القائمة الرئيسية

الصفحات

تحميل رواية أختي في ورطة كاملة pdf - بقلم كوكي سامح

تحميل رواية أختي في ورطة pdf - بقلم كوكي سامح download
لقراءة باقي روايات كوكي سامح : اضغط هنا 
رواية اختي في ورطة كاملة - رواية اختي في ورطة البارت الاول -- رواية اختي في ورطة البارت الثاني - رواية أختي في ورطة للتحميل - رواية أختي في ورطة كاملة - رواية أختي في ورطة مكتوبة - بقلم كوكي سامح - للكاتبة كوكي سامح
تحميل رواية أنا واختي في ورطة كاملة pdf - بقلم كوكي سامح


تحميل رواية أختي في ورطة كاملة pdf للكاتبة كوكي سامح

لتحميل رواية أختي في ورطة pdf اضغط على : DOWNLOAD
اترك تعليق كي تظهر لك باقي حلقات الرواية كاملة

رواية أختي في ورطة مكتوبة كاملة

شوفتها لما مسكت فستانها وقامت من على الكوشه وملهوفه وبتتلفت شمال ويمين ولمحت نظرات عينيها وشوفت منظر غريب. القاعه مليانه بالمعازيم والكل فرحان. وفى وسط الفرحه

.. شوفت محمد اخو خطيب اختى بيشاور لها وخرج بره القاعه ولقيتها خرجت وراه وانا فى وسط الزحمه جريت وخرجت وراهم ولقيت محمد واقف عند الحمام وأسماء واقفه معاه وهى ملهوفه اوى وكان شكلها مش طبيعى قولت يمكن فى حاجه وفجأه لقيتها مسكت ايده وهو كان باين عليه بيزعق وانا مش سامعه حاجه قربت منهم علشان اعرف بيقولوا ايه لمحت بعينى ماما جايه جريت قبل ما تشوفنى علشان متاخدش بالها من أسماء ومحمد ودخلت القاعه وقعد ومكنتش قادره اتنفس وعامر العريس مشغول مع اصحابه وكل ده وأسماء بره وانا هتجنن وعاوزه اعرف فى ايه؟! وعدى ربع ساعه وأسماء لسه بره القاعه.


