القائمة الرئيسية

الصفحات

رواية ادوار وهمية الفصل الثانى عشر 12 بقلم بنوتة الشيخ

 

 رواية ادوار وهمية الجزء الثانى عشر



رواية ادوار وهمية البارت 12 الحلقة الحادية عشر

ريم:عيطت عليه بصوت عاااااااالي...انت منوووووو
رواد:جاوب بي صوت متقطع💔....اء اء ان انا انا قيس..
ريم:طاح من يدها اللاب توب وهيا تشوفله بصدمه اكتر !...وخرت بضع خطوات وعيونها مقدرتش تنزلهم من عليه
_________________________________.
طاحت ع الارض وخبطت على وجها....طلع هوا 💔💔💔💔هوااااااا
لين قاطعها صوت من الخلف
-لا مكانش وليد ....كان انا هديك الليله💔
ريماس:تلفتت وهيا تساوي في وشاحها وادخل في شعرها يديها يرجفو ووقفت بي السيف
تلفتت وشافاته 💔
حست انها شايفه العيون هاذم قبل !!..اي اي
هما نفس العيون يلي كانو سبب خراب حياتها💔
محمد:انا💔....يمين بالله كانت اول ليله نسهر معاهم
غروني بي كلامهم ومكنتش في وعيي ...دورت عليك هلبا ومعرفتش كيف نوصلك
خليت السلسله معاي معطيتها لي حد باش تكون دليل وقت نشوفك
لكن سبقني وخداك وليد 💔
معرفتش انك نفس البنت الا يوم الدخول 💔
لو كنت نعلم انه انتي خطيبته مستحيل نخليه ياخدك لانه عارفه وليد شنو
ريماس:كانت شهقات بكاها عاليه هلبا 💔
قربت من الباب بتطلع وهوا كان واقف جنب الباب
انهارت ريماس بكي وهيا تضرب فيه ووشاحها طاح تضرب فيه بكل غل ودموعها ينزلو زي المطر
....الله لا تربحك تعرف شن درت فيااااااا💔💔💔
تعرف انك انت يلي دمرتلي حياااااااااتي
تعرف ان من هديك الليله مش قادره نرقد كويس😭😭😭😭
حطمتني حرقتلي قلبي 💔
كسرتني وخليتني نندل في اول عمري 😭😭
واااااااااطي الله لا تسامحك😭😭😭😭
محمد:كان ساكت وقابض على يده !...يتحمل في ضرباتها بدون ما يدير اي ردت فعل لان لو قتلاته توا عندها الحق ....نزل محمد ع الارض مسك وشاحها وغطا راسها
اما ريماس رجعت داخل حوشها وصدرها بيطلع من ملابسها من البكي بي العبره 💔
ومحمد زاد عذاب ضميره اضعاف مضعفه
_________________________________
بدر:خش للمطبخ خدي صونية اللزو ياكل ويشوف لي سلمى ....خيرك ع الصبح ؟
سلمى:عطاته بضهر واطيب.....ولا شي
بدر:قعمز ع الكرسي وكانت الطاوله مليانه ❤️
فطور قنين وورده حمره زي عادة سلمى ❤️
بدر:بدي يفطر ولاحظ ع طول ان سلمى فيها شي لانه مش عادتها تقعد ساكته
هيا تحب تهدرز معاه هلبا
بدر:تعالي افطري
سلمى:فتحت الثلاجه اطلع في الخضره.....صحتين مش جعانه
بدر:خدي رشفه من القهوا .......بتمشي مع امي اليوم ؟
سلمى:بدون ما تشوفله....وين؟!
بدر:قالت بتمشي لي وحده مش عارفه عرس ولا مولود المهم مناسبه
سلمى:عرفت انه يحاول يفتح معاها حديث وانه يبي يشوفها ليش ساكته ....لا
البوم نبي نقعد في الحوش حاسه نفسي تاعبه شوي
بدر:ياكل....نعاينك؟
سلمى:قعمزت مقابلاته ع الطاوله تقرض في الخضرا....مش ضروري
بدر:على راحتك.....وكمل فطوره
سلمى:بدر بنسألك
بدر:نعم!
