رواية أحفاد فرعون الحلقة الخامسة 5 بقلم أروى طاهر المسلاتي ( بنووتة الشيخ )

رواية أحفاد فرعون الحلقة الخامسة 5 بقلم أروى طاهر المسلاتي ( بنووتة الشيخ )
لقراءة رواية أحفاد فرعون الحلقة الأولى 1 بقلم أروى طاهر المسلاتي : اضغط هنا 
لقراءة رواية أحفاد فرعون الحلقة الثانية 2 بقلم أروى طاهر المسلاتي : اضغط هنا 
لقراءة رواية أحفاد فرعون الحلقة الثالثة 3 بقلم أروى طاهر المسلاتي : اضغط هنا 
لقراءة رواية أحفاد فرعون الحلقة الرابعة 4 بقلم أروى طاهر المسلاتي : اضغط هنا 
لقراءة رواية أحفاد فرعون الحلقة الخامسة 5 بقلم أروى طاهر المسلاتي : اضغط هنا 

رواية أحفاد فرعون الجزء الخامس 5 بقلم أروى طاهر المسلاتي تحميل pdf و قراءة مباشرة.

رواية أحفاد فرعون الحلقة الخامسة 5 بقلم أروى طاهر المسلاتي ( بنووتة الشيخ )



رواية أحفاد فرعون الفصل الخامس لقراءة الحلقات السابقة انظر الروابط اعلى المقال.
-
من امس ساكته من تأثير الصدمه ومش قادره ناكل ولا حتى نتنفس كويس ...نفكر في زواجي يلي رح يتم من احقر انسان شفاته عيني 💔
خوي انس مريتاش من امس وقريب نموت عليه خايفه يكون صدق فيا شي غلط!

لين فجآه جاني الخبر يلي نقذني من زواج ولد عمي 🔥بس دخلني في قصه تانيه طووووويله
وقفت ع الروشن نتفرج من فوق شفت ولاد عمي وبوي وحتى جدي واقفين مع بعض وعبدو واضح عليه بيتفجررر حسيت ان في شي
فتحت الروشن نحاول نسمع شنو يقولو جت عيني في عين عبدو يلي شافلي بنضره حسيت ان وراها كارثه
سكرت الروشن بسرعه وتراجعت الخلف بدون .
لحضات بس وشفت امي داخله عليا وجها اصفررر ومعاها ياقوت بنت عمي

____________________________
عبدو:والحل؟؟؟الحل شنووو راني بنهبل يلي يسوى ويلي ميسواش برا يلقح في الدوا عليا اقسم بالله اليوم 5رقب نطيح ومنشفيش غليلي ياجدي
مختار:اهدا الامور هاذي متنحلش بي العياط
حافظ:ساكت وداخله يحكي....شنو يلي درته غلط في الدنيا باش بنتي تتورط مع احفاد فرعون!؟
انس:بنقعدو ساكتين هكي واختي يحكو عليها في البلاد كلها!؟
مختار:حافظ
حافظ:نعم يابوي
مختار:نادي خوك وهيا
عبدو:وين؟
مختار:بنمشي نتفاهم معاهم غادي لازم ندير حل قبل ماتغيب الشمس
عبدو:بصوت عالي ...تي والله مصاااااااارت متمشيلهمش انت في مربطهم غادي هما يجوك لعندك
مختار:عطاه نضره حاده....متعلمنيش شنو ندير
تحرك حافظ ولع السياره ومنبيش حد من احفادي يجي معاي
انس وعبدو شافو لبعض بلعوها وسكتو

