رواية أحباء تحت المطر البارت 370
رواية أحباء تحت المطر الحلقة 370
رواية أحباء تحت المطر الفصل 370
رواية أحباء تحت المطر الجزء 370
عزيز , سمى
كان عزيز وسمى يناظرون بعضهم بملل لين تأففت سمى بضجر ونطقّت بتسّرع ؛ شرايك نلعب؟
عزيز بتعقيد حاجب ؛ وش نلعب؟
سمى ؛ لعبه يعني وش نلعب؟
عزيز بجمود ؛ داري انها لعبه وشهي!
سمى بضحكه خفيفه وبعد تفكير ؛ لعبة الصراحه
عزيز رفع حواجبه بمعنى مستحيل ؛ لا لا دوري غيرها
سمى وهي تسوي نفس حركته ؛ ليه خايف ي ولد ابوي؟
عزيز وهو يمثّل الجديّه ؛ لا مو خايف بس ما تصلح فكري بلعبه غيرها
سمى بإستسلام ؛ اجل ماعندي فكّر انت!
عزيز بعد مده من التفكير ؛ فيه لعبه توّنس لكن مب انا وانتِ بنلعبها
كنت اسلي نفسي فيها دائماً
سمى بحماس ؛ وشو؟
عزيّز ؛ التمثيل
سمى بضجر ؛ ترقص وتعزف وتمثّل وش بقيّت؟
تشوف نفسك هيئة ترفيه متنقله والا وش وضعك!
عزيز ؛ جاتك الغبيه ذي م اقصد تمثيل تمثيل لا
سمى ؛ وشّو أجل؟
عزيز ؛ راح اتصّل على احد اعرفه وامثل إني بنت وبشوف ردة فعله
سمى ؛ ياغبي دامك تعرفه فهو بيعرف رقمك وين المميز بالموضوع
عزيز بضجر ؛ انتي غبيه دايم والا تتغيبين؟
سمى بحلطمه ؛ انت ماتعرف تشرح فبطلع غبيه م عليش
اقول كنسل لعبتك وكنسل تمثيلك وخلنا هاجدين احسن
عزيز تجاهلها وطلع جواله الاحتياطي واللي فيه رقم ماله يومين مطلعه
وبعد تفكير سجل رقم اول شخص خطر في باله واللي كان عناد دق عليه وانتظره يفتحه ويرد عليه لكن عناد تاركه بوضعية الصامت عشان محد يزعجه
انقطع الخط وما بعد رد وتأفف عزيز بضجر ورجع دق عليه مره ثانيه
,
خلال هالاثناء عند عناد اللي توجه لأقرب كافيه وطلب مشروب قهوه بارده له ولريما
وعلى رجعته وركوبه للسياره وهو يعطي ريما مشروبها
دق جواله وكان يهّتز
لاحظ اهتزازه عناد واخذه
وتعقدت حواجبه من الرقم الغريب اللي داق عليه
شك انه شي مرتبط بعمله
وثبت جواله على مثبت الجوال بالسياره وفتح المكالمه وتركها سبيكر وهو يشرب من مشروبه البارد وريما كذلك
اول ما فتح المكالمه ووصله صوت بنت شرق بمشروبه
وإلتفت على ريما اللي تناظره بصدمه وغرابه بنفس الوقت
حس انه تورط وانحط بموقف غبي ما يدري كيف يتصرف او يبرر اللي شافته واللي سمعته ونطق بهدوء وبنبره منزعجه ؛ مين انتي؟
يتبع..
لقراءة باقي حلقات الرواية : اضغط هنا