رواية انت المواصل والرضى وانا الي ادور رضاك البارت 292
رواية انت المواصل والرضى وانا الي ادور رضاك الحلقة 292
رواية انت المواصل والرضى وانا الي ادور رضاك الفصل 292
رواية انت المواصل والرضى وانا الي ادور رضاك الجزء 292
لفت ترف لصوت الرسايل الي جات فجأة وعباره عن نقاط وهذه حركة تنرفزها من سلطان لما يبيها ترد
وسحبت التلفون وهي تسمع فرح تنطق بضحك : حرق التلفون ابو الشباب
ترف وهي تكتب لسلطان ردت : اقول ما ودج تشوفين يوسف
فرح ضحكت باحراج : تف عليج
ترف ضحكت وهي تقوم بعد ما شافت اتصال سلطان : بسرعه ققروا المطعم الي بتطلبون منه ، الو؟
سلطان : يالشيخه دبرّي اللقاء انا مالي بهالسوالف
توترت ترف : خايفه بتكفخني ترا ذي !
سلطان تافف : قولي لها أي شي روحي جيبي شي اي شي بس سوي نفسج ماتدرين
ترف بهمس : يعني جا؟
سلطان هز راسه وكأنها تشوفه ونطق : ايه اسرعي يلا
سكرت التلفون وهي تحك رقبتـها تفكر وجات نور : شسالفة
ترف بهمس : جا
نور شهقت : لا تطلع الا اذا مشي
ترف بغضب : غبيه انتي؟ نبيهم يشوفون بعض انا بروح اقول لها تروح تسوي ايي شي
نور وقفت بتكلمها ولكن ترف صدت وهي تقول بتوتر : فرح وين الكيس الي قلت لك عنه؟
فرح : اوه نسيته بالسياره ، بروح اجيبه
ترف بتوتر : لا لا ، عطي رنيم أو يقين يروحون ابيج عشان نطلب
هزت فرح رأسها بإستغراب ومدت المفتاح ليقين الي قالت بتروح وتنهدت بفرحه لان كانت رح تصرف رنيم ورح تعرف يقين بعدها !
رنيم لفت لترف : بسرعه شمسويهه ترف لفت ليقين وتأكدت انها طلعت : سطام هني ولازم يلتقون
شهقت فرح ورنيم بالمثل ونور الي تطالع ترف بغيض وقهر متكتفة ، رنيم وقفت : بتنهار بتنهارر ، بروح لها قبل لا يشوفها
ترف بخوف : قد شافها وخلص اصلا لان واقف عند الباب ينتظرها
فرح بصراخ : غبيه يا مجنونة شسويتي
نور عضت شفايفها وهي تشوف ترف الي تهز رجلها وتقول : تفائلوا لا لليأس
نور بغضب : اسكتي..
يتبع..
لقراءة باقي حلقات الرواية : اضغط هنا