القائمة الرئيسية

الصفحات

رواية حمل شيطاني كاملة للقراءة والتحميل pdf - كوكي سامح

رواية حمل شيطاني كاملة للقراءة والتحميل pdf - كوكي سامح
لقراءة باقي روايات الكاتبة كوكي سامح : اضغط هنا
رواية حمل شيطاني كاملة - رواية حمل شيطاني الحلقة الأولى 1 - رواية حمل شيطاني الحلقة الثانية 2 - رواية حمل شيطاني الحلقة الثالثة 3 - رواية حمل شيطاني الحلقة الرابعة 4 - رواية حمل شيطاني الحلقة الخامسة 5
رواية حمل شيطاني كاملة للقراءة والتحميل pdf - كوكي سامح

رواية حمل شيطاني الحلقة الأولى 1 مكتوبة بقلم كوكي سامح 

حسيت بوجع فى بطنى قومت اصرخ واقول الحقونى لقيت حماتى بتجرى عليه وتقولى فيكى ايه وشدتنى بعز قوتها وقالت دم الملايه كلها دم انتى سقطتى يا هانم وهنا حسيت انى خلاص فقدت حملى لخامس مره دخل عليه محيى وقالى متخافيش انا معاكى وجمبك بصيت فى عينه اوى وكان حزين وبرضه خايف عليه انا بحبه وهو كمان بس يا خساره حملى مش بيثبت احنا متجوزين من 5 سنين ولسه مخلفناش حماتى كانت بتقولى انتى عندك مرض القطط كنت بستغرب من جهلها واقول ربنا عاوز كده لحد ما جه اليوم اللى لقيت حماتى داخله عليه الاوضه وقالت جهزى نفسك رديت عليها وقولتلها ليه بس بصت بغيظ وقالت يلا بقولك وطبعا كلامها بيمشى على رقبتى قومت لبست وخدتنى وقالت لمحيى اننا هنشترى شويه حاجات وفى الطريق قالت انا هاخدك عند شيخ إنما ايه الناس كلها بتقول عليه ده جبار ومشيت معاها وانا حزينه وحاسه انى بموت من جوايا وبقول فى نفسى يارب دى حكمتك ليه عبادك بيعترضوا ده انا راضيه إنما هما مش راضين. وحماتى قالت يلا يا ام ام يا اسمك ايه معلش قصدى يلا صفاء احنا وصلنا وبيت الشيخ هناك اهو ومشيت معاها لحد ما وصلنا واول ما دخلت كان المكان زحمه وانا اتخنقت وقولت لحماتى انا همشى انا حاسه انى قلبى اتقبض رددت عليه وقالت بقولك ايه عاوزه تخلفى اسمعى كلامى ولقيتها اتفقت مع ست شكلها غريب وقالت خودى الورقه دى بميعادنا والله انا استغربت حتى الشيوخ كمان بميعاد وجه علينا الدور ودخلت عند الشيخ انا وحماتى ولقيته بيبصلى اوى وقالى اققعدى هنا روحت قعدت على الكرسى اللى قصاده وقال لحماتى اخرجى انتى بره وفعلا قامت خرجت والشيخ قالى اسمك رديت عليه وقولت صفاء رد وقالى انتى جايه هنا علشان الخلفه قولتلوا اه نفسى فى ولد او بنت المهم اخلف زي اى ست نفسى جوزى يفرح راح قالى هاتى ايدك ومسك ايدى اوووى وقالى ده كفك وانا هشوفلك الكف يا صفاء واول ما شاف قالى كفك غريب اوى قولتلوا ماله قالى انتى هتتغيرى خالص رديت عليه والحزن فى صوت اتغير بقولك انا عاوزه اخلف رد وقالى بصوت حزين مش هتخلفى ابدااا لقيت نفسى بعيط ومنهاره راح مسك جسمى وانا مش حاسه وقرب منى وابتدى يحضنى وانا من كتر دموعى ومن صدمتى مش حاسه بيه وحضنته بجد حسيت بحضنه ليه وفجأه قولت اوعى ايه اللى بتعمله ده انت مجنون.. عينى جت فى عينه ولقيته بيعيط وقولت فى سرى انا حاسه انى اعرفه لقيته بيقولى انا مراد يا صفاء مش فكرانى مش فاكره حبنا القديم قولتلوا مراد معقول وقولت ايه اللى عمل فيك كده قالى الزمن وانتى عارفه انى كنت فقير ومش قادر حتى اجبلك دبله رديت وقولت والكف اللى شوفتوا كذب قالى لأ انتى فعلا مش هتخلفى ومسكنى من وسطى وقولتلوا انا متجوزه يا مراد ولو سمحت ابعد عنى وخدت شنطتى وخرجت لقيت حماتى قاعده قولتلها يلا نمشى رددت وقالت فى ايه وسبتها وخرجت بره وابتديت افتكر مراد وإيام الجامعه وحبنا لبعض وبعدين استغفرت ربنا وحماتى خدتنى وروحنا البيت وقالت انتى مفيش منك منفعه وانا كل تفكيرى فى مراد وازى بقى كده شيخ ودقنه طويله مع انه لسه شاب ده أكبر منى بسنه واحده بس ولقيت محيى داخل عليه وبيقول كنتوا فين بس حماتى رددت عليه وقالت كنا بنشترى حاجات للبيت...

رواية حمل شيطاني الحلقة الثانية 2 مكتوبة بقلم كوكي سامح 

= ماما حضروا نفسكم علشان ميعادنا عند سهام...

= ياسين عاوزاك تذاكر كويس النهارده تيته وخالتو وخالك وطنط صفاء معزومين عندنا عاوزاك تخلص قبل ما يجوا..

=ما تسبيه براحته يا ابتسام الولد مخنوق من الصبح انتى ايه يا شيخه حتى فى الأجازه عاوزاه يذاكر.

ابتسام : اه طبعا علشان مينساش اللى خده قبل كده
كريم : والله انا ما صعبان عليه غيرك انتى بتتعبى نفسك ليل ونهار مع الولد وسيبانى لوحدى
ابتسام : يا حبيبى انت ابنى البكرى ♥️ ربنا يخليك لينا
كريم : ويخليكى ليه يا نور عينى من جوه بقولك صحيح هما الجماعه كلهم جايين رددت وقالت اه كلهم جايين حتى صفاء بصراحه بقيت اخاف منها بحسها بتقر علينا.. رد وقالها حرام عليكى يا شيخة البنت غلبانه وملهاش حد لازم نطيب خاطرها مش كفايه حماتى واللى عملاه فيها رددت وقالت ماما يا سلام دى ماما اطيب قلب انت بس اللى متحيز ليها مش عارفه ليه. انا هقوم احضر الأكل زمانهم جايين وبقولك خد الصوره دى علقها علشان الحسد.
كريم : لا حول ولا قوة الا بالله ادخلى حضرى الأكل وفعلا ابتسام دخلت تحضر الأكل وبعد مرور الوقت ابتسام جهزت السفره وقالت كل حاجه جاهزه ايه رأيك رد كريم وقالها تسلم ايدك يا حبيبتى 😍
= الباب خبط وكريم فتح الباب وقابل الضيوف حماته وصفاء ومحيى وأميره وقال اتفضلوا وكانت سهام محضره العشا..
= ودخلوا كلهم وصفاء دخلت الحمام وقام وراها كريم وقال صفاء بصت وقالت نعم قالها بحبك اوى ومش قادر بقى سيبك منهم ويلا اتطلقى وانا اتجوزك ومش عاوز ولاد رددت وقالت تانى يا كريم ما تبطل بقى اسلوبك السخيف ده انا بحب جوزى ومتنساش انت تبقى مين عن اذنك وخرجت صفاء. وسابت كريم
= معقول اشوفك يا صفاء بعد السنين دى كلها ياه وشوفتك مكسوره علشان تخلفى ده انتى رفضتينى علشان فقير بس وحياه اللى بنا مش هسيبك ومش هخليكى تعيشى يوم واحد سعاده.
= هنيه بقولك هاتى الطبق الكبير وملح رددت وقالت ايه هتعمل عمل جديد بس شكله قوى رد مراد وقالها اه لازم اجننها وخليها تيجى راكعه تحت رجلى رددت هنيه وقالت حاضر..



