القائمة الرئيسية

الصفحات

رواية عشق خالد كاملة بقلم كريمان جلال

 رواية عشق خالد كاملة بقلم كريمان جلال 

 رواية عشق خالد كاملة

 رواية عشق خالد كاملة بقلم كريمان جلال - مدونة يوتوبيا

 رواية عشق خالد الجزء الأول بقلم كريمان جلال




خالد :اه يا زباله كان لازم اعرف انك كده هاستنى ايه من تربيه البواب ما انتى لازم تكوني كده
ندى :اسمعني يا خالد انا ما عملتش حاجه
خالد: ما عملتيش حاجه امال اللي انا شفته ده ايه
ندى: يا خالد
خالد :اخرسي مش عايزه اسمعك خالص وقلع حزامه وفضل يضرب فيها لحد ما وقعت من طولها وسابها ومشي
عند اسر ومحمد كانوا قاعدين سوا تليفون اسر رن
اسر اخو خالد
اسر:دي ندى
محمد :غريبه وما اتصلتش بخالد ليه محمد ابن خالتهم وزميل خالد
ندى:٠•••••••••
اسر :انتى بتقولي ايه انتى فين بسرعه
اسر :بسرعه يا محمد نلحق ندى
محمد :مالها ي اسر تعال هنفهم بعدين
في المستشفى
اسر ومحمد فى نفس واحد طمني يا دكتور
الدكتور :للاسف الدكتوره تعرضت لضرب وحشي وتقريبا واخذه مخدر هي حاليا مش حاسه باي حاجه
اسر: عاوز اتاكد هي واخذه مخدر ولا لا
الدكتور: نحللها ونشوف
اسر :متشكر
محمد :تفتكر ايه اللي حصل وبعدين افتكر وندى ما كلمتش خالد ليه
اسر: مش عارف ندى وهي بتكلمني قالت ببلاش خالد لهجتها كانت غريبه
ياترى ايه إللى حصل وندى مظلومه ولا لا والدكتور هيلاقى التحاليل فيها ايه
اتمنى اعرف رايكم بالسلب أو الايجاب واكمل ولا لا
يتبع..

 رواية عشق خالد الجزء الثاني بقلم كريمان جلال


عند خالد قاعد في عربيته افتكر ندى واللي عملوا فيها
وسال نفسه لسه بتفكر فيها
قلبه: بحبها
عقله: بتحب ايه دي خانتك دي واحده و•••
خالد صرخ بكل قوته وراح على البيت لقى مامته وباباه قاعدين
زينب والده خالد: ندى فين يا خالد
خالد :ما اعرفش
عادل :ازاي ما تعرفش خطيبتك فين
خالد انفعل وعلى صوته وقاله ما اعرفش مش عاوز اسمع عنها حاجه زي دي واحده رخيصه ووس••••
عادل: اخرس قطع لسانك ندى متربيه غصب عنك حصل ايه عشان تقول كده
هنا جاء اسر ودخل وخالد سبهم ومشي
اسر بابا عاوزك في شغل في المكتب
عادل: في ايه اسر حكى لي كل اللي حصل من اول مكالمه ندى
عادل :وهي فين
اسر ؟في المستشفى مع محمد وريم صاحبتها
عادل :الدكتور قال انها واخذه مخدر بنسبه كبيره
تليفون اسر رن وكان محمد
اسر: فاقت الحمد لله بس ايه
محمد :اسر بتقول ايه ازاي طب انا جاي حالا
اسر :بابا ندى فاقت و فقده النطق
عادل :لا حول ولا قوه الا بالله انا جاي معاك يا ابني يلا بينا وصلوا المستشفى وعادل دخل للدكتور واستفسر عن كل حاجه بخصوص حاله ندى عادل دخل ندى واطمن عليها
عادل: ندى يا بنتي لازم تكوني اقوى من كده عشان تجيبى حقك من اللي ظلمك حتى لو كان ابني حطى ايدك في ايدينا عشان نقدر نجيب حقك ارجوكى فوقي واتكلمي لازم تتكلمي ندى عيطت كثير وعادل اخذها في حضنه وقال لها لا يمكن تعملي كده انا متاكد تربيه محمد لا يمكن تغلط فوقي احكي لي وهاجيب لك حقك
في بيت خالد
عادل حكى لزينب كل اللي حصل لي ندى و انهم اتفقوا انها تقعد عند اخت زينب
زينب: لا حول ولا قوه الا بالله دي ما لهاش حد ليه كده يا ابني طب كان سمع منها
عادل :للاسف ابنك ساعتها كان معمى مش شايف قدامه زينب :عشان بيحبها
عادل ابتسم بيتهكم :اشك انه بيحبها كان على الاقل سمعها خالد دخل وقال لهم انا عاوز كم في موضوع مهم
عادل و زينب: خير
خالد: انا قررت اتجوز
يتبع..