_____________________________
سلوى:تخبط على رجليها وقعمزت على السرير...انتهينا انتهينااااا يابنتي انتهينا
ساجده:شن في امي احكي شن صاير
سلوى:مستحيل يلي صار مستحيل ياربي...وتبكي بصوت واضح
ساجده:توترت وقعمزت ع الارض ...يا امي احككككي شنو فيه الهم الاسود
سلوى:امس اتفقنا ولد عمك بياخدك وتنحل ها المهزله
ساجده:اي !؟
سلوى:فقنا اليوم على خبر كسر ضهورنا يا ساجده كسرنا💔
ساجده:بعدم صبر ...شن هوااااا
سلوى:فيديو ...فيديو انتشر في البلاد كلهااا ومنزلينه في كل مكان
ساجده:قرنت حواجبها ....فيديو؟متع شنو
سلوى:فيديو انتي راكبه مع ولد فرعون في السياره وبدي الكلام يطلع ....تخبط على رجليها وتبكي
قالو عليك غالطه معاه قالو عليك هربتي معاه ورجعك لما قلبنا الدنيا عليك ياااااارب الصبر يارب
ساجده:بس الكلام هاذا كله مصارش عللاش تطلع الدوا هاذي
سلوى:يلي ركبتي معاه حفيد فرعون ياساجده تعرفي شن يعني حفيد فرعون!؟
يعني الفسق والعار والاجرام والعفن وكل شي سيئ يخطر في بالك ...شنو بينحينا من لسان الناس
خوك مش قادر يطلع من الحوش
ياقوت:صلي ع النبي يامرت عمي كله ينحل ان شاء الله
سلوى:تبكي وحالتها حاله وياقوت ساكته تراقب في ردة فعل ساجده
ساجده:لمت شعرها وقاماته....انا مدرت شي غلط طز فيهم مش هامني شن يحكو عليا ...وخشت الحمام
ياقوت:سكتت بصدمه مكانتش تتوقع ردة الفعل هاذي من ساجده
خشت فايزه بنضرات واضح انها متع شماته....قتلك من البدايه ياسلفتي ربي بنتك راهو البلاد كلها تراجي في غلطه علينا بس
واهو بنتك عطتهولكم على طبق من ذهب
ياقوت:امي مش وقته الكلام هاادا عيب
فايزه:اسكتي انتي متورينيش العيب مش صغيره انا
هاذا الكلام الصح اهو انتي ربيتك كويس متورطيش معاهم احفاد فرعون علاش ساجده بس هكي دارولها
ياقوت:جت بترد على امها وتهديها لكن تالفونها شرين وطلعت عشان ترد

سلوى:تهز بتوتر يمين يسار وتبكي ...ربي يحلها من عنده يارب
فايزه:تزيد في النار ...ياودي في الشك تنحل بنتك كلهم يحكو بيها بلعاطل
سلوى:طلعت من الدار لانها مكانتش ناقصه تسمع كلام زي هاذا

🔥رِوَايـــــــــات بـــَـنـُـــووتِـــة الشـِــيـــْـخ🔥

🔥أروى الــــطـــاهــــر المــســلاتــــي🔥

ياقوت:الو
احمد:يدخن ويسمع في صوتها
ياقوت:الووو؟
احمد:طفى الدخان...اها
ياقوت:اهلين استاد كيف الحال
احمد:تمام ....وين الطلبيه يلي حكيتي عليها
ياقوت:اه 😨اي اي في اي وقت تحب تاخدها
احمد:اتكى ع الكرسي ...اليوم الساعه 8ونص ؟
ياقوت:اءءء لا خوي يعني انا بنت صعب نطلع في الليل الدنيا تخوف
احمد:ال5العشيه؟الحديقه العامه
ياقوت:تمام مناسب
احمد:الاسم شني؟
ياقوت:اءء اسمي اسمي فاطمه
احمد:تم
ياقوت:سكرت الخط وكان حمل كبير ونزاح ع قلبها اخيرا رح تسلمه الصندوق واتم قصتها
احمد:سكر الخط وشاف للولد يلي جنبه ...مني تكون؟
فهد:يخدم ع اللاب توب ...اسمها ياقوت تسكن على بعد4شوارع من هنايا خلف الكوبري
محمد:يصب في العصير...نحبه لنم الولد هوا يعرف كل شي 😂
احمد:كان يخطط في راسه وحاس ان في شي ورا القصه هاذي كلها

_______________________
مالك:ابتسم لما شاف من الروشن...وجو لعندك زي ما كنا متوقعين
فرعون:يبطم في سوريته ...مفيش مره خيبتو ضنوني لا انت ولا خوتك
مالك:ابتسم ...تربايتك !

