رواية بليت بك وانتهى أمري فما أنت إلا ألذ البلاء البارت 276
رواية بليت بك وانتهى أمري فما أنت إلا ألذ البلاء الحلقة 276
رواية بليت بك وانتهى أمري فما أنت إلا ألذ البلاء الفصل 276
رواية بليت بك وانتهى أمري فما أنت إلا ألذ البلاء الجزء 276
 |
| رواية بليت بك وانتهى أمري فما أنت إلا ألذ البلاء البارت 276 - مدونة يوتوبيا |
" بعد شهر من الاحداث اللي صارت نستكملها
بالمستشفى "
دخل مشاري ل العنايه المركزه بخطوات هاديه
وهو لابس اللبس الواقي وكمامتهه ك عادته
ب كل يوم يزوره طالعهه بنظرات اسى
همس : كملت بيومك هذا شهر وانت على حالك
والله حال شيبانك م يسر الخاطر ليتك تكون اقوى
من هذا كلهه ! كلنا ننتظرك تصحى من الغيبوبه
ونفرح فيك والله ضايق صدري م حسبت حساب
هاليوم اللي بكون واقف قبالك وانت ع هالسرير
وعلى هالاجهزه
مسك ايد راكان بلع ريقهه بغصه والدموع بعيونه
: والله ان لك فقيده ومتفائل بهاليوم اللي بتصحى
فيه وكلنا حولك انا عندي امل انك تسمعني وتحس
فيني والله اني اشتقت لك ي الكلب واشتقت لمحارشك
وهواشك قد م تتعبني ب تهورك
" ضحك بسخريه وكمل" م توقعت اني بقولها بس والله
اشتقت ل مشاكلك انا راضي والله راضي تتعبني وتهلكني
من التعب من ورا بلاويك بس قوم ترا شيبانك وانا
واعمامك ينتظرونك ويدعون لك رجعو امس ابو فهد
وعايلته من العمره ودعو لك وتصدقو بنيه شفائك
شفت كيف؟ كنت تقول اعمامي يكرهوني
والله ان قلوبهم م تشيل لك الا الحب والمعزه من حب
ابوك وقدره عندهم
" مسح ع كتف راكان : باذن الله بيجي هاليوم وقريب
وانا حاس بهالشي وبفرح بقومتك والله لاسوي لك
احلى حفله بسلامتك
قرب وباس راس راكان بشويشش وابتعد
: الله يعجل بهاليوم
عن قريب اللي اشوفك فيه ع رجولك
الا دخلت الممرضه : معليش لازم تطلع ممنوع تطول
اكثر من ٥ دقايق
تنهد مشاري بهدوء وفك ايد راكان وبوداعيه همس
: ان شاءلله بكره بجي وبيجي معي ابووي وعمتي الجازي
اليوم قلت لهم ممنوع يزورونك م ودي يتعبون اكثر
بشوفتك استودعتك الله بكل مافيك ي رفيق القلب
وعشيره
ابتعد بهدوء ومسح عيونهه عن الدموع وطلع
وهو ماشي لبرا صادف الدكتور بهاللحظه وهو يهاوش
الممرضه ع جنب
: انتي تدرين ب شغلك هذا وش ممكن بيصير؟؟
بيموت !! تبدلين عينات الدم للتبرع؟؟
تتوقعين ع مدار الشهر هذا م كنت عارف؟
برفع فيك شكوى للمدير اليوم ولهم حق اهل المريض
راكان انهم يشتكونك !!
الممرضه ب انهيار وبكى : دكتور بليز انا مافي معـ..
الدكتور بحده : الحمدلله اللي ستر ولطف بيوم العمليه
الممرضه الثانيه انتبهت للاكياس وجابتهم
الممرضه : انا في يلخبط مايعرف بليز دكتـ..
قاطعها بعصبيه : اهمالك هذا بتتعاقبين عليه
مشى بقهر بوسط استنكار مشاري اللي مشى للممرضه
باستعجال : يقصد مين؟؟ اي مريض ؟
تلون وجه الممرضه بخوف : مافي معلوم
مشاري : يقصد مريض رااكان؟ راكان ثنيان صح !!
لو م تعلميني الحين لارفع شكوى عليك ولا اساعدك ويطردونك
الممرضه بصدمه تطالعه !
مشاري : اوك بروح اشتكي
وهو بيمشي الا استوقفته الممرضه
يتبع..
لقراءة باقي حلقات الرواية : اضغط هنا