رواية مذكرات راقصة محترمة للقراءة والتحميل download pdf - حنان حسن
لقراءة باقي روايات الكاتبة حنان حسن : اضغط هنا
 |
| رواية مذكرات راقصة محترمة للقراءة والتحميل download pdf - حنان حسن |
رواية مذكرات راقصة محترمة كاملة مكتوبة بالإضافة إلى رابط تحميلها pdf
لتحميل رواية مذكرات راقصة محترمة pdf : اضغط هنا
الرواية مكتوبة
مذكرات راقصة محترمة
للكاتبة..حنان حسن
الجزء الاول
مش المشكلة ان الواحد يغلط..لكن المشكلة ان الانسان يستمر في الغلط
كنت ديما وانا صغيرة بسمع الجملة دي بس مكنتش بفهم معناها ..
لكن النهاردة فهمت معناها بعد ما كبرت ونويت ابدء في الابتعاد عن الغلط واتوب
اتوب من ايه؟؟؟
للكاتبة..حنان حسن
اه صحيح نسيت اعرفكم بنفسي ..انا شوشو ومتسالونيش يعني ايه شوشو..هي كده ملهاش معني
بشتغل راقصة..ومش اي راقصة انا بقدم رقص هادف..
يعني ايه رقص هادف؟
↔
يعني الرقص بتاعي هادف وبيناقش قضايا المجتمع.. حاجة كده زي البوس الهادف الي في الافلام يعني تقدروا تقولوا ان كل هزة ليها مضمون
ايوه هو ده المبرر الخايب لاي سفالة بتحصل في الوسط الفني.. والتعليق الشهير الي بنقولة في الاذاعة والتليفزيون
للكاتبة..حنان حسن
السن.. 32 سنة..
وعندي مقومات المهنة طبعا..الي هي بعض من الجمال علي علي بعض من الاستهبال..علي بعض من الليونة والدلع والمياصة وهاكذا
وفي كارنا ده لما تحط شوية الحاجات دي علي بعض ..تديك في الاخر راقصة فاشلة..اه والنعمة...انا بعترف اني فاشلة..لاني مقدرتش اوصل لمكانة الرواد من الراقصات.. واعمل اسم كبير
للكاتبة..حنان حسن
المهم.. هقولكم بدايتي جت ازاي
كنت عايشة مع جوز امي بعد ما ابويا مات
لغاية ما وصلت لسن 16سنة..
واول ما كبرت وخراط البنات خرطني.. بدات احس بنظرات مش مظبوطة ليا من جوز امي
وفي يوم حاول جوز امي انه يتحرش بيا..
لكن انا مسكتش... بدات الاغي فيه واشاغلة لغاية ما نصبت عليه في مبلغ كبير واخدتة وهربت ..
للكاتبة.. حنان حسن
ولما هربت روحت عند خالة امي وكان اسمها مهلبية وعايشة في طنطا ..وكانت بتشتغل في الموالد
ولما شافتني خالتي مهلبية ولقتني... كبرت وعودي فاير اخدتني تعلمني كار العوالم..
ولما شافني جوز مهلبية وعجبتة..حب يتحرش بيا..لكن انا مسكتش ..
فضلت الاغي فيه لما نصبت عليه في قرشين
وهربت تاني
للكاتبة..حنان حسن
واشتغلت لوحدي في الموالد ..لحد ما شافتني الست ما تيلدا في مولد من الموالد..وماتيلدا دي كان عندها كبارية في شارع الهرم ..وكانت بتدور علي وجوه جديده تعلمها الرقص وتشغلها عندها في الكبارية..وطبعا انا فرحت لما الست ماتيلدا عرضت عليا اني اشتغل في مصر..المهم سيبت الموالد وروحت مع ماتيلدا..اشتغلت معاها في الكبارية.. وجوزها شافني وطبعا عجبتة ولما حاول يتحرش بيا.......
طبعا انتوا هتظنوا فيا ظن سيئ وتفتكروا اني اشتغلتة صح؟
للكاتبة.. حنان حسن
لا طبعا ..انا خونتها واخدتة منها واتجوزتة
وبعد كده استقليت عنهم هما الاتنين بعدما سرقتة وبلغتة عنه بوليس الاداب..وهي اتصابت بشلل رعاش لما اخدت منها جمهورها وجوزها
للكاتبة..حنان حسن
في الوقت ده الناس كانت عرفتني وبقوا يطلبوني في الافراح والمناسبات ..
وبقيت زي منتوا شايفين كده الراقصة.. شوشو
للكاتبة.. حنان حسن
لكن بيني وبينكم نويت اتوب بعد ما سمعت ان خالتي مهلبية ماتت واثرت في نفسيتي اوي.. وحسيت ان الدنيا دي غدارة اوي
ايوه بقي نفسي اتوب واعيش عيشة نضيفة وابقي انسانه محترمة
طبعا زمانكم بتقولوا طيب ما تتوبي ايه الي مانعك
هقولكم الي حصل
من يومين بعد ما خلاص اعلنت التوبة ..لقيت البت شهيرة مراجيح صحبتي وصديقة عمري جاية تزورني
ولما عرفت اني نويت اسيب كار الرقص.. نزلت علي ايدي تبوسها وتقولي لا اصبري شوية يا شوشو والنبي علي موضوع التوبة ده عشان جايبالك مصلحة..
