القائمة الرئيسية

الصفحات

رواية عشقتها ولكن الحلقة الثلاثون 30 بقلم دينا دخيل

رواية عشقتها ولكن الحلقة الثلاثون 30 بقلم دينا دخيل

رواية عشقتها ولكن الجزء الثلاثين 
رواية عشقتها ولكن الفصل الثلاثون 
البارت 30
رواية عشقتها ولكن الحلقة الثلاثون 30 بقلم دينا دخيل
أمل حست إن مش قادره تقف ودايخه وقبل ما تقع .
ماااالك ... الحقنييييي

مالك طلع يجري عليها قبل ما تقع ومسكها
ولاقاها أغمي عليها

مالك ... امللللل امللللل
وضرب علي خدها بخفه عشان تفوق بس مفيش فايده

هنااااااء ... هنااااء

هناء دخلت المكتب .. نعم يا بشمهندس
ايه دا البشمهندسه مالها

مالك ... مش عارف .. اتصلي بأي دكتور بسرعه

هناء ... حاضر
وخرجت هناء لمكتبها واتصلت بدكتور يجي الشركه
ودخلت بلغت مالك إن الدكتور في الطريق

وكان مالك شال أمل وحطها علي الكنبه وقاعد جمبها بيحاول يفوقها
وكان قلقان عليها اووي وحاسس أنه قلبه هيقف من التوتر والخوف لحد ما الدكتور جه

الدكتور كشف عليها
مالك بخوف... طمني يا دكتور هي كويسه ؟
طب مالها ...وايه سبب الاغماء دا ؟
طب مش بتفوق ليبيه .. انقلها مستشفى؟

الدكتور.. اهدي يا بشمهندس
الاغماء دا طبيعي في حالتها دي

مالك ... مفهمتش حاجه بردو

الدكتور بابتسامه... المدام حامل
مبروووك

مالك من فرحته مكنش مستوعب الكلام وفضل متنح للدكتور

مالك ... بتقول ايه
امل حامل ... يعني هتجيب بيبي ويقولي بابا وهبقي اب

الدكتور بابتسامه من فرحته
اه أن شاء الله....

مالك من فرحته حضن الدكتور والدكتور ضحك عليه

الدكتور بهزار .... هههههههههههه وفر الحضن دا للمدام
وحط حاجه عند انف امل عشان تفوق وبدءات تفوق

الدكتور لمالك
انا كتبتلها فيتامينات اهي تاخدها بانتظام
وياريت الحركه تبقي قليله الفتره دي عشان الحمل يثبت
والف مبروك مره تانيه وحمدالله علي سلامه المدام

مالك شكره واداه فلوس كتير من فرحته
ومشي الدكتور

ومالك قعد جمب امل وكانت بدءات تفوق

أمل... هو حصل إيه

مالك ... انتي كويسه بس

أمل.. اه ... بس حاسه إن دماغي تقيله

مالك .. الدكتور طمني وقالي هتبقي كويسه
وقالي ..
مالك حط ايده علي بطنها
إن في هنا بيبي

أمل مكانتش مصدقه وبرقت لمالك

مالك بفرحه ... اه يقلبي انتي حامل
هتبقي ماما وانا هبقي بابا

أمل بفرحه ..انا حامل !
فرحانه اووي الحمد لله الحمد لله يارب رزقتني بحب مالك وكمان هجيب بيبي ويبقي حته منه

مالك حضنها اووي
مبروك يقلب مالك
انا فرحااان اوووي ... بعد ما كنت لوحدي ربنا رزقني بيكي وكمان أن شاء الله كمان ٨ شهور واسبوعين هبقي أب
والبيت هيبقي مليان