سلمى:عيونها في الخضراء...قبل ما نتزوجو كنت مداير علاقه؟؟
بدر:شبحلها بتوتر .....شنو السؤال هوا؟
سلمى:قامت راسها وهيا مبتسمه....سؤال خطر في بالي عادي...خيرك عصبت؟
بدر:ضحك بتوتر.....مكنتش متع الجو هوا
وناض بسرعه رجع لي غرفة النوم يبدل
سلمى:نزلو دموعها والابتسامه قاعده على وجها💔
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ريم:يدها على راسها تحاول تستوعب الصدمه يلي هيا فيها
رواد:مقعمز على السرير ويشوف للارض. يديه شابكهم في بعض بتوتر ...من قالك تفتشي حاجه مش ليك ؟
ريم:ضحكت بصدمه....حاجه مش ليااا؟؟؟؟؟
تي انت العيله كلها مش لييييييييييييك
رواد:عقد حواجبه وهوا يشوف للارض
ريم:ماشيه جايه قدامه ....كيف؟امتى؟
السؤال الاهم علاااااش؟؟؟
رواد يحكي معاك ويحفظ فيك في عيلته وشنو تحكي وشنو متحكيش علااش؟؟
علاش هوا قاعد برا وانت يلي جيت بدله !...اسمك قيس؟
قيس منو ووين عيلتك
رواد:وقف وعطاها بضهر بيطلع
ريم:مفيش طلووووع من هنايا لين نفهم كل شي
رواد:قرب خطوتين برا الغرفه عشان يسمعها تهدد من وراه
ريم:وربي نفضحك قدام العيله كلها لو مفهمتش القصه وانت تعرفني كويس نديرها
رواد:تلفتلها....مش وقته توا طالع عندي خدمه نروح في الليل ونهدرزو
ريم:تواااااااااا
رواد:قلت نروح في الليل ونحكيلك بطلي تسكير راس
ريم:وعد!؟
رواد:شافلها متنرفز
ريم:روااااد نحكي معاااك نقصد قيس!
رواد:نروح ونحكيلك
ريم:خدت نفس ...وعد!؟
رواد:هز راسه بمعنى اي وطلع بسرعه هارب من نضرات عيونها وأسإلتها
طلع بخطوات سريعه خش للمربوعه ياخد في مفاتيحه....عرفت بكل شي
مجد:راقد وماسك يد البلايستيشن ...من هيا ؟
رواد:نوض اطلع
مجد:تي خيرك شن صاير؟
رواد:فصل.....النم يلي متزوجها عرفت بي النم القصه كلها اطللللللع معاي تحرررك
مجد:طلع لي السياره ورا رواد وهوا مصدوم مش فاهم شي !
__________________________________
فاطمه:حاضنه بنتها بين يديها وتشوف لي الطريق
انور:خيرها البنت؟
فاطمه:جاوبت وعيونها في الطريق...ولا شي الحمد الله هيا كويسه
هاذي تطعيمه عاديه لازم ياخدها العيل في وقت محدد
انور:به كويس ....وسكت
دام بينهم صمت رهيب طول الطريق
انور لاحظ تغير فاطمه فجآه معش تحاول تتقرب منه !ولا بدت حتى تقيم في عينها فيه!
فاطمه:هاذا المستوصف وقفني هنايا
انور:درس السياره
فاطمه:فتحت الباب وجت بتنزل وقفها صوت انور ❤️
انور:مستنيك برا كملي وتعالي باش نروح بيك
فاطمه:مش ضروري تقدر تروح عادي
انور:كملي وتعالي قلت
فاطمه:خدت بنتها ونزلت
___________________________________
الساعه 3الضهر ⛅️
كانت الدنيا مغيمه ...الشمس مش باينه ابدا
كأنه ضلام والمطر موقفتش ❤️
في استراحة بدر بعيد على الناس كلها ❤️
كان بدر مقعمز قدام الدفايه وفي حضنه مروه
مروه:تاكل في الفوشار يلي قدامها وفم بدر على شعرها كل شويه يبوس في راسها❤️
بدر:وين مقايلتيله ايمن؟
مروه:زي كل مره في حوش حياة صاحبتي
بدر:وضامنتيها البنت هيا متقولش؟؟
مروه:اي مستحيل
بدر:باسها ع خدها....هبلتي وهبلتيني معاك
امس بس تلاقينا ضروري تجي اليوم وتجيبيني معاك يعني
مروه:بعدت من حضنه شويه وشبحتله ....في شي خاطري نديره معاك
بدر:والابتسامه على وجها ....يلي هوا ؟
مروه:وقفت وهيا تنفظ في يديها ....تعال معاي
بدر:بعلمات تعجب على وجها ....وين ؟؟
مروه:مسكت يده بي يديها الزوز ......تعااالااا
بدر:ناض معاها
مروه:فتحت الباب وجبداته تحت المطر ❤️وهيا تضحك
بدر:مصدوم من برد الميه....صقععع يا مروه خشي بلا هبال تمرضي
مروه:حضناته تحت المطر ....رقصني تحت المطر ❤️
بدر:خدي نفس وحط يده على خصرها والثانيه مسك بيها يدها❤️
تحمل برودة المطر وبرودة الصقع وبدي يرقص هوا وياها تحت المطر❤️
مروه:حطت راسها على كتفه وعيونها كانت دموع بس طبعا مفيش حد يلاحظ عشان المطر !
