القائمة الرئيسية

الصفحات

رواية جوزي اتجوز عليا كاملة

رواية جوزي اتجوز عليا كاملة 

رواية جوزي اتجوز عليا كاملة 
عاوزه احكيلكم حكايتى ..انا مجوزه و جوزى قالى في يوم انا هجوز ..طبيعى زى اى ست رد فعلها هتتعصب وتعمل مشاكل وتقولى مش مخلياك عاوز حاجه
انا بقى معملتش كده زعلت بس قولت لنفسى مهما تعملى مشاكل وتسمعى بيكى الناس وهو طالما ناوى يتجوز يبقى هيتجوز سواء قدامك او وراكى
فضلت شهر بكلم فى نفسى وزعلانه واتخنق واعيط بس ..مش قدامه ..ينزل شغله اشغل قرأن واشتغل فى البيت وانا بعيط😭 واشتغل لحد ما اتعب
اغسل وشى واعقد مع نفسى وكنت احس براحه رهييبه
قبل ما كان يرجع من الشغل كنت اقوم اخد دش واتشطف وكنت احط مكياچى والبرفيوم بتاعى واللينسز وده اللى متعوده عليه
كان مستغرب🤔 من تصرفاتى انى لسه زى ما أنا متهزتش والا حكايه جوازه بواحده تانيه اثرت فيا ....وانعنك
قولتله ان ربنا عالم بنار قلبى 😱
المهم فضلت ماسكه نفسى ومثلت انى قويه ومفيش مشكله طالما مش هتأثر بحقى ..كنت مخلفه منه ولد شهاب و شهاب فعلا نور وجمال وحلاوه وطعامه ...
اتجوز وعمل فرح لأنها بنت بنوت واحلى فرح اظن هتقولو ايه المسلسل العربى ده ...
اجوزها وعاشت فى الشقه اللى فوقى وانا فى الدور اللى تحت منها
هى عروسه فى اول جوازها هو فضل معاها شهر ونزلى بعد الشهر ده بيوم دخل لاقانى نايمه وهو بيصحينى قمت من النوم مفزوعه واتخضيت وقالى متخافيش مخضوضه ليه دا انا جوزك
قولتله بكل برود وايه اللى نزلك من عند عروستك
قالى ليه هو هفضل لها لوحدها قولتله لا بس دى عروسه اطلع لعروستك ويوم عن يوم بقيت اقوله اطلعلها دى عروسه وفضلت كده لمده شهرين لحد ما جالى فى يوم وقالى انتى ايه حكايتك كل ما اجيلك تقولى اطلع 🤔انتى مالك بقى انتى مراتى وليكى حق فيا وانا ليا حق فيكى قولتله وانا متنازله عنه لعروستك اطلعلها
لقيته ضربنى بالقلم على خدى من قوه القلم الحلق طار من ودنى وبقيت منهاره انت لتضربنى ليه كده ايه حصل مش كنت عاوز زوجه تانيه ولما اجوزت نازلى ليه انا مش عوزاك
زعلنا مع بعض وقالى بس بحبك اوى ومقدرش استغنى عنك وصف

الزوجه الجديده حبت تبين انها اشطر منى فى كل حاجه
اثبتت انها مدبره وشاطره وانها مش بتصرف كتير وانها جميله وبس على كده من النقطه دى اتحول جوزى تحول كامل
ادانى فى شهر ٢٠٠جنيه مصروف وهى اخدت نفس المصروف يوم عشرين فى الشهر طلبت فلوس منه تانى قالى ايه ده ازاى كده دى التانيه لسه معاها فلوسها
قولتله انا التزماتى اكبر ولد ودراسه ومصاريف وغيره
قالى لا دبرى فلوس زيها خليكى اقتصاديه قولتله حاضر
بقيت اقلل من الاكل الكتير ومصاريفى الشخصيه واوفرها للولد ...
جه يوم البيت وقالى عاوز اتغدى قولت حاضر
جهزت الغدا وهو عباره عن بيض وحته جبنه نستون ورغفين فينو
قالى ايه ده قولتله رغيف ليا وليك ورغيف للولد لما يجى ياكل
قام يشتم وينفخ. وانتى مسرفه ومره زباله يلعن ابو اليوم اللى شوفتك فيه ..
سكت ومردتش وقولتله انا بوفر زى ما طلبت ازاى بتوفرى وبتاكلينى جبنه ورغيف فينو
امال التانيه بتجيب منين دى اشطر منك دى ودى ودى ....الخ
هى اهلها كانو اسبوعيا يزروها بشئ وشويات وكانت بتطبخ ومكنتش بتشترى حاجه
لحد ما فى يوم طلبنى ورفضت من زعلى منه وقهرتى على حالى وانتو كستات عارفين يعنى ايه ان ست تتقارن بست تانيه شعور ملوش وصف ..ابنى شهاب تعب فى يوم ونزلت عليه سخونيه وتعب ودرجه حرارته ٤١ ابنى كان بيرتجف من السخونيه بيتنفض على السرير بتاعه وبيرتعش شيلته وجريت بيه على مستشفى خاص
هو فضل يزعقلى 😡وهى واقفه جمبه ليه مستشفى خاص ما الحكوميه موجوده والا هى فنتظيه وخلاص
قولتله مش عاوزك منك فلوس هبيع دهبى عشان ابنى وفعلا بعت دهبى وابنى اتعالج
بعدها بشهر ردت عليه السخونيه تانى ونفس الحاله وجريت بيه على المستشفى ..نفس المستشفى بس ابنى كان حالته مزريه يخوف ...اتصلت بوالده وقولتله تعالى على المستشفى الفلانيه

سمع اسم المستشفى وفضل يزعق ويصرخ 😤وهو احنا مورناش غير المستشفى الزفت الخاص دى
ونا بكلمه فى التلفون لقيت ممرضه بتقولى تعالى يمدام كلمى الدكتور فورا
يتبع .. 
لقراءة باقي حلقات الرواية : أضغط هنا 
هل اعجبك الموضوع :

تعليقات

لو عايز أي رواية pdf .. أو لو عايزنا نعرفك لما الرواية إللي بتتابعها ينزل منها حلقة جديدة، انضم لقناتنا على التيجرام: من هنا 
ما هو الفصل الذي تود قراءته؟