رواية وعد كاملة بقلم أحمد عبدالله

رواية وعد كاملة بقلم أحمد عبدالله

لقراءة باقي روايات الكاتب أحمد عبدالله : اضغط هنا

رواية وعد كاملة بقلم أحمد عبدالله

رواية وعد الحلقة الأولى 1 كاملة بقلم أحمد عبدالله 

" أصعب شيء في حياتنا غدر الاهل ، وطعنهم لنا. ولا خير في خلٍ يخون خليله ويلقاه من بعد المودة بالجفا "

.

" وعد ؛ و ما ادراك ما وعد "

( بنت في احدى مستشفيات الامراض العقلية )

.

أحمد : قبل سنة و اول يوم لي في هذه المستشفي و وسط كل الحالات المريضة نفسيآ لفتت نضري بنت اسمها ✨ وعد ✨ بنت ذات عيون لونها متل لون السماء ، ذات شعر حريري ، بيضة كالبن ، تأملت في عيونها لاكتشف حزن عميق و جرح كبير داخلها ، حاولت ان أبتسم لها

و لكن نضراتها كان كلها صدمة و حزن ،، يوم و راء يوم و انا احاول التقرب منها و اتمني ان تفتح قلبها لي ، و لكن كانت تبتعد عني ،، أتمني ان تتحدث ولو بكلمة واحدة لي "

" وعد ستكون مشروع كبير و مغامرة في مهنتي " من اقوال دكتور أحمد الجويلدي في كتابه

.

( بعد الكلام هذا بدي دكتور أحمد يدور في اوراق حالة وعد و لقي انها ليس لها علاقة بلمرض النفسي ابدا و تأكد اكتر لما سمع كلمة المديرة لما قالتله الحالة هادي فوتها ، لكن شغفه كان كبير و حاول بكل الطرق ان يوصل ليها و يكلمها و للاسف للان وعد رافضة )

.

📍 مستشفي الرازي ، قسم النساء ، عنبر 6

ممرضة : وعد ، هيا وقت الاستراحة

وعد : ( طلعت من العنبر للجردينة و قعمزت و قدامي كان الدكتور يلي كل يوم يشوف و يتأمل فيا ، خاطري نعرف شن يبي مني ، خايفة نتكلم معاه ، معش عندي تقة في حد في المكان هذا )

( نضت من قدامه و خشيت لمطعم المستشفي )

مريم : وعد تعالي يا وعد

وعد : 👁👁😊

( قربت علي مريم و قعمزت في جنبها )

مريم :خيرك وعد فيه شي

وعد : ( شفتلها و قمت صبعي علي الدكتور و هو مقعمز في الجردينة )

مريم : خيره دكتور أحمد معاك

وعد : ( درت حركة بأيدي علي فمي بمعني انه حابب يتكلم معاي )

مريم : هو حابب يتكلم معاك

وعد : ( هزيت راسي بمعني ايه )

مريم : عادي تكلمي معاه

وعد : ( درت إشارة بصبعي بمعني لا )

مريم ؛ ليش يا وعد ، وعد حبيبتي دكتور أحمد مرات يقدر يساعدك ، تكلمي معاه يا وعد و احكي معاه و رح يلقالك حل ، ما تخافيش

وعد : ( شفتلها بخوف )

مريم : عارفة حبيبتي انك خايفة بس مش كل يلي في المستشفي زي بعض و دكتور أحمد انسان كويس و يساعد في هلبا حالات ،

وعد : ( نزلت راسي )

مريم : وعد اني حاسة بيك ، و عارفة انك خايفة و عارفة شن يصير ليك في المستشفي هادي و عارفة ان المديرة تضرب فيك بلكهرباء ، بس جربي تكلمي معاه ، و رد بالك تصدقي انك بكوشة او ما تعرفيش تتكلمي ، اني سامعة صوتك اول ما جيتي قبل 15 سنين ، فا حاولي انك تتكلمي معاه

.

( مريم : ممرضة في المستشفي ، و اقرب وحدة لوعد )

وعد : ( فكرت في كلام مريم و قلت نجرب و مش رح نخسر شي )

✨ و في يوم ✨

( طلعت الصبح من الدار للجردينة و اني نفطر و هو قدامي اشرتله بأيدي )

( ناض دكتور احمد يجري و قعمز بحداها )

( قعدت نشوفله و يشوفلي )

احمد : اشرتي بأيدك يعني بتتكلمي

وعد : 👁👁

احمد ؛ اني و اللهي نبي نساعدك

وعد : ( وخرت السفرة من ايدي و شديت ايده و نضت )

( رفعته و قعمزت اني و ياه في اخر كرسي في الجردينة متع المستشفي )

أحمد : توا بتتكلمي ، تكلمي حتي بلاشارة اني نفهم

وعد : شفتله و قلت ✨ انا ✨

أحمد : ( شافلي بصدمة ) انتي تتكلمي

وعد : 👁👁

( شد ايدي ) حي هذا صوتك

وعد ( نضت )

( شد ايدي )

أحمد : خلاص خلاص اخر مرة ، تكلمي نسمع فيك

وعد : 👁👁

( رجعت قعمزت )

وعد : تجي معاي للغرفة متعي

أحمد : 😳 به وينها الغرفة

( شديت ايده )

( رفعته معاي ) ( دخلته للدار )

.

🔥 ادارة المستشفي 🔥

مروة ؛ يا دكتورة يا دكتورة

نوال : شن فيه

مروة : دكتور أحمد خش مع وعد لدارها

نوال : شني و ليش

مروة : مش عارفة بس هو ليه فترة حاطها في راسه

نوال : هذا يبي يخربلي بيتي و يلعب مع بنت بيت المال

.

وعد : ( دخلته و قعمزته في الدار و اعطيته صور )

أحمد : 👁👁 هذه صور اني نبي نسمع منك انتي القصة

وعد : ( شفتله ) و شن ضمنك اني عاقلة و كل يلي نقوله حقيقة

أحمد : أني متاكد انك عاقلة

.

وعد : ( بديت نحكي )

✨ الرجوع الي الماضي ✨

( عيلة بيت المال ، جلال بيت المال اكبر تاجر خيول في ليبيا ، ربي ما رزقاش الا ببنت و سماها وعد ، جلال عنده اخ اسمه ( علي ) عنده 3 ولاد و بنت ، و للاسف معتمد علي جلال في كل شي )

( حفلة كبيرة في قصر بيت المال ، نساء و رجال )

( بوي كل فترة و فترة لازم يدير عزومة ، بس المرة هادي كانت مختلفة ، حب بوي ان يقسم الورث بما انه الله ما رزقاش بولاد ، و قرر ان يكتب 70 ‎%‎ من املاكه ليا ، و 30‎%‎ لعمي ، الليلة هادي ما مشتش علي خير ابدا و هيا يلي غيرت مجري حياتنا )

،

( مجمع الرجالة )

علي : شفت عمك الحمار

ياسر ( ولد علي ) : هذه إهانة ليك يا بوي

علي ؛ باهي شن بنقوله ، نقوله ما تكتبش الفلوس لبنتك و اعطيهملي اني ،

خيري : اني مقهور ، فلوسنا بتاخدهم بنت و تبدا تحكم فينا

علي : عمك هبل خلاص

.

( مجمع النساوين )

( في الصالة و نساوين العيلة كلها موجودة )

نهلة ( بنت علي ) : خلاص الموضوع انتهي ، الفلوس كلها مشت للحيوانة هادي و راجلها ، و خوتي ما حصلوا شي

نجوي ( مرت علي ) شوفيها القح،،ة خلاص عاد بتبدا تحكم فينا زي ما تبي

( نزلت من الدروج و اعطيت ولدي ( انس ) للشغالة و قعمزت )

وحدة من المعزومات ؛ هذا ورث بوك و حافظي عليه يا وعد و رد بالك تبيعي الخيل ابدا

وعد : من غير ما توصي عمتي ، انا و عمي و ولاد عمي بأذن الله حنحافظوا عليه

نجوي : 😒

نهلة : 🙁

.

