رواية هروب ما بعد اغتصاب الحلقة السادسة 6 بقلم ميرو أحمد

 رواية هروب ما بعد اغتصاب الحلقة السادسة 6 بقلم ميرو أحمد

رواية هروب ما بعد اغتصاب الجزء السادس

رواية هروب ما بعد اغتصاب الحلقة السادسة 6 بقلم ميرو أحمد


رواية هروب ما بعد اغتصاب الفصل السادس

انا بلعت ريقي بخوف ونبكي: نحكيلك كل شي بس
مسعود: بس شنو
انا: ماتشقف عليا ولا تعصب عليا
مسعود: احكي بس
انا وقفت 😭😭😭😭😭😭 قدمتله بخطوات وادموعي سابقوني 
انا نبكي تبي تعرف شن دارولي 
مسعود ساكت ايشوفلي كيف في لحضه انهرت نبكي 
هز راسه بمعنى اي 
انا نبكي بهستريه ونحيت تيشرتي ونبكي شوف شوف بعيونك شن دارتلي 
مسعود فتح اعيونه بصدمه وجرائتي كيف قعدت بداخلي بس
انا نبكي: شوف مش تبي تعرف شوف كيف جسمي امشوه شوف اهو صح تبي تعرف وطحت ع الارض نبكي ومنهاره
مسعود مزال مصدوم مش مستوعب لقطتي
انا 😭😭: من انا اصغيره نتعذب علي ايديها مافيش اي تعذيب ماجرباته عليا لمه بوي ايسافر تقعد تحبس فيا وتحرمني من الاكل لو درت حاجه غلط اتزيد اتعذبني مره نقرا صف الثالث نحجت الاول ع الصف روحت فرحانه يوم هدا كان بابا مش قاعد في البيت خشيت المطبخ فرحانه بنقولها نجحت كانت تقلي في بطاطا قتلها نجحت الاول ننصدم بالزيت الساخن كباته عليا جسمي تشوه منها بعد روح بابا قتله كنت نقلي في الزيت وهي جت تلعب انحرقت بلغلط طبعا بابا صدقها وكذبني واستمر عذابها ليا كل ما بابا يتاخر ولا ايسافر اتعاملني ابشع معامله مره بعد ماحبستني في الملحق كان ظلام وانا عندي فوبيا من الظلام عملتها علي روحي من الخوف تعرف شن درتلي تبي انقولك ضربتني بالضي تعرف شن معنى بنت عمره 9 اسنين تتعذب كنت نتعذب وساكته وخايفه مانقدرش انقولو لي بابا لانه باساطه بتعذبني وتضربني اكثر ندكر فيها يومها بعد ضربتني بضي قعدت يوم كامل جسمي فاشل مش قادره نتحرك بكل دم بارد خلتني املوحه في الملحق 
😭😭😭 وقعدت نبكي اكثر شن تبي نحكيلك علي اكثر انسان ظلمني وعذبني فحياتي
مسعود متاثر فوق من منضر ريناد كيف بطنها محروقه واضح الاثر قديم
انا نبكي: كنك ساكت صح تبي تعرف 😭😭😭 عليش مصر ادكرني بيها ديما هي مش حرقت جسمي بس هي حرقت روحي وخدت وسكتها مسعود
مسعود 🥺: خلاص اسكتي ماتبكيش
مسعود رفع تشرت ريناد ولف بيه جسمها الي كان عريان 
مسعود ايحاول ايهديها: اهدي ريناد ... ورفع راسي الي كان امنزلته ونبكي 
مسعود: شوفلي هنا 
انا رفع راسي 😢😭 
مسعود: اهدي وانسي الي صار وخليك قويه زي قبل سكت اشوي وتكلم بعصبيه: والكلبه هديك توا اتشوف وربي ماهي ناجيه مني وعد مني ناخدلك حقك منها
انا نتكلم ونشهق: يعني بتساعدني
مسعود: اكيد الي ايضر حاجه شور مسعود يتحمل عواقبه 
