رواية نار الحلقة الثامنة عشر 18 بقلم وجدان الوداد
رواية نار الفصل الثامن عشر
رواية نار الجزء الثامن عشر
البارت 18
 |
| رواية نار الحلقة الثامنة عشر 18 بقلم وجدان الوداد |
عند قيس : مقعمز قدام البحر ويبكي يبكي لانه اخته حبيبته يلي يراجي امتا يروح ،ويقعد معاها خاناته، مع صاحبه يلي اعز من خوه ودايمه معاه يلي مسانده علي الحلوه، والمره ،يلي دايمه هما مشاكلهم كلامهم كل شي مع بعض
قيس : رن علي مؤيد
مؤيد : كان واقف من بعيد ويشوف في قيس يبكي وقريب يموت علي قيس لانه هوا سبب في الحاله هاذي
مؤيد : رد بس ساكت
قيس : تعال للي طريق (..... )جيهت البحر
مؤيد : اني وراكك
قيس : تلفت ولقي مؤيد من بعيد سكر تلفونه وواقف جيهت البحر ومؤيد : جاي من غادي
وقعد يقرب ويقرب لعند وصل عنده
مؤيد : كيف بيتكلم
قيس : قرب وعطاه فاكو
مؤيد : نصدممم لانه اول مره يضربه
قيس : خليني نضربك خليني نطلع غليلي فيـك
مؤيد : سكت وبعدين قال تفضل هيي خود راحتـك
قيس : بدي يضرب في مؤيد اكتر واكتر ومؤيد يطيح ويوقف من جديد بس مقاومش قيس بكلل وخلاه يضربه بقوه قوته
قيس : يضرب في مؤيد علاش علاش بسسس من قلت البنات مالقيت الا اختي تلعب عليها من قلتهم ويسب ويعارك فيه ويلعن🚫
مؤيد : واقف والدم ينزل من فمـه وساكت
قيس : شن درتلها قولييي شن درتتت طلعت معاك تكلممم
مؤيد : عيططط لااااااااا رد بالك رد بالك تقولها مره تانيه اني مستحيل نفكر ندير شي غلط ره هيا شرفي حتي اني مش انتا بسس
قيس : انهار بالبكي علاش بسسس اني شن درت معاك مش كله رجعته لي اختي 💔
مؤيد : نزل ليه اني واللهي حبيتها هيا وبس ويعلم بربي قداش مانحبها لي توا هيا شرفي وعرضي راه نخاف عليها زي خوفي علي ارين 🔥
قيس : عيط عليه كذابببب كذاببب تخون فيـاا وفي نص حوشي 💔
مؤيد : والله ماتعرف اني موجود ومانكلم فيهااا وربيي وربي اني وياها معاش نكلمو في بعض
قيس : قداش مره دخلاتك للحوش قداش مـره مسيت اخـتي
مؤيد : عيط بقوه جهده لاااااا لااااا معاش تقوللل الكلامممم هذااااا ،معاش تفكررر فيه ،مستحيللل اختك شريفه ،اختك طاهره، انيي خوك مؤيد خوككككك هذا شرفي حتي انيييي ،وضرب قيس فاكو ،اصحا علي روحك اصحاااا ،اني عادرك علي كل شي الا الحاجه هاذي مستحيل انسامحك عليها مستحيل ،💔
قيس : يمسح في الدم يلي نازل علي خشمه شن تتوقع من واحد لقي اخته مع صاحبه فاهمني هي
مؤيد : قتلك صدفه صدفه تلقيت معاها صدفه
قيس : هذي نفسها يلي ليعاتك قبل سنين هاذي نفسها يلي كل يوم نشوف فيك تموت علي خاطرها جاوبنييي ؟
مؤيد : ساكت
قيس : تكلمممممم قولل ريحنيييي ياصاحبيييي 💔
مؤيد : ايييي ايييي هيااا هيا نفسها يلي مش قادر نحكيلك يلي مش قادر نتكلمممم لانها اختكككك لانه مانبيكش تفهمني غلططط هياا البنت يلي حبيتها البنت يلي خدتتت قلبيييي يلي قتلتني وهيا يلي س .. وكيف بيكمل سكت
قيس : هيا يلي سافرت علي خاطرهاا ؟ صحح جاوب؟هيي سبب انك تباعد علي عيلتك
مؤيد : نزل راسه
قيس : وقف وبيمشي شده مؤيد
مؤيد : مش ح نسامحك لو مسيت شعره منها
قيس : شبحله شبحه ونفض يده منه وقال ؛ من اليوم انسا واحد اسمه قيس واحد اسمه قيس انسا كل شي بيناتنا ؟
مؤيد : ح نخليك تهدا بس مرجوعك ليا ياصاحبي ومشي وخلاه وهوا قلبه بيتقطع علي فراقهممممم كانت صاحبته بي قيس اقوى من كل شي وفاجئه نكسرت💔
.
