القائمة الرئيسية

الصفحات

رواية مرات الظابط الحلقة السادسة والأربعون 46 بقلم نورا عبدالرؤوف

رواية مرات الظابط الحلقة السادسة والأربعون 46 بقلم نورا عبدالرؤوف 

رواية مرات الظابط الفصل السادس والأربعون 
رواية مرات الظابط الجزء السادس والأربعين 
البارت 46
رواية مرات الظابط الحلقة السادسة والأربعون 46 بقلم نورا عبدالرؤوف 
بقلم/نورا عبد الرؤوف
في الصباح عند زين ونورهان
زين قام من النوم اخد شاور وراح يصحي نورهان
زين:بطتي يا بطتي يلا اصحي بقا هنتأخر علي ميعاد الطيارة
نورهان وصوتها كله نوم: انت مسافر ولا ايه
زين: لا يا بطتي دي اختي جاية من السفر
نورهان بصدمة: اختك انت عندك اخوات غير مرام
زين بضحك:ايوة يا بنتي انتي مش عارفة
نورهان: لا والله
زين: دي اختي الصغيرة وكانت بتكمل تعليم برة بتعمل دكتوراة في التنمية البشرية وخلصت والحمدلله رجعت
نورهان: تمام
زين:هو اي اللي تمام يلا تعالي معايا
نورهان: معلش يا زين روح انت انا تعبانة عايزا انام
زين: تمام يا حبيبتي بس لازم لما نيجي الاقيكي اول واحدة بتستقبليها
نورهان: اكيد
#############################
عن حازم و مريم كانت مريم بتكلمة في التلفون
حازم بنرفزة:بقولك اي انا هعدي عليكي دلوقتي عشان خارجين امين ؟ هتقوليلي ابوكي مش موافق هتصل علية اسئله انتي سألتي اصلا ولا لا
ولو عرفت انه معرفش اصلا زي كل مرة هساوي سحنتك بالارض
يلا اللهم بلغت
مريم: تمام يسطا عشر دقائق وهتلاقيني تحت مستنياك وعرف اهلي متقلقش
حازم: ماشي يلا سلام يا اوزعتي
_______________________________________
عند نور واحمد
نور كانت قاعدة بتشرب عصير في البلكونة
احمد : صباح الخير يا نونة
نور: صباح النور يا حبيبي انت خارج ولا اي
احمد: ايوة يا نونه رايح المطار مع زين عشان نستقبل اختة
نور بصدمة : اختة ازاي
احمد: لما ارجع احكيلك كل حاجة اهم حاجة خدي بالك من نفسك ومن البيبي اللي في بطنك
نور: حاضر يا حبيبي
احمد راح لزين وطلعو علي المطار
زين: تعرف ان نورهان مكنتش تعرف اني ليا اخت
احمد : ولا نور هي كمان
زين: والله ما جات فرصة اقولها وكمان معرفش ان الجوازة هتقلب بجد
احمد بصلة بخبث: يعني انت مكنتش بتحبها قبل ما تعرف انك هتتجوزها
زين: بصراحة بحبها بس مكنتش اعرف انها بتحبني او هتحبني
احمد بخبث:اهااا انتو لسه قعدين مع بعض زي الاخوات
زين اتنهد: ايوة
احمد:ازاي يابني
زين: لما نورهان تكون عاوزه ده اكيد هيكون جوازنا قدام ربنا
احمد: انجزو كدا عايز اشوف زين الصغير وانا اللي اربيه بنفسي
زين: مش لما تعرف تربي نفسك الاول
احمد بضحك:ههههههههه لية يا اخويا منا ظابط قد الدنيا اهو اكل الزلط تحب نخش في معركة ونشوف مين اللي يكسب
زين: هو اكيد اللي هيكسب انا وانجز شوية عشان نلحق الطيارة
بعد دقائق وصلو المطار
احمد:ادينا وصلنا فين اختك بقا
زين:استني كدا شكلها هي اللي جاية هناك دي
احمد:هي المزة اللي جاية هناك دي
زين ضربة في صدرة:لم نفسك يلا ومش خايف لنور تعرف انك بتعاكس بنات
احمد بثقة: ومين هيقولها يعني
زين:انا اللي هقولها