كانت محروقه!
مش واضيه ع كل شي ادير فيه مع بدر بي الحرام
كانت تحبه وللاسف نفسها مالت للحرام عشان حبه💔
كانت تتمنى او اكتشفت انه طامع في جسمها ويضحك عليها زي الروايات وياخد دور الشرير
بس حتى هوا يحبها💔💔
_____________________________________
ريماس:مقعمزه في الحمام ودموعها موقفوش !
تخيلي تتقابلي انتي والانسان يلي خربلك حياتك وقعدتي تدعي عليه لمدة سنه كامله 💔
تكتشفي انه كان يبي يساعدك لكن مقدرش !
قعدت ريماس في الحمام قريب ساعه وصحت على نفسها لما خلعها وليد بي طقات الباب العاليه ..
وليد:هي انتي ...شنو متي داخل ولا حيه ؟
ريماس:مسحت دموعها وفتحت الباب
وليد:عقد حواجبه.....خيرك تعيطي ع الصبح
ريماس:خدت نفس وهيا تشوفله
كان خاطرها تعيط عليه وتتحسب عليه في وجها وتفش غليلها لكن كانت عارفه العواقب اكتفت انها تشوفله وهيا تتخيل انها تضرب فيه
وليد:الووووو
ريماس:اءء ش شي
وليد:شبحلها من فوق لعند لوطه ....درتي فطور لي الراجل برا ؟
ريماس:من الخوف هزت راسها بمعنى اي
وليد:تمام...طالع متغدي برا انا
ريماس:تمام
وليد:فرحانه عاد بتتفكي مني !
ريماس:سكتت
وليد:شبحلها بنضرات غريبه وطلع
ريماس:قعمزت ع اقرب كرسي ليها وشريط الدكريات يتعاود في راسها 💔
__________________________________
سمر:هيا وين القهوا
لمياء:حطت السفره وقعمزت
سمر:جبت كيكه الصبح وينها
لمياء:عيونها في التالفون ....فوق الدولاب
سمر:نوضي جيبيها تحركي
لمياء:سكرت تللفونها....هي ياماما مش خدامه تحتك انا ره
يكفي متحملاتك ونطيب ونحط
سمر؛والله ؟؟؟بالك تسحابيه بي جميلك حبيبتي ؟
سلم رزق خوتي ياماما
لمياء:وقفتلها.....لا ياحبيبتي سلم جهددددي وسلم وسعت بالي يلي مخلتني متحملاتك
كنهادا انتي منو يتحملك حتى راجلك وامه طفشو منك معادش حد متحملك
سمر:ضربتها كف 🤭
لمياء:تضربيني انا ياوااااااطيه....ومسكتلها شعرها 🤦🏻‍♀️
بدو الاثنين يضربو في بعض وحالتهم حاله نتش وشحان شعر 🤦🏻‍♀️لين جت سعاد تحز بينهم 😂
___________________________________
مجد:رجع شعره للخلف وهوا مصدوم !....بنت الكلب
رواد:يسوق.....فقد اعصابه خبط على الدومان
مجد:وتوا كيف؟؟شنو بيصير؟
رواد:بنسافر
مجد:تي كيف بتسافر خيرك؟؟؟متقدرش ترجع المانيا بلا غبااااااااء رواد ....يا قيس
رواد:مش لازم المانيا ان شاء الله حتى تونس
خلاص لعند هكي وياسر معش فيها !
مجد:ولو وقفوك بي الاوراق المعفنه المزوره هيا !!
ولا بي اوراقك الرسميه باش يكلمو خوتك يقولوله اهو قيس هنايا....ولا ناسي خوك يخدم في المطارات !!!
