رواية هروب ما بعد اغتصاب الحلقة الخامسة 5 بقلم ميرو أحمد
رواية هروب ما بعد اغتصاب الجزء الخامس
 |
| رواية هروب ما بعد اغتصاب الحلقة الخامسة 5 بقلم ميرو أحمد |
رواية هروب ما بعد اغتصاب البارت الخامس
امع العشيه جا الراجل لي خوالي وسلم عليهم
الراجل:انا محامي عز الدين محامي المرحوم عبدالله وعندي وصية عبدالله وامانته
خالي محمد : تفضل قول شن هي الوصيه امس ماقدرتش نحكي امعاك كانت امعايا العيله
المحامي عز الزين:المرحوم قبل ما ايموت وكلني بحماية بنته كان صار اي شي انه نرفعها لعند خوالها واعطني الوصيه بعد مات المرحوم تردد علي البيت وسالت مرت المرحوم علي بنته بس كانت اقولي انه البنت عند صاحبتها شكيت في حاجه ما اطمنت اسبوع كامل اتقولي في نفس الكلام امس اتصلت بيك بعد حسيت الموضوع خطير لانه مرت بوها طامعه فيها وفي الرزق خفت دارت حاجه فيها والبنت مفقوده ليها اسبوع حتي بعد سالت الخدم والبواب الي كانو يشتغلو في القصر قالو انه من ثالث يوم في العزا تم طردهم
خالي محمد: بس بنت اختي قاعده عندي اطمن وصلت في هلها
المحامي تفاجاء: قصدك بنت المرحوم عندك
خالي محمد: اي بعد سمعت بخبر موت بوها بعتت ولدي جابها
المحامي:الحمدلله طمنتي لا كنت خايف اني ماكنت قد الامانه مفروض من اول ماتوفى بوها جبتها ليكم هكي اموصيني المرحوم
خالي محمد: اطمن قاعده في الحفظ والصون وبين هلها
المحامي طلع الوارق من شنطه بعد تاكد
المحامي: هذين الوراق توكيل خاص بانه ريناد انت بتكون مسؤؤل عليها وعلي رزقها لين تزوج وبعد تزوج نص الاملاك بتنقسم نص لجمعيه خيريه نص لي بناء جامع والنص التاني لي ريناد
خالي علي وخلي محمد تفاجو
خالي محمد: تمام بس ممكن اتفهمني كم الورثه
محامي : الوراق الاصليه عند ريناد بس عندي النسخه اهي وطلعها عطاها لخالي
خالي قعد يقرا
محامي: اجمالي الورث كله من شركتين الحسابات والقطع الارضي وكل شي يملكه المرحوم بقدر بقيمة 50مليون او نص مليار
خالي محمد و خالي علي انصدمو 😳😳 في عدد الكبير
محامي قعد ايشوف فيهم كيف منصدمين قعد يتكلم
.
.
.
.
.
.
.
مسعود: رخصي شن تبي
روان:ليش اتعامل فيا هكي
مسعود: شنو تبيني ناخدك بالحضان ولا شنو
روان ضحكت: ياريت والله اكيد حضنك دافى واجد
مسعود تعصب: الزمي احدودك يافرخه واعرفي فيش تحكي مره تانيه
روان: باهي انحبك شن بندير
مسعود بعصبيه: وانا مانحبك اخطيني يا بانادميه فوتي عمي خير مايطلعو اعصابي عليك
روان : لو اتحبني ربع الحب الي انحبه لك 😍😍❤️ افهمني وربي انحبك مش في يدي قلبي اختارك انت يامسعود والله حبيبتك بكل عيوبك حبيتك حبيتك
مسعود مسح علي وجه بعصبيه: هدي اخر مره تتصلي بيا وربي اتعاودي مره تانيه اقسم بالله الا فاضحك باهي ورقمي تنسيه وحتي السلام معاش نبيه منك بعدي عني احسن مزال محترمك لانك بنت بس و شن صايعة الفرخات هذي وصحة الوجه مش محترمه بوك ولا خوك
روان: لاني حبيتك طلعت صايعه ومش محترمه
مسعود بستفزاز:لو مش صايعه ومش محترمه ماكنتي شادتها في جرتي وتجري ورايا وعيت الف مره انقولك مانحبكش اخطيني فوتيني ماتفهمي
روان دمعو اعيونها:توا انا هكي
مسعود بعدم اهتمام: مفيش شك تعرفي نفسك ابروحك وشن تصرفاتك ومره تانيه تتصلي بيا تحملي ما ايجيك مني وسكر منها
مسعود:لعب افروخ يحسابو ساهله حبني حبني تي شن هو الحب اضياع وقت وكذب قال حب قال تي تمشي اتشوف اقرايتها هي امتى حلها فقصت من الدحيه وايقلد في صوتها حبيتك يامسعود انحبك تي ايحبك عزرائيل يكسر ارقبتك ناقصني انا
.
