صلحتيها
شمس :مديا اوي مكنتش راضيه تتصالح الا لما طلعت ليها السلسله
عصام :هجبلك الاحسن منها
شمس :كله علشانك
عصام :حبيبتي وباس أيدها والكل خرج
شمس :تحبي اساعدك
حسين :جهازي السفره ودخل المطبخ ورا كوثر
كوثر : خير يا حبيبي
حسين :كلام مع شمس لا
كوثر :من غير ما تقول 😊😊
حسين :شكلها مش سهله
كوثر :مستغربه رد فعل عصام اوي
حسين:معلش يا حبيبتي هجيب ليكي حقك والله
كوثر :لا علشان ماما انت عارف انها تعبانه بالله عليك مش ناقصين
حسين :اقسم بالله بجد انا ما شوفتش زيك
شمس احممم :انا جايه اخد الاطباق
كوثر :تعالي وخلاص اتغدوا وجاين يطلعوا
شمس تصبحوا علي خير
الام :شمس معلش عايزكي
شمس :تحت امرك يا ماما
الام :بعد اذنكم تعالي معايا الاوضه
شمس :عيني هاتي ايدك يا ست الكل ودخلت الاوضه
الام :كلمتين يا شمس انا معنديش الا حسين وعصام ودخولك البيت هنا كان تفكير كوثر احترمك لكوثر نفس احترامك ليا
شمس :مش فاهمه معلش
الام :كوثر دي دخله البيت عيله صغيره واحنا اللي ربنها عمر ما حد في البيت زعلها ولا هي زعلت حد اللي حصل انهارده ده مش هيتكرر تاني
شمس :اكيد يا ماما لان لو حصل عصام اللي هيتكلم مش انا
الام :مش فاهمه
شمس :يعني عصام مبقاش هينفع هزار كوثر تاني اظن كوثر كمان مش هتفكر تعمل كده بعد اذنك يا ماما بقي اصلي عروسه ولازم اطلع اشوف جوزي عايز مني اي اصل بيموت فيا الود وده يفضل جمبي طول النهار والليل هههههههههههه
وخرجت شمس
الام :كان يوم اسود يوم ما جوزتك ابني شكلك كده هتفرقي الاخوات من بعض
وطلعت شقتها
عصام:ماما اكيد زعلتك
شمس :حبيبي بالله عليك بلاش تفكرني
عصام:طيب في اي بس
شمس :طبعا فضلت تزعق ليا علشان موضوع كوثر
عصام :مانتي جبتي ليها هديه غاليه
شمس :برضه مامتك لازم تديني كلمتين بس والله ما فتحت بوقي علشانك انت
عصام:لا لازم اخد موقف معاهم
شمس :ارجوك لا انت مش هتنزل شغل وانا اللي هبقي معاهم بقولك صحيح انا قولت لمامتك أن السلسله هديه من بابا وانت متعرفش اني اديتها ل كوثر خساره فيها دي تقيله اوي
عصام بكره هجبلك وحده اتقل منها
شمس :ربنا يخليك ليا يلا بقي قوم خد دش عقبال ما انا اللبس ليك حاجه حلوه كده
عصام :قلبي عنيا ودخل ومسكت الفون واتصلت بمحمد خطيبها الاولاني
محمد :شمس ده انا قولت مش هتكلمني تاني بعد جوازك
شمس :بقولك اي اللي بينا انتهي انا عايزك علشان مصلحه هتعملها ليا وهتاخد حقها
محمد :عيني اومري عايزه اي
شمس :في وحده عملت فيا موقف وحش وعايزه ارد ليها القلم قلمين
محمد :مطلوب مني اي بس
شمس :هقولك بس لازم اشوفك بكره ضروري
يتبع
ياتري شمس عايزه اي من محمد

شمس غدارة الفصل الثالث

محمد :تؤمريني يا شمس تحت امرك
شمس :خلاص اشوفك بكره الساعه 3في الكافيه اللي كنا بنتقابل فيه
محمد :طيب الاول كنتي بتقولي مش بتعرفي تيجي البيت علشان ابوكي خلاص ماتيجي البيت وهقعد بادبي
شمس :محمد بقولك اي انا عايزه مصلحه منك وهتاخد فلوسها خلصنا
محمد :ماشي سلام يا حبي
شمس :سلام وقفل محمد وكان عمر زميله قاعد معاه
عمر :شمس مين الغداره
محمد : اه تصدق انها اتجوزت
عمر فاكر يلا لما كانت عايزه تبقي معاك ومعايا في نفس الوقت
محمد :اه يا جدع كانت قادره
#فلاش باك#,.
شمس : استاذ عمر ازيك
عمر :ايوه مين .
شمس :انا شمس خطيبه محمد
عمر:اه ازيك عامله اي
شمس :مخنوقه اوي ينفع اقابل حضرتك
عمر :اه بس محمد ا....
شمس :اتمني أنه ميعرفش معلش
عمر :خلاص تمام بس هو فيه حاجه
شمس :محتاجه حد اتكلم معاه
عمر :يارب يكون خير ماشي شوفي امتي
شمس :ينفع دلوقتي
عمر :طيب ممكن كمان ساعه
شمس :تمام هبعتلك شير لوكشين بمكاني
عمر :خلاص تمام اللي تشوفي وقفلت السكه
يا تري عايزه اي دي وبعدين ده مره اللي شافتني فيها معقول يكون اختبار من محمد لا معقول ده يبقي ندل اوي المهم هعمل اي عادي انا اروح ولو طلع لعبه هقوله بحسبها واقعه في مشكله وكنت هقولك يا صاحبي وراح قابل شمس
شمس : مبسوطه انك جيت
عمر :ازيك عامله اي
شمس :بخير والله انا مش عارفه بابا مصمم يفشكل خطوبتي علي محمد
عمر :ليه كده
شمس :بيقول أنه مش من مستوانا
عمر :محمد ابن حلال عالفكره
شمس :عارفه والله بس انا غصب عني ومش عارفه اعمل اي
عمر :والله محدش هيقدر يحلال الموضوع ليكي الا انتي عايزه محمد ولا لا
شمس :انا مرتاحه معاه بس في نفس الوقت مش عارفه افكر انا محتاجه حد تفكيره زي تفكيري يعني ساعات كلام بابا بيكون صح
عمر :برضه ده موضوعك انتي لو حاسه انك مش هتقدري تكلمي مع محمد سيبي
شمس :انت مش فاهم قلبي بيقولي محمد وعقلي بيقولي
الإنسان اللي من ساعه ما شوفتي وعينك دائما عليه
عمر :مش فاهم في حد تاني يعني
شمس : ياريته يحس بيا
عمر :انتي بتقولي اي وجايه تقولي ليا انا الكلام ده مش خايفه اني اروح اقول ل محمد
شمس :مش فارق معايا المهم اعرف اللي في باللي ياتري انا في باله ولا لا
عمر :وانا مالي
شمس :مهو اللي في بالي يبقي انت
عمر :انتي عبيطه صح
شمس :والله من يوم ما شوفتك وانا عقلي مش فيا انا مش شمس اللي انا اعرفها والله عالطول بفكر فيك ومن كتر كلام محمد عنكده زوت الموضوع معايا
عمر :انا بحب صاحبي ومش انسان خاين علشان اعمل كده ولو انتي واطيه انا مش واطي واحسن ليكي يا شمس انك تسيبي محمد لان لو محصلش هقوله سيبي من غير فضائح احسن
شمس :انت قلبك حجر انا ممكن اعمل اي شي علشانك
عمر :انتي بجد قذره وسابها ومشي وهي حست انها اتهانت
انا كل تفكيري في فلوسك يا حيوان ومشي عمر وراح ل محمد
عمر :ازيك يا محمد عامل اي
محمد :كويس انك جيت تعالي
عمر :خير يا حبيبي
محمد عايز اوريك الهديه اللي جبتها لشمس
عمر :مبروك عليها يا حبيبي
محمد :مالك فيك اي
عمر :خايف عليك يا صاحبي
محمد :من اي بس واي الكلام الكبير ده هههههههههههه
عمر :حبك ل شمس يخوف بجد
محمد :بعشقها والله
عمر وهي بتحبك يا محمد
محمد :امال هي معايا ليه سؤال غريب
عمر :اتمني كده
محمد :فيه اي مالك
عمر :مافيش حاجه انا هدخل اعمل شاي
محمد :البيت بيتك وساب فونه ودخل وجت رساله من شمس
محمد شاف رقم شمس فتح الموبيل وشاف الكلام
شمس :عمر بجد انا مش عارفه انا عملت كده ازاي ياريت تنسي اللي حصل وانا اسفه بجد وعمري ما هفكر في حد تاني غير محمد ومحفظتك نسيتها وهي معايا قبلني خدها أنصدم محمد لما شاف الرساله
ودخل المطبخ
محمد :بس انت رايك اي في شمس يا عمر
عمر :معرفش يا حبيبي هو انا شوفتها غير مره
محمد :بس بكلمك عنها كتير
عمر :حبيبي مش بالكلام انت عارف افعلها وأسلوبها
محمد:بس خايف اوي انها تندم انها اتجوزت واحد فقير
عمر :بس قلبك ابيض وكبير يا حبيبي
محمد:بس مش معايا فلوس زيك
عمر :اي طريقه الكلام دي
محمد :قولي انت اي الرساله دي وانا اقولك اي طريقه الكلام دي
عمر :والله انت فاهم غلط خطيبتك قبلتني وقالت ليا كلام فارغ وانا قولت ليها أنها لو مش سبتك انا هقولك واكيد الكلام ده علشان كده
محمد:والمفروض اني اصدق الكلام ده
عمر :والله دي الحقيقه
محمد :انا عارف وسختك وبطمع البنات بفلوسك
عمر :بس عمري ما أخون صاحبي والله
محمد :كداب
عمر :لا مش كداب وهثب ليك كلامي واتصل بيها
شمس :ازيك يا عمر
عمر :الحمد لله انتي فين
شمس : شوف عايز اسيل المحفظه فين وانا هسبها
عمر :مش عايزك تزعلي من الكلام اللي قولته انا كنت متعصب حاجه غريبه أن خطيبه صاحبي تيجي وتقولي بحبك
شمس :قلبنا مش بايدنا والله
عمر :بس زي ما قولت ليكي انا بحب محمد ومقدرش اخونه
شمس :انا كده كده هسيب محمد مانا قولت ليك بابا مش عايز يكمل الجوازه وقفل السكه ها صدقت يا صاحبي
محمد :بنت .....
ومشي وراح ليها فضحها هي واهلها وعزلو وسكنه قدام ام حسين بعد ما ابوها مات بسبب اللي عملته ده
عمر :بلاش يا صاحبي انك ترجع للبت دي تاني
محمد :لازم ارد ليها القلم
عمر ،بلاش احسن
محمد :انا بصراحه عايز فلوس لما اشوف عايزه مني اي الاول
عمر :برحتك بس البت دي مصيبه ابعد عنها احسن .
محمد :اقلبها بكره ونشوف وتاني يوم نزلت شمس
كوثر :صباح الخير انتي خارجه .
شمس.:ايوه في حاجه
كوثر : مش هتدخلي تقولي لماما
شمس : والله انا قلت لجوزي ليه اقول لمامتك هي ممكن تقولي لا بعد ما جوزي قال اه
كوثر :مش الفكره بس الاحترام
شمس :والله خلينا الاحترام ليكي
كوثر :هو انتي ليه بقيتي كده
شمس :اااااه طيب انا مش فاضيه لما ارجع نجيب لب ونفضل نحكي برحتنا سلام ومشيت
وراحت قبلت محمد
محمد :شمس ازيك لسه زي مانتي
شمس :بقولك اي احنا مش جاين نتكلم كتير في مصلحه قصدها هتاخد 25الف جنيه
محمد :كاااام😧😧😧 مصلحه اي عيني ليكي
شمس :سلفتي مطلعه عيني وعايزه اعملها درس عمرها ما تنسي
محمد :خير قولي وانا معاكي بس اخد جزء انهارده
شمس :كنت عامله حسابي 5000الف جنيه اهم ودي صور ليها عايزه فوتوشوب كويس بصور انت فاهمني وكذه رقم حلو كده يبعت الصور للرقم ده
محمد :لسه دماغك دماغ شيطانه
شمس :محمد انا عارفه ان انت وعمر بقيتوا مدمنين وعارفه انك عايز الفلوس اوي اقسم بالله لو اي حركه نداله لبلغ عنك
محمد :ماشي بس عايز 50000الف جنيه
يتبع
علقي ب١٠تعليقات علشان يوصلك الجزء اللي بعدوا

