القائمة الرئيسية

الصفحات

رواية أحفاد فرعون الحلقة الحادية عشر 11 بقلم أروى طاهر المسلاتي ( بنووتة الشيخ )

رواية أحفاد فرعون الحلقة الحادية عشر 11 بقلم أروى طاهر المسلاتي ( بنووتة الشيخ )

رواية أحفاد فرعون الجزء الحادي عشر
رواية أحفاد فرعون الفصل الحادي عشر
البارت الحادي عشر
رواية أحفاد فرعون الحلقة الحادية عشر 11 بقلم أروى طاهر المسلاتي ( بنووتة الشيخ )
ساجده:تسكت في نجمه وتحاول تهديها ....اسوء اب شفته في حياتي انت !
توقعت منك كل شي حقير گ واحد من احفاد فرعون !
لكن توصل حقارتك لي بنت كبدك متخيلتهاش
مالك:مسح شوية العرق يلي نازل من راسه ونحى تيشرته..يحاول يوقف بثبات ويركز لكن الشرب كان اقوى منه...انتي منو فتحلك موضوع مرتي!!!
ساجده:فهمت من نضرات مالك ان احتمال يمد يده عليها ...حطت نجمه على الصالون ووقفتله
مالك:يشوفلها بعيون ذابله...من يلي فتحلك سيرتهاا
ساجده:بلعت ريقها...مفيش شي يدرق !
مالك:عطاها بضهره ويرجع في شعره للخلف بعصبيه وعيون شبه مسكرات
ساجده:ارتاحت للهدوء...مالك انا مجبتش سيرتك مرتك عشان....
مالك:فقد اعصابه .....معش حد فتحهااااااا
ماتت ومات معاها كل شي تم موضوعها
ساجده:اوكي تمام اهدا خلاص
مالك:بدي يعيط ويكسر ومره مره يطيح ويعاود يوقف
كان في حاله مستعصيه بي عصبيته الزايده يلي تفجرت فيه فجآه وزادت نجمه تبكي اكتر وخايفه من منضر بوها يلي قدامها
بدي صوت مالك عيااااط وكلام مش مفهوم يطلع لعند برا وصوت الضرب والتكسير اعلا منه !

نهال:تخبط على وجها....بسررررعه وربي يقتلها ولا يدير فيها شي صوته عالي شكله مش على وعيه
احمد:متدخليش بين المرا وراجلها يتناقشو شويه ويهدا
نهال:شافت لي امها...ياماما ديري حلللل
جميله:سكتت تحاول تسمع العياط يلي فوق
زاد صوت عياط نجمه والتكسير قووي هلبااا
محمد:سيب الصاله وركب
لحقه احمد وهوا يحاول يوقفه
احمد:محمممد محمممد تعالا متدخلش
محمد:وقف يخبط ع الباب بقوووه ...افتح مااالك
ماااالك
احمد:خلاص انزل خليه
محمد:متنفخليش راسي خوك مروح بلا عقل
طقطقطقققققق
محمد:بعد من قدامي بنكسر الباب
احمد:تكسر شنو خيرك محمد!
محمد:بعد احمد وقعد يحاول يفتح الباب بقوته كلها لين نجح اخيرااا
نصدمو احمد ومحمد ونها من منضر الدار يلي مفيهاش حاجه وحده صحيحه كله مكسر
وساجده:حاضنه نجمه ومقعمزه في زاوية الغرفه تبكي وتحاول تحمي نجمه لان مالك كان في حاله تخليه بيقتل بنته💔

خش محمد طلع نجمه وساجده اما احمد سكر الباب وقعد هوا ومالك يلي قاعد يكسر ومهداش ابدا

