رواية احببت ابنة البواب الحلقة 24 بقلم مديحة عارف
رواية احببت ابنة البواب الجزء الرابع والعشرون
رواية احببت ابنة البواب الفصل 24
البارت الرابع والعشرين
 |
| رواية احببت ابنة البواب الحلقة 24 بقلم مديحة عارف |
انتهى يوسف من الغناء وضم نبيلة وعندما جاء ان يتركها سقطت بين ازرعه مغشيا عليها
يوسف: نبيلة يا نبيلة الحقينى يا ماما
حنان: هاتها وتعالى على الاوضة بسرعة
اخذو نبيلة الى غرفتها لتكشف عليها والدته وبعد لحظات خرجت له امه
يوسف: مالها يا ماما
حنان: هههه😂😂
يوسف: ودة وقت ضحك بردو انا قلقان وانتى بتضحكى
حنان: اهدى مالك كدة
يوسف: طمنينى مالها وانا هبقى اهدى
حنان: مبروك يا حبيبى....
يوسف: مبروك على ايه بس
حنان: متقاطعنيش مبروك لانك هتبقى اب
يوسف: اااايه
حنان: مراتك حامل
يوسف: قولى والمصحف
حنان: مالك يابنى اتهبلت ولا ايه والمصحف مراتك حامل
قام يوسف بتقبيل والدته على جبينها وركض مسرعا الى نبيلة
يوسف: حمدلله على سلامتك قلقتينى عليكى
نبيلة: الله يسلمك يا حبيبى
يوسف: مبروك يا اجمل هديه فى حياتى
نبيلة: الله يبارك فيك يا حبيبى
يوسف: عارفة انو نقذك من عقاب انهاردة بسبب الى عملتيه دة
نبيلة: ههه يعنى كنت هتعمل ايه
يوسف: لا ولا حاجة كنت هعمل كدة بس
قام يوسف وطبع قبلة على شفتيها وبعدها قبل جبينها وقال
يوسف: ربنا يخليكى ليا وميحرمنيش منك ابدا
نبيلة: ولا منك ياقلبي... المهم هتسميه ايه
يوسف: لما يجى بالسلامة بقى
نبيلة: نفسك تسمى ايه
يوسف: لو ولد هسميه ادم ولو بنت حياة ولا انتى فى حاجة معينة فى دماغك
نبيلة: بالعكس انا كنت بفكر فى نفس الاسامى بالظبط
يوسف: توارد خواطر بقى
نبيلة: طيب مش يلا بينا ننزل
يوسف: وليه تتعبى نفسك
نبيلة: انا مش تعبانة وانتا عارف مش بحب الرقدة
يوسف: طيب يلا بينا الكل عايز يطمن عليكى
نبيلة: يلا
نزلت نبيلة الى الحفل مره اخرى وقد تطمئن عليها الجميع ولحظات واتت شهد ورامز
رامز: كل سنة وانتا طيب يا جو
يوسف: وانتا طيب يا رامز
كريم: قله مبروك ما النهاردة الفرحة فرحتين
رامز: مبروك بس على ايه 😂
كريم: البيه هيبقى اب
رامز: الف الف مبروك وعقبال الفرحه الكبيره لما تشوفه بين ايديك مبروك يا مدام نبيلة
نبيلة: الله يبارك
شهد: مبروك
نبيلة: الله يبارك فيكى
شهد: انا اسفة
نبيلة: اسفة بتعتذريلى على ايه
شهد: على....
ولم تكمل واوقفتها نبيلة
نبيلة: متكمليش انا مش زعلانه انتى لسة صغيرة ومتعرفيش حاجة وكنتى مجرد اداة فى ايد غيرك بيتحكم فيكى وان كان الاسف ناتج عن توبة فا مقبول وتقدرى تكلمى خديجة
خديجة: انا والله...
