رواية فيلا نوال كاملة بقلم كوكي سامح

 رواية فيلا نوال كاملة - جميع الفصول



رواية فيلا نوال الفصل الأول

اليوم ده كانت المطره مغرقه الدنيا كلها ومنظر البرق وصوت الرعد يخوف وكأنه بيقول إنذار🔥
.. يلا علشان نتعشى يا عنان وادخلى يا بنتى من البلكونه الجو تلج
.. نتعشى ايه جبنه ولا بيض ولا فول كالعاده
.. كله نعمه من عند ربنا يا بنتى
.. ربنا مش حاسس بينا يا ماما
.. انتى هتكفرى يا بنت بطنى استغفرى ربك
.. انا حتى تعليمى مش عارفه أكمله ولا عارفه اخرج ولا اللبس ولا اعيش زى البنات انا حته بت شغاله فى محل بيتزا وقاعده على الكاشير هى دى شغلتى فى الحياه ده حتى الجواز مش عارفه اتجوز ولا اجهز نفسى زى اى بنت لازم أشقى واتعب علشان اجيب شويه حاجات بالقسط ده حتى القسط بيمصوا دمنا فيه مش بيرحمونا
.. لا حول ولا قوة الا بالله انا مش عارفه انتى طالعه لمين كده
.. الفقر كل من جدتتنا رقات انا اللى بخرج وبشوف الدنيا الناس مش عايشه زينا عارفه يا ماما انا ساعات بحسد اى بنت على ضحكتها بقول انها مش شايله هم الدنيا وراها اب وام يسندوها
.. الله يسامحك يا بنتى انا خارجه اتعشى بيض وفول
.. وانا هنام احسن
=والام خرجت وعنان نامت لتانى يوم
وفى صباح اليوم التالى عنان صحيت ولبست وراحت شغلها من غير فطار متمرده على عيشتها ولما راحت محل البيتزا وقعدت على الكاشير
.. صباح الخير يا عنان مالك مكشره ليه
.. صباح النور يا مها
.. تفطرى معايا
.. ياريت بس بلاش بيتزا لأنى مأكلتش من امبارح وهتعب منها
.. اممم عرفت قرفانه ليه اكيد اتخانقتى مع طنط
.. اه اتخانقت مع ماما والله امى دى ست بركه مش حاسه بالدنيا
.. ما انا قولتلك فى ايدك تعيشى ملكه
.. اه اتجوز بالمده صح ولا اتجوز راجل سعودى اعيش معاه يومين بالفلوس ويسبنى بعد ما يشبع منى
.. لا لا فى حاجه تانيه خالص
.. فى ايه ؟
.. فاكره نوال
.. نوال مين؟
.. نوال هانم صاحبه معارض الموبيليا المشهوره اللى كانت امى بتروح تخدم عندها
.. انا فاكره انك كلمتينى عليها إنما مش فكراها بالظبط
.. طيب هى كانت طالبه من امى كام بنت تشتغل معاها فى المعارض عندها ايه رأيك وهناخد نسبه كويسه وغير المرتب كمان
.. اه قصدك شغل اضافى ما هو برضه تعب قلب بس يلا انا موافقه بيقولوا فى المثل من جاور السعيد يسعد
.. خلاص تعالى النهارده بعد الشغل نقابلها
= وفعلا بعد ما خلص الشغل عنان راحت مع مها عند نوال وكانت فى انتظارهم
.. ايه ده دى عايشه فى قصر انا مش عارفه الناس دى بتجيب الفلوس منين
.. من التجاره يا بت ومن الآخر كده حظوظ واحنا بقى حظنا اسود يا بت يا عنان
.. ههههههه كتك ايه يا بت ضحكتينى وانا مليش مزاج الحقى مين الراجل اللى جاى علينا ده
.. معرفش يمكن واحد من اللى بيشتغلوا عندها
.. وايه اللى هيجيبوا هنا يا ذكيه وبعدين ده شكله ابن ناس وراجل كباره كده وباين عليه كده محترم
.. انتوا مين ؟ ودخلتوا هنا ازاى؟!
.. انا عنان ودى مها وعندنا ميعاد مع نوال هانم ودخلنا هنا ازاى زى ما حضرتك شايف البوابه مفتوحه
.. تمام تمام انا هبلغها
.. طيب وحضرتك مين؟ يا استاذ يا بيه الحقى ده مشى وحتى مردش عليه اما قليل الذوق صحيح
.. يا عنان الناس دى كده رافعه مناخيرها لفوق وبيتعاملوا معانا وكأننا مش بنى ادمين بس أكل العيش مر
.. عندك حق أكل العيش مر فعلا
.. بس ان شاء الله نوال هانم هتقدر شغلنا هى قالت لماما انها هتكرمنا
عنان.. يارب بس الراجل مخرجش حتى ولا عبرنا
مها.. بت يا عنان الحقى الراجل خرج وبيشاور لينا اهو
عنان.. تعالى
= ودخلوا الڤيلا ونوال فى انتظارهم
نوال.. تعالوا يا بنات ازيك يا مها ممكن تعرفينى بالأنسه
.. انا عنان يا مدام
.. اسمك جميل يا عنان اتفضلوا
= وقعدوا وابتدت نوال تشرح لهم نظام الشغل فى المعرض وهيكون تسويق عن طريق النت وفهموا انه بالنسبه
عنان قالت فى سرها نت ايه وبتاع ايه وكمان بالنسبه يعنى برضه قرف
الشغاله.. يا نوال هانم آسر بيضرب اخته ومش قادره عليه
.. انا تعبت من الولد ده وكل لما اجيب بيبي ستر يطفشها
عنان.. حضرتك عاوزه بيبى ستر يا نوال هانم
.. ياريت يا عنان بس الولد مش بيريح خالص
.. انا ممكن اشتغل بيبى ستر ومتقلقيش خالص عليهم بس طبعا اكيد المرتب هيكون كبير ومش بالنسبه
.. اه طبعا عنيه ليكى بس خلصينى من الولاد بجد انا وباباهم بنقلق عليهم بس عندك استعداد تكونى مقيمه معانا هنا
.. اه يا نوال هانم انا مليش حد فى الدنيا دى انا حتى يتيمه الاب والام وعايشه فى بنسيون
مها..؟؟
نوال.. تمام خلاص جهزى نفسك وتعالى من بكره
= وقاموا وخرجوا بره الڤيلا
مها.. انتى مش يتيمه الام ممكن افهم انتى قولتى كده ليه؟
عنان.. انا حره وياريت تقولى لطنط متقولش حاجه
مها.. يا ستى دى حياتك واحنا مالناش دعوه بس مش فهماكى بجد
عنان.. بكره تفهمى
= وبعد ما خلصوا كلام وكل واحده فيهم راحت على بيتها وعنان كانت متفائله ودخلت شقتها وقعدت مع مامتها ومتكلمتش فى اى حاجه تخص موضوع شغلها مع نوال ودخلت تنام كالعاده وفضلت قاعده ومسكت الفون وقعدت على الفيس وفتحت اكونت نوال وفضلت تتصفح وشافت صور ولادها وأهلها وقالت الغريبه انها مش منزله صوره ليها مع جوزها خالص وقامت خرجت الصاله واتأكدت ان مامتها نامت وكانت الساعه 12 بالليل ودخلت لابست هدومها وخرجت وفتحت باب الشقه وقفلته بالراحه ومشيت من غير ما حد يحس بيها ولما نزلت من البيت مسكت تليفونها واتصلت ب مها وقالت لها لو مامتها كلمتها تقول انها متعرفش عنها حاجه خالص وقفلت معاها وركبت تاكسى واتجهت لڤيلا نوال ونزلت قبل الڤيلا بعشر دقايق وراحت مشى لحد هناك ولما قربت من الڤيلا بهدلت شعرها وابتدت تقطع هدومها وخدت صوره لنفسها وفتحت الواتس وبعتتها ل نوال وكتبت تحتها الحقينى يا مدام نوال انا واقفه بره قدام بوابه الڤيلا صاحب البنسيون اللى كنت ساكنه فيه حاول يختصبنى وانا هربت....

رواية فيلا نوال الفصل الثانى

تليفون نوال رن وكانت رساله واتس من عنان واول لما شافت الصوره استغربت
.. فى حاجه يا نونه
.. اه فى حاجه غريبه يا جلال البنت اللى كلمتك عليها النهارده البيبى ستر الجديده باعته صورتها وبتقول انها واقفه تحت وصاحب البنسيون حاول يختصبها وكمان هربت
.. لا حول ولا قوة الا بالله الدنيا مبقاش فيها امان يا حبيبتى وهتعملى ايه دلوقتى؟
.. هقوم انزل اشوفها
.. انا نازل معاكى
= وفعلاً نزلوا الاتنين وهما مخضوضين وخرجوا وفتحوا البوابه وعنان جريت عليهم وقالت.
.. الحقينى يا هانم صاحب البنسيون حاول يختصبنى وانا هربت
.. اهدى يا عنان احنا معاكى
.. فين البنسيون وانا هروح أعلمه الأدب ابن الكلب ده
.. هو مين الاستاذ يا هانم؟
.. ده جوزى الاستاذ جلال اكبر محامى فى البلد
، وكمان هخليه ياخدلك حقك
. عنان قالت فى سرها نهار اسود هى ناقصه وهعمل ايه دلوقت
.. فين البنسيون يا انسه؟
.. ها خلاص يا استاذ المسامح كريم
.. ازاى تسيبى حقك بالسهوله دى متخافيش احنا معاكى انا بتليفون منى ابهدله واجيبه يبوس رجلك؟!
. وقربت منه وقالت وفى عنيها خبث محدش يفهمه احنا غلابه يا استاذ مش حمل فضايح وبهدله وانا بنت والناس هتجيب فى سيرتى وساعتها هيقولوا ده عمل وسوى فيها وانا محلتيش غير شرفى وسمعتى وحضرتك عارف احنا فى مجتمع مبيرحمش الضعيف وانا ضعيفه يا استاذ
.. خلاص يا جلال البنت تعبانه دلوقتى تعالى يا عنان
= ودخلوا الڤيلا واول لما دخلوا عنان اغمى عليها وجلال شالها ودخلها فى اوضتها وحاول يفوقها
.. البنت شكلها تعبان اوى وصعبان عليه يا نوال
.. فعلا دى تصعب على الكافر والله يا حبيبى
.. اطلعى هاتى برفان من اوضتك بسررعه
= ونوال طلعت تجيب برفان وهو بيحاول يفوقها وهى مغمى عليها ونوال نزلت ومخضوضه من منظر عنان وابتدت تشممها البرفان وعنان فاقت
.. ابعد عنى سيب جسمى يا ابن الكلب وقامت قعدت وقالت ايه ده انا فين؟ انا حاسه انى مش قادره اتنفس
.. اهدى بس لو سمحت يا جلال اخرج بره علشان البنت تغير هدومها
.. طيب لو عاوزه حاجه اندهى عليه وخرج بره وقعد فى الصالون وطلع سيجاره وكان حيران وقال فى حاجه غلط البنت دى معاها شنطه هدومها يبقى ازاى هربت من البنسيون وبعدين من شكلها واضح انه حاول يغتصبها او يتحرش بيها لو حصل كده فعلا مش هتاخد هدومها
تليفون جلال رن وقطع تفكيره ولما رد كان اخوه فهمى وشريكه فى نفس الوقت فى مكتبه وكان بيكلمه على شغل ولما قفل معاه نوال خرجت

