القائمة الرئيسية

الصفحات

رواية مره شوفت حلم الحلقة الحادية عشر 11 بقلم كوكي سامح

رواية مره شوفت حلم الحلقة الحادية عشر 11 بقلم كوكي سامح

رواية مره شوفت حلم الجزء الحادي عشر
رواية مره شوفت حلم الفصل الحادي عشر
البارت الحادي عشر
رواية مره شوفت حلم الحلقة الحادية عشر 11 بقلم كوكي سامح
وخليل قال وهو مذهول ده مات رددت وقالت مات ازاى انت عملت ايه يا خليل انت اتجننت يلا اهرب بسرعه قبل ما نروح كلنا فى داهيه وفجأه الشرطه اقتحمت الڤيلا ودخلوا وقبضوا على خليل ومنى وكان معاهم الدكتور أحمد وجرى على مرتضى وحاول يفوقه وعرف انه لسه بيتنفس وخده على اققرب مستشفى ودخل طوارئ والخبطه طلعت سطحيه والجرح احتاج خياطه ودماغه اتخيطت 10 غرز وخرج من المستشفى وكان معاه احمد ومذهول من حياته اللى ادمرت وسأل على بناته رد احمد وقاله انهم مع الداده ولازم تطمن عليهم معاها رد وقاله انا حاسس انها ليها يد فالموضوع رد وقاله صدقنى لأ
مرتضى.. انا عاوز بناتى بجد وحشونى
احمد.. انا عاوز اتكلم معاك فى حاجه هتعمل ايه فى إياد الولد مالوش ذنب
مرتضى.. دى انساب والولد مش ابنى مع انى بحبه اوى 😭 منها لله دمرت حياتى الملعونه الخاينه
احمد.. عموما انت دلوقتى بقيت كويس روح الڤيلا وبعدين فكر هتعمل ايه
مرتضى.. هقتلها الفاجره
احمد.. تقتل مين؟ اه انا نسيت ان انت كان مغمى عليك يا صاحبى انت لما روحت الڤيلا وخدت مراتك علشان تتكلم معاها وكمان لوحدك انا قلقت عليك واللى شكيت فيه حصل انك كلمت الواد ابن البواب وطبعا دى خاينه يعنى ملهاش امان وكلمت واحد معرفه من الأمن وبصراحه قاموا بالواجب وكنا واقفين ورا الباب ومعايا اتنين من الشرطه علشان يقبضوا عليهم متلبسين وبصراحه قولت لما تعترف بالخاينه هى والولد هتبقى قضيه زنا وكمان الولد مش ابنك يبقى نسب وغير المنوم وكان لازم يكون فى دليل وانت مش عامل حسابك بس اتفجأت انه ضربك على دماغك وانت فقدت الوعى وجبتك على المستشفى على طول والحمد لله انت طيب وابن حلال وربنا واقف فى ضهرك ☝️
مرتضى.. ياااه يعنى الشرطه قبضت عليها انا مش هقول غير ربنا يرجعلى حقى بس اللى مستغرب منه انها قالت إنها خانتنى من افعالى وكان نفسى اعرف ليه؟؟
احمد.. ده تبرير ودى ست خاينه مهما ان كان مكانتش تخون كان ممكن تطلق
مرتضى.. عندك حق المهم انا هعيش لبناتى اما الولد ربنا يتولاه بس انا هعمل اللى عليه لحد ما يخرج من المستشفى وحماتى.. قصدى اللى كانت حماتى تبقى تاخده لحد ما بنتها تخرج من السجن هى والصايع اللى تعرفه ده كان هيقتلنى ابن الكلب
احمد.. الحمد لله يلا انا هوصلك
.. وفعلا احمد وصل مرتضى الڤيلا وكانت الداده قاعده مع البنات وسأل الداده وقالت مسعد البواب لما الشرطه قبضت على خليل لم هدومه ومشى وحتى حماتك فوق بتلم هدومها
.. وقعد هو وأحمد وحماته نزلت وقالها بنتك طالق ب التلاته وقوليلها انى مش هتنازل عن حقى وقال بعصبيه شايفه جسمى ده كله منوم وشايفه الحيطان دى والڤيلا دى اللى هو بيتى بنتك كانت بتخونى وانا نايم متخدر وواخد منوم والله انا حقى مش هسيبه وغير الصايع اللى كان هيقتلنى
ورددت حماته بكل انفعال انا معرفش انها عملت كده هو غلط والشيطان يا ابنى وبعدين انت انت
مرتضى.. انا. ايه ؟
الحماه.. هى اشتكت منك كذا مره وقالت انك مهمل فالعلاقه ما بينكم