.
.
_________________
ارين : نعم
منتصر : شاف ايمين ايسار مالقي حد شدها للدار طول
منتصر : يشبحلها ويفصل بيها في عيونه
ارين : خير نعم شن تبي
منتصر : خيرك هكي تدوي معاي انتي
ارين : تفجرت فيه لانه خلاص اني معاش ساكته وربي بسسس كان تشوف من اليومم ماعد مكلماتك خلي تسنيم وجمالها ينفعوك ومعاش تجي جهتي ولا تكلمنيً وانساني وفوتني معاش اتعب روحك لانه اني والله ماعد راده وكيف بتكمل كلامها. قاطعها منتصر بـ بوسه خلتها اذوب 🤤❤️
بعد عليها منتصر شويه وقال
منتصر : منظرك وانتي معصبه وتغاري خيال 🤤
ارين : مسحت البوسه وضرباته برجلها علي بطنه ومنتصر وجعاته
ارين : بطل صياعه مش كان سكتت مره خلاص
منتصر : قرب وقام ايدها الزوز شدهم علي الحيط بيد واحده ويده التانيه علي خاصرها
منتصر : تعرفي مع مني عالقه انتي منتصر بشير الفلاني.!
ارين : ابتسمت بإستفزاز وشن يعنيي واني ارين نوري الفلاني ..!
منتصر : ابتسم
ارين : رجعت ضرباته علي بطنه بي رجله وهوا متحملهاش فك ايده
ارين : ابتسمت وانتا اعرف مع مني عالق يااا وقامت حاجبها فوق ولد عمي 😕❤️
منتصر : قام حاجبه وارين طلعت وخلاته
__________________
تاني يوم
عند يوسف وصل تسنيم وخالته وامه لي شفاء ونزل شويه مع مراد وطلع
وشفاء ،كانت ادير في قهوه ومتوتره
عمت شفاء( حدهم )؛ اي ولدكم شن يشتغل
ام يوسف : واللهي ولدي كامل والكمال لله وبحوشه وسيارته وعنده معاش في الجوزات وعنده قهوه
خالت شفاء (امنه )؛ مشاء الله ربي يحميه وبنتك قداش عمره
تسنيم ؛ قلبت عيونها بملل وامها تقرص فيها
ام تسنيم ؛ مجامعه بنتي عمرها 21 سنه
خالت شفاء : مشاء الله ربي يحفظها ويبعتلها وليد الحلال
ام تسنيم : انشاء الله يارب
تسنيم: شن وين ماتبوش تورولنا العروسه
عمت شفاء : لالا هي توا انادوها نوضي ياموده نادي شفاء
موده : حاظر ياماما
.
موده : هيا خشي
شفاء : ووه عليا منظري مساوي
موده : اي والله تجنني
كانت شفاء لابسه قفطان طويل ،شيفون اسود استريت ، وفاتحه شعرها يلي كان طويل لركابهاا ،ومدايره مكياج بسيط ،عباره عن مسكره ،وروج ،واحمر خدود بس .