( مجمع الرجالة )

واحد من المعزومين ؛ شن خطر عليك يا جلال تقسم الورث من تو

جلال ( بو وعد ) : تعرف انت الدنيا فيها حياة و موت و الحق نبي نصفي دمتي و نعطي كل حد حقه ،

واحد من المعزومين : باين عليك تحب راجل بنتك

جلال : وليد راجل كويس و ينشد بيه الضهر

...

( انتهت الليلة )

( و بعد ما روحوا كل المعازيم و فضي الحوش قعد الا عمي علي و ولاده و قعدوا يستنوا في بوي لين سقد الناس و خش )

( اول ما خش شده عمي من ايده و دخله للمكتب و بديت نسمع في صوت الدوشة )

( انا و راجلي كنا في الدور التاني بس نشوفوا و نسمعوا من الدروج )

.

( في المكتب )

علي : انت هبلت يا جلال تكتب كل املاكك بأسم بنتك و راجلها ، حلال علي الغريب و حرام علي خوك ، ضحكت عليا كل الناس

جلال : ايه حرام عليك انت و ولادك و حلال عليه

علي : 👁👁🔥انت شن تقول

جلال : زي ما سمعت ، حلال علي الولد يلي صان بنتي ، حلال علي يلي ما خنبنيش ، حلال علي ما طعنيش من وراء ضهري ، حلال علي أمنته علي فلوسي و بنتي و صان الامانة ، و حرام فيك انت و ولادك ، انت عمرك ما كنت خوي يا علي ، انت عرفتني لما حسيت اني بنموت ، خنبتني و طعنت فيا من ضهري و خليت ولادك يغشوني وانت عارف ، لانك يا علي تعودت انك تاخد كل شي علي الجاهز ، اتكالي في كل شي ، انت كانك خوي راهو ما خليتش ولادك يخنبوا 4 خيول عندي قبل المسابقة بشهر

علي : قتلك مش ولادي

جلال : الكاميرا تكذب يا علي ، اني عطيتك 30 في المية من فلوسي يلي تعبت فيهم و شقيت ، و الباقي من حق بنتي و الراجل يلي وقف معاي

علي : هذا كلامك

جلال : الباب و معش نبي نشوف وجهك ، حقك و خديته و يوم عزاي تعالا خود العزي و بارك الله فيك

.

وعد : 👁👁 ( لما سمعت الكلام هذا عرفت ان بوي اعلن عليا الحرب مع عمي و ولاده ، و خفت علي راجلي و كرهت الفلوس )

،

( بعد الليلة هادي نزلت الصبح و قعدت ندهور مع بوي في اسطبل الخيل )

وعد : خيرك بابا

جلال : ما خيرني شي ، شوفي يا بنتي رد بالك تنسي وعد

وعد : وعد المهرة صح

جلال : ايه صح ، هدي مهرتك ، بأسمك و تعرفي غلاتها في قلبي

وعد : هذه في عيوني يا عيوني

جلال : ربي يحفظك يا بنتي و يبعد عليك كل شر يارب ،

( باسني في راسي )

جلال : نبيك تحافظي علي كل يلي بنيته يا وعد

وعد : من غير ما تقول يا بوي

جلال : وعد علمي انس الخيل

وعد : خيرك بابا حبيبي ، انت بأذن الله حتعلمه و يتربي علي ايدك

جلال : 😌 ان شاء الله يا بنتي ، اني زوجتك صغيرة عشان تبني اسرة و نموت و انا مرتاح . شفتي السرايا هذه يا بنتي

وعد : 👁👁 خيرها

جلال : هذه بنيتها طوبة طوبة ، نبيك تعيشي فيها انتي و عيالك و زوجك و ما تطلعيش منها الا و انتي ميتة

وعد : بابا فيك شي

جلال : اني نقولك و كلامي هذا خليه حلق في ودنك ، رد بالك تأمني لحد حتي لو كان من عيلتك ، لان الكل يا وعد يبي يهد يلي بنيته ، انتي رح تتصدي ليهم حتي لو بنت انتي ارجل منهم و قوتك بالله

.

( الكلام هذا ، كان زي وداع يقولي فيه بوي ، و من مش حاسة ، و في نفس هذا اليوم و الساعة 12 رنت الساعة يلي في وسط الحوش ، كان بوي عند يلي خالقه ، ترك ليا حرب انا و راجلي مع ناس ما فيش في قلبها رحمة ابدا ، ترك ليا فلوس و املاك و لكن خايفة منها ، خايفة من طمع الناس ، خايفة من عيونهم )

.

( درت عزاء و انطوت صفحة الحزن ، نضرة عمي و ولاده في عزاء بوي لراجلي للان في عيني ، نضرت مرت عمي و بنتها للان في عيني و في قلبي نقول " يارب سترك " )

.

( بدت خطة عمي في الانتقام و بدي يخطط هو و ولاده )

( و الخطة كانت ان ينقب قبر بوي و يبصمه ، وصلت بيه ان يطلع خوه من القبر )

.

أحمد : وكيف عرفتي

وعد : واحد قالي و شفت حتي القبر ، و للاسف لما قلتله اشهد معش لقيته

المهم و اتفق هو و وحدة من الشغالات انها تخنب الاوراق من عندي ، و فاجئني في يوم ان جايب مقاول و يساوم في اسطبل الخيل )

.

وعد : اهلا بيك يا عمي

علي : اهلين

وعد : شن فيه ان شاء الله خير

علي : لا شي غير جاي بنبيع الاسطبل و بنغيره باسبطل عادي خير من الغالي هذا

وعد : و علي ما اظن يا علي ان هذا مش من حقك

علي : انتي جاية تعلميني حقي و مش حقي ، هذا رزقي

وعد : رزقك عارفه و عارفينه كل الناس . برا اسأل

( مدلي ورقة )

علي : بوك كتبلي كل هذا بأسمي قبل ما يموت

وعد : امتا قبل ليلة المشكلة . عمي الاوراق عندي و كل شي موتق و الناس كلها عارفة ،

علي : اني قلت يلي عندي و قولي للغزال راجلك الشركات يلي مقعمز فيها و مربع ، يطلع خير ما نوريه الوجه التاني

.

( بعد ما سمعت الكلام هذا خديته بضحكة و إستهزاء و كلمت الامن متع الحديقة ان يلزهم )

.

( بدوا ولاد عمي يجوا للشركة و يقعمزوا فيها و يشوف فيهم راجلي و ساكت )

.

( و في يوم جي و جايب معاه الامن و هد عليا ، و بلفعل شدوني الشرطة و قالولي ان هذا رزق عمك و لما قدمت الاوراق قالولي مزورة و لما كلمت المحامي يلي كان شاهد ما لقيتاش و قالولي سافر و لما كلمت الشهود و الناس ما باش حد يوقف معاي ، بديت نحس بلخطر ، بديت نحس ان كل شي بدي يضيع مني ، خليتله كل شي و بديت ندور في محامين شاطرين و يلي سمع بيه تعاقد معاي يمشي يرشيه )

.

( و في يوم روحت و لقيت ولدي قعمز بروحه و راجلي للان ما روحش ، قلبي نقبض عليا حسيت ان فيه شي )

( قعدت 3 ايام و اني ندور و في الاخير مشيت لحوش عمي )

.

( طق الباب )

ياسر : مني

وعد : افتح

( فتح الباب )

( وقفت في الصالة و بديت نعيط )

وعد : يا علي راجلي وين ، راجلي وين ، وين رفعتوه

ياسر : انتي شن تقولي

خيري : هادي خيرها

نهلة : نقصي صوتك نقصي

علي : ( يكلم فيا من الدور التاني ) راجلك مش عندي اطلعي برا

نجوي : زي ما سمعتي برا

وعد : بنطلع لكن راجعة ، و حسابكم معاي بعدين

.

و انا طالعة وصلت للحوش وفجاء سمعت تليفون يرن و قالولي ان فيه حالة يبوك تتعرفي عليها ، وصلت للمستشفي و شفته ، شفت راجلي محروق ، ميت 💔 اللحظة هادي وقفت بيا الدنيا حسيت اني بروحي )

.