أمل... إن شاء الله يحبيبي
عايزه اقول لماما واسراء وافرحهم

مالك ... تعالي بس نروح دلوقتي ونكلمهم نفرحهم

أمل وهي بتقوم ... حاضر يالا بينا

مالك ... انتي بتعملي ايه

أمل.. ايه !!
بقوم عشان نمشي

مالك ... لا الدكتور قال الحركه الخفيفه
فأنا هشيلك

أمل... نعممممممم...تشيلني
مالك انا كويسه وكمان احنا في الشركه مينفعش

مالك ... محدش ليه عندي حاجه
مراتي تعبانه وهشيلها عادي

أمل.. هههههههه ربنا يخليك ليا
بس معلش هتكسف والله
بص هنمشي براحه

مالك ... خلاص ماشي
ومالك حط ايده علي كتفها يسندها وطلعوا من المكتب وهما فرحانين

مالك ... الغي ايه اجتماعات النهارده

هناء .. حاضر يا بشمهندس
مبروك

مالك / امل ... الله يبارك فيكي

وركب مالك عربيته هو وامل ووصلوا البيت وهو ساعدها تغير هدومها
وجابلها الاكل وقعد يأكلها
وهي كانت فرحانه من اهتمامه بيها

مالك .. بتبصيلي كدا ليه

أمل بهزار ... معجبه ..ايه في مانع

مالك .. امممممم
أصل مراتي بتغير عليا اووي فخافي منها

أمل.. وانت بقا بتحب مراتك

مالك ... دا سؤال يتسأل بردو
دا أنا بعشقها .... كنت الاول معجب بيها وبعدها حبيتها
إنما دلوقتي
عشقتهااا

أمل.. وهي بتموت فيك

مالك .. حبيبي.... يالا اشربي اللبن دا

امل ... لااا لاااا
لبن ايه مبحبوش

مالك .. لا هتشربيه عشان تبقي كويسه وتتغذي كويس

امل برجاء وهي بتحاول تستعطفه
مااالك مبحبوش بليييز

مالك .. متبصليش كدا وكفايه دلع عشان ما اضعفش 😂
يالا اشربي

أمل... اوووف حاضر 😒
وشربته

مالك مسحلها بوقها بمنديل وباس خدها
حبيبتي شطوره وبتسمع الكلام

أمل... عايزه اكلم ماما واسرااااء

مالك .. حاضر
خدي الفون اهوو كلميهم علي ما أنزل الصينيه تحت
ونزل مالك

وامل كلمت مامتها وكلمت اسراء وبلغتها بخبر حملها
وهما فرحوا جدا ليها
وقالولها هيجولها اخر اليوم كلهم يباركولها هي ومالك
وهي رحبت طبعا بيهم

وقالت لمالك أنهم هيجوا كلهم وهو فرح عشان هيشاركوه فرحته

ومر الوقت ووصل ريان وسما واسراء وأهل واسراء وامل وأخوها

اسراء بفرحه ... مبروووك يحبيبتي الف الف مبروك

أمل ... الله يبارك فيكي يحبيبتي عقبالك يارب

اسراء .. يارب يحبيبتي

ريان .. بقي التافهه دا هيبقي اب
سبحانك يارب 😂

مالك.. حضرتك تحترمني عشان ابني يطلع يلاقي أبوه الناس بتحترمه 😌😌😌

ريان... هههههههههههه
وحضنه مبروووك يا مالك

مالك... الله يبارك فيك عقبال لما تبقي اب انت كمان

ريان بص لإسراء وغمزلها من غير ما حد ياخد باله وهي اتكسفت منه

إن شاء الله يا مالك

وعبدالرحمن وأهل امل باركولهم
ومامتها فهمتها تعمل ايه عشان الجنين يبقي كويس
ومترهقش نفسها خالص

سما حضنته جامد
مبرووووووك

مالك ... الله يبارك فيكي يا اوزعه

سما بغيظ ... بطل تقولي اوزعه

مالك .. هههههههههههه صغيره اووي

سما اتغاظت منه ودخلت المطبخ تشرب

كل دا وعبدالرحمن بيولع من غيرته علي سما من مالك
ودخل وراها المطبخ

سما.. عاااا خضتني

عبدالرحمن بعصبية .. ممكن أفهم ايه اللي انتي عملتيه دااااا

سما بخوف ... عملت ايه
ومالك متعصب كدا ليه

عبدالرحمن... بلا متعصب بلا زفت
انتي ازاي تحضني مالك كدا وقداااامي كمان

سما مستغربه من كلامه وايه قدامي دي
وهو ماله ... هي دي غيره !!!

