رواية ضحايا زواج كاملة بقلم ساندرا الطرابلسي
 |
| رواية ضحايا زواج كاملة بقلم ساندرا الطرابلسي |
اقرأ ايضًا:
رواية ضحايا زواج الحلقة الأولى
حلقه 1(المقدمه).......🔞
ملاك تشبح لي امها وماسكه ايدين امها وعيونها مليانه دموع
ملاك:يام احكي شي ماتقعدي ساكته يام انتِ ترضي انها بنتك تزوج الشيباني هدا يام احكي احكككككي.
نوريه شبحت لي جهه التانيه وماسكه دموعها..
ناصر مسك يد ملاك
ناصر:يالله تاخرتي زوجك براا.
تما يمشي وهي وراه وتشبح في امها ،في لحظه هادي نوريه انهارت من البكي..خوات ملاك يبكن،
ملاك في لحظه هادي شبحت في ناصر وقالت .في خاطرها.
وينك ياباتي وينك علشان تشبح خوك شن دار في بنتك...
ولم طلعت ملاك شبحت راجل واضح عليه كبير في عمر،واقف قدام السياره وفاتح الباب لي ملاك ويشبح ليها بنظرات خبيثه..
ملاك في لحظه هادي مسحت دمعتها يلي كانت قبل تبي تنزل من عيونها،وشبحت بنظرات ثقه وقفت قدام عمها ..وقالت
ملاك:اني مش راح نبكي ولا راح نزعل لانه اني بنت ماعندي تريس وقفين وراء ظهري ماعندي..
ومشت وركبت السياره وحاتم ركب السياره وطلع..
وناصر مصدوم من كلام ملاك بنت خوه...
_________
وفي لحظه هادي في بنت قاعده في صالون ومراء ديرها في ميك اب..
وهي كل شوي ترجع تزبط في ميك اب.لانها قاعده تبكي.
لجين :ها شن اخبار عروستنا..
البنت:والله العروسه الواضح زعلانه
لحين شبحت لي نجمه يلي عيونها حمر،ودموعها على خدها..
لجين شبحت لي البنت وابتسمت وقالت
لجين:معلش خلينا شوي
البنت:تمام
وطلعت.........
لجين:نجمه خلاص حتي يلي البنت اكيد قالت خيرها هادي
نجمه شبحت لي لجين وعيونها حمر.
نجمه تحكي بصوت عالي.
نجمه:كيف تبي ندير ها كيف وحده تبي تزوج ولد خالتها غصب عنها علشان وصيه خالتها شن تبي ندير ها شن تبي ندير..
________________
يتبع........
الحلقة الثانية
الحلقه 2......🔞
عند ملاك في السياره مسكتها العبره وماتبي تبكي ماتبي توضح انها ضعيف
حاتم شبح ليها كيف تشبح لي زجاج وماتبي تشبح ليه
حط يده على يدها.
ملاك بعدت يدها بسرعه...وشبحت ليه.
حاتم:خيرك خايفه هكي خلاص اني زوجك؛
ملاك تحكي بصوت منخفض.
ملاك: ماتفرح انك تقرب منى ،اي صح اني زوجتك توا بس صدقني الزواج هدا مستحيل يستمر
حاتم ضحك ضحكه استهزاء...وشبح لي الطريق. وقال.....
حاتم:اي اي انتي صغيره ومش فاهمه شي.
ملاك: ادا اني صغيره كيف راضي على نفسك تزوجني ها.
حاتم: هدا هو الحب...
ملاك تمت تضحك وحاتم شبح ليها ومعقد حواجبها...
ملاك:تحشم تحشم على كلمه الحب هههههههههه انت كبير كبير على كلام هدا...
حاتم عصب منها
وشبح ليها .وقال.
حاتم:تبي تسكتي ولا كيف يصير.
ملاك:اني مستحيل نسكت ويلي تبي ديره ديره.
حاتم:والله ..
مسكها من شعرها وخبطها قدام...
ملاك فقدت الوعي وحاتم الحقير ماعدل عليها..
حاتم:هكي ندير اني لي البنت يلي ماتبي تسمع كلامي...
وكمل باقي طريقه.......
___________________
لجين:اني عارفه عارفه انك مغصوبه على الشي هدا بس شن تبي اديري، وصيه ولازم نفدوها
نجمه:وصيه وصيه وصيه تعبت من كلمه هادي تعبت يا لجين ،لجين خالتي حميده لم ماتت هي تريحت بس قبل ماتموت تركت اتنين يتعدبوا حرام يالجين حرام
لجين:الله يرحمه خلاص الميت ماتجوز عليه غير الرحمه خالتي حميده توا عند ربي ماعندنا شن نديروا
نجمه:علاش اني بذات علاش علاش
لجين: نحن كلنا نعرفوا كيف خالتي حميده تحبك وتعتبرك كيف بنتها
نجمه ساكته
لجين:خلاص توا امسحي دموعك نجمه ردي بالك ادير شي قبل مااديري اي اشبحي قدام بوك وامك نجمه ردي بالك..
نجمه ساكته وماترد
طلعت لجين وجت البنت كملت باقي الميك اب والشعر....
بعد ماكملت...طلعت نجمه خيااال..
عملت ايلاينرا روج احمر وشعرها خدت خصلتين ومسكتها من وراء..وباقي الشعر فردته...
فستان زفافها بسيط..
طلعت لجين ونجمه لي صاله....
نعيمه ام نجمه قاعده على اعصابها وخايفه هلبا وخايفه نجمه ادير اي شي يخرب وتقعد فضيحه قدام الناس....
خلينا نحكوا منو نجمه ....
(نجمه عمرها 19 بنت بيضه وعيونها زرق وطويله وشعرها لعند نص ظهرها وانسانه تحب الضحكه وطيوبه ماعندها خوات ولاخوت،عندها خاله قبل ماتموت وصيه انه ولدها حسام يتزوج نجمه بنت خالته حسام عمره 30 عنده اخت اسمها كنزه من عمر نجمه........)
________________________
عند ملاك
وصل حاتم لي فيلا كبيره.وفخامه...
نزل وفتح باب ملاك ورفعها وهي تنزف من راسها...ماعدل على اي شي.
دخل لي الفيلا....
ساميه (مرات حاتم) :والله حرام شن داير في البنت انت ...
حاتم ماعدل على كلامها طلع فوق..
ساميه مراء طيبه بكل ومتحمله حاتم و حركاته عنده منه 4 صغار...
(ملاك عمرها 23 عندها اختين هي الصغيره راوان، جنات، خوات ملاك ومهند اخ ملاك...
بوها متوفي من سنين ،عمها ناصر هو يلي مسؤل عليهم، ملاك شخصيه قويه وعصبيه وشخصيه ماتهتم نفسها مش كيف باقي البنات ،وصفها...
قمحيه وعيونها سود وكبرا وشعرها قصير وطويله.....)
حاتم دخل لداره وحط ملاك على سرير..
وصكر الباب وقف قدامها وتبي يحول في حوايجه..
وهجم عليه واستغلها وهي فاقده الوعي...
وملاك ماتحس في اي شي....
_____________________
نوريه من اول ماطلعت ملاك وهي ماوقفت بكي...
روان تهدي في امها..
روان:خلاص يام خلاص حرام يلي اديري فيه..
جنات:خليها تبكي خليها تخفف من الدنب يلي دارته..
روان فنصت لي جنات...
جنات ناضت.وتحكي بصوت عالي .
جنات:ماعندي علاش تفنصي امي دارت دنب معقوله في ام تعزق بنتها عزق الكلاب هكي علشان ولدها الوحيد توا قاعده تبكي شن يفيد البكي ها شن يفيد وقربت من نوريه ،نوريه تشبح لي جنات وتبكي..
جنات:شن يفيد يانوريه الدموع يلي تنزلي فيه،خلاص ملاك راحت راحت لي الشيباني هداك.خلاص الدموع هادي مستحيل ترد ملاك مستحيل....
ودخلت لي دارها..
نوريه انهارت من البكي و روان تهدي فيها..
نوريه:كل منى سامحيني يابنتي سامحيني سامحيني وتمت تبكي...
دخل مهند يلي مش هامه اخته بكل...
مهند: روان بالله عليك ديرلي غداء.
روان شبحت لي مهند بنظرات حقيره وتبي تدخل الدار..
مهند هجم عليها ومسكها من شعرها.
مهند:عيونك مره تانيه نشبحهم هكي نحطي اصابعي فيهم ونطلعهم لكي فاهمه وامشي توا قدامي ديري غداء..
نوريه ناضت وقالت بصوت عالي..
نوريه: بعد عن اختك يكفي خلاص خلاص كل يلي صار بسببك انت بسببك انت اني مستحيل نخليك تمد يدك اخره على خواتك مستحيل ...
مهند مستغرب لانه امه اول مره تقوله هكي
مهند ترك روان وطلع من الحوش..
نوريه دخلت لي دارها وقفلت الباب..
________________________
عند نجمه دخلت لي الصاله...
وهي دمعتها ماسكتها....
وبعد شوي دخلت على اغنيه اسماء الله الحسني..
وتمت تمشي شوي شوي وماتبي تشبح لي اي حد والناس تشبح ليها طالعه ملكه وجمال ربي تبارك الرحمن❤
وقعمزت على الكوشه وتشبح تحت ...
لجين:نجمه اضحكي شوي...واشبح لي الناس..
نجمه شبحت وضحكت ضحكه صفرا..
قعدت شوي شوي اضياء طفت وحطوا الضي على حسام يلي دخل طلع خيال ولحيه الخفيف وشعره مرفعه فوق ولابسه بدله كحليه .
البنات فاتحات عيونهم ومصدومات من الجمال.