مرتضى ضرب بأيده على ترابيزه السفره وقال كذابه وهى فعلا بتبرر عموما يلا بره بنتك طالق يا حماتى وقوليلها مش هتشوف بناتها تانى رددت وقالت ابوس ايدك بلاش تحبسها واللى انت عاوزه هى هتعمله رد احمد وقال ممكن اتكلم اقول حاجه خلاص يا مدام قولى لبنتك مرتضى هيسامحها بس بشرط رددت وهى مذهوله وقالت شرط ايه رد وقال تكتب تنازل عن بناتها وانها مش هتشوفهم تانى لأنها متصلحش تكون ام وغير الفضايح رددت وقالت خلاص تكتب تنازل حاضر رد مرتضى وقال انا موافق 👍🏼 رددت وقالت بكره هيكون عندك التنازل وانت كمان تتنازل عن القضيه رد احمد وقال خلاص بكره بدرى ان شاء الله مرتضى هياخد محامى ويروح لها القسم تمضى التنازل ويتنازل عن المحضر إنما حقه عند خليل لا رددت وقالت انا مليش دعوه بالزفت ده
.. ومشيت حماته واحمد بعد الاتفاق والبنات مع الداده ومرتضى قاعد لوحده حزين
= وفى صباح اليوم التالى المحامى واحمد ومرتضى والام كانوا فى القسم مرتضى وحماته قابلوا منى ومعاه المحامى
الام.. انت هتتنازلى عن بناتك ومش هتشوفيهم تانى علشان تخرجى رددت وقالت فين التنازل انا موافقه رد وقال وهو متعصب يا بنت الكلب يا خاينه مش عاوزه بناتك وانا اللى قولت انك هتموتى عليهم رددت وقالت احنا غير بعض يا مرتضى انت راجل من الشغل للبيت مفيش حاجه بتفرق معاك راجل روتينى شغل أكل بيت سرير هى دى حياتك إنما أنا عاوزه راجل يحس بيه لما اكون فى حضنه يحسسنى انى ست إنما أنت طول الوقت تحسسنى انك ملكتنى علشان حبه فلوس وقام ضربها بالقلم ورمى عليها الطلاق ب التلاته ومضت التنازل وهو اتنازل وسابها ومشى ولما خرج كان بيعيط واحمد خده وراح الڤيلا وكانت الداده مع البنات.. وطلع اوضته واعتكف فيها ايام وبعد فتره من الوقت خرج لشغله ولحياته ولبناته واول لما فاق راح لبيت المفسر علشان يشكره على وقفته معاه وكانت اخته لوحدها وقالت تعالى اتفضل يا مرتضى واول حاجه قالها وهو مبتسم تصورى لحد دلوقتى معرفش اسمك رددت وقالت هههههه اسمى أمل يا مرتضى رد وقالها اسمك جميل زيك رددت بكسوف وقالت انت اللى قلبك جميل وطيب وسأل على اخوها قالت مش موجود وخد تليفونها وراح الڤيلا وابتدى يقعد مع بناته طول الوقت وكان بيتصل دايما بالمفسره وابتدت بينهم علاقه حب 😍 وأمل حبيته اوى وهو كمان وقرر يتجوزها
.. وخد عربيته وراح لحد الصيدليه للدكتور احمد وطلب منه يروح معاه علشان يتقدم للمفسره واحمد بدأت تبان عليه ملامح القلق وقاله انا عاوز اعترفلك بحاجه وياريت تسامحنى رد وقاله قول حاجه ايه.؟
احمد.. أمل مش مفسره ولا اخوها كمان انا اللى اتفقت معاهم يقولوا كده علشان نساعدك رد وقاله معقول وازاى تساعدنى وانت متعرفنيش رد وقاله هقولك على كل حاجه امل كانت بتشتغل معايا هنا فى الصيدليه وهى المسؤله عن كل حاجه وفى يوم الداده جت
مرتضى.. الداده 🤣 كمان
احمد.. ياريت تسمعنى كويس
مرتضى. اتفضل