_________________________

نجمه:فجآه سكتت من العياط وبدي صدرها يركب وينزل ونفسها تسحب فيه بصعوبه
ساجده:عيونها حمر من البكي وترعش ...نجمه نجمممه ردي عليا ماما بخير انتي ؟
رجاء:دفت ساجده ...كللللله منك انتي وصلتيها للحاله هاذي بعدي من عليها معش ليك اي علاقه بيها البنت
ساجده:شافت لي محمد بدون ما تعبر رجاء...محمد الله يخليك ارفعها قبل ما تتأزم حالتها
رجاء:لا مترفعهاش تو نطلع انا ومالك بعدين
ساجده:تشوف لي محمد..مالك مستحيل يطلع عشانها بالله عليك
رجاء:هي انتي شنو تتجاهلي فيا قلت كلمتي انااا
ساجده:اخطيني راهو قاعده متعرفينيش لما ينوض جنوني استهدي بالله ومعش تحطي راسك في راسي
رجاء:تصفق بيديها...لا والله لا يامااااااااما راك غالطه انتي يلي متعرفينيش
محمد:خلااااااص انتي وياهاااا ياسر بلاعار
وانتم النساوين مش فالحين الا في طولة اللسان
جميله:قامت نجمه ....نهال اطلعي مع خوك ارفعو البنت
نهال:به تمام....ومشت تجررري تلبس
ساجده:مسحت عيونها كويس من الدموع وقعدت تعطي في نجمه بي البطانيه كويس عشان الصقع

____________________________

مالك:ضرب الدولاب طاحت المرايه كلها في ثانيه وحده
احمد:خلااااص ياسرك ...ودفه ع السرير
مالك:يحك في عيونه.....شن جيب امهمممم بعد السنين هاذي كله ولاد الكلببببب شنو جيبهممممم
علاااش
احمد:مسك مالك من راسه ويحاول يهديه....ركز معاي مالك
ركز معاي اولاد رمزي رجعو بعد السنين هاذي كلها باش يستفزوك
يستفزوك ويخلونا ننقدو العهد ويلي ينقذ العهد ويخون يطلع من البلاد
مالك:اي عهد واي بلاد
احمد:خدي شوية اميه وغسل بيها وجه مالك ...اذكر يامالك
قبل5سنين ولعت بينا وبين احفاد مختار وبين ولاد رمزي
ودارو الشيوخ عهد يلي يعتدي الاول ع التاني يطلع من البلاد هوا وصغاره وكلنا وقعنا عليه ولاد رمزي رجعو ويبو البلاد ليهم واول حاجه يطلعونا منها حني قبل
متخليهمش يوصلو لي الشي يلي يبوه
مالك:عيونه حمررر ووجها ميتفسرش....هيا معاهم💔
معاهم النمممم معاهم كيف تبيني نتحمل
احمد:تحملت 5سنين ونسيتها تحمل حتى توا
مالك:كانت بعيده!....كانت بعيده عليا وكنت نتناسى
توا قريبه بينا شوارع بسيطه كيف بنتصرف عادي
كيف بنشوف راجلها ومنفسدلاش وجها فهمني !!
احمد:سكت شويه وهوا يتأمل في حالة مالك التاعبه💔
هوا عارف كويس ان خوه مفيش مره نساها وقاعد لعند اليوم يحبها❤️وفاهم كويس قداش تعب طول السنين هاذي
احمد:شوف ....انت توا متزوج وهيا متزوجه
انت عندك بنت لازم تلهى بيها وتربيها
مالك:ضحك بهزوه...اي بنت!؟
ع اساس بتتربى يعني بتكبر بتولي عاهره زي امها
احمد:ميجوزش ع الميت الا الرحمه
مالك:يضحك بهستيريا
احمد:بنتك مدنبها شي ...حاول تنسى الماضي والفتره هاذي متطلعش هلبا باش متتلاقاش معاهم
مالك:قام عيونه....حيجي يوم ونمزقهم الخوت ال3طرف طرف ومنيش راحم حد فيهم
احمد:يساير فيه عشان يهدا....ان شاء الله اي توا تريح ارقد والصباح رباح
مالك:حط راسه ع المخده سكر عيونه ومباش يسكت....تي وررب لما نبهدلهم ونديرلهم احرف مادارو فيا والله لما ناخدها من بينهم ونقتلهاااااا
والله لما ناخدها ونخليها تندم على الساعه يلي نولدت فيها بنت الحرام
ساجده:كانت تراقب فيه من بعيد وخايفه تقرب شافت لي امه ....على منو يحكي؟
جميله:تنهدت بوجع....متركزيش على كلامه هاذا مش في وعيه تو يجي جده ويتفاهم معاه!
ساجده:خشت للغرفه تلم في المرش المكسر
كان مالك راقد ع السرير وفاتح نص عين بس ...ع اساس خلاص!!
شايفه انك نفذتي انتي وياهم!!؟...كسرتيها فيا يارهف؟؟
ساجده:سيبت يلي في يدها وقعمزت جنبه
مالك:يدف فيها بيده وهوا معنداش حيل ....اطلعي من جنبي
اطلعي وطلعي روحك من قلبي لان والله لما نحرقك وانتي حيه
ساجده:خدت نفس وناضت تلم في الدار يلي تحولت لي خرابه
سكينه:هاتي عنك مدام انا نكمل
ساجده:عادي ولا يهمك خليني نساعدك