احمد مسكة من ياقة القميص :انا بس لو عرفت انك قولتلها هعمل معاك الجولاشة
زين وهو خنقة:ابقي اعملها كدا شوف وانا هخلي وشك استيكر علي الارض
سارة:زي مانتم مش بتبطلو خناق لسه صغيرين
زين اخدها في حضنها : وحشتيني يا قلب اخوكي
سارة : وانت كمان يا حبيبي
احمد: مش كفاية بقا خليني اخد حبة من الحب دا
سارة وهي بتحضنة: وحشتني يا ابو حميد
احمد بضحك:معلش محدش يقولي ابو حميد غير نونه بس
سارة: اي دا انت ربيت كلبة ولا اي
احمد:كلبة لية هي في كلاب بتتكلم نونه دي مراتي نور
سارة:اسفة اصل بردة يا ابو حميد مفيش بني ادم اسمه نونه
احمد:طب قربي يا لمضة
عند نورهان كانت بتكلم هايدي
نورهان بضحك : اي يا عروسة نسيتي اصحابك مش بتسئلي يعني
هايدي: والله ياصحبتي كريم مش مديني فرصة اكلم حد
نورهان بخبث: لية يا صحبتي
هايدي: مش السفاله اللي في دماغك دا كل يوم ياخدني في مكان من شكل لغيت ما لفيت شرم حتة حتة وحفظتها
نورهان بضحك:هههه ربنا يخليكم طب انا هقفل عشان زمان زين وصل هو واختة
هايدي:هي مرام هتتغدا عندكم ولا اي
نورهان:لا مش مرام سارةاخت زين التانية
هايدي :هو زين عنده اخت تانية
نورهان: ايوه واتفاجئت شبهك
هايدي:طب انزلي بقا سلمي عليها
صحيح بقولك فرح مريم امتي
نورهان:بعد شهر
هايدي :تمام هكون جيت
نورهان:انتي ناوية تقعدي هناك كتير
هايدي:بفكر نقعد احنا ورانا اي اصل بصراحة الجواز حلو اووي
نورهان:بكرة ياختي تكرهي يلا سلام
قفلت مع هايدي ونزلت تحت
نورهان نزلت ودخلت اوضة الضيوف :سلام عليكم
حبيبة ويوسف وزين و سارة اللي مديلها ضهرها: وعليكم السلام
حبيبة : تعالي يا نورهان سلمي علي سارة
سارة وهي بتلف عشان تسلم اتصدمت:مييين دي وهي بتشاور بصبعها
زين:مراتي نورهان
سارة:دي مراتك ازاي انا كنت مفكرة ان مراتك برنسيسة مش تخينة كده
نورهان عيطت وجرت علي اوضتها وزين بصل لاخته بغضب وجرى وراها
دخلت الاوضة واترمت علي السرير
زين: والله يا نورهان اختي كلامها دبش بس قلبها طيب
نورهان بعياط: والله يازين حولت اغير من شكلي ومنظري بس فشلت
زين اخدها في حضنة: وانا حابك كدا
نورهان بعياط فى حضنه: بس الناس بيعيروني بتخني والمفروض دي خلقت ربنا انا مالي ربنا هو اللي خلقني تخينة مش ذنبي والله
زين وهو بيطبطب عليها وبيبوس راسها: خلاص بقا يا قلب زين انا حبيتك مش عشان شكلك لا انا حبيت دا وشاور علي قلبها وكذا مرة قولتلك الكلام دا انا حبيت نورهان الطفلة البريئة حبيت كل حاجة فيكي وكمان متغيريش من نفسك عشان حد انتي حابة نفسك كدا خلاص وانا حابك كدا يبقا فين المشكلة
نورهان: بس اي راجل يا زين عايز مراتة تكون ملكة جمال مش تخينة و وحشة
زين بنبره حب وبص فى عينيها: بس انا شايفك اجمل نساء العالم وكمان انا مش زي الرجالة اللي بيتباهة بجمال مرتاتهم انا لو اطول احطك جوة قلبي عشان محدش يشوفك اعملها لو اطول اخفيكي ومحدش يشوفك اعملها انا بحبك يا نورهان واللي بيحب بيحب كل حاجة في حبيبة وانا بحب كل حاجة فيكي
نورهان رجعت حضنته اوى :ربنا يخليك ليا يا زيني
الباب خبط
زين : اتفضل
دخلت سارة مع مامتها