انا حضنته ونبكي 😭😭😭💔
مسعود علي طول ايديه ارتخيو اول مره اتصير في حياته بنت تحضنه بالشكل هدا وتاخد راحته واتهدرز امعاها عادي معرفش كيف ايواسيها
مسعود لف ايده عليها وبادلها الحضن: اهدي وراسك ناخدلك حقك علي كل دمعه نزلت من عينك
مسعود رفع راسها بايده ومسحلها ادموعها
مسعود: خلاص معاش نبي انشوفهن هذين نبي انشوف ضحكتك بس ومرت بوك احسابها امعايا وله احساب احسابين 🔥🔥 
انا😢: انت امصدقني صح 😭💔 
مسعود: والله امصدقك
انا 💔😭: وربي انت اجمل نعمه ربي بعتها ليا انت مش خويا بس انت سندي واغلا شخص علي قلبي واكثر انسان يفهمني
مسعود ابتسم: خلاص توا البسي وامشي ارقدي رد بالك اتفكري في حاجه ولا اتفكري فيهم خليهم عليا وبعدين معاش اتعوديها لقطتك تسلحي دبشك قدام اتعاوديها حي عليك مني 🔥
انا ضحكت في نص بكيتي : انت مش اي حد بنسبه ليا ❤ ️
مسعود شفشلي اشعري: سوا انا سوا غيري رد بالك اتعاوديها 
انا : حاضر
مسعود: توا امشي تريحي تمام
انا هزيت راسي 
مسعود لف وجه لجيهه التانيه وصبا وقف ع الطاوله الي عليها الوراق
انا لبست التشرت 💔 
مسعود: بكرا نحكي امع باتي وانشوفه
انا: تمام صح بكرا ماشين
مسعود: اي بنحكيله غادي
انا: تمام
مسعود اعيونه عليا: تصبحي علي خير
انا: وانت من اهل الخير 
طلعت سكرت الباب ورايا بس بسرعه مارديت فتحت الباب مسعود استغرب فيا ليش رجعت
انا ابتسمت : نسيت حاجه
مسعود: شنو
انا قدمت بخطوات ورفعت روحي وبسته علي خده
انا ابتسمت: تصبح علي خير يا منقذي ❤️ 
مسعود قرن حواجبه: شنو هدا
انا شفتله: شي 
مسعود: ياريت اديري احدود ياريناد مش صح هكي
انا شفتله برفعتة حاجب بنقلده: احدود ديرهم علي غيري مش عليا انا باهي وانا هكي من يومي هكي طبعي دلوعه علي قولتك المهم توا تتعود عليا ❤️ 
مسعود ضحك: امشي خيرلك
انا: ايوا هكي حتي انا نبي انشوف ضحكتك مش تحرمنا منها 
مسعود ضحك: عنجد نحرمك منها طيري من وجهي خيرلك
انا: محلاااااك وانت ضحك هكي شخصيك حلوه واحلى حاجه فيك انك حنووون واااجد وشخصيتك غير عن مايحكو الناس 
مسعود: ممكن امعاك انتي هكي شخصيتي
انا ابتسمت: نعليا يعني نا مميزه عندك 
مسعود: هبله وربي 😂😂😂 امشي ارقدي خير من ايجيك كف علي وجهك
انا ضحكت: مانهون عليك عارفه
مسعود: رينناااد
انا ضحكت: خلاص خلاص اهو طالعه 
طلعت نجري وسكرت الباب
مسعود ابستم: وربي ماتهوني عليا يافرخه مش عارف شن درتي فيا ليش الكل نقدر نسيطر عليهم الا انتي اتجي اتلخبطيني كل مره بكلامك وتصرفاتك اختفت بسمته لي نضرات كلها حقد 🔥 بعد ادكر كلامي وربي انعذبهم وزي ماعذبوك وناخد حق عمتي الي ليه اسنين تحسابني نسيته
.
.
.
.