عبدالرحمن... انا مش بكلمك
ما تردي

سما ...ممكن تهدي بس
مالك اخويا في الرضاعه علي فكره

عبدالرحمن... ايه!!

سما ... اه والله اخويا
ولا انا يعني همشي احضن ايه حد كدا
بس ثواني بس ... ايه معني كلامك وعصبيتك دي

عبدالرحمن... يعني لسه مش فاهمه

سما بصت في الأرض واتكسفت وطلعت تجري علي برا

عبدالرحمن.. هههههههههه تبقي فاهمه

وخرج للكل برا و..

عبدالرحمن...يا جماعه بما اننا متجمعين كلنا
فأنا عايز اقولكم حاجه

سما كانت مستغربه زيهم ومكنتش عارفه هو عايز ايه

سالم .. قول يبني في إيه

ريان ... خير يا عبدالرحمن

عبدالرحمن.. انا بطلب ايد سما منك يا ريان دلوقتي
وقدامكم كلكم
انا عايز اتجوز سما

سما فضلت مبرقه من صدمتها واتكسفت اوووي
واسراء مكنتش مستغربه اووي عشان سما كانت حكتلها

عبدالرحمن .... ايه يا جماعه محدش بيرد

ليلي ... احنا لو لفينا الدنيا مش هنلاقي زي سما
دا كفايه أنها اخت ريان

أمل.. انا عن نفسي هبقي فرحانه وجدااا

ريان .. انت فاجأتني يا عبدالرحمن
أنت اكيد عارف انا بعزك ازاي ومش هلاقي لأختي أحسن منك
بس لازم اخد رأيها

سما كان هيغمي عليها من الكسوف

ريان قام وقف قدام سما
ايه رأيك يحبيبتي

سما كانت مكسوفه وبصه في الأرض

اسراء. السكوت علامه الرضا يا ريان

ريان ... يعني موافقه

سما هزت راسها اه

عبدالرحمن كان فرحان جدا و قال
خلاص نقرأ الفاتحه دلوقتي
وبعد اذنكم طبعا عايز بكره ننزل نجيب الشبكه
وكمان اسبوع عشر ايام بالكثير يبقي الفرح

كله أنصدم من كلامه

ريان ... وانت مستعجل كدا ليه يا عبدالرحمن

عبدالرحمن.. ريان انا جاهز وشقتي جاهزه
ويدوب في الوقت دا نجيب ايه حاجه ناقصه
ومش شايف في سبب للتأخير
وخير البر عاجله 😂💃

مالك ... دا شكل عبدالرحمن واقع يا ريان

ريان ضحك
وسما اتكسفت اكتر

عبدالرحمن... ها قولتوا إيه

محمد ... ها يا ريان
خلينا نفرح

ريان ... انا معنديش مانع

مالك ... يبقي نقرأ الفاتحه

وكلهم قرؤا الفاتحه وهما فرحانين
وسما مش مصدقه إن عبدالرحمن كلها كام يوم وتبقي معاه
وهو فرحان اووي وحاسس بسعاده تملي الكون
ومشي الكل علي اتفاق ينزلوا يجيبوا الشبكه بكره اخر اليوم

ومالك اخد أمل علي اوضتها ترتاح وقالها مش هتنزل الشغل بقا دلوقتي عشان الطفل
وهي وافقت عشان متتعبش

ريان وسما واسراء وصلوا البيت
وسما طلعت علي اوضتها وكانت لسه مكسوفه

وريان قال لسميره
وهي اتضايقت أنه قرر من دماغه من غير ما يرجعلها

ريان ... طب ما أنا طول عمري انا اللي بقرر ايه حاجه تخص سما

سميره... بس دا جواز

ريان .. وهي موافقه وعبدالرحمن كويس جدا

سميره بتريقه ... اااهاا ما هو ابن عم الهانم

ريان ... استغفر الله العظيم
ايه دخل اسراء دلوقتي
من غير القرابه ... عبدالرحمن شخص محترم وكويس جدا وباين أنه بيحب سما
وهي فرحانه وموافقه
وانا اهم حاجه عندي سعادتها