رواية فيلا نوال الفصل الثالث

.. اخيرا عنان نامت
.. هى بقت كويسه دلوقتى
.. الحمد لله يا حبيبى انا بجد اضايقت علشان البنت دى اوى اكمنها يتيمه وملهاش حد
.. هى فعلا يا نوال صعبت عليه بس انتى سألتى عليها كويس يا حبيبتي
.. اه انا اعرفها دى تبع مامت مها الشغاله الست ساميه
.. يا حبيبتى انا معرفش حد غير السواق والطباخ والبيبى ستر علشان دى بيكون معاها ولادى وياريت تتأكدى منها كويس علشان ولادنا هيكونوا معاها اغلب الوقت
.. انا اعرفها يا جلال وبطل بقى الشك اللى فى دماغك ده
. وعنان واقفه بتتسنط وسامعه كلامهم وقالت الراجل ده مش سهل ومكنتش عامله حسابى عليه بس عادى زيه زى اى كلب عاوز عضمه علشان يجرى وراها وانا هديله العضمه دى ياكلها زى ما هو عاوز بس يبقى تحت طوعى
= وقربت منه وقلعت الروب وحضنته وقالت بعشقك يا جلال
.. وانا كمان يا حبيبتى بعشق وبموت فيكى وكل يوم بحبك اكتر وشالها وطلعوا اوضتهم
. خرجت من الاوضه ومسكت الروب وشمت ريحته وقالت هى دى الستات ولا بلاش ياما نفسى اعيش نص اللى انتى عيشاه بيحبها علشان شغلتنى عندها مربيه لعيالها بيحبها علشان ساعدتنى وفوقتنى لما كنت بمثل انى اغمى عليه امال لو زينا شقيانه وتعبانه و بتكنس وتروق وتغسل هيعمل ايه؟! ودخلت تنام وهى متحسره على عيشتها وغيرانه من عيشه نوال
= وفى صباح اليوم التالى فى شقه عنان
الام قامت من النوم واكتشفت هروب بنتها ونزلت جرى فى الشوراع زى المجنونه تتدور على بنتها وراحت قسم الشرطه تبلغ بس عرفت ان المحضر الرسمى بيكون بعد 48 ساعه وخدت بعضها وراحت محل البيتزا تتدور عليها بس عرفت انها مرحتش ولما سألت مها أنكرت وقالت إنها مشافتش عنان من ساعه ما روحت ولا حتى كلمتها والام مشيت وهى منهاره على بنتها الوحيده ومن يوم غياب واحد بس الام حالها اتبدل وحلفت انها هتقعد قدام قسم الشرطه يومين لحد ما تعمل المحضر ان بنتها هربت من البيت وعاوزه الشرطه تساعدها
. فى ڤيلا نوال
.. صباح الخير يا حبيبتى
.. انت خارج بدرى كده من غير ما تفطر
.. اه عندى محكمه النهارده ادعيلى عندى قضيه مهمه
.. خير ان شاءالله
.. بت شغاله قتلت أصحاب البيت هى وعشيقها وسرقوهم
.. بنت الكلب دى عاوزه إعدام حسبى الله ونعم الوكيل
.. بس وحياتك عندى انتى عارفه جوزك كويس هفرمها هى والواد ده وهجيب أجلهم مش هرتاح غير لما يتعدموا لازم البلد تنضف من الأشكال دى
.. بجد يا جلال انا مش عارفه ايه الناس دى وحشه كده ليه مع ان دى أرزاق
.. عارفه الكارثه انهم لما قتلوهم مكانش معاها ابنها الصغير كان مع البيبى ستر بتاعته فى بيتها والولد هو اللى عاش وعنده سنتين
.. لا حول ولا قوة الا بالله الولد بقى يتيم طيب والولد وضعه ايه يا جلال
.. اهله بيستلموه ولو محدش استلمه بيروح دار رعايه
.. حبيبى بجد لو مالوش اهل هاته هنا يتربى مع ولادنا صدقنى ده أكبر ثواب وقرب منها وحضنها وقال عارفه انا بحبك علشان طيبه قلبك بجد ربنا ميحرمنيش منك
.. ربنا يخليك لينا يا حبيبى وخلى بالك مش هنتعشى غير لما ترجع وخد الچاكت بتاعه وخرج من الاوضه ونزل وشاف عنان واقفه بقميص النوم
.. استاذ جلال
.. انتى واقفه كده ليه الجو برد وانتى تعبانه قربت منه وقالت انا اللى تاعبنى حاجه تانيه خالص رد وقالها خير اجبلك دكتور رددت وقالت قلبى وجعنى
.. انتى عندك كام سنه يا عنان
.. عندى 22 سنه
.. ههههههه لسه عيله
.. عيله ايه دى ماما بتقولى انتى جسمك فاير ويدى اكتر من كده كمان
.. مش مامتك ميته
.. اه انا قصدى قبل ما تموت
.. ادخلى والبيت هنا فى طباخ وسواق وكذا حد وانا فياريت القميص ده يكون فى اوضه نومك وبس وسابها ومشى وضربت بإيدها على المرايا واتعورت وقالت جلال ده صعب وقالت فى سرها بس برضه انا مليش يوم هنا وكله بالراحه مش مره واحده
.. مالك يا عنان ايه اللى عورك كده
.. مفيش يا هانم انا ايدى اتخبطت فى المرايا
.. فى ايه بس يا بنتى انتى شكلك محسوده
.. محسوده على فقرى 😂 شكلك بتتريقى عليه يا نوال هانم
.. اى بنى آدم مننا معرض للحسد وربنا اللى قال كده ومحددش غنى وفقير
.. اه هتقولى حكم بقى
.. بتقولى حاجه يا عنان
.. لأ بقول لحضرتك فين الولاد
نوال قعدت وقالت
.. انا عندى أسر وعنده 4 سنين وشقى جدا وهيا عندها سنتين لسه صغيره بس آسر هو المتعب وفى حاجه تانيه انا حامل فى التالت وان شاء الله بعد 6 شهور هينورنا بيبى جديد شيدى حيلك معايا بقى
.. ولد ولا بنت مع انى عارفه انها مش فارقه حضرتك معاكى الولد والبنت سؤال غبى صحيح
.. كل اللى ربنا يجيبه كويس فى ناس تتمنى نقوم احنا بقى نتشرط على ربنا ونقولوا ولد ولا بنت
.. عندك حق يا نوال هانم فى ناس ربنا مكرمهاش
.. حرام الكلمه دى يا حبيبتى ربنا كرمه واسع ويعنى ايه مكرمهاش الكلمه دى وحشه بجد ربنا بيكرم كل عباده ومبينساش حد ابدا
.. المهم يا هانم انا عاوزه اشوف الولاد
.. طيب افطرى الأول وهما فى الجنينه مع الشغاله
.. يا نهار اسود يا هانم
.. فى ايه يا عنان!
.. الجو برد عليهم!
.. لا الشمس حلوه النهارده قولت بقى جسمهم يستفاد منها
عنان قالت فى سرها هى مالها عامله فيها مربيه أجيال وكأن مفيش غيرها اللى ولد وخلف وشال عيال وعارف ربنا باين كده عامله فيها ست الشيخه
.. خلاص يا عنان ادخلى حضرى فطارك وعندك عبده الطباخ جوه وخليه يجهز فطارى وهاتيه على اوضتى انا طالعه علشان انشف شعرى
.. حاضر يا هانم
.. بلاش هانم قولى مدام
.. حاضر
= وعنان دخلت المطبخ وبلغت الطباخ بالتعليمات وخرجت الجنينه تبص على الأولاد
.. انتى الشغاله بقى
.. اه انا نرجس الشغاله وانتى مين
.. انا عنان ست قصدى المربيه الجديده
.. انتى حلوه اوى وصغيره وشكلك كده بنت ناس
.. كلنا ولاد ناس بس لقمه العيش يا نرجس
.. نورتى الڤيلا يا حبيبتى وهترحمينى من العيال دول آسر شقى بس هيا غلبانه خالص
.. شكلك طيبه اوى يا نرجس وبنت بلد زينا كده الا بقولك هى ليه الڤيلا مكتوب عليها ڤيلا نوال ليه مش جلال
.. دى حكايه طويله
.. عاوزه اعرفها
.. بالليل يا بت تعالى اوضتى ونسهر مع بعض وانا هقولك حكايه اسم ڤيلا نوال
.. شكلها قصه
.. بتقولى ايه يا عنان
.. عاوزه سلامتك يا حبيبتى خلاص بالليل هجيلك ونسهر مع بعض واهو تعرفينى على كل حاجه عن آسر وهيا بيحبوا ايه وبياكلوا ايه كل حاجه
.. حاضر يا عثثل انا هقوم اشوف شغلى
= وفعلا قامت نرجس تشوف شغلها فى الڤيلا وتنضفها ونوال فى اوضتها وعنان قعدت مع الولاد ومفطرتش وبتفكر فى انها توصل بأى طريقه ويكون معاها فلوس وتعيش
..فى قسم الشرطه
الام قاعده مستنيه يعدى يومين وعينيها ورمت من العياط على عنان
.. تليفون عنان رن وكانت مها وقالت لها أن مامتها هتموت عليها وفى ضمن الكلام سألتها دخلت الڤيلا ازاى وعرفت تليفون نوال منين وكان رد عنان انها خدته من على يافطه الڤيلا وكان قلبها كالحجر وقالت ل مها لو امها ماتت متقولهاش مكانها فين وقفلت معاها وقالت ايه موضوع ڤيلا نوال ده انا لازم اعرف كل حاجه بس هطنش الشغاله شويه علشان محدش ياخد باله وفعلا كبرت دماغها ومسألتش؟ واليوم ده جلال رجع مضايق لما عرف ان الطفل مفيش حد من اهله يستلموا ونوال طلبت منه يعمل إجراءات تبنى وهى هتساعده وفى ناس تعرفها هتسهل كل الإجراءات دى..
= وبعد مرور اسبوعين عنان اتعرفت على كل اللى فى الڤيلا وعلى الولاد وكانت نوال فرحانه بيها وهى من ناحيتها بتحاول مع جلال انها تشده ليها بس هو مش واخد باله منها لحد ما جه اليوم اللى كان محامى العيله موجود وعرفت بالصدفه ان نوال وجلال هيكتبوا كل فلوسهم وحتى الڤيلا لولادهم وعنان اتجننت وقالت مش هيحصل انا لازم اتصرف.. ودخلت اوضتها وهى متجننه ومش عارفه تعمل ايه لحد ما جالها تفكير شيطانى وقالت إنها لازم تنجز قبل ما الفلوس تتكتب ليهم ونامت على تفكيرها الشيطانى ده ولما قامت من النوم وقبل فطار الاولاد. قالت مفيش غيره انا شوفته فى دولابها لما كنت بروق اوضه نومها لما البت نرجس كانت غايبه هو ده الحل ولما جلال خرج هو ونوال وراحوا شغلهم طلعت اوضه النوم وفتحت دولاب نوال وخدت حبوب منع الحمل بتاعتها القديمه قبل ما تحمل ونزلت على المطبخ وكان عبده محضر الفطار للأولاد وسايبه يبرد على الترابيزه ومكنش موجود وتأكدت انه فى الحمام وهو من النوع اللى بيطول فتحت الدرج وخدت الهون ودقت كام حبايه وحطتهم فى فطار الولاد....