( راجلي دار عركة معاهم في الشركة و هو طالع دار حادت مع حافلة كبيرة و لما جي التحقيق قالولي ان الحافلة متعمدة الحادت و الجتة ليها 3 ايام في المستشفي )

.

( عرفت ان هما من داروا هكي و المرة الجاية اني ، مشيت طقيت علي كل حوش ، تنازلت لصغير و كبير نبيهم يشهودا معاي ، نبيهم يقولوا كلام بوي ، نبي حقي و حق ولدي و حق راجلي ، و للاسف ما فيش حد وقف معاي حتي من خولاي و خالتي ، حتي من صاحبتي )

،

( و في يوم و اني طالعة لقيت عمي راكب خيل بوي و و ولاد عمي مقعمزين في الارض ، دمي غلي ، مشيت نجري للمسدس و رفعته عليه. و حلفت اني بنقتله ، و طلقت عليه الرصاصة و للاسف جت في خيل ، شدوني و بلغوا فيا و قالوا اني قتلت بوي و زورت اوراق الاملاك و حاولت قتل عمي و شهدوا كل العيلة اني مريضة نفسية و غمضت عين فتحت عين لقيت روحي هني و هذا طبعا بمساعدة صاحب عمي يلي يشتغلوا في المستشفي )

( و للاسف لاني بنت و لاني ضعيفة كلوا حقي ، حتي الناس ما رحمتنيش ، حرموني من ولدي 15 سنة ، و قتلوا ولدي و اتهموني بأني مريضة ، و هذه قصتي )

.

أحمد : 👁👁🥺🔥 خيرك ما تكلمتيش قبل هكي

وعد : الانسان الطبيعي كان ضحك قالوا مهبول ، و كان بكي قالوا مختل و كان شكي قالوا كذاب و كان شكر قالوا مغرور ، فضلت السكون و خليتهم يقولوا ( معقدة )

أحمد : و ولدك

وعد : ولدي توا عمره 18 سنة ، خليته عمره 3 سنين ، مش عارفة هل حي او ميت هل شبعان او جعان ، هل في حوش او في الشارع ، اني نبيك تشوف ولدي ، تشوف هل هو كويس او لا ،

( شديت ايده )

وعد : ( نبكي بلعبرة ) اني معش نبي فلوس ، نبي ولدي نبي انس

،

أحمد : عندك عنوان حوشك

وعد : استنا

( نضت نجري جبتهوله )

وعد : هذا العنوان ، كان تبي تساعدني شوف انس و طمني عليه ، 💔

أحمد : انتي عاقلة و حنتبت انك عاقلة بلاوراق يلي عندي ، بس ما تقولي لحد حتي لمديرة المستشفي

وعد : ( هزت راسها بمعني حاضر )

.

( قرر الدكتور احمد بعد ما سمع كل هذا من وعد ان يكلم وزارة الصحة و يبعت كل اوراق وعد للجنة و قرر ان يمشي للقصر و يخش يهدرز عليهم و يقوللهم ان بنت عمكم صحيحة و رح تطلع من المستشفي قريب )

.

( وصل يتفاجئ بسراية كبيرة و خيل في كل مكان و شغالين و خدم )

( خش احمد للحوش و قعمز في وحدة من ديار القصر )

.

الخدامة : مدام نهالة الضيف في جلسة الضيوف

نهلة : حطيتي القهوة

الخدامة : نعم مدام

نهلة : ياسر طلع

الخدامة : نعم مدام هو و معتز باشا

نهلة : باشا 😂 تمام بري انتي توا

( نزلت نهلة و خشت للدكتور )

نهلة : السلام عليكم اهلا بيك

احمد : اهلا بيك

نهلة : تفضل قعمز

احمد : 😊

نهلة : تفضل خوي كيف نساعدك

أحمد : اني دكتور حالة وعد

نهلة : من وعد

أحمد : وعد بنت عمكم

نهلة : 👁👁🔥 ما عندناش بنت عم اسمها وعد

أحمد : يا هانم ، وعد حالتها كويسة و رح تجي ورقة خروجها من وزارة الصحة

نهلة : ترا جرب

أحمد : عفوا

نهلة : قتلك ترا جرب طلعها و شوف شن يصير فيك ، توا نتفاهم مع مديرة المستشفي الحقيرة فالحة غير تاخد في الفلوس ، و من توا نقولك وعد هادي ، فوتها ، انت تلعب بنار و حارم تخرب مستقبلك تفضل المقابلة انتهت

أحمد : بس

نهلة : قتلك انتهت

.

انس : السلام عليكم

احمد : 👁👁 ( شفت شاب ماشاء الله عضلات و جمال و شخصية )

نهلة : اهلا حبيبي انس كيف كان الخيل اليوم ، استاذ احمد ممكن تتفضل المقابلة انتهت

انس : مية مية أمي الغالية

احمد : 😳🔥............يتبع

دكتور أحمد مش رح يستسلم لين يطلع وعد ، شن قصة العيلة و من هما افراد الاسرة كاملة و هل عمها قاعد حي او لا و شن ممكن تدير مديرة المستشفي لوعد ، و هل حتطلع او لا ؟ و السوال اكبر ،،،،شن بدير بعد كل يلي سمعتوه ...