 رواية عشق خالد الجزء الثالث بقلم كريمان جلال


مر يومين على الاحداث دي
محمد: انت بتقول ايه يا اسر هيتجوز مين
اسر: اسيل بنت عمي
محمد :لا ده كده اتجنن رسمي
اسر :مش عارف اعمل ايه
محمد :ندى مش لازم تعرف
ندى كانت سمعاهم من البدايه وقررت تدخل ندى ليه ما اعرفش ده انا حتى هاروح وابارك له
محمد واسر :ندى انتى اتكلمتى
اسر: انت بتقولي ايه تروحي فين
ندى :اللي سمعته هاروح وبارك له خالد ليه معايا امانه ولازم ارد هاله
محمد واسر كانوا هيعترضوا
ندى: سيبكم من كل ده هتسعدونى
اسر: احكي-يا ندى كل اللي حصل
عند خالد
زينب: يا ابني ايه اللي حصل ده انت كنت بتعشق ندى
خالد: قولت مش عايز اسمع اسمها
زينب : طب احكيلي ليه يا ابني ايه اللي حصل
خالد : دي واحده وسخه شفتها معاه في السرير بقميص النوم
زينب :مش يمكن مظلومه اسمعها
خالد: بقولك شايفها شايفها وسبها وخرج
عند ندى
ندى :فاطمه عامله البوفيه في المستشفى كلمتني وقالت لي انا والدتها تعبانه وانها عاوزاني اروح اشوفها وفعلا رحت وبعد ما كشفت على والدتها قدمت لي عصير وبعدها ما حسيتش بحاجه ولما فوقت لقيت خالد قدامي والولد ده جنبي والباقي انتوا عارفينه
ندى كانت بتحكي وبتعيط ليان اخذتها في حضنها
ليان اخت محمد :اهدى يا ندى ابيه واسر اكيد هيجيبوا حقك سعاد : وليه يا بنتي تعمل كده
ندى: مش عارفه
اسر :اكيد وراها حد
محمد :لازم نبدا من المستشفى و من عند فاطمه دي
اسر: دي لو كانت موجوده
فى بيت خالد
اسر حكى كل حاجه لزينب وعادل
اسر: ندى مش عاوزه خالد يعرف اي حاجه
عادل :ندى صح خالد مش لازم يعرف
زينب: يعني هنسيبه يغرق ويتجوز اسيل
عادل :هو مش صغير ولو قلت له حاجه اعتبر اللي بيننا انتهى ابنك لازم يتربى
يتبع..

