القائمة الرئيسية

الصفحات

رواية العروس المزيفه كاملة بقلم ميلو حسن

رواية العروس المزيفه كاملة بقلم ميلو حسن

رواية العروس المزيفه كاملة بقلم ميلو حسن
اقرأ ايضًا لنفس الكاتبة:

رواية العروس المزيفه - المقدمة


عارفين شعور المزيف الي فيك وانتي عروسه بس مش حاسه بشعور حقيقي داخلك شعور انك عروسه وانه اليوم يوم زفتك انتي بس مافيش ولا نقطة فرح

مكان مش ليك فرحه مش من حقك الشعور الي هوا شعور مش ليك كل شي عباره ع كدبه كبيره 💔

هلبا أشياء تجبرك توافقي ع كدبه مش معروف امتا تنتهي وشن حايكون مصيرك في النهاية؟


شعور خوف وهمي واهانه في حقك

لما توتي روحك وتلبسي فستان عرسك بس مش حاسه بفرحه زي اي عروسه او زي ماكنتي تتمني وانتي طفله اهم يوم في حياتك عباره ع اتفاقيه ع حساب مشاعرك بس شي بسيط قادر يطفي النار الي فيا هوا في شخص آخر حايكون فرحان بسبب التضحيه لكبيره الي انا فيها توا 💔



________


مارن:في السياره مقعمزه جنب الروشن بزبط وعيونها ع شارع
اروى:بست بست
مارن:بادلت نضراتها لي اروى...شن في؟
اروى:شوفي حسام شن كاتب في الرساله🤭
مارن:تنرفزت وقلبت عيونها بملل....وشبحت لي شارع ثاني...كالعاده شنو الجديد؟
اروى:لالا حسام متغير ع زمان هلبا وحاسه انه الفتره هادي كلها يبي يتقرب مني احححيه ع كمية الشعور اتجاه المخلوق هدا
مارن:سكري السيرة لأنه بابا قعد يلاحظ في تصرفاتك الاخيره
اروى:ههه عمي نوري ياريت الكل زيه
نوري:هيا يا بنات وصلنا
مارن:خدت بعض لبضاعه في يدها...بابا قبل ماننسا
نوري: وهوا ينزل في باقي لبضاعه...ايوا
مارن:من الضيوف المهمين الي جاين اليوم؟
نوري:بعلامات حيره ع وجه...ناس نعرفهم من زمان بس مجتش الفرصه نتعرفو عليهم
مارن:اها رجاله بس وله عائلات؟
نوري:مش عارف ي بنتي هدا موعد محدد من زمان وان شاءالله خير
مارن:بخوف...كيف ؟ هما تابعين اهل اروى ؟
نوري:لا بنتي انتي نزلي لبضاعه وديري زي ماوصيتكم
مارن:محبتش اضايق بوها بالاسئله...اوك بابا بإذن الله يكون تقديم قنين
نوري:هههه سلمها هالبنيه
مارن:ابتسمت....خدت باقي الحاجات ودخلتهم للمطبخ 

_________

اروى:دخلت للحمام وبدت تشلح في حوايجها علشان الدوش

_________

نعيمه:تعجن في لعجينه وكأنه شاردهه في تفكير عميق
مارن:ماما اعطيني عليك نا نكمل
نعيمه:لا ي بنتي كملت شوفي اروى مرات ناقصتها حاجه
مارن:لالا كانت معانا في سوق واكيد توا خشت الدوش
نعيمه:به يعني وتي فطور لبوك والبواب مابين نا كملت لعجينه لانه بوك طالب اكل خاص
مارن:ماما تعرفيهم الضيوف الي جاين اليوم؟
نعيمه:بلعت ريقها....مش عارفه ان شاءالله خير بوك حايتفاهم معاهم اكيد!
مارن:علاش بيتفاهم معاهم شن في ماما؟
نعيمه:بطلي اسئله ورانا شغل وتعب
مارن:بالله ي ماما احكيلي لانه نا مش قادره ننسا صدمة بابا ب التلفون الي امس
نعيمه:متشغليش بالك احنا قاعدين مش فاهمين القصه ممكن تكون قصه تانيه
مارن:احكيلي نا من حقي نعرف شن مضايقكم؟
نعيمه:مش وقت كلام توا نوضي وين وصيتك وبعدين ساهل
مارن:اوك المهم في امل انه نسمع القصه ...ووقفت ترتب في سفرة لفطور 
نعيمه:لا حول ولا قوه الا بالله!

____________

مارن:رتبت سفرة لفطور وطلعت بيها لجنان برا...كانت عيوني ع بابا وعمي محمود وكأنه في نقاش بينهم حامي كنت نشوفلهم ع امل نسمع كلمه من حديثهم...بس اول ماوصلت جنبهم كأن سمعت بابا يقول شرهم منتهاش لن وصلو فينا
نوري:ها بنتي جبتي لفطور
مارن:اءءء اي بابا تفضل انتا ماكليت شي من الصبح
محمود:شكرا يا بنتي تعبتك معاي
مارن:العفو ي عمي ادلل من عيوني
نوري:شن صار معاكم ؟
مارن:كل شي تمام شنو بابا حسيت الضيوف هادو مهمين هلبا
نوري:خدا نفس...لا بس ناس اول مره تجينا منبوش حد يهزا علينا
مارن:لا ومستحيل تنهان حايكون كل شي من مقامنا
نوري:كأنه صوت هرجه برا
مارن:كيف؟ هما وصلو يعني!
نوري:شوف ي محمود لو هما دخلهم للمربوعه الخارجيه
محمود:اكيد وطلع يجري!
مارن:خديت السفره ودخلت باها...ونا ندعي في خاطري يارب مايروحوش لن بابا ترجعله الضحكه لأنه باين الناس هادو عندهم سر قديم
خشيت للحوش وكملت مع ماما تحضير الحلو والحار وكنت حاسه بشعور سيئ لأنه اهلي مضايقين 💔
قدمنا عصير وحلو وبعده ع طول لغذاء وكأنه مش صاير شي لأنه تأخرو عندنا ورضو ياكلو عندنا!
اروى:هلا ياهلا
مارن:نزلتي؟ وين كنتي غاطسه؟
اروى:نكلم في حسام
مارن:😏..كويس
اروى:اي وع فكره عمتي جايه اليوم
نعيمه:بصدمه...ليش؟
اروى:مش عارفه بس ممكن عمي نوري طالبها هكي فهمت
مارن:شافت لنعيمه 😨
اروى:المهم شفت سيارات عاليه فخمه ومعاهم حرس كأنه نزلو واستقبلهم عمي محمود ونوري
مارن:بلعت ريقها....اءءء شن وضعهم كيف بانو؟
اروى:زي الناس عادي بس تحسيهم من طبقه راقيه
مارن:خديت نفس عميق وطلعت ونا نشوف لجهة المربوعه بخوف
نعيمه:عمتك في اي وقت بتوصل بزبط؟
اروى:اكيد توا طالعه في طريق!
نعيمه:ربي يستر
اروى:شن في ؟ حسيت جوكم مش طبيعي
نعيمه:لا مافي شي ان شاءالله ما يصير غير الخير
مارن:جت عيونها ع زوز اشخاص واحد كبير في العمر والثاني شاب وكأنه مش شايفين حد قدامهم....طلعو الضيوف
نعيمه:بوك طلع معاهم؟
مارن:لا طالعين براحهم عمي محمود بس وراهم
نعيمه:حطت يدها ع قلبها...سترك
مارن:رجعت لمكانها بابا جاي هنايا
اروى:انتم ليش متوترين؟ توا نسأل عمي نوري وهوا راح يحكيلي كل شي
نوري:طقطق ع الباب وخش....نعيمه
نعيمه:خدت بعضها وطلعت....انعم
نوري:الحقيني نبيك
مارن:اكيد توا راح يحكي لماما وهيا تخبرنا
اروى:اي اكيد...بس تعالي جاي ي فرخه ليش مقلتيش انك شفتي حسام امس؟
مارن:بلعت ريقها...أنا؟؟؟
اروى:اي انتي هوا قالي انك شفتيه
مارن:لا اكيد غالط
اروى:لا شافك مستحيل حسام بيتلخبط هوا يعرفك زين
مارن:اءءء مم مش عارفه بس صدقيني نا منتبهتش
اروى:اممممم....كويس المهم نا طالعه فوق ولو صار شي معاكم اركبيلي
مارن:اوك

مارن:قعدت ندور في الحوش زي المجنونه ليش اهلي عطلو معقوله الضيوف طالبين شي كبير؟
شن الي قاله عمي لي محمود منهما الي شرهم منتهاش؟ ياربي مايكونش شي كبير 💔

عارفتكم مش فاهمين شي خلوني نعرفكم ع شخصيات ونرجعو نكملو القصه

مارن:انا مارن م 97 متخرجه من معهد التمريض وحيده لي ماما وبابا طبعا الحوش الي عايشين فيه مش لينا لي اهل اروى بوها اسمه طارق منصور شخص معروف ومشهور وعنده أموال لكن مات هوا وزوجته من فتره طويله وبابا كان مساعد وسواق ليه وحتى لما تزوج ماما عاش هوا وياها في القصر واروى ربتها ماما زي بنتها وطبعا ماما كانت طباخه في القصر
بس حتى بعد وفاتهم مافيش حد طالب بي اروى ولا املاكها مكانش حد من أقاربهم يزور فينا الا عمة اروى واروى كانت تحب عمتها هلبا لانها كامت حنينه معاها
ونا مافيش يوم حسيتها غريبه كنا قراب من بعض هلبا وتحكيلي في كل شي صار معاها 
انا واروى كنا منشبهوش بعض في شي برغم كنا قراب من بعض اروى كانت عنيده ومشاغبه وفرفوشه وتحب المشاكل وكانت من صغرها تحب تلعب مع شباب وتحب تقتبس شخصياتهم بس انا كنت هاديه ونخاف هلبا ومطاوعه هلبا لبابا وماما كانو ينادوي بالأميره الهاديه بسبب صفاتي بيضا هلبا وشعري كثيف واسود وعيوني صغار بس فيهم لمعه حلوه وشفايفي لونهم كرزي كنت اجمل من اروى هلبا وكانو يتلخبطو بينا في نضرهم انه نا بنت طارق واروى بنت السواق 💔
قصصنا طويله وحلوهه وكانو بينا ايام جميله ومستحيل ننساها لانه طفولتي كلها مع اروى نحس فيها اختي الصغيرونه لانه كنت نخاف علاها هلبا لحد توا بس هل يقعد الحب بينا او حاينتهي؟

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

________

لحضات بس ووصلت نبيله(عمة اروى)
نعيمه:تفضلي
نبيله:قعمزت ع الصالون ...وين نوري؟
نوري:السلام عليكم
كلهم:عليكم السلام
نبيله:طمني شن يبي أيوب النحس
مارن:تتهامس لي امها...بمعنى شن يقولو؟
اروى:عمتي 😍...نورتي!
نبيله:ي روحي تعالي جنبي ...كيف حالك؟
اروى:كويسه وحضنت نبيله استحشتك!
نبيله:مش اكثر مني ي روحي
نعيمه:احكي ي نوري مدام الكل حاضرين
نبيله:اي ي نوري احكي انا عارفه أيوب شن ناوي مش ع خير بوكل
نوري:علامات الحزن ع وجه...جاين يطلبو في اروى لولدهم راكان
كلهم:😨😨😨
اروى:تنهدت كيف من راكان هدا؟
نبيله:اهدي خلينا نسمعو
نوري:اول ماجانا الاتصال عرفت انه الاتفاقيه الي زمان منتهتش
نبيله:نوري انتا عارف أمور خويا طارق الله يرحمه ونا مش حانسألك شنو الاتفاقيه بس لو مصارش من الطلب متعهم من حايضرر فينا؟
نوري:بحزن...حاننسجن انا وكل الاملاك حاتكون ليهم
نبيله:تنهدت....لا حول الله
اروى:يعني انا حانتزوج 🥺
مارن:بابا يعني مافيش حل الا انه اروى تتزوج الكلب راكان
نوري:اي والعرس بعد 3ايام
اروى:💔💔💔...خدت بعضها وركبت فوق!
نبيله:وين كانت لمصيبه هادي بس خدت بعضها ولحقت اروى
مارن:لكن اروى مستحيل توافق.. شن الحل؟؟
نعيمه:يارب سترك يارب والله ماوقتها لمصيبه هادي
مارن:تمسح في دموعها نا أكثر وحده عارفه اروى مستحيل توافق لو تموت
نوري:طلع من جنبهم وهوا ع اعصابه 💔
مارن:نا بنشوف اروى وانتي خليك مع بابا
نعيمه:هزت براسها وطلعت.
مارن:ركبت لي اروى 💔

_________

اروى:عمتي ديرلي حل نا مستحيل نتزوج غير حسام مستحيل 😭
انتي عارفه انا نحبه ومش راح نتزوج غيره 😭😭
نبيله:انسيه وشوفي نصيبك خلاص اهلك متفقين هكي ومافيش مهرب منه
اروى:تتكلم بأنفاس متقاطعه شن تقولي ي عمتي نا مستحيل نوافق مستحيل💔😭
مارن:اروى حبيبتي
اروى:يامارن انتي عارفه انا نحب حسام بالله عليك اقنعيهم انتي ديما تساعدي فيا ديري شي ع خاطري وساعديني
مارن:ياريت نقدر نساعدك زي ماسمعتي هما طالبينك انتي حاولي تقتنعي انه الشي هدا اختاروه اهلك
اروى:لاااااا لااااا مستحيل💔
مارن:طبطب ع اروى وتهدي فها طول الوقت بس اروى مش قادره تنسا ولا تفكر في الموضوع من الاساس 💔

الليل كله وشعور الحزن والخوف محاوطهم مافيش حد قادر يرقد من التفكير 💔
مارن:تقرا في القرأن وتدعي انه يصير شي ويفرح اروى ويلتغي القرار
لانه مش قادره تشوف اروى وهيا بالحاله هادي.

_________

ثاني يوم:-

نعيمه:كيف طالعه من المطبخ ومتجها لصاله
نبيله:مارن نعيمه وينكم؟
مارن:تسمع في الهرجه طلعت من دارها...شن في؟
نعيمه:اروى مهناش قلبت علاها الحوش حتى جوازها ولفلوس الي ف الخزنه مش موجوده
مارن:حطت يدها ع فمها بصدمه...درتيها ي اروى وهربتي مع الحقير حسام كنت عارفه انه هوا حايورطك زعما شن ح يصير توا ؟
بابا ح ينسجن وح نتشردو في الشارع 💔
شن لمصيبه هادي معقوله فكرتي ف روحك ونسيتينا ي اروى 💔
يااااربي مستحيل 💔...نزلت وشفت حالة ماما وبابا مصدومين وكانت حالتهم ماينحسدش علاها نهائيا كنت نتخطا في خطواتي ونا نرجف مش متحمله ومش مستوعبه الي قعد يصير
نبيله:قاطعت الهدوء الي عباره ع حزن...مافيش حل غير انه مارن هيا الي ح تكون العروسه بدل اروى
نوري:هما طالبين بنت طارق مش بنت نوري
نبيله:عارفه وفاهمه لكن اروى مش ح ترجع ونا عارفه اروى كويس ومعاش مازال الا يومين لو مرديتش عليهم ح تنسجم وحاتنقلب حياتنا كلها مارن ح تتزوج بدل اروى والاوراق حلوهه عليا نا نعرف نتصرف في الأمور هادي
نوري:بتردد شاف ابنته...شنو مارن؟
مارن:مكنتش عارفه ارد غير بشي الي ح يستر اهلي نا موافقه بابا المهم نطلعو من الازمه هادي
نعيمه:نهارت من لبكاء ع بنتها الي ح تتزوج لشخص مش معروف اصله ولا فصله غير أنه بوه شخص قلبه قاسي ويحارب في الاشخاص المعروفين💔

انتهت الضجه هادي بحزن مطفي بشي مغصوبين عليه رد بابا ع أيوب وقررو انه بعد يومين ح توصل سياره وترفعني شي صار فجاءه مافيش وقت حتى نفكر بيني وبين نفسي كأنه كابوس طوويل ومقدروش نفيق منه


في اليوم هدا بتحديد وصلو اهل راكان وكملو عقد القران بي هوية مش نفس هويتي غير اسمي بس نفسه كنت واقفه جنب الرسوم ع امل نشوف العريس وتكمن من ناحيته لانه كنت خايفه هلبا
مش عارفه شن الحياه الجديده الي تستنا فيا وكيف ح نواجه الخطر كله بنفسي💔
لمحت هلبا اشخاص طالعين ومعرفتش اي واحد منهم راكان بس الباين العيله كلها مش حاسبين ولا شخص انسان الا هما

دخل بابا ومعاه الشرط والهدايا الي جايبينها ليا مافيش شي كان عادي كل الهدايا كانت فخمه وراقيه كل الي تحتاجه العروسه كان موجود طواقم ولبس واكسسوار واحذيه ❤
كنت نتفرج ع كل شي وحاسه انه شي هدا مش ليا ليش معنديش حظ زي اي بنت تزوجت بس برضاها وهيا فرحانه
ليش صار معانا هكي ونحطيت في موقف منحووس💔
برغم كل شي كان متوفر بس الحب والراحه مافيش

بعد يومين:-

مارن:واقفه قدام لمرايا نتفرج ع تفاصيلي الحلوه وملامحي الطفوليه ومش قادره متحكمه في فساتني لانه كبير مكانش في زحمه حتى اروى الي كانت طول الوقت معايه في يوم عرسي مختفيه قعمزت ع الكنبه نستنا في الشخص الي حانعيش معاه ومش عارفه لا شكله ولا طبعه وميعرفش عليه الشي
بس من وراء كل شي صاير كنت نفكر لو تنكششف هويتي قدامهم كيف حاتكون الحرب بينا وبينهم؟

وشن ح يصير معانا ممكن توصل للقتل وثأر 🔥
خيانة ولعب ع اكبر عيله معروفه شن ح تكون ردت فعلهم لو عرفو انه العروسه مزيفه 💔🔥

قاطع تفكيري صووت بابا وهوا يقول
نوري:وصلو واقفين برا يستنو!
مارن:حطيت الطرحه ع وجهي وحطو عليا زي الطرف كبير لونه ابيض وزفوني بي زغروطه لن وصلت لسياره
راكان:فتح الباب وساعدني لن ركبت السياره ويرتبلي في الفيلو وبعدها سكر الباب وقعمز من الجنب الثاني ونا قلبي يددقق بقوووه واطراف جسمي ترجف بقوووه طول الطريق
بعد ساعتين وصلنا اول ما قمت عيوني جت ع قصر كبير مليان اضاءه برا وداخل والحرس في كل مكان❤
دخلنا داخل بين الطاولات واضح الحفلة كبيره والاغاني قوويه وكانت لعيوون عليا لن نزل راكان ونزلني لن وصلنا لصالوون فخمم كأنه خاص بالأميرات قعمزت ونا نشوف للكل وقلبي يددقق تمنيت اهلي معايه ونا بين ناس غريبه بس الباين نضرات الكل ليا اعجاب❤

دقايق وركبوني الخدم لغرفتي في الدور الثاني..خشيت قعمززت ع سرير ونا نستنا ف راكان لأنه نبي نطمن انا في امان او في مكان مليان رعب لن نفتح باب الغرفه وخش شخص اول مره نشوفه
مارن:اءءء...مني انتا؟
راكان:بصوت سكران.....انا زوجك
مارن:بصدمه...ومن الي كان معاي في سياره؟
راكان:كان ماسك علبة السكير في يده ومكانش متوازن في وقفته....ههههه مفكرين انتم بس قادرين تلعبو عليا
مارن:😨😨😨....يتببع!!

ليكم الأحقيه تعطو رايكم مهما كان مدام هادي مقدمه نقدر نغير الروايه لو معجبتكمش !!

هيا كانبذه بس الروايه اقوى من هكي تعليقات+تاقات+رايكم فيها 🔥

 رواية العروس المزيفه الحلقة الثانية

دقايق وركبوني الخدم لغرفتي في الدور الثاني خشيت قعمزت ع السرير ونا نستنا في راكان لأنه نبي نطمن انه انا في امان او في مكان مليان رعب ؟ لن نفتح باب الغرفه وخش شخص غريب اول مره نشوفه
مارن:اءءء....مني انتا؟
راكان:بصوت سكران..انا زوجك
مارن:بصدمه..ومن الي كان معاي في سياره
راكان:كان ماسك علبة سكير في يده ومكانش متوازن في وقفته ....هههه مفكرين انتم بس قادرين تلعبو عليا
مارن:😨😨😨
راكان:نحط ع الكنبه وكأنه مش حاس بي شي ورجع يشرب من جديد....احححح من الي ضلمك؟ وخلاك توصلي لعندي
مارن:بصوت يرجف وقعدا مش فاهمه راكان شن يقصد...شش شن تخرف؟
راكان:بصوت مليان هوس....بويا الحقير تي تي حقير لنم ورجع شرب من العلبه ثاني يهدد في بوك تترا قولي علاش؟
مارن:خدت نفس مريح وكأنه فهمت انه راكان مش كاشف شي عليهم....عع علاش؟
راكان:قام عيونه فوق وهوا يشوف لكل مكان في الغرفه...العيشه الحلوه هادي والقصر والخدم كلها مؤقته يعني ضروري يحشيني انا في الاعيبه باش ميريحش رزقك بعيد
مارن:برغم ما فهمت شي من كلامه بس استمريت ننطق في اي به ع كل كلمه يقولها💔
كنت نشوفله بكامل اعجابي بي لبسته وشخصيته وملامحه كأنه مش ماشي معاه دور انه سكران وولد مستهتر بس كانو عيونه يخوفو
راكان طول الليل يشرب ويهستر بالكلام وحتى وهوا مسكر عيونه!
اما اني خديت بعضي وخشيت للحمام الي كان عباره ع تحف وكان كبير هلبا لدرجه حاطين كنبه كبيره من الصوف
وقفت قدامي لمرايا مسحت مكياجي وفكيت شعري وقمته فوق
وشلحت الفيلو الي بعد ساعه تقريبا باش قدرت نفك خيوطه لبست بيجامه خفيفه تع نوم وطلعت من الحمام ونا نشوف لي حالة راكان
قبل وقت قصير مفكرتش في حقوقي كاعروسه لانه كنت خايفه راكان يكون عارف لعبتنا لانه بكل بساطه اهلي حايتشردو
بس بعد كلام راكان الي كان قاصد بيه اهله والباين انه هوا مش راضي ع زواج هدا ومغصوب نفسي كان يعبر ع حزنه بي الشرب
بس حقي انه نشوف زوجي جنبي وتكون ليلة دخلتنا زي اي عرسان متكلمتش عليها وكمدتها في قلبي المهم والاهم عندي انه المشكله نحلت وبس
بس اول ماحطيت راسي ع لبخده
جي في بالي سؤال الي هوا كيف حايكون وجه راكان بعد مايفيق ؟ هل هوا شخص طيب او عنيف معايه؟؟ 💔
دقايق وخداني النوم لانه ليا كم يوم مش راقده كويس!

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

ثاني يوم:-

مارن:فقت ع صوت راكان الي معبي لمكان وهوا يتكلم ع تلفون ...خديت المنديل من فوق الطاوله ومسحت وجهي باش نصحصح شويه
نزلت من السرير ونا عيوني ع راكان الي واقف جنب الروشن
لن دخلت الحمام خديت دوش ع سريع ولفيت الفوطه ع جسمي وكيف بنفتح باب الحمام نسمع في راكان قعد يحكي ع تلفون
طلعت وقفت قدام الدولاب طبعا بما انه غرفتي كبيره كان في فاصل بين السرير والدولاب شفت حوايجي الي مرتبينهم مسرع
لبست بيجامة تع سروال واسع
وبخيت برفان وحطيت لمسه بسيطه مكياج
وهدا كله قعد راكان يحكي ع تلفون
قعمزت ع سرير ونا نحول في اضافري لن واخيرا سمعت صوت راكان
راكان:صباح الخير
مارن:قمت عيوني فيه ...صباح النور
راكان:يعدل في القرواطه ويشوفلي....اسف اكيد ضايقتك بي اتصالي ع صبح
وقبل مانتكلم
راكان:صايره مشكله في المطار واضطريت نتواصل معاهم
مارن:لا ولا يهمك هدا وقت النوضه ديما
راكان:بصوت خشن...انا نازل وانتي لو تبي شي نادي ع هالا
مارن:عيونها عليه وهوا عاطيها بضهر...من هالا
راكان:هادي خادمه هنايا هيا الي حاتساعدك في اي شي تطلبه.
مارن:هزت براسها
راكان:خدا بعضه وطلع
لحضه هادي تأكدت انه فعلا راكان مش راضي ع زواجنا ومتحملني فوق من نفسه

راكان:وراه قصه طووويلهه حانعرفوها مع الحلقات بس هوا شخص ثقيل ورزين في ادق تفاصيله عصبي وعنيد ...طبعايشتغل في السفاره وشخص مشهور هلبا
مواصفاته حنطي وملامحه حادات شعره لونه اسود ليل واحلا شي فيه عيونه وشخصيته الي مش مفهومه والمهم هلبا حاجات وراء شخصيته الغامضه حانكشفوها مع بعض❤

مارن:واضح من عيونه انه حتى لكلام الي بينا من باب الاحترام مش اكثر
بس كانت ملامحه حادهه وشخصيته واضحه انه شخص عصبي وعنيد
بس ليش في اول ليله من عرسنا كان شارب لن فاقد معقوله يكون عاشق ومرتبط مع بنت ؟؟
وليش يحكي ع اهله بطريقه هادي ؟؟؟ الاسئله تعددت في راسي
مروحش بيا؟ ورضا بشخص تاني يركب معايه ويدخلني كأنه مش غاير عليا في نهاية انا مرته بس يالا اول هوا الزواج من البدايه عباره ع خطه وكدبه كيف حايكون يكون معاش فارقه معايه مدام اهلي راضين وعايشين بخير
زعما شن صاير فيهم توا هل اروى رجعت للحوش او مازال؟؟
ماما وعدتني حاتزورني الايام هادي اول ماتجي حانفهم منها
قاطع تفكيري صووت الباب

طقق ططق:-
مارن:بصوت هادي...تفضلي
هالا:فتحت الباب وخشت....صباح الخير ي احلا عروسه
مارن:صباح النور
هالا:يؤبرني المستحي انا راجلك المتوحش يوصي فيا عليك وبتقليد صوته...هالا اركبي فوق وشوفاها شن تبي
مارن:هههههه
هالا:يدومها هالضحكه ...المهم باين عليك طيوبه مش شريره
مارن:هههه
هالا:هيا البسي اي شي لأنه يستنو فيك تحت ضروري تنزلي وتسليم عليهم
مارن:اهاا شن نلبس ضروري شي طويل صح
هالا:لحضه بس خليك نا نطلعلك اي شي
مارن:تضحك ع تصرفات هالا
هالا:شوفي هدا لونه هادي وحلو
مارن:اوك هاتي خلاص حانلبس وننزل انتي ارجعي لخدمتك
هالا:لا منقدرش ضروري نساعدك
مارن:لالا انزلي نا شبه جاهزه نغير ملابسي بس
هالا:اوك بس متتأخريش لانه احتمال يلزوني من القصر نا وعيلتي
مارن:ليش؟
هالا:هنايا قوانينهم صعبه وكل شي يحبوه ع الوقت وميهمهمش حد زي ماتهمهم نفسهم من كبيرهم لصغيرهم نفس الطبع
مارن:قلبهم قاسي؟
هالا:شبه يعني اهلي كم مره ينهانو بسبب حماتك
مارن:طبطبت ع كتف هالا انا حاسه بيك وفي كل حرف تقوليه البشر هادي بتخلي ضلمها حتى بعد وفاتهم وبيتكلفو بيه الناس الي كانت طول العمر بتساعدهم
هالا:انتي اميره ومن يومك عايشه مدلله صح اهلك توفو بس ما فيش حد يقدر يهينك واها توا خديتي امير صح هوا...وسكتت
مارن:ليش سكتي؟؟
هالا:ههه وجعتلك راسك كأني يالا البسي تلقيني تحت لو تبي شي
مارن:بتخميم في كلام الي سمعاته اوك انزلي
هالا:تمام....ونزلت!
مارن:الباين حاتشوفي الويل مع العيله هادي واولهم ولدهم الي شايف روحه
وشن قصته؟وليش هالا سكتت اكيد وراء رفضه لزواج مني حياته الخاصه
💔

__________

لبست فستان لاصق ع جسم بس طويل وحطيت وشاح حرايري ونا نازله في الدروج جت كلامات من حديثهم في ودني
هههه من اول يوم تدلل وليها ساعتين نايضه ومتواضعتش انها تنزل
وحيدة العيله واميره ومدلله هه مش ح تشوفو منها طيب
روفيده:شي طبيعي وشن الي زاعجك انتي ؟ زي ماانتي متزوجه امير وفاشه كل غلك في الخدم
طبيعي هيا بتشوف روحها ع الكل ومازال لو تعلم انه حتى لمكان وقاطعها راكان بصوت اعلا منها...امتا ح تكملو هدرزتكم واتهامكم لاها قبل ماتتعرفو علاها

في لحضه هادي انا خشيت ❤
مارن:بصوت هادي....صباح الخير
وهيبه:صباح الانوار تفضلي تفضلي
روفيده:منافقه 😏
مارن:سلمت ع وهيبه وبعدها روفيده
ناجيه(عمة راكان ):ماشاءالله تبارك الله ورده ربي يحرسك من العين
راكان:كحح بقووه
مارن:بي ابتسامه رقيقه ...سلمت ع ناجية وقعمزت بين ناجيه وراكان
راكان:بصوت حاد ليش تأخرتي؟
مارن:بالعكس مدرتش ولا حاجه بس هالا ...قاطعها راكان وهوا يشوف لسقف من جديد بس
مارن:نزلت عيونها ومقدرتش تفهمه
ناجيه:شن هالرقه هادي والهدوء بصراحه ربي يحبك ي راكان هلبا لانه عروستك قمر قعد ع الارض
راكان:ولا كأنه يسمع في مدح ع زوجته...نا نستأذنكم
ايوب:متتأخرش اليوم كل رجال الأعمال جاين يباركو
راكان:مردش ولا حرف لن طلع!
روفيده:حتى صاحباتي اليوم جاين بيباركولي
وهيبه:لا اجليها اليوم مش وقت عزومه بووكل غير انضمو عزمة صحاب بوك قبل
روفيده:بابا حجزت كل شي انا كلم عمي زبير يجيبهم وناضت!
مارن:تتفرج ع معاملتهم مع بعض وكل حد فيهم يحارب في الثاني
ايوب:وهيبه نبيك الحقيني
ناجية:متاخديش عليهم ي بنتي هدا ع نفس الحال راهو كل يوم مازال ح تتعرفي وح تشوفي مقالبهم
مارن:ههههه
ناجية:محلاها هالضحكه الي طالعه منك
المهم طمنيني شن جو راكان امس في ليل ووو
مارن:وجها لونه احمر....لا وجت ليلة البارح بين عيونها
ناجية:اسمعي بنتي متتحشميش مني ومتخبيش عليا شي انا راكان ربيته وعارفه طبعه وعارفه شن يحب وشن يكره
نا اعتبريني امك او صاحبتك لانه فاهمه كويس ردت فعلك وفعله اتجاه الزواج هدا
انتي اكيد عندك حياه وممكن حتى تكون حابه شخص غيره وهوا نفس الشي واجه صعوبات في حياته وهيا خلت راكان يكون عصبي ومش متحمل حد فالهدا انتي كازوجه توا ضروري تعرفي تتعاملي معاه وتكسبيه
مارن:🥺...كيف يعني ؟ وهوا في اول ليله كان شارب لن فاقد واليوم كلامه معايه واضح فوق من نفسه
ناجيه:يعني مافيش شي صار بينكم لتوا؟
مارن:تحشمت...اها اي.
ناجيه:اي اي انتي ضروري اليوم تحكي معاه وانه الشي هدا من حقك وضروري يصير بينكم حتى لو هوا مش راضي
مارن:تهز في راسها وهيا تسمع في ناجيه ومتعمقه مع كلامها ❤
_______

ساعه 7 المغرب:-

مارن:مقعمزه ع صالون تجميل ويجهزو فها علشان اليوم في حفله كبيره في القصر❤
هالا:جمالك طفولي نصيحتي متحطيش روج غامق
كوافيره:متعلمنيش في شغلي خليني اركز
هالا:بطلي بلا وهم ونا شن قلت تكلمت ع روج
كوافيره:هكي ديما انتي؟
هالا:لا كل مانشوف خليقتك بس😂😂
مارن:😂
هالا:ي وخيتي محلاها وهيا تضحك
كوافيره:شن الأسلوب هدا اطلعي برا وخليني نكمل
هالا:لا حبيبتي انا لو زدت معاك دقيقه تانيه احتمال نتبخر من ريحتك وهيا طالعه دايره فها جو ارتست
مارن:متاخديش ع كلامها تقدري تكملي
كوافيره:علشانك بس وكملت تمكيج في مارن!
هالا:هي نخليك مارن وربي يعينك ع ريحه والشكل الي يرعب
كوافيره:قليله ادب
هالا:ضمي فمك خير مانمسح بيك طريق السريع وسمعت امها تنادي فها طلعت تجري!
مارن والكوافيره:😂😂😂 جو عليها البنت.

________

طبعا في وسط الحوش محضرين طاوله كبيره ع جنب حاطين فها الحاجات الحلوهه ❤

الضيوف بدو يوصلو والخدم يستقبلو فيهم وكلهم يبو يشوفو كنة وهيبه كيف شكلها وكيف مقامها؟
وراكان الي شايف روحه والكل يتمنوه ياخد وحده من بناتهم كيف حاتكون مرته هادي؟؟
الكل مفكر انه راكان بكامل إرادته وشبه من اختياره هوا
مش عارفين انه راكان مجبور ع زواج هدا وانه في سر قديم بين أهل راكان وعروسته المزيفه؟؟
بما انه اغلب الناس تشوف للمضاهر بس وتهمهم المضاهر والكل حاضرين بس يحكو عليها ويكملو نقصهم بس لأنه راكان مطلبش بنت بوها راجل اعمال
اما صاحبات روفيده من اول ماوصلو وهما يسألو ع شكل العروسه كيف؟
وهل راكان متقبلها او لا ؟
ومن ختارله لعروسه هوا او اهله؟؟
ووهيبه طبعا مفتخره ومطمنه لأنه عارفه كنتها بنت عيله معروفه وجميله ولأنها تهمها المضاهر بس مش كونه تحبها!

لحضات وكانو الضيوف كل واصلين ويستنو في العروسه تسلم عليهم!!

الخدم اختفو من الصاله لأنه يبو يقدمو لضيوف أيوب قبل❤

نادره:وينها كنتك ي وهيبه
وهيبه:شويه وتجي وين فدوى مش جايه معاك؟
نادره:لا فدوى حالفه تخش عتبت حوشك بعد ماوعديتها وماوفيتيش
وهيبه:انتي عارفه شن الي صار فجاءه فينا وكل شي تلخبط وايوب خدا قراره
نادره:اي قرار هدا احنا معندناش علم بي شي غير أنكم فسختو فجاءه وراكان الي كان هايم في بنتي فجاءه غير رايه
وهيبه:بلعت ريقها ...بالنسبه ليا انا كنت نبي فدوى ومش عاطيه فرحتي لحد لانه هيا بتكون كنتي بس
نادره:انتي اوامرك كانت ماشيه مش ايوب بس توا نا جايه بس نبي نقولك لكلام هدا وجبت هدا المبلغ حق مصاريف ولدك ع بنتي ونبوكم تفهمو انه حنا مش طامعين فيكم
وهيبه:نخطف لونها قدام الضيوف ومقدرتش تنطق حرف واحد لأنه مش قادره تحكي الحقيقه المره لانه خايفه ع سمعة العيله من العار.