حسام دخل ورفع الطرحه وباسها وقعمزوا..
نجمه مارفعت عيونها فيه وحسام مايضحك بكل واضح عليهم...
شوي طلعوا. .
نجمه سلمت على امها ولجين.. وطلعت.
ركبت السياره..
وطلع.
وطول الطريق ولاواحد قال شي...
وصلوا لي الشقه..
نزل وجاء يبي يساعد نجمه نجمه نزلت وبعدت يد حسام يلي تبي يساعدها
حسام غمض عيونه وفتحها وخدا نفس وصكر الباب...
وطلعوا لي الشقه...
دخلوا...
نجمه دخلت لي الدار جت تبي تصكرها...
بس حسام جاء فتحها..
نجمه خايفه وتشبح ليه.
حسام:ماتخافي اني بس نبي نحكي معاك
نجمه:مافي شي راح نحكوا فيه ،يلي تبي تقوله توا علاش ماقلته قبل ها علاش ..
حسام قعمز على السرير..
نجمه:حسام بالله عليك مافي داعي تقول شي خلاص صار يلي صار..
حسام:نجمه الزواج هدا راح ينتهي ماتخافي مش راح يستمر.. اني راح نطلقك بعد تلات شهور.
نجمه مستغربه ومعقده حواجبها.
نجمه :كيف هدا وهادي وصيه.
حسام:امي الله يرحمها وصيه هي اني نتزوجك صح،اني خلاص تزوجتك وصيه تنفدت خلاص بعد كم شهر راح نطلقك كل شي في حاله..
نجمه كيف يلي هدت وارتاحت..
حسام:نحن راح نكون قدام الناس اتنين متزوجين تمام ،بس ماتخافي اني مش راح نقرب منك ولا راح ندير اي شي تمام...اني راح نرقد برا وطول النهار مش راح تشبحي وجي في اليل راح نجي نرقد بس تمام..
حسام ناض وخدا حوايجه.
حسام:تصبحي على خير..
نجمه:قدامك الخير..
وطلع..
نجمه ارتاحت انه مش راح يستمر الزواج هدا وغيرت حواجيها ومسحت الميك اب ورفعت شعرها كعكك ولابست بجامه ورديه
حسام غير حواجيه وحط راسه على المخده وتما يفكر..
ومارقدوا هما الاتنين الا بعد الفجر....
______________________
عند ملاك يلي وعت راسها يوجع فيها...
وتشبح لي الدار وتمت تدكر يلي صار معاها...
بعدين ناضت مخلوعه وشبحت لي الدم يلي نزال منها عرفت كل شي....
وانهارت من البكي...
بعد شوي وقت نزلت من السرير وتمشي كل بعد شوي اطيح.كان ليل
طلعت من الدار وتمت تمشي في الممر ..
ماقدرت وطاحت بعد شوي طلعت ساميه.
ملاك :ارجوك ساعديني ساعديني ارجوك
ساميه تشبح لي ملاك يلي طايحه على الارض حوايجها متقطعه
ساميه:علاش ما ساعدتي نفسك قبل ماتفكري تزوجيه.
ملاك: اني ماكنت راضيه على زواج صدقيني مش راضيه ساعديني ارجوك ساعديني نطلع من المكان هدا..
ساميت سكتت وقالت
ساميه: خليك هنا شوي بس.
دخلت لدار وطلعت بي عبايه وشاح.
لابستها لي ملاك
ساميه: اني راح نساعدك راح نطلعك توا لانه حاتم مش راح يرد الا الفجر..يالله.
وناضت ملاك وسانده على ساميه ونزلت تحت،وفتحت الباب قبل ماتطلع قالت..
ملاك:شكراا شكراا مستحيل نساء المعروف يلي درتيه ليه مستحيل..
ساميه :الواضح انك صغيره وحرام يلي قاعد يصير فيك ،ردي بالك من نفسك يالله اطلعي قبل مايجي..
ملاك:شكراا شكرااا
وتمت تمشي شوي شوي...
ودخلت ساميه داخل.
كان حوش ملاك بعيد هلبا مشت مشت مشت وجت تبي تقطع الطريق ماتشبح الا سياره قدامها بعدها فقدت الوعي...
توقف السياره ويطلع منها راجل طويل عريض شعره هلبا مرفعه فوق ولحيته كثيفه ولابس قميص ابيض بنطلون اسود نزل وهو مخلوع.
وتما يخبط على وجه ملاك
جارح:لوسمحتي لوسمحتي تسمعي تسمعي فيه ولا لا يارب...
ملاك ماتعلم ولاعلى اي شي..
جارح رفعها في حضنه وركبها السياره وطلع بيها
عند حاتم رد لحوش وهو دايخ من كترت الشرب دخل وهو يمشي يمين شمال..
طلع فوق....
دخل دار ملاك..
حاتم:قل......ويشبح الدار.فاضيه..بصوت عالي
حاتم:ساااااااااااااميه...
_______________________
يتبع...........
الحلقة الثالثة
عند ملاك ...
جارح طلع بيها لمستشفي وهي كانت راكبه جنبه وبعد كل شوي يشبح ليها وخايف هلبا..
وصل..
نزل ودخلوا لغرفه العمليات...
جارح واقف قدام الباب وخايف هلبا ومشعارف شن يدير قعد نص ساعه وطلع الدكتور.
جارح:دكتور خيرها كويسه.
دكتور:ماتخاف هي كويس نحن الحمدالله انه لاحقنا ووقفنا النزيف توا هي لازم ترتاح
جارح:تمام..
وجارح مشعارف شن يدير غير انه يمشي ويجي في هداك الممر؛!!!!
________________________
عند جنات يلي راقده في سابع نومه..
روان يلي ماسكه التلفون تراجي في مكالمه من حسين
بس فقدت الامل وحطت التلفون على طاوله رقدت...
نوريه يلي كانت تبكي طول ليل بعد ما ادن الفجر ناضت وتوضت وبدت تصلي وهي في سجودها تبكي تبكي تبكي
_________________
عند حاتم ...
حاتم:سااااااااااااااميه.
ساميه رعشت وماعرفت شن ادير
حاتم تما يكسر كل شي قدامه وينادي بي ساميه.
ساميه طلعت وتمت تمشي وقفت جنب الدار
حاتم شبح ليها وعيونه حمر...
حاتم:ووووين ملاك احكي وينها
ساميه: مانعرف صدقني مانعرف..
حاتم تما يقرب منها
حاتم:ماتعرف ها ماتعرف توا نشبح ادا تعرفي ولا..
وخدها من شعرها وتما يضرب فيها يضرب يضرب بعدين داخ وتركها طاح على الارض رقد
اما ساميه المسكينه ناضت وهي تبكي وشعرها مشفشف ودم ينزل من تحت فمها وجسمها يوجع فيها ناضت ودخلت لدارها وقعدت على السرير وهي تبكي تبكي تبكي....
_____________________
تاني يوم...
جارح ناض وهو يحرك في رقبته يمين وشمال لانه توجع فيه وهو راقد على كرسي...
وناض لابس جاكيته....
ونزل تحت دخل لحمام غسل وجه وطلع خدت قهوه وطلع فوق....
شوي تجي الممرضه لي غرفه ملاك..
جارح:معلش استني..
ممرضه: تفضل
جارح:معلش نقدر نشبح مريضه توا!!!
ممرضه:راح نشبح حالتها راح نقولك
جارح:تمام..
وقعمز جارح وهو راسه صداع ومايعرف شنو يدير....
دخلت الممرضه وتشبح ملاك واعيه وتشبح سقف
ممرضه:ماشاء الواضح انك كويسه
ملاك شبحت الممرضه وصكرت عيونها بمعني اي تمام..
ممرضه تمت تشبح ليها وقبل ماتبي تطلع..قالت.
ممرضه:في راجل برااا يبي يشبحك
ملاك خايفه وتحساب حاتم..
ملاك: منو هو!
ممرضه:والله مانعرف بس امس جيتي معاه وكنتي فاقده الوعي وهو جابك هنا.
ملاك بدت تحاول تدكر كل شي ودكرت انها ساميه ساعدتها في هروبها وكانت تمشي وطلعت قدامها سياره وعرفت انه هو صاحب السياره
ملاك:تمام يدخل يدخل..
ممرضه طلعت وقالت لي جارح يدخل...
جارح دخل ويشبح ملاك كيف في شاش على راسها وايدها مكسوره...
جارح:الحمدالله على سلامتك..
ملاك:الله يسلمك .
جارح:سامحيني هلبا اني وقتها ماكنت مركز هلبا على الطريق
ملاك:لاعادي اني يلي كنت عقلي مش راسي وقتها ومش مركزه هلبا.....
جارح:باهي اني ما لازم نتركك لوحدك اعطيني تلفون بوك ولا احد من اقرابك..
ملاك:اني بوي متوفي..
جارح:اي الله يرحمه،باهي اعطيني رقم خوك ولا اي شخص تعرفيه..
ملاك ساكته وماتحكي في شي.
جارح يشبح ليها .
جارح:خيرك ماعنده خوت ولاشنو
ملاك: انت اتركني لوحدي خلاص انت درت يلي عليك وشكرا على كل شي
جارح: كيف خيرك انتي..
ملاك:مش انت رفعتني هنا خلاص درت يلي عليك واني توا كويسه روح لبيتك.
جارح مستغررب من كلامها..
جارح:اني اسف مش راح نقدر نتركك لوحدك اني يلي رفعتك هنا واني يلي لازم نعطيك لي هلك.