رواية وعد الحلقة الثانية 2 بقلم أحمد عبدالله 

نهلة : ترا جرب
أحمد : عفوا
نهلة : قتلك ترا جرب طلعها و شوف شن يصير فيك ، توا نتفاهم مع مديرة المستشفي الحقيرة فالحة غير تاخد في الفلوس ، و من توا نقولك وعد هادي ، فوتها ، انت تلعب بنار و حارم تخرب مستقبلك تفضل المقابلة انتهت
أحمد : بس
نهلة : قتلك انتهت
.
انس : السلام عليكم
احمد : 👁👁 ( شفت شاب ماشاء الله عضلات و جمال و شخصية )
نهلة : اهلا حبيبي انس كيف كان الخيل اليوم ، استاذ احمد ممكن تتفضل المقابلة انتهت
انس : مية مية أمي الغالية
احمد : 😳🔥
( طلعت من الدار و اني نشوف لانس و نتذكر في كلام وعد )
✨ يتذكر ✨
أحمد : و ولدك
وعد : ولدي توا عمره 18 سنة ، خليته عمره 3 سنين ، مش عارفة هل حي او ميت هل شبعان او جعان ، هل في حوش او في الشارع ، اني نبيك تشوف ولدي ، تشوف هل هو كويس او لا ،
( شديت ايده )
وعد : ( نبكي بلعبرة ) اني معش نبي فلوس ، نبي ولدي نبي انس
✨ الرجوع الي الواقع ✨
احمد : ( طلعت من الحوش )
.
انس : من هذا امي
نهلة : لالا واحد متع جمعية خيرية ، ما تخادش في بالك
انس : قتلك وين عمي الياس
نهلة : راقد فوق ، برا اركبله
انس : و ياسر
نهلة : ياسر و معتز في الشركة
انس : تمام نمشي لياسر
نهلة : تمام
( طلع من الحوش )
أحمد : ( قعدت نستني في انس و قلت لما يطلع عشان نصوره و نوريه لوعد )
( اول ما طلع انس من الحوش )
احمد : 👁👁📱📸
.
نهلة : يا امي يا امي ، انتي يا دراه يلي اسمك امي
نجوي : خيرك خيرك و انتي ديما بصوتك
نهلة : ديما بصوتي انتي و ولادك راقدين مرتاحين و المشاكل تجي لراسي
نجوي : شن فيه
نهلة : توا جاني ضيف ، قولي شن قالي
نجوي : شني
نهلة :وعد صحيحة و نبي نطلعها من المستشفي
نجوي : انتي هذا
نهلة : تي توا
نجوي : قصدك الموضوع هذا معصبك
نهلة : 🔥 لا مش من حقي نعصب عادي موضوع تافه ، انتم تبو تجلطوني
نجوي : ( نقصي صوتها ) كلمي صاحبة المستشفي و قوليلها و كلمي خوتك ، توا ياخد فلوس حلوات و يسكر فمه
نهلة : اني تعبت ومن قصة يلي ما تبيش تكمل هذه
.
نهلة 🥀
اصغر من وعد باربعة سنين ، وعد عمرها 35 سنة و هيا عمرها 31 ، واعرة و ما تحترم في حد ، ضعيفة بس ما هلبة ، قصيرة بس شرانية ، ملامحها حلوة بس قاسية و حواجبها مبحلقات ، و صوتها عالي ،،، من شدة غيرتها من وعد خدت ولدها بعد حبستها في المستشفي ،،، نهلة مطلقة و راجلها سافر ، و الان انس مسجل بأسمها و يعرف ان بوه مسافر و اسمه طه ،
...
🔥 مكتب المستشفي 🔥
نوال : الو يا هانم
نهلة : خليتي فيها هانم انتي ، شن قصة الدكتور يلي ماشي جاي عليا و وعد وعد وعد ، شن قصته
نوال : اي دكتور
نهلة : وين نندري علي امه ، شوفي رح نقولك كلمة وحدة ، تجنبي غضبي ، و رد بالك تستهوني بلموضوع ، لان و اللهي نقعدك من غدوا ، سلام
نوال : 😳
مروة : خيرك يا دكتورة
نوال : شفيته الحيوان ، مشي لحوشهم ، هذا يبي يخرب بيتي وينه وينه
( طلعت تجري من المكتب )
.
( اول ما طلع من القصر و صور انس ، اتجه للمستشفي و لوعد طول )
،
وعد : ( كنت مقعمزة في داري نرسم و فجاء نفتح الباب لقيته دكتور أحمد )
( اتجه عليا و شد ايدي و قالي )
أحمد : ولدك موجود يا وعد
وعد : 🥺 ( لما سمعت الكلمة هادي ، هان عليا 15 سنة من عمري في المكان هذا ، ارتحت و كان غمة تنحت من صدري ، توا اني راضية نقعد في المستشفي واني مرتاحة )
أحمد : استني نوريك صورته
( طلع التليفون و فتحه و مدلي الصورة )
وعد : 👁👁💔 هذا انس
أحمد : ايه يا وعد ، انس ولدك
وعد : 💔😭 راجل ، راجل ،
(حطيت ايدي علي الشاشة و بديت نمسح فيها )
وعد : ما شاء الله هذا ولدي
أحمد : عيونه زي عيونك يا وعد
وعد : عيونه ، ( بديت دموعي تنزل )
.
فجاء خشت علينا نوال
( دفت الباب بكل قوة )
نوال : سي البي مقعمز مع الحب و اني ناكل في الهزايب
أحمد : لما حد يخش يقول السلام عليكم يستأذن
نوال : اسفة المرة الجاية نجيب معاي زوز عصير برتقال و شجرة شن رايك ، تعالا نبيك ضروري
وعد : ( خليت التليفون عندي )
( طلع هو و ياها و بعد ما مشي تلفتتلي و قتلي )
نوال : حسابك انتي بعدين
وعد : ( مع ان عارفة شن بديرلي زي كل مرة ضرب و كهرباء بس صورة انس ما تنحتش من ايدي )
.
🔥 في شركة " بيت المال "
انس : هاي
السكرتيرة : هاي مسيو انس ،
انس : فيه حد موجود مع ياسر
السكرتيرة : مندوب شركة شوية و يطلع
انس : تمام نقعمز معاك نغير جو
السكرتيرة : 😂
.
( فتح باب المكتب )
ياسر : تمام ، الايميل عندك و ابعتلي صورة البضعة و يصير خير
المندوب : مع السلامة
ياسر : مع السلامة
( تلفت لقي انس مقعمز )
ياسر : انس ، تعالا خش
انس : نكملوا بعدين يا حلوة
السكرتيرة : 😂
.
(خش المكتب مع خاله )
ياسر : شن تبي سي البي
انس : خيرك برو
ياسر : اسمع فكنا من جو برو شن تبي
انس : كنت نبي 3000 جني
ياسر : شني ، ليش بتتزوج
انس : وراس بوك هذا وجه واحد بيتزوج
ياسر : امانا شني
انس : بنطلع اني و الياس نسهروا
ياسر : و اللهي ما يتحشم الياس ، هذا خالك راه ، الغلط كله من امي قلتلها ما تجيبيش امخر ، و جابت . قعد فرخ يلعب مع ولد اخته
انس : بتعطي و لا لا
ياسر : وين ماشين
انس : هات ودنك
.
ياسر : 😳😍 ايوه
انس : شفت و له ، تمشي معانا
ياسر : سكر فمك يا قليل الادب تقول لعمك هكي
انس : 😂 تي باهي باهي وين الفلوس
ياسر : برا السكرتيرة تعطيك
انس : نبيهم منك
ياسر : بتمشي و لا نغير رائي
انس : لالا خلاص ، هات بوسة ، تشاو
( و طلع )
ياسر : واخد قلة الادب مني 😊
.
طلع للسكرتيرة
السكرتيرة : هاذم الفلوس
انس : شن رايك تمشي معانا
السكرتيرة : 😂
.
( مكتب المستشفي )
نوال : انت شن قصتك يا دكتور أحمد مع وعد
احمد : يا دكتورة وعد سليمة
نوال : و انت شن دخلك سليمة او لا ، ما ليكش بيها علاقة ، فوتها
احمد : اني دكتور من حقي لما نشوف شخص مش مريض اني نطلعه
نوال : اني نحبك و نعزك يا دكتور احمد ، و ما نبيش نطلعك من المستشفي ، فوتها هذه بدات لا ، رح تخرب مستقبلك و مستقبل عيلتك و صغارك
احمد ؛ اني عرفت كل شي و مصر اني نطلعها
نوال : انت تبي تخرب بيتي ما ليناش بيها علاقة فوتها فوتها
احمد : دكتورة نوال ، ملف وعد عند لجنة وزارة الصحة و يوم او يومين رح تجي اللجنة تدير ليها امتحان و تشوف ردودها ،' انتهي الموضوع
( تلفت و طلع )
نوال : دكتور احمد ، دكتور احمد
