القائمة الرئيسية

الصفحات

رواية ملكتني طفلة الحلقة السادسه - الكاتبة سرو

رواية ملكتني طفلة الحلقة السادسه - الكاتبة سرو
لقراءة باقي روايات الكاتبة سرو : اضغط هنا 
رواية ملكتني طفلة كاملة بقلم الكاتبة سرو - رواية ملكتني طفلة الحلقة السادسة - رواية ملكتني طفلة البارت السادس - رواية ملكتني طفلة الجزء السادس - رواية ملكتني طفلة الفصل السادس - رواية ملكتني طفلة 6
رواية ملكتني طفلة الحلقة السادسه - الكاتبة سرو


نُرشح لك هذه الموسيقى لتسمعها وأنت تقرأ رواية ملكتني طفلة الجزء السادس 6 للكاتبة سرو 


رواية ملكتني طفلة الفصل السادس 6 كاملة مكتوبة بقلم الكاتبة سرو

لقراءة الحلقة الخامسة من رواية ملكتني طفلة : اضغط هنا
سميه: معش عرفت شن تردد عليه ..... اص اصيل شن فيي علاش هكي تكلم فيا?!!!

اصيل: حااسكك متغيره علياااا. وكننت كل مره نتجاهلل ف ردورد افعالك على رؤى وكذلك ضغطك عليهااا ني يومها سمعت كل شي .... عمتي!!! صدقيني ولا مره فكرت ندير شي من ورااك دون علمك بلعكسس شايفتني محافظ عليهااا ومتحمل مسؤوليتهااا عمرك شفتي غلط مني?!!!!!

سميه: واطت عيونهاا .... اصيل الصراحه ..... قاطعهاا

اصيل: سامحيني قاطعت ع كلامك بس وربيي جرحتيني مش عاساس ولدك انيي! !!!!! ..... خديت نفس ورجعت تكلمت بهدوء..... به تمااام انسي ديري مقلناا شي وقاعدين ف بكري لما فتحتي سيره الزواج .....

سميه: ساكته تسمع فيه
اصيل: انتي بروحك قلتيلي معتبرتيني ولدك وسالتيني لو في بنت ف بالي بش تخطبيهالي صح! !!!!!

سميه: خايفه ينوض علي ولا وسيم ويسمعوا الهدرزه وتصير مشاكل ..... ء ء اي

اصيل: غمضت عيوني وتكلمت بصوت خفيف..... تمام اخطبيلي رؤى بنتك 🔥

سميه: مصدوومه ان الشي اللي كانت خايفه منه صار ..... 😳
اصيل:وربي انخنقت من لمااا قلتيلي ان هي مشت مع خالتها لحوش جدهاا .... اول مره من دوون علمي!!!!

سميه: حاولت تغير الموضوع.... اصيلل صدقنيي مفيي شي من اللي ف بالك ني واثقه فيك ونعزك ومشيت رؤى مليهاش علاقه بيك بكللل صدقني 💔

اصيل: شفتلها ب غصه ...... وشن تفسيرك تخلي هاتفهاا هني! !!!!!!

سميه: انتبهت للهاتف اللي حاطاته على البار ..... 😥اصيل غر افهمنيي منبيش ندس علييك شيي ..... انت ورؤى مستحيل يكون في بينكم نصيب 💔🔥

اصيل: 💔
سميه: اصيل والله ما تغيرت بس ني ام وخايفه على صغاري وحقي الشي هذااا
اصيل: مكسور..... خايفه عليهاا مني!!!!!!!
سميه: لا لااااا مش هكي اصيلل ني لو خايفه عليها منك مكنتش خليتهاا معاك من صغرها وكنت حطيت حد بينكم بس لااا

اصيل: به علاش رافضتني ف حياتهااا ?!!!!!!
سميه: حطت يدها ع كتفه...... نسيت وسيم يكون خوك وخوهاا??!!!! وهو معنداش علم ب قصه الماضي شن بيصير فيه ?!!!! حيديرني كذبت عليه .... صدقني اصيل ح تصيير مشاااكللل 🥺🥺