ملاك:انت خيرك ماتفهم قتلك اربح مانبي منك شي خلاص شندخلك بيه بس خلاص عاد
جارح:باهي وسعي بالك وخفضي من صوتك
اني قلت كلمه وحده اني مش راح نطلع من مكان هدا الا من سلمك لي خوك
ملاك:اني مانبيك تسلمني لي خوي لاني هاربه
جارح وسع عيونه بصدمه ومش مصدق يلؤ سمعه...
ملاك ارتبكت وماعرفت شن تقول..
جارح:شنو شنو تقولي.
ملاك:اني راح نحكيلك بس ارجوك انك تساعدني..
جارح ساكت..
ملاك:اني اني متزوجه وهاربه من زوجي ،ومن خوي...ومن اهلي كلهم وتمت تبكي...
جارح:انتي انتي شن تحكي...
ملاك:لو حكيت لك تقدر تساعدني
جارح:نساعدك في شنو شن تحكي انتب الحادث اتر على راسك خيرك انتي
ملاك:اني مش مجنونه اني بنت هربت من حوش زوجها بسبب ضربه ليه واغتصابه هربت منه راجل كبير في العمر زوجني هلي ليه ارجوك ارجوك ساعدني اعتبرني كيف اختك بس ارجوك ساعدني...
جارح:اختي اني ما عندي اخت ادير هكي وحشاء اختي من يلي اديري فيه نحن بناتن متربيات وماتقارني نفسك فيهم..
ملاك دموعها ينزلوا وماكانت تحساب انه يقول هكي وتحساب يساعدها طلع ندل
جارح:اني ما ليش دخل من يلي قلتيه تمام انتي توا كويسه خلاص اني درت يلي عليه.
سلام...
وطلع جارح وملاك وجعتها كلامه وتمت تبكي تبكي وتصرخ لعند ماجت ممرضه واعطتها مهدا ورقدت....
جارح طلع وركب سيارته وطلع.
_________________________
عند نجمه وعت وخدت دوش وطلعت لابست سوريه طويله بيضه وبنطلون جينز
ورفعت شعرها فوق وعملت ميك اب خفيف
وطلعت............
اول ماطلعت ماشبحت حسام بس شبحت البطانيه والمخده على الصالون
عرفت انه طلع..
دخلت المطبخ وتشبح سفره فيها فطور على عين عينك .....
عملت القهوه وقعمزت على الكرسي
شوي يفتح
دخل حسام المطبخ وخدا كوب ميه وشبح ليها
نجمه خدت مق قهوه وقال حسام
حسام:ماتبي تفطري
نجمه:مانحب نفطر في الصبح..
وطلعت
حسام ماعدل وقعمز وبدا يفطر
__________________
بعد مرور شهر
ملاك طلعت من المستشفي وقعدت عند حوش صاحبتها مريم وهي صاحبتها واختها وكل شي وماحد يعرف انه عندها لانها ساكنه مع امها كبير في السن
جارح ماعدل على ملاك بكل ونساها من بعد طلع من المستشفي
نوريه كل يوم تبكي على فراق بنتها بس ماعندها مادير غير البكي
نجمه قررت تمشي لجامعه وحسام طبعا وافق
وطبعا طول الفتره هادي نجمه مش مهتمه بي حسام بكل لدرجه انه الغداء والعشاء عن اهل حسام
لكن راح يصير شي يقعد جارح نادم وشنو هو...
________________
في اليل
عند ملاك يلي كانت مقعمزه على كنبه ومعاها صاحبتها..
ملاك: اسمعي بكرا الصبح راح نطلع معاك خلاص راح نغطي وجي لاني فعلا خلاص مليت من القعده
مريم: تمام.ملاك نبي نسالك !!
ملاك:اسالي شنو؛
مريم:لم كنتي في المستشفي ماكان معاك حد منو يلي رفعك نقصد
ملاك دكرت جارح يلي حتي اسمه ماتعرفه دكرت كيف ندل وحقير وكيف هانها لم اعترفت له وطلبت منه المساعده هكي زادت كرهت ملاك جنس ادم اكتر وخدت فكره عليهم انه خاينين واندال
مريم:اووووو وينك .
ملاك:صاحب ااحادث رفعني قالوا لكن لم وعيت ما شبحته
مريم:خزي الحقير معقوله في ناس هكي
ملاك:واني شن نقولك جنس ادم كلهم اندال كلهم. ياقلبي
مريم:فعلا خزي عليهم كلهم...
ملاك:ههههههههههههههع خيرك تميت كيفي 😂
مريم: لانه كلام حق كله حق
ملاك:اي اي .
_____________________
تاني يوم الصبح..........
نجمه وعت لابست وكانت بكامل اناقتها.
وطلعت لمطبخ وخدت كوب قهوتها...وحسام يفطر ومره مره يخطف شبحات ليها...
وهي تشرب في القهوه وبعدها تشبح لي تلفون يلي كانت واضح تحكي مع شخص..
حسام ماعدل ..
بعدها طلعوا...
وفي الطريق نجمه برضوا كانت تشبح لي تلفون هلبا ..
حسام: لانكون بي اخرتك
نجمه:ها لا مزال اصلا علاش.
حسام:حسيتك كل بعد شوي تشبحي لي تلفون
نجمه:اي لانشبح لي ساعه
حسام بعدم تصديق ...
حسام:اي اي...
وصلوا نزلت نجمه وحسام طلع لي شغله
نجمه :صالح اني وصلت حبيبي انت وين
صالح اشرها بيده..
صالح:حبيبي اني نشبح فيك ...
نجمه ضحكت وصكرت وجت لعنده
نجمه:صباح الخير
صالح:صباح الورد صباح الحب صباح الجمال شنو الجمال هدا شنو بس.
نجمه ضحكت بخجل☺
صالح:منو يلي رفعك حسام
نجمه:اي يعني منو غيره
صالح: مازال شهرين راح تتطلقي منه خلاص راح تكوني نجمتي ليه وبس ..
نجمه:ان شاءالله يارب..❤
وقعمزوا تما يهدرزوا
___________________________
جارح يلي راقد ولابس بنطلون وعريان من فوق خصلات شعره على وجه راقده على بطنه.
شوي تدخل فريده ام جارح..
بدت تفتح في رواشن الدار ..
فريده:جارح جارح نوض خلاص شوي يدخل علينا الظهر نوض
جارح مايرد
فريده:جااااااارح
جارح بصوته الخشن...
جارح:يام خلاص اطلعي بالله عليك
فريده:توا تنوض وتاخد دوش بنت خالتك قاعده تحت يالله عيب خطيبتك تحت وماتبي تنزل..
جارح:شن تبي النم هادي ناقصها اني من الصبح..
فريده:عيب عيب في الاخير بنت خالتك..
جارح:تمام تمام...
وطلعت فريده وجارح ناض وخدا دوش ولابس لابسه عسكريه بوت امتاعها ورفع شعره فوق ومشط لحيته وبخ برفانه ونزل...
ولاء:خالتي جارح مازال راقد لعند توا.
مروه:اي مازال ماعندك علاش جايه في وقت نومه
ولاء شبحت شقلبت عيونها وقالت.
ولاء:اني سالت خالتي مش انتي...انتي خالتي.
فريده: يابنتي توا راح ينزل هو ديما يتاخر.
مروه قالت بصوت منخفض لي اختها يلي جنبها .
مروه: عمري ماشبحت وحده تجي لي خطيبها على اشكال..
رانيا يلي تشبح لي تلفون تراسل في واحد .
ماتسمع في كلام مروه بكل.
شوي ينزل جارح..
ولاء تنوض وابستامه على وجها..
جارح ماعدل عليها وطلع ..
فريده:جارح جارح
ولاء مصدومه ومروه طربقت من الضحك.😂
مروه ناضت وقفت قدامها ..
مروه:عادي عادي حبيبتي هدا هو قدرك عند جارح..ههههههههه..
وطلعت فوق..
ولاء وجعتها وطلعت حتي هي.
فريده:اخ اخ من هل الصغار تعبت تعبت معاهم..
__________________
عند نجمه يلي نست الوقت وهي تهدرز مع صالح....
حسام طلع من شغله وجاء وطلع لي جامعه استغرب انه نجمه ما اتصلت بيه...
وبعد ماوصل دخل لحديقه ويشبح نجمه مقعمزه مع شخض وتضحك...
حسام نار ولعت فيه وجاء ليه ومسك يدها...
وتما يمشي وهي وراه مصدومه وخايفه من يلي صار
ركب السياره وهو ساكت وكانت سرعته 300
نجمه خايفه ومشعارف شن راح تقوله..
وصل نزلوا. ..
دخل لشقه
حسام:توا يلي شبحته عندك مبرر ها احكي..
نجمه:لا ماعندي ولا راح يكون..
حسام:انتي واضح نسيت انك متزوجه نسيت
نجمه:لا مانسيت مانسيت بس واضح انك انت يلي ناسي انه بعد كم شهر راح نطلقوا نسيت ها حسام نحن كيف الخوت انت مستحيل تكون راجلي مستحيل ابدا..
دخلت لدار..
حسام ماعرف شن يدير غير كسر يلي قدامه وطلع...
في اليل...
جارح قاعد في السياره ويشرين تلفونه ...
جارح:ايواا.
هاشم يحكي هو سكران..واغاني ..
هاشم:يالله يالحب تعال الجو هنا خيال.
جارح:وين قاعد
هاشم:في الاستراحه يالله تعالي..
وصكر..
وطلع جارح لاستراحه..
هاشم:يالله ياقلبي راح يجيك احلي شاب حلو بنات كلهم معجبات بيه.
رانيا:حق وشن اسمه..
هاشم:الجارح
رانيا:
عند حسام يلي يرد متاخر وهو دايخ ويدخل على نجمه يلي راقده ويصكر الباب.و......