لعند توا اسمك قاعد في القائمه يدورو عليك يا قيس متنساش
رواد:حط يديه على راسه.....معش فااااهم النم
بعد ما خلاص كل الاوضاع بتتحسن كل شي ضاع في لحضه !....اتكى ع الكرسي وسكر عيونه
مجد:تنهد وسكت معش تكلم ميبيش يزيده اكتر من هكي !
___________________________________
فاطمه:رجعت ركبت السياره بعد ما كملت لي بنتها ❤️
انور:ولع وطلع .....شن صار ؟
فاطمه:تشوف لي بنتها وتبتسم....مشت الامور❤️
الحمد الله
انور:به كويس ...متبي شي من الصيدليه؟
شمالات حليب حاجه؟؟
فاطمه:اتكت ع الكرسي ....لالا كل شي جبته الاسبوع يلي فات مكملت مش ناقصها شي
انور:بتردد....وانتي ؟
شني ناقصك؟
فاطمه:ابتسمت من سؤاله...ولا شي سلامتك
انور:سكت وكمل سواقته
فاطمه:قيس امتى مروح؟
انور:تفاجأ من سؤالها .....مقالش ع الموعد امتى !
فاطمه:نبيك اطلقني قبل ما يروح
انور:شد فرين وشافلها
فاطمه:قامت عيونها شافتله.....طلبت منك شي غريب ؟
انور:تابع السواقه....طلب غريب بنسبه ليك
فاطمه:لين بنتي بدت تكبر ❤️
بديت نشوف فيها هيا حياتي كلها ....اكتفيت معش نبي حد
قبل ما يروح قيس طلقني من حقك تعيش حياتك مع مرتك حتى انت
انور :حسب علمي بتتشردي عند اهلك لو اطلقتي !
فاطمه:اهلي معندهمش بنت ترجع مطلقه !
مستحيل نرجعلهم .....بنأجر شقه صغيره تحتويني انا وبنتي
وبنرجع للخدمه عشان نصرف عليها
انور:وشن كنتي تخدمي ؟
فاطمه:ابتسمت وهيا تدكر في الصغار ❤️.....مدرسه في الروضه
مشرفه بمعنى اصح !
انور:سكت
فاطمه:الايام هاذي ندور في شقه ايجار ....اول ما نحصل نكلمك وابدا في اجرائات الطلاق
انور:كمل الطريق وهوا ساكت مش عارف شنو يرد عليها!
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
الساعه 8في الليل :-
بدر:ولع السياره ......احوووو احووو
مروه:سكرت شنطتهاوشافتله❤️....ياروحي بتمرض !؟
بدر:يحكي وخشمه مسكر😂...كله منك
هبال المراهقين متعك هوا
مروه:ضحكت ...لفت يديها الاثنين على كتفه وهيا مبتسمه....كانت احلا لحضات في حياتي ❤️❤️
بدر؛ابتسم....فداك❤️
مهم عجبك الجو
مروه:هلبااااا❤️
بدر:اتتتتتتننشووووو
مروه:خذت كلينكس مسحتله خشمه.....حياااتي انا بعيد السو ❤️
بدر:باااارده بعدي من عليا
مروه:بعدت وهيا تنفرج عليه وتضحك❤️
بدر:طلع بي السياره متجه لي حوش حياة صاحبت مروه زي العاده
________________________________
رواد:ركب لي الشقه
اما مجد قعد واقف يدخن قدام الحوش ...شوي ويسمع في صوت خفيف
نورهان:بسسسسست
بسسسست
مجد:تلفتلها....شن قلت على امه طلوع الليل هوا النم يركبوك حتى الجنون
نورهان :بنضرات بريئه.....علاش متردش عليا من الصبح !!
مجد:لهيت في الف قصه وربي ما فضيت لي حاجه
نورهان:عقدت يديها في بعض.....مستاحشتنيش بكل !!
مجد:ابتسم ...ابدا !
نورهان :قول الحق تروح هي
مجد:ابتسم....منبيش نروح نبي نقعد عندكم
نورهان:ضحكت ....وعلاش ؟
مجد:لاني مستاحشك ❤️
نورهان:قول والله 🥺❤️
مجد:بسرعه تلاشت الابتسامه من على وجها.....خشي داخل تحركي
نورهان:به 🙈....ورجعت للحوش بخطوات بطيئه وكل شويه تتلفتله ❤️
____________________________________
رواد:نحى الجاكيت من عليه وسكر الدفايه يلي كانت قدامه ...رمي جسمه ع السرير
ريم:خشت للغرفه ماسكه بين يديها زوز اكواب قهوا
حطتله واحد وسكت الثاني بين يديها الزوز ❤️
ريم:نسمع فيك !
