رواية أحفاد فرعون الحلقة السادسة عشر 16 بقلم أروى طاهر المسلاتي ( بنووتة الشيخ )

رواية أحفاد فرعون الحلقة السادسة عشر 16 بقلم أروى طاهر المسلاتي ( بنووتة الشيخ )

رواية أحفاد فرعون الفصل السادس عشر 

رواية أحفاد فرعون الجزء السادس عشر 

البارت 16

رواية أحفاد فرعون الحلقة السادسة عشر 16 بقلم أروى طاهر المسلاتي ( بنووتة الشيخ )

ترن
عبدو:اياه علينا عاد
اشرف:رد رد خلي نسمعو صوت حنين
عبدو:فتح المايك....ها
هبه:ارتاحت لما سمعت صوته...حبيبي وينك
عبدو:قاعد
هبه:خوفتني عليك سمعت في عركه صايره وفيها احفاد فرعون خفت يصيرلك شي
عبدو:تو انتي شن تبي؟
هبه:سلامتك بنطمن عليك بس
عبدو:مليح مفيا شي
هبه:بتبات عندي اليوم؟
عبدو:ع الجو كان فضيت تو نجيك
هبه:به تمام رد بالك ع روحك ونحبك❤️
عبدو:تم....وسكر الخط
هبه:رجعت التالفون لي الشحن وهيا مضايقه من اسلوب عبدو يلي بدي وقح بزياده معاها !
حسن:خيرك جفاف معاها
عبدو:جنس حواء هكي يبي
اشرف:قام راسه..كأنها قتلك بتبات عندي؟
عبدو؛اي عايشه بروحها البنت العبي ديما تبيني معاها
حسن:متحصلش تجيبها هنايا نزردو فيها !
عبدو:لالا مترضاش
اشرف:تي انت غير اسألها خيرك تقطع في الرزق
عبدو:ناض تنرفز...خلااااص عاد قتلك البنت نزبطها في المليح متقبلش

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥

ياقوت:سكرت الباب وهيا تشوف لي ساجده بشفقه ...قربت منها وقعمزت جنبها ❤️
ساجده:مسحت دموعها
ياقوت:حبيتيه ومتبيش تطلقي صح!؟
ساجده:خذت نفس....لا مش هكي الموضوع
ياقوت:لو انتي خايفه عشان قصة الطلاق وهكي سمعتهم يحكو اول ما يكمل الشهر وتطلقي عبدو خوي بياخدك
ساجده:زادت الدموع في عيونها
ياقوت:في حاجه منعرفهاش؟
ساجده:هزت راسها بمعنى لا
ياقوت:وراس امك احكي بالك نساعدك ونبي منحبش نشوف حد هكي ومنقدر نديرله شي
ساجده:تشوف لي رهف بتردد...تحكيلها اولا!!
تعبت من الكبت داخلها ومفيش حد يعلم بشي حتى صاحباتها قطعتهم من لما رجعت لي بلادها وتزوجت
ياقوت:هيا ساجده الهم احكي وربي مطالعه مني كلمه
ساجده:خذت قرارها انها تفضفض اخيرا وتحكي كل شي ....خذت نفس عميق وبدت تحكى بصوت متقطع من البكي

_________________________

رهف:مقعمزه بي ارتباك وواضح على عيونها الاحمرار ..كانت مقعمزه ونار والعه فيها تراجي مصيرها يلي الله اعلم كيف بيكون على يد راجلها
وقفت بفزع لما نفتح الباب بقوووه
خش راجلها وهوا كيف مروح من المشفى رابطين جروحه من الطريحه يلي كلاها من احمد ومحمد

