القائمة الرئيسية

الصفحات

رواية أدوار وهمية 8 الفصل الثامن بقلم زهرة الهضاب

 رواية ادوار وهمية الجزء الثامن كامل



رواية ادوار وهمية الحلقة الثامنة البارت 8

عواطف:قتلك نبيك تمشي معاي ياسعاد غضوا
سعاد:وين على خير ؟؟
عواطف:بنمشي نشوف بنت علي لي ولدي بدر
مروه:شافتلهم بصدمه وفقدت شعورها لما طاحت سفرة القهوا تااااامه من بين يديها تناثرت القهوا في كل مكان وكل الماعين يلي كانت ماسكتهم تكسرو وتناثر المرش في اماكن متفرقه ع الارض
نخلعت عواطف وسعاد من صوت التكسير ووقفو الاثنين وهما يشوفو لي مروه مش فاهمين خيرها !
سعاد:بسم الله خيرك يا بنت شن جاك !
مروه:حطت يدها على راسها ....حاسه روحي دايخه
عواطف:بسم الله عليك تعالي قعمزي ....ووقفت جنبها سندتها هيا وسعاد لين وصلت لي للصالون
نورهان:خشت لي الدار مخلوعه هيا ولمياء
لمياء:شن صاااار 😳😳
عواطف:سلفتك داخت بري نورهان سلم بنتي جيبي اميه وحطي فيها شوية سكر امشي
نورهان:به حاضر هي ....ومشت
لمياء:جابت المكنسه وقعدت تكنس وتلم في المرش
مروه:يديها يرجفو وعقلها مش مستوعب ....يديرها بدر ويخطب !!؟
نورهان:تفضلي مروه
مروه:شربت من الكاس وهيا حابسه دموعها بسيف متبيش تبكي قدامهم
لمياء:مروه ولدك يعيط
مروه:بصوت تاعب....اي جعان خلي انوض
عواطف:ارتاحي وردي بالك ترضعي ولدك وانتي هكي
مروه:هزت راسها بمعنى تمام وطلعت
عواطف:قربت على سعاد وهيا مبتسمه....زعمى مش الثالث في الطريق؟😂
سعاد؛اللطف ياربي حتى الاخير مش فاطماته ريحيني
عواطف:تضحك على رد فعل سعاد
___________________________________
فاطمه:نحلف منخليكش تتهنى معاها انور !!
حسسني اني مرتك ع الاقل
انور:مريضه انتي بعدي
فاطمه:مسكت فيه وانور دفها
جي بيطلع بس استغرب فاطمه محكتش ولا لحقاته
تلفت عشان يشوف راسها جاي ع حاشية الدرجه وغارقه في دمها 💔
قعد واقف فتره مصدوم من هول المنضر يلي قدامه !!💔...يشوف لي الدم يلي يجري شاق طريقه ع الارض من راس فاطمه
كل تفكيره ان فاطمه ماتت وهوا السبب؟؟؟
كان جسمه في حالة جمود وذهول !
عياط صوت بنت فاطمه بصوت عالي هوا يلي فيقه وخلاه ينتبه ع المصيبه يلي قدامه وان هاذي حقيقه ميحلمش !!
بلع ريقه وقرب بسرعه عليها وجسمه كله يرجف
حط يده على رقبتها وتنهد بي ارتياح لما لقي النبض ❤️
قامها وطلعها من الشقه وسط بكي بنتها والدم يلي يقطر وراه
حطها في السياره ورجع لي الشقه حوايجه كلهم دم مش عارف كيف يتصرف!!؟
يدير باله ع بنت فاطمه ولا يسعف فاطمه ؟؟؟؟
قرب ع البنت يلي كان وجها احمممممر من العياط ع طول رقبتها
مسكها لي اول مره وحاس انه قلبه بيطيح ...ركب لي عائشه بدون ما يحس كأن في الدنيا كلها مفيش ملجأ غيرها ❤️
طق ع الباب فتحتله وكانت مصدومه في منضره
وقبل ما تنطق اي شي سبقها هوا !!
