رواية خيبة قاتله الحلقة الثانية للقراءة والتحميل download pdf - أروى طاهر المسلاتي

رواية خيبة قاتله الحلقة الثانية للقراءة والتحميل download pdf - أروى طاهر المسلاتي
لقراءة باقي روايات اروى طاهر المسلاتي : اضغط هنا

فصول رواية خيبه قاتلة بقلم بنووتة الشيخ 

اضغط على اسم الفصل المراد قراءته


رواية خيبة قاتله كاملة pdf - تحميل الحلقة الأولى من رواية خيبة قاتله pdf - تحميل رواية خيبه قاتله pdf - روايات بنووتة الشيخ - روايات أروى طاهر المسلاتي pdf - تحميل رواية خيبة قاتله كاملة - رواية خيبه قاتله الحلقة الثانية -- رواية خيبه قاتله الفصل الثاني
رواية خيبة قاتله الحلقة الثانية للقراءة والتحميل download pdf - أروى طاهر المسلاتي

تحميل رواية خيبه قاتله الحلقة الثانية pdf وقراءتها كاملة مكتوبة 

لقراءة الحلقة السابقة : اضغط هنا 
حنين:في حياتي كلها مشفتش دم بي الكميه هاذي💔
الصالون بدي لونه احمررر من الدم !
الارضيه المخده وحتى كان متناثر على الحيط
يده تتحرك 😨منحلمش انا اي يده تتحرك !!

ساره:انا متأكده انه نفسه!...هوا الداعيشي متأكده
كيف بنطلع من الورطه هاذي ياربي كيف بنطلع حيه من هنايا

لجين:مسكره على نفسها غرفة التنضيف وتشوف من الشق...ياربي نطلع نحلم نهااااري اسود ع الحشمه
مروه:تشوف لي الفيديو...مستحيل لالاا💔
__________________________

ساره:واقفه قدام المكان يلي ينسيني كل القرف يلي عشته المكان يلي يخليني نبدا من جديد اي هوا يلي جي في بالك توا ( المطار)
خلصت التاكسي وخشيت وانا مصدومه من الزحمه وكبر حجم المكان قعمزت في صالة الانتضار وانا ماسكه أوراقي كويس

_____________________
حنين:تحاول ادرق أثار وجها....صباح الخير عمتي
ربيعه(عزوزتها):صباح القايله علاش نازله ؟قعدتي راقده جنب راجلك وخلاص
حنين:عمتي الساعه قاعده 9الصبح ره حتى بناتك راقدات مفيش حد ناض
ربيعه:شبحتلها متكنطيه....انتي شنو قصتك ها؟؟؟كل شي لازم تجيبيلي سيرة بناتي وطلعيهم مينفعوش
حنين:خذت نفس عميق...حشاك وحشاهم ياعمتي مكانش قصدي
ربيعه:تحركي وتي الفطور لي عمك الحاج بيطلع
وتستاهلي الطريحه يلي واكلتيها
حنين:حطت يدها على وجها...لا مش طريحه هاذي طيحه امس
ربيعه:وتي الفطور بلا تفتفيت زايد
حنين:قلبت عيونها بملل ....حاضر

الشي هاذا مش غريب على حنين لان من اول يوم فاهمه كويس ان اهل راجلها ميحبوهاش وميبوهاش بس هوا خداعا غصب على اهله لانه كانو في علاقة حب❤️
وبعد سنه ونص زواج خلاص تعودت على معاملتهم

___________________________
مروه:بعيون مدمعه تشوف لي امها ...طاح البيبي صح ،؟💔
نجلاء:(امها)تخفي في الحزن يلي واضح على وجها ..وكلي ربي بنتي الله غالب حكمة ربي كل شي فيه خيره ليك اكيد
مروه:مسحت عيونها بتعب ...وينه؟💔
نجلاء:فهمت ان مروه تسأل على راجلها ...واقف برا مع امه اكيد تصبر فيه ..ان شاء الله المره الجايه نديرو بالنا اكتر من هكي ويثبت البيبي
مروه:كلام امها بدي يعطي فيها امل صغير متعلمش الشي الكبير يلي يخطتو فيه من وراها