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥

طق طق طق
انس:يرتب في ملابسه ويعلق فيهم ...ادخل
عبدو:مساء الخير
انس:ضحك بهزوه...ياودي ان شاء الله خير وخلاص الايام هيا تجيني تنشد عليا اكتر من بوي
عبدو:حتى لو كنا مختلفين شويه في النهايه صغار عم
انس:سكر دلابه...اممم به حلو
عبدو:سمعت ان ولاد رمزي رجعو من سفرهم فجآه
انس:اي
عبدو:وسمعت انك ساهر معاهم امس؟
انس:اي مره تانيه
عبدو:وسمعت ان علاقتك بيهم لوز!
انس:اي مره ثالثه
عبدو:سكر الباب وقعمز ع الكرسي....حلو حلو
واكيد جايين بيطلعو احفاد فرعون من هنايا؟
انس:اي مره رابعه
عبدو:علاش متستغلش الوضع هاذا؟!
انس:اي وضع؟
عبدو:انس صحابك هلبا لنم
وتوا زادو معاهم ولاد رمزي ...حط يدك في يدهم امسحوهم مسح احفاد فرعون
انس:بعد احفاد فرعون بيجي الدور عليك...ووقتها نضم امورك ياحبيبي والله منعرفك ره!
عبدو:انت غير هنيني على احفاد فرعون وانا ندبر اموري بعدين
انس:ضحك بي استفزاز....علاش!لهدرجه مش قادرهم؟
عبدو:انس دير بالك على كلامك الايام هيا
انس:والله ياحبيبي اموري منضمه انا وواضحه انت رتب وضعك العاطفي الايام هاذا راهو مفركسلك الدنيا
عبدو:وجها تغير....عاطفي؟شن قصدك
انس:سلامتك انا تاعب وبنرقد توا خلي الخطط العسكريه لي غضوا
عبدو:سيورك ترجعلي انت ...وتو نشوفو وقتها وضعك كيف
انس:نضم امورك ياحبيبي وسكر الضي وراك
عبدو:هز راسه بملل وطلع