رهف:ع عع عمار خيرك من دار فيك هكي!؟
عمار:طلعتي مزال تبيه!!
رهف:بلعت ريقها بخوف ومردتش
عمار:بي رساله وحده بس بي اسمه قدر يخليك تطلعي الوقت هاذااا ورا الحوش؟
.:ساكته
عمار:تكلممممممممي شن كان شعورك لما طالعه تقابلي فيه وبطنك قدامك؟؟
رهف:بدت تبكي وترعش والخوف سيطر عليها
عمار:طلعتي خاينه كلبه مستحيل تتغيري
رهف:بصوت باكي.....مدرت شي اناااا😭😭
مخنتكش ولا كلمته اصلااااً
عمار:بصوت متنرفز.....امالا علاااااااش
علااااااش ماشتيله علاش
رهف:منعرفش💔تخيلت ان بيقولي شي بسبب الحرب يلي بينكم او اي حاجه هكي محطيت في بالي شي تاني
عمار:رح تقعدي كذابه لاخر يوم في عمرك
رهف:عمار اسمعني
عمار:دفها....منبيش نسمع شي اقلبي وجهك من عليا
رهف:بدت تساعد في نفسها وتنوض من على الارض شوي شوي بتعب
انا عمار سيبها طايحه وطلع !
صح وجعاته كيف مرته طلعت خفيفه وقاعده تحس بي شي اتجاه مالك والدليل ان مشتله بسرعه اول ما قرت كلمتين ع اساس هوا باعتهم
اكن في نفس الوقت في داخله كان فرحان🔥
اخيرا بيطلعو احفاد فرعون من البلاد تاركين رزقهم كله ليهم

______________________________

ياقوت:اووووف هاذا كله صاير؟😨
ساجده:اي💔
ياقوت:اهدي شويه خلينا نعرفو نفكرو شوي
ساجده:يلي حارقني ان مشالها💔مشاااالها يا ياقوت
يعني حتى المره الاولى مش خاطفها ولا انقذها المره الاولى طلعت معاه برضاها
اوكي تمام يحبها علي راحته بس ميكذبش عليا 💔
ميقعدش يوهم فيا ان يبي يعيش حياة جديده معاي وهوا قلبه قاعد معاها
ياقوت:بصوت هااادي...الواطي يساير فيك باش يرقد معاك خوانين احفتد فرعون معروف عليهم
ساجده:زاد كلام ياقوت خديها تبكي تكتر واكتر
ياقوت:عطيني قصه في لساني زدتك على مابيك
به غير اسمعي توا
ساجده:تمسح في عيونها....شنو
ياقوت:لو طلقك على طول هكي وبسرعه معناها فعلا ميحبكش وقلبه مع راس الدحيه هذيكه
ساجده:راس الدحيه؟وين تعرفيها شايفتيها انتي؟
ياقوت:لا بس المزيتات المتزوجات ويخونو في رجالتهم كلهم هكي شكلهم
ساجده:طلعت منها ضحكه خفيفه وسط دموعها
ياقوت:المهم ولو رفض الطلاق معناها يبيك رسمي🥺
ساجده:سكتت
ياقوت:انتي حبيتيه؟
ساجده:تنهدت.....منعرفش
ياقوت:طبعا ياماما حبيتيه كنهادا مترشفيش خناينك هكي ع خاطره....هوا تبي الحق ال3قنينين عطيهم جلطه محلاهم🥺❤️عندك الحق تحبيه ياكبدي
بس مشكلتهم انهم احفاد فرعون
ساجده:كنت مكدبه كل الكلام يلي ينحكى عليهم بس اثبتلي ان كلامهم صح!💔
ياقوت:لا عاااد خلاص متفقديش الامل شوفيني انا كيف مش فاقده الامل اني ناخد واحد منهم 😂
ساجده:من هما!!
ياقوت؛شي انسي ....المهم لايأس مع الحياة بنتي
ساجده:خذت نفس عميق وهيا تحاول تخفف من الوجع يلي حاسه بيه شوي

مالك:متغلطش....خوها واقف خليني نكلمه بهدوء قبل
صار شي وبدي يفرد في عضلاته شد امرجه طريحه هنايا وبنهش نطلعها
احمد:تم ياقنين
مالك:فتح الباب ونزل من السياره هوا واحمد ...مساء الخير
انس:عدل تقعميزته وهوا مستغرب ليش جاي مالك في الوقت هاذا؟....اهلين
مالك:بالله خش ناديلي المرا
انس:اه!!...مش ع اساس بايته اليوم؟!
مالك:شاف لي احمد بنضرة واضح انه مش فاهم شي ومش سامع بي شي ....اي لكن صارت كم حاجه هكي غيرت رائي يوم تاني نجيبها تبات ان شاء الله
انس:براحتكم يامعلم ...ثواني اناديها
مالك:خود راحتك
انس:خش وسيبهم
احمد:انا مفهمتش الولد هوا طقه ولا شني بزبط !
مالك:ولع دخانه...علاش؟!
احمد:يضحك مع خوك تقول صحاب وخاش ينادي على اخته باش تروح معاك نحس فيه عايش في عالم بروحه
مالك:خذي جبده من دخانه....متتهزاش ع حد احتمال تنصدم فيه بعدين
احمد:شاف يمين يسار....العيل ويلي معاه الباين انهم مهناش
مالك:عبدو؟
احمد:هوا في غيره!!
انس:تفضلو تفضلو
احمد:مش قتلك مش طبيعي!
مالك:لوح الدخان....خليك انت برا نتفاهم معاها ونجيك
احمد:حاول يكون التفاهم داخل مش حرب عالميه
لان اليوم ضربت هلبا معش عندي نيه نضرب اكتر من هكي
مالك:ابتسم ع جنب وخش

