القائمة الرئيسية

الصفحات

رواية احببت مجهول الحلقة الرابعة 4 بقلم نداء علي

رواية احببت مجهول الحلقة الرابعة 4 بقلم نداء علي

رواية احببت مجهول الفصل الرابع 
رواية احببت مجهول الجزء الرابع
البارت الرابع
رواية احببت مجهول الحلقة الرابعة 4 بقلم نداء علي
لما عنيها جات علي مويبل بلال اتصدمت ورجعت تجري بسرعه من غير ما بلال خد باله
امينه رجعت بسرعه المكتب
شمس:- اي يا بنتي بتجري ليه ورجعتي بسرعه كمان اي اللي حصل
امينه :- هو يا شمس هو
شمس:- هو اي اللي هو مين
امينه :- بلال هو نفسه صاحب صفحه مجهول
شمس:- تاني يا امينه
امينه :- يا بنتي المرادي حقيقه مش احساس
شمس:- ازاي يعني
امينه :- لما رحت اشرب لقيت بلال واقف هو كمان بيشرب وماسكه موبيله وفاتحه علي صفحه مجهول بيشوف الناس اللي اتفاعلت
شمس:- بجد طيب ازاي دا جه هنا سبحان الله
امينه :- دي دعواتي يا شمس كنت بدعي ان ربنا يجمعني بيه
شمس:- والله يا امينه مش عارفه اللي انتي بتعمليه دي صح ولا غلط
امينه:- طيب اي الغلط بس يا شمس .الحب مش حرام مفيش اجمل من الحب بس في اطار الحلال وانا دعيت ربنا يجمعنا مع بعض في الحلال
شمس :- انا مقولتش الحب حرام. سيدنا محمد حب السيده عائشه جدا ياريت كل بنت تلاقي حد زي السيدنا محمد
امينه :- الحب شئ جميل جدا. بس العيب مش علينا العيب علي الناس اللي استخدموا معني الحب بشكل مقرف وبيستخدموا الحب للغلطات اللي بيرتكبوا . الحب بقي عباره عن شماعه كل اللي يغلط يعلق عليها اغلاطه بقي كل الناس تفرح دلوقتي باي علاقه كدا ويقولك خطوبه بعد حب دام ١٠ سنوات وحاجه تدايق جدا
شمس:- صدقيني علاقتهم دي مش بتكلم لانهم اخطاروا طرق غلط مختاروش طريق الحلال وغضبوا ربنا منهم مفيش اجمل الحب في اطار رضي ربنا
امينه :- عندك حق مفيش اجمل من الحب في اطار الحلال ورضا ربنا
شمس:- طيب يلا يا اختي نكمل اكل بدل ما انتي قلبتي علي الحب والحرب ههههههه
امينه :- ماشي يا شمس ربنا يرزقك باللي قلبك يقع في حبه عشان تتجنني زيي ههههههه
شمس:- يا رب يا اختي يا رب بس في الحلال هههههههههه

كملوا اكل وبداوا شغلهم تاني

"الساعه ٦ فالبيت عند ابتسام "

نورا والده شمس:- ودا كل اللي حصل يا ابتسام من ساعه من العريس جالها لحد ما اتكلمت معاها

ابتسام والده امينه :- اي دا يا نورا مشاء الله عليكي حكتيلي كل حاجه بالتفصيل هههههههههه
نورا :- اخس عليكي يا ابتسام انتي مركزه في اي وكمان بتضحكي عليا
ابتسام :- يا بنتي بهزر معاكي شيفاكي متعصبه قولت افرفشك بعدين بقي شمس معاها حق فالعريس دا يعني ولا بيصلي وكمان بيشرب سجاير ازاي يعني تتجوزه
نورا :- حتي انتي يا ابتسام
ابتسام :- خليكي عاقله بقي يا نورا هيتفيد في اي الفلوس لما يكون جوزها مش كويس
نورا :- بس يا ابتسام
وفجأه قاطعهم معاذ :- السلام عليكم ازيك يا خالتي منوره البيت
نورا :- وعليكم السلام ازيك يا حبيبي عامل اي ربنا يحميك
ابتسام :- وعليكم السلام يا حبيبي
معاذ :- ربنا يعزك يا خالتي .امشي انا بقي اغير هدومي لحسن قاطعتكم
نورا:- لا ولا يهمك يا ابني دي شمس مجنناني بالعريس الجديد اللي رفضاه
معاذ اتصدم وقلب دق اوي :-عريس
ابتسام :- ايوه يا معاذ متاخد تتحري عنه هههههه
نورا :- ماشي يا نورا انا غلطانه مش هحكيلك تاني
ابتسام:- يلاهوووي عليكي منعرفش نهزر معاكي خالص

معاذ كان راح في دنيا تانيه خالص وبدا الزعل يبان علي وشه
معاذ:- طيب عن اذنكم انا
نورا:- اذنك معاك ي ابني
معاذ دخل بسرعه علي الاوضه بتاعته وهو مخنوق ومش طايق حد خالص وبيخانق في حاجاته
ابتسام دخل بسرعه بعد ما نورا مشيت من عندها
ابتسام:- في اي يا ابني اي اللي حصل مالك
معاذ:- ولا حاجه مخنوق من الشغل بس يا امي وشويه وهروق سبيني لوحدي معلش
ابتسام :- ربنا يريح بالك يا ابني براحتك هقوم انا اكمل العشا