شمس غداره الفصل الرابع

شمس :كام
محمد :اللي سمعتي ولو قولتي لا هروح واقول لجوزك علي كل حاجه
شمس :محمد انت روحك في ايدي انا ممكن في القاعده الحلوه دي ابلغ عنك ف اتقي شرى وانا عارفه انك عايز الفلوس
محمد : ماشي لا اضرك ولا تضربني انا هاخد منك 30000الف واعتبري ال 5000 الزياده دول شغل الفوتوشوب
شمس :ماشي وموافقه بس اخر مره هسمح ليك انك تهددني
محمد : ماشي يا حلوه بس اخبار الجواز اي معاكي حب ولافلوس هههههههههههه
شمس :سلام وقامت مشيت وهي عامله تقول لولا أن عارفه انك هطلع الشغل كأنه طبيعي كنت عمري ما لجأت ليك ومشيت وهي عامله تفكر دلوقتي هبقي خلصت من كوثر هقدر أوقع حسين في حبي ازاي انا كنت بروح البيت عالشانهم بجد اول راجل احس اني بحبه ومش عايزه منه أي مصلحه ياتري بجوازي من عصام صعبت المواضيع ولا كده هبقي قريبه منه ووصلت البيت
حسين :كنتي فين
شمس :كنت بزور وحده صحبتي هي ابله كوثر مقلتش لحضرتك ولا لماما
حسين :شمس احنا لما وفقنا تدخلي البيت ده علشان حاسين انك بنت طيبه
شمس :طيب مانا كده والله
حسين : لما بكون بتكلم مش بحب حد يقاطعني
شمس :حاضر وحطت أيدها علي بوقها سكت اهو
حسين تغيرك المفاجاه ده مش عجبني انتي كنتي بنت كويسه وطيبه وعايزين وحده معانا كده
شمس :انت تؤمر وانا انفذ فضل باصص فتره في عينيها وركز في جمالها شويه وبعدين مشي وهو بيكلم نفسه لاااااا البنت دي شيطان لا مش طبيعه خالص وحاسس أن خراب البيت هيكون علي قدها وانا لا يمكن اسمع بكده ابدا
كوثر :حسين يا حسين مالك
حسين :ابدا مافيش حاجه
كوثر :طيب ماما عايزك
حسين ،كوثر انتي مبيجيش عليكي وقت وتقولي ليه ميبقاش ليا شقه لوحدي
كوثر :انا ده انا اموت انا خد علي مامتك وشقاوه عصام والدوشه لاااا معرفش انت فاكر ان امك دي امك لوحدك ولا عصام كان اخوك لوحدك
حسين :اي كان دي
كوثر :عصام اتغير يعد الجواز وبدل ما يقول لمراته دي اختي اللي مربياني لا اتكلم بلسانها
حسين :اوعدك كل حاجه هترجع زي الاول واحسن
كوثر :ياريت والله
وفي بيت عمر محمد راح عندوا
عمر :تعالي يا محمد
محمد :خد الفلوس دي ده احنا هنعمل دماغ انهارده علي حسابي
عمر :انت جبت فلوس منين
محمد. من شمس
عمر :ومن امتي شمس اللي بتدي فلوس
محمد :مهو مش ببلاش عايزه مصلحه
عمر :ابعد يا صاحبي عن البنت دي
محمد:بعد ما اعمل ليها المصلحه واخد الفلوس
عمر:مصلحه اي
محمد :طلع صور كوثر عايزه فضيحه البت دي تكون في كل مكان
عمر :وانت هتعمل كده فعلا
محمد :انا مالي ليا الفلوس وخلاص
عمر:البت دي شيطان ومش هسمح ليها أنها تدمرك
محمد : هههههههههههه والله ضحكتني مانا كده كده مدمر اصلا
عمر :بس مش بناذي حد وعندي امل أننا تتعالج
محمد :حولنا كذه مره ومش عرفنا
عمر :نحاول تاني لازم نرجع زي الاول
محمد :انشالله انشالله
وفكر عمر أنه يروح مصحه وطلب منهم أنهم يبعتوا ناس معاه علشان يخدوا محمد وفعلا ده حصل وراح محمد وعمر مصحه لعلاج الادمان
وفي شقه شمس
شمس :الغبي ده قافل فونه ليه بس
عصام :بتكلمي نفسك يا قلبي
شمس :لا يا حبيبي ده الموبيل الزفت معلق
عصام :باذن الله هبقي اجيب ليكي واحد جديد
شمس : انشالله انا بصراحه نفسي في شقه بعيده عن هنا
عصام :انا مقدرش اسيب امي
شمس :ومين قال إننا هنسبها
عصام :امال اي مش فاهم
شمس : تبقي لينا نروح نقعد فيها يومين ونيجي هنا تاني
عصام :بصراحه خايف يزعلوا من الفكره دي
شمس :مهو محدش هيعرف حاجه عنها
عصام : الفلوس اللي معايا مش هتكمل
شمس : نشوف حسين
عصام :وهقول ليه عايز الفلوس ليه
شمس :هنفكر فيها المهم لازم ننزل نقعد معاهم تحت شويه.
عصام :تمام انزلي وانا هاجي وراكي
شمس :تمام ماشي ونزلت
حسين تعالي يا شمس
شمس :امال ماما فين
حسين :خرجت هي و كوثر
شمس :تحب اعملك حاجه
حسين :ياريت شاي
شمس :عنيا ودخلت ووقعت كوبيا علي رجلها
ااااااه مش قادره
ودخل جري حسين
حسين :اي مالك فيكي اي
شمس :المياه السخنه وقعت علي رجلي
حسين شالها :مش تخلي بالك
شمس :رجلي مش قادره
حسين :انا هطلع انده عصام
شمس :هتسبني رجلي وجعاني وتمشي
حسين:فضل مركز في عينيها شويه
شمس :نفسي تحس بيا شويه بقي
حسين :وهو زي المتخدر احس بيكي ازاي مش فاهم
شمس :انا اتجوزت اخوك علشانك انت
حسين :انتي بتقولي اي
شمس :انا بحبك اوي يا حسين والله ونفسي تحس بيا
حسين :انتي اتجننتي صح
شمس :انا عمري ما حبيت حد اول حب احس بيه هو انت والله
حسين :فاق لنفسه ونزل من الشقه بيجري ووقف في الشارع لا والله البت دي مجنونه بس انا هعمل اي عصام متعلق بيها اتصرف ازاي
كوثر :حسين يا حسين انت واقف كده ليه
حسين :حسيت نفسي مخنوق نزلت شويه
كوثر :ماشي يا حبيبي
حسين :امال ماما فين
كوثر :عند ام شمس
حسين:خير في حاجه
كوثر :كانت تعبانه وقالت هطلع اشوفها وفجاه سمعوا صويت أم شمس ماتت وشمس فضلت عند مامتها اسبوع وكوثر كل يوم كانت بتطلع ليها
حسين :رايحه فين
كوثر :هطلع ل شمس
حسين:انا عايز علاقتك ب شمس تكون في أضيق الحدود
كوثر :حرام عليك يا حسين دي انكسرت جامد بعد موت امها
حسين : دي حيه متصدقيش الوش ده
كوثر :انت ليه بقيت تكرها كده
حسين :عايزه توقع بيني وبين اخويا
كوثر :عمرها ما هتعرف
حسين : دي شيطانه بجد
كوثر :اي اللي حصل علشان تقول كده
حسين :فاكره اليوم اللي امها ماتت فيه
كوثر :ايوه مالو
حسين :انتي كنتي برا انتي وامي وهي .....
والباب اتخبط واتفتح في نفس الوقت
شمس :انا اسفه بس جيت ملقتش عصام هو قال ليكم هو فين
يتبع