__________________________

رهف:غسلت وجها من البكي وهيا حاسه بي الم في بطنها رهييييب طلعت من الحمام وكانت مستنده على الحيط لين قربت على تالفونها لقتها الساعه1ونص !
اتصلت بي عمار (راجلها)مره واثنين و3ومردش عليها وهيا كانت خلااااااص بتموت من الوجع
اخر حل لقاته اتصلت بي سلفها اشرف يلي كان قريب من حوشها وجاها يجري رفعها للمشفى !

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥

ساجده:حاطه الوشاح عليها وتحاول تخفي تورم عيونها من البكي ...نعم
مالك:طلعتك من الحوش بدون اذني رح نحاسبك عليها اول منروحو
ساجده:قامت راسها....مفيش حاجه اسمها نروحو
في شي اسمه تروح
مالك:ابتسملها بخبث......الشي هاذا انا نقرره مش انتي
لمي بضاعتك واطلعي نراجي فيك عطاها بضهر وجاي بيطلع
ساجده:الشهر كمل وخلاص معش عندك شي هنايا
مالك:تلفت وهوا مبتسم وماسك اعصابه كويس
مسك يدها ويحكي بهدوء ❤️....انتي لو تجيبي حجاتك وتطلعي توا بهدوء مش يكون احسن؟
ساجده:بنضرت تحدي....احسن من شني!!
مالك:قام راسه ثواني ونزله ....احسن من ان ترعشي عيله تامه في الليل هاذا
يصير فيها خبط السلاح والعياط وخوك ينضرب والحوش هاذا يطيح فوق روسكم ...وفي النهايه بسيف بي الكيف رح تروحي معاي
ساجده:بلعت ريقها بخوف.....وعلاش هاذا كله!؟
برجليك مشيتلها وطلعت من قدامي شن مزال تبي فيا مالك خلاص الاتفاق كمل شهر تام
ومتحاولش تكدب عليا وتقولي بنبدا معاك من جديد قلبك معاها
مالك:طبطب بيده على خدها....الكلام هاذا نتناقشو فيه في الحوش مش هنايا
يالله نراجي فيك .....وطلع
ساجدها:خذت نفس عميق واذكرت الكلام يلي ينحكي على احفاد فرعون

_لما يبو حاجتهم ياخدوها بدون ما يقدرو لا كبير ولا صغير حتى لو هدمو كل شي قدامهم !

_____________________________

ياقوت :واقفه ع الروشن....بسسسس بسسسس نكلم فيك
احمد:عاطيها بضهر ويقلب في عيونه بملل....الصبر يارب
ياقوت:غير تلفت 5دقايق بسسسس🥺
احمد:تلفتلها....شن تبي
ياقوت:محلادينمك في الضلام 🥺🤤
احمد:رجع عطاها بضهر بسرعه قبل ما تشوف ابتسامته على هبالها
ياقوت:جايين بترفعو ساجده ولا؟
احمد:يرد من راس خشمه....اي
ياقوت:سعد الناس طلع يحبها 💔....حبني حتى انت وروح بيا نرضى نعيش معاك حتى مع حناك الحرفه
احمد:هز راسه يمين يسار....العقل نعمه
ياقوت:متكيه راسها ع الروشن ....حتى عضلاتك نعمه عطيك سم فيهم ❤️
احمد:تلفتلها.....بطلي الحركات هيا يافرخه مش عيل وتاخديني بي كلمتين
اقسم بالله او نعرف ان ليك يد بي الفرخ لي بعت معاك الهديه لما نقطعك
ياقوت:بلعت ريقها وتشوف لي عيونه....راضيه نموت بين يديك ❤️
احمد:مفيش فايده فيك🤦🏻
ياقوت:تشوفله بكل حب