احمد.. امل كانت مسؤله عن كل حاجه وفى يوم وهى واقفه الداده جت الصيدليه وسألتها على الحبوب دى بتاعت ايه وطبعا امل عرفت انها منوم وقوى كمان وسألتها مين اللى بياخدها مريض وطبعا الداده قالت لأمل لا هى بتشوف مراتك بتحط الحبوب فى النسكافيه كل يوم فحبت تسأل وطبعا أمل ليها اسلوب حلو اوى فهمتها انها فيها حبس والداده خافت وعرفتها عليه وعرفت منها انك انسان خلوق ومحترم وحبيت اساعدك واليوم اللى كنت بتصطاد فيه الداده كلمتنى وقالت انك نازل تصطاد وانا روحت علشان احاول اصحابك وانبهك بس سبحان الله اتفجأت بموضوع الحلم وده اللى خلانى فكرت انى اقول ان امل واخوها مفسرين وكنت عارف انك هتصدق لأن حالتك كانت واحشه وكنت عامل زى الغريق اللى بيتعلق بقشايه وارجوك سامحنى وسامح الداده وأمل وصدقنى احنا كنا عاوزين مصلحتك ارجوك سامحنى اننا خبينا عليك
مرتضى قال بعصبيه انا ماشى سلام
.. وفعلا مرتضى مشى وراح الڤيلا واول لما دخل قال للداده انتى ملكيش امان ازاى تعرفى ان مراتى بتخونى ومتقوليش ردت وقالت انت عرفت يا استاذ مرتضى انا معرفش انا كل اللى شوفته البرشام وشوفتها وهى بتحطه فى النسكافيه وكذا مره على كده وانا ست جاهله مفهمش حاجه وبحسب علاج بس انت كنت قدامى كويس ومش تعبان فخدت البرشام وسألت البنت اللى فى الصيدليه الدكتوره أمل وصدقنى هما مترددوش لحظه انهم يساعدوك
ومرتضى طلع على اوضته وساب الداده وراح فالنوم ومن غير احلام ولا كوابيس وقام الصبح وراح يصطاد كالعاده علشان مضايق بس المره دى مكانش حد موجود وفضل يفكر لحد ما خد قرار وراح لأحمد وسامحه وخده على بيت أمل واتقدم لها واتخطبوا وبعد وقت قصير اتجوزوا
.. وفى يوم مرتضى طلب من امل انه نفسه فى اخ لبناته وانه عدى وقت على جوازهم وكان شهرين رددت وقالت انه لسه بدرى بس طلب منها تروح لدكتور ولما راحت عرفت انها عندها عيب خلقى يمنع الحمل ولما عرف مرتضى رضى بقضاء ربنا وأمل عاشت لبناته وكانت زوجه اب واحسن من الأم الحقيقيه ومع مرور الوقت وعدى على جوازهم 10 سنوات وكانت البنات كبرت
.. وفى يوم مرتضى اتفاجئ بحماته جايه لحد الڤيلا تطلب مقابلته وطبعا رفض بس هى اتحايلت على أمل وفعلا قابلته وعرف منها ان منى جالها كانسر وماتت بيه وخليل سافر ورماها وأياد عايش معاها وطلبت منه المساعده ومرتضى عمل بأصله واتكفل بمصاريفها هى وأياد علشان ملهمش ذنب فى اللى حصله وطلب منها البنات ميعرفوش عنهم حاجه وهو قايل لهم ان امهم ماتت بالفعل وميعرفوش غير أمل وبس ✋
وفعلا حماته احترمت كلمته ومشيت وهو اتكفل ب مصاريفهم لحد ما يمووووت
.. وأمل كانت أم عظيمه لبنات مرتضى واحمد طلع صاحب جدع والداده اتوفت ومرتضى أكرمها ودفنها لأنها ملهاش حد غيرهم وعاشوا فى سلام مع مشاكل الحياه العاديه وتربيه بناتهم كيان وكريمان أجمل بنات 😍
ممكن حلم يفوقك من اللى انت فيه بس تكون رؤيه صادقه والرؤيه الصادقه بتكون رساله من الله عز وجل يا بشرى يا إنذار وشروط الرؤيه الصادقه الصدق فى نيتك مع الله وحب الخير لغيرك وأهم شروطها تكون صادق✋ لسانك لا يعرف الكذب✋❤️ خلوا قلوبكم نقيه صادقه لله عز وجل مش لمخلوق صدقونى ربنا هينور بصيرتكم للصح 👌
اوقات كتير ربنا بيخرج من حياتنا ناس واحنا بنتقهر ونقول ليه اشمعنى انا✋ بس وقتها لازم تعرف ان ربنا اختارك علشان تستاهل تعرف الحقيقه لأنك متستهلش الناس دى وتفضل مخدوع فيهم طول عمرك ✋ ويدخل فى حياتك اللى يستاهل ويعوضك خير اوعوا تستهونوا بتدابير ربنا لانه يدبر الأمر 👌وانت لا تعلم
الصاحب موقف مش عشره👍🏼
و الخاين ميستهلش يكون فى حياتنا ✋
اختاروا الصح وادعوا الله دايماً بنور البصيره 😍👌

reaction:

تعليقات