القائمة الرئيسية

الصفحات

رواية أدوار وهميه كاملة بقلم بنوتة الشيخ

 رواية ادوار وهمية كاملة الفصول بقلم حسن الجامعي



#أدوار_وهميه الحلقه 1 (مقدمه)
ريم:راسي صداااع بيتفجر 🔥حاسه دوشة المنضومه قاعده في دماغي صدري مغموم من ال7كيلو يلي لابستهم والكتله الحجريه يلي فوق راسي وفوقها الطرحه
من غير الالف لون يلي كان على وجهي !!
كانت اكتر مزينه سيئه موجوده في البلاد
بس كانت الوحيده يلي تطلع للحوش بحكم خوتي ميبوش المزينات والكلام الفارغ هاذا
ندور في شقت الفندق بعد ما نحيت الكعب متعي عشان رجلي تتريح شويه وتاخد وضعها الطبيعي '
وقفت قدام المرايا نتفرج ع روحي ...بديت نحكي داخلي وفي عيني نضرة هزوه
لو كانت بنت غيري راهو توا ميته خووف وترعش مع بعضها ! لان بعد دقايق رح يكشفو انهم انخدعو
وح يكشفو اني لعبت عليهم او بمعنى اصح اهلي هما يلي خططو لكل شي بدون موافقتي حتى!!
على عكس يلي حاسه بيه توا !..برووود مخاطري في شي ولا حاسه بي اي حاجه ولا حتى هامتني اي حاجه !
متت او عشت عاملني عريس الغفله كويس او عاملني بي استحقار مش هامني شي لان في الدنيا البائسه هاذي مفيش شي يفرح فيها .
سمعت باب الجناح انفتح ❤️وسمعت خطوات سريعه تتقدم لي الدار كأن الخطوات هاذي فرحانه ومش مصدقه امتى توصل لي الغرفه
انفتح باب الدار وسمعت صوته وهوا يحكي بي لهفة فرح !
ناصر:اهلا بي عروستي الغاليه ❤️
ريم:تلفتت وانا على وجهي علامات الجمود وواضح من ملامحي اني كنت متوقعه ردة فعله اول ما يشوفني !
ناصر:تلاشت ابتسامته وقعد دقايق يشوفلها بدون ما يرمش ومركز في تفاصيل وجها كأنه يبي يكذب عيونه !! بعد قريب ربع ساعه من الصمت وعيون ناصر يلي بيطلعو نطقت ريم
ريم:سبرايز صح !؟
ناصر:اءء و و وو واضح اني دخلت للغرفه الغلط !
ريم:لوحت الباقه يلي كانت ماسكتها على السرير وملامح وجها قاعدات زي ماهما متغير شي .... لا هاذا الجناح متعك يا دكتور ناصر !
ولي سوء حظك انا عروستك اليوم
ناضر:ناقر حواجبه ويشوفلها بتمعن ...معقوله البنت يلي خطبها تغيرت هكي ؟؟مستحيل هوا حافظ ملامحها كويس !!!
يلي خطبها بيضه ويلي قدامه حنطيه مائله لي السمار الخفيف
يلي خطبها شعرها بني فاتح وقصير ويلي قدامه شعرها اسود زي الليل وواضح انه طويل
يلي خطبها طويله زي عارضات الازياء ويلي قدامه قصيره ❤️
يلي خطبها عيونها خضر ويلي قدامه عيونها ع الاسود 🔥
ريم:خلي نريح راسك من الاسئله يلي في بالك وقريب تجيبلك جلطه دماغيه !
انت خطبت واعجبت بي ريماس اختي واهلي غيرو العروسه من كيفهم لاني انا الكبيره وغلط تتزوج الكبيره قبل الصغيره
ناصر:صاح فيها بي حاله هستيريه ....شن تقوووولي انتي مستحيل الشي هاذا
ريم:ببرود تام ....هاذا يلي صار اسفه بي النيابه عليهم !
ناصر :معش قدرو رجليه يحملوه اكتر من هكي !!
طاح ع الصالون يلي كان وراه وراسه بين يديه
يحاول يستوعب يلي صار في الليله يلي استناها بي فارغ الصبر !!
اما ريم عطاته بي الضهر وهيا تنحي في الطرحه وباقي اكسسوارها وتتكلم بكل برود وثبات !!
ريم:خطبه شهرين بس وبعدين عرس !....
عائلتي وعيلتك متحفضه يعني مفيش مكالمات ولا حتى مناسبات في الشهرين هاذم عشان تجي للحوش
وبهكي الخطه تمشي تمام ....مقدرتش ندير موقف ونرفض قدام عيله تامه ! ....اسفه بي النيابه عليهم مره تانيه !
رجعت عطاته بضهر عشان تحول ماسكات التسريحه لكن فجآه معش حست بي شي غير بي دم نازل مني يقطر على الفيلو الابيض
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ريماس :مقعمزه في السياره جنب بابا روحت مع بابا لاني اخر وحده طلعت من الصاله وخلصت باقي مبلغ القاعه بحكم ماما كانت مش فاضيه وروحت قبلي مع خوي نتفرج ع المطر يلي كانت قويه لدرجة رهيبه ونفكر ......ياترى شن صار مع ريم؟؟؟
مبعدها كانت لقطه حقيره من عيلتي منقدرش ننكر الشي هاذا
يلي يضحك في الموضوع ان حتى حناي الله يرحمها تزوجت بنفس الطريقه مفهمتش وين الغلط لو تزوجت البنت الصغيره قبل الكبيره؟؟
مش ميته ع الزواج لكن حرام اختي نضلمت وحتى العريس انضلم!!....
انتبهت ان في سياره تلاحق فينا من لما طلعنا من القاعه وتغيرلنا في الضي كم مره لين وقفنا !
وقفنا وفتح الروشن :-
الشاب:اوراقك يا حاج
فؤاد:لمح السلاح يلي ع خصر الولد ومحبش يناقشه.....فتح درج السياره وبدي يدور في الاوراق وفي الوقت هاذا كان الشاب يخنب في نضرات من تحت لي تحت لي ريماس !
كان فاهم كويس هوا وصحابه ان البنت كانت في العرس يعني بي كامل زينتها
اخيرا فؤاد لقي اوراق السياره ومدهم لي الشاب
الشاب؛بدي يشوف للاوراق ....معندكش طارقه تفضل انزل من السياره
فؤاد:عدل نضراته ....تمام نرجعلكم توا معاي بنتي نوصلها ونجيكم
الشاب:5دقايق انزل لي السياره الثانيه بنشوف الفندي اعطي رقم بطاقتك ووقع وبرا
فؤاد:بطاقتي عندك!!
الشاب:اياه علينا عاد كان خايف ع البنت درس يمينك وسكر عليها السياره بي المفتاح
فؤاد:خاف يعاند يديرو فيه شي هوا وبنته وفي نفس الوقت خاف ينزل ويخلي بنته!!...مقدرش حتى يتصل بي حد من اولاده واضح ان في شي مش طبيعي
وافق فؤاد...وسكر الباب بي المفتاح
ريماس:قلبها طاح وع طول اتصلت بي خوها حكتله ووصفتله وين واقفين بزبط !!
لحضات وسمعت الباب انفتح !!ودخلت ريحه مقرفه لي السياره !
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
في مكان ثاااااني بعيد :-
فاطمه:مقعمزه لابسه البودري وسط السهريه والدربوكه ...تمروح وتبتسم والحنه طالعه عليها تجنن❤️❤️
كانت سارحه ومش مع المعازيم ابدا تفكر !
فتحت تالفونها مفيش اي مكالمه او مسج غير مسجات المباركات والتهاني من صاحباتها بدت تحكي داخلها
فاطمه:ياربي هاذا وين اختفى ؟؟من امس تالفونه مسكر ومعش كلمني شنو صاير ؟؟افففف راسي بيتفجر
مفروض نثقل عليه انا خلاص الحفله بكرا اكيد حتى هوا لاهي في الحوش ....انهت فاطمه كلامها بي الجمله هاذي وهيا اطمن في روحها وكملت هياجه وضحك مع الزمزامات وبنات العيله لين كملت السهريه وروحو المعازيم قعدو العمات والخالات وبناتهم بس ❤️
__________________________________
جت الساعه 1في الليل ونفس اي عرس ليبي العيله ملتمه ع سفره ويهدرزو ويضحكو ويلي ترقد في صغارها ويلي تاعبه مقدرش يقاوم ويلي مقعمزه بروحها في تركينه تحكي ع التالفون !
قاطع صوت الضحك العالي والهدرزه عثمان (اب العروسه )كان وجها اصفررر وواضح على ملامحه ان في شي!
عثمان:فاطمممه فاااطمه
ناضت وحده من بنات العيله مبتسمه ....فطووومه تعالي يبيك بوك
ياحليلي بيودعك اخر يوم ليك هنايا 😂🤭❤️
فاطمه:ناضت من بين البنات بي لبستها البودريه تمروح على روحها وطلعت ...نعم بابا
عثمان:تعالي وراي ....وعطاها بضهر
فاطمه:بدت ابتسامتها تختفي ...قلبها نغزها حست ان فيه شي
خشت لغرفة نومها يلي كانت مقلوبه فوقي لوطي من حوست العرس !...لقت امها وخالتها واقفني يراجو فيها وامها طووول نزلت عيونها
عثمان:سكر الباب ويجمع في قوته انتي عارفه ان كل شي في حياتنا قضاء وقدر من عند ربي ولا لا؟
فاطمه:تبدلت ملامحها لي خوف ....شن في بوي ؟؟
عثمان:في النهايه كل شي قسمه ونصيب !ويلي دار حاجه على طول الزمان بيلقاها
فاطمه:طاحت منها المروحه البودريه وخبطت على وجها.....شنوووو صاير
ام فاطمه خانتها دموعها ونزلت 💔
عثمان:حط الورقه على السرير وتكلم وهوا يحاول يقوي نفسه!....راجلك سافر اليوم من الساعه 7الصبح
وخلالك الورقه هاذي
فاطمه:ضحكت بهستيريا....سافر ؟؟هه كيف مستحيل غضوا دخولنا واصلا طيارتنا الاثنين الجاي
عثمان:سكت
فاطمه:قربت على الورقه فتحتها وتفاجآة انها ورقة طلاقها 💔💔💔💔
ورقة طلاقها بعد خطوبه وفاتحه دامت 4سنين وخلاها اليوم بحنتها 💔
طاحت فاطمه ع الارض تندب وتعيط ع طول حسها كلهم فاهمين ان عشان خطيبها تخلى عليها
محدش كان عنده علم بي المصيبه يلي دايرها فيها قبل ما يسافر 💔....يتبع
وروني المقدمه قداش توصل هي 😌❤️