رواية فيلا نوال الفصل الرابع

وحطت الحبوب فى فطار الولاد وخرجت فى الجنينه من غير ما حد يشوفها..
. وكان جلال ونوال فى الطريق لمعارضهم
.. حبيبى أقف هنا بسررعه
.. ليه
.. أقف بس ووقف بالعربيه ونوال نزلت وكان فى ست قاعده ومعاها مناديل وبسكوت وحلويات للاطفال وادتها فلوس واشترتهم ورجعت العربيه على دعواتها وكانت فرحانه ومبسوطه وسابت الحاجه مكانها
.. والله يا حبيبتى انتى اطيب قلب وقفتى تشترى ومشترتيش حاجه وهى ما صدقت دول ناس بيقعدوا ويتسولوا على حس الحاجه دى ويلموا من العبط اللى ذيك فلوس
.. اولا دى مش متسوله انا اعرفها دى جوزها اتوفى فى حادثه وكان بيقعد مكانها ولما اتوفى قعدت تسترزق مكانه وبتربى أيتام واللى عملته ده عند ربنا صدقه وان شاء الله ربنا يكرمنا فى ولادنا ويبارك فيهم وبعدين انا مجبتش حاجه من جيبى كله خير ربنا علينا
.. ياه قد ايه انتى طيبه وحنينه ربنا ما يحرمنى منك ابداً
.. ولا منك يا حبيبى
فى الڤيلا
الطباخ خرج من الحمام ودخل المطبخ وبأعلى صوته قال انتى يا نرجس يا نرجس
.. فى ايه كلمى يا نرجس عم عبده الطباخ بيندهه عليكى وقالت فى بالها اكيد هيديها فطار العيال واخلص منهم قال يورثوا قال
= ونرجس دخلت جرى المطبخ وشافت عبده الطباخ واقف وقالت فى ايه وشاور لها على الارض وبصت لقت أكل الولاد القطه وقعته على الأرض وقالها نضفى وخليكى انا هعملهم فطار تانى وفعلا جهز فطار وخرجت الجنينه وقالت ل عنان تفطر الولاد وعنان شافت الفطار وعرفت ان اتغير لأن نوع الأكل اتغير واتجننت لأنها كان نفسها خطتها تتم
فى منزل عنان
الام منهاره وأهل المنطقه كلهم بيدورا معاها على عنان بس هى بقت شارده وقاعده لوحدها وبتعيط ليل ونهار على غياب بنتها الوحيده وهروبها من البيت
فى معرض نوال
= وصلوا المعرض ونوال نزلت من العربيه وجلال راح المحكمه
.. نوال هانم فى مصيبه حصلت
.. قول صباح الخير الأول يا احمد
.. اسف بس غصب عنى
.. مصيبه ايه ومشيت ودخلت المكتب بتاعها
.. هقول لحضرتك انا عملت زى ما حضرتك قولتى بالظبط وبعت البنت تشتغل عند جلال بيه فى المكتب واتفق معاها ان هيكون ميعادها من 6 ل 12 بالليل وفعلا البنت كان أول يوم ليها امبارح وقالت حاجه غريبه......
فى الڤيلا
.. نرجس هو مين الاستاذ ده
.. ههههههه كتك ايه يا عنان استاذ مين!
ده بيشتغل زيه زينا قال استاذ قال هههههههههه ده الجارد حارس نوال هانم الخاص
.. اسمه بادى جارد يا نرجس انتى مشكله فعلا
.. ده مجدى بس زى القمر
.. ايه بتحبيه يا نرجس
.. هو احنا اللى زينا يعرف يحب
.. ليه ومال اللى زينا اتكلمى عن نفسك بقى ده انا قمر وطالعه لماما كمان الله يرحمها بقى
.. انتى يتيمه يا عنان ابوكى وامك ماتوا ده انتى لسه صغيره
.. اه ماتوا وسبونى لوحدى فى الدنيا دى بس اتعلمت حاجه ان الايام والليالى هى اللى بتعلم
.. ربنا يسعدك يا عنان انتى شكلك طيبه وبنت ناس
.. اه بس مكملتش تعليمى من الفقر بس لما امسك فلوس من الشغل هنا هقدم جامعه مفتوحه واكمل تعليمى
.. ربنا يسعدك يا حبيبتى بس ركزى على نوال هانم
.. اشمعنى يا نرجس
.. أصلها سخيه اوى وطيبه بجد عارفه لما ابويا عمل عمليه فى القلب كانت عمليه كبيره وغاليه هى اتبرعت بكل حاجه وكمان ساعدتنا فى مصاريفنا انا واخواتى
.. ما شاء الله عليها دى بطير فلوسها هههه
.. دى عندها فلوس ياما بالكوم هما الناس اللى زى دول فلوسهم بتخلص وبعدين ده خير يا بت
.. عندك حق بس خد من التل يختل وقالت فى سرها ولازم قبل ما التل يختل الفلوس تكون معايا انا وكمان قبل ما تكتبها لولادها وعلشان ده يتم لازم ولادها يموتوا وكان هيحصل النهارده بس مش عارفه ايه حصل؟
مجدى قرب منهم وقال
.. بت يا نرجس مش كذا مره قولتلك القطه دى متدخلش الڤيلا خالص
.. وانا مالى العيب منك انت تلاقيها جاعت وانت مطنشها
.. ازيك يا انسه اسمك ايه؟
.. الحمد لله أسمى عنان
.. نرجس القطه مكانها فى الجنينه بس لأن جلال بيه بيقرف وبيخاف تشم الأكل زى ما حصل النهارده
.. حاضر بصراحه عندك حق بس هى وقعته والطبق اتكسر وعم عبده كان على آخره هههه
.. منورة يا عنان
.. منور يا مجدى ومشيت وراحت تقعد مع الاولاد وفهمت ان الأكل وقع ومحدش عرف حاجه علشان كده الفطار اتغير
= وبعد ساعه رجعت نوال من المعرض وهى مضايقه وكان باين عليها التوتر
.. فى حاجه يا مدام نوال
.. لا يا عنان بس طمنينى على الأولاد كويسين
.. اه يا مدام زى الفل بس حضرتك مالك
.. مفيش مفيش وطلعت اوضتها
. هو فى ايه يا عنان
.. معرفش زى زيك بالظبط وقالت فى سرها ده شكل كده فى انه فى الموضوع ولازم اعرف فى ايه بالظبط وطلعت على اوضه نوال زى الدحلابه واستأذنت ودخلت
.. مدام نوال حضرتك بتعيطى
.. لا بس شويه تعب من الحمل
.. ربنا يقومك بالسلامة والتعب يعدى على خير
.. لو سمحت يا عنان خلى بالك من الولاد وسبينى لوحدى دلوقتى وفعلا خرجت وقفلت باب الاوضه عليها وفضلت واقفه تتسنط يمكن تعرف حاجه
= تليفون نوال رن وكان احمد مدير المعرض وقفلت معاه وهى مضايقه وعلى نارها وقعدت على السرير بتفكر فى المصيبه اللى هتقع على دماغها وخصوصا لو طلع الكلام اللى عرفته عن جلال صح ده حب عمرها كله
. وبعد مرور وقت الساعه عدت 11 بالليل ونوال فى اوضتها وقامت لابست وخدت شنطتها ونزلت بتجرى وهى ملهوفه وركبت عربيتها وراحت على مكتب جلال
عنان.. هى مال مدام نوال دى نزلت جرى وكأنها مش شايفه حد قدامها
نرجس.. تلاقيها متخانقه مع جلال بيه
عنان.. معقول مع ان باين عليهم بيحبوا بعض اوى
نرجس.. يا حبيبتى الرجاله كلهم زى بعض وخصوصا استنى لحد يسمعنا تعالى جوه وانا هقولك حكايته ايه ودخلوا اوضه نرجس وابتدت تحكى وتقول
جلال ده كان حته محامى كحيان واللى اعرفه ان ابوه كان راجل بيفهم فى الأعمال والسحر والست نوال دى مفيش زيها من اول ملكه هانم
عنان.. مين ملكه هانم دى
نرجس.. يا بت ما انا بقولك اهو ملكه دى تبقى ام نوال هانم الله يبشبش الطوبه اللى تحت راسها
عنان.. انتى تعرفيها
نرجس.. ابويا كان يعرفها كويس ما هو كان بيخدم هنا من زمان وملكه هانم كانت طيبه وبتعمل اعمال خير كتير ومكانتش بتخلف من الأساس وربنا كرمها بعد سنين وسنين ب نوال وسمت الڤيلا على على اسمها وده كان كلام شيخ ليها
عنان.. شيخ مين انا توهت وعاوزه افهم تقصدى ابو جلال بيه
نرجس.. لأ بقولك شيخ ابو جلال بيه ده مالوش غير فى السحر والدجل يجعل كلامنا خفيف عليه
عنان.. طيب كملى
نرجس.. اللى اعرفه ان ابويا قالى هى شافت رؤيا وراحت لشيخ وقالها هتخلف بنت بس تربيها على عمل الخير وتسمى الڤيلا على اسمها واى حد يحتاج مساعده متردوش وفعلا هى ربتها على كده وعلى اعمال الخير وبصراحه لما ابويا عمل العمليه مقصرتش وعملت اكتر من ملكه هانم الله يرحمها لحد ما ظهر جلال فى حياتها
عنان.. كملى ظهر ازاى
نرجس.. مدام نوال دى ست ولا كل الستات حلوه وجميله وطيبه بس يا خساره مفيهاش غير عيب واحد
عنان.. ايه هو؟...
= نوال وصلت المكتب ولقت الباب مقفول وفتحت شنطتها وطلعت نسخه المفتاح اللى معاها وفتحت ودخلت وكان المكتب فاضى وسمعت صوت جاى من الاوضه التانيه وفتحت الباب وشافت...
علقوا ب 20 ملصق علشان يوصلك اشعار الجزء الخامس