خشيت لدار القيت ايه متوتره ماشيه جايه شافتلي ايه 
ايه: وين كنتي
انا منغير ما انحس: امع مسعود 
ايه حذفت تليفونها ع السرير بدهشه: كيف
انا:شنو الي كيف
ايه ضحكت: حي امتي حلكم حبيتو بعض ومقبالات بسر انتي ومسعود 😍😍😍 مش امصدقه ياربي 😍😍
انا ضحكت: خيالك واسع بكل 😂😂😂😂 مافيش منه الكلام غير كان في موضوع بيني وبين مسعود وتناقشنا فيه
ايه: شنهو الموضوع
انا: توا تعرفيه لمه ايجي وقته😂
ايه:تي ياسامطه قولي
انا:لا لين ايصير منه
ايه: خزي عليك نزعل منك
انا ضحكت: ازعلي توا ترضي
ايه: باهي عن شنو الموضوع
انا: ليش اتنقي علي راسي امشي لي مسعود اساليه
ايه شافتلي بطرف عينها: اصلا هدا لي ناقصني تسطفلو في بعضكم شن دخلني انا
انا ضحكت: ماهو انتي امدخله خشمك في حاجه مش ليك
ايه: تعالي جاي ليش اعيونك حمر واضح باكيه من اخدودك واعيونك امنفخات
انا: شي ادكرت بابا بس
ايه 🥺🥺: الله يرحمه ويغفرله حبيبتي
انا: امين 💔 
ايه سكتت
انا:بنرقد انا ورانا نوضه بدري وطريق 😂
ايه: ارقدي انا انراجي في احمد ايرد عليا
انا: خيرا
ايه: صح امبدري قتلك بيكلم امه علي موضوعنا توا نتصل بيه ما ايرد عليا بعدها انقفل التليفون خايفه صارتله حاجه
انا:شن بتصيرله يعني مرات انساه ماكلمك او امع اصحابه وطفى شحنه او قاعد جنب عيلته مرات صار نقاش امع عيلته او اي شي ممكن انتي خليه علي راحته بكرا يتصل بيك
ايه 😢: هذا الي كنت خايفه منه اكيد امه ماوافقت
انا: مرات اي مرات ماحكي مزال
ايه:خايفه ياريناد وربي حبيته انا
انا: ربي يجمعكم امع بعض حبيبتي ❤️ 
ايه: ان شاء الله
انا: خلاص ماتخمميش خليها علي ربي 
ايه هزت راسها وخايفه وهي حاجه من داخلها امخوفتها
رقدنا كل وحده كانت عندها غصه فيها قلبها 💔💔😢 
.
.
.
.
.
.
.
.
احمد بعصبيه: بتمشي توا ولا لا
سيف: امري لله امشي وانا اوحلت فيك تقول جايبك وناسيك
احمد : بتطلع ولا انفوتك راه مش طايق كلمه
سيف: دقيقه ونرجعلك
احمد:ماطولش
سيف: تمام نعطي لهلي علم
احمد هز راسه
خش سيف لبيتكم 
احمد تنهد بوجع وشاف البيت الي علي يساره 🥺🥺🥺
مقهور ومحروق من هله ليش مش اموفقين علي حاجه هو يبها 💔 اشويا طلع سيف وطلعو امع بعض
.
.
.
.
.
.
.
.
.
مسعود مارقد بكل منضري وانا نبكي قدامه ماطلعش من عينه كل مايدكرني ايزيد حقده علي سالمه اكثر بس هل المره مش ناويلها الخير بكل 🔥🔥 
.
.
.
.
.
.
خالي محمد: شن رايك في الموضوع
مبروكه: دير الي اتشوفه انت اكويس
خالي محمد لف راسه: توا انا انشاور فيك وانتي اتقولي دير الي اتشوفه
مبروكه: اي صح الي اتشوفه ماهو انت امخطط لكل شي توا تاخد في راي
خالي محمد: ارقدي خير 
مبروكه لفت وجها: غير كان تسكت انت توا نرقد
خالي محمد:ليش لويه وجهك عليا
مبروكه: مش تبي ترقد
خالي محمد: الصبر يارب
.