_______________________
يتبع.......
الحلقة الرابعة 4
عند حسام يلي دخل على نجمه وهي راقده..
دخل وهو دايخ قعمز وتما يمشي على وجها بحنان ..
نجمه وعت وانخلعت
نجمه:حسام خيرك وشن دخلك هنا.
حسام:انتي ليه اني وبس مستحيل تكوني لغيري..
نجمه:حسام خيرك ماتخوفني انت شارب.
حسام:انتي ليه نجمه ليه ..وناض وتما يحول في سوريته..
نجمه توخر بخوف.
نجمه:حسام خيرك اني نجمه ياحسام نجمه اني بنت خالتك حسام نوض نوض..
حسام مايردد غير انتي ليه اني وبس..
نجمه تبي تنوض من سرير بس حسام هجم عليها وهي تبي تقاومه بس ماقدرت لانه حسام كان قوي هلبا وفي الاخير سلمت روحها له لانها ماقدرت ادير شي💔
حسام بعد مادار يلي يبيه داخ ورقد نجمه تمت تبكي طول اليل ،صح هو راجلها بس يلي. داره غلط انه خدا حقه غصب عنها..
مسحت دموعها،وناضت دخلت الحمام وقعدت تحت الدوش والميه بارده وكان الجو مطر.وهي ماتحس في شي يكفي النار يلي ولعه في قلبها وتمت تبكي وتجي صوره حسام وهو يغتصب فيها وتزيد تبكي اكتر...
بعد ماهدت طلعت من الدوش وطلعت من الحمام (حشاكم)تسمع ادان الفجر ..
توضت وتمت تصلي وفي السجود تبكي وتشكي لي ربي انه يساعده ...
بعد ماكملت الصلاه قاعده مقعمزه على صلايه وتبكي وجعتها يلي صار فيها ،لانه عارفه انه حسام مستحيل يتركها ويلي داره فيها اليوم راح يديرها يوميا وهي عارفه بشي هدا..
داخت من البكي رقدت على صلايه...
___________________________
عند جارح يلي وصل الاستراحه...
نزل ويسمع اغاني وصوت ضحك نسوين ...
دخل ويشبح الدنيا هايجه قعمز جنب هاشم يلي دايخ وجنبه بنت ..
جارح خدا كاس وتما يشرب بس مش واجد..
هاشم:اني مجهز لك وحده جاهز..حاولت تمشي بس مسكتها وصكرت عليها الدار..
امشي ادخل الدار..
جارح:تمام ..
ناض جارح وجاء عند الدار وفتح باب الدار ويشبح بنت بس معطيته ظهرها وتبكي..
جارح استغرب وصكر الدار..
جارح:خيرك شنو فيه علاش تبكي..
ماترد وتزيد تبكي اكتر..
جارح يقدم ..
جارح:ادا تبي تمشي خلاص امشي مافي داعي انك تقعدي خلاص امشي..
ماترد وتزيد تبكي..
جارح قدم ليها ورفع راسها ،،
وسعت عيون جارح من الصدمه لم شبح اخته رانيا...
رانيا:جاا جارح جااا.
مايسكتها كف قوي يجيها..
وياخدها من عند شعرها ويبدا فيها ضرب ضرب ضرب ويحول حزام البنطلون ويبي يجلد فيها ورانيا تبكي وتصرخخ.
هاشم ناض وتما يدق على الباب بقوه ويلي في المكان يدق.
الصبايا خافن وطلعن...
هاشم :جارح شن اندير جارح جارح
جارح مايرد ومارحم رانيا ومايبي يعرف شنو ادير هنا بس يضرب فيها...
بعد ماكمل ضرب خداها من عند شعرها وتما يمشي وهي وراها ماسكه في يده كان شد على شعرها وهي جسمها كله متكسكانفتح الباب نخلعوا كلهم علاش جارح يدير في البنت هكي..
طلع جارح وهاشم وراه..
هاشم:جارح خيرك علاش درت في البنت هكي جارح.
جارح ركب سيارته وطلع..
رانيا في السياره تبكي ودموعها يلي ماوقفوا بكل
وجارح كان يسرع بشكل غير طبيعي.
وقف قدام مستشفي..
جارح: انتي لم تدخلي المستشفي صدقني ادا طلعتي مش بنت مش تشبحي الحياه هادي بكل..راح تموتي في نفس المكان..
وطلع سلاحه من الدرج يلي قدامها
رانيا زادت الخوف .
جارح حطه في خسره..
ونزل نزلت رانيا..
مسكها جارح من يدها وشاد عليها تما يمشي.
دخلوا لمستشفي..
جارح: السلام عليكم معلش اني نبي دكتوره نساء.
الموظفه:توا مازال ماجت الدكتوره شوي راح توصل تفضل ارتاح هنا انت والمدام..
جارح شبح في اخته وعيونه نار..
خدها من يدها..
وقعمزوا..
_______________________
عند ملاك يلي كانت تفرج على TV
وتسمع صراخ مريم. طالع من دار امها..
ملاك ناضت مخلوعه ودخلت الدار تشيح مريم تبكي وامها ماترد عليها..
ملاك: مريم شنو في خيرك
مريم:امي ياملاك امي ماترد عليه..
ملاك شبحت لي امها ماتتحرك حطت ايدها علشان تشبح في نبض ولالا .
ملاك:الحمدالله ماتخافي في نبض..
مريم:ماشي يالله نرفوعها لمستشفي.
ملاك:يالله خدت عبايه وبدت تلبس في ام مريم.. وطلعوها ركبوها في سياره..
وطلعت مريم لمستشفي..
وصلوا نزلوا ..
وحطوها في طوارئ..
مريم وملاك ينتظروا براا.
شوي يطلع..
الدكتور: انتوا بنات المريضه.
مريم:اني بنتها امي خيرها شنو صاير فيها..
الدكتور سارح في جمال مريم بيضه وقصيره كان هو اطول منها دبدوبه عيونها سود .
وكانت من كتر البكي خدودها حمر عيونها حمر..
اما ملاك خمار علشان مايعرفها حد..
.
مريم: دكتور نسال اني..
يوسف:اي الحاجه كويسه الحمدالله بس هبوط سكر عادي هي بس تكون منتظمه على دواء ..
مريم: الحمدالله يارب الحمدالله باهي اني نبي نشبحها..
يوسف: تمام تقدري تتدخلي..
دخلت مريم وملاك وارتاحوا عليها..بعدين ملاك طلعت تجيب ميه لي مريم..
وهي طلعت تشبح فاتن بنت خالتها
جت ملاك ليها..
ملاك:فاتن .
فاتن :اي اني منو لو سمحتي..
ملاك رفعت شوي من الخمار ونزلته..
فاتن بصدمه: ملاك انتي انتي شن يلي جابك هنا..
ملاك:قصه طويله..بس اني نبيك تساعدني في شي ..
فاتن: ماشي يالله تعالي..
ومشت وصلت عند الممر يلي مقعمز فيه جارح في لاحظه هادي مع انه ماشبحت جارح لكن تمت تشبح في الارض.
فاتن:دخلي ليه اول حاله..
ممرضه:تمام دكتوره..
دخلت فاتن وملاك .
ممرضه:رانيا ال....
ناضت رانيا جارح ناض معاها يبي يدخل.
ممرضه:معلش لو سمحت ممنوع..
جارح شبح لي اخته..
دخلت اخته،جارح رد قعمز..
رانيا دخلت وصكرت الباب..
شبحت ملاك يلي لبسه اسود في اسود..والدكتوره مقعمزه..
الدكتوره:تفضلي ارتاحي علشان نكشف ..
رانيا بدت تبكي ..
رانيا:ارجوك يادكتوره ارجوك ماتقولي لي خويه ارجوك ارجوك اكدبي عليه قوليه اني مازلت بنت ارجوك ارجوك يادكتوره استري عليه ارجوك
فاتن مصدومه من كلام رانيا.ملاك تشبح ليها
فاتن:معلش انتي شن تحكي اني مافهمت.
رانيا:خوي جابني هنا علشان يشبح اني بنت ولالا ارجوك يادكتوره استري عليه ارجوك ..
فاتن: لا اسفه اني مانقدر ندير هكي لو سمحتي تفضلي علشان نكشف عليك..
ملاك ناضت :اهدي اهدي خلينا نفهمو انتي متزوجه..ولاشنو
رانيا:لا لا مش متزوجه؛
علامات الصدمه على وجه ملاك وفاتن
فاتن: انتي هبله شي شن تحكي انتي يلي تتطلبي فيه تشويه المستشفي لو سمحتي تبي تقعمزي نكشف عليك يا اما اطلعي براا عندي حالات غيرك..
رانيا: ارجوك استري عليه ارجوك الله يستر عليك،ارجوك اني خوي لو عرفني مش بنت راح يقتلني هددني بقتل عنده سلاح معاه راح يقتلني استري عليه الله يستر عليك استري عليه
ملاك وجعتها رانيا مع انها ماتعرفها
ملاك:فاتن اهدي خلاص نحن راح نقول لي خوك انه كشفت عليك ومازلتي بنت ماتخافي..
فاتن:ملاك اني مستحيل ندير هكي..
ملاك:فاتن ادا صار اي ضرر في المستشفي راح نتحمل المسوليه..تمام..
اهدي توا قعمزي راح بعد شوي يدخل خوك راح تقوله كشفت مازلتي بنت تمام ماتخافي مش راح يدير شي فيك..
رانيا:شكراا شكرا،وحضنتها...
ملاك:مافي داعي ..قعمزي ارتاحي..
قعمزت رانيا بعد شوي طلعت رانيا..