رواية فيلا نوال الفصل الخامس

ودخلت نوال وشافت؟..
فى الڤيلا
الست نوال مفيش زيها بس فيها عيب بتصدق اى حد وبيضحك عليها بسهوله وجلال دخل عليها بالسهوكه ده حتى ملكه هانم الله يرحمها مكانتش موافقه عليه لحد ما ادحلب وعرف موضوع الشيخ اللى قال لملكه هانم هتخلف بنت وتسمى الڤيلا على اسمها
.. عرف ازاى يا نرجس
.. معرفش بس بينى وما بينك انا سمعته كان بيكلم ابوه الدجال ده فى التليفون وقاله انه هو السبب فى جوازه من نوال هانم وكان عاوز منه فلوس وجلال لما كان بيكلمه كان بيترعب منه يختاااى يجعل كلامنا خفيف عليه
.. معقول فى اب يستغل ابنه كده وكمان يساومه
.. اسمعى التقيل بقى!
.. ايه هو قولى بسرررعه؟
.. انا عرفت ان نوال هانم عرفت ان جلال عامل حساب من وراها فى البنك
.. عادى وفيها ايه ما هو محامى وبيكسب
.. يا بنتى افهمى من سنه نوال هانم كانت عامله مشكله كبيره هى وجلال بسبب ان حسابها فى البنك نقص ملايين والبنك بلغها
.. يمكن هى سحبته
.. بقولك عملت مشكله لما عرفت وكانت فى وقتها عامله لجلال توكيل وسحبت التوكيل منه وعرفت انه عامل حساب لنفسه وهو اللى سحب فلوسها
.. وخدت فلوسها منه
.. اه خدتها وسامحته أصلها مسحوره بالحب
عنان قالت فى سرها علشان كده عاوزه تكتب فلوسها بأسم ولادها ههههه وجلال عامل فيها بيه وهو حته نصاب وكمان حمار وقالت بت يا نرجس تعرفى طريق الدجال ده
.. دجال مين!؟
..الدجال ابو جلال
.. اه اعرفه بس انتى عاوزاه ليه يا عنان
.. من كلامك يدل ان شاطر وانا بحب واحد وعاوزه اسحرله علشان يتجوزنى
.. بصراحه هو شاطر مش شايفه ابنه جلال عايش فى العز والست نوال متمسكه بيه ازاى علشان عامل ليها عمل يا ختااااى يجعل كلامنا خفيف عليه
.. فين عنوانه بالظبط
.. انا اعرف انه عايش فى بلد ارياف
.. يعنى بعيد يا نرجس
.. ساعه ونص وتكونى عنده
.. خلاص ان شاء الله بكره هستأذن نوال هانم واروح اشوف حالى وخدت منها العنوان وقالت فى سرها انا يا انت يا جلال..
فى المكتب
دخلت نوال وشافت بنت وشاب بيعملوا علاقه مع بعض وجلال بيصورهم ومعاه كاميرا حديثه بيصور بيها
.. يا نهار اسود انت بتعمل ايه
.. نوال ايه اللى جابك
نوال دخلت ووقفت قصاد الكاميرا ودموعها نازله ومش مصدقه نفسها وقالت ترضاها عليه يا جلال بيه قصدى يا محامى يا كبير ياللى بدافع عن القيم والمبادئ وبتجيب حق المظلوم معقول ابو ولادى قواد رددت البنت عليها وقالت لو سمحت عاوزين نخلص شغلنا
= نوال زقتها بقوه وقالت يلا يا سافله من هنا ده مكتبى بس انا مش هسيب اشكالكم ومسكت تليفونها وبتتصل بالشرطه
.. نوال بلاش علشان خاطر ولادنا كده هنتفضح وانا هسيب شغلى رددت وقالت واللى زيك لازم ياخد عقابه رد وقالها بلاش مسكته من قميصه وقالت انت عرتنى وهتعر ولادى يا فاجر يا قليل الاصل وناكر الجميل مسكها من رقبتها وابتدى يخنقها ونوال على صرخه واحده ولادى ولادى..
فى الڤيلا
= قامت عنان من النوم على صوت هيا بتعيط وحاولت تسكتها والبنت على صرخه واحده وشالتها وقالت مفيش حل غير ان اطلع لمدام نوال ولما طلعت فضلت تخبط ومحدش رد اتخضت وفتحت الباب وملقتش حد فى الاوضه وبصت فى الساعه وكانت 4 الفجر واستغربت وقالت معقول لسه مرجعتش وكمان جلال ونزلت ودخلت على اوضه نرجس وقالت لها الحقى مدام نوال وجلال بيه لسه مرجعوش
.. يمكن سهرانين بره
.. بس انتى ناسيه ان نوال خرجت وكان شكلها مضايق يا ترى راحت فين؟
.. عنان خليكى فى حالك وملكيش دعوه عاوزه تاكلى عيش متدخليش فى اللى ملكيش فيه وريحى دماغك احنا مالنا
.. طيب واللى بتعيط دى؟
.. يمكن جعانه ولا عندها شويه مغص
.. خلاص قومى حضرى اى أكل ل هيا
.. حاضر هقوم يا عنان هانم
= وفعلا قامت وعملت أكل للبنت وسابته يبرد فى المطبخ والڤيلا كلها ساكته وعنان معاها هيا وبتحاول تسكتها وخرجت الجنينه وقالت تتمشى بالبنت بس هيا على صرخه واحده
عنان.. يوووه اسكتى بقى يا بنتى انا زهقت ونفسى انام
. نرجس خرجت وراها وقالت انا داخله انام وياريت تاخدى هيا على اوضتها الجو برد اوى
.. انا فعلا متلجه بس قولت يمكن تسكت عندك حق انا هدخل جوه وهأكلها ويارب تنام
= وفعلا سمعت كلام نرجس ودخلت الڤيلا وراحت المطبخ وخدت اكل هيا وطلعت على اوضتها والبنت رفضت الأكل ونامت وسابتها نايمه وخرجت بره الاوضه وطلعت على فوق ومشيت فى الطرقه ومشيت لحد اوضه نوال وفتحتها ودخلت تفتش يمكن تعرف حاجه عن جلال وقفلت الباب وراها وفتحت الدولاب وفضلت تتدور بس ملقتش حاجه مفيده وخرجت وقفلت الباب ولا كأنها عملت حاجه ودخلت اوضتها وكملت نوم
فى منزل عنان
الام مش بتنام ومنهاره على فراق بنتها الوحيده ومن وقت ما عنان هربت وبنت خالتها قاعده مكانها وقالت يا خالتى لازم تنامى وتريحى جسمك علشان نقدر ندور عليها
.. انا تعبت يا أمل وعنان وحشانى دى شبابى وبنت عمرى لو ماتت كنت ارتاح بس انا معرفش لها طريق وانا عملت اللى عليه والشرطه بدور
.. يا خالتى الكلام ده مبقاش ينفع مفيش غير حل واحد
.. ايه هو ابوس ايدك قوليه يمكن نلاقيها
.. مفيش حل غير شيخ او حد بيفهم فى الاسحار انا سمعت ان الناس دى بتعرف
.. اسحار اعوذب بالله
.. يا خالتى واحنا هنأذى حد دى وسيله يقولنا على طريق عنان طيب انا هحكيلك حاجه كان فى ناس انتى عارفاهم الجيران اللى قصدنا فاكراهم
.. انا مش فاكره غير عنان وبس
.. المهم ابنهم اتخطف واتصل بيهم ناس قال ايه عاوزين فديه والكارثه انهم محلتهمش اللضدا وطبعا خافوا يبلغوا الشرطه علشان التهديدات بس فضلوا يفكروا انهم مش معاهم حاجه طيب ابنهم اتخطف ليه وهيجيبوا فلوس منين المهم بقى ان فى واحده بنت حلال قالت لهم على راجل بيفهم فى الحاجات دى بس بياخد فلوس
..انا ادفع عمرى كله علشان بنتى ترجع ها ولقوا ابنهم ولا ايه؟
.. اه راحو للراجل ده وعرفوا ان اللى خاطف تبقى سلفتها وقال ايه علشان غيرانه منها كانت بتلاعبها يعنى علشان كانت بتعايرها انها مبتخلفش
.. لا حول ولا قوة الا بالله الزمن ده بقى اسود ومنيل استغفر الله العظيم سامحنى يارب الناس هى اللى بقت وحشه
.. شوفتى بقى ايه رأيك تجربى
.. انتى تعرفى طريقه
.. لأ مش بالظبط انا كنت اعرف انه من بلد ارياف هسأل واجبلك العنوان ونروح انا وانتى بس النهار يطلع وان شاء الله خير يمكن يكون سبب فى رجوعها
.. يارب يا بنتى مع انى بخاف من الناس دى وبحس انهم كدابين
.. بقولك ده راجل ومسمع جامد انا سمعت عليه انه واصل اوى فى الحاجات دى وبيعرف وبيجيب التايهه بس بياخد فلوس كتير
.. وماله انا هتصرف بس بنتى ترجع
.. ان شاء الله يا خالتى
فى الڤيلا
عنان نايمه فى اوضتها والباب اتفتح عليها وحست بحد بيلمس جسمها وبيهمس فى ودانها وبيقول نوال ماتت وقامت مفزوعه وقالت مين؟

