القائمة الرئيسية

الصفحات

رواية نبى راجل كاملة بقلم شيراز الشريف (القطة الشريرة)

رواية نبى راجل كاملة بقلم شيراز الشريف (القطة الشريرة)
لقراءة المزيد من الروايات الليبيه : اضغط هنا
رواية نبى راجل كاملة - رواية نبى راجل مكتوبة - رواية نبى راجل pdf - رواية نبى راجل للتحميل - رواية نبى راجل بكامل فصولها - رواية نبى راجل الفصل - رواية نبى راجل الجزء - رواية نبى راجل البارت
رواية نبى راجل كاملة بقلم شيراز الشريف (القطة الشريرة)


رواية نبى راجل المقدمة مكتوبة بقلم شيراز الشريف (القطة الشريرة)



المقدمة
بقلم .. القطة الشريرة
----------------------------------------------
رواسي .. سمعتي يا سناء مروة بنت خالتي اليوم دوروها
سناء.. يعطيني قزن انا أخرتي حطوني بدال ثمتال الحرية وبدل الشعلة نمسك شعري الى بدا يطيح زي دموع كاظم الساهر
رواسي.. هههههه الفال عندك
سناء.. وهيا تمشط ف شعرها الى مش شايف هواء ربي ليه أسبوع ااااي والله قاعدة نتعذب فددني هالشعر اسلاك شائكة مش شعر
رواسي.. سناء غريبة يابنت انتي قبل لما تسمعي بوحدة من العيلة نخطبت تزعلي وديري العار خيرك اليوم
سناء.. نضجت
رواسي .. كذابة وبعدين شن خطر عليك تمشطي شعرك
سناء.. اللطف حاسبيني حتى ع دخول الحمام الصراحة يعني انا خاطري نمشي بالحديث الى يقول واقضو حوائجكم بالكتمان بس نعرف روحي متع شهدرة
رواسي.. قولي هيييي
سناء.. اليوم العشية بنشوف كبيدتي
رواسي ..بوجه مصدوم امتى وكيف
سناء.. اليوم الفجر تعرفت عليه
رواسي .. يعطيك مايرفعك تعرفتي عليه الفجر ودرتيه كبيدتك
سناء.. والله انا بعد صليت دعيت ربي يبعتلي ولد الحلال واول ماكملت صلاتي لقيت منه طلب صداقة توا عمرك ريتي حد يلوح النعمة
رواسي .. بنمشي معاك
سناء.. اي لكن تعالي رقدي معاي شعري لأنى لو خليته هكي ولبست الوشاح الراجل حايهرب
رواسي .. ليش
سناء.. ماهو بيقعد منفوخ وهوا مرات يحسابني داسة الغام
رواسي .. ف هدي صدقتي بس كيف بنخش فيه هذا
سناء.. اسمعي جيبي المقص واي عقدة قصيها
رواسي .. وانتي ليش تقعدي لين توصلي للمرحلة هدي ربي يهديك وخلاص
سناء.. نشين ف روحي لأن الشينة ياخدها واحد قنين ويحبها ويموت فيها
رواسي..🤦‍♀️🤦‍♀️
------------------------------------------------
خلينا نتعرفو ع بعض وياريت اي وحدة مواليد ال2000 ومخطوبة حطوها بين قوسين كلمة مخطوبة تعطيني الطريقة 😂😂😂😂
اسمي سناء وحياتي كلها داء وابتلاء وعزباء ووباء وبكاء وغباء ولواء 💔😂 مواليد 95 موصفاتي الله لاتروعكم ههههه نبصر طويلة وعيوني ناعسات مقبولة الشكل شعري مكنسة حرشة لدرجة مرة أمي كانت بتغسل بيا البساط 💔ههههه كذبة قوية صح بس اقرب مثال هذا والصراحة انا الوحيدة الى هكي طلعت ف خواتي الحمد لله كملت قرايتي هذا الإنجاز الوحيد الى مفتخرة بيه طبعآ تخرجت من معهد ميكانيكة اكيدا حاتستغربو هذا ياحناتي ايام الثانوية شنباتي كانو اطول من المراة الى حاطين صورتها ع زيت دبر املا وللأسف اعتبروني ولد وحطوني ف المعهد هههههه بصرت عليكم مرة تانية متخرجة من معهد حاسوب وحضرت الماجستير ع سطح المكتب😂😂😂 اخر مرة