طلعت نادره وعم الهدوء بين الكل ونحطت وهيبه في موقف محرج قدام ضيوفها لن خشت عليهم مارن بقفتانها الثقيل لونه وردي هاادي دايره شعرها فير الموجه ع جنب وتاج بسيط ولون الروج كان زي لون القفتان والكل الي ف صاله يشهقو من كمية جمالها متوقعوش انها بكمية الجمال هادي 💗
كل مره تجي مدام وتسلم علاها وتباركلها وطبعا صاحبات روفيده كل وحده ارقا من الثانيه ومايعجبهم عجب بس لأنه كانت مارن ولا غلطه فيها مقدروش يعلقو عليها الا بكلام حلوو 💗

__________

فات الوقت بسرعه وكان التقديم حلو زي كل مره وهكي
الخدم قايمين بالواجب في كل شي
ومارن اغلب الوقت فات عليها وهيا تهدرز ع ناجيه لأنه استريحتلها وطمنتلها وبجد كانت ناجيه نصايحها وكلامها مع مارن بكل صدق وانه تبيلها الخير بس في هلبا حاجات مقدرتش تحكيهم لي مارن 💗
مارن:بجد حسيت الجو سخون مليت
ناجيه:لو تبي تغيري وتنزلي عادي معندكش مشكله
مارن:ياريت والله لانه حاسه القفتان كان ثقل عليا
ناجيه:حاضر حانادي هالا تساعدك
مارن:اوك وصحيتي!
ناجيه:العفو...وناضت.
وهيبه:مارن اتصلي بي راكان قوليله خالاتك يبو يسلمو عليك
مارن:بلعت ريقها بصدمه لأنه رقم راكان معندهاش ومقدرتش تقول قدام الضيوف خافت انه يهزو علاها...حح حاضر جت عيونها ع ناجيه جايه من بعيد
مارن:عمتي اتصلي بي راكان قوليله خالاتك يبو يسلمو عليك
ناجيه:لا مش انا الي ح نتصل هادي فرصه وجت لعندك مضيعيهاش
مارن:بحيره...كيف يعني؟
ناجيه:هاتي تلفونك
مارن:طلعت فونها من الشنطه
ناجيه:اكتبي رقم راكان 09*****
مارن:لو عصب عليا
ناجيه:لا ميعصبش انتي مرته ومجبور يتحملك
مارن:تمام...وحطت الفون جهة ودنها...يضبح
ناجيه:خليه لن يرد
مارن:اءء الو
راكان:بصوت عنيف...ايوا من معاي؟
مارن:انا مارن
راكان:شنو؟
مارن:امك وصتني نقولك انه خالاتك يبوك علشان يباركو
راكان:انا كيف وصلت شويه ونخش
مارن:اوك
راكان:سكر الخط!
مارن:تعالي هالا امسكي الشنطه وخلي نركبو
ناجيه:شن قالك؟
مارن:قوليلها كيف واصل شويه ويخش.
ناجيه:تمام انتي غيري شي بسيط وانزلي
مارن:حاضر....وركبت هيا وهالا لدور الثاني💗

_____________

مارن:تفك تحاول تمشط شعرها باش تقيمه لانه مثبتاته بكريمه
هالا:وهيا تفك في خيوط القفتان ...شفتي صاحبات الحربه روفيده كيف يشوفولك
مارن:هه لا مركزتش
هالا:بس تعرفي انا مصدومه بجد اليوم
مارن:إن شاءالله خير
هالا:لانه معلقوش عليك ونعجبو بيك هلبا وكلهم قالو انك راكبه ع راكان
مارن:ابتسمت بجد؟
هالا:والله بس تعرفي انا منعطيش فيهم في وجه نهائيا
مارن:هه تحسيهم صعبين صح؟
هالا:لا بالعكس نا مش من نوع لما نشوف انسانه ارقا مني نقيمها بها ونزل من مقامي انا هالا بنت عيله بسيطه وتشتغل بكل احترام وصدق بس مش جعانه لأنه ربي خالقني مش هما ولا مره شفت انسان انه واو
والشي هدا هوا الي مخلي اي شخص يتعرف عليا انه نا زيه واحسن منه
مارن:فعلا كلامك
هالا:انا ولا مره حسيت اني اقل من حد بسبب خدمتنا بالعكس انا فخور بعيلتي
مارن:ربي يخليهم ليك ويحفضك!
هالا:المهم تعرفت عليك انتي برغم كنت نقول ربي يعيني من طلابتها
مارن:ههههه
هالا:بجد بجد طلعتي حنونه وحاتكوني صديقتي صح؟
مارن:من عيوني يشرفني💗
هالا:هه تخيلي كنت نقول انه مستحيل اميره زيك حاتوافق تكون صديقة خادمه
مارن:لو تعرفي اني نا مثلك عشت وانه اهلي نفسك اهلك
هالا:شنو مارن مسمعتش
مارن:لالا
هالا:شن كملتي فك شعرك وله مازال؟
مارن:لا خلاص كملت وانتي شن صار معاك في لخيوط
هالا:اي ونا كملت غيري ملابسك ونا تلقيني تحت
مارن:من عيوني💗
هالا:هه الحمدالله انه راكان تزوجك انتي مش فدوى
مارن:تنهدت بصدمه...من فدوى هادي؟
هالا:راكان كان خاطب بنت اسمها فدوى طبعا امها ووهيبه كانو صاحبات من الطفوله بس فجاءه ايوب خدا قرار هدا ولغو الخطوبه وتزوجك انتي
مارن:بدون سبب هكي
هالا:لا احساسي في سبب بس شنو بزبط منعرفش والسبب هدا صاير متأخر لانه كلهم كانو موافقين ع فدوى بس شن صار فجاءه وخلا العيله تتخبط الله واعلم وراكان فتره شهرين قعد يشرب ويروح كل يوم شارب وصارت هلبا مشاكل بس ف نهايه قرار أيوب هوا الي تنفذ
مارن:اها هدا ليش راكان مش متقبلني اكيد قعد يحبها بس ليش غصبوه هوا معنداش خوت يعني؟
هالا:حبة برص لا عنده خوت اويس وكنان يقرو برا طب بشري
مارن:اها وكم اخت وله روفيده بس
هالا:عندهم اخت متزوجه من زمان بس متجيهمش ولا مره شفتها حكتلي علاها ماما
مارن:بس حبيبته ي ناري جرحوها
هالا:مالا فكه منها وربي انا ناخدها ترند في الفرحه فسخ الخطوبه بينهم 😂
مارن:حرام عليك ممكن هيا تحبه وتوا تتوجع ي ناري
هالا:يلا بلا طيبه البسي الحربه وصديقاتها يستنو فيك لوطه😂
مارن:😂😂 لا هيا وبعض العقارب يستنو في راكان باشا😂
راكان:اححم ....كملتو؟
مارن وهالا:😨😨....يتبع!!

كنت نبيها اطول من هكي بس حسيت حاتتلخبطو 💗

رواية العروس المزيفة الحلقة الثالثة كاملة بقلم ميلو حسن 

مارن:بس حبيبته ي ناري جرحوها
هالا:مالا فكه منها وربي انا ناخدها ترند في الفرحه فسخ الخطوبه بينهم 😂
مارن:حرام عليك ممكن هيا تحبه وتوا تتوجع ي ناري
هالا:يلا بلا طيبه البسي الحربه وصديقاتها يستنو فيك لوطه😂
مارن:😂😂 لا هيا وبعض العقارب يستنو في راكان باشا😂
راكان:اححم ....كملتو؟
مارن وهالا:😨😨
راكان:دخل بكامل اناقته وقف قدام مارن بزبط....هالا اطلعي شوفي شغلك
هالا:طلعت ترجف ...ربي يستر عليك يامارن كله من غبائي

راكان:فرد يديه وكان فاقد اعصابه...تقدري تفهميني شن قعد يصير؟
مارن:كانت ماسكه القفتان لانه شبه نازل ...وتلخبط لسانها في بعضه ومعرفتش شن تقول
راكان:بصوت عالي ....نسأل فيك جاوبي شن الي قعدا تحكي فيه لي هالا
مارن:دموعها نزلو من كمية الخوف....كك كنا نبصرو مش اكثر.
راكان:بصوت حاد...حاتفوت المره هادي ع خير وحط يده ع وجها وضغط علاها بقوه...حاتتفوتلك لأنك قعدا مش عارفه راكان كويس
كل حد عايش معانا في الحوش هدا مليكش دخل بيه
مارن:🥺 كان الخوف مسيطر علاها.....مش قادره ادافع ع روحها لانه يداها ماسكه بيهم القفتان
راكان:خدا نفس اول مانزل يديه من علاها
وشاف لمنضرها وهيا تلملم في القفتان
عطاها بضهر ع طول ووقف يحول في ساعته
غيري ملابسك وانزلي وقوليلهم راكان عنده تلفون ضروري
مارن:بصوت يرعش....يعني مش نازل؟
راكان:قولي زي ماوصيتك
مارن:تت تمام وطلعت من جنبه وخشت لجهة الثانيه
راكان:شافلها شوفه اخيره وقعمز ع سرير

________

دقايق بس
ومارن كانت لابسه سروال واسع ع الموف وفوقه بلوزه كمامها واسعات لونه وردي هادي حطت الوشاح ع راسها
مارن:الباين نزل لخالاته هدا غير يبيني نقولهم عنده تلفون زعما شن قعدين يحكو عليا؟
اه ي راكان لو مش اهلي بس مكنتش قعدت دقيقه هنايا
من البنت الي بتتحمل وحش زيك بس
كملت كلامها مع روحها وخدت بعضها ونزلت

راكان:ههههه لا ي خالتي انتي عارفه معزتك لكبيره عندي
مريم:اي عارفه لكن الشغل خداك مني في الفتره الاخيره كنت زمان أطل علينا بس توا ربي يسامحك بس
راكان:يعني مضطر اطلعيني مقصر معاك
مريم:لاااا تقدر تنسيني😂
وهيبه:فوتك منها خالتك هادي مازال ماشافت شي الراجل تزوج مرات ينسا حتى اهله
راكان:تغيرت ملامح وجه لما جت عيونه ع مارن وهيا داخله.
ناجيه:شن مريم مقلتيش رايك في مارن؟
مارن:قعمزت ع صالون جنب ناجيه ...جوه حلو معاهم؟😏
مريم:ربي يحفضها البنت مش ناقصها شي وان شاءالله نشوف صغارك معاها ي راكان وله شن رايك؟
راكان:نخطف لوونه وجه.. وكأنه ميبيهمش يحكو ع مارن قدامه...وحب يغير الموضوع ..بايته خالتي؟
وهيبه:شافت لي مارن وابتسمت
مارن:ابتسمت بهدوء.
ناجيه:حبت تغلب الوضع....بإذن الله القصر هدا حايقعد عامر بولاده ومارن حاتجيب اول حفيد لينا
وهيبه:عيونها ع راكان......إن شاءالله يارب
مريم:اي حقا وهيبه امتا بتحكيلي
وهيبه:ع شنو؟😨
مريم:من وين حصلتي الكنه الحلوه هادي الي فاجئتي بها الكل
وهيبه:بلعت ريقها بصدمه😨.....اءءء بوها صاحب أيوب
مريم:وعلاش مقلتيش اكتر من مراء سألاتك وانتي تهربتي من السؤال ركبتيلي الشك
وهيبه:شافت للكل ووجها كان مخطوف لونه.
راكان:ولا كأنه سمع شي منهم
مريم:بصوت واطي....وانتا راكان شن صار في بنت نادره
وهيبه:انهي السيره مريم مش وقت كلام توا
مريم:به به اختك وتعرفيني فضوليه
ناجيه:شن مارن عجبك جو العيله وله مازال؟
مارن:شافت لي راكان وهيا تهز في راسها.
روفيده:خاشه وهيا لابسه بيجامه قصيره وشعرها كوده وماسكه علبة كريمه في يدها...شن ي جماعه سهره الليله؟
راكان:ردي بالك نشوفك طالعه بمنضرك هدا البرا
روفيده:بالله مارن تعالي ادهني معاي حاسه جسمي متكسر
مارن:كيف بتنوض
راكان:خليك في مكانك انتي مش خادمه لحد
مارن:نصدمت في كلامه....وعرفت انه هوا ميحبش حد يغلط مع اهله ولا معايه
قعدت فرحانه بشي هدا لأنه راجلها متتمناشي غير يكون كويس بس
روفيده: 😏😏😏
راكان:هي خالتي تصبحي ع خير
كلهم:سعيده
ناجيه:قربت من مارن...ألحقي راجلك بسرعه.
مارن:هزت براسها ...تصبحو ع خير...وطلعت!

___________

في غرفة النوم❤

راكان:مقعمز ع كرسي وسارح ويفكر
واضح انه غارق في تفكير في شي كبير شي مهم
لانه هوا قعد حاليا بين قلبه وضميره
متحاصر برغم قوته وأملاكه وحبه لكبير لفدوى ضعف وتخلا ع شي يحبه ونفذ اوامر اهله
كيف بسهوله هادي ؟؟ بس طبعه وجوه وحياته كلهم نقلبو صايره معاه ضجه كبيره
شن القرار الي قعد ياخد فيه بينه وبين نفسه؟؟
برغم عروسته حلوه وبنت عالم وناس والباين انها طيبه
وصابره ومتحمله معاه
لكن لي امتا الوضع هدا؟؟ حاينتهي او حايستمر؟💔

مارن:تمسح في مكياجها... وعيونها كانو ع مرايا لانه تشوف في راكان وهوا مقعمز
اكيد يفكر في ست الحسن
بس لو نعرف السبب الي جبركم تفسخو
معقوله حبهم يضيع وكيف قدر راكان يتخلا ع حبيبته بسهوله؟
حاله مش زي الناس طول الوقت هارب برا معقوله شهرين ع الحاله هادي
نا ولا مره جربت الحب بس معقوله الحب يخلي اروى تبيع كل البشر الي معاها وراكان باين بايع نفسه علشان فدوى
لكن لي امتا ي مارن حايقعد الوضع هكي؟؟ وقفت تفكير وخديت نفس
واخيرا كملت خدت مرطب رطبت بيه وجها ومشطت شعرها وهيا تشوف لنفسها ع مرايا كيف طالعه حلوه بالروب الابيض
راكان:بحركه مفاجئه فتح الباب وطلع
مارن:تنهدت...وين طالع هدا؟ يعني حانقعدو ع نفس الحال
اول يوم سكران وتوا طالع واشبح امتا يروح
رجعت شافت لنفسها في لمرايا وكأنه وجعتها روحها نزلو دموعها
واستمرت تبكي ع الحاله الي وصلتها
بس برغم هدا كله محستش انه راكان ضلمها لانه كانت عارفه انه هوا كان ع علاقة حب وممكن قعد يحبها ويفكر فها لتوا؟
واحتمال كبير لو قعد ع الحاله هادي حانطلق او يتزوجها عليا💔
مسحت دموعها ونزلت من ع الكرسي
استندت ع سرير وهيا مشغوله في تفكير طويل عريض لن سمعت صوت الباب غطت نفسها وهيا تسمع في راكان يهلوس وواضح انه الشارب كالعاده
وسمعت خبطه قويه لانه طاح ع الارض
مارن:حاولت تتجاهله بس مقدرتش...نزلت من السرير
راكان:فدوى انتي فدوى
مارن:تقيم فيه فوق ..وتسحب فيه
راكان:اممممم انتي مش فدوى ي كدابه مني انتي شن جايه اديري ف غرفتي
مارن:وهيا تقيم فيه وكان رزين هلبا
راكان:اممممواااح هادي بوسة النوم يافدوى
مارن:بعيون يدمعو...افففف مرزنه
راكان:جبدها بقوووه لن طاحت وحط وجه في وجها...فدوى هههه حبيبتي فدوى ويلمس في شعرها
حلووه شفايفها كبار
حبيبتي فدوى وفجاءه نزلو دموعه
انا غلطت كسرتها
مارن:سحبت روحها من جنبها بكمية خوف رهيبه
راكان:خدا بعضه ووقف ع رجليه ونحط ع سرير
مارن:قربت مره وهيا تساوي فيه
راكان:كسسسرتها كسرتها حبيبتي كسرتها
مارن:متحملتش تشوف حالة راكان هكي
خدت بعضها وخشت للحمام واستمرت تبكي ع الوضع الي هيا فيه
وراكان المسكين الي ضلموه
فدوى الي كل ليله تبكي نفسه ومش متحمله الي صار معاها
بس ضروري نعرف السبب الي وصل راكان لهني
مستحيل راكان ينفذ طلبات اهله بس علشان يكسبو املاكي
في شي صاير ومحدش عارف غير راكان واهله ؟؟
مسحت دموعها ال مره الثانيه وخدت بعضها وطلعت
لكن طول الليل وهيا تسمع في راكان يبكي ويكرر في كلمة كسررتها 💔

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

ثاني يوم:-⛅⛅

مارن:نضت ع صوت التلفون ...رديت وصوتي مكانش واضح...الو
اروى:ايوا مارن انا اروى
مارن:تنهدت...اروى؟
اروى:اي اروى في حد جنبك ؟
مارن:شافت يمين يسار وعرفت انه راكان طالع...لا احكي شن في؟
اروى:انا رجعت للحوش امس حبيت نتصل ونطمنك عليا
مارن:هربتي مع حسام صح؟
اروى:اي لكن متفكريش فيا لأنه نا وحسام حددنا يوم الخطوبه
مارن:تنفست براحه...الحمدالله طمنتيني ان شاءالله تتزوجي ع خير
اروى:اي ان شاءالله المهم طمنيني عليك شن الوضع عندك؟
مارن:الحمدالله
اروى:اسفه مارن عارفه روحي حطيتك في موقف وممكن ح تقعدي تعاني طول عمرك
مارن:الي صار صار متزعليش انا مأمنه بالقدر
اروى:ربي يعينك من العيله ويصبرك
مارن:بالعكس وقبل ماتكمل كلامها
اروى:منعطلش عليك حسام في الإنتظار المهم انا واهلك جاين عندكم اليوم
مارن:تنهدت بفرح...بجد؟
اروى:اي والله بعد الضهر طالعين من هنايا
مارن:وهيا تبتسم...به به تصلي بيا اول ماتتصل للمنطقة متعنا
اروى:حاضر هي باي
مارن:سكرت تلفونها ونزلت من السرير خشت للحمام وهيا طايره من الفرحه❤

__________

هاله:كانا نعرف بس شن الي قعد ادير فيه هنايا
زبير:تي شن تشوفي فيا اندير
هاله:تحفر في قبر لروحك من توا بالله ابعد خلي نكمل خدمتي
زبير:تي امتا بتكبري بس هادي مش خدمة بنوت زيدي غادي
هاله:لا بلكي تحساب روحك راجل انتا زيد بالله زيد ناقصني غير انتا
زبير:شن مش عاجبك انا
هاله:اي مش عاجبني لا شخصيه ولا شكل زي الناس
زبير:هه عاجبك منضرك وربي امس شفت واحد يرسم ع حيوط الشارع وقفت عليه قالي نبي نرسم حرباء لكن ناسي شكلها شويه وقتله عليك غير ع خاطر بوك تحشمت
هاله:😨😨...وربي لما نخليك تندم ع كلامك توا تشوف
زبير:بري سلم بنتي جيبيلي فطور ورايا خدمه بنطلع
هاله:قلبت عيونها وعطاته بضهر ...خدمه ورايا ع اساس عنده شركه وهوا ماشي بيلوح الزباله..صار نا حرباء ي زبير توا تشوف الحرباء شن ادير فيك
مارن:نازله من فوق تشوف في هاله وهيا تهدرز ع روحها..ههههه هاله صباح الخير
هاله:ارتبكت...من وين بيجي الخير بالله من الشكل الي كل صبح قدام وجهي
مارن:ههههه من هوا ؟
هاله:زبير هدا اعطيه مايزبره شقفة سواق وديما شايف روحه مفهمتش علاش
مارن:ههه شن دار احكيلي
هاله:فتحت الدولاب خدت كوب ...شبهني بالحرباء.
مارن:😂 لا ميجيش هكي هدا ضروري يتعاقب
هاله:حاطه شفايفها فوق بعض...توا يشوف الحرباء
حطت الكوب فوق الطاوله وملعقه كبيره ملح
مارن:😂 نهارك ي هبله شن بديري لراجل
هاله:انا هاله متواضعتله برغم جمالي وواقفه جنبه ع طبق من ذهب يتهزا عليا
مارن:لا عيب هاله فوتيه باين عليه شخص كويس
هاله:لااا وربي ماني ناسيتهاله...وخدت الكوب وطلعت

زبير:شن تخدمي زي الكلبه ي شيفي المفضله
هاله:قلبت عيونها وحطت السفره جنبه
زبير:قعمز ع الكرسي بري جيبي المياه
هاله:شن الخيط الي رابطه ف رقبتك
زبير:حياة المشاهير صعبه عليك
هاله:لا مشاهير لا نمي منضرك تقولي كلب كان مربوط وفكوه
زبير:كيف يشرب القهوه وطعم الملح يلعننن🔞🔞
هاله:تجري وتضحك لن خشت للمطبخ 😂😂...خديت حقوقي
مارن:ترتب في سفرة لفطور هههه هدا وين رتحتي صح؟
هاله:هه اي ...شن اديري علاش تعبتي روحك
مارن:مادرت شي متعوده متخافيش عليا
هاله:قصدك كنتي تساعدي في الخدم
مارن:😨..اءء اها اي اكيد
هاله:المهم الباين جهزتي كل شي خلينا نطلعو لفطور ع طاوله
مارن:اوك عادي...انا حانرفع هدا الأولين
هاله:سلمها الي تساعد فيا اليوم ماما مريضه والباقي مخلتكش تقيمي حاجه
مارن:ولو مدرتش شي كبير...وطلعت
هاله:نيالك ي راكان بها بجد نا متأكده الحوش هدا حايتغير بسببها هيا ...خدت باقي صحون وطلعت!

روفيده:تشوف لي مارن بصدمه...ش شنو الي قعدا نشوف فيه
مارن:فطور ي روحي تفضلي قوليلي شن رايك في ماكلتي
روفيده:بصوت عالي سيبي الي في يدك واركبي دوشي
وربي لو تشوفك ماما بالحاله هادي احتمال تخش غيبوبه
هاله:وعلاش غيبوبه اللطف؟
مارن:🥺
روفيده:انتي خدمتك تجهزي لفطور مش مارن فاهمه
وهيبه:نازله من فوق شن في ؟ صوتك واصل لشارع
روفيده:كنتك الحلوه لكيوته مجهزه لفطور هدا كله
ولا قتلي قعمزي ذوقي
وربي لو يسمعو صحاباتي لما يشدوها عليا شهر
وهيبه:متنازله ع كبريائها غصبا عليها...بنتي مارن من جديد متدخليش المطبخ يعني لو ضيف جانا فجاءه شن بيكون موقفنا
مارن:لكن نا خشيت المطبخ راهو
هاله:حبست دموعها وطلعت من جنبهم وقلبها مكسور💔
وهيبه:مهما كان انتي مش مسموحلك تخشي المطبخ من جديد
مارن:هزت براسها ولحقت هاله برغم حتى هيا حاسه بي شي غاص علاها
ومش واخده راحتها ف كل شي

هاله:واقفه برا تسقي في الورد ودموعها ع طرف عيونها
مارن:هاله متزعليش
هاله:لا مس زعلانه نا متعوده ع كلامهم وجهلهم
مارن:بصراحه متوقعتش تفكيرهم هكي
واذكرت لما هيا كانت خادمه
يعني لو كشفو انا من ممكن عبله كامله تخش غيبوبه
هاله:مارن مارن
مارن:فاقت ع روحها...انعم
هاله:ماما قتلي انه جاين ضيوف توا كلمهم عمي أيوب
مارن:اها اي اهلي جاين
هاله:كيف اهلك مش اهلك ميتين
مارن:بلعت ريقها ههه اي بس هادو الي ربوني
هاله:اهااااا اي تمام انا داخله بنعاون ماما لانها مش قادره اليوم
نتلاقو في ليل
مارن:تمام حبيبتي متزعليش روحك
هاله:حطت يدها ع كتف مارن ولا يهمك هي سلام ومشت!
مارن:خشت وراها شافت العيله تفطر ف الصاله...خدت بعضها وركبت لغرفتها❤

__________

بعد مرور ساعتين:-

مارن:من لما صار الموقف معاها الصبح وهيا مقعمزه في نفس لمكان و تفكر من غير انها مش حاسه بشعور العرسه ولا حب وحقوقها الي محستش بها
في شي اكبر من هدا كله انه متخطاش ولا خطوه الا بإذن الله حماتها وعزوزتها حست نفسها زي العبد عندهم من غرفتها لصاله وبس واحتمال يحرموها من هدرزتها مع هاله اصلا
وين ماشين بتكبر ي عيلة أيوب بس؟
في لحضه هادي نفتح الباب ودخل راكان
مارن:تلفتت وراها جت عيونها في عيونه.
راكان:خش وعيونه لوطه حط هلبا اوراق ع طاوله ...نا بنخش الدوش انتي جهزي روحك لانه اهلك قربو يوصلو
مارن:يعني ضروري نلبس
راكان:يحول في جاكيت...مش عارف عليكم ديري رايك
مارن:خدت بعضها ووقفت جنبه وهيا تفكر شن تلبس
راكان:وهوا يطلع في حوايجه البسي قفتان الوردي وسكر الدولاب
مارن:الي لبسته يومها مرات يقولو عليا معندهاش غيره
راكان:ضحك ع جنب...ههه اي امي واختي في الاكيد يقولو هكي
مارن:شن يعني نلبس شي تاني ؟
راكان:البسي اي شي مستور
مارن:جي قدامها قفتانها الموف..اها خلاص حانلبس هدا!
راكان:مردش علاها ....وخش الحمام
مارن:وهيا ماسكه القفتان وتفكرت ليلة البارح...ههههه بجد الانسان هدا مش طبيعي 😂
مفهمتش طبعه مره يحاول يكون قريب واحيانا عدو
ممكن يكون ساخف عليا مش اكثر
يلا عادي المهم حانشوف اهلي اليوم مرات نرتاح شويه❤

_________

روفيده:ماما ماما
وهيبه:انعم خيرك شن المصيبه الجديده؟
روفيده:كلمتني توا صاحبتي ميس قالت انه امها شفتني في صوره وعجبتها
وهيبه:اي وشن يعني؟
روفيده:هههه خوها لكبير محامي معروف ويبو يخطبوني ليه
وهيبه:اها باهي اول مره تجيبي خبر يفرح قوليلها قتلك ماما تفضلي في اي وقت
روفيده:ناضت تجري ويوووو😍
هاله:ماتبي شي ؟
وهيبه:لا بس شن صار في الأكل
هاله:كل شي ع نار
وهيبه:تمام

__________
هاله:كيف داخله المطبخ...رن تلفونها....فتحت الخط.. الو
معاذ:ايوا هاله انا معاذ
هاله:اهاا مضحكه كيف حالك
معاذ:شن في شن صاير ؟
هاله:شي كل الخير غير علاش متصل شن تبي؟
معاذ:شوفيلي روفيده لاها يومين متردش عليا
هاله:لا روفيده لا رويده راحت عليك خلاص الايام هادي جاين بيخطبوها
معاذ:يخطبوها امها وسكر الخط
هاله:ي ناري فلست عيلته من هني رخت بيه تحسابها سايبه🤦‍♀️

____________

راكان:طالع ولاف الفوطه ع جسمه
مارن:نزلت عيونها
راكان:خدا ملابسه الداخلي ورجع دخل الحمام
مارن:استغلت الفرصه وغيرت ملابسها ولبست القفتان بس مقدرتش تسكر السوسته من جهة الضهر
قعمزت ع الكرسي وفتحت شعرها ودارت نفخه بسيطه من بدايه شعرها
حطت مكياج هادي ورسمة الايلاينر وبخت برفان
راكان:وهوا طالع من الحمام...كملتي؟
مارن:اي بس نبيك تسكرلي السوسته
راكان:قرب منها و جي وراها وهوا يشم في ريحتها
مارن:شن صار؟
راكان:يتمانع في روحه باش ميكونش ضعيف...تمام هكي
مارن:شكرا☺
راكان:يلبس في ساعته... العفو

ترن ترن:-
مارن:هادي اكيد بلقيس...الو
اروى:احنا وصلنا قدام القصر
مارن:ابتسمت ...واخيرا...تت تمام
راكان:من بلقيس ؟
مارن:نخطف لونها...هادي بنت عمي نوري
راكان:اهاا تمام ....وفتح الباب وطلع!
مارن:تنفست براحه لي امتا حانقعد نكدب هكي يارب متخلينيش نتلخبط بس
لبست طرف مستور ونزلت فرحانه❤

___________

وهيبه:اهلين شرفتونا تفضلو
اروى:اهلين بيكم
روفيده:☺...اهلا
راكان:يسلم ع نوري...كيف حالك عمي؟
ايوب:اهلين بي نوري اهلين
نعيمه:الباين بنتي مش مضايقه هنايا
وهيبه:تفضلو داخل
راكان:خدا نوري وطلعو للمربوعه البرا ومعاهم أيوب

وهيبه:كيف حالكم ان شاءالله كويسين
مارن:ماما وحضنتها استحشتك
هاله:سلمت ع بلقيس وقعمزت جنبها
اروى:ي عيني يبانو كويسين يعني مارن مش مضايقه هني
مارن:بلقيس حبي
اروى:تنهدت اللطف
مارن:اششش هدا اسمك المستعار
اروى:خبطت ع وجها اي نسيت يعني هما ينادو فيك اروى
مارن:لا هما عارفيني مارن بس ع اساس اسمي ع الاوراق اروى
اروى:اها اي المهم نبهتيني
مارن:استحشتكم هلبا فوق ماتتخيلو
اروى:ي عمري انتي الباين انهم مش اشرار زي ماتخيلنا
مارن:اها يعني ميأءذوش بس قوانينهم صعبه
اروى:اي اي فهمت وشن وضع راكان هدا الباين شخصيه وجنتل
مارن:بلعت ريقها....الحمدالله
هاله:تقدم في لعصير ...تفضلو
اروى:شكرا☺

ترن ترن :-
وهيبه:ناضت من جنبهم..الو
ايوب:ولدك وين اختفا نوري يسأل عليه
وهيبه:غبر فيه وين مشي وخلا الضيوف توا نكلم مارن تكلمه
ايوب:سرعي روحك ضروري يتعشا معانا
وهيبه:به به هي سكرت الخط ورجعت لصاله وهيا تبتسم علشان محدش يلاحظ شي
ناجيه:شن في ؟ من الي تصل بيك
وهيبه:شوفي راكان وين وقوليله يرجع بوك يبيك
ناجيه:باهي...غمزت لي مارن بمعنى اتصلي بي راكان
مارن:ناضت من جنبهم ...وتصلت بي راكان مره واتنين وخمسه بس مافيش رد ...رجعت لصاله
ناجيه:شن صار مارن؟
مارن:مردش عليا اكيد مشغول
ناجيه:اها اي مرات...ورجعت لمكانها!

خشت هاله وامها حطو لعشاء ع طاوله رز ابيض مليان مكسرات وبوريك الجبده وبيتزا وكباب وسلاطات حاره مع صحن فاكهة ومشاريب متنوعه يعني طاوله تليق بيهم❤

قعمزو الكل ع طاوله الا مارن جبدت ناجيه ع جهة
ناجيه:متخافيش غير أيوب قالب الدنيا ع راكان يبيه لانه خلا عمك نوري ومشا
مارن:بس مردش عليا وانتي عارفه راكان الي ف راسه حايديره اتصلي بي عمي ايوب قوليله انه عنده خدمه مستعجله
ناجيه:به به انتي ارجعي خليك معاهم متخليش حد يحس ونا توا نتصرف مع ايوب
مارن:به عمتي ....ورجعت قعمزت ع طاوله!
وهيبه:كولي مارن حبيبتي
مارن:اهو ناكل
اروى:حليلي مهتمه بيك واخيرا حانرقد الليله ونا مطمنه عليك
مارن:هههه ان شاءالله انا وانتي ديما مرتاحين ❤
اروى:إن شاء الله يارب❤

فدوى:السلام عليكم
كلهم:👀👀
روفيده:تنهدت بقوووه
مارن:خيرك روفيده من هادي؟
وهيبه:😨😨
روفيده:تبلع في ريقها...ففففدوى
فدوى:تبتسم بخبث وشافت وراها
راكان:دخل وراها وماسك في يده شنطه كبيره
مارن:💔....يتبع!!

رواية العروس المزيفة الحلقة الرابعة كاملة بقلم ميلو حسن 

بنياتي نبي رايكم وتعليقاتكم الحلوه ❤

فدوى:السلام عليكم
كلهم:👀👀
روفيده:تنهدت بقوووه
مارن:خيرك روفيده من هادي؟
وهيبه:😨😨
روفيده:تبلع في ريقها...ففففدوى
فدوى:تبتسم بخبث وشافت وراها
راكان:دخل وراها وماسك في يده شنطه كبيره
مارن:💔
فدوى:شن اللمه الحلوه يدومها عليكم ☺
عم الهدوء ومحدش رد
هاله:وجه الحربايه جت وشكله مش ناويه ع خير
مارن:ليش جاين مع بعض؟
فدوى:قربت من الطاوله ...واااو شن هالتقديم الفخم...وشافت لي مارن ...ومدت يدها..انا فدوى قريبة العيله وقريبا ح نبدو شركاء
مارن:🥺...اهلين
راكان:كاين واقف ومتجاهل الكل وكأنه مش داير ولا حاجه ولا عنده علاقه بي فدوى نهائيا
هاله:الحقير كأنه مفتخر بي جيتها هنايا
مارن:🥺
اروى:خبطت ع راسها....اففففف سامحني هادي الشنطه متعي نسيتها برا
راكان:واخيرا حد تكلم ليا ساعه واقف ومحدش خداها مني.
اروى:قامت الشنطه...ههه اسفه هادي شوية هدايا جبتهم لي مارن حبيبتي.
وهيبه:تبادلت نضراتها لي ناجيه وروفيده....بمعنى شن قعد يصير؟
هاله:ضربت مارن بكتفها...اطمني الباين مافيش حاجه كبيره
مارن:بس انا قعدا مش فاهمه شي.
نعيمه:تفضلي
فدوى: لا عمتو سيارتي برا والعه بس جايه نبي نعزم العيله ع فرحي
وهيبه:ضحكت بهدوء...الف مبروك وامتا الحفله ؟
مارن:شن تخرف هادي؟
هاله:اشش خلينا نسمعو.
فدوى:الاسبوع الجاي ان شاءالله.
هاله:مسرع حصلتي عريس ..ان شاءالله الف مبروك حبيبتي ❤
فدوى:الفال ليك ي روحي وقربت من مارن وان شاءالله حتى انتي تتهني بزواجك☺
مارن:تنهدت وشافتلها بعيون مصدومه
كيف عندها علم بخصوصياتي؟
نعيمه واروى:الف مبروك
فدوى:الله يبارك فيكم يالا سلام
هاله:متزعليش خليك قويه واخيرا بتتزوج وبتطلع من حياتنا
مارن:حست بي اهانه كبيره في حقها بس تحملتها علشان اهلها ومقدرتش تخليهم!
راكان:يشوف لي فدوى لن طلعت!
هاله:الباين قعد يحبها بس هيا ردتله الضربه في اسرع وقت عجبتني فدوى
مارن:كيف يعني ؟
هاله:بنتي توا وقتك انتي توريله قيمتك وتكسبي راجلك
متشوفليش ركزي في كلامي راكان بين يديك انتي وبس .
راكان:طلع من جنبهم ورجع للمربوعه!
وهيبه:كملو كملو ان شاءالله صحتين!
ناجيه:طبطبت ع كتف مارن....متزعليش لأنه راكان ليك ف نهايه
مارن:عدلت تقعميزتها..حاضر
مكانش حد فاهمني للحضه هادي كلهم نضرتهم ليا انه نا يهمني راكان بس للأسف انا قبل قلب راكان نبيه يعطيني حقوقي منبيش اي طرف في العيله يتسلط عليا
نبي حرية شخصيه بدل العنف والقرارات الي ياخدو فيها بدون اذني حسيت بشي اشبه بنقص 💔

________
هاله:ترتب في صحون...ووووه امتا بنكمل الحوسه بس لن سمعت تلفونها يرن📱....ايوا شن تبي ؟
معاذ:نبيك تكلمي روفيده ترد عليا
هاله:تعرف نجوم السماء اقربلك مني اخر مره تتصل بيا
معاذ:كلماها لانه الموضوع يخصها ولو مكلمتنيش حانولي عيل لنم وسكر الخط
هاله:حطت تلفونها ع رف...بدا راجل ويهدد بعد شوية تفكير زعما يتصرف ونندم يالا حانطلع نقولها وهيا تتصرف معاه!