 رواية عشق خالد الجزء الرابع بقلم كريمان جلال


عدي اسبوع واسر ومحمد قدروا يوصلوا لكل حاجه وصلوا لفاطمه اللي كانت راحت بلدهم
اسر: انت يا بت عملتى كده ليه في الدكتوره ندى وفين الولد اللي كان معاكى
فاطمه: ما عملتش حاجه مش عارفه انتم بتتكلموا عن ايه اسر :عارفه لو ما تكلمتيش هاجيب لك واحد يعمل معاكى زي ما كنتى عاوزه تعملي فيها يا روح امك
فاطمه :لا يا باشا هاقول لك
اسر: انطقي
فاطمه :اسيل هانم هي اللي طلبت مني كده
اسر :اسيل مين
فاطمه: هي قالت لي انها بنت عم خطبها
اسر: والولد اللي معاكى هي اللي كانت جايباه تعرفي عنه حاجه
فاطمه ايوه قالت لي انه بيشتغل في ديسكو٠••••
ثاني يوم في قاعه كتب الكتاب بره القاعه وصلت ندى ومحمد وليان وسعاد
اسر: برده جيتى يا ندى
ندى: ما تخافش مش هبوظ الليله
اسر :هو انت متخيله ان خايف الليله تبوظ ما تولع انا خائف عليكى
ندى :ربنا يخليك بس انا قلت لك هو ليه حاجه معايا ولازم ياخذها
ندى: بصت للكل قالت لهم انت وعدتني وحلفته ان خالد مش هيعرف حاجه
ندى دخلت القاعه الصدمه لجمت لسانها اسيل لابسه فستانها ايوه فستانها هي كانت مختاراه مختاره التصميم ده والديكور نفس اللي كانت طالباه
ندى لنفسها اه يا خالد واضح انك بتتفنن في جرحي وتعذيبى
عادل وزينب رحبوا بيها وزينه فرحت انها كويسه
عادل :عاوزك قويه وتربيه
ندى :تفتكر انا جايه ادي له امانه ليه معايا وجاي ارد هاله ندى حطت ايدها على رقبتها تتحسس ذاك السلسال الذي اهداه اياها في عيد ميلادها 18
فلاش باك
ندى :كده يا خالد تتاخر كل ده في يوم عيد ميلادي
خالد :اسف يا ندى بس كان عندي مهمه كان لازم تخلص الاول
ندى :حمد لله على سلامتك
خالد: الله يسلمك كل سنه وانت طيبه هديتك
ندى فتحت هديتها وبصوت هامس ندايا
خالد :ايوه يا ندى انتى ندايا انا وبس
ندى بفرحه ظاهره: بجد يا خالد
خالد: ايوه يا ندى انا بحبك ان شاء الله سنه بالكثير وهنتجوز وسابها ومشي
ندى فاقت على صوت ليان
ليان: ندى مالك يلا نمشي
ندى: ثواني
ندى راحت لخالد وقابلت اسيل
اسيل :ايه ده ايه جاب الاشكال دي هنا ايه ده يا حلوه ما تعرفيش ان ده فرح ناس كلاس ما يدخلوش الناس اللوكل ندى وطت على اسيل وبصوت اشبه للهمس ما حدش عارف مين فينا اللي لوكل بس اوعدك مش هتتهنى كثير وسبتها ومشت
خالد :ايه اللي جابك يا زباله انتى انتى مكانك مش هنا شوفي لك بيت دعاره اقعدي فيه ابتلعت تلك الاهانه و بكل قوتها قالت لك عندي امانه وقلت لازم اردهالك يا سياده المقدم فتحت يدوا ووضع ذلك السلسال والخاتم
ندى اعتقد دون ما بقوش من حقي وسابته ومشت
ندى خرجت من القاعه خلاص مش قادره تستحمل اكثر من كده وتظهر قويه حبيبها اللي كانت بتتمناه خلاص بقى ملك غيرها اتنهدت تنهيده طويله صرخت يا رب ما بقتش قادره اتحمل خلاص ريحني
هنا اسر شافها
اسر: ندى مالك
ندى :صداع شديد جدا ودايخه مش قادره اسر تعالي اوديكى للدكتور
ندى ::لا لا ده شويه صداع وداخت كانت هتقع اسر لحقها خالد: حتى اخويا مش عتقاه ايه الوس اللي انت فيها دي ندى بصتله وابتسمت بوجع
يتبع..