مالك:طلع من الحوش ...هيا يا احمد
احمد:جاي هي
ياقوت:بسلامه ياراجلي في الحلم ربي يجمعني بيك في الواقع 🥺❤️
احمد:قرب على الروشن....ان شاء الله تبري
ومشي
ياقوت:ساحت على الروشن😂....ما اجملك 🤤

____________________________

عمار:كيييف؟؟كيف ولاده مبكره قاعده في السابع
اشرف:وين نعلم الدكتور قال تصير الحالات هادي مرتك مش اول وحده
بعدين علاش مرديتش عليها يا راجل كان مكنتش قريب انا عليها راهو الله اعلم شن كان صار فيها
عمار:خاينه بنت كلب
اشرف:بتجيبلك ولدك ولا بنتك لازم تتحملها
عمار:كنت حنقتلها مبكري غير تعودت من الشطان واذكرت لي حملها
اشرف:سكت شويه....طلع من الحبس!؟
عمار:من ثاني يوم الفجر ....تنهد
طبعا بيطلع الشرطه متتتفسش معاهم وحتى البيته في الحبس غير اجرائات قدام الناس وبس
اشرف:فروخ الكلب
عمار:شاف لي الساعه ...روح لازم ترتاح باش غضوا تكون جاهز معانا عشان لحضة طلعو احفاد فرعون
اشرف:مستحيل يجيني نوم من التفكير متحمسسس
عمار:المنطقه كلها تحكي في الموضوع مح.....
الدكتور:طلع من غرفة العمليات
عمار:طمني دكتور
الدكتور:الف مبروك عليك الولد
اشرف:خبط عمار على كتفه...مبروك مبروك عليك البطل
عمار:ابتسم بفرح يبارك فيك
الدكتور:ينحي في القوانطي....بس لان نمو الولد ناقص لازم يقعد في الحضانه لين تتنضم امورها وبعدين يطلع
عمار:ان شاء الله مفيش اي مشكله ولا يهمك
الدكتور:والمدام صحتها كويسه الف الحمد الله على السلامه ....وطلع
اشرف:بدت الاخبار الحلوه تطلع
عمار:اي رسمي

___________________________

نجمه:نطت من مكانها بفرح.....سوووووجي
ساجده:حضنتها
نجمه:ماما رجاء قالت انتي خلاص معش تجي
ساجده:ابتسمت وقعدت ساكته
جميله:قربت من مالك....وين باقي خوتك
ساجده:خدت نجمه وركبت
مالك:متخافيش اهو برا شوي ويخشو في كم خدمه عندنا بنديروها
خيريه:ياسر انت وياهم معش تحرقو قلب امكم سامع!!
بطلو عراكات مع الناس واهدو
مالك:ان شاء الله...وتو روحكم من غضوا الساعه 8الصبح بيرفعكم محمد للمزرعه بتقعدو غادي
جميله؛علاش!؟
مالك:متهتميش بيها المواضيع هاذي امي المهم وتو روحكم وخودو حوايجكم لي 3ايام لين انضمو الوضع هنايا
رجاء:انا بنقعد هنايا اكيد محتاجين حد يحوس عليكم غداكم وقهوتكم
مالك:قارن حواجبه مفيش حد يقعد غير ساجده وسكينه بس
سكينه:واقفه في المطبخ وتسمع فيهم
مالك:الساعه قريب 2خشو ارتاحو
نهال:قامت سفرة القهوا للمطبخ وركبت
ورجاء ركبت لي دارها حتى هيا
اما خيريه وجميله قعدو مقعمزين يراجو في فرعون يفهمهم القصه بزبط شنو!