رواية فيلا نوال الفصل السادس

و قامت من النوم مفزوعه وقالت مين؟
.. وبصت حواليها ملقتش حد وقامت من السرير وفتحت باب الاوضه وخرجت وشافت جلال راجع البيت لوحده
.. جلال بيه امال فين مدام نوال
.. نوال اكيد نايمه يعنى هتكون فين وقرب منها وابتدى يلمس جسمها
.. ايه ده انت سكران
.. انا اسف اسف بس فين الولاد
.. الولاد دلوقتى دول نايمين
.. انا طالع انام
.. بقولك مدام نوال مش هنا خرجت ومرجعتش
.. انا طالع انام ولو حد سأل عليه قولى انى مش هنا
= وفعلا جلال طلع اوضته وساب اسئله كتيره بدور فى ذهن عنان ودخلت على اوضه نرجس وصحتها من النوم
.. تانى يا عنان سيبنى اكمل نوم
.. جلال رجع ولوحده ولما سألته عن مدام نوال قال ميعرفش غير انها نايمه فوق اكيد فى حاجه
.. يا بنتى وانتى شاغله نفسك ليه بيهم خليكى فى شغلك هى الساعه كام دلوقتى
.. الساعه 6 الصبح ونوال لسه مرجعتش وجلال رجع لوحده نفسى اعرف في ايه الفضول هيقتلنى
.. خليكى فى حالك الظاهر كده مش باين لها نومه قومى اعملى شاى وفطار ليه انا وانتى
.. ماشى علشان بعد ما افطر هروح للدجال ده بس مش عاوزه حد يعرف يا نرجس
.. يخربيتك ده لو حد عرف ده كان جلال يطير رقبتى ولا يحبسنى ولا يلبسنى مصيبه ابوس ايدك انتى اوعى حد يعرف
.. متخافيش محدش هيعرف انا هقوم اعمل الفطار
= وفعلا قامت ودخلت المطبخ وحضرت شاى وسندوتشات
.. بتعملى ايه يا عنان
.. بعمل فطار ليه ولنرجس يا عم عبده اعمل حسابك معانا
.. لا يا بنتى انا تعبان النهارده ونفسيتى مش مظبوطه
.. خير فى حاجه وبعدين انت جيت بدرى يعنى وده مش من عوايدك
.. والله يا بنتى ابنى اتحجز فى المستشفى من اول امبارح وكنت مفكر الموضوع بسيط إنما إنما
.. خير فى ايه بس؟
.. راح فى غيوبه وطلع عنده حمه شوكيه وطلعت على المخ ومش عارف اتصرف ازاى
.. وسبته لوحده يا عم عبده
.. امه واخواته جمبه بس الحيله يا بنتى الولد عاوز مستشفى خاصه انا حاسس انه هيضيع فى المستشفى دى الفقر وحش اوى
.. والحل ايه يا عم عبده
.. انا جاى بدرى علشان كده وكنت بكلم مدام نوال فى التليفون ومغلق علشان تساعدنى وتنقله مستشفى تانيه الست مش بتتأخر فى مساعده حد ربنا يبارك فى عمرها ويبعد عنها ولاد الحرام دى ساعدتنى لما صاحب البيت حب يطردنى علشان مدفعتش الإيجار شهور لأن كنت قاعد من غير شغل واحد صاحبى ابن حلال قالى على الشغل هنا ولما اشتغلت رغم كنت لسه مستجد ومخدتش مرتب ولما عرفت مشكلتى سددت كل اللى عليه بجد الست تستاهل كل خير وعنان قالت فى سرها هى ايه الست دى الكل بيشكر فيها وفى الخير اللى بتعمله ده حتى لما حاولت أذى عيالها القطه وقعت الأكل
.. مدام نوال خرجت ومرجعتش من امبارح هى مش موجوده يا عم عبده
.. ليه راحت فين
.. معرفش ولما سألت جلال بيه قال انه ميعرفش
.. يمكن عند حد من أهلها ولما السواق يوصل هسأله هى مش بتروح فى اى مكان من غيره
.. السواق اه صح تاهت عن بالى دى
.. لما يجى قوليلى وانا هسأله
. حاضر يا عم عبده والف سلامه على ابنك
= وخدت الفطار ودخلت على نرجس وقالت
تصدقى احنا نسينا نسأل السواق اكيد كان مع نوال
.. مش عارفه انتى شاغله بالك ليه يلا ناكل وبعدين نبقى نتكلم ده راح فين وده جه منين 😁
وفعلا فطروا وبعد ما خلصوا اكل طلبت منها انها هتروح للدجال ولو حد سأل عليها تقول انها فى مشوار وتخلى بالها من الأولاد
.. اوعى تتأخرى عليه علشان لو مدام نوال رجعت وعرفت انك خرجتى من وراها هتزعل منك
.. لأ مش هتأخر بس خلى بالك من الأولاد
.. بس لو جلال بيه سأل عليكى هقول ايه
.. قولى بتشترى حاجات للبيت
.. ماشى بس اوعى تتأخرى
.. حاضر
= وقامت لابست وخرجت وشافت السواق وصل وقالت عم عبده عاوزك
.. حاضر بس هيعوزنى فى ايه
.. ممكن سؤال
.. اتفضلى
.. انت كنت مع مدام نوال امبارح أصلها خرجت ومرجعتش قرب منها ومسك بوقها وقالها اوعى تفتحى بوقك وانتى مالك يا بت انتى تكونيش حد من قرايبها رددت وقالت انا بسأل مش دى الست اللى باكل عندها عيش بطمن عليها والله
.. طيب يلا شوفى رايحه فين؟ وسابها ودخل جرى على عبده الطباخ وهى حست من طريقته ان فى حاجه ودخلت وراه وسمعته بيقول فى مصيبه يا عم عبده
.. فى ايه مالك حماده
.. فى كارثه وانا من امبارح مش عارف اعمل ايه
.. انطق يا ابنى متوقعش قلبى
.. كنت قاعد على البوابه ومستنى اى حد يعمل مشوار وطبعا انت عارف انى بروح الساعه 1 بالليل على حسب شغلى
.. قول يا ابنى وبعدين
.. لقيت مدام نوال نازله وعلى غير العاده وركبت عربيتها واستغربت لأنها مقالتش وانت عارف انها مش بتتحرك من غيرى بس ركبت عربيتها ومشيت انا استغربت ودخلت خدت عربيه الشغل ومشيت وراها ولقيتها راحت على مكتب جلال بيه وبصراحه قولت عادى لأنى اطمنت ده مكتب جوزها
.. وايه المشكله يا ابنى
.. ما انا بقولك اهو لما راحت المكتب دخلت وانا دخلت بعدها بدقيقه علشان متحسش بيه وكان الباب مفتوح دخلت وشوفتها بتتخانق مع جلال بيه وماسكه فيه وكان فى ست وراجل انا معرفهمش وسمعت نوال بتقولوا انت قواد وكانت بتبلغ البوليس بس جلال خنقها وموتها اه موتها انا خوفت وكنت جبان وجريت وملحقتش الست الطيبه اللى ياما ساعدتنى
.. يا نهار اسود نوال هانم ماتت
.. اسكت يا عم عبده هنروح فى داهيه
عنان.. يا نهار اسود ومنيل جلال قتل نوال ده قتال قتله صحيح يبقى هو بقى اللى سمعته وانا نايمه وقالى نوال ماتت وانا كنت بحسب نفسى بحلم وخدت بعضها ومشيت وهى مخضوضه وخدت تاكسى مخصوص وراحت لحد مكان الدجال ابو جلال ولما راحت ودخلت قلبها كان مقبوض وعرفت انه بالحجز وفعلا حجزت دور وكان ميعادها بعد نص ساعه وفضلت قاعده ومستنيه
فى منزل عنان
.. العنوان يا خالتى انا جبته خلاص
.. حاضر يا أمل انا هجهز ويلا ويجعله سبب ان الاقى بنتى 😭
.. ان شاء الله يا خالتى ربنا مش هيسبنا
= وفعلا خدت خالتها وفى طريقهم للدجال
عند الدجال..
جه ميعاد عنان ودخلت وقالها
.. تعالى اقعدى جمبى هنا
.. ليه يا عم الشيخ
.. بقولك تعالى
.. حاضر حاضر وفعلا قعدت جمبه وقالها انتى عندك كام سنه رددت وقالت 22 قالها وجايه ليه واسمك ايه
.. مش المفروض انك بتسحر وبتفهم والمفروض يعنى تعرف أسمى لوحدك وكل حاجه عنى
... ههههههه هههههههه ده شغل افلام بيضحكوا بيه على الناس قولى اسمك ايه وعاوزه ايه
.. أسمى عنان والراجل اللى بشتغل عنده ضحك عليه وخد منى اعز ما املك وعاوزه اوريه الويل
.. ده يستاهل القتل يا عنان
.. مش بقولك خد منى اعز ما املك
.. والمطلوب منى
.. عاوزه اوريه الويل يا سيدى وتاج راسى
.. هاتى حته من شعره
.. من شعره طيب ازاى
.. معرفش انا عاوز حته من شعره
.. وهتعمل بيها ايه
.. هخليه يتجوزك
.. لأ انا مش عاوزه اتجوزوا انا عاوزه اجننه ولا اقولك يموت عاوزاه يموت
.. بس ده تمنه غالى اوى
.. اللى انت عاوزه
.. ماشى يا ستى بسيطه وخد ورقه من جمبه وقالها اللى فى الورقه ده حطيه فى الشاى وهيطب ساكت بأزمة قلبيه...