نعيمه :سلمك يارب ان شاءالله في فرح روفيده
وهيبه:إن شاءالله والفال حتى لي بلقيس بنتك
نعيمه:إن شاءالله
مارن:كلميني ها ومش تنسي تحكيلي ع كل شي
اروى:حاضر حبيبتي افتحي واتس اليوم ونبعتلك اما فيلو خترته
مارن:🥺تمنيت نكون معاك في اليوم هدا
اروى:متزعليش فرحي قريب وحاتقعدي عندي اسبوع
مارن:يااارب يكملك ع خير
اروى:امين المهم ردي بالك ع روحك ومتخليش ياخد عليك الغلبه 😂
مارن:هههه يعطيهالك
اروى:ههه المهم خلينا ع تواصل
مارن:حاضر ي قلبي

كلهم طالعين برا يسايرو في اهل مارن
هاله:روفيده تعالي نبيك ضروري
روفيده:ها خيرك ؟
هاله:بدون ماتتعصبي حكيت لي معاذ انك حاتنخطبي
روفيده:قلبت عيونها ميهمنيش ومعاش تردي عليه
هاله:جبدتها بقووه لا حبي انتي ضروري تكلميه لأنه حايولي عيل ع اساس انه راجل من البدايه
روفيده:اففف خلاص توا نتصرف معاه!
هاله:يالا الي عليا درته ورجعت بتكمل الحوسه!

مارن:يعني قعدا مش طبعه كويس
اروى:مارن بيني وبينك مطمنتش نهائيا لي فدوى
مارن:تغيرت ملامح وجها ..ليش؟
اروى:هكي حسيت بس يالا انسي المهم متخبيش عليا حاجه
مارن:اوك حبي وبوسو بعض
اروى:سلام
مارن:قامت يدها ودارت باي
وهيبه:مارن
مارن:انعم
وهيبه:حكيتي شي ع فدوى لي اهلك
مارن:لا لو كنت بنحكي كنت حكيت قدام الكل
وهيبه:تمام طمنتيني المهم ديري بالك
مارن:بحيره....في شي؟
وهيبه:😨...لا بس خايفين ع سمعة العيله
مارن:تمام
لن سمعو صوت عياط داخل دخلو كلهم ومش فاهمين شي!!

_________

روفيده:شن تبي مني وليش شادها اتصالات
معاذ:ح نجيك من الاخير وعندك خيارين
روفيده:احكي بلا مهتكه بسرعه
معاذ:تستنيني نخطبك وله يصير شي زي ماصار مع هلبا بنات
روفيده:ع شنو تلمح انتا هات من الأخير
معاذ:صورك الي معاي ف الكليه حاينتشرو
روفيده:ههه نعرفك كويس معاذ
معاذ:هه نا كنت معاك راجل صح ؟ وعاديت اهلي باش نوصل معاك للحضه هادي بس انتي شن درتي اول ماسمعتي بويا استقال وفلس رخيتي بيا
روفيده:😨😨
معاذ:فكري من توا لغدوه ونستنا في جوابك
روفيده :بس نا منقدرش نوقف في وجه اهلي علشانك
معاذ:هه اهلك تهمهم لفلوس صح وهكي ربوك لكن متنسيش ماضيكم الي قنعت اهلي انك انتي مش ذنبك!
روفيده:سكرت الخط ونخطف لونها حطت تلفونها ع رف بيدين يرجفو ووجها كله مليان عرق 💔
معاذ يهددني بصور؟ ممكن يديرها مستحيل اكيد هدا تخويف باش نرجعله
وحطت يداها ع وجها بخوف💔

_________
راكان:يكسر في الي يجي قدامه لهني خلاص مش كل شي تطلبوه ح يتنفذ
سلمت في اغلا الحاجات علشان سمعة العيله وعلشان الكرسي
ايوب:طول ماانتا ولد العيله هادي حادير مصالحهم مش مصالحك الشخصيه
راكان:دمعه في عيونها...البنت الي حبيتها اضطريت نبيعها ونخليها في نص الطريق علشانكم بس
ايوب:بصوت عالي ....هدا كان من البدايه لكن بعدين الذنب ذنبك
وهيبه:ترجف مع بعضها طول بالك متتسرعش مارن معانا وتسمع في كل شي
راكان:قرب من بوه وواجها بكل قوه وهادي اول مره يكون راكان متعصب بطريقه الوحشيه هادي
الذنب ذنبي ونا حانتحمل المسؤوليه بس مش ع حساب حد!
ايوب:حاط يده ع لعصا واليد التانيه فاردها القدام
دير الي تشوفه مناسب
راكان:حط عيونه في عيون بوه وكأنه قعد يتحدا فيه
ايوب:خلينا نشوفو راكان شن قادر يدير
راكان:طلع بكل هدوء وركب لغرفته!
وهيبه:هيا مارن خليك قريبه من زوجك
مارن:عقلها بعيد ع لمكان الي هيا فيه
الذنب ذنبك ياراكان؟
خدت بعضها وركبت فوق وهيا في حالة حيره وتبي تفهم شن الذنب الي ارتكبه راكان؟💔

____________

جو برا كان ريح قوووي وكأنه حززن اسود في السحاب فوق!!

مارن:طلعت من الدوش لابسه فوطة الدوش وكانت قصيره
وهيا تمشط في شعرها ...ووه الجو تغير لن سمعت بحت راكان في البالكوني
قامت شعرها فوق...وطلعت شنطه فيها مواد تجميل لجسمها وقعمزت ع سرير وهيا تدهن في رجليها
راكان:خش وقعمز مقابلها يتفرج علاها
مارن:بلعت ريقها وكملت وكأنه محستش عليه
راكان:يتفرج عليها لن كملت !
مارن:حطت الشنطه في الدرج ورجعت لسريرها بترقد
راكان:قرب منها ..مارن
مارن:حست بي قشعريره قوويه اول ما سمعت اسمها بصوت راكان...ايوا
راكان:الليله ضروري يصير من الي بينا
مارن:وقفت جنبه....شن تغير فجاءه وله حتى الليله هادي تحدي
راكان:ضحك ع جنب ورجع شاف لعيونها...شن رايك انتي؟
مارن:العيله كلها ماشيه ع قوانين محدده طبيعي بعد مابوك عطاك الأمر انتا حاتنفذه
راكان:قلب عيونه بحقد...كلامك مش ساهل تراجعي فيه الوقت عندك
مارن:ضحكت بهزوه هاها...انا مش ح نكون ضالمه معاك زيد فكر كويس انتا قادر تتزوج فدوى وطلقني وتنقذ حبك بدل ماتقعد تتحسر وتتألم انك خليتها في نص طريق 😅
راكان:بصوت رجولي يخوف....انتي قعدا تلعبي بعداد عمرك
مارن:حطت يدها ع رقبة تيشرته ..بالعكس نا نقدر انفذ طلبات عمي بما انه هوا واقف في صفي ونكسبك كازوج ليا ونجيبو الحفيد الاول ونكون الملكه في القصر لكبير هدا
راكان:شنو مانعك؟
مارن:قربت منه وكانو انفاسهم مختلطه ببعض...بس نبيك تفهم وتفهم بوك انه مارن مش جايه ادور في مكانه
نا جايه هنايا بس علشان العهد الي صاير من زمان
راكان:بعد عليها وتلفت لجهة التانيه....يعني نفهم منك انك متبينيش نقرب منك ؟
مارن:لا انا نبيك تقرب مني ونكونو عيله ونفذو طلبات العهد الي بين الاهل
راكان:حلو حلو
مارن:لكن بشرط انك تعترف بذنبك لكبير ويكون قلبك مش متعلق بشخص تاني
وها قبل ماننسا انا حانساعدك انك ترجع لفدوى لاني محترمه حبكم لبعض
فكر كويس قبل ماتقرب مني ممكن في امل أنكم تكونو لبعض!
راكان:يشوف لي مارن بصدددمه كبيره
انتي شن تقولي؟
ومن قال انه ذنبي كبير
مارن:رجعت لسريرها...وهيا تغطي في روحها
تخليت ع اكبر شي كنت تحبه طبيعي الذنب كبير
راكان:واقف ومستغرب في قوة مارن وراء وجها البريئ
مش مصدق انه مارن تتحمل انها تطلق علشان هما يفوزو في حبهم
وانه مارن في لحضه هادي رفضت راكان ولد أيوب اكبر شخص ماسك شركة العقارات علشان بس متضلمش اي حد
ضيعت فرصه ممكن مش ح تتكرر تاني🤷‍♀️
واقف ويفكر في الشخصيه الي تعرف عليها في لحضه بس برغم وجعاته بكلامها
بس كلامها كان حقيقي
تلفت وفتح الباب وطلع وهوا متخلبط ومش عارف كيف حايتصرف اصلا ؟؟

____________

بما أنه ابطال قصتنا نصهم مش مبينين ولأنه قصتنا في بدايتها خلينا نحكو ع ليله هادي كيف مرت ع ابطالنا المعروفين ❤

مارن:برغم تكلمت ببرود مع راكان بس هيا عارفه لكلام من اللازم ينحكا
ممكن هكي يرجع راكان لي فدوى
لكن ليش راكان تنازل ع حبه لفدوى لو كان في امل لو بسيط مكانش راكان تزوجني
الذنب ذنبك راكان وضروري نتعرف ع راكان قبل ما يقرب مني حتى لو كنت انا مرته

شن الذنب الي ارتكبه راكان الي ح يغير مسار الروايه ومنه حانكشفو هلبا خددعع 🤷‍♀️

راكان:بمختصر كانت فدوى مالكه قلبه كأنه حاس انه فدوى ممكن تكون ليه
وهوا يفكر في كلام مارن نسا ذنبه هوا وركز انه ممكن مارن تفهمه وتساعده علشان يتزوج فدوى
مكانش يعلم بأنه هلبا حاجات صارت وقعدا تصير من وراه 💔

_________

ثاني يوم:-🌤

ساعه 1 الضهر:-

هاله:حاطه صحن بطاطا وتقصص فها هدا غير نص العيله مش موجوده مازال الاسود الي عايشين برا
زبير:كب عليها كوب لمياه...وين سارح ي جميل
هاله:مش وقتك الزحح شن جاي تبي؟
زبير:شفتي البنت الي امس
هاله:كيف اما بنت ؟
زبير:الي جايه مع أهل مارن
هاله:اجلطني اي
زبير:عجبتني هلبا انا شفتها صدفه من بعيد
هاله:منبيش نهزبك انك تجسست او انك راقبت ومش ح نعاود فيك لانه بكل بساطه حاتنقصف وح تتربا
زبير:غير خيرك كبرتي القصه قتلك عجبتني مقلتش نبي نتزوجها
هاله:شن رايك فها تخيل هكي تتزوجو بعض 😂
يبدا ولدك ينادي عليك بابا
وهيا تقولك حبيبي
زبير:مش طالعين ع بعض ونا طبعا شخصيه
هاله:حسيت في ضلم مفروض تشوف وحده احلا وارقا صح😁
زبير:تي هيا لو تشوفني لما تهبل فيا
هاله:اي خاصة في شعرك الي تقولي ليفه تحرك من جنبي بالله
زبير:منحوسه من يومك ع اساس انتي بتاخدي زين مالك مثالا🤦‍♂️
هاله:لا مناخدش كافر انا ح نتزوج شخص مشهور وجنتل ويحبني
زبير:عندك حق والله
هاله:صح وله عندي حق زبير
زبير:اي اكيد عندك حق تتخيلي كملي كملي
هاله:😠
زبير:طلع وهوا يضحك 😂

________

روفيده:ماسكه فونها...زعما ي ماما فدوى صح بتتزوج وله امس تكدب علينا
وهيبه:اهم شي انه مغلطتش قدام الضيوف اشبح صح وله غلط
روفيده:مش عارفه بس كأني حسيتها مش ناويه ع خير
وهيبه:لو فعلا صح اكيد حاينتشر الخبر
روفيده:هه من الي عنده حظ وبيكون زوج فدوى
وهيبه:ربي يهناها توا وله بعدين
روفيده:به ليش بابا وراكان امس صوتهم طالع
وهيبه:خوك راكان يبي يتصرف ويمنع فدوى من انها تتزوج
روفيده:هه يعني مصدق هوا يالا اكيد حايتأكد
وهيبه:إن شاءالله يارب تطلع فعلا بتتزوج لانه راكان الباين حايرجع للخدمه مع بوك ويمسك هوا الشركه
روفيده:غريبه؟
وهيبه:لا من المفروض هكي لانه بوك مش قادر يتحمل المسؤوليه وشركه حاضيع لو مرجعش راكان
روفيده:والله لو هوا مغلطش مكانش وصل للحاله هادي
وهيبه:اشششش فكينا والدوه هادي منبيهاش تتكرر تاني انتي حاتجيبي نهايتنا وله كيف؟
روفيده:توا وله بعدين حاينكشف كل شي متخافيش
وهيبه:اي لكن بعدين حاتكون مارن جايبه الحفيد الاول
روفيده:ههههه عيله استغلاليه 😅

__________

راكان:كيف خاش الشركه ولعيون كلها عليه كالعاده لابس جاكيت اسود وكاين شخصيه وجنتل لن وصل لمكتبه
الموضفه:تفضل سيد راكان شن المطلوب مني؟
راكان:نبي أسماء الاشخاص الي مشاركين في المشروع
الموضفه:حاضر ثواني ويكون عندك...وطلعت!

طبعا الشركه مقلوبة بسيرت راكان الي كان مستقال وتوا رجع
في الي يقول انه فتره زواجه كابدايه ورجع وفي الي عارفين بالقصه مع بوه والسبب انه متزوجش حبيبته فدوى ومن لكلام هدا🤷‍♀️

في لحضه الي كان راكان يراجع في بعض الاوراق جاه اتصال الي كان يستنا فيه.
راكان:فتح الخط ...انعم
🙍‍♂️:اهلين سيد راكان
راكان:اهلا كيف الحال؟
🙍‍♂️:بخير الحمدالله المهم جبتلك معلومات كامله ع فدوى
راكان:احكي
🙍‍♂️:فعلا هيا مخطوبه وعرسها تحدد الاسبوع الجاي
راكان:تنهد بصدمه من الي خطبها؟
🙍‍♂️:للأسف لي ولد اكبر عدو ليكم
راكان:ولد مهدي الباشا
🙍‍♂️:اي هوا اسمه فهد
راكان:اوك ...وسكر الخط
في لحضه هادي مقدرش يحرك شي كأنه عقله وقف شويه
بسرعه هادي فدوى وخبط الطاوله بقووه علاااااااااش علاااااااااش بس
عارف كله مني كله مني انا الي تهورت ومقدرش يطفي النار الي فيه لن كسسر المكتب كله وطلع مغلول 💔💔

_________
في فترة لعشيه:-

مارن:مقعمزه في غرفتها ومش قادره تنزل لأنه تستنا في راكان شن ردة فعله بعد ماحكت معاه
اول مره تنحط في مواجه بطريقه هادي اشبح شن يصير معاها خير او شر
قاطع تفكيرها صوت الباب
مارن:مني؟
هاله:نا هاله
مارن:خشي
هاله:ليش الحلو مابين اليوم
مارن:هه جوي ترا كيف محبيتش ننزل
هاله:قعمزت ع كرسي...شن صاير معاك اكيد الغراب مزعلك
مارن:شافت لعيون هاله...امس حكيت الي ف خاطري بس مش عارفه هل هوا صح او غلط؟
هاله:امممم احكيلي انا مش ح نقدر نحكم هكي
مارن:حكت القصه كامله
هاله:اححيه ولعت لكن هوا شن كانت ردت فعله؟
مارن:حسيته كان يبي يفهم قصدي بس وبعدين لما سمع انه نا قادره نساعده باش يرجع هوا وفدوى حسيته كأنه طفا وبعدها طلع
هاله:فمها معبي لوز...طبيعي
مارن:طمنيني شن فهمتي؟
هاله:ي فالحه هدا قعد يحب فدوى ويتمنا انه يرجعلها في اي لحضه ومافيش حد في الكون حايبعده علاها الا شنو الا ذنبه هدا الي وصلناه طبعا يعني ذنبه هدا هوا العائق الوحيد
وهكي راكان ضميره يأنب فيه لانه هوا السبب في بعده ع شخص يحبه اوك
بس انتي شايفك تحملتي معاه وفجاءه رفضتي يقرب منك لانك عرضتي عليه انك حاتتحملي وحاتساعديه انهم يرجعو
مارن:متعمقه في كلام هاله
هاله:يعني احتمال كبير انه راكان يعترفلك بذنب متعه باش توصلي انتي وياه لحل
مارن:اي اي ونا حاسه انه الايام هادي حايتصرف لانه فدوى نخطبت ومعنداش فرصه
هاله:هههههه بليز متشوفيش الناس بعين طبعك هادي فدوى لعبتها صح وحاصرت راكان لانه عارفه راكان حايتصرف ويرجعها ليه
مارن:شنو قصدك ؟ يعني فدوى كدابه وكل الي قالاته امس كدب
هاله:تنفخ في القشور ....يس يس وهميييه
مارن:يعني انا مغلطش صح؟
راكان:اي مش غلط لانه عندك حق متبيش تعيشي مع شخص ميحبكش
مارن:بس خايفه يصير شي
هاله:لا متخافيش راكان هوا الي حايقرر شن بيصير مارن او فدوى؟
مارن:يارب قربهم من بعض 💔

________

راكان:قعد في مكان بعيد ع الحوش
حاط كل شي قدامه ويفكر ميبيش يضلم حد في قصته حتى راكان نفسه
ممكن فدوى يكون عندها حق تتزوج لانه لتوا مشافتش مني ردة فعل ومحكيتلهاش الحقيقه
لكن ليش وافقت تتزوج لشخص عدو ليا
نا قدرت ننساها بس هيا ليش بسرعه هادي اكيد في شي صاير مستحيل فهد يطلب يد فدوى صدفه
شن درتي فدوى بس؟ 💔💔

محمد:السلام
راكان:عليكم السلام
محمد:شنو قررت وله قعد ع نفس القرار؟
راكان:جبت معاك الامانه؟
محمد:اي معاي في سياره يعني خلاص متأكد سكرت الصفحه
راكان:وصله مسج ...

_______

مارن:الشي الي بيني وبين راكان ضروري ينتهي بأي طريقه
هاله:مارن سمعت روفيده تحكي لي امها انه فعلا فدوى نخطبت لي فهد
مارن:تنهدت اكيد راكان حاينجن توا وكالعاده حايروح فاقد
هاله:مارن انا من يوم الي جيت ع دنيا عشت في القصر هدا
مارن:كيف يعني؟
هاله:فهد ولد اكبر عدو لي السيد أيوب وراكان وعدواتهم كبيره
في سر في زواجها هدا
مارن:لا متفكريش هلبا طبيعي فدوى لما تقدملها وافقت لانه راكان سيبها بدون سبب
هاله:انتي مش عارفه فدوى كيف كانت تحب راكان يعني لو هيا فعلا قعدا تحبه زي زمان مستحيل توافق بسهوله هادي وهيا عندها علم انه ملمسكش
مارن:وشن نفهم من كلامك ؟

________

محمد:علاش كسرت تلفونك شن فيه المسج احكي؟
راكان:مش ح نضعف المره هادي فدوى
محمد:هيا الي خانت صح؟
راكان: حاس بس حبي كان اعمى
______
هاله:يعني ممكن تكون فدوى خاينه من زمان
مارن:يعني حبه كان اعمى
هاله:مستحيل يكون زواجهم صدفه

________

راكان:نا عارف فدوى كويس مستحيل زواجهم صدفه وكنت عارف حايوصلني مسج زي هدا
محمد:وشن مقرر توا بعد الي سمعته؟
راكان:شن متوقع من شخص طلع حبه 5سنين عباره ع كدبه
محمد:نا مش فاهم شن تقول فدوى مليهاش علاقه بغلطك باش ادير فيك هكي

__________

مارن:لكن نا مش فاهمه شي شن دخل فدوى في غلطة راكان لو الغلطه هادي هيا نفسها سبب الفراق
هاله:متلوحي شي بس انا فاهمه فدوى وراكان كويس
مارن:ياربي كيف راكان حايتحمل
هاله:انا زدت لخبطك اسفه بس هدا الي فهمته واحتمال نطلع غالطه
مارن:لا حبيبتي بالعكس انتي وضحتيلي هلبا حاجات
هاله:تمام بطلي تفكير وخلينا ننزلو
مارن:تمام انزلي انتي ونا توا نلحقك
هاله:براحتك ..❤

__________

راكان:ركب سيارته وهوا يشوف وراه ويتفقد في الامانه
محمد:احكيلي شن يصير معاك
راكان:إن شاء الله ادعيلي بس
محمد:ربي معاك لأنه مارن تستاهل انك تكون واضح معاها
راكان:هزز براسه...وطلع بسيارته.

_________

العيله كلها مجتمعه في الصاله وكلهم بفكرة في راكان شن حايصير فيه بعد ماسمع بخبر زواج فدوى كلهم قعدين ع نار🔥

تأخر الوقت شويه وهما ع نفس الحال
هاله:اللطف خيركم علاش مافيش حد تعشا؟
وهيبه:سرحانه تفكر في ولدها وشن صاير فيه؟
روفيده:نازله من فوق...سامحوني مقدرتش نرقد لن يروح راكان
مارن:تدعي في قلبها يارب راكان يكون قووي وينساها يارب
ايوب:البنت كيف عرفت
وهيبه:لا من امس عندها علم لانه ولدك الأسد يهلوس بها
ايوب:هيا قتلك لكلام هدا؟
وهيبه:لا ناجيه هيا الي قالت وفهمتني
ايوب:ربي يستر بس لأنه مصدوم كيف هيا قادره تتحمل هدا كله
وهيبه:غير يرجع ولدك ع خير وبعدين نلقو حل
ايوب:ياااااارب

ناجيه:ماشيه جايه..يارب شن هالخبر الاسود هدا رجعلنا راكان ع خير يارب

________
هاله:تغسل في صحون
زبير:هاله هاله
هاله:قلبت عيونها وردت بصوت بارد...ها انعم
زبير:خيرهم شن في الحوش مقلوب
هاله:سمعت بفدوى
زبير:لا خيرها ماتت؟
هاله:ياريت ماتت وطلعت روحها لكت هادي بسبعه أرواح
زبير:تي خيرها به؟
هاله:وبعدين انتا شن جاي تسأل فيا ناقص غير نحكيلك امور العيله
زبير:واطي صوتك وطلع يجري!
هاله:😂.

_________

مارن:ناضت ...تصبحو ع خير
كلهم:سعيده
مارن:خدت بعضها وكيف بتركب الدرج سمعت باب الحوش نفتح
وهيبه وايوب وروفيده وناجيه:😨😨😨😨
مارن:حطت يدها ع قلبها ...واخيرا رجع وقبل ما تنزل
راكان:مارن تعااالي
مارن:🥺...تلفتت لجهة الباب وهيا تحاول تركز في الصوره الي قدامها
ايوب:بصوت عالي....شن درت ي حمار ؟
راكان:هادي الحقيقه الي لازم كل ناس تعرف بها واولهم مارن
لانه الي قعد يصير مش ذنب حد ذنبي انا بس
مارن:🥺🥺🥺
راكان:ماسك بيبي صغير في حضنه الباين عمره شهور بس
مارن:ضحكت من قلبي لأنه عرفت الحقيقه وعرفت انه راكان قووي مهتميتش بطفل برغم جت في بالي هلبا أفكار
لانه عارفه انه راكان انسان بريئ💔....يتبع!!

رواية العروس المزيفة الحلقة الخامسة كاملة بقلم ميلو حسن 

راكان:ماسك بيبي صغير في حضنه الباين عمره شهور بس
مارن:ضحكت من قلبي لأنه عرفت الحقيقه وعرفت انه راكان قووي مهتميتش بطفل برغم جت في بالي هلبا أفكار
لانه عارفه انه راكان انسان بريئ💔
وهيبه:وجه ميتفسرش وهيا تشوف لي مارن
روفيده:ربي يستر💔
ايوب:يمسح في لعرق الي ع وجه من الصدمه
مارن:الوحيده الي قربت من راكان..ي روحي منه بيبي من هدا؟
راكان:كأنه لما قرر يجيب البيبي كان متأكد ردت فعل مارن حاتكون هكي
تكلم بكل صراحه هدا ذنبي مارن
مارن:كانت تبتسم بس الدمعه في عيونها...هدا ابنك
راكان:اي ابني
مارن:تمسح في دموعها...هاته
ايوب:واحد حقير عارف بعملتك هادي انتا لي وين بتوصلنا
راكان:ارفعي جود فوق واعطيه مرضعته لانه باين جعان
مارن:خداته من بين يديه وهيا تبتسم...حاضر بس وين اغراضه
راكان:هاله هاله
هاله:تمسح في دموعها..انعم
راكان:نزلي الاغراض كلها من سياره وحطيهم في غرفتي
هاله:بلعت ريقها اءء ح حاضر!💔
مارن:نستنا فيك وخدت بعضها وركبت !
ايوب:بصوت يرجف...شن درت وعلاش جايب جود هني
راكان:يشوف لعيون بوه لانه جود ولدي ومن حقه يعيش معايه
ايوب:انتا عارف مارن بنت من لو طلبت الطلاق حاتاخد الاملاك بالكامل بعد متشهدر بينا
راكان:خايف ع الاملاك ومش خايف ع حفيدك يتربا بعيد ع عيلته
وهيبه:قبل ماتغلط غلطك كان مفروض تحسب حساب ولدك
وكيف حايعيش
راكان:تمالك اعصابه...انا شاب أعزب غلطت ونا تحملت المسؤوليه
ما فيش حد فيكم ليه علاقه باموري الشخصيه
وهيبه:تخبط ع وجها يحشمتي بس قدام الناس لو سمعو بينا
روفيده:مش عارفه علاش مكبرين القصه كنتك بحد ذاتها راضيه كل الرضا
راكان:الشخص الوحيد الي خلاني نتصرف هكي
هيا مارن لأنه ضروري تعرف كل شي عليا
ماهو هدا حقوق المرأه ي سيد أيوب
ايوب:فقد اعصابه وبدا يوخر لن قعمز ع كرسي...مش عارف كيف بنحل لمصيبه هادي بس
راكان:ضرب ع صدره..خليكم برا الموضوع انا ومرتي نتفاهمو
روفيده:متأكد انه حاتقعد معاك بعد عملتك هادي
راكان:انا الي عليا درته والقرار بين يداها
وهيبه:ناقص يتربا معايه ولد حرام 😏
ايوب:برا اطلع من قدام وجهي وتفاهم مع مرتك
راكان:يأشر بصبعه ع الكل ...محدش يدخل فينا لن نشوف شن حايصير وخدا بعضه وطلع!
ايوب:يخبط ع راسه انا الغلط مني انا مفروض خليته يسافر
وهيبه:استرنا يارب وأهدي مارن وخلاها توافق
ناجيه:بالعكس راكان الي داره صح ومارن بنت عيله وطبيعي حاتتقبل
روفيده:هه وهدا الباين لأنه لما شافت البيبي مكانتش مصدومه
بالعكس رحبت بيه اكتر وحده
وهيبه:مستحيل ترضا انه يكون لراكان ولد من مراء تانيه وياريت حتى بالحلال
روفيده:كل شي واقف ع قرار مارن
وولدك قال نا ح نتكلف خلاص انهو السيره وخلوه يتصرف
ناجيه:عندي احساس كبير مارن ح ترضا
ايوب:انا طالع لو صار شي كلموني
وهيبه:طلعت معاه
روفيده:وليش انتي عمتي متأكده من مارن
ناجيه:لأنه اهم شي ف العلاقه الصدق وراكان صارحها في كل شي ومافيش شي مخبي علاها
روفيده:رقصت حواجبها...ابصر شن قعد يصير فوق.

_______

مارن:البيبي في حضنها وتحاول ترقده
راكان:مقعمز جنبهم بدون ولا كلمه ولا حركه منه
مارن:تملس في شعر البيبي...ي روحي محلاه
راكان:هه يشبهني صح؟
مارن:شافت لي راكان بطرف عينها.. اممم مرات بس الباين هوا احلا
راكان:هه شن شكله رقد؟
مارن:حطت صبعه في وسط شفايفها...اشش خلاص خليني نحطه ع سرير
راكان:حط صبعه ع فمه بمعنى سكتت!
مارن:حطت البيبي ع سرير وقعدت تشوفله جو دقيقه ❤
راكان:وقف ع رجليه وقرب من مارن
مارن:وهيا قعدا تشوف لي البيبي...وين امه ؟
راكان:ماتت
مارن:لا حول الله شن اسمها؟
راكان:نجوى
مارن:كيف ماتت؟
راكان:مسكها من يدها خلينا ننزلو ونحكيلك القصه كامله
مارن:وين؟
راكان:خداها من يدها ونزلو مع بعض!

________

هاله:مقعمزه برا وتبكي...مش عارفه ليش حضك هكي مارن
متوقعتش يكون ذنبه هكي
زبير:قعمز جنبها...علاش لبكاء هدا كله
هاله:تتكلم بعبره حزينه...شفت شن صار؟
زبير:اي عارف ليا فتره
هاله:بي شنو كانت ؟
زبير:انه راكان عنده ولد من بنت تانيه
هاله:به انا مش فاهمه حاجه هوا كان علاقه مع فدوى من وين طلعت البنت هادي؟
زبير:مش عارف لكن راكان يومها مكانش ع عقله وشكله غلط
هاله:وليش محكتليش في وقتها؟
زبير:نبهني سيد أيوب
هاله:تمسح في دموعها
زبير:شوفي شوفي
هاله:خيرك؟
زبير:راكان ومارن نازلين
هاله:اءء اي خليهم براحتهم انا راكبه بنرقد تصبح ع خير
زبير:هاله
هاله:انعم
زبير:مكنتش نحساب انه حنينه هكي
هاله:ابتسمت ومشت!

___________

راكان:انا لحد توا واضح معاك صح
مارن:تشوف لي وجه راكان ..اي
راكان:اي سؤال في بالك تبي تعرفي اجابته حاضر
مارن:نبيك تحكيلي شن صار في ليله الي غلطت فيها
راكان:تنفس براحه ..وبدا يحكي.

راكان:طالع من الحوش متعصب لانه كان ف نقاش طويل مع بوه علشان زواجه ومضايق ع فدوى الي قعدا تنهان من عيلته
ركب سيارته وجاه اتصال
راكان:فتح الخط...الو
فدوى:وهيا تبكي...وين انتا حبيبي؟
راكان:كيف طالع خيرك انتي لاش تبكي؟
فدوى:هكي مضايقه من كل شي مش مرتاحه راكان
راكان:خلاص حبيبي متعبيش روحك انا الي وعدتك بيه كله حايصير
فدوى:🥺 متسيبنيش راكان نا بلاك مش ح نقدر نعيش
راكان:كان محروق من داخله ع فدوى...به حبيبي اهدي انتي
فدوى:حح حاضر باي💔
راكان:سكر الخط وطلع بسياره قريب يقلبها
كان متوجع هلبا وفاقد اعصابه ويبي يطفي النار الي فيه
بعت مسج لي فدوى نحبك ي عمري انا في لحوازه الي في بداية المنطقه متخافيش عليا
راكان لما يسهر مع صحابه ولما يكون عارف روحه بيسكر ضروري يبعت مسج هدا لي فدوى
وصل للشقه ودخل زي المجنون بدا فيها سكير في جرت بعضه لانه كان وضعه مينحسدش عليه
اول مافقد تماما ومعاش حس ع روحه صار شي بدون علمه ومكانش حاس ع حاجه كأنه في عالم ثاني
لكن اول مانضت الصبح شفت نجوى راقده جنبي هني كانت الصدمه
راكان:مني انتي ؟ شن اديري هنايا؟ جاوبي
نجوى:خيرك خليني نكمل نومي قعد مشبعتش
راكان:فهم انها من بنات الليل ..شن صار بيني وبينك؟
نجوى:هه صار كل شي حلو متخافش
راكان:شفالها بنضرات قاسيه...طلعها برا الشقه ولوح اغراضها كلهم
قعمز في وسط الصاله وحاط يديه ع راسه
كيف جت هادي هنايا بس شن درت انا
ضروري نحكي لي فدوى كل شي قبل ما تسمع من حد تاني ؟💔
يااااااربي شن لمصايب هادي
كنت ماشي وراء قلبي كنت ضعيف
ههههه بيني وبينك اول مانتفكر الايام الاوله كنت نضحك ع روحي برغم كانت ايام صعبه
بس مكانش شي يتحكم فيا غير قلبي المهم رجعت للقصر ونا منحكيش مع حد من العيله كنت ع نفس الحاله كل يوم سهره وشرب لصبح وسيبت الخدمه وصارت مشاكل ف العيله
لن واخيرا السيد أيوب وافق
وخطبت فدوى استمرينا خطوبه شهور ورجعت الخدمه كان كل ماشي حلو لكن فدوى كانت متبيش تتزوج لن تكمل اخر سنة دراسه
وهكي لن في يوم وليله تغير كل شي
مارن:💔💔
راكان:وهوا يشوف لسحاب... جانا اتصال من مصحه وطلبو من بويا وانا نتفضلو وضروري
وصلنا المصحه قعدنا مقعمزين في مكتب الدكتوره لن دخلت علينا ممرضه ماسكه جود
وماسكه اوراق
انه الولد هدا ولدي خشيت في عقلي وطلعت
مارن:ليش هيا في فترة حملها مجتش وقالت إنها حامل منك
راكان:عيلة ايوب مستحيل يخلوها عايشه هكي كانت حاطه ف راسها🤷‍♀️
وللأسف طلبنا انه نديرو تحليل Dna لانه فعلا كنا مصدومين
وطلع تحليل انه انا فعلا بو الطفل
وللأسف كنت نبي نفهم القصه اكتر من نجوى بس ماتت وهيا تولد في جود
مارن:الله يرحمها ..بس ليش محكيتش لفدوى ع كل شي ممكن هكي فهماتك ووافقت تتزوجك
راكان:لا السيد أيوب رفض وامها نادره لو كان عندها علم ح تقلب الكون علينا
يعني ايوب حايطلع من المنطقه هادي كلها
مستحيل نحلم انه حانتزوجها وهيا واهلها مش حايوافقو ع زواج الا لو بحضور ايوب
نا خشيت في حاله من جهة ولدي ومن جهة حبيبتي
لن فجاءه السيد أيوب قرر يزوجني ليك
طبعا انتي كادرع حمايه ليهم حتى لو صارت حاجه ونكشفنا مافيش حد يقدر يطاول لانه مناسبين طارق وبنته كنتنا
مارن:بلعت ريقها 😨...اي قصتك صعبه والاصعب انه حبيبتك عرسها الاسبوع الجاي
راكان:استند ع الكرسي وهوا يضحك بهزوه
مارن:تشوف لي راكان ومستغربه...في شي صاير؟
راكان:هه تشوفي في الي صاير معايه كله ها
شفتي راكان الي كان ضعيف ومهوس بها للأمس بتحديد
كنت نحبها قد الكوون كله
مارن:شن في راكان ؟
راكان:كله كان لعبه منها ومن امها
مارن:تنهدت بصدمه...كييف؟
راكان:يلمس في لحيته بهدوء...اي هيا الي بعتت نجوى هديكه الليله
وهي اللي تحملت مسؤولية نجوى لن جابت جود وبعدها هيا الي قتلت نجوى لأنه خافت نجوى تحكيلي الحقيقه بعد ما وصلت عندي💔
مارن:تنهدت...مستحيلا شن القلب القاسي الي عندها؟
راكان:هدا الطمع يوصل للموت
لفلوس هيا الي تقسي لقلب
مارن:يعني هيا موافقه ع فهد مش جكاره فيك بس لأنها طامعه فيه صح؟
راكان:هه بما انه ثروته اكبر من ثروتنا
مارن:يتمت الطفل حقيره والله
راكان:بس كل شي في وقته حلو
من لحضه الي عرفت كل شي طلعت من قلبي نهائيا
لكن مش حانخليها تعلم بأنه نا عندي علم بجريمتها الا في الوقت المناسب
مارن:حطت يدها ع يد راكان...لكن رد بالك تنسا انه عندك ولد خسر امه وحرام لو خسر بوه
راكان:فاهم كل شي مارن وبدل عيونه ع اتجاه تاني
انا قلت كل شي عندي نبي نسمع منك توا ؟
مارن:الخوف سيطر ع جسمها...ككيف؟
راكان:خيرك خفتي؟ انا قصدي موافقه تكملي معايه وله لا ؟
مارن:شن رايك انتا؟

____________

روفيده:عيونها مليانه دموع وهيا تتفرج ع صورها الي وصلوها
مم مستحيل شن قعد يدير هدا ورفعت سماعة فونها
الو ي حقير شن تبي؟
معاذ:انتي الي وصلتي روحك لهني
روفيده:نا معاش نبيك كيف ترضى تاخد بنت متحبكش
معاذ:لكن البنت هادي نحبها انا
روفيده:😭...شن تبي مني؟
معاذ:ضحك بهزوه نبي نعلمك درس بس قبل مانطلع من حياتك
روفيده:اسمع
معاذ:كملي شوفي حياتك نا مش ح نوقف قدامك
روفيده:تتكلم بأنفاس متسارعه..مش ح تنشر صوري
معاذ:اسألي روحك متسألنيش وتسكر الخط!
روفيده:تنفست براحه وهيا قعدا تبكي 😭...واخيررااا

___________

راكان:مش عارف بس أكثر شي خلاني نرتاح ونحكيلك انك طيبه وقد الثقه
مارن:هههههه....قربت منه كل شي حكيته سجلته وحانشهدر بيكم في كل مكان
راكان:😂..ماشي معاك الدور ع فكره
مارن:ههههه لالا وحطت يدها ع فمها ورجعت تضحك
راكان:كان تركيزه علاها وهيا تضحك زي الطفله
مارن:شافت لي راكان ونحرجت قدامه
راكان:هيا الوقت تأخر خلينا نخشو
مارن:لكن قعد مسمعتش مني شي
راكان:ابتسم لن عيونه دمعو....ونا حانكون محترم قرارك مارن
مارن:نبي منك فتره قصيره بس اراجع فيها نفسي ونرجعو نفتحو الموضوع
راكان:لدرجه هادي صعبه؟
مارن:لا مش صعبه بالعكس انتا تحولت من انسان قاسي معاي لي انسان حنون وصريح
ومسمحتش لحد يهيني واعترفت بكل حاجه ونا حانكون ممنونه ليك ع ثقه الي قدمتها ليا
راكان:لو كان هكي علاش انتي تبي نعطيك فتره
مارن:قلبت عيونها بدلع
راكان:متخافيش جود حانجيبله مربيا تهتم بيه
مارن:بجد تتكلم انتا؟
راكان:اي وانتي حاتكوني زوجتي مش ح نقصر معاك في شي
مارن:تمام تصبح ع خير نا بنخش
راكان:تمام انا ترا شن عندي برا
مارن:بأسلوب مستفز دير رايك
راكان:مارن
مارن:انعم
راكان:لا شي خلاص
مارن:براحتك...وخدت بعضها ومشت وهيا بتموت من الضحك !