سميره... ماشي يا ريان

ريان .. هطلع أنا بقا

سميره.. ماشي

وطلع ريان لإسراء

ريان .. ايه الحلويات دي

اسراء.. دي عيونك يقلبي
فرحانه اووي عشان امل

ريان .. عقبالنا

اسراء بحماس وفرحه
ياااه دا انا هبقي أسعد واحده في الدنيا وانا شايله حته منك يا ريان وابقي ماشيه ببطني منفوخه قدامي اد كدا هههههههههههه
ويجي طفل صغنن كدا ويقولي ماما
ويقولك بابا ويااااااه لو ولد وشبهك كدا ويبقي قمرر زيك
ونربيه تربيه صالحه

ريان كان فرحان من شكلها وحماسها وهي بتتخيل

ريان ... بس لو بنوته وزيك كدا هتبقي احلي

اسراء... حبيبي أنت

وقطع كلامهم خبط علي الباب

ريان ..ادخل

دخلت ساميه وباين عليها التوتر

ريان .. تعالي يا داده خير

ساميه بتوتر ...كنت .. كنت عايزه اقولك حاجه يا ريان بيه

ريان .. قولي
شكلك متوتر ليه

ساميه بخوف هو..
سميره هانم لما طلبت من حضرتك أن اروح معاكم وانتو مسافرين جات قالتلي اعمل ...

ريان ... كملي سكتي ليه
طلبت منك إيه

ساميه ..طلبت .. طلبت
طلبت مني احط لست اسراء حبوب في الاكل واداتني علبه احط منها وحتي لما رجعتوا كانت بتطلب مني احطلها كل يوم

ريان واسراء خافوا بس لسه مش عارفين بردو

ريان ... حبوب ايه

ساميه ... حبووب
حبوب منع الحمل

اسراء وريان اتصدموا وقاموا وقفوا من قعدتهم
واسراء كانت في عالم تاني وحاسه إنها مش سامعه حاجه بعد جمله حبوب منع الحمل
يعني مش هتبقي أم

ريان بصدمه.. انتي بتقولي ايه

ساميه بعياط ... والله يا بشمهندس انا رفضت لما قالتلي وكنت عايزه اقول لحضرتك
بس هي قالتلي ماليش دعوه بحاجه
وهددتني أن هتطردني من الشغل وعيالي هيموتوا من الجوع لو انا كنت من غير الشغل
و.. وانا معامله ست اسراء ليا واحترامها معايا خلاني مش قادره اكمل اللي ست سميره بتجبرني عليه

ريان بعصبية... انا مش مصدق اللي بسمعه
بس انا ايه اللي يخليني اصدقك واشك في امي

ساميه ... انا ممكن اثبت لحضرتك كل دا
ممكن انزل اتكلم معاها تحت وحضرتك تسمعنا من غير ما تشوفك
واه كمان حاجه
دي كانت خطه بين ست إلهام وواحد اسمه شاكر

ريان اتصدم اكتر
معقول شاكر اللي كان شغال معاه هو فعلا لاحظ نظرات غريبه منه لإسراء
وإلهام وأمه ... دي عصابه ضدهم
طب ليه
ريان حاسس إن تفكيره اتشل وعقله هيقف

وكل دا واسراء باصه قدامها من غير هدف ودموعها نازله منها ومش بتنطق

ريان .... عايزه اسمع بوداني عشان اصدق

ساميه... حاضر
بس ابوس ايدك يا بيه تعمل نفسك انك سمعتنا بالصدفه عشان ست هانم ممكن تموتني
وبلاش تطردوني من الشغل ... انا والله عملت كدا عشان عيالي

ريان ... ما لو كلامك صح يبقي انتي ع الاقل خفتي وقولتي الحقيقه عشان متعضيش الايد اللي اتمدتلك
مش امي اللي بتأذي مراتي
وبتأذيني
متخافيش يا داده انا عارف انك طيبه ولولا انك محتاجه الشغل مكنتيش عملتي كدا

ساميه وطت علي ايده تبوسها بس هو بعد عنها
استغفر الله متعمليش كدا تاني
وانزلي شوفي هتعملي ايه عشان اعرف الحقيقه
وانا هنزل دلوقتي

ونزلت ساميه الصالون عند سميره

ريان لإسراء... اسراء
اسراء ... هتنزلي معايا ... انا بتمني تطلع ساميه بتكذب عليا
انا مش هيستحمل الحقيقة دي
وخايف انزل أتأكد 😰

اسراء قامت عشان تنزل معاه وبردو ساكته مش بتتكلم

عند ساميه

ساميه ... كنت عايزه اقولك حاجه يا ست هانم

سميره .. خير !

