رواية علاقة ممنوعة كاملة بقلم كوكي سامح - جميع فصول الرواية

رواية علاقة ممنوعة كاملة بقلم كوكي سامح - جميع فصول الرواية

رواية علاقة ممنوعة كاملة بقلم كوكي سامح - جميع فصول الرواية

ستجد في هذا المقال جميع حلقات رواية علاقة ممنوعة بقلم الكاتبة كوكي سامح 
وهي الرواية الجديدة للكاتبة المصرية المميزة.
اقرأ ايضًا:
الرواية الجديدة لكوكي سامح

رواية علاقة ممنوعة الجزء الأول 1 بقلم كوكي سامح

اليوم ده كانت المياه قاطعه من البلد كلها اكتر من 3 ايام امى جت من الغيط وقالت يلا روحى على حنفيه بلاش إللى على أول الطريق واغسلى المواعين البيت كله مش نضيف وانتى قاعده وسايبه الدار تضرب تقلب قومى يا عيشه وخودى حته جبنه ورحى لأبوكى الغيط
.. عيشه يما تانى برضه نفسى مره واحده تقولى عائشه
.. يلا يا بت
.. حاضر يما بس هغسل المواعين ولا هروح الغيط
.. الاتنين يا عيشه قصدى يا عائشه هانم هههههههه
.. يما انا هاخد معايا سعيده نعيم
.. البت دى تانى مش قولنا بلاش سعيده
.. يما الناس ظلماها والله البت كويسه كل ده علشان لما اتجوزت الثرى العربى علشان فلوسه وأطلقت والله يما كان عندها حق ما الفقر وحش عارفه يما انا نفسى بعد ما اخلص الدبلوم اكمل تعليمى واكمل فى كليه تجاره وابقى محاسبه قد الدنيا وساعتها بس هرفع عينى فى عين التخين هى الشهاده وبس وساعتها بقى هروح مصر واشوف الخير كله حياه جديده يما شغل وناس تانيه لابسه اشى احمر واخضر ولا البنات يما تعالى شوفى ده انا فى جروب بشوف في العجب بنات عامله لايفات ولابسين اخر شياكه وغير وشهم البت بتبقى عامله زى القشطه ووشها ده جميل وحلو نفسى بقى يما بس اخلص الدبلوم
.. جروب ايه يا بت اللى بتقولى عليه يلا خودى المواعين واخلصى ولما تخلصى وتاخدى الدبلون يحلها اللى ما يغفل ولا ينام بس بقولك يا بت يا عيشه يعنى ايه لايف ده اكمنى جاهله
.. يما يما افهمى يعنى البت من دول بتمسك التليفون وتطلع تكلم الناس عن حياتها
.. يا نهار اسود بتفضح نفسها
.. دى العصر يما وتكنولوجيا حديثه الدنيا كلها بقت كده ده البت سعيده نعيم بتطلع الايف كمان
.. مش بقولك يا عيشه البت دى مش كويسه
.. يما حرام عليكى البت غلبانه وطيبه ومكسوره الجناح كان كل حلمها يكون عندهم دار جديده وآكله حلوه بدل ما تحتاج للى يسوى واللى ميسواش
.. اه يا عيشه تقوم تبيع نفسى بحبه فلوس وترجع مطلقه وقاعده فى ارابيز ابوها
.. يما حرام عليكى والله البت غلبانه بقولك يما انا رايحه هغسل المواعين وهعدى على ابويا عاوزه حاجه تانى
.. لأ بس متتأحريش
.. حاضر
.. وخرجت عائشه وقالت بصوت عالى يما اوعوا تتغدوا غير لما ارجع الدار
.. وفعلا خرجت عائشه وخدت المواعين وعدت على سعيده وخدتها معاها
سعيده.. ايه يا بت الحلاوه دى سبحان الله انتى حلوه زى ابوكى يا بت يا عيشه
عائشه.. حتى انتى أسمى عائشه اتمدنى بقى يا بنتى ده النطق السليم للأسم
سعيده.. حاضر يا حلوه البنات
عائشه.. انا حلوه بس هعمل ايه ب الحلاوه دى الفقر وحش مش عارفه اللبس ولا اعيش زى الناس حتى التليفون ده انا بشحن باقه النت بالعافيه
سعيده.. اخص عليكى يا بت لو عاوزه فلوس قولى
عائشه.. ربنا يخليكى ليه والله انتى اللى مصبرانى عالغلب ده فعلا الصحاب رزق
سعيده.. اسكتى يا بت مش الڤيلا اللى على أول الطريق سكنت باين
عائشه.. بجد وياترى مين دول اللى سكنوها
سعيده.. معرفش بس انا شوفت حته ست كانت زى القمر وكانت لابسه عريان وواقفه فى الجنينه
عائشه.. ياما كان نفسى اعيش فى ڤيلا زى دى بس يلا دى احلام
سعيده.. ما تيجى نروح نشوف الڤيلا
عائشه.. وابويا ده جعان وعاوز يتغدى وكمان المواعين دى اعمل فيها ايه
سعيده.. سيبيهم عندى فى الدار
عائشه.. ماشى يلا بس مش هتأخر
.. وفعلا عائشه راحه دار سعيده وسابت فيها المواعين وغدا بتاع ابوها والاتنين راحوا لحد الڤيلا واول ما وصلوا وقفوا قصاد الباب وكانت عائشه بتشب علشان تشوف الست الجميله وهى بتشب مسك ايدها احمد وقالها انتوا مين
عائشه.. انا انا انا كنت عاوزه اسأل على حاجه
احمد.. اتفضلى خير
عائشه.. الڤيلا كانت مقفوله من زمان وانا ليه صاحبتى هنا
احمد.. نعم صحبتك اسمها ايه بقى صحبتك دى
عائشه.. اسمها رضوى
احمد.. انا صاحب الڤيلا ومفيش حد بالأسم ده
عائشه.. شكرا شكلى اتلغبط
.. وخرجت مديحه وقالت يا احمد يا احمد
احمد.. نعم يا ماما
سعيده قالت بصوت واطى هى دى الست يا بت عائشه رددت وقالت يالهوى دى جميله اوى يارب اوعدنا
مديحه.. مين دول فى حاجه ولا ايه
احمد.. لأ يا ماما دى بتسأل على صاحبتها
مديحه.. طيب تعالى علشان الغدا جاهز يا حبيبى
.. واحمد قال عن اذنكم ودخل وقفل بوابه الڤيلا وقال هو انتى اسمك ايه رددت وقالت عائشه رد وقالها اسمك حلو زيك يا عائشه 😍


رواية علاقة ممنوعة الجزء الثاني 2 بقلم كوكي سامح 

.. وعائشه وسعيده مشيوا وكان كلامهم على أحمد وجماله
سعيده.. عارفه انا حاسه انه عينه منك اصل انتى حلوه يا بت
عائشه.. ياريت أعجبه
سعيده.. هتعجبيه بس اوعى تنسينى
عائشه.. مش هنساكى بس دى احلام انا عائشه بنت الراجل الفلاح اللى بيشتغل حته أجرى فالغيط أعجب ابن البهوات ده شكله غنى اوى
سعيده.. ربنا يحققلك كل اللى بتتمنيه
عائشه.. يارب
.. عائشه راحت الغيط لأبوها وشافته واقف مع واحده ست من البلد وقالت الغدا اهو يابا انا ماشيه
الاب.. راحه فين يا بت واتأخرتى كده ليه
عائشه.. راحه دارنا يابا وغلست المواعين ورايحه لأمى واخواتى
الاب.. المياه جت يا بت
عائشه.. الحمد لله بس قولى يابا هى مين الحلوه مش دى برضه بنت عمه مسعده
الاب.. يا بت انا بحب اقف فالخير انا جبتلها عريس البت عدت التلاتين ومحدش بص فى وشها
عائشه.. ومين العريس يابا
الاب.. الواد فتحى اهو لسه راجع من ليبيا ومعاه قرشين واهو أرمل وعنده عيلين والبت كبيره هتقدر على تربيتهم
عائشه.. ربنا يوفقها يابا وقالت فى سرها بتجوز البنات وعايش فى دنيا تانيه وسايب امى طافحه الكوته
انا بس اتجوز الواد الغنى ده وهعيش فالڤيلا وابقى ست الهوانم وساعتها محدش هيملى عينى
الاب.. بت يا عيشه انتى بتكلمى نفسك
عائشه.. برضه يابا نفسى مره تقولى يا عائشه
الاب.. تكونيش عاوزه تتجوزى يا بت
.. وبصت عائشه بإستغراب وقالت انا هكمل تعليمى
الاب.. انتى هتاخدى الدبلوم وهجوزك لأبن عمك وهدان اهو ويبقى زيتنا فى دقيقنا وكمان عمك عمله سقف شقته
عائشه.. سقف ايه ده يابا افهم يابا انا عندى 18 سنه لسه صغيره
الاب.. لا مش صغيره انا اتجوزت امك وهى عندها 16 سنه واول لما اتجوزنا خلفنا اخواتك التؤام يحيى وذكريا يا بت
عائشه.. انا ماشيه يابا علشان لو اتأخرت ذكريا هيموتنى
.. وعائشه مشيت وكل تفكيرها فى كلام سعيده والڤيلا واحمد الشاب الوسيم الغنى اللى هيشيلها من الفقر وعدت عالڤيلا ومكانش حد واقف والبوابه مقفوله وقالت ياما نفسى اعيش فيكى بس انا بحلف اهو والله لازم اعيش هنا واتجوز واتهنا انا جميله واى راجل يتمنانى انا عارفه انى مش من مستواه بس انا عائشه بنت الراجل الأجرى العيله بنت ال18 سنه هخليه يجرى ورايا وميشوفش غيرى وخدت بعضها وراحت على دار سعيده وكانت قاعده عالباب وحطت جمبها المواعين وقعدت وقالت عاوزاكى يا بت
سعيده.. ههههههه قولى مع انى عارفه انتى عاوزه ايه
عائشه.. انا عاوزه أعجب احمد بيه وكمان يتجوزنى واعيش بقى واطلع من الفقر وبدل ما كنت ببص عالڤيلا اعيش جواها
سعيده.. حلو اوى بس الواد ده عاوز مجهود يا بت ده اكيد بيشوف بنات أشكال الوان لازم تعملى حاجه بصى من خبرتى اى راجل بيحب فى الست جسمها هو ده اللى بيعجبه إنما الحب والكلام ده كله كلام بيجى بعدين كل الرجاله بيحبوا الجنس وبس
عائشه.. يا نهار اسود ايه الكلام ده يا بت
سعيده.. اسمعى منى هو ده اللى بيعجب الرجاله مزاجهم يا اختى والباقى بيجى بعدين متبقيش هبله وعبيطه
عائشه.. طيب وانا هعمله ايه ده
سعيده.. مش انتى معاكى تليفون اكيد الواد ده عمل ايميل عالفيس بوك ندور فالبحث ونشوفه وكلميه ما هو الفيس اللى هيقربك منه
عائشه.. طيب وانا هعرف ايميله منين 😁
سعيده.. انا هعرف بس انتى اعملى حسابك فى شويه صور حلوه كده انا هديكى من عندى كام قميص نوم تتصورى بيهم ولما يكلمك ابعتبله الصور دى
عائشه.. يا نهارك اسود انتى بتقولى ايه أتصور بقميص نوم وابعته لشاب معرفوش
سعيده.. تصدقى انتى فقريه يا بت مش لما اجيب الايميل الأول انا هبقى اقولك تعملى ايه يلا قومى روحى ولما اعرف هكلمك وهفهمك تعملى ايه
.. وفعلا عائشه قامت مشيت وهى مش مستوعبه كلام سعيده وانها تعمل كده
.. وبعد مرور اسبوع وكانت دماغ عائشه هتموتها من التفكير فى احمد الغنى اللى هيريحها من الفقر وفى يوم كان فى حنه فالبلد والكل معزوم فيها كانت عائشه فرحانه وبترقص وسط البنات وسعيده قربت منها وقالت تعالى عاوزاكى
عائشه.. مش سامعه الموسيقى عاليه
سعيده شدتها من ايدها وخرجوا بره الحنه وقالت فين تليفونك
عائشه.. جوه الدار
سعيده.. خلاص افرحى يا بت انا عرفت الايميل بتاعه وبعتلك اللينك على الواتس
سعيده فرحت وقالت بجد طيب كويس يلا اهو اعرفه قبل الامتحانات ونبى ادعيلى أنجح رددت وقالت يا اختى يارب تتجوزى احمد
عائشه قالت يارب يارب ❤️
.. وبعد ما الحنه خلصت وعائشه روحت ودخلت تنام جمب اختها الأصغر منها فردوس ومسكت تليفونها وفتحت الواتس ودخلت على ايميل احمد وتنحت من اللى منزله عالفيس وكانت مبهوره من الغنى الفاحش اللى هو فيه وفهمت انهم تجار دهب وعندهم محلات دهب وفروع فى كل مكان ودخلت على التعليقات شافت ناس عامله تعليقات كتير وبنات وشباب واللى كاتبه فينك يا احمد وفهمت انه كان مسافر بره مصر ورجع القاهر لسه قريب وقالت انا أعجب ده ولا عمرى هعجبه بس يمكن لما اكلمه يحبنى لما اجرب
و فتحت ماسنجر وبعتت رساله وقالت ازيك يا احمد وعلى حظها كان فاتح ورد على طول وقال مين ردت وقالت انا واحده اعرفك رد وقالها لو مقولتيش انتى مين هعمل بلوك رددت وقالت انا واحده تعرفها وشوفتها كمان رد وقال هعمل بلوك رددت وقالت استنى هبعتلك صوره وبعت لايك وافتكرت كلام سعيده وقالت انا هقوم اللبس قميص وقامت ولابست واتصورت وجت تبعت صوره فتحت فيديو....