 رواية عشق خالد الجزء الخامس بقلم كريمان جلال


عند خالد اخذ اسيل وراح شقته
خالد :لااوضه دى اللي هتنامي فيها
اسيل: وانت
خالد: هنام في الاوضه دي
اسيل بدلع حضنته وانت مش هتنام معايا
خالد بجمود لا وعدتها اني ما لمس غيرها وسابها ومشي من غير ولا كلمه
اسيل لنفسها مش مهم يا خالد المهم انك بقيت معايا واحده واحده هاخليك تحبني
عند خالد افتكر ندى واسر سندها للدرجه دي كنت مغفل بس لا يا ندى انا هتجوز اسيل بس هدى نفسي شويه وقت عشان مظلمهاش
مر شهور على احداث في احدى مستشفيات الاسكندريه للقوات المسلحه
ندى :يعني ايه يا ريم هتوافقي عليه
ريم :يعني اعمل ايه يا ندى هافضل في الغلب ده
ندى: يا ريم يعني ترمي نفسك في النار عشان تخلصي من نار اهو على الاقل اديكى عرفتى مراه باباكى وعرفت دواها
ريم: لا يا ندى انا تعبت
ندى :طب اقفلي وهاكلمك ثاني
ندى: قفلت وكلمت محمد
ندى :محمد سؤال واحد وعاوز اجابتك عليه
محمد :اسالي يا ندى
ندى: بتحب ريم
محمد: انا معجب بها ومرتاح لها جدا بحبها كمان
ندى :ريم جايلها عريس وعشان ظروف مراه بباها هتوافق عليه هو مش متعلم وعنده قهوه في المنطقه بتاعتها
محمد: انت بتقولي ايه يا ندى انا هاروح اتقدم لها بكره لان لسه في الطريق وراجع القاهره
ندى: ربنا يوفقكم بس ما تتاخرش لان الموضوع هيكون في الجد قريب
بعد مرور اسبوع
عند ندى بتكلم محمد وريم في التليفون
ندى :يا ريم انا مش عايزه انزل انا ما صدقت بعدت وارتحت ريم :عشان خاطري يا ندى انت عارفه ما ليش اخوات و محتاج لك جنبي محمد اخذ منها التليفون وقال ندى ريم منكده عليا عيشتي ودائما بتعيط عشان مش هتكوني موجوده فرحتنا مش هتكمل غير بوجودك
ندى :خلاص هانزل بكره ان شاء الله
ندى نزلت ثاني يوم وحضرت مع ريم كل حاجه وجاي يوم الخطوبه وكتب الكتاب ندى خايفه وقلقانه خايفه التعب يبان عليها وحد يعرف حاجه حاول تداري تعب وشها وعينيها بالميك اب وفعلا نجحت في ده
في قاعه كتب الكتاب ندى حاسه بتعب اخذت شنطتها وخرجت اخذت حبايه المسكن وصوت من وراها كمان بقيتى مدمنه ده ايه القرف ده ده انا كنت مع واحده وس ومش عارف الحمد لله ان ربنا نجاني منك وسابها ومشي
ليان خرجت لقتها قاعده على الارض
ليان بخضه :ندى ما لك فيكى ايه
ندى: انا كويسه شويه صداع بس
ليان: ريم بتسال عليكى
ندى: طب يلا ندخل ولسه هتتحرك وقعت من طولها ليان بخضه ندى ندى فوقي مش عارفه اعمل ايه مش عارفه ليان افتكرت ان شنطتها معها خرجت موبايلها وبعد صعوبه اسر رد ليان :اسر الحقني ندى وقعت من طولها
بعد فتره في المستشفى الدكتور خرج من عند ندى
الدكتور: ممكن اعرف هي بتشتكي من حاجه
اسر :معتقدش
ليان: هي قبل ما تقع قالت عندي صداع
الدكتور :طب هو الصداع بيتكرر معها كثير
اسر وليان: مش عارفين
الدكتور :طب انا شاكك في حاجه وهنعمل فحصات وربنا يسهل
اسر :تمام
اسر ساب ليان مع ندى وروح البيت حكى لوالده اللي حصل عادل بسرحان ربنا يستر عليكى يا ندى
تفتكروا ندي مالها وايه اللي عندها
خالد هيتمم جوازه من اسيل ولا لا وندى هتعرفه الحقيقه ولا لا قولوا لي رايكم اكمل ولا بلاش يا احلى اخوات
عشق خالد بقلم
يتبع..