شمس غدارة الفصل الخامس


حسين :اي قله الذوق دي في حد يدخل كده
شمس :انا خبط والله
كوثر :حصل خير لا والله ماقلش حاجه
شمس :انا اسفه بعد اذنكم
كوثر :ليه كده يا حسين
حسين :ينفع تدخل كده
كوثر :بس برضه مينفعش تقول ليها كده
حسين :قومي يا كوثر اعملي ليا شاي
كوثر :حاضر من عنيا وخرجت كوثر برا
وبعتت شمس رساله ل حسين
شمس :حسين انا اسفه وندمانه علي اللي حصل مني والله وبعد موت امي انا قولت خلاص الإنسان بيروح في ثانيه بعد اذنك انا قفل واتس علشان مش قادره اسيطر علي دموعي
وبعدها دخلت كوثر
كوثر :عامله تعيط في الصاله بجد يا حسين غلط اللي أنا عملته ده
حسين :خلاص بقي يا كوثر
كوثر :مقولتش اليوم اللي خرجت فيه انا وماما اي اللي حصل
حسين :ابدا مافيش كانت خرجت باين من ورا عصام علشان لقيتها طالعه بتتحسب علي السلم
كوثر :ربنا يهديها يارب وطلعت الشقه شمس
عصام :انتي جيتي يا حبيبتي
شمس :عصام انا هبيع شقه امي
عصام :حبيبتي انتي حره انا مالي
شمس :وعايزه شقه ملك
عصام :ماهي شقه ماما موجوده لسه شقه تانيه
شمس :عايزه شقه في مكان كويس
عصام :انتي حره
شمس : اه بس انت هتساعدني في الموضوع ده
عصام : قصدك يعني هبيع الشقه القديمه واجبلك الشقه الجديده اكيد يا حبيبتي هاعمل كده
شمس :لا طبعا مش قصدي كده قصدي انك هتاخد ورثك و هنجيب شقه كبيره حلوه يعني احنا الاثنين
عصام : منين يا شمس مش فاهم
شمس :من البيت اللي احنا عايشين فيه ده بيت قديم هنعيش فيه ليه
عصام: لا طبعا مش هينفع انت عايزني ابيع بيت ابويا
شمس :اه عايزه تبيع ابيت ابوك البيت القديم اللي ما لوش لازمه وانا وانت نحط فلوسنا مع بعض ونجيب شقه ونعمل مشروع وتبقى شغال كده بمزاجك
عجبك يعني صاحب الشغل اللي بيتامر فيك كل شويه وانت مش مرتاح
عصام: اه والله يا شمس عندك حق بس حسين مش هوافق موضوع ده ولا ماما كمان
شمس : حبيبي ده نصيبك ورثك ما حدش ليه دعوه به اللي عايز يشتري يشتري هو
عصام : طيب سيبيني افكر في الموضوع
شمس :عقبال ما بيعشقه ماما تكون انت فكرت وعلى فكره الشقه الجديده هتكون باسمي
عصام: وانا وانت ايه شمس ما واحد بس سيبيني بس اشوف انا هعرف اقنع حسين بالموضوع ده ازاي
شمس :اه بس ما تقوليش ان انا اللي قلت لك الموضوع ده قول انت مش مرتاح في شغلك وعايز تعمل مشروع وشمس كثر خيرها هتقعدني في شقه امها لحد ما نشوف مكان نقعد في احنا الاثنين
عصام : خلاص ماشي وتاني يوم جه عصام بدري عن ميعاده
الام: ايه ده انت جاي بدري ليه يا عصام في حاجه حصلت في الشغل ولا ايه
عصام :خلاص زهقت من كل واحد يتحكم في شويه انا سبت الشغل يا ماما خلاص مش عارف بجد هاعمل ايه
الام : تعال بس يا حبيبي واهدي كده تعالى واحنا هنتصرف
عصام : انا مش هيشتغل على حد ثاني انا هاعمل مشروع لنفسي
شمس : و هتجيب فلوس المشروع منين يا حبيبي
عصام : بعد اذنك يا شمس هينفع نقعد في شقه مامتك اليومين دول
شمس : بتستاذني شقه مامتي شقتك يا حبيبي بس ليه يعني ومالها شقتنا
حسين : مش فاهم كلامك ياعصام و شقتك ناوي تعمل فيها اي ناوي بيع شقتك
عصام : ليه هو كان نصيبي شقه ولا ايه هو مش البيت كله بتاعنا احنا الاثنين وماما طبعا
كوثر : يا نهار اسود يا عصام انت عايز تبيع نصيبك في البيت
عصام : اسود ليه هو مش حقي ولا ايه انا مش مرتاح في الشغل ومش اقعد عند امراتي
حسين : انت اكيد اتجننت نت انت عارف ان صعب على امك ان هي تبيع البيت ده
عصام:والله انا قلت اللي عندي وعلى فكره ما فيش مشتري هيرضى بنصف البيت
حسين : وانت كمان شفت مشتري لا ده انت جاهز قوي
عصام : يلا بينا يا شمس لو سمحت نطلع شقتنا
كوثر : لا مش مصدقه معقول ده عصام
حسين: لا طبعا صدقي كنت متوقع حاجه زي كده على فكره
وطلعت شمس وكلمت حسين علي الواتس
شمس : حسين انصدمت من رد فعل عصام وعمالها كلمه بيزعق فيا بس انا هحاول اكلمه مش هينفع نتفرق ونسيب البيت
حسين عمل ليها بلوك وعدا اسبوع وعصام مش بينزل تحت
ونزلت شمس
شمس : ماما عصام عايز يبيع شقه مامتي انا كمان
الام : محسن ماله بمالك يا حبيبتي لو مش موافقه افرضي
شمس : انا باحب عصام جدا وما ينفعش اقوله لا وعمال يقول لها باذن الله هاخدلك شقه اكبر
الام: خلاص عادي لعوض منه العوض في ابني
كوثر :انا مش هسيب البيت ده مهما يحصل
الام:ملوش لازمه الكلام عصام اتغير ومش عايزه الموضوع يكون في قواضي ومحاكم
كوثر :ممكن عصام يعمل كده
الان :اه طبعا وعدا شهر وفعلا باعو البيت وكل واحد خد شقه
حسين :مش عايزك تزعلي يا امي
الام:مش زعلانه يا حبيبي
كوثر :بكره نحب البيت ده اكتر من التاني
حسين :يلا قومي حضري الاكل
كوثر :عنيا يا حبيبي وقامت ودخلت الان تنام شويه
وفي شقه عصام
عصام :كانت عندك حق يا شمس اهي دي العيشه اللي بجد
شمس ': اسمع كلامي انت بس وانا اخليك زي الملوك يا شهريار
عصام : هههههههههههه حلوه شهريار دي يا شهرزاد
شمس : المهم انت فكرت في مشروع ولا لسه
عصام : والله بافكر يا شمس
شمس : عندي مشروع ليك هيخليك تكسب ذهب
عصام: خلاص انا من هنا ورايح هامشي وراكي وانا مغمض عيني
شمس : حبيبي يا عصام
عصام :اعملي حسابك هاروح بالليل عند حسين عشان نجيب ماما تقعد هنا يومين
شمس :مامتك علي عيني وعلى راسي بس بسرعه كده احنا لسه يادوب ناقلين النهارده في الشقه
عصام :بصراحه انا عايز نصيب ماما معيا في المشروع اللي انا بافكر فيه وانا عارف ان الفلوس اللي معيا مش هتكفي معي وانا واثق ان حسين ما اخدتش من فلوس ماما حاجه
شمس : ومعقول مامتك هتديك الفلوس دي بعد اللي انت عملته
عصام: انت ما تعرفيش ماما يا شمس بتحبني قد ايه
شمس : مش ابنها ربنا يخليك يا حبيبي وراحوا بليل عند حسين
عصام : شقتك حلوه قوي يا حسين
حسين : شكرا ايه الحقنا وحشناكم بسرعه كده
كوثر بصوت واطي : حسين معلش اهدي عشان ماما ما تزعلش
عصام: انا جاي اخد ماما للشقه الجديده بتاعتي
كوثر : مش هيحصل طبعا ماما مش هتمشي من هنا وتسيبني
شمس : ليه يا كوثر هي مش رايحه بيت ابنها
حسين : ده الاساس ده بيتها
عصام : قصدك ايه بكلامك ده يا حسين يعني شقتي مش بيتها
حسين: مش انت باعت البيت علشان تعمل مشروع والشقه دي بفلوس مراتك امي ما تقعدش بفلوس مراتك
شمس : والله العظيم انا ما هامشي من هنا غير ماما شقه ايه اللي انت بتتكلم على فلوس عصام فلوسي فلوسي فلوس عصام
الام : تعال يا حسين عايزاك جواه دقيقه واحده ودخلت الام وحسين الاوضه
حسين: اوعى يا امي تقول انك موافقه انك تروحي هناك
الام : حبيبي والله بكره لا بقى هنا بس بالله عليك مش عايزه ازعل اخوك
حسين: انت يا امي اللي بتقول الكلام ده
الام : ابني مهما عمل هو ابني
حسين: لا يا امي مش موافق
الام : لو بتحبني عشان خاطري خليني اروح النهارده وبكره هاجي مش عايزه البنت دي تملي دماغه ان احنا بعنا
حسين : بأس ايد مامته اللي تشوفيه يا حبيبتي انا ما يهونش على زعلك
الام : بدعي لك في كل صلاه يا حبيبي ربنا يخليك لي وما يحرمني منك ابدا
حسين : ولا منك يا ست الحبايب
وخرجت وفعلا راحت معاهم وتاني يوم صحي عصام بدري
شمس : انت رايح فين يا عصام بدري كده
عصام : نازل قابل واحد زميلي هيساعدنا في المشروع اللي انتي قلتي عليه
شمس : ماشي اطفي النور وراك عايزه انام ونزل عصام وقامت الام تعمل كوريا شاي وقع منها المج صحيت شمس
شمس :يا نهار اسود انت عارفه المجات دي بكام عشان توقعي واحد كده منهم
الام : انا اسفه والله يا حبيبتي ما اقصدش
شمس : اوعى بقى كده عشان الم الازاز ده يخرب بيت العمي على الصبح