____________________________

ساجده:خدت نجمه لي حضنها وكانت راقده❤️
نهال:درنالها جرعه وحده الحمد الله تحسنت هلبا
لين خداها النوم
ساجده:الحمد الله جت بسيطه
نهال:رجاء وين يلي كانت قالبه الدنيا على نجمه؟
ساجده:رقدت مقدرتش تراجيكم
نهال:حتى خوفها على بنت اختها نفاق الزفت ...
المخلوقه هاذي مفيهاش شي كويس ابداا
ساجده:جت بتركب
جميله:ساجده
ساجده:نعم
جميله:متركبيش فوق اليوم ارقدي انتي ونجمه في دار نهال
ساجده:ليش !؟...عادي نجمه جبت سريرها عندي انا م.....
جميله:قاطعتها ...ديري زي ماقتلك وارقدي في دار نهال
ساجده:تمام
جميله:ارقدو بكري بكرا حناك مروحه
نهال:اففففف🤦🏻‍♀️🤦🏻‍♀️🤦🏻‍♀️
جميله:منبيش حرف واحد يتعاود من يلي صار اليوم ونبهي كويس على نجمه خوفيها قلها لو حكيتي حرف بوك بيضربك
نهال:به
جميله:خذت بعضها ورجعت لي غرفتها

______________________________

مصطفى:تقلب لي جيهة السرير الثانيه...ااه😨خيرك قاعده نايضه؟
فايزه:بنضرة شر....نفكر
مصطفى:في شني شن جايك في ها الليل
فايزه:شي خليني في حالي
مصطفى:ربي يثبت عليك العقل...ورقد
فايزه:سكتت مده طويله بعدين تكلمت...مصطفى
مصطفى:بصوت ناعس....همم
فايزه:لو جي حفيد فرعون طلب بنت تعطيها؟
مصطفى:هههههه لا رسمي انتي لابسك جن في ها الليل في حد عقله في راسه يعطي بنته لي عيلة فرعون؟
فايزه:اهو خوك هاذي بنته لي حفيد فرعون الكبير
مصطفى:هذيك قصتها بروحها ورح يطلقوها منه مستحيل تقعد ...ارقدي وبطلي تخيلات وافكار غبيه
فايزه:ربعت يديها وقعده غارقه في عالم تاااااني

___________________________

سلوى:حطت كوب الشاهي بنعناع ع الطاوله...خيرك؟حسيتك مشغول؟
حافظ:خدي نفس عميق....اي والله بالي مشغول على ساجده
شنو مدايره غادي محدش فينا مشالها زياره
شنو مدايره مع العيله وضعها كيف
سلوى:ابتسمت...اطمن اطمن
الحق معمريش كنت نتخيل ساجده بنتي العيله ويلي دماغها صغير ممكن ان تولي في يوم من الايام هكي !
رزينه وعاقله وفاهمه وواعيه لكل خطوه تخطيها
حافظ:زعمى؟
سلوى:ابتسمتله❤️....اكيد احساس الام ميخيبش

_______________________________

فرعون:يطق في صوابعه ع المكتب ودماغه يفكر
محمد:حاس ان الموضوع بيكبر اليوم مالك فصل لما شافهم مش متحمل حتى يسمع بي سيرتهم
احمد:سارح ويتكلم ....رسمي قدرت نسيطر عليه بعد الف حكمه
فرعون:ممنوع يطلع من الحوش من بكرا ممنوع عليه وعليكم
محمد:والله🤨...وشن دخلي انا؟
فرعون:توا بيستعملو كللل الطرق باش يستفزوكم واطلعو شر فعلكم وانا منبيش ننقد العهد ونطلع خوان قدام القبايل كلها
محمد:بصوت واطي ومتكنطي...الزفتت شن دخله شوط الكوره في هاذا كله
فرعون:شوط الكوره قتلي هااا
محمد:اي طبعا شن بيكون في غير هكي !
فرعون:شي اكيد شنو بيكون فيه؟