عندي 3 خوات وأخ واحد وتنين بيبسي و4شاورما🥰😂

امينة.. مواليد 88 متزوجة وعايشة ف أمريكا وعندها بنتين الوقحة مشت لأمريكا ونست عاداتنا يعني معقولة ليبية تجيب زوز صغار بس يعني عندنا اقل شي 6 ويجيبوهم عند الناس ويعدولهم للثلاتة ويطلقوهم الى فوق التلفزيون والى فوق الدولاب والى فوق الصور وتلقى امهم تشوفلهم وتضحك لاوتقولك صغاري بسلامتهم عاقلين وتجيك فرخة شعرها تقول ضاربها الضي وتقولك عطيني خبزة وتنوضي انتي زي العبيطة تعطيها ومزال مارجعتي لمكانك يهجمو عليك كلهم ويقولولك حتى نحنا نبو ولا يشرطو يبو الراس متع الخبزة طبعآ ونحنا اصلآ شارينها باش نتعشو بيها ولما نحطو العشاء ونطلعو الخبزة المنتوشة نحصلو هزايب من بابا ونرقدو من غير عشاء😭😭😭 نحكي ع فئة معينة وخليكم مع الموضة الجديدة الى طالعة تلقيها فرخة عمرها 10 سنين مدايرة حلوى حمرة ع فمها ع اساس روج وتجي تسلم عليك وتبوس فيك وانتي تحسابيها جاية بتطلب سكر ولابزار لأمها تقولك لاجاية بنهدرز عليك تي وين الطفولة بس انا ف عمرها ديما ف الشارع ومسميني عطية وقريب نخش الثلاتين ومانعرفش نتكلم ونبوس ف نفس الوقت يانمشيها امممواه اامواه ياشن حالك وشن اخبارك شن مدايرة شن الجو ع عدد البوسات اما نشدها اموواه وشن حالك والله نتلخبط 😅😁
طولت عليكم صح ههههه شن بندير حبيتكم تصدقو
احمد.. مواليد 89 متزوج وأعزب ف نفس الوقت يعني يفطر ويتغدا ويتعشا عندنا وكان جوه صحابه يجيبهم عندنا وكان عنده سيارة عاطلة يجي يصلحها عندنا وكان لقى نملة ميتة يجي يدفنها عندنا ومرته ندكر من يوم المحضر معاش ريتها اكيدا عرفتوها من أما نوعية صح مزيتة وخوي هذا زمان كان يلبس فينا ثلاتة وشحات لدرجة لما نحولولهم نلقو ف شعرنا واقف يتحسب علينا ومرته شعرها ع الشارع هما خصلتين متبلتهم بصفار بيض+ ميشتهم ولونهم برتقالي من غير العدسات ماتقول سحلية ضاربها جن لا وتقولك عيوني التبعيات طبعآ كلامها كله بالتاء ع اساس رقيقة وناعمة خلونا منها دراه الكبد
وبعدين ياحناتي امي خشلها جن ولتبست وجابتني انا وخلوها ف سركم مانحبش نشكر روحي 🥺🥺🥺
رواسي .. م 97 متخرجة وتخدم وعندها مرتب وتوقع ف شيكات تخيلو وانا نشحت منها وزيادة شعرها طويل ومخطوبة وخطيبها احلا مني😭😭😭😭
وأمي .. خولة وبابا .. سند
وهدي عيلتي
--------------------------------------------
خولة.. هيا وينكم تعالو حطو الغداء لخوكم
سناء.. ووواك شن هالهم ليش مزوجينه كان كل يوم عندنا
رواسي .. اسكتي توا تسمعك أمك وتقلبها ع راسك
سناء.. فندق هذا معاش حوش طبعآ انا المديرة وانتي مجرد عاملة نظافة اوكي
رواسي .. قهرتك عاوديها كان مازال عطيتك تاخدي مزيل عرق
سناء.. انتى الى بتندمي بعدين 🥺😂
رواسي .. خلاص ضمي فمك وهيا للمطبخ