 رواية عشق خالد الجزء السادس بقلم كريمان جلال


بعد فتره في المستشفى الدكتور خرج من عند ندى الدكتور :ممكن اعرف هي بتشتكي من حاجه معينه اسر :معتقدش
ليان :هي قبل ما تقع قالت عندي صداع
الدكتور :هو الصداع بيتكرر معاها كثير
اسر وليان :مش عارفين
الدكتور :طيب انا شاكك في حاجه وهنعمل فحوصات وربنا يسهل
اسر: تمام
اسر ساب ليان مع ندى وروح البيت حكي لوالده اللي حصل
عادل بسرحان: ربنا يستر عليكى يا ندى
في المستشفى الدكتور دخل وكشف على ندى الدكتور: لا يا دكتوره احنا النهارده احسن بكثير الحمد لله وسابهم وخرج وهو خارج سياده الرائد ممكن كلمه بعد اذنك
ندى: ما فيش داعي يا دكتور تاخذ سياده الرائد بره انا عارفه اني تعبانه وعارفه تعبى كويس
الدكتور :عارفه تعبك ازاي يا دكتوره وليه ما بداتيش علاج انتى كده بتنتحرى بتموتي نفسك بالبطيء عادل: ممكن تفهمني يا دكتور ندى ما لها
الدكتور: للاسف الدكتوره عندها ورم في المخ والرحم والحاله متاخره جدا ولازم تدخل جراحي الكل بقى في حاله صمت ما حدش عارف يتكلم
عادل: شوف الاجراءات اللازمه وجهز العمليات الدكتور :هي شويه تحاليل وان شاء الله يوم او يومين ونعمل العمليه
ندى :بعد اذنك يا سياده اللواء انا مش هاعمل عمليات
زينب: يعني ايه يا ندى لازم تعملي العمليه ده انت يا بنتي لسه في عز شبابك
الدكتور: يا دكتوره انتى مؤمنه واللي بتعمليه ده اسمه انتحار انت عاوزه تموتي كافره
ندى: لا طبعا
الدكتور :يبقى لازم تعملي العمليه
بعد محاولات كثيره من الجميع ندى وافقت
*******
صباح اليوم الثالث في المستشفى
اسر وعادل وزينب راحوا لندى
ندى :اسر الظرف ده جه وقته ياريت من فضلك توصلوا لخالد بكره بعد ما دخل العمليات
اسر :انتى عايزاني اسيبك وامشي في الوقت ده
ندى: انا هابقى في العمليات وانت بره يعني مش هتستفاد حاجه
اسر :بس مين جابهولك
ندى :ريم جابته مع حاجات طلبتها منها من شقتى
*********
يوم العمليه
الدكتور: دكتورتنا جاهزه
ندى: توكلت على الله
ندى دخلت العمليات الكل واقف متوتر اسر سابهم وراح يوصل الجواب لخالد
اسر وصل عند خالد
اسر :خالد يا خالد يا خالد انت فين
خالد انا هنا اهو في ايه لده كله
اسر :الظرف ده علشانك
خالد :علشاني انا وبص على الظرف لقى مكتوب عليه مساله حياه او موت
اسر :ياريت تقرا لوحدك فهمني لوحدك
خالد بصوت هامس مساله حياه او موت وبص لاسر امن مين ده لكن اسر كان مشى
خالد غريبه لما اروح اشوفه في اوضه المكتب
يتبع..