انور:بصوت خايف ...ديري بالك عليها لين نجي متسألينيش على ولا شي توا
عائشه :خدت منه البنت وهيا مش فاهمه منه ولا حاجه!!
في الحضه لقت نفسها ماسكه بيبي عمره مكملش شهر يبكي وانور نازل بسرعة البرق وحوايجه كلهم دم 💔
_______________________________________
ريماس:كملت كلامها رغم بكاها يلي يمنع فيها مره مره وهيا تذكر في تفاصيل الاعتداء عليها
وليد مدارش ولا اي ردة فعل غير انه يشوف للارض ويسمع وبس
ريماس:وهاذا يلي صار ....ملياش ذنب في شي
مقدرتش نحكي لي عيلتي بابا صحته ع قده لو عرف يومها احتمال ينجلط ويموت خوتي معش يقدرو يقابلو الناس ....مسحت دموعها وكملت كلام
انا مش طالبه منك لا تستر عليا ولا اي شي
بس حبيت نوضحلك سبب رفضي باش خلاص تبطل تتقدملي وانا نرفض حتى عشان شكلك قدام الناس ....وان شاء الله تكون راجل ومتحكيش لي حد
وليد:خدي نفس وهوا يشوف للارض
كانت نقرة حواجبه وهوا يشوف للارض بتموت ريماس من الخوف 💔
ساد الصمت لمده ...مفيش غير صوت شهقات العبره من فم ريماس
ريماس:وقفت وهيا ادخل في شعرها وتساوي في الوشاح
عطاته بضهر وبتطلع من الغرفه بس وقفها صوت وليد وهوا يقول
وليد:يناسبك العرس شهر 2؟
ريماس:وقفت وهيا مش فاهمه الجمله يلي قالها !!
تلفتت تشوفله ....نعم؟
وليد:انا مستعجل ونبي نعرس حتى لو في الشتاء ميهمنيش بس نسأل فيك مرات حابه العرس يكون في الصيف
ريماس:عيونها حمر وملامح وجها واضح تحاول تستوعب ......عرس منو ؟
وليد:عرسنا ....لو حابه تصلي استخاره قبل مش مشكله نراجيك انا صليتها قبل منجي وحاس روحي متريح
ريماس:رمشت عيونها بسرعه وهيا تحاول تستوعب ....انت فهمت يلي حكيته قبل شويه ؟
وليد:محكيتي شي ومسمعت شي ولا صار شي
في حاجات اهم لازم نحكو فيها توا
ريماس:تشوفله مصدومه
وليد:واضح من نضراتك يعني تبي تفكري!!
خودي وقتك
ريماس:هزت راسها بصدمه وطلعت كأنها تحاول تساير عقلها عشان تفهم بشويه
____________________________________
رواد :واقف في الدرج المتحرك يفصل في كل بنت قدامه او تفوت من جنبه
كانت نضراته وحركاته تقتل 💔🔥
اي بتنجذب لي حركات ونضرات زي هكي 🤤
بس كان فيه شخص يراقب من تحت الخيمار وهوا بيهبل 😂
ريم:بعد نروحو البسه العفن هاذا 4دقايق وحس بي الشعور يلي حاسه بيه توا
رواد:يمضغ في المستكه ولاهي في تالفونه....ضمي فمك خير منروح بيك
ريم:حطت سنونها ع بعض بغلللل....وربي لما تشوف وررررربي🔥🔥🔥🔥
رواد:طلع من الدرج المتحرك وريم وراه بس عثرت في الدرجه يلي قدامها لانها متشوفش كويس زركت قبل ما اطيح وانتبهولها الناس
تلقاها رواد مسكها 😂❤️
رواد:حتى خطوات زي الناس مش قادره تمشي؟؟
ريم:من اللثام هوا يلي ملبسهولي الله لا تربحك
رواد:قرب عليها يساويلها في فتحات الخيمار متع العيون ....سمعو كلام البنات يلي وراهم لانه كان واضح
البنت:شووووفي شوووفي ياحليلي يساويلها في الخيمار تجنن اللقطه 😭😭
صاحبتها؛خذت رشفه من العصير .....والله مافي حاجه تجنن الا هوا 🥺❤️
ريم:تساوي في شنطتها ....مسهل خداع الناس بي المضاهر
رواد:خبطها ع راسها بي خفه...فوتي واسكتي قدامي
ريم:مشت قدامه بس سمعاته لما قال
رواد:العناد في اللبس والعار يلي درتيه مع المرحوم كله بنربيك عليه
وقفت ريم ولتفتت......كنت عايش معانا ؟
رواد:نفخ الدخان ....خودي شن تبي بسرعه لاني عندي خدمه بنطلع
ريم:اوكي عارفه خواتك متنبلش فوله في فمهم
بس يلي مش فاهماته امتى لحقو يعاودولك كل شي هكي!!