رانيا: يلي تبي تعرفه ادخل اسالها لانك مستحيل تصدقني ..
جارح ماعدل عليها ودخل..
ملاك مقعمز على الكنبه يلي في الغرفه ولم يدخل جارح تشبح ليه وتنصدم..بيه وقالت في خاطرها..
ملاك مش هدا يلي كان معاك الشهر يلي فات وتركك لم طلبتي منه المساعده ويلي هانك سبحانك ياربي سبحانك يلي يحسابني بنت شارع طلعت اخته هي يلي هكي سبحان الله سبحان الله..
قعمزي جارح..
فاتن:اني كشفت عليها اختك مازلت بنت.
جارح:الله يبشرك بخير يادكتوره باهي اني عادي تعطني تقرير على الشي هدا.
فاتن:اسفه نحن مانعطوا تقرير في شي هدا
جارح: تمام ناض اسفين مره اخره على الازعاج..
يالله قدامي..
طلعت رانيا وجارح وراه..
فاتن:الله يسامحك ياملاك هكي اني راح نقعد في مشكله..
ملاك:قتلك ماتخافي تمام..اني تاخرت على مريم نتلاقوا وقت تاني..
فاتن:تمام اعطيتك رقمي توا نتصل بيك.
ملاك:تمام..
وطلعت ملاك لي مريم..
مريم مقعمزه جنب امها وشوي يدخل يوسف..
يوسف:السلام عليكم.
مريم: وعليكم السلام دكتور نقدر نطلع بيها توا
يوسف:تما يشبح في ام مريم...
تمام الحاجه كويسه بس راح نخلوهت بكرا ان شاء الله تطلع الاحتياط..
مريم:تمام وتمت تشبح لي امها..
يوسف سارح في جمالها
شوي تتدخل ملاك يوسف انتبه على نفسه وطلع..
ملاك:ها شن قال الدكتور..
مريم: قال من الاحسن انها تقعد اليوم بكرا راح تطلع..
ملاك:تمام خودي الميه
________________________
عند حاتم يلي جاء عند حوش ملاك ..
دق دق دق..
طلع مهند..
مهند:شن فيه خير..
حاتم:ملاك وين وينها ملاك..
مهند:ملاك كيف مش عندك هيا ..
دخل حاتم..
حاتم:لا مش عندي هربت هربت منى العاهره بنت ال🔞🔞
مهند:كيف هربت شن تحكي انت كيف هكي كيف..
تطلع نوريه..
نوريه: بنتي وين شن درت في بنتي ومسكت حاتم من سوريته..
نوريه:وينها بنتي شن درت فيها علشان تهرب وينها قولي..
مهند بعد امه عن حاتم..
مهند:اهدي اهدي خلينا نفكروا وين تكون ملاك قاعده..
طلعت جنات روان ..
جنات:يام شن صاير خيرها ملاك..
حاتم يشبح لي جنات بنظرات صايعه وناويه الشر..
حاتم:ماتخافي مافيها شي ملاك ارقدي انتي ماتخافي..
جنات تشبح ليه بنظرات حقيروقالت..
جنات:انت بدات تسكت ياحقير اصلا ملاك اختي ادا صارها شي كله منك انت انت..
مهند:روان امي جنات ادخلوا داخل ادخلوا..
مهند:اني نعرف وين راح تكون ملاك..
حاتم:وين ؟؟
مهند:في حوش صاحبتها مريم هي الوحيده يلي لم تضايق تمشي ليها..
حاتم:مريم هادي وين..
مهند:بكرا راح نرفعك عندها..
حاتم:تمام وادا بس شبحتها والله نقتلها نقتلها ونشرب من دمها..
وطلع..
عند نوريه: ياويلي عليك يابنتي ياويلي وينك توا وين قاعده بس..
جنات:والله صحه لها ملاك صدقت ادير هكي ،تزوجت شيباني طبيعي ادير هكي واكتر..
نوريه شبحت لي جنات وناضت من جنبها..
روان:جنات خلاص ماعاد تحكي هكي امي شن دنبها..
جنات:دنبها انها وافقت على زواج ملاك وماقالت اي شي مارفضت المهم عندها مهند مهند مهند نحن طز طز فينا توا بعد ماهربت تحسابي خايفه عليها لا خايفه من الفضيحه اها خايفه من الفضيحه ...
ودخلت لدار..
روان مقعمزه على صالون وتفكر لو عرفوا ملاك وين شن راح يديروا فيها..
عندجارح يلي لم وصل لحوش مسكها من عند شعرها وطيحها في صاله وبدا فيها ضرب ضرب ومارحمها رانيا ماتحكي لانه معاه الحق يدير هكي
.ناضوا وطلعو يشبحوا رانيا وهي طايحه..
مروه:جارح شنو فيه خيرك وشبحت لي رانيا..
ىانيا انتي شنو طلعك وشن صاير.
فريده:جارح شن صاير احكي وعلاش رانيا ضربتها.
مروه جت لعند رانيا..
جارح:طلعوا من الحوش مافي من يوم وغادي ،واني نشبحك طالعه حتي لي المدرسه رجليك نكسرها تمام،وماعاد نبي نشبح وجك ياعاهره تمام ..
وطلع فوق..
رانيا انهارت من البكي في حضن اختها..
فريده:رانيا وين كنتي وشن دايره علشان ضربك احكي رانيا..
رانيا ماتحكي شي غير انه تبي تنوض ساعدتها مروه وطلعت فوق.
________________________
تاني يوم في الصبح..
وعت نجمه وهي راقده على صلايه وعت وناضت وشبحت الدار فاضيه ..
ناضت وتبي تطلع بس عينها جت على سرير وعلى الشرشاف يلي فيه دم...
تدكرت شن صار معاها امس ومسحت دمعتها يلي كانت قبل تنزل ،كانت تبي تطلع بس شبحت تلفون حسام قاعد وتسمع في حركه براا..
دخلت الحمام( حشاكم)وعملت دوش وطلعت ولابست وكانت بكامل اناقتها وطلعت..وانصدم حسام لم شبح نجمه وهي لابسه..
دخلت نجمه المطبخ..
نجمه:صباح الخير يلي استعجل مرات نتاخر على جامعه..
حسام:كيف انتي تبي تمشي لجامعه.
نجمه:اي راح نمشي وانت يلي راح ترفعني..
حسام:بس كيف اني.
نجمه: اني اسفه يلي شبحته امس وفعلا كلامك صح اني مش مفروض نوقف مع راجل واني مازلت على دمتك اني اسفه..
حسام:نجمه نجمه اني امس لم روحت..
نجمه:ماتكمل يلي صار بينا عادي انت امس مش واعي ويلي صار عادي انتي في الاخير زوجي،
حسام: ب.......
نجمه:حسام يالله تاخرت هلبا..
حسام مصدوم وكيف تتصرف هكي كانه ماصار شي ..
وملاك يلي ناضت و رقبتها توجع فيها وهي راقده على كرسي تشبح مريم مش قاعده في الغرفه..
طلعت..
تشبح مريم تحكي مع دكتور..
نزلت تحت علشان تاخد قهوه..
مريم:تمام دكتور اني نشكرك هلبا انك وقفت معانا امس وتعتبك.
يوسف:لاشكر على واجب ،المهم حاجه بخير..
مريم:الحمدالله اني توا راح نطلع ونشكرك مره تانيه..
وتبي تدخل الغرفه بس وقفت لم سمعت يوسف..
يوسف: معلش
مريم:تفضل.
يوسف: ممكن نعرف اسمك
مريم:اسمي مريم. وابتسمت له وابتسامه هادي لخبطت يوسف المسكين😂😂ياحلالي اني من الحب😍😂❤
يوسف: عااا شت الاسامي..
مريم:سلمك..
يوسف: اني يوسف اسمي ممكن بعد ادنك تاخدي رقمي يعني ماتفهمي غلط بس يعني لاقدر الله لو صار اي شي اتصلي بيه..
مرين اعطت تلفون و يوسف سجل رقم وشرين على نفسه...
ودخلت مريم ...
بعد شوي طلعوا مريم وملاك..
ولم دخلوا شارعهم..
تشبح ملاك حاتم خوها مهند..
ملاك:مريم مريم حاتم يامريم حاتم
مريم:وين وينها..
ملاك:قدام الحوش..
مريم شبحت ليه وملاك تمت ترعش من الخوف وماعرفت شن ادير..خايفه انه حاتم يعرفها وراح ياخدها وراح ترد لنفس العداب تحساب انه بعد شهر خلاص نساها بس حاتم وين كان قاعد شهر كامل مادور عليها وشن صاير له ...
مريم:ماتخافي اقعدي عاديه..
وقفت نزلت...
نزلت ملاك يلي مغطيه وجها..
مريم:اهلين مهند كيفك..
مهند:بخير نبي نسالك ملاك عندك
كان حاتم يشبح لي ملاك وقال خيرها هادي مغطيه ..
مريم:لاعلاش اني اخر مره شبحتها قبل ماتمشي من البيت بعدها مانعرف.
حاتم:يارب وينها باهي وينها ادا مش في حوش صاحبتها وينها..
مهند:اهدا اهدا توا نلاقوها..
ملاك مصدومه من خوها وقبل تضربه وتعيط عليه بس مسكت اعصابها دخلت لحوش..
بس قبل ماتدخل طاحت منها شنطتها جت تبي ترفعها مدت يدها وحاتم شبح لي يدها وانصدم لم شبح الوحم يلي على يدها نفس على يد ملاك..
ملاك ارتبكت ودخلت الحوش..
مهند:تمام اسفين على الازعاج
مريم:ولايهمك..
نزلت مريم امها ..
حاتم يشبح للحوش .
طلعوا...