_________________________________

عبدو:بصوت عياط عااالي.......حماااااااار انت حمااااارررررر؟؟؟؟؟؟؟
كيف تهلي اختك تروح معاااه
انس:ياكل في العنب....راجلها تروح معاه علاش لا!
عبدو:النممممم هوا بيجلطني
حسن:يلي صار غلط يا انس غضوا احفاد فرعون بيطلعو من البلاد ورزقهم كله لينا مفروض اختك منعتها تروح معاه
انس:ضحك ضحكه طوووويله وخذي نفس....رزقهم كله ليكم؟
ههههههههههه بالك تسحابها زردة اعدادي شيبس وشكلاطه سعيد ومستكه حاره
راك تتكلم على اراضي نص البلاد وقصر اكبر من طموحك
تسحابه احفاد فرعون بيطلعو ويخلوهولك؟
حيدر:والله هاذا شروط العهد ياصقر يلي يخالف العهد املاكه لينا وهوا تشاوات يطلع زي الكلب
غضوا من الصبح ماشيين ومعانا ورقة العهد
انس:قعمز عليها 😏
حسن:انسسسسس😡😡😡
انس:وقف يتكسل....انا خاش بنرقد توا الصبح بعد ماتروحو نوضوني بضحك علي الشلابيخ يلي بتاكلوهم ...يالله تصبحو ع الخير

حيدر:الكلب هاذا شن قصته؟
عبدو:هاذا حاله في كل مشكله
حسن:تي هوا معانا ولا معاهم !؟
عبدو:معش تفهم شي ...يالله فوته تو يضربه الحيط ويولي

_________________________

طق طق طق
مالك:فتح الباب وخش
كانت الدار ضلام ومصقعه ....فتح الضي شاف ساجده راقده بي عبايتها وحاضنه نجمه ومتغطيين❤️
فتح المكيف ع السخون وغطاهم كويس وطلع بدون كلمه
اول ما تسكر الباب ساجده فتحت عيونها واستمرت على الحال هاذا تفكر لعند اذن الفجر 💔

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥

ثاني يوم⛅️⛅️

هبه:ناضت مخلوعه وارتاحت لما شافت عبدو....ااه انت خلعتني
عبدو:علاش في منو كنتي تراجي؟
هبه:نزلت من السرير...ولا حد
عبدو:يفتش في الدولاب
هبه:ع شنو ادور؟
عبدو:طلع سلاحه
هبه:خافت...شن فيه!
عبدو:قصه نتمها ونجيك
هبه:حضناته....دير بالك على نفسك
استاحشتك هلبا❤️❤️
عبدو:بعدها...مش وقته توا نجي بعدين ساهل
هبه:به تمام ...في حفض الله

____________________________

على سفرة الفطور:-
انس:مقعمز منكد..😒😒
مختار:مشاء الله والله بوك جايب نتايه ولا ذكر يطلع وميخافش؟؟
انس:ياجدي مش خايف انا
عبدو:اماله شنو تسمي فيه هاذا
انس:اولا ضم فمك وثانيا منبيش نمشي لان عارف بتروحو خاسرين
مختار:ولدددد...شن قصدك ها؟!
انس:اخخخ انسى خلاص تو نمشي معاكم
مختار:خليك صقررر ومعش تولي في كلمتك وكون يد وحده مع العيله زي ولاد عمك شوف عبدو كل شي على راسه
فايزه:قايمه راسها بفخر

يسرى:رسمي احفاد فرعون بيطلعو اليوم من البلاد؟
ياقوت:اااه بيطلعو معنديش نصيب 💔
يسرى:في شنو؟!
ياقوت:شي انسي
ملاك:بنات انس خاطب؟
ياقوت:لا علاش حطيتي العين عليه؟
ملاك:هههه لا لكن لابس خاتم
ياقوت:اطمني ياحنى مش خاطب
ملاك:خذت نفس براحه

______________________________

ساجده:ناضت مفزووعه على صوت الرصاص
نزلت من السرير بسرعه شافت من الروشن وكانت زحمه بطريقه ررررررهيبه
ناس مسلحه كلهم لابسين اسود مطوقين القصر كله
شافت من بعيد لمحت ولاد عمها عبدو حسن حيدر
وخوها انس واقف بعيد خافت من المنضر المرعب هاذا ومكانتش فاهمه شي
فتحت الباب وجت بتنزل بس مسكتها سكينه
سكينه:لا مدام متنزليش
ساجده:بصوت خايف...سكينه
شنو صاير برا ليش الزحمه والسلاح!
سكينه:احفاد فرعون امس خالفو العهد يلي حكيتلك عليه
واليوم جايين عشان ياخدو رزقهم واراضيهم ويجبروهم يطلعو
ساجده:بلعت ريقها
سكينه:متخافيش مستحيل يطلعو انتي بس خليك في غرفتك
استاد مالك بعت اهله كلهم من الصبح للمزرعه وخلاك انتي ونجمه وانا بس في القصر
ساجده:نحت عبايتها يلي رقدت بيها .....خايف عليهم ومش خايف عليا مثلا!!
سكينه:ضحكت ...لا طبعا في حد ميخافش على مرته وبنته
ساجده:بالله معاد تقولي مرته لان بي اذن الله اخر يوم ليا هنايا
سكينه،لل ليش؟
ساجده:ولا شي انسي
سكينه:نازله نجيبلك الفطور انا
ساجده:رجعت لي غرفتها وقعدت واقفه تشوف فيهم من الروشن