شمس غداره الفصل السادس 

#شمس غداره
#الحلقه السادسه
#بقلم دوداا حوده
الام :كتر خيرك يا بنتي
شمس:مهو جايبك ليا هنا القرف
الام : اوعي تكوني فاكره اني مش هعرف ارد عليكي الشقه دي شقه ابني واتصلي بيه دلوقتي وقولي ليه امك كسرت موبيل ب3جنيه وانا عامله حوار
شمس : هههههههههههه شقه مين هههههههههههه ابنك والله ضحكتني الشقه دي شقتي انا يا حبيتي
الام :وعايزه تقنعني أن بيت امك الواقع يجيب ليكي الشقه دي
شمس :لا من فلوس ابنك بس باسمي
الام :ابني ردي الشقه تكون باسمك
شمس :ولو قولت ليه متعرفش امك تاني مش هيعرفك عالفكره اه والله تحبي اجرب
الام :لا شكرا ومشيت وسابت البيت
حسين:مالك يا نكد عالصبح
كوثر :بالله عليك عارف تفطر
حسين:والله ابدا
كوثر :لا ماما مش هتمشي من هنا تاني
حسين :ابنها برضه يا كوثر
كوثر :انا معرفش اعيش من غيرها
حسين :بجد بتحبيها يا كوثر
كوثر :اخس عليك ده سؤال يوم ما جيت تخطبني كنت بحبك اوي بس فاكر اول شرط قولته لبابا وماما
#فلاش باك
حسين:انا جاي يا عمي اطلب ايد كوثر
الاب حسين انا طول عمري بجد معتبرك ابني بجد وطبعا اكون سعيد لما تكون جوز بنتي
حسين :انا مش هقدر اجيب شقه برا شقتي موجوده وطبعا علشان مش هينفع اسيب عصام وامي لوحدهم زي مانت شايف عصام لسه صغير
الاب :ويبقي عندك شقه ونشوف شقه تانيه ليه
وكان عندي سميره بنت عمي
سميره :بت يا كوثر انتي موافقه تعيشي مع حماتك
كوثر :هيبقي ليا شقتي انا مالي ومالها
سميره :ده كلام بيت العيله يعني اكل عند حماتك عيشه عند حماتك وتطلعي شقتك على النوم بس
ودخلت ام كوثر
الام :وفيها اي يا سميره لما تعيش مع حماتها ام حسين طيبه وانا عارفه انها هتكون ام كوثر مش حماتها
سميره :ههه ازيك يا طنط والله انا ما اقصد
الام :انا بقول ليكي الكلام ده برضه لو عملتي حماتك زي امها هتخليكي زي بنتها
سميره :والله مهما اعمل معاها اي برضه مش بيعجبها
الام :اكيد مش بتعمليها زي ماما مستحيل أنه يحصل
سميره :بعد اذنكم
كوثر :بس انا خايفه يا ماما
الام :اسمعني يا كوثر عايزه جوزك يحبك حبي أمه عملي أمه زيما تكون انا بالظبط لو انتي سكانه معايا في نفس البيت وجه وقت غدا وجوزك في الشغل هتكلي لوحدك ولا هتنزلي معايا
كوثر :ده سؤال لو اتجوزت معاكي مش هسيبك ليل نهار هكون عندك
الام :اعملي كده بالظبط خلي حماتك زي مامتك بالظبط وفعلا عملت كده ومش بقيت اقدر استغني عنها خالص
#رجوع #
حسين :علشان انتي بنت اصول
كوثر :ومامتك والله اطيب منها مافيش ده انا سبت شقتي بعفشي وكنت ربات عندها
حسين :هي جايه بليل والباب خبط
كوثر :دي ماما
حسين :ماما اي يا هبله
كوثر :انا عارفه خبطه ماما
حسين :طيب افتحي وفتحت
كوثر :والله كنت عارفه انك انتي
الام :حبيبتي يا بنتي وعيطت
حسين :مالك يا امي
الام :ابدا سواق اتعامل معايا وحش بس
حسين :وازاي تيجي لوحدك
الام :كنت عايزه افطر معاه بنتي
كوثر :حبيبتي يا ماما بس انتي مش طبيعه
الام :والله كويسه بقي ها هنفطر ولا لا
ودخلت كلت ونامت وفي شقه شمس
عصام :شمس يا شموسه
شمس :تعالي يا حبيبي انا في المطبخ
عصام :خلاص هنبدا المشروع من الاسبوع الجاي
شمس :الف الف مبروك يا حبيبي
عصام مش عارف اقولك اي مالك شكلك معيط
شمس :الحاجه الوحيده اللي بحب اشرب فيها شاي كوبيا ماما الله يرحمها وقولت لمامتك الصبح المطبخ تحت امرك بس بلاش الكوبيا دي خرجت من المطبخ لقيت الكوبيا وقعت دخلت لقيت مامتك بكل برود تقولي معلش كوبيا ب3جنيه واتكسرت قولتها عيب كده قالت شقه ابني كلمي وقولي ليه امك كسرت كوبيا غصب عني زعقت معاها واتكلمت بدموع التماسيح كوبيا ماما أنا كنت بحبها اوي
عصام :خالص متزعليش نفسك
شمس :والله بجد زعلانه عليها اوي
عصام :هي فين ماما
شمس :عملتها قمصه ومشيت ونزل عصام راح عند حسين
حسين :تعالي يا عصام
عصام :دخل وكلم أمه ليه كده يا امي هي كانت بتحب الكوبيا دي اوي
الام :انت كمان جاي تزعق فيا علي حته كوبيا ب3جنيه
كوثر :هو فيه اي
عصام :اسكتي انتي اكيد انتي اللي قولتي ليها تعمل كده ماما عمرها ما تفكر تعمل كده
الام :فيه اي انت جاي تتخانق معانا مش كفايه مراتك واللي عملته فيا
حسين :عملت فيكي اي يا ماما ومشي عصام وفضلت الام تعيط وفضل شهرين مش بيزور امه خالص وكان معدي من عالقهوه في بيته القديم وقابل احمد صاحبه
احمد :ازيك يا عصام
عصام :بخير والله
احمد :في واحد محامي جه كذه مره علشان يوصل ليك أو لحسين ضروري وساب الكرت بتاعه ضروري حد يكلمه ده كل شويه بيجي
عصام :محامي ليه واتصل بيه وحدد معاه ميعاد وعرف أن خاله سيد مات وساب لأخته ورث كبير
وروح عصام
شمس :مالك فيك اي
عصام :عارفه ماما ورثت كام
شمس :مامتك منين
عصام :من خالي.سيد
شمس :انت كان ليك خال غني
عصام :المهم ماما زعلانه مني دلوقتي هقول ليها ازاي
شمس :هي ورثت كام
عصام :نص مليون وبيت ومحلات خالي
شمس :كام قوم اللبس
عصام :هنروح فين
شمس :نجيب مامتك هنا قوم يلا
عصام :امي انا عايزك تيجي تقعدي عندي يومين
الام :مش هينفع يا عصام انا مرتاحه عند اخوك هنا
عصام :والله شمس اتغيرت يا امي ومش هتتعامل معاكي وحش تاني
حسين :لما تعرف تحكم علي مراتك ابقي تعالي خد امك مش كفايه بيعت امك بيتها علشان تتجوز المحروسه
شمس :خلاص يا عصام احنا عملنا اللي علينا يلا بينا
حسين :نورتي ونزلت هي وعصام
عصام:كان لازم تتكلمي
شمس :بقولك اي محدش عرف حاجه عن الجواب والورث اللي امك ورثته ده تعالي نروح للمحامي نفهم منه الاول وونشوف هيقول اي في حاله وفاه امك مين اللي ليه الحق أنه يورث
عصام :وانا هستني لسه لما ماما تموت
شمس :ومين قال انك هتستني
يتبع

