القائمة الرئيسية

الصفحات

رواية عذبة الصوت رقيقة الحديث البارت 101

رواية عذبة الصوت رقيقة الحديث البارت 101

رواية عذبة الصوت رقيقة الحديث البحلقة 101
رواية عذبة الصوت رقيقة الحديث الفصل 101
رواية عذبة الصوت رقيقة الحديث الجزء 101



ام عروب مسحت دموع عروب بأناملها وابتسمت بفخر : أخذتي دور اختك مروة .. تدرين لو رجع أبوك للدنيا وشاف انك اللي تصرفين على خواتك واخوانك بيفتخر فيك ! ادري ان مسؤوليتك اكبر من عمرك لكن شوفي كيف كل اخوانك وخواتك محتاجينك و لك فضل عليهم .. هي فترة وتعدي وان شاء الله تعبك ما بيضيع عند ربك وبيجازيك على تعبك وبرك فيني ، عروب يمه لا تتركين خواتك واخوانك لو ايش ما سوو لا تتركينهم يتخبطون بهالدنيا بدونك ، انتِ بنتِ الأقرب لقلبي من بين كل عيالي وأشوف نفسي فيك لا تتركين اخوانك يحتاجون لأحد وانتِ موجوده !
عروب ابتسمت ووجهها مليئ بالدموع وقربت من أمها وباست راسها بعدها انسدحت على فخذها ، وأم عروب بدت تمسح على راس عروب وتقرأ عليها لأجل تخف ضيقتها .
،
،
<<مناهل>>
لبست على السريع وطلعت من البيت بعد ما وصّت ريفان على ديم وقالت لها انها بترجع بسرعة.
ركبت السيارة بجانب محمد ومحمد حرك السيارة ..
وقفوا عند الحديقة لكن بمكان بعيد عن الناس مافيه الا كم شخص والأهم من كذا هادئ ولا فيه إزعاج ..
نزلوا وتمشوا شوي ثم جلست مناهل على العشب وتكلمت بتعب : تعبت خلاص أجلس هنا
جلس محمد بجانبها وهو مستغرب : تونا نزلنا غريبة تعبتي بسرعة
مناهل بهدوء : تكلم وش عندك برجع للبيت.
محمد تنهد : انتِ ليش مستعجلة؟ خلينا نسولف شوي !
مناهل بتجاهل : مابيننا سوالف خلصني تاركه ديم لحالها بالبيت.
محمد عدل جلسته وتكلم : انتِ مستوعبة انك بتتركين حب حياتك وزوجك عشيرك من ٨ سنوات والأهم من هذا أبو بنتك ، مستوعبة انك بتهدمين بيتك وتنهين حياتك بيديك؟ مستوعبة انك بتضربين كل شيء بعرض الحايط وتشوفين الموضوع من جانب واحد !
مناهل بانفعال : وانت مستوعب انك انهيت حياة طفل ما كمل ٣ سنوات عشان ديون ! الديون تنتظر والفلوس تروح وتجي بس الأرواح؟ روح الولد تقدر ترجعها؟
محمد كتم غضبه لثواني من اتهامها الباطل : انا ما انهيت حياته حياته بيد ربي ! الولد ما مات ليش تتفاولين عليه؟ الديون اللي تقولين عنها تنتظر هذي لو ما سددتها هالسنة راح أنسجن ! واذا الفلوس تروح وتجي متى تجي؟ انتِ عارفة ان حالتنا المادية صعبه جدًا والفلوس صعب تجينا ! وانتِ يا مناهل تقدرين تاخذين فلوس من أختك ، أختك ما راح تقصر معك وبتحل الموضوع بثواني بس انتِ مدري وش مشكلتك !
يتبع..
لقراءة باقي حلقات الرواية : اضغط هنا
reaction:

تعليقات