.
.
.
.
محامي: هدا هو والامانه وصلتكم وحكيتلكم كل شي وانت ياسيد محمد تعتبر الوكيل عليها بشكل قانوني وهذين اوراقها امتاع الجامعه وجواز السفر ولعند هنا مهمتي تمت
خالي محمد: صحيت بارك الله فيك علي حفظك لي الامانه
محامي: ولو هذا واجبي زي ماقتلك مرت المرحوم عطيتها مهله اسبوعين وتطلع من البيت المرحوم واخدلها شقه وامع تامين راتب شهريا اما البيت بيقعد امصكر امتي ماتبي ريناد تمشيله
خالي: تمام
خالي علي كان ساكت يسمع بس
محامي: توا اعطوني الاذن بنطلع قبل ما اضلم الدنيا
خالي محمد: اقعد اليوم مش حا اتلحق وبكرا الصبح توكل
محامي: سامحني مانقدرش عندي عيله واصغار مانقدر انخليهم وحدهم
خالي علي: تسلم بارك الله فيك تعبناك امعانا ان شاء الله في ميزان حساناتك
محامي: ولو كله عشان اعيون المرحوم ردو بالكم من الامانه وحافضو عليها والله قبل ايموت ايوصي فيا عليها 💔
خالي محمد: الله يرحمه ريناد في اعيون ماتشغلش بالك احني هلها مستحيل انضروها لو قصدك علي رزقها احني مش بناكلوها فيه الحمدلله الرزق عندنا وربي كارمنا بنعمته وفضله مش بناكلو مال اليتيم
محامي: اصلي ربي يحفظك امال انا عطوني الطريق بنمشي وقت عليا
طلع امعا خالي علي وصله لي الباب وروح
رجع خالي علي لي المربوعه
خالي علي: توا شن بنديرو
خالي محمد: شنو يعني ماعندنا ما انديرو البنت في امانتا لعند تزوج وتنستر ورزقها بيقعد ليها
خالي علي: عارف قصدي كيف بتخبرها ومن بيمسك الشركه الي في تركيا والي هنا لو قعد هكي يبنصبو عليها وياكلوها في رزقها والشركه تفلس ماسمعت كلام المحامي قال لازم توقفو في الشركه واديروها
خالي محمد شبحله: والمطلوب
خالي علي: خلي مسعود يمسك الشركه وينقل كل الشغل ويفتح فرع هنا مش حا يقدر ديما ايسافر
خالي محمد: مش عارف خلي نسالوها هي لو رضت تمام بس عليش مش انت
خالي علي :انا ضغط عليا الشغل و العرس قريب مش حانفضا خلي مؤيد ومسعود
خالي محمد تنهد: توا انشوف حل
خالي علي: اهم شي رزق البنت اتحافظو عليه
خالي محمد:اي
خالي علي: تمام انا بنطلع عندي مشوار
طلع خالي علي وقعد خالي محمد ايفكر
.
.
.
.
.
.
.