للكاتبة.. حنان حسن
رديت عليها المجنونه ديه بكل غضب واصرار علي التوبة
قلت ..جري ايه يا بت يا شهيرة مصلحة ايه
بقولك ..خلاص توبت
ردت شهيرة وهي تتوسل
قالت.. لا وحياة امك مش وقت توبة خالص..
دي مصلحة حلوه وفيها خمسين الف جنية
للكاتبة..حنان حسن
بصراحة انا لما سمعت الرقم حسيت اني اصيبت بالزهيمر ونسيت موضوع التوبه ده خالص ..
وقررت اسمع لها واشوف ايه الموضوع
قلت ..مصلحة ايه يا بت الي فيها خمسين الف جنية انا خلاص ربنا تاب عليا وبطلت الحرام
للكاتبة..حنان حسن
ردت شهيرة بحماس محاولة اقناعي
قالت.. ومين بس الي قال انك هتعملي حاجة حرام؟
قلت.. امال انا هعمل ايه؟
قالت.. صورة كل الي انا عايزاه منك تتصوري صوره
قلت..انتي هتستهبلي يا بت وتنقطيني بالكلام ما تجيبي من الاخر وتقريني الحوار؟
قالت.. حاضر انا هشرحلك القصة كلها عشان تعرفي انتي مطلوب منك ايه بالظبط
للكاتبة..حنان حسن
وبدءات شهيرة تشرحلي الموضوع
قالت..الموضوع يا ستي ان في اتنين سلايف واحده اسمها نادية.. والتانية اسمها عبير..الاتنين بيغيروا من بعض موت..وكل واحده بتتمني مصيبة لسلفتها تاخدها من ادامها
للكاتبة حنان حسن
وفي يوم ناديه اكتشفت بالصدفة ان عبير بتخون جوزها..راحت نادية قالت لجوز عبير و جوزها وفضحتها والموضوع وصل لطلاق عبير..
للكاتبة..حنان حسن
قلت.. ماشي مال امي انا بقي بالموضوع ده؟
قالت.. اصبري جيالك في الكلام..ثم بدات تكمل حديثها
قالت...انا اتعرفت علي عبير من اكتر من خمس سنين في الكوافير ومن ساعتها واحنا اصحاب..ولما عبير اتطلقت النار ولعت فيها من الغيظ من نادية سلفتها ..
للكاتبة..حنان حسن
وطلبت مني عبير اني اساعدها انها تنتقم من نادية وتخرب عليها وتخليها تطلق زيها..
فا فكرت في الاول انها تزق عليها شاب حليوه ياكل دماغها وتوقعها في المحظور ..
لكن منفعش لان نادية مسترجلة وملهاش في الكلام ده
للكاتبة.. حنان حسن
فا فكرت انها تجيبها من ناحية جوز نادية وقالتلي انها عايزة تؤجر واحدة تشتغل جوز نادية وتغرية لغاية ما تقدر تعمل معاه علاقة وتتصور معاه وناخد الصور دي لنادية الي بتغير من هدومها فا تطلق هي كمان..
للكاتبة..حنان حسن
قالت شهيرة وهي تنظر الي بفخر ..
فا قولت.. محدش هيعرف يجيب زوج نادية علي بوزة غير شوشو
قلت.. وليه انتي متقوميش بالمصلحة دي لوحدك وتاخدي الفلوس كلها ليكي؟
للكاتبة..حنان حسن
قالت..عشان انا صاحبة عبير من سنين والكل عارفني ولو عملت كده الكل هيعرف ان عبير هي الي زقاني عليه
قلت.. بس احنا كده هنخرب بيت؟
وبصراحة..انا بعد العشرين بيت الي خربتهم قبل كده كنت ناوية اتوب
للكاتبة حنان حسن
قالت مبررة ..وماله العين بالعين والسن بالسن ونادية هي الي ابتداءات
قلت..يا بنتي اهمدي انا نويت التوبة ومينفعش اعمل اي علاقة لاني ..قللت علاقاتي خالص ومعدتش بقابل رجالة غير اتنين ثلاثة بس في الشهر؟
للكاتبة.. حنان حسن
قالت.. نويتي التوبة في الشغل الشمال..لكن انتي كده بتشفي غليل واحده هتموت من الغيظ يعني هينوبك ثواب
للكاتبة..حنان حسن
وفضلت احاول اتملص منها واتمسك بتوبتي.. وهي عاملة زي الشيطان بتبرر لي كل الافعال السودة الي عايزاني اعملها
ولما بداءت اقتنع..