رواية علاقة ممنوعة الجزء الثالث 3 بقلم كوكي سامح


وفتحت الكاميرا غصب عنها وفتح عليها
.. يا حزنى هو انت شايفنى
.. اه شايفك
.. قفلت الكاميرا وهى مكسوفه وبتغطى جسمها وقعدت على السرير ومسكت الفون وفضلت متنحه وقالت ايه ده بيكتب
.. قفتلى الكاميرا ليه
.. انا مش بتاعه كده
.. بجد بس انا شوفتك عادى وكنت تقريباً لابسه قميص نوم
.. يا حزنى يا حزنى ده شافنى اعمل ايه ده هيجرسنى
.. انا كنت هنام وقاعده على راحتى وقبل ما انام بقعد على الفيس وبالصدفه شوفت الايميل بتاعك وعرفتك انت الساكن الجديد فى الڤيلا اللى على أول الطريق اصل شوفتك واعرفك انت مش فاكرنى وكان معايا زميلتى
.. مش فاكر والله انا كل اللى فاكره جسمك وانتى عريانه ومكسوفه 😂
.. ده البت سعيده طلع عندها حق واضح من كلامه انى عجبته وواضح من كلامه ان الرجاله كلهم زى بعض بيحبوا الواحده مننا علشان جسمها والجنس وبس!!
.. وعائشه ابتدت تكتب.....
انا عائشه وعلى فكره لما شوفتك انت سألتنى عن أسمى وقولت انه حلو زى 😍 افتكرت يا احمد بيه انا مين؟
.. اه افتكرتك ولازم افتكرك لأنى من وقت ما جيت البلد دى مكلمتش حد غيرك
.. انا عندى 18 سنه بس جسمى فاير وعلى رأى امى خراط البنات خرطنى بدرى 😍
.. هههههههه هههههههه يعنى خراط البنات؟
.. يعنى كبرت وجسمى اتغير وكمان احلويت.
..هههههه انتى فعلاً حلوه وجسمك احلى بس بتكسفى وبان عليكى اوى لما شوفتك بالقميص وقفلتى فى وشى على طول مع انى بشوف اكتر من كده!.
.. انا مش بتكسف بس اول مره اكلم شاب وده طبيعى
.. طيب لو مش بتكسفى افتحى الكاميرا تانى عاوز اشوفك كويس يلا بقى
وفجأه دخلت ام عائشه وقالت..
.. ايه يا بت يا عيشه بتعملى ايه انتى لسه صاحيه يا بت وانتى عارفه انى هطلع الفجريه علشان انزل السوق النهارده وهخدك معايا
.. يما يما حرام عليكى انا مش هروح السوق ده تانى
.. انتى قاعده بالقميص ليه يا بت وقميص مين ده؟
.. ده انا طلعته من جهازى ايه يما مش فكراه
.. وانا فاكره كلت ايه امبارح قومى نامى والفجريه تكونى صاحيه وبعدين بطلعى جهازك ليه وهى كانت دخلتك بكره! بنات آخر زمن والله الحمد لله انى مش من الزمن ده
.. وخرجت وقفلت الباب وراها...
عائشه.. ايه ده فيديو
.. وفتحت الفيديو واول لما فتحته قالت يا نهار ده فيلم جنسى يبقى كده أعجب بيه وبجسمى كمان على رأيك يا بت يا سعيده الرجاله دول ليهم دماغ تانيه وانتى طلعتى بت متودكه وفاهمه كل حاجه
.. وابتدت تكتب عائشه
.. تصبح على خير وانا اسفه اصل امى دخلت عليه وبكره هبقى اكلمك.. بس كان قفل النت
.. وبعد اذان الفجر عائشه قامت من النوم ولابست وراحت مع امها السوق
الام.. بت يا عيشه انا قلقانه اوى عليكى يا بت ونفسى اجهزك احسن جهاز علشان لما تتجوزى ابن عمك وهدان اصل مرات عمك مبيعجبهاش العجب
عائشه.. يما عائشه ابوس ايدك وبعدين مين قالك انى هتجوز ابن عمى انا هتجوز حد تانى خالص وهتطلعوا من الفقر ده وبكره تعرفى قيمه بنتك
الام.. ووهدان يا بت ده ابوكى كان يفضحنا
عائشه.. يما انا هاخد الدبلوم وهكمل تعليمى وهشتغل
الام.. هتاخدى الدبلوم ولا هتتجوزى وتطلعى من الفقر ابقى اعرفى الأول انتى عاوزه ايه يا عين أمك 🤔
عائشه.. عاوزه اتجوز جوزاه البلد كلها تتكلم عنها
الام.. ربنا يهديكى يا بنتى لو بس تسمعى كلامى وتبعدى عن سعيده نعيم دى؟
عائشه.. صاحبتى وحبيبتى يما والله البت غلبانه
الام.. يلا يا بت علشان نلحق نروح النهارده عندنا شغل فالغيط كتير انتى ناسيه انه موسم البرتقان
عائشه.. مش ناسيه يما ده بيوجع ايدى وكله شوك احنا نتعب وهما ياكلوه عالجاهز
الام.. مين دول يا بت
عائشه.. المصرين يما وفى الاخر بيقولوا علينا فلاحين والله لو يعرفوا بنتعب قد ايه!
الام.. وانتى منين يا اختى من بلاد بره ما انتى من مصر
عائشه.. لا يما انا قصدى المحافظات وبالذات القاهره دول مش بيعجبهم العجب وبيقولوا علينا فلاحين وانا نفسى ابقى احسن واحده أكل احسن أكل واعيش احسن عيشه انا زهقت من الفقر يما ده احنا مش بنشوف الطبيخ غير كل خميس
الام.. دى حياتنا واحمدى ربنا عليها بدل ما تزول من وشك
عائشه.. المهم انا عاوزه جوانتى علشان احصد بيه البرتقان
الام.. منين يا عين امك
عائشه.. انا خلاص هسكت ومش هفتح حنكى تانى اوف بقى
الام.. ربنا يهدى
.. وبعد مرور 3 ساعات فى السوق كان الساعه 9 الصبح وراحوا على الغيط يحصدوا البرتقان وعائشه متمرده على حالها من وقت ما كلمت أحمد وشافت الڤيلا وكبر فى دماغها موضوع جوازها من أحمد
.. وبعد مرور ساعه فى الغيط وعائشه بتساعد امها فى الغيط
.. بت يا عيشه برن عليكى من الصبح
.. سعيده مالك يا بت بتنهجى وبتجرى كده ليه
.. كلمتك كتير علشان اقولك
.. التليفون فى البيت
.. فى حاجه عاوزه اقولك عليها النهارده كنت معديه من قدام الڤيلا واحمد بيه شاورلى وانا روحت وكنت مستغربه وسألنى عليكى
.. بجد يا بت ما انتى متعرفيش اللى حصل انا كلمته امبارح يا بت وكمان فتح عليه الكاميرا وطلع زى ما بتقولى راجل زى كل الرجاله
.. المهم بقى الواد دى شكله وقع فيكى
.. وقع فيه يا سعيده وانا لحقت ده انا كلمته مره واحده وحتى مكملناش الكلام واسكتى بعتلى فيديو من اللى بالك فيهم
... هههههههههه يبقى وقع فيكى يا بت بس بقولك اهو لما تتجوزى وتتدخلى الڤيلا وتبقى هانم اوعى تنسينى
.. لأ يا بت انتى حبيبتى بس اتجوزوا ❤️
سعيده.. طيب يلا تعالى معايا هو عاوزك
عائشه.. ازاى يا بت وامى وبعدين عاوزنى بجد بس فى ايه
الام.. انتى سايبه الشغل وواقفه ترغى يا بت
سعيده.. ازيك يا عمه
الام.. الحمد لله يا بنتى
عائشه.. اه يا بطنى مش قادره
الام.. مالك يا عيشه
عائشه.. بطنى بتتقطع يما
الام.. ما كنتى كويس يا بت
عائشه.. مش قادره يما الدوره نزلت عليا ومغرقانى انا هروح البيت اغير اه يا بطنى
الام.. خلاص روحى وخلى بالك على نفسك
سعيده.. هى معايا يا عمه
.. وسعيده خدت عائشه ومشيت
الام.. ما انا خايفه على بنتى علشان معاكى يا بنت نعيم
سعيده.. يخربيتك يا بت دخلت على امك
عائشه.. مكانش فى حل غير كده
سعيده.. تعالى معايا البيت البسى من عندى فستان حلو علشان تروحى وتشوفى احمد ده مستنى كلمه ونظره منك شكلك هبلتيه يا بت وقالى انه وعاوزك فى حاجه
عائشه.. فستان من عندك
سعيده.. انتى ناسيه انى كنت متجوزه راجل عربى وعندى احسن هدوم وكمان هحطلك برفان لو شمتيه هدوخى يا بت
عائشه.. بحبك اوى يا سعيده ربنا ما يحرمنى منك
.. بس اوعى تنسينى
.. وفعلا راحت معاها البيت ولابست فستان والاتنين خرجوا من البيت وراحوا لحد الڤيلا
.. والوقت عدى والساعه دخلت على 6 المغرب والام روحت البيت وعرفت ان عائشه مروحتش والأب واخواتها قلقوا عليها
الام.. هى كانت مع سعيده نعيم هاتى الطرحه يا فردوس
الاب.. انا جاى معاكى دى الساعه داخله على 8
.. وفعلا راحوا لحد بيت سعيده والأب خبط على باب دارهم وفتحت سعيده
الام.. فين عيشه دى مروحتش البيت مش كانت معاكى
سعيده.. والله ما اعرف يا عمه هى روحت تغير مكان الظروف بتاعتها ومعرفش عنها حاجه
الام.. بقولك بنتى فين يا بنت نعيم
سعيده.. معرفش..


رواية علاقة ممنوعة الجزء الرابع 4 بقلم كوكي سامح 


فين بنتى يا سعيده انطقى راحت فين
.. والله ما اعرف يا عمه هى قالت إنها غرقانه دم وعندها الظروف وسبتها ومشيت على داركم وانا روحت دارنا وادينى واقفه قدامك اهو
الاب.. يلا يا وليه البت مش عندها
الام.. اسكت انت فين البت يا سعيده انت يا نعيم يا نعيم
الاب.. تعالى هنا رايحه فين يا وليه
الام.. نعيم سامع كل حاجه وحتى ما قال اتفضلوا وانا هسأله هو فين بنتى وهو يتصرف مع بنته
سعيده.. والله يا عمه ما اعرف حاجه ابوس ايدك ابويا هيموتنى
الام.. انا عاوزه بنتى
نعيم.. فى ايه
الام.. اسأل بنتك وخليها تقولى بنتى فين؟
نعيم قال بت يا سعيده انتى شوفتى البت عيشه رددت وقالت اه الصبح شوفتها فالغيط ومشيت معاها وانا جيت هنا وهى راحت دارهم
الاب شد ايد ام عائشه وقال يلا يا وليه البت مش هنا
الام.. لو بنتى مرجعتش انا هوديكم فى داهيه
نعيم.. يلا يا بت اقفلى باب الدار احنا ناقصين قرف
سعيده.. حاضر يابا
.. والأب خد ام عائشه وراحوا دارهم ومش عارفين فين عائشه وكمان الساعه دخلت على 10 وهى لسه مرجعتش الدار
.. الساعه دقت 11 وتليفون سعيده رن وكان فى رساله على الواتس من عائشه وبتقولها تخرج هى واقفه بره
.. وفعلا قامت ولابست عبايه وخرجت تشوف عائشه
سعيده.. كل ده يا بت يخربيتك ابوكى وامك قالبين عليكى الدنيا
عائشه.. اسكتى يا بت انا كنت فى حلم يا خرابى على الڤيلا وجمالها
سعيده.. يا بت بقولك ابوكى واخواتك هيقطعوكى لازم تروحى والظاهر كده امك يا بت شاكه فيه
عائشه.. شاكه فى ايه 🙄 هى اصلا مش بطيقك يا بت 😁 بس سيبك انا كنت فى حلم وخلاص يا بت هبقى هانم 😍
سعيده.. طيب يا اختى علشان تبقى هانم لازم تروحى داركم هتعملى ايه دى الساعه داخله على 12
عائشه.. يا حومتى 12 ده ابويا هيموتنى واخواتى يا بت هيقتلونى
سعيده.. والحل ايه دلوقتى
عائشه.. انا عندى حل؟
سعيده.. قولى بسرعه
عائشه.. انا هعمل نفسى نايمه عالطريق بره بيتنا واقول وانا راجعه ركبت توكتوك والواد اللى فيه خطفنى وخد الخاتم بتاعى ورمانى فالشارع
سعيده.. خلاص يا بت روحى نامى عالطريق قرب داركم بس والتليفون؟
عائشه.. انا عملاه طيران مفيش غير الخط اللى بكلمك منه يا بت خط الطوارئ محدش يعرف عنه حاجه
سعيده.. خلاص شيليه واوعى تركبى الخط التانى غير لما تروحى بس برضه لو سرقه المفروض التليفون يتسرق كمان رددت وقالت لما ارجع ويشوفونى مش هيركزوا وبعدين هبقى اشيل التليفون فى صدرى
سعيده.. خلاص انتى عارفه اهلك يا اختى همى بقى وروحى دراكم واعملى نفسك نايمه على الطريق
عائشه.. يا سلام يا ختى انا هقعد هنا لحد الفجر لما امى تطلع السوق علشان تشوفنى
سعيده.. خلاص تعالى نقعد على السطوح فوق ابويا نايم واخواتى وامى عند خالتى تعالى
.. وفعلا سعيده خدتها وطلعوا على السطوح وفضلوا قاعدين
عائشه مسكت تليفونها وكلمت احمد وفهمتوا على اللى حصل وانها عند صاحبتها وطلب منها تفتح كاميرا وفعلا فتحت كاميرا وقعدوا يتكلموا
سعيده.. ازيك يا احمد بيه ان شالله تكون مبسوط والله البت عيشه دى زى العسل
احمد.. اه هو انا حبيتها من شويه
عائشه.. انا هقفل وهبقى اكلمك
احمد.. شوفى الواتس
عائشه فتحت الواتس وكان احمد باعت فيديو جنسى
عائشه.. يالهوى يا بت ده جريئ اوى يا بت
سعيده.. هو بعت ايه
عائشه.. فيديو منحرف 😂
سعيده.. مش بقولك انا عارفه الرجاله دى كويس كل راجل تعجبه ست ميبصش غير لجسمها كل حياتهم الجنس وبس إنما الحب والكلام الأهبل ده مالوش معنى عندهم بس اوعى يا بت يكون عمل فيكى حاجه
عائشه.. لا والله هو مسك ايدى بس
سعيده.. اصل عارفه الصنف ده كويس مش بيهمه غير جسمك وبس
عائشه.. مالك يا بت فيكى ايه
سعيده.. مفيش انا اتجوزت راجل مقعدتش معاه شهرين تلاته جواز علشان الفلوس وبس كانت كل حياته جنس وشرب وخمرا وحاجات مقرفه قرفنى فى كل حاجه😒 عارفه يا بت ده كان بينام معايا غصب عنى ويتشرط عليه وعملت معاه حاجات كتير حرام علمنى اشرب سجاير وخمرا ده كان بيدلق الخمرا على جسمى!
عائشه.. يا نهار يا نهار بس برضه يا بت ده كان جوزك
سعيده.. جوزى؟!. لأ يا حبيبتى الناس دى مش شايفه كده انتى طيبه وغلبانه
عائشه.. امال الناس دى شايفه ايه بقى؟
سعيده.. شايفه اننا فقرا ومهما عملنا بنعمل علشان الفلوس علشان كده بيبعوا ويشتروا فينا
عائشه.. يا حزنى يعنى قصدك احمد كده
سعيده.. لأ احمد يختلف على الاققل ابن بلدك وهيتجوزك على ايد مأذون وانتى عارفه أصله وفصله يا بت إنما الناس التانيه دول زى طليقى كده حته راجل من بلد عربى لا من دمنا ولا من بلدنا يتجوزك بورقه عرفى عند محامى ويدفع قرشين ويطلقك بعد ما يزهق منك ويشبع من جسمك
عائشه.. يالهوى يا بت انتى شكلك شايله اوى
سعيده.. ما خلاص انا قاعده مطلقه زى البيت الوقف حتى ابن عمى مش راضى يتجوزنى بعد ما سبته علشان الفلوس
عائشه.. يا اختى بكره يجى اللى يستهلك انتى تستاهلى كل خير يا بت
اذان الفجر بيأذن
عائشه يا الوقت خدنا وبصت للسماء وقالت يارب يارب كل اللى انا طلباه منك انى اتجوز احمد مهما حصل واخرج من الفقر يارب
سعيده.. يارب يا بت
عائشه.. ونبى يارب ما تنسى الغلبانه دى
سعيده.. ربك بيحب المساكين وبس ✋ متقوليش غلبانه لأن الغلبان ده ضعيف وربنا مش بيحب الضعفاء
عائشه.. سبينى ادعيلك
سعيده.. ربنا معانا يلا يا بت قومى علشان امك زمانها طالعه السوق
عائشه.. حاضر
سعيده.. رايحه فين؟
عائشه.. رايحه الدوار
سعيده.. ما انا عارفه يا بت بس لازم تكونى متبهدله
عائشه قلعت فستان سعيده ولابست هدومها ونكشت شعرها وحطت عليه الطرحه ونزلت وخرجت بره دوار سعيده
سعيده.. ابقى طمنينى وابعتى رساله واتس
عائشه.. حاضر يا حته منى 😍😘
.. وفعلا عائشه خرجت وفضلت ماشيه وكان الصبح بيشقشق وتليفونها رن وكان احمد وبيطمن عليها
عائشه.. انا لسه رايحه الدار دلوقتى بس نفسى اقولك حاجه رد وقالها قولى
عائشه.. انت حبتنى اوى كده مع انك متعرفنيش كويس وانا حته بت فلاحه غلبانه وابويا أجرى فى حته ارض وانت بيه وحلو ومعاك فلوس رد وقالها جمالك شدنى وهنا قالت فى نفسها يخربيتك يا بت يا سعيده فعلا الرجاله كلهم واحد بيحبوا الجنس وبس وشكله هيتهبل عليه 😍 وقفلت معاه وقبل ما تقفل قالت إنها هتقفل التليفون النهارده علشان هتبقى فى حوار ولما هتقدر تكلمه هتكلمه ووقفت توكتوك وكانت الساعه 6 الصبح وابتدت الرجل تدب فى البلد وركبت وراحت لحد الدار ولما نزلت منه تليفونها رن وكانت سعيده بتطمن عليها وعائشه قالت انا هقفل التليفون يا بت وهقول اتسرق ولما اعرف اكلمك هكلمك وقفلت معاها ونزلت وقالت يا حزنى ده باب دارنا مفتوح اعمل ايه دلوقت 😒 وقامت مصوته وهى بتصرخ وبتقول الحقينى ياما الحقنى يابا وقلعت الطرحه وفضلت تتمرمغ على الأرض
والام خرجت تجرى ووراها أخواتها وابوها وهى بتقول على صرخه واحده عيشه بت يا عيشه بنتى
.. والام قعدت جمبها ولما شافت شكلها بتتشنج قالت الحق بنتك لابسها جن
الاب.. يا مصيبتنا السوده حصلها زى عمتها الله يرحمها
الام.. يلا ياراجل شيل البت جوه علشان نجيب شيخ يشوفها
.. وحصل اللى عائشه مش عامله حسابه
سواق التوكتوك.. بنتك كذابه هى اللى رمت نفسها على الأرض...