_________________________

حسن:هاذم رسمي ولا يبصرو؟
واخدين استعداداتهم تقول جيش بلاد من وين الرجاله هادم يلي جايبينهم
عبدو:يشوف للقصر بي دهول ....مش فاهم شي
حيدر:الباين ان طلعو وجهم الثاني يابرو
حسن:من وين ليهم هاذا كله ؟؟؟
انس:يلعب بي التالفون...جاي لي قصر احفاد فرعون ره مش احفاد لولو كاتي
حيدر:اياه اياه اياه اياه ....القصر كله مطوق

عمار:اعلنو الحرب رسمي هاذم
اشرف:وحتي مش قدها
عمار:مني يلي مش قدها شن تخرط انت
اشرف:خليك واقعي عمار شوف امكانياتهم السلاح يلي عندهم ربعه مش عندنا حني
مكناش نعرفو ان عندهم رجاله هكي فرحانين امس حني عددهم اكتر منهم هما 3
وحني مع احفاد مختار 6اليوم طلعولك بي 150واحد حتى من واقي الرصاص لابسينه
عمار:ساكت ويشوفلهم بغلللل

انفتح باب القصر وطلع مالك مع خوته الزوز
مالك:شبحلهم كلهم بنضره وحده وبدي يتكلم
العهد انا معش نعترف بيه
والقصر وخوتي اهو قدامكم ...يلي بيقرب بنكسكسوه ومش رح نتردد فيها الكلمه هيا الطلوع مش طالعين
والرزق مليم احمر مش رح تشوفوه
بتحاربونا بتتحاربو غير هكي كلام مفيش والراجل فيكم يقرب
محمد:دار باي لي انس من بعيد
انس ردهاله والزوز يضحكو لبعض 😂

فوزي:خودنا طريق ياولد بنتكلمو كلمتين مع جدك
كلام الصغار ميمشيش
احمد:الصغار ريناهم عندك ياحاج لكن لان حني تريس صوتنا مش ح نرفعوه عليك
فوزي ومختار يتفضلو ويحكو مع جدي كيف مايبو غيره مفيش ذكر يخش داخل

فوزي:رجع جرده للخلف وهوا متكنطي وخش
مختار:طلع نفسه بضيقققق وخش ورا فوزي

_________________________________

عمار:كيفكم شباب ....وسلم عليهم
عبدو:زي ما تشوف اهو مستنيين الحل
حسن:الكثره تغلب الشجاعه كنهاذا التيوس ال3مياخدوش مني ربع ساعه
حيدر:طلع انس يدوي رسمي
عبدو:بطل الملام الفارغ هاذا الحل تو يجي بسيف عليه
اشرف:واقف بعيدددد ويتكلم بتالفون

محمد:قرب من انس ....ولاد عمك بدو 4بعد ما انضم ليهم عمار
انس:ولع الدخان ....انا هكي محتاج صابر الروباعي
محمد:علاش!؟
انس:باش نصبر 4مرات😂😂😂
محمد:طق في يده والزوز ماتو بضحككك
احمد:قارن حواجبه....محمممممد
محمد:انت معاهم حقى نسيت
انس:حتى انت معاهم راحت من بالي بكل
محمد:بالله تحب تخش فيه الجو متعهم هاذا
انس:حقيقتا لا!
محمد:شن رايك بعد المهرجان هوا نمشو نضربوها ارقيله
انس:بنضرة خبث....معسل بنكهة التفاح
محمد:مع قهوا ساده
انس:تي حبيبي لنم انت
محمد:طق في يده
عبدو:انننننس
انس:دير روحنا متعاركين بالله
محمد:برا يا حفيد المختار
انس:برا ياحفيد فرعون
محمد:😂😂😂
انس😂😂😂😂