= ولقيت بابا بيسألنى هى فين اختك يا آثار بصراحه حسيت انى اتسمرت مكانى ولسانى اتشل مش عارفه ارد اققول ايه بس لقيت نفسى بقولوا فالحمام رد وقالى يلا روحى هاتيها علشان نفتح البوفيه رديت وقولت حاضر. لقيت نفسى مش حاسه بحد وعاوزه اختى بأى طريقه وخرجت بره القاعه وروحت لحد الحمام بس ملقتش حد اتجننت جريت على بره وسألت الأمن وقولت انت شوفت عروسه خرجت بره المكان رد وقال لا بس انا لسه جاى أسألى الأمن اللى قبل منى ولقيت نفسى قعدت وفضلت افكر اسماء راحت فين؟ وسرحت وافتكرت حاجه ومكنتش واخده بالى منها قبل الخطوبه بيومين كنت نايمه وأسماء عارفه ان نومى تقيل وكانت بتتكلم فالفون وانا قلقت وسمعتها بتقول انا كده هفضح أهلى بس انا مخدتش فى بالى وقولت يمكن بتكلم ع حد وخصوصا ان كنت لسه صاحيه مش مركزه ولما قومت علشان ادخل الحمام قفلت السكه وانا نسيت الموضوع.. معقول يكون اللى فى بالى هى فعلا اسماء اكبر منى بس طايشه ومش شايله هم حاجه كل اللى يهمها مصلحتها وبس! 🙃 بس اكيد مش هتعمل كده؟؟!
الأمن : اتفضلى حضرتك اققعدى هنا كلها 10 دقايق ومصطفى هيكون موجود
أثار : مصطفى مين
الأمن : حضرتك الأمن اللى كان موجود قبل منى يمكن يفيدك بحاجه انا اتصلت بيه وقالى انه هيرجع من الطريق
آثار : بجد شكرا ليك
الأمن : لا شكر ع واجب بس ممكن سؤال
آثار : اتفضل
الأمن : هو فى ايه هو مصطفى سرق حاجه
آثار : لا طبعا وبعدين انا سألتك على العروسه يعنى اكيد هسأله عليها
الأمن : هى العروسه راحت فين
آثار : معرفش وقالت فى سرها شكلك راجل رغاى اوى ممكن تتدخل القاعه وتعمل اللى هقولك عليه
الأمن : اتفضلى يا انسه
آثار : عاوزاك تشوف الفرح شغال والدنيا حلوه
الأمن : حاضر.
وفعلا الأمن راح واول لما دخل القاعه كانت مامت آثار واقفه وقالت انت الأمن لو سمحت انا عاوزه الحمام والامن اخدها علشان يعرفها طريق الحمام ولما خرجت شافت آثار قاعده وراحت وقالت لها مالك قاعده ليه كده وبعدين انتى بقالك اكتر من ساعه علشان تنادى اسماء من الحمام رددت وقالت لا يا ماما هى بس فالحمام وبتظبط الميك اب
.. ساعه يا بنتى والله معرفش بنات ايه اليومين دول ده احنا مكناش بنات
.. اثار قالت فى سرها اومال لو عرفتى اللى انا مش قادره اققولوا
.. آثار آثار
.. نعم يا ماما تصورى يا ماما اليوم النهارده مش مظبوط ده حتى فستان اسماء اتقطع وانا كنت بحاول اظبطه رددت الام وقالت الفستان ولا الميك اب المهم عقبالك يا حبيبتى لما اشوفك احلى عروسه ربنا يريح بالك
.. آثار حضنت امها وقالت يااه يا ماما وياااه على قساوه قلبك يا اسماء معقول تكونى؟؟؟
الام : والله يا بنتى مش عارفه كنت عاوزه ايه بس المهم انا عاوزه حاجه ساقعه زياده المعازيم كتير واهلنا كلهم جوه واختك لسه فالحمام بتظبط الميك اب عقبال دخلتها علشان قلبى يرتاح..
.. ماما ادخلى انتى وانا عشر دقايق وهكون جوه والام دخلت القاعه
أثار : انا هتجنن بس لازم اتصرف مفيش غير عامر
وآثار مسكت فونها وفضلت ترن على عامر وطبعا مسمعش من الدوشه ولمحت بعينيها بنت عمها تقوى وقالت يا تقوى يا تقوى..
.. ايه ده ايه اللى مقعدك هنا يا آثار فى حاجه
آثار : فى مصيبه انا مش لاقيه اسماء
.. بجد شكلك بتهزرى قولتلها والله مش بهزر انا بجد مش لاقياها رددت وقالت شوفيها فالحمام فى اى مكان قولتلها قلبت المكان كله ملهاش آثر رددت عليه وقالت يادى الفضيحه لاقيت نفسى بقولها فى ايه يا تقوى فضيحه ايه بدل ما تحلى معايا المشكله تقولى فضيحه يلا ادخلى القاعه ومتجبيش سيره وفعلا تقوى دخلت القاعه وانا فضلت استنى الأمن لحد ما عدا ربع ساعه وخلاص لا مفر لازم ادخل اشوف جوه فى ايه وجريت ودخلت القاعه وقولت للامن لما مصطفى يوصل خليه يكلمنى ع الرقم ده؟
.. ودخلت القاعه ولقيت ماما قاعده جمب بابا ووشها مخطوف وحسيت انها عارفه حاجه ودخلت قعدت جمبهم وفجأه عامر قال يلا هنفتح البوفيه وبص عالكوشه وقال فين العروسه والكل ابتدى يسأل وحصلت حاله من التوتر وعامر بقى يتصل بمحمد اخو ومش بيرد وانا خايفه اتكلم واسيئ الظن وحسيت كأن لسانى اتشل وسديت ودانى لأنى مش سامعه غير كلمه واحده العروسه فين وغير اللى بسمعهم يقولوا هو فرح ولا فضيحه..
وفجأه كل المعازيم سكتوا وعامر وقف وقالى اختك فين ولسه هتكلم لقيت مصطفى الأمن دخل القاعه وجريت عليه وسألته قدام الكل فى عروسه خرجت بره القاعه انت شوفتها رد وقالى وهو شكله عارف حاجه وقال اللى مكنتش اتخيله...

