رواية أحفاد فرعون الحلقة الرابعة 4 بقلم أروى طاهر المسلاتي ( بنووتة الشيخ )

رواية أحفاد فرعون الحلقة الرابعة 4 بقلم أروى طاهر المسلاتي ( بنووتة الشيخ )
لقراءة رواية أحفاد فرعون الحلقة الأولى 1 بقلم أروى طاهر المسلاتي : اضغط هنا 
لقراءة رواية أحفاد فرعون الحلقة الثانية 2 بقلم أروى طاهر المسلاتي : اضغط هنا 
لقراءة رواية أحفاد فرعون الحلقة الثالثة 3 بقلم أروى طاهر المسلاتي : اضغط هنا 
لقراءة رواية أحفاد فرعون الحلقة الرابعة 4 بقلم أروى طاهر المسلاتي : اضغط هنا 
لقراءة رواية أحفاد فرعون الحلقة الخامسة 5 بقلم أروى طاهر المسلاتي : اضغط هنا 

رواية أحفاد فرعون الجزء الرابع 4 بقلم أروى طاهر المسلاتي تحميل pdf و قراءة مباشرة.

رواية أحفاد فرعون الحلقة الرابعة 4 بقلم أروى طاهر المسلاتي ( بنووتة الشيخ )

طلعت ساجده تجري وقلبها بيوووقف من الحوش كله وكان فادي وراها يسب ويتوعد فيها ويهدد
ملقتش مكان الا اول حوش قريب ليها!
حوش احفاد فرعون🔥

ساجده:وقفت قدام الحوش الضخم يلي طول عمرها متقربتش منه هلبا هكي كان ممنوع عليها وعلى اي حد من عيلتها حتى يوقفو قريب عليه!
كملت طريقها وكان فادي وراها قدر يمسك طرف البلوزه يلي كانت لابستها وحاول يشدها منها لدرجة ان ساجده طاحت والبلوزه تشركت شوي
قدر في اللحضه هاذي ان يسلط قوته عليها ويرمي نفسه عليها عشان خلاص معش تقدر تتحرك !
ولما فقدت الامل انها تغلبه بدت تعيط بصوت عالي
فادي:مسكلها فمها وهوا داااهش...اششششش
مفيش حد يسمعك هنايا متحاوليش
ابتسم بمكر....حتى يلي حوشهم قريب ولادهم لو طلعو بيزردو بيك معاي فلهاذا تقعدي لي راجلك بس ارجل
ساجده:تتوجع...نحي من عليا مزال مش راجلي ياسافل
فادي:خيرك النم مش راضيه تفهمي ان الفاتحه مقريه خلاص
ساجده:مش بطريقه هاااااذي خلاص بعدددد
فادي:سكرلها فمها وشاف بعيونه المنطقه يلي حواليهم كانت كلها مزارع مفيش سكان غير قصر احفاد فرعون وبس ....يعجبني الجو في الطبيعه خيرك انتي اهدي
ساجده:جمعت شوي تراب في يدها ونثراته في عيونه وهوا يحكي لين بعد عليها من كثر ما عيونه حرقوه
ساجده:بأسرع شي عندها ورغم رجلها يلي توجع فيها قاومت وطلعت تجرررري لين وصلت قدام باب الحوش ...رغم كل شي صار معاها قبل شويه وحالتها المبهدله قاعده متردده تلجئ ليهم او رح تكون في وضع اسوء!!
اول ما شافت فادي بدي يقرب من بعيد خشت بسرعه للحوش وهيا داهشه
فادي:خذي نفس عميق وهوا يشوف للقصر وبعدين رجع من نفس الطريق يلي جي منها وهوا ينضف في عيونه
ساجده:طاحت ببطئ من التعب بعد ما سكرت الباب.
رجع قلبها دق بسرعه عيونها نفتحو على حدهم!
نفسها انقطع وسكرت عيونها ببطئ لما سمعت صوت يخوف وراها
مالك:ع الاقل الناس يطقو الباب!
ساجده:طاح قلبها لما تذكرت لي حوش منو خشت💔.