شمس غدارة الفصل السابع

عصام انتي اتجننتي يا شمس عايزين اقتل أمي
شمس : قطع لساني لما افكر اقول كده امك دي امي والله
عصام : امال قصدك ايه مش فاهم
شمس : هنطلع ليها شهاده وفاه بس
عصام : بجد اتجننتي انت عايزاني اتحبس
شمس : مش هيحصل والله
عصام :لا مش فاهم ازاي يعني ان شاء الله لما اطلع شهاده وفاه واحد عايشه ومين اصلا هيرضي يعملها لي
شمس : جوز واحده صاحبتي شغال في الصحه و هيطلع لينا شهاده الوفاه بس الاول نشوف اخوك لازم ياخذ من الورث ولا ايه
عصام : اكيد طبعا مش ابنها
شمس :حبيبي كل حاجه تخلص بالفلوس
عصام :انتي فاكره الناس كلها معندهاش ضمير
شمس : تعالي ونشوف وراحت للمحامي
عصام :انا عصام ابن بدور على
المحامي :بدور على بدور علي أه اخت احمد علي
عصام :اه ابنها
المحامي :سالت عليكم كتير اوي
عصام :معلش اصل احنا سبنا البيت
المحامي :تمام وفين الحاجه علشان تستلم ورثها
شمس :توفها الله ربنا يرحمها
المحامي :اه البقاء لله ربنا يرحمها
شمس :ميرسي ربنا يخليك
المحامي :تمام اللي اعرفه ان حضرتك ليك اخ برضه
شمس :برضه توفاه الله
المحامي :نعم
شمس :في حادثه ربنا يرحمهم الثالثه
المحامي :ومين التالت
شمس :كوثر مرات حسين
المحامي :تمام حضرتك تقدر تجيب شهادات الوفاه واستلم ورثك عالطول
شمس :اكيد طبعا
المحامي :مالك يا استاذ عصام
عصام :ابدا مافيش
المحامي :تمام جدا جهزوا الورق وكلموني
عصام :اكيد وروح عصام وهو ساكت مش بينطق
شمس :مالك
عصام :لا مش هعمل كده
شمس :هو اي اللي لا
عصام :هروح لامي واقول ليها علي كل حاجه
شمس :شكلك اتجننت
عصام :لا عقلت لو عملت كلامك ده انا ممكن اتحبس
شمس :مش لو فضلنا في مصر اصلا
عصام :مش فاهم
شمس :احنا هنبيع كل شي وهنسافر برا
عصام :لا مش هعمل كده
شمس :هو بمزاجك يا عصام
عصام :ايوه بمزاجي اي انتي خلتني انسان تاني في اي عمري ما كنت كده حرام عليكي منك لله خسرتيني امي واخويا منك لله
شمس :لا انا مش مصدقه انت عصام اللي انا حبيته
عصام :ايوه انا بس بحب امي اكتر من اي حاجه وعالشانك خسرت امي عايزني كمان أموتها بالحياه غوري يا شيخه انتي طالق
شمس :بعد ما خليتك بني ادم تطلقني يا عره
عصام :امشي اطلعي برا
شمس :اطلع انت برا الشقه دي بتاعتي
عصام :مش عايزها اشبعي بيها
شمس :والله لاوريك يا عصام وراح عصام عند حسين
كوثر :عصام تعالي
حسين :خير مالك فيك اي
عصام :انا طلقت شمس
حسين :طيب تعالي بس ادخل
عصام :امي فين
كوثر : نائمه دقيقه واحده وصحيها
عصام :لا انا عايز حسين
حسين :تعالي يا اخويا مالك بس
عصام :خالك احمد مات
حسين :لا اله الا الله
عصام : واحنا لينا ورث كبير لأن عمك متجوزش
حسين:وانت عرفت منين الكلام ده
عصام :موضوع كبير المهم الشيطانه اللي اسمها شمس خليتني روحت للمحامي وقولت ليه أن امك ماتت وانت كمان .
كوثر :بعد الشر
عصام : انا غلطان يا اخويا والله حقك عليا انا طلقتها وخلاص وخلصت من شرها
كوثر :مستحيل تكون انسانه
عصام:ارجوك عايزك تحل الموضوع معايا من غير ما امك تعرف
حسين :اعمل اي يعني
عصام :نروح للمحامي ونقول ليه علي كل حاجه
حسين :ادخل نام بس وبكره ربنا يحلها
عصام :سامحني يا حسين
حسين :انا مسامحك المهم امك
كوثر :ماما طيبه والله
عصام :انا عايز انام جمب امي
كوثر :يا حبيبي الشقه شقتك ودخل فعلا ونام في حضن أمه كأنه عيل صغير
الام :عصام في اي
عصام :عايز انام في حضنك يا امي
الام :تعالي يا حبيبي تعالي ونامت والصلح قاموا يرحوا للمحامي
حسين :ازي حضرتك
المحامي :ازيك يا استاذ حسين
عصام :هو حضرتك تعرفه
المحامي :انت نجيت نفسك من الحبس بالحركه دي بس قولي كنت هتجيب ليا شهادات وفاه ازاي
عصام :افهم بس اي الحوار
المحامي : تخيل يشاء السميع العليم ان انت تمشي من هنا واخوك حسين نفس الراجل اللي وصل ليا وصلوا لي برده
وطبعا انا انصدمت لما شفته قدامي
#فلاش باك
حسين :مساء الخير انا حسين ابن الحاجه بدور على
المحامي :مين
حسين :حضرتك كنت سايب لينا خبر أن حد يتواصل مع حضرتك
المحامي :ممكن اشوف البطاقه
حسين :اتفضل
المحامي :لا اله الا الله
حسين :فيه اي .
المحامي : هو حضرتك لك اخ اسمه عصام
حسين :ايوه بس انا بس جايه فاهم كل حاجه و باذن الله هيجي لحضرتك معي المره الجايه
المحامي : ليه هو انت حضرتك ناوي تدي له من الورث
حسين :حضرتك انا مدى ادي له ليه ربنا يخلي امي هي حره في مالها
المحامي:هي مامت حضرتك عايشه
حسين :الحمد لله
المحامي :في حد كده ممكن حد يموت أمه وأخو علشان الفلوس
حسين :حضرتك بتقول اي
المحامي :اخوك جالي وللاسف قال ان انت ومامتك توفيتم في حادثه
حسين :اي بتقول اي
المحامي :والله زيما بقولك كده
حسين : معقول الفلوس عمت عينيه كده
المحامي :ده هيروح في داهيه
حسين :ارجوك بلاش تاخد أجراء من غير ما ترجع ليا
المحامي :ازاي بس
حسين :ارجوك ياريت ومشي وراح قال لامه
الام :معقول يعمل كده علشان الفلوس
كوثر :, منها لله الشيطانه شمس
حسين :والله لحبسه هو وهي
كوثر :لا ارجوك
الام :ابني مش هيعمل كده
حسين :عصام اتغير
الام :بكره تشوف
حسين : ياريت ودخلت نامت وجه عصام
#رجوع
عصام :انا ندمان والله
المحامي :نجيت نفسك
عصام :ياريت امي تسامحني
حسين :امك مسماحاك خدوا والورث وعمل عصام وحسين مشروع خاص بيهم هما وعدا 6شهور
وكانت كوثر قاعده في البيت والتليفون رن
كوثر :الو ايوه ازيك يا واد يا شريف
شريف :عرفتني عالطول كده
كوثر. طبعا فينك يا واد جيت امتي من السفر
شريف :من شهرين
كوثر :اخس عليك وربنا زعلانه منك
شريف :منا جاي انا ومراتي نتغدا عندك
كوثر :مراتك يخربيت فقرك انت اتجوزت في الامارات يا واد
شريف :لا من هنا بس معلش معملناش فرح عالعموم لما اجي هقولك
كوثر :مستنياك والكل كان قاعد مستني شريف
عصام :شكله هو اللي بيرن الجرس الواد ده وحشني اوي
كوثر :والله وانا كمان وفتح الباب كانت شمس
عصام :اي اللي جابك هنا
شمس :معلش شريف بيركن العربيه قولت اطلع انا
كوثر : وانتي مالك ومال شريف
شمس :اه نسيت اقولك اخوكي شريف بقي جوزي
يتبع