اصيل: 😔فاهم عليك بس والله ما نقدر نتحملللل
سميه: طلعة رؤى مليهاش علاقه بيك نهائي يعني بس لان تخلطت عليك مواضيع وني كنت فتهمه كل تفكيرك وتصرفاتك وصارحتك ..... صدقني حتتعب رووحك وخلاص

اصيل: كنت نساير فيهاا بس قلبي رافض تصرفاتي 💔.......علاش نتعب روحي احسن حللل نطلع من الحوش

سميه: لاااا اصيللل شن تحكي انتتت ناسي بوك صدقنيي يطلقني عخاطر بش يقعد معااك كيف تبي تطلع! !!!!! وتسيبه .... باللهي عليك متكونش سبب ف تفكيك العيله عارفه علي يوقف ضدي ع خاطرك بس الموضوع مش مستاااهلللل رؤى اختككك متجيش تفكر فيها اكتر من هكي 💔

اصيل: كلامها سكين .....رؤى بنت عميي الله يرحمه مش اختي 🔥

سميه: هذاااا قبللللل توااا هي اختك
اصيل: يا عمتي مفيش شرع يقول هكيي خيرك هي اهلها غير اهليي لو مشكلتك ف النقطه هذه مستعد نسالوا شيخ يجاوبنااا بس توعديني بعدهااا ترضي عليناااا وتجمعينااا بالحلال اني عاارفهااا متعلقه بياااا وتحبني وصدقيني محكيتلهااا شي ع اللي ف قلبي قلت نسمع رايها قبل .... عمتي باللهي عليك

سميه: متضايقه....... اصيل وليدي نحيهااا الفكره من راسك وحق ربي تتعب رؤى مزالت صغيره ومرااهقه مفيش منه اللي تحكي فيه علاش هكي تضيع ف روحك ني مش كره فيك قلت هكي بس والله نشوف لمصلحتكم كلكم وحيجي يوم تقول قالتها مرت بوي .... اصيل حاول بس 💔

اصيل: انتبهتت ل روحي كيف حكيتلهااا ب صدق بس هيااا ولا علي بالها تحسابها ساهله عليااا ?!!!! ..... حاولت نسيطر ع روحي ..... تتت تماااام 🔥💔...... خليتها واقفه وطلعتتت

سميه: لحقاته..... اصيييل وين ماااشي استنى والنبي رد بالك متطلعش وانت مضايق والله خايفه علييك .... حي عليااا من عليي 😥

اصيل: سمعتها مبيتش نوقف .... ركبت سيارتي وطلعت مستحيل نروح ليين نهدا بش منغلط ف حد 💔

👑روايـات الكـاتبـة سـرو👑

بعد صلاة الجمعة 🔥

رؤى: متضايقه بكللل وكل عقلهااا ف امهاا اللي تغيرت ..... دخلت لدار حناها لقتها مقعمزه عالكرسي تصلي .... قعمزت تستناها 💔😔

فاطمة: كملت طلقت السلام وكملت شافتلهاا ..... رؤي بنتي خيرك من لماا جيتي وانتي هكي !!!! في حد ضايقك اوو

رؤى: بمجاملـه.... لا غر كسدت بس
فاطمه: ههههه بنتيي الفالحه متكسدش ديماا نقول ل سميه هكي تعرفي ف عمرك قداش ما حرقت كيكات ووحلويات اه باللهي 😂لكن جدك ياكل يقول غر تتعلم المحروقه لياا نيي نوضي بنتي تراهو خالتك وتت الغدي قوليلهاا تعاونك وديرو حجات تو بيلتموا بعد الصلاة 😅