رواية اختي في ورطة الحلقة الثالثة 

لتحميل الرواية كاملة pdf ستجد الرابط في أعلى المقال
.. ولما سألت مصطفى الأمن وقولت انت شوفت عروسه خرجت بره رد وقالى ايوه كان فى عروسه وانا بطبع شغلتى بتبقى عينى فى كل مكان. شوفتها وكانت لابسه الفستان وسايبه شعرها وتاج لقيت نفسى بقولوا انت شوفتها يعنى رد وقال اه قولت لبنت عمى تقوى طلعى من على فونك فيديو الزفه وفعلا طلعته وخدت الفون منها وقولت لمصطفى هى دى رد وقال ايوه انا شوفتها دخلت الحمام وخرجت بهدوم تانيه خالص ووقفت بره على البوابه ولقيت اتنين شباب خرجوا من القاعه وفضلوا يتكلموا مع بعض
.. متعرفش قالوا ايه يا مصطفى
.. لا والله يا انسه
.. متأكد لأن الموضوع كبير ارجوك افتكر رد وقال اه افتكرت واحد فيهم وقف تاكسى وهى بتركب اتخبطت راح قالها حاسبى على اللى فى بطنك وركبت بس الشاب التانى مشى مركبش معاهم
.. متأكد من كلامك يا مصطفى
.. ايوه يا أنسه هكدب ليه بس انا بشوف حاجات كتير بس متخصنيش عن اذنك رد عامر وقال يادى الفضايح شوفت يا عمى بنتك جابت ليه العار خلاص انا اتفضحت وسط الناس واهلى كلهم وكمان الهانم حامل وبتستغفلنى والنهارده خطوبتنا منها لله رد الاب وقال وهو مقهور انا مش عارف حاجه ومش قادر استوعب رد عامر وقاله انت مربتش اسماء دى تربيه قذره
.. آثار قالت وهى متعصبه بقولك ايه اوعى تغلط فى ابويا انت فاهم ابويا ربانا احسن تربيه ولو كانت اسماء غلطت اخوك محمد هو اللى عمل كده وغلطه اكتر منها يوم ما خانك انت فاهم ضحك عليها
عامر : محمد لا بجد شكلك بتهزرى
آثار : انت مش ملاحظ انه مش موجود رد وقال اه بس ممكن يكون بيشترى حاجه راح طلع تليفونه واتصل ب محمد وكان التليفون مغلق وقال هاتى التليفون يا تقوى وطلع فيديو الزفه وقال للامن هو ده الشاب اللى كان معاها رد مصطفى الأمن وقال اه هو ده بس كان فى واحد تانى رد عامر وقال كفايه انك عرفت اخويا محمد ابن امى وابويا يا خساره 😭😭😭😭
... القاعه فضيت والمعازيم مشيوا وطبعا بعد الفضيحه وعامر مشى والأب والام وآثار واخوهم باسل مشيوا ولما خرجوا من القاعه كان محمد مشى والأب ركب عربيته وخد مراته وأولاده وفى الطريق الاب انهار ووقف عند الكورنيش ونزلوا من العربيه وفضلوا كلهم واقفين وفى حاله زهول
.. بابا اوعى تزعل من أسماء يمكن اللى عملته ده غلط بس اكيد لى مبرر بس صدقنى اكيد محمد ضحك عليها رد الاب وقال اختك حامل وامك معرفتش تربى رددت الام وقالت انا 😁🤔 انت اللى كنت مدلعها وكنت لما اشتكى منها تقولى دى الكبيره يعنى الدلع كله لحد ما فضحتنا طول عمرى بقولك شد عليهم وبحنيه وانت ولا فى بالك رددت آثار وقالت يلا نروح بيتنا علشان انا اتخانقت
باسل: هى بجد اختى هربت مع محمد اخو خطيبها وحامل منه رددت آثار وقالت بحزن ايوه ده الواقع دلوقتى ولازم نواجهه مشكلتنا رد الاب وقال دى فضيحه احنا لازم نعزل ومنعرفش حد تانى لأن خلاص محدش هيعرفنا تانى بقينا منبوذين رددت آثار وقالت اللى يريحك يا بابا
.. وآثار قالت فى سرها يا ترى مين الشاب اللى كان معاهم وعارف حقيقتهم الوسخه الخاين والخاينه اختى قدوتى😭 دى كمان حامل واكيد الشاب ده عارف مكانها يا حبيبى يا بابا ربنا يصبرك ويخفف عنا الوجع