.
.
.
.
.
تاني يوم الصبح الساعه 7 كانو الكل واتين
خالي علي حط اخر الدبش في الشنطه
مؤيد: متاكدين ما نسيتو شي
مبروكه: اي يا اوليدي
خالي محمد: امال هيا نتوكلو
مؤيد: انا من يبي يركب امعايا
مبروكه: انا وباتك والبنات
مسعود: خلي البنات يركبو امعايا وانت ارفع باتي وامي ورد بالك تجري
مؤيد ضحك: خلي انديرو العكس احسن
خالي علي ضحك: 😂😂😂 طحت يا مؤيد
مؤيد: احلى عم والله تقدر ترفع خوك ومرت خوك
خالي علي:ؤ للاسف لا انت ولدهم اولا بيهم 
خالي محمد: خزي اكلاب اتعازمو علينا
ع جمال: ريت يا محمد قتلك ماتسيب السواقه يبدو ايدلو فيك
مسعود: ما عاش الي ايدل بويا و باتي قاعد امعزز امكرم بين عويله ومايحتاج حد وعايش عيشة ملوك وفي الي حاسده في عيشته ويبي ايكون زيه 😏 
خالي محمد ابتسم علي كلام ولده
ع جمال: توا احني شن قلنا انبصر انا وبوك انت ناط فيها
مسعود: حتي البصاره ليها احدود لمه اطق في باتي ما اسمها ابصاره
مبروكه: عيب يا مسعود خالك
مسعود: العيب علي صاحب العيب 
خ علي: خلاص انت عليش اتكبر فيها هو ايبصر امع باتك
تكلم يامحمد
خ محمد: خلاص مسعود ريحنا احني طالعين بنغيرو جو مش انكدو علي بعض 
مسعود سكت
نحنا منا ساكتين وانبحتو فيهم 
طبعا تعالو نحكيلكم من ماشي نحنا وخو مبروكه جمال ومرته وبناته واخت مبروكه تهاني وبناتها امعاهم وليد 
مؤيد: هيا نمشو مزال الطريق طويله
وليد: تمام هيا
روان: وليد بنمشي امع البنات
مبروكه: امشي يابنتي
وليد:وكنها سيارتنا
روان: نبي البنات انا
وليد: امشي ايموت من الشواطين ايخفف علي الملائكه
كلهم ضحكو عليها
ركبو الكل في سياراتهم
ركب مسعود السياره
ايه: رنوده
انا:عيونها
ايه: نجيهم يارب بري اركبي انتي من قدام
انا: تمام
فتحت ايه الباب وركب من وراء جت اسيل تجري
اسيل: وسعيلي يا ايووته بنمشي امعاكم 😂😂 
ايه بفرحه: هدا وين تحلا المشيه
اسيل: اكيد لاني انا امعاك
ايه: نجك ليا ياخيه اركبي هي علي اقل انكسد امعاك في الطريق
ركبت اسيل
جيت بنفتح الباب جت روان
روان: حيدي غادي انا نبي نركب قدام
انا سكتت وخرتلها فتحت الباب وقعمزت
قعدت مصدومه في وقحاتها بس برد عليا مسعود
مسعود بعصبيه:انزلي اركبي وراه يا انتلفي لخوك ريناد تعالي قعمزي قدام تعلمي اصول الادب الكبير ايقعمز قدام 
روان بحقد: كان اكبر مني بسنه شن بيصير
مسعود بنفاذ صبر: انزلي وراء ولا نحلف ماك راكبه امعايا
روان 💔😡: باهي
نزلت من السياره وضربتني بكتفها وركب جنب ايه وهي بتفجر من الموقف كيف مسعود اينزلها
انا مزلت مصدومه في صربتها ليا
مسعود: بتركبي ولا تبي نعزموك 
انا فتحت الباب وركبت بهدوء 
مسعود: سنه
انا سكتت
مسعود: من توا انخبركم اعيط مانبيش
ايه: ليش جايبنا امعاك لو بتعقدها من توا احني طالعين بنهيجو مش بنسكتو
مسعود: ماهو عاجبك انزلي