طق طق طق
فرعون:ادخل
محمد:خاش مصدوم...مختار جي لعند هنايا !؟
فرعون:دخلوه واستقبلوهم احسن استقبال
محمد:احسن استقبال؟قبل شهور نخططو لي قتله استقبال شنو تحكي عليه
مالك:حط فنجان القهوا ...دير يلي يقولك عليه جدي
احمد:خش يديه في جيوبه ...شن يلي قاعد يصير بزبط!
مالك:شاف لي جده
فرعون:مش وقتها الدوا هنايا انت وياه استقبلوهم شوي ونازل انا
مالك:طلع هوا وخوته نزلو لوطه سلمو عادي جدا ودخلوهم لي صالة الضيوف الفخمه يلي كانت خاصه للمناسبات اكتر شي !

لحضات بسيطه وخش حسين الملقب(فرعون )
واضح من نضراته الشموخ والانتصار 🔥
وواضح نضرات مختار انه مذلول💔وجاي محتاج
كانت اول مره في التاريخ مختار يتواضع ويخش لي قصر فرعون

_________________________
عبدو:خش لي الشقه وكانت زي العاده مضلمه كلها
نحى جاكيته ورقد ع السرير رامي همومه كلها ورا ضهره...فجآه من بين ستار النوم طلعت ❤️
لابسه فستان قصير احمر ساتان ناعم
قعمزت جنبه وبدت ادلك في ضهره وتحكي بصوت ناعم
هبه:شن صاير معاك؟
عبدو:بعد ما اتفقنا ع الزواج طلع موضوع تاني غبر القصه كلها
هبه:بتردد....مدام الموضوع ساهل هكي عندك علاش متتزوجنيش!؟
عبدو:تلفت وقايم حاجبه...انتي واعيه لي الطلب يلي تطلبي فيه؟
هبه:نزلت عيونها شويه وقامتهم....به ليش لا كأني مرتك هنايا نغسلك نطيبلك تجيني في الليل انت مخليني ملكك بدون زواج عبدو ليش ماتقراش عليا فاتحه !
عبدو:وقف ...متقارنيش روحك بي بنت عمي !
هيا في مستوى وانتي في مستوى تاني بكل والموضوع هاذا معش ينفتح عندي
هبه:سكتت ...معندهاش اي حل تاني ولا حتى كلمه تقولها
طلع عبدو وسكر الباب

____________________________
فرعون:اذكر كل شي اول ما شاف مختار !
اذكر الماضي ويلي صار بينهم شريط الذكريات كله مر قدام عيونه بس مباش يوضح حتى بتعابير وجها ....هلا اهلا
مختار:واقف ميبيش يقعمز...والله وزمان يا فرعون
فرعون:قعمز...تفضل خيرك متعب روحك!؟
مختار:لا بنقعمز ولا شي انت فاهم كويس علاش جيتك هنايا اليوم!
فرعون:ماسك السبحه في يده...شن صاير !
مختار:سيرة بنت ولدي على كل لسان بسبب حفيدك
محمد واحمد شافو لي مالك طول
فرعون:حسب يلي سمعته ان حفيدي نقدها من نسيبكم الوسخ يلي جايبينه انتم
هكي ردة فعلكم على عمل خير داره معاكم حفيدي؟
مختار:بيتفجر....يلي بيني انا وياك الاحفاد مدخلهمش بيه
فرعون:بي استفزاز ....علاش نحنا شن بينا؟!
مختار:خذي نفس وولاده جنبه بيتفجرو
فرعون:يالله عموما سمعت الناس اليوم شنو تحكي عليكم والموضوع صعب شويه
مفيش الا حل واحد
حفيظ:يلي هوا؟؟؟شنو الحل يلي بينقذ بنتي من كلام الناس!؟
فرعون:شاف لي مالك ....والله عادي نسترو عليها حتى شهر لين ينسو الموضوع بعدين بنتكم ليكم
احمد:مصدوم من الكلام هوا ومحمد ومش فاهمين شي !
مختار:قام صبعه...رد بالك مزال تكلمني بي اللهجه هاذي
فرعون:وقف...والله وحلنا معاكم ...نقدنا بنتكم ورجعناها سالمه ليكم مش عاجبكم
قتلك نسترو عليها ومش عاجبكم شن تبي بزبط انت؟
مختار:نبي لحضه على انفراد
فرعون؛اشر بعيونه لي احفاده طلعو وطلعو ولاد مختار
قعد فرعون ومختار يهدرزو قريب ساعه بروحهم
ومالك يقهم في احمد ومحمد .