وخشت وبدت اتقدم وهيا بتموت من الخجل
خالت يوسف : مشاء الله حويته علي كنتنا
عمت شفاء : سلمك سلمك ❤️
ام يوسف : عنده الحق ولدي مستعجل عليك يابنتي
شفاء : ابتسمت بخجل ونزلت راسها
ناضت تسنيم ،وقعمزت جنب شفاء
تسنيم : مساء التوت مخطوبه ياكيوت
شفاء : ضحكت تسنيم وله
تسنيم : لالا اختها
شفاء : الله يوسف قالي عنده اخت واحده
تسنيم : نزلت راسها اني بنت خالته وامي هذيكا واشرت علي خالتها واني نحب يوسف هلبا وهوا يحبني بس توا قالي اني نبي شفاء ومعاش نبيك هوا لعب عليا وكان تزوجك اني نموت ونقتل روحي وربي مش ح يهنيكم
شفاء : صدقت دمعو عيونها بجد
تسنيم ؛ دارت روحها بتبكي وتتكلم بالشويه اييي واني الحقيقه حامل منه ونبيه يستر علياا لانه كان عرف خوتي لما يقتلوني
شفاء : تمام اني مش ح توافق علي الخطوبه اهيا
تسنيم : شكرا حبيبتي وربي يهنيك
شفاء : سلمك ويهنيك مع يوسف عن اذانك لازم نطلع وطلعت تجري تبكي لي غرفتها
وتسنيم : من داخل ميته ضحك علي المقلب وقالت واللهي لما نعذبك يايوسف 😂
فات الوقت وروحو امالي يوسف ويوسف فرحان وعارف انهم ح يوافقو وامه وخالته يشكرو في العيله ويشكرو في شفاء وهذا يلي مفرح يوسف اكتر شي ❤️
.
.
_______________
عند انس ،واسيل في المطار مروحين خلاصصص
اسيل : قلـت لـي ارونتي
انـس : وواك استحشتها الفرخه غير انروح بس واللهي لما نقتلها توا نرويها مسكره تلفوناتها وحتي خالتي زيها
اسيل : كلمت امك
انس : شبحله بوجع ونزل راسه فوتي الموضوع خلاص
اسيل : سكتت
انس : لينا تلاته شهور وخاشين في الرابع مع بعض
اسيل : شبحتله وساكته
انس : مش عارف كيف حبيتك ❤️
اسيل : ساكته وخلاص
انس : ونحبك وح نقعد نحبك طول عمري
اسيل : متنساش اول مانشوف ارين بنطلق
انس : عصب وعروقه باينات احملي مدامه الحلم ببلاش
اسيل : مش علي كيفك هوا
انس : ح نخليك ملكي وتوا نشوفو علي كيف مني
اسيل : تحشمتتت ونزلت راسها وانس في نص العصاب متاعه ابتسم علي خجلاها
ونادا النداء متع الطياره وركبو الطياره
.
.
__________________
عند مؤيد مقعمز في دار عبدو يلي بدت حتي هيا داره ومهموم
طق طق طق
مؤيد : تفضل
ارين : خشت للدار مودي
مؤيد : فتح عيونه وشبحله بوجع وسكر عيونه
ارين : فتحت الباب وخشت قعمزت علي السرير وحطت ايدها علي لحيته خيرك حبيبي مضايقق
مؤيد : سكت
ارين : براحتك بترقد
مؤيد : شبحلها وغمض عيونه وفتحهم ياريت
ارين : ابتسمت زي زمان
مؤيد : هيي
ارين : فتحت حضنها ورقد خوها في حضنها ❤️
وهيا تمسح علي شعره ،وهوا يتنهد ،وبيموت من يلي صاير معاه ،وكان مؤيد يشد في قلبه ،والطاقه الوحيده يلي يفرغ فيها عند قيس ،بس توا هوا يلي مهموم وزعلان منه قيس ،وكان شاد في قلبه وحاس روحه ببطربق ، وكانه هم كبير فوق هموما وارين خففتتت عليه باكتر حاجه ممكن انه تسانده وتحضنه وتحاول تخفف اوجاعه وهمومه ،
.
علي خطمت منتصر : بيشوف عبدو يلقا مؤيد راقد في حضن ارين وارين تمسحله علي شعره وتقراله في قران
منتصر كان بيموت كانه ارين مالكه ومايبي حد يقرب منه حتي لو كان خوها 🔥
.
.
.