رواية فيلا نوال الفصل السابع

ج. 7...#ڤيلا_نوال

وخدت الورقه ومن غير ما تفتحها وقالت معقول هيموت بأزمة قلبيه ومحدش هيعرف انه اتقتل

.. ايوه بس انا قولتلك ده سعره غالى


.. انا هديك الفلوس اللى تطلبها متقلقش

.. ومين قالك انها فلوس

.. قصدك ايه؟

.. قصدى انك حلوه وصغيره وانا راجل أرمل ومحروم من الستات وعاوزك

- عنان قالت فى سرها انا لازم اعمل نفسى موافقه علشان اعرف اخرج من هنا وقالت خلاص بس مش دلوقتى بعد ما الشاب اللى ضحك عليه بموت ويغور والموضوع يخلص من غير اى أذى ليه


.. قولتلك متقلقيش خالص هيموت يعنى هيموت وهيبان انها ساكته قلبيه وقرب منها وابتدى يلمس جسمها بس هى قامت وبعدت عنه وقالت وهى بتزعق

.. قولتلك لما يموت انا هكون تحت امرك وسابته وخرجت رد وقالها بقولك تعالى بصت وراها وقالها انا ميضحكش عليه وبعرف اخد حقى يلا أمشى ولينا مع بعض ميعاد وخرجت وهى مضايقه من كلامه ومشيت وهى خارجه امل شافتها وقالت

.. خالتى عنان اهى وجريت عليها

.. بنتى عنان

.. ماما


عنان مذهوله انها شافت امها وكان اخر حاجه تفكر فيها انها تشوفها صدفه وفين عند دجال وحاولت تهرب منها

.. رايحه فين يا بنت بطنى

.. بقولك سبينى انا مش عنان

.. عنان انتى ازاى كده مش كفايه سبتى خالتى ومشيتى يا شيخه حرام عليكى اتقى الله

.. اه بقى جينا للفلسفه والشغل اللى مش بيأكل عيش ده

.. كده يا بنت بطنى تهربى منى وتسبينى لوحدى

.. انتى عمرك ما هتفهمى حاجه انا تعبت من الفقر ومن شغله الكاشيره دى نفسى اعيش واتجوز زى البنات

.. تقومى تهربى منى يا بنت بطنى

.. كنت هرجعلك يا ماما بس حاجه تانيه عنان واحده تانيه غير عنان الفقيرة


.. انا عاوزه عنان بنتى اللى ربتها 22 سنه والكل يحلف بأخلاقها

عنان ارتبكت وقالت

.. يا ماما انا كويسه قدامك اهو

.. طيب يلا على بيتنا

.. لأ مش هينفع انا بشتغل عند ناس ومضيت على نفسى وصل امانه وبمبلغ كبير يرضيكى اتأذى دى فيها حبس

.. بتكذبى على امك اللى ربتك يا بنت خالتى وبعدين مالك بتتكلمى ببرود كده ولا كأنك عملتى حاجه وهربانه من امك وحارقه قلبها عليكى وكمان بجحه وبعدين انتى كنتى هنا بتعملى ايه على كلامك انك هتبقى غنيه وشكلك كده بتشتغلى شغلانه قرشها حلو جايه بقى عند الدجال ليه لو كلامك مظبوط


.. انتى هتحققى معايا يا أمل ولا ايه وانتى مالك وبعدين انتوا اللى بتعملوا ايه هنا

.. لا والله يا ست عنان احنا السبب واضح جايين هنا علشان فى واحده هربانه من امها وبندور عليها وقالبين الدنيا عليها وامها مقهوره وهتموت من الحزن إنما انتى اللى مش واضحه

.. خلاص يا أمل يلا يا عنان على بيتنا يا بنتى انا نفسى أكل لقمه ووحشنى الأكل معاكى والسكر عالى عليه من الزعل يا قلب امك يلا يا حبيبتى على بيتنا وهاتى رقم الناس اللى بتشتغلى معاهم وانا هتكلمم معاهم وهسد عنك يا نور عينى


- وعنان واقفه مكانها متسمره ولمحت تاكسى واقف وسابت ايد الام وزقتها وجريت وركبته وقالت اطلع بسرررعه

= وعنان سابت ايدها وجريت وحاولت تجرى وراها إنما مقدرتش من تعبها

.. يلا يا خالتى نروح على البيت

.. شوفتى عنان دى هربت منى تانى دى مش عاوزانى يا أمل 🥺

.. ولا تزعلى نفسك يا خالتى دى اخرتها وحشه

.. لأ اوعى تقولى عليها كده ربنا يحرسها ده انا مليش غيرها ويبعد عنها ولاد الحرام ويردها ليه ولحضنى

.. انا اسفه متزعليش منى بس لما شوفتها كان قلبها كله قساوة ومرحمتش زعلك ودموعك وخوفك عليها

تليفون امل رن وخدت نفسها وقفت بعيد ولما خلصت المكالمه رجعت


.. كنتى بتكلمى مين؟

.. كنت بكلم بابا يا خالتو وكان بيطمن علينا

.. ربنا يكملك بعقلك يا امل واشوفك احلى عروسه انتى وعنان ويردها ليه

.. ان شاء الله يا خالتوا ربنا يهديها

وعنان فى الطريق ولما وصلت الڤيلا دخلت وشافت الاولاد الأول وعرفت ان نرجس معاهم فى اوضتهم ودخلت المطبخ وشافت عبده وسألته على جلال رد وقالها انه لسه نايم وطلعت على اوضته ودخلت من غير ما تخبط وفتحت الشباك وشدت الستاره وقالت جلال بيه حضرتك مش، هتروح المكتب وقربت من السرير وهو نايم وقعدت جمبه وابتدت تلمس شعره علشان يصحى ولما حس بيها فاق وقال


.. صباح الخير يا عنان

.. قول مساء الخير دى الساعه 4 دلوقتى

.. معقول انا نمت كل ده

.. والغريبه يا جلال بيه ان مدام نوال مرجعتش وقالت فى سرها اه منك يا قتال القتله لازم تموت زى نوال ما ماتت

.. هى لسه مرجعتش معقول يمكن عند حد من معارفنا

.. وحضرتك متعود متسألش عليها 

.. انا تعبان وعندى مشاكل فى شغلى ونوال طول عمرها طبعها كده وبينى وما بينك يا عنان انا وهى زعلانين مع بعض 


.. بس انا شايفه حضرتك مش مهتم مع انك بتحبها اوى 

.. بحبها بقولك يا عنان ياريت تخلى عبده يعملى فطار وشاى بس تقيل 

.. حاضر بس انا هعملك الشاى بنفسى 

= ونزلت جرى على المطبخ وقالت لعبده يحضر الفطار ووقفت هى تعمل الشاى 

.. بتعملى ايه يا عنان 

.. بعمل الشاى جلال بيه طلبه منى بنفسه يا عم عبده

.. طيب خلصى بسرعه انا نفسى جهزت الفطار اهو

.. حاضر كلها دقيقتين ويخلص

وعبده خرج من المطبخ وعنان استغلت الفرصه وطلعت الورقه بتاعت الدجال وحطت كل اللى فيها فى الشاى وقلبته اوى


وحضرت صنيه وحطت عليها الفطار والشاى وخدته وطلعت على اوضه جلال واول لما طلعت

دخلت على جلال وقدمت الفطار

.. فين عبده ولا نرجس انتى شغلتك هنا الولاد وبس فاهمه

.. حاضر بس حبيت اخدم حضرتك بنفسى

.. متشكر اوى بس ياريت تخلى بالك من الأولاد دول امانه فى رقبتك

.. اتفضل الشاى

= وابتدى جلال يفطر ويشرب الشاى وهى خرجت بره الاوضه وواقفه بره على الباب وهو دخل البلكونه وبعد دقايق فتحت باب الاوضه ودخلت وقالت


.. جلال بيه حضرتك لسه متعرفش فين مدام نوال الاولاد بيسألوا عليها

جلال ماسك قلبه وطب ساكت على الأرض

انتظروني في الجزء الثامن بعد قليل ومستنيه رأيكم في التعليقات

رواية فيلا نوال الفصل الثامن (الأخير)