رواية علاقة ممنوعة الجزء الخامس 5 بقلم كوكي سامح


انا شوفت بنتك اللى رمت نفسها على الأرض
.. انت بتقول ايه يا واد
.. والله انا شوفتها بعينى دى كانت لسه نازله من التوكتوك دلوقت
الام.. بت يا عيشه قومى يا بت كل شئ بان قومى يا اختى
عائشه.. انا تعبانه يما والله تعبانه والواد ده كذاب
الاب.. كذاب يا بنت الكلب كنتى فين يا بت
.. وخرج اخوها يحيى ومسك عائشه من شعرها ودخل بيها الدار ونزل ضرب فيها والام تصرخ
الاب.. موتها دى عاوزه الحرق البت بنت الكلب دى
الام.. يا حزنى خلاص اتفضحنا فى البلد
الاب.. جه اليوم يا ابو يحيى اللى بنتك تبات بره البيت فيه ياريتك كنتى موتى يا فاجره
عائشه.. ونبى يابا هموت يابا انا معملتش حاجه
ويحيى نازل ضرب فى عائشه والتليفون وقع من صدرها
.. يابا يما التليفون اهو.. كان مقفول ليه يا بت
عائشه.. والله يا يحيى؟..
.. ويحيى مسك التليفون وفتحه وقال ما هو شغال ومسك تليفونه وابتدى يرن عليها بس لما رن كان مقفول وقال ازاى مع ان فى شبكه
عائشه.. انا مقفلتش حاجه
.. وجت رساله واتس وفتح الرساله وكان فيديو جنسى من أحمد وشاف الاسم مكتوب بعلامه استفهام
يحيى.. ايه يا بت ده ده فيلم وسخ انتى وسختى اسم ابوكى يا بت
عائشه.. ده رقم بيعاكسنى من فتره والله بس معرفش مين؟
يحيى.. امال لما انتى مش عارفاه بتكلميه ليه يا بت المحادثه كلها باينه وانا هتعب نفسى ليه ومسك التليفون واتصل واحمد رد عليه
يحيى.. مين انت
احمد.. مش ده رقم عائشه
يحيى.. انت مين يعنى
احمد.. انت اللى مين؟
يحيى..انا بتصل بيك علشان اعرف مين؟
عائشه.. يا نهار روحت فى داهيه
احمد قفل فى وشه
يحيى.. ده قفل ابن الكلب مين دى يا بت بنتك طلعت بتعرف رجاله يابا
الاب.. مش بقولك موتها
الام قعدت على الأرض وفضلت تندب وتقول كله منك يا سعيده نعيم ضعيتى بنتى
الاب مسك عائشه ونزل فيها ضرب وقالها كنت نايمه فى حضنه يا فاجره مين ده علشان اقتله واقتلك يا فاجره
عائشه.. والله يابا انا زى ما انا اكشف عليه انا سليمه يابا ومحافظه على شرفى
الاب.. قومى يا وليه خودى البت دى وشوفى جرالها حاجه وبعدين انا هتصرف مع ابن الكلب اللى غواها
عائشه.. انا كويسه يابا
يحيى.. مين اللى كنت بايته عنده يابت ومين احمد ده
عائشه.. انا كنت بايته عند سعيده نعيم حتى اسألها
.. وبعد ضغط على عائشه قالت على موضوع احمد وانه عاوز يتجوزها على سنه الله ورسوله
الاب.. يلا يا وليه خودى البت وروحى شوفى جرالها ايه
وفعلا الام خدت عائشه وراحت بيها لحد المركز الطبى اللى على اول الشارع وكشفت نساء واتأكدت انها بنت ومفيش راجل لمسها وخرجت معاها والنار قايده فى قلبها علشان موضوع احمد
الام.. مين ده يا بت
عائشه.. والله يما بيحبنى بس مقدرتش اقول لابويا واخويا انا كنت هموت يما وانا مظلومه
الام.. كده يا عيشه وانا واثقه فيكى يا بنتى ده انتى حته منى يا بت تباتى بره البيت انا قولت جرالك حاجه ولا حد خطفك اتارى قاعده عند اللى تنشك فى قلبها
عائشه.. جسمى باظ يما وكله بقى ازرق🥺
الام.. بت يا عيشه لو شوفتك كلمتى سعيده دى تانى انا هموتك بإيدى
عائشه.. يما يما حرام عليكى مش كفايه ابويا عليه
الام.. يا خوفى من اللى جااى
.. والام خدت عائشه لحد دارهم وقالت إنها بنت ومفيش راجل لمسها
الاب.. يلا يا بت اطلعى
عائشه.. اطلع فين يابا
الام.. رايح بابت فين
الاب.. بت كان يوم اسود ما جت على الدنيا يلا يا بت
.. ومسك عائشه من ايدها وطلع بيها على السطوح وكان فى اوضه فى اكل الطيور وحبسها فيها وخرج وقفل عليها بقفل كبير
.. وفضلت تخبط عالباب وتقول بلاش يابا هموت يابا من الخنقه حرام عليك انا بنت يابا مفيش راجل لمسنى
الاب.. روحى ان شالله ربنا ياخدك
الام.. وده حل يعنى انك تحبسها
يحيى.. خود يابا ده تليفونها وانا هتصل بالواد ده واعرف حكايته
الاب.. اتصل انت يلا
.. ومسك التليفون واتصل بس كان مغلق
يحيى.. ده مقفول يابا!.. لما يتفتح هكلمه ولازم ناخد تارنا
الام.. البت كويسه وسليمه كفايه عليها الحبسه وبعدين احنا نعرف الواد دى منين 😁 لو انت عرفت طريقه وروحت وانت والمحروس ابنك هيطردك وممكن ينكر يبقى احنا مخدناش غير الفضيحه
الاب.. قصدك ايه يا وليه اسكت؟
الام.. والله يا ابو يحيى امى كانت بتقول المشاكل اللى زى دى اعمل حفره واحط عليها التراب واردمها احنا فى فلاحين وما بيصدقوا يشموا ريحه المصايب والبت معملتش حاجه وشرفها سليم
يحيى.. مش هسيبه يما
الام.. اسكت يا ولا اختك كويسه
الاب.. والله هو عندك حق بس خليها محبوسه لا أكل ولا شرب 🖤
.. والأب خد نفسه هو وولاده وراح الغيط
الام خدت بعضها وراحت عند سعيده وخبطت على الباب
سعيده.. عمه خير انتم لقيتو البت عيشه
الام نزلت بالقلم على وش سعيده وقالت انتى يا بت انتى ابعدى عن بنتى لأحسن واللى خلق الخلق اخلى فضيحتك بجلاجل واللى ما يشترى يتفرج عليكوا انا بنتى مش شبهك يا بنت نعيم
سعيده.. بتضربينى يا عمه انا هعتبرك زى امى
الام.. لو امك صحيح قوليلى طريق الواد ده فين
سعيده.. واد ايه
الام.. اللى بيبعت لعيشه البلوه السوده والأفلام الوسخه
سعيده.. يا حومتى هو انتوا عرفتوا
الام.. فين طريقه يا بت
سعيده.. فين عيشه انتوا قتلتوها
الام.. لا يا عين امك انا بنتى ست البنات بس عاوزه اعرف طريقه
سعيده.. حاضر يا عمه
الام.. كلميه وعرفيه اننا عرفنا الموضوع ومحبوسه فالدار وابوها حالف يموتها ونشوف نيته ايه
سعيده.. حاضر يا عمه هقولوا


رواية علاقة ممنوعة الجزء السادس 6 بقلم كوكي سامح


.. وفعلا سعيده دخلت دارهم ولابست طرحه وخدت معاها ام عائشه وراحت بيها لحد الڤيلا
الام.. يا سوادى هو ساكن هنا يا بت يا سعيده
سعيده.. ايوه يا عمه ولو اتجوز عيشه هتعيشوا فى هنا
الام.. واللى زى ده هيبص لبنتى الفقيره بنت الراجل الأجرى
سعيده.. بنتك فقيره بس جميله
الام.. طيب يا اختى
سعيده.. انا هكلمه علشان يخرج هقولوا انى بره
الام.. خلاص انا هبعد واقف بعيد
سعيده مسكت تليفونها وكان مغلق واتصلت برقمه التانى ورد عليها وعرف انها بره وخرج على طول
.. واول لما خرج قال هو ايه اللى حصل فى ايه؟
الام جت تجرى وقالت انت اللى ضحكت على بنتى عيشه هتموت يا بيه ابوها حبسها بسببك وعرف انها بتحبك وكانت بايته عندك رد وقال انتى مين
.. انا ام عيشه يا بيه
.. بس عائشه مكانتش بايته عندى
سعيده.. دى كانت عندى
.. يا بيه بنتى هتموت ابوها هيموتها والبت محبوسه
.. عائشه محبوسه معقول 🙄 وايه المطلوب طيب
.. تيجى تتقدم لها حتى تطلبها واحنا نرفض ومش عاوزين منك حاجه علشان ابوها بس يفك حبسها
.. انا هتقدم لها وهكون عندكم بكره ان شاء الله الساعه 7 بعد المغرب
سعيده قالت فى سرها معقول هيتجوزها بسرعه كده والله يا بت يا عيشه مكتوبالك ده بيحبها بقى
.. والام خدت سعيده ومشيت واطمنت من كلامه وبصت وراها وقالت 7 يا بيه رد وقالها ايوه بس عاوز اشوف العروسه خليها تجهز
.. وفعلا الام لما روحت كانت مبسوطه واول لما ابوها وأخواتها رجعوا من الغيط بلغتهم ان احمد عاوز يتقدم لعيشه
الاب.. وعرفتى منين يا وليه
الام.. عرفت عرفت هقولك كنت قاعده فى الدار وبغسل المواعين لقيت اللى بيخبط عليه وكانت سعيده نعيم وعرفت موضوع البت عيشه كله وكلمت الواد وبصراحه قال انه عاوز يتجوزها طلع واد أصيل
الاب.. بنتك فاجره وصاحبتها زيها
يحيى.. والله انا كنت عاوز اقتلها يابا
الام.. هو جاى بكره
الاب.. انا داخل انام مزاجى اتعكر
الام.. مش هتتعشوا
يحيى.. وانا كمان هنام
.. والام خدت المفتاح من ورا جوزها وطلعت وفتحت على عيشه وقالت خودى دى أكل ليكى وخرجت وقفلت عليها
عائشه.. يما يما خرجونى من هنا مبحبش الضلمه يما
..والام نزلت جرى علشان محدش يحس بيها ودخلت نامت
.. وفى صباح اليوم التالى واليوم عدى بسرررعه وسعيده راحت لحد دار عيشه وقالت إن احمد هيكون عندهم الساعه 7 ولازم عيشه تكون جاهزه
الام.. خلاص انا هطلع انزلها وفعلا فتحت عليها الباب وكانت عيشه تعبانه من كتر العياط ونزلت معاها وشافت سعيده وقالت شوفتى انا كنت هموت رددت وقالت خلاص يا بت احمد هيتجوزك
.. ونبى هيتجوزنى مين قالك يا بت
الام.. هو اللى قال
.. الساعه دقت 7 وكان الباب بيخبط
الام فتحت الباب وكان احمد لوحده
الام خرجت بره وبصت وقالت انت لوحدك يا بيه
احمد.. اه لوحدى
الام.. اتفضل
والام دخلت احمد اوضه الجلوس وقعد وسعيده عينها عليه
سعيده.. حلو اوى يا بت مبروك يا عيشه
عائشه.. أسمى عائشه بقولك وبعدين ده جاى لوحده فين امه ده لو على كده ابويا مش هيرضى
الام.. شوفتى جاى لوحده من غير اهله علشان احنا مش من توبه
سعيده.. استنى يا عمه لما نشوف اخره
الام.. اهو ابوكى خرج واخوكى ونشوف هيحصل ايه وقالت فى سرها كله منك يا بنت نعيم عاوزه تضيعى بنتى علشان تطلق وتقعد زيك والناس تجيب فى سيرتنا
.. والام قدمت حاجه ساقعه ودخلت قعدت مع عائشه وسعيده
.. وبعد مرور نص ساعه الاب خرج وقال زغرطى يا وليه احنا قرينا الفاتحه
الام مش مصدقه نفسها وزغرطت
عائشه.. الحمد لله يارب انت قبلت دعوتى شوفتى يا سعيده
سعيده قالت فى سرها مكتوبالك يا عيشه 😁
عائشه.. شوفتى يما بيحبنى ازاى
الام.. حب ايه يا بت وكلام فارغ ايه
عائشه.. خلاص يما المهم انه هيتجوزنى
سعيده.. مبروك يا بت
الاب.. لازم نجهز البت ده عاوز يتجوز على أول الاسبوع الجاى
الام.. يا حزنى ايه يا راجل ده وازاى توافق على اسبوع وهى عندها حاجه
الاب.. ده عنده ڤيلا يا وليه مش محتاج حاجه هديكى شويه فلوس وهاتى شويه قمصان نوم وخلاص
الام.. ايه ده لا بنتى لازم تخرج بأحسن جهاز
سعيده.. مبروك يا عيشه انا همشى انا
عائشه.. هبقى اكلمك يا بت يا وش السعد انتى
الام.. خلاص اسبوع اسبوع المهم انها تتجوز
الاب.. دى هتبقى جوازه الهنا والواد شكله بيه وغنى
.. وبعد مرور يومين الباب خبط وكانت الشغاله اللى فى ڤيلا احمد وجايبه معاها 4 شنط سفر وقالت دول هديه العروسه من أمه
.. والام خدت الشنط وقالت بت يا عيشه مش ملاحظه حاجه ان لحد دلوقتى امه مشوفناش وشها
عائشه.. امه حلوه اوى يما
الام.. يا بت انا بتكلم على حاجه تانيه خالص يا ترى هى موافقه ولا لأ
عائشه.. اكيد موافقه لانه بيحبنى وبعدين الهدايا دى تتدل على أنها موافقه
وفتحت الشنط وشافت فيها هدوم من أفخر الهدوم وغير القمصان والبرفانات والفساتين وكمان سواريهات وشنط وجزم وكان فى شنطه رابعه وفتحتها ولقت فيها فستان فرح من أجمل الفساتين محدش فى البلد لابس زيه
عائشه.. يا نهار يا نهار كل ده ليه
الام.. نصيبك يا بنتى
.. ومسكت تليفونها وكلمت احمد وفتح عليها كاميرا وقال خودى كلمى ماما مديحه
وفعلا كلمتها وكانت مبسوطه
احمد.. خلاص يا حبيبتى كلها 5 ايام وتبقى فى بيتى
عائشه.. انا مبسوطه خالص بس طنط برضه كان لازم تيجى تشوفنا وتشوف عيشتنا رد وقال دى حياتى انا انتى فاهمه وماما بتحبنى ومبترفضش ليه طلب وقفلت معاه وهى فرحانه وابتدت تجهز للجواز وعملت كل اللى يخص البنات ولما جه يوم الحنه البنات اتلمت عند دارها وسهروا للصبح وهما بيغنوا وبيرقصوا على نغمات الدى چى
.. وجه اليوم الموعود واليوم دخله عائشه على أحمد وكانت فرحانه وراحت الكوافير وفتحت كاميرا على أحمد وفضلت تتكلم معاه وسعيده كانت معاها وقالت إنها هتطلع من الكوافير الساعه 7 وفعلا العروسه جهزت والعريس وصل بعربيته وشاف عائشه وكانت أجمل العرايس وخدها بزفه مفيش واحده فى البلد تحلم بيها وكل البنات كانت غيرانه منها ووصلت الڤيلا ونزلت من العربيه
عائشه.. يما فين الشنط اللى فيها الهدوم
الام.. مبروك يا بنت عمرى ❤️ يا عيشه الشنط اخوكى جابها هنا الصبح وانتى فى الكوافير وانا هطلع معاكى اجهزك للعريس
سعيده.. وانا يا عمه خودينى معاكى انا عاوزه ادخل الڤيلا
احمد.. تعالى يا عروسه
الام.. غريبه هو محدش قابلنا ليه
احمد.. ماما تعبت شويه وهى جوه الڤيلا فى استقبالكم ومسك ايد عائشه ودخل الڤيلا وكانت زى الملكه والأب وأخواتها معاها واول لما دخلوا الڤيلا كانت عائله احمد فى انتظارهم
الام.. انا حاسه ان قلبى مقبوض
سعيده.. افرحى يا عمه بنتك هتعيش فى هنا
الاب.. يلا اطلعى جهزى البت علشان تتدخل يلا يا عريس
عائشه.. ادخل ايه يابا احمد ميفهمش كده
احمد.. فى ايه
الاب.. انا عاوز منديل الشرف لازم البلد كلها تشوفوا ده شرفنا ده انا من فرحتى انا اللى هشيله واضرب نار كمان وهفرج عليه البلد كلها
عائشه.. بكره الصبح تعالى يابا
الاب.. امك هتطلع معاكى انتى هتدخلى بلدى
عائشه.. لا يابا مش هنا الكلام ده
ام احمد.. اه انا معاك لازم تتدخل بلدى يلا خودى بنتك واطلعى وانا كمان هكون معاكم يلا يا احمد....


رواية علاقة ممنوعة الجزء السابع 7 بقلم كوكي سامح 


وقالت يلا خودى بنتك واطلعى يلا يا احمد انت هتدخل بلدى على عروستك خد عائشه واطلع وانا جايه وراكم
.. وانا هقف هنا مستنى المنديل لازم البلد كلها تشوفوا وهيكون بضرب النار
.. ايوه يابا لازم الكل يشوف ده شرفنا ودى عوايدنا
.. اسكت يا ولا دول من مصر ومفيش عندهم الكلام ده انا قولت كده بعرفهم اننا مش ساهلين ولا شرفنا رخيص علشان يحافظ على اختك
.. فين اوضه النوم يا احمد بيه
اللى هناك دى يا طنط خودى انتى عائشه وخليها تجهز
.. معقول يا احمد هتدخل عليه بلدى انا قولت انك من مصر ومتعرفش حاجه عن الكلام ده
.. حمايا عاوز كده ولازم نسمع كلامه ولا ايه يا حبيبتى
.. وقالت بصوت واطى بس انا خايفه
.. انا جمبك وانا جوزك وحبيبك ده احنا مكتوب كتابنا يعنى انتى مراتى وحلالى
.. مبروك يا احمد بيه مبروك يا بت يا عيشه
.. الله يبارك فيكى يا سعيده عقبال
.. قولتلك عائشه
.. انا نازل اجيب ماما علشان تكون معانا خلاص يا حبيبتى
وفعلا نزل
.. انا خايفه يا بت يا سعيده ده انا حاسه انى هكون زى الفرخه المدبوحه يا بت
.. متخافيش دى زى شكت الدبوس وانا هكون معاكى
الام.. يلا يا بنات هههههه يلا يا عيشه بعد شويه هتبقى ست الستات يا بت
.. يما يما ابوس ايدك قولى عائشه على الاققل قدامهم وقدام حماتى
.. والله يا بت انا مش مرتاحه للوليه دى شكلها بيقول قرفانه مننا
.. لا يا عمه عيشه تشرف اى حد وانتم احسن ناس
الام.. عقبالك يا سعيده
.. مش باين يا عمه
الام.. يلا يا بنات على الاوضه
.. وفعلا خدت عائشه وسعيده ودخلوا الاوضه
.. ايه ده يا بت يا لهوى بالى على جمال الاوضه ولا السرير ده مفروش حرير يا عمه
.. يا حبيبى يا احمد ده عمل اللى كان نفسى فيه والسرير كله ورد
الام.. يلا اقلعى الفستان يا بت
.. وابتدت عائشه تقلع الفستان وبعد ما قلعت قعدت على السرير ومرعوبه من اللى هيحصل
الام.. هما اتأخروا ليه عاوزين نخلص
.. الباب خبط وكانت ام احمد
الام.. تعالى يا حبيبتى يا حماة بنتى هو فين أحمد بيه
.. طالع شكلك جهزتى يا عائشه
ايوه يا طنط🥺