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

ثاني يوم:-

ع سفرة لفطور:-

وهيبه:هاله اركبي نادي روفيده تفطر
هاله:حطت بكرج القهوه ...حاضر
ايوب:خيرا راكان لتوا منزلش
وهيبه:مش عارفه لكن شكله الوضع ميخوفش
ايوب:شن مخليك متأكده؟
وهيبه:امس في ليل شفتهم في الجنان وباين جوهم حلو
ايوب:به به انا طالع ولو نزل قوليله قالك بوك ضروري تمشي لشركه
وهيبه:حاضر توا نقوله غير انتا معاش تفكر هلبا علشان صحتك
ايوب:لا نا ماشي لسفاره بنحجز لولادك الدكاتره
وهيبه:اي باهي امتا بيروحو هما مش ع اساس الاسبوع هدا
ايوب:اي ثلاثه ايام ويكونو هني
وهيبه:ابتسمت...ان شاء الله يارب غير امتا نشوف ولادي كلهم قدام عيني❤

_________

راكان:واقف قدام لمرايا... يساوي في شعره
مارن:تغير في حوايج جود...اممموااح حليلي من هالضحكه
راكان:يتفرج علاها من لمرايا و يبتسم
مارن:لفت جود بالبطانيه...راكان
راكان:غير شبحته...انعم
مارن:امتا بتجيب مربيه؟
راكان:تنرفز...توا نطلع نخطم ع المكتب
مارن:نزلت من السرير قربت منه
راكان...
راكان:يشوف لوطه ع اساس يساوي في كمامه وكان متعصب ...شن في؟
مارن:جود مليشي علاقه بينا
راكان:شبحلها بصدمه كييف؟
مارن:بصوت هادي يعني انا الي ح ربيه وممنوع حد يقرب منه
راكان:وليش تبيني نجيب مرابيه؟
مارن:من قال؟ انا بس كنت نبي نشوف حبك لجود
راكان:هههه اصلا كنت مستغرب فيك
مارن:لا راكان انا حبيته جود وحطت عيونها عليه
جود حايغير هلبا حاجات فينا
راكان:تمام يعني معندكش اعتراض ع زواجنا
مارن:تعدل في جاكيته....لالا هيا وراك خدمه احتمال بوك يركبلك توا😌
راكان:حط صبعه ع انفها...شريره
وخدا بعضه وطلع!
مارن:شافت لروحه في لمرايا
بجد انا انسانه محضوضه فيك راكان
منستاهلكش والله💔
وثق فيا وصارحني وسلمني ولده
ونا ديما حانحس بالنقص معاك
رجعت قعمزت جنب جود
نوعدك حانهتم بي جود ونحبه لكن مش عارفه امتا حانقدر نصارحك زي ماصارحتني وتحديت اهلك ع خاطري💔

________

وهيبه:شن فيك اللطف هاله توا قتلي انك مريضه
روفيده:لالا الدوره بس كلمي اي حد ياخدلي حبوب من صيدليه
وهيبه:سلامتك بنتي توا ننزل نوصي زبير حاضر
هاله:خاشه وماسكه كوب...هدا نعناع مغلي حايخفف عليك الوجع
وهيبه:اي اشربي نص ساعه وترجعي طبيعيا
هاله:ربي يعينك فوفو
روفيده:سلمك🥺
هاله:نستأءنكم بنشوف ماما في المطبخ
وهيبه وروفيده:خودي راحتك
هاله:نزلت!!!

__________
مارن:نازله وجود في حضنها
هاله:نخصت امها..شوفي مارن
ربيعه:مسكين الولد يتيم ربحت فيه أجر
هاله:😳..يتيم؟
ربيعه:اي وطي صوتك
هاله:قصدك حتى انتي عندك علم بكل شي
ربيعه:اي نوضي تحركي شوفي لغذاء
هاله:وربي طلعت مسطوله رسمي
مارن:تعالي مارن شوفيه كيف يجنن
هاله:قعمزت جنب مارن..شن قعد يصير
مارن:شوفي عيونه حلوين وله؟
هاله:فهميني تصالحتو يعني؟
مارن:هااااله 😏
هاله:به به المهم شكله ضعفتي بسرعه
مارن:اسكتي بعدين نهدرزو وهيبه نازله من فوق
هاله:بديتي تاخدي ع الوضع😅
المهم بعد لغذاء توا نشوفو كبرياءك
مارن:😅...به هلوله ان شاءالله نشوفه عندك
هاله:سلمها..تحكي ف خاطرها صدقت روحها انه ولدها 🙂
وهيبه:كيف حالك مارن توا؟
مارن:تلعب في جود ...الحمدالله
وهيبه:☺...شن شكله معندكش مانع ع شي؟
هاله:عليك اسلوب 😑
مارن:وعلاش بيكون عندي مارن
مدام راكان قرر يكمل حياته معاي
وبعدين هوا سلملي اغلا حاجه عنده وهيا جود
وهيبه:تنهدت بصدمه..قصدك مش ح تطلبي الطلاق
مارن:بالعكس كل واحد فينا عارف قيمة التاني وتوا نبيكم تدعولنا بس
وهيبه:ربي يهنيكم ويبعد عليكم صحاب الشر
هاله:اممم شكله لمصايب هادي خير لي مارن لولا فضايحكم مكنتوش حترمتوها هكي
مارن:وين روفيده منزلتش
وهيبه:علاها الدوره متعبتها
مارن:سلامتها يارب❤

________

ربيعه:من المطبخ...هاااله ي فرخه تعااالي
هاله:هيا هيا 🏃‍♀️

__________

راكان:مقعمز في مكتبه ويراجع ف الملفات
محمد:طققطق...وخش.
راكان:بدون مايشوفله...وين لتوا تأخرت
محمد:قعمز ع كرسي...فوتك مني المهم طمني انتا شن صار امس
راكان:ماشي الوضع
محمد:تي احكي ي راجل مارن كيف تقبلت الوضع
راكان:والله مارن ميهمهاش اكتر من انه نا صادق وصريح معاها
محمد:حلوو يعني بتقعني توا في بنت في الواقع هكي؟
راكان:وشن الغريب ف الموضوع
محمد:اقنعني؟
راكان:بنت تزوجت من شخص ملمسهاش وكل يوم يروحلها فاقد
كيف ؟ وشني مني؟
عرفت انه عنده قصه من الماضي وقدرت الحب بينهم🤷‍♂️
واقترحت عليه انه تساعده في الوقت الي هوا كان فاقد الامل
والشخص هدا مشا يجري وراء الحب متعه طلع الحب هدا عباره ع وهم وبس قرر يشوف حياته ع صح ويكون قوي لانه عنده طفل امانه عنده
ومارن متقبله الذنب هدا مهما كان كبير وفعلا حكيتلها وطلعت قده
محمد:قام حواجبه الاتنين مع بعض...ربي يهنيكم ويهدي بالكم
راكان:ربع يديه الاتنين متشوفش فيا تغيرت
محمد:اي فعلا لو نا ف مكانك حانكون هكي واقوى
راكان:لكن لعبتها عليا مش ح تتفوت
محمد:طلعت حقيره
راكان:متهمنيش..المهم شن صار فيك؟
محمد:اهااا اي مشيت لسفاره اليوم وشفت الشغل وهكي
راكان:شني مني ؟
محمد:موافق ي سي شكلها خدمه قنينه ومرتبه
راكان:نعجبك وهادي الورقه باش ترفعها معاك غدوه
محمد:اوك...

____________

هاله:طفت ع لغذاء...شني ماما نسقو توا؟
ربيعه:لا مازال لن يوصل راكان قبل
هاله:به مالا توا لما يوصل نجي وطلعت
ربيعه:🤦‍♀️

_____________

مارن:اففف عليك عملتها ي خامر ...غيرتلها حفاضته
هاله:فتحت الباب وخشت!
مارن:متعرفيش تصبري؟
هاله:ههههه وراسك نار والعه فيا نبي نعرف شن صاير ي كبدي
مارن:تغير في حوايج جود
حبيبي وشماته ريحته تهبل
هاله:خيرك اللطف ع طفل امتا عرفتيه انتي
مارن:يؤبشني كيف منحباش ونقرات زينه زي بوه
هاله:بدينا ف الخيانه
مارن:ههه خيرك ي هبله بس ابدي ف اسئلتك
هاله:خلاص فهمت انك موافقه تقعدي وتربي جود
لكن شن صار ف فدوى يعني نساها في لمح البصر هكي
مارن:بصوت هادي...طلعت شريره ومسكين مرتكبش ذنب لانه راضي
كان يومها فاقد هلبا ومش حاس بي شي
ام جود استغلت الفرصه ورقدت جنبه وصار الي صار
هاله:به هادي فهمناها وفدوى مش ناوي يرجعلها وله كيف
مارن:ممم منعرفش المهم شكله فدوى متعرفه ع فهد من فتره
هاله:يعني لو فدوى منسحبتش مكانش عترفلك الغراب
مارن:فعل ماضي ناقص
ميهمنيش اكتر مايهمني الطفل هدا
انا وراكان ف علاقه زوجيه احتمال تفشل واحتمال لا
بس مش ح ننسا انه راكان معنداش ذنب في شي وكل شي صار غصبا عنا
ونا مرته حانتحمل مدام هوا مقدرني
هاله:اشبح اشبح كبرتي وبديتي تفهمي
مارن:هه وغمزتلها!
____________

في السياره:-

محمد:بنقولك
راكان:مركز ع سواقه...احكي
محمد:مارن هادي حلوه؟
راكان:اءء كيف؟
محمد:خيرك؟ خشيت في بعضك بدينا حزاره
راكان:يشوف لشارع..هه لا حلوهه اي
__________
هاله:تفلحي شويه مدام فدوى هش
مارن:انا حلوه هاله ؟
هاله:تي انتي مش بس حلوه انتي الحلاوه بحد ذاتها
___________
محمد:هئحم يعني في امل انك تحبها
راكان:نحبها؟ مش عارف بس مافيش شي بينا لتوا
_________
مارن:من احلا انا وله فدوى؟
هاله:انتي احلا في كل شي
_______
راكان:مش عارف لكن مارن اجمل اجمل بهلبا
محمد:لاااا هلبا هكي

هاله:ضروري تكوني قريبه منه راكان توا محتاجك
منبيش نعلمك لبسك نضافتك ورقتك
مارن:حسني ذبتت🤤
هاله:لا استني غير يروح راكان وبعدين اختفي مره وحده🤣
مارن:ههه
____________
محمد:هيا صحيت المهم رد بالك ع مارن بس
راكان:إن شاءالله خير
محمد:الليله متنساش😂
راكان:رقا المرش وطلع.
___________

هاله:هي اكيد امي قالبه الدنيا عليا احتمال تحطني بدل البطاطا في زيت
مارن:ههههه به باي ...ومسكت جود وغطاته
قعدت تتفحص في اغراضه
اممم هلبا حاجات ناقصه ...

___________

ترن ترن ترن :-

مارن:هادي اروى ...الوو
اروى:كيف الحال مارن
مارن:كويسه وانتي؟
اروى:اهو ماشي الوضع
مارن:وينك مبعتليش شي ع واتس
اروى:تبدلت ملامحها...اهاا صايره مشكله الحق
مارن:كيف احكي اروى شن في ؟
اروى:اهل حسام مش راضين ع شي
مارن:علاش بيرفضو؟ يلقو ربعك
وبعدين انتي شن حببك فيه بس
اروى:مش عارفه قعد نفكر حترت هلبا!
مارن:وهوا شن قالك ؟
اروى:قعد يقنع فيهم
مارن:اها به متزعليش روحك لو طلع من حياتك يعني مش خير ليك وبدا جود يعيط
اروى:صوت بيبي ؟ ولد من ؟
مارن:اءءء لالا هدا ولد جارتهم
اروى:اها به منعطلش عليك لو صارت حاجه نتصل ونحكيلك
مارن:ردي بالك تغلطي اروى
اقل شي استشيريني قبل
اروى:حاضر 🙁
راكان:ماسك البيبي ويلعب فيه
مع من تحكي؟
مارن:اروى
راكان:من اروى؟
مارن:قصدي بلقيس
راكان:اها اي كويس
مارن:راكان بتطلع بعدين؟
راكان:علاش تبي حاجه؟
مارن:لا غير نبي ناخد حاجات لجود بس
راكان:به نطلعو بعد لغذاء توا خلينا ننزلو يستنو فينا
مارن:خدت منه جود
انزل انتا انا فطرت متأخر
راكان:بوس جود وعيونه ع مارن
منبيش نغصبك لكن لو جوعتي انزلي
مارن:ابتسمت...تمام
راكان:لن طلع وهوا يشوف لي مارن بغزل
مارن:جلططني محلاه فيته😂

___________

العيله كلها مجتمعه ع سفرة لغذاء وكلهم مبسوطين لأنه راكان رجعتله الضحكه ❤

مارن:طلعت سروال ابيض جينز وبلوزه سحابيه غامقه لبستهم وركبت علاها وشاح مزقرش نوعه حرايري 💙
بخت برفان وحطت لمسه خفيفه مكياج
زعما نرفع جود معايه ؟
وله نخليه عند هاله
راكان:مارن
مارن:تلفتت... ها
راكان:وقف قدام الدولاب ويسلب في حوايجه...البسي عبايه
مارن:تشوف لروحها...عع علاش لبستي طويله ومستوره
راكان:غيراها مارن
مارن:به حاضر فتحت الدولاب وطلعت منها عبايه ولبساتها
راكان:هيا
مارن:راكان نرفعو جود معانا
راكان:لالا
مارن:علاش
راكان:نسيتي انه محدش يعلم بيه لتوا
مارن:افف اي نسيت به نخليه عند هاله
راكان:تمام نا نستنا فيك في سياره
مارن:به... وطلعو مع بعض ❤

_________

ايوب:يتكلم ع تلفون ...شن تقول
🙍‍♂️:اي صارفين فوق 10الاف دولار
وهيبه:غبر عليا من يوم احرف لحقو يقولوله
ايوب:يشوف لي وهيبه...به به الحق مش فيهم
راكان:خيركم شن في؟
ايوب:سكر الخط...اسأل امك الي عاطيه رقم لحساب لي خوتك وصارفينه كله
ناجيه وروفيده:😂😂😂
وهيبه:😨😨
ايوب:هدا اكيد الفرخ اويس ونا نقول شن المحبه الي نازله عليهم كانا كل يوم للفجر وهما يهدرزو
وهيبه:شن بنديرله ولدك وتعرفه كان زن ع الحاجه ياخدها بالقوه
روفيده:😂 وووووه ع خوتي وربي استحشتهم
مارن:ههههه
راكان:هههه هيا خلينا ننزلو
مارن:به هي..ردي بالك عليه هاله به وزي ماوصيتك خلي عيونك عليه لن نرجع
هاله:حاضر ياودي متخافيش عليه بري
مارن:تمام ....لن طلعت وهيا تتلفت وراها وراكان يراقب في تصرفاتها❤

__________

هاله:ي روحي منه غزال
روفيده:ترا هاتيه شويه
هاله:شوفيه يجنن
روفيده:عمري انتي ي روح عمتك
هاله:شن صار معاك في معاذ؟
روفيده:اي اصلا كنت نبيك تتصلي بيه وتجسي نبضه
هاله:في شنو؟
روفيده:هددني بصوري نبيك تتأكدي هل فعلا حايديرها او لا؟
هاله:وااااطي
روفيده:شن حاتتصلي
هاله:به اطلعي من راسي
روفيده:عبيت عليك تحلي موضوعي
هاله:تي به

________

مارن:كيف نازله هيا وراكان لسوق كبير معروف في المنطقه
كانت نضرات الكل ليهم
نيالها واخده راكان ومارن كانت جنبه زي الطفله بريئه
راكان:عيونك لوطه
مارن:حاضر...وخش هوا وياها مع بعض...فيه حتى مطعم
راكان:اي تبي تتغذي قبل
مارن:لا خلينا ناخدو اغراض جود قبل
راكان:تمام هي
وهما راكبين خشو لي اول قسم قابلهم كان خاص بالملابس الداخليه
بدت مارن تختار وراكان يختار معاها وباينين انهم متفاهمين هلبا ❤
مارن:كأنه شفت كرسي في الجهة التانيه
راكان:به شوفيه مابين انا خلصت لبضاعه
مارن:حاضر ....وهيا طالعه تتفرج ع لبضاعه
فهد:شن ادوري ي حلوهه هنايا تبي مساعده
مارن:لا شكرا
فهد:قرب منها وجي من وراها بزبط...خليني نختار معاك
مارن:تلفتت ودفاته بقووه...ابعد عليا وطلعت تجررري وكان الخوف مسيطر علاها
راكان:خيرك؟ علاش تجري
مارن:بنفس مقطوع....تشوفله وتشوف وراها في في
راكان:مش فاهم شي....منهوا تكلمي؟
فدوى وفهد :جاااين مع بعض
راكان:مارن تككلممممي
مارن:بدون ماتنتبه لي فدوى
هدا الشخص كان يضايق فيا...يتبع......❤