_____________________________

ساجده:كنت متأكده ان مالك يمر بوقت صعب وصايره معاه قصه اخي خلاته يتصرف هكي متأكده
كنت نبي نرقد بنته جنبه اليوم ونوقف معاه بس امه منعتني ....غطت نجمه يلي كانت راقده في نوم عميق وشافت لي نهال يلي تدهن في كريمه على وجها
ساجده:بدون مقدمات سألت...من هيا رهف؟
نهال:تلفتت بسرعه قايمه حواجبها من الاستغراب....رهف؟؟؟
ساجده:اي رهف
نهال:علاش كيف؟نقصد مني هيا عشان تسألي عليها
ساجده:خوك مالك كم مره يقول في اسمها
نهال:اهااا
ساجده:من تكون؟
نهال:سكرت الكريمه....لو كان يبيك تعرفي راهو قالك
ساجده:سكتت وهيا تدكر في كلام امها قبل وقت طويل

سلوى:سرهم ميعطوشي الا لبعضهم بس آل فرعون
نهال:تبي الضي ولا نسكره؟؟
ساجده؛لالا سكريه تصبحي ع خيير
نهال:تلاقي الخير

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥

ثاني يوم🌞⛅️⛅️

هبه:فتحت عيونها ادور في عبدو بنضراتها بعدين ادكرت انه مباتش معاها امس!!
مسكت التالفون واتصلت بيه

عبدو:ايوا
هبه:بصوت ناعس....حبيبي وينك ؟
عبدو:خدمه
هبه:ليش امس مروحتش راجيتك لين خداني النوم
عبدو:قداش بنبات برا ياسر حتى العيله بدو يشكو في موضوع
هبه:بتجي تفطر معاي؟
عبدو:كولي معنديش نيه
هبه:تمام...ااه بلمناسبه يدي حالها احسن من قبل
عبدو:به مليح...هي سلام توا معش نقدر نحكي
هبه:اختفت الابتسامه من على وجها ....تمام💔
سكرت الخط زي العاده
مفيش اهتمام منه💔ولا كلمه حلوه
الكلام الحلو تسمع فيه اما يبي يقرب منها في الليل فقط!
واضح انه ميحبهاش بس لان هيا تموت فيه تفادت هاذا كلها !

_____________________________

ساجده:يجد كنت مصدومه!...كلهم يفطرو وصبحو على مالك كأن مفيش شي صار امس!
لا عياط ولا تكسير ولا ضرب!! يهدرزو عادي جدا
زمان لو خوي انس تأخر ع الحوش ورد الكلام على بوي تاني يوم يصبح الحوش مقلوووب ومفيش حد قادر يقعمز معاه !
هوا سكران وضرب بنته وكسر الدنيا وعادي جدا وضعه

نجمه:بصوت طفولي واطي❤️....خايفه منه
ساجده:ابتسمت...بري لغرفة نهال تو نجيبلك فطور غادي
نجمه:ردت بصوت واطي....به كان قالك بابا نجمه وين قوليله كلتها الفراشه
ساجده:ضحكت والكل انتبه...ردت بصوت واطي حتى هيا...حاضر لكن اهربي بسرعه تواا
نجمه:طلعت تجررري بي جسمها المكعبر وتركب في الدروج كان منضرها يجنن❤️

جميله:واحد منكم يطلع يجيب خضراء حناكم دوره وتوصل وزي العاده العصبان لازم في السفره
محمد:يشرب في العصير...اياه علينا بيجي الجنيرال اليوم
فرعون:نسمع فيك ياقرد
محمد:😒😒
فرعون:ممنوع حد يطلع اليوم مش ضروري الخضراء
مالك:قام راسه بسرعه لي احمد
احمد:نزل عيونه وكمل ماكلته
مالك:لازم نطلع اليوم عندي شوي حجات نديرهم
فرعون:يتأجلو
مالك:خدي مفاتيحه....صعب
فرعون:ارفع مرتك معاك
نهال وجميله:شافو لي فرعون بي استغراب ؟
مالك:شاف لي ساجده
فرعون:مفيش طلوع بدونها الايام هيا كمل شغلك ع السريع وروحو
ساجده:بلعت ريقها
نهال:حبت تكسر الصمت الرهيب يلي صار...اي اي واصلا نجمه ناقصينها شوي حجات اشريهم ع طريقك ساجده
مالك:بدون نيه....وتي روحك انا برا
ساجده:ناضت لي غرفتها