رؤى: ههههه حناي عادي نقلك حاجه
فاطمه: شن!
رؤى: 👀 منعرفش قاعده مش شوري الكوجينه 😳😥
فاطمه: شن قلتييي!!!!!
رؤى: ههههههه حناي انسي خل بنهدرز عليك
فاطمه: هدرزي هدرزي 👀بخيله
رؤى: 😅ماماا مقالتلك شي??!!!!
فاطمه: قتلي ردي بالك منهاا بتقعد معاكم وهاذي بنتك ... قلتلهاا مرحبتين بيهااا خل تلقى فرصه تتخلط بصغار خوالها وخالاتهاا بس

رؤى: تبي الصراحه خالتي رحاب شايفه روحهاا ب ولدهاا مبكريي اختلفنااا قالتلي هو انشط منك بيني وبينك حاستهااا زي ماماااا تغيرت 🙂

فاطمه: 😂كانيي سمعتهاااا بسسس
رحاب: علاش يااام 😂البنت بنتي ولت حتا نعاركهااا لمصلحتهاا

رؤى: 🙁وولدك شن دخله به ?!!!!
فاطمه: لا تفرحي يا ام الولد تكبر بنتي وتاخده تبني حوشه ف السندد وتجيبلي رزقه ناكله ☝️😂

رحاب: هههههه بجدياات ياام تخيليها ناخدها لولدي 👀

رؤى: تجامل فييهم وخلاص 💔💔💔..... خالتي نبي هاتفك شويه

رحاب: علاش!!!
رؤى: بنتصل
رحاب: متلبكه..... معنديش رصيييد لو عندي كنت اعطيتك والله

رؤى: اه

علي: كيف مروح قاعد ب لبسته بتع الصلاة .... سميه نبي خيره اصيل مشفتاش حتى ف الجامع مقلك شي! !!!

سميه: 💔.....طلع من الصبح الحق مقلي شي معنده وين ماشي اكيده مع صاحبه

وسيم: انييي زعلاااان منكمممممم كيف رؤى تمشي للحوش جدي وني مش معاهاا??? شن مش جدي حتى ني ??"!!!!

سميه: اسكتت انت تمشي اكتررر منهااا متنساش يوم الاحد عندك اختبارين 🤨

علي: ني ماشي بنغيرر كان بتحطيلنا نتغذوو ..... مشي خدي يرن ع اصيل ميردش

معتز: (هذا اصغر واحد ف خوال رؤى قاعد كيف متزوج مسكرش حتي سنه) ..... مقعمز فالباب جي قبل الكل هو وبيلسان مرته .....

بيلسان: بسم الله الرحمن الرحيم 🙂عزوو!!!
عزو: حط صندوق يمين الباب وصندوق يسار الباب ..... هيااا هاتي تلفونك ونت بتعك 😎

بيلسان: كيف بتتصل بياااا كان خديته مش عاساس بترفعني ل اهلي! !!!

عزو: 😎بش نجي نناديك بروحي هياا بيسان ادخلي

بيلسان: طلعتهم من الشنته .... تماام 😅
عزو: ههههه متزعليش مفروض تعودتي
بيلسان: بصوت واطي.... عاجبني الجو 🤭

شويه ووصلو سيارات الخوال والخالات👏🤝❤️

👑روايـات الكـاتبـة سـرو👑

رؤى: سلمت على بيلسان ..... هههه سلمك
فاطمه: وينه مجانيش
بيلسان: ماهوو عارفه حركاته حس بيهم وصلوا قعزلهم فالباب وكاتب ممنوع اصطحاب هواتف واجهزه النت 🤥 يعني مفي وحده تقعمز وتكعد تقرط وتتشقلع علينااا هكيي ديروها عند الله ضي هارب 😅😂

فاطمه: هههههه

عزو: هيااا انت وياه تفتيش 🙂
حيدر: شافله ب استفزاز....حتى تزوجتتت وفتحت حوش مرتحنااش منك اززح 🙄

عزو: 😎🤨قاعد على قلبك جايين بتلعبوو وتغيرو جو مع بعض مش تصفحوو هيااا واقلب وجهك انت وياه للمربوعه