______________________
طه:وصلك الرقم ولا؟
ياقوت:تتكلم بحقد...وصل
طه:تمام...بري قوليله زي ما اتفقنا ان عنده هديه ويجي يستلمها وانتي بمعرفتك دبري كيف تطلعي
ياقوت:شافت لي الباكو المغلف قدامها...الهديه شن فيها ؟
طه:تنفدي يلي نقولك عليه بدون كلام ولا تبي صورك منشورات ع الكوبري غضوا؟!!!
ياقوت:خذت نفس ....تمام تمام
طه:يالله اتصلي بيه توا
ياقوت:سكرت الخط وهيا تسب وتلعن في الساعه يلي تعرفت فيها عليه ووثقت فيه
____________________________

احمد:يتفرج من الروشن وقارن حواجبه!!؟
من البنت يلي واقفه قدام مالك؟!سأل في سره

ترن ترن ترن
احمد:رد ع الخط بدون انتباه على الرقم وعيونه مركزات على خوه وساجده!
احمد:نعم!
ياقوت:ماسكه الورقه يلي قدامها ...اهلين استاد احمد
احمد:رجع التالفون للخلف لما سمع الصوت الانوثي هاذا! مش متعود على اصوات زي هكي في تالفونه !....مني؟
ياقوت:احمد معاي؟
احمد:اي منو؟
ياقوت:خوي انا نغلف في هدايا وهكي مشروعي الصغير هاذا وحضرتك باعتينلك هديه من مجهول
احمد:قام حاجبه ...شن الكلام الفارغ هاذا!
ياقوت:دارت كتم.....صبرني يارب صبرني تعرفني منتحملش متخلينيش ندفل في وجها ونسكر
احمد:الووو
ياقوت:لغت الكتم...اها خوي معاك امتى نسلملك الهديه
احمد:مني باعتها وشن فيها!؟
ياقوت:الله اعلم الحق هاذي خصوصية الزباين منقدرش
احمد:طفى الدخان متعه...تمام تمام
ياقوت:بتوتر....شنو يعني يناسبك بكرا!؟
احمد:اي مليح
ياقوت:تمام....وسكرت الخط
اووووف اخيرا بينتهي الكابوس هاذا ....ابتسمت بي انتصار وهيا تشوف للهديه كأن خلاص همومها كلها نزاحت....مكانتش تعرف ان همومها الاكبر رح تبدا من المكالمه هاذي !

🔥رِوَايـــــــــات بـــَـنـُـــووتِـــة الشـِــيـــْـخ🔥

🔥أروى الــــطـــاهــــر المــســلاتــــي🔥

مالك:يده في جيبه ....منخلوش ضيوفنا ع الباب تفضلي داخل
ساجده:لسانه ارتبط!...هيا واقفه قدام واحد منهم!
في حياتها كلها متخيلت روحها في الموقف هاذا وتكون داخل قصرهم
مالك:ماسك تالفونه ...نكلم فيك!!
ساجده:وعت على نفسها...هااا لل لا لا انا اء كان يجري وراي كلب وطحت تبهدلت في الطريق مفيش حوش اقرب هنايا غيركم مش رح نخش داخل لحضات وبنطلع
مالك:قام حاجبه ومتكلمش
ساجده:اءء و واضح ان خلاص الكلب مشي اسفه ع الازعاج ...فتحت الباب واول ما حطت رجلها برا الباب شافت فادي يشوفلها من بعيد من الخلعه رجعت وسكرت الباب بقوه
مالك:ابتسم ع جنب....واضح ان الكلب يراجي فيك!؟
ساجده:تحاول تهدي نفسها الموقف يلي فيه مفيش اصعب منه!!
مالك:رجع تالفونه لي جيبه ونادا بصوت عالي لدرجة ساجده نخلعت....نهااااال
ساجده:مكنتش عارفه شنو بيصير !منو يلي نادا عليها؟؟وهاذا رسمي واحد من احفاد فرعون او لا؟
لان حسب ما سمعت عليهم ان اشكالهم تقرف وواضح عليهم ادمان المخدرات والسكير بس يلي واقف قدامي جمال🔥وجنتل!!
نهال:نعم مالك ...وشافت لي ساجده بي استغراب
مالك:خودي ضيفتنا داخل عطيها حاجه تهديها وشي تلبسه من حوايجك
نهال:منو هاذي😨
مالك:شاف لي ساجده....وحده فايته من هنايا واحتاجت مساعده وحني حوشنا ميردش حد
نهال:شافت لي ساجده بعدم ارتياح...تفضلي معاي
ساجده:شافت من فتحت الباب...لما تأكدت ان رسمي فادي قاعد استسلمت ولحقت نهال!

