رواية أم عزباء الفصل الثاني عشر 12 بقلم ميلو حسن

 رواية أم عزباء الفصل الثاني عشر 12 بقلم ميلو حسن

رواية أم عزباء الجزء الثاني عشر 

رواية أم عزباء الفصل الثاني عشر 12 بقلم ميلو حسن


رواية أم عزباء الحلقة الثانية عشر 

شيماء:بعد م شربت لعصير....انا داخله للحمام
شهاب:تمام خودي راحتك
شيماء:خدت بعضها وبعدت
شهاب:وهوا يشرب في لمياه.....سمع تلفون شيماء يرن
فتح الخط وسمع
وين ي حلو وين مغيب شفت صور طه كبران
المهم بعتلك مسج رومانسي نبيك تقريه وتعطيني رايك فيه
شهاب:🔥....حدف التلفون بي غل ع طاوله لدرجه الناس الي جنبه لاحظو تصرفه
شيماء:انا جيت ...وقعمزت ....جعانه هيا خليهم يجيبو لعشاء
شهاب:خبط بيده بقوه ع طاوله في من تكلمي من وراي
شيماء:تغيرت ملامح وجها....كك كيف مفهمتش
شهاب:قرن حواجبه ...متحاوليش تبرري من الي تدوي معاه وتبعتيله في صور طه
شيماء:بلعت ريقها بخوف.....وضحلي شهاب انا والله م فهمت حاجه
شهاب:نزل من الكرسي مغلول....قام تلفون شيماء ومسكها من يدها بي غل وطلعو 🔥
شيماء:شن في فهمني شن صاير ؟
شهاب:فتح باب السياره .....اركبي توا في الحوش تعرفي
شيماء:شهاب شهاب فهمني انا شن درت
شهاب:ركب السياره .....حدف عليها التلفون شوفي
شيماء:بيدين يرجفو...خدت تلفونها وفتحت ع سجل مكالمات 💔

__________________________________

مسره:خدت الضرف من صاحب التوصيل وقراته
خشت بكل قوه للخيمة ونادت ع وفاء الي كانت طول الوقت تحاول تفسر كلام رنيم
رنيم:الف مبروك ي ضرتي
مسره:وفاء وفاااااء
وفاء:طلعت من تفكيرها العميق....انعم
مسره:تعالي نبيك داخل ضروري
وفاء:خشي توا نلحقك
مسره:وهيا خاشه....درس بسيط مني ي وفاء معليشي🔥
وفاء:خشت وراها....شنو في مسره؟
مسره:بصوت بارد.....متخافيش فيه غير كل الخير وقامت الضرف وبدت تحرك فيه يمين يسار
وفاء:قرنت حواجبها ....شن في مسره
مسره:تفضلي دكتورتنا اقري
وفاء:خدت الضرف ....وتقرا فيه بعيونها
قامت عيونها وشافت لمسره😨
مسره:ههه الف مبروك يتربا في عزك
وفاء:وانتي ي حقيره كيف عرفتي ؟
مسره:سامحيني كنت حشاريه شوي
سمعتك وانتي تتكلمي مع الدكتوره ع تلفون
وانهً راح تبعتلك نتيجة التحاليل في خدمة توصيل

🔀
وفاء:مسره مسره
مسره:ايوا
وفاء:سجلي عندك الرقم هدا
مسره:تبع شنو
وفاء:كلميه وقوليله انك وفاء واوصفيله طريق حوشنا
مسره:اها تمام حانكلمه بتلفوني ونوصفله
يسرى:من بعيد.....وفاء هيا وقت ع حلوه
وفاء:تمام تمام تصرفي معاه
مسره:مدوري شي ☺️

تم؟
وفاء:ردي بالك ع لسانك
مسره:طبطبت ع خد وفاء....متخافيش احنا متعلمناش ع شهدره وتشويه السمعه
لكن فكرت نواجهك بي طريقه هادي لانه حبيت نفكرك انه الدنيا دواره
وفاء:😨😨😨
مسره:وبعدين مذيع الفاحشه كافاعلها
....باي ي عروس☺️
وفاء:👿
_________________________________