______________________
حليمه:لعند امتى فهمني ؟لعند امتى بنقعدو بين مستشفى ومصحه ودكتور بدون فايده ؟فهمني من حقي نشوف احفادي قدامي وانت من حقك تشوف صغارك خلاص عاد تعبنا كل هاذي السنين بدون فايده !!
فؤاد:المطلوب يا أمي ؟؟الحل حسب رايك شنو مثلا؟
حليمه:تزوج
فؤاد:قام حواجبه ويشوفلها مصدوم
حليمه:خيرك تشوفلي هكى؟أنا مقلتش شي غلط الشرع حلل 4لعلمك
فؤاد:طلعت منه كلمه ومقدرش يشد لسانه ...مستحيل
حليمه:وعلاش؟ألف وحده تتمناك
فؤاد:امي فكيني منها دسكة الامهات هاذي الف وحده تتمناك وتبي منك اشاره ..ريحيني ترا
حليمه:علاش مستحيل؟علاش مدام العيب في مرتك مش فيك هيا يلي متقدرش تجيب صغار
فؤاد:بدي على وجها التوتر و الارتباك سكر يده بي غل ...منقدرش نطلقها
حليمه:ضحكت...منو يلي قالك طلقها بسس ..تي خليها انت بتاخد وحده تجيبلك الولد يلي كنت تحلم بيه
فؤاد:سكت وهوا يشوف لعيون امه يلي كانت واضحه متحمسه للفكره .

رغم حب فؤاد لي مرته مروه ❤️لكن كان قلبه يغلللى يبي ولد او حتى بنت المهم ملاك صغير من دمه والشي هاذا كان نقطة ضعف امه تضغط عليه بيها


🔥رِوَايـــــــــات بـــَـنـُـــووتِـــة الشـِــيـــْـخ🔥

🔥أروى الــــطـــاهــــر المــســلاتــــي🔥
ساره:عقلي سارح في ألف حاجه تخص حياتي الجديده ...قاطعني صوت
المرأه:كانت حالتها متبهدله وصوتها عالي زي صوت ولدها يلي يبكي ...معليشي يابنت نحصل عندك شيشة اميه؟
ساره:هزت راسها بمعنى لا وهيا منزعجه من صوت البيبي يلي مش راضي يسكت لين المرا ناضت وتبعدت من عليها .
لحضات وحست بي يد على رجلها
ساره:قامت راسها مخلوعه بس لقتها مرا كبيره في السن ❤️واضح على ملامحها الطيبه
المرأه:كيف حالك
ساره:الحمد الله
المرأه:حطت ع الكرسي طرف وفرداته على كبره المتوسط ...طلعت شوية صدفات مررتهم علي يدها ولوحتهم على الطرف
ساره:تراقب يلي قاعد يصير مش فاهمه شي
المرا:قامت عيونها في ساره وهيا مبتسمه ...واضح انك خليتي وراك كل شي وهربتي صح؟
ساره:بلعت ريقها وقلبها يدق من الخوف
المرا:واضح امورك رح تتحسن ان شاء الله لكن في شي لازم تردي بالك منه
ساره:مني انتي ؟
المرا:يلي لازم تردي بالك منه هوا الخيبه !
لان مرات تكون الخيبه قاتله ره !...ردي بالك
ساره:نضت من جنبها لان اول ما كملت كلامها سمعت النداء الاول لي الطياره ..بعدت من عليها وكلامها يرن في ودني ..كيف عرفت اني هاربه؟

____________________
لجين:تمسح في وجها من من العرق وتاخد في نفس عميق.
رؤى:فايته من جنبها وماسكه سله معبيه حوايج...ارحمي روحك يابنت ياسرك شغل
لجين:منقدرش لازم نكمل اليوم خطيبي عنده شوية حجات لازم يشريهم غضوا عنده مقابلة شغل
رؤى:اطبق في الحوايج....وشن علاقة خطيبك في خدمتك؟
لجين:تتكلم بصوت واطي عشان باقي الموضفين ميسمعوهاش....نساعد فيه
رؤى:حطت يدها على قلبها بشهقه...نهاااار سود
تصرفي عليه؟؟
لجين:تي لاااا اسكتي فضحتينا ...مش نصرف عليه بس نساعد فيه وكله رح يردهولي اول ما يبدا يخدم
ان شاء الله بكرا يوافقو ويوضفوه ياااارب .
رؤى:بنبرة هزوه...وشنو بيخدم الباشا؟
لجين:بي ابتسامه متفائله...مديع في قناه كبيره ان شاء الله
رؤى:بدون قصد طلعت منها ضحكه ...ومشت
لجين:كملت خدمتها بدون ما تهتم