سناء.. جبدت المصلية ولبستها وقعدت تشوف للمراية منظري زي خيمة العزاء المفروض يأجروني الصراحة
------------------------------------------------
أحمد.. فاتح الثلاجة ويتفرج شن فيها
رواسي .. أحمد شن حالك
احمد.. ساعة امتى بتبطلو البرادة
سناء.. كانت خاشة لما تبطل تتلصق وقالتها بصوت واطي
أحمد.. شن حسك قلتي
سناء.. الجو جميل والسماء صافية
احمد.. هيا بسرعة حطو الغداء وطلع
سناء.. وهيا تنقز قاهرني هيا مخليها متريحة ونحنا زي الشغالات بس بنمشيلها تعلمني والله المفروض يديرو كتاب كيف تصبحين مزيتة ف أسبوع
رواسي.. حقا قوليلي هوا الولد الى بتقابليه شن شكله
سناء.. مش عارفة امالا ليش بنطلع بنشوفه لكن كان تشوفي اسلوبه يهبل اقسم بالله وقالي يبي يزوج
رواسي .. ان شاء الله خير
خولة.. خفو يديكم بوكم جاء
------------------------------------------------
أمينة.. طارق استاحشت لليبيا خاطري نروح
طارق.. تحملي هما شهرين ونروحو
أمينة.. اوووف والله مليت من الغربة
طارق.. حتى انا مليت لكن الله غالب شن بنديرو هييييي
----------------------------------------------------
ف العشية
سناء.. واقفة ع المراية وهيا لابسة سروال ابيض وبلوزة صفرا اسمعي كأنه شعري منفوخ وباين
رواسي .. هوا شن خلينا فيه كلها نتشناه بالمقص
سناء.. اي عادي المهم تشد مع هذا وبعدها نديرله زيت الفلفل
رواسي .. اي عاد انتي كل مشكلة عندك ليها حل
سناء.. اهو يتصل
رواسي .. قربت جنب اختها وحطت ودنها ع الهاتف
سناء.. بصوت رقيق الووو
رواسي.. حاطة ايدها ع فمها وماسكة الضحكة
---------------------------------------------
عبدو.. تي وينك يا ماريا طلعتي ولامزال
رواسي .. بعدت ع أختها وقعدت تضحك
سناء.. تفنص فيها باش تسكت اهو كيف بنطلع
عبدو.. تمام حتى انا طالع هييييي
سناء.. أوكي باي وسكرت
رواسي .. ماريا وووووك عليا هههههههه بنموت
سناء.. ياريت باش خطيبك يتزوجني
رواسي .. يالاااااا عاد الا صلوحي
سناء.. اصلآ مانبيه هيا نوضي مانبيش نتأخر ع عبدو حبيبي
---------------------------------------------
ف السيارة
سند.. بتعطلو
سناء.. اي انت برا ونحنا توا لما نكملو نكلموك ولانروحو لحوش خالتي
سند.. لاااااا بنراجيكم خودو حاجتكم وروحو
رواسي.. شافت للسناء
سناء.. بابا نحنا بنعطلو معقولة بتقعد تراجي فينا ساعتين
سند.. مافيش داعي تقعدو ساعتين خودو حاجتكم وروحو
رواسي .. باهي وقف ف السنتر هذا
سند.. وقف سيارته انزلو هي
سناء.. كله من وجهك خلي يوصلنا بابا باش نوصلو بسرعة قاطعة الرزق
رواسي .. باهي ضمي فمك وخليه يشوفك من بعيد وبعدين ساهل
سناء.. نخشو للمحل هذا نبعتله رسالة باش يزبط مكاني وين
----------------------------------------
عبدو.. فتح الرسالة ورد عليها
----------------------------------------
سناء.. قال هوا قريب
رواسي .. ابعتيله بابا معانا وقوليله تشوفو بعضكم من بعيد
سناء.. قلبي الصغير قاعد يتقطع خلي نبعتله سمايلات الدموع باش يعرف انى زعلانة