رواية العروس المزيفة الحلقة السادسة كاملة بقلم ميلو حسن 

وهما راكبين خشو لي اول قسم قابلهم كان خاص بالملابس الداخليه
بدت مارن تختار وراكان يختار معاها وباينين انهم متفاهمين هلبا 
مارن:كأنه شفت كرسي في الجهة التانيه
راكان:به شوفيه مابين انا خلصت لبضاعه
مارن:حاضر ....وهيا طالعه تتفرج ع لبضاعه
فهد:شن ادوري ي حلوهه هنايا تبي مساعده
مارن:لا شكرا
فهد:قرب منها وجي من وراها بزبط...خليني نختار معاك
مارن:تلفتت ودفاته بقووه...ابعد عليا وطلعت تجررري وكان الخوف مسيطر علاها
راكان:خيرك؟ علاش تجري
مارن:بنفس مقطوع....تشوفله وتشوف وراها في في
راكان:مش فاهم شي....منهوا تكلمي؟
فدوى وفهد :جاااين مع بعض
راكان:مارن تككلممممي
مارن:بدون ماتنتبه لي فدوى
هدا الشخص كان يضايق فيا
راكان:تلاقو عيونه في عيون فهد وفدوى
فدوى:مسكت يد فهد ...اءءء هدا راكان
فهد:شاف لي مارن وحس روحه في ورطه
راكان:شدي الكيسه...بكل برود وقف قدام فهد بزبط
مارن:مم م س ت ح ي ل 😨 ..فدوووى
فدوى:شن تبي راكان انا بنت مخطوبه توا
راكان:ضحك ع جنب ورجعع شاف لي فهد بي غل..شنو سيد فهد كأنه هرمون جدك وراثه عندك بزياده
فهد:هههااا بتحول من قدامي سيد راكان وله ؟؟
راكان:بحركه مفاجئه هجم عليه وبدا فيها ضرب بونيات ع وجه
مارن:كانت منهاره وخايفه ومش قادره تدخل ولا ادافع
فدوى:راكان وقفت قدام فهد وهيا تحاول تمنع راكان من انه يقرب عليه
فهد:حاط يده ع خشمه الي كان ينزف لن قريب سببله دوخه...
فدوى:بصوت متكنطي....راكان ح تندم ع عملتك هادي شن ذنبه فهد بس؟
مكانتش عارفه انه فهد كان يضايق في مارن
مارن:ماسكه راكان من يده وبصوت يرجف هيا راكان خلينا نطلعوو
فهد:يأشر بصبعه..فتحت ع روحك باب مش حاتقدر تطلع منه لا انتا ولا ايوب الندل
راكان:قرب من فدوى وهوا حاط عيونه في عيونها لكن المره هادي كانو عيونه يلمعو شر
منبيش نعلمك كيف تكسبي زوجك لأنه ببساطه انتم ماشين مع بعض
فدوى:ليش قعد تلاحق فيا انا نسيتك راكان وشفت حياتي
راكان:تمالك اعصابه ومسك يد مارن ...وبصوت جامد حرام تحط عينك ع بنات الناس وانتا ماشاءالله خاطب البنت الي الكل يتمنوها
مارن:تشوف لفدوى وقلبها كان يدق بخووف...
فدوى:انا عارفه فهد كويس بطل اتهامات راكان الي بينا خلاص تم..
راكان:طبطب ع وجه فهد ....نصيحه حافظ ع خطيبتك علشان متخسرهاش وحط عيونه في عيون فدوى باش متنصدمش فها بس..
فدوى:بلعت ريقها بخوف....وحست انه كلام راكان مقصود علاها...وهيا في حالة صدمه وكأنه مش راكان واقف قدامها معطهاش ولا ذرة اهتمام
راكان:خدا مارن ورجعو للمحل باش يكملو باقي الحاجات..
فهد:انا نازل السياره حاس الدنيا تلف بيا
فدوى:مكانتش تسمع في فهد لانه ببساطه كان عقلها ف راكان الي تغير في بدل مايكونو نضرات عيونه حب واهتمام كان يشوفلها بقررف
معقوله يكووون ..
فهد:فدوووى وين وصلتي ؟
فدوى:اءء انعم
فهد:هيا خلينا ننزلو الدم مكفش ضروري نحطله ثلج
فدوى:تمام ولن طلعت وهيا عقلها موقفش تفكير؟؟
_________________________
🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥
مارن:برغم كانت متأثره من الموقف الي صار معاها بس راكان محسسهاش بي شي بالعكس كان يضحك
ويختار معاها
مارن:شوف راكان البرموده هادي تجنن خاصة لو لبسها جود
راكان:ضحك ع تصرفاتها...كأنه عندي زوز بيبيات
مارن:من البيبي الثاني راكان😏
راكان:بعيون يلمعو...انتي
مارن:بطل جو...خلاص كأنه كملت المحل كله؟
راكان:انا منفهمش لو في شي ناقص خلينا ناخدوه بالمره
مارن:امم اي مازال حفوضاته وشوية حاجات بعد الدوش
راكان:تمام ... من حاجه لحاجه لن واخيرا كملو 
فاتت تقريبا ربع ساعه وكملو لبضاعه كلها ونزلو لوطه باش يتغذو في المطعم
راكان:شن تبي تطلبي؟
مارن:اي حاجه لأنه جعانه بنموت
راكان:هه يعني حتى انا تاكليني عادي😂
مارن:لا خلي الحلو بعد الحار 😌
راكان:ضحك بهدوء...ونادا ع قرسون
طلب مشاوي...شن تحبي نوع المشروب؟
مارن:شاني😋
راكان:تمام اتنين شاني
قرسون:تمام ..دقايق ويكونو جاهزين
راكان:اوك..ورجع شاف لي مارن
مارن:تاكل في سلطه الي ع طاوله...كأنه استحشت جود
راكان:حط يديه ع طاوله ...شويه ومروحين
مارن:رمشت عيونها ...اوك🥺
الانسان قادر يحط طاقته كلها من الحب والقوه ويواجه كل الصعوبات علشان شخص يحبه بس لو كشف في خيانه واذى كبير حاينسا في لمح البصر خاصة لما يكون الطرف هدا هوا الرجل صدقوني قادر يستقوا لبال راكان عنده طفل ومحتاجه 
هل راكان طاقته الايجابيه وضحكته تمثيل بس علشان ينسا فدوى وله هوا انساها وكرها بسبب عمايلها وناوي يفتح صفحه جديده مع مارن؟؟🤷‍♀️
__________________________
هاله:كيف طالعه من الدوش والفوطه قعدا ع راسها وقفت جنب الروشن؟
سيارة راكان لتوا مهناش ؟ تأخرو كأنه
حولت الفوطه من ع راسها لن سمعت تلفونها يرن ...
هاله:ايوا وين ؟
مارن:انا قعدا نتغذا شن جود رقد؟
هاله:اي رقدته ونا توا نزلت خديت دوش وبنرجعله
مارن:هاااله شن وصيتك انا ؟
هاله:ايااااح علينا تي راقد مش ح يصيرله شي
مارن:تمام شوفيه توا لانه جود كل شويه ينوض
هاله:لمن بيطلع يعني ؟
مارن:ههه شويه ومروحين شن نجيبلك معاي؟
هاله:هههه به الي تفكرتيني؟
مارن:عيب هاله هي هي منبيش نعطلك وشوفي جود
هاله:استقويتي فرخخه مارن
يااالا باي
مارن:ههه غبيه ...وسكرت الخط!!!
___________________
روفيده:به الي نختاره ميعجبكش شن تبيني ندير؟
وهيبه:ووووه مش عارفه علاش متسكتيش
قتلك احجزي كل شي من المطعم
روفيده:به خوديلي فلوس من راجلك باش غدوه ناخد الحاجات
وهيبه:به توا نوضي اقلبي وجهك
روفيده:متنسيش نبي جو الف جني باش ناخد براحتي
وهيبه:به به ناقصه ماهو بوك بعد عملت خوتك
روفيده:ماهو انتي السوسه اساس الخنبه كلها
وهيبه:🤦‍♀️...مش عارفه من داعي عليه بس
روفيده:😨...منهوا؟
وهيبه:عريس الغفله
روفيده:ناضت من جنب امها...اهاا شن قصدك ماما؟ ع راجلي وله؟
وهيبه:🤦‍♀️
___________________
قبل المغرب بساعه:-
مارن:ماسكه اكياس وداخله فرحانه
روفيده:وين التأخيره هادي كلها؟
مارن:إن شاءالله تتزوجي وتقعدي للفجر برا
هاله:تصب في القهوه....من تدخل في شي لا يعنيه سمع ما لا يرضيه
روفيده:شن دخلني بس نجيب لروحي ف لهزايب
مارن:امسكي مني هاله ..جبت شوية كباب وتارت قسميهم ع عيله!
وهيبه:شن راكان منزلش معاك؟
مارن:لا جاه تلفون وطلع مستعجل!
هاله:لقينا بشن نكملو القهوه ..حليلي ع منضر يجنن
روفيده: مجااااعه 😏
مارن:جود فوق؟
هاله:اي كيف نزلت منه خليته مستمخ ف نوم
روفيده:هههه عارف بوه وامه برا ميبيش يضايقكم😂
مارن:ههه خديتله حاجات حلوهه
هاله:خدت اكبر كيسه وقعدت تتفرج ع الملابس
روفيده:يااااااي محلاهم
مارن:انا راكبه بتغير حوايجي وانتم تفرجو ع لبضاعه باش تعطوني رايكم؟
هاله:ي روحي ع لبساته يجننو
مارن:ابتسمت....وخدت بعضها وركبت لغرفتها!
وهيبه:مصدومه مش مصدقه مارن عايشه الدور وكأنه ام حق
ناجيه:لانها حنينه واكيد حكالها راكان انه امه ماتت
روفيده:رشفت رشفه من القهوه
نبي نفهم بس راكان الي تغير فجاءه تقولي مسحور ويعامل ف مارن بكل لطف فجاءه هكي شن صارله؟
وهيبه:انتي هاله ديما معاها بساعات شن تحكيلك؟
هاله:اءءءء...انا معاها؟
روفيده:اي انتي مالا احنا ؟
احكي احكي لانه حاسه لتوا راكان ملمسهاش
هاله:ي دماغ انتي ي راقيه؟
متوقعين يعني انه مارن حاتربي جود بس شن هيا مرابيه مثالا؟
روفيده:مرات ...لأنه كل مره نتفاجئو بي شي جديد
هاله:منعرفش لكن فدوى بتتزوج
راكان ومارن مافيش شي بينهم غير علاقه زوجيه
وراكان تعامل معاها كازوج وبس
روفيده:ممكن اي علشان ولده ميضيعيش قرر يكمل زي اي شخص متزوج
وهيبه :اكيد هكي بيدير مالا غير يتصيع مع لبنات ويدير متجر ولاد ساهل
خلي ينضم حياته ويفكنا من شره
روفيده:مسكينه مارن من لما جت وهيا متحمله
يالا يستطفلو ...
هاله:غير حلي مشاكلك قبل ماتهتمي بي الناس
روفيده:😨😨
____________________
مارن:كيف طالعه من الدوش دهنت شويه كريمة جسم وجت صورة راكان قدامها لما يهزب في فدوى
معقوله شخص كان يحب بشكل كبير ينساه بسرعه وكأنه ولا مره عرفها ؟
خيرك تستغبي مارن ممكن لو كنتي ف مكان راكان كنتي تصرفتي هكي لأنه فدوى مجرمه ومتورطه في هلبا حاجات
بس قعدا مفهمتش شن الدليل الي يثبت انه فدوى وراء كل شي ...نزلت من سرير...اكيد راكان متأكد ميه ف الميه 
طلعت من التفكير لكبير هدا بسبب صوت جود الي عبا لمكان ...جيتك حبيبي جيتك
وقماتها بين يداها وقعدت تسكت فيه 
راكان:فتح الباب ودخل ومعاه شوية اوراق
مارن:شافتله...كنت ف الشركه؟
راكان:يسلب في كندرته....اي كانت الشركه في ورطه لكن الحمدالله حليت كل شي
مارن:إن شاءالله خير
راكان:فهد الحقير شراء الشركه الي كنا في تحافز معاهم
مارن:وهيا طبطب ع جود...اي وشن بيصير توا؟
راكان:مضطرين نخشو معاهم في مشروع هما ي اما حنا نربحو؟
مارن:افففف اكيد هدا فهد مش ناوي ع خير
راكان:انسي...المهم مارن خلينا الليله
مارن:الليله شنو ؟
راكان:بتردد....ضروري يصير الشي الي يصير بين الزوج وزوجته
مارن:نزلت عيونها...يرقد جود قبل
راكان:بصوت محرج..لو متبيش براحتك بس انا تكلمت علشانك انتي
مارن:كيف علشاني انا راكان العلاقه هادي تخصنا حنا الاتنين
راكان:ونا نحاول انه نخلي العلاقه هادي ناجحه
مارن:شافتله بنضرات فصلت جسمه كله
راكان:انا خاش بناخد دوش نبيك توتيلي قهوه قبل مانطلع
مارن:تغيرت نبرة صوتها ....تمام ومشت خطوتين
راكان:نتمنا تكوني فهمتيني مارن
مارن:سكرت عيونها بوجع...وشافتله وهيا تبتسم 😅
لا نا فاهماتك كويس
ورجعت حطت جود في مكانه..
راكان:شافلها بتخميم...وخدا بعضه وخش للحمام...
____________________
روفيده تحكي ع تلفون :-
روفيده:اي اي فهمت عليك اوك يعني بعد العصر يكون جاهزات
تمام تمام وقت مناسب لانه طلبية عشاء
اوك شكرا تصبحي ع خير
هاله:😳😳
روفيده: 😂😂...خيرك ؟
هاله:شن تحضيرات هادي ؟ وله ابليس عطاك موعد وفاتك
روفيده:اي عطاني ووصيتهم يعطوك طلبيه خاصه
هاله:لا عارفاتك تفكري فيا وانتي ف قبرك
وهيبه:كانت البرا وكيف داخله
روفيده:ماما كلمتني لمراء متع الأكل
وهيبه:به به مش وقتك توا
ناجيه:بتفهمينا شن صاير وله نحدف عليك الريموت الي ف يدي
روفيده:ههههه غدوه ف ليل بتجي صاحبتي ميس وامها الي هيا في الأساس حماتي😂
هاله:خيرهم بيشهدو ع وفاتك؟
روفيده:لاء لاء جاين بيطلبو يدي لي ولدهم المحامي😌
هاله:يدك بس وله كلك؟😂
روفيده:لاااااععع بايخه
ربيعه وناجيه:الف مبروك وان شاءالله ربي يتمملك ع خير
هاله:شن اسمه؟
روفيده:عليوه
هاله:جت عيونها ع مارن نازله من فوق
جت الحلوه وين غاطسه لتوا ؟
مارن:كنت ارقد ف جود هدا وين رقد
وهيبه:غدوه جاين ضيوف دبري وين تحطيه جود هدا
ناجيه:عادي نتبادلو عليه
مارن:به ...انشاءالله خير علاش الضيوف؟
هاله:علشان يخطبو الحلوه روفيده
مارن:ابتسمت...الف مبروك وربي يهنيك 
روفيده:سلمك يارب
مارن:شن رايكم في لحوايج؟
روفيده:محلاهم ان شاءالله يبديهم بالهناء
هاله:كل قطعه احلا من الثانيه حبيبتي..
مارن:سلمكم يارب..
ربيعه:ناضت ....هاله الحقيني
هاله:طلعت وراها
مارن:ناضت خدت الاكياس...انا شبعانه متحسبونيش ع لعشاء
ناجيه:براحتك بنتي توا نكلمهم يخلولك لما تجوعي انزلي
مارن:صحيتي....وخدت بعضها وركبت
__________________________
بعد مرور ساعتين:-
مارن:تهز في سرير باش يرقد جود لأنه تعبها
راكان:كمل الاوراق الي ف يده ورجع كل شي ف شنطه
مارن:طلعت مقياس الحراره وقاست حرارة جود
راكان:خيره جود تعبك ؟
مارن:لالا بس حسيته قالق شوي
راكان:اكيد شبعان نوم لانه راقد لن روحنا
مارن:ممكن اي....وناضت غطاته....اششش خلاص باين رقد
راكان:رجع قعمز ع سرير يستنا ف مارن!!
مارن:خشت للحمام غسلت وجها ويداها وطلعت
شافت راكان قدامها وبدت ترجف مع بعضها فهمت انه راكان ناوي يتم كل شي الليله💔
مارن:قعمزت جنبه....انا جاهزه
راكان:وجها بدا لونه احمر
بس في قوه داخله جبراته يقرب من مارن
مارن:كانت عارفه انه الشي هدا ضروري يصيؤ سواء كانت راضيه او لا سلمت روحها لي راكان💔🔞🔞
صار الشي الي مفروض يصير من الأول 
مارن:خشت للحمام ومقدرتش تمسك دموعها
قعمزت في وسط الحوض وهيا تبكي بقووه
منستش اخر كلام قاله راكان لاها انه هيا مجرد زوجه ليه وبس
بس في شي اكبر منها داخلها وكأنه يخاطب فيها
راكان حقيقي معاك ومتبيش يهمك انه يحبك ومن الجو هدا
شخص كيف طالع من قصة حب مستحيل راح يحبك بسرعه
اي انتي مرته الي هوا وثق فيها بسرعه لانك تستاهلي بس هدا ميدلش ع انه هوا يحبك
فتحت الدوش وغرقت تحت لمياه كأنه كانت تبي اطفي النار الي محاوطه قلبها 💔💔
خليه براحته مارن متغصبيش عليه خليه للوقت ممكن تكوني انتي حبه الاول والوحيد
كانت تقنع في نفسها انه تتقبل الوضع لانه راكان جي معاها واضح من الاول
انتي كيف راضيه ع نفسك تعلقي انسان بيك وانتي لما خشيتيحياته خشيتي كونك عروسه مزيفه
متكونيش انانيه مارن 💔
قامت راسها من تحت لميااااه .....وهيا تااااااااخد في نفس عميييييق
راكان:ماااارن انتي بخير؟
مارن:سكرت صنوبره باش يفهم
راكان:انا بنرقد مارن تمام تصبحي ع خير...ورجع لي السرير
مارن:💔
🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥
ثاني يوم🌞🌞
في المطبخ:-
هاله:ماما علاش عمي أيوب نادا بابا كأنه في موضوع صاير
ربيعه:امتا بتبطلي عادتك البايخه
هاله:بالعكس نا نحب نطمن بس
ربيعه:انتي لو تلهي بي خدمتك العيله هادي حاتكون بألف خير
هاله:لالا نا قلبي مش مطمني شكله رجعو في حرب مع عيلة الباشا
وهيبه:خشت للمطبخ...عطوني ميااااه بسرعه وقعمزت ع كرسي
مستحيل الي سمعته
ربيعه:مدتلها لمياه...استهدي بالله واحكي شن في؟
وهيبه:وحها مخطوف لونه...مهدي الباشا وولده مش ناوين ع خير
هاله:خيرهم ؟
وهيبه:شرو الشركات كلها الي كانت تساعد ف شركتنا وتوا خشو ف تحالف واحتمال يقضو ع شركة ايوب كلها
ربيعه:الله لا تربحه مكانش يشبع من فلوس لحرام
هاله:اففففف شن لمصيبه هدا
فدوى مش بلاش تبيع راكان وتوافق ع فهد كان نعرف من مسميه بس
ربيعه:ارزني وارجعي لمصيبتك
هاله:لكن راكان مش ساهل ان شاءالله يربح باش يعلمهم درس ماعمرهم ماراح ينسوه
ربيعه:اهدي وادعيلهم ربي بس قادر يربحهم
وهيبه:يااارب يصير غير كل خير
هاله:نقولك صلي ع عمرك راهو دعوات بلا صلاه مش حايقبلها ربي
ربيعه:فتصت ف هاله ....ونا شن جابك ليا بس
هاله:😅..ننصح فها باش ربي يسمع دعائها الحق فيا نا الي نلقالكم ف حلول
ربيعه:🤦‍♀️
وهيبه:😭
________________
مارن:فتحت عيونها ببطئ واول ماحركت راسها حست بي شي رزين
ممكن لأنه رقدت متاخر شني الي ف راسي بس...
راكان:ماسك جود ف حضنه...جود يستنا فيك تنضفيه لأنه
عاملها ومبخر الجو
مارن:مقدرتش متضحكش....نزلت من السرير وخدت جود من بوه بدون ماتصبح عليه زي كل مره
مارن:داخله بي جود الحمام ...حليلي ع نشيط الي نايض قبلي💙
راكان:يهز ف رجليه وحس روحه مشوش في شن غلطت انا بس ؟
تخطا خطواته وفتح ستار ووقف في البالكوني شويه وخش ف تفكير عميق...
ضروري تركز ع شركه الفتره هادي لأنه فهد حايتسلط علينا نا ضروري نشوف محمد ونحكيله ...قاطع تفكيره مسج من الموضفين الشركه انه قرب موعد الاجتماع
مارن:تمسح في جود بالمنديل وهوا شادها ضحك
راكان:انا طالع عندي اجتماع لو تبي شي اتصلي بيا
مارن:بدون ماتبادله ولا نضره....بسلامه..
راكان:امتا حاتبطلي حركاتك هادي مارن؟
مارن:ببرود....ع اما حركات تحكي انا مش فاهمه منك شي.
راكان:قرب منها ومسكها من يدها انتي عارفه ع سن نقصد
مارن:ع شن تقصد فهمني
راكان:مسك يد مارن بقووه...مارن متعصبنيش
مارن:فكت يدها منه...لا مش مقصر معاي كل شي نبيه متوفر بما انه انا زوجتك الي غصبا عنك حاتعمالها كويس والي التقرب منها لانه واجبك كازوج
راكان: شن الي قعدا تقولي فيه مارن؟
مارن:دفاته....متتأخرش بسببي ومسكت جود ف حضنها
انتا لي امس في ليل كملت مهمتك ومن اللحضه هادي تصرف كيف ماتحب..
راكان:تمالك اعصابه...انا طالع وحانعتبر لكلام هدا مسمعتاش وكيف بيتلفت
مارن:بس هدا كلامي انا ومش ح يكون شي بينا قبل وسكتت؟؟؟
راكان:قبل شنو؟؟
مارن:قبل ما يكون قلبك ليا انا وبس
راكان:محسيتيش روحك انك انانيه ؟رن تلفونه...تت تمام خليك ع كلامك نا طالع
وفعلا فتح الباب وطلع وهوا يحاول يهدي اعصابه...
مارن:حطت جود ع سريره....وقعمزت ع الارض وهيا تبكي
علاااااش؟ نبي نفهم شن ناقصني بس ؟؟ اهتمامه وكلامه وكل شي كان بس لأنه زوجته ومفروضه عليه
يعني حتى حزارته عليا لانه حامله اسمه واسم عيلته 💔
لي امتا حانتحمل المعامله هادي
وشافت لجود وتكلمت بكل عصابيه وررربي ي راكان لو مش جود مكنتش قعدت ثانيه هنايا
وزياده يتهم فيا انه نا انانيه💔
💔💔💔
_____________
ساعه 3 القايله:-
ع تلفون:-
مارن:به ماما سلميلي ع بابا
نعيمه:يوصل بنتي الايام هادي بوك مشغوله عنده شوية خدمه يتم فيها
مارن:ربي يسهله سلميلي عليه وع عمي محمود
نعيمه:يوصل بنتي
مارن:تصلت بي اروى مردتش عليا
نعيمه:اروى من الصبح طلعت اكيد توا ع جيه
مارن:به كلميها تكلمني
نعيمه:إن شاءالله بسلامه توا
مارن:سلام...وتسكر الخط
شافت الساعه اففف معقوله ساعه قريب 4
قعمزت قدام لمرايا وشافت لعيونها المتورمات من لبكاء
خدت منديل وبدت تمسح ع وجها
غريبه اليوم هاله مركبتليش ؟؟
الف نسيت اليوم جاين ضيوف
حست نفسها انه معندهاش خلوق تنزل ولا تشوف حد نزلت من ع كرسي وقررت ترتب غرفتها لأنه من لما تزوجت وهيا محركتش فها حاجه
اول شي بدت في دولاب رتبت حوايج راكان تع الحوش في جهة ومتع الطلعه في جهة واول ما فتحت الدرج قابلتها شنطه كبيره لونها حني غامق طلعتها وكملت ترتيب لحوايج ونست ترجع الشنطه 
خدت اغراض جود كلهم ورغبتهم في دولاب صغير الي خدتهوله ورتبت باقي حاجاته ع رف 💙
فتحت البالكوني باش تتهوا الغرفه ودارت حملة تنضيف للحمام وحتى البوفي متعها المهم مخلتش حاجه في حالها الا ورتبتها
بعد ما كملت قعمزت وهيا داهشه ع سرير جت عيونها ع شنطه...افففف عقبتي عقبتي واول ماقامتها قررت انها تفتحها وتشوف شن فها...
_______________________
راكان:كيف طالع من غرفة الاجتماع الطويل الي بعد ساعات باش تم
وهوا خاش غرفته شاف محمد يستنا فيه ف المكتب متعه ...جيت؟
محمد:اي جيت نبي نفهم مهدي الباشا لشن يبي يوصل
راكان:شفته وله ؟ ووقف جنب الروشن وحاط يديه في جيوبه
محمد:وتوا شن حايصير ممكن انك تفشل قدامه
راكان:لا الامور لتوا ماشيه كويس
محمد:شن مقرر ادير؟ لانه باين هوا ثروته زادت ع قبل
راكان: انا ناويهم هوا ولده حانخليهم يندمو ع اي يوم فكرو يهينو بوي
محمد:به عارفك قددع والمره هادي عاطي فيك ثقه كبيره
راكان:ضحك ..ورجع قعمز ع الكرسي
المهم بنحكي معاك في موضوع
محمد:إن شاء الله خير
راكان:مارن
محمد:خيرها؟
راكان:تلعب بي اعصابي ومش عاجبها كونه انا نعامل فيها كازوجه
محمد:كيف يعني شن قالت هيا؟
راكان:يعني انا ولا مره قتلها نحبك ولا قربت منها كوني نا نحبها
محمد:حلو وشي هدا كان واضح من الاول شن تغير توا؟
راكان:حاط يده ع فمه....مش عارف ؟
امس فتحت معاها موضوع ال.....)
زعلت وتغير صوتها فجاءه واليوم الصبح فتحت معاها الموضوع قالت انه مره تانيه متقربش مني الا وانتا قلبك ليا بس
محمد:😂😂😂
راكان:شن الي يضحك ف الموضوع؟
___________________
مارن:تتفرج ع صور راكان وفدوى الي من ايام الثانوي مع بعض كانه كانو ثنائي حلو هلبا كانت نضرات راكان لاها حامله حب كبير كان حبهم بابن في الصور
فقدت مشاعرها ووجها كان مليان دموع
وتفكرت ع طول
راكان:محسيتش روحك انك انانيه...
كيف قادره تعاملي شخص هكي؟
كيف حاينسا العشره وسنين والحب
هاله:مقعمزه جنبها وتتفرج محبتش تقطع علاها
مارن:شكلي ضلمته ي هاله؟
هاله:مارن راهو راكان كره فدوى بسبب عملتها نسا الماضي بس قلبه قعد مجروح
مستحيل راح يحبك طول هكي انتي مني اصلا؟
مجرد بنت تعرف علاها ليه فتره قصيره؟
مارن:تبكي بالعبره...انا طلبت منه شي صعب نا غبيييه غبييييه معرفتش نتعامل معاه
هاله:طبطبت ع كتف مارن ...تقدري تتأسفي منه لانه بجد راكان صادق معاك ومحترمك
مارن:تمسح في دموعها
نا ولا مره جربت الحب يمكن هدا ليش محسيتش بيه؟
____________________
راكان:مارن تحبني؟ شن تقول انتا؟
محمد:😂 اي هيا غبيه مقدرتش تخفي مشاعرها اتجاهك
غايره عليك صدقني
راكان:قام حاجبه...مش عارف بس انا مش مفكر اني نحب
محمد:الحب ماعمره كان يتحدد او يتقرر
الحب هكي يمتلك الإنسان بدون سبب ونا متأكد انه مارن هيا الي حاتكون حبك الوحيد
____________________
هاله:صدقيني لما الانسان يطلع من قصه حزينه وخاصة خيانه يبدا يدور ع انسان يفهمه يوقف معاه لن يطيب قلبه
ولأنك انتي قريبه منه صدقيني حاتملكي قلبه بكل قناعه منه وبكل قوه
مش حايفكر ف غيرك ومش ح يشوف ولا راح يحب غيرك لانه ببساطه راكان حاليا فهم ونضج اكتر
توا يشوف في الحياه بشكل تاني
بس انتي مارن استعجلتي مفروض توا تكوني سند ليه بدل ماتنكديها عليه
مارن:كانت تسمع لي هاله كويس لانه حست روحها محتاجه حد افهم منها باش تتجاوز المرحله هادي 💔
______________________
راكان:في رايك انه مارن ممكن تحس بغلطتها ويحن قلبها
محمد:اي لو هيا فعلا تحبك حاتحس وراح تعرف كيف تتعامل معاك من جديد
راكان:اي اي تمام ان شاءالله يصير زي ما قلت
محمد:لكن رد بالك باين انه مارن مش ساهله بوكل
راكان:بووووكل كلامها ديما جاهز وتستنا فيا ع غلطه
محمد: ههههه ديما لبنات هكي تلقيها منكده ع روحها ونص الي زعلانين منه من مخيلتهم
راكان:ههههههه
__________________
هاله:هيا عاد امسحي دموعك قبل ما يروح راكان ويشوفك ومتنسيش انه في ضيوف اليوم جاين
مارن:هزت براسها....تمام انا نلبس وننزل
هاله:تمام منبيش نشوفك زعلانه اوك؟
مارن:ههه تمام لولاك انتي مش عارفه شن كان صار فيا؟
هاله:لاااا نزعل منك راهو حنا لبعض في كل حاجه
هيا البسي بسرعه خليني نشوف ضحكتك
مارن:ابتسمت...تمام انتي انزلي مرات امك تبيك
هاله:ههههه لالا كل شي جاهز من برا اليوم راحه
اول مره الفرخه روفيده ادير معروف😂
مارن:😂...يعطيهالك
هاله:واخيرا نورت الدنيا وضحكتي
مارن:هههه
هاله:هيا سلام نتلاقو لوطا...وطلعت!!
______________________
ساعه 8 بعد المغرب:-
مارن:لابسه قفتان بسيط طويل لونه وردي مطفي ودايره لمسة مكياج تجنن و مقعمزه قدام لمرايا تلبس في خرصاتها 🌸
راكان:فتح الباب وخش....السلام
مارن:ابتسمت....عليكم السلام
راكان:وين جود؟
مارن:قعد راقد
راكان:ليش لتوا منزلتيش؟
مارن:لبست اخر خرص....اهو توا كملت محبيتش ننزل قبل ماترجع
راكان:في خاطره...والله كأنه يوحي محمد شكله حست ع غلطتها
مارن:راكان
راكان:فاق مش شروده...هااا
مارن:قربت منه...اسفه ع الي صار الصبح انساه باهي
راكان:قلد صوتها..انساه باهي؟
مارن:ضحكت وكانو خدودها يجننو
راكان:طبطب ع وجها....نا بنغير ملابسي وبنرقد شويه انتي انزلي مع العيله لأنه سألوني عليك
مارن:ابتسمت حاضر ثواني ونازله ولو ناض جود كلمني
راكان:به متفكريش فيه
مارن:خدت فونها من ع طاوله.....وهيا طالعه
راكان:طالعه حلوهه اقري المعوذات وانتي نازله
مارن:تعقدت لن وجها بدا لونه احمررر....وفتحت الباب وطلعت!!
_____________________
العيله كلها مع ضيوف الي اول مره يجوهم بس كانو مذوقين جايبين حلو وباقة ورد طبيعي وهدايا لي روفيده 🌸🌸
ميس:سبحان الله مرت خوك كل مانشوفها منقدرش انزل عيوني من علاها
روفيده:ههه اي قنينه وحتى خويا غززيل
ميس:اي اي متبديش بس 😂
روفيده:😂
ميس:المهم شكله امي وامك تفاهمو ع الاخر
روفيده:اي هدا الي باين
ميس:هيا اقربي من ماما وخليها تشوف هدرزتك
روفيده:ههها سلمها النصوحه😅
تقريبا فاتت ساعه وهما يهدرزو ويتعرفو وهكي 🌸
قدمت هاله وربيعه كل شي وطبعا كل شي كان فخم وراقي 
اهل علي عجبتهم العيله ونفس الشي اهل روفيده حبو ميس وامها هلبا وكانو متفاهمين ي سلام عليهم
مارن:في عزه الهدرزه مع ناجيه لن وصلها مسج من راكان
هيا نا وجود استحشناك راهو....ضحكت من عيونها...استأذنت من الكل وركبت 
وروفيده وباقي العيله كملو هدرزه لن روحو ضيوفهم
_____________________
معاذ:كان برا في الشارع شارب لن فاقد ويدور بسيارته لن فجاءه وقفت قدامه سياره..ونزل منها شخص ...طققطق ع المرش متعه
معاد:نزل المرش....شن تبي ان شاءالله خير
سامي:فتح الباب وركب من الجنب التاني...انا نسكن ف شارع هدا اكيد سامع بي لقب الباشا
معاذ:بصوت سكران...لا ماعندي شي معاك غير نحبها ونبي نشوفها
سامي:عرفه انه فاقد ع الاخر واستغل الفرصه وبدا يسأل فيه؟؟؟يتبببع!!

رواية العروس المزيفة الحلقة السابعة كاملة بقلم ميلو حسن 

معاذ:واقف برا في الشارع وكان شارب لن فاقد ويدور بسيارته لن فجاءه وقفت قدامه سياره..ونزل منها شخص ...طققطق ع المرش متعه
معاد:نزل المرش....شن تبي ان شاءالله خير
سامي:فتح الباب وركب من الجنب التاني...انا نسكن ف شارع هدا اكيد سامع بي لقب الباشا
معاذ:بصوت سكران...لا ماعندي شي معاك غير نحبها ونبي نشوفها
فهد:عرفه انه فاقد ع الاخر واستغل الفرصه وبدا يسأل فيه؟؟؟

________________________

مارن:كيف طالعه من الدوش لافه الفوطه ع جسمها قعمزت مقابله لمرايا وهيا تبتسم وتذكر في لكلام الي قالهولها راكان حست انه كلام هاله بدا يتحقق❤

راكان:يلعب ف جود وعيونه ع مارن ...شن جو روفيده والعيله لوطه؟
مارن:تقيم في شعرها بهدوء..اءء فرحانين باين نسجمو مع ضيوف
راكان:حط جود في سريره..تمام حلو ربي يكمل ع خير
مارن:إن شاءالله
راكان:اتكا ع سرير...حاولت نرقد مرقدتش وبدا يحك ف عيونه
مارن:سلامتك في شي يوجع فيك؟
راكان:لا بس كتافي مضايقيني شويه ممكن بسبب قلة النوم
مارن:متعبش روحك هلبا حتى لو كان في شغل وانتا مفروض توا رقدت لانه نايض بكري
راكان:تنهد بوجع...ولا يهمك اهو بنحاول نرقد نوضي طفي الضوء
مارن:ناضت ولفت من الجهة التانيه قعمز وله ارقد ع بطنك خليني ندلكك شويه قبل ماترقد
راكان:لا متعبيش روحك حتى انتي مفروض ترقدي
مارن:لا مش جايني نوم خليني ندلكك ع سرير
راكان:موصره يعني؟
مارن:وراسك عبيده هي
راكان:هههه تمام.. سلب تيشرته
مارن:عيونها ع عضلاته وكتافه البارزات
راكان:اتكا ومارن بدت ادلك فيه بكل راحه ❤

_______________________

سامي:روفيده روفيده؟ مزبطهاش معقوله الفرخه الصغيره كبرت
معاذ:بصوت مش مفهوم....تي هي نننفففسسها
سامي:به الدوه الي حكيتها كلها متأكد منها
معاذ:خبط ع دومان السياره...نعججبببكك للووححح
سامي:وكم صوره عندك
معاذ:تي للنننممم
سامي:افتح تلفونك نشوف وامور منضمه مدور شي
معاذ:فتح تلفوونه وسلمه لي سامي
سامي:ربي يستر ع كل بنت حفظ كم صوره في عقله ودار تحديد الكل وتم حدفه
ورجع طبطب ع كتف معاذ رد بالك ع لسانك بس لأنه عيلة ايوب حايعدموك لو طلعت الدوه هادي عليهم ونزل... 🔥

_____________________

راكان:اول ماحس روحه ارتاح خدا النوم بدون مايحس بشي
مارن:لاحضت انه راكان رقد...نزلت من السرير وغطاته وشافت جود خدت منه بوسه وغطاته ورجعت لمكانها ثواني وسرقها النوم لانه ليلة أمس مرقدتش كويس💔

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

ثاني يووم🌞🌞

الحوش مقلوب بي ضجة الفرح والضحك الي معبي الحوش طبعا بحضور كينان واويس ❤🤷‍♀️

كينان:تي خلاص يما اطلقيني الزحح ليك ساعه تحضني فيا
وهيبه:دموع الفرح في عيونها...استحشتك بالله ليا سنتين مشفتكش
اويس:اي ماهو انا جايبتني من دار الرعايه
وهيبه:ليا ساعه نحضن فيك 😏
كينان:وين خويا راكان وله قعد سكران تحت الكوبري في جرت فدوى
كلهم:😂😂😂
كينان:به يماا الزح التيشرت كيف واخده جديد متهنيتش بيه
روفيده:تاخد في بوسات من اويس...درت خدود
اويس:يااااااي ...ماركات مافيش تطورات؟
روفيده:نخطبت😌
اويس:من داعي عليه نسيب منحوس مدام طاح فيك
روفيده:😨
اويس: وينه بويا الزحح عيله متبوش تتغيرو بككل
كينان:حتى خوي راكان خيركم هكي؟ تي مفروض استقبلتونا ف المطار
وهيبه:بوك سكر راسه قال هوا بس بيمشيلكم
ناجيه:ماسكه البخاره وتبخر تاخدكم العين صغار خويا
ايوب:كيف داخل.... وانتم وصلتو انا كيف طالع بنمشيلكم
اويس:يساوي ف شعره...حتى نا حاس بيك
ايوب:حضن كينان وبعده اويس...قعمزو قعمزو
كينان:قرب من امه شن روب لونه وردي متتحشميش خلاص كبرتي
وهيبه:😂...تحشم ع وجهك
اويس:شن ي بوي طرحات وجو شن وصيتك قبل مانسافر باش قتلك اتزوج ع امي
وهيبه:😨 غبر فيكم اول مره نشوف ولاد يكرهو امهم
كينان:لا حبه الاول غير شوفها لابسه روب اغلا منك
اويس:اي ريتها صابغه شعرها تبي تصغر روحها بسيف
كينان:بالله يما قعدا تعزمي في صاحباتك وتتجكترو ع بعض
وهيبه:😂😂
اويس:قعد ف عز شبابك وهيا كبرت نحسابك مداير حاجه مقومه ع عمرك
ايوب:شاد ضحكته.... به تحشم انتا وياه
روفيده وناجيه:😂😂

______________________________

مارن:فتحت عيونها ببطئ....شافت راكان يغير ف حوايجه...نزلت من سرير ...صباح الخير
راكان:صباح النور
مارن:بتطلع قبل ماتفطر؟
راكان:لا بنشوف خوتي وبنطلع عندي خدمه مهمه اليوم
مارن:قصدك وصلو؟
راكان:اي قالبين الحوش بصوتهم
مارن:حمدالله ع سلامتهم...وعلاش منزلتش
راكان:كيف غيرت حوايجي قلت نستناك وننزلو مع بعض
مارن:به انتا اسبقني اكيد مستاحشينك ونا نغير لجود ونزله معاي
راكان:تمام متتأخريش بس...
مارن:ابتسمت...حاضر....وخشت الحمام

____________________________

هاله:ماسكه السفره وتفرق في لعصير
اويس:نخص كينان...هاله كبرت شفتها ولت حلوه
كينان:رشف رسفه من شاهي....احلا من اختك ماركه
توا كان تقولهالها اطلع روحها هيفاء
اويس:اي ماركه حتا هيا
راكان:تي وين وين
كينان:وقف....انتا وين ليكك وحششه بصغارها
اويس:وين مرتك الي حشاهالك بوك وحضنه حاس بيك عارفك متحمل بسيف
راكان :يضحك .....قعدين متغيرتوش
اويس:🤣...غير وينها مرتك
كينان:ضاعت ايام الحب فدوى وراكان الززح
اويس:قصتكم حلوه غير نهايتها حزينه هههه نهايتك كوبري 😂😂
كينان:لا مخلي زبير يروح بها في ليلة العرس فاقد الراجل مش قادر 🤣
روفيده:اللطف اخبارنا كلها عندكم
اويس:شاف لي امه...لا حنا عندنا قناه اسمها وهوبه للأخبار 😂😂
وهيبه:😨😨😨
كلهم:😂😂
مارن:نازله من فوق وماسكه جود
اويس:وهادي من الي ماسكه البيبي
راكان:خلاص انتا وياه تحشم
ناجيه:هادي مارن مرت راكان
مارن:السلام
كلهم:عليكم السلام
راكان:خدا منها جود...سلمي عليهم
مارن:حمدالله ع سلامتكم😊
اويس وكينان:الله يسلمك
مارن:خدت جود من راكان.....وقعمزت
اويس:شكله ف خيانه ف الموضوع
راكان:فنص في اويس بمعنى غير الموضوع
اويس:شاف لي كينان وشافو لي امهم
وهيبه:بنقولكم نسيت
اويس:به سامحتك
راكان:رن تلفونه....نستأذنكم وشاف لي مارن ...انا مرات نتأخر اليوم
مارن:تمام براحتك
راكان:باس جود...ووقف...هيا بسلامه نرجعو ونهدرزو
اويس:اي متنساش بس نبيك ف موضوع مهممم
كينان:مهمممم هلباااا
راكان:طلع وهوا يضحك لانه عارفهم ع شن يلقحو...
اويس:هي انا بنخش ناخد ساعه نوم وله ساعتين لانه في ولاد بيجوني لعشيه
كينان:ونا نفس الشي
وهيبه:باهي ارقدو ارتاحو توا نوضكم ع لغذاء
روفيده:جبتولنا هدايا
اويس:اي لكن انتي لا نحسابك تزوجتي
روفيده:سخييييف😂😂

___________________________

روفيده:شوفي هاله شن رايك ف القفتان هدا؟
مارن:جماله ع نزاكه
روفيده:حلو صح ؟ وصيت عليه بيوصلني غدوه
مارن:تبديه بالهناء حبيبتي
هاله:😳...درتي مقابله انتي باش تحجزي ف القفتان
مارن:🤭
روفيده:😌واضحه حايوافق يعني
هاله:وامتا بيرجعو مره تانيه ؟
روفيده:لن نتصل بيهم انا وغدوه مقابله شرعيه
هاله:كويس
روفيده:نستأذنكم وناضت.
هاله:شكلك تقري في افكاري
مارن:😂😂
روفيده:سخيفه ومشت!
مارن:ارخي روحك معاها
هاله:شويه فها...المهم شن آخر الاخبار
مارن:تعالي نركبو لغرفتي ونحكيلك
هاله:به اركبي رقدي فرخك ونا نشوف لغذاء ونلحقك
مارن:هههه ي هبله ...تمام ❤

________________________

اويس:متكي ع سرير....ههه ماشيه عليهم الكدبه واخيرا اطمنت
كينان:ديما بعمايلك اصلا انسان متشاءم
اويس:😂 لا مش مسخفني حد غير امك الي تبعتلي ف لفلوس ع اساس نقرا ع عمري
كينان:خسيس😂😂
اويس:المهم حاس روحي طلعت من سجن واخيرا بندهور وين مانبي
كينان:وامتا بتبطل صياعتك هادي
اويس:اسكت الليل عندي معاها موعد راجلها عنده عشاء مع صحابه
كينان:ي خامر ي متع المتزوجات خزززي
اويس:هيهيهيهي ويقلد ف صوت امه ولادي كيف مروحين من برا كينان:ماشاءالله شن يقرو؟
اويس:والله الزوز ف طب قولي ماشاءالله العين تاخدهم
كينان:اي ماشاء الله متنسيش بنتي عاد باش تخطبها لي واحد من ولادك
اويس:اي اي خاصة اويس مسكين صرفنا عليه هلبا
كينان:احتمال امك تنجلط لو تسمع انك في ليبيا مسافرتش🤣
اويس:😂

________________________

هاله:قعمزت جنب مارن...شن قعد مرقدش جود؟
مارن:لالا مش عارفه خيره ناشط اليوم فرحان برجعت عمامه
هاله:هههههه المهم شن الاوضاع حسيت ماشيه لوز بينكم
مارن:هه يعني مش تمام التمام لكن الحق متفاهمين
هاله:ربي يدوم التفاهم المهم زي ماوصيتك متكونيش نكديه ديما خليك بشوشه
مارن:أي اكيد مركزه في كل حرف قلتيه اهم شي اركز ع الي جاي
هاله:ايوااه راكان بين يديك اعرفي كيف تكسبيه
مارن:رقصت حواجبها.....ونا نوعدك مش حانخليه يفكر ف غيري
هاله:لا عارفاتك سوسه😂
مارن:لكن الباين صاير مشاكل ف شركه ديما مشغول ومتعصب
هاله:اي اي ربي يكون معاه لانه في ورطه مع عيلة مهدي الباشا
مارن:بصوت حزين...منحبش نشوف راكان زعلان
هاله:طبطت ع وجه مارن...متخافيش راكان قدها المره هادي
مارن:ولامس شفنا فدوى وخطيبها في السوق
هاله:تنهدت ...وشن صار؟
مارن:تحرش فيا من الاول وبعدها راكان ضرب فهد
هاله:واااااو كملي كملي يهبل🙈
مارن:وربي قريب نجلطت لما راكان وقف قدامهم ولاكأنه فدوى تهمه
هاله:اححيه اححيه
مارن:اي بس واضح فدوى نصدمت هلبا
هاله:تملحح المهم تأكدنا انه حبهم بحااااا ي غبو
مارن:عيونها لمعو من الفرحه....هاله مش عارفه الشعور
هاله:ههه شعور شن احكي؟
مارن:في شعور غريب اتجاه راكان ممكن
هاله:اي اي
مارن:نغار عليه وبديت نحس بيه اكتر كأنه هدا هوا شعور الحب صح؟
هاله:🥺
مارن:كيف بتتكلم ..قاطعها صوت جود...هي ماما جيتك حبيبي❤
هاله:انا نازله مارن نحكو مره تانيه
مارن:ماسكه جود وتسكت فيه...اوك

_________________________

في الشركه:-

راكان:كان يراجع في ملفات الشركه ومركز فيهم ميبيش يوقع ع شي الا وهوا متأكد منه
السكرتيره:طقققطق...وخشت..لو سمحت استاذ راكان في شخص طالب يشوفك
راكان:اكيد ياسر قوليله تفضل
سكرتيره:اوك
ياسر:السلام
راكان:نورت الشركه
ياسر:هههه قرب من راكان وحضنه....ليك وحشه
راكان:ونا اكتر والله...المهم شن صار معاك؟
ياسر:اي كلمني محمد بس ولحسن الحظ...وحط الملف ع طاوله
راكان:حصلته؟
ياسر:اكيد هدا الملف فيه كل الاوراق الي تثبت جرايم شركة الباشا كلها!
راكان:فتح الملف وبدا يقرأ فيه علشان يتأكد.

_________________________

ع سفرة لغذاء:-

ايوب:فمه معبي ماكله....وين راكان مروحش لتوا؟
مارن:لا عمي تصلت بيه مردش
ايوب:مسح ع جبهته عارف حايتعب غير أن شاءالله ينحل كل شي
وهيبه:قلبي قعد ع نار مش مطمنه المره هادي
أيوب:الله غالب مافيش شركه حاتدعمنا المره هادي
وهيبه:حسبي الله ونعما وكيل
اويس:رشف رشفه من المشروب...قصدكم شركه بتفلس؟
كينان:غمزله اي بتبدا تصرف عليهم انتا اول ماتفتح عياده
ايوب:شن نجحت وله تهز في راسك
كينان:لا في ماده قعدتله؟
اويس:😨😨
ايوب:مادة شن قعدتله وهوا حسابي ع مصرف مش مخلي فيه قرش
كينان:اسمها رغد
ايوب:بصدمه....رغد؟؟؟
اويس:😨...اي ي بوي خيرك عندنا ماده بالأسم هدا
كينان:😂😂
ايوب:به به وانتا كينان شن صار فيك
كينان:تي لوووز حتى لو فلستو متخافوش الصرف مني
كلهم:😂😂
اويس:وصله مسج....هي انا طالع توا
كينان:خودني معاك استنا ...وطلعو مع بعض!
ايوب:انا الفرخ اويس هدا مش مرتاحله بككل
وهيبه:خيرك ع فرخ اللطف بيبدا دكتور بيرفعلك راسك
ايوب:مدام انتي قلتي هكي والله مصاير منه
كلهم:😂
_________________________

راكان:سكر الملف....يعني انا نقدر ارجع حقوق الشركات كلها الي نصبو علاها
ياسر:ايوواه الملف هدا شريته بنص مليون طبعا
راكان:حلووو جي الوقت الي حاينكشفو فيه
ياسر:اي بس اعرف كيف تتصرف توا
راكان:خليك مطمن انه المره هادي حاتجيهم ع البارد ...وشاف للملف شوفت انتقام 🔥

_________________________

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

ساعه 8:30 بعد المغرب:-

ترن ترن :-

مارن:كيف راكبه لغرفتها سمعت صوت تلفونها....ان شاءالله خير خدت تلفونها.....الو حبيبتي
اروى:مارن انا في ورطه
مارن:ورطة شنو؟ تككلمي
اروى:حسام الحقير طلع خاطب وبدا يهدد فيا
مارن:تنهدت...بشنو هددك الواطي؟
اروى:انه بيكشفك قدام راكان
مارن:قعمزت ع سرير وهيا منهاره....مقابل شنو؟؟
اروى:يبي المزرعه وشقة الي فيها
مارن:حطت يدها ع فمها....حقيييير وشن حاديري توا؟؟
اروى:مم مش عارفه بس اكيد حانعطيه المزرعه علشان يسكت ويريحنا
مارن: شن بتقولي لبابا؟
اروى:به انتي مرتاحه مع زوجك وله تبي تطلقي؟
مارن:انا؟؟؟
اروى:اي لو كان مضايقه خليني انا نتزوج في مكانك ونتحمل
مارن: اءءءء... لا
هاله:مارن حبيبتي❤
مارن:بصوت يرجف...نحكو بعدين بلقيس
اروى:اوك تمام متعطليش عليا
مارن:😊...حاضر...وسكرت الخط
هاله:جبت قهوه محبيتش نشربها بروحي
مارن:اءء...سلمها
هاله:خيرك مارن في شي؟
مارن:تبدلت ملامحها.....لالا عادي

_________________________

كينان:كيف واصل الحوش....السلام
وهيبه:عليكم السلام وين خوك؟
كينان:بسهوه..مع رغد
وهيبه:شن تخررف؟؟
كينان:اءءء....تي مع لولاد
وهيبه:غريبه مخليه بروحه وراجع
كينان:في خاطره شن بنتقاسم انا وياه
تي راسي صداع مليت وهوا ولدك تعرفيه ميحبش يسكت
وهيبه:تبي تتعشا؟
كينان:شن دايرين عشاء؟
روفيده:توا نقول لي هاله اديرلك سندويتش
كينان:او ماي قااد
وهيبه:اكيد فوق مع مارن كلماها تنزل ادير لي كينان حاجه
كينان:ووووه الحكم العثماني متعكم امتا تبطلوه؟
وهيبه:كنونه
كينان:وصله مسج...هاا
وهيبه:شن رايك نخطبلك ميس صاحبت روفيده؟
كينان:عيونه ف المسج....به درع كويس
وهيبه:اي مالا شن صار مصار نلقو لكناين يساعدونا
كينان:مش عارف مني هادي بس شادتها في جرتي
وهيبه:غبرررر فيك منهيا؟
كينان:اسكتي الزح الرساله طويله خلي نقراها
وهيبه:ميس مش حانضيعها من بين يديا
كينان:سكر تلفونه...جعان يما شابع في امها غير اويس
وهيبه:مسكين اويس معنداش حظ في شي
كينان:اي عارفه سامع بيه
وهيبه:😂

______________________

هاله:افففف مازال وراي خدمه طويله عريضه
مارن:تمشط في شعرها...شن في نساعدك من عيوني
هاله:لالا مش لدرجه هادي غير شناطي الباردين يبو ترتيب
مارن:اي عندك حق يبو وقت
هاله:توا بننزل اكيد يبو يتعشو وبعدها بنسهر عليهم
مارن:تمام اول مايرجع راكان توا ننزل ونساعدك فيهم
هاله:لالا مدورنيش توا ارتبهم عادي
مارن:لا والله مصارها خلي الكل يرقدو ونسهرو عليهم مع بعض
هاله:سلمها لحنينه
مارن:ههه طالعتالك ❤
هاله:هي سلام......وطلعت...