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥

فوزي:والمعنى يا كبير العيله
فرعون:وقف....زي ماحطيتو الموضوع عند الفروخ وخليتوهم يستفزو احفادي عشان يخالفو العهد
توا الموضوع كله عند احفادي وانا نافض يدي
مختار:بصوت متكنطي.....شنو يعنننني ها؟
احفادك يا استاذ مدايرين جيش برا وعالنين الحرب العالميه
فرعون:ببرود....والله؟مشفت شي مطلعتش من امس
فوزي:على كلامك هاذا معناها نلغو العهد ونخلوها حرب شوارع!؟
فرعون:اي راي كويس
مختار:طلع ورقة العهد ومزقها والشر يطلع من عيونه.....امالا من اليوم تحمل يلي جايك يافرعون
هي السلام عليكم
فرعون:القهوا يا مختار
طلع ورا فوزي والزوز الغضب يتطاااااير من عيونهم

___________________________

رهف:الله يسلمك يا حماتي ...وين عمار ؟
نمارق:طالعين من الصبح
شنو بلغتي اهلك؟
رهف:لا والله انتي عارفه بعاد هلبا ومحبيتش نشغلهم
نمارق:اي عندك حق ....مريت على البيبي وانا جايه
قالو حالته كويسه وبيقعد في الحضانه لان طلع بكري
ههههههه جاي مستعجل بسلامته مش متحمل
رهف:ضحكت وبعدين خذاها التفكير وسرحت

____________________________

فوزي:هيا انت وياه....وركب في السياره
مختار:ركب في السياره وهوا متفجر بدون اي كلمه
في لحضات معش في حد الا غبرتهم بسسس

ساجده:مشو كلهم....زعمى شن صار
سكينه:طلعت الفلاش من جيبها وحطاته على السرير عشان تشوفه ساجده
ساجده:تلفتت .....مسرع درتي غدي؟
سكينه:😅متعوده يكون في وقته
ساجده:ابتسمت وطلعت فلوس من شنطتها....سكينه خلي هادم معاك
سكينه:لا والله عندي معاشي الحمد الله العيله مش مقصرين معاي
ساجده:ولا انتي مقصره معانا بلعكس تعطي في اكتر من طاقتك خوديهم مترديهمش عليا صاحبتي انتي توا ❤️
سكينه:صحيتين
ساجده:عطتها بضهر وهيا تشوف من الروشن ....تبي اي شي تعالي عندي طول ردي بالك تتحشمي
ساجده:ان شاء الله....وخدت الفلاش من جديد دساته عندها
سرحت سكينه شويه وهيا تحكي مع نفسها ....واضح ان البنت كويسه حرام تعرف وتطلع من القصر💔
لازم ندير كل شي نقدر عليه عشان تقعد تكمل مع مالك
من اليوم معش بنساعد لا رجاء ولا رهف ولا غيرهم خلاص

______________________________

فرعون:كونو على استعداد بس لي كل شي
لان العهد لغوه
احمد:دار تعبير بوجها بمعنى ...اخيراااااا
مالك:استعداد لي شنو ؟
فرعون:هما جبناء ...مشتحيل يديروحه حرب مباشره
بس اكيد بيبدو يحفرو من تحت لتحت
محمد:من الناحيه هيا اطمن يا جدي صقع عليهم
فرعون:واضح اي تضحك مع ولدك مبكري
لا تفكر لا طياح سعدك تهز في راسك وخلاص
محمد:سكت
مالك:محمد برا جيب العيله الامور طيبه خلاص
احمد:يلي برا بيقعدو اسبوع ع الاقل
مالك:اي مداير في حسابي

__________________________

فايزه:شنو يعني مطلعوش ؟على كيفهم ولا شنو؟؟؟
مصطفى:اسكتي وطي صوتك بوي مش ناقص
فايزه:اخخخخ بس حتى بنت حافظ فرخه ساجده رجعتلهم يعني نحنا يلي طلعنا من المولد بلا حمص
انس:خودي فستق😂
مصطفى:انصدم لما عرف انس سمعها....بتسكتي ولا نجرك لعند برا من شعرك
فايزه:ركبت وهيا تخبط

مختار:ليهم دباره ولا يهمكم
عبدو:انا نستأدن
حسن:وين؟
عبدو:عندي كم حاجه بنديرها
حسن:جاي معاك
عبدو:لا خليك مش معطل
حسن:تي جاي معاك
نصر:حسنن خلاص عاد خلي الولد براحته
حسن:به يابوي خيرك !
عبدو:طلع من الحوش

