رواية انت المواصل والرضى وانا الي ادور رضاك البارت 290
رواية انت المواصل والرضى وانا الي ادور رضاك الحلقة 290
رواية انت المواصل والرضى وانا الي ادور رضاك الفصل 290
رواية انت المواصل والرضى وانا الي ادور رضاك الجزء 290
نور ، لفت لاياد الي دخل وهي تبتسم بتوتر
له ، عقد حواجبه من ربكتـها ونطق : نور
وردت مباشره : هلا ، انتابـها شُعور الخجل مُباشرة لما تذكرت التحليـل الي بشنطتها والي ماجتها الجُراءة حتى أنها تسويه !
بلعت ريقها وهي تعدل شعرها : تأخرنا مو؟
إياد مسك شعره وهو يرجعـه للخلف : لا مافيه احد راح غير يوسف ، وين ثوبي؟
نور فهّت ولف إياد لها لما حس انها مشتته ونطق بهدوء وهو يقرب لها ويمسك وجهها : انتي بخير؟
هزت رأسها ببطئ : تعبانه شوي ، ونطق إياد بفزع : أجل لا نروح
هزت نور رأسها : لا مافيني شي والله
إياد مسك يدها وهو يقعدها ع الكرسي : انزين لا تتحركين بلبس وبجيك
نور وقفت : إياد لا تبالغ مافيني شي خلاص ، هز راسه بشك وهو يدخل غرفة الملابس يسحب له ثوب ابيض
ما استغرق الكثير في الشور وخرج وهو ينشف شعره ويلبس ثوبه سحب عطره وهو برّش وتذكر ضيقة نور وتركّه واكتفى بالعود الخفيف ، لف لها وهو يشوف قدامها كأس ماي ومغمضه عينها وتهز رجلها تنتظره يخلص
إياد بهدوء : حبيبي؟
فتحت عينها وهي تناظره ووقفت بهدوء : والله العظيم مافيني شي ، كنت افكر بس
إياد تنهد وهو يهز راسه ومسك يدها وهم يخرجون من الشقة متوجهين لبيت سلطان ~
-
-
فِراس ورنيم
الكوبِل الحلو والخفيف الهادئ والي كل المشاعر الحلوة تحيطّه بحنية الاثنين ، ابتسم لما خرجت من بيتهم وهي تصعد معاه السياره ، سنة ونصف مرّت ع خطبتهم وباقي يحددون العرس وتنتقل بشكل رسمي لبيته بعد ما داهمّت قلبه بدون استئذان ، ابتسم لجمالّها وهدوءها وريحة عطرها الي انتشرت بالمكان : ودك نشتري شي قبل لا نروح؟
هزت رنيم أكتافها وقالت بهدوء : ماعرف ، ورد ولا شوكلت؟
فراس ابتسم وقال بتنكيت : مب رايحين نخطب يالشيخه
رنيم ضحكت بخفة وقالت : انزين معجنات كيك اي شي؟ ما مداني اسوي شي لاني رجعت قبل ساعه ويا الله اصلا قدرت اكشخ
فراس ابتسم : لا معليك حلوه وتهبلين يا بختّي بس
رنيم ابتسمت بخجل وهي تشوفه يخلل يده بيدهـا
ويسولف لها عن يومه مُطالباً لها بالمثل..
يتبع..
لقراءة باقي حلقات الرواية : اضغط هنا