ج. 8#..والاخير
#ڤيلا_نوال
وطب ساكت على الأرض وقربت منه وقالت
الحمد لله انك موت بس المهم بقى ان محدش
يعرف حاجه زى ما ابوك قالى هههههه ده قتلك
بإيده وهو ميعرفش. انه بيقتل ابنه يا حرام
انا عرفت انك انت ونوال مقطوعين من شجره
وانت مالكش غير ابوك الدجال.
وانا هبلغ عنه علشان اخلص من قرفه
بس بعد ما اسرق كل الفلوس اللى فى الخزنه
واهرب من هنا وكده كده الوفاه طبيعيه ازمه قلبيه
يعنى محدش هيعرف حاجه وانا بقى هعيش هانم
زى نوال من اول ما شوفتها وكان نفسى
اعيش مكانها. وبصراحه انا الأول كنت طمعانه اتجوز جلال بس من يوم ما شوفت الخزنه وانا هتجنن
= وقامت وخرجت وقفلت باب الاوضه وراها وجلال مرمى ميت على الأرض.
ونزلت على الجنينه وفضلت مستنيه خبر جلال
.. بت يا نرجس، انا قلقانه على مدام نوال
من امبارح لحد دلوقتى مظهرتش
.. واللهمش عارفه يا عنان فى حاجه غلط
ده انا بسأل عم عبده بقولوا سألت السواق
قالى اوعى تفتحى بوقك بكلمه
عنان قالت فى سرها عبده خايف علشان
عارف ان جلال قتلها ولسه لما يعرف ان جلال مات
= وفجأه عبده خرج من البلكونه بيصوت ومنهار
جلال بيه مات جلال بيه مات
عنان ونرجس قاموا وهما مرعوبين وجريوا على
فوق ودخلوا الاوضه على جلال
ونرجس منهاره وعنان فى عنيها دموع التمسايح
تقتل القتيل وتمشى فى جنازته.
.. يادى المصيبه الراجل طب مات من الزعل على مراته
الظاهر كده يا عنان
.. يلا يا بت منك ليها انا طلبت الدكتور وجاى فى
الطريق
.. حاضر يا عم عبده
=والاتنين نزلوا والدموع مغرقاهم
وبعد دقايق الدكتور وصل وطلع كشف على جلال
وقال إن الوفاه طبيعيه.
وعنان عرفت ان الوفاه طبيعيه وقالت الحمد لله انا طلعت منها زى الشعره من العجينه ولا كأنى عملت حاجه
= وعبده اتصل بالمحامى وقاله على خبر وفاه جلال وقفل معاه..
عنان مذهوله وقربت من عبده وقالت محامى ايه اللى انت اتصلت بيه يا عم عبده هو مش جلال بيه كان محامى مدام نوال؟!
رد ب ارتباك وكأنه مش متوقع السؤال وقال جلال بيه مات يا بنتى وكان فى شويه مشاكل انتى
متعرفيش عنها حاجه بينه وبين ست نوال ربنا يرجعها بالسلامه لبيتها وده المحامى بتاعها وبتاع
العيله جلال بيه كان محامى لنفسه ولشغله وبس فهمتى..
عنان قالت فى سرها اه يا عبده يا نصاب يا كداب
يا ضلالى! ما السواق قالك انه قتلها اكيد مخبى
بقى ودماغك فيها نيه يأما خايف على نفسك.
= وبعد وقت قصير المحامى وصل وعنان
واقفه بتراقب كل اللى بيحصل
وعبده طلب من المحامى انه يقوم بالأجراءات كلها
لانه عارف ان جلال ونوال ملهمش حد.
وكل قرايب نوال خارج البلد.
= رد المحامى وقال وعينه فى عين كل الموجودين انا اعرف ان جلال ابوه موجود هو فين؟
. عنان قالت فى سرها يا مصيبتى ده لو جه هيعرف انى موت ابنه وهروح فى داهيه
رد عبده وقال للمحامى ابو جلال بيه كان عامل معاه مشاكل ومش ضرورى يعرف
رد المحامى وقال ازاى ابوه موجود وميعرفش
عموما خلاص يا عبده انا هقوم بكل الإجراءات بس فين نوال؟!
عبده ارتبك وقال مدام نوال مسافره فى شغل وانت عارف إكرام الميت دفنه..
. وعنان واقفه ومتفرجه ومستنيه دفنه جلال
. وفى اليوم التالى وكانت الساعه التاسعه صباحًا
وكانت الإجراءات خلصت كلها وتم غسل جلال
والدكتور أكد ان الوفاه نتيجه هبوط مفاجأ أدى لازمه قلبيه وعنان مطمنه على الأخر.
. وخرجت جنازه جلال..
.. بت يا نرجس هو جلال ده كان مكروه ولا ايه فى حاجه غريبه ده مفيش حد فى دفنته.
.. اه يا عنان أصله ملهوش امان ومش انا قولتلك
قبل كده انه سرق نوال هانم يا بت الكل عامل ليها
خاطر وياعينى عليها هى كمان مرجعتش ويا ترى حصلها ايه.؟!
.
ولما ترجع وتعرف هتعمل ايه؟!
عنان قالت فى سرها.
مش لما ترجع اهم الاتنين حصلوا بعض.
. وخرجت دفنت جلال فى صمت والمحامى وعبده وكام حد من مكتبه وراحوا يدفنوه وعنان مستغربه ان الجنازه مفيهاش حد؟!!
.. واحنا بقى يا نرجس ايه نظامنا
.. لما يرجع عبده والمحامى هنعرف كل حاجه
. وبعد ساعه عبده رجع ومعاه المحامى.
.. والمحامى قال يا عبده كان لازم ابو الاستاذ جلال يكون موجود
.. يا استاذ انا معرفش طريقه وبعدين
ده راجل مش مظبوط وحضرتك عارف!
.. بس لازم يعرف ان ابنه مات يا عبده
.. يا استاذ شوف حضرتك هتعمل ايه واتصرف
.. خلاص يا عبده انا هتصرف واعرف مكانه
= ومسك تليفونه وعينه فى عين عنان واتصل بحد معرفه وعرف طريقه.
. وعنان قالت يا نهار اسود ده لو جه وشافنى
هيعرف انى قتلت ابنه وهتبقى مصيبه!.
انا لازم اتصرف واسرق الخزنه واهرب فى اقررب وقت.
= والساعه كانت 7 بالليل وابتدوا ياخدوا عزاء جلال
. وعنان قالت بس عبده مقالش للمحامى ان جلال
الصفحة الرئيسية اتصل بنا اتفاقية الاستخدام من نحن سياسة الخصوصيه
كوكى سامح _ كاتبه روا...
قتل نوال بس اكيد خايف لا يلبسها ما هو مات
واستغلت انشغالهم فى العزاء ودخلت اوضتها
وجابت شنطه وراحت على اوضه المكتب
ودخلت وقفلتها عليها وقربت من الخزنه
ومسكتها ودخلت الباسورد عيد ميلاد هيا والخزنه اتفتحت
بسهوله وفتحت الشنطه وخدت الفلوس كلها وورق جلال ونوال وكمان دهب نوال
وقفلت الخزنه وقفلت شنطتها
. وقالت لازم أمشى دلوقتى ودخلت اوضتها وخرجت من الباب التانى من الڤيلا.
. وفجأه ايد مسكتها وبصت وراها وشافت نوال وجلال
.. وقالت ايه ده انتم عفاريت
.. مرتاحه كده ومبسوطه يا عنان
.. انتم مين.!؟
.. انا نوال يا عنان إللى فتحت بيتها ليكى وسابت ولادها امانه فى ايدك.
.. وانا جلال يا عنان اللى من اول ما شافك مكانش مرتاح لوجودك بس
للأسف نوال اطيب حد هتقابليه فى حياتك.
وخرج عبده ونرجس والسواق والمحامى ومجدى البادى جارد ووقفوا حوالين عنان.
=وعنان سابت الشنطه ومذهوله وقالت ايه
ده الحق يا عم عبده الحقى يا نرجس يا مجدى يا حماده.
عفاريت نوال وجلال!!
.. دول مش عفاريت يا بنتى دى الست نوال وجلال بيه
.. عم عبده جلال بيه مات وادفن وانا سمعت
حماده السواق بيقولك جلال قتل نوال صح صح
وابتدت تنهار وتستوعب انهم عايشين وخصوصًا لما أمل وامها ظهروا..
.. كده يا عنان دى اخره تربيتى فيكى يا بنتى ده انا شقيت علشانك
.. كده يا بنت خالتى ربنا يسامحك
.. جلال قرب وقال عارفه انا كنت ناوى احبسك
من يوم ما عبده اتصل بيه وقالى انه شافك
بتحطى حاجه فى أكل الاولاد وسألنى يعمل ايه
عنان بعدت وقالت انا معملتش حاجه معملتش حاجه وبتنهار وبتصرخ
والام قالت وهى منهاره ابوس جزمتك متأذيش بنتى دى لسه عيله وطايشه يا استاذ ��
. جلال قرب منها وقال عملتى حطيتى لأولادى
حبوب منع الحمل وكنتى عاوزه تموتيهم
صح يا عنان.
.. لما عبده اتصل بيه قولتلوا اتصرف طبيعى وقول ان القطه وقعت الأكل
وكمان علشان متحسيش بقلق وتأذى ولادى
وهنا حسمت الأمر انا كنت من الاول مش مرتاح ليكى.
. واتفقنا على اللعبه دى ونوال رجعت البيت وهى بتمثل ان فى حاجه وشافت بواقى اكل الولاد
وبعتته معمل دكتور واحد معرفه وقال إن الاكل
فى حبوب منع الحمل بتاعتها..
. ومن هنا صدقت كلامى وعرفت انك خاينه!
وابتدت تمثل ونزلت من هنا وهى منهاره وشكلها
قلقان ومرجعتش البيت!؟
واتفقت مع حماده السواق يقول ويكون متعمد انك سامعه انى قتلت نوال