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥

الساعه 7المغرب:-

رجاء:وقفت ع الباب بعد ما مسحت غرفتها كلهاااا بي المعطر وبدت ريحتها قوووويه
وتوا هكي الامور تمام ...نجومه تمرض ونقعد مع بوها اعند الساعه 3في الليل
وباقي طرق تحريك مشاعره عليا🔥🔥

ساجده:حطت سفرة القهوا ...نهال جيبي صونية الكيكه نسيتها
نهال:ناضت
خيريه:وانتي شنو؟
ساجده:انا؟شنو😧
خيريه:ليك شهر ياماما متزوجه كان مش غالطه في الحسبه
لاحملتي لا ودنتي ...شنو عقيمه ولا شنو قصتك؟
ليكون مش عاطيه لي الراجل حقه؟
ساجده:بدي وجها احمررررر وشافت لي ام مالك
جميله:اشرتلها براسها بمعنى فوتيها واسكتي

ترن ترن ترن
ساجده:خدت تالفونها وناضت

جميله:خفي عليها ياعمتي عيب عليك
خيريه:اي توا تعالي علميني العيب
حقي والله نبي نشوف صغاره
جميله:اهو عندك نجمه
نجمه:ابتسمت....انا صغاره🙋🏻‍♀️
جميله:قلبت عيونها بملل....انا نبي الولد منبيش البنت
نجمه:اصلا البنت احلا شعرها طويل
خيريه:اسكتي يافرخه بلا طولة لسان
نهال:😂😂😂

___________________________

ساجده:نعم؟
عبدو؛روحتي بعد ما وصلتي هنايا!؟
ساجده:اي
عبدو:حماره انتي؟؟؟متفكريش؟؟تستغبي
كيف ترووووووووحي
ساجده:الشي هاذا يخصني انا وبسسس
مليكش دخل فيه وياريت معش تدخل في حياتي
عبدو خلااص
عبدو:ع اساس متزوجه ؟ومتبيش راجل غيره؟
على منو تضحكي انتي ؟
بالك تسحابيني مش فاهمك !....الزواج هاذا كله فيه مصلحه ليك كنهادا دقيقه متقعديهاش
ساجده:سكرت عيونها ثواني وهيا صابره بسيف...تمام فيه مصلحه انت توا شن تبي
عبدو:انا بنعطيك مهله وبس !
مرجعتيش بروحك زي الكلبه انا بنتصرف
ساجده:ساكته
عبدو:تم حياتي؟
ساجده:...
عبدو:تم ياروحي؟
ساجده:سكرت في وجها وهيا حاسه بضيق💔

__________________________________

احمد:راقد وسط داره يلي كانت ضلااااام كلها
ناض مفزوع بعد دقايق عرق مع بعضه كأنه اذكر الشي يلي صار يوم الحادث ونساه

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥

رجاء:معليشي نبيها ترقد معاي ...هيا نجمه
ساجده:البنت متبيكش مش بسيف
رجاء:نجمه هياااا
ساجده:متخلينيش نفصل عليك اقلبي وجهك من الدار احسن ما نريشك
رجاء:والله طلعلك لسان مشاء الله
ساجده:استغفر الله يارب
رجاء:مال باهي يلي جيت ان......
مالك:خش لي غرفت النوم....نجمه اطلعي
نجمه:طلعت تجري بهد ما شافت بوها في الخاله هاذي

مالك:قرب من ساجده وكان واضح عليه في حاله مش تمام ولو يشد حد يقتلك
ساجده:ش شش شنو؟
مالك:ولد عمك؟؟
مروحه ع خاطره؟
ساجده:شن تحكي انت بعد من عليا
مالك:رجع دفها بقوه لين ردها الحيط...لما نتكلمممممممم انا تجاوبيني
ساجده:بلعت ريقها ......

__________________________

طق طق طق
نهال:جايه
طق طق طق طق
نهال:واااك مفيش صبر بكل...فتحت الباب
نهال:رر ر رهف؟😨....يتبعيجب كتابة تعليق ليصلك اشعار بالحلقات الجديدة من الرواية.

لقراءة باقي حلقات الرواية : اضغط هنا 

تعديل المقال