رواية شمس غداره الفصل الثامن

كوثر :ههههه مرات مين
شريف :مساء الخير اي وافقه علي الباب ليه
كوثر :امال عايز اي يا استاذ شريف
شريف :اي ده فيه اي ليه طريقه كلامك دي
كوثر :هو انت متجوز دي
شريف :اي دي مش فاهم
شمس عالفكره انا قولت لجوزي كل حاجه
حسين:أنا مش فاهم يعني انت عايز تقول انك عارف ان الزفته كانت مرات اخويا وانت اتجوزتها
شريف :كل شئ قسمه ونصيب ولو سمحت أنا مسمحش ليك انك تقول عليها زفته
كوثر :بعد اذنكم مش حابين ضيفتكم وقفلت الباب
حسين :اي ده
كوثر :ارجوك مش عايزه كلام ودخلت الأوضه
الام :اي ده البت دي وباء
عصام :والله العظيم هتفضل ورا لحد ما تخلص فلوسه وبعدين هتسيبه انا عارفها
حسين: كوثر صعبانه عليا
الام :ادخلها يا حبيبي
عصام: هديها يا حسين
حسين : حاضر منك لله يا شمس الزفت
ودخل الاوضه
كوثر :ارجوك يا حسين انا مش ناقصه كلام ارجوك
حسين:بلاش اشوفك مالك
كوثر :عارفه انك جاي تتكلم معايا أن ازاي شريف يتجوزها كفايه أن اخويا خسرته
حسين:مينفعش
كوثر :هو اي اللي مينفعش
حسين:أنك تسيبي اخوكي
كوثر :ده مش اخويا
حسين: كوثر انا عارف انك متعصبه لازم تهدي علشان نعرف نفكر
كوثر :قلبي وجعني اوي ويا تري عصام بيقول اي عليا دلوقتي
حسين:يقول عليكي اقسم بالله ده زعلان علشانك تعالي نخرج ليهم
كوثر :ماشي وخرجت
عصام:تعالي جنبي يا كوثر
كوثر :والله يا عصام انا ما كنت اعرف
عصام :بتقولي اي اكيد عارف ومش مستني الكلام ده بس مينفعش نسيب شريف
كوثر :هو عيل يعني هنقوله اعمل كذه هيعمله
عصام:لا بس لازم نفكر ازاي تخليها تسيبه
حسين :شقه مامتك يا كوثر
كوثر :مالها
حسين:لازم تشتريها من اخوكي
كوثر :اكيد الشقه مش في دماغه
عصام :هتحاول تحرق دمك وتبيعها
كوثر :اقسم بالله ده انا اقتلها
حسين:بالهدوء يا حبيبتي
الام :كان يوم اسود يوم ما سكنت قدمنا
#وفي شقه شريف
شمس :انا اسفه يا شريف
شريف :علي اي مش فاهم
شمس :أن كنت السبب انك تبقي في موقف وحش مع اختك مش فاهمه ليه بتكرهني اوي كده
شريف :انا اللي اسف يا حبيبتي علي اللي حصل
شمس :مش قادره تفهم أن انت اللي خرجتني من حاله الاكتئاب اللي كنت فيها
#فلاش باك
شمس بدور علي ايميل شريف في صفحه كوثر
شمس :ايوه كده بقي تعالي وبعتت ليه ادد
شريف :ازيك عامله اي مش انتي مرات عصام صح
شمس :ايوه مين معلش مش عارفه ازاي اتبعت ليك ادد
شريف :انا شريف اخو كوثر
شمس :اااااه ازيك عامل اي
شريف :بخير والله ازيك وازي كل اللي عندك
شمس :بخير الحمد لله والله مش عارفه طلب الاضافه اتبعت ازاي
شريف :لو مضايقه أو عصام ممكن يزعق انا ممكن الغي
شمس : عصام😭 انا أطلقت
شريف :لا اله الا الله ليه كده
شمس : ارجوك بلاش تفكرني
شريف :تمام
شمس :اقسم بالله انا نفسيتي زفت اوي وتعبانه جدا ومنهاره ليه ده انا بعت شقه امي علشانه اي نعم الشقه الجديده كانت باسمي بس برضه لان كانت فلوسي
شريف :طيب متزعليش نفسك
شمس :طيب ارجوك نكمل بعدين
شريف :طيب ياريت تبقي تطمنيني عليكي
شمس :اكيد وعاده يومين وشمس قافله النت
وبعدين فتحت لقت رساله من شريف
شريف :فينك يا بنتي طمنيني عليكي
شمس :معلش انا كنت في المستشفي بقالي يومين والله
شريف :ليه كده
شمس :هبوط من قله الاكل
شريف :تحبي اتكلم مع كوثر تحل الموضوع
شمس :ارجوك لا متعملش كده كرامتي
شريف :طيب ياريت تخلي بالك من نفسك
شمس :هو انت مسافر صح
شريف :ايوه في الامارات
شمس : وحلوه بقي الامارات
شريف :بس مصر احلي بناسها
شمس المهم انت كويس
شريف :نفسي ارجع والله
شمس : طيب ماترجع ولا المدام حباه العيشه هناك
شريف : مدام مين انا طلقت المدام من بدري
شمس : ليه كده بس
شريف : ما فيش نصيب نكمل مع بعض
شمس : انت انسان محترم قوي يا استاذ شريف
شريف : ربنا يخليكي يا مدام شمس
شمس : ابقى اسمحلي أن من وقت ثاني ابقى اطمن عليك
شريف : يا نهار ابيض انا كنت عايزه اقول لك كده بس اتكسفت منك بصراحه
شمس :اصل انا ما ليش حد من بعد ما ماما ماتت الله يرحمها وعشان كده عصام جه عليا
شريف : انا موجود وتحت امرك في اي وقت
وفضلوا كل يوم يتكلموا مع بعض
وفي يوم
شمس :بجد يا شريف انت هو انت هونت عليا الدنيا قوي انا مش عارفه من غيرك كنت عملت ايه
شريف : والله وانا بجد بقيت عايزه اخلص شغلي بسرعه عشان هارجع واتكلم معاكي
شمس : يا ربنا يخليك ليا اقصد ربنا يخليك
شريف : تتجوزيني يا شمس
شمس : ايه لا طبعا ازاي
شريف : مش فاهم يعني هو ايه اللي ازاي
شمس :طبعا كوثر لو عرفت الموضوع مش هتوافق انت عارف انها بتحب اهل جوزها قوي
شريف : ما حدش ليه حاجه عندي انا حر
شمس : ارجوك يا شريف انا مش عايزه مشاكل بينك وبين اختك
شريف : وافق انت بس وانا احلها لك
شمس : انت انسان كويس ومحترم ما تتعوضش بس طبعا انا خايفه من المشاكل
شريف :اوعدك لو وافقت هانزل مصر ونتجوز مش هاعرف كوسه اللي بعد ما نتجوز
شمس : طيب سيبني فكر طيب
شريف : شمس انت لو وافقت انا هانزل الاسبوع الجاي وهسيب شغل عشانك
شمس : الاسبوع الجاي يا مجنون
شريف :كوثر انت بتتكلمي عن دي مش بترفع سماعه التليفون واتصل بي بجد انا حياتي بدات بيكي
شمس : والله وانا انا بكره الليل عشان هانام فيه مش هاكون باكلمك
شريف : خلاص انا هنزل الاسبوع الجاي وهنتجوز
شمس : ماشي يا شريف وفعلا انزل شريف واتجوز شمس وراح لاخته
#رجوع
حسين :رايحه فين
كوثر :هروح لشريف
حسين: قلت لك اهدي لحد ما افكر مش هينفع تروحي دلوقت مش عايزه تتعامل معك باسلوب وحش
كوثر : كل ولا شقه امي امي موصيه ان شقه ما تتعبش
حسين : بطريقتك دي هي نتبعها
كوثر : وانا مش هوافق
حسين : طيب اصبري البس و اجي معاكي
كوثر : معلش لا انا عايزه اروح لوحدي
وراحت فعلا
شمس :كوثر تعالي منوراني
كوثر :فين شريف
شمس : هصحي ياشريف يا شريف تعالي
كوثر :حلوه الشقه
شمس :ربنا يخلي ليا شريف
كوثر :شريف عايزك لو سمحت
شمس. : تشربي اي
كوثر :مش عايزه منك حاجه
شريف :بقولك اي شمس ست البيت يا تحترميها يا تطلعي برا كوثر :انت بتقولي انا الكلام ده
شمس :شريف عيب اختك
كوثر :انتي. تخرسي خالص
شريف مسك كوثر من أيدها ورامها بره وقعت علي السلم ما شوفش وشك هنا تاني