__________________________

روفيده:تحكي ع تلفون مع ميس وكان كل شويه يخش عليها رقم غريب مهتمتش ليه وكملت تهدرز....اوك حبيبتي معنديش مشكله....تمام تصبحي ع خير باي
اول ماسكرت الخط وصلها مسج من رقم غريب
اهلين ي حلوه انا سامي الباشا ولد جيرانكم اكيد عرفتيني...
المهم نبي منك طلب صغير الملف الي حايروح بيه خوك راكان الليله نبيه يقعد عندك واليوم حانستلمه منك ولو مسمعتيش كلامي اعتبري صورك منتشره ف كل مكان سلام
😨😨😨😨

مستحيييللللل معاااااذ مستحييييللل الحقير يبي شركتنا تفلس بسببي بنخوووون اهلي وخويا راكان لما يهبببببلللللل في جرتتيييي مسسسسستحيللل😭😭💔💔💔...يحليلي من راكان لما ينتقم مني والخوف سيطررر علاها بدون ما تفهم القصه اصلاا💔

_____________________

مارن:ادوش لي جود وتفكيرها مع راكان الي طالع من صبح لتوا مروحش

غريبه معقوله المشكله كبيره لدرجه هادي؟ يارب ساعد راكان وخليه يتجاوز المشاكل هادي كلها؟

خدت تلفونها بتتصل بي اروى
راكان:فتح الباب وخش
مارن:بعيون يلمعو....واخيرا
راكان:وهوا فرحان اسف اليوم مفضيتش
مارن:لا كنت عارفه انك مشغول
راكان:قعمز جنبها...تعشيتي؟
مارن:لا كنت نستنا فيك ترجع
راكان:حليلي انا جعان ع لحم بطني من لما طلعت
مارن:راكان😏...مسمعتش كلامي صح؟
راكان:شافلها بي حب...لا حجزت في مطعم طاوله البسي بسرعه وخلينا نطلعو
مارن:ابتسمت...بجد؟؟
راكان:والله وحط صبعه ع انفها...نغير ملابسي وانتي نلقاك واتيه
مارن:حست بخجل....ت تمام
راكان:خدا بعضه وخش الحمام
مارن:وقفت قدام الدولاب تبي اطلع احلا لبسه عندها 😍

______________________

روفيده:مقعمزه في دارها وقلبها ع نار مش عارفه كيف تتصرف ..يارب متحطنيش في خيار زي هدا يارب طلعني من القصه هادي
معاذ النذل عرف نقطة ضعفي كيف هكي بس طلع واطي انا شن درت ياربي؟؟؟💔
لن وصلها مسج اخير الي هوا( عندك ساعتين تقدري تنضمي فيهم امورك لانه خوك وصل للحوش توا
اول ماقرت المسج زاد خوفها بكميه كبيره وقلبها بدا يدققق بقوووه رهيبه 💔💔

______________________

راكان:طلع من الحمام...وقبل ما يتكلم جت عيونه ع مارن الي كانت لابسه بلوزه طويله ع حني وسروال سحابي فاتح ووشاح حرايري اسود وشنطه ع اسوط وكانت تهبللل
مارن:لاحضت نضرات راكان لاها...دبلت عيونها زي البيبي
راكان:في داخله ماشاءالله
مارن:ابي ابتسامه....هيا راكان انا واتيه
راكان:قرب منها وجود عند من خليتيه؟
مارن:عند هاله هيا راح تهتم بيه
راكان:تمام ...ونزلو مع بعض!

________________________

هاله:مقعمزه ف صاله تلعب ف جود باين اهلك متفاهمين ع الاخر
كينان:مقعمز ع صالون...نبي نفهم من البنت هادي وكيف جابت رقمي ليبي
في سر وراها لكن لو اتصلت بيا مره تانيه حارد خلاص ونفهم منها هيا من ؟؟

اويس:خش الحوش ووجه مخطوف لونه....س سسلام
كينان:خش خش بوك وامك فوق
اويس:اسكت ي راجل قريب مشيت فها
كينان:غمزله بمعني هاله جنبك
اويس:قعمز جنب كينان حصل عليا راجلها قدام الحوش
كينان:حط يده ع فمه وتنهد...مستحيلل وربي لو تنكشف لما نمشو فها
اويس:لكن كدبت عليه قتله جاي بناخد حوايج اختي صاحبت مرتك
كينان:كدبه واضحه الزززحح دير راي
اويس:زعما نرفع غدوه روفيده ع اساس تعتذر منهم
كينان:تي خيرك مسطول انتا ملقيتش غير روفيده
اويس:مالا من بنرفع معاي؟
كينان:توا حول من قدام وجهي خليني نفكر ف حل
اويس:به انا بنخش نشرب عطشان
كينان:ونا من بكري مقعمز حاسدك الننم نحسابك تعشيت😂
اويس:اي كليتها ع راسي وروحت
كينان:😂

________________________

في المطعم:-

مارن:تشوف للمطعم كان فخم وراقي هلبا ومولعين موسيقى هاديه رومانسيه 😂❤
مارن:...حلو المطعم
راكان:نور لما انتي خشيتي
مارن:وجها حمر..تسلم
راكان:ناخدو كوكتيل شن رايك
مارن:اوك عادي
راكان:كانت نضراته اتجاه مارن غريبه هالمره
مارن:كان قلبها يدق من الفرحه
راكان:مارن نبي نحكي معاك بي موضوع
مارن:مووضوع؟ شنو
راكان:خاص بيك
مارن:احككي😨

_______________________

اويس:خش للمطبخ...قعمز ع طاوله وهوا يفكر
هاله:تشوفله...شن يدير هدا هنايا حتى الواحد بيهدرز ع روحه ميخلوشي😏
اويس:هاله
هاله:انعم
اويس:ترا تعالي قعمزي قدامي شويه
هاله:علاش ان شاءالله خير
اويس:انتي لما حد يقولك سر تعاوديه
هاله:شن السؤال الغريب هدا؟
اويس:اسمعي بنجيك من الاخير
هاله:😳😳
اويس:اوعديني انك تساعديني ومتعاوديش لحد
هاله:وعدد😏

_______________________

مارن:اءءء شن تستنا راكان احكي
لن فجاءه جي القرسون ومعاه تورته لونها ابيض مزينه بالورد الاحمر وصندوق صغير عباره ع هديه❤
مارن:وااااو
راكان:مش هدا موضوعنا وقبل مانقولك التورته هادي لمن نبيك تقوليلي انتي شن داسه عليا
مارن:😨...انااا؟؟

______________________

روفيده:خشت تجري بأنفاس متسارعه وكان الخوف مسيطر علاها
خشت لغرفتها ونهارررررت من لبكاء
سامحني راكان اسفه 💔💔
يتبع؟؟؟



رواية العروس المزيفة الحلقة الثامنة كاملة بقلم ميلو حسن 


روفيده:خشت تجري بأنفاس متسارعه وكان الخوف مسيطر علاها
خشت لغرفتها ونهارررررت من لبكاء
سامحني راكان اسفه 💔💔...وحطت راسها ع سرير وباقي جسمها ع الارض لن سمعت تلفونها يرن حطت يدها ع سرير وبدت ادور عليه بي تعب لن مسكاته وردت
روفيده:بصوت تاعب...الو
سامي:اهلين ي حلوه
روفيده:شن مازال تبي ي حقير
سامي:ههه خيرك زعلانه مصارش شي خطير يعني
روفيده:تاخد ف نفس... احدف رقمي من تلفونك ي تافه مش ناقصني ناس قذره زيك الملف عندك معاش في شي تاخده
سامي:ضحك ببرود....شحط روحه وتكلم بجديه...لا مازال في شي ثاني نبي ناخده منك
روفيده:😭

_________________________

راكان:اي مارن ليش نصدمتي في شي داساته عليا احكي
مارن: نخطف لونها....اءءء
راكان:موصره متبيش تحكي يعني ؟
خلاص حانقولك انا اليوم عيد ميلادك ي غبيه
مارن:شويه وقلبها كان بيوقف
تنهدت بفرح وخدت نفس....اها اي وانتا كيف عرفت؟
راكان:بلقيس اتصلت بيا وقتلي
مارن:تنهدت بصدمه....بلقيس؟؟
راكان:اي.... وحط لهديه قدامها شوفي واعطيني رايك ف الخاتم
مارن:اي اي حلو كلك ذوق والله شكرا راكان
راكان:نزعل منك لو شكرتيني مره تانيه
المهم هيا قصي التورته قبل ساعه 12 لانه بيخش يوم جديد
مارن:ابتسمت....وطفت الشموع وقصت التورته
راكان:عقبال هلبا سنين حلوهه
مارن:قلبها مليان فرح....تسلم يارب❤

كانت لحضات حلوه بينهم كان الاهتمام والاحترام بينهم
لكن كأنه راكان يحاول يبدا علاقه وقويه مع مارن برغم الخدمه وتعب لكن مضيعش فرصة انه يكون مع مارن ع انفراد بسبب عيد ميلادها
كانت حركه حلوه منه ومارن مش عارفه توصف فرحتها ❤

________________________

اويس:وهادي القصه كلها الي صارت معاي
هاله:شويه ثانيه ونحس روحي في فيلم
كيف قدرت تلعب علينا كلنا ؟وبعدين انتا كيف تحب وحده متزوجه ي نسونجي
اويس:ايااااه علينا عاد توا نا جاي نبيك تساعديني وله جاي نسمع ف نصايح
هاله:لا حبيبي الاشكال الي زيك متنفعش معاهم النصايح وناضت
اويس:حط يده ع وجه...قصدي مافيش امل انك تساعديني؟
هاله:بشررررط
اويس:مستحيل نلقا حد ف حياتي يخدم بي بلاش حتى خويا كنان باش يقعد ساكت ياخد ف مصروف ..شن شرطك؟
هاله:رقصت حواجبها ...مش مشكلتي
اويس:به به .....شن طلبك قولي؟
هاله:ترتب معاي حوايجكم لانه نا اكره ماعندي راهو
اويس:به اجليهم اسبوع الجاي ارتبهم معاك
هاله:لااااااعع الليله حبيبي وله نقولك هيا وجهك اسبقني مابين نا كملت لعشاء
اويس:به نايض لكن متنسيش بس غدوه ع ساعه 10 نطلعو
هاله:به وجهكك
اويس:احلا هلوله لصبح 😂

_________________________

روفيده:شنوو؟؟؟ نفسخ خطوبتي؟
سامي:زي مسمعتي وهدا آخر كلام عندي
روفيده:ليش الحقد هدا كله انتا شن دخلك ف حياتي اصلا
سامي:ليك حرية الأختيار الموت أو الفسخ؟
ونستنا ف رسالتك لانه لو كلامي متنفذش كل شي حايكون عند راكان
روفيده:حدفت فونها بقووه ع الحيط
وعرفت انه جابت الدمار لنفسها وعيلتها بسبب صور بعتتهم ف وقت كانت عاشقه شخص تاني
حست بي ضعف والاهانه والذل في الوقت الي اضطرت تتخلا ع كل شي يهمها
خشت ف حومة بكاء طويله مش قادره توقف ع تفكير لملخبط الي وصلتله💔😭

نقطة بس قلبت حياتها كليا 💔

_______________________

راكان:فمه معبي دجاج....شن رايك ف الاكل
مطعمي المفضل ع فكره
مارن:بجدد؟؟ يشهي ويفتح النفس
راكان:اهم شي شبعتي بس؟
مارن:اي الحمدالله
زعما جود راقد توا؟
راكان:جود حسيته ترند عندك
مارن:ههه....تقدر تقول هكي لانه بصراحه نحس فيه قطعه من قلبي
راكان:ههههه....حافضي ع مكاني اهم شي لانه مش مسامحك
مارن:ضحكت ونا عندي مكان في قلبك وله تحب تحتل بس؟
راكان:بادلها نضرات حب...انا حياتي انتي وجود بس
مارن:سكتت ع طول اول ماسمعت الجمله هادي
حست بي انتصار لأنه راكان قدر يطلع من الدائرة السوده
راكان:في شن تفكري ؟ هي جاوبي انا عندي مكان ف قلبك او لا؟
مارن:بعيون يلمعو حب...ونا نفس الشي حياتي كلها راكان وجود وبس
راكان:خاينه نسيتي اهلك؟
مارن:هههههه...انتا وجود عندكم مكانه خاصه في قلبي
راكان:مسح فمه بالفوطه....تمام انا هكي شبعت 😂
مارن:ابتسمت بي حب❤

_________________________

ساعه 12 ونص في ليل:-

هاله:تهز بي جود لأنه مباش يسكت ...اففففف
اويس:يطبق في لحوايج ويحط ف دولاب....مش عارف كيف ترتبو ف امهم شن النفخ هدا
هاله:طبق واسكت حتى انا خاشه معاك ف مداهمه كبيره غدوه
اويس:به وانتي تهددي تقولي ماسكه عليا فيديو وله صوره؟
هاله:تخيل غدوه يجي راجلها وتفضحك وووهه
قداش بنضحك عليك😂
اويس:فال الله ولا فالك بإذن الله غدوه لو رفعتك انتي كل شي يكون تمام التمام
هاله:وعلاش واثق يعني؟
اويس:نا انسان نأمن بالاحاسيس والمشاعر
هاله:غير احلم
اويس:حدف علاها لبخده...شن نحلم متعك هادي؟
هاله:تحقير خلعت البيبي..اسمع انا طالعه برقده وانتا كمل
اويس:هاله
هاله:انعمم
اويس:وليتي طرف ي بنت
هاله:انا من يومي حلوهه ..وطلعت
اويس:اي عارفك حتى انا انجلينا جولي
هاله:شنن قلتتت؟؟
اويس:لا قصدي انجلينا جولي هيا تشبهك
هاله:شاطرر ..كمل كمل وطلعت!😂
اويس:🤦‍♂️...مله حصله شن درت ف روحي بس

______________________

مارن وراكان كيف داخلين الحوش وهما مبتسمين❤
مارن:حليلي شكله العيله كلها راقده؟
راكان:اي الا انتي شادتها تنسريف مع راجلك
مارن:بدلع...لاااا شن بدير لو راجلها يحب المفاجئات
راكان:جبدها لعنده ويشوف لعيونها بنضرات اذوووبب
هاله:احم اححم
مارن:بخجل...هاله؟
هاله:لا شبيهتها 😅
راكان:جود وين ؟
هاله:في غرفتكم مليشي حتى ربع ساعه راقد
مارن:تنهدت براحه ...واخيرا يعني مش حاينوض لصبح
هاله:اي.....لكن تعبني باش رقد
مارن :الله سامحيني هاله تعبتك
هاله:لالا ولا يهمك ...تصبحو ع خير
مارن وراكان:وانتي من اهل الخير...وركبو مع بعض!
هاله:طلعتي مش ساهله ي مارن الراجل اطور وخش ع مفاجئات😂
هي خليني نخش نرقد براحه اليوم

___________________________

روفيده:تحاول ترقد باش تنسا الي صار معاها مش قادره طول الوقت وهيا تتقلب من جهة لي ثانيه ومافيش فايده
الهم والحزن خلاص سيطر علاها كليا وتستنا ف غدوه اول مايسمعو عيلتها شن حايصير فيهم؟؟ 💔

_______________________

كنان:وااااااو شو هاتطورات الي صايره؟
اويس:عيونه حمر وناعس..اسكت بالله فات فيا حكيت لي هاله معاش عندي غيرها
كنان:وهوا مستند ع سرير....طلعت مش ساهله هاله هادي
كمل كمل متنساش ملابسي الداخليه فوق وملابس الطلعه تعلقهم 😂
اويس:يلعنن🔞🔞....ارقد خير مانقول كلمه غلط
كنان:😂...فرد يديه وتاوم خلاص بنرقد انا هي ربي يعاونك ان شاءالله
اويس:😨😨😨
كنان:😂😂😂

_________________________

راكان:كيف طالع من الدوش وشعره شبه مبلول
مارن:مقعمزه قدام لمرايا تمسح في مكياجها
راكان:بكسل...مارن؟
مارن:قلبها دق لما سمعت اسمها...ايوا
راكان:تعالي نبيك ترقدي جنبي
مارن:وجها حمر....فعلا زي ماقالت هاله صار
راكان بدا يتغير تلقائيا معايه وكل يوم للأحسن
راكان:لو متبيش براحتك مارن؟
مارن:اءء...لا ونزلت من الكرسي ورقدت ع سرير
راكان:قرب منها ولف يديه الاتنين علاها وحط عيونه ف عيونها
مارن:نزلت عيونها
راكان:متخافيش اليوم مافيش شي صعب بس نبيك ترقدي ف حضني لانه حاس روحي تعبان
مارن:ضرباته ع وجه وحطت يدها ع شعره...وبتسمتله
راكان:ابتسملها.. .وغمض عيونه زي البيبي
مارن:استمرت تتفرج عليه وتحس بنفسه الي طالع منه
شويه وخدتها الافكار

بلقيس ليش اتصلت بي راكان وفكراته بي عيد ميلادي
غريبه متصلتش بيا ؟ ممكن تكون مفاجئه منها
يالا غدوه نتصل بيها ونفهم شن صار معاها وكيف تصلت بي راكان
❤❤

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

ثاني يوم:-☀️☀️

ساعه 11 ونص :-

ع سفرة لفطور:-

بعد هدوء دام لعشره دقايق

ايوب:اسمع ي فرخ انتا وياه
اويس:انا ؟
وهيبه:اي انتا وخوك في فروخ غيركم يعني
ايوب:دورو شن تخدمو مش قعدين زي النسون ف الحوش
كنان:وين بنخدمو ي بوي بالله
اويس:انا نبي نمسك مكتب ف شركه اقل شي ناخد ع خدمه
كنان:وانا مش ح نخدم لن توصلني الشهاده من برا
ايوب:لالا ميمشيش معاي كلامكم هدا من غدوه تشد انتا وخوك اي مكان ف شركه
وهيبه:قولهم ع الخيار التاني الي قررته امس انا
ايوب:اي عندكم خيار تاني
اويس وكنان:😳😳
ايوب:تتزوجو وامكم هيا الي تختارلكم
اويس:شش شنيي؟؟ ترا احلفف
ايوب:تكدب فيا ي سخيف
اويس:حشاك تي منور الزحح تي غير شن في؟
ايوب:😳
كنان:😂😂
اويس:موافق بدون مقابله شرعيه ديري اي لقطه يما مدابيك الشهر هدا
ايوب:والله ماتتحشم هي خزززي اويس:اقل شي الواحد يتصبح ع ورد صح يما وله؟
وهيبه:اي ولدي توا من غدوه ندورلك بنت حلوه
كنان: اي يما اهم شي املاك بوها بس
وهيبه:😨..مش عارفه امتا بتحترموني بس!
اويس:يما مدخليش بيك من اليوم دوري
وهيبه:خلاص قتلك تم الموضوع
كنان:😂
روفيده:قعمزت بدون ماتكلم حد
اويس:خيره منضرك هكي
كنان:ههه تقولي طالعه من جبانه😂
اويس:هههه لالا غير شوف شعرها ومدايره روحها الطلقه الروسيه
كنان:لا حبيبي هادي ماركات خاصه في صبح شكل وفي ليل شكل
روفيده:ماما سكتي ولادك خيرلهم
وهيبه:تفنص فيهم بعيونها الزوز
اويس:هيا التفنيصه يما ووه ووه😂😂
كنان:يخبط ع راس اويس وشادها ضحك😂🤣
اويس:تشوفي ف بنتك هادي يما نبي عكسها بزبط اكيد فهمتي
روفيده:اففففف...وناضت!
ناجيه:خلاص انتا وياه عاد
اويس:شن عمتي خليفه جارنا معاش جي خطبك؟
ناجيه:😨
وهيبه:اويس سكر فمك
كنان:خساره عمتي والله تزوج وخلاك حبيب القلب😂

________________________

راكان:مقعمز ع كنبه يلبس في ساعته وبيطلع لانه قريب وقت الاجتماع
مارن:ادور ع الملف ...ياربي وين حطيته بس
اخر مره حطيته فوق الرف من حاياخده يعني؟ حليلي ع لمصيبه
راكان:شن ادوري ؟
مارن:ف الملف متعك
راكان:دوري اكيد حاتلقيه
مارن:تت تمام...قلبت عليه الدنيا كلها مش موجود
راكان:تفكري انتي وين حطيتيه اخر مره؟
مارن:حطيته ع رف امس قبل مانطلعو وتوا مهناش
راكان:شن تقولي مارن كيف الملف مهناش؟
مارن:بصوت يرجف....مم مش عارفه لكن والله حطيته هنايا
راكان:فقد اعصابه ووقف قدامها مارن دوري ع الملف بسرعه لأنه الملف هدا متعلق بي حياتنا كلها
مارن:دموع في عيونها
راكان:بصوت عالي....مش وقت بكاء دوري معاي بسرعه
مارن:بدت ادور وهيا خايفه من راكان
راكان:بدا يكسر ف دنيا ع امل يلقا الملف لكن للأسف الملف مش موجود
وجود ناض ع صوت لعياط لكن مارن مستمره ادور بسبب خوفها من راكان
راكان:يدور ف دار زي المجنون...ياربي وين مشا الملف من الي خش هني وخداه
جود:في عيطه وحده
مارن:خخ خنشوف جود
راكان:تنفس بي غل وقرب منها ودفها...انا نازل وانتي تخلقي الملف توا...ونزل
مارن:😭...حليلي شن بيصير توا ؟
عيونها ع جود لن قربت منه وسكتاته

راكان:من الي دخل لغرفتي وخدا الملف
اويس:يشرب في عصير...خيرك وخي شن جاك ع صبح
كنان:صباح النور ...شن في؟
راكان:علامات عصبيه ع وجه..الملف الي بننقذ بيه الشركه مسروق
روفيده:بلعتت ريقها ومقالتش ولا حررف
ايوب:من الي يقدر يخش للقصر والحراس كلهم برا
راكان:مش عارف دورت عليه انا ومارن ملقيناشي من بياخده يعني؟
وهيبه:انتا متأكد انك روحت بيه؟
راكان:خدا بعضه وركب مغلول🔥
هاله:ي حليلي ع مارن اكيد توا تبكي...وشافت لي اويس
اويس:قام يديه 🖐🖐
هاله:تفكرت ساعه10 ....مبردك ورجعت للمطبخ

________________________

مارن:مقعمزه ع سرير تبكي
راكان:ماشي جاي ومش عارف كيف يتصرف
مارن:تشوف لي راكان كيف متعصب وخايفه يدير شي 💔
راكان:رفع تلفونه وتصل بي نائب المدير ..الو تقدر تأجل الاجتماع ساعه 3
نائب المدير:حاضر تمام
راكان:خدا تلفونه ....وقعمز ع سرير يفكر كيف حايتصرف ويحل لمصيبه هادي 💔
مارن:تبككي من الصدمه الي هيا فها ومش قادره تهدأ 💔

______________________

روفيده:خشت لغرفتها وهيا تبككي ونار داخلها غريبه سامحوني انا مفروض نموت ونريحكم مني يحليلي ع راكان الي تعبه كله راح ع فاضي 💔
في لحضه غضب خدت تلفونها وبعتت مسج لي ميس ع انها فسخت كل شي 🔥
وقررت تواجه العيله خدت بعضها وطلعت....

__________________________

مارن:بعد نص ساعه ...مسحت دموعها وخشت للحمام
راكان:قرر خلاص انه يواجه مصيره ويخش ف تحالف وفي نهايه حايخسر او يربح
بس حاتكون مواجها صعبه...خدا نفس وكيف متجه للباب بيطلع
مارن:طلعت من الحمام...راكان
راكان:وقف بدون مايتلفت
مارن:نبي نمشي معاك لشركه
راكان:شافلها بعيون حمر ...خليك مع جود
مارن:لااا انا مستحيل نقدر نقعد دقيقه وانتا طالع بحالتك هادي
راكان:تمام انا ف سياره متتأخريش
مارن:فرحت...تمام
راكان:خدا بعضه ونزل!!!

________________________

روفيده:مقعمزه وتشوف للعيله...نا نبي نحكي معاكم ف موضوع
وهيبه:احككي بالله اليوم يوم اغبر راهو
روفيده:انا كلمت ميس وقلتلها تفسخ
وهيبه:لالا خلاص عيله خشت بعضها اكيد مسحورين
ناجيه:علاش ي بنتي شن في ؟
روفيده:عيونها تعبو دموع...ناضت تجرري
هاله:اللطف شن صاير مع روفيده...ولحقتها
وهيبه:فهموني شن الي صاير فينا
ناجيه:كان يسمع ايوب لما يقتلها

مارن:صباح الخير
وهيبه:من مات؟
مارن:كييف؟
وهيبه:اليوم الاخبار السيئه كلها سمعناها اكيد انتي بتحكي ع حد مات
مارن:لا بعيد الشر...غير نا طالعه مع راكان قولي لي هاله تهتم بيه مابين روحت
وهيبه:به به أن شاءالله تنحل مشكلة الشركه بس
ناجيه:بسلامه بنتي توا نا نقعد مع جود
مارن:سلمك عمتي ..هي سلام...وطلعت!!

___________________________

هاله:فهميني شن صاير معاك؟
روفيده:حضنت هاله وهيا تبكي
هاله:خوفتيني عليك احكي شن في؟
روفيده:تفكرت كلام سامي لما وصاها متحكيش لحد
لاا بس نا مش مرتاحه 💔
هاله:تنهدت...كيييف؟ وانتي كنتي فرحانه بخطوبتك
روفيده:لا انا فكرت كويس وسألت عليه مش مرتاحه قررت معاش نتزوج نهائي
هاله:بسم الله الرحمن الرحيم...شن صاير معاك
روفيده:😭...تعبتت
هاله:تعوذي من الشيطان واقري سورة البقره تطرد الشيطان راهو
روفيده:يارب كون معاي💔

_______________________

راكان ومارن داخلين الشركه والعيون كلها عليهم برغم انه راكان مكانش فرحان لكن كانو ثنائي حلو ❤

راكان:خليك في المكتب متعي لن نطلع
مارن:تمام وانتا هدي اعصابك معاهم ممكن تنحل المشكله
راكان:رمش عيونه..به انتي خشي متطلعيش لن نجي
مارن:بهدوء...حاضر
راكان:سلام...وخدا بعضه ودخل غرفة الاجتماع
مارن:كيف بتخش المكتب
فدوى:اهلا اهلا بي مرت المدير
مارن:تلفتت...اهلين بي مرت فهد باشا
فدوى:ضحكت ع جنب....باين عليك وقعتي في حبه لراكان
مارن:ابتسمت بهدوء....حنا ميهمناش الحب اكتر مايهمنا الاحترام
فدوى:تبدلت ملامحها....نحب نطمنك راكان مستحيل راح يحبك يوم
مارن:هههههههه وعلاش واثقه فيه لدرجه هادي
فدوى:لانه عارفه كويس راكان قعد يحبني
مارن:مسكينه ...راكان صح ممكن محبنيش زي ماحبك زمان بس نحب نطمنك انه مارن حاتكون نقطة بداية حياته النضيفه والحلوه
فدوى:هههه انتي تزوجتي راكان وتحملتي ذنبه يعني انتي تبحثي ع راجل وبس ميهمكش شي
مارن:بكل برود ..شي طبيعي... زيك انتي مثالا ادوري ع شخص أغنى ببساطه لانك جعانه
فدوى:احترمي نفسك لانه حياتك بين يديا
مارن:ههه محدش يقدر ينهيني دام زوجي راكان
فدوى:لالالا متنسيش انه راكان مطاوع لي كلام اهله ويقدر يطلقك ف اي لحضه
مارن:قربت من فدوى....لا حنا حبنا قوي والاتنين نحبو بعض
مش زيكم الوضع يختلف
وحطت يدها ع بلوزة فدوى...انتي خاينه وهوا لا ؟
يعني لو كنتي تحبي راكان صح مكانش لا ايوب ولا غيره يفرقكم☺
فدوى:ع شن تلمحي ي حقيره وقامت يدها بتضرب مارن
مارن:مسكت يدها......الحب الحلو ونضيف والي اساسه صح ميقدرش اي مخلوق يدمره
نصيحه حاولي اطلعينا من راسك وتهتمي بي فهد خير مايكرهك وتخسري الاتنين😅....باي ...وخشت
فدوى:خشت في بعضها والمره هادي تأكدت انه راكان فعلا عنده علم بي كل شي دراته؟؟ خليني نتأكد وبعدين نتصرف معاك ي فرخه مارن😡

___________________________

روفيده:طلعت من الدوش لابسه بيجامه خفيفه ..قعمزت ع سريرها وقلبها ع نار تستنا ف راكان امتا يروح باش تعرف شن صار معاه ؟؟
لن واخيرا سمعت صوت راكان...طلعت تجري تبي تطمن

وهيبه:روووروري...الحمد الله ياربي
مارن:واقفه جنب راكان وتبتسم...واخيرا هم ونزاح
ايوب:احكي كيف صار هكي؟
راكان:سحبو تحالف عارفين رواحهم مش قده
وهيبه: المهم فشلو خير ماصار شي تاني وضاعت الشركه منك
روفيده:ههههه شن صار قصدكم المشكله نحلت
اويس:هادي خيرها ؟
ايوب:به الملف من خداه؟ وكيف مهدي الباشا يسحب ويحط روحه ف اهانه زي هادي فاجئه
راكان: الموضوع في انه برغم نحل لكن قعد مش داخل لراسي
روفيده:😨😨
هاله:وقفت جنب روفيده...نا حفضاتك
انتي وراء كل شي قعد يصير المهم خلي نفضالك ونحكو
روفيده:🙄
ناجيه:مش عارفه لكن رد بالك راكان منهم وتوا مفروض تفتح عيونك كويس
راكان:إن شاءالله خير ...نستأذنكم توا ...وطلع
مارن:هاله جود فوق؟
ناجيه:اي انا حيته في سريره
مارن:شكرا عمتي تعبتك
هاله:قربت من مارن...كاثرع طلعاتك
مارن:ابتسمت....اول مايطلع راكان اركبيلي وخدت بعضها وركبت
هاله:لغذاء طفينا عليه دقايق ويكون ع طاوله
نعيمه:الف مبروك والله فرحتلكم
كلهم:الله يبارك فيك ❤
اويس:🖐🖐
هاله:🥴🥴
اويس:😂

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

ساعه 5 العصر:-

اويس:كيف طالع من غرفته قابله كنان ف صاله ..اسمع اسمع
كنان:منتبه ع تلفون...خيرك؟
اويس:توا كلمتني رغد
كنان:خيرها اطلقت؟
اويس:لاااا لكن قتلي راجلي قعد شاك ف الموضوع وبدا لما يطلع يسكر بالمفتاح
كنان:وهيا خيرها متتحشمش ع وجها وتبطل هالعار
اويس:تي حلوه الزح نا مش قادر شاد روحي من الاخير راهو
كنان:قصدك مازال تبي تمشيلها؟
اويس:لا غير يخشو يرقدو ونطلع انا وهاله وهكي نحولو الشبها
كنان:به كويس ..نوض نوض من جنبي برد علاها
اويس:😳..منهيا الزحح؟
كنان:وحده شادتها ف جرتي لاها فتره
اويس:غير خيرك منضرك زي وحده كيف خاشه ع مراهقه
كنان:اطللللعععع ي خرا
اويس:ناض...كيف داخل المطبخ....اه لقيت الطبطبه
هاله:لقيت قهرتك اطلع امي قريب تنزل
اويس:لا غير كنت بنسألك....مستعده للهروب؟
هاله:شدت ضحكتها....اي فهمنا خلاص
اويس:به خيركم ما فيش حد قابلني في هالحوش
هاله:رغد ساداتك
اويس:😍😍
هاله:نسونججي😏😏

_______________________

روفيده:كيف نحلت القصه بسرعه معقوله سامي هوا السبب
وليش طلب الملف بدون مايأذي شركتنا؟
مستحيل فهد وفدوى حايتنازلو هكي اكيد سامي عنده يد ف القصه
نتصل بيه نتأكد ؟ لالا خيرك روفيده نسيتي انه هوا طلب منك حتى تفسخي وحطني في موقف حقير مع اهلي ومع ميس صاحبتي 💔
مش عارفه لما بنشوف ميس شن حنقولها ؟ اففففففف
المهم عيلتي نجت منهم واكيد علي معنديش فيه نصيب
لكن ربي ياخد حقي منك ي حقير ي سامي ...