_________________________
عند اهل ساجده:-
رجع فادي وبكل وقاحه قال ان ملقاش ساجده وكان يسحابها مع امه وامها ونقلبت الدنيا عليها !
عمها وولاد عمها وخوها قلبو البلاد بحالها مش معقوله بنت من احفاد المختار تهرب او حتى تنخطف!!! لان كلام الناس بيكتر عليهم وهما طول عمرهم سجلهم نضيف قدام الناس !!
كانو مهووسين بي شي اسمه سمعه نضيفه لدرجة انهم.....لا مش رح نقول خليكم مع الايام تفهمو❤️
حققو مع فادي وام ساجده الف مره والسيارات تمشط في الشوارع طول اليوم

فايزه:اهدا الله يربحك
عبدو:كيف بنهداااا فهميني كيف بنستلم الحكم وبنت عمي مش معروف عليها وين ودوة الناس مترحمش !
منو بيخطفها وسط حوش راجلها ومعاها امها واضحه العمليه هاربه بنت الكلب
فايزه:خذت نفس....من اول ما جت قلت لي امها ياسلوى قعمزي فهمي بنتك قوانين عيلتنا راهو ليها3سنين مش معانا فهميها قبل ما ادير مصيبه
وها شوف قدامك كلامي صح
عبدو:ضرب يده ع الدولاب بغضبب
انس:خش لي الصاله ولوح التالفون ع الصالون وهوا ماشي جاي
عبدو:شن صاار؟
انس:قلبنا امها مفيش حد مسألناشي عليها مختفيه
عبدو:فقد اعصابه....كيففففففف النم اختك وين
انس:علا صوته اكتر.....فوووووتني عبدو مش ناقصني اعصابك وكلامك يلي فيا مكفيني....وطلع وسيبه
عبدو:ضرب الطاوله برجله وهوا يعيط....وربي توصل لما ندبحها ونعلق راسها في باب البلاد كلهااااا زيها زي يلي قبلها
فايزه:حقك ياولدي حقك

________________________
ساجده:كل الاساطير يلي حكوهولي زمان على احفاد فرعون قاعده في راسي نقارن فيها بيلي نشوف فيه قدامي مفيش شي صح!!
قصرهم من داخل مش اسود!...بلعكس الوانهم عاديه
معندهمش الف شغاله داخل !
مش معبي بنات دعاره زي ما كلهم يحكو بلعكس كان واضح انها عيله عاديه !!

ركبت لي الدور التاني رغم ان قلبي مقبوض وخايفه خذيت بلوزه من البنت يلي اسمها نهال وقعدت في مكاني !
طلعت وخلتني معش عرفت شنو ندير نبي نكلم حد من اهلي !

_________________________
ريهام:بصوت هامس...منو البنت يلي جابها مالك؟!
كوثر:اي منووو نموت ونعرف
نهال:فكونا بالله عليكم منعلمش بيها مقال شي
ريهام:افففف شن بيرقدني اليوم لازم نعرف
نهال:ريحيني اخر مره جانا الفضول فيها اذكري شن صار
كوثر:3ايام كوابيس ورعب وووه قريب متت
نهال:خلاص امالا اسكتو
ريهام:محمد بس عسل فيهم خوتك والباقي نااار
نهال:ضحكت وكملت هدرزه

🔥رِوَايـــــــــات بـــَـنـُـــووتِـــة الشـِــيـــْـخ🔥

🔥أروى الــــطـــاهــــر المــســلاتــــي🔥

درست سياره فخمه❤️بلاك من كل الجيهات:-
انفتح باب ومزل منه 🔥كانت خطواته واثقه
نضراته حاده بشكل مش طبيعي
يتفحص في المكان عشان يتأكد هل زي مخلاه ولا في شي تغير!؟
ابتسم بي اعجاب لما لقي احفاده ال3واقفين عشان يستقبلوه ❤️...اي اي هوا بداته(فرعون)

قدم احمد ومحمد الاولين سلمو عليه وباسو يده وتحمدوله ع السلامه❤️
وبعدين قدم مالك سلم عليه ...همسله في ودنه
فرعون:كل شي تمام؟
مالك:ابتسم بخبث...عيب عليك🔥
فرعون:اسود من يومكم
محمد:هي تفضل ونور الحوش
فرعون:قام راسه بشموخ كأن احفاده ال3هما ضهره في الدنيا هاذي وخش
الحوش كله زحمه نساوين اقرابه تحمدوله بسلامه كلهم بمناسبة خروجه من المشفى وبدت الوليمه سفره ورا سفره

محمد:شاف لي احمد وقام حاجبه بمعنى ...في شي صاير!!
احمد:هز راسه بمعنى....منعلم بشي
كان واضح ان في شي بين مالك وجده ميعلموش بيه.