ايه: انت من البدايه قول يا ريناد تعالي اركبي امعايا مش اتجيبني انا امعاكم
شبحت مسعود القيته ايشوفلي ❤️ بعد اعيونه عني وتكلم بعصبيه
مسعود:شن اتقولي انتي
ايه ضحك: تربح ماديرلي جو الواعر امعا ريناد تضحك وجوك حلو اما انا اتكشر واتعيط عليا خلاص خودها ريلاكس اهو ريناد جنبك 😂😂😂 الي تبيه صار ماتعصبش عليا
مسعود فنص فيها: كلام الفاضي هذا معاش نبي نسمعه
توا فوتتها لك المره الجايه السانك انقصه
ايه: ريناد بالله تفاهمي امعه مصيبتك
انا ضحكت: كلا انتي تستاهلي ايعصب عليك
ايه: علي قيس امس بعد جيتي في اليل
مسعود ضرب ايده علي الدومان:ضمي فمك
ايه خافت طول سكتت
انا شفت كيف واضح عليه امعصب
روان كانت ساكته واتبحت في ايه وامركزه في كلامها
واسيل كذالك ساكته 
عم الصمت في السياره
طلعو السيارت كان مؤيد الاول وبعده عمي جمال وبعد وليد وبعده احني ورانا خالي علي 
مرت ساعه واحني مزال ما اوصلنا وملل الطريق مافيش حد تكلم ايه اتهدزر هي واسيل ابروحهم وروان امكسده علي تليفونها
انا لفيت راسي انبحت في مسعود: ملييت امتى نوصلو
مسعود: مزال الطريق طويله حتي بنغازي مزال ماطلعنا منها
انا: اوووف مليت بكل
مسعود:وشن انديرلك انا يعني
انا:ولع اغاني او اي شي يكسر الممل هدا
مسعود: مانحبش عمهم الاغاني
انا: به علي شان خاطري ولعهم ايغيرو جونا
مسعود: ريناد اسكتي خليني انركز في الطريق
انا: باهي اعطيني تليفونك انكسد ع النت
مسعود: وين تليفونك
انا:مافيش نت تم
مسعود: كان تسكتي واتريحني خوديه هاك
انا افرحت: نجك ليا 😍😍😍 
مسعود:المهم تسكتي واتخليني انركز
انا خديته منه: 😂😂😂😂 مش حانسكت
مسعود هزر راسه ايحاول ايركز في الطريق
روان مصدومه كيف مسعود عطي تليفونه ليا الي حتي من مؤيد مايقدرش يقرب تليفونه
فتحت تليفونه ووفتحت النت جو شعارات الفيس والمسنجر
انا: الملازم خليفه بعتلك رساله
مسعود: ماتفتحي شي منهم
انا: تمام عادي اندير تسجل خروج من فيسك وانخش بحسابي
مسعود: زي ماتبي
انا: نعليا اليوم كنك كريم واجد 😍😍😍 الي انقولها اي
مسعود ابتسم: فكينا منك ياطشه خليني في الطريق خير من انديرو حاذث
انا ضحكت: بعيد السو مزلت نبي روحي ونبيك متنسا وعدك ليا 😂 
مسعود: باهي اسكتي لو تبي روحك ما اتشوشي عليا
انا: باهي خلاص سكتت
فتحت ايميلي وكسدت عليه نفرج انفوت في الوقت
مر الوقت
كنت انهدرز امع صاحبتي في التعليقات في منشورها
وصلت رساله من رقم "" حبيبي بعد توصلو طمني عليك "" قعدت نقرا فيهم مرتين ثلاثه عشره مصدومه 😳😨 مش متوقعه عنده حبيبه 💔 
سكرت التليفون 
انا: شكرا اهوا تليفونك
مسعود شافلي: كنك مليتي بسرعه 
انا لفيت وجهي : نعست بنرقد
نزلت كرسي اشويا وغمضت اعيوني انحاول نستوعب
الرساله قعده بين اعيوني 💔💔💔 
اما روان ابتسمت بنصر وتتكلم داخلها مزال اصبري علي بيجيك مني هذي البدايه بس 😈😈
.