🔥 روايــــات مــــيــــرووو احــــمــــد🔥
احمد:حبيبي اليوم بنحكي لي امي عليك
ايه فرحت: جديات تحكي حبيبي
احمد بفرحه: جد الجد
ايه فرحانه: حي لو اتشوف قلبي كيف يخبط من الفرحه 😍😍😍😍
احمد برومانسيه: ان شاء الله اقريب اتكوني جنبي مش قلبك بس كل شي فيك ملكي ❤️
ايه فرحانه 😍: وربي انحبك يا احلى حاجه صارت في حياتي
احمد: انموت فيك وفي حبك الي امجنني ❤️❤️
ايه بفرحه: مش امصدقه وربي مش امصدقه يعني اقريب بنكونو امع بعضنا 😍 يعني حبنا بينتهي بالزواج قصدي انت جديات تحكي ما اتبصرش راجي يعني الي اسمعته صح مادو قول الصدق ماتكذبش عليا 🥺
احمد ضحك عليها: خودي نفس قبل كنك حبيبي امتي كدبت عليك
ايه: اسفه وربي مش هكي قصدي يعن وقطع عليها احمد الكلام
احمد : خلاص يامجنونه فاهم عليك توا بعد انسكر منك بنمشي لي امي بنحكيلها عليك
ايه:به كلمها وقولي شن صار امعاك
احمد: حاضر حبيبتي اكيد بتوافق في الحالتين مش واخد غيرك
ايه 😍: نجك ليا وربي مش امصدقه
احمد: هههههه شكلك مش حاتصدقي بعند انحي الفيلو والطرحه منك هذاك الوقت اتصدقي فيه
ايه احمرو اخدودها: خلاص سكر ياسخيف 😂😂
احمد:يانعليا اعطيني بوسه انصكر 😍😍😍
ايه بدلع: تؤتؤ مافيش بوسه
احمد: هيا عاد حبيبي ماتخليك شريره
ايه: هههه وانا نبي نقعد شريره
احمد: فكينا من المكر
ايه ضحكت:قتلك مافيش
احمد: يعني هك جفاف
ايه: اي
احمد: حبيبك انا ليش المكر الشين
ايه: 😂😂😂
احمد: ربي ما يحرمني منها الضحكه هذي
ايه: نجك لي ومايحرمني منك يارب
احمد: خلاص حبيبي انكلم امي ونتصل بيك
ايه: تمام حسه قلبي يرجف من توا خايفه ماتوافق
احمد: اطمني ياقلبي ان شاء الله ايصير الي نبوه
ايه: ان شاء الله
سكر احمد
ايه قعدت تنقز من الفرحه مش سايعتها 😍😍
خشيت عليها انا جرت حضنتي وقعدت اتلود بيا
انا 😂😂: وقفي دوختيني يافرخه
ايه: بيجي يخطبني يا رينو بيكلم امه
انا:من
ايه:احمد احمد
انا: غير اتبتي خليني نفهم
ايه تتكلم بسرعه: توا اتصل بيا وقال بنكلم امي عليك 😍😍😍
انا: ربي ايهنيكم يارب
ايه: فرحانه اول مره انجرب الحب 😍😍
انا: ان شاء الله كل ايام فرح وهناء يارب
ايه حطت ايدي علي قلبها
ايه: شوفي
انا ضحكت: 😂😂😂 اهدي خلاص
ايه قعمزت: انحبه
انا: ههههه مجنونه اسكتي توا يسمعوك
ايه ضحكت: خلي يسمعو
انا: هبله
.
.
.
.
.
.
.
.
جلال:واتيه خلاص
سالمه: اي
جلال: جايتك ايام سوده نوده يا ريناد صار انا الي تهربي مني 😈😈😈🔥
سالمه: هيا اطلع وانت هبلاتك ريناد
جلال:هيا
سالمه: به شن بنقولو اول ما نوصلو
جلال: زي ماقتلك بالحرف
سالمه:به وين بنقعدو
جلال: خليها عليا اهم شي انهددوها
سالمه: لو تسمع مني ونحكو كل شي وهكي بعد يتاكدو بتزوجها طول
جلال ضحك: وهي الباين واعره وانا نبي نعلب امعاها انشوف نهايتها وين توصل بس في الاخير مرجوعها لينا زي ماقتلك
سالمه: ان شاء الله المره الاولى سمعاتك خربت الخطه توا شد السانك و اعرف كيف اتصرف
جلال: لا داير بالي ماتخافي
سالمه: تمام
.