سارة: انا اسفة يا نورهان مكنش قصدي انا بس اتصدمت لما لقيت مرات اخويا زين كدا
زين بصلها:جاية تكحليها عمتيها
سارة:بصي بقا انا دبش فخوشي في حضني واقبلي اعتزاري
نورهان حضنتها
سارة بطبطب عليها:خش في حضن اخوك يا فواز
حبيبية':هههههه مجنونة طب تعالي يا زين وسيبهم لوحديهم شوية
سارة بحنان: والله ماقصدت صدقيني انا دبش وبسبب الدبش دا والفضول العرسان بيطفشو بسبب كدا
طب انا احكيلك علي موقف كنت مخطوبة لواحد بس مكنتش بطيقة غتت غتاتة وبارد
كنت في مرة قاعدة معاه وهو شكلة يا عيني كان واكل كرومب وعمل بومبة انا بقا واعوذ بالله من كلمة انا فضحتة كل ما يجي اقولة يا ابو بومبة ابو بومبة راح ابو بومبه جي الولا يا حبت عيني طفش مستحملش
نورهان وقعت علي الارض من كتر الضحك:هههههههههههه همووووووووت دا انتي بلوة
سارة:شكرا يا بنتي وفضولية جدااااا
نورهان :وي واحدة صحبتي
سارة بفضول':مين ها مين
نورهان:نور صحبتي
سارة:اها مرات احمد
نورهان:ايوة دي بقا ياستي صحبتي من الثانوي بس ماتسبش مخانقة متتفرجش عليها ولازم تعرف اتخنقو لية دا من كتر فضولها كنت انا وصحابي بنقولها انتي في ليلية فرحنا هنلاقيكي تحت السرير طلعنا بتقولي بتعملو اي
سارة:ههههههههههه لا انتي لازم تعرفيني عليها
نورهان:تمام انا عندي فرح صحبتي بعد شهر الشلة هتكون موجودة هعرفك عليهم
سارة:اشطات
نورهان:ممكن اطلب منك طلب
سارة:اتفضلي يا قمر
نورهان برجاء:ممكن تساعديني اخس علي الفرح عايزا اروح الفرح وانا خاسة ومتغيرة
سارة:جيتي في ملعبي بصي بصلات علي النبي انتي تسمعي كلامي تمام
نورهان:تمام
سارة:شكلك شاطرة ومش هتتعبيني بصي بقا تفطري زبادي علي ليمون تتغدي زبادي علي ليمون تتعشي زبادي علي ليمون وهتعملى التمارين اللى هقولك عليها اشطات
نورهان: ايه دا يبنتي انا كدا هيجيلي اسهال
سارة: ولا اسهال ولا حاجة
نورهان بشك:انتي متأكدة
سارة بزعيق : انتي كدا بتشتميني بقولك ملعبي عيب منك
نورهان:طب اهدي يابنتي بتزعقي ليه طب ممكن متقوليش لزين
سارة:سرك في بير
نورهان:شكرا بجد
سارة: هتبدائى من النهاردة تمام
نورهان: تمام
سارة: يلا انا هروح انام
سارة طلعت من اوضة نورهان اتقبلت في زين
سارة بصوت واطي ويتتلفت حولنها :في موضوع خطير
زين: في ايه يابرعي
سارة:نورهان
زين بخضة:ملها فيها حاجة
سارة: لا يامحن مفيهاش اهي جوة زي القردة
زين:اومال في اي يا لمضة
سارة:عايزا تخس وانا هساعدها بس قالتلي متقوليش لزين بس انت اخويا ومقدرش اخبي عنك حاجة فقولتلك
زين:تسلم يبرعي والله معرفش اودي جمايلك فين
سارة:وديها البحر ههههههههه
زين:عن ابو تقل دمك
سارة:بقولك متنادينيش قدام حد برعي
زين:تمام بس عايز اعرف انتي موطية صوتك وبتتلفتي حولينك لية
سارة:الحيطان ليها ويدان
زين:اهااا طب انا هدخل واضتي سلام
زين دخل الاوضة
زين:ممكن اعرف عايزة تخسي لية
نورهان بصدمة: مين اللي قالك
زين:برعي اقصد سارة
نورهان:نفسي اكون ست حلوة ذي باقي الستات
زين: وانا قولتلك شايفك اجمل نساء العالم
نورهان: معلش يا زين سيبني برحتي