.
.
.
جلال كان ايخبط ع الباب وجنبه سالمه اترن في الجرس
جلال:كنهم مايفتحو الكلاب
سالمه: اصبر توا يسمعونا واضح البيت كبير الصوت مايوصل
جلال: توا شن دخل كبر البيت في الجرس
طلع عليهم جارهم من تخبيط جلال ع الباب
الراجل: تفضلو شن تبو
جلال:وانت شن دخلك شن نبو خش لبيتك ريحنا
الراجل : هدا قلة ادب اسمعاها انا في عمر بوك احترم نفسك
جلال: جينا دقينا علي بابك ليش حاشر خشمك
الراجل هز راسه: علي كل حال اصحاب الحوش مش قاعدين طالعين رحله يومين ايغيرو
جلال: من قالك انت
الراجل رد عليه بنفس اسلوبه الحقير:وانت شن دخلك من قالي، ،،، خش لبيته وسكر الباب
جلال: وين مشو الزح وقت طلعتهم
سالمه: ياناري اكيد يلعبو في افلوسنا ويصرفو فيهم علي احسابنا
جلال: ايدروها الكلاب لقيوها عندها افلوس خدوهم منها مش زينا احني طلعنا منها بلا دينار حتي البيت لزونا منه
سالمه: غير يرجعو توا ناخدو حقنا كله
جلال: كان خلو فيه وماصرفوش كله ياخوفي حتي البيت هدا يطلع شرو من افلوسها
سالمه: لالا هدا بيتهم نعرفه انا
جلال: شن عرفك بيه
سالمه : شكلك انسيت انه انا من سكان المنطقه هذي بعداطلقت من بوك ازوجت عبدالله ماتو هلي وخويا سافر هو مرته وباعو البيت
جلال: اي صح انسيت بكل
سالمه: ندكر كل تركينه في المنطقه هذي 
جلال: اها انا تاعب وهذوم طلعو مش قاعدين هيا نمشو انردو عليهم بعد يومين انشوفوهم
سالمه: به
ركبو في سيرتهم ومشو لي الشقه الي اماجرها جلال
.
.
.
.
.
مر الوقت وصلنا لي البيضاء نص ساعه وكنا قدام الشالي الي حاجزه مؤيد 
نزلنا حاجاتنا الشباب خشو في البحر
احني قعدنا انوتو لي الغذاء لانه الكل كان تاعب وفارط من الجوع
ايه:تعالو انخشو البحر والله سهفني
انا:والغذاء
اسيل: اهو قاعدات ماما وعماتي
روان: حساستيني انك قاعده اطيبي فيه توا
انا 😑😑😑 
ايه: علي اساس انتي الفالحه هي فيها الخير فكرت اتساعدهم
انا 😏😏😏
ساره: ونبي هيا نمشو 
انا: امشو انتم انا ماعنديش نيه
ايه: علي راحتك بيفوتك الجو
اسيل: غير تعالي 
انا:بعدين والله توا ماعنديش نيه نبي نرقد 
ايه:وضعك مش عاجبني بكل من اوصلنا
انا: لا تمام غير ناعسه
روان: بلكي ادكرت بوها ولا امها ورايفتلهم عشان اتشوف في الكل امع هلهم
انا علي طول تعبو اعيوني ادموع 😢🥺🥺
ايه: روان ضمي فمك
انا خليهم وخشيت داخل خنقتني العبره انا من قبل مضايقه وزادني كلامها وخشت الدار
نبكي بلا صوت ادموعي ينزلو بس 💔💔😢 مش عارفه ضاقت بيا الدنيا تمنيت لو نلحقهم اتعبت وانا انكابر قدام الناس 💔💔💔😢😭😭😭😭 
ايه: ليش ماتوزني كلامك قبل ما يطلع من فمك يا تافهه
روان: بالله فوتني شن قلت توا