ترن ترن:-
سماح:فتحت الخط......الو
منذر:الف مبروك ي عروسه.
سماح:شن تبي مني كيف عرفت رقم تلفوني
منذر:متخافيش اليوم بتحديد مش راح نأذيك لكن حبيت نباركلك
سماح:شن تخرف منذر خليك بعيد علينا
منذر:سلميلي ع مسره هلبا ....وسكر الخط
سماح:حتلها الخوف وقلبها بدا يدق بقوه...شن قصده بكلامه وشنو قصده بي سلميلي ع مسره 💔💔
زعما نحكي لي انور ع كل شي 💔

________________________________

شهاب:درس السياره قدام الحوش....ونزل
شيماء:علاش متبيش تصدقني
شهاب:مسكها من يدها .....وخش بيها الحوش
شيماء:سيبني سيبني شهاب
مرح:شنوً في
دعاء:شن صاير؟
شهاب:محدش يدخل ....ركب الدروج وهوا ماسك يد شيماء لن خشو لغرفتها وسكر الباب وراها

مرح:ربي يستر شن صاير معاهم
هبه:تاكل ف المكسرات....أفلام هنديه
دعاء:انتي ضمي فمك غير الهي في راجلك
هبه:😨
مرح:تهز بي طه يارب كون مع شيماء💔

___________________________

شهاب:دفها ع حيط وهوا محاصرها بيد ع الحيط ويد جنب راسها
من هدا ومن وين تعرفيه؟
شيماء:بصوت يرجف... صديقي اسمه هشام
شهاب:قرن حواجبه وحط يده ع رقبتها....صديقك يبعتلك ف مسجات حب
شيماء:بلعت ريقها بخوف ومش قادره تاخد نفس ووجها بدا لونه احمر...اححووو اححوو
شهاب:خبط بيده ع حيط بقوه....وبصوت عالي .....جاااااوبيني
شيماء:تحاول تفك روحها.....اموري هادي مش امورك
شهاب:تنهد بصدمه....معنديش علاقه
شيماء:نزلت عيونها وكانت ترجف ....هادي اموري معندكش حق تدخل فيها
شهاب:بصوت يخوف.....شدها من شعرها ومدلها التلفون
اتصلي بيه هيا
شيماء:بلعت ريقها .....وعلاش
شهاب:بصوت عالي....اتصليييي
شيماء:اتصلت وفتحت المايك🥺
هشام:فتح الخط....الو شيماء
شيماء:بصوت يرعش....اهلين كيف حالك؟
هشام:بخير وانتي وينك ليك وحشه
شهاب:تمالك اعصابه
شيماء:اءءءءء....لقيتك متصل بيا
هشام:هههه اي شن رايك ف رساله
شهاب:ضغط ع شعرها
شيماء:اأاااااي
هشام:خيرك
شيماء:ولمني الرساله مفهمتش
هشام:خيرك شيماء الرساله لي دانا حبيت ناخد رايك فيها
شيماء:شافت لي شهاب.....مه ع اساس دانا صديقتك
شهاب:جبد منها التلفون وسكر الخط
شيماء:صدقت توا
شهاب:شن دخلك صديقته وله عمته
شيماء:اءءء ع حسب علمي
شهاب:شنو اسمه هوا؟
شيماء:هشام
شهاب:من يحب؟
شيماء:😏 دانا
شهاب:حلوو فرد يديه بهدوء....حلوو يعني انتي معندكش علاقه
شيماء:هشام اكتر إنسان وقف معاي وساعدني ونا مستحيل ننسا وقفته معاي
شهاب:شيماء انتي مرتي فاهمه متخلنيش نتعصب عليك
شيماء:سحبت روحها من جنبه ووقفت قدام لمرايا
تعصبت شنو مازال غير تضربني
شهاب:ضحك ع جنب وجي وراها بزبط...كلامي مفهوم
شيماء:تلفتت وتلاقو عيونهم ببعض...شنو حبيبي صدقت روحك
شهاب:قلب عيونه بخفه وشافلها...وضحك بهدوء وبانت غمازته
وحط صبعه ع خشمها .....متخليهاش تجي ع راسك...وكيف جاي بيطلع
شيماء:🤤حليلي
شهاب:طلعع
شيماء:ذبببببتتتت 🤤