= الأكل عجبكوا يا جماعه هقوم اعملكم الشاى وقالت فى سرها الله اكبر فى عينك. ودخلت تعمل الشاى وكانت خايفه من صفاء بس صفاء بتفكر فى الخلفه وفى مراد اللى حاله اتغير واتبدل وكانت مرعوبه منه..

= وبعد مرور ايام وصفاء كانت قاعده فى شقه حماتها سمعتها بتتخانق مع محيى خناقه كبيره وقامت تشوف فى ايه حماتها قالت فى ضيوف جايين وجوزك مش راضى يقابلهم رددت وقالت ليه يا حبيبى بصلها بحزن ومشى وتليفون حماتها رن وبعد ما رددت قالت خلاص احنا اللى هنروح وانتى معانا قوليلوا ويلا اجهزوا كلها ساعه وصفاء، جهزت نفسها ومتعرفش فى ايه وسألت محيى بس مجاوبش عليها وجهزوا وكانت حماتها جهزت وخرجوا وركبوا العربيه ومحيى سايق وصفاء مش فاهمه حاجه وقالت وهى مذهوله الطريق ده نفسى طريق الشيخ مراد ووصلوا ودخلوا نفس العماره وصفاء بتكلم نفسها وتقول تانى يا حماتى بس المره دى طلعوا الشقه اللى فوق شقه مراد وحماتها رنت الجرس وفتحت ست كبيره وقالت لهم يدخوا وبعد ما دخلوا قعدوا وفجأه مراد خرج وكل ده صفاء مش فاهمه حاجه وقالت انا هسكت احسن.

= ودخلنا وفى ست فتحت لينا الباب وفجأه خرج مراد وبيضحك ضحكه عريضه وعينه عليه ونظراته غريبه وقال اتفضلوا وبصراحه انا استغربت جدا وحماتى وجوزى قعدوا ومراد قالى اتفضلى يا مدام روحت قاعده وبعدين لقيت حماتى بتتكلم وبكل ثقه قالت فين جليله وانا قولت فى سرى مين جليله دى وفجأه مراد قام ولقيته خارج ومعاه بنت جميله وجمالها ميتوصفش وحماتى قالت انا جايه اخطب جليله لأبنى قومت وقفت واتضايقت ومحستش بنفسى وغير وانا فى الشارع وبجرى زى المجنونه لحد ما وصلت الترب عند ماما وقعدت وفضلت اعيط واقولها جوزى هيتجوز عليه وهيكون ليه ضره علشان مش عارفه اجيب حته عيل وفجأه افتكرت حاجه حصلت ليه زمان ماما الله يرحمها تعبت اوى وكانت بتسمع أصوات غريبه لدرجه كانت بتجرى فالشارع وتاخدنى انا واخواتى البنات واحنا 3 بنات وتنزل بينا الشارع وتقول هيموتونى الحقونى يا ناس بيقولى هموت دلوقت وانا واخواتى كنا بنعيط وكنا صغيرين والكل اجمع ان صاحبه البيت عامله ليها عمل علشان نمشى من البيت لأنها كانت طمعانه فى شقتنا وماما كانت لا حول ليها ولا قوه لحد ما حد قالها ع شيخ كويس وصيته مسمع وفعلا روحت معاها ولما دخلنا عند الشيخ ده قال لماما دى بنتك قالت اه راح سألنى سؤال غريب وقالى انتى بتحصلك حكه فى جسمك وبالأخص فى الأماكن الداخليه رديت عليه وقولتلوا اه وقالى بتحسى بحاجه تانى قولتلوا بحس ان فى نمل ماشى فى جسمى راح بص لماما حته بصه مش قادره انساها وقالها فى واحده من بناتك هتحمل من الشيطان...

رواية حمل شيطاني الحلقة الثالثة 3 مكتوبة بقلم كوكي سامح 

وصوت الشيخ حاسه انى سمعاه وهو بيقول واحده من بناتك هتحمل من الشيطان...

= فضلت افكر واقول يا ترى يقصد ايه ومين اللى فينا اللى هتحمل من الشيطان الموضوع ده عدى عليه سنين بس حاسه انه سبب الكارثه اللى انا فيها ما انا حملت 5 مرات وبسقط ومش لاقيه حل حتى الدكاتره فقدوا الأمل فى خلفى وكمان جوزى الطيب الحنين هيتجوز عليه وهيكون ليه ضره..

.. ومراد قال هى المدام راحت فين يا استاذ محيى؟ شكلها متعرفش انك هتتجوز عليها ولا اي

.. لأ متعرفش
.. طيب قوم شوفها راحت فين؟
.. حاضر بس انا عارف اكيد روحت عند أهلها
.. ولو كده يبقى خلاص
.. جليله ايه رأيك نقرأ الفاتحه
.. ايوه يا ابن عمى انا موافقه
.. مبروك يا عروسه وانت كمان يا محيى هتاخد ست الستات دى اللى هتجبلك الولد
.. ولد ولا بنت مش فارقه المهم اخلف
.. شكلك زعلان 🙁 رددت الام وقالت فين الشربات وتمت قرايه فاتحه جليله ومحيى..
= انا تعبانه ومش عارفه اروح فين واعمل ايه انا بجد محتاجه حد جمبى انا هروح لأخواتى البنات وفعلا صفاء قامت من الترب وكلام الشيخ فى ودانها فى واحده من بناتك هتحمل من الشيطان ومشيت وسط الترب والدنيا ضالمه ومش حاسه بنفسها لحد ما خرجت وخدت تاكس وراحت لحد بيت العيله وطلعت وفتحت الباب وكانت اختها ندا قاعده مع خطيبها وبصت لها وقالت صفاء تعالى وحشتينى اوى..
.. وانتى اكتر هى فين منى؟
.. فى المطبخ بتعمل شاى
.. انا هدخل لها. وصفاء دخلت المطبخ وشافت منى وقالت مش قولتلك كذا مره بلاش يقعدوا لوحدهم
.. مش تسلمى الاول
.. عامله ايه وحشانى يا منى انا بس خايفه ع ندا
.. اوعى يكون لسه كلام الشيخ فى بالك
.. ومين سمعك انا هتجنن وكمان محيى هيتجوز عليه شوفتى اللى حصلى 😭
.. انا قولتلك بلاش تتجوزى البنى آدم ده
.. محيى حنين عليه اوى.
.. اه حنين وهيتجوز عليكى
= تليفون صفاء رن وكان محيى وكان بيسأل عليها وصفاء رددت واول ما سمعت صوت محيى عيطت وزعق معاها وطلب منها تروح البيت وقفل معاها.
= منى عملت الشاى وخرجت هى وصفاء وقعدوا مع ندا..
صفاء : منى عاوزاكى جوووه
.. تعالى
.. انا عاوزه اخدك معايا للشيخ ده واشوف كلامه ده كان صح ولا كان بيقول كلام وخلاص وخصوصا ان محصلش منه حاجه
.. يا بنتى الموضوع من زمان وخلاص وبعدين هتعرفى طريقه منين وحتى لو عرفتى مش يمكن يكون مشى او مات.
.. معرفش انا هسأل طنط فوزيه هى اللى تعرف لأنى فاكره هى اللى قالت لماما عليه
= وصفاء مسكت بطنها وقالت معقول هحمل من الشيطان وقالت انا همشى وهتصل اطمن عليكم والسلام امانه لجوزك والولاد صحيح هما فين..
.. تحت فى الشقه اصل حماتى عندى النهارده وبعدين بطلع هنا لما يكون خطيب ندا موجود وطول الاسبوع ندا عندى بس بتكون موجوده هنا على النوم بس.
.. انا عارفه انى مقصره بس انتى عارفه حماتى ربنا ما يحرمنا من بعض وقامت صفاء استأذنت ومشيت ولما روحت البيت لقت ان كلام محيى اتغير معاها خالص وقالها ان الجواز هيتم علشان يخلف مش اكتر ومن وجهه نظره ان أمه هترتاح بالطريقه دى وتبطل زن. وصفاء سمعت كلامه وساكته خالص وطلعت شقتها وهى مضايقه ومخنوقه ومحيى طلع وراها وقرب منها رددت وقالت انا مش عاوزاك تلمسنى