.
نوال : مش قلت عاقلة و اللهي الا ما نخليها مهبولة 👁👁
.
( مشي لدار وعد )
( لقاها مقعمزة و شادة التليفون و تتفرج علي الصورة و تبكي )
أحمد : ( خدي منها التليفون ) راجعلك يا وعد ما تخافيش ، اني معاك و رح نطلعك ،،،
وعد : 🥺💔
أحمد : مريم خليك مع وعد
مريم :تمام دكتو.
.
( في جردينة القصر )
( طاولة و كراسي و الخيل يجري في كل مكان )
نهلة : اني خايفة من موضوع وعد هذا
نجوي : مش كلمتي مديرة المستشفي
نهلة : كلمتها لكن قاعدة مش مطمئنة ، نستني في ياسر و معتز لازم نقوللهم ،
نجوي : هو وين معتز
نهلة : اليوم جاية مرته من السفر ، اكيد جايبها و جاي ، الله يرحمك يا بوي كان قاعد حي كان ما رضاش بلمهزلة هادي
نجوي : اهو جي
نهلة : 👁👁
معتز : السلام عليكم
نهلة : و عليكم السلام 😒
اميرة : هاي عمتي
نجوي : اهلين بنتي
نهلة : كيف كانت سفرتك يا اميرة
اميرة : تجنن انا و بابا درنا جو كانت ناقصة معتز بس
نهلة : ( باستهزاء ) اممم كويس كويس
.
📍 الساعة 9 فليل 🔥
( دار الياس )
( الياس هو اصغر حد من ولاد علي ، و مع ان خال انس بس لانهم الاتنين صغار مولين زي الصحاب )
انس : هي شن وتيت روحك بروا
الياس : جبت الفلوس
انس : اهما
الياس : تمام مية مية
انس : مشكلة امي مرات ما تخلينيش نطلع
الياس : انت مع خالك عيب
انس : تمام 😊
.
( المستشفي )
نوال : يا حسين
حسين : نعم دكتورة
نوال : وتيلي حجرة الكهرباء
حسين : لميني
نوال : جيبلي وعد
حسين : حاضر
( طلع )
حسين : مريم
مريم : نعم
حسين : تعالي معاي نطلعوا وعد
مريم : 👁👁 لوين
حسين : لحجرة الكهرباء
مريم : 🤭 منقدرش حرام عليكم
نوال : مريم زي ما سمعتي
مريم : حاضر دكتورة 🥺
( خشت هيا و حسين عند وعد و هيا راقدة و ربطوا ايديها و رجليها )
وعد : اااااااااه اااااااااه لالالا لا
( دموع في عينها و وجهها احمر و ادف فيهم )
مريم : 🥺
( دخلوها للغرفة و طلعت تجري للحمام مريم )
( خشت للحمام )
مريم : دكتور احمد تعالا بسرعة وعد دخلتها نوال للكهرباء بسرعة
🔥 احمد في حوشه 🔥
أحمد : هاني جاي حالا
ليلي ( مرته ) : فيها حاجة حبيبي
احمد : حاجة في الشغل ضروري
ليلي : و بتمشي بلبجامة يا احمد
احمد : حالة طارئة
.
مريم : يارب يارب 🥺🔥
.
( في القصر و مقعمزين في الصالة )
( مقعمزة نهلة و امها نجوي و معتز و ياسر )
نهلة : ديروا حل معاه الدكتور
ياسر : غدوا نجيب اسمه و نهاره احرف
نهلة : اني مش مطمئنة
معتز : ليش حاجة ما تخاوفش
نجوي : قلتلها
نهلة : و راس بوكم اسكتوا عليا ما حدش حاس بيا لا انت و لا خوك و لا امي و لا البطال يلي راقد فوق ، اني ممكن نخسر انس يا ناس
ياسر : معش تفكري فيه الموضوع يا نهلة
نهلة : ييي عليا ان شاء الله نموت و تتفكوا
نجوي : ان شاء الله ( بصوت واطئ )
نهلة : قتلي حاجة ماما
نجوي : قتلك ان شاء الله في يلي يودهالك
نهلة : اها نحساب
( تلفتت نهلة شافت الياس و انس بيطلعوا من باب القصر بدرقة )
نهلة ؛ ( بصوت عالي هلبا ) ااااااااااننننننننسسسسسسس
انس : 👁👁
نجوي : صوتها يطرش
( ناضت تجري )
( و وراها ياسر و معتز و نجوي )
نهلة : وين في عز الليل
انس : ماهو
نهلة : ماهو شني
الياس : ماهو
نهلة : انت اسكت ما دخلكش بيني و بين ولدي ، مش متحشم علي روحك تعلم في ولد اختك في الصياعة يا صايع يا بطال
ياسر : نهلة خلاص
نهلة : اسكت عليا انت التاني ، برا خش لدارك شد كتاب اقراه و صلي ركعتين فكك من جو خالك يلي ما رباتاش امه
نجوي : يا وخياتي لفعة
انس : بنطلع المرة هادي و خلاص
معتز : خليه يطلع اطلع يا روح خالوا
ياسر : اطلع برا الياس انت و ياه
نهلة : شوفي ولادك اني نربي و هما يحلوا
نجوي : خلاص يا نهلة ولدك معش صغير ، ولا شاب
نهلة : لا صغير
ياسر : لا مش صغير يا نهلة
نهلة : تعرف ولدي اكبر مني قتلك صغير
ياسر : ولدك طلع لحية و قاعدة تقولي صغير
نهلة : مبرد دم امك ، بروا يعطيكم جدري
( تلفتت و ركبت الدروج و تعيط )
نهلة : عيلة معفنة تحب التسيب ، اتفوه عليكم
( بعد ما ركبت )
نجوي : يا وخيتي قداش لفعة
ياسر : لفعة و سكتي
معتز : 😂 فوتوها توا تسكت
نهلة : ما نيش ساكتة
نجوي : 🤭 تسمع فينا اس
.
🔥 في المستشفي 🔥
نوال : باش يتاكدوا انك مهبولة شغل الفلت
( بدي حسين يزيد في قوة الكهرباء )
.
( ووعد ترعش في الكرسي )
وعد : ( دايخة و الكهرباء في كل جسمها )
وصل دكتور أحمد يجري
احمد : وعد وينها
مريم : حجرة 6 بسرعة بالله عليك
.
( وصل و ضرب الباب و خش )
احمد : طفي الكهرباء
حسين : 👁👁
احمد : ( ضرب احمد في كتفه ) قتلك وقف
حسين : ( وقف الجهاز )
نهلة : 😳🔥 ان شن جيبك
احمد : خلي نوصل الحالة لغرفتها و جايك يا مريم
( بدت تجري جابت السرير و حطت وعد و طلعتها لدارها و جاب الدواء متع تاتير الكهرباء و بدي يحط فيه في فمها و غطاها و قاس الحرارة متعها و حطلها جهاز R لتخلص من الكهرباء في الجسم و طلع للمكتب )
.
احمد : انتي كيف تتجرئي و اديري في حالة عندي هكي
نوال : الحالة هاذي في المستشفي و المستشفي هداي انا مسؤولة عليها
احمد : و من حقك اديري شن ما تبي في الحالات صح
نوال : دكتور احمد انت جاي تعلمني
احمد : اعتبره تهديد او زي ما تعتبريه ، رح ندير تقرير علي حالة وعد و رح نرفعه غدوا للوزارة و يا نطلع بيها يا مش حنطلع من المستشفي ابدا
(و طلع و سكر الباب )
نوال : اتفوه حيوان . لكن توا يشوف ،
حسين : لكن يا دكتورة هذه مش تكوكته ، شن جيبه و كيف عرف احني في اي دار
نوال : ايه صح 😳
.
أحمد : ( خدي معاه ادوية و مشي لدار وعد )
( فتح الباب )
احمد : وعد. ... وعد 👁👁😳
( و فجاء ما لقاش وعد )
( طلع من الدار يجري )
مريم : فيه شي دكتور
احمد : وعد وينها
مريم : في الدار
احمد : مش موجودة يا مريم
مريم : كيف مش موجودة
( رجع هو و ممرضات المستشفي كلها )
.
( مشي حسين يجري للادارة )
حسين : يا دكتورة يا دكتورة
نوال : شن فيه
حسين : وعد معش لقوها
.
( في دار وعد )
مريم : كانت في الدار ما طلعتش
( بدو يفتشوا في الحمام و تحت السرير )
احمد : ( لفت نظره ورقة محطوطة فوق السرير )
( شدها و فتحها )
وعد : اسفة دكتور احمد ،،.. انا هربت
احمد : 👁👁🔥،،،،،،.،......................يتبع
....
رايكم في احدات حلقة 2 ،، و شن تتوقعوا رح يصير ،، احدات جاية قوية ، الحلقة هادي حبيت نعرفكم بشخصيات الرواية اكتر . الحلقات الجاية احدات 🔥