رواية شمس غداره الفصل التاسع

شمس :ينهار اسود اي اللي انت عملته ده
شريف :ادخلي جوا
شمس :لا طبعا مينفعش اوعي كده
شريف :قولت ادخلي جوا ودخلت وكوثر حاولت تقوم وتنزل وكانت اتعورت في دماغها ونزلت الشارع وقعت والناس راحت بيها عالمستشفي
الدكتور :هو اي اللي حصل بالظبط
كوثر :كنت طالعه عالسلم وقعت
الدكتور :الحمد لله انتي بخير بس الجنين نزل
كوثر :جنين اي
الدكتور:حضرتك متعرفيش انك كنتي حامل د
كوثر :معقول يا ربي ليه كده بس
الدكتور :استغفري ربنا تلفونك مش مبطل رن
كوثر :شكرا لحضرتك وردت علي التلفون كانت حماتها
حماتها:فينك يا كوثر
كوثر :في المستشفي
حماتها :خير
كوثر :معلش يا ماما مش عارفه اتكلم
حماتها :طيب في مستشفي اي
كوثر قالت ليها علي اسم المستشفي وراحت هي وحسين
حسين :كوثر حبيبتي مالك
كوثر :وقعت من عالسلم عند شريف
الام :حبيبتي الف سلامه عليكي
كوثر :انا كنت حامل
حسين :نعم بتقولي اي
كوثر :للاسف نزل
حسين :يارب اني لا أسألك القضاء واني اطلب من رحمتك اللطف فيه
الام :خير يا بني المهم انتي كويسه
كوثر :بخير
حسين :وقعتي ازاي يا كوثر
كوثر :كنت طالعه روحت واقعه
حسين :انتي كدابه
الام :اهدي يابني
حسين :قولي الحقيقه الزفته دي ضربتك
كوثر ،:اقسم بالله ابدا
عصام جه
عصام :مالك يا كوثر فيكي اي
كوثر :انا بخير يا جماعه والله
حسين : قولي جرالك اي
كوثر : والله وقعت من عالسلم
عصام :اقسم بالله بعرفك لما بتكدبي يا مرات اخويا والله لقتلك يا شمس
كوثر :والله ما هي
حسين :اخوكي
كوثر :مكنش يقصد
حسين:هحبسه يا كوثر
كوثر :ابوس ايدك اخويا
عصام :العيب مش عليه العيب علي الواطيه الفاجره لازم تموت يا حسين
حسين :اهدي بس
عصام :اوعي سيب ايدي وجري
كوثر :الحقه والنبي يا يا حسين
الام :والنبي يا حسين عصام مجنون ارجوك وجري حسين ورا عصام ومش لحقه ووصل عصام بيت شريف فتحت شمس
شمس :عصام عامل اي
عصام :انتي عايزه اي
شمس راحت قعدت علي الكرسي ورفعت العبايه وقلعت الشبشب تبوس رجلي
عصام : انتي اتجننتي صح
شمس :مش عايز ترجع ليا
عصام :بتحلمي انتي كابوس ومصدقت خلصت منه
شمس :كداب انت لسه بتحبني بتحب كل حته فيا هتموت عليا
عصام : انتي جايبه الثقه دي منين
شمس :من جمالي وحلاوتي يا قلبي
عصام :انا بكرهك
شمس :كداب انت هتموت دلوقتي وتبقي معايا
عصام :ليه عملتي كده
شمس :مش طلقتني ورميتني
عصام :كان نفسي تكوني انسانه كويسه
شمس : هههههههههههه امي كانت كويسه وكانت بتاخد بالجزمه
عصام :علشان كده عندك عقده
شمس :فاكره كل حاجه كانها امبارح ذل ابويا ليها كانت خدامه انتو كده اللي تقول حاضر ونعم تفتكروا أنها عبيده عندكم
#فلاش باك
ام شمس رضا وجوزها محروس قاعدين في البيت
محروس :انتي يا زفته
رضا :نعم ايوه
محروس :فين الغدا
رضا :عالنار
محروس :قاعده بتعملي اي طول اليوم
رضا:والله مامتك طول اليوم غسيل ومسح وأكل ولسه طالعه الشقه
محروس مسكها من شعرها :وانا مالي ماتصحي بدري عالشان تحلقي تخلصي
رضا :حقك عليا والنبي انا اسفه
حسين :كتك الاقرف مش عارف اي اللي خلاني ابص لوحده زيك
رضا :حقك عليا يا اخويا والنبي
ونزل عند أمه
شمس :متعيطتيش يا ماما
رضا :حبيبتي تعالي
شمس :بوصي يا ماما أنا كنت جيباه السكينه علشان اقتله
رضا :عيب عليكي ازاي عايزه تعملي كده في بابا
شمس :علشان هو مفتري وبيضربك
رضا :بس بس
محروس :ليها حق مانتي مش مربيها ونزل في امها ضرب
#رجوع
شمس :وكل يوم كنت بشوف امي بتضرب وبتسكت لا وكنت بشوف ابويا بيخونها علشان هي نكديه لا انا مش أمي
عصام :اطلقي يا شمس وانا هرجع ليكي
شمس :قولت اللي عندي مش هعمل كده الا لما تبوس رجلي ومش هنا قدام امك واخوك 😧
وفي المستشفي
كوثر :انا خايفه علي عصام
الام :كنت روحت بيت شريف
حسين :لو روحت بيت شريف هقتله
الام :ياقلبي منك لله يا شمس
كوثر :حبيبي احمد ربنا افرض جبنا طفل مريض ارجوك روح شوف عصام والنبي ما تعمل حاجه لشريف
حسين :هعمل كده لحد ما تقفي علي رجلك بس
كوثر :ماشي يا حبيبي ومشي حسين راح بيت شريف لقاه ناس كتير واقفين وشريف والظابط جوا
شريف :اخو اهو يا حضرت الظابط جاي يشوف اخو نفذ ولا لا
حسين :فيه اي مش فاهم
شريف :مش عارف ان اخوك رما شمس من البلاكونه بعد ما دبحها
حسين:بتقول اي
شريف :ايوه اقبض عليه يا حضرت الظابط لحد ما يقول أخوه فين
حسين :مين قال أن اخويا اللي عمل كده
شريف : محفظته اي اللي جابها في شقتي ومش دي بطاقته
يتبع