رواية حمل شيطاني الحلقة الرابعة 4 مكتوبة بقلم كوكي سامح 

.. ازاى انتى مراتى

.. لأ انا زوجه مكسوره الخاطر علشان مش قادره اخلف تتجوز عليه روح لها واعتبرنى مش فى حياتك وياريت تتطلقنى ونفضها سيره

.. انا داخل انام

.. بالسلامه 😭😭😭😭😭
= وبعد مرور الوقت وجه اليوم الموعود والكل متجمع اخوات محيى وأمه وراحوا يكتبوا على جليله وصفاء فضلت لوحدها فالشقه وعدت ساعات وصفاء نايمه وحاسه بخمول وحالها احساس رهيب وقالت ايه ده انا بيحصلى ايه حاسه ان حد بيلمسنى وكأن حد بيحضنى وقامت تتأكد وملقتش حد لدرجه قالت إن جوزها رجع وغير رأيه وقامت دخلت الحمام وخدت شاور ودخلت تنام تانى..
= اطلعى يا عروسه ادخلى برجلك اليمين وابتسام زغرطت والكل مبسوط وبيشهد بجمال جليله ودخلت شقه حماتها وطبعا جليله اللى هتخلف وده حلمهم ومحيى مسك جليله من ايدها ودخل بيها اوضه النوم وابتسام خدت أمها معاها علشان ياخدوا راحتهم وصفاء قاعده فى شقتها والنار قايده جواها..
.. الباب خبط وصفاء قامت فتحت وقالت كريم ايه اللى جابك رد وقالها انتى صعبانه عليه سيبك من الناس دى واتطلقى رددت وقالت اطلع بره ما انت خاين زيه ربنا ياخدكم يلا بره بره وقفلت الباب وفضلت تفكر طول الليل وجليله فى حضن محيى..
= وفى صباح اليوم التالى صفاء قامت من النوم وراحت لصاحبه امها علشان تسألها على مكان الشيخ.
.. بحبك يا محيى
.. ياااه يا جليله ده انتى حلوه اوى وكلك ع بعضك جميله
.. عجبتك
.. اوى اوى
.. ايه اكتر حاجه حبتها فيه؟
.. كل حاجه شفايفك وحضنك وجسمك وشعرك ولمسه ايدك انا حاسس انك جنيه
.. فى حاجه شوفتها جوه بس مش عارفه اققولك عليها ازاى
.. قولى يا حبيبتى
.. مراتك القديمه بتقعد هنا
.. اه طبعا لازم تقعد
.. بس شكلها بتحبك اوى
.. بتحبنى فعلا بس شوفتى ايه؟
.. شوفت بيچامه وقميص نوم هديه منها لينا اختك ابتسام هى اللى قالت دى هدايا من مراتك صفاء
.. وقال صفاء فيها الخير
= صفاء رجعت من المشوار ومعرفتش طريق الشيخ سألت عليه قالوا مشى من زمان ورجعت البيت مخنوقه ودخلت ع شقه حماتها وشافت جليله وقالت ازيك رددت عليها وقالت انتى صفاء منوره يا حبيبتى تعالى ده بيتك قبل ما يكون بيتى
..ههههههه راحت عليه ده بيتك انتى يا عروسه ومسكت بطنها وقالت انا حاسه بمغص هيقطع بطنى
.. وجليله جريت على المطبخ وعملت نعناع وقدمته لصفاء وفضلوا يتكلموا مع بعض وعدى شهرين من جواز جليله ومحيى ومفيش حمل وهى وصفاء حلوين مع بعض زى ما الكتاب بيقول..
= وصفاء بتطلع تنام فى شقتها لوحدها ومحرمه نفسها على محيى وفى يوم كان نايم تحت مع جليله وكانت هى نايمه لوحدها خدت شاور وقعدت على السرير ونامت وحست نفس الاحساس وكأن فى حد فى حضنها وتفتح عينها تلاقى الاوضه فاضيه عليها لحد ما قامت فى يوم مسكت بطنها اوى وبقت تصوت وجريت على الدكتور وكشف وقالها انتى حامل واتخضت وقالت حامل ازاى انا محرمه نفسى على محيى ازاى حامل بس وجريت وراحت على مراد ودخلت عليه وهى مخضوضه وبتستنجد بيه وقالت الحقنى يا مراد فى حاجه غلط رد وقالها فى ايه قالت انا حامل وجوزى مش بيقرب منى من يوم ما اتجوز وانا محرماه عليه ملمسنيش خالص ومراد حط ايده على بطنها وقال معقووول...

رواية حمل شيطاني الحلقة الخامسة 5 مكتوبة بقلم كوكي سامح 

.. معقول تكونى حامل وجوزك مقربش منك رددت وقالت لا يا مراد صدقنى انا عمرى ما غلطت بس فى حاجه محدش يعرفها غيرى حتى جوزى ميعرفهاش ووطت صوتها وقالت انا حامل من الشيطان

.. شيطان ايه وكلام فارغ ايه

.. صدقنى دى حكايه حصلت زمان وحصلت مع ماما

.. ممكن اعرفها
.. مش دلوقتى المهم انا هعمل ايه فى المصيبه دى متسبنيش لوحدى يا مراد انت اللى باقى ليه 😭
.. واثقه فيه اوى كده
.. مليش غيرك بعد ما محيى ما اتجوز عليه صدقنى
= مراد قال فى سره هى دلوقتى فى لحظه ضعفها ولازم استغلها كويس
.. تعالى يا صفاء انا حاسس بيكى ومراد خد صفاء فى حضنه وهى مستسلمه
.. انا لازم أمشى
.. خليكى معايا شويه
.. مقدرش بس عاوزه منك طلب لو تقدر تنفذه هكون مشكوره ليك
.. ان شاء الله هقدر
.. خليك جمبى اوعى تسبنى
.. حاضر
.. انا همشى دلوقتى وهبقى اكلمك سلام
= ومشيت صفاء ومكسوره بس واثقه ان مراد هيكون جمبها وصديق مخلص ليها فى وقت حب عمرها اتجوز عليها وخانها ومشيت وراحت البيت وطلعت ولقت فى وشها محيى وقالت
.. انا طالعه شقتى
.. مالك شكلك مخطوف وبعدين مش ناويه تعقلى ولا ايه..
.. وسع كده عن اذنك انا طالعه
.. ههههههه لو عاوزه حاجه انا قاعد مع جليله