رواية وعد الحلقة الثالثة 3 بقلم أحمد عبدالله 

أحمد : ( خدي معاه ادوية و مشي لدار وعد )
( فتح الباب )
احمد : وعد. ... وعد 👁👁😳
( و فجاء ما لقاش وعد )
( طلع من الدار يجري )
مريم : فيه شي دكتور
احمد : وعد وينها
مريم : في الدار
احمد : مش موجودة يا مريم
مريم : كيف مش موجودة
( رجع هو و ممرضات المستشفي كلها )
.
( مشي حسين يجري للادارة )
حسين : يا دكتورة يا دكتورة
نوال : شن فيه
حسين : وعد معش لقوها
.
( في دار وعد )
مريم : كانت في الدار ما طلعتش
( بدو يفتشوا في الحمام و تحت السرير )
احمد : ( لفت نظره ورقة محطوطة فوق السرير )
( شدها و فتحها )
وعد : اسفة دكتور احمد ،،.. انا هربت
احمد : 👁👁🔥
مريم : شن فيه دكتور احمد
أحمد : وعد هربت
مريم : هربت 👁👁🔥
.
نوال : ( خشت ادف في الممرضات ) شن فيه وينها وينها
( تلفت دكتور احمد و بكل عصابية )
احمد : كله منك و من عدم اهتمامك و مصداقيتك ، خليتها تهرب ، اني معش نتشرف اني نشتغل في مستشفي زي هادي ابدا
نوال :انت شن تقول
احمد : اني قلت يلي عندي ، خلي الممرضات يدوروا عليها بسرعة
.
( بدو ممرضات المستشفي يدورو و الغريب انها كيف نقزت الجدار و طلعت و الحرس وين و هذا كله امتي صار )
.
نوال : اول حالة في المستشفي تهرب ، وين الحراس وين الامن ، شن التسيب هذا
حسين : هدي بالك يا دكتورة
نوال : نهدي بالي كيف ، دكتور احمد لازم يرتفد كل المشاكل منه رح يخرب سمعتي و سمعت المستشفي
.
( كان كل طاقم العيادة يدور الليل كله و دوروا حتي برا العيادة )
.
🔥 الصبح 🔥
( بعد كل تعب و جهد التدوير قعمز احمد في جردينة المستشفي )
( جت مريم قعمزت بحداه )
مريم : تفضل قهوة دكتور
احمد : شكرا مريم
( قعمزت بحداه و في ايدها قهوتها )
مريم : دكتور انت زعلان انها هربت
احمد : لا زعلان انها ما قالتش ، يا مريم بلحركة هادي معش نقدر نساعدها
مريم : مرات هيا ما دخلهاش
احمد : كيف
مريم : لالا شي
( وقفت و بتمشي ) ( شدها من ايدها )
احمد : مريم في شي
مريم : ( شافت و بكل خوف ) اني يلي هربت وعد
( دفها علي الكرسي و قعمزها )
احمد :كيف هربتيها
مريم :ح ح حاضر حنحكيلك 🥺
( اول ما خشت للدار كنت معاها استنيتك انت لين تطلع و خديها معاي و لبستها لبس الممرضة هناء بما انها هربت من توكتها و وقعت مكانها ، فا لبست وعد لبستها و طلعتها من الباب و رجعت للدار و حطيت الورقة هادي يلي انا كتبتها و درت روحي ما نعلم بشي )
احمد ؛ باهي هيا وين توا
مريم : في الحفظ و الصون
احمد : و مرات تقول عليك هناء
مريم : لا مش رح تقول لانها هيا اصلا بالاساس هاربة و لو قالت رح يخصموا منها فا هيا لما بتشوف روحها طالعة بتقول ايه انا يلي طالعة و بداري انها كانت مش موجودة
احمد : وليش درتي هكي
مريم : اولا لان وعد وجعتني ، و تانيا لان هذا في صالحك
احمد : هذا ضدي
مريم : لا في صالحك
احمد : كيف
مريم : توا انت بلعملة هادي تقدر تطلع وتيقة رسمية انها عاقلة
احمد : كيف
مريم : اني قبل 3 سنين هربت حالة اسمها مفيدة ، و اول ما هربت طلعت المستشفي قرار ان الحالة مش مريضة نفسية و قالوا انها صحت ، منهم يفكوا شوية من العدد الكبير من الحالات و منهم يداروا فضيحة الهروب لان لو سمعت الوزارة ان في حالة هربت حتجي و تشوف العار يلي في المستشفي
احمد : 👁👁
مريم : بهذه الفكرة تقدر اطلع وتيقة رسمية بخروج وعد من المستشفي من غير اي تعب
احمد : ( ابتسم ابتسامة صغيرة )
مريم : انت توا مش زعلان مني صح
احمد : لا مش زعلان ، بس ليش ما درتيش هذا من زمان مع وعد
مريم : لا ما كانش في حد يتصدي لنوال زيك و انا ما نقدرش نبان في الصورة
احمد : باهي توا وعد وين
مريم : توا انت روح لحوشك و مع الساعة 9 فليل نكلمك نمشي انا و ياك لوعد
احمد : ❤️ شكرا مريم
مريم : 😍 العفو دكتور
( ناض احمد من بحدا مريم )
( مريم معجبة بدكتور احمد من اول ما جي للمستشفي )
.
🔥 في الادارة 🔥
نوال : شفتها الحيوانة كيف هربت شفتها
حسين : حاجة غريبة هلبا
( خش احمد للمكتب و دار روحه معصب )
احمد : اني مروح ، بس راجع ، و ننصحك ان تتبتي صحة وعد ، احسن من الفضيحة )
( و تلفتت و طلع )
نوال : دار العملة و مشي تفوههه
حسين : باهي شن الحل يا دكتورة
نوال : مافيش حل الا ان نطلع ورقة رسمية ان وعد عاقلة
حسين : و عيلتها
نوال : ما دخليش فيهم يصطفوا معاه انا ما دخليش
حسين : متاكدة من هذا الموضوع
نوال : تبي الحق اني خايفة بس ما فيش الا الحل هذا ، و دكتور احمد بعد ما نطلع ورقة الحمارة وعد ، نطلعله ورقة رفض من المستشفي
حسين : اني قاعد نفكر في من يلي اتصل بدكتور احمد امس و كيف هربت وعد
نوال : اسمع برا ديرلي قهوة تعبانة فكني من كلامك الماسط
.
🔥 في القصر 🔥
انس : صباح الخير
نجوي : صباح النور
نهلة : تعالي سمسم
انس : ما نبيش نسمسم ، تأخرت علي المحاضرة
نجوي : ربي معاك حبيبي
( طلع انس )
نجوي : خيرك علي الولد
نهلة : يا ماما خايفة عليه من ولدك الحمار السهر بيضيعه ، امس راجع الفجر كيف هكي
نجوي : مشي مشي معش ادققي في الامور
معتز : صباح الخير
نجوي : صباح النور
نهلة : وين اميرة هانم مش معاك
معتز : نضت ما لقيتهاش
نهلة : كيف نضت ما لقيتهاش ، معتز ما تحسش روحك راخي هلبا
نجوي : 👁👁🤭
معتز : كيف يعني
نهلة : سامحني فيها خوي لكن قصدي تسافر بروحها قلنا عادي ، طلع امتي ما تبي قلنا عادي ، تبات برا قلنا عادي ، كله عندك عادي
معتز : صحة صحة
نجوي : خيرك كمل فطورك
معتز : تسدت
نجوي : هكي عاجبك
نهلة : هذا الحق ، يشد مرته شوي
نجوي : اف منك اف
.
📍 الساعة 9 فليل
مريم : ( كملت مدة العمل متعي و غيرت دبشي و وقعت و اني طالعة لقيت حسين )
حسين : 👁👁 اهلين مريم
مريم : 😳 بسم الله اهلين
حسين : قتلك مريم ، ما تعرفيش من يلي كلم دكتور احمد ليلة امس
مريم : و اني شن عرفني
حسين : لا قلت خلي نسالك بس
مريم : لا برا اسال حد تاني ، اني ما نعرف شي
حسين : تمام تصبحي علي خير
مريم : و انت من اهله 👁👁
( طلعت من المستشفي و خديت تاكسي و حسيت ان حسين حس بحاجة ، و الله اعلم ، خفت و قلت لتاكسي يوصلني للحوش )