رواية اختي في ورطة الحلقة الرابعة 

يُمكنك تحميل الرواية كاملة pdf من الرابط في أعلى المقال.
.. وركبوا العربيه ومشيوا واول ما دخلوا البيت تليفون آثار رن رددت آثار وقالت مين اسماء انتى فين كلنا هنموت عليكى
.. رددت اسماء وقالت قولى لماما وبابا انى بحب محمد وهنتجوز لقيت نفسى بقولها انتى حامل بجد رددت وقالت اه حامل من محمد وعامر ده انا من اول مره شوفته فيها مش طايقاه بس محمد بقى حاجه تانيه راجل فى نفسه مش عامر الطرطور بتاع امه
آثار : حرام عليكى انتى دمرتينا كلنا وبابا وماما اتفضحوا حرام عليكى انتى مش خايفه حتى على سمعتى
اسماء : سمعتك زى الفل المهم قولى لبابا انى هتجوز ومش عاوزه اعرفكم تانى
الاب : هاتى التليفون وقال يا كلبه يا جبانه انا فعلا معرفتش اربى رددت وقالت اوف هتوجع دماغى يلا من غير سلام وقفلت فى وشه والأب انهار وفجأه وقع واغمى عليه وكان تعبان اوى وآثار ملقتش قدمها غير عامر وكلمته وهو متأخرش عليهم وطلب إسعاف وعقبال ما وصل كانت الإسعاف اخدت بابا آثار والدكتور قال دى ذبحه صدريه وحالته سيئه والام انهارت وفضلت تفتكر اسماء وتعيط وقالت فى سرها طول عمرها تشتمنى وتهزقنى وتقول بهزر يا ست الكل لحد ما عملت المصيبه وفضحتنا وكمان حامل وبتستغفلنا
عامر : متقلقيش يا طنط عمى هيكون كويس رددت وقالت كله بسبب اخوك يلا أمشى من هنا انا مش عارفه آثار كلمتك ليه مش كفايه محمد اخوك ضحك ع بنتى رد وقال كلنا فى مركب واحده بنتك خاينه واخويا زيها.
.. خرج الدكتور وقال البقاء لله يا جماعه
.. الام وآثار وعامر مصدقوش نفسهم وآثار انهارت والام.
.. وبعد مرور كام ساعه الاب ادفن وخدوه دفنوه فى بلدهم وكان عامر معاهم لحد ما خلصوا مراسم الدفن والعزاء..
.. تليفون آثار رن وكانت اسماء ورددت وقالت بحزن بابا مات مات وبسببك رددت عليها اسماء وقالت ههه ما يموت بالسلامه انتى زعلانه عليه ولا ايه
.. اسكتى يا كلبه انتى بجد مش بنى ادمه
.. ليه علشان بقول الحق اااه بابا اللى كان على طول بيضرب ماما ويشتمها بأوسخ الشتايم لما عقدنا فى عيشتنا وخلينى قبلت اول عريس ليه علشان اهرب من البيت ده بس لقيت محمد حنيه الدنيا فى وعموما كفايه تمثيل لأنك زى بالظبط 😭 متعقده من أب طول عمره يشتم ماما ويهنيها لحد ما كبر وعجز واتعدل بس عمرى ما نسيت غباوته عليها مهما كان حنين علينا المهم فكك النهارده كتبت كتابى وياريت تنسونى سلام يا ممثله اصل انتى غيرى عايشه دور الطاهره الطيبه بس من جواكى مكلكعه وقولى رساله لخطيبى سابقا الدكتور عامر قوليلوا اتنيل على خبيتك 😂 سلام.