.. طيب
= وطلعت ع شقتها وفتحت الباب ودخلت اوضه نومها ومسكت بطنها وقالت انا حاسه ان الحمل ده هيثبت ولو ثبت انا مش هتنازل عنه حتى لو طلع قرد..
= عارف يا محيى انا حاسه ان صفاء مش طبيعيه
.. معلش حبيبتى لازم نعذرها اللى عملته فيها مش سهل.
.. ندمان ولا ايه
.. وانا اقدر
= وتليفون جليله رن ورددت وكانت هنيه وقالت لها تكلم مراد ضرورى..
= الباب خبط وفتحت الباب وقالت جليله تعالى
.. انا كنت عامله كيكه قولت ادوقك عمايل ايدى هتعجبك اوى اصل انا شاطره فى الحلويات اوى
.. تسلمى يا حبيبتى
.. مالك شكلك كده بيقول ان فى حاجه
.. عادى بس تعبانه شويه
.. حبيبتى الف سلامه عليكى
..انا هدخل اخد شاور وادخلى انتى اعملى الشاى علشان ناكل معاه الكيكه الجميله دى
= ودخلت الحمام تاخد شاور وجليله دخلت عملت الشاى وخرجت من الحمام وقعدت مع جليله وفضلوا سهرانين مع بعض.
.. مش ملاحظ حاجه غريبه يا محيى
.. خير يا ماما
.. جليله وصفاء اتلموا على بعض وعلى رأى المثل مركب الضراير سارت ومركب السلايف غارت
.. بس انا بقى مرتاح كده مفيش وش لا من دى ولا من دى
.. مفيش حاجه
.. حاجه ايه
.. مراتك مش حامل
.. لأ
.. ربنا يرزقك الذريه الصالحه قوم يلا قول لمراتك تنزل الوقت اتأخر
= تليفون جليله رن وقالت ده محيى ونزلت جرى والغيره دبت فى قلب صفاء وقالت اغير على ايه على واحد باعنى ومسكت بطنها وقالت لازم ادور على الشيخ...
.. فين محيى يا ماما
.. دخل على اوضته
ودخلت عليه وقالت وحشتنى يا حبيبى
.. انت كل ده بتعملى ايه مع صفاء
.. كنت بدوقها الكيكه
.. اهو انا بقى حبيتك من حنيتك دى
.. اه حاسه انى عاوزه ارجع وجريت على الحمام ورجعت
... مالك بس ما انتى كنتى كويسه شكلك خدتى برد ولا ايه
.. باين كده انا هنام علشان تعبت خودنى فى حضنك
.. تعالى يا حبيبتى
ومحيى نام والساعه عدت 2 بالليل وجليله قامت من النوم وتليفونها رن وقامت كنسلت ولابست روب ونزلت وهى بتتسحب وقالت انت اتأخرت كده ليه يا حبيبى
.. قولت لما النطع ده ينام
.. تعالى انا عملت مفتاح على الشقه زى ما طلبت بس بشرط
.. طلباتك أوامر
.. عاوزاك الاول
.. ههههههه بحبك اوى وحضنها على السلم بس جليله قالت تعالى تعالى رد وقالها فين قالت الشقه اللى قصادك دى فاضيه ومفيهاش حد ومتقلقش كلهم نايمين ودخل معاها الشقه وبكل بجاحه وقله أدب دخلوا الشقه وقضوا وقت فى حضن بعض
.. حطيتى المنوم فى الشاى ل صفاء زى ما اتفقت معاكى
.. اه انا مش عارفه انت عاوز ايه من البنت دى نفسى افهمك
.. انا هقوم وهاتى مفتاح شقتها واطلعى شقتك وراقبى المكان كويس ماشى
.. حاضر
= ومراد طلع يتسحب زى الحراميه وفتح الشقه على صفاء ودخل وقفل الباب وقال هى فين اوضه النوم وقال هى دى ودخل وشاف صفاء نايمه ومش حاسه بحاجه من تأثير المنوم وركب كاميرا فوق السرير وقرب من صفاء....
يتبع..

رواية حمل شيطاني الحلقة السادسة كاملة مكتوبة بقلم كوكي سامح

= ومراد ركب الكاميرا وقرب من صفاء واول ما قرب منها تليفون صفاء رن اتخض وقام بسرعه وهى مش حاسه بحاجه ولما التليفون بطل رن قال نسيت انها واخده منوم ورجع تانى وقرب منها وابتدى يعتدى عليها وهى مش حاسه بأى حاجه وكل ده والكاميرا بتسجل..
= وفى صباح اليوم التالى صفاء قامت من النوم وقالت دماغى تقيله وتليفونها رن وكانت اختها ندا واطمنت عليها وقالت لها انها تعبانه اوى وطلبت منها تيجى تقعد معاها.
= صفاء قامت وحاولت تغير هدومها بس كانت تعبانه وكل اللى شاغلها الحمل وتدور على الشيخ.
الباب خبط وقامت فتحت وكانت جليله وبصت لصفاء حته نظره غريبه
.. مالك يا جليله انتى بتبصيلى كده ليه
.. اصلك النهارده شكلك زى القمر وقالت فى سرها اكيد شافها بقميص النوم ده وجسمها مغرى يغرى اى راجل ومراد ميتوصاش انا خايفه يحبها بس يا هبله ده اتفاق 🤝 لا اكتر ولا اققل
.. انا زى القمر انا قايمه من النوم تعبانه ودماغى تقيله وحاسه بحاجات غريبه
.. حاسه بأيه
.. بينى وما بينك انا كنت بحلم حلم غريب ان حد نايم جمبى وبيحضنى وحاسه بحضنه بس كل لما اجى ابص فى وشه مش شيفاه وكأنى عاميه.
.. كله خير يا صفاء شكلك تقلتى فى العشا
.. انا مأكلتش غير الكيكه بتعتك
.. المهم المحروسه اخت جوزك جايه اسمها ايه دى
.. اه ابتسام امممم ياه بصراحه من مش فايقه خالص وتعبانه ارجوكى قولى لحماتى انى تعبانه
.. حاضر هقولها يا حبيبتى وهشيل عنك كل حاجه انتى اختى مش ضرتى.
جليله نزلت واتصلت ب مراد وقالت الو هو انت شوفت شكلها وجسمها كمان ومراد رد وقال انتى مجنونه ولا شكلك كده ده اتفاق وانا قولتلك من الاول انتى فالبيت ده لحد ما نخلص المطلوب وبس. رددت وقالت انا بغير عليك وانت عارف رد وقال ههههه وانتى بقى اللى فى حضن استاذ محيى حلو ليكى وقالت بس جوزى يا مراد رد بسخريه وقال جوزك ايه انا متفق تتجوزيه لحد ما نخلص اللى احنا عاوزينه وكمان انا لقيتها فرصه اخد حقى من صفاء.. قالت انا هقفل وقفلت وقالت ماما انا قولت ل صفاء تنزل بس هى تعبانه اوى بس انا هعمل اى حاجه مكانها رددت وقالت سيبك مفيش حاجه فى السكه رددت وقالت ربنا يرزقنا ونفرح كلنا يا ماما وبعد مرور ساعتين ابتسام وابنها ياسين وكريم وصلوا وجليله قابلتهم احسن مقابله
ابتسام : انتى حلوه اوى اوى يا جليله وكمان اكلك تحفه.
جليله : منحرمش منك يا حبيبتى كله من خيركم
ابتسام: نفسى افرح بخلفه محيى
بس جليله قالت إن شاء الله هتفرحى
ابتسام : انا طالعه اشوف صفاء
جليله : ياريت على الاققل تتطمنى عليها . وفعلا ابتسام طلعت ومعاها كريم بس سابت ياسين مع جليله
= تليفون جليله رن وردت وكان مراد وقالها صفاء عامله ايه رددت بغيظ عاوز ايه منها رد وقالها هى كويسه اطلعى طمنينى عليها قالت لا وقفلت معاها..
.. اققعدى يا ابتسام اومال فين حبيبى ياسين رددت وقالت تحت عند ماما وقالت فى سرها ابتدينا شغل القر بقى الله اكبر....
.. ايه يا ابتسام بتكلمى نفسك
.. لا بس افتكرت حاجه
.. صفاء ازيك يا كريم
.. الحمد لله
.. صفاء قالت خلى ياسين قاعد معانا النهارده
ابتسام : هههه بلاش علشان مش هيسمع الكلام وميستغناش عن حضنى عقبال ما تشوفى زيه يارب.
.. وصفاء قالت فى سرها ان شاء الله قريب
.. كريم : خلاص يا صفاء عموما ياسين متعلق بيكى بس لو ضايقك كلمينى
صفاء : مرحبا حاضر واللله هشيله فى عينى
= وابتسام وكريم مشيوا وجليله طلعت ومعاها ياسين ورنت الجرس وصفاء فتحت وقالت تعالى يا حبيبى. وكانت بتتكلم مع مراد فى التليفون ومنسجمه..
وجليله دخلت هى وياسين وقالت معقول حته بت زى دى تاخد منى مراد انا لازم اخلص منها
ياسين : طنط انا عاوز اشرب
جليله : عنيه ودخلت المطبخ وقالت انا هوديكى فى داهيه قبل ما تاخدى مراد منى والشيطان أتمكن من جليله وقالت انا هوريكى وجابت كوبايه ومياه من التلاجه وطلعت والنار قايده فى قلبها وعينها على صفاء وهى بتكلم مراد
ياسين : طنط المياه
جليله : خد يا حبيبى
.. وصفاء قفلت مع مراد وجليله قالت انتى بتكلمى مين هه ههههه
صفاء : واحده صاحبتى
= وقالت كمان بتكدبى انا هوريكى بلا اتفاق بلا قرف وقالت انا نازله علشان انام لان فعلا مش قادره
صفاء: تصبحى ع خير
وجليله نزلت وكانت محروق دمها وياسين قاعد مع صفاء
.. وفى صباح اليوم التالى جليله قامت بدرى وحماتها نايمه ومحيى قام راح شغله وياسين نزل عند جدته وسألته قالها صفاء نايمه ودخلت المطبخ وقالت إنها هتحضر فطار وشافت سم الفيران بالصدفه والشيطان وسوس لها وقالت انا هحط منه ومحدش شاف ياسين انه نزل هنا وطبعا اللى هيروح فى داهيه صفاء واخلص منها والشيطان أتمكن منها وطلعت عصير من التلاجه وعملت سندوتش وحطت فيهم سم وخرجت وقدمتهم ل ياسين ومد ايده وابتدى ياكل......