**بعد نص ساعه **

وصلت امينه البيت وكالعاده :- مااامااا يا باااباا يا اخوانا
ابتسام:- انا فالمطبخ يا امينه تعالي
جريت امينه وحضنتها :- وحشيتيني جدا وهموت من الوجع رايحه تجوع اكتر
ابتسام وهي زعلانه:- طيب غيري لبسك وصحي ابوكي ونادي معاذ
أمينه:- سوسو حبيبتي زعلانه ليه انهارده
ابتسام:- معاذ راجع من الشغل زعلان ومش عارفه ماله ومرضيش يحكيلي
امينه:- بس كدا هخليك ضحكتك بتجيب الشارع دلوقتي بس استني عليا
ابتسام:- بلاش يا امينه تعملي مقلب من مقالبك دول معرفش ممكن يعمل فيكي اي دا عمال يخانق في حجاته
امينه:- اي دا وصلت لكدا لما اشوف ماله الاستاذ مضايق ليه
ابتسام :- انتي حره انا قولتلك
امينه دخلت غيرت لبسها بسرعه ودخلت عند معاذ الاوضه ومعاذ كان راقد علي السرير ومغمض عنيه بس مش نايم
امينه جات براحه عشان تخضه
معاذ:- ادخلي وخبطي علي الباب بدل ما بتتسحبي كدا زي الحراميه .نسيتي اني ظابط ي استاذه وبحس بدبه النمله
امينه :- طيب يا اخويا يلا عشان نتعشي
معاذ :- مليش نفس روحي انتي كلي
امينه :- لاء بقي ماما عندها حق . فيك اي بقي احكيلي
معاذ:- في اي هو مليش روحي انت
امينه :- مش هسيبك الا لما تحكيلي زي زمان كل حاجه بعدين انا تخبي عليا يا معاذ
معاذ :- مفيش حاجه احكيها او اخبيها
امينه :- طيب ان محكتش هعيط بقي واجبلك بابا عااااااااااا
معاذ قام بسرعه حط ايده كتم صوتها :- وهو دايس علي اسنانه هحكيلك دا انتي وش
امينه :- قولي يلا بسمعك اهوو
معاذ:- في بنت كدا شكلي حبتها واتعلقت بيها بس مش عارف امتي ولا ازاي
امينه :- اوعاا يا باشا بقي ومين سعيده الحظ اللي هتاخد حضرت الظابط اخويا
معاذ:- شمس صحبتك
امينه :- وهي مصدومه شمس صحبتي انا
معاذ:- ايوه ومالك مصدومه كدا
امينه :- لاء مش مصدومه ولا حاجه بس عمري ما توقعت دا يحصل
معاذ:- واهو يحصل يا فالحه
امينه :- اه فهمت دلوقتي حضرتك كنت بتوصلني ليه بعربيتك علي الرغم من اني كنت بتحايل عليك قبل كدا مش بترضي
معاذ:- بقولك اي مش ناقص انا
امينه :- خلاص خلاص طيب اي اللي مزعلك دلوقتي
معاذ :- صحبتك اتقدملها عريس وغني كمان
امينه :- ايوه حكتلي وبس هي رفضته
معاذ:- بس امها لاء وكانت بتكلم امك انهارده عشان تقنعها
امينه:- لاء متخافش دي مهما حاولت مع شمس مش هتوافق
العريس اصلا مش كويس نهائي وأخلاقه مش حلوه
معاذ:- طيب وبعدين
امينه :- ولا قبلين يا فالح تخطبها قبل ما تطير منك مستني اي .البنت جميله ومحترمه والف عريس يتمناها
معاذ:- بس ازاي يا امينه . انا لسه مبنتش نفسي ومش معايا فلوس كفايه انها تسعد اي واحده
امينه :- يا غبي البنت مننا مش بتبقي عايزه الا اللي يخاف عليها ويحبها من قلبه ويتقي ربنا فيها ويكون بيخاف ربنا هتعمل اي بالفلوس وجوزها مش بيحبها او مش كويس

معاذ:- يعني شمس هتقبل بيا
امينه :- ومتقبلش ليه البنت حد يطول حضرت الظابط اللي اخلاقه كويسه وقمر كدا يا اخواتي
معاذ:حضن امينه وباس علي راسها- ربنا يديمك ليا يا احلي اخت ربنا رزقني بيها
امينه :- يلا بقي عشان ناكل الاكل برد وماما زعلانه عليك
معاذ :- يلا يا وردتي يلا

طلع معاذ من الاوضه هو وامينه وراحوا الصاله عشان ياكلوا واتصدموا من اللي شافوه

ي تري اي اللي شافوا وصدمهم كدا استنونا ف الجزء الخامس
يتبع 
لقراءة باقي حلقات الرواية : اضغط هنا 
هل اعجبك الموضوع :

تعليقات

لو عايز أي رواية pdf .. أو لو عايزنا نعرفك لما الرواية إللي بتتابعها ينزل منها حلقة جديدة، انضم لقناتنا على التيجرام: من هنا 
ما هو الفصل الذي تود قراءته؟