.. تعالى يا احمد دى العروسه خايفه
.. يا ماما انا فهمت حبيبتى ان حمايا اللى عاوز
كده
.. وبعد ما عدت دقايق وعائشه نايمه زى الفرخه المدبوحه💔 خرجت الام بتزغرط وتقول شرف بنتى اهو يا ولاد مبروك يا ابو عيشه بنتك شرفتك قدام الناس كلها ونزلت هى وسعيده
والاب ضرب نار وخد المنديل وخرج بره الڤيلا وكانت ستات البلد واقفه وأم عائشه خدت المنديل وقعدت ترقص بيه وابوها واخوها بيضربوا بالنار
وسعيده قالت فى سرها يا بختك بعد ما خدوا شرفك قعد جمبك راجل ولا سيد الرجاله خدك فى حضنه وغير حماتك تشرف بصحيح
الام.. زغرطوا يا نسوان بنتى دخلت وشرفت ابوها وخدوا المنديل بضرب النار لحد بيتهم
..وبعد يوم طويل الام قالت شوفت اهى بنتك شرفتك
.. اسكتى يا ام عيشه انا كنت خايف على البت اوى لا يكون الواد ضحك عليها يوم ما باتت بره
.. يا ابو عيشه بنتك شريفه دى كانت عند اللى ما تتسمى سعيده نعيم
.. يلا الحمد لله انا كده انام وانا مرتاح 😌 واوعى تنسى يا ام عيشه تروحى للبت الصباحيه وخودى فطير وعسل وقشطه
.. وانا يما عاوز اروح معاكى
كلنا هنروح لعيشه يا ولا بس ابقى قول عائشه 😂
علشان بتزعل..
.. يلا يا احمد قوم تعالى وسيب مراتك دلوقتى هى تعبانه والمفروض تستريح
.. ليه يا طنط انا عاوزاه جمبى انا تعبانه وحاسه بوجع 🥺 وبعدين انا حاسه ان كلى دم وعاوزه ادخل الحمام
.. فاطمه الشغاله هتكون معاكى وهتشطفك وهتغير الملايه يلا يا احمد تعالى وخرجت وسابت الاوضه
.. احمد هتسبنى لوحدى
.. اسف يا حبيبتى انتى اصل متعرفيش ماما بتحبنى اوى وانا وحيدها على بنتين وهما فى مصر والاتنين متجوزين ومش بيسألوا عليها غير فى المناسبات والجواز خدهم منها خالص وهى متعلقه بيه دى مبتنمش غير وانا فى حضنها
.. بس حضنك ده بقى ليه انا يا احمد بيه
.. حبيبتى شويه تنام وهرجعلك خلاص ولا تزعلى وفاطمه هتكون معاكى وسابها وخرج
عائشه.. اه انا تعبانه ازاى يسبنى سايحه فى دمى وهو اللى دبحنى بإيده ويمشى يروح ينام فى حضن امه يادى المصيبه هو دلدول امه ولا ايه
.. الباب خبط
.. ادخل
.. انا جايه فى خدمتك يا هانم
.. انتى مين
.. انا فاطمه الشغاله تحت امرك يا هانم
.. انا تعبانه يا فاطمه وزى ما انتى شايفه غرقانه دم انا حاسه انى نزفت
.. لأ يا هانم ده اثر الجرح على فكره انا معايا دبلوم تمريض وبفهم كويس متقلقيش انا هكون جمبك
.. شكلك طيبه يا فاطمه
.. كلنا طيبين يا هانم لو مكناش طيبين مكناش عيشنا الايام السوده دى 😒
.. انا تعبانه يا فاطمه
.. انا هعمل الازم يا هانم
.. وفعلا فاطمه خدتها الحمام وشطفتها وقدمت لها عشا وكانت عائشه بتاكل وهى حزينه لأنها لوحدها وبعد ما أكلت نامت من التعب
والفجر بيأذن وعائشه قلقت على صوت الأذان واتخيلت انها فى دارهم وقالت ايه دى انا فين والله نسيت ان النهارده دخلتى بس يا خساره نايمه لوحدى واحمد قالى انه هيجى ومجاش لما اقوم اشوفوا يعنى معقول كل ده حماتى لسه صاحيه ده الفجر اذن
.. وفعلاً قامت من السرير وكانت حاسه بتعب وخرجت بره الاوضه وكانت الڤيلا هاديه وقالت يا نهار ده مفيش حتى صوت يوحد ربنا انا حاسه انى لوحدى
.. ومشيت بخطوات بطيئه وكانت لابسه قميص نوم وروب وبتقول بصوت واطى يا احمد يا احمد وهى ماشيه بصت على الأرض لقت نازل منها نقط دم بسيطه وقالت انا حاسه انى انا بنزف بس فاطمه طمنتنى وهى ممرضه وفاهمه
.. انتى ايه اللى خرجك من اوضتك يا عائشه
.. طنط؟؟ هو فين أحمد انا تعبانه 😭
.. وشدتها من دراعها ودخلت بيها على اوضه النوم وقالت بت انتى احمد ده متسأليش عليه تانى انتى مراته على الورق بس فاهمه
.. ليه يا ماما انا عملت حاجه زعلته منى
.. ماما فى عينك وانتى فاكره ان احمد ابن اكبر تجار فى الصاغه يبص لوحده زيك؟!
.. بس احمد دى جوزى على سنه الله ورسوله وقدام الناس كلها
.. بت انتى اسكتى انتى مش قد السم بتاعى
.. انا عاوزه جوزى
.. وقامت وقفت ومسكتها من شعرها وقالت جوزك مين يا بت ده ابنى الوحيد معقول تفكرى انه يحبك وبتجوزك انتى
.. يالهوى انتوا عاوزين منى ايه 🥺
.يا فاطمه
..نعم يا هانم
.. تعالى شوفى شغلك وخلصينى مش عاوزه اسمع صوتها
عائشه.. بتعملى فيه ايه يا بت اوعى ايدك من عليه
فاطمه.. اسكتى يا هانم علشان مصلحتك
عائشه.. بقولك اوعى ايدى
فاطمه قامت وخرجت بره الاوضه وبعد ثوانى وكانت عائشه بتجرى فالاوضه زى المجنونه ومش عارفه تعمل ايه وبتقول خلاص يا هانم انا مش عاوزه احمد 💔 عاوزه أمشى من هنا
.. ودخلت فاطمه ومعاها اتنين رجاله طول وعرض ومسكوا عائشه من دراعاتها وفاطمه طلعت حقنه وعبت السرنجه وادتها لعائشه
احمد دخل وقال يا فاطمه لو حد من أهلها جه الصبح وسأل عليها قولى اننا سافرنا وبنقضى شهر العسل..
يتبع...


رواية علاقة ممنوعة الجزء الثامن 8 بقلم كوكي سامح 


.. وقالت الحقنى يا احمد انت هتسبنى لوحدى فاطمه ادتنى حقنه وانا حاسه ان روحى بتروح منى 🥺
.. زى ما قولتلك لو حد من أهلها جه الصبح قولى روحنا نقضى شهر العسل
.. احمد انت هتسبنى لوحدى الحقنى خلى الرجاله دول يسيبوا ايدى
احمد خرج وقفل الباب وراه ومعاه الاتنين رجاله
فاطمه.. متخافيش يا هانم دلوقتى هتنامى وتبقى كويسه
وعائشه قامت واقفت وقالت انا هموتك تعالى يا احمد الكلب وجريت على الباب علشان تفتحه ووقعت على الأرض
.. تليفون فاطمه رن كنسلت وخرجت وقالت خير الهانم الكبيره عاوزه ايه وخرجت ونزلت تحت واول لما نزلت
.. بقولك يا فاطمه
.. نعم يا هانم
.. ايه اللى حصل
.. مفيش يا هانم اول ما خدت الحقنه واستاذ احمد خرج هى قامت وحاولت تخرج من الاوضه بس مفعول المنوم كان مشى فى جسمها ونامت خلاص
احمد.. اوك جهزيها لأن مفيش وقت قدمنا خلاص ساعتين والشمس هتطلع وانا مش عاوز حد يشوفنا
.. حاضر يا استاذ احمد
.. هى قدامها قد ايه وتفوق
.. اربع خمس ساعات واكتر علشان انا اديتها جرعه منوم كبيره بس مش هضرها يا استاذ احمد
.. طيب يلا اطلعى جهزيها وانا هجهز الشنط والعربيه بس انجزى
الام.. بسرررعه يا فاطمه علشان انتى عارفه الناس الفلاحين بيصحوا بدرى وكمان أهلها اكيد هيجوا الصباحيه
.. حاضر يا هانم انا طالعه
.. وفعلا طلعت تجهز عائشه علشان ياخدوها احمد وامه
احمد.. ماما انا هطلع اجهز نفسى وياريت حضرتك كمان تجهزى
الام.. حاضر يا حبيبى
احمد.. انا خايف لا حد يشوفنا
الام.. ما اللى يشوف يشوف انت هتجننى ليه 😁
دى مراتك هو انا كنت ارضى اجوزك بنت فقيره زى دى مش من مستوانا
احمد.. مش عارف بقى. بس انا معاكى للأخر
الام.. طول ما انت ورايا هتكسب وبعدين دى حته بنت طماعه ومكناتش تحلم بواحد زيك كل همها الفلوس وبس؟
احمد.. انا طالع اجيب الشنط
الام.. وانا كمان
احمد قال بصوت عالى وهو بينادى وبيقول يا عم سالم عم سالم
سالم جه يجرى وقال نعم يا بيه
احمد.. جهز العربيه
سالم السواق.. حاضر يا بيه طيران
.. وخرج يجهز العربيه والام واحمد طلعوا يجهزوا شنطهم وفاطمه بتجهز عائشه
.. بعد ربع ساعه
الام فتحت باب الاوضه وكانت عائشه جاهزه وطلبت من الاتنين الرجاله وكانوا بادى جارد يشيلوها وينزلوها العربيه
.. وفعلا خدوها ونزلوها العربيه وهى مش حاسه بحاجه خالص
الام فتحت باب الاوضه على أحمد وقالت انت بتعمل ايه
.. بكلم سوسن فيديو دى بتسلم عليكى
.. يلا مش وقته عائشه فى العربيه اخلص يا احمد
.. حاضر
.. وقام وخد شنطته ونزل معاها لحد العربيه
سالم السواق.. على فين يا احمد بيه
.. اطلع على الشاليه اللى فى الطريق الصحرواى
الام.. المهم بسرررعه عاوزين نختفى من هنا فى خلال ربع ساعه
سالم السواق.. يا هانم ربع ساعه بس ده لسه الطريق طويل ده ساعتين واكتر
احمد.. مش قصدها يا سالم قصدها تطلع من البلد أنجز يعنى
سالم.. حاضر
فاطمه.. احمد بيه لحظه وانا مش هروح معاكم
.. اكيد بس مش دلوقتى انا هبعتلك السواق ياخدك وزى ما فهمتك لما أهلها يجوا قولى.
.. عارفه هقول انكم بتقضوا شهر العسل
الام.. اطلع يا سالم
.. وفعلا سالم طلع بيهم وعائشه فى دنيا تانيه
.. بعد مرور 3 ساعات
الام.. يلا يا ابوعيشه انا جهزت الصباحيه
الاب.. عملتى الفطير يا وليه
الام.. ايوه يا اخويا احلى فطير لعيشه اللى مشرفه ابوها
الاب.. والقشطه يا وليه والعسل اكمنى الناس دول مش زينا ميفهموش فالحاجات دى
الام.. قشطه وعسسل بس قول حمام وبط وز لأجمل عروسه 😍
الاب.. اسكتى يا وليه دى انا كنت شايل هم اليوم ده
الام.. الحمد لله البت اتسترت
الاب.. هى اتسترت وبس يا وليه😌 ده كاتبلى شيك بنص مليون جنيه مهرها
الام.. يالهوى بالى ومتقوليش يا راجل
الاب.. دى حماة بنتك الهانم أمه
الام.. مالها
الاب.. وانا واقف مستنى منديل البت عيشه جت وقالت ده هديه من العريس لبنتك ودى اصول عندنا
الام.. يا حلاوه يا ولاد يمكن دى عوايدهم المهم اننا سترنا البت وهتعيش فى هنا وفى ڤيلا محدش يحلم بيها
الاب.. يلا يا عيال علشان نروح نصبح على العروسه. 😍
سالم السواق.. خلاص وصلنا يا بيه أركن هنا
احمد.. تعالى شيل معايا الاول
وفعلا سالم السواق دخل عائشه الشاليه وراح يركن العربيه
الام.. الحمد لله أخيراً هرتاح
احمد.. والله عندك حق المهم اننا وصلنا هنا وهنعرف نتحرك كويس
الام.. انا هطلع اغير هدومى
احمد.. طيب وعائشه
الام.. لما تصحها هتصرف وابعت هات الممرضه فاطمه
سالم السواق.. ركنت يا بيه
احمد.. انا عاوزك تروح تجيب فاطمه
سالم.. حاضر يا بيه بس بعد ما ركنت العربيه 😁
احمد.. روح واخلص
.. وبعد ما سالم السواق خرج دخل على عائشه الاوضه وكانت نايمه
الام.. دخلت اوضتها تغير هدومها
.. فى البلد..
فاطمه.. ايه اللمه دى
عبده الطباخ.. معرفش
.. ودخل جاد البواب وقال اهل العروسه بره
فاطمه.. عروسه اه اه
جاد البواب.. ايوه يا فاطمه دول جايبين صباحيه العروسه..
فاطمه.. اه طيب خليهم يدخلوا
لولولولولى لولولولولى يا عيشه يا بت يا عيشه يا عروسه
فاطمه.. اتفضلوا اتفضلوا
الاب.. ازيك يا بنتى امال فين العرايس
الام.. فين عيشه انا طالعه ليها
سعيده دخلت وشايله سبت وبتقول لولولولولى لولولولولى مبروك يا عيشه
ا لام.. تعالى يا بت سعيده عقبالك يا اختى
سعيده.. مبروك يا عمه عقبال ذريتها
الاب.. فين العرايس
فاطمه.. اقعدوا الأول وقالت عم عبده هات عصير لضيوفنا
الام.. بقولك فين العرايس وفين الهانم
سعيده.. تعالى يا عمه نطلع لها
.. وفعلا مسكت ايدها وجت تطلع
فاطمه.. انتوا رايحين فين أحمد بيه خد العروسه وسافروا يقضوا شهر العسل
الام.. بتقولى ايه؟
=فى الشاليه
.. كانت عائشه بتنازع لما فاقت وقالت اه اه انا مش قادره أقف ولا أسند طولى يما يما اه
يا فاطمه فتحت عينها واستوعبت وبصت فى الاوضه وقالت ايه ده انا فين. ؟!
احمد.. انا هقولك..