رواد:لوح الدخان وعفس عليه ...مسكها من يدها وجبدها وهيا وراه .....واضح انك متفهميش بي الكلام
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
فاطمه:فتحت عيونها واول شخص شفاته كان اسماء بنت عمها ومخزن اسرارها ❤️
نطقت بصوت تااااعب....سومه ؟
اسماء:قامت عيونها من التالفون وقربت عليها بلهفه....الحمد الله ع السلامه
كيف صار الموقف !!؟
فاطمه:حاطه يدها ع راسها ....استني خليني ناخد نفس وين انا
اسماء:وين تشوفي في روحك يعني بطلي استغباء وحركات مسلسلات يا فاطمه
شن صار باش دار هكي !؟
فاطمه:اااااه ولاشي استفزيته بي الكلام
اسماء:حطت يدها ع قلبها ....وووه قلبي بيوقف
نسحابه سمع شي
فاطمه:ريحيني من دوتك هيا ...بنتي وين
اسماء:منعلمش ممكن انور مخليها لي امه
فاطمه:الحمد الله يلي صار الموقف هوا خليه يحس بي الذنب هكي ع الاقل يقعد معاي شويه وتقعد هذيك الكلبه بروحها
اسماء:بسم الله شن ريتي منها البنت قاعدين حتى متلاقيتوش
فاطمه:صحصحت وقعمزت ع السرير ....اسماء لازم نحافظ على انور بي اي طريقه
خداها خطيبته ونبي نخطفه منها بي اي طريقه لاززززم
اسماء:فاطمه ياسرك....انسترتي ولا !؟
خلاص حرام خلي الولد يعيش حياته
فاطمه:اسماء؟؟؟؟
اسماء:اوكي خلاص ....فهميني كيف شن تبي اديري بزبط
فاطمه :حطت راسها ع المخده وتشوف لي السقف ....مزال مش عارفه كيف نخش قلبه بس اكيد رح نقدر
اسماء:الله يستر وبس
______________________________________
ربيعه:شن صار ؟؟؟
ريماس:في شنو ؟
رييعه :شنو في شنو ؟؟في الولد مش طلعتيله !؟
متقوليليش بترفضي زي كل مره
ريماس:سرحت وهيا تذكر لي كلام وليد
وليد:محكيتي شي ومسمعت شي ولا صار شي
في حاجات اهم لازم نحكو فيها توا يلي هوا العرس وموعده !
ربيعه:الوووو؟؟
ريماس:نخلعت....ها امي
ربيعه:شن صار
ريماس:انا مبدئيا عاجبني بس نبي نزيد نصلي استخاره
ربيعه:تنهدت بي ارتياح ....اخيراااا
ريماس:انا قلت بنزيد نصلي مش موافقه !