اسيل: خليها هذي مريضه
ساره:شن هل حقد الي في قلبك كنك ماتحسي البنت فاقده هلها واتحسس من اي كلمه كنك ماعندك قبل ايحس
روان: عليش بنحس بيها من هي لين انحس بيها وحده مانندري عنها من وين جايه 
ايه: احترمي روحك ولا توا نحكي لي بابا يصرف امعاك حتي المره الاولى طايرتله منك ويتحلف واقسم بالله اتعاوديها وربي قايله لي بوي يصرف امعاك ومسعود لو عرف زعليتها حي عليك
روان :كنه مسعود شن دخله
ايه حبت تحرقها لانها قهرتها حركتها امعاي وعارفه روان اتحب مسعود تبي تقهرها
ايه ابتسمت: بعدك رنوده حبيبت مسعود مايتحمل فيها دقة الشوكه
روان انصدمت كانها تاكد من شكوكها 😨: كيف
ايه: زي ما اسمعتي مسعود علي خاطر ريناد يحرق الدنيا كلها
روان تحت الصدمه
اسيل: جديات ايحبو بعض
ايه بكذب: اي ايحبو بعض ما شفتيه اليوم خلانا نركبو امعاه شفتيهم ابروحك 
اسيل: اي صح
ساره: معقول مسعود ايحب مش امصدقه
ايه: صدقي ياحبيبتي مادام ريناد حبيبته،،، وشافت لي روان حتي هو سافر علي خاطرها وجابها لانه ايحبها وايموت علي الارض الي تمشي عليها
رندا: شكله فايتنا شي واجد في العيله
ايه بحتت في روان بحقد: هلبا مانحكيلك 
اسيل: عسل ريناد تستاهل والله يمشو امع بعضهم بس خوك هذا واعر بكل
ايه ضحكت: تي واعر علينا احني امعاها الضحكه من وذن لوذن وجوه حلو 😂😂😂 
اسيل: ربي ايهنيهم ❤️ نبي انجرب الحب حتي انا
ايه: جرب ان شاء الله مش ساد حبي ليك
اسيل: 😂😂😂 لا مش ساد نبو كوبيدا احني
ايه: انتلفي قدامي ياكلبه تبي عينك
اسيل: حد ايفهمني هذي قاريا عليا الفاتحه وانا مانندري
ايه: تي قاريتها الف مره عليك 😂😂😂
البنات ضحكو عليها
قعدت روان
والبنات مشو ع الشط ايهدرزو وبعدها خشو عامو 😍😍😍 جاهم مؤيد وخالي قعدو ايغروقو فيهم 
في شخص كان يسمع فيهم ابتسمت وكمل طريقه
روان قعمزت مقهوره بتموت من غيرتها كيف مسعود رفض حبها وهو يتمعشق امع ريناد كانت نار الحقد والغيره والكره تاكل في قلبها 🔥🔥🔥 
حطو الغدا وتغدو سال خلي محمد عليا قالوله راقده
بعد الغداء خشو يرتاحو اشويا كلهم تعبانين من الطريق
امع العصر دارو البنات شاهي وقهرة ونسكافي امع الحلو
دارو 3طاولات حطوهم جنب بعض علي الشط امقعمزين ايهدرزو شباب بنات والرجاله
خالي علي:ماتقولولي وين ريناد كني ماشفتها من جينا
مسعود علي طول ركز في خالي
ايه: راقده كلمتها ماتبيش اتوض 
خالي علي: كنها مريضه 
ايه: لالا غير جوها شين وتعبت من الطريق
خالي محمد: حتي علي الغذاء ماطلعت ان شاء الله كلت حاجه
مبروكه: قالت بعد انوض ناكل خلوها البنت غلي راحتها