أدوار وهميه الجزء الثانى

#أدوار_وهميه 2 (حقيقه ممزوجه بخيال)
ملاحضه:-
الابطال الاساسيين لعند الحلقه 3او4عشان يطلعو ره 🙈💔
ريم:شفت الدم ينزل بقطرات غزيره على الفيلو خذيت كلينكس وحطيته ع خشمي ...مخفتش ولا انفزعت هاذا شي خلاص تعودت عليه !
ديمه هكي لما يبدا الجو مصقع هلبا
قمت راسي لي فوق عشان يخف النزيف ومسمعتش غير باب الجناح تسكر بقوه لدرجة روشن الغرفه دار صوت قوي !!
مسحت خشمي كويس وبديت نفك في خيوط الفيلو شوي شوي لين قدرت نطلع منه اخيرا !!
فتحت الشنطه الصغيره يلي جبتها معاي وكان مفيهاش غير ملابس داخليه وروب شفاف كله ولوشن للجسم و و و ....بي اختصار كانت شنطة دخول !
خذيت الملابس الداخليه وسكرتها وانا منزعجه
خشيت للحمام ورميت جسمي في الدوش الدافي يلي كانو مجهزينه لي ليلة العمر ع اساس ...هه مسكين
اكيد ركبه الرعب من منضري بي المكياج المعفن والرخيص يلي شافني بيه !!
غرقت تحت الميه نحاول نمسح يلي في وجهي وشعري يشم ريحة الميه وينسى المثبت يلي خلاه زي الصخره !
_______________________________
ناصر:كيففففف فهمني اللقطه هيا كيف هكي لعبو علينا محترمونيش لا انا ولا بوي ولا عمامي يلي رافعهم
خطبت بنتهم الصغيره وعابي على روحي بناخد وحده زي الورده تجيني وحده منضرها يركبك الرعب !؟
كريم:قداش مواليدها يلي خديتها ؟
ناصر:تي وين نعلم بي امها انا !!؟...لكن واضح عليها شارفه من الخطوط يلي في وجها
كريم:سكت
ناصر:كريم انت خوي الكبير وتزبط فهمني كيف نتصرف توا نجبدها من شعرها ونلوحها عليهم ؟؟
كريم:بلع ريقه...لالالا سلم خوي اهدا مديرهاش
في النهايه الناس تحب الدوا والقصه هاذي مفيش حد يصدقها كلهم رح يحطو في راسهم انك لقيت البنت مش شريفه
والشي هاذا مش حلو لا في حقك انا گ دكتور ولا حق البنت اهدا
ناصر:خذي نفس وطلعه بي ضيق وهوا بيتفجر ....كيف بنقول لي امي وخواتي بس !!!
كريم:عندهم علم
ناصر:قام وجها بصدمه ....كيف؟؟؟؟
كريم:شنو يلي كيف؟خواتك مشو جابوها من الصاله
وامك شافتها
وقالو بكرا بيمشو يفهمو من اهل البنت على السبب!
ناصر:فك القرواطه ووجها احمرررر
كريم:اهدا انت توا وتعود من الشطان الصباح رباح ارجعلها متخليهاش بروحها في الفندق
ناصر :معندي نيه حتى نشوف لي خليقتها
كريم:مقتلكش ارقد معاها قتلك ارجع تريح ومتخليهاش بروحها في الفندق مهما كان هيا بنت في النهايه !
ناصر:خذي نفس عميق وهوا يشوف لي اعلى
كريم:طبطب ع كتفه ....هيا
ناصر:خذي مفاتيحه ورجع لي السياره .
_________________________________
الشاب:فتح السياره وركب ...غمز لي صاحبه
تمام نضمت اموري انا كل شي تمام خلوه يمشي الراجل
شافله صاحبه وابتسم بخبث ....تمام سامحنا ياحويج لكن هاذي اجرائات روتينيه للامن انت تزبط
فؤاد:كان يغلي من داخل بيتفجر بس مش قادر يقول كلمه مهما كان هادم قاطعين يديهم من ربي ع ابسط شي يقتلوه هوا وبنته يلي كان مطمن وهوا مسكر باب السياره عليها ميعلمش بي الكارثه يلي صارت قبل شوي!
نزل من السياره وواضح على تعابير وجها انه مش راضي !
الشاب:تفضل يا حاج طاح منك
فؤاد:خدي مفاتيح سيارته وسيبهم بدون كلمه ..فتح باب السياره وركب
الدنيا كانت ضلام هلبا وصعب فؤاد يشوف ملامح بنته !
الساعه 12ونص في الليل والضي هارب ع المنطقه كلها
فؤاد:ريماس؟؟؟ريماس خيرك ؟؟
ريماس:صوتها رايح من البكي ...خفت يديرولك شي
فؤاد:ولع السياره وتحرك ....خلاص مشت على خير هادم شوية فروخ صيع الله لا تربحهم طالقينهم اهلهم في ها الليل يرعشو في الناس
ريماس:كانت تبكي بشهقه مش طبيعيه ومغطيه نفسها بي عبايتها بتشنج💔
فؤاد:خلاص يابنت قتلك مصار شي اهدي !
ريماس:كتمت صوت بكاها بيدها طول الطريق💔
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
تحول العرس لي عزاء في حوش فاطمه 💔
العيله كللللللهااا مصدومه من تصرف العريس !
كيف يهرب بعد خطوبه وقراية فاتحه لمدة 4سنين
لا وامتى يهرب ؟قبل دخوله بيوم!!
علاش ؟؟؟؟
علاش دار تصرف زي هاذا لو كان ناوي يسيبها من البدايه واهو فسخ مش قبل الدخول بيوم بس !!
كانت حالة فاطمه صعبه وكأنها في عالم تاني تفكر كيف تنقذ نفسها بعد يلي صار فيها وبعد ما خطيبها تخلى عليها ؟!
كيف تقدر تتصرف في وقت زي هاذا ؟!
التزمت السكوت بس الليل كله ساكته ويلي حوليها يحاولو يخففو عليها مصيبتها بس هيا كانت تشوف لي حنتها وتفكر في شي تاني بكل
اشرت لي بنت عمها من بعيد
اسماء:قربت عليها ووجها اصفر ....كيف بديري يا فاطمه كييييف
بدت تخبط ع وجها ....قتلك من البدايه قتتتتلك مديريهاش قتتتلك شوفي المصيبه هاذي يذبحوك ورررربي يذبحوك ويذبحوني معاك لو عرفو اني مغطيه عليك نهاااااارنا اسووووود
فاطمه:مسحت عيونها ....مش وقت النديب والعياط توا اسماء ركزي معاي شنو بنديرو
اسماء:خبطت ع خدودها.....انتي مزال عندك حتى افكار بديريها ؟؟؟؟
وحق ربي لما يدبحوك وانتي لابسه البودري يافاطمه 😭😭😭😭
فاطمه:مسكت يدين اسماء عشان معش تخبط وفي عيونها نضرة اصرار.....اهددددي مزال في امل نطلعو من القصه هيا
اسماء:كيف؟فهميني كيففف؟بتلحقيه حتى انتي بتهاجري من البحر ؟؟؟
فاطمه:بلعت ريقها....لا
بس غضوا في مشوار لازم نديروه من الصبح
اسماء:عقدت حواجبها والدموع في عيونها....شن تقصدي ؟
وين بتمشي ؟
فاطمه:تو نقولك مش توا
اسماء:مسحت دموعها وهيا تحاول تسيطر على اعصابها
___________________________________
ناصر:رجع لي غرفة الفندق مكسور 💔معنداش اي جهد لي شي ومعنداش خيار تاني في الوقت المتأخر هاذا !!....اكبر ضحكه صارتله في التاريخ
مليشي غير انه يقعد في مكانه لين يأذن الغجر وتطلع الشمس!....
بس حتى لو طلعت الشمس وجي الصبح شنو بيتغير ؟خلاص توا يلي صار صار ويلي خذاها مش نفس يلي حبها من اول نضره !
حرمت عليه بعد ما خدي اختها وانكسر قلبه !.....سكر باب وهوا يسحب في نفسه بسيف
شاف ريم راقده ع السرير لابسه بجامه ع الازرق الهادي ولافه شعرها بي فوطه الحمام
قعمز ع الكنبه يشوفلها واستغرب !!....التجاعيد يلي كانت ع وجها تحت المكياج مهناش!!؟
لون سمارها قنين مش ازرق نفس ماشافها بي الڤيلو !
مكانش يعرف انها ماشيه لي ازفت مزين في البلاد وخلتها بشعه 💔بس مع هاذا كلها مقدرش ينكر ان اختها يلي حبها احلا منها بي مليون مره ورسم حياتها !....طلع من الغرفه وقعمز ع الكنبه يلي موجوده في الجناح ....فرد جسمه على الكنبه وسكر عيونه بتعب
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
الصدمه :شعور غريب يحس بيه الانسان !وتختلف ردود الفعل من شخص لي اخر ..
رد فعل ناصر كان انهيار تام ! بيهبل بينجن بس مفيش اي حل ولا قادر يدير شي لين يطلع الفجر وحتى لو طلع الفجر الله اعلم شنو الحل يلي بيندار !
اما ريماس ردة فعل صدمتها كان سكوت غريب بدون حتى دموع!!
طول الوقت راسها يعاود في نفس المشاهد يلي صارو في السياره بدون توقف
الصدمه اثرت عليها لدرجة خلتها بدون اي ردة فعل !
اما صدمة فاطمه كان عقلها معنداش اي وقت انه ينصدم لازم يفكر ويخطط قبل ما يفوت الوقت وتخسر حياتها وسمعتها وكل شي !💔
____________________________
سعاد:ماشيه جايه في الصاله وتمروح ع نفسها وتعيط ....ياااااربي بننجلط ياربي
بننجلط يا ربي بننجلط خطبنا القنينه السمحه ويعطونا الشينه السمراء هاذي العزوزه
نورهان:اوكي يا ماما اختها احلا منها تمام بس البنت مش عزوزه مواليدها94ره صغيره قاعده
سعاد:لوحت عليها الكوب خطت منه نورهان بسرعه وتكسر الكوب ع الحيط !....ضمممممي فمممك من عليااااا
بدت سعاد تريش في شعرها .....وووووووه علياااا ووووه
وليدي دكتور قد الدنيا شنو دار في حياته باش يدبس في وحده سمراء عزوزه زي هاذي ياربي
كريم:خش لي الصاله تي خيركم شنو النديب والعياط هاذا. ؟؟
سعاد:طاحت ع الارض مقعمزه تبكي وتعيط ....ووووه عليا ياربي بنموووت كبدي محروقه انااا
ربي معطانيش في الدنيا هاذي الا 4ولاد
انت مرتك حربايه من تحت التبن وخوك ايمن مرته حرفين وخوكم الصغير مهاجر من عمره12السنه معاد شفته قلبي محروق عليه 💔
تأملت خير في ولدي الغزال الدكتور وخطبتله الجمال كله
طول وعرض وبيوضيه والعيون الخضر والشعيرات البنيات وفي النهايه تجيني وحده سمراااااااء وشينه تي والله ويلي اسمه الله من لما تطلع الشمس يطلقهاااااا يا انا يا هيا في ها الحوش الفاسده هاذي
ايمن:خش عليهم ....خلاص امي استهدي بالله مهما كان عيب البنت ينقال عليها فاسده !
ناصر توا كان مع كريم وبيهبل حتى هوا متزيدوشي
اللقطه يلي صارت غلط وضحكو علينا عيله كامله لكن لازم نمسكو اعصابنا ع الاقل لعند الصبح
سعاد:تجاهلت كلام ولدها ايمن العاقل ....وين بووووك وين بوك فهموني عايش في عالم بروحه كأنه مش عرس ولده
كريم:ولع دخانه.....برا مع الرجاله
سعاد:ربطت راسها ....الهمني الصبر في ها المصيبه ياربي بس
_________________________________
في الدروج:-
لمياء:سمعتي شن قالت عزوزة الشر الكلبه هادي ....طلعنا حربايات
مروه:سمعت....لكن تهون عادي لان قلبي بااارد صراحه نحس في روحي متشمممممته فيهم😂😂
طول فترة الخطوبه وهيا تشكر فيها باش تحرقنا ع اساس