 رواية عشق خالد الجزء السابع بقلم كريمان جلال


عند خالد فتح الجواب وبيقرا فيه
بسم الله الرحمن الرحيم
كيفك يا وجعي يا رب تكون بخير و سعيد مع الانسانه اللي اخترتها اتمنى تكمل الجواب للاخر في الظرف فلاشه ياريت تشوفها فيها كل حاجه
طالما الجواب وصلك اكيد هاكون بين ايدين ربنا الاول عاوزه اوضح لك حاجتين
يوم ما اسر كان ساندنى في كتب كتاب محمد وريم كنت تعبانه جدا و ده اليوم اللي اكتشفت فيه تعبى الحبوب اللي قلت عليها ادمان كانت مسكن مسكن عشان ما اقدرش استحمل الالم ما تستغربش انا عندي ورم في المخ والرحم اه ورثته من ابويا وامي اخر حاجه يا وجعي انت كنت وجع على وجعي كنت انسان غير الانسان اللي انا حبيته واللي عرفته طول حياتي انت كنت بالنسبه لي كل حاجه كنت اماني وحمايتي كنت ابويا واخويا وحبيبي وفي لحظه واحده اكتشفت انك ولا حاجه من دول ساعه ما ترجيتك تسمعني ورفضت ظلمتني واتمنى تعرف انك ظلمتني عارف رغم اني موجوعه منك كنت اتمنى انك تكون جنبي في تعبي واخيرا افتكرني بدعوه حلوه افتكر اي حاجه حلوه حصلت بيننا لو جرالي حاجه ابقى اترحم عليا احكي لاولادك عني ويا ريت تعلمهم ما يظلموش اللي بيحبوهم او اي حد مهما كان ويسمعوهم مهما كان الخلاف انا هقف خصيمتك يوم الدين وهقول لربنا ظلمني رفض يسمعنى عين نفسه القاضي والجلاد اللي كان على طول يقول لي انا جنبك انا عمري ما هسامحك
سلام يا وجعي معادنا يوم الدين
ندى بنت البواب
خالد قاعد مكانه دموعه نازله مش قادر يتحرك هو ظلم الانسان اللي حبها كان وجع على وجعها ازاي ما اخدتش باله من تعبها كان اكثر واحد بيفهمها
ضحك باستهزاء انت بتسال اخوك وصاحبك وقفوا جنبها في الوقت اللي انت تخليت عنها فيه وانت عارف انها لوحدها وما لهاش حد صرخ بوجع
ااااااااااااااااه يا ندى
خالد مش عارف يعمل ايه ولا يوصل لندى ازاي افتكر اسر قرر يكلمه ويعرف فين ندى بيتمنى من كل قلبه ان ندي تكون موجوده وان كلامها يكون عقاب ليه مش اكثر تكون بتضحك عليه عشان تحسسه انه ظلمها خالد ندمان بس بعد ايه هيفيد الندم للاسف الوقت ضاع
خالد :اسر ندى فين يا اسر قل لي انها بتكذب علي ما فيهاش اي حاجه قولى انها بتعاقبنى انا متاكد انها جنبك اديها لي اكلمها ارجوك
اسر :اهدى يا خالد ندى في العمليات ادعي لها
خالد :اسر انا مش عارف اتحرك ارجوك تعال خذني انا عاوز ندى
اسر :اهدى يا خالد انا جاي لك
خالد لنفسه :لا يا ندى لا يمكن تسيبيني انا من غيرك ما اقدرش اعيش سامحيني يا ندى
اسر وصل عند خالد واول ما اوصل خالد جرى عليه قل لي قل لي انك بتضحك عليا ارجوك اتكلم
اسر صعب عليه اخوه جدا
اسر :للاسف يا خالد ندى تعبانه و وصلت للمرحله الاخيره عشان كده الدكتور قرر تدخل جراحي على طول
خالد ابوس ايدك يا اسر وديني وديني لندى
بعد فتره وصلوا المستشفى خالد دخل قعد بدون ولا كلمه قاعد ساكت دموع نازله افتكر كل حاجه ازاي كانوا بيلعبوا سوا وازاي كبروا وازاي كان كل حاجه ليها مر شريط حياتهم قدام عينيه
فلاش باك
خالد :يا ندى ركزي شويه لازم تتعلمي
ندى ::يا خالد ما انت معايا اتعلم ايه بس انت طالما موجود يبقى ما فيش حد هيكلمني وبعدين انت عارف انا بكره الضرب والعنف وبعدين دفاع عن النفس ايه وانت موجود انت مش شايف نفسك وجسمك ولا ايه انت هتدفع عني انا عارفه كده كويس
خالد: يا ندى انا بحكم شغلي بكون بعيد اغلب الوقت لازم تتعلمي تدافعى عن نفسك
ندى : ما ينفعش ادافع عن نفسي بطريقه ثانيه غير الضرب والدم
خالد :انت ليه بتحسسني انك خايفه من الدم انتى كل شغلك دم
ندى :كل شغلى دم بس اعالجه مش باكون السبب فيه وبعدين مش هتعلم انت موجود وانت قلت لي انك اماني وحمايتي وانا متاكده من كده
خالد افتكر كلامها كله كان كان موجوع جدا ان هو فعلا ما اقدرش يكون امانها وحميتها هو اول واحد طعنها و مش في اي حاجه لا ده في شرفها ما اقدرش يقف جنبها خالد ندمان بس بعد ايه يفيد الندم فاق من سرحانه على صوت عادل
عادل :قلتلك هتندم ما سمعتش كلامي للاسف مبسوط باللي انت وصلتها ليه
خالد: لا رد
زينب :مش وقته يا عادل سيبه باللي هو فيه
بعد مرور ست ساعات ريم خرجت الكل جرى عليها طمنيني يا بنتي
ريم: للاسف القلب وقف مرتين ندى رفضه الحياه ومتمسكه بالموت مرحبه بيه جدا وحاليا النبض ضعيف جدا
خالد قاعد سامعها مش قادر يقوم ومش عارف يتكلم ريم :انا محتاجه المقدم خالد هو الوحيد اللي هيقدر يتكلم معها ارجوكم هاتوه فهموه الحقيقه اسر لسه هيتكلم خالد قطع صامته واخيرا اتكلم انا هنا ارجوكى تدخلني انا مستعد اعمل اي حاجه بس ندى تكون كويسه
يتبع..

 رواية عشق خالد الجزء الثامن بقلم كريمان جلال

باقي حلقات الرواية متوفرة بشكل حصري على مدونة يوتوبيا
يجب كتابة تعليق كي تظهر لك الآن
اكتب رأيك في الفصول المنشورة من الرواية في تعليق كي تظهر لك باقي الفصول

هل اعجبك الموضوع :

تعليقات

8 تعليقات
إرسال تعليق

إرسال تعليق

لو عايز أي رواية pdf .. أو لو عايزنا نعرفك لما الرواية إللي بتتابعها ينزل منها حلقة جديدة، انضم لقناتنا على التيجرام: من هنا 
ما هو الفصل الذي تود قراءته؟