ربيعه:موافقه من وجهك بلا خزعلبات متع بنات
ريماس:ابتسمت وهيا ساكته ....كان داخلها هلبا حاجاات ❤️
متبيش تبني احلام ويطلع يضحك عليها !
منو يرضى بي بنت مسها غيره حتى لو كان اعتداء وغصب عليها !
موضوع زي هادا يبي هلبااااا تفكير وصعب تاخد قرار في دقايق
______________________________________
ريم:تشوف لي البيتزا يلي قدامها من تحت الخيمار .....توا انا كيف بناكل؟
رواد:فمه معبي ....دخلي يدك من تحت الخيمار مش حاجه صعبه هيا
ريم:اتكت ع الكرسي وربعت يديها ...مش جعانه اصلا عادي
رواد:يمضغ انتي الخاسره
ريم:تشوف للاكياس يلي شرتهم .... هيا بنروح
رواد:بتروحي !!؟
ع اساس موتيه غدي يعني ؟
ريم:تسمسم بسررررعه به هيااا
رواد:خدي رشفه من العصير
فرحانه عاد مش طايقك صبر تبي تقري الوهم يلي شريتيه
ريم :اسمهم كتابات
رواد:به شكرا ع المعلومه .....ومسح فمه
نوضي وانتي وقفتيه في الرقبه
ريم:خذت اكياسها ....به شد معاي حتى كيسه ع الاقل
رواد:يساوي في شعره....هما مشتريات مني ؟
ريم:قلبت عيونها بملل....مشترياتي
رواد:ومدامهم ليك علاش بنشدهم ؟🙂
ريم:هيا مساعده يعني
رواد:خودي القرف يلي شارتيه وتحركي قدامي
ريم:خدت اكياسها وهيا متكنطيه وفاتت قدامه
رواد:لاهي في التالفون ومشافهاش وهيا متبهدله
بي عبايتها الطويله عليها وخيمارها يلي مش متعوده عليه ومتشوف في شي بسببه لين جت طايحه قدام الناس والكيسات طاحو منها وتفرعسو
يلي يشوفلها ويضحك ويلي دار روحه مشافش ويلي قرب يبي يساعد ....كان موقف بايخ بكل معنى الكلمه
ريم:زي العاده مكانش هامها الناس لو شافوها او لا ؟
لو ضحكو او لا ؟؟
حكو عليها او لا؟؟
ناضت نفضت عبايتها ومست بدون ما تفيم اكياسها
رواد:كاتم ضحكته....هي هي حجاتك
ريم:تلفتت وهيا قايمه حاجبها من تحت الخيمار ....هاذم الحاجات بي فلوس منو؟
رواد:رد عليها وهوا مش فاهم....بي فلوسي !
ريم:خلاص ....معناها لو خليتهم وطلعت مش رح يوجعوني ....وطلعت
رواد:سكر تالفونه وحطه في جيبه.....ااااه يا بنت الكلب !
مسك الكيسات وطلع وراها
اما ريم لما شافاته جاي من بعيد وماسك البضاعه ابتسمت من تحت الخيمار ابتسامة نصر 💪🏻
_______________________________________
انور:قعمز على السرير وهوا يتنهد بي ارتياح مش قادر يصدق ان فاطمه كويس !