وتوا صدموها بي اختها وووووه شخخخخيت في القاعه لما شفت ردود الفعل بعد شافو العروسه
لمياء:متت😂😂😂😂
مروه:خليها تاكل ع راسها
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ثاني يوم الساعه 10الصبح ⛅️⛅️⛅️
ريم:نزلت من السرير لقيت نفسي قاعده لافه شعري بفوطه وراقده من التعب 🤦🏻‍♀️
مشطت شعراتي وقمتهم صليت الصبح وقعمزت ع السرير نفكر !؟
زعمى توا شنو يصير ؟راجلي المخدوع مش طايق خليقتي
زعمى يصير زي في الروايات 😂تصير لقطات بينا يشوفني طالعه من الدوش وينغرم بيا ونبدو نحبو بعض 😂😂....ااااه ياربي وخلاص
اذكرت لي ملامح عيلة ناصر لما شافوها في القاعه ....والعيله تبدا تحبني لاني كويسه ومش متع مشاكل ونخدم في حوشهم 24ساعه بين الطناجر ويكتشفو اني بنت اصل ونعيشو في سعاده وهناء ....هههههه
ياريت انا هكي ...ع الاقل ممكن يكون عندي معاه فرصه
بس شنو رح يصير فيه لما يكتشف اني تافها ومستحيل نساير حد وطبعي زي خليقتي وديمه مكتئبه ومعنديش خلوق لي اهله من قبل ما نعرفهم ؟؟
ربي يعينه وخلاص .....انهت ريم حديثها مع نفسها وفتحت تالفونها تتصفح في الفيس زي العاده
__________________________________
اسماء:طلعت من الغرفه لابسه عبايتها
شافولها خالات وعمات فاطمه وامها يلي مغمضتلهمش عين من الخبر وتفركيست العرس يلي صارت !
ام اسماء:وين ع خير ؟؟
اسماء:بملامح حزن وتحاول تمثل كويس ...وين يعني ؟بنرد الڤيلو للمحل وناخد العربون قبل ميضيع عليا
مريم(ام فاطمه):انهارت بي البكي وزي العاده يحاولو يصبروها
كملت اسماء طريقها لين وصلت لي باب الحوش وهيا متعمده تبطئ خطواتها لين فجآه وقفها صوت
فاطمه:تمسح في دموعها ....وقفي بنمشي معاك
مريم:وين بتمشي ؟؟؟وين بتمشي خلينا في المصيبه يلي حني فيها مش ناقصين !
فاطمه:فقدت اعصابها....تقصدي المصيبه يلي انا فيها بروووحي 😭💔تعبببببت انخنقت من الحوش والبتات يلي قدامي 💔💔💔
نبي نطلع نشم هواء حتى ساعتين حاسه روحي بنموت
مريم :حضنتها ونهارت بي البكي هيا وياها وكلللل الموجودين صبايا صغار وكبار
خش بوها عثمان وواضح على وجها انه متأثر 💔...خلي البنت تمشي متضغطيش عليها ياسر
فاطمه:تنهدت داخلها ....يلي خططتله مشي صح وضمنت مشوارها ....سحبت روحها من حضن امها لبست عبايتها والقوانطي عشان تخفي الحنه وطلعت
________________________________
ناصر:ناض من نومه بنفس حوايج دخوله 💔
كانت رقبته توجع فيه من نومة الكنبه ...تقريبا اصعب ليله مرت عليه في حياته 💔.....
وقف قدام باب السحاب متع غرفة النوم ...خدي نفس وفتحه
وقف بصدمه من المنضر يلي شافه !!!
كانت ريم مقعمزه ع السرير وحاطه السفره متع الفطور قدامها تفطر وتتصفح في النت ولا كأنها صاير شي
شافلها بنضرة حقد
ريم:قامت عيونها ونحت البريوشه من فمها ....مقدرتش نستناك لين تنوض من النوم جعانه
ناصر:انتي عارفه اني مش طايقه نشوف لي وجهك !!!
متقزز منك ومن منضرك ومن صوتك ومن لونك ومن حركاتك ومن كل شي فيييييك
ريم:امورك....ورجعت تاكل
ناصر:نوضي البسي اي شي ع راسك بنروح شقتي
ريم:هزت راسها وهيا تاكل وعيونها في تالفونها ومردتش عليه
اما ناصر طلع وخلاها وهوا في داخله يسب فيها ويلعن وكان يلقى يقتلها ويتريح 💔
______________________________
ريماس:تشوف لي نفسها في المرايه ....تمس في وذنها ورقبتها ووجها اصفر
مركزه في ملامحها ع المرايا وكانت بتبكي اخيرا
بس قاطع تفكيرها صوت عياط برا الحوش
فتحت الباب وطلعت تجري
كانت سعاد ام ناصر واقفه ع الباب ومعاها بنتها المتزوجه سمر
ام ناصر دااااارت العار صياح وعياط وتصفيق وشتم وسب قدام عيلة ريم والجيران 🤦🏻‍♀️
وطبعا اهل ريم مفيش ولا حد رد فيهم لان عارفين غلطهم من الاول 💔
كملت سعاد عياطها وتهديداتهم بي طلاق بنتهم والشهدره وركبت في سيارة بنتها ورجعت للحوش
ريماس:شن هاذا شن صاير؟
ربيعه:عزوزة ريم جت دارت شوط زي ما كنت متوقعه
ريماس:قتلك من البدايه يا امممممي قتلك حرام عليك يلي درتوه في الولد وكله بيرجع على راس ريم تو تشوفي
ربيعه:اسكتي ونطمري انتي كان مدرتش هكي راهو اختك قعدت في الرقبه
ريماس:اي رقبه ؟؟؟ريم يخطبو فيها انتم يلي متبوش توافقو
ربيعه:وهاذا دكتور والدكتور ميرتفضش وعارفه ان بوك وجدك راسهم مسكررر والصغيره منعطوهاش قبل الكبيره
ريماس:لكن الكبيره بتطلق يا امي !!شنو استفدتو؟
ربيعه:مدخلكش فيها القصص هيا خشي ديري قهوا لي خالاتك تحركي بعد ها الرعشه لي دارتها الكلبه هاذي ع الصبح
ريماس:جت بتمشي بس وقفها صوت امها ....وين خراصاتك الذهب؟
ريماس:بلعت ريقها....فوق في داري ....ومشت بسرعه
كانت ام ريم وريماس مش اقل وقاحه من ام ناصر !
كل همها ان تزوج بناتها وبس مش مهم عندها لو كانو مرتاحين او لا
وفوق هاذا كله كانت صحيحة وجه حتى عارفه نفسها غالطه تكمل في غلطها !
بكل حقاره لمت ام ريم خواتها وحماتها وبنات حماتها وانطلقو لي شقة ريم عشان يديرو محضر !!!
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ريم:طول الطريق مفيش حد فينا تكلم ولا قال شي !
ساكتين وبس وعيوني في هاتفي لين وصلنا لي حوش متواضع وبسيط من برا مش مزوق حتى
ع 3دوار واضح ان الدور الارضي لي امه والباقي شقق ليه ولي خوته
خذيت شنطي ونزلت طبعا لحكم انه مش طايقني قعدت ساكته وواقفه زي النيه لين حضرته نزل ومشيت وراه لعند فم باب الشقه
كانت شقه متواضعه وكل الاثاث واضح عليه جديد
دخلت الشناطي متعي بروحي ومفتحتش ولا شنطه لان عارفه اليوم او بكرا بي الكثير رح نرجع لي حوش اهلي مطلقه !...طلع وسيبني بروحي
لبست بيجامه واسعه مريحه وسكرت الباب و ضربتها نومه
____________________________
ريماس؛طول الوقت سارحه وعقلها مش معاها
متعرفش حتى كيف لبست وطلعت
قلبها مقبوض كل ما تدكر لي ليلة امبارح تمسك في دموعها بسيف!
مستنيه امتى توصل لي اختها وتشكيلها زي كل مره 💔💔
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
اسماء:ادور في سيارتها ....وينه؟
فاطمه:هاذا اهوا محله
اسماء:درست السياره وشافت لي فاطمه....ان شاء الله ما تنقلبش عليك يا فاطمه
فاطمه:خدت نفس ونزلت من السياره ....غطت نص وجها بي الوشاح وخشت للمحل وهيا ترجف
فاطمه:انور؟
انور:قام عيونه من كراسة الحسابات....تفضلي وخيتي ؟
فاطمه:نزلت وشاحها وبدت تبكي
انور:بلع ريقه لما شاف وجه فاطمه وقبل ما تتكلم سبقها هوا .....منقدرش نعتدر لا انا ولا عيلتي كلها ع الحركه يلي دارها خوي امس لان ولا شي يجبر خاطرك يلي كسره خوي
امي وبوي مش قادرين حتى يطلعو من الحوش وطالهم راسهم الله لاتربحه💔
عيشي حياتك يا بنت الناس ربي يعوضك
فاطمه:تتكلم وتبكي.....بكن يا انور خوك مقراش عليا فاتحه بس !!
انور:قرن حواجبه بعدم فهم
فاطمه:في كارثه مدايرها اكبر من انه يسيبني قبل الدخول بيوم 💔
اكبر من انه يحشمني قدام الناس والمعازيم 💔
انور:شن تقصدي ؟
فاطمه:بدون مقدمات .....انور انا حامل في الاسابيع الاولى 💔💔💔💔
انور:طاح من يده كوب القهوا
فاطمه:انت الوحيد يلي تعرف ان خوك كان يجيني لما اهلي مهناش
بس يلي متعرفاشي انه ضحك عليا 💔
كان ضاغط عليا ديمه يقولي انتي مرتي حتى الفاتحه قاريها عليك متوقعتش يجي يوم يخليني ونحنا مزال خطوه بس على زواجنا
انور:كانت ملامحه متتفسرش من الصدمه 💔
طاحت فاطمه قدامه تبكي وتبوسله في رجليه ....استر عليا الله يستر عليك💔💔😭😭😭
استر عليا انت الوحيد يلي عارف ان مفيش حد غير خوك مرتبطه بيه من سنين بالله عليك استر عليا 😭😭😭😭😭😭😭😭😭
خودني حتى شهر بس وطلقني راضيه وربي يذبحوني لو بطني كبرت وعرفو بي القصه 😭💔
انور:بعدها من على رجليه وساعدها توقف بعد ما لفتت النضر لي الناس يلي حوليها معرفش شنو يقول ولا بي شنو يصبرها؟؟او يهزبها؟؟
انور:اطلعي من المحل توا خليتي روحك فرجه يستر الله يستر الله
فاطمه:بعيون توسل......الله يخليك استر علياااا انور الله يحميك
انور:تمام يصير خير بس انتي روحي توا
فاطمه:هدت شويه وطلعت
انور:قعد يشبحلها من بعيد لين اختفت وبعدين نزل عيونه على يده وشاف لي الذبله يلي كان لابسها💔
______________________________
خشت ريماس ورا امها وخالاتها لي الشقه بعد مافتحلهم ناصر
ناصر يلي كانت عيونه على ريماس مش قادر ينزلهم💔
ريماس يلي حرمت عليه بعد ما خدي اخته
سلمت ربيعه عادي جدا كأن مصار شي بس ناصر مقدرش
ناصر:يتكلم وعيونه ع ريماس،......الله لا تسامحكم عيله تامه💔....وطلع وسيبهم
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
اسماء:ملامح وجها مصدووومه....وافق؟؟
فاطمه:منعرفش اسماء منعرففففش بس عندي احساس انه يوافق
اسماء:اتكت على كرسي السياره ....خششتي القصص كلهافي بعض يا فاطمه💔
فاطمه:معنديش حل تاني💔ترضي نموت وانا في اول عمري؟؟؟
اسماء:الف مره قتلك في هديك الليله م.....
فاطمه:فقدت اعصابها....خلااااااص بطلي كلام على هذيك اللليله خلاااااااص!!!
__________________________
ريم:سكرت باب غرفة نومها بعد ما امها طلت تتفرج ع الشقه هيا وخلاتها
شافت ريم بخوف لي اختها ....ركب السياره؟؟؟
ريماس:هزت راسها ونزلو دموعها
ريم:شن دار؟؟شن دارو فيك ريماس ؟؟؟؟
بدت تخض في ريماس من كتافها وتعيط عليها
شن دارو فيييييييك...يتبع