رواية حمل شيطاني الحلقة السابعة بقلم كوكي سامح

وياسين ابتدى ياكل وجليله واقفه وقالت لما تاكل اطلع عند طنط صفاء يا حبيبى وفعلا ياسين خلص السندوتش وساب العصير وطلع عند صفاء
= صفاء صحيت من النوم على صوت ياسين وهو بيقولها الحقينى يا طنط بطنى وجعانى مش قادر
.. مالك فيك ايه؟
.. بطنى بتتقطع يا طنط
= وصفاء قامت تجرى وخدت ياسين ونزلت بيه وكانت بتصوت من منظره
.. فى ايه يا صفاء مالك يا حبيبى
.. معرفش انا هروح على المستشفى اللى على أول الشارع ياريت تتصلى ب ابتسام وكريم بسرعه
وجليله قالت فى سرها مش هتلحقى اكيد هيموت فالطريق..
.. وصفاء خدت ياسين على اققرب مستشفى واول لما وصلت دخلت الطوارئ وكشفت عليه والدكتور قال دى حاله تسمم
.. قالت بذهول تسمم ايه؟ الولد كان زى الفل يا دكتور
.. يا مدام ده محتاج غسيل معده فورا
وفعلا ياسين عمل غسيل معده بس حالته ساءت لأن السم كان قوى على معدته واغمى عليه ودخل فى غيبوبه.. والدكتور خرج وقال
.. حضرتك الولد دخل فى غيبوبه
.. يا نهار اسود يعنى ايه يا دكتور ياسين هيموت
.. الأعمار بيد الله بس دى حاله تسمم ولازم ابلغ هو حضرتك أمه رددت وقالت لأ انا مرات خاله وكان قاعد معايا وأكل من نفس الأكل بتاعى
.. انا هبلغ وكله هيبان فى تقرير حالته
= جليله قالت لما اتصل اشوف مات وخلصنا ولا لسه وقالت بس الاول اكلم ابتسام وكريم امه وابوه وفعلا اتصلت وابتسام لما عرفت انهارت هى وكريم جوزها وراحوا على المستشفى.
وجليله كلمت مراد وقالت إن ياسين اتسمم ولما سألها السبب قالت متعرفش.
= وابتسام وكريم وصولوا المستشفى وكان الدكتور بلغ وعرفوا ان الولد دخل فى غيبوبه
صفاء : والله ما اعرف ماله ده حتى مرضيش يتعشا بالليل وقال انه أكل معاكم وبعدين عملتله معايا سندوتش وأكله وبس قومت الصبح لقيت منظره يا حبيبى يصعب عالكافر رددت ابتسام وقالت الدكتور بيقول حاله تسمم يعنى فى حاجه غلط ابنى هيروح منى ده انا محلتيش غيره ليه ياربى كده رد كريم وقال إن شاء، الله هيبقى كويس بس لما نعرف مين عاوز يقتله.
.. صفاء قالت فى سرها الاقيها منين ولا منين يارب انا حامل ومعرفش فيه ايه ويوم تعبانه وعشره لأ وغير الكوابيس والأحلام المزعجه وجوزى اللى اتجوز عليه وغير وغير وغير 😭 وكمان مش ناقص غير كريم النجس ده والله خساره فيك ابنك ياريتك كنت انت..
= وجليله قالت لحماتها وكمان بلغت محيى والكل راح المستشفى
.. تليفون جليله رن وكان مراد ورددت عليه وقالت ازيك يا ابن عمى اخبارك ايه وقالت انا فى المستشفى وكلنا والله ده ياسين اتسمم رد عليها وقال ما انا عارف اوعى تكونى انتى اللى عملتى كده رددت وقالت انا طبعا لا بس انا حاسه ان ان ان متقولى بصت بكل خباثه وشافت كريم وقالت ان صفاء اللى عملت كده اصل انت متعرفش شغل الستات ده الغيره واكله قلبها عاوزه تخلف ومفيش حمل بيثبت اومال انا اتجوزت ليه وبقيت ضرتها.
كريم : يا نهار اسود صفاء معقول لا لا لا ده احن حد شوفته على ابنى ده هى اللى طلبت يبات عندها وفضل يكلم نفسه ويقول ده انا عرضت عليها كذا مره تتطلق واتجوزها وحاولت معاها وصدت دى اصيله بس كده فى حاجه هى جليله دى مين بالظبط وايه شغلتها اللى جايه علشانها ابنى بس يفوق وهفضالك واعرف انتى مين واتجوزتى محيى ليه.
.. تليفون ندا رن ورددت وقالت صفاء حبيبتى وحشانى انا كنت جايه اقعد عندك النهارده رددت وقالت ندا انا فى مصيبه ياسين اتسمم وانا معرفش وكان قاعد عندى من امبارح والبوليس هيجى وهيحققوا وده تسمم وانا والله ما عملت حاجه رددت وقالت يا نهار اسود تسمم يادى المصيبه طيب وياسين اخباره ايه رددت وقالت فى غيبوبه انا بس عاوزه منك طلب روحى شقتى بسرعه وفالمطبخ هتلاقى اخر أكل وكان سندوتشات لفيها فى ورق فوم وهاتيها وتعالى المستشفى رددت ندا وقالت ايه يا بنتى كل ده هو انتى حد اتهمك بحاجه من الأساس وبعدين ده شغل نيابه لو عملتى كده يبقى بتثبتى التهمه عليكى  انا هجيلك ومتخافيش خالص انتى معملتيش حاجه رددت وقالت مفيش امان انا حاسه الولد اتسمم بالقصد ورددت ندا وقالت انا هلبس واجيلك سلام..
.. وبعد مرور ساعه وكيل النيابه وصل وابتدى يحقق وطلب تقرير حاله ياسين وصفاء مرعوبه وضعيفه وحزينه وكل اللى فى قلبها كلمه واحده يارب انا عمرى ما اذيت حد يارب ابعد عنى كل شر واشفى ياسين ويقوم بالسلامه
.. وكيل النيابه طلب صفاء وحقق معاها وعرف من تقرير حاله ياسين انه سم فيران وكان اخر حاجه أكلها قبل ما يتسمم بساعه بس هى قالت لا هو آخر حاجه أكلها كانت قبل ما ينام وقالت إنها مش عندها سم فيران ولا عمرها اشترته بس قالت اللى ب تستعمله حماتى فى شقتها لان بيدخلها من شفاط المطبخ فيران لانه متركب غلط وفى فتحه كبيره رد وقالها انتى بتتهمى حماتك جده الولد قالت لا طبعا انا بقول اللى اعرفه ده مصيبه وانا مينفعش يتوجهه ليه جريمه زى دى 😒 ده انا اللى طلبته وخليته يبات معايا ازاى احطله سم..
.. وابتسام منهاره وبتقول اه يا ياسين يا حبيب ماما ده انا محلتيش غيرك يا حبيبى ياريتنى ما سبتك لوحدك يا حبيبى سم يا حبيبى ده انا بخاف عليك من الهوا الطاير شوفتى يا ماما دى اخرتها ابنى هيروح رددت عليها وقالت ياسين هيفوق وهيعيش صدقينى ومسكتها بس ابتسام شالت ايدها وقالت هو ده آخره الغل والحقد وذنب المسكينه دى ده عقاب ربنا يا ماما لو ابنى مات يبقى انا اللى قتلته ولو هى اللى قتلته يبقى حقها ياما تعبت معانا والدكتور قال عاوزه ربط رحم وانتى رفضتى وهى متعرفش رددت الام وقالت اسكتى اسكتى ياسين هيعيش رددت وقالت يعيش وانا بإيدى بسقط مرات اخويا وكمان عاوزين نجننها وكفايه الشيخ مراد 😂 اللى خلتيه يضحك عليها ويصورها فيديو...