_________________________
عند نجمه ردت الحوش دخلت دار وهي ماسكه دموعها وكيف متحمله انها ادير نفسها ماعدلت على يلي صار امس..
غيرت حوايجها رقدت
بعد نص ساعه دخل حسام..
حسام:نجمه ماتبي تتغدي.
نجمه:ماعندي نفس توا نبي نرقد..
حسام قعمز ونجمه معطيته ظهرها.
حسام:نجمه اني اسف على يلي صار امس،صدقني اني ماكنت واعي ومانعرف علاش درت هكي
نجمه ماقدرت تحمل كلامه وتمت تبكي.
حسام:سامحيني نجمه سامحيني على يلي صار صدقيني يلي صار امس مستحيل يتكرر..
وحسام كان يبي يطلع بس وقف لم نجمه قالت..
نجمه:حسام راح نطلقوا بعد كم شهر صح.
حسام كان كيف سكين دخل قلبه..
خدا نفس وقال..
حسام:
_____________________________
في اليل..
جارح: ايواا هاشم اني توا مش فاضي تمام بكرا بادن الله نتلاقوا..
هاشم:باهي. ياراجل فهمني علاش ضربتها رانيا امس وين قاعده هي
جارح:ازح ماعاد نسمعك تقولي اسمها فاهم..
وصكر عليه وقفل تلفونه
وطلع ..
تما يبرم في كل شوارع..
مريم:عليك قصه توا راح نطلع نجيب الداوء تعبانه بكل اليوم.
ملاك:اعطيني فلوس اني راح نطلع ارتاحي لنتي
مريم:'لابعد يلي صار نخاف عليك..
ملاك:خلاص اكيد مش رد لحوشه ونفس الوقت نغير جو شويه.
مريم:'تمام ردي بالك على نفسك.
ملاك طلعت وتمت تمشي ..
مريم كانت تبي تنوض لمطبخ توقف لم يشرين تلفون رقم مجهول..
مريم:الو
يوسف:الو اهلين مريم اني دكتور يوسف..
مريم:اي اهلين دكتور خيرك في شي..
يوسف عرف نفسه انه تقيل ومتصل في الوقت هدا..
يوسف:لامافي ش بس نسال على حاجه توا بخير..
مريم:اي بخير ..
يوسف:تمام.
مريم:عن ادنك تصبح على خير
يوسف:وانتي بخير .
وصكرت
يوسف هبل هبل علاش اتصلت بيها في الوقت هدا ...
ماتعرف تتصرف..
عند رانيا ..
رانيا:انت لازم تجي تتزوجني خلاص خوي عرف كل شي ولو عرفني اني حامل راح يقتلني..
الشاب:اني ماقتلك ترقدي معي وقتها اني كنت سكران وانتي كانت فرصتك توا تجني تقولي اني حامل علشان نزوجك مش عليه حركات هادي ،خلاص انسيني وماعاد تتصلي بيه فاهمه
رانيا: بس جارح لم يعرف منو انت اكيد راح تموت معي
الشاب :منو الجارح.😮
جارح كان يمشي في شوارع
ملاك من لم طلعت طلع وراها سياره ..جت عند الصيدليه ودخلت خدت الدواء..
بعد بعدت شوي عن صيدليه..
توقف سياره وينزل حاتم ويخول خمار ملاك وفي لاحظه هادي شبحهم جارح
____________________________
يتبع.............
الحلقة الخامسة 5
عند ملاك ..
حسيت شخص يمشي وراي حول خمار وتما يقطع في حوايجها وهي تصرخ لم شبحت حاتم تميت نصرخ اكتر كنت خايفه نرد لعداب اخره واغتصاب يلي يصيري تميت نبكي ونصرخ وهو الحقير تما يصكر في فمي ويحاول يدخلني لسياره بس اني عضيت ايده وتميت نصرخ بي اعالي صوت..
جارح كان يفكر هلبا في قصه اخته ولازم يعرف علاش علاش قعدت في هداك المكان علاش دارت هكي بس وقف تفكيره لم سمع صوت صراخ وشبح وحده تصرخ وشخص كان يدخلها لسياره ..نزلت وركضت ليها..
ومسك يدها ووخرها ..
حاتم:انت من.....
ما يشبح الا بوكس طاح على الارض وبدا يضرب فيه ما يرحمه...
ملاك ماعرفت شن ادير تمت تبكي تحاول تغطي نفسها بس حوايجها كانت متقطعه.
ناض جارح ولم شبح ليها في لاحظه هادي تغيرت ملامحه
تما يشبخ لي هداك البنت يلي تركها في المستشفي وهي تبكي ويلي تطلب منه المساعده وهو كان حقير وتركها ناضت عليه رجوليته،ورجع عقد حواجبه..
جارح:انتي انتي شن ادير هنا اماليك ماعندهم عقل يطلعوك في وقت زي هدا..
ملاك ماردت وتمت تشبح لي الارض وزادت تبكي..
جارح عرف انه ماكان لازم يحكي هكي ..
كان جو مصقع بكل،وبدت تمطر...
جارح حول جاكيته وحطها على شعرها..ومسك يدها..
وتما يمشي بيها ،،ملاك في لحظه هادي مارفضت اني نمشي معاه بلعكس حسيت في اتجاهه بي الامان مع انه يلي قاله ليه في المستشفي مانسيته وكان يجرح مشيت معاه ركبت السياره وهو تما يركض وركب السياره من المطر..دخل وتما يحرك على شعره المبلول ومسح على لحيته وشبح ليه وقال...
جارح:هداك الشيباني زوجك يلي حكتيلي عليه.
ملاك :اي هو
جارح:تمام انتي مازلتي هاربه منه
ملاك هزت راسها بمعني اي..
جارح :تمام قولي مكان حوشكم علشان نرفعك..
ملاك: اماليها هما يلي قالوا وين ساكنه اني هربت منه رحت لي حوش صاحبتي لم عرف اني هاربه راح لي اماليه وقالوا اكيد هي في حوش صاحبتها هو عرفني اني توا وين ساكنه خلاص اني ماعندي مكان نمشي له ..
وانهارت من البكي...
جارح مصدوم معقوله في اهل يعملوا في بنتهم هكي ..
قلبه ماتحملها وهي تبكي..
طلع بيها..
ملاك شبحت جارح :وين وين ماشي بيه انت..
جارح مارد عليها..
ملاك تمت تفكر وتخليت انه ماشي بيها مكان مهجور وراح يغتصبها وراح يدير يلي يبيه...صرخت عليه..
ملاك:ووووين ماااشي بيه قتلك رد عليييييه وين مااشي.
جارح وقف واستغرب من ملاك بصوتها العالي..
شبح ليها..
ملاك: وين ماشي بيه انت اكيد راح ترفعني لمكان مهجور وراح ادير فيه يلي تبيه خزي عليك انتو كلكم كيف بعضكم اتووووف عليك ياندل..
ومع هدا كله جارح ساكت يشبح ليها ويشبح ويفنص فيها.
جت ملاك تبي تنزل .بس هو مسك يدها قربها ليه...
ملاك:بعد عني ابعد عني وتبي تصرخ بس وقفت لم قال..
جارح:اني اي نفس كل راجل لم يشبح بنت بي جمال هدا وحدها طبيعي انه ياخدها ويدير يلي يبيه ماهو الله غالب شهوته تنوض عليه وقتها ،اني ساهل عليه توا نرفعك معي غصب عنك ونرفعك مش لمكان مهجور لالا لمكان يلي احسن من هكي..
ملاك مصدوم من كلامه جت تبي تنزل بس هو صكر الباب..
ملاك:انت شن تبي منى نزلني خلاص مش تركني في المستشفي خلاص اتركني خلاص شنوتبي منى.
جارح مارد عليها.وطلع وكانت ملاك تبكي وتقوله نزلني نزلني بس هو مايرد عليها ...
بس سكتت بعد ماوقفت سيارته قدام حوش ..
ملاك ساكته وشبحت لي حوش وبعدين شبحت لي جارح..
ملاك:هدا هو المكان..
جارح خدا نفس وقال.
جارح:يابنت الناس اني توا مانقدر نتركك بعد يلي صار وهدا حوشي عندي خواتي وامي راح تحبيهم هلبا كويسات انتي راح تقعدي عندي لعند مانلقاء حل..باهي..
ملاك مصدوم من كلامه ماكانت متوقعه انه راح يساعدها.بكل.
جارح: يالله انزلي..
ملاك نزلت دخلت لحوش...
_______________________________________
عند حسام يلي
ونجمه تنظر فيه الجواب..
حسام خدا نفس وقال..
حسام:لا اني مش مطلقك يانجمه اسف وطلع..
نجمه انصدمت منه دموعها نزلت...
نجمه:ككيف ككيييف كيف هكي مش معقول الشي هدا..
لا حسام حساااااااام..
حسام طلع من الحوش..
وركب سيارته وتما يلف في الشارع ويفكر في نجمه..وقف السياره وتما يخبط..
حسام:مش مطلقك مش مطلقك يانجمه انتي ليييييييه
لليه مستحيل تكوني لغيري مستحيل...
عندي رانيا..
رانيا: اي اني اخت جارح..
هاشم:مش معقول انتي كيف خدعتني كيف اخته..
رانيا:اني راح نحكي لي جارح كل شي راح نقوله اني حامل ومن صاحبك رفقيك يلي خدعني ووعدني بي زواج
اني عارف نفسي راح يقتلني بس.
هاشم:ماتحكي شي تمام اني راح ندير حل..
رانيا:مافي حل غير الزواج مافي غير..
هاشم:توا نشوف وصكر عليها..
هاشم مسح على شعره ..
هاشم:ياربي كيف هكي كييف .