أدوار وهمية الجزء الثالث

#أدوار_وهميه 3 (حقيقه ممزوجه بلخيال )
شافت ريم بخوف لي اختها ....ركب السياره؟؟؟
ريماس:هزت راسها ونزلو دموعها
ريم:شن دار؟؟شن دارو فيك ريماس ؟؟؟؟
بدت تخض في ريماس من كتافها وتعيط عليها
شن دارو فيييييييك..
ريماس:خدت نفس ومسحت دموعها ......مخليتاش
هوا حاول بس مقدرنيش لان مكانش في وعيه
ريم:شبحتلها بنضرات انها مش مصدقه
ريماس:بلعت ريقها...خذي سلسلة الدهب متعي
قطعها من رقبتي عرفت غرضه الخنبه
نحيتله خراصاتي عشان خلاص يكتفي وقعدت ندف فيه لين طلع وسكرت ع روحي السياره من جديد
ريم:وكيف متحكيش لي بوي كلام زي هاذا ؟؟
كيف سكتي
ريماس:ع اساس حتى لو حكيت بيديرو شي ؟
بعدين مستحيل حد يصدقني وانتي تعرفي عيلتنا بيصير فيها طبيب شرعي وعار زايد ونحنا مش ناقصين يكفي الدوشه يلي صارت اليوم
ريم:قامت شعرها بتوتر .....العار يلي دراته عزوزتي الغاليه
ريماس:اي وعندها حق ....مهما كان غلط يضحكو على عيله تامه
ريم:مدخلي في حد انا
ريماس:كيف يتعامل معاك راجلك؟؟وتهنيتي ولا لا
ريم:طلقتها ضحكه .....تبصري انتي؟
هوا مش قادر حتى يشوف لي وجهي مسكين تبي يدير معاي الجو؟
ريماس:وعاجبك الزواج المعفن هاذا انتي ؟
ريم:شافت لي روحها في المرايا ....ع الاقل حلمي تحقق وبديت انقي في حواجبي ع راحتي 😂😂
ريماس :متفهك ريييم متفهك فكري في حياتك
لو روحتي اليوم مطلقه شنو بيحكو عليك الناس ؟؟
انتي مستوعبه ؟
ريم:مركزه ع وجها في المرايا ....ملياش دخل الحمد الله ضميري مستريح مش انا يلي درت الجو هاذا كله من امك وبوك وتفكير خالاتي ولا ؟خلاص خليني في حالي
ربيعه:فتحت الباب ....شنو انتي وياها معطلين ولا كيف ؟
ريماس:كنا نهدرزو شويه يا ماما
ربيعه:هيا وقت اطلعي باش تمكيجك خالتك عفيفه ونلبسوك العربي
ريم:شافت بهزوه ....خالتي عفيفه؟؟
من جدك امي ؟تبيني نطلع مرعوبه اكتر من يوم الحفله ؟
وبعدين لي منو لابسه العربي حتى المحضر لغوه والخيمه نحوها من امس في الليل
ربيعه:وشن لينا علاقه فيهم نحنا تحركي اطلعي
ريم:طلعت من غرفة النوم وتعابير وجها كأنها عيله مغصوبه ع شي متحباش
اما ريماس قعدت في مكانها وتشوف للفراغ !...عقلها هاااايم في دنيا تانيه
__________________________________
فاطمه:من لما رجعت للحوش حطت كرامتها ع جنب وقررت تستر روحها حتى لو كان على حساب كرامتها !💔
من اول ما وصلت بدت تتصل بي انور وتبعتله في مسجات طووووويله وكلها عباره على ترجي انه يتزوجها حتى اسبوع بس وينسب الولد يلي حملت بيه من خوه عشان يكون ولده قدام الناس
مهدتش ولا ارتاحلها بال واتصالاتها تخطت الحدود لدرجة انور حطها في الحضر 💔!!
كان انور ملخبط وكأنه زيارة فاطمه ليه قلبت الدنيا عنده 💔
من جيها خطيبته يلي يموت فيها وميقدرش يعيش بدونها ثانيه ومن جيها الغلطه يلي دارها خوه في فاطمه ولو متصرفش وخداها رح يتسبب في موتها 💔
حاول انور يوصل في خوه عشان يقوله ارجع ليبيا راهو فاطمه حامل منك
ارجع وصلح الغلطه يلي صارت لكن مقدرش يوصل لي طرف خيط يوصله فيه ابدا💔
______________________________
لمياء:او ميقااااااد بنموت وربي 😂😂😂
جووووو الناس هيا مدايرين محضر بروحهم فوق 😂😂😂😂
مروه:ماسكه ضحكتها....فكينا تو تشوفك عزوزة النم واديرلنا قصه
لمياء:مش قاااااادره😂يعني مزوجين بنتهم ع كيفهم وكملو العرس عادي وتوا جايين مدايرين محضر بدون معازيم 😂
متتت ياربي
مروه:😂😂😂😂😂
سعاد:مقعمزه في مكانها ووالعه فيها النار ....شفتي ؟؟شفتي ؟؟؟؟
توا نركب نولع فيهم النار هاذم ؟...عيله تامه لا تستحي لا تتحشم والله الكلبه هاذي ما يصبح عليها صبح عندي يطلقها بي ال33333
سمر:تنرفزت اقسم بالله ...انا منقدرش نبات اليوم صغاري غضوا مدرسه
سعاد:تهز في جسمها يمين يسار ...روحي يابنتي روحي
روحي وخليني في همي نعاني فيه مبكري اتصلو عماتك الكلبات متشمتات فيا
سمر:خدت نفس وجت عينها على مروه ولمياء ....وهاذم دبارهم عندي غير يروحو خوتي نعرف كيف نعبيلهم راسهم
نورهان:امي عادي نركب 🥺جو من بكري الدربوكه مهدتش شكله جوهم حلو
سعاد:خبطت على رجليها ....ياااااااربي الصبر من عنددددك على البهايم يلي جايبتهم لي الدنيا
نورهان:ربعت يديها ومدت فمها قدامها متكنطيه
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
الساعه 11في الليل:-
ريم:نحيت اللبسه يلي كنت طالعه فيها زي الفراعنه القدماء ...بنسبه ليا منعرفش نفرق بين لبسه كبيره ولبسه صغيره والكلام هاذا
دوشت زي العاده ....لبست الملابس يلي انا نرتاح فيهم ❤️
وكانو عباره على شورت قصير وتب واسع وطوله لعند الشورت بزبط
خليت شعري يجف ع مهله وقعمزت لي النت گ العاده
بديت نتصفح ع الفيس ونقرا في تلقيح بنات العيله لي بعض في المناشير زي اي عيله ليبيه
واندمجت لين سمعت خش عليا ناصر لي غرفة النوم وطبعا نفس ملامح الوجه المتعصبه والمضايقه !
ناصر:وقف قدامها ويشوفلها
ريم:نزلت تالفونها من قدام عيونها ....اهلا !
ناصر:علاش مروحتيش مع حوش بوك اليوم ؟
ريم:السياره معبيه
ناصر:تخففي في دمك؟
ريم:رجعت عيونها لي التالفون ....انت خديتني من حوش بوي انت تردني
ناصر :نوضي البسي عبايتك ولمي حوايجك مليكش قعده في الحوش هاذا
ريم:حطت التالفون ع السرير وناضت ببرود....اوكي
_________________________________
لمياء:قعمزت ع السري. تستعد لي النوم جنب راجلها .....يعني خوك بيخليها معقوله؟
كريم:سكر الكتاب يلي كان فاتحه وكان خلاها يعني ؟
لمياء:تبصر انت ولا تتسهوك عليا؟
كريم:خدي نفس بملل....تمام العيله دارو غلط كبير لكن في النهايه هوا مكانش علاقه مع اختها يعني عادي خلاص يرضى بنصيبه وتمت
لمياء:فتحت شعرها....انت شايف شكلها فرق بين السماء والارض هيا واختها
كريم:مش شايف اختها لكن يلي خداها ناصر مش خاطيه
لمياء:سمراء !!!....وامك خاطبتله البيضه حتى من عيونها ملونات
كريم:اولا البنت حنطيه وحتى لو سمراء وين المشكله ،؟؟؟
مش بنت في النهايه زيك زيها ؟
لمياء:شبحتله بنضرات دهشه.....لا رسمي متغير انتتتتت
شن قصدك بيه الكلام هاذاا هااااا؟؟؟
كريم:اهو بدينا في النكد 🤦🏻‍♀️....بالله خليني في حالي ترا مش ناقص نكد قبل النوم ....ورقد وغطا راسه
لمياء:انا لما نقول انك متغير معناها متغير يا كريم لكن وراك وراك لين نعرف شنو يلي مغيرك وبينا الايام .....وناضت سكرت الضي بتخبيط ورقدت
________________________________
انور:كان مخنوق وقلبه بيتقطع 💔
خاش للحوش يسمع في امه وبوه كيف يهدرزو ومتحسرين على الشي يلي داره خوه
وكيف خلاهم في موقف بايخ في نص العرس وهرب
كيف قعدو متحشمين مع الناس 💔
ومن جيها تانيه كل شويه توصل فيه رساله من فاطمه تترجى فيه يستر عليها
مقدرش يرقد 💔ولا قدرت عيونه تتسكر حتى دقيقه
قرر يحسم موضوعه ويدير حل لي القصص هاذي كلها حتى لو كان الشي هاذا على حساب كسرة قلبه
بس الاهم من هاذا كله وقبل كل شي لازم يحكي لي خطيبته ممكن تتفهمه وضعه ...
_________________________________
ريماس:راقده على السرير ويدها على قلبها ❤️
سكرت عيونها وهيا تفكر في كم حاجه
فتحت عيونها على صوت تالفونها يشريين شافت للاسم وزاد قلبها توجع اكتر 💔
قلبت التالفون ودفنت راسها في المخده تبكي من وسط قلبها على مستقبلها يلي رح يقعد مجهول 💔
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ناصر:كان واقف في بداية الممر يراجي في ريم تطلع من الغرفه عشان يرجعها لي حوش اهلها
ريم:طلعت من غرفة النوم تجر في شناطي حوايجها
حطتهم قدام ناصر وخشت للمطبخ فتحت الثلاجه يلي كانت معبيه لانها ثلاجة عرسان
خدت منها 4طروف شكلاته وحكة مشروب راوخ وطلعت
ناصر:يشوفلها وقالب وجها
ريم:من امس خاطري فيهم وانا خلاص بنروح يعني اتس اوكي وكان خديتهم ؟!
ناصر:لا لون ولا شكل ولا اسلوب ولا حتى عقل ....وسيبها وطلع
ريم:هزت كتافها....هاذا كله عشان 4طروف شكلاطه يعني !؟مصح وجها ....وخذت شناطيها ولحقاته
ناصر:خطواته كانت سريعه وما يصدق امتى يوصلها ويروح لكن وقفه صوت مستحيل يكمل طريقه ويتجاهله !
بشير:ناااااااصر
ريم:تلفتت
ناصر:خدي نفس وتلفت....نعم يا بوي
بشير:قرب بخطوات بطيئه....وين على خير في ها الليل ؟وشاف لي ريم
ريم:ابتسمت
ناصر:بنرجعها لي حوش اهلها ....احسن ليا وليها
وخلي الكذب ينفعها هيا وعيلتها
بشير:تعود من الشطان يا ولد وركب مرتك لي الشقه
شن تبي الناس يقولو علينا من ثاني يوم مرجع مرته لاوزياده جابها الساعه 12ونص في الليل؟؟
وين عقلك انت
ناصر:مش طاااااااايقها يابوي مش طايقها معش نبيها
سعاد:اي عنده الحق خليه يردها اليوم قبل غضوا بدل ما نحنا نفكرو في كلام الناس مفروض هما يلي فكرو فيه قبل ما يديرو هكي
ريم:تراقب فيهم كيف يتعاركو وساكته
بشير:بنبرة امر في صوته....اركب انت ومرتك واخزي الشيطان ناصر تحرك حتى لو صار طلاق مستحيل يكون توا ارزن متتهورش
سعاد:شافت لي ريم بنضرة حقد ....هودي بضاعتك واطلعي تحركي
رين:مسكت شنطتها وجايه بتطلع
بشير:اقعدي يابنت واركبي شقتك
سعاد:قلت تطللللع
ريم:وقفت بي الجنب....خودو قرار مع بعضكم بالله منبيش نقعد ماشيه جايه
سعاد:وطويلة لسان وقليلة ادب زياده