رواية حمل شيطاني الحلقة الأخيرة كاملة بقلم كوكي سامح

وكفايه الشيخ مراد اللى خلتيه يصورها فيديو وكمان عاوزاه يفضحها رددت الام وقالت اسكتى بقولك وطى صوتك يا جبانه
.. جبانه علشان بقول الحق وابنى هيضيع يا حبيبى يا ابنى ما فعلا انتى مش ام ولا حنينه انتى منظر بس لو كنتى حنينه كنتى خليتى ابنك ومراته يعيشوا مرتاحين
.. بقولك اسكتى ويلا أمشى من هنا يلا انا هخلى بالى من ياسين
... اه علشان تقتليه ايه الفرق بين ياسين وبين ان اخويا محيى يخلف ويعيش مرتاح الاتنين واحد انا بقيت اخاف منك رددت الام وقالت محيى ده لو خلف انتى مش هتاخدى حاجه..
= اوبا ندا سمعت كلامهم وقالت يا نهار اسود معقول حماه اختى وكمان ابتسام بنتها هما السبب حسبنا الله وكفى انا لازم اتصرف بس عاوزه اسمع بيقولوا ايه.
..وابتسام قالت انا بقولك اهو لو ابنى حصله حاجه ذنبه فى رقبتك ومش هسكت لأن ده ذنب الغلبانه دى اللى بيحققوا معاها انا لازم اساعدها بس يا خساره مش عارفه اعمل حاجه رددت الام وقالت قولتلك ياسين كويس وهى اكيد قتلته علشان غيرانه.
.. آتا واثقه ان صفاء مقتلتش ابنى بس والله لو ليكى يد مش هسيبك يا ماما
.. ابنك هيعيش يا حبيبتى وقربت منها وحضنتها.
.. اوعى ايدك وابعدى عنى انتى مش امى
= الدكتور خرج وقال إن ياسين حالته زى ما هى ويمكن بتسوء رددت وقالت ابنى هيموت خلاص..
= وفى النيابه صفاء بيتحقق معاها وهى على كلمه واحده انا مظلومه ازاى اققتله ووكيل النيابه أمر بحبسها 4 ايام واتحبست صفاء لحد ما ياسين يفوق وهو طوق النجاه ليها..
.. تليفون منى رن وكانت ندا وقالت تعالى بسرعه اختك صفاء فى مصيبه اتهمت بقتل ياسين. ومنى قالت انا جايه بسرعه.
.. محيى وجليله فالمستشفى وعرفوا ان صفاء اتهمت بقتل ياسين وجليله قالت فى سرها يلا فى داهيه ههههههه وبكره ياسين هيموت وكده ابقى ضربت عصفورين بحجر. ومحيى قال معقول تكون الغيره عملت فيها كده وتقتل ياسين.
.. تليفون الام رن وكان مراد وقالها انه عاوز يشوفها بره المستشفى وقالت فى كافيه جمب المستشفى استنى هناك ونص ساعه وهكون عندك
.. الدنيا مقلوبه فالمستشفى وتحقيقات مع صفاء وجليله القاتله حره طليقه
.. وفى الحبس صفاء قاعده بتفكر وبتكلم نفسها وبتقول ياااه انا اموت ياسين انا بتمنى ضفر عيل خمس سنين وانا بسقط ومش بيثبت حمل ليه لحد ما الكل عايرونى وده مش ذنبى ودلوقتى انا حامل ولسه كلام الشيخ فى ودانى انا مش حامل من محيى وده فى حد ذاته مرعب دى فضيحه. وفجأه دخل العسكرى وقال زياره يا صفاء وقامت وهى مكسوره الخاطر وقالت اخواتى ندا ومنى الحقووووووونى انا بريئه والله
ندا : انا عارفه انك مظلومه وعارفه مين اللى عمل فيكى كده رددت منى وقالت مش وقته المهم انا هشوفلك محامى كويس رددت وقالت ياسين عامل ايه هو ياسين لو فاق هيقول انه مأكلش غير بالليل معايا وبس.رددت ندا وقالت لأ ياسين فى غيبوبه وان شاء الله ربنا هيسترها معانا
.. فى حاجه عاوزه ابلغك بيها يا صفاء
.. قولى يا ندا
.. انا سمعت حماتك وكمان ابتسام قالوا كلام غريب ان فى واحد اسمه مراد صورك فيديو وهيفضحك وكمان ليهم يد فى ان متخلفيش
.. معقول حماتى وابتسام طيب ازاى ده انا بعاملهم زى امى الله يرحمها وابتسام زيكم بالظبط 😭 انا عمرى ما أذيت حد..
... العسكرى دخل وقال الوقت خلص
صفاء. خلوا بالكم من نفسكم انا مبقاش ليه غيركم مع السلامه
ندا : حاضر وانا هكلم محامى متقلقيش يا حبيبتى
= وندا ومنى مشيوا وزعلانين ع اختهم ومفيش قدامهم غير ياسين يفوق
.. مراد وصل الكافيه وكانت الام وصلت وقالت بقولك ايه انت لازم تهرب بس هات الفيديو اللى صورتوا لصفاء انا عاوزه وخد الفلوس اللى اتفقنا عليها وخد جليله دى معاك خلاص ملهاش وانا هخلى محيى يطلقها كفايه لحد كده رد مراد وقالها خلاص عموما انا اخدت حقى وخصوصا ان حمل صفاء منى انا والهبله صدقت انها حامل من الشيطان هههههههههههه بس فعلا ما انا الشيطان هاتى الفلوس وخودى الفيديو وانا معايا نسخه علشان افضحها وتبقى تريند هههههههه وتعرف ان الله حق رددت وقالت المهم محيى يطلقها ونخلص منها..
مراد : ممكن سؤال يا مدام
الام : اتفضل
.. انتى بتعملى فيها ليه كده فيها وعرفتى منين موضوع الشيخ والشيطان ده رددت الام وقالت من اختها عرفت صدفه واستغليت الموضوع والصدفه جمعتنى بيك وبعدين دى حاجه تخصنى ويلا خد الشيك اهو وخد جليله ومش عاوزه اشوف وشكم تانى..
.. حاضر سلام سلام
..وقالت يلا داهيه تاخدك. وقامت وراحت المستشفى..
.. ابتسام وكريم وجليله ومحيى وندا ومنى وكلهم مستنين ياسين يفوق الام وصلت وقالت لسه ياسين فالغيبوبه رددت جليله وقالت ايوه يا ماما
الام. تعالى يا جليله عاوزاكى رددت وقالت حاضر والام قالت لها روحى للشيخ مراد ومش عاوزه اشوف وشك تانى ومحيى هيطلقك رددت وقالت ماشى انا همشى..
.. الدكتور خرج وكان حزين وبص لأبتسام وقال البقاء لله يا مدام الولد اتوفى انا عملت اللى عليا بس ربنا عاوز كده.
.. ابتسام جريت على امها وانهارت وقالت كله بسببك انتى اللى قتلتى ابنى زى ما كنتى بتسقطى صفاء وكمان الشيخ مراد هه هه فكراه اللى معاه الفيديوهات اللى هيفضحها بيها وضحكتى عليها وفى الاخر حامل منه
محيى: انتى بتقولى ايه صفاء حامل من مين مراد ابن عم مراتى
.. ده مش ابن عمها دول اتنين نصابين والست الوالده اتفقت معاهم علشان يخربوا بيتك وكمان الست جليله الملاك كانت بتحط المنوم ل صفاء ومراد يطلع يغتصبها وهى مش حاسه ومصورها فيديو وهيفضحها علشان رفضته زمان
ندا قالت فى سرها وانا بقول شوفته فين قبل كده