_____________________
ساجده:حسيت روحي خلاص مخنوقه وزهقت المغرب ادن لازم نروح اكيد مشغولين وقالبين عليا الدنيا الله اعلم الكلب شنو قاللهم وواضح ان مفيش حد منتبه ليا لوطه زحمه ....قربت ع الباب حاولت نفتحه لقاته مسكر ....انا هنايا خلاص 💔
قلبي طااااااح متت في مكاني
اذكرت كلام الناس لما يهدرزو عليهن ...خوانين وماعندهمش كلمه وانانيين
اذكرت ان عيلتي الذ عدو ليهم💔اكيد عرفو انا بنت منو لا يارررررربي الورطه يلي حصلت فيها ....قعدت ساجده تلود في الغرفه وماسكه راسها مش مصدقه يلي قاعد يصير فيها ومن الخوف خلاااااص بتفقد الوعي
طقت ع الباب اكتر من مره وعيطت بصوت عالي بس مفيش حد انتبهلها بسبب الزحمه والدوشه والضحك يلي كان مالي المكان
المربوعه تعبت بي كبار البلاد الزعماء والشيوخ وحتى الناس العاديه
والصاله تعبت بي الجيران داخل

___________________________
نهال:ماما البنت من بكري تخبط ع الباب فوق بتقلب الدنيا
جميله:تتكلم وهيا تبتسم متبيش توضح....خلي يروحو الناس وتو نشوف خوتك يلي كل مره طالعيلي بي مصيبه
نهال:نخاف يسمعوها نركب نكلمها؟بس مالك منبه عليا منفتحش الباب ولا نحكي معاها
جميله:مسحت على نهال...ردي بالك تقربيها خليها لين يجي يشوف شغله ومعش تحكي في مواضيع زي هاذي قدام حد
نهال:افففف به
جميله:مبتسمه....شاطره

____________________________
في حوش المختار:-
بدون مبالغه كان عزي ....ام ساجده ميته من البكي وكل شوية يغمى عليها !
وابو ساجده طالع يكشخ عليها خاش يكشخ عليها ويلوم فيها زياده

عبدو بيهببببل من نضرات الناس كل ما يطلع يسألو لقو بنتهم ولا لا!؟
ومن الاشاعات يلي تطلع
اما انس كان واثق في اخته وحاس ان صاير معاها شي بس في نفس الوقت خايف الثقه يلي عطاهولها تخرب 💔!!!
زادو عدد الشباب يلي يدورو في الشوارع وبلغو عليها في المستشفيات ومراكز الشرطه
مفيش بني ادم خطرله انها تكون عند احفاد فرعون لان الشي هاذا مستحيل!!!

🔥رِوَايـــــــــات بـــَـنـُـــووتِـــة الشـِــيـــْـخ🔥

🔥أروى الــــطـــاهــــر المــســلاتــــي🔥

مالك:طلع من المربوعه بهدوء ومحمد واحمد يراقبو فيه ...قرب على الصاله واشر لي نهال بي عيونه
نهال:الحمد الله يلي طلعت البنت قالبه الدنيا فوق مفهمتش شنو قصتها
مالك:نزليها وطلعيها من باب الدروج لي سيارتي بدون محد يحس ردي بالك
نهال:تلفتت شافت الزحمه يلي وراها وبلعت ريقها...تو نحاول
مالك:مش تحاولي بديري
نهال:هزت براسها وركبت ...اما مالك رجع خدي مفاتيح سيارته وطلع

ساجده:وصلت بيا مرحلة نبي نكسر المرش ونطلع من السياره ونهرب لي اي مكان معش فارقه معاي خلاص المهم منقعدش عند اهل فرعون💔
بنموووووووت كل ما نذكر الناس شن تحكي عليهم
يعني كل شي بيديروه فياااا😭😭😭😭
طلع من الحوش يلبس في جاكيته حطيت يدي على قلبي وقعدت نبكي خلاص معش عندي مندير
مالك:ركب السياره وولعها
ساجده:تحاول تكتم بكيتها....وين رافعني وراس امك عندك اخت انت داخل !
مالك:شافلها بنضره غريبه وطلع بسياره
ساجده:وقت شفت عيونه في الضلام قعدت نحاول نذكر!!!...
وين شايفاته قبل؟؟؟؟