🔥رِوَايـــــــــات بـــَـنـُـــووتِـــة الشـِــيـــْـخ🔥

🔥أروى الــــطـــاهــــر المــســلاتــــي🔥

عبدو :ماشي جاي بدون صوت
ياقوت وساجده ساكتين
فايزه وسلوى يتفرجو بدون صوت ويراجو في الخبر يلي بيحل المشكله هاذي
تالفون عبدو وانس موقفش اتصالات الناس كلها تسأل بجديات بنت عمهم وسخت شرف عيلتها ؟!

ساعه ونص فاتت عليهم كأنها سنه :-
خش المختار مع ولاده الزوز مروحين من فرعون
عبدو:بي انتباه كبير ...ها بوي شن صار
مصطفى:طلع لي داره بدون ميرد ولا كلمه وواضح انه بيتفجر
عبدو:شني ياعمي شن صار
حفيظ:قعمز ع الصالون وراسه بين يديه
انس:حد منكم يتكلم
مختار:صار يلي لازم يصير ...باش نستعيدو سمعتنا قدام الناس بنقولو ان ساجده قداش ليها فاسخه من فادي ونخطبت لي حفيد فرعون بعد ما تصالحنا ...شهر من الزمان وخلاص ينتهي
سلوى:مش مستوعبه يلي سمعاته...بنتي بياخدها ولد فرعون؟؟؟؟؟؟؟؟😨😨
مختار:عندك حل تاني !؟
عبدو:فصل ...تي مايكتبها علياااا فرخ فرعون يناسبنا ويخش بينا يا جدي انا ناخدها ونسكر فم كل حد تكلممم
مختار:كلمه وعطيناها وتم
عبدو:شاف لي اب ساجده...تكلممممم النم دير لقطه بتناسب فرعون راهو
الزفتتتتت ياجدي شوف حل تاني شن هاذا مش معقوله يلي قاعد يصير
ساجده:ركبت لي داري بدون ما نتكلم ...خيرني؟!
لهدرجه مصدومه !!مدرتش ولا ردة فعل!!!
شعور الرهبه يلي كان داخلي 💔
قعدت في قصرهم10دقايق قريب هبلت كيف بنتزوج منهم!!

نسمع في عياط عبدو لوطه وصوت بوي وجدي عااااالي سكرت وداني بيديا وراسي مشوش
____________________
بين التكسير والعياط ودوخة سلوى والاوضاع يلي نقلبت كأنها عزي طلعت ياقوت بخفه لي بنت جيرانها يلي كانت تراجي فيها برا
سيبت الحوش مقلوب كله وطلعت وهيا ترعش بس كانت بنسبه ليها احسن فرصه !

احمد:علاش مقلتش؟
مالك:جدك واوامره!
احمد:الزفت كيف هاذا صار بدون علم حد علاااش
محمد:كنت حاس انا جدك ميديرش حاجه لي ربي
وسخ الله يطول في عمره
احمد:علاش انت بذات يلي بتاخدها؟
علاش مش انا ولا محمد
مالك:كله ليه عندي اجابه الا السؤال هاذا سألته ومجاوبنيش

ترن ترن ترن
احمد:ايوا
ياقوت:خوي انا في الحديقه انت وين!؟
احمد؛حط يده على راسه...نسيت الموضوع بكل
ياقوت:فقدت شعورها...لا بالله عليك لو مش اليوم معش نقدر ره
احمد:تمام جايك ...وطلع بسرعه

🔥رِوَايـــــــــات بـــَـنـُـــووتِـــة الشـِــيـــْـخ🔥

🔥أروى الــــطـــاهــــر المــســلاتــــي🔥

طق طق طق طق طققققققققق
ساجده:قربت من الباب فتحته وقعدت واقفه في مكاني !
عبدو:مسكها من يديها.....جبتيلنا العار المره الاولى وفوتتها
لكن باش تجيبي العار مره تانيه وتاخدي ولد فرعون لاااااا سامعه
ساجده:مدرت شي اناااا ...العار انت ادير فيه عشان السلطه والفلوس حاسبلي روحك انت وامك
عبدو:ضربها كف
ساجده:شافتله بتحدي....اييي اي بناخده حفيد فرعون وانت بتموت تعرف علاش
لان متبيش حد اقوى منك في العيله وانت قدامهم ولاشي
عبدو:فقد اعصابه وقرر يقتلها بضرب تحت يديه اكن ادخل انس خوها