ساميه.. انا ضميري بيأنبني ومش هحط لست اسراء حبوب منع الحمل تاني

سميره.. نعمممممم يختي
انتي هنا تنفذي اللي اقولك عليه ... لما اقولك تحطيلها الحبايه كل يوم يبقي تسمعي الكلام
وبعدين أنا بحطهالها من يوم الفرح وبقالنا زي شهر اهوو
عايزه انتي بقا تبوظي كل اللي عملته
ملكيش دعوه وتسمعي الكلام

ريان بزعيق .. ويا تري بقا سميره هانم كانت ايه خطتها

سميره اتخضت لما شافت ريان واسراء والواضح أنه سمع كل حاجه

سميره بخوف .. ر..رياان ... متفهمش غلط
هو ... هو

ريان بزعيق .. بسسسسسسسسس
كفايه كدب كفايه هتقولي ايهههههه
انا سمعت كل كلمه قولتيها ... انا مش متخيل إن أمي تحط لمراتي حبوب عشان متخلفش مني
كانت ايه خطتك هاااا

سميره.. انا قولتلك مش عايزاك تتجوزها وانت اللي صممت فقولت لما متخلفش منها هطلقها
ومش شايفه إن انا غلط في حاجه... كنت عايزه مصلحتك
اسراء متنفعكش

ريان بصوت عالي ... عايزه مصلحتيييييي
مصلحه ايه في انك تحرميني من الخلفه من الإنسانه الوحيده اللي حبتها والإنسانه الوحيده اللي حنينه عليا وحبتني بجد من قلبها
ومش انتي اللي تقرري اسراء تنفعني ولا لااااااا
دي حياااتي اناااااااا وانا اللي أقرر انا عايز ايه
واعيش مع ميييين
طول عمرك بتكرهيني ومش بتعامليني كأني إبنك أصلا
وكمان تعملي فيا كدا
ايه مكنتيش عايزاني افرح بعيال تملي عليا البيت
مكنتيش عايزه احفاد تقولك يا تيته
وانتي كمااااااان فااااكره أن لو اسرااااااااااء مكنتش خلفت كنت هسبها لمجرد أنها مبتخلفش
اسراء انا حبيتها ولو كنت هختار ما بينها وبين اتجوز واحده تانيه عشان اخلف
كنت هختارها هي ... عارفه ليه
عشان بحبهااااااااا
انا مصدوم فيكي ... بقا الاكل والعصير اللي مراتي بتاكله وتشربه في بيتها اللي هو أمانها يحصلها كل دا
ماااااااشي من دلوقتي يا سميره هانم انسي أن عندك ابن

سميره بخضه ... رياااان
انت بتقول ايهه

ريان بزعيق ... اللي سمعتييييييه
انا همشي انا ومراتي دلوقتي من الفيلا دا وهروح شقتي
وانسي إن عندك إبن اسمه رياااان
انا قولتلك غلطه كمان وهمشي واسيبلك البيت وانتي اللي عملتي كدا فينااااااا كلناااااا

سميره.. كنت بعمل كدا عشاانك يا بني
متسيبنيش

ريان ضحك بوجع ...ابنك !!
هو في أم تعمل في ابنها كدا
كنتي ترضي مثلا أن أم اسراء بما انها قريبه عبدالرحمن تحط لسما وهي مراته حبوب عشان يطلقها
كنتي هتسكتي علي كدااااااااا

سميره سكتت

وريان شد اسراء من ايديها اللي كانت واقفه بتسمع زي الصنم ومش بتتحرك ولا تتكلم
يالا يا اسراء هنمشي دلوقتي مش هقعد دقيقه واحده ف البيت دا