دانيا ..... (بنت اخته سعاد)..... كيف بنتوااصل ني وربييعه معندهاش علم وصلناا 😐

عزو:رفع حاجبه....🤨 تي والله عارفك انتي وياها مدايرين العار كللله غر قاعد مش فاضيلكم حطي الهاتف هيااا بلكي بتقولوو عليكم بس شوففو هه هاتف بيسان مرتي مفيش فرق طبعا الاستلام المغرب 🖖بسرعه هيااا حتى امي وبوي مسلمتش عليهم قاعد

دانيا: حراام علييك اماا عار اللي تحكي عليه صغار اختك حني

مؤيد: حط هاتفه هو وخوته الزوز .... نرتح راسي 🙂

عزو: وحق ربي هذا القدر فيكم قريب نردهوله بونتو فيك يا دانيا 😉

دانيا: غيرت رمز هاتفهاا وعطتهوله ..... به😑
عزو: قصدي كل جمعه لازم شريط بنادول ناخده خيييركم صداع هكي تي خلوهم فالحوش وخلاص هيا حطووهم والبنات الصاله الملحق الخلفي والولاد المربوعه هذه هي بعد متسلمووا 😶🙄

رؤى: واقفه فالباب... تسمع فيه وتضحكك ..... حنااي قصدك هكي كل جمعه! !!!!

بيلسان: ههههه احسن مادايررر وتعرفي ليش اخرتها يقتنعوا لان ياخد ف هاتفي حتى ني 🙂

سعاد: كيف جايه قاعده كيف سلمت.....تي خير من يتخلطوا الصغار ويبعتوا حجات ل بعض ومشاكل فكينا .... رؤى بنيتي شنته انس خليتها فالباب جيبيهالي🔥

رؤى: هي .....ومشت

عزو: خدي منهم كلهم مفيش غيرهم بيجو حافظهم سكر صناديق الصغيرات وحطهم ف المخزن وهو بيدخل شاف رؤى ..... تعالي تعالي وين هاتفك انتي 😂

رؤى: مجبتااش 😑
عزو:اوووو رورو هني.. تعالي سلمي ولا تبي ني نجي!!!
رؤى: جاته .... خيرك مداير فيهم هكي!!!!
عزو: هههههه فوتك منهم قوليلي خيرك متساليش معقووله قريب شهر مجيتيش وسيم نشوف فيه اكترر منك! !!! خالك ني مش خاله هو بس 🤨

رؤى: تحشمت معرفتش شن نرد عليه
عزو: جت امك! !! ولا بروحك
رؤى: بروحي 😔☹️
عزو: مالا اصيل جابك وينه خل نكسد معاه
رؤى: 💔جيت مع خالتي رحاب
عزو: اه! ! خساره ....عرفتيها بيسان ولاه! !!!🤭
رؤى: بيلسان ولا بيسان???? 😥
عزو: ني ننادي فاها هكيي المهم عرفتيها!!!
رؤى: هه اي 😅
عزو: المهم انتي كويسه! !!
رؤى: الحمدلله به هي زيك زيهمم للصاله بسرعه 🤨😎😂

رؤى: ...... 😑😐به...وهي داخله خدت الشنته

شويه وووصلوا عيله خوه سالم عنده ولد وبنت (ربيعه واكرم) ..... 😂نفس الشي استلم منهم واستقبلهم

سرو// لو بنركزز هلباااا ع العيله كلهاا بنتلخبط ونلخبطكم مشاءالله عيله كبييييره 😂واحسن شي لقطه عزوو ميه ميه للزحمه 🔥😅عندكم منه ف عيلتكم!!! 😃😁