زين بغضب: نورهان خلاص خلصنا لما ارجع نتكلم فى الموضوع ده حضريلي شنطت هدومي عشان طالع مأمورية
نورهان :حاضر هتغيب فيها
زين: لا هو شهر بكتير
نورهان بحزن: ياااه يازينى ده كتير اوى يعني مش هتحضر الفرح
زين باس خدها بحنان:ان شاء الله ياقلبي هاجي قبلة بيوم مش هتأخر عليكى
هدخل اخد شاور ع ما تحضري الشنطة
دخل زين الحمام ونورهان بدأت تحضر الشنطة
وبعد دقائق زين طلع وزي عادتة لافف الفوطة علي وسطة زين قرب من نورهان وحضنها من ضهرها : هتوحشينى يابطتى نورهان بحزن وبدموع ولفت حضنته اوى : وانت كمان يازينى هتوحشنى متغيبش عليا
زين بحنان مد ايده مسح دموعها وباس عينيها : ليه الدموع دى يابطتى انا مش هتأخر ان شاء الله ..كمل كلامه بهمس وحب : انا عايز لما ارجع من المأمورية تكوني جاهزة ماشي يابطتي اكيد انتي عارفة بتكلم عن ايه
نورهان اتكسفت وحطت وشها في الارض
زين: لا بلاش كسوف بقي ياقلب زين ورفع وشها وباسها نورهان لفت ايديها علي رقبتة وزين حاطط ايدة علي ظهرها وبيفك السوستة
نورهان بعدت:زين انت بتعمل اي
زين: شفتي انا كنت هتهور ازاي
نورهان ضحكت
زين قرب وباس جبينها :متخافيش يابطتي مش هقربلك غير برضاكي وباسها تاني
_____________________________________
عند نور واحمد
نور بعياط:ازاي تسيبني لوحدي
احمد: يا نونه وراية مأمورية ولازم اروح
نور وهي بدبدب علي الارض ذي الاطفال:يعني تروح المأمورية وتسبني اتفلق انا
احمد قرب منها :يا نونه هو شهر واحد وهتلاقيني معاكي عليا ياستي نسافر اي حتة انتي عايزاها
نور بعياط:بس شهر كتير اووي
احمد:ياروحي مش كتير ولا حاجة اي رايك لما ارجع نروح فرنسا مش كنتي نفسك تروحيها
نور بفرحة :ايوة بجد يا ابو حميد هتوديني فرنسا
احمد قرب منها:ايوه ياقلب ابو حميد وباسها بوسة طويلة
زين فضل يعمل كلاكسات
احمد بعد عنها:زين وصل يلا عشان انزله
نور:تؤتؤ شوية كدا خلي يستنى وشدتة وباستة
احمد وهو بياخد نفس:انا كدا هتهور وهقعد معاكي ورفدي هيكون علي ايدك
نور وهي بتبوسة :اقعد ياقلبي
احمد: لا بجد هتهور يلا بقا يقلبي سبيني
نور بعياط:يعني هتسيبني دلوقتي
احمد:معلش يا نونتي بس اهم حاجة تخدي بالك من نفسك و البيبي ولو عايزا تروحي عند اهلك ماشي ولو عايزا تروحي عند نورهان روحي وباتي معاها بس سبيني عشان مترفدش ابوس ايدك
نور:خلاص روح يقلبي
احمد وهو بيبوسها من خدها :لا اله الا الله
نور: سيدنامحمد رسول الله
احمد نزل لزين
زين :اي يا عم انا حمضت من القعدة
احمد:معلش بقا نور مكنتش راضية تسبني
زين:وانت فين شخصيتك
احمد بحنية:نور بعتبرها بنتي الصغيرة بتعامل معاها بكدا ولازم اسمع كلامها بدل ماتعيط زي الاطفال
زين:ربنا يخليهالك ياسيدي يلا ولا اي دا اللواء امجد هيعمل من فخدنا بطاطس
احمد بضحك:ههههههه يلا
وبكدا الحلقة خلصت اتمني تكون عحبتكم
يتبع 
لقراءة باقي حلقات الرواية : اضغط هنا 
هل اعجبك الموضوع :

تعليقات

لو عايز أي رواية pdf .. أو لو عايزنا نعرفك لما الرواية إللي بتتابعها ينزل منها حلقة جديدة، انضم لقناتنا على التيجرام: من هنا 
ما هو الفصل الذي تود قراءته؟