رواية علاقة ممنوعة الجزء التاسع 9 بقلم كوكي سامح


هو انا فين يا احمد الحقنى انا حاسه انى تعبانه ومش قادره اصلب طولى
.. وقامت من مكانها وقالت ايه المكان ده انا فين وهنا بعمل ايه وجريت وهى مذهوله وفتحت الشباك وبصت وقعدت على الأرض وفضلت تلطم على وشها قالت يا سوادى انا فين يا احمد بيه يا جوزى
.. مش هتكلم غير لما تسكتى يا عائشه
.. وقامت ومسكته من القميص وقالت بقولك انا فين انا عاوزه اخرج من هنا
.. وجريت علشان تفتح الباب ولقيته مقفول وفضلت تصرخ وتصوت بصوت عالى
الام دخلت وفتحت الباب وقالت فى ايه بتصوتى ليه يا بت انتى.
.. ونبى ابوس رجلك يا هانم انا فين انا عاوزه اروح لأمى انا مش عاوزه حاجه
.. بقولك اسكتى يا بنت انتى هو حد قرب منك يلا يا احمد اطلع من الاوضه دى ولما تهدى انا هتكلم معاها.
.. حاضر يا ماما
.. لأ متسبنيش لوحدى انا عاوزه اعرف انا فين؟
.. يلا يا احمد سبها دلوقتى
.. وخرجوا وقفلوا الباب عليها وهى بتصرخ وعاوزه تطلع من الاوضه ومحدش حاسس بيها وقالت ده المكان مفهوش صريخ ابن يومين حتى الشباك عليه حديد يا سوادى هما عاوزين منى ايه انا حاسه انى هموت هنا 🥺
احمد.. ماما عائشه شكلها تعبان اوى
الام.. انت خايف عليها ولا ايه؟
احمد.. انا لا طبعاً بس خايف يجرالها حاجه دى شكلها غريب وتعبان
الام.. متنساش البنت تعبانه ومجروحه دى داخله بلدى وانت حتى مقربتش منها والله انا مش عارفه الجهل ده لازمته ايه
احمد.. ههههه ما انتى كنتى موافقه على كده
الام.. كان لازم اوافق علشان أهلها يطمنوا عليها يا ذكى
احمد.. اه فهمتك طول عمرك يا ماما دماغك توزن بلد ربنا يخليكى ليه يا ست الكل
.. انت كلمت سوسن
.. اه وجايه فى الطريق وسالم السواق راح علشان يجيب الممرضه فاطمه علشان تقعد مع عائشه وتاخد بالها منها كويس
سعيده.. انتى بتقولى ايه يا اسمك ايه انتى هى فين عيشه
.. ايوه فين بنتى ما تردى علينا يا بنتى
.. انا قولت والله انها سافرت مع جوزها احمد بيه يا هانم علشان يقضوا شهر العسل
.. من غير حتى ما تقول ولا تودعنا
.. معرفش يا هانم
.. هانم ايه وبتاع ايه انا ام عيشه وعاوزه بنتى
.. خلاص يا ام عيشه البت مع جوزها يعنى هى مع حد غريب
.. اسكت انتى يا راجل ازاى يعنى ده احنا جايين نصبح عليها ملقيش البت
.. خلاص يا عمه احنا نخلى الحلوه السنيوره دى تتصل بأحمد بيه ونكلم عيشه لأن انا بتصل من بدرى التليفون مقفول هما الاتنين
.. مش حضرتك اتصلتى ومقفول
.. انا بقول يمكن معاكى رقم تانى ولا حاجه ولا ايه يا عمه
.. يا بنتى انا عاوزه اطمن على بنتى
.. يا جماعه بنتكوا مسافره فى طياره وممنوع التليفونات وبعدين متقلقوش دى مع جوزها
.. خلاص يا بنتى بس ونبى عاوزين نطمن عليها
.. حاضر يا حج هما بس يوصلوا وان شاء الله هخليها تكلمك بنفسها
.. يلا يا وليه يا ولاد يا بت يا سعيده السلام عليكم يا بنتى لما توصل عيشه امانه تخليها تكلمنا
.. خودى يا بنتى دى سبت الصباحيه وخلاص انا مش عاوزاه انا كنت جيباه لعيشه ومش من نصيبها دى فطير مشلتت وقشطه وعسل وزفر كمان
.. الله يا هانم حاجه تفتح النفس
.. السلام عليكم يا بنتى ابقى خلى عيشه تكلمنا
.. حاضر يا هانم مع السلامه فى رعايه الله
.. وخرجوا من الڤيلا والقلق باين على وشهم وكانوا مضايقين ان عيشه سافرت مع احمد من غير وداع
.. خلاص يا عمه دى عيشه هتعيش فالهنا
.. وحشتنى يا بت سعيده
.. ههههههههه بكره ترجع البلد وتقعد فى الڤيلا ومحدش هيبقى قدها
الاب.. مش بقولك يا وليه بنتك هتعيش فالعز
الام.. ربنا يسعدها
جاد البواب.. ياه كويس انهم مشيوا
فاطمه.. عم جاد لو حد فيهم جه تانى انا مش عاوزه اقابل حد قول ان الڤيلا فاضيه
جاد البواب.. حاضر
.. بعد مرور ساعات وكان سالم السواق وصل الڤيلا وخد معاه فاطمه الشاليه وفى الطريق
سالم السواق.. بقولك يا انسه فاطمه هو انتى جايه ليه احمد بيه والهانم صحتهم زى الفل بس مش صعبان عليه غير عروسته هو انتى متعرفيش هى مالها ونقلها الشاليه ليه
فاطمه.. انا هروح علشان اوقات الضغط بيعلى على الهانم هو والسكر والدكتور طلب منى اكون جمبها وبعدين دى مصلحه ليه وده شغلى وكله بحسابه
سالم السواق.. والعروسه مالها
فاطمه.. خليك فى حالك احسن
.. وبعد مرور 3 ساعات فى الطريق وصلوا الشاليه
وكانت سوسن وصلت وقاعده مع احمد
ودخلت بس كان فى مشكله ما بينهم
.. انا قولتلك يا احمد اى علاقه معاها لأ
.. يا ستى انا مقولتش علاقه المهم انك توافقى
.. مش قادره انا تعبانه يا احمد
.. ما خلاص يا سوسن فى ايه احنا بننقذ موقف وبعدين دى سعادتك يا بنتى
.. يا خالتى انتوا كده بتجرحونى مش كفايه اتجوز وكمان من ورايا والله حرام انا نفسى اشوفها
.. ليه وهى ذيك دى حته بنت كده والسلام
.. وقامت مسكت احمد وقالت انت قربت منها اه ما انت راجل واكيد عجبتك
.. انتى مش فاهمه حاجه يا حبيبتى
.. اه اكيد نمت معاها ما كلكم زى بعض
.. ما تسكتى يا سوسن بقى
.. مش قادره يا خالتوا
وسالم السواق قال فاطمه اهى يا احمد بيه
.. تعالى يا فاطمه
الام.. ادخلى اققعدى مع عائشه ومش عاوزه كلمه واحده وادخلى المطبخ فى صينيه أكل خوديها واتغدوا مع بعض وخليها تاكل كويس
فاطمه.. حاضر..... بس يا احمد بيه اهل عائشه جم وبهدلوا الدنيا وعاوزين يشوفوها
.. بعدين يا فاطمه انا فى ايه ولا فى ايه
.. حاضر
.. ودخلت المطبخ وخدت صينيه الأكل وكانت المشكله بتكبر بين سوسن واحمد وفتحت باب الاوضه على عائشه
.. مين مين
.. انا فاطمه
.. انتى اللى ادتينى الحقنه وانا كنت بحسبك طيبه
.. شكلك تعبان اوى
.. وحطت الصينيه على الترابيزه وقعدت جمبها وقالت انتى شكلك متغير وتعبان يلا ناكل علشان تبقى كويسه
.. رددت بصوت واطى وتعبان وقالت وانا عيله هتضحكى عليها بكلمتين
.. تعالى كلى الاول
.. طيب بالله عليكى هما هيموتونى🥺
.. انتى مكبره الموضوع كده ليه؟!
.. نفسى اعرف انا هنا ليه؟
.. هقولك بس اوعى تقولى انى قولتلك حاجه اكمنك صعبتى عليه يا هانم هو انتى عندك كام سنه
.. عندى 18 سنه
.. اه لسه صغيره بالمناسبه امك وابوكى هيتجننوا عليكى
.. سألوا عليه
.. ايوه كانوا جايين يصبحوا عليكى
.. ابوس ايدك قوليلى انا هنا ليه
.. هقولك بس اوعى تقولى انى قولتلك حاجه
.. مش هقول
.. فاطمه قربت من عائشه واتكلمت وهى بتوشوشها وبتقول احمد بيه مراته سوسن بنت خالته مش بتخلف وهيأجروا منك الرحم...


رواية علاقة ممنوعة الجزء العاشر 10 بقلم كوكي سامح 


يعنى ايه يأجروا منى الرحم ابوس ايدك يا فاطمه فهمينى
.. دى عمليه بسيطه يا هانم بتم بينك وبين مراته واحمد بيه وانتى بتشيلى العيل فى بطنك التسع شهور وبعد ما تولدى بياخدوه منك 😁 بس بعد ايه هتشوفى الهنا كله احسن أكل وشرب وغير الرعايه عارفه مراته اللى بره دى سوسن هانم هتكون خدامه تحت رجلك
.. هى كمان مراته هنا
.. اه يا هانم امال اللى هياخد العيل اكيد هى واحمد بيه
.. ياخدوه منى🥺
.. اه يا هانم وبعد كده احمد بيه هيطلقك واكيد يعنى هتاخدى قرشين حلوين
.. امال اتجوزنى ليه
.. اكيد اتجوزك علشان يكون حلال اهو بيحلل لنفسه
.. يعنى مش بيحبنى زى ما كان بيقول😭
.. انتى بتعيطى يا هانم
.. علشان كده خطفونى هنا
.. لأ ده مش خطف انتى مراته يا هانم
.. مش كفايه انه متجوز وانا معرفش
.. والله يا هانم دى مشاكلكم انتم انا مليش دعوه
= الصوت عالى بين سوسن واحمد وامه
.. لأ انا مش موافقه يا خالتو
.. سوسن اعقلى دى فرصه وانا والله ما لمستها
.. ما تعقلى يا بنت اختى دى مصلحتك يا بنتى
.. اعقل وهو اتجوز عليه وانا معرفش
.. قولتلك يا حبيبتى ده جواز على الورق ووعد منى مش هشوفها خالص اتعاملى انتى معاها
.. خلاص يا بنت اختى
.. حاضر بس ايه اللى المطلوب انا مش فاهمه حاجه فى الموضوع ده واحمد قال اننا هنأجر الرحم بتاعها وانا قريت قبل كده ابحاث عن الموضوع ده بس مكنتش مهتمه ومركزتش فيه كويس... بس عارفه انه منتشر بره والحقيقه بقى انا عارفه انه حرام😏
.. يا بنت اختى اسكتى شويه
.. ماما انا هكلم الدكتور مجدى علشان نفهم المطلوب مننا
.. الاول لازم تكلم البنت اللى جوه دى ولازم تعرف ان ابوها خد مبلغ كبير وهى كمان قولها انى هبسطها.
.. يا هانم دى عمليه بسيطه وبعد التسع شهور هيبقى معاكى فلوس والله الحب مالوش لازمه اليومين دول
.. انتى متعرفيش حاجه يا فاطمه انا كان جوايا احلام كبيره زى اى بنت اعيش مبسوطه واطلع أهلى من الفقر اللى هما فيه
.. ومين قالك انك مش هتعيشى مبسوطه صدقينى يا هانم الفلوس كل حاجه وبتعمل المعجزات
.. وعائشه قالت فى سرها انا لازم اعمل نفسى موافقه علشان اققدر اهرب من هنا ولازم كمان فاطمه تعرف كده لإنها ديل الكلب
.. عندك حق يا فاطمه الفلوس كل حاجه
.. الباب خبط وكان احمد وقال
.. عائشه عامله ايه يا فاطمه
.. انا كويسه يا احمد بيه
.. بيه يا عائشه
.. ايوه احمد بيه اللى خطفنى وضحك عليه وجابنى هنا وحرمنى من أهلى
.. واحمد قعد جمب عائشه وابتدى يتكلم معاها وقال انا عارف انى ظلمتك بس كان غصب عنى ولازم تعرفى انى متجوز بنت خالتى وللأسف عندها مشاكل فالرحم وعلشان كده هلجأ انى أجر الرحم بتاعك لا اكتر ولا اققل
.. انا اول مره اعرف الموضوع ده انا اعرف بيخطفوا العيال ام تستغنى عن حد من عيالها إنما تأجر الرحم جديده دى
.. اهو يا ستى انتى عرفتى وان شاء الله من بكره للدكتور هيكون موجود وهيفهمك على التفاصيل كلها
.. لو قولتلك انى مش موافقه
.. هيكون غصب يا عائشه
.. وقام وهو متعصب وخرج وقفل الباب
فاطمه.. براحه يا هانم الناس دى مينفعش معاهم كده وبعدين انتى هنا عندهم مش فى وسط اهلك وبعدين انتى كنتى من شويه موافقه 😁ايه اللى غير رأيك
.. أهلى والله امى وحشتنى والبت سعيده وابويا واخواتى بقولك هاتى التليفون بتاعك اعمل مكالمه
.. الموبايل بتاعى بره فى شنطتى وقالت فى سرها شكلك يا عائشه مش سهله عاوزه تاخدينى سكه وتقولى لأهلك واروح فى داهيه
عائشه.. يا فاطمه عاوزه اعمل مكالمه امى وحشانى
فاطمه..مقدرش احمد بيه يعملى مشاكل انا جايه هنا للشغل وبس
عائشه.. ارجوكى انا مش قد الناس دى وانا مش هأجر رحمى
فاطمه.. هيغصبوا عليكى احمد بيه قال كده
عائشه.. يقول زى ما هو عاوز
فاطمه.. لا حول ولا قوة الا بالله
سوسن دخلت عليهم الاوضه ومعاها خالتها وقالت مالك يا عائشه مزعله احمد بيه منك ليه
عائشه.. انتى مين انتى
سوسن.. انا مراته
عائشه.. ضرتى 😂
سوسن.. ايه ده انتى بتتكلمى كده ليه
عائشه.. انا اتكلم زى ما انا عاوزه ده بيتى واحمد دى جوزى على سنه الله ورسوله والبلد كلها حضرت فرحنا ودخلتنا
سوسن.. سامعه يا خالتو بتقول ايه
الام.. انتى يا بت كلمى مدام سوسن كويس
عائشه.. هههههه دى ضرتى وانا زى زيها ويمكن احسن منها امال اتجوزنى ليه ما لو كانت ماليه عينه مكانش اتجوزنى
=وسوسن اتنرفذت وخرجت مضايقه
الام.. عائشه الدكتور جاى بكره علشان يفهمك التفاصيل وانا هراضيكى
عائشه.. 🥺🥺🥺
الام خرجت وقفلت الباب وراها وكانت متعصبه من اسلوبها
وبعد مرور يومين وعائشه قاعده محبوسه احمد تعب وكان عنده دور برد جامد وفضل اسبوع فى السرير وكان سخن اوى وطول الوقت سوسن جمبه وامه لحد ما قام منه بس كان عنده كحه جامده
عائشه.. هو النهارده ايه يا فاطمه فالأيام السوده دى
فاطمه.. حرام يا هانم
عائشه.. بقالنا اكتر من اسبوع قاعدين لا حس ولا خبر ولا حتى حد عبرنا
فاطمه.. ما انا سالت الهانم وقالت إن احمد بيه تعبان وعنده برد
عائشه.. ربنا ينتقم منهم نفسى اكلم امى يا فاطمه
فاطمه.. سامحينى بس عارفه لما قعدت معاكى عرفت انك بنت حلال وغلبانه زى كده
عائشه.. كلنا غلابه
فاطمه.. انا هقوم احضر عشا علشان انا جعانه وهى خارجه احمد كان بيكح جامد وبيتكلم مع سوسن وامه
فى البلد..
الام قامت تفتح وكانت سعيده وقالت
.. يا عمه البت عيشه لسه متكلمتش
.. لا يا سعيده انا حاسه انى مش مرتاحه يا بت
.. انا روحت النهارده يا عمه الڤيلا واتكلمت مع البواب وسألته على أحمد وعيشه وقالى ان محدش لسه جه ومسافرين يا بختك يا بت يا عيشه
.. ايه يا عمه دى انتى اشتريتى غوايش
.. ايوه عمك ابو عيشه ربنا يخليه ليه وكمان اشترى ليه كردان وغير الحلق
.. شوفتى يا عمه دى جوازه الهنا
.. ايوه يا بت بس نفسى اطمن على عيشه
وسعيده قالت فى سرها تطمنى مش كفايه بعد الشحاته الدهب اللى بقى فى ايدك
فى الشاليه
.. يا احمد لازم ننجز بقى انا حاسه انى محبوسه هنا وعاوزه اخلص بقى
.. يا حببيبتى ما انا كنت تعبان وعموما انا كلمت الدكتور وجاى بكره
.. وفى صباح اليوم التالى الدكتور جه وقابل عائشه واتكلم معاها وشرح لها التفاصيل وبعد إلحاح منهم عائشه وافقت وبعد ما احمد وافق انه يكتب لها نص ثروته وده كان شرطها الوحيد وبعد مرور شهرين عائشه عملت العمليه ونجحت والحمل تم
.. وطلبت تكلم امها فعلا كلمتها فيديو وكانت بتطمن عليها اول بأول وفرحت بخبر حملها اوى وكانت عائشه حامل فى تؤام ولدين واحمد وسوسن كانوا مبسوطين اوى
.. وجه اليوم الموعود وعائشه ابتدت تتوجع وقامت تصرخ من ألم الطلق
فاطمه.. مالك يا عائشه
عائشه.. انا هولد
فاطمه.. يا فرج الله انا هقوم ابلغ احمد بيه ده هيفرح اوى
وفعلا قامت تجرى على اوضه احمد وسوسن وبلغته ان عائشه هتولد وخرجت وقفلت الباب وسمعت سوسن بتقول
.. لما تولد لازم تتقتل زى ما اتفقنا وهناخد الاولاد ونسافر بره
.. طبعا لازم تموت وتغور قال انا اكتب لها نص ثروتى 😁 هى فعلا لازم تموت
فاطمه.. يا نهار اسود دول هيقتلوها!.