سما بعياط وكانت واقفه وسمعت كل حاجه ... ريااااان انا هاجي معاكم

سميره.. سمااااااا هتمشي وتسيبي امك

سما بقهر ... انا عمري ما حسيت إن انتي أمي
اه كنتي ساعات بتهتمي بيا
بس كنتي بتسيبيني كتير وتضربيني
مكنش حد حنين عليا غير ريااان بقا اب وام واخ وصاحب لياا
ومش متخيله إن أمي تخطط عشان ريان يطلق مراته
هأمن ازاي اعيش معاكي بعد كل داا

ريان .. ماشي يا سما
انا هلم حاجتي انا واسراء تكوني خلصتي انتي كمان
وطلعوا لموا حاجتهم ومشيوا من الفيلا ل شقه ريان

سميره قاعده بتعيط كل اللي عملته رااااح
وراح معاه عيالها
بقت واحيده في البيت والكل بيكرها من عمايلها

سميره بقهره ... عااااااااا بقيت لوحدي
سبتني يا رياان وانتي يا سمااااا كنت مستنيه ترجعي البيت تقوموا تسيبوني
انا كنت السبب في زرع كرهكم ليا عشان مكنش بيهمني امركم
كل اللي كان بيهمني هو لبسي وخروجاتي وصحباتي
عياااالي كرهووووني وسابوووووني
كنت فاكره اللي بعمله هيخليهم جمبي بس لااااا لااا
دول بعدوا
وقعدت تعيط علي اللي عملته في نفسها وعيالها

وصل ريان شقته هو ومراته واخته

وسما دخلت اوضه حطت هدومها وقعدت تعيط علي صدمتها في امها

ودخل ريان اوضه هو وإسراء وكل دا واسراء ساكته منطقتش بكلمه لحد دلوقتي وسرحانه وكأنها مش ف الدنيا

ريان بدموع ... اسراء انتي مقولتيش ولا كلمه ولا نطقتي
اسرااااااااااء متسكتيش وتكتمي
هتتعبي ... اسراء قولي

اسراء بقهره وعياط ... هو انا مش هخلف يا ريان
يعني هتحرم من إن يبقي ليا طفل منك
وضحكت بوجع ههههه وكنت قاعده اقول عايزه طفل وشبهك
وانا اصلا هه مش هخلف
يعني هتحرم من كلمه ماما
ومن إني اشيل ابني وارضعه وابقي حامل والحاجات دي كلها زي باقي الناس
ليييييييه انا عملت ايهههههههه غلط في حياتي اتعاقب بيه كدا
مامتك عمري ما زعلتهااااا حتي ليييييييه تعمل فيااااا كدا
وعندها حق أنت هيجي يوم وتزهق مني وتكون عايز تخلف وتسيبني وتطلقني

ريان حضنها جامد وهو كمان بيعيط
متقوليش كدااا انا عمري ما هسيبك
اقسم بالله ما هسيبك يا اسراء انتي بقيتي روحي اللي عايش بيها
بقيتي النفس اللي مخليني عايش
تفتكري لو سبتك هعرف اعيييش
وإن شاء الله هنروح لدكتوره واكيد في حل

اسراء... حل هههههههه
حل وانا باخد الحبوب بقالي شهرررر
شهرررر يا رياااان يعني اكيد أثرت علياااااا
وممكن معرفش اخلف طول حيااااتي ومش هعرف اسعدك

ريان بيمسح دموعها... هششششششش بس بس يحبيبتي
والله هفضل معاكي وأن شاء الله نلاقي حل وانا يومين تلاته أسأل علي دكتوره كويسه ونروحلها
وهتلاقي حل
ثقي في ربنا يحبيبتي احنا عمرنا ما أذينا حد

اسراء كانت منهاره
وريان اخدها علي السرير في حضنه وقعد يقرالها قرءان لحد ما نامت ونام هو كمان من التعب
يتبع .. 
لقراءة باقي حلقات الرواية : اضغط هنا 
هل اعجبك الموضوع :

تعليقات

لو عايز أي رواية pdf .. أو لو عايزنا نعرفك لما الرواية إللي بتتابعها ينزل منها حلقة جديدة، انضم لقناتنا على التيجرام: من هنا 
ما هو الفصل الذي تود قراءته؟