رواد:راقد وعيونه ع السقف .....
ريم:احكي؟!
رواد:اسمي قيس ....رواد صاحبي من سنين
ريم:مستمعه بي انتباه
رواد:من لما كنا صغار بعمر 13او 14السنه معش ندكر كم كان عمري
انطبعت في راسنا فكرة الهجره بعد ماعرضها علينا واحد كان يقرا معانا
كل واحد فينا يعاني في مشاكل في حوشهم والشي هاذا خلاه يفكر يحرق للبحر
ريم:بعدين؟
رواد:سافرنا خدمنا تمرمدنا وتعبنا بعدين خلاص امورنا تنضمت ....رجعت لي ليبيا شفت اهلي وخذيت رضي امي وبوي
وافقو نرجع المانيا ونزورهم كل فتره وفتره
وهاذا الفرق يلي بيني وبين رواد يلي متواصلش مع اهله ابدا ولو حتى بي مكالمه
لدرجة امه معش تعرف شكله وحتى ان يسحابوه متوفي
ريم:وبعدين!!؟
رواد:كبر شفلي غادي بعد ما خشيت في التجاره
بديت فلوس ...نمشي لي ليبيا ونرجع لي المانيا وها كذا ...ابتسم بوجع
حتى اني خطبت بنت من ليبيا 💔
ريم:نصدمت
رواد:صارت مشكله كبيره واضريت نخليها قبل العرس بيوم 💔....رجعت لي المانيا
وفي المانيا كانت تراجي فيا مشكله اكبر
ريم:يلي هيا،؟؟
رواد:كنت متهم بي قضيه اختلاس في الشركه يلي توضفت فيها وبديت مطلوب
رجعت من المطار مركبتش الطياره بعد ما كلمني رواد وخبرني ان الامن يستنى فيا غادي
وبديت مقضيها من فمدق لي فندق لين صرفت فلوسي كلهم ....لين رواد اقترح عليا فكره
ريم:والفكره هاذي انك تاخد دوره وتجي تعبش بين عيله فرحانه بيك هنايا ع اساس انك ولدهم!!
رواد:كمل وهوا متجاهل كلامها .....كان في شبه بيني وبين رواد
اي حد شايف رواد في صغره ويشوفني انا يقتنع ان انا رواد بعد ما كبر
كانت الخطه بسيطه !
نقعد هنايا لين رواد يربح القضيه غادي
ريم:اي قضيه!!؟
رواد:رواد رفع قضيه وحط محامي بي اسمي باش نطلع برائه ونقدر نرجع غادي
كانت كل القصه نقعد هنايا ع الاكثر شهر بس ونرجع
لقيت روحي في زواج ....واوراقي المزوره يلي خدمتها عند بشير
مفيش في يدي غير وراقي الاصليه بي اسم قيس !!
اوراقي يلي منقدرش نسافر بيها لي ولا بلاد لان خوي يخدم في المطار وعاطي اسمي في حال طلعت ولا خشيت يمسكوني !
استسلمت للامر الواقع وبس
ريم:مخفتش تتلاقى مع حد يعرفك !!بشخصيتك الحقيقيه ؟
رواد:اهلي يسكنو في مدينه تانيه بعيده هلبا من هنايا
ريم:المرا يلي تحكي معاها منى؟
رواد:المانيا متزوجها رواد وعنده منها زوز ولاد
ريم:ومجد؟؟؟منو يكون !
ناصر من وين تعرفه !!
رواد:وقف...في حاجات مش لازم تعرفيها
ريم:حطت كوب القهوه....وتوا شنو؟؟؟؟
فهمني شني بيصير ؟!!
رواد:بنفهم العيله اني بنسافر وبنرجع لي اهلي لازم في كم شي غادي بنديره وبعدين بنسافر من جديد
ريم:ضحكت بصدمه....هه والله؟
بي البساطه هاذي ؟!!!!