بشير:شاف لي سعاد وولده ناصر ....كلمتي مطيحش
سعاد:سكتت ونضراتها نااااار بي اتجاه ريم
بشير:تحركي خودي شناطيك واركبي شقتك يابنت
ريم:اخيرا ثبتو ع راي .....وركبت
كان برود ريم واصل لي درجة الوقاحه !
اي بنت لو جت مكانها رح تقتل روحها من المعامله الزفته يلي صارتلها هاذي !
بس رد فعلها كان غريب كأن خلاص مش هامها شي وحياتها عباره على عدد ايام تفوت وخلاص !
مروه:تتفرج عليكم من روشن غرفتها ....حي عليها والله رجعت لي الشقه
ايمن:ياسر بطلي معش تقصقصي ع النار
مروه؛زعمى يخليها معاه هكي عادي ؟؟؟
مستحيل امك ترضى بي الشي هاذا علاش رجعت ؟
شكله بوك رجعها لانه واقف معاهم
ايمن:ياسر نفختيلي راسي
مروه:مطلعه راسها من الروشن .....وطي صوووتة ايمن نبي نسمع
ايمن:هز راسه يمين يسار بملل وحط راسه ع المخده
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ثاني يوم ⛅️...الساعه 3الضهر ❤️
اسماء:فاطمه فاااطمه
فاطمه:ناضت من النوم مخلوعه....هااا شنو
اسماء:اهدي مفي شي
فاطمه:تحرك في رقبتها بوجع ....
اسماء:خلاتك كلهم روحو هما وبناتهم
محدش قعد غير عمتك تساير في امك ....بعتوني ع اساس نشوف حالك من امس مطلعتيش من الدار
يسحابوك بتموتي لانه سيبك الحقير الوسخ
فاطمه:مسحت وجها بيديها الاثنين وهيا تفكر
اسماء:شنو مردش عليك ؟؟
فاطمه:هزت راسها بمعنى لا .....انتي عارفه لو موافقش شنو بيصير؟
اسماء:لو موافقش نلاقو حل نطيحو البلي يلي في بطنك
لكن المصيبه لو شهدر بيك وكلهم سمعو وقتها مستحيل نقدرو نلموها يا فاطمه
فاطمه:سكتت شويه.....تخيلي حتى لو وافق 💔
رح نقعد عايشه معاه بي الحرام
اسماء:شن تقصدي ؟؟
فاطمه:لما طلقني انا حامل منه💔
والطلاب ميمشيش للمرا الحامل لين تجيب
اسماء:بنضرات صدمه.....يعني لو وافق انور وتزوجك
بياخدك وانتي قاعده على ذمة خوه ؟؟؟😧😧
فاطمه:هزت راسها وعيونها دموع
اسماء:خششتيها بعضها يافاطمه ياويلك من ربي
فاطمه:متزيدينيش 💔
____________________________________
ناصر:هي انتتتتي
ريم:فتحت عيونها بدون ما تتحرك
ناصر:نوضي حطيلي فطور بنطلع
ريم:قعمزت ع السرير وتشوفله
ناصر:نووووضي
ريم:وقف وهيا تلم في شعرها ....لان اهلي كذبو عليك رح تعاملني زي الخدامه يعني ؟
ناصر:علاش عندك اعتراض مثلا؟؟؟
ريم:ابتسمت وخشت للحمام بدون ما ترد عليه
ناصر:بصوت محروووق....عليك وحده فاسده
ريم:غسلت وجها وطلعت من الحمام ....دارت سفرة فطور مش عاديه ولا ناقصها اي حاجه
وبعدت ما خدت كم صوره جي ناصر يفطر
مكانش في اي كلمه بينهم
بس ناصر كان يغلي من داخل بسبب تصرفات ريم وبرودها !!
___________________________________
عائشه:سحبت يدها وعلى وجها علامات الصدمه ...شن تحكي انت ؟؟
انور:عيونه يلمعو وقلبه موجوع .....رجع مسك يدها وهوا يحكى ويشوفلها
نحطيت في موقف بايخ عائشه
منقدرش نسكت والعيل يلي جاي من دم خوي لو البنت تكلمت عيلتي بتبدا سمعتها في الارض
عائشه:سحبت يدها مصدومه للمره الثانيه ....اي اخ تتكلم عليه ؟؟؟؟؟
هاذا غلطه هوا شن ذنبك انت تتحاسب عليه وشن ذنبي انا تحرقلي قلبي انور 💔
انور:نزل عيونه
عائشه:قولي انك مستحيل اديره الشي هاذا انور طمني وقولي قرارك كان مجرد اقتراح وبس 💔
انور:قام راسه وعيونه حمررر...منقدرش 💔
عائشه؛وقفت....راضي تكسرني انور؟
انور:وقف قدامها.....بناخدك عليها مش انا يلي نرخي بيك
زواجي منها رح يكون ع الورق واول ما يوصل العيل لي سن كويس بنطلقها
انتي خطيبتي وحبيبتي ورح تكوني مرتي الاولى والاخيره
عائشه:نحت الذبله وحطتها ع الطاوله ودموعها ينزلو....منقدرش نشوفك مع وحده غيري حتى لو ع الهواء مش ع ورق....وطلعت بسرعه من المربوعه والعبره خانقتها
اما انور طلع بدون ما ياخذ الدبله كان مزال عنده امل عائشه تقتنع وترضى بي الكلام يلي حكاه
____________________________________
ريماس:طلعت من دار الخزين وهيا ماسكه سلة معبيه بصل بتخش بيها للمطبخ
لكن شهقت بي فزززع لما نقز قدامها شاب من السور وطاحت السله وتوزع البصل في كل مكان !
اسامه:وينك؟
خيرك مترديش عليا من امس نتصل بيك تالفونك وين
ريماس:بلعت ريقها ...مفي شي انشغلت بي الحوسه متع العرس اطلع قبل ما يشوفك حد
اسامه:وكان شافوني ؟بنت عمي وجاي بنطمن عليها مكلمتنيش ليها يومين ....بلا كذذذذذذب وسبل زايده ريماس
شنو الشي يلي مغيرك عليا من يوم دخول اختك؟
ريماس:والله شي لهيت وتاعبه لا اكتر
اسامه:مسك يدها....تكلميني اليوم ؟
ريماس:هزت راسها بمعنى اي
اسامه:قرن حواجبه بي استغراب لما شاف ريماس كيف ترعش بطريقه مش طبيعيه لدرجة حتى رجليها يخبطو في بعض!
اسامه؛خيرك؟؟؟علاش ترعشي هكي؟
ريماس:الله يخليك اسامه اطلع قبل ما تشوفك امي بالله عليك
اسامه:به تمام اهدي شويه ....بنطلع من هنايا ردي عليا
ريماس:ب بب به
اسامه:شافلها بنضره اخيره وطلع ....حس ان في شي لان مش اول مره يجيها ولا اول مره يلمس يدها بحكم ان ولد عمها كان ساهل يجيها
لكن مفيش مره خافت بي الطريقه هاذي !!
______________________________
لمياء:توكل في ولدها .....شنو ادير ؟
كريم:شنو ندير قدامك ؟نتصفح زي الناس اهو
لمياء:قلتلي امس انك مشيت لي تاصر في المصحه ؟
كريم:اي؟
لمياء:سألت ناصر وقال مجانيش
كريم:هوا من كثر الخدمه ناسي
لمياء:مش هيله انا ينضحك عليا كريم وين كنتتتتت
كريم:تعرفي شنو ؟
اقعدي فيها بروحك تمام ونكدي بروحك زي ما يعجبك
لمياء:كررررريم كررررريم تعالا
كريم:طلع وسيبها
______________________________________
فاطمه:صاحت بي عيطه وغطت وجها لما سمعت بوها يقول لي امها العرس بيكمل قررت العيله يصلحو غلط ولدهم ...انور تقدم لي فاطمه وبياخدها الخميس هاذا ولان مدخلش عليها يعني مفيش عده وعادي ياخدها
شكرت فاطمه ربي الف مره وحست انها نقذت نفسها من الموت 💔
كانت صدمه للعيله كلها وحديث مدينه كامله
فاطمه يلي حبت شخص 5سنين حب وغرام وخطوبه وفاتحه سيبها وهرب وتوا بتتزوج من خوه !!
كانت فعلا صدمه للكل !
__________________________________
ريم:ضحكت لما شفت ناصر يحكي مع بنت فيديو
يبي يخليني نحس بي الذل ع اساس باش انا نطلب الطلاق ويتخلص مني
اااااه بس لو نقدر كنت روحت من ثاني يوم بس عيلتي ونعرفهم رح نعيش في جحيم
يالله مسكين خلي يشوف حياته عاطياته عذر
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
(بعد مرور اسبوعين )
فاطمه:كنت داخلي حاسه بي انتصار كبير لان انور وافق
لكن خايفه 💔
انور شنو رح يدير فيا بعد الزواج هاذا ؟
في النهايه انا رح نقعد سبب في فسخته من خطيبته وكسرة فرحته
نذكر لي خطيبي ونفكر 💔....وينه؟
مع منو؟؟
قلبه راضي على الشي يلي داره فيا !!!
مرتاح؟؟؟؟
يالله توا لازم نبعد الافكار هاذي من راسي ونركز في حفلتي اليوم
منعرفش كيف بنواجه نضرات الناس بس اهم شي تمشي الحفله ع خير وبسسس
_________________________________
ريم:كملت حياتي بشكل عادي جدا وبارد
حتى ان ناصر تقبل الواقع وتهنيت ....طبعا مفيش بينا اي مشاعر ولا حتى كلام ولا نشوفو في بعض غير في الليل بس وكل واحد يرقد في دار
قرب مني مره وحده فقط !
مكنتش حابه نتقرب منه لانه بي اختصار مكانش من الشخصيات يلي نفضلها ولا كنت انا من الستايل يلي يحبه
مش ديمه يروح للحوش بحكم خدمته دكتور وكنت عارفه انه يحكي مع الف بنت ومفيش شعره مني تحركت !
بي اختصار كملنا حياتنا بشكل اقل من عادي وروتين يومي ممل ....
مفيش مره نزلت لي اهل ناصر ولا تكلمت مع امه ولا خواته ولا نساوين خوته وكرهت اهلي بشكل كبيررررر ع الموقف يلي حطوني فيه 💔
________________________________
ريماس:انطفيت 💔
ضحكتي اختفت ونشاطي ضاع !!
الكوابيس كل يوم تلاحق فيا ونحلم بهديك الليله كل يوم 💔
تغيرت بعدت على صاحباتي وحبيبي يلي كنت بنهبل عليه
كل ليله نبكي ونتحسب في ولد الحرام يلي وصلني للمرحله هاذي
مكنت نعرف ان الدنيا ضامتلي حاجات اقوى من هكي !
______________________________________
فاطمه:كنت مقعمزه ع الكوشه نبتسم مره مره للمصوره .....لمحت بين الحاضرين خطيبة انور وفي عيونها الف كسرة خاطر 💔
وجعني قلبي حتى انا !!
مش هيا بس المضلومه !
ومش هيا بس يلي خذو منها شخص غالي عليها !!
ترن في وذني كلمة اسماء لما قتلي انتي انانيه !!
به كيف ندير ؟؟؟
نقعد ساكته ومكتفه لين ننفضح ونموت ؟؟
او ننقذ نفسي حتى على تعاست غيري ؟
خديت اخر لقطات وطلعت بيطئ لان العريس وصل 💔
________________________________
ريم:زي العاده كنت دايره فنجان قهوه ومقعمزه في البلاكونا نتصفح لين سمعت عيطه هزت الحوش كله 💔
نضت بسرعه مخلوعه شفت الدور الارضي كانت سعاد تخبط وتعيط وسمر حماتي مغمى عليها
قبل منسأل نسمع في لمياء تحكي في التالفون وتقول ......سلفي ناصر توفى في حادث ليه ساعتين 💔💔💔
قعدت واقفه مصدومه مش قادره نصدق نسحاب روحي فاهمه غلط !!
لبست ونزلت نسأل فيهم مفيش حد رد عليا منهم
لين بدو الجيران يخشو واعلنو للكل خبر وفاته
ريم:انصدمتو صح ؟؟كنتو متوقعين ان رح نحبو بعد بعد منعيشو في حوش واحد زي باقي الروايات ؟؟
الا للاسف خاب ضنكم وضني !
كنت نسحابه هاذي نهاية قصتي ....مكنتش نتخيل انها تكون مجرد بدايه بس !......يتبع