-----------------------------------------
عبدو.. قرا الرسالة وتصل بيها
سناء.. الو
عبدو.. ها ماريا
سناء.. والله متحشمة منك لكن بابا صكر راسه
عبدو.. ماعنديش مشكلة المهم نشوفك وبعدها نديرو موعد تاني
سناء.. ياحليلي وخلاص
رواسي .. سكري بسرعة ادم ولد عمي
سناء.. لما تنخلع وتخاف معاش تعرف تتصرف طيحت التلفون وحطت عليه رجليها
رواسي.. تي مش هكي ياحمارة ابعدي بسرعة وقامت التلفون ودساته
سناء.. خشت ف بعضها
رواسي.. جايب معاه إبتهال اخته
ابتهال .. هاااي
رواسي .. أهلين
ادم .. وانا نقول ليش عمي البرا
رواسي .. اي قبل شوي كيف جينا
ابتهال .. سناء كيف حالك
سناء.. كل عام وانتي بخير قصدي البقاء لله ووواك شن دخلك
ابتهال .. خيرك العفو
ادم.. خيرها هدي
رواسي.. لاشي غير تبصر شن معقولة ماتعرفوهاش سناء هيا والبرادة
ادم .. المهم انا نمشي نكسد مع عمي وانتي 5 دقايق ماتفوتيهم وطلع
ابتهال.. خيركم وجهكم اصفر
رواسي.. اسكتى رعشة ركبتنا ف جرتك انتي وخوك
سناء.. مش صاير منه الموعد
ابتهال .. فهموني
رواسي.. حكتلها القصة
ابتهال .. ساهلة توا نديرو رواحنا ماشيين للعطار الى ف الجيهة التانيةوقوليله انتي شن لابسة وتشوفو بعض
رواسي .. كلميه بسرعة
سناء.. كلماته وطلعو
--------------------------------------------
أدم .. شافهم طالعات وجاهم وين
ابتهال .. للعطار توا نرجعو
ادم ..بسرعة هييييي
ابتهال.. تمام ومشو
رواسي .. ردبالك تمسكي التلفون بوك مقابل
ابتهال .. اي حتى ادم راه فكونا منه
سناء.. تمام وقعدو ماشيات
رواسي.. تي وينه هذا
سناء.. اسمعو يابنات امشو بسرعة لأن ف واحد سمين ورانا ومنظره مش عارف كيف من بكري ورانا
ابتهال.. مني هذا
رواسي.. توا يشوفوني اصحاب صلوحي ويقولوله خطيبتك يلحقو فيها
سناء.. تسرع ف خطواتها هيا والبنات
ابتهال .. يمي هذا حتى هوا يسرع ف خطواته معانا
سناء.. بدت تجري والبنات وراها والناس تتفرج عليهم
ادم.. يشوفلهم وجاهم يجري خيركم
ابتهال .. هذاك السمين يجري ورانا
سند.. نزل ولحق ادم وعطوه طريحة وجوهم الناس قعدو يحزو فيهم
يتبع
هلا حبايبي ليكم وحشة كبيرة 
وزي العادة رايكم يهمني نكمل ولانوقف

رواية نبى راجل الحلقة الأولى 1 مكتوبة بقلم شيراز الشريف (القطة الشريرة)



بقلم .. القطة الشريرة
--------------------------------------------------سند.. نزل ولحق ادم وعطوه طريحة وجوهم الناس قعدو يحزو فيهم
رواسي .. اركبو ف السيارة بسرعة ياعليك عار
سناء.. رعشني يابنات قلبي طايح ف سرتي وبدل ماجسمي يكوش شعري الى كوش
ابتهال .. اسسس ادم وعمي جايين
سند.. فتح باب السيارة اخر مرة تعفسو امه السوق
سناء.. نحنا شن دخلنا باه
سند.. بعياط ولاكلمة
أدم .. هدي روحك ياعمي ماتعصب ع خاطر كلب زي هذا
---------------------------------------------------
ف الليل
خولة.. سناء باش تنوضي تغسلي البساط الصبح
سناء.. ووواك ياريتني جيت ولد 😭😭