كانت لجين متعتبرش في روحها خطيبته بس
وكانت متحبش جو البنات يلي يستغلو في الشاب يلي خاطبهم وياخدو منه في عيديه وتالفون وفلوس وغيره وغيره ...كانت تخدم بي كللل جهدها عشان تساعده ويوصل لي حلمه ..بدون ما تفكر في عواقب الشي هاذا

_______________________
وصال:صباح الخير ياسلفتي
حنين:تصب في القهوا...صباح النور
وصال:تجهز في شيشة ولدها...شنو ؟عاجنك طريحه زي العاده ولا كيف !؟
حنين:مردتش ولا كلمه واكتفت انها تقعد ساكته
وصال:فهمت خلاص مش عارف لعند امتى بتقعدي ع الحال هاذا بس!!
حنين:هوا مكانش قصده واصلا انا كان لساني طويل شويه اليوم
وصال:ضحكت.....ديمه نفس الاعذار تضحكي على روحك بيهم وخلاص
حنين:خليك في حليب ولدك يكون احسن
وصال:تغير في الموضوع...اييي قوليلي
حماوات القهره قاعدين راقدين زي العزري ؟
حنين:اي زي كل يوم شنو الجديد يعني !؟
وصال:مش عارف منو بياخدهم بس
حنين:بالله اسكتي بايرات وتو تشوفي كيف يجيهم سعدهم زي الرعد
وصال:ممكن اي !

_____________________
مروه:ربطة حزام روب الحمام على وسطها وطلعت بخطوات تاعبه
فؤاد:مقعمز على السرير وعيونه في الارض ساكت
مروه:قعمزت جنبه ...علاش حاسه ان المره هاذي يأست؟
فؤاد:لان المره هاذي مش اول مره نحاولو فيها ولا ثاني مره ولا حتى تالت مره
مروه:مسكت يده .....ومش اخر مره ❤️
فؤاد:قام عيونه بنضره غريبه...لا
يكفي المحاولات هاذي ياسر
مروه:بعدت يدها ببطئ والصدمه على وجها..ك كك كيف؟
فؤاد:عيونه في الارض ويحكي....تعبت من نفس الروتين واضح ان ربي مش كاتبلي نشوف صغاري منك مروه
مروه:عقدت حواجبها تحاول تتأكد من الشي يلي فهماته !!
فؤاد:الصبح قبل ما تطلعي من المشفى امى حكت معاي و.....خذي نفس عميق واضح انه مضايق
ضغطت عليا تبي تشوف صغاري
مروه:نزلت دمعتها وهيا تشوفله بنفس النضره
فؤاد:تبي ت......
مروه:قاطعاته....خلاص فهمت
فؤاد:قام عيونه فيها
مروه:مش رح نوقف في طريقك ...حقك هاذا وحتى
حق امك
فؤاد:شنو يعنى؟
مروه:يعنى حقك تتزوج ومرتك تجيبلك الشي يلي انا عجزت نجيبه
فؤاد:مروه انا ....
مروه:انا تاعبه ياريت من بكرا ترفعنى لعند امي
فؤاد:لا...ديري في بالك حتى لو تزوجت الف وحده عشان الصغار مستحيل نطلقك الشي هاذا طلعيه من راسك
مروه:ضحكتله بهزوا وناضت من جنبه وهيا تتوجع من بطنها

كانت مروه شبه حافضه. الحكايه ..فؤاد يتزوج وهوا يوعدها ان مستحيل يتخلى عليها واول ما مرته تجيب اول بيبي طول رح يهملها وينساها زي كل قصه سمعتها قبل !
🔥رِوَايـــــــــات بـــَـنـُـــووتِـــة الشـِــيـــْـخ🔥

🔥أروى الــــطـــاهــــر المــســلاتــــي🔥

ساره:كلها ساعات بسيطه ووصلت ...لان زي ما نعرفو تونس مش بعيده هلبا !
طلعت من المطار وشعور غريب داخلي فرحانه وخايفه في نفس الوقت ...ركبت في اول تاكسي
عطيته العنوان وانا نتنفس بعمق ❤️❤️