ادوار وهمية الجزء الرابع 4

ريم:كأنه حلم !!
كيف ناصر يموت ؟؟جديات خلاص هادي نهاية زواجي الفاشل !
تمنيت نطلق او يصير اي شي لكن مش يموت ناصر💔
برغم ان طول السبوعين يلي كنا متزوجين فيهم معاملته معاي اكتر من سيئه لكن سخفني💔
كان متمني البنت يلي عجباته ومات بحسرته 💔💔
كنت مقعمزه في الخيمه مسبوها مش مصدقه !
الناس خاشه طالعه تعزي وجو اهلي يعزو حتى هما
نسمع في بنات العيله والجيران يحكو عليا
هاذي يلي قالو عليها خطب اختها البيضه وعطوه السمراء الشينه
ناس تانيه ردت عليهم وقالو اي سمراء لكن قنينه
ردو ناس تانيه واصرو اني مش قنينه لان لون بشرتي حنطي مائل لي السمار ...هاذي كانت حجتهم
ناس تانيه تحكي عليا وتقول منزلتش منها حتى دمعه مسكين ضحكت عليه الخايبه هيا واهلها !
مكنتش مدوره كلامهم وقعدت اليوم كله وانا نحاول نستوعب ان ناصر توفى !!!.
لفت نضري من بين الناس يلي في الخيمه بنت تبكي من وسط خاطرها وعيونها منفوخات من البكي ...ممكن تكون وحده من العيله بحكم عيلته كلهم منعرفهمش لان محدش فيهم طايقني !
كملت يومي وانا مقعمزه في الخيمه ساكته حايره مصدومه والناس تعزي فيا
__________________________________
فاطمه :مقدرتش نفسر نضرات اهل انور ...
فرحانين لان انور نقدهم من كلام الناس وخداني !
وفي نفس الوقت قلبهم واجعهم على خطيبة انور 💔وولدهم يلي هاجر الله اعلم وصل ولا مات في البحر؟؟
في نضر هلبا ناس كنت حقيره وانانيه كيف ناخد خو خطيبي يلي خديته بعلاقه ؟؟
لكن محدش يعرف ضرفي 💔
محدش فيهم فاهم المصيبه يلي خلاها خطيبي وعالقه فيها بروحي !!
قلبي طاح مني لما وصلت لي الدخول وتواجهت عيني في عينه 💔
شافلي بنضره حسيتها زي السم 💔
كأنه يلوم فيا لاني خربتله حياته !!
حافضت على اعصابي وخليت عيوني في الارض طول الوقت
في داخلي نقول يالله يا فاطمه هانت معش مزال الا دقايق بس وتتسكر علينا دار وحده والولد يلي في بطني يبدا ليه هوا وننفذ من ها القصه
سميره:ترش في الزهر وتشوف لي ولدها بكسرة خاطر ....ربي يفتح عليك ويسترك ياولدي
انور:ساكت مدارش ولا اي ردة فعل !
سميره:مسحت دمعتها يلي كانت على طرف عينها ....توكل على ربي وخود عروستك وروح لي حوشك
انور:هز براسه ....طلعوها انتم مش قادر نخش لعند داخل
سميره:طبطبت على كتفه .....تمام اسبقنا لي السياره
انور:رتب الجاكيت الرسمي يلي كان لابسه وطلع
_________________________________
لمياء:واقفه من بهيد تحكي بي الهاتف ...قربت منها مروه
مروه:لمياء؟
لمياء:اوكي تو نهدرزو هي .......سلام
مروه:مع منو تحكي ؟
لمياء:امي مش رفعت صغاري معاها ؟قلت نسأل عليهم
مروه:الجو مخنوق داخل ونحس في روحي مضايقه
لمياء:من شنو ؟
مروه:نفكر في الخريه هاذي يلي راجلها مات شنو بدير ؟
لمياء:شنو بدير يعني ؟بتقلب وجها لي حوش بوها
مروه:سكتت وهيا سارحه
لمياء:انا خاشه بندير قهوا قالو تمت عليهم
مروه:لمحت شاب من بعيد قلبها فز من مكانه ❤️...شويه ونلحقك
لمياء:تساوي في وشاحها .....تمام
مروه:زادت قدمت شويه عشان تبدا قريبه اكتر من الشاب ويشوفها ❤️
تأملت تفاصيله يلي كانت عاجبتها بدرجه كبيره وخلتها تنسى انها متزوجه وبي صغارها 💔
خلت زواجها وصغارها كله ع جنب ومعش قدرت تنزل عيونها من عليه لين خلاته يلاحض نضراتها ❤️
بدر:ابتسملها من بعيد وعطاها تحيه براسه
مروه:حست بي قلبها بيوقف ومن كثر الدهشه قامت حواجبها بصدمه ونزلتهم
بدر:ضحك ضحكه خفيفه وتابع يحكي مع الشاب يلي قدامه
اما مروه خشت بسرعه وهيا حاطه يدها على قلبها
كانت حاسه بشعور حلووو معش حست بيه من ايام كانت مخطوبه !
ليها سنين تشوف لي ولد خالة راجلها من بعيد بنضرات اعجاب واتابع فيه من كل مكان ع النت حتى انها محتفضه بصوره كلهم
بس كانت اول مره يلاحضها ويبتسملها زياده !❤️
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
عائشه:سمعت الالعاب النار وقلبها يتقطع 💔
حوش انور مش بعيد على حوشهم وساهل تسمع الزغاريط والدربوكه وتعرف ان انور روح بي عروسته لي حوشه💔
حوشه يلي كان كلللللله ع دوقها 💔وداراته بكل حب معاه !
نكسرت كسرة عمرها وكانت تبكي بطريقه سهل ع اي حد يعرف من خلالها انه قلبها محروووووق 💔💔💔
رقدت على سريرها ودافنه وجها في المخده بغلللل تبكي💔
سمعت مسج وصل لي تالفونها ناضت بسرعه بتشوفه كانت عارفه ان هوا 💔
فتحاته والدموع اطيح بغزاره على التالفون
كان مكتوب في الرساله :-
(روحت بيها ومخنوق 💔ردي عليا حتى 5دقايق عائشه💔حسي بيا حتى شويه )
لوحت التالفون وبدت تبكي اكتر من قبل .
________________________________________
ربيعه:مقعمزه مع مجموعة نساوين في خيمة العزي وجنبها ريماس يلي كانت حديث الكل ولفتت انضارهم بسبب جمالها ❤️
ربيعه:اختك وين ؟
ريماس:ركبت فرق تبي ترتاح شويه
ربيعه:شافت للمرا يلي قدامها وتابعت تهدرزت ....اي تعرفي هاذي البنت يلي سمعتي بيها تكون اخت جارتي
المرا:نفضحت فضحت الحبايب
ربيعه:والله تستاهل كيف توافق على عريس وهيا مش بنت وين تسحاب روحها ؟
ريماس:انخطف لونها
المرا:قالو ضربها قريب قتلها ورجعها لي حوش اماليها في نفس اليوم
ربيعه:اي وحتى اماليها تبرو منها البنت توا قاعده عند حناها يعاملو فيها معاملة الكلاب حاشاك
ريماس:بلعت ريقها ......خلاص عاد بطلو تحكو على اعراض الناس
المرا:شافت لي ريماس ولوت فمها
ربيعه:سكري فمك ونوضي شوفي اختك كلام الكبار مدخلكش فيه
ريماس:وقفت.....ديمه وانتي تحكي على بنات الناس متتريحيش لين تجيك في وحده من بناتك
ربيعه:قرنت حواجبها ....انا بناتي متربيات
الاولى اهو راجلها توفى وسمعتها زي المسك
وانتي طاهره ومفيش واحد قادر يحكي عليك كلمه ربايتي انا مستحيل تخيب ...امشي اركبي لي اختك
ريماس:كان خاطرها تقول لي امها لو تعرفي بس شن دارو فيا هديك الليله💔
لو تعرفي اني مش زي ما انتي مفكره وكله بسببك وبسبب كلامك ع بنات الناس لكن مقدرتش💔
وتبعدت علي امها مخليتها تكمل هدرزه وقرمه في عباد ربي !
_______________________________________
فاطمه:عتبة باب الغرفه مقدرتش نخطيها ...منقدرش ننكر اني كنت خايفه بنموووت من انور
حسيته حاقد عليا ويشوف فيا بنت رخيصه حتى لو اني درت الشي هاذا مع خوه !
مفيش اي مبرر !
بدلت حوايجي وقعدت نرتب في الغرفه نحيت الفيلو ع جنب باش يردوه ثاني يوم
ورقدت وبالي مشغول !!....وصلها مسج من اسماء
اسماء:طمنيني عليك ؟!
فاطمه:بخير
اسماء:شن قالك ؟
فاطمه:ولا شي اصلا من لما نزلت لي السياره معش شفته راقد برا وانا مطلعتش من الدار !
اسماء:فاطمه انا خايفه
فاطمه؛من شنو ؟
اسماء:تنكشفي قدام الناس وقدامه حتى هوا
فاطمه:انتي معش تفاولي بس وكله بيمشي تمام
اسماء:لو عرف ان هذيك الليله ........
فاطمه:الفففففف مره نقولك معش تجيبي سيرة هذيك الليله خلاااااص بطلي
اسماء:ااااففف تمام اسفه
فاطمه:غضوا تعالي مع اهلي
اسماء:تمام ....متبي شي ؟
فاطمه:سلامتك
اسماء:سكرت النت
__________________________________
ريماس:انتي هنايا؟....وتلوحت ع السرير
ريم:واقفه ع الروشن وسارحه في الزحمه ...تخيلي لو كانت حياتنا روايه ؟
شنو بتكون نهايتها ؟؟
ريماس:عيونها معلقات في سقف الدار ....الموت
ريم:نصدمت من جواب اختها ....شن تحسي ؟؟
ريماس:رفعت راسها وهيا تضحك .....انتي يلي شن تحسي شنو كلام المسلسلات هوا ؟
ريم:مش كلام مسلسلات بس نحنا حياتنا فيها هلبا قصص
ريماس:اي لين خلاص
خطفوك عصابه وحبيتي زعيمهم والا انتي فقيره وحبك ملك البلاد 😂
تي اهو شوفي قصتك تزوجتي زواج حتى الكلبه مترضاش بيه ومسكين توفى
ريم:تكت راسها ع الحيط .....لازم تكون قصتي هكي عشان تنكتب روايه مثلا؟
ريماس:ريم بالله متحرقيليش دمي ترا انتي وخيالك يلي عايشه فيه قتلك امس البسي حاجه باهيه وانزلي استقبلي الناس متحشميهاش تلبسي سروال مشرك ولا شرط ولا الوان غريبه بالله عليك مش ناقصين
ريم:قلبت عيونها بملل .....به
_______________________________________
انور:مقعمز ع الكنبه حاط راسه بين يديه💔
هموم الدنيا ع راسه ....وخر شويه واتكى ع الكرسي وعيونه معلقات في السقف ....استاحشها 💔
اول مره يقعد اسبوعين ميكلمهاش 💔
مش راضيه ترد عليه ومش قادر يلومها لانه قلبها مكسور !
قاطع تفكيره رساله من اخت عائشه
ولاء:الله لا تربحك بسببك اختي بين الحياه والموت
قراها انور الرساله وحس بي اميه تغللللي نصبت على جسمه 💔
اتصل بيها وهوا خلاص عقله بيطير منه
بعد قريب الف مكالمه ردت عليه
ولاء:شن تبي ؟
انور:ولاء بالله عليك متسكريش الخط ....عائشه وين ؟
ولاء:هوا انت خليت فيها عيوشه اصلااااا منك لله انت والوسخه يلي خديتها الله لاتربحكم
انور:عاود سؤاله متجاهل الشتايم يلي سمعها.....فهميني عائشه وين شن صار فيها ؟
ولاء:بنبرة شماته .....اختي خذت حبوب بسببك يافاسد لين جت طايحه طلعت من فمها حتى الكشكوشه
ورفعوها لي مستشفى المركزي والله كان ماتت دنبها في رقبتك لين تموت
انور:سكر في وجها وخدي مفاتيحه وطلع .
____________________________________
ريم:حسيت بصدمتي خفت خلاص استوعبت الموته
اوكي كان انسان كويس مع الناس دكتور قد الدنيا وحقير معاي وانا مسامحاته بس هاذا ميعنيش اني نقعد منكده24ساعه ع خاطر موته انا مدخليش فيها في النهايه انا كنت نعامل فيه كويس وهاذا قضاء وقدر !
فتحت تالفوني وكملت روايتي يلي وققت عندها امس
راجلي ميت ونقرا في روايات تافها صح ؟
بس نقرا في رواياتً احسن من اني نبدا منافقه زي المرا يلي قدامي
ماسكه ولدها وتعيط من الصبح ماسكتتش
_________________________________
مروه:ماسكه زوز صناديق اميه ع بعضهم وطالعه بيهم للمخزن
كانت حدره كويس في خطواتها لكن الصناديق رزان عليها هلبا لدرجة تمشي ببطئ
مر من جنبها وليد صغير يجري وخلاها تتعثر ويطيح منها الصندوق
نزلت تقيم فيه وهيا تشكي .....الصغار هاذم واااااك بس منهم
بدر:هاتي عليك
مروه:لالا عادي تو.......تجمد الدم في عروقها ❤️
حست بشعور غرررررريب !
واقف قدامها صح ؟؟؟....يلي كانت تشوف فيه في الصور ومن بعيد توا واقف قدامها ؟
