رواية انت المواصل والرضى وانا الي ادور رضاك البارت 285
رواية انت المواصل والرضى وانا الي ادور رضاك الحلقة 285
رواية انت المواصل والرضى وانا الي ادور رضاك الفصل 285
رواية انت المواصل والرضى وانا الي ادور رضاك الجزء 285
بعد مرور سنة ونصف ..
بيت سلطان - جناحهم
جود تنط على ظهر سلطان النايم وتدعس راسـه وفي يدها لعبه تضرب رأس سلطان فيها وتنطق بطفولية : ثحح النومم ثحح النومم
سلطان تأفف وهو يقول بنعاس : ترفف شيلييها لا ارميها الحين!!
جود وهي تنقز : ثح النوم بابا ثح النوم!
مسكها سلطان وهو يسدحها : نامي بابا نامي
هزت جود رأسها وهي تحط صبعتها في فمها : ننه
تأفف وهو يدفن راسه في المخده ويصرخ بـ ترف !
وقف وهو يقول : اصبري بابا اصبري
دخل الحمام أكرمكم الله وغسل وجهه ، وخرج وهو يشوف جود بتطيح سحبها مباشره وهو يقول : بابا شتسوين؟؟
حضنت جود سلطان وسلطان رفعها وهو ينزل الدرج مستغرب عدم وجود ترف رفع تلفونه بيتصل وشاف رساله منها تقول له انها طلعت مع نور ، نزل جود ع الطاولة وهو يشوفها تضرب الطاولة : مو تتحركين اصبري بشوف وين حليبك
سحب الرضّاعه وهو يتركها ع جنب وحك شعره وهو متقروش وجود بدت تبكي نزل سلطان : يرحم لي امج هشش لا تبتدين ، حملها وهو يهزها ويسولف معها ولكنها تبكي سلطان لف لها : فجرتي اذني يا بابا شوفي قاعد اسويلج؟!
سحب الماي الحار وهو يحط لها وحط الحليب ، قفلها وهو يرجّها ومن ثم راح الصاله يقعد وجود في حضنه حاطه صبعها في فمها وتمصّه سحب سلطان صبعتها وهو يقول لها : يع بابا يع
نقّط له ع يده يجرب حرارة الحليب وحطّه قريب من فمه وتفلّه مُباشرة وهو يقول بقرف : الله يكرم النعمه
امسكي بس
مسكت جود الرضّاعه وهي تشرب وهز سلطان جود بخفة لجل تنام وهو يهمس: حسبي الله عليج يا ترف
يتبع..
لقراءة باقي حلقات الرواية : اضغط هنا