___________________________

سكينه:اضم في دار محمد ...في عز الكنس شافت كيسة هدايا بودريه ....هاذي لي رجاء تقريبا
افف نجمه مستحيل تخلي حاجه في حالها...طلعت من غرفة محمد لي غرفة رجاء فتحت الباب
وكانت رجا ء في نوم عميييييق زي العاده حطت الكيسه وطلعت

_______________________________

ياقوت:😂😂😂😂😂مبردك يا انس خيرك بديت تافه الايام هيا
انس:اموري منضمه يابنت عمي
ياقوت:ها الكلمه البارده يلي ماشيه فيك هيا ...هاك اشرب قهوا
انس:معش كلمتي اختي ؟
ياقوت:سكتت
انس:ادوي هي
ياقوت:المشكله انا منقدرش نسكتتت لازم ندوي 😭ووه تقلها ياقوت قتلي نعدمك
انس:شن صاير ؟
ياقوت:راجلها يسكر هلبا ومش مزبوط وامس قريب مد يده عليها
انس:اياااه علينا صاير يلي كنت حاطه في دماغي🤦🏻
ياقوت:حاله ما بعدها

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥

ساجده:طول الطريق مش قادره نفتح فمي بحرف واحد
ساكته ونشوف في نضرات الناس ميف تشبحلي وانا معاه❤️
سكر الرواشن وكانت السياره مضلمه عشان يتفادى نضرات الناس يلي ملاحقتنا
درس على اكتر من محل وهلبا اماكن منعرفهاش بدون ما يحكيلي شي وانا ساكته لين نطق اخيرا وقلبي قريب طلع من مكانه !

مالك:وين تبي انتي؟
ساجده:ك كك كيف؟
مالك:نحى نضراته...مش بتاخدي حجات؟
ساجده:اه اي نجمه تبي تيشرتات داخليه رقبه عشان صدرها شوف اي محل ملابس اطفال
مالك:رجع لبس نضراته وكمل طريقه
ساجده:كنت نتحجج بي الطريق ع اساس نتفرج عليها بس الحقيقه كنت نتأمل فيه هوا❤️
وفي ملامحه التاعبه💔

_____________________________

انس:نزل من السياره فااااصل وحارق دمه...الكللللب هوا وربي لما نركها معاه والعهد يخرو عليه معش نبيه

طقطقطقطق طققققققطقطق
نهال:بلطف عليكم ان شاء الله به الصبر الصبر
وفتحت الباب
نهال:تفضل
انس:😧😧😧😧😧😧
نهال:تفضلل قريب قلبت الباب توا
انس:اءء انا ن ن
نهال:شني ؟؟

________________________

رجاء:ناضت تتكسل من نومها غسلت وجها وجت بتطلع من دارها لين شافت الكيسه...منو هاذا جايبلي هديه😧😍
فتحت الكيسه لقت فيها صندوق ع شكل قلب وداخل الصندوق فلاش

_____________________

ساجده:غرقت في حوايج الصغار وبديت نختار لي نجمه ونركز على المقاسات وكان مالك مش معدل زي العاده واقف سارح وبس
خديت الحجات عطيتهم لي صاحب المحل وبدي يحسبلي الفاتوره كم !

مالك:سارح نفكر في كم حاجه لين قطع تفكيري السياره يلي درست
نزلو منها زوز ...ومن ضمنهم كانت هيا 💔
هياااااا انا متأكد مفيش حد عنده نفس النضرات هيا غيرها ....يتبع

طبعا الضي جي الساعه 12ونص هاذا كله كتبته في ساعه وحده عشان منخليكمش بدون حلقه عارفتها قصيررره اسفه بكرا نعوضكم😭😭😭
لقراءة باقي حلقات الرواية : اضغط هنا 
reaction:

تعليقات