علشان الجو يخلالك. وطبعا انا كل ده مش عارف انتى عاوزه ايه مننا بالظبط وعاوزه تموتى ولادى ليه؟!.
. وخدت نوال وروحنا ل مها وبالالحاح والتهديد قالت
لينا على مكانك وانك مش يتيمه.! ؟
. وطبعا ده بعد ما اتأكدنا انك عاوزه تموتى الاولاد لأن كان لازم نوال تصدق لأنها للأسف كانت
مصدقه طيبتك وتمثيلك وانا من مهنتى بشك فى صوابع ايدى وطلع شكى فى محله.
ولما روحنا بيتكم كانت امل هناك وطلبت مننا
ان مامتك متعرفش حاجه.
.. رددت عنان وقالت وانت ملاك يا ابن الدجال يا حرامى قربت نرجس وقالت.
كله كدب يا عنان وأى كلمه قولتها كان جلال
بيه هو اللى قايل اققولها ليكى علشان نعرف
نواياكى فيها ايه من اول سرقته
لمدام نوال لأبوه الدجال!
.. ردت عنان وقالت ب استغراب وذهول وانهيار يعنى ابوه مش دجال
.. لأ يا عنان ابو جلال متوفى من زمان إنما ده عمه هو فعلا شيخ وبيفهم واتفقنا معاه على كل حاجة.
ودخلت عليكى علشان تروحى لحد عنده
ونعرف انتى عاوزه ايه وطلعتى واطيه
وعاوزه تقتلى جلال بيه!
عنان مش عارفه تعمل ايه وبصت لأمل بنت خالتها وقالت.
حتى انتى كمان متفقه معاهم عليه؟!
وأمل قربت منها وقالت اه متفقه
علشان مصلحتك يا بنت خالتى كنتى
هتروحى فى داهيه؟
بس بصراحه استاذ جلال ومدام نوال وطلعوا ناس بيفهموا فى الأصول.
مع ان استاذ جلال كان عاوز يحبسك
إنما مدام نوال قالت كفايه عليكى تاخدى الدرس
..يعنى حكايه ملكه هانم غلط يا نرجس؟!
..نوال قربت من عنان وقالت ملكه هانم ماما دى
الحاجه الوحيده الصح
ده اللى خلانى مأذكيش رغم انك كنتى
هتأذى ولادى!
ماما ربتنى على الخير وحب الناس
وكانت دايما بتقولى اساعد المحتاج
عارفه ليه علشان ربنا بيقرب لنا اكتر وبيعرف
قلوبنا ويبعد عنا الشر والمؤذى وغير ان قدرك بيترفع عند ربنا
وكمان بيرفع عنا بلاء الدنيا
. عارفه يا عنان
اليوم اللى كنتى بتحطى حبوب منع الحمل لأولادى
وكنت عاوزه أطفال بريئه تموت.
انا كنت بساعد غيرى وربنا كرمنى وحماهم منك
وزعقت وقالت انا عملت فيكى ايه.!!
وولادى عملوا فيكى ايه انا كل لما افتكر ان
حياتى كانت هتتدمر بسببك.
ببقى نفسى اخد حقى منك واموتك بإيدى بس اللى قلبه ابيض واتربى على الخير عمره ما يإذى
اى حد لأنه فوض أمره لربنا وضربه ربنا أقوى يا عنان ..
. وكمان علشان ربنا وخاطر امك الست الغلبانه دى
انا هسكت ومش هقولك غير كلمه واحده
ربنا يبعد عنك شيطانك..
..عنان بصت لها وقالت وهى بتعيط سامحينى
يا مدام نوال انا عارفه انى غلطانه
انا فعلا الشيطان لعب بيه
ارجوكى سامحينى
والام قالت حقك على راسنا يا مدام انا بنتى لسه عيله
وحيات ولادك سامحيها
نوال قالت وهى مبتسمه انا سامحتها لوجهالله
انا كان ممكن احبسها بس علشان خاطرك انتى
لأنى حسيت انك فيكى من امى وانا كنت وحيده امى زيها.
وقالت ب استغراب فى سؤال يا عنان انتى عرفتى باسورد الخزنه منين؟
.. عرفته من حضرتك لما كنتى بتتكلمى مع جلال بيه وبتقولى انك غيرتى باسورد الخزنه من اسم
آسر لأسم هيا ولما تولدى هتعمليه بأسم المولود الجديد
.. بس الكلام ده كان فى اوضتنا انا فاكره كويس
.. ما انا كنت بتسنط عليكوا بجد اسفه
. وبصت للڤيلا وقالت كل ده علشان الفلوس
ياريت كانت بتنفع ياما ناس معاهم مال ميتعدش
وماتوا وسابوه.
وناس معاها فلوس ومحرومه من نعم كتير
الخلفه والصحه!.
والفلوس مش عامله حاجه معاهم
ياريت الفلوس كانت كل حاجه
وبصت لعنان وقالت خودى ده انا عرفت من مها
انك بتعرفى تعملى شعر وميك اب ده شيك بمبلغ
ابتدى بيه حياتك واعملى كوافير واشتغلى وعاوزه اشوفك بعد ما تكونى ناجحه وخلى
بالك النجاح مش سهل صفى نيتك علشان ربنا يباركلك
عنان حضنتها وهى بتعيط وقالت
معقول فى حد طيب فى الزمن؟! ده انا بجد اسفه
اسفه
ومشيت عنان وخرجت من الڤيلا وهى واخده درس وكأنه علقه موت
ونوال خدت جلال وركبت عرببتها وراحت قبر
امها ملكه ودخلت لوحدها وفضلت تعيط
وتقول انا عمرى ما نسيت كلامك ليه
يا ماما لحد ما اقابلك فى الجنه على الخير
اللى ربتينى عليه حفظ ولادى من شر خلقه
وربنا معايا فى كل وقت وبصت للسما وقالت يارب نور بصيرتى فى كل حياتى
وعدت ايام وشهور وعنان صرفت الشيك وفتحت
كوافير وخدت دروس فى الميك اب اكتر
لحد ما اتعلمت كل كبيره وصغيره فيه
و الكوافير اشتغل وبقى يكسب كويس وعاشت من الحلال واتعلمت الدرس ��
وابتدت تحس بالمسؤولية اتجاه امها وتعاملها بما يرضىاللهواللى يرضى ربنا واتغريت تمامًا
وفى يوم راحت لحد الڤيلا بس المره
دى كانت عنان واحده تانيه متغيره من جوه قبل بره ��
ودخلت الڤيلا وكانت نوال قاعده ومعاها بيبى صغير
.. ازيك يا مدام انا عنان
.. اهلا يا عنان كويس انك لسه فاكرانى
مقدرش انسى حضرتك وفضلك عليه
ومقدرش انسى الڤيلا دى ڤيلا نوال
اللى اتعلمت منها اللى متعلمتهوش فى المدارس
انا قررت يكون عندى ڤيلا وتكون اسمها ڤيلا عنان
وقامت نوال وبصت للڤيلا وقالت:
ڤيلا نوال هتفضل مفتوحه للفقير قبل الغنى
والصغير قبل الكبيراللهيرحمك يا ماما
وحضنت عنان من قلبها..
وعنان طلعت الفلوس وقالت لها دى فلوسك يا مدام نوال
خلاص يا عنان دول ليكى
. بس ده حقك يا مدام وكمان الحمد لله انا بكسب
كويس وبعمل جمعيات وكمان بجهز نفسى خليهم لحد محتاج
.. خلاص يا عنان شوفى انتى حد محتاج واتصرفى فيهم انا واثقه فيكى.
رددت وقالت حاضر وفى خبر حلو انا هتخطب وان شاءاللهحضرتك واستاذ جلال اول المعزومين
..اه طبعا يا عنان ربنا يكملك على خير
واستأذنت عنان ومشيت وهى مبسوطه وطايره من الفرحه
. ودخل جلال وقال ايه ده هى عنان بتعمل ايه هنا؟!
مش كفايه اللى حصل
.. كانت بترجع الفلوس يا حبيبى
..اه بس انا مش شايف فلوس
. ومسكت جلال من ايده وقالت انا اعتبرتهم تجاره معاللهعز وجل شوف بقى لما تتاجر معالله ��
.. انا مش هقدر اتكلم ربنا يبارك فى ولادنا ويخليكى ليه يا أطيب نوال.
. ونوال فضلت تبص لجدران الڤيلا وتعيط
وتقول ڤيلا نوال هتفضل ڤيلا نوال للخير وبس
ورجعت قعدت مع ولادها وجلال هى فرحانه
ومبسوطه بعنان وانها ساعدت فى تغيرها للاحسن وخلصت القصه ��
ُهَتْعُبُدوَن
ِيا
ْن ُكْنُتْم إ
ِ
ي َها الِذيَن آَمُنوا ُكُلوا ِم ْن َطيَبا ِت َماَرَزْقَنا ُك ْم َوا ْش ُكرُ وا ِللِه إ
﴿ َيا أَ
صدقاللهالعظيم ��
الرضا ثم الرضا هو نعمه من نعماللهعز وجل كل
لما ترضى بحالك ورزقك ربنا بيرضى عنك
ويباركلك فى عيشتك وفى حياتك وفى ولادك
اوعى تبص لغيرك وتقول ده غنى وانا فقير
انت متعرفش ربنا واخد منه ايه وانت ربنا مديك قصاده ايه؟
ربك عادل وخلقنا درجات ��
اوعى تستخسر تعمل الخير �� ممكن الخير ده
حتى لو كان بسيط يساعد غيرك ويغيره للأحسن
خليكم السبب فى شهقه فرحة فقير وكانت عند
ربنا عظيمه الشهقه دى هتفرحك وهتبعد عنك شر خلقه
اتقوااللهفى شغلكم علشان ربنا يبارك لكم عمر
الحرام والسرقة كانت سبيل للغنى بل بلعكس آخرها خسره وندامه
ربنا يسعدكم ويصلح حالكم ويبعد عنكم كل شر
منتظره منكم تعليقاتكم الجميله



باقي حلقات الرواية متوفره بشكل حصري على مدونة يوتوبيا
يجب كتابة تعليق كي تظهر لك الآن
اكتب رأيك في الفصول المنشوره من الرواية في تعليق كي تظهر لك باقي الفصول


تعليقات



حجم الخط
+
16
-
تباعد السطور
+
2
-