اثار : منك لله منك لله يا حبيبى يا بابا
عامر : فى ايه يا آثار
.. مفيش يا عامر انا تعبانه شويه ولازم نروح عاوزه اروح بيتنا مرحبا فعلا اخدهم وراح وصلهم لحد البيت
.. وبعد مرور اسبوعين بعد وفاه الاب عامر ابتدى يتكلم فون مع آثار وكانوا متفاهمين جدا وحصل بينهم إعجاب وبعد شهور اتطور لحب وطلب ايدها واتخطبوا..
.. تليفون اسماء رن نعم يا محمد اقسم بالله مش هقبل أعذار رد وقال انا اسف مش هضربك تانى صدقينى رددت وقالت انا كنت بكرهه بابا علشان كده وانت أكد المعلومه دى انك زيه دى وعودك ليه 😭 رد وقالها انا بجد اسف رددت وقالت تعالى وقفلت معاه وكانت ولدت وخلفت بنت وقامت من على السرير وقالت ايه الغلب ده انا مشيت من بيت أهلى علشان اتهان هنا وجسمى يزرق بالمنظر ده كل يوم ضرب وقرف وكمان فقر
.. البنت ذات الشهرين بتعيط راحت اسماء، مسكتها بقوه وقالت اكيد جعانه وانا مش قادره ارضعك اصلا انا لازم ارضعك صناعى واخلص من صوتك المزعج ده انا كرهتك من ابوكى كان يوم اسود يوم ما هربت معاه
.. جرس الباب رن وكان محمد واول ما دخل ومن غير نقاش اسماء قالت انا عاوزه ارضع البنت صناعى انا زهقت
.. رد وقال انتى كل يوم فى حوار جديد الله يخرب بيتك انا اللى زهقت منك ومن قرفك ردد وقالت كان يوم اسود يوم ما عرفتك وقام محمد ونزل ضرب فى اسماء..
.. وبعد مرور شهرين عامر فتح عياده جديده وبعد فتره اشترى مستشفى وبقى اكبر دكتور اطفال وحالته الماديه اتحسنت جدا واشترى ڤيلا لآثار وفى اكبر قاعه فالبلد تم حفل زفافهم...
.. آثار : انتى عوضتنى عن كل حاجه كفايه حنيتك عليه
عامر : عارفه اللى حصل ده اثبت ان ده من تدابير ربنا رددت وقالت ارجوك متفكرنيش بيهم دول خاينين اذا كان اختى او اخوك رد وقالها اسف بس انا فرحان ومسك تليفونه واخد سلفى لى هو وأسماء وكتب اجمل يوم فى حياتى مراتى حبيبتى ووش الخير عليه ♥️ ونزلها على الفيس😍
.. اسماء مسكت تليفونها وفتحت الفيس وشافت الصوره السيلفى وقالت ايه ده معقول عامر اتجوز آثار وايه العز ده كله وانا معرفش وكمان ڤيلا الله الله ايه ده كله🙄 وانا اللى عايشه فى فقر وضرب وقرف 😁 بس ده كان هيبقى جوزى وده حقى انا ومش هسيب حقى وهخربها عليكى يا آثار وهاخد جوزى منك......
يتبع..

