رواية عمل بالموت الحلقة السابعة 7 بقلم أماني عنان
رواية عمل بالموت الفصل السابع
رواية عمل بالموت الجزء السابع
البارت 7
 |
| رواية عمل بالموت الحلقة السابعة 7 بقلم أماني عنان |
ح السابعة
بعد الحب دا كله فجأة يتغير كدا ، هي المشاعر لعبة بيقدروا يحبوا بمزاجهم ويبعدوا بمزاجهم انا اتظلمت ياماما وقلبي محروق من الوجع
ممكن تبطلي عياط بقي انتي تعبانه بجد ومحتاجة تتعالجي جرح خطيبك الايام كفيله بيه إنما الكحه اللي في صدرك دي والدوخه لازم نشوف لها حل
رغد .. والوزن كمان ياماما انتي مش شايفه فريدة بقي وشها اصفر ازاي
فريدة .. مش متخيله أن نادر يسيبني ولا قادره أتقبل
الام .. دا كل اللي شاغل بالك ،يابنتي احنا خايفين عليكي
رغد .. هكلم المعمل اطمن ع التحاليل مش هستني لما نروح
فريدة .. مابقيتش تفرق
الام .. يووووه ماتبقيش خايبه بقي وارحميني انا لو اعرف انك هتبقي ضعيفه كدا وتكسريني ماكنتش خلفتك من الاول ولا ربيتك ، ما ف داهية الراجل اللي مايحترمكيش ويشتريكي يبقي قلته احسن
فريدة .. بح
الام قطعت كلامها .. اياك تقولي بحبه
صرخت اكتر .. اصوت والم الناس عليا ،يابنتي الله يهديكي دا انتي من يوم مانمتي في السرير ماتصلش ولا حتي أهله جم يبصوا عليكي ،دول ناس واطيه ماتستاهلش
بصي لنفسك وصحتك عشان خاطر امك
رغد بتكلم المعمل
الو
ايو ي فندم معمل تحاليل الشرق مع حضرتك
انا كنت عايزا اطمن ع تحاليل باسم فريدة شلبي كامل عملتها يوم السبت اللي فات
ثواني معايا
اتفضلي
هي طلعت تقدري تيجي تستلميها
ممكن اعرف تقيمها ايه ؟ عندها حاجة
الصراحه ماعرفش دي محتاجة دكتور
تمام .. حالا هكون عندك
قفلت وقررت تنزل ،،
رغد .. ماما ،انا هروح اجيب التحاليل لو فريدة اشتكت من صدرها تاني او قالت مخنوقه اديها من الدوا دا الدكتور كتبه مؤقت لحد مانعرف هي عندها ايه بالظبط ..
الام .. ربنا يسترها كل التحاليل دي والأشعة وماعندهاش حاجة امال بنتي تعبانه ليه وع طول دايخه
رغد .. هنشوف النهاردة
الام .. طيب ماتتاخريش عشان تجهزي الغدا انا ماليش نفس اعمل حاجة
فريدة حاضنه نفسها ونايمه عيونها بتبص للسقف
******* بقلمي أماني عنان *****
نادر داخل خارج ولا كأن في حاجة ولو حد جابله سيرة خطيبته يتحول ويرفض أي صلة بيها
أمه .. نادر كنت بقول اروح انا وابوك نشوف فريدة
نادر … مالوش داعي ياماما انا مش عايزها
أمه .. ازاي بس مش هي دي اللي كنت بتحبها وهتموت عليها
نادر .. اديكي قولتي ،كنت المهم هي خالتي وتاره مش هيجوا الليلة ؟
أمه كانوا هنا امبارح هي شغلانه
نادر ، ماتكلميهم تعزميهم ع العشا ولا اقولك هروح لهم انا
أمه .. هههههههه والله ي نادر مابقيت فاهمه حاجة ،انت حر بس كدا فريدة هتبعتلك شبكتك
نادر وقف علي الباب وقال .. ايوا صح انا عايز الشبكة خلي بابا يكلمهم عشان انا قفلت من الناس دي
أمه .. فجأة كدا
نادر . اسباب كتير خاصه بيا أهمها أننا مش متفاهمين وهي عنيده مابتسمعش كلامي
أمه .. كل واحد بيشوف نفسه صح ياحبيبي اتكلموا قبل الفركشه دي
نادر .. انا خارج عشان اتاخرت وكلامي نهائي فريدة ماضي وانتهي
_______________________
رابحه بتحفر في التربة وهي خايفه عماله تسأل نفسها : انا ايه اللي بعمله دا سايبه بيتي وجوزي اللي جاي من السفر كمان اسبوع وعماله ادور ع عمل يتفك عشان احمل ..!