قلت..بس بشرط دي هتبقي اخر عمليه ومتطلبيش مني اي مصلحة تانيه؟
للكاتبة..حنان حسن
قالت وهي سعيدة جدا بموافقتي المبدئية..خلاص اوعدك دي اخر مره
قلت..خلاص قوليلي ايه مطلوب مني بالظبط..وقوليلي مواصفات الزبون الي هنشتغله وهاتي صورتة
وفي اللحظة دي لقيت شهيرة بداءات تبصلي وكانت عايزة تقولي معلومة ومش عارفة تجيبها ازاي
قالت..اصل بصراحة يا شوشو قبل ما اوريكي الصورة لازم تعرفي حاجة عن الزبون
للكاتبة.. حنان حسن
قلت..خير
قالت.. هو صعب ان اي واحده تعمل معاه علاقة
قلت.. ليه خير شغال في جهة امنية؟
قالت.. لا ياريت
قلت ..لا بصي ما احنا مش هنقضيها فوازير فا قولي واخلصي
قالت شهيرة
وهي متردده اصله ..اصله
اصلة..شيخ
للكاتبة.. حنان حسن
قلت.. اه شيف من الي بيجوا ويطبخوا في القنوات الفضائية زي الشيف الشربيني كده؟ طيب وماله اهو حتي نستفاد من خبرتة
قالت ..انتي اطرشتي ولا ايه يا شوشو بقولك شيخ شيخ بدقن
للكاتبة حنان حسن
قلت...اللهي يجيلك ويحط عليكي يا بعيدة..جايبالي شيخ اتعامل معاه ازاي ده دلوقتي؟
قالت.. معرفش بقي يا شوشو حاولي تغرية باي طريقة
قلت .. وده بقي لو حبيت ارقصلة عشان اغرية..
ارقصله علي انغام.. طلع البدر علينا؟ ولا تواشيح النقشبندي؟
ثم قمت من مكاني وانا ابلغها رفضي
قلت..امشي يا بت انتي من هنا بمصلحتك الي زي وشك دي
للكاتبة.. حنان حسن
قالت يا شوشو فكري تاني دي مصلحة حلوه
قلت ..لا يمكن خلاص الموضوع خلص
قالت..تصدقي انا غلطانة..اني جيتلك وسيبت سوسو اوبح..
الي كانت تتمني تعمل معايا المصلحة دي
للكاتبة.. حنان حسن
قلت.. ايوه روحي خديله سوسو اوبح عشان يطبق عليكم (الحد) انتوا الاتنين و ينفيكم من الارض او يرجمكم حتي الموت
يلا يا بت انتي من هنا..
انتظرت شهيرة بعض الوقت بدون اي كلام وبعد تفكير
قالت..طيب ايه رايك لما تعرفيه علي نفسك بدون ما تقولي انك راقصة؟
للكاتبة.. حنان حسن
قلت.. هتفرق ايه؟
قالت.. مش يمكن تقدري تشتغلية.. وتعلقية بيكي وتخليه يحبك ويتجوزك كمان؟.. وساعتها هتبقي اتجوزتي مليونير وعيشتي في الفيلل؟ ونبقي حسرنا نادية مراتة وساعتها هتطلب منه الطلاق..
وناخد الفلوس من عبير..ويبقي استفدنا من جميع الجهات
للكاتبة..حنان حسن
قلت .. وهو سهل كده اني ااثر علي راجل متجوز وسعيد مع مراتة؟
قالت ده علي اساس انك معملتهاش قبل كده؟
قلت..لا العشرين مره الي فاتوا مكنش فيهم شيخ بدقن..
وكان سهل اصطيادهم
للكاتبة..حنان حسن
قالت.. يا بت هو انا من شوية مش قولتلك..انها مسترجلة وجوزها مش مرتاح معاها؟
وطبعا هيلاقي معاكي انتي الدلع والانسجام كله
بصراحة كلام البت شهيرة اقنعني ..وقولت لنفسي ..وليه لا؟ نجرب
للكاتبة..حنان حسن
فا اخدت منها كل المعلومات عن الزبون وكل التفاصيل الدقيقة كمان عن حياتة..وبداءت اخطط لاقتحام حياتة..
وطلبت من شهيرة انها تساعدني وتعرفني عليه لكن رفضت الجذمة..
وقالتلي انا لغاية المعلومات الي جيبتهالك مقدرش اقرب من الراجل ده اكتر من كده
للكاتبة..حنان حسن
طبعا مينفعش شهيرة تقرب لان الراجل شيخ.. وملوش في المراجيح
واضطريت اجتهد انا بتفكيري واشوف طريقة اتعرف بيها عليه .. وفعلا ولقيت طريقة اني اتعرف عليه بيها بس مش هي دي المشكلة.. المصيبة انكم مش هتصدقوا انا ايه الي حصلي لما اتعرفت عليه؟.........
لمعرفة باقي اجزاء القصة..ضع عشر تعليقات باسم الرواية .. ليصلك اشعار بالجُزء الثاني
للكاتبة..
حنان حسن
لقراءة الحلقة الثانية : اضغط هنا
لقراءة الحلقة الثانية : اضغط هنا
الرواية حصرية للكاتبة حنان حسن
ويُمكنك قراءة باقي روايتها على مدونة حنان حسن (المدونة الرسمية للكاتبة)