_______________

كنان: وقفي وقفي....شن تقولي انتي ؟ كيف معجبه بيا وتحبيني ونا معمريش شفتك؟
🙍‍♀️: لكن انا شايفتك ونحبك وكنت خايفه تطلع مرتبط
وبعد ماسألت عليك وهكي اطمنت انك ليا
كنان:شن تخرفي؟ انتي من
🙍‍♀️:عاديه ليش مكبر الموضوع
اول شي انا نتابع فيك ع انستا وتيلي وحبيتك وقدرت نوصل لرقمك وتوا كتب ربي انه نسمع صوتك ونعترفلك
كنان:انتي حلوه وله شينه؟؟
🙍‍♀️:علاش شن يفرق
كنان:لو حلوه مرات يصير نصيب وين تندري
القلب ومايريد😅
🙍‍♀️:حليلي ع صوت الجميل
كنان:خيرك تتغزلي فيا ؟
🙍‍♀️:تي كيكه زيك علاش متغزلش فيه
كنان:خليني نشوفك فيديو قبل كانا عجبتني عادي نرتبطو وكانا شينه احدفي رقمي هاني نبهتك
🙍‍♀️:لالا حبيبي
كنان:😂...خيرها هادي
ايوب:اححمم احمم
كنان:😨....سكر الخط

__________________________

مارن:لابسه بيجامه ع وردي وكيف داخله لغرفتها...حطت سفرة مشكله من حلو وحار...عارفاتك جعان هيا اقرب
راكان:اي والله جت ف وقتها
مارن:هه هيا كول ومعاش نبيك تفكر في شي
راكان:مارن
مارن:عيونها🥺
راكان:اسف ع الي صار الصبح
مارن:خلاص انسا عندك حق تتعصب لانه شي يهمك
راكان:اوك نبيك تاكلي معاي
مارن:لا نا شبعانه
راكان:يعني قعدا زعلانه مني؟
مارن:ههه لالا
راكان:خلاص يعني بتاكلي معاي
مارن:حاضر
راكان:يشوفلها بكل حب لن تلاقت عيونهم مع بعض
مارن:ابتسمت ...راكان
ركان :عيونه....وقاطعهم صوت تلفون
مارن:خدت فونها...هادي بلقيس ...الو
اروى:اهلين مارن كيف حالك اليوم؟
مارن:كويسه وانتي؟
اروى:بخير..... المهم عطيت لي حسام المزرعه ومتخافيش
مارن:اها اي اي به كويس
اروى:اممممم....وبنقولك خبر تاني
مارن:تشوف لراكان..اءءء ان شاءالله خير
اروى: ...بوك وامك مشو للعمره
مارن:تنهدت...كيف؟؟ بدون مايشوفوني؟
اروى:محبوش يضايقوك لانه انتي عارفه لعيون علينا خاصة الفتره هادي
مارن:وامتا مروحين؟
اروى:بعد أسبوعين
مارن:🥺 ...تمام
اروى:وانا قعدا بروحي في الحوش ع اساس عمتي بتجي بس لتوا متصلتش بيا..
مارن:به شن رايك تجي تقعدي عندي مابين اهلك روحو؟
اروى:لالا مرات نضايقكم او حاجه؟
مارن:لالا بالعكس
اروى:نشوف ونكلمك حبيبتي 😅
مارن:تمام ي قلبي ..سلام توا
اروى:سلام...وتسكر الخط!!
راكان:شن في ليش زعلانه؟
مارن:لا بس ماما وبابا مشا عمره بدون لا يخبروني ولا يتصلو بيا
راكان:حط يده ع يدها...متزعليش اكيد مارين بضروف
مارن:اي 💔
راكان:مارن شن رايك نجهزو غرفة لي جود تكون خاصه بيه
مارن:ليش ؟
راكان:نبي لما نكون قريب منك محدش يقاطعنا
مارن:نزلت عيونها وخدودها بدو حمررر
راكان:شن رايك انتي؟
مارن:لكن هكي لو عيط مش حانسمعه
راكان:عدلت تقعميزته كأنك حنونه زياده؟؟
مارن:شافتله بعيون يلمعو....ربي يخليكم ليا❤

_____________________________

ترن ترن :-
روفيده:اففف.....الوو
سامي:اهلين روفيده
روفيده:تفضل شن تبي ؟
سامي:إن شاءالله تكوني مرتاحه توا؟
روفيده:وانتا شن يهمك بعد ماهددتني
سامي:باين مش حابه تتكلمي معاي؟
روفيده:حست بخوف...اءءء
سامي:المهم نبي نوصلك معلومه مش اكثر
اول شي نا درت الشي الاحسسن للعيلتين وعلشانك انتي بس عرفت نتصرف
بس مش هدا موضوعي الي متصل علشانه
روفيده:كييف؟
سامي:نبي نحكيلك كيف وصلت لي صورك بس
روفيده:😨😨....احكي؟
سامي:اقسم بالله العضيم ثلاث انه معنديش ليك ولا صوره
بس استغليتك في شي هدا وطبعا منعرفش لو فهمتي قصدي او لا؟
وبالنسبه لي صورك الي عند معاد حدفتهم انا منه وهوا يومها كان فاقد وخبرني بكل شي يخصكم
روفيده:وليش طلبت مني نفسخ؟
سامي:لأنه علي محامي حقير وحياته لعب بي بنات الناس
روفيده:وعلاش انا تهمك لدرجه هادي؟
سامي:توا تعرفي مع الايام ...وانا مش ولد حرام باش نلعب بيك
روفيده:سكرت الخط وهيا مكدبه كل شي قاله سامي وحست ف لعبه تانيه منه؟؟

____________________________

ساعه 10 في ليل:-

هاله:طالعه تجري ....فتحت باب السياره وركبت.
اويس:واخيرا وين كنتي لتوا؟
هاله:ريحني خير لانه ماما وبابا توا كيف خشو لغرفتهم
اويس:اهم شي ماحكيتيش لحد بس
هاله:ناقص غير انتا تعطيني درس ف الأخلاق
اويس:ههههعععع...به المهم متفكره لكلام الي حاتقوليه لي رغد
هاله:اي اي متفكره..بس ان شاءالله نوصلو قبل ماحد يحس علينا
اويس:خايفه هاله؟
هاله:مرات يفكرو فينا غلط؟
اويس:لا عيب مستحيل انتي زي اختي ومنرضاش فيك شي
هاله:وقت المصلحه تقول للكلب ي سيدي
اويس:اهم شي عارفه قدرك
هاله:اويسس😡😡😡
اويس:😂😂😂

__________________________

مارن:لابسه روب قصير لونه ابيض وفاتحه شعرها ومش ظايره شي ف وحها الا روج احمر غامق.....وواقفه ترتب في بوفي لن حست بي راكان وراها
وهادي كانت اول مره يتجراء راكان يقرب منها
راكان:حط وجه قريب من رقبتها...حبيبي
مارن:ابتسمت....عيوني
راكان:انا عارف الوقت مش مناسب توا
مارن:ههه بديت تطاول ع فكره؟
راكان:عادي انتي مرتي وحر فيك
مارن:تلفتت وتلاقو عيونهم.....كأنك بديت تضعف راكان؟
راكان:مارن نبيك الليله تكوني ليا
مارن:قربت منه ....بهمس ليش؟
راكان:بصوت هادي....نبي نحول الحب لعششق
مارن:غمضت عيونها وهيا تقول.....عشقت انفاسك راكان
راكان:حضنها بقوووه وكأنه الاتنين استسلمو لبعض ❤

_____________________________________

ترن ترن:-
ايوب:إن شاءالله خير...الو
الشرطي:اهلا سيد أيوب معاي
ايوب:اي تفضل
الشرطي:ولدك اويس ومعاه بنت لقيناهم في حاله حرجه ومقلوبه بيهم السياره
ايوب:تنهد بصدمممه...اويس.؟؟ ..كيييف؟؟
وهيبه:شن في ؟ خيره اويس؟....يتببع❤

رواية العروس المزيفة الحلقة التاسعة كاملة بقلم ميلو حسن 

ترن ترن:-
ايوب:إن شاءالله خير...الو
الشرطي:اهلا سيد أيوب معاي
ايوب:اي تفضل
الشرطي:ولدك اويس ومعاه بنت لقيناهم في حاله حرجه ومقلوبه بيهم السياره
ايوب:تنهد بصدمممه...اويس.؟؟ ..كيييف؟؟
وهيبه:شن في ؟ خيره اويس؟.
ايوب:انزل من سرير بطريقه سريعه....ولدك داير حادث
وهيبه:تنهدت بصدمه....شن صارله؟ حليلي ع وليدي
ايوب:اشش خلينا نطلعو نطمنو عليه مافيش داعي نقولو لحد
وهيبه:وهيا تبكي ...خلينا نحكو لراكان اقل شي
ايوب:لالا متخلعيهمش في عقاب الليل غير نطمنو عليه قبل
وهيبه:تلبس في عبايتها وهيا تبكي يارب عيشلي ولدي يارب
ايوب:طلع يجري ووراه وهيبه💔

____________________

راكان:بعد الانسجام الي كان بينهم🤭 ...استند جنب مارن وهوا ذايب فيها وف ريحتها
مارن:كانو عيونها ذبلنات ومش قادره تقيمهم من التعب حطت راسها ع صدر راكان
راكان:حط يده ع شعرها ...ورقدو مع بعض❤

________________________

ايوب ووهيبه وصلو المصحه وبعد مااستشارو السكرتيره دخلو لغرفة اويس 💔
اويس:كانت يده مجبسه وعلامات الالم ع وجه
ايوب:خش يجري...شن صار معاك ؟ شن تحس توا؟
وهيبه:حليلي عليك كيف درت حادث من خش فيك؟
اويس:حاس بي تعب في رقبته ومش قادر محرك راسه ...هاله شن حالها توا؟
وهيبه:شافت لي ايوب بصدمه...هاله من؟
اويس:هاله بنت عمي حامد ونعيمه الخادمه
وهيبه:خيرها شن دخلها فيك؟
اويس:بصوت متوجع ...كانت معاي ف سياره ؟
ايوب:حط يديه الاتنين ع راسه......وشن وصلها ليك ؟
وهيبه:تي ي فاسد ملقيتش ع من تلعب غير ع هاله يلي زي اختك ي حمار
ايوب:بصوت عالي.. وينها هيا ف اما قسم تكلم
اويس:مش عارف اسأل الممرضه وله دكتور
وهيبه:ي حشمتي قدام نعيمه شن درت فينا بس
اويس:تي خيرك يما مابيني وبينها شي البنت
ايوب:وكيف ركبت معاك ي حمار كييييف؟
اويس:كنت رافعها بتتعرف ع بنت نعرفها
ايوب:توا هدا كلام يخش العقل هوا اما بنت ي صايع وانتا مش مخلي البنوت في حاله
وهيبه:غير خلينا نطمنو علاها بس ان شاءالله مصارلها شي
اويس:دموع في عيونه ..كله مني انا الي كنت نجري بي سياره يارب تكون حالتها احسن من حالتي يارب
وهيبه:اطلع ي ايوب اسأل
ايوب:وتوا كيف بنكلم حامد بنقوله بنتك مع ولدي ودارو حادث فهمني كيف بس؟
اويس:لا بنته محترمه ومتربيه كويس وانا الي شديت فها تمشي معاي
ايوب:بصوت داهش..انا طالع نشوف البنت وردو بالكم تتصلو بحد من الحوش الصبح توا انا نكلم راكان ونفهمه
وهيبه:حاضر حاضر غير اطلع شوف البنت
اويس:حاط يده ع راسه...حليلي شن درت بس بدون مانفكر 💔
وهيبه:شافتله بعتاب....ان شاء الله مايصيرش الي ف راسي بس😏
اويس:شن ي بوي شن صار معاك؟
ايوب:خاش وجه متغير
اويس:احكي ي بوي الزززحح
ايوب:جسديا حالتها كويسه ومافيهاش كسور لكن خشت غيبوبه
اويس:شن يعني حالتها خطيره؟
ايوب:لا قال ممكن من الخلعه تعرضت لغيبوبه قصيره يعني احتمال غدوه تكون واعيه
اويس:إن شاءالله خير 💔💔
ايوب:كيف بنقابل حامد بس 🤦‍♂️

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

ثاني يووم:-🌤

مارن:فتحت عيونها ببطئ...جت عيونها ع راكان وهوا راقد ..سحبت روحها من جنبه بهدوء وكيف بتنزل من سرير
راكان:بدون مايفتح عيونه..مسكها من يدها
مارن:ابتسمت وتلفتت وراها..نضت؟
راكان:حبيبي نايض كيف نخليه بروحه وجبدها ليه...استحشتك
مارن:ههه امتا لحقت ونا جنبك طول الليل
راكان: حاط صبعه ع فمها ...كل ثانيه نستاحش فيك
مارن:بدلع....بلاش كدب ع صبح
راكان:خدا منها بوسه طويله من خدها
مارن:ابتسمت...خنااب😏
راكان:تعلمت الخنبه منك
مارن:😏...ونا شن خديت منك؟
راكان:اممم....هلبا حاجات
مارن:ابتسمت...عرفت راكان مش ناوي ع خير...وخدت بعضها وخشت تجري الحمام
راكان:يشوفلها وهوا يبتسم...وفي لحضه هادي رن تلفون راكان
راكان:فتح الخط....الو
ايوب:انتا ف الحوش وله طلعت؟
راكان:لا قعد شن في؟
ايوب:خوك اويس الصايع داير حادث
راكان:قعمز ...حاددث؟؟
ايوب:اي لكن الهم مش هني الهم في هاله الي كانت معاه
راكان:كييف؟ شن صارلها؟
مارن:طلعت من الحمام....حليلي شن في؟
ايوب:مش عارف المهم خبر بوها وامها والحقونا ع مصحه
راكان:به به أن شاءالله خير
مارن:مارن:شن في ؟
راكان:اويس وهاله دارو حادث وتوا ف المصحه
مارن:تنهدت بصدمه....هاله واويس كيف صار هكي؟
راكان:يلبس في تيشرته...انا نازل نحكي لي اهلها وانتي نضمي امورك وانزلي وراي
مارن:به حاضر لكن كيف بتقولهم؟
راكان: منعرفش المهم يمشو يطمنو علاها توا الي صار صار...وطلع
مارن:نزلو دموعها...حليلي زعما شن صاير فيك ي هاله؟؟💔

________________________

نعيمه:ووووه عليا وووووه شن تقولو يحليلي وطاحت ع الارض
حامد:يخبط ع راسه شن ركبها مع اويس بدون ماتستاذن كيف ادير عمله زي هادي؟؟
ناجيه:اهدي ي نعيمه اكيد حالتها كويسه لو صاير شي كنا سمعنا
نعيمه:حليلي ع بنتي ونا نايضه ندور فها نحسابها مع مارن
راكان:طبطب ع كتف حامد...متقولش هكي انتا هاله بنتك عارفها كويسه وحنا مشفناش منها الا كل خير اكيد ف قصه وحانسمعاها اول مانوصلو المصحه
روفيده وكنان:جاين يجرو...شن في؟؟
ناجيه:اويس وهاله دايرين حادث لكن حالتهم كويسه
روفيده:تنهدت...كييف؟ نااا ونخصها كنان
روفيده:😨
راكان:هيا ي عمي ارفع مرتك واطلعو اقل شي تطمنو علاها
روفيده:عمتي متبكيش اكيد حالتها كويسه
راكان:خدا بعضه وركب فوق..
حامد:طلع وهوا حاط يده ع وجه!
ناجيه:لبست نعيمه عبايتها وطلعت هيا وياها!
كنان:انتي كان بتمشي بري وتي روحك
روفيده:اي اي استناني غير نلبس بس..

لحضات بسيطه والعيله كلها كانت ف المصحه🤷‍♀️

راكان:قعمز ع كرسي....حمدالله ع سلامتك
اويس:الله يسلمك
مارن:سلامتك ماتشوف شر وقعمزت جنب راكان
اويس:عمي حامد جي معاكم ؟؟
كنان:بو نسيب ههعععع
راكان:اي عند هاله قعدين يطمنو علاها
وهيبه:بتحكي شن القصه وله بتخلينا مش فاهمين شي؟
راكان:الولد تاعب وانتي تقوليله احكي القصه
كنان:قتلك فوتها متبيش شوف شن صار توا😂
ايوب:علامات الحزن ع وجه...انا راجع للحوش..وطلع
راكان:فهمني شن الشي الي درته انتا؟
اويس:بوي مكبر الموضوع بروحه والله ما في حاجه غير رفعتها معاي لحوش بنت نعرفها صاير موضوع
راكان:لكلام هدا مش حايفهمه حد وخاصة الناس انتا عارف شن حايقولو ع بنت
روفيده:لكلام حايأثر ع سمعتها لكن انتا لا لانك ولد
مارن:لكن هاله عايشه معاكم يعني زي اختكم ليش بيتكلموا الناس
وهيبه:العالم الي عايشين فيه يستنو فينا ع غلطه بس واشبح توا شن الاشاعات الي طلعت
كنان:عادي يتزوجو وتنحل القصه
وهيبه:هدا الي ناقص غير ناخد خدامه لي ولدي
روفيده:خيرها هاله زين واخلاق وبعدين مش بالفلوس هيا بطلي عادتك هادي
راكان:خلاص سكرو السيره ومافيش داعي اي حد يجبد الموضوع قدام هاله لن بويا يشوف حل
وهيبه:مافيش حل غير الزواج انا بوك ونعرفه
اويس:مش عارف انتم وله انا الي بنتزوج؟
مارن:راكان يديا وجعوني امسك جود شويه
راكان:خدا منها...اصلا خلاص انا وقت عليا بنمشي لشركه
مارن:لا خلينا نشوفو هاله ونطلعو بالمره
راكان:تمام...هي كنان روح بي اويس للحوش
كنان:تمام خود راحتك مدور شي
راكان ومارن:طلعو مع بعض ..

__________________________

روفيده:قربت من اويس...مدورهمش بإذن الله تنحل المشكله وناس بيتكلمو وف نهايه كل حد منهم حايسكر فمه
كنان:ورطت روحك ي راجل مفروض هدا كله مصارش من الاول
اويس:نا وين وانتا وين اطلع من راسي
وهيبه:اسمع ي فرخ لو بوك قلك ضروري تتزوجها أرفض وسكر راسك لانه فتره بس وحايسكتو
كنان:خافي ع بنت زي ماتخافي ع بنتك راهو معاش حد حايتقدملها
اويس:كله مني كله مني انا حمار ورطت البنت معاي
روفيده:اححيه قصدك الموضوع خطير لدرجه هادي؟
وهيبه:هيا بالكم خلونا نطلعو والي بيصير خله يصير باش مره تانيه يدير عقل ف راسه
كنان:😂😂
اويس:زعما شن صاير فها توا؟
كنان:مش عارف اكيد زعلانه ..هيا استند ع يدي خلينا نطلعو
روفيده:مسكت الشنطه....هيا ماما
وهيبه:يارب انهي الموضوع ع خير....وطلعو كلهم..

_______________________

مارن:هاله متبكيش الي صار صار وكلنا عارفينك انتي شنو
هاله:بابا مش قادر يشوفلي متوجع بسببي
مارن:الله غالب انتي مردتيش شي غلط اويس هوا الي طلب منك
هاله:انا حماره مفكرتش في شي مكنتش حاسبه حساب لحد
مارن:اويس حكا القصه كلها وقال انتي مليكش ذنب
هاله:يارتني مسمعت كلامه شن درت انا ياربي؟
مارن: متزعليش روحك ع موضوع صار سيوره حايفوت المهم انتي رجعتي وحالتك كويسه
نعيمه:اهم شي صحتك ي بنتي انا عارفاتك بريئه
هاله:ماما احكي لبابا وفهميه انه نا نضيفه
نعيمه:بوك عارف انك نضيفه لكن الناس هيا الي متعرفش
هاله:حليلي تهورت كيف بابا بيواجه الناس توا
مارن:هاله راكان يستنا فيا قدام الباب واكيد حكا مع بوك وقدر يقنعه وصدقيني ف حل لضجه هادي كلها
هاله:إن شاءالله اهم شي بويا ينسا ويسامحني
مارن:اكيد مسامحك حبيبتي انتي توا البسي عبايتك ووشاحك وخلينا نطلعو وف الحوش نحكو
هاله:هزت براسها...تمام💗

________________________

روفيده:ع مهلك بشويه
اويس:اتكا ع سريره....جيبيلي مياه
كنان:قعمز مقابله...ارقد من امس شكلك بلا نوم
اويس:حط يده ع راسه....البنت ي راجل تطورت ف جرتي
كنان:الله غالب هادي رغد شوف نهايتها كيف؟
اويس:شن الغباء الي عندي بس مكنتش نتوقع يصير معانا هكي
روفيده:من رغد هادي ي مايع؟
اويس:بري بالله من يوم الي بدايتي اختي ونا مسكره قدامي
روفيده:الحق فيا حاسه بيك وواقفه معاك
كنان:اي صح نسخف روفيده مسكينه متحسابش كانت ما تكون هيا ف مكان هاله
اويس:كانا رفعتها هيا راهو توا ف جبانه
روفيده:😨😨...تافهين
كنان:ههههههععععع
اويس:معاش تضحك بالله هيا متزبره من كل شي.
كنان:الله غالب ي خوي هدا الي صار توا تكون مستعد لي اي قرار
اويس:انا نتحمل المسؤوليه عادي المهم هاله متكونش في خطر بسببي
كنان:لووز مدام انتا معندكش اعتراض كول ع راسك
اويس:نبي نشوفها نتأسف منها اقل شي
كنان:حاليا الوقت حرج وانتم عليكم لعيون قعمز وحط عقلك ف راسك
اويس:افففففف...مش فاهم عليا انتا شي
كنان:ههه طلعت حنين مكنتش نعرفك هكي
اويس:البنت بريئه الننمممم كله مني 💔

________________________

مارن:ماسكه هاله وداخلين مع بعض للغرفه
هاله:صحيتي تعبتك معايه
مارن:لا حبيبتي بالعكس ريحي راسك شويه ونا ارقد جود وننزل
هاله:خودي راحتك متفكريش فيا
مارن:اهم شي وقفي تفكير بس
هاله:حاضر حبيبتي
مارن:هي سلام حبيبتي💗

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

جت ساعه 7 المغرب ووهيبه تستقبل ف ضيوف ف صاله وكانت مارن قايمه بالواجب ع اكمل وجه🤷‍♀️

في المطبخ:-

مارن:تجهز ف لعشاء...واخيرا تمينا وبكري
نعيمه:صحيتي ي بنتي والله كانا مش انتي مش عارفه شن درت اليوم
مارن:عيب ي عمتي انا زي بنتك راهو
نعيمه:سلمك والله عارفه وتحكيلي عليك هاله
مارن:ههه سلمها يارب هاله زي اختي بزبط
راكان:مارن انتي هنايا ونا قالب عليك الدنيا
مارن:ههه خليتك راقد محبيتش نوضك
نعيمه:خدت بعضها وطلعت!
راكان:قرب منها...شن الاميره نازله تطبخ للعيله اليوم
مارن:هي بعد راكان مش وقتك
راكان:جي من وراها وحضنها....نحبك
مارن:رااااكان يشوفونا اطللعع
راكان:به ولو شافونا انا راجلك وانتي مرتي
مارن:جبدت روحها منه....مرتك ف غرفة النوم مش ف المطبخ
راكان:يشوفلها بعيون مغروره...بس خليك ع كلمتك في غرفة النوم
مارن:طلعت منها ضحكه...راكان
راكان:مسكها من يداها الاتنين...نحبك لما تتعصبي اصلا
مارن:اطلقني راكان عمتي نعيمه قريب تجي
راكان:فكها....به المهم نا طالع لي بوي يبيني وراجع بناكل جعان
مارن:به....غير اطلع وفكني
راكان:جبدها من شعرها وطلع!
مارن:هههه....سخيف!

________________________

روفيده:كيف طالعه من الدوش....وتغني ...قعمزت ع الكنبه ومسكت تلفونها ...شافت مسج من سامي
اهلين روفيده حمدالله ع سلامة خوك وهاله وان شاءالله هدا حد السو ❤
خداها التفكير هدا ليش شادها ف جرتي هكي ؟ اكيد ناوي ع شي به لو كان هكي ليش مستغلش شركة اهلي ؟؟
فتحت الواتس وحطت رقمه وشافت صورته حاطها شخصيه
ي ويلي معقوله بجمال هدا وداير جو اجرامي
وجه ميدلش ع شر نهائيا...يالا المهم انا مش ح رد عليه وخليني نشوف لشنو يبي يوصل بزبط؟؟
حطت تلفونها ع رف وكملت تمشط ف شعرها❤

_________________________

مارن:ماسكه السفره وداخله لغرفة هاله....حبيبتي نضتي؟
هاله:تتاوم...اي خليني نخش نغسل اطرافي ونجي
مارن:به حبيبتي ..هدا عشاء اكيد مش واكله شي من امس
هاله:شكرا مارن والله تعبتك معاي اليوم
مارن:جربي تقولي هكي تاني وشوفي وجه مارن التاني
هاله:هههه ...وخشت الحمام!

________________________

راكان:كيف ي بوي؟ شن تقول؟
ايوب:هدا انسب حل لانه الناس قعدا تحكي علينا
راكان:ولو هما رافضين شن الحل نغصبوهم يعني؟
ايوب:لا مافيش شي اسمه رافضين هادي الغلطه متعهم وهدا عقابها
حامد:لو هدا الحل انا موافق معنديش مشكله
ايوب:تقدر راكان تحكي لمرتك وهيا تفتح معاها الموضوع
راكان:مش عارف شن نقولكم بس
ايوب:متترددش افتح الموضوع معاهم وخليهم يعرفو انه هما ضروري يتزوجو
حامد:وامتا حايتزوجو؟
ايوب:هما يقررو الموعد المهم يحطو ف راسهم الشي هدا بس

________________________

مارن:تهز بي جود ...هيا جود حالف اتعبني اليوم
راكان:كيف خش الغرفه ومش ع بعضه
مارن:خيرك حبيبي؟
راكان:جي جنبها....بنحكي معاك ف موضوع
مارن:تنهدت...شن صاير احكي؟
راكان:توا كنت مع بويا وعمي حامد
مارن:به خيرهم؟
راكان:قررو ع انه اويس وهاله ضروري يتزوجو
مارن:مستحيل صار زي ماتوقعنا
هاله هكي حاتحس بذنب اكتر
راكان:به شن طالع بيدي ندير هادي غلطه وهكي حاتنحل لانه مافيش حل تاني
مارن:🥺 ....هاله ي راكان كيف حاتتقبل الموضوع
راكان:يمسحلها ف دموعها...اششش متبكيش توا هاله محتجاتك ضروري تكوني قريبه منها وتوقفي معاها
مارن:بصوت هادي...حاضر لكن مش عارفه كيف بننزل وبنحكيلها
راكان:لا انتي صاحبتها وضروري تخليها تتقبل الموضوع لو تبي سلامة العيله
مارن:حح حاضر...خلي جود جنبك انا نازله نحكيلها
راكان:تمام....ومسك جود يلعب فيه
مارن:خدت بعضها ونزلت!

______________________________

كنان:خش يجري...جايبلك خبر يشق السماء والارض
اويس:شن في ي وجه الفقر
كنان:بوك مجتمع مع راكان وعمي حامد
اويس:اي خيرهم؟
كنان:نبي فلوس شن تحسابها سايبه
اويس:به توا نعطيك انبحح
كنان:سيتم قراءة عقد قرانكم قريبا
اويس:شنووو؟؟
كنان:اي وحتى بوها موافق والامور اكتملت ع خير
اويس:ناض ووقف قدام لمرايا...علاش صار هكي معانا بس؟
كنان:معاش في لا رغد لا تغاريد
اويس:خيرك عيللل للنننممم انتا....وبدا يكسر ف كل شي...علاش صار هكي ؟ البنت حاتحس بنقص لانها نحطت ف موقف زي هدا
كنان:اهدا اهدا ..عندك غلم لو تزوجتو حاينسو كل شي
اويس:انا كللبببب كللبببب
كنان:مافيش حل غير هكي عادي تصير ف ارقا العائلات
اويس:اطلعع وراس ربك اطلللع

______________________

روفيده:سمعتي وله؟
ناجيه:اي سمعنا ان شاءالله يصير خير بس
روفيده:عادي مرات غلطه زي هادي تكسبك حياه حلوه
وهيبه:وربي لو مش عيب لما نشد اويس ونعضه بسنوني
روفيده:عادي هاله واويس محضوضين ببعض هاله بنت حلوه واويس طررف وربي يهنيهم
ناجيه:زعما هاله توافق؟
وهيبه:شهقت بهزوه...وعلاش متوافقش وهيا بتتزوج اويس ولدي مكانتش تحلم بيه اصلا
روفيده:شفت مارن خشتلها اشبح شن يصير ؟
ناجيه:زعما العرس توا
روفيده:ع حسب كلام كنان انه بيعلنو عليهم وبتصير خطوبه لكن العرس مازال
ناجيه:اكيد الناس تكلمت بالباطل هدا ليش ايوب قلهم انه مخطوبين
روفيده:يالا نحصلو عرس بالمره وبعدين خويا اويس موافق
ناجيه:هادي غلطه وبيتحمل عقابها
روفيده:اي والله ضروري يصير هكي.

_________________________

هاله:كنت عارفه حايصير هكي..متخافيش عليا
مارن:انتي كويسه هاله صح؟
هاله:ههه اي الاهم العيله تكون بسلام شن يعني لو مخديتش اويس من الأحسن منه الي ح يجي يتقدملي بعد الورطه؟
مارن:لااا متقوليش هكي الشي هدا مش بيدك ولا بيدي اقتنعي انه الشي هدا نصيب وكل بنت ربي داسلها نصيب للوقت المناسب
هاله:كيف حانتزوج شخص كنت نشوف فيه شخص عادي يعني محطيتش ف بالي حايصير هكي
مارن:حبيبتي صدقيني اويس من نصيبك وبعدين اويس شخص كويس
هاله:ومقالوش امتا العرس؟
مارن:لا انتي اي وقت يناسبك فيه المهم انه قالو قدام الناس انكم مخطوبين لبعض
هاله:اممم تمام مفروض حسبت لكل شي قبل مانتورط
مارن:انتي مش زعلانه صح؟
هاله:انا مش مسامحه روحي بس يعني لو اي شخص فرضو انه يتزوجني حانوافق
مارن:تمام حاولي تحولي فكرة انك مذنبه وخلي تفكيرك ايجابي
هاله:حطت يداها ع وجها....شن تبيني ندير يعني كل شي صار فاجئه وغصبا عني
مارن:لكن في فترة خطوبه بينكم ممكن هكي تتفاهمو اكتر ومتنسيش قصتي انا وشوفي الحب والانسجام الي بيني وبين راكان
هاله:لكن حانخليه يندم انه غلط معايه
مارن:ههه هاله اويس مشغول عليك وبيموت كيف حطك ف الموقف هدا
بجد انا شفته كيف كان يرجف ونادم هلبا
هاله:🥺 ...في داخلها...نا معنديش مشكله نتزوجه لكن اويس مش حايبطل عادته
مارن:يالا متفكريش هلبا صدقيني حياتك حاتكون احلا من هكي
هاله:إن شاءالله
مارن:توا نستاذنك لانه راكان يستنا فيا
هاله:تمام تصبحي ع خير
مارن:وانتي من اهل الخير

__________________________

اويس:كنان كنان
كنان:خيرك زي المسطول؟
اويس:مارن طلعت من غرفة هاله
كنان:اي به شن تبيني ندير انقزلها😂
اويس:مش وقت بصاره نوض نادي ع اختك روفيده تقصقص هاله شن رايها ؟
كنان:وعلاش مهتم بي هاله لدرجه هادي ورد بالك تقنعني انك نادم ومذنب ومن لكلام هدا
اويس:اي وشن حايكون غير هكي البنت ساعدتني ونا ورطتها
كنان:اي اي العب غيرها..انتا كل ماتشوفها تقولي حلاوت وانها عاجباتك
اويس:اطلع منها الدسكه هادي البنت صح حلوه لكن مفكرتش فها خايب
كنان:لكن مش معارض انك تاخدها وفرحت هلبا انه هاله حاتكون ليك
اويس:لكن الي يهمني انه هيا موافقه او لا؟
كنان:علاش بترفض هيا مش مرتبطه قبلك وله تحب حد
اويس:يعني تتوقع انه نكونو زي راكان ومارن
كنان:اي متأكد لكن خلي نشوفو هاله شن ردت فعلها
اويس:مستحيل نرقد الليله بدون ما ناخد مانعرف شن صار
كنان:دير رايك...انا بنرقد تنوضني نحشيك في الحيط اهو نبهتك
اويس:ارقد وراس امك ارقد

________________________________

مارن:بخت برفان وتلفتت لي راكان...حبيبي نبي نمشي للكوافيره خاطري نغير لون شعري
راكان:تمام نختار يوم الاسبوع هدا ونطلعو
مارن:رجعت شافت للمرايا....في عرس هاله واويس نبيهم يقولو عليا حلوهه ..وجت جنبه
راكان:مسكلها يدها....نتمنا طول الوقت معاك
مارن:امتا بس حايعرفو انه حنا نحبو بعض
راكان:كل شي واضح من لعيون
مارن:بس نبي دليل قوي ع حبنا(في بالها تبي توصل المعلومه لي فدوى )
راكان:حط عيونه ف عيونها...انا عندي الفكره
مارن:شنهيا؟
راكان:بعيون يلمعو حب...بيبي منك ❤
مارن:لا منفكرش ف الموضوع هدا حاليا
راكان:بحيره...وليش منفكرش فيه شن الغريب فيه؟
مارن:اءءء.....لا بس انتا عارف جود وهكي يعني مازال مش وقته توا
راكان:به جود حايقعد معانا والبيبي الجديد حايغير هلبا حاجات بينا
مارن:لا راكان غير الموضوع وخليني نرقد ف حضنك
راكان:عنيده...رقد ونحطت جنبه مارن ❤
مارن:خشت في حومة تفكير طويله...وعرفت انه علاقتها قعدا تطور ع حساب كدبه كبيره ممكن تهدم كل شي بناته يعني ضروري توا تفكر وتاخد قرار وتنهي الكدبه هادي💔

_______________________

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

ثاني يوم🌤🌤🌤

اويس:خش وسكر الباب وراه
هاله:تنهدت...شن ادير اويس هنايا
اويس:اششش وربي ماقدرت نرقد ونا نفكر فيك
هاله:شن تبي ساد الي وصلتله ف جرتك؟
اويس:هاله لو متبيش تتزوجيني مستعد ندير اي شي ع خاطرك
هاله:اطللععع من قلك رافضه
اويس:قق قصدك موافقه احلفي ترا
هاله:اطلع اويس اطلعع وراسك
اويس:صح انتي مصيبه لكن مصيبه حلوهه
هاله:شن تخرف اطلعع
اويس:هههه مش مصدق واخيرا قلبي بيرتاح
هاله:والله وربي موافقه غير اطلعع قبل مايشوفك حد عندي
اويس:اممم طلعتي تحبيني؟
هاله:اويس وربي لو متطلعش لما نعيط
اويس:خليهم يسمعو باش اليوم يكون عرسنا 😂😂...واطلع يجري
هاله:تنفست براحه...الحقير كأنه عاجبه الجو وفرحان 😏
اي ي عيني بياخد غزاله زيني وعلاش ميفرحش يعني؟؟

___________________________

مارن:تتكلم ع تلفون ....اي اي فهمت عليك تمام
راكان:كيف طالع من دوش ولا بس سروال بس ...وعيونه ع مارن
مارن:سكرت الخط...هادي بلقيس قتلي نجهز ف اغراضي والأيام هادي بتكون هني
راكان:به وشن بتقوليلها ع بيبي؟
مارن:عادي بلقيس متفاهمه وحاتفهم
راكان:تمام...وشن صار امس مع هاله؟
مارن:اي موافقه معندهاش مشكله والباين امورهم بتمشي تمام
راكان:ابتسم يعني معاش نفكرو فيهم
مارن:اي ...وقربت منه..حبيبي حتى اليوم بتطلع للخدمه؟
راكان:اي حبيبي عندي خدمه وضروري نكملها خلال الشهر هدا
مارن:به ربي يعاونك
راكان:خيرك زعلتي؟
مارن:لا بس طول اليوم برا
راكان:صدقيني فتره وتفوت ونكون جنبك لن تملي مني
مارن:محلاه هالسان وهوا يحاول يرضيني
راكان:المهم متنسيش موضوعنا امس
مارن:اما موضوع راكان؟
راكان:البيبي
مارن:قتلك عندنا جود ساد يعني لو نا حملت من بيربي جود ويهتم بيه
راكان:مارن انا نبي بيبي منك انتي ومتحطيش جود عذر لانه جود حانهتمو بيه ف الحالتين
مارن:دقات قلبها بدت تتسارع وفي عقلها تقول مستحيل نحمل منك الا وانتا متقبل عروستك المزيفه
راكان:في شن تفكري مارن ؟ الليله جهزي روحك لانه نا خديت قراري
مارن:اششش..راكان غير ملابسك واطلع مش وقته لكلام هدا
راكان:لا وقته ونا لانه ارتحتلك نبي يكون عندي بيبي منك
مارن:لانك ارتحتلي؟وناضت من جنبه
راكان:اي لانه ارتحتلك نبي نخلي بينا رابط قوي ومهما صار منتفارقوش
مارن:فتحت الروشن....الجو حلو اليوم ع فكره
راكان:حس انه مارن تغير ف الموضوع كان بيكلمها بس صوت تلفونه منعه
مارن:قربت منه وبساته من خده..متتأخرش حبيبي اليوم ...وطلعت
راكان:سكر ع المتصل بي غل....وهوا مش فاهم حركات مارن الغريبه اتجاها ويبي يفسر تصرفاتها مقدرش يفسرهم لانه مافيش سبب مقنع لتوا

لبس حوايجه وباس جود ونزل مشا لخدمته كالعاده🙆‍♀️

____________________________________

هاله:وانتي ليش رافضه؟
مارن:زي ماحكيتلك جود وقعدين ف البدايه وو
هاله:وقفي متبرريش لانه مش جود السبب انا عارفاتك كويس مش هدا السبب الي مانعك
مارن:كيف يعني؟ وشن بيكون
هاله:انتي مش مخبيه شي عليا صح؟
مارن:بلعت ريقها...لا لو في شي كنت حكيتلك
هاله:تصب ف القهوه...يعني خلاص لو انتي تحبي راكان خلي البيبي هدا يجي
مارن:تت تمام ..هاله
هاله:انعم
مارن:لالا ما في شي ...قبل ماننسا بلقيس الايام هادي بتجي تقعد معانا
هاله:بجدد؟؟ فرحتيني يعني بتحضر عرسنا
مارن:رشفت رشفه من القهوه...وانتي امتا حددتي العرس؟🙄
هاله:لا بس بابا قال الأحسن انه يكون الشهر هدا
مارن:اهااا يعني بوك حكا معاك بخصوص الشي هدا
هاله:اي متشوفيش فيا مبسوطه 😅...كلامه وثقته فيا خلوني ناخد قرار
مارن:حلو حلو ان شاءالله نفرحو بيك ع قريب❤
هاله:اي والفرخ اويس بكري كلمني يبي يشوفني هل انا راضيه ام لا؟
مارن:😂...ي روحي عليه
هاله:هههههه وربي مش عارفه كيف بيولي راجلي قعدا مشوشه
مارن:ممكن هكي احلا تعيشي معاه وتزيدي تتعرفي عليه اكتر
هاله:اممم الباين هوا معنداش اعتراض وكأنه ربح جائزة النوبل😂
مارن:ي بخته الي هاله من بخته😉
هاله:هلبا عليه حبي😌

__________________________

روفيده:لا ي جماعه باين انه الضجه وقفت وهاله رايقه وعاجبها الي قعد يصير
ناجيه:وعلاش لا مدام بوها وامها راضين علاها
روفيده:اي ممكن كلامك يكون صح
وهيبه:الشهر هدا العرس شكله
روفيده:مسرع اكيد ولدك اويس هوا صاحب القرار
ناجيه:ههههه اويس المهم يتزوج حتى مطلقه
روفيده:🤣.....شفتي مصيبته حققتله احد امنياته
اويس:عارفكم تقرمو فيا سمعت كلامكم ونا خاش
روفيده: وين كنت ي عريس؟
اويس:خترت غرفة نوم وخديت خاتم لي هاله
روفيده:به حلو ي مذوق انتا
اويس:بنكلم بوها قبل وبنستأذن منه
وهيبه:علاش؟؟
اويس:بنلبسها الخاتم وبنحكو شويه اسرار بين راجل ومرته
روفيده:نيهاهاهاها كولي ع راسك ي ماما هدا غير قعد متزوجهاش🤣
وهيبه:لا اصلا غاسله عليه يديا عارفاته مش متع عشره
روفيده:😂😂

_______________________

كنان:بتفهميني؟؟ وله متبيش؟
🙎‍♀️:ليش يعني ضروري تعرفني ؟
كنان:عادي لو شفتك وصار بينا موضوع
🙎‍♀️:انتا واخد الموضوع بصاره
كنان:لا لكن وحده يعني بتكون وهميه زيك وبتتفلفس عليا ميمشيش معاي
🙎‍♀️:انا نحبك كنان واعتبره حب من طرف واحد
كنان:فهمناها الجمله هادي لكن لو متبيش تعرفيني ع روحك معاش تسمعي صوتي
🙎‍♀️:تمام سلام واليوم الي نقرر نعرفك بنفسي نتصل بيك
كنان:تمام ي حلوه نضمي امورك..وسكر الخط!