________________________________

سماح:تمسح ف دموعها ....صدقيني انا مش مطمنه لي منذر
مسره:غير اهدي وخليني اركز معاك
الحقير ع شنو ناوي
نخاف نقولك احكي لي انور يزيد الطين بله
سماح:حاطه يدها ع راسها ....دووختت وربي دوخت
ولااااً مع هدا كله قعد يوصي فيا نسلم عليك
مسره:شششش شنووو
سماح:اي تافه
مسره:😨...الكلب الي ينبح ميعضش
لوحي عليك كلامه واطلعي برا لانه الناس راح تنتبه علينا
سماح:تمسح ف دموعها....لكن في شي مش مطمني
مسره:تمام تروح الناس ونتفاهمو
وانتي متعبيش روحك صدقيني مش راح يقدر يدير شي
سماح:خدت نفس ....تمام
وطلعت
مسره:قعمزت بحيل مهدود.....ي رب ميصيرش الي ف بالي💔

__________________________________

مرح:وااااو يعني الدراما كلها بسبب الغيره
شيماء:غيرة شنو بالله وهوا كان صوته يخوف
حاولت نتغلب ع خوفي قدامه ونبين روحي قويه مفيش فايده
دعاء:اي اي زابطه اصلا انتي صارلك ضعف تعرفي علاش😅
شيماء:علاش؟😃
دعاء:ضعف الحب
مرح:ههههههههه اسكتي دعاء خشيتي ع وهم بالعرض
شيماء:المهم نحلت القصه وفهم الموضوع
مرح:انا عارفه شهاب كويس
ومتأكد انه يحبك
شيماء:شردت لثواني بس....واذكرت بشارته وهباله كل ليله
لكن احيانا يكون اضعف إنسان في الكون
دعاء:حبيبتي متفرحيش الرجاله كلهم فوق سرير ضعاف😂😂
شيماء:😂

_____________________________

وفاء:مقعمزه جنب صديقاتها وقلبها ع نار
من جهة مسره الي فضحتها ومن جهة رنيم الي مقعمزه مقابلتها بكل ثقه وكأنه تخطط لشئ
مكانتش حاسه بفرحه انها عروسه ابدا
طول الوقت متوتره وبس🔥
رنيم:ناضت ....خشت للحوش وهيا تتكلم ع تلفون
وفاء:جت عيونها عليها ....لحقتها

____________________________

مسره:في المطبخ تجهز مع الخادمات في الحلو وشاهي
ترن ترن:-
مسره:تنهدت ....الوو
منذر:تفضلي لقيتك متصله بيا
مسره:اسمع ي حقير شن تحاول ادير
منذر:انتي نسحبتي في اخر لحضه لكن انا مكمل
مسره:حتى انتا غصبا عليك راح تبعد وتخليهم ف حالهم لانه عندي ادله ضدكً
منذر:كأنه صوتك فيه لمحة تهديد
مسره:افهمها كيف م تحب رد بألم منذر تقرب من اختي
منذر:ضحك بهزوه....وتسكر الخط
مسره:حقيررر🔥

__________________________________

وفاء:واقفه وراء رنيم
رنيم:تمام ان شاءالله سلام وتلفتت
وجت عيونها ع وفاء
وفاء:قربت من رنيم .....شن تبي؟
رنيم:مياه لانه عطشانه
وفاء:قامت صبعها في وجه رنيم....اسمعي ي تافها ابعدي ع ماجد وامشي مشينة بيكون احسن ليك
رنيم:هههه ضحكتيني
غريبه ماجد محكالكش
وفاء:شنو بيحكيلي؟
رنيم:انا الي طلبت الطلاق مش هوا
وفاء:مش مهم المهم انه طلقك
ويحبني انا وانتي في حياته م فكر يحبك
رنيم:حبيبتي ماجد صح في حياته م فكر يحبني معندناش اختلاف فيها بس كان بينا احترام اكبر من حقدك وشرك الي نشرتيه ف العيله
وفاء:ضمي فمك
رنيم:مكملتش كلامي
لكن ردي بالك تصدقي انه ماجد حبك وبلا وبلا
وفاء:ههههه يكفي انا عارفه مش لازم انتي تعرفي
رنيم:ههه....هيا بالسم الهاري....وطلعت🔥