طول الطريق نتفرج من الروشن اول مره في حياتي نطلع من بلادي 🥺
اكيد كل شي رح يكون غريب عليا هلبا !
وصلت للمكان المطلوب ...نزلت للعماره وركبت لي الطابق الرابع نفس ما كان مكتوب في الورقه
طقيت ودقات قلبي اعلى من طقت الباب
فتحتلي بنت سمراء ❤️شعرها مجعد عيونها يلمعو

ضحى:تفضلي؟
ساره:احمم اءء انا انا ساره ال
ضحى:اي ده😍انتي البت شركتي في السكن من ليبيا صح؟
ساره:ابتسمت بتوتر....اي
ضحى:نقزت في مكانه وصفقت ....ايييييي الحمد الله يارب طلعتي بت طعمه وصغيره بردو انا كنت فكره انك اد جدتي 😅
انا برغي كتير تفضلي تفضلي حبيبتي ❤️
ساره:خشت بعد ما قلبها ارتاح شويه لي ضحى❤️
ضحى:انا اسمي ضحى من مصر بور سعيد جيت هنا اشتغل الغربه صعبه
ساره:مرتبكه ...اي صح
ضحى:بس يابختك دي العماره كلها ليبيين مش حتحسي بي الغربه خالص
ساره:خذت نفس...الحمد الله
ضحى:احكيلي بقى انتي قصتك اي ؟
ليه جيا هنا؟
ساره:اذكرت الف وجع ووجع 💔عيونها تبدلو
وملامح وجها تغيرت ..ابتسمت تحاول تخفف توترها وتكلمت .....خلينا نحكو في اي شي غير قصتي
ضحى:اهاا اوكي فهمت انا اسفه لو ازعجتك
ساره:لا ابدا عادي
ضحى:يالله تعالي أوريكي الشقه
ساره:ابتسمت وناضت معاها❤️

______________________
حنين:تشوف من روشن المطبخ سياره درست قدام الباب ونزل منها شاب❤️
واضح عليه العز وملامحه جميله
حنين:وصال ..مني هاذا؟
وصال:سيبت الطنجره على النار وقربت ...هاذا مازن ولد اخت عزوزتك
حنين:مشاء الله كيف راح
وصال:اي الله يبارك عليه
حنين:ابتسمت ...اذكرت راجلها اما كانت معاه علاقه كيف تشوف فيه احلا الناس ❤️
وصال:هني روحك خير ما يشوفك راجلك يقتلك
معش يكفي الضرب بس بعدين ره
حنين:سكرت الروشن وجت عينها على يدها💔
كان واضح اثار خطوط على يدها !
اذكرت ليلة امبارح والضرب يلي خذاته 💔

كانت حياتها صعبه لدرجه كبيره ...كانت تقريبا اكتر بطله في الروايه هاذي حياتها صعبه💔
عايشه في جحيم مع اهل راجلها وراجلها تغير عليها بعد الحب يلي كان💔من غير هاذا كله متقدرش تحكي لي اهلها شي
ابسط حاجه رح يقولولها هاذا يلي كنتي تبيه وتحديتي الدنيا عشانه !

طلعت حنين من المطبخ البراني وفجآه جت عينها في عين نفس الشاب يلي شفاته قبل شويه ..مازن😨
مازن:بلع ريقه بهد ما شاف اثار الضرب على وجها ...خالتي قاعده؟
حنين:اءء اي اي داخل
مازن:عطاها بي الضهر طالع بس رجعلها !...انتي بخير؟
حنين:هزت براسها بمعنى اي بدون ما تحكي
مازن:ابتسم...كويس❤️...ومشي
حنين:حست بشعور حلو نوعا ما ...يعني حتى ميعرفهاش وتقريبا ثاني مره يشوفها بعد وقت طوووويل وسألها لو كانت بخير او لا؟!