طلع من القصه هاذي على خير
عائشه:متبيش تغير حوايجك؟؟
انور:شافلهاوكان واضح على ملامحها مضايقه ....وين البنت؟
عائشه:نزلت جبتلها شيشتهل رضعتها ورقدت
انور:كيف عرفتي اديريها؟
عائشه:مش حاجه صعبه عندي صغار اخت ولا نسيت ؟؟
انور:حرجانه؟
عائشه:شافتله بنضرات حاده...شن كنت ادير عندها انور؟
انور:امس لما بنفتحلها الباب نسيت تالفوني
جيت طالع قتلي تعال نسيته
عائشه:تشوفله وتهز في رجلها.....به ؟؟؟؟كمل
انور:استفزتني بي الكلام و ....د دفيتها بدون قصد
عائشه؛سكتت وطلعت من الغرفه للمطبخ
لحقها انور وهوا يراقب فيها تغسل في شيشة البنت وساكته
انور:بتقعدي ساكته ؟؟
عائشه:معندي ما نقول
انور:اسف💔
عائشه:تلفتت....على شنو ؟
انور:منعرفش منعرفش حسيت اني فسدت الصباحيه متاعنا انا كنت نازل بنجيب الفطور منبيش انوضك و ....منعرفش شن صار
عائشه:يلي صار انها خربت عليا دخولي وصباحيتي
هاذا يلي صار
انور:خدي نفس وهوا مضايق
عائشه:شافتله بنضرة خوف....مش مرتاحتلها انا يا انور واحلا لحضات حياتي يلي مقروض نعيشها بي الحرف ضاعت
انور:قدم عليها وباسها من راسها ❤️....اسف
اسف صدقيني رح نعوضك
عائشه:خدت نفس وشافت لي البيبي يلي راقد قدامها ...برا بدل حوايجك وتعال تعشى
انور:باسها مره تانيه ومشي للحمام وهوا حاس بي ذنب كبيييييير
__________________________________
الساعه 9 في الليل:-
مروه:عيونها يلمعو
كانت لمعة حب ولمعة دموعها في نفس الوقت!....مسكت بدر من جاكيته بي يديها الاثنين وصوتها مخنوق
تكلممممم تكللللم قولي صح ولا غلط يلي قلاته امك
بدر:مسك يديها ونزلهم بس قعد ماسكهم ❤️
انتي عارفه ان عرس خوي باسم قريب !
امي الايام هيا مفكره تحشيني معاه
مروه:عرس باسم؟؟؟باسم عرسه مزال عليه اسبوعين بدر!!!!!!!!
اسبوعين بس!
بدر:حوشي واتي مروه
مروه:معش قدرت تتحكم ونزلو دموعها ....حوش شنو بدر ركز !!
انت فاهم شن قاعد تقول ؟؟؟
بتتزوج انت !
بدر:بلع ريقه ....انا شنو نقول؟
انا شنو نقووووول مروه متزوجه وكل يوم جنبه
مروه:انهارت وضرباته كف.....انت عاااااارف ان من يوم حبيته معش خليته يقربني 💔
بدر:مسكها من رقبتها وقرب عليها 💔....اليوم قريب نسكر سنه وانا نقولك اطلقي
مروه:دفاته....منقدرش💔💔💔منقدرررررش لو كنت نقدر مش رح نخليك لين تطلبه طلب زي هاذا
بدر:قام راسه وهوا يتنهد ويشوف لي النجوم مكانش في صوت غير صوت مروه وبكاها جنبه
بدر:شبحلها....مروه
مروه:حاطه يديها على عيونها وتبكي بحرررقه
بدر:خدي نفس.....اهدي باش نعرفو نحكو
مروه:استمرت في البكي بدون ما ترد عليه
بدر:قرب بيحضنها
مروه:دفاته من قبل ما يوصل فيها ....بتحبها ؟؟؟
بدر:تنهد بقلة حيله ع الاسئله يلي معنداش اجوبه عليها
مروه:مسحت عيونها....تعرف !
صوتها انقطع بس استجمعت قوتها.....صح !
مفروض تتزوج مستحيل تقعد هكي طول عمرك وانت مليكش مستقبل معاي
بدر:حضنها.....الكلام هوا منحبش نسمعه مروه اسكتي
مروه:بادلاته الحضن بقوووه❤️❤️....مستحيل تحبها زيني صح ؟؟
بدر:مستحيل ❤️
مشهد زي هاذا اي حد يشوفه قلبه رح يسخف عليهم
ويقول شنو الضروف يلي منعتهم عشان ميكونوش لي بعض !