انس:خلااااااص عاد طير من هنايا شن دخلها هيا
برا حاسب يلي خذي القرار هاذا
عبدو:بدل متربي اختك ج......
انس:اختي متربيه ويلي داراته كانت تحاول ادافع بيه على شرفها
برا شوفلك حل مع احفاد فرعون ومرضك بيهم بعيد عليها ومنسمحلكش تمد يدك
عبدو:تمام تمام....وطلع وهوا الشر طالع من عيونه ومش متحمل حد يكلمه

__________________________
ياقوت:اها؟!اي اي شن لونها سيارتك
احمد:نزل ...زرقاء
ياقوت:طاحت عينها عليه وهوا ماسك الهاتف ...اءء اء اها
احمد:زبطها هيا وقرب عليها
ياقوت:احمد صح؟
احمد:ان شاء الله
ياقوت:معاك فاطمه ...تفضل طلبيتك
احمد:خذي الكيسه ...شكرا ياقوت
ياقوت :العفو
بعدين اذكرت 😨عرففففففف اسمي؟؟؟؟؟؟
احمد:ركب لي السياره وروح بدون اهتمام لي شي !
اما ياقوت خافت في البدايه بعدين خلاص المهم افتكت ومعش حد هددها بي صورها !

_________________________
ساجده:كأنه فيلم!
او مسلسل!...الكل يمثلو ان تصالحنا مع اعل فرعون
وكانت صدمه كبيره للبلاد كلها كيف طلع حفيدهم خطيبي وبنتزوجو !!
كأنه لعبه وكنت حاسه في وراها شي مستحيل حفيدهم طيب لدرجة بيستر عليا وهما يتمنو تكون سمعتنا تحت الارض كان خاطري من زمان نتزوج شخص اقوا من عمي الحقير وولده عشان يربيهم وتحقق حلمي
لكن مش لدرجة يكون من اهل فرعون !

اسبوع بس ...اسبووووًًع وتيت فيه روحي وانا واني دايخين كأن نحلمو
نضرات الخوف قاعده نشوف فيها في عيون فايزه مرت عمي كل يوم
كان جدي حريص ان الزواج يتم بسرعه وينتهى بي الطلاق بسرعه
عزايم كبيررره وكانت الدعوه عامه للكل واول مناسبه بعد اكتر من20سنه يتجمعو فيها اكبر عيلتين في البلاد كلها
اهل مختار واهل فرعون !

مكنتش حاسه بطعم شي لا فيلو لا حنه ولا عرس كنت نفكر بس كيف نفوته الشهر هاذا !!
حسيت ان الوقت بسرعه مر عليا ولقطت روحي في غرفة نوم ديكورها اسود مطفي !
قعمزت ع السرير وصوت عياط امي قاعد في وداني !

مشفت حد من العيله لا امهم ولا اختهم ولا حد
واضح ان القصر فاضي وطول خشيت لي غرفتي مع البنت يلي واضح انها مسؤله على تنضيف الحوش
متوتره ملخبطه شنو بندير؟!
انحي الڤيلو؟؟
ولا نقعد بيه !!
مليت وانا مراجي فاتت ساعه تامه لين فتحت باب المرش يلي قدامي وطلعت للبلاكونا
سكرت عيوني لحضات وانا نحاول نهدا وفتحتهم على منضر صدمني شفته💔...يلي كنت نقكر فيه طلع صح!!

🔥رِوَايـــــــــات بـــَـنـُـــووتِـــة الشـِــيـــْـخ🔥

🔥أروى الــــطـــاهــــر المــســلاتــــي🔥

احمد:خش يبدل في حوايجه ...فتح دولابه شاف كيسة الهدايا يلي خداها من ياقوت !
اذكر ان مفتحهاش ...انشغل مع مالك في تفاصيل العرس والف حاجه تانيه ونسي موضوعها بكل
قعمز ع الكرسي وفتحها .....يتبع
-
لا تنسى كتابة تعليق ليصلك اشعار بالحلقات الجديدة فور صدورها.
لقراءة الحلقات التالية : اضغط هنا 
تعليقات



حجم الخط
+
16
-
تباعد السطور
+
2
-