🔥رِوَايـــــــــات بـــَـنـُـــووتِـــة الشـِــيـــْـخ🔥

🔥أروى الــــطـــاهــــر المــســلاتــــي🔥
لجين:وصلت للحوش وطاحت ع الفراش من التعب 💔
ضهرها قريب نكسر من الخياطه
سهام:ربي يهديك وخلاص قتلك من امس متمشيش ولا !!..ياسرك تعب
لجين:طفي الضي ماما بنرقد
سهام:خطيبك يستنى فيك برا
لجين:ناضت تحاول ترتب نفسها وطلعت

وسيم:ابتسم...لوجي ❤️❤️
لجين:ابتسمت بتعب ...عيونها
وسيم:خيرك شن صاير؟
لجين:علاش؟
وسيم:ليش هكي لونك مخطوف
لجين:ولا شي تعبت شويه اليوم
وسيم:خذي نفس ومسك يدها...وراسك بكرا نتوضف نبدا مديع مشهور ونعوضك على كل شي
لجين:ابتسمت ...عارفه حبيبي ❤️
على سيرة الشغل....طلعت مبلغ من جيبها
لجين:هاذا عشان بكرا
وسيم:باس يدها وخداهم

_____________________
مازن:الحمد الله بخير
ربيعه:تبتسم....دوم حبيبي دوم شن حال امك وخواتك
مازن:الحمد الله كويس
ربيعه:به الحمد الله ...حنين حنننننين طرش
حنين:خشت للمربوعه في يدها سفرة الشاهي ..ايوا عمتي جيت
مازن:يشوفلها ❤️
ربيعه:الولد ليه سنه مقعمز حتى اميه لا؟؟؟
حنين:ارتبكت وهيا تسرع ولابسه قفطان طويل قريب طاحت
بس في اخر لحضه مازن مسك السفره بيد وحنين بيد❤️
مازن:سلامتك!!...بشويه عليك
حنين:😧😧😧
ربيعه:بري كملي الغدي مع وصال بيتغدى هنايا الراجل
حنين:طلعت بدون متتكلم
ومازن عيونه فيها لين اختفت

مازن:خيره وجها؟
ربيعه:هاذي لسانها طويل وقليلة ربايه كل يوم تاخد في طريحه من راجلها تستاهل
مازن:مش واضح عليها
ربيعه:حيه من تحت التبن يا وليدي ...من الاول مش راضيه على خطبتها
اهو قعدت زي المنضر لا جابت شقفة عيل ولا خلت علاقتها بي راجلها كويسه
مازن:سكت بس في داخله شي مش مصدق الملام يلي سمعه💔

______________________
الساعه12ونص في الليل:-
مروه:نضت من النوم لان رقدت من الساعه5العصر
بس منبيش نفتح عيوني ويعرفني نايضه
منبيش نحكي معاه
منبيش نواجها
منبيش حتى نشوفه
كان قلبي محرووووق💔كل ما نذكر انه في وحده تانيه بتشاركني فيه ننقهر
كل ما ندكر اني حرمته من ابسط حقوقه نمووووت 💔

_________________
لجين:غارقه في نومها بعد التعب يلي استمر3ايام بدون نوم
عشان في النهايه فلوسها يشري بيهم خطيبها بدله غاليه ويمشي بيها لي مقابلة العمل وهوا فرحان وحاط نفسه في مكانه مش ليه !!

_________________
حنين:سكرت عيونها تمثل انها راقده عشان تتجنب اي عركه وضرب
واول ما سكرت عيونها لي في بالها نضرة مازن وكيف مسكها قبل ما اطيح❤️
جي في بالها نضرته لما سألها ...انتي كويسه؟
كأنه لو جاوباته بي لا ..كان رح يساعدها
ليها سنين محستش الشعور الحلو هاذا !

__________________
ساره:فتحت باب داري بعد ما كان راسي بيتغجر من النوم !
من اول ما وصلت لي تونس رقدت طول من التعب
وللأمانه ضحى شريكتي في الشقه واضح انها بنت كويسه❤️صح دوتها هلبا بس كويسه سكرت عليا الباب وخلتني نرتاح

خشيت للمطبخ درت قهوا وقعمزت في الصاله مستغربه ضحى وين؟!
بعد دقايق سمعت طق خفيف بكل ؟!
تبعت الصوت لين فهمت ان في شخص يطق على باب الحوش بهدوء ....فتحت الباب وقلبي وقف لما شفت ملثم خش بسرعه وسكرلي فمي خايف اني نفضحه.....يتبع

لتحميل رواية خيبه قاتله كاملة pdf : اضغط هنا (حتى الحلقة الثانية)
لتحميل الحلقة الثانية من رواية خيبة قاتله pdf : اضغط هنا 

تعليقات



حجم الخط
+
16
-
تباعد السطور
+
2
-