.
.
.
.
.
.
.
نزلنا انا وايه تحت كانت خالتي وخالي ومؤيد ومسعود وخالي علي كلهم تحت
مؤيد: تمام زي ما اتفقنا كلكم امع 8 تطلعو
ايه: وين طالعين
خالي محمد: بنمشو زرده بكرا لي البيضاء يومين انغيرو جو
ايه 😍😍: جديات
مؤيد: اي
ايه: من بيمشي امعاك
مبروكه: احني وامعانا جمال وبناته و وتهاني وبناتها زي كل مره
ايه 😍 : الله اسيل بتمشي امعانا
خالي علي: ليش ساكته يا ريناد مش فرحانه بالزرده
انا ابتسمت: لا عادي والله فرحانه
ايه: باهي قولولي من خطط لي الزرده
مؤيد بغرور: اكيد انا في شك في الموضوع
ايه: تي نجك ليا والله خاطرنا فيها 😍😍
انا: باهي ماتعرفش اتقول قبلها بوقت حتي وتينا اروحنا خير من الزر
مؤيد: اصلا ماكنت حاسبكم كانت الزرده امخططين انا و اصحابي واحد فيهم صارله ضرف قال مابنمشي ااكل انسحب منها كنا حازين كل شي وجت من حظكم انتم
ايه ضحكت: ان شاء الله ديما اصحابك امخربينها الزرده واتجي في صالحنا نحنا
كلهم ضحكو عليها
خالي علي: توا نوض ياسمح نمشو انجيبو دبش الزرده
مؤيد: انا
خالي علي: لا الي واقف وراك
مؤيد التفت وراه: شكله اعيونك انضربو مافيش حد ورايا
خالي علي مشاله ومسكه من قميصه:لا اعيوني ايشوفو اكويس اطلع قدامي
مؤيد: تي اهو مسعود ارفعه هو فوق ما انا بنرفعكم علي احسابي تبي ناخدلكم حتي سمسامكم واجد علي الشركه
مسعود ضحك: من قالك اضرب علي صدرك وقول عازمكم علي الزرده
مؤيد: لو نحسابكم هكي حتي كان مشيت ابروحي ما كان احسن من المصاريف
خالي محمد: الي يسمعك ايقول من جيبك الفلوس
مؤيد: امال من جيب من كان مش من جيبي
ايه: اسكت استر عارك قبل ما يفضحو بيك
انا ضحكت عليهم 😂😂
خالي علي: توا انا قتلك ادفع من جيبك ماتخليني انقعمز انقولك اشري بروحك
مؤيد: قصدك انت بتدفع
خالي علي ضحك: اي
مؤيد افرح: امال هيا نمشو وربي اندلعكم وانجيبلكم حاجات اتسدكم شهر لقدام
مبروكه: ماهو مش علي احسابك 😂😂😂😂
خالي علي:غير احلم بيها
مؤيد: انت اطلع يابخيل بس
الكل ضحكو علي مؤيد 😂😂😂😂😂
طلعو خالي علي ومؤيد
قعدو ايه وخالتي مبروكه ايخططو وانا انشوفيهم مانطقت حرف
خالي محمد: كنك يابنتي ساكته
علي طول اعيون مسعود انتقلو من تليفونه عليا قعد ايشوفلي
انا: لا شي
خالي محمد: لو ماتبي تمشي عادي اناجلوها
انا: لا بلعكس خاطري فيها حتي انغيرو جو
خ محمد: بس حسيتك مش فرحانه ماتهدرزي امعاهم
انا: مانفهم فيهم حاجات الزرده وهكي ☺️ هدا عليش ساكته نسمع بس
خ محمد: اها مش محتاجه شي ولا ناقصك حاجه
انا: لالا الحمدلله