.. محيى مسك جليله وقالها الكلام ده مظبوط رددت وقالت اسأل امك انا معرفش حاجه راح بص لأمه وقالها معقول تعملى فينا كده رددت بكل غل وحقد وقالت ابوك قبل ما يموت كتب كل حاجه بأسمك وعلشان ابتسام بنتى انا  مش بنته مرضيش يكتبلى اى حاجه ولا حتى اورث فيه انا كنت خايفه ع اختك يا ابنى رد وقالها اختى تاخد اللى هى عاوزاه وانتى امى يعنى تاج راسى إنما تحبى انى اعيش تعيس وكمان تفضحى مراتى وهى ع ذمتى طيب هى عملتلك ايه رددت وقالت بتحبك وانت كمان لما تخلف منك هتنسانا انا واختك رد وقال مين اللى قال كده انا طول عمرى خدمكم 😭😭😭
.. وفجأه البوليس طب عليهم ووكيل النيابه قرب من الأم وقال هضطر اقبض عليكى بتهمه التحريض على الاغتصاب والتهديد رددت الام وقالت مش انا ده مراد رد وقالها انتى اللى رسمتى الخطه كلها وهو مش هيفلت منا. وفى اللحظه كانت جليله ماشيه وقال امسكوها بسرعه دى القاتله اللى حطت سم الفيران للولد وجليله جريت والعساكر جريوا وراها ومسكوها وقالت انا معملتش حاجه رد وكيل النيابه وقال ياسين قال ان أكل من ايدك سندوتش وانتى قولتلو يطلع عند صفاء وميقولش انه كان عندك وبعدها محسش بنفسه غير وبطنه بتتقطع وفقد الوعى رددت وقالت كداب كداب. وانهارت وقالت مش انا لوحدى فى مراد لازم يتمسك رد وقالها متقلقيش فى قوه طلعت على بيته وزمانه بيتحقق معاه دلوقتى بتهمه اغتصاب صفاء وكمان ان مصورها فيديو وده نفسه ابتزاز.
.. ابتسام قالت وهى مش مصدقه ابنى عايش طيب ازاى لسه الدكتور من شويه قال انه مات 😭 بس الحمد لله والشكر لله انه عايش ده انا مليش غيره رد وكيل النيابه وقال ما البركه فى استاذه ندا هى إللى جت وقالت إنها سمعتكم وانتوا بتتفقوا على اختها وكمان اعترافات مامتك ليكى بأغتصاب صفاء من مراد وتصويرها وده جريمه اغتصاب وتهديد وابتزاز وكانت نقطه ضعفك ابنك لأنك قولتلها لو حصل حاجه مش هتسكتى احنا استغلينا النقطه دى نقطه ضعفك ابنك ياسين وده كفيل انك تنهارى ومش هتكونى باقيه ع حاجه وخصوصا لما سألت وعملت تحريات سريعه عنك وانك شايله الرحم ف ياسين بالنسبه ليكى كل حاجه وده كان كمين ليكم كلكم وكاميرات المستشفى صورت كله حاجه صوت وصوره رددت وقالت هى أمى كله منها الحمد لله ان ابنى عايش عن اذنك هدخل اشوفوا رد وقالها وده ميمنعش انك مشتركه فى الجريمه رددت الام وقالت لأ بنتى عرفت بعد ما كل حاجه تمت وطبعا شالت عن بنتها التهمه رددت ابتسام وقالت لو فى ليه اى عقاب انا موافقه المهم ان ابنى بخير..
.. وبعد مرور شهر كانت صفاء خرجت براءه من تهمه تسمم ياسين ومراد اتمسك وجليله والام وخدوا حكم واتحبسوا والام شالت التهمه عن ابتسام..
ابتسام : عارف يا كريم انا اتعلمت كتير اوى وخصوصا بعد ما عرفت ان ابنى مات حسيت ان الدنيا سوده وملهاش لازمه والضنى غالى اوى ربنا يرزقك كل مشتاق مش عارفه ازاى فكرة فى يوم ان اخويا ميخلفش ويفرح رد وقالها المهم نكون اتعلمنا والله وانا عرفت ان انتى وابنى عندى بالدنيا ربنا يخليكم ليه بس متنسيش مامتك ابقى زوريها رددت وقالت هحاول هى برضه امى وربنا يهديها ويهدينا جمعيا
صفاء : ندا انا هدخل انام علشان ميعادنا الصبح فى المستشفى علشان عمليه الإجهاض
ندا : ان شاء الله تقومى بالسلامه وربنا اخد حقك وحسبى الله ونعم الوكيل فيهم
صفاء : كان لازم اجهضه لما سألت فى دار الافتاء قالوا الإجهاض فى وضعى ده حلال لأن ده اغتصاب ولو خليت الحمل ابنى هيجى ازاى يواجه المجتمع مكانش هينفع بكل الطرق لو كان ابن زنا كنت ممكن اتجوز إنما ده اغتصبنى وعن طريق منوم ومكنتش حاسه والاجهاض حلال فى حالتى والحمد لله قدر الله وما شاء فعل انا راضيه بقضاء الله عارفه يا ندا انا غلطت برضه لما شوفت مراد ومقولتش انى اعرفه ولما لجأت لى ووثقت فيه وهو انسان مش اهل للثقه دى 😒 كان المفروض اقول لمحيى الله يسامحه ع كل حاجه يمكن ما قتها كان يخاف ع زعلى وميتجوزش جليله النصابه وحماتى كانت ترجع عن خطتها بس يلا مش هنتعلم بلاش الحمد لله
.. جرس الباب رن وكان محيى ودخل وشاف صفاء فى حاله سيئه وقالها انا اسف العيب منى انا بس سامحينى وكل واحد اخد جزاءه امى اتحبست وانا كمان هاخد شقه بره بس ارجعى
.... ارجع هههههه والحمل من مراد مبقاش عيب
.. انا بحبك يا صفاء صدقينى انتى مراتى وحبيبتى وكل حاجه ليه صدقينى انا عارف انه غصب عنك وانا مقدر ومسامحك
.. انت اللى هتسامحنى ده انت وامك كنتوا السبب فى اللى انا فيه ده انا لما اتحبست فى تهمه قتل ياسين مكلفتش نفسك وتسأل عليه يا شيخ ملقتش جمبى غير اخواتى وكمان صدقت انى سممته وكمان اتجوزت عليه ياااه ده انت عندك اصل اوى 🤣 رد وقالها سامحينى رددت وقالت انا لسه حامل تقبلنى بالولد ده رد وتهته فالكلام وقال اااا اااا ااا ردت وقالت ااا ايه مش فاهمه رد وقال انا عارف انك هتجهضى ونعيش مع بعض صفحه جديده رددت وقالت هههههه شكرا معنديش صفح فاضيه للأسف يلا اطلع بره من هنا انا عمرى ما هرجعلك يا محيى لأنك مش راجل والحمد لله انك طلقتنى يلا بالسلامه ربنا يسهلك مع اللى تستحمل اساليبكم واللف والدوران رد وقالها سامحينى رددت وقالت بره يلا اطلع بره واتعصبت ودخلت اوضتها تعيط ومحيى مشى حزين انه فقد صفاء..
.. وفى صباح اليوم التالى صفاء راحت المستشفى ومعاها منى وندا واجهضت البيبى وخرجت من العمليه وكلها بنج وابتدت تفوق بعد عشر دقايق ولما فاقت فضلت تعيط على قهرتها وخرجت من المستشفى بس كانت مقهوره وحاسه بالظلم وفضلت فى اوضتها 15 يوم تعبد ربنا وتصلى وتدعى بنور البصيره وتستغفر ربنا لحد ما فى يوم دخلت عليها ندا وقالت صفاء انا عرفت طريق الشيخ اللى كنتى بتدورى عليه رددت وهى مبسوطه وقالت هو فين ندا قالت لها انا عرفت طريقه من جيرانا قومى اللبسى وتعالى نروح