👑روايـات الكـاتبـة سـرو👑

بعد ساعات 🔥

دانيا: 😂يا ناري خشت ف بعضهاا وقت قلتلهاا بنت اصيللل ووو لقينا على من نكسدووو

ربيعه: تضحك ب مكر....ههههههه😁

بيلسان: سمعتهم...... صار هكييي!!!!!
دانيا: 😳... ء
بيلسان: انتم اللي ضايقتوهااا يعني!!!!! وهي قد مسالناهاا مبتش تتكلم عليكمم البنتت بنت خالتك وانتي بنت عمتك قصدييي بما ان مش ديما تتلاقو رحبو بيهااا خيركم! !!...... طلعت وخلتهم

رؤى: كانت عند جدهااا شويه ومشت سكرت ع روحها دار حناهااا ..... وتبكي 💔

بيلسان: خلتهم مشغولين فالهدرزه ومشت طقت الباب عليهاا ..... رورو!!!!!

رؤى: تفكرت صوت اصيل ☹️.... ها
بيلسان: نبي نكلمك شويه افتحيلي
رؤى: مسحت دموعها و جتها فتحتلها.... نعم!!
بيلسان: دخلت وسكرت الباب ..... ههه مش عارفه ليش دخلتي قلبي طوول سبحان الله فيك من اختي 😅.... قوليلي خيرك متضايقه

رؤى: بصوت هادئ...... لا غر هكي حاسه الجو مش حلووو اصلا منحبش نجيي هني غير عخاطر جدي وحناي ومره بعد وينن 🙁

بيلسان: متقوليليش عزو ضايقك عخاطر الهاتف! !!!!
رؤى: هههههههههه 😂😂لا لا بكلل
بيلسان: وحق ربي عرفتك ح تضحكي لان كلهمم هكيي وربي حاله 😅... كلهم مشجعين تصرفاته

رؤى: قصدي متضايقيش من خالي وقت ياخد منك قدامهم! !!!.... اصلا مستغربه كيف عايشه معاه ديما ماما تهدرزلنا عليه وعصبي 🙂

بيلسان: ههههه عادي بلعكس محسيتاش عصبي وجوه حلوو ره تعرفي خواتي وخوتي يمووتو فيه كان يلقوه ديمااا يجي يرحبوا بيه احسن من هني مدلعهم الحق 😅بجديات نحكي معاك وراه وقت نحكيلهم ع لقطاته بش نخوفهم يقعدوا يضحكوا ولما يجي براحهم يسيبوا اللي ف يديهم ويهدرزوا عليه بروحه يحب يمشي غادي اكتر من هني 🤭

رؤى: ههههه اني الحق مكنتش نجي بالجمعه ومش مختلطه هلباا بيهم وسيم يجي اكترر مني وحتى ف العرس جيت ف اخر يوم بس 😂جو اصيلل احسن يمكن لان تعودت عليه

بيلسان: هههه تبي الحق مش شايفاته اصيل غير مره وحده ماشين للمحلات ف طرابلس ني فالسياره شفته يكلم ف عزو 😅

رؤى: ارتاحتلها .... اي مقلتيليش كم عندك اخت وخوت 😅
بيلسان: اني اكبر وحده وهما صغيرين اكبر واحد كيف بيدخل ثانوي زوز بنات توام وزوز ولاد ع روس بعض بينهم وبين التوام 3سنين🤭

رؤى: ربي يحفظكم
بيلسان: ويحفظك يا سمحه ❤️
رؤى: تعرفي! !
بيلسان: نعم
رؤى: مش مرتاحه هني 💔

بيلسان: لو في شي مضايقك احكيلي ☹️
رؤى: اني متضايقتش منهم لما قالولي بنت اصيل وحاولوا يستفزوني اللي ضايقني ان مامااا خلتني نطلع بدوون ميعرف وحتى هاتفي خلاته مني فالحوش 😔تعرفي ني مستحيل يكمل يومي الا ونصبح عليه اول وحده وفالليل اخر واحد نكلمه بش نقدر نرقد مش عارفه كيف حنتعودددد تخيلي في يوم بات ف حوش صاحبه اني للصبح مجانيش نوم 💔🥺🥺🥺🥺