رواية أختي في ورطة الحلقة الخامسة 

رابط تحميل الحلقة في أعلى المقال 
.. وأسماء قالت كل العز ده يا آثار بس ده حقى وعامر كان هيبقى جوزى وانا مش هسيب حقى وهخربها..
.. وقالت بس ازاى هكلم آثار بعد اللى عملته لازم افكر كويس وكمان لازم اقنع محمد ان هعمل لمصلحتنا علشان لو عرف غير كده هيخرب الدنيا لازم افكر كويس عموما انا لازم احكى لمحمد على العز اللى عايشين فيه واحنا على قدنا كان يوم اسود يوم ما اتجوزته مش كفايه الضرب والاهانه لأ وكمان فقر كويس ان شهد نايمه لما اقوم اللبس قميص نوم واعمل ميك اب علشان لما يرجع ارسم عليه الحب والحنيه هيجيب معاه انا من سنه معملتش كده طفى ورده شبابى الله يحرقه😂 وقامت دخلت الحمام خدت شاور ودخلت اوضه نومها ولبست قميص نوم وعملت ميك اب وقامت حضرت عشاء رومانسى..
.. باب الشقه اتفتح وكان محمد لسه راجع
.. حبيبى وصلت انا مستنياك من بدرى بس كويس يلا ادخل غير هدومك انا محضره عشا بسيط حاجه على القد كده لو بإيدى كنت عملتلك ديك رومى.
.. هو انتى اسماء مراتى
.. اه انت بتهزر يا محمد صح
.. بس انتى حلوه اوى النهارده بقالى فتره مش بشوفك كده خالص
.. عجبتك صح
.. انتى قمر من يومك هو انا وقعنى فيكى غير جمالك ده وحضن اسماء اوى وضمها على صدره
.. يلا بقى يا حبيبى ادخل غير هدومك واوعدك هنقضى النهارده أجمل ليله فى حياتنا
.. حاضر يا حبيبتى.. وفعلا محمد دخل غير هدومه وشاف شهد بنته نايمه باسها وخرج وكانت اسماء محضره السفره وقعدوا وابتدوا ياكلوا
... عامر هو انت نزلت صورتنا على الفيس رد وقال ايوه يا حبيبتى حلوه صح رددت قالت انا بس بخاف من العين والحسد بس عاوزه اتكلم معاك فى موضوع ان شاء الله بكره هروح عند ماما يا حبيبى وعاوزه اخليها تيجى تقعد معانا هنا شويه الضغط عالى عليها وبدوخ ولو استأذنك كمان باسل انت عارف ان ملهمش حد غيرى بجد اسفه بس دول أهلى او ممكن اققعد معاهم اسبوع لحد ما ماما تبقى كويسه رد وقال البيت بيتهم يا حته من قلبى انا مقدرش استغنى عنك ♥️
اسماء : عجبك الاكل يا حبيبى بس معلش هو أكل على قدنا بس طول ما انا جمبك بالدنيا وما فيها مش صح ولا عندك رأى تانى 😂 رد وقال ياه يا حبيبتى لو تفضلى كده على طول ضحكت وقالت إن شاء الله انا عرفت غلطتى وانى بزعلك منى دايما بس مش هتكرر ان شاء الله وقام من على السفره وأسماء قامت ومحمد حضنها ودخلوا اوضه نومهم ونامت على السرير ومحمد نام فى حضنها وراح قالها حتى العلاقه دى حسك فيها متغيره عندك رغبه غير كل مره دى ساعات كانت بتكون غصب بس ده من حبى فيكى رددت وقالت انت حبيبى ونور عينى ونامت فى حضنه وقالت فى سرها لازم اعمل كده علشان حبيبى عامر هو حقى انا مش حقك يا ست آثار

رواية أحتي في ورطة الحلقة السادسة 

رابط تحميل الحلقة pdf في اعلى المقال. 