المساكين يلي هنايا يسحابوك ولدهم شنو بيصير فيهم ؟؟؟
رواد:وانتي شنو بيصير فيك !؟
ريم:هه....انا؟
مش فارقه معاي لا انت ولا غيرك
رواد:شنو يلي فارق معاك انتي ؟
حتى بعد ما عرفتي مافكرتيش في مصيرك !!
ريم:تجاهلت كلامه....امتى بترجع لي اهلك !؟
رواد:جاوب بسرعه وبي حده ....بكرا
ريم:نصدمت......بكرا؟
رواد:اول ما نطلع للمدينه بنعطي علم لي ايمن اني مسافر وانتي تقدري ترجعي حوش بوك
ريم:سكتت
رواد:متعاملنش معاك ....لكن رح نحاول نوثق فيك انك مطلعيش السر هاذا ع الاقل عشان العيله ميشوفوش لي ولدهم رواد الحقيقي انه ندل
ريم:بس هوا ندل فعلا!
رواد:شبحلها وابتسم .....افرحي بتفتكي مني !
ريم:وقفت.....يسعدني نقولك ان انت ورواد اكثر بني ادمين مقرفين عرفتهم في حياتي
رواد:ابتسم...شكرا وانتي اكتر ام شفتها ملوحه ولدها ومش معدله عليه
ريم:طلعت وسيباته
_______________________________
الساعه12في الليل:-
لمياء:اطهر في جروح وجها......بكرااا من الصبح والله لما نرجع لي حوووووش بوي
كريم:الغلط منك انتي مطوله لسانك عليها عارفتيها متتحملش
لمياء:والله؟؟؟يعني انا يلي امي ارنب ولا كيف هااااا؟؟؟
كريم:شن تبيني ندير يعني ننزل نضرب اختي ونقتلها باش حضرتك ترضي ؟
لمياء:يارررريت والله
كريم:خدي مخدته والغطا....شكلها ليله معبيه نكد تصبحي....وطلع
لمياء:حققققققير كان يوم اسود يوم وافقت ناخدك فيه
_______________________________
ريم:طول الليل مقدرتش ترقد تفكر وتحلل!!
كيف اثقن قيس دور رواد !!!
جديات كان شي غريب كيف ريم ما كشفتش شي زي هاذا؟؟
رواد يعتبر الوحيد في خوته يلي ميقربش على امه ولا خواته وميحبش يخش وهما مش لابسيين شي ع راسهم ....كييييف ما حستش؟؟؟؟
نفس الشي رواد(قيس)....مرقدش💔
يفكر في مشوار بكرا الطويل يلي وراه
وسلمى حتى هيا نفس باقي الابطال مرقدتش !!
طول الليل ساهره على بدر لانه كان مريض
حراره ومزكوم وحالته حاااله
ريماس مرقدتش من الخوف 💔
الخوف يلي كان محاوطها من كل جيها
من وليد 💔من محمد يلي قاعد معاهم في الحوش !!
انور يلي مرقدش من التفكير في طلب فاطمه
صح ميحبهاش ويبي يتخلص منها لكن هوا في النهايه عنده ضمير !
كيف يخلي مرا كائن ضعيف ومعاها بيبي عمره شهور بروحهم في وسط دنيا زي الغابه
كل واحد بيشوفها بروحها بيطمع فيها !
يشوف لي عائشه يلي كانت راقده في حضنه ويزيد يفكر!!
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ثاني يوم :-
الساعه7الصبح :-
رواد؛ناظ خش للحمام غسل وجها صلى الصبح وخش بيبدل حوايجه لقي ريم قاعده نايضه
واقفه تجهز في شناطيها ابتسم ....هاذا كله فرح؟؟؟
ريم:بي شن. ؟؟
رواد:توتي في شناطيك من ال7فرحانه بتطلقي يعني
ريم:معنديش نوم قلت نستغل وقتي
راد:يبطم في سوريته ....بخ عطره وخدي مفاتيحه
ريم:متبيش تاخد ملابسك معاك
رواد:لا ...يالله نشوفك بخير
كانت فرصه قنين وبارده وغامضه اني تعرفت عليك
ريم:ابتسمت بي براده ....اكتر انسان حقير عرفته في حياتي مش عارف كيف ربي بيعاقبك
رواد:ابتسملها.....شكرا
بعد ايام توصلك ورقتك ....يالله يا عبيده سلام
ريم:اشرتله بيدها بمعنى تمام
ريم:كملت نلم في حوايجي وانا نحكي في داخلي !