بيلسان: مش فاهمه ..... اي حقااا علاش مجتش امك معاك! !!!!!
رؤى: 🥺 باللهي عليك متحكي لي حددد 🥺
بيلسان: 💔حبيبتي خودي راحتك

👑روايـات الكـاتبـة سـرو👑

رؤى: يومها صارت دوه بيني وبين اصيل دوه وفجاة تعصب وقلي ان هو ولد عمي وان اني كبرت معش يبيني نقله بابا 😔هو هكي حكالي يومهااا مش عارفه ماما لما عاودتلهاااا تعصبتتتت وحتى الدار حولتني منهاااا ونبهتني مندخلش لداره وبعد مخداني اصيل من المدرسه ورفعني للمنتزه عيطت علياا وقالتلي ان ح نقعد هني ف حوش جدي وحتى قرايتي بتحول ملفي هني 💔..... علاش هكي دارت معااي وبابا علي الصبح لماا كلمني قبل منطلع حاول يقنعني وبس حسيته ميبينيش مش عاساس يبيني بنته!!!!!! هلبا كلام في راسييي مرات نحس عقلي صغير ومستغلينه ومرات نحس ف روحي بروحي نصغر ف عقلي بش نفهم كل شي كيف ما اني نبيي واصيل حاس بالشي هذاا تخيلي يفهم فيا قبل ما نحكي معاه 😔💔💔

بيلسان: حضنتهاا ....... ني منقدرش نقلك كلام وتحفظيه عليااا بما اني جديده وقاعده متعودتش ع العيله وامك بالذات بس يمكن امك كانت تشوف ف شي تاني ل كلامه تعرفي اني حاسه ان اصيل يحبك 😐

رؤى: حاطه راسها ف حضنهاا وكأن لقت الاخت اللي تفضفضلها 🥺...... عارفاته يحبني بس مش الحب اللي في بالك يعني اخوات او صداقه او منعرفش اني بروحي سالته وقلي ☹️

بيلسان: هههههههه رؤى قوليلي انتي تحبيه! !!
رؤى: بعفويه....نغار عليه 🙂 بس هو مرات يدير فيها بش يستفزني .... يعني مش عارفه بالظبط لكن وربي ما نقدر نقعد بعيده ومنشوفاش مش قتلك ني بنت غريييبه 😐

بيلساان: هههه ي قلبي وربي محلاك حسيتك عفويه زي منار اختي بالظبط🤗

رؤى: واطت عيونها ب قهر 😔....ماماا تنصح فيااا ومش فاهمه علياااا كل مره تذكرني ان هو بحكم خووي ومرات لان فرق العمر اللي بيناا منفهمش عليه بس عارفه مامااا كانتتت فاهمه اصيل غلط وان هو مثلا مثلا يبي يتزوجني 🙂

بيلسان: صح بينك وبينه سنواااات بس صدقيني القصه مش عمر وانماا عقل وفهم يعني لو انتي متحاوليش تصغري روحك او هو ميحاولش يكبر روحه ح تتفاهموا 🔥

رؤى: بس ماما متزوجه بوه 😐كيف يعني حلال يعني!!!!!!

بيلسان: ههههه رورووو خلينا من امك وبوه انتي امك سميه وبوك مش علي وهو امه مش سميه وبوه علي يعني اهلك واهله غييير انتو تربيتو مع بعض فهمتي 😂❤️

رؤى:انحرجت بس كانت واخده راحتها معاها....😅 اي هو صارحني وقلي حتى وسيم يكون خوي وخووه 😶بس حتى ولو اكبر مني بهلباا هكي قالت ماما ..... هي تتكلم الغاز تحسيها تجبد ف هلبا مواضيع ف دقيقه وحده وني نلملمهم ونركبهم ع كيفي مفيش حل 🙂😂🙄