تأملت في ملامحه كويس ولسانها ارتبط
بدر:ابتسملها وخدي منها الصناديق
وهوا ياخد فيهم لمس يدها ❤️❤️❤️
بدر:مره تانيه نادي عليا معش تقيمي حاجات رزينه زي هاذي
مروه:زاد انفتح فمها اكتر اعجاب بيه ❤️🔥
ارين:ماااااما مااااما قتلك عمتي سمر تعالي فرقي الخبزه
مروه:سكرت فمها وابتسمت بصعوبه....صحيت ربي يقويك
بدر:يشوفلها بنضرات غريبه ....سلمك
مروه:خدت بنتها وسحبت نفسها بسرعه❤️
_________________________________
من باب المشفى خش يدور بي عيونه ....عقله بينفجر ويحري في المشفى زي المهبول !
مفيش حد مسألاش عليها لين اخيرا بعد عناء طويل لمح خوها من بعيد .....مشاله يجري
انور:مسك خوها من كتافه ويهز فيه بعدم صبر....وينهااا؟؟؟وينها شن صارلها
عبد الرحيم:نزل يدين انور.....شنو ادير هنايا انت ؟
انور:مب........
عبد الرحيم:خلاص الخطبه وفسختها معش ليك علاقه بيها انور تمينا
انور:اختك يلي فسخت مش انا
عبد الرحيم:تبيها تقعد معاك بعد يلي صار ؟؟؟
قعد يتفحص في انور من فوق لعند لوطه
بعدين انت اليوم دخولك ارجع لي مرتك ومعش تفكر في اختي احسن مايصير شي ميعجبكش!
انور:خدي نفس وخاطره مكسور....ع الاقل طمني عليها
عبد الرحيم؛حالها كويس لو قعدت بعيد عليها
انور:لم بعضه وطلع ......حسب ماشاف عبد الرحيم
بس الحقيقه ان انور مستحيل يروح قبل ما يشوفها 💔
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
اسامه:متقوليليش شنو مغيرك عليا بزبط ؟
ريماس:تاعبه من الزحمه يلي صايره
اسامه:مبكري جبت امي تعزي ساعه نتصل بيك نبيك تطلعيلي حتى شويه وانتي مترديش
ريماس:اسامه
اسامه:عيونه
ريماس:عادي الفتره هاذي متكلمنيش فيها؟
اسامه:كيف؟؟؟
ريماس:خليني بروحي بس!!
اسامه:شن صاير ريماس ؟
ريماس:احترم رغبتي وديرلي يلي قتلك عليه
اسامه:تي ماهو انا الفاضي يلي ندور فيك ومهتم بيك لكن انتم البنات متبوش الا الذل من الراجل باش تمشو مليح معاه اقعدي في امها ....وسكر الخط
ريماس:سكرت تالفونها وهيا منقرفه من حاجه اسمها رجاله💔
_________________________________
ريم:قالبه عيونها بملل ويدها ع خدها
ربيعه:توا خلااااص بتخشي العده ...يعني الروائح والعفن الزايد متعك تنسيه
واللبس الخامر هاذا يلي تلبسي فيه في الكناسه معش نبي نشوفك فيه
ريم:لبسي عادي انتم م......
ربيعه:تتكلم بصوت واطي....اما لبس يلي عادي ترا
التب الواسع يلي رسوماته جماجم زي حوايج نجمي خوك ؟؟
ولا سراويلك المشركات ويلي حتى المتشرد مايلبسهم ولا الشرط الامريكاني متع الصايعات
ريم:امريكاني صار😂
ربيعه:قرصتها....معش تضحكي وصت الناس راجلك ميت مسكرش يوم يا وسخه
ريم؛خدت نفس .....فاتت الايام السيئه باش تجي الايام الاسوء
ربيعه:هوا انتي مزال ريتي حاجه؟؟؟
وتي روحك توا اسمك ارمله حتى العيل بيحكم فيك
ريم؛امم هامني ع اساس
ربيعه:تحكي وكأنه تهدرز مع نفسها ...مستحيل نخليك بدون راجل لازم تتزوجي بعد العده
ريم:شنو امالا في حد متقدم لي ريماس بتحشوني فيه 😂
ربيعه:قرصتها ....معش تضحكي قتلك وانتي زي عماتك لا مشيتي ولا جيتي
ريم:ااااحححح باهي باهي
____________________________________
انور:واقف من بعيد يراقب في اخ عائشه واستغل الفرصه لما كان اخ عائشه (عبد الرحيم)لاهي يتكلم في التالفون وعاطي بضهر ....خش بسرعه للغرفه ونهاااااار لما شاف عائشه راقده ع السرير تشوف لي السقف وعيونها مليانات دموع
قرب منها ونزل على ركبيه للارض ومسك يديها وخانوه عيونه لما ندموعه نزلو💔💔
انور:اسفففف💔💔💔💔اسف لكن وربي غصب عليا بنمووووت اقسم بالله
عائشه؛سحبت يدها وهيا تبكي ....انت شنو ادير هنايا ؟؟
اليوم دخولك خليني في حالي انور
انور:وقف وقرب عليها ....يرضيك اديري فيا هكي ؟؟
عائشه؛خانقتها العبره.....علاش انا شنو يلي درته هااااا؟؟؟
انور:كنتي بتأذي روحك وعارفتيني بدونك نهبل اناااا
نموووت لو صارلك شي
عائشه:انورخلاص بطل كدب ياويلك من ربي حرقتلي قلبي وزياده جاي لعند هنايا تكدب عليا وتزيد تحرق فيه
لو تحبني 1‎%‎مستحيل تاخد غيري
انور:مسك رايها بين يديه وقرب عليها وعيونه مسكرات ودموعه تنزل.....يحرم عليا بعدك 💔
يحرم عليا نمس وحده غيرك
عائشه :دفاته.....نفس كلام اي حد وهمي يحاول يضحك بيه ع بنت يشوف فيها ولا شي بنسبه ليه
انور:بيتكلم لكن قاطعه الباب لما انفتح
عبد الرحيم:انت شنو ادير هني ؟؟؟؟
انور:شاف لي عائشيه.....عمري ما كدبت عليك ونحبك وقاعد نحبك لاخر لحضه
خش عبد الرحيم وصاحبه يضربو في انور ويطلعو فيه من الغرفه وعائشه تبكي من وسط قلبها
اما انور مهمتاش الضربات وهوا يعيط بي اعلا صوته
انور:تو تشووووووفي شنو ندير ع خاطرك عائشه
عمري ما كنت وهمي معاااااك
تو تشوفي ......وتسكر الباب 💔
____________________________________
ثاني يوم⛅️⛅️
الساعه 10الصبح :-
كان الوضع طبيعي في حوش العزي
زحمة العيله والجيران ملتمين على سفرة الفطور كلهم
ريم:مقعمزه بروحها زي العاده سارحه ...
ام ناصر قلبها مبردش قاعده تبكي مكسوره على موتت ناصر وولدها يلي مهاجر معش شفاته من لما يقرا في الاعدادي 💔
ومره مره تلقح على ريم واهلها
وطبعا ام ريم صحيحة وجه وعندها عادي جدا
عارفتهم ميبوهاش ويكرهوها هيا وبنتها بس مع هاذا بايته وتاكل وتشرب!
كان الوضع هااااذي جدا وطبيعي لغاية ما طاحت ريم من طولها وصارت شوشره كبيره في الحوش
________________________________________
فاطمه:طلعت من غرفة النوم وهيا تقيم في شعرها
شافت انور مقعمز ع الكنبه وواضح انه من امس مرقدش ولا غمضه تكلمت بتردد وخوف ....صباح الخير ❤️
انور:شافلها بنضره جاده ووقف.....اسمعي يا بنت الناس
حد الله بينك وبيني
لا تكلميني ولا حتى تفكري تقربي مني والله لا يسامحك تحطي في بالك حتى 1‎%‎اني نكون راجلك
انا قدام الناس وبس لين تجيبي
فاطمه:هزت راسها وهيا ساكته
اما انور سيبها وطلع للمربوعه ماسك التالفون في وذنه
فاطمه:تو نشوفو يا استاذ انور 😒
ترن ترن ترن ترن
ولاء:الو
انور:اهلين ولاء
ولاء:اهلا يافاسد يا صايع يلي ماتستحي ولا تتحشم
انور:كتم غضبه وهوا يهدي في نفسه ....كيف عائشه اليوم ؟
ولاء:احسن من خليقتك الرامضه
انور:طلعت من المشفى؟
ولاء:اي طلعت وخالها تحسن ان شاء الله مرتك يجيها الغضروف في شعرها
انور:الغضروف ميجيش في الشعر ع فكره
ولاء:ان شاء الله تجيها الثعلبه
انور:🤦🏻🤦🏻عطيني عائشه نبي نكلمها
ولاء:حطت يدها في نصها....والله؟؟؟؟
بالك تسحاب روحك في مسلسل خليجي تتزوج وتسيبها وبعدين تبي تكلمها يا مسرظن ؟؟؟
اختي كويسه هي بسلامه
انور:مب......
ولاء:سكرت التالفون وفتحت كتابها.....اااااه قداش نحب نهزب التاس
____________________________________
اهتز الحوش وعيله كامله كان فمها مفتوح بصدمه !!!
نزل عليهم خبر زي الصاعقه لما سمعو ان ريم حامل 💔💔💔💔
ام ناصر نهااااااااارت بي البكي والعيله كلها مصدومه
ريم:شعور غريب حسيت بيه ...في شي داخل بطني ؟
روح تانيه ؟؟
عمري ما فكرت نكون ام حتى بي بصاره !؟
كيف بنربيه بروحي ؟؟ كيف مفكرتش اني نحمل وخديت مانع حمل ؟؟
مخطرش في بالي ناصر قبل ما يموت مفيش مره قربني فيها غير مره وحده بس !!
طحت ع السرير وانا مش مصدقه !!!!!!
بين الصدمه هاذي كلهاااااا كانت فيه زوز عيون تراقب في الموقف بي خوف 🔥
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
وصل الخبر لي بشير (اب ناصر )....
ورغم حزنه الكبير على ولده لكن فرح ان في شي بينخلق من ريحة ولده 💔
كان خايف وميبيش حفيده يتربي بعيد عليه 💔
خصوصا ان ناصر قبل ما يموت كان اكتر واحد يحبه
الشي هاذا دفع بشير يقتح الموضوع لي ولاده كريم وايمن قبل حتى ما يجي يوم فرق العزي !
خيرهم من يقدر يرد ريم بعد ما تولد عشان يتربي العيل بينهم !
حسب رد الفعل ايمن حسها صعبه اما كريم كان موافق مبدئيا بس لازم الاثنين يفتحو الموضوع مع نساوينهم عشان متصيرش مشاكل !
_______________________________________
فاتو 4ايام كاملات :-
كانو اسوء ايام على انور يلي مبطلش سؤال على عائشه وطبعا اختها ولاء في كل مكالمه لازم تسمعه وسخ ودانه !
ريم معش نزلت قعدت في شقتها لان صارلها نزيف وخافو ع البيبي بدي اي حد يبي يعزيها يركب لي شقتها فوق
ام ناصر قاعده تعامل فيها زفت هيا وبنتها سمر
لكن هاذا ميعنيش ان ام ناصر بدت تحلم بي حفيدها حلم 💔وتراجي فيه ع نار !
نورهان اخت ناصر الصغيره كانت تتعامل مع ريم كويس عكس امها واختها
____________________________________
فاطمه:كانت تحاول بكل الشرق تكسب انور ع الاقل حتى يحكي معاها ويشوفلها شويه بس انور كان في عالم تاني بكل يفكر في عائشه وبس وكان ناوي ع شي تاني .....
اما ريماس نجحت في انها تقطع علاقتها بي ولد عمها بسبب تصرفاتها وامها تعاركت مع امه 🤦🏻‍♀️
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
قعمزو كريم وايمن قدام بوهم والاثنين يجهزو شنو بيحكو
بشير:ها شن صار معاكم ؟
كريم:شاف لي خوه
ايمن:بلع ريقه وشاف للارض!
كريم:منقدرش ناخدها ....المرا حلفت تطلق وتاخد الصغار وانا يابوي منقدرش نشرد عيلتي
بشير:وانت ؟؟؟
ايمن:بصوت واطي...زيه
حلفت معاد نشوف ولا واحد من الصغار
بشير:شبك يديه في بعضهم الخلاصه اني جبت قطاطيس مش تريس
جبت فروخ يمشو فيهم نساوينهم على كيفهم
ايمن:القصه م......
بشير:اسسسسيكت اسكت منبيش نسمع صوتك
مهند:خش للمربوعه ووجها مصدوم ....عمي
بشير:خيرك ياولد من امتى الناس يخشو هكي
مهند:بلع ريقه ...في مكالمه ع النت ليك
بشير؛من هوا هاذا ياي بيدورني على النت متاعكم
مهند:ر رر ر رواد ولدك !
كريم وايمن شافو لي بوهم بصدمه ...عيونهم بيطلعو !
معقوله بعد كل هادي السنين؟؟!!
معقوله يلي صاير ولا كددب؟؟؟؟
مستحيل ؟....عايش قاعد بعد ما نقطعت اخباره ؟؟
وقف بشير وطاح ع الارض 💔...قاموه ولاده لان مش قادر يتوازن من الصدمه !!
مسك الهاتف ع ودنه وهوا يحكي بي كلام متقطع ....ال اا اءء اء الو؟؟
تفاجأ بي صوت رجولي يرد عليه ويسمع الكلمه يلي نحرم منها سنين
رواد:بوي !؟.....يتيع
قيموها بي الحلقه عاد مخبيتلكم حاجات جديده