________________
عند شفاء : روحو خالتها وعمتها وخشت غيرت في الدار وقعمزت تبكي
تبكي علي كل شي ،علي يوسف ،والحب يلي عطتهوله وعلي انه كيف لقت الحنان ،والطيبه ،،والرجوليه فيه وبعدين يطلع مش كويس ،وغالط مع بنت خالته تبكي بحرقت قلب علي كل شي علشانه هوا اول حب حباته بعد خوها مراد بس هوا كسر قلبهاااا وخليهااا هكيييي ؟💔
علي خطمت خوها مراد من غرفتهااا
شبحها تبكي ؟ خشلها ؟
شفاءه؟ قعمز جنبها خيرك ياعمرييي شن في علاش تبكي
شفاء : شبحتله وقعدت تبكي ومراد حضنها خيرك علاش تبكي من زعل حبيبتي السمحه من
شفاء : تبكي وخلاص
مراد : باعده عليها شويه وقال في حاجه مضايقاتك
شفاء : كانت بتتكلم وتقول علي يوسف وخاينته بس تراجعت في اخر لحضه وقالت شي اني كيف بنمشي ونخليك بروحك
مراد : حظنها وضحك الطشه كبرت وبتتزوج يححح اني امس كنت نعلم فيك كيف اطيبي اليوم بتتزوجي وتخليني
شفاء : ضحك بين دموعها وبعدين رجعت تبكي مرادي
مراد : عيونه
شفاء : اني خلاص بطلتتت مانبيش نخليك بروحك معاش نبي يوسف
مراد : ضحك اشييي الطشه توا في واحده تحصل يوسف وتقول لا
شفاء : اي اني معاش نبيه
مراد : يوسف راجل مافيش منه تعرفي اني فرحان انه بياخذك واحد زي يوسف نطمن عليه معاك ونكون فرحانه بنسيب زيه
شفاء : سكتتت وقررت تسكت ماتبيش تزعل خوها حتي لو علي حساب حياتها 💔🥺
مراد : توا ياطشتي ارقدي ونحكو غدوا باهي ورد بالك تفكري في شي باهي واعرفي انه اني عطيتك اي راجلً يحبك ويصونك ويحافظ عليك حتي توا لو مات نكون مرتاحح
شفاء : سكرتله فمه بايدها بعيد السوء عليك بعيد السوء يارب فيا ولا فيك
مراد :ابتسم وباس يدها بعيد السوء علي قلبي ربي يخليك ليا طول العمر
شفاء ابتسمت
مراد ؛ توا نخليك بروحك باهي وارقدي لانه من الصبح وانتي فايقه ومعاش ادوري شي هوا اني منقدرش من غيرك بس يلا حتي اني نبي نتزوج واللهي 😂❤️
شفاء ؛ ضحكت واحلا واحده لي احلا مراد 🥺❤️
مراد ؛ ضحك باهي هي ارقدي توا
شفاء ؛ رقدت وغطها يوسف وطلعع ورقدت شفاء وهيا تفكيرها في يوسففف
.
.
.
_______________
عند انس ،واسيل وصلو لليبيا
وكملو اجراتهم وطول للتاكسي علي الحوش
وصلو للحوش وانس مشي طول لي جيهت حوش ارين وخالته
وصل لقي الحوش مفتوح وانصدممم ب يلي شافه 🔥
اسيل : انس لقيتتت وانصدمتتتت حتي هيا💔😳#يتبعععع
.
.
________________
.
.
.
عند يوسف مقعمز في داره ويتصل بي شفاء وهيا متردش عليه وفاجئه وصلاته ريساله قلباته 🔥#يتبعع
.
.
(محلاكممم ومحلاا تفاعلكممم الله يبارك علي التفاعل السمح رربي يزيد 🔥❤️
وصح الروايه قصيره معاش نبي نحكيلكم علي الضي الجميل يلي يخلي فيا نكتب وتلفوني في الشحن والنت هارب انزل بنت شفره ومرات يبدا معنديش رصيد او منحصلش تغطيه وانشاء الله يجي الضي مش نشحن ونكتبلكم حلقه تسرسح علي القلب 😂❤️
واي حد يبي ينزل روايتي علي الواتباد عادي اي بس بي اسميي بليززز ❤️❤️)
يتبع ..
لقراءة باقي حلقات الرواية : اضغط هنا