بيلسان: يكون ف علمك بيني وبين عزو قريب 10 سنين 😅يعني عادي متفاهمين وهلبا حاسديني علييه اني عمري 22 وهو 31 🙈 صدقيني مش مهمم هههه وره يعرفني من الاعدادي 😂 فرق بيني وبينك ان انتي من طفولتك مع اصيل وني معرفه من بعيد بس ❤️.... وع حسب ما يحكي عزو اصيل كويس ومحترم ومثقف وجوه حلو يحب يلاقيه ديمااا ❤️🔥

رؤى: اصلا خالي اكبر منه بسنتين بس 😅
بيلسان: 😅😅😅

👑روايـات الكـاتبـة سـرو👑

رحاب: خير شن في! !!!
عزو: تي وينهاا بيسان مش عاساس بتمشي لاهلها ???
رحاب: منعرفش يمكن مع رؤى يهدرزوا 🙂
عزو: اممم به مداماا هكي شويه وكلميها قلهاا يستنى فيك فالسياره .... قولي للصغار ياخدو هواتفهم وحجاتهم هاك مفتاح المخزن وبعدها رديه ل امي ..... اي💙

رحاب: تمامم 😶
عزو: كيف بيمشي رجع التفتلها.....ايييوه مقلتيليش بايتين!!!!
رحاب: لااا خواتي مش قاعدات بيروحوو وعيلة خوي مبكري شويه روحوو😅
عزو: وبوي من بيقعد معاه!!!!
رحاب: ني بس قاعده💁‍♀️🤷‍♀️
عزو: تضايق.....خييرهم هكيي ديما يخلو فيك انتي شن معندكش عيله زيهم ولا كييف! !!!! 🙄🤨
رحاب: 😂لقيت من يحس بيااا
عزو: هههههه واللهي عارفك الوحيده المليحه فيهم تو نفضالهم .... خلاص تو ندير راي ❤️

رحاب: يعيش عزو للصبح 😂
عزو: وبعد الصبح تبيني نموت!!!! 🙂🤨😐😂
رحاب: لا حول الله بعيد السو عليييك هههههه ربي يحفظك شتيوينا 💙

عزو: ويحفظك ❤️.... ومشي للسياره 👏

👑روايـات الكـاتبـة سـرو👑

بيلسان: تحكيلها ف مواقف بينها وبين عزو .......انسجمنا 😂❤️
رؤى: ههههه وكيف تحكيلي على خالي معلومات جديده تعرفيه اكتر مني 😂😂❤️❤️

بيلسان: هههههه ربي يسعدك ويهنيك ويبعتلك اللي خير منه ❤️
رؤى: ضحكتلها.....هو مزال في خير منه! ! 😂🙈
بيلسان: فخاطرهااا تقصدلها اصيل ❤️🔥..... هههههه شوفي كوييس ح تلقيه يمكن هو قريب هلبااا منك ومشفتيشي 🤲😁😂

رحاب:جتهم وفتحت الدار.... بيلسااان ملبستيش قاعده????? معتز يستنى فالسياره 🤭

رؤي: شافتلها ب حزن ....بتروحي! !!!! ☹️
بيلساان: بنمشي لاهلي ومنعرفش لو يردني هني او لا 🙁

رؤى: باللهي علييك شدي فيه يردك قاعده نبي نهدرز عليك ونتعرف عليك اكتر كيف انسجمنا 😥☹️
رحاب: بسرعه صحبه 🤭
بيلسان: هههههه اي وليناا صحبااات❤️

رحاب: اصلااا من كلام عزو مبكري شكله بيجي يقعد يونسني ويبات مع بوي كانهذا تعالي حتى انتي معنده ليش يخليك بروحك فالحوش مع ان عارفاته ميديرهاش وحيخليك عند اهلك بس شدي فيه تقعدي معانا نقصرو الليل مع بعض 😃😉