نبيلة: بس يا هبلة سامحيها انا عودتك تاخدى حد بزمب حد
خديجة: ربنا يسعدك دايما يا امو قلب كبير
شهد: انتى فعلا انسانة نبيلة فعلا انا كنت ظلماكى وانا اسفة مره تانية
نبيلة: ماشى يا حبيبتى يلا يا خديجة خدى صحبتك واتبسطوا وانتهى الحفل على هذا النحو بسعادة الجميع
يوسف: ممكن افهم مسبتيش شهد تعتذرلك وتقول غلطتها قدام الكل دة انتى متعرفيش هى عملت ايه
نبيلة: ومين قال انى معرفش
يوسف: انتى سمعتيها فى المستشفى
نبيلة: للاسف لا بس انا عارفة قصتها من ٣ شهور
يوسف: كمان مين قالك وسكتى ليه مقولتليش ليه
نبيلة: اولا عرفت من ياسين هو الى قالى
يوسف: وانتى قابلتيه امتى .... اه افتكرت قالك يوم حفلة جوازنا يوم ما اتخانقنا انا وانتى
نبيلة: بالظبط كدة
يوسف: وليه خبيتى عليا
نبيلة: اولا لان هى كانت ضحية والدك ومتعرفش هى بتعمل ايه واتظلمت ثانيا علشان متنزلش من نظرك وتكرهها لانها مهما كان بنت خالتك انا مهما كان بينكم كنت غريبة
يوسف: كل ما ادى بتكبرى فى نظرى اكتر
نبيلة: انا متعودش اظلم حد بسبب حد اولهم انتا لو عايزة اعمل حاجة فى والدك كنت خدتك بزمبه
يوسف: معاكى حق انتى فعلا نبيلة زى ما قالت
نبيلة: ههه يعنى شوية
يوسف: تصبحى على خير
نبيلة: وانتا من اهله
بعد اسبوع فى المستشفى
حنان: صباح الخير يا دكتور
عزت: صباح النور.. حنان اهلا اتفضلى
حنان: تسلم
عزت: تشربى ايه
حنان: ولا اى حاجة انا جاية بس اقولك حاجة وامشى
عزت: اتفضلى قولى
حنان: انا اسفة
عزت: على ايه يا حنان
حنان: انى ظلمتك وظنيت فيك انك بتخونى
عزت: ياه الكلام دة عدى عليه زمن يا حنان
حنان: ولو انتا ليك عندى اعتذار وكان لازم اقولهولك
عزت: وليه مش قبل كدة
حنان: ربنا عالم بالى جوايا عن ازنك
عزت: حنان استنى
حنان: نعم
عزت: انتى عارفة من امتى انى مظلوم
حنان: من قبل ما اتجوز
عزت: طب ليه ما حاولتيش تقوليلى كان زمانا مع...
حنان: معدش فى فايدة من الكلام دة دلوقتي سلام
عزت: حنان انا لسة بحبك ❤
اغرورقت عيون 👀 حنان بالبكاء وقصت له كل ما حدث فهى كانت تختنق من شدة كبتها كل ما مرت به كل هذة السنين بسبب واحد جشع وطماع وانانى وكل الى نفسه فى بياخدو حتى لو غصب
عزت: انتى غلطى انك استسلمتى ليه مهما كان هيعمل فيا مكنش المفروض تستسلمى مش دة كان وعدك ليا
حنان: اعمل ايه بس خفت عليك
عزت: احنا لسة فيها
حنان: ازاى دة هناخد زمانا وزمن غيرنا
عزت: ومين قالك ان الى فات دة كان زمانا دلوقتى زمانا انتى تقدرى تطلقى منه
حنان: ههه انتا ويوسف اتفقتوا عليا ولا ايه
عزت: انتى قولتيله
حنان: اكيد وقالى انى اطلق من والده بس انا رفضت علشان خاطره هو اخواته
عزت: ولادك فى عنيا
حنان: انتا نسيت انك متجوز
عزت: هى دى الكدبة الى خليتك تصدقيها السنين دى كلها
حنان: ازاى
عزت: انا فعلا بعد ابتزاز حسام ليا اتجوزت ليندا لكن بعد سنتين بالظبط طلقتها
حنان: يعنى طول السنين انتا لوحدك
عزت: ايوة
بعد هذا اليوم التقى عزت بابناء حنان واتفقوا على العودة من جديد وبما انه حسام هارب سهل انه يتحكم عليه غيابى فى قضية الطلاق والجميع اتفق على هذا والكل كان مؤيد زواج حنان من عزت وانهم يعيشوا الحب الى اتحرموا منه بعد ٥ شهور قد تخرجت نبيلة واصبحت الان طبيبة مثل زوجها ودخلت رنا الجامعة وخديجة اتخطبت للدكتور كريم واية للدكتور مصطفى وقد تطلقت حنان من حسام غيابيا عن طريق المحكمة وتزوجت من حب عمرها عزت وبسبب ضغط ابنائها انهم يعملوا حفلة بمناسبة جوازهم وفعلا اتعملت يوم زفاف حنان وعزت حدث ما لم يكن فى حسبان اى احد ظهر فى الحفل فجاة حسام غالب وقام بتصويب مسدسه على نبيلة وضغط الزناد
يتبع 🤔
لقراءة باقي حلقات الرواية : اضغط هنا