رواية علاقة على الخاص الجزء الثانى
رواية علاقة على الخاص البارت 2
لجزء الثانى
وقال بكل ثقه اعملى تحليل DNA وهتعرفى ان اللى فى بطنك مش ابن أحمد..
ورديت عليه وانا الدموع فى عينى انت كذاب
احمد ابن عمى وانا شيري بنت العادلى
رد عليه وقال :
انتى واحده بتهربى من الحقيقه بس انا حاولت
انبهك كلها كام شهر وتولدى وهياخدوا ابنك منك
اللى مش من صلبهم وانتى اخرك رصاصه طايشه
. الباب اتفتح وكان احمد وقفلت الفون بسررعه
ودخل الاوضه كالعاده بلا اهتمام وانا زوجه وليه
حقوق عليه وهو بكل اسف كل حياته الشغل وبس
واحيانًا مزاجه.
. وقرب منى وابتدى يلمس جسمى من غير حتى كلمه حلوه
وكأنه عاوز جاريه تقضى رغباته وبس!.
وابتدى يقلعنى البرنس وانا تعبانه ومش قادره
ومش حاسه بحاجه منه كل تفكيرى فى انى مش شيري معقول اكون انا شخص تانى!؟
وسألت نفسى لو انا شخص تانى هكون مين؟؟؟
واحمد نايم فى حضنى وأنا لا مبالاه وكأنى جماد
بلا روح....
ورمى البرنس على الأرض وانا فى حضنه وفجأه قال وهو متعصب
مالك عامله كده ليه هو انا كل لما اققرب منك
احس انك زى لوح التلج بارده ومفيش احساس!
انا عاوز ست تحس بيه واحس بيها...
. وقام وفتح التكييف وانا لقيت نفسى زى العيله
الصغيره بشد البطانية وبتغطى ونمت تحتها.
. ودخل الحمام وهو بيربطم بالكلام وبيقول انه بيعاشر لوح تلج
. ولما خرج رجع السرير وقرب منى تانى وانا مش طيقاه ومش طايقه حتى النفس اللى بيتنفسه
. وكنت ببعد عنه وهو يقرب وكأننا فى معركه!
بالظبط كده السرير بالنسبه ليه بقى شبهه المعركه يا ترى مين فينا الكسبان ومين الخسران؟
. وانا كنت بخسر فى كل مره وهو بياخد منى حقه الشرعى بعدم الرضا
كل مره بالعافيه وبالغصب وكأنه تقضيه واجب
ولما المعركه خلصت نام وسبنى...
وانا مغلوب على أمرها
وبفكر فى المصيبه اللى انا فيها؟
. وقومت من السرير وخدت الفون ودخلت الحمام
وخدت شاور ورجعت مكانى وانا حاسه انى تايهه
انا مش شيري؟! اومال انا مين؟
ده السؤال اللى مش لاقيه لى اى اجابه بس انا عارفه اجابته مع مين؟
. مع الراجل المجهول وقولت لنفسى انا ازاى
مسألتش عن اسمه واختارت اسم مزيف من دماغى علشان اعرفه بيه
. وقولت منير انا اختارت اسم منير خلاص.
. وحاولت انام وكل تفكيرى فى اى رساله من ماسنجر اعرف منها حاجه جديده؟
وروحت فى النوم....
وفى صباح اليوم التالى..
انا قومت بدرى من النوم والتفكير هيموتنى بس
كلام نائل ليه انى اغير الشريحه والاكونت
وفع ًلا انا بفكر اعمل كده.