وكسر الطاوله يلي قدامه بيده ...
اما رانيا مقعمزه على السرير وحاطه يدها على بطنها...
رانيا:ياقلب ماما اني مستحيل نخليك مستحيل بابا اكيد مش راح يترك متسحيل يترك يا ماما..
دمعه نزلت منها...
شوي تسمع الباب يدق.
دق دق دق..
مسحت دموعها ناضت فتحت الباب..
شبحت جارح يلي لم شبحها نزل راسه..
جارح:كلميني مروه.
رانيا حركت راسها بمعني تمام..
وراحت نوضت مروه طلعت برا .
مروه تحك في عينها..
مروه:خيرك جارح شنو فيه ..
بعدين شبحت بنت واقفه جنبه حوايجها مبلوله..
عقدت حواجبها وقالت..
مروه:جارح منو هادي !!
جارح مسك يد ملاك وقال..
جارح:اسمعي خليها ترقد معاكم اليوم تمام مانبي امي تشبحها ..
مروه:بس....
جارح عقد حواجبه ويحكي وهو معصب..
جارح:اسمعي يلي قتلك عليه يالله..
مروه حركت راسها وخدت ملاك دخلت الدار...
مروه: تفضلي قعمزي..
ملاك قعمزت على السرير في لاحظه هادي ،،.
رانيا رفعت راسها وانصدمت لم شبحت هداك البنت يلي انقدتها في المستشفي تمت تشبح ليها..،ملاك شبحت وابتسمت ليها وقعمزت..
مروه قعمزت جنب رانيا وتمن هنا الاتنين يشبح لي ملاك..
مروه توشوش لي رانيا ..
مروه:منو هادي شن تعرف جارح !!
رانيا:الله اعلم..
مروه:الواضح انه من البنات يلي يعرفهن جارح.شكله حامل منه..
رانيا قرصت مروه... وفنصت فيها...
ملاك في عالم تاني وتشبح لي الارض وتدكر يلي صار معاها...
رانيا ناضت لم شبحت ملاك حوايجها مبلولها..
رانيا:اني راح نعطيك بجامه ..
ملاك :شكرا.
مروه:ولو العفو مادرنا شي نحن بس نسمعوا في كلام الكانغ امتاعنا...
ملاك عرفت انه مروه هادي مش طايقتها سكتت وتمت تشبح في الارض..
رانيا طلعت بجامه واعطتها لها..
رانيا:خودي دوش ارتاحي اهو الحمام(حشاكم).
ملاك ابتسمت وخدت البجامه دخلت الحمام(حشاكم)..
رانيا:انتي الواضح تبي جارح يقتلك..
مروه:وعلاش ياقلبي هادي واضح عليها بنت ليل بس يلي استغربت فيه كيف جايبها عندنا..
رانيا:مروه خيرك انتي واطي صوتك مرات البنت تسمع ،حرام تقولي عليها هكي البنت واضح عليها بنت ناس عيب..
مروه:اوووو بنت ناس لا والله مابنت ناس يلي جايه عند شاب اعزب في حوشه..
رانيا:مافي فايده فيك اني نوض ندير حاجه ساخنه تشربها..
ملاك دخلت تحت الدوش الساخن وتمت تبكي وتدكر يلي صار معاها...
بعد شوي طلعت من الدوش ولابست بجامه .
وطلعت تشبح مروه مقعمزه ورانيا دخلت ماسكه كوب..
رانيا:ارتاحي حبيبتي وقعمزي اشربي شاي ساخن.
قعمزت وخدت الكوب وتمت تشرب فيه بعدين .
حطت راسها على المخده بعد تفكير هلبا رقدت..
_______________________
تاني يوم..
عند جارح يلي مارقد بكل وهو يفكر شن يبي يدير في ملاك..
ناض من ساعه 7 كان لابس قميص صوف ابيض وبنطلون اسود..
قاعد في المطبخ يشرب في قهوه..
شوي تدخل مروه
مروه خدت مق تبي دير كافي
جارح:شن يلي نوضك بدري..
مروه:والله يلي جبتها لنا امبارح ما خلت واحد في الدار يرقد..
جارح عقد حواجبه: علاش خيرها شن دارت.
مروه:ترقد من هنا وتنوض وهي تصرخ وتقول في كلام مش مفهوم..
جارح:هي نايضه ..
مروه:اي نايضه..
ناض جارح وجاء لعند الدار...
فتح الباب شبح ملاك يلي مقعمزه على سرير وتبكي...
جارح:صباح الخير..
ملاك شبحت ليه ومسحت دموعها..
جارح:تعالي شوي..
ناضت ملاك ليه..
وصكر الباب..
جارح:توا نبيك تجهزي نفسك تمام راخ نطلعوا..
ملاك:وين ..
جارح:راح تعرفي بعدين...
ملاك دخلت جارح كلم مروه تعطيها من حوايجها..
ولابست ملاك وطلعت قبل ماتنوض فريده..
_____________________
عند نجمه يلي من كتر البكي داخت رقدت ..
ناضت وشبحت حسام راقد وجه مقابل وجها..
ناضت بسرعه طلعت من الدار...
نجمه:شن ناوي ياحسام شن ناوي تبي ادير بس..
دخلت الحمام(حشاكم)خدت دوش ولابست بجامه وطلعت لمطبخ تمت تشرب في قهوه.
شوي طلع حسام بعد ماشبح نجمه في سرير..
ناض شبحها وهي تشرب في قهوه..
دخل حسام:صباح الخير.
نجمه ماردت ..
حسام قعمز جنبها...
حسام:خيرك شنو فيه.!!
نجمه:مافي شي...
ناضت من جنبه بس مسك يدها..
حسام:اني قتلك شنو فيه جاوبي..
نجمه:نسيت شن قلت امس نسيت..
حسام:لا مانسيت وندكر كل كلمه قلتها اني مش مطلقك..
خلاص اني مراتي زوجتي وحياتي مستحيل نطلقك ماتنسي الوصيه نجمه انتي ليه واني نبي حقي منك..
نجمه مش مصدقه كيف حسام يحكي هكي من امتى كان يحكي هكي .
حسام:طبعا عارفه شنو حقي..من الاخير اني نبي صغار.،تمام..جهزي نفسك اليوم في اليل..
وناض من جنبها ....
تركها وهي مصدومه من كلامه وكانه مش حسام كانه في شي غير كل شي....
اما حاتم لم ضربه جارح فقظ الوعي وكان وجه كله دم وقعد عند اليل..في الصبح شبحه راجل رفعه لي المستشفي وكان جسمه مصقع هلبا ،وقعد شوي ..
طلع الدكتور وقال عظم الله اجركم الحاج مات حاتم ماتحمل الضرب وقعد ليله كامله صقع ومطر تمطر عليه طبيعي يموت...
مريم يلي مارقدت من كتر خوفها على ملاك ماعرفت شن ادير طلعت وفي الصبح طلعت وتمت ادور عليها شبحت تلفونها يلي طايح على الارض وشاحها..
ماعرفت شن ادير
مهند يجي خبر انه حاتم مات...
نوريه تريحت من ناحيه هادي..جنات يلي لم سمعت الخبر..تمت تزغرط..
روان يلي قلبها مع اختها وماعرفت شن ادير...
ملاك في طريقهم
ملاك:وين تبي ترفعني..
جارح:اعطني مكان حوش صاحبتك..
ملاك بدت تقوله وين...
ولم وصلوا..
شبحوا...امها يلي واقفه قدام الباب وتحكي مع مريم... وهي تبكي...
ملاك:ماما..
جارح شبح ليها...
عند رانيا يلي مقعمزه على صلايه وتدعي لي ربي انه يساعدها ويصلح حالها...
شوي تسمع تلفونها يشرين ناضت وشبحت هاشم يتصل..
ردت..
هاشم:اني راح نزوجك ..
رانيا ماصدقت وتما قلبها يدق بسرعه..
هاشم:مادام حامل بي ولدي راح نزوجك....
رانيا:تحكي حق"
هاشم:اي راح نحكي اليوم مع جارح راح نجي نطلبك..
رانيا: تمام ...شكرا هاشم.
هاشم:على شنو..
رانيا:على انك ماتركتني ...
هاشم:العفو..
وصكر.....
_______________________________
ضحايا زواج
للكاتبه: ساندرا الطرآبلسي🔥💙
ملاك:ماما..
جارح شبح ليها واستغرب..
جارح:وينها..
ملاك نزلت ..
ملاك:ماما ..
نوريه سمعت صوت يلي فقدت تسمعه شبحت ملاك ركضت ليها وخضنتها...
نوريه: بنتي بنتي
انهارن من البكي..
اما مهند كا يشبح ليها وبس...
بعد البكي..
دخلت ملاك مع امها ...
جارح ركب سيارته لم ارتاح عليها..
وهو في طريق تفكيره كله مع ملاك يلي حتي اسمها مايعرفه..
ملاك فرحت هلبا بعد ماعرفت انه حاتم مات
ملاك ردت لحوش ....
في اليل....
نجمه كانت مقعمزه على سرير وعيونها متورمات من البكي.، شوي تسمع الباب تصكر..
قلبها تما يدق بسرعه ...
شوي يدخل حسام .و.............
عند جارح يلي مقعمز في الدار ويفكر في ملاك يقطع تفكيره يشرين تلفون والمتصل هاشم........
اما عند ملاك يلي مقعمزه مع خواتها
روان ماسكه تلفون..
روان:لااله الا الله..
ملاك:خيرك..
روان:يحكوا قالوا شبحوا جته طايحه في نهر وطلعت مراء كبيره..
جنات:لاحول الله..شن اسمها..
روان:ساميه..اسمها.