بس المشهد هاذا كان اكبر حرام لما تكون متزوجه وبي صغارها 💔💔
على منو مفروض نلومو !؟؟
ع بدر يلي قرب منها وهوا عارف كويس انها متزوجه وبي صغارها ؟؟
ولا ع مروه يلي سمحت لي نفسها انها تخون راجلها مع ولد خالته !(بدر)
ولا على ايمن يلي كان مقصر مع مرته مش في قلوس او حاجات ماديه !!
كان مقصر في مشاعر معاها !!
مروه كانت صغيره ومحتاجه حاجات زي هكي !
محدش يقدر يبرر خيانه زي هاذي ولا عارفين نلومو على اي واحد فيهم بزبط ؟؟؟
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
بعد مرور اسبوعين ❤️❤️
في الاسبوعين هادو صارو هلبا حاجات ❤️
ريماس واخيرا وافقت على العريس يلي مخلاهاش في حالها لين رضت
حكتله وطلع راجل ❤️
تفهم موقفها ومحكاش لي حد عليها وقرر يكمل معاها لعند النهايه
ريماس مكانش قلبها مرتاح رغم انها وافقت عرسها حضروله في اسبوعين بس !
وهاذا طلب من اهل ريماس نفسهم بسس انهم خايفين تغيير رايها واهل العريس معارضوش!
ريم:معش عرفت من نصدق!!
قلبي يلي يقولي انه رواد في شي علط ويعرف عليها حاجات غريبه
وعقلي يلي يقولي ان الروايات يلي نقرا فيهم مأثرين عليا ومفيش شي
كل القصه انه خواته فتفاتات وبس!
كان الوضع عادي جدااا....انا زي العاده منطلعش من داري وولدي اغلبية الوقت عند حناه
ورواد يلي 24ساعه مع مجد في المربوعه منشوفش بيه بي ال3ايام مرات
الايام هاذي معش عرفت وين نمشي !!
لي عرس بدر ولد خال رواد ولا لي عرس اختي
وطبعا نكره المناسبات والتجمعات العائليه يلي مليانه نفاق بس مظطره نساير هول بدر اليوم نفس موعد حفلة ريماس وطبعا اخترت نكون مع اختي !
___________________________________
فاطمه:تعمدت انها تقعد اسبوعين كاملات في حوش اماليها عشان بنتها تقعد عند عائشه وتخرب عليهم شهر العسل يجيب فيها انور ترضع فيها ويروح بيها
بحجة ان راسها يوجع فيها ومس قادره تهتم بي بنتها وامها كبيره في السن متقدرش
وطبعا انور مرفضت لان راسها انفتح بسببه هوا
عائشه كانت متحمله الوضع وساكته رغم انها عروسه
—————————————————-
مروه:نحكي داخلي ....اوكي انا كويس
انا تمام انا بخير
بس كنت حاسه اي شعور الا شعور الخير هاذا 💔
قلبي بيتقطع وانا نراجي في العروسه
نبي نشوفها هادي يلي بتاخد مني الشخص الوحيد يلي حبيته في حياتي
حنيت لعند ركابي
صبغت شعري اخر لون موضه نزل
لبست احسن قفطان
نبيه لما يخش يشوفني 💔💔💔💔
_________________________________
ريماس:قلبي مقبوض💔
حاسه ان في شي اوبيصير شي!
بنبكي بس منقدرش قدام الناس!
متحكمه في دموعي بسيف ونسأل في روحي
علاش تبكي والاومورتمام ؟؟؟؟
حصلت شخص يستر عليا والشخص هاذا حنووون وطيب ومش منقص عليا شي طول فترة تحضيرات العرس!!
ياسرك هم يكفي يلي عانتيه توا استمتعي شويه وافرحي لو يوم واحد ع الاقل في حياتك !!