🔥رِوَايـــــــــات ميـــــلـو حــــسسـٰـــن🔥
🔥رِوَايـــــــــات ميـــــلـو حــــسسـٰـــن🔥

شيماء:لابسه روب لونه مووف وقصيرون
قعمزت ع كنبه وإقدامها طه تغيرله
طققق طققق:-
شيماء:مني خشي؟
هبه:هلا سلفتي
شيماء:اهلين تفضلي
هبه:قعمزت ع سرير شنو شايفاتك منسجمه في حوشنا
وكأنه طموحك ومواهبك تحققت بسرعه
راجل جمال وشخصيه وعمه زي اسميهان وحموات أطيب من قلبهم مافيش
شيماء:قولي ماشاءالله حبيبتي
هبه:ماشاءالله
شيماء:بعدين انا حققت هدا كله ع حساب سعادتي مش ع حساب حد
هبه:ههه بسبب لعبتك علينا بعد م حطينا فيك الثقه
شيماء:متخافيش فلوسك عندي
متعودناش ع نصبه
هبه:هههه جميل ...حطت يدها ع شعر طه
لكن ي ناري ع طه لما يكبر ويعرف قصة امه وكيف جي ع دنيا
شيماء:قرنت حواجبها....به شن رايك نكمل تحقيق طموحي الأخير
هبه:شنو طموحك تنصبي ع شهاب وتهربي
شيماء:لااا وطربقتها كففف قوووي ع وجها
شن رايك في اخر طموح ليا
هبه:كيف بتمد يدها ع شيماء
شيماء:مسكتها من يدها....اطلعي حبيبتي بيكون اشرفلك
هبه:يدها ع وجها لن طلعت🔥🔥
شيماء:افففففف💔

______________________________

جت ساعه 12 بزبط
والزحمه كلها خفت طبعا بعد السهريه الطويله
دانا ومسره بدو في تنضيم الحوسه البرا والداخل
ومخلوشً شي في حاله لانه غدوه وراهم موزين وبما انه حفله وهكي
كل شي نضموه من الليل
وبعد تعب كملو كل شي وروحت دانا وعيلتها لحوشهم
ومسره خشت خدت دوش سخون لانها كانت تعبانه استندت ع سريرها بجسم متكسر ورقدت💔

اما الشباب البرا كانو مجتمعين في خيمه ودايرين كانون كبير طبعا كانو مجهزين طاوله عريضه عليها بما يلزم الشباب وجوهم
وطبعا الجو ميخلاش من الزكره والرقيص وجو لهبال 🙊

كان عرس كبير زي اي عرس ليبي 🔥

__________________________\____________

فاتت الليله هادي الي كانت هاديه لكن في نفس الوقت تخوف
كأنه الليله هادي كانت تلمحح لي هلبا أشياء غريبه ومش معروفه
بس الإحساس هدا مش مجرد كلام من الكاتبه
الإحساس هدا كان محتل سماح الي كانت عروسه مفروض ترقد بكري وتريح عيونها
لكن للأسف مكالمة منذر ليها قلبت الأحداث
كانت تراجع في كلامه وتبي تفهم شنو قصده💔
كان محتلها خوف رهيب لدرجه النوم كان غالبها بس مش قادره تقاوم الوجع الي هيا حاسه بيه💔
زي اي عروسه عندها ماضي مع شخص مش تمام
وفي الوقت الي كانت مفكره انه ماضي وتم
يجيها الاتصال الي عباره ع تهديد وكلام خطير 💔
لانه زي م في ناس تخاف ربي في ناس عكسهم تماما ميحبوش يشوفو الناس مرتاحين🔥

ونفس الإحساس مر ع وفاء الي بعد كل شي دراته وكل الشر الي وزعاته ممرش عليها خوف نهائيا زي خوف الي مر عليها الليله هادي
بالعكس كان اي شي تخططله ينجح
بس بعد م طلعت حامل حتلها خوف رهيب برغم كانت واثقه في ماجد وأنه مستحيل يأذيها
لكن للأسف شعور عدم الثقه حتلها فجاءه ومقدرتش تقاومه
لدرجه كانت طول الليل نايضه ومقدرتش تسكر عيونها حتى ثواني💔
ومن جهة رنيم الي تلمح ع هلبا حاجات وكأنه مخبيه سر كبير
لكن مستحيل راح تكون قوة رنيم بدون سبب💔
حاولت انها تتصل بي ماجد لكن مردش عليها لانه كان لاهي مع صحابه البرا🤷‍♀️