لو كانت روايه من يلي تقرا فيهم راهو حبيته وحبني وعشنا في سعاده ....هه جديات مش كل شي يتصدق صح!!
طلع رواد ومعاه مجد مع بعضوكجد طول الوقت عيونه على روشن نورهان 💔
____________________________
الساعه 11الضهر⛅️⛅️⛅️
ايمن:صباح الخير
مروه:وجها شاحب وتحكي بصوت تاعب ....صباح النور
ايمن:يصي في القهوا.....خيرك؟
مروه:مريضه صبحت
ايمن:الف لاباس خودي مضاد وارقدي...وطلع
مروه:بارد....وخشت دارها لبست حوايجها ونزلت لي حوش العيله زي العاده
مروه:ضحكت بصوت عالي لما شافت لمياء لوطه...مش ع اساس بتروحي حوش بوك بعد الطريحه يلي كليتيها؟
لمياء:بوي حلف ما يروح بيا...بعدين خشي شوفي المصيبه
عزوزتك قريب تنشل
مروه:شن صاير؟
لمياء:خذت مالقي الميه....رواد رجع سافر من جديد وخلا مرته
مروه:تبصرررررري
لمياء:وربي
خشت مروه هيا ولمياء مع بعض قعمزو في الصاله جنب باقي العيله
________________________________
بدر:شرب الميه بعد ما اخد الدوا......سلم يديك
سلمى:الف لاباس
بدر:قام وجه سلمى بيده......خيرهم عيونك؟
سلمى:تشوف للارض ....ولا شي
بدر:من السهور صح؟؟؟
سلمى:مقدرتش نرقد.....خفت نرقد وتركبلك الحراره يصير فيك شي
بدر:ابتسملها....ربي يخليك صحيتي
سلمى:واجبي .....وناضت وهيا قلبها واجعها
_____________________________
ريم:نزلت ماسكه شناطيها .....السلام عليكم
كلهم قامو فيها عيونهم ومفيش حد رد السلام
ريم:انا خوي يراجي فيا برا
يتهيئلي معندي لاش قاعده
سعاد:حفيدي متحلميش بيه سااااامعه
ريم:هوا ليك معنديش مشكله
لمياء:بلا قلب
سمر:اكيد انتي يلي هججتي خوي ياعبده يا متع العار
مروه:رسمي اي كنهادا علاش بيسافر مسكين ؟
ريم:خذت حبة فراوله من الصونيه يلي قدامها ....العار؟؟؟
منو يلي مفروض يقولو عليه عار؟؟؟
لمياء يلي تخون في راجلها مع راجل سمر وقالباته عليها؟
ولا سمر يلي تخنب في ذهب عزوزتها ؟؟
ولا.....شافت لي مروه وسكتت
تبتسمت ريم بي استفزاز....ولا مروه يلي تخون في راجلها وعايشه قصة حب مع واحد عريس؟؟
ولا الخاله سعاد بكبرها يلي ضاحكه على راجلها ومبصماته ع ارض ؟؟
هههههههه وربي كلمة عار شويه يالله سهره ممتعه ....وخدت شنطتها وطلعت مخليا نار تشتعل وراها 🔥🔥🔥🔥
_________________________________
ارتفع صوت ريماس لي اول مره على وليد
فشت علها وسباته بي ابشع الالفاض وتحسبت عليه !
لحقها وحاولت تهرب منه في الحمام وهيا تنادي بي اعلى صوت
لين زلقت وطاح راسها عالبانيو 💔
محمد:واقف ورا وليد .....قتلتها😳😳😳😳
____________________________
جعت ريم لي حوش اهلها مستعده للاهانات وكل شي يتعلق بي مسح كرامتها الاراضي لانها كانت متوقعه من اهلها كل شي!💔
________________________________
انور:يفطر مع عائشه .....والله ؟
عائشه؛والله ياروحي نعرف نطيبه واليوم رح نديرلك احلا بازين من يدياتي ❤️
انور:ضحك على كلمتها ورد على تالفونه يلي يشرين مسكتش
انور:الو؟
السلام عليكم
انور:وعليكم السلام
استاذ انور زوج فاطمه !
انور ؛اي تفضل
معليشي عندك حتى بنت رضيعه ولا؟
انور:مزبوط مني معاي
خوي اسف جدا مرتك دارت حادث في تاكسي اليوم هيا والبنت
انور:بلع ريقه....
عضم الله اجرك💔.....يتبع

reaction:

تعليقات