____________________________________
نورهان:مستحيل يبدا عندي كرامه لو مزال حكيت معاه
كنت نردد في الجمله هاذي عشان منكلمش مجد
اي مكلمتاش بس مش قادره نمنع نفسي من اني نشوفله ونتأمل فيه من شق الروشن بدون ما يعرف💔
اكثر شعور يتعب الانسان هوا حب من طرف واحد💔💔
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
طق طق طق
عائشه:لمت شعرها وفتحت الباب ....خلت ملامحها عاديه ..اهلا
فاطمه:دفتها وخشت.....نحى من قدامي وين بنتي
عائشه:سكرت عيونها دقايق وهيا تترجى في ربي انه يساعدها تتحكم في اعصابها
فاطمه:تبوس في بنتها .....ياروحي
ياعمري تسحاب روحها بتاخدك مرت بوك الشريره هاذي
عائشه:بوك؟؟
فاطمه:انخطف لونها.....بوها اي
عائشه:هه بس ليش الكدب
فاطمه؛بي استفزاز.....كل الناس هكي شايفه
وطلعت
عائشه:مريضه..........وسكرت الباب
______________________________
مروه:حمدت ربي ان بدر رفض يخش للخيمه
شفت عروسته وكانت اقل من عاديه
رفضه ان يخش يدرجها كانت دليل يثبت حبه ليا
اتصلت بي امي اطمنت ع الصغار وبعتت رساله لي ايمن راجلي (انا بنروح مع حياة صاحبتي بنبات غادي
البنات متجمعين مدام الصغار في حوش امي نبي ناخد فترة نقاها)
ورد عليها ايمن بي نفس الرد كل مره
(تمام لما بتروحي كلميني)
مروه:سكرت التالفون وهيا تفكر
________________________________
ريماس:حفلتي مكانتش زحمه لاني معزمتش حد غير الاقارب بس
كان عرس بسيط جدا المهم نروحله ❤️
وصلت لي حوشه كان حوش ارضي بعيد على حوش اهله
حوش قنين واسع بي جناناته
خشيت داخل قعدت واقفه في الصاله وقلبي يدق بنموووت
_____________________________
ريم:وقفت ع المرايا نشوف في روحي
علاش انا مش نفس البنات ؟؟؟
مش مدوره حد ولا معبره حد ولا نحب حد ولا حتى نكره مد ولا نحب نهدرز مع حد
الماضي ليه تأثير ؟؟؟؟
كيف الانسان يقدر يعيش بروحه هكي !!
رواد:ياعيني ع الشي والضي يلي يتفرج على روحه ياعيني
ريم:تلفتت بي فزع
________________________________
بدر:خش لي حوشه بهد ما ودع صحابه ❤️
متوتر....كيف بيدا معاها وهوا محكاش معاها قبل ابدا!؟
خش لي الصاله لقاها مقعمزه
طالعه قنين ومش خاطيه ابدا
ضحكتله وقتله مبروك بصوت مرتبك
كان بيرد عليها بس قاطعه صوت تالفونه وهوا ينبه فيه بي رساله جديده من مروه
{ربع ساعه وتكون في الاستراحه ❤️نراجي فيك ضروري متخلينيش بروحي تعالي ضروري }
ارتبك بدر .....
كيف قدرت تخش للاستراحه ؟
ادكر ان عطاها نسخه من المفتاح
بس ليش هيا غادي ؟؟؟؟
كيف قدرت تطلع وتخلي راجلها !
شنو بيقول للمسكينه يلي قدامه تشوف للارض بي خجل تسحابه يتأمل فيها!!
مش قادر يطلع ولا قادر يقاوم رغبته في مروه !
بدر:اءء انتي ا ء انتي خشي لي عرفة الناس بدلي وخودي راحتك مابين جيتك
قامت عروسته عيونها بصدمه بس بسرعه ما تلاشت وخشت بي فيلوها للممر
ومن الممر لي غرفة النوم
بدر:قعد مركز معاها لين سكرت الباب وبسرعة البرق خذي مفاتيحه وطلع ......يتبع

reaction:

تعليقات