________________________
محمد:طلع من الدوشه وقعمز بروحه يدخن
احمد:وين مشي؟
محمد:منعلمش منعللمممممش وحاس ان في شي قاعد يصير وانا منحبش نقعد زي المهزب مش فاهم شي
احمد:هدي اعصابك تو يبان كل شي !
محمد:الصبح نشوف في امك تلز في مرا من قدام الحوش اول ما شفتها ارتبكت وقتلي تتوهم
النم ريتها بعيوني كيف تلز فيها وهم شنو تحكي عليه!؟
احمد:خدي جبده من الدخان....معش فهمت شي حتى انا بديت نحس ان كل حد عنده كارثه هنايا !

__________________________
ساجده:اللحضات هيا نقدر نقول عليها انها اسوء لحضات في حياتي كلها💔
واقفه كأني جثه نحس في خبط في جسمي ونسمع في عياط وكلام !
ناس ادافع عليها وصوت يقول والله لما نقتلها وصوت تاني يقول خلي نفهمو منو قبل
متوقعتش ان حفيد فرعون يكون قد كلامه ويرجعني للحوش ❤️
انقلب الحوش زغاريط وعياط وتهديد وضرب رصاص
لين خداني جدي وعمي وبوي لي دار فاضيه وحاولو انهم يهدوني ويفهمو مني .

حكيت كل شي من البدايه لعند النهايه والليله هاذي بدت طويله اكتر مما نتوقع !
لعند الفجر الموضوع مكملش ...جابو فادي وضربوه قدامي لين اعترف بكل شي وتحجج انه مكانش بوعيه وقتها
حمدت ربي وانا نبكي بهستيريا انه اعترف ع الاقل طلع معنديش ذنب بكل يلي صار 💔
الساعه5الفجر الخطبه نفسخت والجيران يسمعو في اصواتنا لبعد الادان .
كثرت الدوا والدوشه لكن من بين الكلام كله سمعت خبر قتلني 💔
لان الناس كانت تحكي عليا ويقولو هربت مع واحد وشدوها قرر ولد عمي عبدو المتكبر يتقدملي عشان يستر عليا وعلى سمعت العيله !
والقرار هاذا لاني طلعت بريئه لا اكتر لو طلعت غالطه متأكده انهم يذبحوني قدام الحوش 💔
سكرت عيوني وانا في حضن امي ومش مصدقه
انا نتزوج المتكبر الحقير عبدو💔💔💔
مستحيل كيف بنكمل حياتي مع واحد زيه !!!!

________________________________
جميله:مقعمزه على الصلايه ...السلام عليكم ورحمة الله ...السلام عليكم ورحمة الله
فرعون:تقبل الله
جميله:ابتسمت...منا ومنكم
فرعون:ياخد في الدواء .....شنو تخبريني
جميله:كل الخير
فرعون:شن صار في غيابي!
جميله:تنهدت بحسره....ولا شي
غير هذيك المرا يلي تجي كل اسبوع مره تحاول تخش لي ها القصر
فرعون:حط الكوب على الطاوله....ولا يهمك بي اذن الله ينحل موضوعها
جميله:ربي يخليك لينا يارب

______________________
ساجده:سفره طويله عريضه متع فطور ...فيها كل شي تتمناه ويسميه فمك
كأنه اعتذار ع الضرب يلي كليته امس بدون سبب كلهم يحاولو يتوددو عماتي يفتحو معاي في مواضيع وبناتهم يحاولو يضحكوني بس بدون فايده!
من امس ساكته من تأثير الصدمه ومش قادره ناكل ولا حتى نتنفس كويس ...نفكر في زواجي يلي رح يتم من احقر انسان شفاته عيني 💔
خوي انس مريتاش من امس وقريب نموت عليه خايفه يكون صدق فيا شي غلط!

لين فجآه جاني الخبر يلي نقذني من زواج ولد عمي 🔥بس دخلني في قصه تانيه طووووويله...يتبع
لقراءة الحلقات التالية : اضغط هنا 
-
لا تنسى كتابة تعليق على هذه الصفحة ليصلك اشعار بالحلقات الجديدة من الرواية.

تعليقات



حجم الخط
+
16
-
تباعد السطور
+
2
-