رواية علاقة ممنوعة الجزء الحادي عشر11 بقلم كوكي سامح 


دول هيقتلوها يا نهار اسود وانا اعمل ايه يارب دلوقتى انا قولت تسع شهور وخلاص وهمشى من هنا وهى كمان هتروح لحالها يعنى ده جزائها مش كفايه غصبوها بس انا بإيدى ايه اعمله 😁 دول ناس ايدهم طايله وغير الهانم الكبيره دى شر لوحدها يارب هعمل ايه فى الغلبانه اللى جوه دى؟؟
.. انتى واقفه كده ليه يا فاطمه وفين عائشه
.. اه اه اه يا احمد بيه انا داخله اشوفها اصل رجلى اتجزعت
.. الف سلامه يلا انا جاى معاكى علشان اشوفها
.. وفعلا" احمد خد فاطمه ودخل معاها اوضه عائشه
.. انا تعبانه يا احمد خلاص مش قادره اتصرف انا حاسه انى هولد دلوقتى
= وقعد جمبها ومسك ايدها وقال متخافيش يا عائشه كلها ساعات وهتبقى مليونيره
.. المهم اولد يا احمد انا حاسه انى همووووت
.. متخافيش يا هانم وقالت فى سرها هما فعلا هياخدوا العيال وهيقتلوكى يا حول الله يارب
.. بتعملى ايه يا فاطمه
.. بجهز هدوم للهانم علشان اخدها معايا المستشفى
.. طيب يلا بسرعه وانا هكلم الدكتور ومسك تليفونه واتصل بالدكتور اللى متابع معاها وقاله انها تعبانه وده ميعاد ولادتها
=وفعلا خد فاطمه وعائشه بالعربيه وراح وراهم الام ومعاها سوسن مرات احمد
.. احمد ليه طلب عندك
.. خير يا عائشه قولى طلباتك كلها أوامر
.. انا عاوزه اشوف امى واخواتى وابويا قبل ما اولد
.. مش هينفع بعد ما تولدى علشان تكونى كويسه وبخير
.. بس انت مفكرتش هقول ايه لأمى واهلى بعد ما اولد ولما يسألونى عن ولادى هقولهم ايه..
.. هقول ماتوا وانتى بتولدى زى حالات كتير بتحصل مؤخراً. الام بتتعب وبيجيلها تسمم حمل والطفل بيموت وتحمد ربنا انك انتى كويسه 👍🏼
واكيد انتى عندها بالدنيا
.. فعلاً انا عند امى بالدنيا بس اللى كنت هبله ومش عارفه يعنى ايه غلاوه الضنا
.. قصدك ايه يا عائشه
.. لا يا احمد بيه انا بقول انى مقدرتش تعبها معايا فعلا الضنا غالى اوى
.. خلاص يا عائشه احنا وصلنا المستشفى اهو
.. ونزلوا من العربيه وهى بتتوجع والطلق كل شويه يحمى عليها وهى تصرخ وسوسن تبصلها والغيره هتاكلها منها وبتقول فى سرها انتى فعلا اللى زيك لازم تموت يمكن كنتى صعبانه عليه وتأجير الرحم حرام بس انا ربنا خلقنى الرحم بتاعى ميستحملش الحمل اكتر من 3 شهور رحمى ضعيف فده غصب عنى إنما لما اتكلمتى معايا راس براس وقولتى انك انتى احسن منى وكمان ضرتى عرفتك انك مش سهله ولازم تموتى اه لازم تموتى
الام.. مالك يا سوسن فى ايه يا حبيبتى انتى بتكلمى نفسك ولا ايه
سوسن.. لأ يا خالتوا بس مستغربه من الدنيا دى 😒 حته بت معفنه متسواش وعندها 19 سنه تشيل تؤام فى بطنها وانا البنت المدلعه المليونيره اللى اتربيت عالعز وعندى 27 سنه الرحم بتاعى ميشلش طفل افرح بيه ههههه ده حتى ميشليش نمله انا رحمى ضعيف اوى
الام.. خلاص يا بنتى كلها ساعه وتبقى ام
سوسن.. اه وهى تموت
الام.. اه اكيد
احمد.. ماما عائشه دخلت تجهز وخلاص هبقى اب
.. وانا كمان هبقى ام بس بقولك وقالت بصوت واطى انت عرفت بعد ما تولد هتموتها ازاى
.. يا سوسن قولتلك هموتها هدفنها حيه وكمان انا جهزت ورق السفر كله متقلقيش خالص
فى البلد..
الام نايمه وقامت مفزوعه وقالت..
.. ايه دى انا قلبى مقبوض يا ابو عيشه
.. مالك يا وليه
.. مش عارفه بس قلبى مقبوض وشوفت حلم وحش يا اخويا
.. شوفتى ايه قولى يا وليه
.. خير شوفت انى ماشيه عالبحر وفى ناس كتير بس محدش شايفنى وفى حد بيغرق وانا بصوت عالى وبقول الحقوا يا ولاد فى غريق بس محدش سامعنى قومت جريت عالبحر وشوفت بنت ملامح وشها جميله وبتغرق وبتقولى الحقينى يا عمه وانا اصوت واقول غريق يا ولاد الحقوا فى بت بتغرق وانا مبعرفش اعوم بس صعبت عليه لقيت نفسى نزلت البحر وعاوزه اشد ايدها والبت غرقت ومطلعتش
.. يا وليه دى كله احلام المهم انك متعرفهاش
.. لأ وفجأه لقيت نفسى على الشط والناس اتلمت وبيقولى غريق فى البحر وطلعوا البت قومت جريت عليه اشوف مين ببص لقيت وش البت مدارى قربت منها جيت اعدل وشها لقيت سعيده نعيم 😥 انا قلبى وجعنى اوى يا اخويا واتقبض انا خايفه على عيشه
.. يا وليه مش بتقولى سعيده
.. يا راجل البت متربيه فى دارنا وبعدين انا خايفه على عيشه ما هى صاحبتها يمكن تكون عيشه هيحصلها حاجه ده انا اموت فيها 😭
.. اسكتى يا وليه بطلى فقر البت مع جوزها وزى الفل وبطنها مترين قدامها يا وليه
.. ربنا يقومها بالسلامه
.. الباب بيخبط اما اقوم افتح ولما فتحت كانت سعيده بس المره دى كانت مختلفه
سعيده.. سالخير يا عمه
الام.. عامله ايه يا سعيده انتى كويسه يا بت
سعيده.. ايوه يا عمه انا كنت جايه اسأل هى عيشه ولدت
الام.. لا بس هى قربت هى على وش ولاده
سعيده.. انا نفسى اشوفها يا عمه
الام.. ومين سمعك بس هى قالت هتولد وهتيجى تسبع هنا
سعيده.. ربنا يقومها بالسلامه.. انا همشى انا بس لما تتكلم قوليلها اسألى على صاحبتك
الام.. حاضر يا سعيده
.. ودخلت وقالت انا قلقانه يا ابو عيشه عاوزه اكلم عيشه
.. أما يجى يحيى اخوها من الغيط خليه يطلبها فيديو يا وليه والله انا شوفت العجب فى الزمن ده حته حديده هشوف فيها بنتى على اخر الزمن 😂
.. نفسى اطمن على البت
.. ما قولتلك يا وليه لما اخوها يجى
فى المستشفى..
.. ضغطك كويس يا مدام عائشه وولادك ما شاء الله زى الفل والتحاليل كلها سليمه يلا بقى شدى حيلك علشان هتولدى
.. انا كويسه يا دكتور وهقوم بالسلامه كده
.. ايوه يا مدام بس هتولدى قيصرى وهتقومى بالسلامه ان شاء الله
فاطمه قالت فى سرها تقوم بالسلامه بس هيقتلوها وانا مش عارفه اعمل ايه 😒
.. وعائشه جهزت علشان تولد وهى داخله اوضه العمليات كانت سوسن والام واحمد واقفين
.. ان شاء الله هتقومى بالسلامه يا عائشه بس شيدى حالك كده عاوز ولدين زى القمر رددت وهى تعبانه وبصوت واطى حاضر يا احمد بيه
.. ودخلت اوضه العمليات
سوسن.. يارب نخلص بقى
الام.. بقولك يا احمد انا هسمى ولد على اسم ابوك والتانى برحتك بقى
احمد.. حاضر يا ماما بس نخلص
.. وبعد ساعه الدكتور خرج وعائشه فى البنج وخرجت على اوضتها واحمد جرى على الدكتور وقاله ولادى فين رد وقاله الممرضه نقلتهم على اوضه الام
الدكتور.. الام هتفوق بعد شويه
احمد.. عاوز اشوف ولادى
الدكتور.. ادخل يا احمد بيه
سوسن.. انت رايح فين
احمد.. اسكتى وخليكى واقفه انا داخل اجيب الاولاد علشان المطلوب هيتنفذ
سوسن.. هنا
احمد.. لا بس لازم نمشى
.. وبعد عشر دقايق احمد دخل الاوضه على عائشه وقال عائشه عائشه وكانت لسه فالبنج وخد الاولاد
الدكتور.. غلط يا احمد بيه دول لسه مواليد لازم تقعدوا النهارده فالمستشفى
احمد.. لا لا لا انا هاخد الممرضه فاطمه وترعاها فى البيت أفضل والحمد لله الام كويسه والأولاد كويسين
الدكتور.. خلاص برحتك
الدكتور.. فاطمه انتى هتروحى معاهم علشان تتابعى حاله المدام
فاطمه.. حاضر يا دكتور وقالت فى سرها الحمد لله شكله لما شاف ولاده صرف نظر عن قتل عائشه الحمد لله لان شكله مهبول على العيال
عائشه.. اه فين ولادى
فاطمه.. يلا قومى انتى زى الفل ولادك بره مع ابوهم
.. وقامت معاها وهى مش قادره وخرجوا لحد العربيه وركبت عائشه مع فاطمه واحمد وسوسن والأولاد على رجل سوسن فى الكنبه اللى ورا
.. نفسى اشوف ولادى يا احمد بيه
.. خلاص يا عائشه دول ولادى انا انتى فاهمه انتى كنتى ام بديله بس انا الأساس 😁
.. يعنى ايه يا هانم
.. يلا احمد ما تخلصنا واديها الفلوس خليها تمشى
=وفجأه عربيه جايه بسرعه وقفت ووقفت العربيه بتاعتهم وكان فيها اتنين شكلهم بلطجيه
.. يلا الكل ينزل
عائشه.. فى ايه
فاطمه.. يالهوى دول حراميه ولا ايه
احمد.. يلا انزلى يا عائشه
عائشه.. انزل فين يا احمد بيه
احمد.. بقولك انزلى
.. انزل فى الصحراء ومع مين هما مين الناس دول اصلا
.. بقولك انزلى
=وفى راجل منهم فتح باب العربيه وخد عائشه بالعافيه وكتم نفسها
فاطمه.. هو فى ايه حرام يا بيه
=والرجاله ابتدت تحفر الأرض وعائشه واقفه تعبانه وفاطمه مزهوله واحمد وسوسن قلبهم حجر
وبعد نص ساعه الأرض اتحفرت بعمق
سوسن.. دول انجزوا
احمد.. يا بنتى ده شغلهم الحفر وبس
.. خلاص يا بيه الأرض اتحفرت شوف شغلك
.. واحمد طلع مسدس من تابلوه العربيه ورفعه على عائشه وداس على الزناد وطلع اول طلقه وجت فى عائشه ووقعت على الأرض
فاطمه.. حرام عليكوا والله حرام
واحمد واقف مكانه وضرب الطلقه التانيه على فاطمه ووقعت جمب عائشه
احمد.. يلا ادفنهم الاتنين...


رواية علاقة ممنوعة الجزء الثاني عشر12 بقلم كوكي سامح 

وقال ادفن الاتنين وفعلاً الحفره اتحفرت بعمق وواحد شال عائشه ورماها والتانى شال فاطمه ورماها عليها وابتدوا يردموا عليهم التراب وفى الوقت ده أحمد ركب عربيته ومعاه مراته وولاده وطار على الشاليه وكانت امه راكبه عربيه لوحدها وراحوا الشاليه وراحت وراهم
.. خلاص يا حبيبتى ارتحتى اهم ولادك بين ايدك
.. اه يا حبيبى والاحسن اننا خلصنا من البنتين دول عارف دول كانوا هيفضحونا وخصوصاً ست طاهره فاطمه هانم
.. ههههه ما هى برضه اتفجأت بس يلا قدرها تموت معاها
الام.. الحمد لله خلصنا وارتحنا المهم هتعملوا ايه دلوقتى يا ولاد وخصوصاً انتى يا بنت اختى
.. انا فرحانه اوى يا خالتوا أخيراً بقيت ام وهبقى حماه زيك يا جميله انتى
.. الله الله على الانسجام ده اول مره اشوف واحده حماتها مرتاحين مع بعض كده فعلاً بنت اختك صحيح
.. كده يا احمد هتحسدنى انا ومرات ابنى
.. ربنا يخليكم ليه انا مقدرش اعيش من غيركم
الام.. يلا ادخلى شوفى الاولاد ونيميهم جوه لحد ما نسافر
احمد.. بكره بالليل هنكون فالمطار
سوسن.. ما احنا براحتنا بقى المهم انها ماتت وادفنت
سوسن.. بس لو اهل البت دى اتصلوا يا ترى هتقولهم ايه
احمد.. هههههه هقولهم ماتت وهى بتولد
سوسن.. ازاى ولو سألوا على جثتها؟
.. يا بنتى ركزى ما هما مش هيلحقوا يسألوا بكره بالليل هنكون فالمطار وبعد بكره هنكون فى كندا ويشوفوا بقى بنتهم فين وبعدين انا قافل الخطوط كلها
.. قادر من يومك يا احمد
الام.. يا سوسن ادخلى شوفى الولاد يا بنتى علشان يرضعوا انا حضرتلك لبن صناعى وخلى بالك كل ساعتين رضعه
.. نعم يا خالتو وحضرتك فين؟
.. يا بنتى انا معاكى اهو متقلقيش
=ودخلت الاوضه على الأولاد وشالت ولد فيهم وكمان حماتها شالت التانى وابتدوا يرضعهوهم
=فى البلد
الام.. قلبى مقبوض عالبت يا راجل انت مكلمتهاش
.. لا يا وليه
.. انت يومك بسنه انا هتصرف
.. والام قامت ودخلت على ابنها يحيى وطلبت منه يتصل بعائشه
وفعلا مسك تليفونه واتصل بأحمد بس كان التليفون مقفول واتصل كمان بيه ع كذا خط وكان مقفول
.. يعنى ايه دى من امبارح ع كده مش عارفين نكلم البت عيشه
.. يما هى مع جوزها يما
.. وانا اعرف جوزها منين دى يا ولا
.. يعنى اعمل ايه دلوقت يما
.. لأ متعملش اقعد كل وحش ولغ يا ولا وانا اللى هشوف بنتى فين
.. وقامت لابست الطرحه والعبايه وخرجت بره الدار وخدت الطريق جرى والأب والابن جريوا وراها
سعيده.. ايه دى عمه بتجرى ليه فى ايه يا ترى يالهوى لا يكون البت عيشه جرالها حاجه وقامت جريت وراهم
.. الام وصلت الڤيلا وفضلت تخبط على البوابه وخرج واحد لأول مره تشوفوا وبصت اوى وقالت انت مين انت؟! رد وقال انتى اللى مين يا خاله رددت وقالت انا ام مرات البيه اللى مشغلك هنا الڤيلا دى كلها بتاعه بنتى
.. بنتك مين يا خاله
.. بنتى عيشه يا اخويا
.. وانا بقولك اهو اتصل بالبيه اللى مشغلك علشان كل لما نكلمه تليفونه مقفول
.. بيه مين يا خاله
.. احمد بيه وامه مديحه هانم
سعيده.. فى ايه يا عمه البت عيشه جرالها حاجه
.. مش عارفه يا بت كل لما نكلمها التليفون مقفول وهى على وش ولاده وانا خايفه عليها يا بت
.. انا كمان اتصلت بيها كذا مره ومقفول
الاب.. يا ابنى اتصل بالبيه وقولى بيت حماك عاوزك
.. وخرج راجل كبير فالسن وكبير المقام وقال فى ايه ايه الدوشه دى يا فرغلى
.. سعت البيه معرفش يا بيه بيقولى عاوزين واحد كده اسمه احمد بيه رد وقال انتم مين
.. انا حماته يا بيه ونبى عاوزه اطمن على بنتى
.. عموما احمد باع الڤيلا من شهر وانا اشترتها منه ولسه مستلمها امبارح
.. ازاى دى يا بيه
.. زى الناس واحد عرض حاجه ومناسبه ليه اشترتها هو ده فيها حاجه
.. لا يا بيه وازاى يبعها ده بيت بنتى
.. وانا هكذب عليكى يا ست انتى
سعيده.. لأ يا بيه بس احنا جينا هنا من كام يوم وكانوا الشغالين موجودين وحتى البواب
.. ايوه ما انا لسه مستلمها اول امبارح وكل اللى اعرفه انه باع كل حاجه تخصه هنا علشان مسافر بره البلد وهيرجع هو مراته كندا
.. بس البت عيشه عمرها ما خرجت بره البلد
.. لا انا اعرف ان مراته بنت خالته سوسن
.. يا نهار يا نهار هو متجوز على عيشه الحقى يا عمه
.. يا سوادى بنت راحت فين يا راجل انا عاوزه بنتى ووطت على رجل صاحب الڤيلا وقالت ابوس ايدك انت تعرف هو فين دلوقتى رد وقال اه هو كلمنى من الشاليه اللى فى الطريق الصحرواى
.. هو بعيد يا بيه
.. اه طبعا حوالى 3 ساعات بالعربيه
.. يا سوادى هروح فين واجى منين احنا حتى منعرفش الطريق شوفت يا ابوعيشه البت ضاعت ويا ترى بنتى راحت
.. مع جوزها يا وليه
.. عم ابو يحيى البيه بيقولك ده باع كله حاجه تخصه يعنى بيقطع صلته بالبلد
.. الام قالت ابوس ايدك يا بيه فين الطريق دلنى عليه انا عاوزه بنتى
.. خلاص قومى متشيلنيش ذنوب انا هبعت معاكى السواق لحد هناك شوفوا هتروحوا امتى
.. هنروح انا وابوها دلوقت يا بيه
.. معقول الساعه عدت 9 بالليل وطريق وحش خليها الصبح افضل
.. لا يا بيه دلوقتى قلبى واكلنى على بنتى
.. وانا يا عمه بس هروح اقول لأبويا مسافه الطريق وهرجعلكم دى عيشه دى اختى يا عمه
.. روح معاها يا يحيى وقولوا انها معانا
.. حاضر يما
.. وفعلا سعيده راحت استأذنت من ابوها علشان تروح تطمن على صاحبتها وجارتها وكان معاها يحيى وقاله انها معاهم وابو سعيده وافق لانهم مش غرب عنهم
.. وفعلا صاحب الڤيلا الجديد وفى بوعده معاهم وخلى السواق جهز العربيه علشان يروحوا الشاليه
.. والأب والام والأخ وسعيده ركبوا العربيه والسواق راح بيهم على الشاليه وفى الطريق كان فيه شرطه والطريق واقف وتقريبا كانت حادثه كبيره والسواق وقف بالعربيه ونزل يشوف فى ايه وبعد دقايق رجع وقال فى جريمه قتل حصلت على الطريق وكلهم اتفزعوا وخافوا والام نزلت تشوف فى ايه واول لما شافت الجثه قالت ايه دى دى مديحه هانم حماة بنتى هى القتيله..