.
🔥 في حوش مريم 🔥
ام مريم ( حاجة فاطمة ) : تبي حاجة تانية يا بنتي
وعد : لالا شكرا ماما تعبتك معاي
حاجة فاطمة : لا حبيبتي ما فيش تعب
وعد : لالا تعبتك معاي ، 🥺 ( و بدت تبكي )
حاجة فاطمة : خيرك تبكي بنتي
وعد : قداش ليا ما شفتش زيتون
حاجة فاطمة : 👁👁
وعد : ( و بدت تضحك و الدموع في عينها )
( حست حاجة فاطمة ان وعد فيها حاجة او مش طبيعية ، ردودها و تصرفاتها كانت مش منطقية ابدا و متع اطفال )
.
( وصلت مريم للحوش و كلمت دكتور احمد )
مريم : الو دكتور احمد اسفة عطلت عليك اني كنت بنكلمك اول ما بنطلع من المستشفي لكن حسين كانت عينه عليا
احمد : باهي انتي وين
مريم : رح ننعتك علي مكان الحوش
( بدت تقوله علي مكان الحوش و سكرت المكالمة و ركبت للشقة )
مريم : ( فتحت الباب ) السلام عليكم
فاطمة : و عليكم السلام
وعد : و عليكم السلام 🥺
مريم : كيف حالك يا وعد
وعد : الحمد الله الحمد الله
مريم : الحمد الله ، دكتور احمد في الطريق يا وعد
وعد : شكرا تعبتك معاي يا مريم 🥺
مريم : لا حبيبتي ما تقوليش هكي
.
فاطمة : مريم تعالي نبيك
مريم : هيا ماما هاني جاية ، خودي راحتك وعد
وعد : 🥺 اسفة
مريم : روحي انتي
.
( مشت مريم لامها )
مريم : ها يام
فاطمة : خيرها البنت هاذي
مريم : خيرها
فاطمة : من لما جابها ولد خالتك الصبح و هيا هكي
مريم : ايه خيرها
فاطمة : انحس فيها مش طبيعية
مريم : كيف يعني
فاطمة : كل ما نقعمز بحداها تبكي و تقولي اسفة و بكت دموعها لما شافت زيتونة و تلفزيون
مريم : يا ناري ليها هلبا ما شافتهمش
فاطمة : كانت بتبوسلي ايدي لما حطيت الماكلة و كل شوية تقولي اسفة
مريم : هيا يا امي ليها 15 عام بين حيطين ، فا طبيعي تكون حركاتها هكي اول مرة
فاطمة : 🥺 خيرها شن قصتها
مريم : قصتها طويلة عريضة توا نحكيهالك بعدين
( طق الباب )
مريم : هذا اكيد دكتور احمد
( مشت فتحت الباب )
احمد : السلام عليكم
مريم : تفضل دكتور احمد
وعد : 🥺 دكتور احمد
احمد : وعد 😍
مريم : مش قتلك في الحفظ و الصون
احمد : شكرا مريم
مريم : 😍 العفوا
وعد : اني خايفة يا دكتور
احمد : ما فيش خوف ابدا يا وعد
وعد : متاكد دكتور
احمد : متاكد و ورقة خروجك من المستشفي حتطلع في اقرب وقت ممكن غدوا
وعد : كيف
احمد : كيف هاذي خليها عليا انا و مريم
وعد : سامحوني تعبتكم معاي
احمد : لالا ما فيش تعب بكل
،
احمد : مريم تعالي نبيك شوي
مريم : تفضل دكتور
احمد : مريم خلي وعد عندك اليوم
مريم : نخليها حتي ديما ما عنديش مشكلة
احمد : لالا اليوم و بادن الله من غدوا ناخذها معاي
مريم : تمام دكتور زي ما تبي انت بزبط
احمد : شكرا ، شدي هاذم يا مريم
مريم : لالا عيب والله ماني واخذتهم
احمد : شدي يا مريم . لولاك راهو ما خطرتش الفكرة في بالي من اساس
مريم : 😊
.
🔥 في القصر 🔥
نهلة : ( مقعمزة في وسط الحوش و معصبة )
ياسر : السلام عليكم
نهلة : 😒
ياسر : خيرك يا حلوة
نهلة : كاني حلوة راهو مش هكي حظي
ياسر : خيرك
نهلة : انس
ياسر : يي علينا و علي قصة انس فوتيه
نهلة : كيف نفوته مش ولدي ، بيضيع يا ياسر
ياسر : تمام توا نكلمه ، هو وين
نهلة : مقعمز في داره هو و الحمار الياس
ياسر : تمام ، خلاص انسي الموضوع
( ركب للدار )
( فتح الباب )
ياسر : السلام عليكم
الياس : و عليكم
ياسر : شن ادير يا انس
انس : نشوف في الفيلا يلي في جنبنة في خلقة وحدة قمر تعالي شوفها
ياسر : ترا وينها ، اووووووه 😍
انس : شفت اه
ياسر : خلينا توا من قمر ، نبيك في موضوع
الياس ؛ ان شاء الله خير
ياسر : سكر فمك انت
الياس : 🙁
انس : قول خال نسمع فيك
ياسر : انت توا وليت راجل ، امك زعلانة منك يا انس ، حاسة انك تغيرت ،
انس : هيا مكبرة الامور
ياسر : لا هيا مش مكبرة الامور ، انت مش فاهم ، انت صح كبرت بس لازم تسمع كلام امك ، هادي امك يا انس
انس : 👁👁
ياسر : هيا صح صوتها عالي ، بس لازم تسمعها ، لازم
انس : باهي شن الحل
ياسر : تنزل و تهدرز عليها
انس : تمام حاضر و توا
ياسر : صايع لكن متربي
الياس : ترا الفين جني ياسر
ياسر : الفين في عينك تعرفها عينك ، يا بطال ، قتلك تعالي معاي اخدم في الشركة لكن شن بنقول البطال بطال
الياس : فالحين الا فيا اني
.
( نزل من دراه )
انس : امي
نهلة : 😒
انس : ماما ، يا ماما ( بدي يتسهوك عليها )
نهلة : 😌
انس : ايوا هكي اضحكي ، خيرك زعلانة مني
نهلة : لا مش زعلانة خلاص
انس : غير قولي
نهلة : قتلك مش زعلانة
انس : تمام تصبحي علي خير
نهلة : ( شداته و دفاته علي الكرسي ) استني يا حمار
انس : 👁👁
نهلة : انت عارف قداش نحبك صح
انس : صح
نهلة : انت تعرف قداش نخاف عليك صح
انس : صح
نهلة : اني نبيك ترجع انس متع زمان ، يركب خيل ، يتعلم لغة جديدة . يقرا كويس ، مش زي خالك الحيوان
انس : حاضر ، غدوا نعزم صحابي و نركب خيل
نهلة : بلحقا
انس : بلحقا
نهلة : هات بوسة
انس : توا هكي راضية صح 😊
نهلة : برا انخمد برااااا
انس ؛ 👁👁
نهلة : 😂
.
📍 الصبح
🔥 في مكتب المستشفي 🔥
نوال : معش عندي حل الا اني ندير ورقة خروج للحمارة يلي هربت
حسين : شن رايك نستنوا يومين تلاتة مرات ترجع
نوال : ايه صح
احمد : ( خش المكتب ) صباح الخير
نوال : منين بيجي الخير
احمد : المهم شن صار في ورقة اتبات صحة متع وعد
نوال : قلت نستني يومين تلاتة مرات ترجع
احمد : و اللجنة
نوال : 👁👁 اي لجنة
احمد : لجنة الصحة يلي كلمتها و جاي بعد غدوا
حسين : 🤭
نوال : 👁👁🔥 شني ، انت شن تبي مني ، تبي تقتلني تبي تجلطني و لا كيف
احمد : اني قلت يلي عندي
( و تلفت )
نوال : استني
( رجع تلفت ليها )
نوال : اني حنطلع ورقة للحيوانة وعد ، بس تاكد ان ورقة رفضك رح تكون مع ورقة اتبات صحتها و خليها توكلك عيش وعد
احمد : تمام نستني في الاوراق بفارغ الصبر
( و تلفت و طلع )
نوال : 👁👁🔥
.
( طلع من المستشفي طول لحوش وعد )
احمد : صباح الخير
مريم : صباح النور
احمد : جاي ناخد وعد
مريم : و اللهي يا دكتور احمد لو ما عندكش مكان ، اعتبره هذا حوشها
احمد : لالا حاب ناخدها ،حقا بنسالك هو من جاب وعد اهني