مسعود:هي حتي فطور مافطرتش وقاعده لتو مافطرتي صبي يا ايه شوفيها
ايه ابتسمت وغمزت لي روان بمعنى شوفي
ايه: تمام
وطلعت من جنبهم 
جتني ايه نوضتني 
ايه: نوضي علي خاطري كل يسال عليك
انا:والله ماعنديش نيه
ايه:بابا واعليوه ومسعود يسالو عليك ومشغول بالهم عليك
انا: قوليلهم راقده
ايه: نوضي هيا غيري جوك والله برا الجو سمع
انا: ايه بالله امشي خليني انكمل نومتي مش كل اشويا جايه امنوضتني
ايه: به نوضي كولي حاجه وارجي ارقدي مسعود قالي خليها اتنوض تاكل
انا ادكرت مسعود ورساله: ما دخله فيا ناكل ما ناكل بجوي انا
ايه:بسم الله كنك متعاركه امعاه شكلك
انا: لا
ايه: به خيرك تكلمي وانتي ضاربتلي الحزن ومكتئبه
انا: ايه بالله خطيني امشي
ايه حبت ماتزيد امعايا الكلام : علي راحتك
وطلعت 
مسعود كان يبي ايصبي بس مايبي حد ايلاحظ او ايشك بس من داخل قلبه ناار يبي ايشوفها كنها
رن تليفونه افرح قريب طار صبا من جنبهم
كان جارهم حكاله انه في ناس جو يسالو عليكم 
وحكاله كل شي وصكر منه 
القي قدامه ايه
مسعود: شنو كلت
ايه: شي امصكره راسها من جينا جوها مش تمام وزادت روان قالت، ،،،،، وحكتله علي كل شي حتي من كدبتها انه ايحبو بعض
مسعود: توا امشي معاش تصرفي من راسك
ايه: كدبه بيضه وجعتني ريناد ماتحملتش حبيت نقهرها
مسعود:تمام امشي توا انشوفها انا
ايه: نسالك سؤال كون امعاي صريح وماتعصبش عليا
مسعود: شنو
ايه: اتحبها صح واضح من اعيونك وكيف تغيرت من هي خشت لحياتنا وخوفك عليها واضح
مسعود: تتوهمي صح مهتم فيها لانها قاعده امانه عندي
ايه: الامانه عندك انت ولا بابا عارفه مش حاتجوبني بس نعرف ومتاكده انك اتحبها ❤️ 
مسعود رفع حاجه: كملتي خلاص
ايه ضحكت: اهو امشيلها مافي منك فايده حتي الكلام مايطلعش منك ربي ايعينها في الحصله الي حصلتها
مسعود ضحك علي كلامها 
مشت ايه لي العيله
مسعود حط تليفونه في جيبه وخش الشالي 
فتح باب الدار كنت راقده وعاطيه ظهري لي الباب
سمعت الباب انفتح
انا بعصبيه: ايه الف مره قتلك ما نبي شي خطيني مش طالعه
مسعود: بس انا مش ايه
انا انصعقت من الصوت حسيت جسمي يرجف من صوته ليش قلبي دق بعد سمعت صوته
مسعود: كنك ماتبي تطلعي
انا: شوري مانبيش نطلع مادخلكش
مسعود:ليش هذا كله علي خاطر شنو
انا لفيت وجهي بالبطانيه: ماهو علي خاطر شي خلوني نرقد مصر انت واختك تزعجوني انت امشي كلم حبيبت القلب اكيد طمنتها عليك
مسعود انصدم ورفع البطانيه من عليا
مسعود : .................
.
.
.
.
.
.
.
.
.
سالمه:........
خ محمد:.......
جلال:.....
مسعود 😡😡😡😡😡
يتبع..

تعليقات



حجم الخط
+
16
-
تباعد السطور
+
2
-