رؤى:فرحت.... اي اي ❤️
بيلسان: ابتسمت وشافت ل رؤى ب حب... مادا بيا واللهي❤️

👑روايـات الكـاتبـة سـرو👑

تسريع بسيط بش نوصل للاحداث 🔥

مع الساعـة1:00 فالليل 🔥

أصيـل: نهاار كله مروحتش للحوش ندور بالسياره وخلاص ونفكرر ف كلام عمتي ....جيت غر بعد صلاة العشي حتى قابلني بوي جاملته وخلاص وعمتي مبيتش حتى نرفع عيني ف عينهاا حتى العشي مبيتش نتعشى مسكر على روحي وخلاص حتى كلمني وسيم مدورتاش مشي وخلاني لان حافظني 💔..... متحملتش الحووش بلااهااا مكنتش متوقع نقعد مخنووق هكي بدونهاااا اللي واجعني محاولتش تتصللل اصلا هاتفهااا هني نلوم ونعاتب وبعدين تلقائيا قلبي يعذرهاا ضايع وحاير كيف ☹️.....

تسطحت ع سرير نتقلب يمينن ويساااار حتى النوم مش جايني نفكرر فيهااااا 😔وكيف حرمووني منهااااا ني كيف رضيت بالسرعه هذه??!!!! معقولـه !!!!.... مش قادرر نفكرر دختتتتت 💔....

✨✨✨✨✨✨✨✨✨✨✨✨✨✨✨✨

🕊️عـدت ايـام كـاتم الغـرام اللي عشقتـوا ليـها .... تشـوفك عيني عقلـي يحتـار ونـروح فيـها 😔.... ضايع قلبـي قطعـت الاخبار متت عليـها....🔥
نروح للدار باللي نضمنن قلبيي ليهـااا 🕊️

🕊️انتي العموور اللي فالبـال ما يتخبـى قـالوا مجنوون وسمـوها هبـال وهي محبـة 🥺..... حتى ما نبـوح باللي ف قلبي اما تخلالي المحبـة تتخبـى والعـروق تنادي حبييي ❤️....🕊️

✨✨✨✨✨✨✨✨✨✨✨✨✨✨✨✨

..... شويه شفت رقم غريب يرن مبيتش نرد.....

عاود مرتين و3 مرديتش هكي شويه وقت انزعجت رديت بعصبيه ....... ايوااااا..... الووو الرقم غريب منوو!!!!

رؤى: ساكته وقلبهاا بيطير وقت سمعت صوته🥺❤️🔥

اصيل: مش عارف ليش توترتت 💔 قعدت شويه ساكت مرد حد .... قلت نسكرر ....

رؤى: شاذه روحهااا بش متبكيش....... بصوت خفيف..... اصيل! !!!!! 🥺

اصيل: 😳مش مصدق ...... رورو!!!!!! هذه انتي! !!!! بجديااات!!!!

رؤى: 😔زعلانه مننننك
اصيل: بعفويه......ي روحي علاش زعلاانه نموت ومنزعلكشش 💔

رؤى: سكرت الدار وبعدت عالباب بش ميسمعها حد ...... علاش محاولتش تسال علياااا !!!?? ولا ماصدقت فتكيت منيي! !!!! ☹️

اصيل: حسيت من صوتها ان هي مجروحه ..... روروو علاش تقولي هكي شن فيي! !!!??

رؤى: 😔🥺 تعباااانه وحق ربيييي لو تعرففف مامااا شن مقايله ل حناي وخالتي رحاب بكري صدفه سمعتهم يهدرزووو وحق ربي مستحيل تصددق .... مصدووومه فاهاا علاش هكيي نحس فيهااا لقتني قدام باب الجامع غر تكذب علياااا 💔باقي متتغيرش هكي وتقسى عليااا 🙄☹️

اصيل: بعيدد عليييك ي رورو معش تقولي هكي هذه اممك قد متدير تقعد امك اللي تخاف علييك بس قوليلي شن سمعتي وشن قالتلهمم 💔..... يتبع
لقراءة الحلقة السابعة من رواية ملكتني طفلة : اضغط هنا  
هل اعجبك الموضوع :

تعليقات