صفاء : هاتى العنوان انا هروح لوحدى
.. وفعلا صفاء راحت بيت الشيخ واول اما دخلت رمت السلام وقالت انا جايه اشوف بختى رد وقالها انا بطلت يا بنتى كل ده حرام الطالع وعلم الغيب عنده رددت وقالت مع اختلاف المكان انا كنت قاعده فى مكان زى ده وماما كانت ملبوسه بس انتى بصتلى وسألتنى ع شويه حاجات وقولت لماما ان فى بنت من بناتك هتحمل من الشيطان رد بضحكه وقال هههه ما شيطان الا بنى ادم انا نسيت يا بنتى ومش فاكر الكلام ده بس هقولك وجهه نظرى اولا اللى تحمل زنا انا بعتبره من الشيطان لان ضحك عليهم وحلل لهم الزنا والمتعه وده ميبقاش بنى آدم ده شيطان واى راجل يضحك على بنت بأسم الحب ويحصل بينهم علاقه وينتج عنها حمل ده مش راجل ده شيطان لان مدخلش البيت من بابه وحتى المغتصب شيطان كلهم الشيطان بيتحكم فيهم ويوسوس لهم هل دول بنى آدمين رددت وقالت لأ عندك حق فعلا فى شيطان وبيكون فى شكل بنى أدم رد وقالها ايوه فى بنى آدمين غلبوا الشياطين بأفعالهم من زنا واغتصاب وهتك وقتل دول شياطين على الأرض رددت وقالت شكرا اوى وقامت وهى ماشيه قالها خلى بالك ع نفسك يا بنتى رددت وقالت حاضر
.. وبعد مرور شهر وصفاء بتتعبد لله عز وجل وخرجت للدنيا بشكل تانى وكانت سعيده انها قربت من ربنا وعرفت ان الله حق 🤚 وفى يوم منى اختها وجوزها كانوا معزومين عندهم وندا وخطيبها وجابت لصفاء شغل فى بنك وطبعا فرحت اوى واشتغلت وعاشت حياه جديده وندا اتجوزت وصفاء قعدت فى شقه العيله مع نفسها وأخواتها البنات على طول عندها
ندا : صفاء عاوزه اتكلم معاكى
صفاء : عارفه هتقولى ارجعى لمحيى وانا مش هرجع لأنه مش راجل وانا مش عاوزاه
ندا : لا والله مش هقول كده فكرى فالجواز
صفاء : والله لو لقيت انسان كويس انا هوافق عارفه انا عرفت حاجه ان فعلا الجهل وحش اوى مش بقصد التعليم قصدى الجهل بالشئ انا اترسخت فى ذهنى انى حامل من الشيطان 🤣 ومكنتش اعرف اللى بيحصل ليه🤚 ازاى بنى ادمه زى متعلمه وتفكر كده بس الحمد لله ربنا كان معايا فعلا شهادتك هى سلاحك انا بشتغل اهو ومبسوطه وعايشه سعيده يمكن مخلفتش إنما ربنا دايما شايل لينا الخير وعسى أن تكرهوا شيئا وهو خير لكم ياريت كلنا نفكر كده رددت ندا وقالت ربنا يكملك بعقلك يا حبيبتى
.. وبعد مرور سنه وصفاء بتشتغل حصلت معاها حادثه بسيطه وهى راجعه من الشغل واغمى عليها ولما فاقت لقت نفسها فى بيت كبير وجميل وضحكت وقالت انا شكلى موت ودى الجنه وقعدت تضحك خرج شاب وسيم وقال اخيرا فوقتى اسمك ايه يا استاذه رددت وقالت صفاء إنما أنت مين رد وقالها انا الدكتور محمود يا ستى اللى دوستك بالعربيه ونقلتك هنا لو عاوزه تحبسينى اتفضلى رددت وقالت ههههه مش انا بخير الحمد لله رد وقالها بجد بعتذر انا اسف وممكن اعوضك رددت وقالت ع ايه انا كويسه ممكن أمشى قال بصوت عالى ام هنا حضرى غدا بسرعه رددت وقالت لا لا شكرا انا أكلت رد وقالها طيب اشربى اى حاجه رددت وقالت اوك وفعلا فضلت قاعده واخته كمان نزلت وقعدت معاهم واتعرفوا على بعض وبقوا أصحاب جدا
.. وبعد مرور وقت وصفاء ومحمود حصل بينهم قصه حب بس صفاء كانت خايفه لأنها مطلقه وقالت لمحمود كل حاجه وهو وافق وبشده وقال يعنى المطلقه ملهاش نصيب عادى تجربه فاشله ومش شرط تكون هى اللى غلط ممكن الراجل او الظروف نفسها وفى وسط لمه أهلها وأهل محمود اتكتب كتاب صفاء ومحمود واتجوزوا وعاشوا مع بعض حياه سعيده وانتهت بحمل صفاء وبعد مرور 9 شهور بالظبط دبت احلى صرخه وصوت واحلى ضحكه من أجمل طفل وهو ابن صفاء ومحمود وكان اسمه باسم♥️😍🤩 وانتهت القصه😍
شهادتك هى سلاحك لا للجهل ياريت ميسيطرش علينا لمجرد كلمه بتتقال احنا نعيش الحياه كده زى ما هى ونتعلم من اى غلط بيحصل معانا ونحاول نعدل من نفسنا لأن ربنا موجود عاوزه تعرفى كل حاجه صح اققرى كتاب الله كويس فى رسايل مهمه لينا لأن كل كلمه مكتوبه فيه سيف على رقبتنا.
هفضل اقولها كل يوم التعليم ثم التعليم ثم التعليم اللى شايفه نفسها او ظروفها مسمحتش تكمل تعلمها وتقول لأ انا هعلم ولادى احسن تعليم مفيش مشاكل اكيد هيتعلموا بس محتاجين ام تفهم وتكون عندها وعى بمعنى اوعى تنسى نفسك فى وسط الحياه والمشاكل والقرف والزهق وتقولى الدنيا تلاهى دى حياتى كده 🙄 لأ والف لأ🤚 اوعى تنسى نفسك اتعلمى اققرى كتير ياما فى ناس معاها شهادات ومبتفهمش حاجه احنا بقى نعمل ايه نستفاد من القاعده ع نت بدل ما نقول كومنت يجرح فى الناس ودى تشتم فى دى لا ممكن استغل النت فى حاجات تانيه كويسه افتح جوجل وادور ع كتب مفيده واثقف نفسى 🙋‍♀️ كده هثقف نفسى واعرف دينى واعمل لنفسى ورد معين كل يوم ومنساش ربنا لازم اصلى لان ده فرض علينا وهنتحاسب عليه اوعوا تنسوا ربنا لأن الله هو كل شئ وانى أقرب منى إليكم وانى أقرب إليكم من حبل الوريد ده كلامه لينا 😍 وخلى كلام ربنا حافز ليكى وعسى أن تكرهوا شيئا وهو خير لكم وعسى أن تحبوا شيئا وهو شرا لكم..
ربنا يبارك لكم ويسعدكم جميعا وان شاء الله تكون القصه نالت اعجابكم 👌 عاوزه رأيكم فى كومنت ربنا يصلح حالكم ويسعدكم😍
لتحميل الرواية كاملة pdf : اضغط هنا (حتى الفصل السادس)
-
الفصل السابع من الرواية قيد الرفع الآن .. عاود زيارتنا بعد قليل لقراءته
اكتب في جوجل (مدونة يوتوبيا) أو (رواية حمل شيطاني مدونة يوتوبيا) وستجد الرواية كاملة داخل الموقع. 
هل اعجبك الموضوع :

تعليقات