رواية ما تبقى مني البارت 294
رواية ما تبقى مني الجزء 294
رواية ما تبقى مني الفصل 294
رواية ما تبقى مني الحلقة 294
 |
| رواية ما تبقى مني البارت 294 - مدونة يوتوبيا |
" غازي & بندر "
قاعدين جدام البحر
التفت له : من كلمتك صوتك كان متغير فيك شي ؟
يعرف بالضبط شنو فيه
بس ما يقدر يقوله لانه بالنهايه راح يوصل الموضوع على وئام
وما يقدر يخاطر ب هالشي
تنهد : اخوك تعبان يا صاحبي
غازي: سمله عليك من التعب عسى ماشر شفيك ؟ فضفض بترتاح
نطق بغصه : اليوم خطبت ....
قاطعه وكأنه ما يدري : على زوجتك !! انت صاحي !! مو كنت تقولي انك تحبها ؟!
هز راسه ب اي : احبها والله والله اني ماقدر اتخيل حياتي من دونها ...
قاطعه : اجل ليش ؟ دامك تحبها ليش ؟
بندر بنبره شبهه عاليه : عشان بنت عمي
عقد حواجبه : ليش ؟ تحبها ؟
نطق بنبره تمليها الحزن : اي احبها
سرعان ما جمع اصابعه بغيضه ايده
ماقدر يتحمل يسمع اعترافه انه يحب وئام
بس سرعان ما ارتاح قلبه من كمل بندر : احبها مثل اختي كل الي انا فيه حالياً عشان احميها من ابوي
تملكه الخوف على محبوبته ونطق بفضول : ليش تحميها من ابوك ؟ هي تكون بنت اخوه !
رفع كتوفه ب مادري : ولا انا ادري عن سبب كرهه ابوها لها
يدري بس ما يقدر يقوله انها بنت حرام
حتى لو كان مالها ذنب انها بنت حرام وانولدت بطريقه غير شرعيه
بس بالنهاية هي بنت
واذا احد عرف ب هالشي راح تتأذى
عشان كذا كذب على غازي وقال ما يدري
ولا يدري انه غازي عارف انها بنت حرام
وانه سمع ابوه وهو يقولها بطريقه استهزاء
كأنه يستهزء عليها انها بنت حرام !
ما حب انه يدقق بالموضوع لانه عارف كل تفاصيله : كسرت قلبك وقلب زوجتك عشان تحميها وهذا حل يا بندر ؟
نطق بعصبيه : عندك حل؟ تكفى قول عندك ؟
هز راسه ب اي : اي يا بندر في حل صج انه طاعة الوالدين واجب بس اذا كان شي يضرك لا تطيع كلام ابوك بندر ماتدري ممكن اذا تزوجت زوجتك تحمل وبعدين شنو بتسوي ؟ راح تطلقها لانه زوجتك احملت ؟ طلقتها ما فكرت ب كلام الناس الي ابد ما يرحم طيب تزوجت وطلعت زوجتك الثانيه ما تجيب عيال وبعدين ؟ راح تندم ياما في ناس تزوجوا وبعد سنين جاهم الضنا .....
قاطعه : اقنع ابوي ابوي الي مو راضي يقتنع ولا قادر ينطر ولا قادر يستوعب انه هذا بيد ربي
غازي بحده : اوقف بوجهه ابوك لا تسمح له يسكر قلبك وقلب زوجتك وتظلم بنت الناس وانت قلبك ملك زوجتك
بندر بحيره : وبنت عمي ؟
غازي : تقدر تحميها من ابوك من غير لا تكسر قلبك
ارتاح نوعاً ما من كلام غازي
طبطب على رجوله : انت قدها يا بندر وتقدر تحل هذي المشكله من غير لا ينكسر قلب احد ومن غير لا تظلم البنت راح تحلها وانت قادر انك تحمي بنت عمك
ابتسم : انا قدها
غازي : كفو وان شاءالله يقتنع ابوك انك تحب زوجتك
ابتسم : مشكور يا غازي
يتبع..
لقراءة باقي حلقات الرواية : اضغط هنا