خ محمد: اي صح انسيت جابولي اورقك امتاع الكليه وين تبي اتسجلي
انا افرحت: قصدك جبت اوراقي
خ محمد: اي وين نبي انحطهم
انا: هو تخصصي اداره اعمال قريت فصل بس لكن نبي انغير منه
خ محمد: لشنو
انا: نبي انخش قانون
ايه: حلو القانون زي
خ محمد: تمام توا نعطي مسعود ايسجلك وتمشي امع ايه
مسعود: تمام توا انكلم واحد نعرفه في الكليه ايسجلك
ايه: الله توا نبدو انا وياك نفس التخصص 😍😍😍
مسعود: هو امتى تبدا اقريتكم
ايه: بعد اسبوعين
مسعود: تمام باتي ماتنسا تعطيني الملف
انا: شكراا والله تعبتكم امعايا
مسعود رفع حاجبه وايفنص فيا
انا ضحكت : وربي مانشكر فيك شكرت خالي جابلي الوراق 😂😂😂
كلهم استغربو ومسعود هز راسه ايحاول يخفي ضحكته
خ محمد: كنك يا ريناد
انا ضحكت: هدا ولدك المعقد ..واشرت علي مسعود .....
قالي معاش نسمعك اتقولي شكرا ولا تشكريني توا بعد قتلك شكرا هو رفع حاجبه ايهدد فيا 😂😂😂
ايه بفضول: علي شنو شكرتيه
انا: علي الشفره الي قتلك جابها ليا هددني بعد قتله شكرا
خالي محمد وايه ومبروكه انفلقو ضحك 😂😂😂😂😂
مسعود: عاجبك هكي
انا:ما دخلني من قلك فنص فيا وخوفني 😂😂😂😂
خ محمد يضحك: هي مسعود الا ريناد اتجي شورها حي عليك
انا رقصتله حواجبي: اسمعت حي عليك
مسعود ماقدر ايشد ضحكته وضحك: عاجبك ياباتي اشبح شن ادير
خ محمد: خليها علي راحتها 😂😂😂
ايه: اقوووووه مسعود يضحك 😂😂😂
مسعود:شن قالولك مانضحكش انا
ايه: من النادر تطلع ضحكتك
انا: لا وانا قاعده هنا انخيله يضحك غصبن عنه من اليوم وجاي صح ولا يامسعود 😂😂
مسعود : شن اتخرفي بالله عليك
انا:بس والله ضحكتك حلوه ليش ديما اتكشر 😂😂
مسعود هزر راسه ماعرف شن ايقول
بس كانت في اعيون اترقب فيهم وفي ملامحهم
ايه: شوفيه كيف تخزرط ماعرف يتكلم
انا ضحكت: نجيه ياخيه المتحشم 😂😂😂
مسعود رفع اعيونه وفنص فيا
انا: تحساب روحك بتخوفني لو فنصت فيا
مسعود: انصبيلك يافرخه مش كان ضحكت امعاك يعني خلاص
انا: اسمع يا خالي
خ محمد صبا: ديرو رايكم تفهمو علي بعضكم 😂😂😂
انا دبلت اعيوني: توا ياخالو اتخليني امعاه كان قتلني
خ محمد: هو خليه ايجرب ايجي جيهتك عارف شن ايصير فيه
مسعود: توا ياباتي ليش اتكبر في راسها
ايه: الله يامسعود جت الي تاخد حقي منك 😂😂😂
مسعود: انا لو قعدت هنا نقتلهن الزوز
مبروكه: امشي انت ودوشتك صدعتلي راسي
خ محمد ضحك ومشا لي داره
مسعود عطاني شبحه زين ورقا فوق
ايه: خاطري نعرف بكرا كيف يتعامل امع مرته
مبروكه: يا واعر في امه وخواته يا سعد لمراء لجاته 😂
اتشوفيه بكرا كيف ايحاحي بمرته
انا و ايه :😂😂😂😂
.