خولة.. هو لو نحنا مش اهلك وشفناك ف الشارع راهو قلنا عليك ولد
رواسي.. ههههههه قصفاتك
سناء.. وكانكم انتو مش اهلي وشفتك ف الشارع والله ماني معكساتك وبنقولك ياجتي وياجديدة
رواسي..هههههههههه انها الحرب
خولة.. معناها بتغسلي حتى بساط المربوعة
سناء.. ليش يما والله نظيف
خولة.. تم الكلام
سناء.. تبي يجيني الغضروف قبل مانتزوج
خولة.. مايجيك شي وطلعت
سناء.. تنقز وتضرب ف راسها ليش الا انا
رواسي.. حقا يافرخة شن صار ف عبدو
سناء.. نتصل بيه ورقمه مقفل من بكري
رواسي.. غريبة وسمعو صوت مسج وصل ع هاتف سناء
سناء.. فتحت المسج حي ياحي نهاري المغبر
رواسي .. خيرك
سناء.. الدينصور الى يلحق فينا بكري طلع عبدو اسمعي شن كتبلي بارك الله فيك ع الموقف متع اليوم عمري ف حياتي ماتعرضت للإهانة زي اليوم معقولة تهربي مني لهدرجة نخوف وفوقها ننضرب حسبي الله ونعم الوكيل فيك ربي ياخد فيك الحق
رواسي.. ههههههه مسكين
سناء.. وووه عليا قريب دبست فيه هوا تقول ملعب كورة شفتي بطنه نحس فيه لما ياكل الأكل يقعد حاير يمشي يمين ولايسار
رواسي.. المهم فتكيتي منه وربي يرزقك بأحسن منه
سناء.. امتى بس نجرب شعور الزواج ونحظر صحباتي ونصبغ شعري اصفر ونبدا زي الشعلة ونطربق ف اللبان ونقول راجلي جابلي وراجلي دارلي ونفتن بين سلفاتي 😭💔
رواسي.. تمرقدي خلاص غدوة عندي عمل
سناء.. كله من أمك الى جايبتني وهيا ملبوسة جايبة عرم مفرخ وتقولك ياريتني ماتزوجت مالا كان ريتك تزوجتي قداش جبتي😤😤😤 ينرفزو فيا النوعيات هدي تلقيها جايبة جيش تبعته لفلسطين يحررها وتقولك بنطلق ولاياريتني ماتزوجت وكان سمعت وحدة تدعيلك بالزوج الصالح تقولك لاخليها هكي خير شن ينفع الراجل باهي كان ماينفع جايبه منه 8 ليش ع المهم تصبحو ع خير
------------------------------------------------
ف الصبح
خولة.. تخض ف سناء الى فاتحة فمها وتشخر تي نوضي ياهمي شوف كيف راقدة تقول جدك فرج مسكين الى بياخدك والله بنقعد نطلب منه السماح دنيا وأخرة
سناء.. ماهو خلي يجي بعدين انا مسامحتكم دنيا وأخرة
خولة.. نوضي اغسلي البسطات
سناء.. هذا الى فالحين فيه نوضي اغسلي نوضي ضمي نوضي ولعي المولد نوضي ولعي المضخة نوضي لبسي اوباما سرواله حتى لما بنموت نوضي ضمي المربوعة خيرك يما رأهو بتعقديني الشي هذا بيأثر ف جيناتي وصغاري بيجو مجانين نوضيني بشوية بنتي الحلوة صباح الورد اميرتي النائمة صباح الرمان مع بوسة مع حضن معقولة القردة احن منك ع صغارها
خولة.. قرصتها من وذنها هذا عقابها تقارنيني بالقردة حتى بساط دار القعاد بتغسليه
سناء.. ياربي ضاقت بيا الدنيا وانقطعت بيا السبل فزوجني حتى لبوبريص ياقادر
ياكريم
----------------------------------------------------
نبيل .. صباح الخير يام
نسيبة.. صباح النور
نبيل.. ليش متعبة روحك ومدايرة الفطور
نسيبة.. لاتعب ولاشي
نبيل.. توا يام مش قتلك معاش تبدري ف الأكل ليش الشكشوكة درتي دحي بروحه بس ومعاش تكثري يام بالله عليك هوا مافى حد الا انا وانتي دحية وحدة تسدنا باهي يام