_______________________

ترن ترن :-

روفيده:رقم غريب....الو
الموضفه:اهلين اختي
روفيده:اهلا
الموضفه:انتي كلمتيني ع نت وقلتي تبي تشتغلي معاي
روفيده:اي ياريت
الموضفه:تمام حانبعتلك العنوان وغدوه واي يوم تحبي تجي للمكتب ونتفاهمو
روفيده:يعني قبلتوني؟
الموضفه:اي ان شاءالله
روفيده:شكرا حبيبتي وبإذن الله الايام هادي نكون عندكم...تمام سلام !

وهيبه:من يكلم فيك وين بتمشي ان شاءالله؟
روفيده:حصلت خدمه عندهم كانو محتاجين مترجمه
وهيبه:به خدمتي عقلك كانا بوك وافق بري
روفيده:علاش بيرفض؟
وهيبه:كانا نعرف بس شن الي خلاك تفسخي؟
روفيده:😨...قصه ونتهت...وناضت !

_______________________

اويس:يطلع ف حوايجه من الدولاب...اختار معاي اما احلا تيشرت؟الأزرق وله الابيض
كنان:الاحمر...توا الواحد كيف بيتصرف معاها؟
اويس:كناااان ألها معاي خيرك النمم
كنان:خيرك البس اي واحد ي راجل
اويس:به درت عقل وبديت تتعصب وجو
كنان:🤣..لا غير البنت الي حكيتلك علاها قعدا متبيش تعرف بروحها
اويس:حط ف الحضر وريحني من جو الشخصيه المشهوره
كنان:به وانتا وين طالع ع خير؟
اويس:بنهدرز ع هاله جبتلها خاتم
كنان:وووه عايش دور المراهق استأذنت من بوها وله ساعه عشره زي ولامس
اويس:كلمته غير انتا ريح روحك بس

________________________

جت ساعه 9 في ليل وراكان قعد برا مروحش

هاله:شوفي هدا مستور وحلو صح؟
مارن:شارده وتفكر
هاله:مارن معاي انتي؟
مارن:اي اي حلو البسيه
هاله:حليلي ..مش عارفه شن صارلي فاجئه
مارن:مترتبكيش انتي حلوه البسي اي شي بسيط
هاله:اي خلاص بنلبس قفتان هدا والوشاح الموف شن رايك
مارن:محلاه
هاله:حسيتك مشغوله في شي مارن؟
مارن:لالا بالعكس عادي
هاله:مش عليا مارن؟
مارن:لا بس راكان اول مره يتأخر لتوا
هاله:الغايب عذره معاه لحضات وتلقيه هني!
مارن:تمام حبيبتي البسي انتي وبعدين نحكو
هاله:تمام ي قلبي.
مارن:باي...وطلعت.

________________________

اويس:شن رايك ..طالع حلو وله؟
كنان:الي يسمع يقول متشوفش فها وله اول مره تشوفها
تي انتم اربعه وعشرين ساعه قدام بعض
اويس:به سادك من الحسد..وخدا الباكو من ع طاوله...احترق بهدوء
كنان:برا ي فضايح ي عار
اويس:الحسد ↖️↖️

_____________________

مارن:حولت قفتان طويل ولبست قفتان قصير ...وكيف بتقعمز ع سرير
راكان:خاش وماسك باقه ورد طبيعي في يده
مارن:اول ماشافته ناضت حضناته...راكان علاش تأخرت؟
راكان:يبوس فها ع خدها...استحشتك
مارن:مش اكتر مني خوفتني عليك
راكان:بحة صوته متغيره...نبيك الليله جنبي
مارن:شمت ريحت السكير...شن الورد هدا؟
راكان:جبت ورد لورد غلطت يعني؟
مارن:وين كنت ؟
راكان:متخافيش مكنتش بعيد كنت مع محمد بس
مارن:بصوت دلع....به حبيبي نحبكك💗
راكان:حبيبي خلينا نتمو الموضوع توا
مارن:لا راكان علشاني انساه
راكان:يمسح ع شعرها...السبب مارن ؟ انا لحد توا مش فاهم شي
مارن:هكي حبيبي منبيش مسؤوليه تانيه وانتا عارف جود
راكان:مارررن
مارن:حطت صبعها ع شفايفه...وراس حبي فوته
راكان:نفض يديه منها...علااااااش؟
مارن:خيرك راكان؟
راكان:بصوت عالي.....جاوبيني علاش تتهربي مني؟
مارن:بي ارتباك جود راقد ي راكان وطي صوتك
راكان:قرب من بوفي وبدا يكسر ويعيط علاااااااش؟؟ في شن غلطت معاك انا ؟ تكككلممممي
مارن:نزلو دموعها ...راكان علاش تعيط علاش الهرجه ؟؟
راكان:قرب منها ودفها ع حيط....تقدري تفهميني توا
مارن:🥺

_____________________

اويس:ههههه اكيد انا وياك ف حلم
هاله:ههه وليش يعني هادي نهاية اي غلطه؟
اويس:تعرفي اول ما سمعت انك موافقه حمدت ربي انه صار معانا هكي
هاله:لااا مش لدرجه هادي انتا حالتك خطيره ع فكره
اويس:يشوف لملامح وجها وهيا تتكلم.....ي حلوهه
هاله:بخجل....به اويس انتا لما تتزوجني بتقعد تكلم ف رغد؟
اويس:عادي لو تبيني نكلمها معنديش مشكله
هاله:اويس يعني انتا ميفرقش معاك متزوج او لا؟
اويس:ربي يخليلي الي يغار عليا
هاله:مش غيره بس انا منرضاش ناخد شخص نسونجي
اويس:لالا تقدري تخلي الصايع تائب..وتائب من الذنب كما لا ذنب له
هاله:شيخخ 🤣

_______________________

راكان:محاصر مارن بيديه الاتنين...جاااوبيني علاش ساكته؟
مارن:وهيا تبكي..جود يعيط ي راكان خليني نشوفه
راكان:نبي نعرف علاش متبيش جااااااوبي
مارن:بصوت يرعش وكان الخوف مسيطر علاها
راكان:مسكها من رقبتها...جااااوبيني
مارن:دفاته بقووه....وتتكلم بصوت عالي...تبي تعرف علاش ؟ تبي تعرف علاش انا مانعه انه نجيبو بيبي؟...يتبع❤


رواية العروس المزيفة الحلقة العاشرة كاملة بقلم ميلو حسن 

راكان:محاصر مارن بيديه الاتنين...جاااوبيني علاش ساكته؟
مارن:وهيا تبكي..جود يعيط ي راكان خليني نشوفه
راكان:نبي نعرف علاش متبيش جااااااوبي
مارن:بصوت يرعش وكان الخوف مسيطر علاها
راكان:مسكها من رقبتها...جااااوبيني
مارن:دفاته بقووه....وتتكلم بصوت عالي...تبي تعرف علاش ؟ تبي تعرف علاش انا مانعه انه نجيبو بيبي؟
راكان:يشوفلها بعيون يخوفو....منبيش نسمع منك ولا حرف
مارن:انتا ضروري تسمع ويكون عندك علم بكل شي
راكان:لا انا طالع وردي بالك تنطقي حرف واحد
مارن:قربت منه وهيا ترجف مع بعضها...راكان
راكان:شافلها شوفه اخيره وطلعع
مارن:طاحت ع لأرض....كنت لازم تسمعني ي راكان نبي اريحك وتريحني 😭

خلاص ضروري الكدبه هادي تنتهي معاش نقدر نتحمل اكتر من هكي 😭

______________________

هاله:كأنه راكان طلع
اويس:اي هوا شفته ركب سيارته
هاله:فكرت في مارن....زعما مش صاير شي بينهم
اويس:شنو؟؟
هاله:اهاا لالا شي بس ليش طالع في الوقت المتاخر؟
اويس:اكيد في شي مهم....المهم انتي خشي ارقدي لانه الوقت تأخر
هاله:عيونها لمعو....تمام وحتى انتا لانه باين العيله كلها قيد النوم
اويس:😂...اي خاصة كنان حانلقاه قالب الدار بشخيره
هاله:🤭..تمام تصبح ع خير
اويس:وانتي من اهل الخير وزي ماوصيتك المطبخ ممنوع تدخليه
هاله:نحاول 😂
اويس:مسكها من وشاحها...بلاش عناد
هاله:هههه حاضر...ودخلو مع بعض!

_____________________

مارن:تهز بي جود وتتصل بي راكان وهيا مشغوله عليه لانه مردش علاها
ياربي شن الحل للمصيبه هادي؟ لو حكيت الحقيقه شن حايصير ؟
رددد راكان رددد افففففف تعودت تتصل بيه يعطي فيها مقفل.. 💔 هدا الي كان ناقص يعني؟

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

ثاني يوم 🌤🌤🌤

مارن:ماسكه جود وواقفه ف البالكوني تستنا ع امل راكان يرجع ....وتحكي بينها وبين نفسها
وينك لتوا ؟ مستحيل يمشي لشركه بي حوايج الحوش ياريت خليتني نكمل كلامي راكان ممكن توا وصلنا لي حل الي لازم يتحدد
رجعت قعمزت ع سرير وحاولت تتصل وللأسف تلفونه قعد مقفل 💔

_______________________

هاله:كيف داخله لغرفتها....وسكرت الباب
اويس:جي من وراها..اششش متعيطيش
هاله:اويس توا هدا هبال وله صغر؟
اويس:علامات البسمه ع وجه....جاي بنستشيرك قبل مانتصرف من راسي
هاله:في شنو ان شاءالله احكي بسرعه؟
اويس:زواجنا حايكون بعد اسبوعين شن رايك؟
هاله:قعمزت ع سرير ...اويس انا في شي دسيته عليك
اويس:تبدلت ملامحه...زي شنو الشي هدا
هاله:بعلامات جديه...صح انه بوك وبويا متفقين وهكي بس هدا ميدلش ع انه ضروري نتزوج
اويس:اي يعني انتي رافضه
هاله:اكيد رافضه بما انه شخص هادي بالنسبه ليا وضروري نلقو حل للمشكله هادي
اويس:لو الشي هدا يريحك انتي انا مستعد ندير اي شي ادللي
هاله:انتا اكيد تفكر ف رغد ومستحيل تبعد علاها لمجرد انك تزوجت
اويس:اسف هاله بس انا مش خاين ومدام تزوجت حانمشي ف طريق صح
هاله:لالا نا قصدي!
اويس:شنو قصدك هاله احكي ؟؟

_______________________

مارن:في وسط الصاله ماشيه جايه وقلبها مش مريحها
روفيده:اللطف خيرك ليك ساعه ع الوضع هدا؟
مارن:تفكر تحكي لروفيده...اي اي خليني نحكيلها اقل شي نطمن
روفيده؟
روفيده:واخيرا عبرتيني ...شن في فضفضي!
مارن:راكان من امس في ليل لتوا تلفونه مقفل
روفيده:متعاركين؟
مارن:خجلت...اي وامس روح شارب مش ع بعضه .
روفيده:اتصلي بي صاحبه محمد اكيد يعرف مكانه
مارن:لا راكان موصيني مهما صار غير عيلتي متكلميش
روفيده:جت عيونها ع كنان نازل من فوق...خلاص اهو كنان نازل توا نسأله
كنان:صباح الخير
روفيده:كنونه مرت خوك مشغوله ع راكان من امس طلع لتوا مرجعش
كنان:شن هوا بيبي صغير اكيد في شركه
مارن:تلفونه مقفل لو تقدر اتصل بي محمد استفسر منه
كنان:هوا مافيه شي لكن بنتصل باش ترتاحو بس
روفيده:به اتصل وانتا متبطلش قر قر
كنان:حاط يده ع فم روفيده...الو محمد كيف الحال؟
مارن:🥺
كنان:لا غير بنسألك ع راكان ..شفته اليوم؟
اهاا اي اي به لو شفته اتصل بيا
مارن:شن صار ؟
كنان:قال مقابلنيش اليوم لكن طالع بيشوفه ف شقه
مارن:شقة شنو؟
كنان:مش عارف ممكن الي يتلاقو فها صحابه وهكي!
مارن:به اسفه تعبتك معاي..وخدت بعضها وطلعت.
روفيده:مسكينه تحبه من الصبح وهيا تفكر فيه
كنان:حتى انا غير امتا تحبني وحده زي حنيتها وجمالها
روفيده:خوك اويس ف غرفة هاله لا يعرف عادات لا قوانين وشوف النتيجه
اقعد غير انتا اتمنا لن تجي ع راسك ...وناضت
كنان:وربي كلامها حق اويس الصايع طاح ف هاله
شن هاله مش ساهله راهو كبرت وولت بعيصه
اقعد غير انتا وراك شوية وهميات

_____________________

هاله:الحق زي ماقتلك اويس الولد يحبني ونا ضروري نتعاون معاك باش نفوتو الازمه هادي
اويس:هدا كله انتي دايراته ونا نحسابك متعرفيش غير هاله +هاله =حب
هاله:مه ضروري الانسان يكون ثقيل ويحافظ ع اسراره
اويس:ختفت الضحكه وبدت علامات الحزن تطلع ع وجه...يالا توا نستأذنك
هاله:وعلاش زعلت انتا ؟ انا هاله يعني امتا حبتني انتا؟
اويس:شافلها ...لا عادي مزعلتش بس نصدمت مش اكثر
هاله:تخيل لو انا عندي قصه هكي؟😂
اويس:يعني انتي كدابه؟
هاله:هههههه اكيد مافيش شي بيني وبينه وبعدين صح نا منحبكش بس انتا عارف انا منحبش النكد والي لقيته مناسب تقبلته بكل حب
اويس:شفشفه طلعتي مؤلفة قصص
هاله:عادي نبي نشوف ردت فعلك بس عجبتني
اويس:مسكها من يدها....انتي مجنونه رسمي
هاله:احيه نسيت انك ف غرفتي...اطلع اويس
اويس:اعطيني بوسه بس
هاله:ي سخيف وبدت ادفف فيه لن طلعع
ههههه وربي طلعت حاجه ي فرخ اويس🙆‍♀️

___________________

مارن:غطت جود...ورجعت قعمزت ع كنبه وقلبها يغلي لن سمعت طقات ع باب..تنهدت اكيد هوا❤
هاله:ماسكه سفرة وداخله...عارفه الي صاير كله راكان من امس مروحش
مارن:نزلو دموعها...قلبي ع نار ي هاله نبي نسمع حتى صوته بس علشان نطمن
هاله:هوا اكيد تعبان وحاب يقعد بروحه لكن نبي نفهم علاش الضجه هادي كلها؟
مارن:هوا امس روح مش ع بعضه حاولت نشرحله ونفهمه بس مكانش يسمع
هاله:في شنو بتفهميه؟ علشان انك متبيش بيبي بس هوا مسكر راسه يعني انتم هكي مش حاتتفاهمو؟
مارن:حتى لو كان مفروض كان يقدرني بس انا عارفه ليش هوا يدير هكي؟
هاله:علاش؟
مارن:خايف نخونه خايف انه انا خايفه منه ومنحباش يحساب انه انا رفضت علشان منبيش شي قوي يربطنا الخيانه الاوله قعد مأثره فيه
هاله:طبيعي هدا الذنب مش ذنبه وانتي ضروري تتنازلي
مارن:لكن الشي اكبر مني؟
هاله:وقفي مارن انا حاسه في شي صاير ومتبيش تحكي
مارن:تحكي داخلها....نحكي لي هاله ممكن تساعدني هاله مستحيل تخوني
هاله:احكي مارن مرات نلقا حل لي مشكلتك
مارن:انا ي هاله
راكان:فتح الباب وخش
هاله:اءءء...الصبح نحكو مارن تصبحي ع خير
مارن:عيونها ع راكان ومش مصدقه انه رجع
راكان:بدل حوايجه بدون مايحكي معاها وقعمز ع سرير...وطلع تلفونه
مارن:قعدت ساكته...باين اموره تمام خدت الجهاز وشغلت التلفزيون ....زعما يفتح معاي الموضوع مره ثانيه؟
راكان:قعد ساكت ويشوفلها بس
مارن:شكله الليله مش ناوي ع خير
راكان:طلع طرف الدخان من الدرج الي جنبه
مارن:شن حايدير هدا بيدخن وجود راقد جنبه
راكان:انزلي جيبي ولاعه
مارن:بصوت يرعش...لكن الدنيا ليل وجود راقد مش راح يتحمله
راكان:لوح طرف الدخان وناض قرب منها ....انتي امه جود ونا مش بوه وله كيف؟
مارن:مكانش قصدي هكي بس حبيت وقاطعها قبل ماتكمل
راكان:بصوت عالي جاوبيني متقعديش ساكته انا بوه وله انتي؟
مارن:🥺...اءءء
راكان:مسكها من حوايجها....انا عارف مصلحة ولدي اكتر منك
مارن:خخ خيرك راكان شن فيك؟
راكان:ضرب رجله في الكنبه...انا لما نقول شي يتنفذ من جديد
مارن:انصدمت...لانه مافيش شي صار يخليه يتعصب هكي 💔
راكان:نزل يديه...العيشه معاي حاتكون ع كيفي مش ع كيفك انتي فاهمه؟
مارن:عيونها تعبو دموع...دفاته بقووه اصحا ع روحك شن قعد تقول راكان شن درت انا؟
راكان:آخر مره نقولك العيشه معاي مش ع كيفك انتي
مارن:خدت نفس وحاولت تهدأ باش راكان ميتعصبش اكتر
راكان:انزلي جيبي الولاعه بسرعه
مارن:خشت تجري للحمام....تغسل ف وجها وتحاول تهدأ💔

راكان:شش شن درت معاها انا ؟ شن ذنب مارن انا الي تسرعت وتهورت
كان اكبر خوف مسيطر عليه بكميه كبيره ومش عارف كيف يتصرف يعترف او يقعد يعاقب في نفسه بطريقه فش غله في ناس لقريبه منه💔

ثاني يوم🌤🌤

ع سفرة لفطور:-

ايوب:شن وضع اويس وهاله؟
وهيبه:حالهم خير من حالنا كل يوم هدرزه وضحك
ايوب:به ميه ميه هكي اقل شي منضلمهمش
وهيبه:هوا هدا المهم الواحد يتهنا بس
ايوب:وشن وضع راكان ومارن ليهم شهرين متزوجين وما في شي
وهيبه:القسم ع ربي اهم شي هما متفاهمين
ايوب:إن شاءالله خير ...مازال ولدك كنان شوفيله اي وحده الايام هادي
وهيبه:كنت بناخدله ميس لكن بنتك روفيده عفست ف القصه
ايوب:شوفي غيرها البنوت كاثر خير مايقعد ينسرف ويطيح ف بنت حرام
ناجيه:صباح الخير
روفيده:هاي ي عيله
وهيبه:وين ع خير؟
روفيده:لقيت خدمه مرتبه ورافعه معاي عمتي بتشوفها معاي
وهيبه:به به غير ردي بالك بس
روفيده:بابا نبي فلوس علشان الخدمه
ايوب:هههه هما بيعطوك وله انتي بتعطيهم؟
روفيده:😏😏
ايوب:ههههه...فلوسي عند امك كم تبي تعطيك
روفيده:ماما 🙂🙂

_____________________

مارن:طول الليل مرقدتش قعدت مقعمزه ع كنبه وبس
وراكان نفس الشي مقعمز ف البالكوني وشادها دخان طرف وراء طررف وكأنه ياخد في مسكن لجرح عميق
قعدت طول الليل ونا نحاول نفهم شن الي غير راكان هكي هلبا اسئله نطرحت ف عقلي بس ملقيتش اجابه لن سرقني النوم💔

_____________________

راكان:خلص تشطيباته الاخيره...وخدا تلفونه وجي بيطلع وصل لقدام الباب وتلفت شاف لي مارن وكأنه النار الي داخله زادت
تفكر ليلة البارح الي كان فاقد فها لكن مش مذكر شي ...تنهد وطلع من الدار وحاس انه حايخسر مارن💔

______________________

وهيبه:الفرخ كنان وين ؟
اويس:قولي ي اويس وين كنان علاش السؤال غير مباشر
وهيبه:به جاوب هي
اويس:من امس المغرب طلع وقالي يحتلفو بحفلة العزوبيه ومروح
وهيبه:مسكين حاضر الف حفله لصحابه قعد غير هوا
اويس:خيرك حاسداته ولدك صغير توا يتزوج
وهيبه:شكله بيصير زي ما قال بوك بيطيح ف بنت حرام
اويس:انا عرسي بعد اسبوعين كانا ناوين تزوجوه معاي من ليوم شوفيله
وهيبه:شهقت اسبوعين قهرتك وخيبتك
اويس:بوي موافق انتي نضمي امورك وطلع
هاله:🙂🙂
وهيبه:شن ي كنتي متقدريش تدخلي؟
هاله:🙂
وهيبه:حتى نا فاضيه نشهد ف حارة ليهود

______________________

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

روفيده:تشوف لروحها ف لمرايا...واااو طالعه غزاله
صار ي مدير تبي تتعرف عليا قبل مانخدم
خلاص اليوم ورينا لو تقدر ترفض قمر زيني
ناجيه:طقت ع باب..وخشت..هيا وقت مش ديري زي امس لقينا المدير مروح
روفيده:راسي وراسه هالمدير...هي جيتك

______________________

محمد:شن تقول انتا متأكد انك مصارش بينك وبينها شي
راكان:حاط يدها ع راسه...حماااار انا حمااااار
محمد:تي متقولش هكي ي راجل غير حاول تذكر شن صار معاك؟
راكان:تي مقدرتش نذكر شي لكن حاس انه مغلطش
محمد:خش خود دوش واشرب قهوه مرات توصل لحل
راكان:تم تم انا دايخ ومش عارف كيف نتصرف
محمد:لو في حاجه حاتبان متخافش
راكان:شن وضع الشركه
محمد:جهز لوراق الي قتلك عليهم بس يبيهم المحامي ضروري
راكان:تمام تمام...وسكر الخط

______________________

روفيده:خير امه يتمهتك علينا هدا؟؟
ناجيه:وين نعرف علمي علمك
الموضفه:تفضلي روفيده المدير طالبك
روفيده:واخيرا تحشم ع وجه
الموضفه:شهقتت
روفيده :ارجعي لخدمتك مالك ومالي؟...وخشت...السلام
سامي:ابتسم...تفضلي
روفيده:هوا انتا ؟ وجايه بتطلع
سامي:وقف...اصبري متطلعيش
روفيده:كنت عارف بيا صح شن لبراده هادي؟
سامي:قرب منها ...انا مش حانضايقك وانتي زي اي موضفه عندي
روفيده:تمام..وشن تبي مني؟
سامي:حبيت نعرفك بنفسي قبل ماتبدي خدمه....شن رايك؟
روفيده:قلبت عيونها
..درت معروف والله اقل شي الواحد ياخد احتياطه منك
سامي:اوك تقدري تبدي خدمه..ورجع لمكتبه
روفيده:تحكي داخلها....هدا انسان وله كيكه؟
سامي:☺...مكتب في الممر الثاني
روفيده:😁...شكرا ...وطلعت!

_____________________

ساعه 9 في ليل:-

مارن:قعمزت وراسها بين يداها...لي امتا هكي ضروري راكان يفهم كل شي
لكن لو راكان متقبلنيش ولا العيله تقبلتني ف الحاله هادي حانخسر جود💔
لكن لو محكيتش حاتخسري راكان ..كوني متأكده انه كل ماطاولت المده انتي هني حاضر هي راكان من بين يديك💔💔

ترن ترن:-
مارن:فتحت الخط...الو
اروى:اهلين مارن انا واقفه بيا سياره وطرق كلها معبيا مياه
مارن:شهقت وين واقفه
اروى:عادي تكلمي راكان يجيني قوليله ف محطه(&&&&)
مارن:به حاضر غير ردي بالك ع روحك مابين وصلك
اروى:تمام هي
راكان:طق ع باب طقتين بخفه...وخش
مارن:راكان فاضي توا؟
راكان:يفتح ف الخزنه....شن في؟
مارن:بلقيس واقفه بها سيارتها في المحطه الي في بداية المنطقه
راكان:به
مارن:اي ماهو جايه بتقعد عندي
راكان:قوليله عشره دقايق ويكون عندك
مارن:تت تمام
راكان:خدا شوية اوراق وطلع!

________________________

هاله:لابسه برموده ع وردي..... وين وين ع خير؟
اويس:طالع لولاد يهدرزو في شارع شويه وراجعلك
هاله:بلا مهتكه وين بترجع ان شاءالله
اويس:هيهيهي...به ي جافه ي نكد باي
هاله:انا طالعه بنشوف خزان لمياه وبنرجع نرقد بجد تعبت اليوم
اويس:به ...نحكو بعدين ع تلفون
هاله:برا برا بابا توا وقت ينزل
اويس:خدا بوسه من خدها...وطلع
هاله:سخييفف ميقدرش يتحكم في نفسه مستحيل ..

____________________________

اروى:شكرا راكان تعبتك معاي
راكان:العفو....انتي خشي انا توا ندخل الشناطي
اروى:لا هلبا عليك توا نساعدك
راكان:لالا ولا يهمك خشي لانه مارن تستنا فيك
اروى:😅...تمام ...وخدت بعضها ومشت!
راكان:مسك شناطي...وخش وراها!

_______________________

مارن:ي قلبي قعمزي ارتاحي
اروى:لا بنغير حوايجي قبل شوفي حالتي
مارن:اي تمام خشي للحمام مابين جهزتلك غرفتك
اروى:به ...خدت حوايجها وخشت للحمام

______________________

كنان:راجع للحوش ويفكر...مش عارف وين كان عقلي لما صدقتها وخديت رايها
كيف بطلع روحك من هالورطه توا ؟
ضروري نحكي لي اويس كل شي صار قبل ما ننفضح ....الننننم مش وقته الموضوع بككل ...وجي خاش الحوش
وهيبه:وين وين من امس ي مضحكه؟
كنان:تنهد...خيرك خلعتيني..بويا وين؟
وهيبه:علاش تسأل؟
كنان:وطي صوتك توا بينزل معاش يفكني من أسئلته
وهيبه:اي مه حاسب بوك انتا وله تخاف منه مصحك خليقتك وخلاص
كنان:ووووه وووه الواحد قريب بيغير جنسيته مره وحده
روفيده:ماسكه التلفون ودايره دوره في صفحة سامي ع فيس ....خلي صغارك ف حالهم ي ماما
وهيبه:ألهي في خربتك واسكتي
مارن:مداير روحه شخصيه ..حتى انتي متعبريشي غير انه مدير عادي متحسبيشي اهو نبهتك
وهيبه:فرررخه روفيده
روفيده:هاااها
وهيبه:نوضي شوفي نعيمه شن صار فها في لعشاء
روفيده:لاااع ي ماما من امتا نا نخش المطبخ انا منعرفش حتى وين حاطين الثلاجه
وهيبه:اسكتي دسي عارك..مرت خوك نازله معاها بلقيس
روفيده:ريتي حتى الخدم يلبسو زيني بدو
وهيبه:اكيد مارن تعطي فها و تختارلها في لبس
روفيده:صدقتي مارن خلتلهم رزق وجت عندنا
مارن:اهلين
بلقيس:سلمت ع وهيبه...كيف حالك عمتي؟
وهيبه:الحمد الله كيف حالك انتي؟
روفيده:اهلين نورتي ☺
بلقيس:سلمك حبيبتي ❤

__________________________

راكان:رجع لداره...واتكا ع سريره
وهوا يحاول يذكر ...قاطع تفكيره صوت التلفون
راكان:فتح الخط...الو
المحقق:اهلين سيد راكان ...معاك المحقق الياس
راكان:اهلين اهلين....تفضل
المحقق:انتا امس في ليل كنت شارب وضارب بنت
راكان:تنهد...كيييف؟
المحقق:تعالا للمركز وافهم القصه
راكان:تت تمام تمام ....نزل من سرير خدا جاكيته وطلع يجري
يبي يريح ضميره ويعرف شن الي صار معاه ومن البنت هادي ؟؟

________________________

هاله:تنهدت بتعب...واخيرا ركبته...خدت وشاحها لبساته..وكيف جايه بترجع للحوش
في يد نحطت ع فمها وبدت تجررر فهاا وفي ثواني فقدت الوعي 💔

________________________

مارن:وين طلع زعما ؟ وعلاش نازل يجري
كنت شاكه في شي صاير معاه غير مشكلتي انا ؟ يارب سترك ان شاءالله مايكونش شي خطير
بلقيس:وين تفكري مارن كولي بيرفعو السفره
مارن:بلعت ريقها...لالا نستنا ف هاله
نعيمه:اكيد حاصله ف الخزان البرا
روفيده:خويا كنان هنايا ي عمتي باش ترفعيله عشاه
نعيمه:كلمته قال منبيش
روفيده:واويس وين طلع زعما؟ الجو برا صقع ومطر مش وقت طلوع
وهيبه:جاه اتصال هدا ليش طلع شكله ولاد يبوه
روفيده:سلامتهم...هي صحتين انا خاشه بنكمل خدمه
كلهم:سلمك ❤

_________________________

كنان:واقف قدام لمرايا .....به يعني انتي باعته امها ليا
🙎‍♀️:اي انا بعتها
كنان:وليش كدبت عليا وقالت انه هيا نفسك انتي
🙎‍♀️:هادي اسرار خدمتنا وفي الاخير طلعت حفيف ودرت كل شي نبيه
كنان:تبي تريحي روحك وتبعدي عليا وله يصير كلام تاني
🙎‍♀️:بعد شنو؟ توا معاش عندك وجه تهدد صورك عندي ح
هههههه تخيل كنان ايوب يقضي اغلب وقته مع بنات ليل وطبعا مش حايكون لكلام خالي من تناول لحبوب والمخدرات
كنان:حدف تلفونه بي غل...هادي اكيد بلغتها ليا واحد من أعداء راكان
يخبط ع راسه كان ناقص غير انا بس علاش تسرعت بس ووفشش كل غله في لمرايا وجابها ع الارض متكسرره💔

_______________________________

هاله:فتحت عيونها بووجع ولقت روحها طايحه بين الدرج والحيط ...بدت تقيم ف روحها بصعوبه وحست بألم واذكرت شن صار معاها

اويس:هاله وينك انتي هني؟
هاله:تمشي وهيا حاسه بألم....لن سمعت صوت اويس
اويس:هاله لو انتي هني ردي عليا لانه العيله مشغولين بلا هبال
هاله:بصوت متوجع....اووويسسس
اويس:واخيرا وين كنتي ؟
هاله:طاحت ع الارض...وعيونها شبه مسكرات...ارفعني المصحه ومتحكيش لحد
اويس:💔....يتبببع!!


رواية العروس المزيفة الحلقة الحادية عشر كاملة بقلم ميلو حسن 


الحلقة قيد الرفع على الموقع الآن 
عاود زيارتنا بعد قليل لقراءتها
اكتب في جوجل ( مدونة يوتوبيا ) أو ( رواية العروس المزيفة مدونة يوتوبيا ) 
وستجد الرواية كاملة داخل الموقع.
هل اعجبك الموضوع :

تعليقات

تعليق واحد
إرسال تعليق

إرسال تعليق

لو عايز أي رواية pdf .. أو لو عايزنا نعرفك لما الرواية إللي بتتابعها ينزل منها حلقة جديدة، انضم لقناتنا على التيجرام: من هنا 
ما هو الفصل الذي تود قراءته؟