.
.
.
.
احمد خش قعمز جنب امه شاف اخته
احمد: موده نوضي دريلي حاجه حلوه
موده: به
صبت موده خشت المطبخ
احمد: يما نبيك في موضوع
ام احمد نقصت التلفزيون: ان شاء الله خير يا اوليدي
احمد امنزل راسه: خير يا امي
ام حمد: قول شنو
احمد: نبي نتزوج
ام احمد فرحت بطير من الفرحه: هدا يوم السعد 😍😍 خلي نمشي انكلم فاطمه
احمد: غير قعمزي خليني انكمل وانتي بتنشري الخبر طول لي اختك
ام احمد بفرحه: مش بننشر الخبر
احمد: ها امال شنو
ام احمد: بنقولها بنجي بنخطب ريهام الي عاطين فيها كلمه من انتم اصغار 😍😍❤️
احمد انصدم: شن اتقولي من قالك نبي ريهام انا
ام احمد: وين بتالقه خير منها واجمل منها وارزن منها وافل قص علها
احمد: خلاص صكريلي الموضوع انا عندي وحده في بالي
ام احمد اختفت ابتسامتها: تبي اتحشمني امع اختي ومن هدي الي واخده بالك
احمد: وحده متعرف عليها ونبيها
ام حمد تعصب: غير ريهام مش خاطبتلك مراء
احمد نفس العصبيه وبصوت عالي : ماتنكتبش وليه علي اسمي غير ايه يا هيا يا بلاش من الزواج
ام احمد تبكي: من هدي ايه خدت عقلك وخلاتك اتعلي صوتك علي امك من توا امال كان خديتها شن ادير حتي الضرب انقول تضربني
احمد: ماتقلبي الموضوع انا بنت اختك مش واخدها نقعد عزابي ولا نتزوج غير ايه اخر كلامي
ام احمد: لو تبيني نغضب عليك ليوم الدين خودها
احمد شاد اعصابه بالغصب: خيرك مش الموقف الزح عطيني سبب يقنعني انك رافضه شن امشكله شفتي البنت تعرفيها منو لعيت منو لين طول ناطه تدعي ومش اموافقه
ام احمد: مانبي نعرف منو لو ماخديت ريهام لا نعرفك ولدي ولاني امك اعتبر امك ماتت وامشي تزوج هل الفصعونه الي من توا غيراتك
احمد الفرحه الي كان داخله انكسر 💔💔 : هي كلمه وحدا انا مش متزوج خاطي ايه وتم الكلام
وجاي طالع لقاته اخته بالصفره
موده: وين ماشي جبتلك الاك ماكملت كلملتها واحمد قلب الصفره كسرها
انا بعصبيه: خطو عمي مانبي منكم شي
وطلع ركب في سيارته بسرعه وطار بيها
ام احمد بعد احمد كسر الصفره وسمعت كيف شرين بالسياره وطار بيها طاحت طول تبكي خايفه تخسر ولدها
جت بسرعه موده لي امها وساعدتها اتقعمز وقاستلها الضغط طلع مرتفع عطتها دواها واتصلت بي باتها و خوها ايروحو
.
.
.
.
.
.
🔥روايـــــــات مـــــيــــرووو احـــــمــــد🔥 🔥 روايــــــــات مـــــــيـــــرووو احـــــــمـــــد🔥
.
.
.
.