ي لطيف عالاحساس الي يكون محاصر الإنسان
مستحيل الاحساس يخدع صاحبه مستحيل🔥

لكن في ناس ثانيه زي شيماء وشهاب مار عليهم احساس جديد لكن احساس حلو ونضيف
ليش؟
لانه الاتنين ماضي لبعضهم ومكانش في شي اسمه خوف بينهم ❤️

كانت شيماء طول الليل في حضن شهاب وكانت كل دقيقه بينهم تزيد في تعلقهم ببعض
كلنا عارفين مدى الاحترام والثقة الي قدرو يبادلوها بسبب مواقف بسيطه❤️
محدش يقول كيف قدرو يحبو بعض في وقت قصير
محدش يقول كيف قدرو يتأقلمو ع بعض
شهاب هوا الطرف الي كان حاب وناوي يكون علاقه حلوه بينهم
لانه ببساطه كانت شيماء عاجباته في كل شي حتى في تفاصيلها الصغيرة
كان كل يوم يقرب منها بموقف كأنه قعد يقول انا نحبك غصبا عنك ❤️
وطبيعي شيماء راح تاخد عالوضع وتحبه لانه فعلا كان راجل وقدع وكان يخاف عليها
وفعلا كان نادم ع كل شي صار في الماضي
وههه ومحدش ينكر انه قدر يعوضها وينسبها في الي فات❤️❤️

بمواقف بسيطه وأفعال مش كلام قادرين أنكم تحتلونا احتلال ونكونو ليكم بس ❤️

شهاب:مسكر عيونها وشيماء في حضنه
شيماء:شهاب خليني نبي نجهز الشناطي
شهاب:شبه سارقه النوم.....حط يده ع وجه شيماء وقربها ليه
شيماء:شهاب شنو صايرلك اليوم
شهاب:بصوت سكران من النوم ....ادمنتك🤤
شيماء:🥺....استسلمت
شهاب:😘😘😘😘

______________________________________

مرح:تحدف ف قفاتينها ع سرير
معاش عرفت اما واحد نلبسه
دعاء:راقده
مرح:دعاااااااء
دعاء:هااااا
مرح:حاولي معاي اي قفتان بنلبسه غدوه
دعاء:تي ارفعيهم كلهم وريحيني
مرح:افففففف ....به شوفي هدا
دعاء:🤷🏼‍♀️

______________________________________

ع تلفون:-

دانا:هههههههه صدقني انه شهاب وراء التحقيق متع شيماء
هشام:اي وهيا الغبيه قعده تسأل فيا ع رساله
دانا:وووووه مش منها اكيد من الكف الي كلااته
هشام:فوتينا منهم المهم انتي حبيبي
دانا:ي روحي
هشام:انا والعيله ف بنغازي
دانا:تبصر صح
هشام:لا وراس حبي
غير يكمل عرسكم ع خير ونحددو موعد الخطوبه
دانا:ياقلبي انتا ❤️

هلبا ناس قاعده تخطط وتبني في الشر
وهلبا ناس راح يكونو الضحايا
وهلبا ناس راح يستقبلهم باب السعاده ❤️

ثاني يووووم⛅️⛅️⛅️

ساعه 9 الصبح :-

شيماء:ناضت ع صوت طه الي معبي الدار
خدت بعضها ونزلت تجري
عطاته مرضعته وخشت للحمام وعيونها شبه مسكرات
كانت تعبانه لانه البارح مرقدتش كويس
غسلت وجها وسنونها ومسحت وجها بالفوطه
وطلعت قعمزت ع الكنبه تتفقد في شنو ناقصها علشان ترتب أغراض السفر

افففففف مفروض من امس كله منك ي شهاب
قامت روحها وبدت ترتب في حوايجها كلهم وحوايج شهاب وطه 🌟

ونفس الشي عند مرح ودعاء يرتبو في اغراضهم وفرحانين انهم حيسافرو بنغازي لأول مره
❤️❤️