والفون رن وكان بابا حبيب قلبى
وكان بيصبح عليه وقال انه فى الطريق ولما قفلت
معاه نزلت علشان كنت حاسه بهبوط ما انا حامل
واللى فى بطنى مالوش ذنب فى اللى انا فيه؟
ولما نزلت كانت ألفت هانم قاعده بتفطر ومعاها بناتها الاتنين أسماء و أمانى
الصفحة الرئيسية اتصل بنا اتفاقية الاستخدام من نحن سياسة الخصوصيه
ونعمه الشغاله واقفه تخدم عليهم
دى بقى كلبه ألفت ومش بيتبل فى بوقها فوله
كل حاجه بتحصل بتكون عارفاها منها اول بأول
انا على طول بحس ان تحت عين مركز المخابرات وهو نعمه كلبه الست ألفت.
وقربت من السفره وشديت كرسى وقعدت.
ولقيت ألفت بتصغر بعينها ليه وبتقول:
.. مش فى حاجه اسمها صباح الخير يا بنت عادلى
.. اولا انا شيري ثانيا انا لسه قاعده يا طنط
.. طنط برضه يا شيري دى مرات عمك وفى مقام مامتك
.. امانى لو سمحت انا تعبانه والحمل تاعبنى ومش حمل اى مجادله دلوقتى!
.. مجادله دى اصول يا بنت عمى!
.. خلاص يا ماما وانتى يا أمانى حقك على راسى يا شيري
.. مفيش حاجه يا أسماء.
وقعدنا وابتدينا نفطر ولسه بمد ايدى علشان أكل لقيت حماتى بتقول:
.. اظن مفيش ست محترمه بتاكل غير لما تفطر جوزها قبلها
.. احمد نايم والنهارده قاعد اجازه يا طنط
.. انا قولت افكرك يا بنت عادلى
وبابا دخل وقال:
ماله عدلى يا ألفت
.. مش تقول صباح الخير يا عادلى ولا انت بتقول يا شر اشتر
.. انا سامع بتقولى عدلى فبرد عليكى مش
هتتغيرى ابدًا مهما الزمن عدا عليكى هتفضلى زى
ما انتى عنيده وعصبيه وفاهمه الدنيا غلط!
.. ياااه كل ده فيه وانا معرفش ده انت شايل منى بقى؟!
..يلا يا ستى مسك الختام المهم ولادنا يعيشوا مرتاحين
ولما سمعت بابا قال كده كان نفسى اقولوا انا مش مرتاحه بنتك الوحيده جوزها بياخد حقه منها بالغصب
وغير المصيبه اللى انا فيها ان ممكن مكنش شيري وانتى مش بابا
ده انا امووووت فيها.
. بس انا حاسه ان الراجل ده نصاب لأنه بيقولى ان انا فى برشام فى جسمى بينسينى الماضى وافتكر المستقبل
بس؟!
وانا مش باخد برشام اصلاً
انا لازم اغير الشريحه والاكونت واخلص من الزن ده وابعد عن اى حاجه تقلقنى
وبابا قرب منى وحضنى حضن جامد اوى حسيت بالأمان
فع ًلا الاب الحنين رزق وسند
وقرب منى ووشوشنى وقال:
انا ظبط ألفت
وانا وهو موتنا ضحككككك وكانت ضحكاتنا مسمعه القصر كله.
وألفت وبناتها قاعدين زى البومه عينهم كلها شر وحسد وغل
وبابا طلب منى نخرج نقعد فى الجنينه
وفع ًلا خرجت معاه ولما قعدنا
قالى:
.. هو الحمل تاعبك يا شيري يا قلب بابا
.. الحمد لله انا كويسه وبخير يا حبيبى
.. اومال مالك عصبيه اوى اليومين دول
.. بابا مين قالك انى تعبانه لو البومه حماتى طبعا تبقى كذابه
.. هههههههه لأ بس احمد بيشتكى منك
.. منى انا ليه وانا عملت ايه!!؟
وقولت لنفسى المفروض انا اللى اشتكى مش هو!
..بيقول انه تعبان معاكى وحاسس انك مش بتحبيه وانا استغربت من كلامه يا بنتى لأن احمد كان اختيارك!
.. ارجوك يا بابا بعدين.