.. واليوم ده كانت اسماء زى القمر ومحمد كان فرحان بيها اوى وبعد ما قضوا وقت ممتع ما بينهم محمد راح فالنوم وهى قامت فتحت الفيس وفضلت تشوف صفحه أثار وعامر وبتتحسر على العز اللى بقوا فيه وفضلت تكلم نفسها وتقول ايه اللى خلانى اهرب مع البنى آدم ده انا بجد كرهته من قله أدبه وكمان فقير وانسان سلبى ده حتى مش بيحاول يشوف شغلانه تانيه يساعد بيها كل اللى عاوزه الحب والسرير لو مفيش يعكنن عليه ويضربنى لما كرهنى فى عيشتى وبصت لصوره آثار اوى وقالت والله واتكتبلك العز اه ما ليكى حق ماما راضيه عليكى إنما أنا لا، ياريتنى كنت اتجوزت عامر بس مش هسيبه وهاخده وهعيش فالعز ده إنما انتى يا آثار لازم تتطلعى من حياته بس لازم اقول لمحمد الأول.. انا هنام وبكره لما اصحى هكلمه.. وفعلا اسماء نامت وراحت فالنوم
.. وفى صباح اليوم التالى اسماء صحيت بدرى وقامت حضرت الفطار ورضعت شهد ودخلت علشان تصحى محمد وقعدت على السرير ولعبت فى شعره وقام وهو مبسوط ومش مصدق نفسه من تغير معامله اسماء وقال صباح الفل يا حبيبتى 😍 رددت وقالت صباح الهنا يلا قوم اغسل وشك انا حضرت فطار هيعجبك..
... ياه بجد تسلم ايدك يا حبيبتي ❤️ وفعلا قام وغسل وشه وخرج بره الاوضه وصبح على شهد وقعد على السفره وكان مبسوط اوى
.. حبيبى الفطار عجبك كل بألف هنا
.. منحرمش منك يا قلبى
.. وأسماء قالت فى سرها لازم اتكلم علشان نخلص
.. اسكت امبارح كنت قاعده على الفيس وعرفت خبر وكان مفجأه
.. خير يا روحى
.. اااااااثار وعامر اتجوزوا من فتره ويااه على العز اللى بقوا فى وكمان ڤيلا ومستشفى وعربيات وعيشه كل ده فى سنتين بس رد وقال وعندهم ولاد قالت لا هما لسه متجوزين مش من كتير بس اللى شوفته هما الاتنين بس رد وقال طول عمره شاطر وطموح😁 إنما أنا كان بابا بيقولى يا فاشل مع انى كنت بحاول بس هعمل ايه بس 😁
.. فى فكره عاوزه اتكلم معاك فيها هتسمعنى ولا هتضايق
.. فكره ايه ؟ قووولى
.. لازم يكون معانا فلوس زيهم
.. ازاى بقى ؟
.. انا هقولك. انا هروح لأثار واستعطفها وهى مش هتبخل عليه رد وقال لا بلاش عامر شايل ومنعرفش النفوس فيها ايه رددت وقالت هو دكتور أطفال وانت عارف شهد عندها ازمتكس هروح بحجه ان هكشف عليها رد وقال انتى بتتكلمى جد قالت اومال بكدب عاوزين فلوس وهما معاهم رد وقال لا بلاش انا مش عاوز مشاكل رددت وقالت خلاص انا مش هروح لعامر انا هروح لأثار وهقولك هعمل ايه بس انت عليك توافق وتساعدنى لا اكتر ولا اققل رد وقال موافق اهو ينوبنا من الحب جانب وأسماء قالت فى سرها وكمان طلعت مش راجل لو كنت رفضت يمكن كنت هقول ده راجل إنما طلعت خيخه وحتى مش غيران عليه بس انا هشوف مصلحتى وهاخدك سكه وهسيبك
.. مالك يا اسماء سرحانه فى ايه رددت وقالت سرحانه فى خطتنا ويارب تنجح
.. طيب عاوز اعرف تفاصيل الخطه.
.. اصبر على رزقك هات التليفون ومسكت فونها واتصلت بأمها واول لما رددت قالت الحقينى يا ماما انا محتاجه ليكى بس الام قفلت فى وشها راحت اتصلت بأثار واول ما رددت قالت ارجوكى اسمعينى وكانت اسماء بتعيط وبتمثل انها منهاره وقالت وهى بتشهق من كتر العياط انا انا انا عاوزه اشوفك يا اختى يا حبيبتى انا مليش غيرك رددت آثار وقالت مالك يا بنتى فى ايه بالظبط رددت وقالت عاوزه اشوفك فى اى كافيه بس أثار قالت مش هقدر اروح كافيهات دلوقتى انا تعبانه وعندى برد وارجوكى اتكلمى انا مش عاوزه مشاكل مع جوزى رددت وقالت معقول انتى اتجوزتى بجد رددت وقالت ايوه انجزى وقولى رددت وقالت انا من ساعه ما ولدت بنتى وانا تعبانه وجسمى نزل اوى وكنت شاكه ان عندى كانسر ولو حتى طلع عندى كنت هقول ذنب إللى عملته فى بابا وفيكوا بس لما كشفت طلع معنديش رددت آثار وهى قلبها مقبوض على اختها وقالت فى سرها الحمد لله وطبعا متعرفش انها بتمثل عليها وقالت وبعدين يا اسماء رددت وقالت بس اختك فى ورطه يا آثار وهدمر مستقبلى كله وحياتى الحقينى وقفلت السكه..
اثار : اختى فى ورطه يا ترى فى ايه..
يتبع..
هل اعجبك الموضوع :

تعليقات

3 تعليقات
إرسال تعليق
  1. الردود
    1. مبسوطين إن اختياراتنا في الروايات إللي بنعرضها على مدونة يوتوبيا بتعجبك، تحبي تقري ايه تاني على يوتوبيا؟

      حذف
  2. روايه جميله وشيقه

    ردحذف

إرسال تعليق