اما وفاء وسماح عند لكوافيره ومعاهم دانا
ويحليلي ع الفرحه الي كانت غالبتهم برغم احساس الخوف الي مقدروش يسيطرو عليه 🥺

_________________________________

في الصاله :-

دعاء:جهزت طاولة لفطور
مرح:قعمزت .....يحليلي ع نشيط
اسميهان:صحيتي بنيتي
دعاء:سلمك ماما
امتا موعد الطياره قعدت ع نار
مرح:مازال بعد ساعه 12 قال شهاب
شيماء:نازله من فوق.....صباح الخير
كلهم:صباح النور
مرح:شنو حبيبتي جهزتي اغراضك
شيماء:خليني ساكته شهاب مخلش فيا عقل
طول الليل ونا نقوله نبي نجهز حوايجنا يقولي لا
دعاء:به لو تبي مساعده عادي
شيماء:لا جهزت كل شي وانتم يبنات كملتو؟
دعاء:لا كل شي جاهز
هبه:صباح الخير .....وقعمزت
كلهم:صباح النور
شيماء:تمام توا نستأذنكم
دعاء:وين؟
شيماء:بنطلع للعطار بناخد شوية حاجات
دعاء:تمام مالا نزلي طه
شيماء:حاضر من عيوني....وبعدت
هبه:محمد قالي أنكم مسافرين
اسميهان:اي
هبه:كان خاطري نمشي معاكم لكن محمد قال انه مش فاضي
مرح:محمد قال وله انتي؟
اسميهان:فنصت فيها
هبه:اي محمد عنده خدمه في الشركه
مرح:به كويس
هبه:خدت بعضها وطلعت البرا

___________________________________

لحضات ولبست شيماء عبايه ووشاح وخدت طه في حضنها ونزلت

دعاء:ي روح عمتك نضت
مرح:ناضت تجري ....ي قلبي
شيماء:ردو بالكم عليه مابين روحت
دعاء:تمام قلبي
شيماء:خدت بعضها وطلعت

_________________________________

هبه:واقفه في البالكوني تتفرج بكل حماس
محمد:فتح الباب بقوووه....وخش
هبه:وهيا تبتسم...رجعت حبيبي
محمد:هجم عليها ومسكلها يدها
كنتي ناويه تقتليها ي حقيره
هبه:😨😨......ككيف كيف؟
محمد:مسكلها يدها بقووه....لعبتي ف فارمات السياره
تبي تقتليها شنو بتستفيدي فهميني
هبه:اءءءء....فكت يدها
اي نبي نقتلها العاهره شيماء خدت احسن مكان ف العيله امك وخواتك يعاملو فيها زي الملكه ونا زي الخادمه
محمد:وصلت بيك انك تتورطي في جريمه
معاش تلزميني هبه فاهمه ....وطلع
هبه:طاحت ع الارض وهيا مصدومه🔥🔥💔
خسرت كل شي في لحضه
اي لفعه قعده تخطط وادبر وتفتن وتبي تخرب عيله صدقيني راح تاخدي نصيبك وزيادة

______________________________

شيماء:كيف نازله للعطار......وصلها مسج
من شهاب(حبيبي انا ف الاجتماع شن صار فيك طلعتي
اول م توصلي الحوش ابعتيلي مسج
......ابتسمت ....حاضر ي قلبي💗
____________________________________

خلينا نحكو في المهم :-

ساعه 8 بعد المغرب:-💗

وصلت شيماء وشهاب وعيلته لبنغازي
وصلو بتحديد لحوش اهل شيماء
طبعا كان الحوش مليان بالزحمه
بس مع هدا استقبلوهم احسن استقبال
طبعا كان مفضين غرفه كبيره خاصه بيهم دخلو اغراضهم كلها
وفي لحضات سريعه بدو يلبسو لانه وصلو متأخر 💗💗

في نفس الوقت وفاء وسماح كانو جاهزين في الكوافيره ودانا كيف وصلتهم وبترفعهم لصاله❤️

انور يجهزو فيه صحابه وقايمينها بيه
وهوا مش مصدق روحه من الفرحه يستنا غير امتا يشوف سماح قدام عيونه
❤️❤️