رواية علاقة ممنوعة الجزء الثالث عشر13 بقلم كوكي سامح 

.. يا نهار اسود يا ولاد دى مديحه هانم حماة بنتى! الحق يا ابو عيشه
.. يا سوادى دى الوليه مدبوحه زى الفرخه يا وليه
.. مش بقولك يا راجل ان قلبى مقبوض انا عاوزه بنتى😭 يا سوادى
.. يالهو بالى يا عمه دى مديحه هانم مقتوله صحيح يا مصيبتى
.. يا ترى مين اللى قتلها وفين بنتى يا بنتى
.. اسكتى يا وليه انتى هتفضلى تندبى وتولولى على البت
السواق.. يلا يا جماعه علشان الحق اوصلكم الشاليه
.. توصلنا فين يا ابنى بقولك حماة بنتى مدبوحه زى الفرخه قدامك اهى لما نشوف الأول هيحصل ايه
السواق.. يا حج يلا نمشى من هنا احسن..!؟ ده شكل الموضوع كبير والجريمه كبيره
الام.. معلش يا ابنى انا عاوز اسئل اى حد من اللى واقفين اعرف حصل ايه
السواق.. حاضر انا هروح اسأل حد من الأمن
وفعلاً السواق راح يسأل وكان مكان الجريمه مليان ناس وعربيات واقفه بتتفرج من الطريق
الام.. الواد اتأخر اوى مش عارفه بيرغى فى ايه
سعيده.. ربنا يستر يا عمه انا قلقانه على عيشه اوى يا عمه
الام.. وانا يا بنتى دى خلاص كانت هتولد يا حبيبتى يا بنتى انا خايفه عليها اوى
الاب.. افضلى اندبى انتى لحد ما تجيلنا مصيبه! يا وليه اسكتى بقى بنتنا زى الفل
السواق جاى يجرى وقال
.. انا سألت وعرفت انها مرميه مقتوله على الطريق
الأمن.. يلا الكل يمشى الطريق فضى وكل واحد يركب عربيته ويمشى
الام.. يا بيه يا بيه دى حماة بنتى
الاب.. اسكتى يا وليه هتودينا فى داهيه
السواق.. يلا يا جماعه
.. وبعد مرور ربع ساعه الإسعاف جت وخدت جثه مديحه ومازال الغموض مستمر ؟؟
=السواق اتحرك بيهم ومازال الغموض مستمر والأب والام لا يملكون غير الدعاء لابنتهم وأنهم يطمنوا عليها وخصوصاً انهم كانوا لسه فى اول ساعه فى الطريق ولسه باقى ساعتين على مرواحهم الشاليه
الام.. يارب طمنى على بنتى 😭
.. متخافيش يا عمه عيشه كويسه
.. خلاص يا وليه بطلى ندب
.. خلاص يما
.. انا اللى بعت بنتى علشان حبه الدهب دول بس والله كان نفسى استرها
.. انا بنتى اتجوزت احسن جوازه انا مبعتش بنتى يا وليه
سعيده.. يا ترى احمد بيه هيعمل ايه لما يعرف ان امه اتقتلت اكيد هيموت وراها لأن شكله لسه ميعرفش وقافل تليفوناته
السواق.. اه وخصوصاً انا سمعت الظابط بيقول ان الجثه معهاش اى إثبات
الاب.. سامعه يا وليه انا بقولك اهو لما نوصل اعملى عبيطه وكأننا منعرفش حاجه
السواق.. ايوه يا خاله كأنك متعرفيش حاجه لإن دى جريمه قتل مش لعب عيال! علشان كده انا محبتش حد يسمعك وانتى بتقولى دى حماة بنتك
الام.. يا ابنى حرام علينا اللى احنا عملاناه اسمه ضلال احنا ضللنا الحكومه المفروض كنت اقول انها حماة بنتى وانى اعرفها دى نسب وعلى الاققل ابنها يعرف
السواق.. ياه يا خاله الكلام ده كان زمان مش فى زمنا ده خالص دلوقتى الواحد مننا يقول انه يعرف حاجه وتكون صدق يقفشوا فيه وكأنه هو اللى عمل المصيبه وحلنى بقى لما يعرفوا الحقيقه يكون طلع عينك من اسئله وحبس وعرفتيه منين وازى وليه واللى يثبت بقى؟!
الام.. المهم اطمن على بنتى ونبى يا ابنى شهل وسوق بسرررعه
السواق.. يا خاله انا ماشى بسررعه اهو.!
= وفى بيت المنشاوى وكان من اكبر تجار الصاغه وشريك احمد فى شغله وكان معروف وسط اهله وناسه بالسمعه الطيبه.
المنشاوى.. انا مش عارف اعمل ايه مع شرين البنت لسه فى حاله اكتئاب بجد انا قلبى موجوع على بنتى اوى
.. انا مش عارفه على ايه كل ده يا منشاوى والله ياسر ده ما يستاهل حاجه مش كفايه مرات ابوه وقرفها ومناخيرها اللى مرفوعه فى السما وبالفرض هى ده كفايه انه انسان كذاب وكلهم متبرين منه ومحدش بيعبره بس بنتك دماغها ناشفه ده حتى اخوه احمد مش بيكلمه وقالى بلسانه دى تجاره امه وابوه مالوش فيها وكمان طردوه لما سرقهم قبل كده يعنى ياسر ده محلتهوش الهوا.. من الاخر كده الواد طمعان فى شرين بنتك.. دى جمال وغنى وتعليم دى برقبته
.. عارفه لو مكانش بس لى فى الطريق العوج والله كنت خلتها تتجوزوا ولا انها تكتئب وتزعل كده! دى بنتى الوحيده وانا خايف عليها
.. ايه ده بتقول بنتك😏 وانا روحت فين
.. عارف يا حبيبتى انك بتحبيها اكتر من نفسك
.. انا هقوم اعمل لها اى عصير علشان حتى تاخد العلاج ده
.. ياريت يا حبيبتى بدل ما تموت انا مليش غيرها والبنت بتحبه اوى
=وفعلاً قامت تحضر عصير لشرين بنت جوزها وخدته وطلعت اوضتها واول لما دخلت قالت
.. انتى لسه نايمه يا شرين وقربت من السرير
شرين.. لأ يا طنط انا تعبانه انا كل شويه بحلم ب ياسر انا نفسى بابا يوافق على جوازنا هو ده اللى هيفرحنى
.. ده واحد حرامى سرق اخوه ومحلتهوش حاجه يا حبيبتى ده طمعان فيكى وفى ثروه ابوكى
شرين.. خلاص خلاص يا طنط انا مش هاخد علاج
.. تليفون المنشاوى رن وكان معاه مكالمه مهمه وقفل بسررعه وقام خرج بره ڤيلته وخد السواق وطلع بالعربيه على بيت واحد من رجالته اسمه امين وكان احسن رجالته واول لما دخل بيته قاله فى مصيبه يا منشاوى بيه بس محبتش اجى الڤيلا من بعد ما الهانم طردتنى
..ما خلاص يا امين كان موضوع وراح لحاله
.. وكان امين ده من رجاله المنشاوى اللى بيثق فيهم والمنشاوى كان بيعامله وكأنه من دمه
امين.. المهم يا سعت البيه فى واحد من رجاله احمد بيه ومن معارفنا قالى مصيبه
.. خيرررر
.. قالى انه دفن اتنين بنات بعد ما ضربهم بالنار ودفنهم فى أرضك فى الصحرواى
.. يا نهار اسود هو عاوز يلبسنى مصيبه
.. علشان كده بلغتك
.. المنشاوى بقى بيضرب اخماس فى اسداس وقال ان احمد ناوى على الخراب؟!
فى الشاليه
.. وبعد مرور ساعتين السواق وصل بالعربيه بعائله عائشه ونزلوا من العربيه كلهم واول لما نزلوا ومتجهين للشاليه الاب قال ايه دى يالهوى بالى فى ست مدبوحه تانى اهى وعيل مدبوح فى ايدها!.....



رواية علاقة ممنوعة الجزء الرابع عشر 14 بقلم كوكي سامح 



.. والأب قال ايه دى فى قتيله اهى تانى ست مدبوحه وفى ايدها عيل مدبوح
=السواق قعد على الأرض ومسك الست وقال لا لا دى لسه بتتنفس ولازم حد يلحقها
سعيده.. دى مين دى بس الحمد لله المهم انها مش عيشه
= والسواق قال لازم اروح بيها المستشفى حالاً
وفعلاً خدها هى والطفل وجرى بيها على العربيه وراح على اققرب مستشفى
=وبين ذهول الجميع الام جريت ودخلت الشاليه وكان متبهدل وفضلت تجرى شمال ويمين وتدور فى كل اوضه على بنتها
.. فين عيشه يا عمه دى شكلها مش هنا
.. ايوه يما ده المكان مبهدل خالص ومفيش حد هنا
الاب.. وفين احمد بيه ده محدش هنا يا ولاد وياترى مين الوليه المدبوحه دى
.. مش بيقول ان طلع متجوز قبل عيشه يا خال يمكن مراته بس اللى يحير مين العيل دى وفين عيشه؟!
.. قعدت على الارض وفضلت تلطم وتقول فين بنتى 😭 انا عاوزه بنتى
.. يا عمه عيشه مش هنا يمكن مع احمد بيه لأن الموضوع كده فى حاجه غريبه امه مقتوله على الطريق والست دى معاها عيل وبرضه حد ضربها معنى كده ان حد هجم عليهم وبرضه يمكن حراميه
.. المهم عندى بنتى يا بت
الابن.. يما انا دورت فى كل اوضه ومفيش حد حتى مفيش أى أثر لاختى
.. بنتى راحت ولا ايه وقامت وفقت وخرجت بره الشاليه تدور على بنتها وفجأه احمد ظهر وشاف ام عائشه.
احمد.. ايه ده
.. ورجع لورا وحاول يستخبى منها
.. احمد بيه احمد بيه تعالى هنا فين بنتى
الاب.. فى ايه يا وليه؟ ايه دى احمد بيه انت فين يا جوز يا بنتى وفين عيشه يا ابنى
الام جريت عليه ومسكته من قميصه وبين شد وجذب قالت فين بنتى ما ترد عليه
.. بنتك بخير يا حماتى
.. بخير ازاى وهى مش هنا ولا جوه كمان
سعيده.. ايوه يا بيه هى فين عيشه
.. انا قولت عائشه كويسه وبخير هى بس راحت المستشفى علشان تولد
.. تولد بجد يا ابنى وابتدت تهدى وقالت
. طيب انا عاوزه اشوف ضنايا
الابن قال بصوت واطى شكله مش عارف حاجه يابا
الاب.. احمد بيه انت متعرفش ولا ايه؟
احمد.. اعرف ايه ؟ انا قولتلكم ان عائشه بتولد وكويسه
سعيده.. البقاء لله يا احمد بيه
احمد.. فى مين ؟؟!
الاب.. مديحه هانم يا بيه
احمد.. انت مجنون؟ انت بتقول ايه!
سعيده.. ايوه يا بيه احنا شوفناها مقتوله على الطريق وكمان الإسعاف خدت جثتها
.. لا انتى بتكذبى انتى اكيد مش فاهمه حاجه
=. وقال وهو مذهول من كلامهم وبعدين انتم جيتوا ازاى وليه وقال فى سره شكلهم مجانين مش فاهمين حاجه
سعيده.. ما انت قافل تلفوناتك يا احمد بيه وكذا مره حاولنا نتصل بيك ومقفول وعمه راحت الڤيلا وعرفت انك بعتها وكمان هتمشى من هنا خالص ومن مصر كلها وفى الاخر بتقول للوليه الغلبانه ان بنتها بتولد طيب ازاى وانتى ماشى من البلد كلها
.. مين قالكم كده
..صاحب الڤيلا الجديد راجل كباره وبيه محترم وبعت معانا السواق لحد هنا بس السواق خد الست المقتوله اللى كان فى ايدها عيل وراح المستشفى علشان كانت بتتنفس
=وسابهم ودخل الشاليه وبيدور على امه ومراته وعياله ولاقى الشاليه متبهدل وفى آثار دم
.. وبعد مرور وقت مش طويل الشرطه وصلت وملت المكان لان السواق بلغ لما راح المستشفى
احمد.. ايه ده هما فين؟ ماما وسوسن وولادى
.. ودخلوا وراه والام قالت ولادك ايه بقولك فين بنتى يا بيه
وكيل النيابه.. فين أحمد
احمد.. انا احمد
وكيل النيابه.. انت جوز المجنى عليها سوسن
احمد.. انا مش فاهم حاجه هى سوسن مالها
وكيل النيابه.. احنا جالنا بلاغ من اداره المستشفى وسواق ويدعى كذا وصفته كذا وقال انه لما وصل الشاليه هنا كان فى ست مضروبه عده طعنات هى وطفل رضيع
الام.. حصل يا بيه
وكيل النيابه.. انتى مين يا ست انتى
.. انا حماته
وكيل النيابه.. يعنى المجنى عليها بنتك
الام.. بعد الشر يا بيه دى مراته التانيه
احمد.. ابنى وسوسن لا لا لا لا
الام.. ده بيقول ابنى؟؟ امال عيشه فين؟ وقربت منه وقالت مش انت بتقول عيشه بتولد امال الواد ده ابنك ازاى
.. وفجأه جت اخباريه لوكيل النيابه الشاليه ملك لمديحه وكانت مرميه ومقتوله على الطريق ومطلوب منه معاينه ورد وقال هو فى ايه فى كده جريمتين قتل هنا
احمد.. 😭😭😭😭😭😭
وكيل النيابه.. سيده تدعى مديحه وكانت على الطريق مقتوله وكمان سوسن اللى السواق بلغ عن الجريمه وهو اللى خدها على المستشفى ولحقها
احمد.. هما ماتوا
وكيل النيابه.. سوسن فى الإنعاش إنما الولد مستحملش ومات والسيده مديحه اتوفت بعد ضربها بالسكين فالحال فور وقوع الجريمه
=ودخل اوضه امه وفضل يدور على ابنه التانى وكان بيدور زى المجنون فى كل الاوض
وكيل النيابه.. فى ايه بالظبط
احمد..ابنى التانى فين هو مات كمان
وكيل النيابه.. حضرتك الاخباريه اللى معايا ان السيده سوسن وكان معاها طفل والسيده مديحه كانت على الطريق لوحدها
سعيده.. اه يا بيه احنا شوفناها وكانت لوحدها ومدبوحه زى الفرخه
.. واحمد على صرخه واحده ابنى ابنى ابنى
.. وفى ارض المنشاوى..
=وصل المنشاوى هو وأمين الأرض وشاف مكان الحفر وعرف ان الرجاله طلعوا البنات المدفونه
المنشاوى.. ماشى يا احمد الكلب مش كفايه ياسر اخوك اللى ضحك على بنتى انت كمان عاوز تلبسنى مصيبه
امين.. ربنا ستر يا منشاوى بيه وكل بفضل رجالتنا الأوفياء
المنشاوى.. انا عاوز اعرف كل حاجه دلوقت
.. وابتدى امين يحكى وخده لحد بيت الحارس وفى الطريق ابتدى يحكى كل حاجه ل منشاوى وقاله ان احمد لما ضرب البنات بالنار ودفنوهم واحد من رجالته وانت عارفه كويس ابو سمره فاكره يا منشاوى بيه
.. ده حبيبى
.. وطبعا انت عارف ان ابو سمره مش بيحب احمد وحركاته من زمان من يوم ما طلب منه فلوس عمليه ابوه وهو مرضيش يساعده وطبعاً مش ناسى جمايلك عليه لما وقفت معاه وانا طلبت منه يفضل معاه واى حاجه تخصنا يبلغنا وبصراحه قام بالواجب وقالى ان فى يوم احمد اتصل بيه وطلب منه اتنين رجاله ليهم فالحفر فالأول مكانش فاهم حاجه ومكانش متحمس بس لما عرف انها أرضك اتوغوش وطلب منى اتنين رجاله من بتوعنا يقوموا بالموضوع معاه وطبعا انت عارف ان احمد حويط وخبيث علشان كده كان أبو سمره حذر ولما حفروا احمد ضربهم بالنار وهنا ابو سمره اتفاجأ ان ضربهم بالنار ومكانش يعرف ان فى بنات والموضوع هيبقى فى قتل كل اللى كان متوقعه انه هيدفن حته سلاح مخدرات اى حاجه تجبلك مصيبه وخلاص واحمد طلب منه هو والرجاله يدفنوهم وفعلا ابوسمره والرجاله ابتدوا يردموا عليهم وكان تمثيل علشان أحمد يمشى وفعلا خد عربيته ومشى وابوسمره والرجاله شالوا الردم ومكانش كتير وخرجوا البنات وهما جوه عند الحارس وعمل الازم معاهم والدكتور بتاعنا خرج الرصاص وكانت إصابات سطحيه واحده فى دراعها والتانيه كتفها بس هما اغمى عليهم من الخضه وضربه الرصاصه جامده
وانت عارف ان احمد خايب طول عمره حتى مش عارف يقتل😂
.. ولما وصلوا بيت الحارس ودخلوا وشافوا عائشه وفاطمه وكانوا كويسين
= وبعد مرور اسبوع
.. اهل عائشه على نار ومش عارفين حاجه عنها واحمد منهار وحالته وحشه ومش بيتكلم وبيدور على ابنه الضايع
.. وما زال الغموض مستمر والمنشاوى عرف ان مديحه ماتت وحفيدها وكمان سوسن فالمستشفى والقاتل مجهول والسر كله مع سوسن وفى طفل ضايع وبلغ عائشه بالموضوع كله وهى كانت تعبانه وهزيله لأنها لسه والده وغير ضربها بالنار وكل اللى يهمها ابنها وأهلها 💔
=فى المستشفى
الدكتور..مدام سوسن فاقت وممكن تتكلم وبلغ الحراسه اللى على اوضتها انها فاقت وممكن وكيل النيابه ياخد اقوالها؟
=فى اوضه سوسن
سوسن.. خالتوا ضربها وضربنى وضرب ابنى
وفجأه سوسن حست بحد دخل الاوضه عليها وقالت مين ولقت واحده بتمسكها وبتخنقها وبتقولها ليه عملتوا فيه كده؟
سوسن.. عائشه لا لا...