..حاضر انا هقوم امشى علشان عندى ميعاد مع المحامى النهارده ولينا قاعده تانيه مع بعض
. وفع ًلا بابا قام ومشى
. بس لقيت نفسى بنادى عليه وبقولوا
بابا انا هكلم ماما وياريت متزعلش منى
وكالعاده زعل وسابنى ومشى
. والفون رن وكانت انچيلا صاحبتى واتفقت معايا اننا نخرج نتقابل بره فى اى كافيه وقفلت معاها
وبصراحه انا ما صدقت وقولت اغير جو بدل الكآبه دى.
يمكن عايشه فى قصر بس مش سعيده
كفايه عليه حماتى وبنات عمى ووشهم الشؤم عليا
..ودخلت القصر وعين حماتى وبناتها راشقه فى بطنى وانا اللى فيه مكفينى وطلعت اوضتى واحمد نايم
كالعاده
قربت من السرير بشويش وقولت اللبس علشان اخرج
ولقيته بيشدنى عليه ومزاجه بقى يهزر معايا
وانا ضحكت بسخريه لأن كل حاجه عنده غصب
وفجأه حسيت انى عاوزه ارجع جريت على الحمام ورجعت وحسيت انى دايخه من الوحم
.وخرجت من الحمام
.. انا خارجه يا احمد
..فين؟
..النادى مع انچيلا هى لسه مكلمانى من شويه
..ماشى بس متتأخريش علشان عندنا حفله بليل
..حفله ايه؟
..مش حفله هو عشاء عمل ولازم تكونى معايا
الصفحة الرئيسية اتصل بنا اتفاقية الاستخدام من نحن سياسة الخصوصيه
..كويس انك قولتلى علشان اعدى على البيوتى سنتر اظبط شعرى
.. هو عمى كان هنا
..ايوه بس مين قالك؟!
.. فى فويس على الواتس منه اهو وللأسف انا كنت نايم ومحستش
..اممم اوك انا هلبس وانزل
. واحمد قام ودخل الحمام وانا لبست ونزلت
.
وخرجت وقابلت هيثم ابن عمى الاصغر من احمد
..صباح الخير يا شيري
..صباح الخير يا عريس
..لأ ما خلاص بقى سبنا بعض
..يا ابنى استقر بقى نفسى اشوفك عريس ومتجوز وعندك 10 عيال ��
..لا لا لا خلى العيال ليكى قومى بس انتى بالسلامه واشطا اوى كفايه علينا اول حفيد ده هيكون باشا العيله
..واللهانتى اللى مصبرنى يا سمسم
..انتى رايحه فين؟
..هقابل انچيلا
..ياااه دى مووزه مش دى البت الاجنبيه
صاحبتك القمر
بقولك ايه اخوكى نفسه يتجوز ما تظبطى معاها ميعاد
..امشى يلا من هنا باااى
..بااى وعليكوا ما السلام ورحمهاللهوبركاته
= وخرجت وكانت الابتسامه على وشى مع انى قلبى كله حزن
. وركبت العربيه وروحت لحد الكافيه وكانت انچيلا قاعده
وقعدت معاها..
.. وحشانى كتير شيري
..وانتى اكتر يا انچيلا انا محتاجه اتكلم معاكى اوى
..اتكلمى حبيبتى انا زى اختك انا حاسس ان الماما بتاع احمد زعلتك
..مش بالظبط
..يمكن اخواته بنات ولا سمسم بس الولد ده خفيف الدم اكيد مش زعلك
..لا لا ده هو اللى بيهون عليه
.. اومال ايه شيري
.. عارفه اخواته دول عقارب وألفت مرات عمى عقربه كبيره
امانى يمكن اقدر اعذرها علشان اطلقت مرتين
ونفس السبب الخلفه وطبعًا اتعقدت يا عينى
. اما اسماء ف دى سهونه
..يعنى ايه سهونه شيرى؟
.. مش مهم دى بس من الاخر سوسه بتحرب وعلى طول زن على ودان احمد
..هى بتزن زى الدبان ازاى شيري
..هههههههههههه لا مش وقته خالص.