فات الوقت بسرعه وكانو كل المعازيم حاضرين
الاقارب وصحاب
والمنضومه مفتوحه والجو ريلكس ولبنات كلهم يتراقصو
حليلي ع هدوء والفرح الي كان محتل الجو ❤️🥺

🔥رِوَايـــــــــات ميـــــلـو حــــسسـٰـــن🔥
🔥رِوَايـــــــــات ميـــــلـو حــــسسـٰـــن🔥

شهاب:كيف درس قدام الصاله
شيماء:شهاب اول م نتصل بيك تعالا علشان نشاركو معاهم
شهاب:لا حبيبي انا مش مروح من هنايا قعد نستنا فيكم
شيماء:بخجل تمام
ونزلو كلهم مع بعض❤️
شيماء:كيف جايه بتنزل
شهاب:جبدها.....بأسها ع راسها....وبصوت مليان حب
نحبك❤️
شيماء:ضحكت ونزلت وحاسه بي شي حلو محاصرها
شهاب:فتح مرش السياره....بصوت عالي
نححححححبببببببككك
شيماء:🤭🤭🥺
شهاب:قعد في سياره وماسك طه في حضنه
حاولت شيماء تاخده منه رفض
ميبيش يتعبها😂

____________________________

زي اي عرس حلو وقنين وجميل
دقايق ووصلو العرايس
كل وحده خشت بي استقبال وزفه خاصه بيها 🧡
كالعاده هجوم قدام الكوشه سلمو عليهم وباركولهمً
وكل عروسه جنبها صاحباتها
اويلي ع شعور الحلو ألب عايشينه
سماح مكانش تلفونها يوقف من اتصالات من انور
والمسجات الرومانسيه
🥺❤️

ووفاء كانت ترن ع ماجد ويبعتلها في مسجات انه مع لولاد ومش فاضي 💔

___________________________

ططقق طققق:-

ماجد:فتح الباب....قرن حواجبه تفضلي
رنيم:خشت الحوش....شنو حبيبي عريس اليوم
ماجد:انتي مش محرم ليا رنيم اطلعي
رنيم:ههههه للأسف
انا حامل وطلاق مصارش منه
ماجد:تنهدت...شن تقولي؟
رنيم:مدتلها الورقه
ماجد:وهوا يقرا فيها
رنيم:متركزش هادي مش ورقة اثبات الحمل
هادي ورقة الي تثبت انك مريض نفسي
ماجد:ع طول اذكر

ماجد:طالع من المصحه....وكان يبي يفهم المكتوب
الي كان مكتوب بلغه انجليزيه
وين لقيتيها؟
رنيم:مش مهم المهم المكتوب
ماجد:بصوت عالي......اطططططلعععععي
رنيم:بكل برود....طلعت وركبت سيارتها🔥

___________________________________

في وسط اجواء الفرح الناعمه وادخلوه وراقيه
كل شخص كان فرحان
سماح بطير من فرحتها ووفاء نفس الشي

الخادمات قدمو كل شي ع معازيم
من الشكلاطه لي للعشاء💗

وفجاءه رن تلفون رويده بعدت ع الهرجه
وردت....الو
خالد:ماجد بعتلي ورقة طلاق وفاء
طلعيها انا قدام الصاله نستنا فيكم
رويده:بدت تندب وتهبط ي حليلي شن دايره ف عمري بس
وخشت وهيا تغلي ووجها ميتفسرش
قربت من وفاء
وفاء:ها ماما شنو في؟
رويده:قربت من ودنها .....بوك يبيك البرا
دانا:خير شن في؟
رويده:بملامح متغيره .....طلعي اختك لبوك
دانا:شنو في احكي
رويده:اطلعي متخليش الناس تشوف
دانا:ماجد طلقها صح
وفاء:كانت ف عالم تاني
بدون اي ردت فعل جتها صدمه رهيبه
طلعتها دانا وامها ماسكتها من الجنب التاني لن طلعوها وركبوها السياره 💔💔

الناس كلها لاحضت الي صار وبسرعه انتشر الخبر بينهم
انه ماجد طلق وفاء
في ناس معندهاش علم بي الي دراته وفاء في شيماء
لكن في ناس كان عندها علم
واغلب الناس كانت تحكي انه ماجد انتقم لي شيماء
وحطها في نفس الموقف🔥