رواية شمس غداره الفصل العاشر


حسين : لا يستحيل اخويا يعمل كده
شريف :مراتي لا حرام عليكم وطلع قرار بالقبض علي عصام
حسين :عصام انت عملت اي ليه كده

عصام :والله ما عملت حاجه اه انا روحت واتخانقت معاها بس والله ما قتلتها
حسين :امال مين اللي عمل كده
عصام :والله ما اعرف انا ضعفت قدام جمالها تاني وطلبت منها أنها طلقك بس والله فعلا ما قتلتها انا ضربتها بس
#فلاش باك
عصام:ابوس رجل مين يا واطيه
شمس :انا واطيه امشي اطلع برا
عصام : أقسم بالله لو فكرتي انك تاذي كوثر مش هيحصل ليكي كويس
شمس :هوجع قلبها علي اخوها
عصام مسك شمس من وشها
اقسم بالله لقتلك
شمس :اتكلم علي قدك امشي اطلع برا يازباله
عصام:انا زباله والله لوريكي وحدف شمس وقعت اتخبطت في التربيزه اتعورت جايه تقوم مسكت في رجل عصام زقها المحفظه وقعت ومخدتش باله نزل وساب الشقه مفتوحه


وبعدها دخل محمد الشقه
شمس :ااااه دماغي محمد الحقني
محمد :بقالي شهرين بدور عليكي واول ما شوفت جوزك في المستشفي قولت هو جاي علي هنا بس سمعت انك واطيه وده مبقاش جوزك
شمس :محمد دماغي ارجوك الحقني
محمد :الحلقك اي ده انا نفسي تتصفي قدامي واشوفك ميته
شمس :انا عارفه انك بتحبني ارجوك الحقني
محمد : انتي فاكره اني لسه محمد بتاع زمان لا ياشمس
شمس :انت جاي عايز اي وبتحاول تقوم
محمد :انا كنت جاي اخرب بيتك بس انما لما عرفت انك انتي اطلقتي من جوزك واتجوزتي اخو مرات اخو عايز اقتلك لازم الناس ترتاح من شرك
شمس :شري انا يا كلاب لا انا لسه شمس بتاعت زمان وهقوم وهقف علي رجلي يا كلاب وهبلغ عنك يا محمد يا مدمن
محمد :اسكتي من انا اتعلجت الحمد لله
شمس :هوريك يا محمد
محمد :مش لو كان في العمر باقيه يا شمس ومسك شمس والسكينه وعورها عند رقبتها
ونزل جري
#رجوع
عصام :والله انا خبطها بس في التربيزه
حسين :انا عارف انك مش كداب ليه روحت بس
عصام:منها لله حسبي الله ونعم الوكيل
حسين :المهم لازم نقوم محامي
عصام :ارجوك خليك جنبي انا خايف
حسين :منها لله مؤذيه وعايشه وميته
عصام 'المهم شوف موضوع المحامي ده مع ان حاسس ان خلاص كده
حسين :اهدي يالله اكيد ربنا هيظهر الحقيقه


وفي شقه مازن زميل محمد
محمد قاعد بيترعش
مازن :مالك فيك اي
محمد :تعبان اوي
مازن :في اي يخربيتك انت رجعت لامخدرات تاني
محمد :لا والله ابدا انا عايز انام بس
مازن :ماشي نام وخرج مازن برا ولقاه حاجه محمد تحت الانتريه
محمد :عالطول رامي الحاجه كده وفتح لقاه السكينه غرقانه دم
مازن :ينهار اسود دم مين ده محمد عملت اي يخربيت لا انا كده ممكن اروح في داهيه ونزل وراح القسم وبلغ عن محمد وأن في سكينه كان مخبيها
وتم القبض علي محمد
الظابط :قتلتها ليه
محمد :هي السبب في اللي انا فيه دلوقتي
الظابط :تروح دبحها ورميها من البلاكونه
محمد:والله ما حصل انا دبحتها بس
الظابط :يابني التهمه كده كده لابساك
محمد :عارف وندمان أن حياتي راحت بسبب وحده زي دي بس والله انا مش رميتها من البلاكونه
وتم القبض على محمد وخرج عصام
حسين :الحمد لله يا حبيبي
كوثر :قلبي كان وجعني عليك
شريف :عايز اعرف محفظتك كانت بتعمل اي في شقتي
كوثر :انت غبي وهتفضل طول عمرك غبي عصام زعل عليا بعد. ما عرف اني حامل وماشافش قدامه
حسين :يلا بينا يا كوثر وحق البيبي اللي كان في بطن اختك انا مش هسيبه ومشيوا
كوثر :طيب مين اللي رماها من البلاكونه
حسين :احنا مالنا بقي
كوثر :خايفه يكون شريف
الام :و شريف هيعمل كده ليه
كوثر :اكيد سمع حاجه
عصام :لا لو سمع وشافها مدبوحه كان سابها تموت ليه الرميمن البلاكونه مش فاهم وفي بيت قديم كان قاعد راجل عجوز مش قادره يتحرك من مكانه
ودخل ولد صغير اسمه سامح
سامح :مالك يا عم محروس
محروس :كان لازم تموت ايوه لازم تموت
سامح :هي مين
محروس :شمس بنتي كان لازم تموت ايوه موتتني وانا عايش
#فلاش باك

ودخل محروس شقه شمس
شمس :الحقني يا بابا
محروس :دلوقتي بقيت بابا بعد ما رمتيني في الشارع وخليتي امك تعصي عليا
شمس :كنت زوج مفتري واب ظالم
محروس :وخد جزائي وانتي لازم تخدي نصيبك أيوه انا اللي قتلت امك وكنت جاي علشان اقتلك انت كمان بس من كتر البلاوي اللي عملتيها الناس كلها جايه تنتقم منك
شمس :لا مش هموت وهقوم وهحبسكم كلكم
وشال محروس شمس ورماها من البلاكونه وكان في عيل صغير في البلاكونه اللي فوقهم شاف اللي حصل بس كان مرعوب أنه يتكلم وبعدها قال علي اللي شافه وتم القبض علي محروس واعترف أنه سم مراته وقتل بنته

وفي بيت حسين راح شريف بعد سنه في سبوع بنت أخته
حسين :نعم اي اللي جابك هنا
كوثر :حسين ارجوك
الام :عيب يا حسين
شريف :اطلع وندمان عليها والله ياريت تسامحوني
عصام :ارجوك يا حسين زي ما سامحتني ياريت تسامحه وراح شال حسين البيبي واده ل شريف
تمت
منال : مينفعش يا ماما اللي اسماء بتعمله ده
امل :وحضرتك جايه تعدلي علينا هنا في البيت
منال :والله ما اقصد بس مينفعش تعزم اصاحبها وحضرتك مش في البيت
امل :بنتي متربيه يا حبيبتي وانا واثقه فيها
منال :حبيبتي انا مقولتش حاجه
امل :ولا ينفع تقولي واتفضلي اطلعي علي شقتك
منال حاضر وطلعت ودخلت اسماء اوضتها ومسكت الفون
واتصلت ب هشام
هشام :الله يخربيتك مش قولتي ماما بايته برا
اسماء :معرفش اي اللي جابها شوفت أن الحمد لله أن خرجت من الاوضه كانت هتعمل اي لو جت لاقتني معاك
هشام :وهو انتي مش مراتي
اسماء :في السر امتي بقي باباك يجي علشان نعرف الناس كلها أننا متجوزين
جزء من قصه بنت هانم مين متابع




الرواية كاملة متوفرة على مدونة يوتوبيا
ولكن باقي الحلقات لن تظهر لك إلا بعد وضع تعليق
reaction:

تعليقات

18 تعليقًا
إرسال تعليق
  1. رواية جميله ارجو التكمله

    ردحذف
  2. اريد باقي فصول شمس غدارة من اول التاسع

    ردحذف
  3. حلوه كتير الروايه بس ياريت ماتطولو بتنزيل الفصول

    ردحذف

إرسال تعليق