مريم : ولد خالتي جاني بتاكسي متعه و ركبتها فيها
احمد : اها تمام
( قعد واقف سلمت وعد علي مريم و امها )
وعد : سامحيني مريم ، سامحيني ماما فاطمة شكرا
فاطمة : مسامحة و اللهي مسامحة
مريم : باي وعد
وعد : مع السلامة سامحوني 🥺
.
( طلعت وعد هيا و دكتور احمد و ركبها في سيارته )
وعد : ( تبكي )
احمد : خيرك
وعد : قداش ليا ما ركبتش سيارة
احمد : احمد توا بنمشي نجيبلك دبش
وعد : ترا اطلع بسيارة
( طلع احمد بسيارة فتحت وعد الروشن و بدت تشوف في الناس و تشم في الهواة )
وعد : البلاد و الناس تغيرت هلبا يا دكتور
احمد ؛ حتي الرائيس تغير و درنا تورة و انتي راقدة
وعد : 😊
احمد : تعرفي و اللهي حاسدك علي ال 15 سنة يلي عشتيهم في المستشفي ، لا مشاكل و لا تفكير و لا شغل و لا شي
وعد : 🥺
( درس السيارة و نزل هو و ياها و شرالها دبش )
احمد : اول مرة نشري لبنت دبش
وعد : 🤭 اسفة
احمد : لالا عادي
( اكتشاف وعد للمدينة كان كبير ، و كانت تشوف لكل الناس و كانها ولدت من جديد )
.
نزل احمد من السيارة يجيب في اكل
شافت وعد ام و ولدها ، فتحت السيارة و نزلت
.
طبست علي الولد و باساته و ناضت
وعد : هذا ولدك
المراة : ايه
وعد : ربي يحفظهولك و تشوفيه عريس يا رب ، حتي اني عندي ولد ، بس توا كبر ما شاء الله
المراة : ربي يحفضهولك حتي انتي
وعد : 🥺 يارب
.
احمد : 👁👁🤭 وعد وعد
وعد : ( تلفتت )
احمد : مش قتلك ما تنزليش من السيارة
وعد : اسفة
احمد : هيا اركبي
( ركبت السيارة و قعمزت و بدت تاكل )
وعد : ( حاطة راسها لوطة ) ممكن نطلب منك طلب
احمد : تفضلي
وعد : مش رح ترفضه
احمد : لا
وعد : وعد
احمد : وعد
وعد : ممكن ترفعني نشوف حوشي
احمد : 👁👁 اه
وعد : الله يحفظك يا رب ، كانك تعزني ارفعني نشوفه بس
احمد : من بعيد
وعد : من بعيد
احمد : تمام
.
🔥 في القصر 🔥
( صحاب انس و انس يلهدوا بلخيول في اسطبل الخيل )
.
( وصل احمد لقدام السرايا )
وعد : 🥺💔 هذا حوشي
احمد : ايه
وعد : 💔🔥 ( الدموع بدت زي النهر ) خالفت وعد بوي ، لما قالي ما تطلعيش الا و انتي ميتة ، للاسف طلعت و معش قادرة نخشله
احمد : حتخشيله
وعد : 👁👁 كيف
احمد : و ترجعي حق بوك و راجلك و ولدك
وعد : كيف
احمد : كيف هذه خليها بعدين توا المهم ما تبانيش في الصورة الا و انتي اوراقك كلها طالعة
وعد : ممكن نقدم شوي علي رجليا قدام الاسطبل
احمد : تمام
( نزلت من السيارة و مشيت انا و احمد و وقفت بعيد علي الاسطبل )
.
صحاب انس : احني تعبنا ره كمل انت
انس : تمام ، اخر جولة و خلاص
صحابه : تمام
( اول ما بدي يلهد علي الخيل و اول ما قفز الخيل شاف بنت واقفة في اخر الاسطبل و جت عينه في عينها )
و فجاء عتر الخيل
صحابه : 😱🔥
وعد : 👁👁 هذا انس
احمد : تعالي تعالي توا يشوفونا
.
صحابه : انت كويس
انس : ما فيا شي
نهلة : شن فيه
انس : عتر الخيل طحت ما في شي
نهلة : اني في الحوش هذا عايشة علي الرعايش بس خلاص فكنا منه الخيل
انس : اففف
( بعد ما قعمز و ارتاح شوي و نفظ روحه )
صاحبه ( محمد ) : خيرك شن فيك برو
عزو : كنت ماشي تمام
انس : تي تعرفوا شفت خلقه وحدة ، من بعيد واقفة تتفرج جت عيني في عينها
عزو : ايه
انس : مش عارف لفتت نضري بشكل مش طبيعي
محمد : حلوة
انس : مش عارف بس لفتت نظري بشكل مش عادي ، عيونها يلمعوا يا ولاد
محمد : بالك ملك الموت
عزو : 😂😂
انس : كان ملك الموت هكي شكله ، يارب نموت توا 🔥
.
( في السيارة )
وعد : 💔 ولدي هذا ولدي
احمد : قريب حد شافنا
وعد : شفت ولدي ما قدرتش نظبته ما قدرتش نحظنه ما قدرتش نشوفه عن قرب و نكلمه
احمد : خلي يطلع الاوراق بس و ديري شن تبي بعدين
وعد : 💔😭 اني تعبانة يا احمد
احمد : حاسس بوجعك و عارف
وعد : 💔 الله لا يسامحهم الله لا يسامحهم ، توا وين بترفعني
احمد : رح نشوفلك مكان تقعدي فيه و ما تخافيش اني معاك
وعد : ممكن تنزلني قدام الفيلا هادي
احمد : ليش
وعد : شويا بس
احمد : رد بالك اديري شي يا وعد
وعد : لالا ولا شي
احمد : حاضر
( نزلت و خشت و بعد ما عطلت خش وراها )
( لقاها واقفة تستني )
احمد : شن فيه يا وعد
وعد : رح نأجر الدور التاني من المراة ممكن تسلفني الف جني
احمد : 👁👁
وعد : 😊
احمد : انت شن تقولي ، انتي مش شايفة المسافة بينها و بين القصر
وعد : نوعدك وعد اني ما نخليش حد يشوفني وعد
احمد : لالا فوتي الموضوع
وعد : لا مش رح نفوته نبي المكان هذا يعني نبي المكان هذا
احمد : تندمي فيا اني ساعدتك
وعد : خلاص شكرا علي المساعدة 💔
احمد : خلاص رح نسمع كلامك المرة هادي بس زي ما وعتيني
وعد : وعد 😊🥺
( و بلفعل اجرت الدور التاني الشقة يلي علي اليمين هي مدايرة نظام عمارة و دروج و بلفعل حطيت دبشي )
وعد : مش عارفة كيف نشكرك
احمد : لا شكر علي واجب
وعد : ان شاء الله في اقرب وقت نرد فلوسك كلها
احمد : الكلام هذا عيب يا وعد ، المهم اني رح نجيك فليل نطمن عليك ، وعد حتي الروشن لا ، انتي وعدتيني ، لين الاوراق تطلع
وعد : تمام
احمد : حنجيك فليل و نجيبلك معاي حاجات و اكل ، سلام
( سكرت الباب وراه )
.
📍 الساعة 8 فليل 🌜
انس ( بعد ما كمل اليوم متع الخيل دار حمام و قعمز في داره و قعد يسمع اغاني و زي كل مرة لازم يطلع في البلكونة يشوف و يشم هوا )
( بدت وعد تنضم في الشقة و لبست توتة من يلي شرتهم مع دكتور احمد و قالت خلي نطلع نشم هواء في البلكونة )
( اول ما طلعت وعد كان انس يسمع في اغاني و يشرب في قهوة )
انس : 😍
وعد : 😍💔
انس : ( هذه شن ادير اهني هذه حقيقة او خيال ) ( حي علي الجمال و العيون و الشعر هذا شني الله )
وعد : ( الله يا انس قداش مستحشاتك و خاطري نشوفك و نسمع صوتك ، ربي يحفظك يا رب ) ( دموع وعد كانت مسيطرة علي الموقف )
( دار انس حركة باي 👋🏻 بايده ، ردت عليه بنفس الحركة ، بدي يدير في اشارات مختلفة و وعد تضحك و بعدها اختفي )
وعد : محلاه يا ناس الباين ان حس بيا 🥺❤️
( و فجاء سمعت صوت الباب )
( قلبها بدي يدق بدت تمشي بشوية بشوية و شافت من وراء الباب لقاته ،،،،،،،،،،،انس )
وعد : انس 😱🥺💔🔥،،،،،...يتبع

تعديل المقال