رواية علاقة ممنوعة الجزء الخامس عشر والأخير بقلم كوكي سامح 

وسوسن قالت مين عائشه وانهارت وقالت بصوت ضعيف انتى لسه عايشه وفيكى الروح
.. ايوه فيه الروح يا هانم ربنا سترها معايا ونقذنى من الموت
.. اسمعينى كويس انا لا كنت عاوزه اضرك ولا اقتلك ولا كنت عاوزه الجوازه دى من الأساس
.. هههههههههههه خايفه منى علشان عارفه انى جايه اموتك
= وابتدت تتنفس بصعوبه وقالت انا مش قادره اتنفس ارجوكى نادى الدكتور انا حاسه ان روحى بتطلع
.. وانا عاوزاها تطلع يا هانم وتموتى وتغورى وانتى فاكره انى جايه انقذك لأ انا هموتك هموتك
وعائشه انهارت ومسكت رقبتها وابتدت تخنقها وسوسن بتفرفر فى ايدها
.. باب الاوضه اتفتح ودخلت فاطمه جرى
.. بتعملى ايه يا مجنونه سيبيها يا عائشه دى خساره فيها الموت
.. اوعى يا فاطمه لازم اموت بنت الكلب دى
.. يا ستى اوعى ايدك بقى
.. مخدتش حقى انا كنت عاوزه اموتها
الدكتور.. ايه ده بتعملوا ايه هنا انتوا مين؟؟!
وفاطمه وعائشه حاولوا يخرجوا من الاوضه وكيل النيابه كان داخل والحراسه مسكت فاطمه وعائشه
وكيل النيابه.. انتى مين وانتى كمان مين
عائشه.. انا ضرتها اللى هى وجوزها دفنونى وضربونى بالنار انا والغلبانه دى يا بيه
سوسن.. الحقونى كانت هتموتنى
وكيل النيابه.. سوسن هانم حمدالله على سلامتك
.. الله يسلمك بس انا تعبانه اوى وابتدت تتنفس بصعوبه
=والدكتور اداها حقنه وابتدت تتنفس بطريقه طبيعيه
وكيل النيابه.. ايه يا دكتور بقت كويسه
الدكتور.. اتفضل حضرتك اسألها بس ياريت متطولش عليها
وكيل النيابه.. سوسن هانم حضرتك تعرفى البنت دى
.. رددت بصوت ضعيف وقالت ايوه اعرفها دى عائشه مرات جوزى التانيه ودى فاطمه الممرضه بتاعتها
وكيل النيابه.. يعنى تعرفيهم زى ما بتقول
=وقرب من سوسن وقال مين اللى عمل فيكى كده انتى وابنك وحماتك
.. خالتى ماتت ولا عايشه
.. للأسف اتوفت
.. اه يا خالتى 😭😭😭😭 وابنى فيييين؟
.. ارجوكى اتماسكى انا بس عاوز اعرف مين اللى عمل فيكى كده علشان نقدر نمسك الجانى وابنك يرجعلك
سوسن.. انا شوفت ابنى بيموت قدام عينى والتانى كان مع خالتى هى جريت بيه
.. ذنبى يا بيه ده هى واحمد ضربونى بالنار انا وفاطمه ودفنونا واحنا فينا الروح لولا ستر ربنا وخدوا ولادى منى وكمان ضيعهوهم منهم لله
.. انتى بتقولى ايه انا مش فاهم حاجه
.. يا بيه بقولك ضرتى وجوزى عملوا فينا كده
.. انتى عارفه كلامك ده جريمه يعاقب عليها القانون وبعدين ازاى خدوا ولادك انا اعرف انهم ولاد احمد وسوسن هانم
فاطمه.. يا سعت البيه سوسن هانم امهم بس التلقيح تم فى رحم عائشه لأن عائشه كانت مجرد رحم للإيجار ودى اساس المشكله
.. اه هى الحكايه كده وبعدين انتى قولتى اسمك ايه
.. فاطمه يا سعت البيه انا الممرضه اللى كنت مع عائشه خلال التسع شهور لحد ما ولدت وفى يوم سمعت احمد بيه وسوسن وهما بيقولوا هيقتلوها ويخدوا الولاد منها بس لما احمد بيه قالى انى هروح اخلى بالى منها واتابع معاها فى البيت انا فرحت وقولت انهم مش هيقتلوها بس اللى حصل غير كده فى الطريق وقفت عربيه كبيره وهو طلع مسدسه وضربها وضربنى وأمر يدفنونا ولما مشى فى واحد طلعنا واسمه ابو سمره وفتح لينا بيت حارس الأرض بتاعت واحد بيه معرفش اسمه وهما اللى انقذونا
وكيل النيابه.. الكلام ده مظبوط يا سوسن هانم
.. اه مظبوط بس انا مكنتش عاوزه الموضوع ده من الاول واتفجأت بجوازه من عائشه وياريته نفع انا خسرت ولادى واحد مات قدام عينى والتانى معرفش عنه حاجه 😭
.. انا عاوز اعرف مين اللى عمل فيكم كده؟؟
.. انا هقول على كل حاجه اليوم ده كنا لسه راجعين من المستشفى وكان احمد نفذ الجريمه وضرب عائشه وفاطمه بالنار وكمان دفنهم وروحنا الشاليه وكان احمد جهز ورق سفرنا كله وانا وخالتى اللى هى حماتى دخلنا نرضع الاولاد واحمد دخل اوضته وفجأه قال انه رايح سوبر ماركت بعدنا بكام كيلو اصل السوبر ماركت ده ملك لواحد صاحبه وقال انه عاوزه فى موضوع وفعلا هو قالنا وراح وانا وخالتى كنا بنرضع الاولاد واحنا برضعهم الولاد ناموا وتقريبا عدى ربع ساعه على خروج احمد من الشاليه واتفجأنا ان فى حد بيخبط انا قومت فتحت ولقيت قدامى ياسر اخو أحمد من ابوه وانا عارفه انه مش تمام قفلت الباب بس كان أقوى منى ودخل معاه راجل معرفوش وانا جريت على الاوضه علشان اقول لخالتى وقفلت الباب وخدت ولد فى حضنى ولسه بقول لخالتى ده ياسر قامت شالت الولد التانى فى حضنها ودخل علينا ومعاه الراجل الغريب وابتدى يقول لخالتى انه عاوز حق ابوه بس هى قالتله ده مش حقك دى فلوسى انا وابنى وخرجنا بره الاوضه والراجل اللى معاه ابتدى يفتش الشاليه علشان يسرق اى حاجه وياسر بيدور على فلوس خالتى وهما ملخومين وبيدوروا خالتى جريت وفى ايدها الولد وقالت أجرى يا سوسن وهى جريت وانا خرجت وراها وفى ايدى الولد بس اتكعبلت على الباب هى محستش بيه وجريت ولما وقعت ياسر خرج ومعاه الراجل وقاله خلص عليهم هو جرى ورا خالتى وانا الراجل اللى معاه طلع مطوع وضربنى بيها وضرب ابنى وشوفته هو بيموت قدام عينى وحاولت انقذه مقدرتش حركتى اتشلت واتمنيت اموت اموت اموت اموت ولا اشوف ابنى يموت فى ايدى سامحنى يارب مكنش بإيدى والله كله من أحمد وابتدى صوتها يتخنق ومسكت القفص الصدري وقعدت تقول حاجه طابقه على نفسى وصدرى مش قادره اتنفس وصوتها راح وسكتت سوسن 😭
وكيل النيابه.. يا دكتور يا دكتور تعالى شوفها
.. الدكتور كشف عليها وقال البقاء لله وحده وماتت سوسن 😭
عائشه.. لا حول ولا قوة الا بالله هى ماتت 😢
الدكتور.. البقاء لله
وكيل النيابه خد اقوال سوسن وعرف ان ياسر هو اللى نفذ الجريمه واكيد الطفل المفقود معاه ومازل البحث جارى عنهم.
عائشه.. وحقى يا بيه وابنى انا عاوزه ابنى وعاوزه حقى من أحمد
وكيل النيابه.. حقك هيجيلك يا عائشه وكلهم =خرجوا من المستشفى بعد موت سوسن
.. واحمد عرف ان سوسن ماتت والقاتل اخوه ياسر وجهز إجراءات الدفن وخرج تصاريح الدفن للتلاته وكان منهار عليهم وعلى الطفل المفقود
.. وفى صباح اليوم التالى ومن قدام المستشفى خرجت جنازه التلاته سوسن وابنها وامه وهو منهار واول لما وصلوا المقابر وتمت مراسم الدفن احمد اتفجأ بوكيل النيابه بيقبض عليه وقاله
.. انت بتقبض عليه ليه انا المجنى عليه
.. لأ يا احمد انا المجنى عليها عيشه اللى دفنتها بعد ما ضربتها بالنار بس لولا ستر ربنا
احمد.. عائشه انتى لسه عايشه
وكيل النيابة.. عنايه ربنا انقذتها يا احمد وكمان ابوسمره عارفه يا احمد بيه
احمد.. الخاين ابن الكلب
وكيل النيابه.. تعالى معايا انتى مقبوض عليك بتهمه الشروع فى قتل عائشه وفاطمه عمداً
.. احمد انهار 😭😭😭 وقال ابنى ابنى مش مهم انا المهم ابنى! انا لازم امسك ياسر سبونى بس الشرطه قبضت عليه وركب البوكس معاهم
فى البلد..
.. الباب بيخبط وكانت عائشه ومعاها فاطمه ولما الام فتحت الباب اتجننت ان شافت بنتها حيه
الاب.. يا ولاد يا ولاد حمدالله على السلامه يا عيشه
فاطمه..والله يا حج بنتك دى بنت حلال
عائشه.. انا حصلى كوارث يما ياريتنى سمعت كلامك تغور الفلوس واللى عاوزنها
الام.. المهم انك كويسه يا حبيبتى
.. وعائشه ابتدت تحكى ليهم كل اللى حصل وكمان موضوع إيجار الرحم وأنهم خطفوها وابنها الضايع واتفجأوا انها ولدت
الام.. منهم لله وانا كنت بقول انهم كويسين دى مديحه هانم عطت لأبوكى فلوس قد كده اتارى وراهم بلوه وانا اقول ازاى ناس زى دول يدخلوا بلدى ب العروسه
.. علشان تطمنو يما ده اصلا ملمسنيش ولا جه جمبى منه لله يارب ورينى في يوم والاقى ابنى يارب
الام.. منه لله
=الباب بيخبط؟
الام فتحت وكانت سعيده
.. بت يا عيشه الحمد لله انك كويسه يا بت
.. وحشتينى يا سعيده وحضنوا بعض وفضلوا يعيطوا 😭 وقالت أسمى عائشه ههههههه
فاطمه.. ربنا يخليكوا لبعض
.. انا شوفتك فالڤيلا
.. اه انا الممرضه وابتدت تحكى لسعيده كل اللى حصل والأمور وضحت كلها
سعيده.. معلش يا حبيبتى والله انا كنت عاوزه مصلحتك وقولت انه مقتدر ومبسوط
.. انا مش عاوزه غير ابنى
.. انتى مش بتقولى مراتى التانيه ماتت يعنى انتى الوريثه انتى وابنك وان شاء الله هيظهر
.. مش عاوزه غير ابنى ومش عاوزه منه حاجه ربنا يخدلى حقى ان شاء الله
فى النيابه..
.. فى بلاغ يا فندم ان صايغ اتقتل وأهل المنطقه مسكوا الجانى وتسلم للنيابه وبالصدفه كان ياسر وشريكه وبالبحث اثبت انه ياسر اخو أحمد واعترف بجرايمه كلها وبقتل مديحه مرات ابوه وخطف ابن اخوه ودل على طريق الولد وكان مع ست هو بيعرفها وراحوا وجابوا الولد وتمت مواجهه بين احمد وياسر فى النيابه..
احمد.. تقتل امى وابنى ومراتى يا جبان
ياسر.. انتوا حراميه وخدتوا حقى
احمد.. دى فلوس امى يا جبان وبين شد وجذب ضربوا بعض وانتهت المواجهه وكيل النيابه سلم الولد لأحمد واحمد طلب الولد يروح لأمه عائشه لانه محبوس بشروع فى قتلها هى وفاطمه
.. وفعلا عائشه وأهلها راحوا النيابه وخدوا الولد وهما خارجين كان أحمد خارج علشان هيروح المحكمه وشاف عائشه وقال سامحينى وخلى بالك من ابنى
.. اللى بيسامح ربنا مش العباد يا بيه وده ابنى حته منى اتغذى من دمى انا وده حقى من علاقه ممنوعه انا عارفه ان الفايده منها محرمه بس اهو جه الدنيا ومش انت يا قتال القتلا اللى هتقولى خلى بالك من ابنى اتكل على الله يا احمد بيه رد وقال ابقى سميه؟
عائشه.. صالح انا هسميه صالح علشان يشيل من اسمه وصفاته ويكون صالح مش زيك يا احمد بيه
الاب.. منك لله
احمد.. بتدعى عليه ما انت بعت بنتك
عائشه.. خلاص يابا
احمد.. عائشه انتى مش ملاك انتى كنتى عاوزه نص ثروتى
.. معلش يا بيه كان غصب عنى وانا مش عاوزه حاجه
احمد.. ما انتى فعلا مش هتاخدى حاجه انا كاتب لسوسن كل الثروه من يوم حملك من الشهر الأول بيع وشراء معملتش حساب موتها 😭
عائشه.. وانا مش عاوزه حاجه
احمد قال بعلو حسه وهو خارج البوكس ورايح المحكمه كله راح وسوسن كانت كاتبه لأخوها كل حاجه هو فى كندا ولما كنا هنسافر كان هيردلها ثروتها وكله راح وابنى هيعيش فقير استنينى يا عائشه لما اخرج من السجن انا هعوضكم وهو بيركب البوكس ابو سمره ضربه بالنار ومات احمد فالحال والشرطه مسكت ابو سمره
عائشه.. يا مصيبتى ده مات يابا ده مات يما
الام.. ما هو كان هيقتلك وكان زمانك مقابله رب كريم يا بنتى وربك قال من قتل يقتل ولو بعد حين
عائشه.. ابنى بقى يتيم يما 😭
الام.. يلا قدامى يا بت هو انتى كنتى هتربيه ده ابنى انا انتى هتاخدى الدبلوم وتكمليه علشان تقدرى تعلميه وبعدين يا بت عيله هتربى عيل 😂
ربك كريم وكلهم مشيوا من النيابه بعد موت احمد وادفن زى الغريب
فى البلد..
.. وفى صباح يوم جديد وبعد 6 سنين
الام.. البت اتأخرت والواد صالح معاها من بدرى والشمس حاميه
الاب.. قومى يا وليه اهى جت
عائشه.. يما يما قولى مبروك بنتك بقت محاسبه قد الدنيا وخلاص خدت البكالوريوس التجاره
الام.. بكا ايه
عائشه.. بقيت محاسبه يما
.. سعيده جت تجرى ومعاها بنتها وجوزها ابن عمها وكانت فرحانه لعائشه اوى وكلهم اتجمعوا واتغدوا مع بعض وسعيده خرجت هى وعائشه على الباب بره الدار...
عائشه.. الحمد لله انا حاسه انى فعلا عملت حاجه وربنا رضانى وحاسه انا كبرت ونضجت وبحمد ربنا انى عديت من الازمه دى يا سعيده
سعيده.. ربنا كريم وعارف قلوب عباده الضعفا انا كل يوم بصلى وبدعى انه يسامحنى على اللى عملته بس انا كنت مراهقه والله
عائشه.. مسامحك يا بت ربنا كريم فعلا وعلشان تعرفى انه مسامحك اهو كرمك وحنن قلب ابن عمك واتجوزتيه وخلفتى البت كارما القمر دى ♥️
سعيده.. ربنا يبارك فيها هى وصالح خلى بالك دى عروسه صالح يا بت
عائشه.. اه عروسته 🤣❤️❤️❤️❤️❤️❤️
.. وفى يوم عائشه اتفجأت ان محامى عيله احمد جه البلد وطلب يقابلها وكانت هنا المفاجأه لأن اخو سوسن رجع من كندا وعرف موضوع سوسن وعائشه منه وحب يرجع الحق لأصحابه وفعلاً رجع ثروه احمد كلها بالعدل لعائشه لانه ميراث ابنها وخد حقه بالعدل اللى يخص سوسن وبس
عائشه.. ايه اللى فكرك بعد 6 سنين
اخو سوسن.. انا مكنتش اعرف حاجه ولما عرفت ان سوسن اتقتلت كان صعب عليه ولسه راجع مصر من شهور وبصراحه لما حبيت اقابل محامى العيله علشان الشغل قالى على اللى حصل كله وعرفت ان احمد كتب الثروه لسوسن غصب وكمان مش من حقها وبعدين انا خدت ميراثى من اختى وده ميراث ابنك وانتى وصيه عليه
.. وفعلا خدت ميراث ابنها وكانت فرحانه ان الحق رجع لأصحابه وبعد مرور شهور اخو سوسن اخد ڤيلا فى البلد وابتدى يتقرب من عائشه وأهلها لأن مع الوقت اثبت انه انسان أخلاقه عاليه وصفاته كويسه وفى يوم طلب ايد عائشه لأنه حس ان صالح حته من سوسن وكمان هو حب عائشه وحس انها انسانه بسيطه وتستاهل رغم صغر سنها بس اثبتت انها جديره بتربيه صالح وبعد وقت مش طويل تم جوزاهم وعائشه دخلت هى وصالح ابنها برجليها الڤيلا وافتكرت انها كان نفسها تعيش فى ڤيلا ذى دى!
.. بس المره دى دخلتها بالحب مش بالطمع وبعد تسع شهور خلفت أجمل بنوته وعاشت أجمل سنين عمرها بين أهلها وجوزها وولادها وكله بالحب 😍 وانتهت القصه
الطمع اققل ما جمع ياريت نرضى بقسمه ربنا لينا ونعرف ان ربنا قسم قسمته بالعدل وكل واحد فينا واخد الاربعه وعشرين قيراط كاملين ارضوا بنصيبكم فى الدنيا ومتحسبوهاش ربنا حساباته احلى واجمل لو فقير وعاوز فلوس اشتغل علشان لكل مجتهد نصيب اوعى تقول بشتغل وبفحت فى الصخر وغيرى لأ 😁 مع انه مش بيتعب بس معاه اكتر منه لا لا دى حساباتك انت إنما حسابات ربنا تانيه خالص محدش بياخد رزق حد ورزقك مش هيروح لغيرك وخلو بالكم ربنا مبيضحكش عليه ويللى بتقولى مخلفتش ليه واشمعنى انتى اوعى تقولى دى غيرى واحسن منى وخلفت ما يمكن ربنا عوضك ان جوزك بيحبك وبيتمنى الرضا ترضى يا ستى ما يمكن ربنا منع عيل عاق لو جبتيه كنتى تدعى عليه ربنا هو بس علام الغيوب ياريت تفهموا الايه دى كويس اوى ركزوا كده
(الْمَالُ وَالْبَنُونَ زِينَةُ الْحَيَاةِ الدُّنْيَا ۖ وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَابًا وَخَيْرٌ أَمَلًا (46)
الباقيات الصالحات من أحب الأعمال إلى الله وأكثرها ثوابا، وبها يرضى العبد ربه والباقيات الصالحات أجمع كل العلماء بأنها الأعمال التي ترضي الله عز وجل، وتشمل الأذكار والصلوات الخمس فينبغي على المسلم أن يواظب عليها بحيث لا تمر لحظة من عمره إلا وكان فيها طاعة إلى الله تعالى ويقول سبحانه وتعالى: {فَاذْكُرُونِي أَذْكُرْكُمْ وَاشْكُرُوا لِي وَلاَ تَكْفُرُونِ}. 😍 ربنا يسعدكم ويصلح حالكم ويبعد عنكم كل شر 🙏


اكتب تعليق ليصلك اشعار بالروايات الجديدة للكاتبة
تعليقات



حجم الخط
+
16
-
تباعد السطور
+
2
-