شيماء:شنو قعد يصير؟
مسره:الحب مستحيل يموت لما يكون حقيقي
وماجد في حياته م كدب عليك
شيماء:شن تخرفي شيماء
مسره:اي وفاء حامل من ماجد قبل زواجهم
حطها ف نفس الموقف سيبها وهيا حامل بالحرام منه وسيبها في يوم عرسها🔥
مني انا تستاهل لانه سبب خراب عيلتنا منها 🔥

________________________________

ترن ترن:-
منذر:فتح الخط.....الوو
رنيم:منذر تراجع ع خطف انور لانه انا حاليا قدام مركز الشرطة
وعندي صور ليك وانتا تتعاطى وعندي سجل مكالماتك بالكامل
منذر:بلع ريقه.....شن تقولي؟
رنيم:زي م سمعت معندكش الحق ادمر حياتها
نا عارفه انور كويس
انتا الي كنت ناوي الشر مش هما
اجبد عليهم لانه مش راح نرحمك والله
منذر:حدف التلفون بي غل وتراجع ع عملية الخطف الي كان مخططلها🤷🏼‍♀️

_____________________________

برغم الصدمه والحزن الي صارو في الفرح
قدرو يزفو سماح لي انور بكل حب
وفعلا حبهم فاز
شويه وكان منذر ح يدمرهم بس نيتهم الصافية وحبهم الحقيقي غلبو وقدرت رنيم تكشف الحقيقه وتتصرف في اخر لحضه وتساعدهم❤️❤️

_____________________________

بعد مرور فتره طويله:-

ماجد:سافر بكل قناعه لانه مش قادر يعيش في مكان موجوده فيه شيماء
بعد م تعالج في مصحة خاصه بالامراض النفسيه
قدر يرجع لي رنيم ويسافرو ويربو ولدهم في حوش واحد
طبعا هدا يبي بنت قوي وصبوره زي رنيم
صبرت ونالت وبرغم انه طلعت من العيله لكن تعاملت بأصلها مع الكل
❤️❤️

____________________________

هبه بعد م حاولت تقتل شيماء يعني هيا حاليا كأنها مجرمه طلقها محمد
وندمت هلبا بس في اخر شي سامحها محمد لكن بشرط انه يتزوج عليها علشان انه سبب عدم الانجاب منها مش منه
وهبه وافقت بعد م طلبت السماح وتأسفت من شيماء
وفعلا محمد تزوج عليها وهيا راضيه🔥

___________________________

شهاب وشيماء كانو عايشين احلا ايام مع بعض
لكن اكتر مشاكلهم وعركاتهم بسبب غيرة شهاب الزايده
وشيماء اكتشفت نفسها انها كل شي بالنسبه لي شهاب
وكانت ذايبه وغارقه في حبه❤️❤️
برغم جمعهم وجع لكن كانت نهايتهم سعيده ❤️

دانا وهشام قدرو يتزوجو ويكونو مع بعض
برغم شيماء لتوا قعده مش مصدقه انهم يحبو بعض
لانه هشام ودانا كانو مجرد أصدقاء وبس
❤️

سماح وانور:برغم بداية زواجهم كلها حزن في حزن بسبب قصة ماجد ووفاء لكن قدرو يكونو قراب من بعض واحلا ثنائي❤️❤️

مسره:تعلمت هلبا حاجات من الي صار
وقررت تكمل حياتها وتعرف كيف ح تعيش وكيف راح تتعامل مع البشر
وكانت واثقه من نفسها❤️❤️

اما وفاء خشت في حالة هستيريا ونجنت
وعرفوها عيلتها انها حامل لكن لانها كانت مجنونه طاح الجنين في الشهور الاوله
وبرغم كان طلاقها مش محسوب حاولو يوصلو لي ماجد ويتزوجها لكن ماجد كان يتعالج
كلهم عندهم علم انه حتى هوا عنده مرض نفسي يعني أوقات يكون طبيعي وأوقات لا
لكن بعد اجهاض وفاء الجنين طلقها ماجد في المحكمه🔥🔥
وهكي وفاء شربت من نفس الكأس

النهايه:-❤️❤️


تعليقات



حجم الخط
+
16
-
تباعد السطور
+
2
-