رواية يا أحلى نوبات جنوني يا شهرزاد النساء انتي البارت 95
رواية يا أحلى نوبات جنوني يا شهرزاد النساء انتي الحلقة 95
رواية يا أحلى نوبات جنوني يا شهرزاد النساء انتي الفصل 95
رواية يا أحلى نوبات جنوني يا شهرزاد النساء انتي الجزء 95
سحاب ضاقت فيها الدنيا وهي تدعي عليهم من اعماق قلبها
: امك مو ميته اللحين قومي غسلي وجهك وخلينا نطلع نفطر وبعدها اقولك
وعد : كيف يعني مو ميته ؟؟ سحاب وينها فيه تكفين قوليلي
سحاب : اول شي ناكل بعدين نتكلم
وعد اخذت نفس عميق وهزت راسها : تمام
وقفت وراحت لدورة المياه وسحاب اخذت عبايتها وطلعت عند حاتم
: تتوقع بتفهم اذا قلت لها
حاتم : يبي لها وقت
سحاب ناظرته : وانت كم يبي لك وقت
حاتم رفع كتوفه : انا ما احتاج وقت احتاجك انتي بس وبتقبل كل شي
سحاب انحرجت من كلامه باللحظة ماحست بوعد
التفتت لها : يله نطلع
حاتم كتم ضحكتها واشر لـ وعد : تعالي
وعد تقدمت له ومسكت ايده شالها وباس خدها
.
.
.
نرمين
ناظرت غيث : متى بتقولهم اني حامل
غيث ابتسم : اليوم ان شاء الله بقولهم
نرمين ابتسمت : تتوقع بنت ولا ولد
غيث : والله ودي بولد
نرمين ضحكت : ماعتقد انه ولد
غيث رفع حاجبه : ليش
نرمين نزلت ايدها لبطنها : احساس الأم
غيث كان بيتكلم الى ماقاطعة جواله وهو يرن
رد عليها : هلايمه
الى ماتوسعت حدقت عينه بصدمة : اشقاعدة تقولين ،؟؟شفتو بكميرات المراقبة ؟؟
يله انا اللحين طالع وبشوف
قفل منها ونرمين ناظرته : وش صار
غيث : سحاب مو بغرفتها
نرمين عقدت حاجبها بأستغراب : كيف يعني ؟ وين راحت
غيث : مادري ووعد كانت عندها وهي الثانيه مو موجودة
نرمين : غريبة
غيث وقف : انا طالع اشوف
نرمين : طمني اذا عرفت بشي
غيث : ان شاء الله
.
.
.
نجد
كانت جالسة عند والدتها وتناظرها : حتى متى كنتي بتسكتين
ام عمر بضيق : وش تبين اسوي وجدتك قالت لاحد يعرف !
نجد : مو كافي انها تعذبت بحياتها وآخر شي تأخذون بنتها ؟
أم عمر : نجد افهمي انا مابيدي شي أسويه غير اني اسمع كلامها
نجد تنهدت بقهر : على الأقل لو تركيتها تكبر بينا مو كذا والله العظيم حرام
ام عمر ماتكلمت ونجد ناظرتها : عمر يعرف ؟
ام عمر هزت راسها : لا ماقلت له
نجد وقفت وطلعت من عندها دخلت لغرفتها وقفلت الباب
وجلست على السرير وهي تأخذ جوالها وتقراء رسالت جوري
رفعت حاجبها بريبة وباللحظة متلائما : زين ماتسوي فيهم
انسدحت على ظهرها الى ماوصلها مكالمة من رقم غريب
ردت عليه : هلا
باللحظة ماعقدت حاجبها : عمر ؟؟؟ انت من وين جايب جوال وانت بالسجن!
يتبع..
لقراءة باقي حلقات الرواية : اضغط هنا