ادوار وهمية الفصل الخامس 5

كانت نضرات كريم لي خوه ايمن اعمق من حاجه اسمها صدمه !
بعد كل هادي السنين رواد يتصل ؟
علاش مدارهاش من قبل ؟؟
مدامه قادر يوصل في عيلته علاش مكلمهمش من البدايه؟
استمرت المكالمه لي ربع ساعه تقريبا !
بشير يحاول يتحكم في اعصابه قدام صوت ولده
الاف الاسئله سألها يبي يعرف اجابتها لكن مردش رواد الى بي شي واحد بس!
رواد:بوي ....منقدرش نحكي شي توا صعب قداش بنهدرز لا نهدرز
نبي منك حاجه بس
بشير:خشله الشك وبدت تخشله افكار داخل عقله ملخبطه .....شنو
رواد:يومين ثانيات وبنرجع لي ليبيا انا وولد صاحبي
نبيك تفضيلنا مكان نقعدو فيه لان الرلد يلي معاي براني
بشير:ردتله الروح لما سمع بي ولده مروح ❤️
كأنه ربي خذي منه ناصر وعوضه بي رواد ❤️
رواد:بوي؟؟بوي سامعني ؟؟؟
بشير:عيونه يلمعو هز براسه وهوا يحكي بصوت متقطع.....اي سامعك سامعك
فهمني ع الاقل انت وين ؟
في اين بلاد قاعد ؟
رواد:انا في المانيا حاليا وتو نحكيلك كل شي بعد ما نروح ....غير جهزلي مكان زي ما وصيتك
بشير:تمام ان شاء الله
رواد:فصل الخط
بشير:رواد ....يارواااد
مهند:مسك التالفون .....الخط فصل ياعمي
بشير :قعمز ع الفراش وهوا يمسح في عيونه....كان عاود كلمك رد بالك تقوله على وفاة خوه ناصر لين يوصل بي السلامه
كريم:يوصل بسلامه؟؟؟ع منو تحكي ؟
بشير:تنهد بي فرحه غلبت حزنه على ناصر.....رواد مروح بعد يومين بيرجع❤️
ايمن:شاف لي كريم بنضرة انه مش مصدق !
شكً انه رواد يلعب بي مشاعر بوه زي مادار قبل وكلمه قبل ما يطلع للبحر
قاله بنروح ومروحش 💔
ايمن:شن طلب منك؟
بشير:يبي مكان يقعد فيه اول ما يروح
ايمن:ويقعد هنايا علاش يدور في مكان ؟
بشير:معاه صاحبه قال براني
كريم:ووين بتقعدهم ؟
بشير:يقعدو في حوش المرحوم لين يفرج الله منبيش الخبر يطلع لين يوصل حتى منك انت يا مهند
مهند:هز براسه بمعنى تمام
سكتو كريم وايمن
اما بشير راح عقله بعيدددددد يفكر !
_______________________________
مروه:تغسل في شيشة ولدها .....لعند امتى بس بيقعدو الناس ماشيين جايين خلاص العزي تم
لمياء:تقص في الخبزه.....تبيلك حتى شهر مسكر باش تخف الزحمه
مروه:غسلت يديها....شن صار معاك ؟
لمياء:في شنو؟......تقصدي ع موضوع راجلي ؟
مروه:اي
لمياء:هه اضحكي والله مايخدها وكان تبدا حامل بي توأم
مروه:بكل صحة وجه مفهمتش كيف يبو يلصقوها في كريم ولا ايمن
لمياء:بالله ريحيني ترا من القصص هاذي انا نبهته وحلفت حتى لو فكر بس بيشوف شي مستحيل يعجبه زي ماتفاهمت انا وياك
مروه:ضحكت ....واعره
لمياء:خذت الصونيه وطلعت وعلى وجها علامات الضحك
مروه:مسحت يديها من الميه وقلبها دق3دقات لما سمعت صوته وراها ❤️....
بدر:نحصلو فطور ؟
مروه:تلفتتله.....اءء ل ل لل لمنو ؟
بدر:ابتسملها....ليا ولا متقدريش ندور قهوا؟
مروه:لا اكيد نديرلك علاش لا ❤️
بدر:تم امالا انا طالع برا لما تكمليه قوليلي
مروه:هزت راسها بمعنى تمام وقلبها يدق بيطلع منها
طلع بدر وزفرت نفسها كأنها كانت حابساته من التوتر
ابتسمت لما حست ان بدر قاعد يدور في اي سبله عشان يكلمها وبس !
حطت شيشة ولدها ع جنب بدون اهتمام وقعدت تحضر في فطور بدر بكل حب ❤️
____________________________________
انور:مقعمز في المطبخ ع الكرسي ومنزل راسه على طاولة الاكل بتعب بعد ما فقد الامل ان عائشه ترد عليه💔
فاطمه:حطت يده على كتفه بلمسات خفيفه .....خيرك انور مش على بعضك ؟
قام انور راسه ببطئ وهوا يباعد في يدها....تقريبا خامس مره نقولك خليني في حالي ؟؟
فاطمه:قعمزت في الكرسي يلي مقابله....تمام مقلت شي نشوف فيك تاعب ونحاول نساعدك لا اكتر انور ليش حاط في راسك ضن السوء بيا ؟؟
انور:لاني مش طاااااايقك ولا طايق حرف منك
خليني في حالي وبس يلي عليا درته وسترت عليك ديريلي المعروف هاذا في حياتك ومعش تكلميني حتى كلمه
فاطمه:نزلت عيونها للارض .....خذيت عليا فكره اني مش بنت ناس صح ؟
انور:خذي نفس عميق وعلى وجعا واضح انه مضايق !
فاطمه:انا مدخليش 💔....خوك!
خوك هوا السبب حاولت نمنعه ....قامت راسها وكانو عيونها معبيات دموع
انور:تلاشت ملامح وجها لما شاف دموعها
فاطمه:جاني ع اساس جايبلي نتيجة امتحاني لان بابا مسافر وكان عارف ان مفيش حد في الحوش
استغل الشي هاذا وربي بكيتتتت وحاولت نمنعه قد ما نقدر لكن هوا طيح......
انور:خلااااااص معش تجبديها السيره المقززه هيااا
وقف بي حزم.......الموضوع هوا معش ينفتح عندي
الهي في نفسك ويلي في بطنك وبس
بعد فتره بسيطه اعلني خبر الحمل وتكمل القصه
ومعش نبي نعاود معش تدخلي فيا حتى بي كلمه
فاطمه:هزت راسها وتمسح في عيونها ....مش رح نسألك ونضايقك لكن بندعي ربي كل يوم يفك ضيقتك ويفرج همك ويسترك زي ما سترتني
معرفش انور يرد ع كلام حلو زي هاذا ...اكتفى انه يطلع وبس بدون كلام 💔
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ريم :واقفه قدام المرايا تشوف لي نفسها وتحكي بصوت واطي ....حامل؟
انا حامل ؟
كيف؟كيف بنعيش انا وياه ؟؟كيف بنربيه بروحي ؟؟
انا مش قادره نربي نفسي 🤦🏻‍♀️
كيف بنتحمل مسؤلية طفل !!!؟....يعني هوا روح زيني زيه ؟
كيففففف ....اااه ياربي بس
اكبر غلطه في حياتي كانت الخطوه هاذي 💔
الله يسامحك يا ناصر 💔
لو كنت عايش كيف بتكون ردة فعلك بعد ما تسمع بي الحمل ؟
قربت ريم ع السرير خذت وشاحها ويدها ع راسها ....واضح ان هرمونات الحمل بدت تطلع من توا ساعه نحكي مع نفسي !
ترن ترن ترن
تلفتت ريم بفزع من صوت تالفون ....خذت نفس وردت ...ايوا
ريماس:كيف الحال
ريم:الحمد الله احسن
ريماس:معش نزفتي ؟
ريم:تلبس في وشاحها ....لا الحمد الله
كيف حال امي والباقي
ريماس:قريب يخلوني ننتحر زي العاده
ريم:سكرت باب الحوش وهيا تحكي ...علاش شن صاير
ريماس:سكتت دقايق ....في واحد متقدملي
ريم:وقفت في الدروج ....وانتي شن رايك؟
ريماس:مش قادره نوافق ريم 💔
ريم:علاش؟؟؟...متقوليليش خايفه من فرخ اسامه بس
ريماس:سكتت مقدرتش تحكي شي !....اكتفت تمسح عيونها قبل ما ينزلو اي شي !
ريم:اسمعيني ريماس
ريماس:ها معاك
ريم:لو خايفه احكيله من النضره الشرعيه ...قوليله كنت نكلم في ولد عمي ومصارش نصيب وكذا وكذا
احكيله كل شي ....طبعا هاذا لو كان عاجبك العريس
ريماس:سكتت دقايق وهيا تفكر في كلام اختها !....يصير خير
المهم شن معاك انتي ؟
رسمي بياخدك كريم او ايمن ؟؟
ريم:كريم ولا ايمن؟جديات تحكي ؟....انا ناخد واحد منهم كل واحد اعبط من التاني
ريماس:😂😂😂😂قلت حتى انا
ريم:المهم انا نازله نمد وجهي شويه تو نهدرزو
ريماس:ان شاء الله هي
ريم:سلام.....وسكرت الخط
________________________________________
مروه:وقفت قدام باب المطبخ ....فتحت فمها تبي تنادي لكن حلقها جف من التوثر ....قلبها يدق بسرعه ويديها يرجفو وترجف السفره تامه
نادت بصوت واطي ....بب بدر
كان صوتها بي الكاد هيا بس تسمعه .....حطت السفره ع الارض ورتبت شكلها ورجعت قامت السفره
استجمعت شجاعتها ونادت بصوت عالي ....بدرررر
بدررررر
بدر:رد عليها بعفويه....عيونه
مروه:دمها جف في عروقها من الصدمه ووجها احمررر
بدر:جاها وهوا يبتسم....سامحيني متعود على اختي ديمه نقلها عيوني 😅
مروه:بلعت ريقها بتوتر ....تفضل
بدر:خدي منها السفره وتعمد يلمس يديها
نصدمت مروه ورجعت للمطبخ بدون ما تحكي ولا حرف معاه .....كان داخلها صراع رهيب !!
حبها يلي هكي جي من ربي لي بدر واعجابها بيه لدرجة الادمان
وعذاب الضمير يلي بيذبحها وكل شويه يفكر فيها بي راجلها وصغارها !
_________________________________
ريم:سلمت على سلفاتها الاثنين (مروه وريم )وسمر حماتها وام ناصر وقعمزت
سعاد:شنو يا ست انتي ؟
ريم:نعم؟
سعاد:صار عارفه نفسك !
ريم:شافت يمين ويسار وابتسمت بي استفزاز...علاش هوا في ست غيري هنايا🤭🔥؟
سمر:قلبت عيونها
سعاد:حكيتي على ولادي ؟؟؟قلتي عليهم كل واحد اعبط من الثاني !
ريم:شافت لي سمر عرفت انها كانت تتسمع عليها ....اي قلت
لمياء ومروه يشوفو لي بعض
سعاد:قتلتي ولدي ناصر بي حسرته وتوا جايه هاديه على ولادي الثانيين؟؟؟
ريم:اي
سعاد:قرنت حواجبها.....شنو انتي متحسيييييش ولا من شنو مخلوقه
ريم:والله يلي درته وقلته بنقول اي قلته علاش نخلي في حد يمسك عليا كم حاجه؟
بعدين مفروض تشكريني موافقتش على حد فيهم عشان منخربش حوشهم
وتريحي بكرا من الصبح بابا جايني وبنروح لي حوشنا
سعاد:مروووووح يلي بيني وبينك حفيدي وبسسس....اول ما ينجاب على ها الدنيا بناخده
ريم:والله كان فيها كيف نطلعهولك حتى توا راني طلعته .....وناضت
سعاد:قليلة ادب مش متربيه
لمياء:طبست ع مروه.....كل قوي في من اقوى منه
ريتي كيف ؟؟؟العمر كله وهيا تبهدل فينا توا جي من يبهدلها
مروه:حطت ولدها ع الفراش:صدقتي
ارين:مااااما ماااما
مروه:ها
ارين:قالك بدر تعالي
مروه:بيمدلي السفره هاذا خلي نشوفه.....وناضت
نورهان:امي
سعاد:شن تبي انتي تانيه
نورهان:علاش تكشخي عليا شن دخلي تو انا هي
سعاد:شن تبي
نورهان:خلاص بلاش ......وطلعت
سعاد:نوضي استقبلي الناس في حد يطق نسمع فيه الباب
لمياء:حاضر ....وناضت
__________________________________
مروه:خشت للمطبخ وهيا خايفه لو في حد مركز معاها !
فتحت الباب البراني للمطبخ لقت بدر واقف يراجي فيها ❤️
بدر:هي تفضلي ويسلمو يديك
مروه:ابتسمت بي خوف....الله يسلمك صحتين
بدر:حطلها كيسه سوداء ع السفره....وهاذي حاجه بسيطه مقابل تعبك ع خاطري اليوم
مروه:قامت حواجبها وهيا متفاجآه .....مش حاجه كبيره هوا فطور عادي !!
بدر:عندك انتي ....انا بنسبه ليا شي كبير بدات منك
وهنايا مروه هرب عليها الضي رسمي 🔥
بي الكلمتين الحلوات يلي سمعتهم منه اليوم وتصرفه اللطيف ذااااابت ومعش عرفت حتى شنو ترد عليه
عرفها توترت ......غمزلها وهوا مبتسم وطلع❤️
مروه:حطت السفره ع الطاوله وفتحت الكيسه يلي جابهولها ❤️
كان فيها طروف شكلاته وريحه نسائيه صغيره
كانت مروه قريب تبكي مش مصدقه التطور الرهيب بسرعه يلي صار بينهم ❤️
انخطف لونها لما سمعت بي الصوت يلي وراها
سمر:تنزل في الكوب من على الدولاب .....شنو انتي الحركات المايعه هاذي يلي اديري فيها ؟؟؟
مروه:كانت علطيه شمر بضهر سحبت الكيسه بهدوء وحطت عليها الفوطه عشان متبانش .....ع شنو تتكلمي؟؟
سمر:مره تانيه كلمي راجلك ولا سلفك ياخد السفر من الشباب مش طالعه انتي
مروه:ان شاء الله
سمر:حني مش عيله منحله حبيبتي راك متزوجه وبي صغارك تخيلي حد يشوفك من بعيد واقفه مع شاب من شباب العيله شنو بيحكي عليك
مروه:هزت راسها....اي رسمي كلامك
سمر:استغربت في مروه وتجاوبها معاها بس مع هاذا مدورتش ....طلعت وسيبتها
اما مروه خدت الكيسه وركبت لي شقتها تتأمل فيها
كأنها اعضم هديه وصلتها في حياتها ❤️
____________________________________
الخوف !
شعور الخوف ممكن ثاني اسوء شعور يحس بيه الانسان بعد الخيانه ...والشعور هاذا تختلف ردود فعله !
في ناس تقدر تسيطر على خوفها ومتوضحش بي حد انها حاسه بي الشعور هاذا !
زي ريم مثلا يلي كانت خايفه من مصيرها وهايا حامل في حوش بوها تحت اسم ارمله ....كيف بتولد وتربيه بروحها ؟؟
وفي ناس خوفها متقدرش تخفي حتى جزء منه ويكون واضح على وجها
زي ريماس يلي كانت ترعب فيها فكرة ان حد يتقدملها وتنكشف !
خصوصا انها خلاص معش تقدر ترفض اكتر من هكي
وفي ناس خوفها يدخلها لي حاله نفسيه عميقه
زي انور مثلا يلي مش متخيل حياته بدون عائشه
وشن يصير لو رفضاته من جديد وخذاها شخص تاني ؟
وفي ناس وقاحتها قادره تتغلب على شعور الخوف
زي فاطمه يلي اهتمت لي مصلحتها وناسيه لو دار الزمان وربي كشفها مع الناس كلها واولهم انور ؟؟
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
فاتو يومين كاملات كئيبات في حوش بشير زي العاده على موت ولدهم ناصر 💔
لكن بسرعه ما طق الفرح بابهم من جديد وجي الانسان يلي قادر يعوض ولو جزء بسيط من فقدان ناصر ❤️
كان الجو مصقع زي كل ليله 🖤...فضت الزحمه بكري لان العشيه قصيره والليل طوووويل
الكانون والع
سعاد مقعمزه على العاله واثر الحزن على وجها مكبرها 20سنه
نورهان مقعمزه جنب الكانون وفاتحه شيتاتها تقرا
لمياء مش موجوده اما مروه كانت مقعمزه تتصفح في حساب بدر وتشوف شنو اخر مناشير وصور منزلهم
طق الباب الخارجي والدنيا بتنقلب من الريح
سعاد:تنهدت ...منو يلي جاي في وقت زي هاذا
بشير:وقف لبس جرده
سعاد:شن قصتك انت والباب الايام هاذي زي الغفير ديما انت تطلع تفتح؟
بشير:ولادك مينعباش عليهم
سعاد:اذكرت ناصر ....نزلت عيونها للارض تترحم عليه وعيونها يلمعو يتبكي
_____________________________________
فاطمه:انور
انور:عاطيها بضهر.....شنو؟
فاطمه:يديها مشبكات في بعض بتوتر.....ممكن تشوف طلبي بايخ او .....
بس والله مش بيدي
انور:خدي نفس بقلة صبر....شن تبي فاطمه؟
فاطمه:فستق....نتوحم عليه من امس في الليل بين عيوني مش قادره ناكل حتى حاجه
انور:تتوحمي عليه؟؟؟
فاطمه:اي .....انت عارف كيف لما تبدا الوحده حامل
انور:سكت شويه
فاطمه:اسفه💔
انور:خدي مفاتيحه وطلع ........
______________________________________
انفتح الباب الداخلي للحوش ❤️
خش منه بشير واول ما سعاد لمحت في شخص غريب خاش ع طووول قامت رداها
ونورهان هربت للغرفه تجري ومروه لبست وشاحها
مصدومين كيف بشير يدخل واحد غريب لعند داخل؟؟
بشير:يمسح في عيونه....تفضل
سعاد:مسكره رداها مش باينه الا عين وحده. مركزه في الشاب الطويل الاسمر🖤
عيونه عسليات وملامحه جميله ومألوفه....العفوو هاذا منو ياحاج
بشير:بلع ريقه وكان بينطقها بس قاطعهم صوت كريم خاش مصدومين
كريم:رواااااد؟؟؟
رواد:ابتسم
كريم:حضنه بقووووه ❤️كان حضن قوي من اخ لي خوه معبي هلبا حاجات صعب يفسروها
سعاد:كانت تشوف لي بشير وفي عيونها سؤال واحد
اما بشير اكتفى انه يهز راسه بمعنى اي وبس❌
اغمي سعاد عليها على الفور
التمو عليها كلهمومن ضمنهم رواد يلي حالته كانت غريبه !
ناضت سعاد وهيا حالتها ماتنوضفش بكي على عيياط على فرح
تحضن في رواد وتشم فيه زي اي ام كانت فاقده ولدها وتحسابه توفى بس اصدمها ورجع ❤️
نزلو دموعهم كلهم وهدت الاوضاع شويه
بدي رواد يسلم عليهم كلهم واحد واحد لين وصل في اخته نورهان
سلم عليها بي اليد وحضناته ....
دفها رواد بدون مقدمات
شافله بشير .....هاذي اختك
رواد:بلع ريقه وهوا يشوف لي نورهان ....اءء اء اسف اسف مخليك وانتي عمرك شهرين بس مش متعود قاعد نشوف فيك برانيه
نورهان:ابتسمت
بشير:ضحك .....غضوا تتعود ان شاء الله
رواد:باش راس سعاد....لازم نطلع الولد يراجي فيا برا
سعاد:جتها نوبة هستيريا وخافت تفقد ولدها من جديد بدت تعيط وماسكاته......لللللللل متمشيش وتحرق كبدي من جديد الله يربحك 😭💔
رواد:ساكت يشوف لي بوه
بشير:اهدي يامرا مش ماشي هوا جاي معاه صاحبه بندخلوه للمربوعه عيب يقعد برا !
سعاد:ماسكه يد ولدها ....قاعد ؟؟؟
رواد:اي قاعد متخافيش
سعاد:زينه ياولدي الله يفرحك زي ما فرحتني برجعتك ❤️
طلع رواد مرافقاته دعوات امه يلي ردت فيها الروح
زي ما ردت الروح في مروه بعد ما وصلها مسج من بدر يخبرها فيه ان قداااش ليه يبي يحكى معاها بس متردد!
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ريم:كل يوم بطني يكبر اكتر من قبل
كنت هازيه ع الحمل ومعنديش مشكله لو ياخدوه مني بس احساسي بدي يتغير من اول حركه حسيتها من الجنين ❤️
حبيت الشعور العضيم هاذا يلي مستحيل يقدر شخص يوصفه ابداااا
لكن في الموقابل كنت عايشه في جحيم💔💔
من معاملة امي ليا ومن الوحم يلي كان متاعبني
وام ناضر يلي كنت نهاية شهر تجي تعطيني محاضره ليش ضاعفه ليش كدا ليش كدا
في ال8شهور هاذي كانت حلوه بي النسبه انور بعد ما وافقت عائشه تعطيه فرصه ويخطبها من جديد
محدش من العيله انصدم ولا تفاجأ كلهم متوقعين الشي هاذا حتى فاطمه ..بس يا ترى هل تخليه ياخدها ؟
مروه:كانت عايشه احلا شهور عمرها بعد ما تعمقت مع بدر في الكلام وكانت كل يوم تسهر معاه ❤️
اول مره في حياتها تعيش الحب والشعور الجميل هاذا !
اما سعاد كانت ملاحضه ان تصرفات ولدها رواد مش طبيعيه في شي غريب !
ديما سارح وميحبش يختلط بحل وديمه يتهرب
كأنه جاي وجايب معاه قصه
قلبها يتقطع كل ما تذكر انه بيسافر مع بداية السنه الجديده💔
لكن بوه كانت عنده تخطيطات ثاااااانيه !
دقت الساعه المنتضره بنسبه لي ريم وبنسبه لي عيلة ناصر كلها ❤️
كانت ريم خلاص فقدت شعورها واعصابها داخل غرفة العمليات 💔
تمرمدت هلبا
قعدت يوم كامل داخل العمليات لين طلع الدكتور اخيرا
الدكتور:الف مبروك ولد لكن الام م......يتبع




يجب كتابة تعليق كي تظهر لك الآن
اكتب رأيك في الفصول المنشوره من الرواية في تعليق كي تظهر لك باقي الفصول

هل اعجبك الموضوع :

تعليقات

19 تعليقًا
إرسال تعليق
  1. ياريت نبي تكملت القصة

    ردحذف
  2. ولا اروعهه منكك عسل يسلم ادياتك

    ردحذف
  3. نبو التكملة قصة رائعة ❤️

    ردحذف
  4. وين باقي الرواية 😁😊

    ردحذف

إرسال تعليق

لو عايز أي رواية pdf .. أو لو عايزنا نعرفك لما الرواية إللي بتتابعها ينزل منها حلقة جديدة، انضم لقناتنا على التيجرام: من هنا 
ما هو الفصل الذي تود قراءته؟