كنت انهدرز انا و ايه وخالتي مبروكه
وصلتني رساله علي تليفوني من "منقدي " 😂😂 طبعا مسعود امسجلته منقدي لانه بجديات كان هو المنقد ليا لولا هو ماكنت عارفه توا شن صار فيا نقدني من هلبا حاجات كانت بتصيرلي
فتحت الرساله كانت "" تعالي فوق نبيك ""
مش عارفه حسيت بشعور مانكدبش عليكم افرحت
علي طول صبيت
خالتي مبروكه: وين
انا: بنرقا نتريح اشوي في الدار
خالتي مبروكه: اها امشي تريحي يابنتي من الصبح فايقه واقفه علي رجليك تخدمي تعبناك امعانا
انا: لا عادي مافيش تعب
ايه: انا بنمشي اندير سنابون لبكرا 😍😍😍😍
مبروكه: ديري ياحنه خير من تقعميزتك
مشت ايه لي المطبخ و انا رقيت فوق
اوصلت قدام دار مسعود قعدت انخبط ع الباب
وصلني صوته: خشي يا مؤدبه
انا فتحت الباب وخشيت
اول مره انخش لداره كانت كلها ع لون الاسود وابيض
كانت منضمه وحلوه
مسعود:خشي عليش واقفه
انا خشيت
انا: كنك شن تبيني
مسعود: غير تعالي قعمزي بس
كان مسعود امقعمز علي السرير انا رفعت الكرسي المتاع المكتب ولفيته وقعمزت عليه وربعت ايديني
انا: ها قعمزت شنو الموضوع
مسعود: موضوع الوراق الي امس
انا: باهي شنو
مسعود: بس ماتقدريس اديري حاجه الا بموافقة باتي
انا:كيف شن دخله خالي في الوراق
مسعود: لانه باتك داير توكيل لي باتي صح املاك باسمك بس ضروري بموافقة باتي تقدري تكتبيهم باسمي
انا: تمام توا انكلمه خالي انه بنكتبهم ليك اكيد مابيقول لا
مسعود: لو سائلك ليش بتقوليله بنتقم من مرت باتي لهذا فوتي الوراق وفوتي الي اتخططي بيه واشقي في اقرايتك وهي ايحاسبها ربي وبعدين في الوراق مكتوب البيت باسمك والوصيه الاصليه انها مرت بوك ماعندها حق في الوصيه والبيت بتطلع منه لانه بوك واخدلها شقه ابروحها فا يعني من غير ما اتعبي روحك اهي طلعت منه البيت
انا 😢: ليش طلعت مش قد كلمتك قتلك انا نبي ننتقم منها من كل شي دراته فيا هي ولدها وربي حتي كان نبعت مجارم يقتلوهم مش حا انخليهم في حالهم
معسود: تبي انكمل امعاك ونقنع باتي بس بشرط
انا 😢: اموفقه من غير ماتقول
مسعود: نبي نعرف شن دارتلك مرت بوك بالحرف وشن قصة ولدها شن دارلك تكدبي عليا في حاجه اعتبري كل شي منتهي 🔥
انا انصدمت 😭😭🥺😨😨😨 شن بنحكي بنقوله اغتصابني غصب عني انقوله خدا شرفي وانا نترجا فيه ولا انقوله نسمع في صحكاتها بعد كنت انعيط نبي حد ايساعدني ولا لي عذابها ليا ولا عن ولدها الي طامع في جسمي حتي بعد خدا الي يبيه مزال طامع فيا ولا عن شنو بزبط نحكي علي طول تجمعو دموعي 😭😭
يعني مافيش مهرب لازم نحكي كل شي
مسعود: احكي ليش وجهك انخطف لونه
انا بلعت ريقي بخوف ونبكي: نحكيلك كل شي بس
مسعود: بس شنو
انا: ماتشقف عليا ولا تعصب عليا
مسعود: احكي بس
انا وقفت 😭😭😭😭😭😭:......................
.
.
.
.
.
.
.
.
.
.
.
ايه كملت السينابون وحطاته في التلاجه
ومشت لدار وعقلها عند احمد
ايه تتصل بيه ما ايرد عاودت مرتين تلاته بعدها انقفل
قعدت قاله وخايفه عليه وافكارها ترفع وتجيب 💔
.
.
.
.
.
.
.
.
.
خالي محمد: ........
يتبع..
- لقراءة البارت السادس : اضغط هنا