.. اوك هههههه مالك حبيبتى شيري فيك ايه مزعلك
.. انچيلا يمكن انتى اجنبيه وطبعك مش زى طبعنا ومش بتفهمى كل كلامى بس برتاح معاكى من يوم ما
عرفتك وانا بعزك
.. وانا كمان شيري بحبك كتير وحبيت البلد دى علشانك.
.فى الاول فهمتك غلط شيري قولت انك بنت مغروره ومش بتكلم حد خالص
..انا كل لما بسمع الكلام ده منك بستغرب يا انچيلا انا عمرى ما كنت مغروره بجد لأن من اول يوم شوفتك فيه
احنا اتصحبنا فاكره
.. فاكر اول يوم شيرى لما خبطك بالعربيه وانت قومت تزعق وتشتم فيه
.. انتى خبطينى بالعرببه غريبه!؟
. وافتكرت كلامه وهو بيقولى انى مش شيري
وقولت لازم اعرف من أنچيلا التفاصيل بالظبط يمكن اوصل لحاجه.
والفون رن وكأن تفكيرى وتفكيره على ميعاد
وقومت واستأذنت انچيلا ودخلت الحمام
وقفلت عليه الباب وكنت لوحدى ورديت عليه وقالى
روحتى للدكتور زى ما قولتلك
..لأ
..ليه يااااا يااااااا؟؟..
..ياااا ايه؟
.. عرفتى انك مش شيري
.. انا عاوزه اشوفك ممكن؟
..ردى على سؤالى عرفتى انك مش شيري
.. انت كذاب ونصاب ولو عاوز فلوس خود
وريحنى وابعد عن طريقى انت مش عارف معنى اللى بتقولوا ده ايه..
لو انا مش شيري يبقى انا كده عايشه مع راجل فى الحرام
.. ما انت بالفعل عايشه معاه فى الحرام
.. أخرس احمد جوزى وابن عمى
.. انا بقولك اللى فى بطنك مش ابن احمد وانتى مغيبه تمامًا
انتى مش شيري وبكره تعرفى ان كلامى كله صح
.. وليه بكره انا عاوزه اعرف دلوقتى؟
.. هقولك انتى مين بس بشرط؟
..ايه هو؟؟
.. تكلمينى فيديو واشوف جسمك كله قدامى لأنك وحشانى
.. وحشاك انا معرفش! انا اول مره اسمع صوتك
..هتنفذى ولا لأ
.. انت تعرفنى منين عاوزه اعرف وده حقى
..اشوفك الاول انتى هتفتحى الكاميرا وانا لأ بس اشوفك وهقولك على كل حاجه
الصفحة الرئيسية اتصل بنا اتفاقية الاستخدام من نحن سياسة الخصوصيه
وزعقت وقولتلوا انت بتخرب بيتى وحياتى
علشان تشوف جسمى وافتح الكاميرا اسلوبك رخيص اوى
بس رد عليه بصوت كله حنيه وقال.
انا اعرف تفاصيلك كلها وكل حته فيكى انتى مالكى انا وبس ياااااا.
.. ما تقول انا مين وريحنى.
.. افتحى الكاميرا الاول يا حبيبتى
.. حبيبتك انت مجنون صح
.. خلاص اعملى التحاليل واتأكدى وهتعرفى انى
صح ووعد منى مش هكلمك على الخاص تانى
بس خافى على نفسك وياريت لما تتأكدى من
كلامى اهربى قبل ما تموتى وشيري ترجع مكانها سلام
انا اتجننت من كلامه كان لى اسلوب غريب وكأنه بيشدنى لى
ولقيت نفسى بنفذ كلامه وانا مش مستوعبه اللى بعمله وقلعت البلوزه وووووا.....
يتبع..