ملاك😮
الحلقة السادسة والأخيرة 6
عند نجمه يلي قلبها تما يدق بسرعه لم شبحت حسام قدامها..
حسام تما يقدم نجمه صكرت عيونها دموعها نزلن..
حسام قال في خاطره سامحيني نجمه..
وطيحها على سرير .
وصار يلي صار..
نجمه مادرات شي لانه مهما ادير راح يدير يلي يبيه...
بعد دار يلي يبيه.
ناض ودخل يعمل دوش..
اما نجمه مقعمزه على سرير دموعها نزلن...
عرفت نفسها انها لي حسام ومش راح يطلقها ومش راح تقدر ادير شي..
بعد طلع من الدوش ومايبي يشبح نجمه..
طلع وقعمز في صاله.
وتما يدخن...
__________________
عند جارح..
جارح:نعم هاشم .
هاشم:كيفك..
جارح:بخير..خيرك في شي .
هاشم :جارح انت تعرف انه الحاجه ليها فتره ادورني على بنت الحلال واني بصراحه ماقلت مانلقاء خير منكم ونبي نسابكم ..
جارح:اكيد هاشم انت مش صاحبي انت خوي واني مستحيل نردك..
اني توا نسال الوالده وتفضلوا..
هاشم:تسلم ياصاحبي...
وصكر..
رانيا كانت طول اليل وهي تفكر وشن راح يقول جارح..
اما ملاك لم شبحت صور ساميه زعلت هلبا...
عرفوا انه زوجها هو يلي قتلها ...بسبب كترت تعاطي مخدرات ...
4 شهور..
تمت خطبت رانيا وحدود العرس بعد شهرين..
اما جارح ما راحت من باله بكل ملاك وكانت في باله وقرر انه يخطبها.....
اما ملاك كانت تمشي لي جامعه وكانت علاقتها مع خوها مش اوي ...
نجمه كانت تعامل في حسام كانه مش موجود بكل...
اما حسام من هداك اليوم ماقرب منها بكل..وهو يشبح كيف تعامل فيه بس مايبي يحكي.بكل..
لعند في يوم....
جارح:يام اني عندي موضوع نبي نحكيلك فيه..
فريده:شنو ياولدي. خير ان شاءالله.
جارح:يام اني ناوي الحلال ونبي نتزوج .
فريده فرحت هلبا...
فريده:على خير ان شاءالله واني من توا راح ندور لك بنت الزينه ومتربيه ..
جارح:لا يام اني عندي بنت..
فريده:اي اي تمام قولي منو واني نمشي ليها..
جارح:توا مانبي نقولك منو بس راح نرفعك عندها وتشبح دوق ولدك..
فريده:اكيد دوق ولدي زين ويهبل ..
جارح ابتسم ابتسامه على جنب..وناض..
عند ملاك ردت من جامعه.فيه
شبحت الدنيا حايسه ..
جنات:يالله يالله تعالي.
ومسكتها وتمت تمشي ..
ملاك:شنو فيه خيرك ..
جنات:في عرب جاين في عشيه يبوا يطلبوك..
ملاك استغربت وقعمزت وتمت جنات تزبط فيها...
في عشيه ...
جهزوا روحهم وطلعوا...
نوريه:يامرحبا يامرحبا تفضلوا..
فريده:يامرحبتن بيك..
وقعمزوا وتمو يهدرزوا..لعند ماجت ملاك يلي كانت لابسه تنوره قصيره وعليها بلوزه مفتوحه من كتوف ومرفعه شعرها فوق ونزله خصلات وعامله ميك اب خفيف..
وانعجبت هلبا فريده بي ملاك ولم عرفت انها ارمله بلعكس ما اعترضت...
ملاك عرفت انه جارح هداك الولد يلي ساعدها ما اعترضت ووافقت
وبعد اسبوع انقرت الفاتحه ولابست الوردي وهو لابس الزبون وجاء صور معاها وفي تصوير رفعها باسها ومصوره ضحكت وملاك فنصت عيونها فيه😮❤
اما مريم تمت على علاقه مع يوسف يلي كان ساكن من اتصلات بيها😂😂
وكان يعاين في امها...ومهتم بيها هلبا ...
اما ولاء ماتت قهر لم سمعت انه جارح خطب...
نجمه يلي كانت مقعمزه وحسام قعمز جنبه..
حسام:نجمه اني نبي .
قاطعته نجمه ركضت لي حمام وتبي ترجع..
حسام استغرب وناض
حسام:خيرك شنو فيه..
نجمه شبحت ليه وقالت..
نجمه:حسام اني حامل..
حسام تغيرت ملامحه وابتسم وجاء من كتر الفرح حضنها..
نجمه لم حضنها حسام حسيت بي اتجاهه الامان والاخساس يلي كانت تحس فيه الفتره فاتت اتجاهه حسام طلع حق معقوله اني نحب حسام حسام ولد خالتي معقوله طلعت نحبه واني توا حامل منه...
بس وهي في حضنه زادت حضنته وهو زاد حضنها ...
______________________
بعد شهرين يوم عرس ملاك ،رانيا...
ملاك في الصالون..
ملاك:جنات وين روان..
جنات:مع امي في صاله يالله تاخرنا هلبا..
ملاك:تمام زابط ميك اب..
جنات:اي كل شي حلو...
ولابست الكاب..
وطلعن مع مهند..
وصلو لي صاله..
ودخلت وشبحت رانيا قاعده ابتسمت ليها
رانيا كانت لابسه فستان ابيض قصير من قدام ومن وراء طويل بي شاش..
وشعرها كان قصير ولابست تاج بسيط وعملت ميك اب خفيف روج احمر..وطرحه طويله.. ولابست كعب بس مش عالي هلبا وكانت بطنها بارزه شوي..
مروه وامها دارو هلبا مشاكل على فستانه بس هي كانت تبي يكون بسيط ...
اما ملاك لابست فستان ابيض ملكي وطرحه بسيطه
وعملت ميك اب اوفر.ورفعت شعرها فوق ولابست
عدسات زرق طلعت تهبل😍❤
دخلن هنا الاتنين الاخره احلى من الاخره😍😍❤
وناس تمت تشبح ليهم بي اعجاب طلعن يهبلن❤
قعدن شوي دخل جارح وكان لابس بداله لونها كحليه
ومرفع شعره فوق ولحيته كيف ماهيا...
هههههههههههه ملاك هي يلي قالت ماتقربها ماتجيني لوزه مزلطه😂😂😂😂😂😂😂😂
والنساوين تمن يشبحن له شنو الجمال هدا...
جاء رفع الطرحه وباسها على جبهته..
وبعد شوي باسها..😍😂
وجه ملاك تما احمر ☺
ملاك:جارح شن درت..
جارح تما يضحك..
نساوين في يلي تضحك وفي يلي تقول شنو هدا عليك يلي مايتحشموا..😂😂
وبعدين طلع..
وهاشم جاء وخدا رانيا ومروه ماوقفت من البكي😂😂
وطلعوا ولم وصلوا لي فندق..
دخلت ملاك..وجارح جاء رفعها الطرحه وتما يشبح لي جمالها..
ولم ابتسمت ملاك ،جارح ماقدر المسكين ..
يالله مانحكي عيب 🤫🤭
اما رانيا وهاشم..
دخلوا..
هاشم تما يشبح لي رانيا وقدم وحط يدها على بطنها..
هاشم:كيف حاله ولدي..
رانيا ابتسمت وقالت..
رانيا:بخير واكيد فرحان علشان شبح بوه..
هاشم ابتسم..
وطبعا ماصار شي غير انه غيرت حوايجها وقعدت في حضنه..
____________________________
بعد مرور سنه..
رانيا جابت بنوته اسمها ملاك سمتها ملاك لانه انقدته وقت خوها قبل يقتلها.ويلي ساعدتها...
وهي توا حامل ..
وفي عيد ميلاد ملاك واقف الكل وملاك ماسكتها رانيا..
رانيا:حبيبي تدكر اليوم هدا .
هاشم:اي اليوم يلي نولدت فيه ملاكي.وقبل ماتنوض على الدنيا مانساء صراخ امها يلي طرشني ودني هداك..
رانيا بدت تضحك بس وقفت وبدت تتوجع..
هاشم:خيرك شنو فيه..
رانيا:ولدك يتحرك هلبا.😂
هاشم:كيف بوه😂😂😂
انا نجمه جابت ولد واسمه مروان ...
وفي يوم نجمه كانت مجهز نفسها ويدخل حسام..
نجمه حطت ايدها وراء رقبته..
نجمه:خيرك تاخرت هكي.
حسام يشبح ليها وهايم في جمالها 🤤❤
ماتحس الا ايدين حسام على خسرها.
رفعها على سرير..
ويجي مروان يعيط..
حسام:اووف ماعرفت تعيط الاتوا ..
نجمه:هههههههههههه ناضت اتسكت فيه..
حسام:اسكت حبيبي اسكت علشان نجيبوا لك اخت.😍😂
وفي الاخير....
ملاك قاعد في السياره تشبح لي طريق.
وفي حضنها بنتها
تشبح لي الطريق وتدكر كل يلي صار معاها..ويقطع تفكيرها اغنيه يلي فتحها جارح.لي ..
ماجد المهندس ...(احبك موت)
(بنات اغنيه هادي خيال اسمعوها بس❤)
شبحت له وشبح ليها وابتسمت وشبح لي بنتها يلي في حضنه...
اي جابت توام بنات ..اسيل وسيدرا..
وتمن يسمعوا في اغنيه وحطت راسها على كتف جارح ..
واخر كلمه..
جارح:ربي يحفظكم ليه ومايحرمني منكم..
النهايه.