انا لازم امشي كل دا مالوش فائدة اللي كاتبه ربنا هيحصل مهما عمل الإنسان
وقبل ماتقوم لقت لفة قماش مربوطه بخيط أسود وجواها حاجات كتير كانت هتفتحها
خالتها .. استني بلاش تفتحيها وديها كدا للشيخه وهي تتصرف بدل ما تقطعي الخيط ويحصل حاجة لصاحبة اللفة دي
الام .. أو تكلمها في التليفون ع الأقل
رابحه .. صح نكلمها
التربي.. طيب يالا بسرعة صوت العربيات جت والميت وصل
طلعت مية جنيه وقالت .. خد ي عم متشكره اوووي ربنا يباركلك
التربي .. تعيشي ربنا يرزقك ويحقق مطلبك
الام والخالة في صوت واحد .. امين
رجعوا البيت وكلموا الشيخه وقالت لهم بشرة خير فكي الخيط بشويش وحطي كل حاجة في مية بملح وشغلي صورة البقرة عليها
رابحه بتفتح لقت ملابس داخليه حطتها في الميه امها مسكت جريدة ناشفه وقالت
الجريدة دي اكيد كانت خضرة دي بتموت
رابحه .. قصدك ايه ياماما
الام .. ماعرفش بس احساسي بيقولي أن العمل دا كان بالموت للبنت صاحبة اللبس والشعر اللي قدامنا دا
رابحه قعدت بزعل . يعني مافيش فايدة
خالتها .. فايدة في حملك ولا ف مساعدة البنت
رابحه .. وقفت مساعدة البنت طبعا
الام .. ربنا يكرمك ي بنتي ع قد طيبتك تعالوا نحطها في المية ونشوف ايه اللي هيحصل
رابحه .. حطت كل حاجة في المية ودخلوا يناموا والصباح نور ويوم جديد
في بيت ريم عدي اليوم ع خير وفهمت أن ايناس هي اللي بتحط لها الحبوب في العصير كملت أنها تعبانه وطلبت من جوزها طلب غريب
ريم .. حبيبي
احمد .. قرب منها وهو بيحاول يكون مثالي
ريم .. انا تعبانه اوووي وحاسه نفسي محتاجة اغير جو ونروح بحر
احمد .. لكن شغلي و.
ريم .. انا تعبانه بجد ماعندكش استعداد تاخد إجازة عشاني
احمد .. ماشي هنروح اسكندرية ايه رايك
ريم .. اي مكان المهم تبقي أسرة فيه من غير حد غريب
احمد .. ليه ماتخلي ايناس تيجي معاكي
ريم .. يوووه
احمد ... في حاجة
ريم .. لا مافيش بس انا تعبت ايناس معايا ولازم ترتاح هي كمان
احمد بصوت واطي ،بالعكس دي هتولع اكتر
احمد كلم ايناس زعلت طبعا وقررت تنيم ريم اليوم دا وماتعرفش تتحرك خالص
دخلت عليها بالليل قبل مايناموا كانت ريم بتجهز شنطتها ومبسوطه
ايناس .. ايه اخبارك النهاردة ؟
ريم بصت بطرف عينها وقالت ،الحمد لله كويسه
ايناس .. طيب اعملك حاجة تشربيها
ريم .. شكرا تعبتك معايا
خرجت ايناس مندفعه زي المجنونه ودخلت المطبخ تجهز العصير عشان تحط فيه الحباية كالعادة فاكره أنها مش هتتكشف وتاخد من صاحبتها كل حاجة بيتها وجوزها وعيالها بسهوله كدا ..
يتبع
لقراءة باقي حلقات الرواية : اضغط هنا