نسيبة.. الخير فيه ياولدي غير بيقعد ويفسد
نبيل .. التبدير مش باهي يام مش باهي
نسيبة.. باهي إن شاء الله وتوا قولي امتى بنفرح بيك زي باقي خوتك وخواتك
نبيل.. كنت بنفتح معاك الموضوع خلاص قررت نتزوج
نسيبة.. يبشرك بالخير عندك وحدة ولانشوفلك
نبيل.. لاانتي شوفيلي
نسيبة.. عندي صاحبتي عندها بنت عاجبتني الحق ونحس فيها مناسبة ليك
نبيل.. خلاص توكلي ع الله
----------------------------------------------
سناء.. تخبط ف المكنسة باهي شن حاطة الكرسي وتتفرجي عليا بري خشي
خولة.. تعالي للجيهة هدي وحكيها كويس نبيها تلمع
سناء.. يما خلاص والله مزال نلحسها بلساني
خولة.. هكي باهي العيد السنة هدي عندنا تبي نساوين عماتك يديرونا مضحكة
سناء.. حدفت المكنسة وانا علاش نتعب ف روحي ماهو بيطلقو فروخهم وبيوسخو نغسولهم بعد العيد
خولة.. مسكت الطوبو كملي وانتي ساكتة
سناء.. متأكدة انكم مالقيتوني قدام جامع ولامحل خضرة
خولة.. للأسف طلعتك من بطني
سناء.. بصوت واطي ياريتك عقمتي 😒
خولة.. هيا كملي شن تفنصيلي ورن هاتفها
----------------------------------------------------
نسيبة .. السلام عليكم كيف حالك ياخولة
خولة.. وعليكم السلام مرحبتين الحمد لله وإنتي
نسيبة.. ف نعمة الحال وينك عاش من سمع صوتك
خولة.. تعيشي وتسمعي والله ف الدنيا يانسيبة
نسيبة.. اي هوا هذا لكن الفترة الجاية ممكن بنتلاقو هلبة
خولة.. كيف مافهمتك
نسيبة.. اليوم ولدي نبيل قالي شوفيلي بنت حلال وانا الحق عاجبتني بنتك سناء
خولة.. شافت لبنتها وهيا مصدومة سناء عاجباتك
نسيبة.. اي شفتها ف عرس بنت سلفك وهيا تعول وتساعد ف العزايز وموسعة بالها والله عجبتني
سناء.. جت تجري لأمها انا من عاجبة جايني عريس كأنه ف منو تكلمي ماتقوليش هذا عزوزتي
خولة.. تضرب ف سناء وتبعد فيها
سناء.. هاتيها الغالية ام الغالي
خولة.. قرصتها وفنصت فيها
نسيبة.. قوليلي شن رايك
خولة.. نشاور بوها ونرد عليك واكيد مش حانلقو احسن منكم
نسيبة.. إن شاء الله هيا بسليمتك توا
خولة.. تسلمي يارب وسكرت
سناء.. ليش ماقلتيلها موافقين
خولة.. ارزني يرزيني فيك بعدين ولدها هذا راهو يابس
سناء.. انا نسمنه انتو مادخلكم
خولة.. يعني قفاص فقري ديما تحكي عليه
سناء.. عاد انا جاية من البيت الأبيض يما وافقي بالله مليت وانا ديما اخت العروس وبنت عم العروس وام العروس
خولة.. يعطك قهرة تقهرك الكلمة الأخيرة لبوك ولخوك
سناء.. وواك كان مادخلتي ولدك ماتهني ماعنده علاقة هوا تزوج وجاب فروخ ع حاله
خولة.. مزال تتكلمي ع خوك هكي نهارك الأحرف وحقا دكرتيني امشي طلعي الأنبولات الى شريتهملهم توا قريب يوصلو
سناء.. ان شاء الله جايين هما
خولة.. اي انا عزمتهم ع الغداء
سناء.. انتي لازم تنسحب منك الجنسية الأمومية
خولة.. كملي الفراشات وديري شن قتلك
سناء.. ريلاكس ياأنا لازم مانخرب فرحتي وأخيرآ جاك عريس وبتتزوجي وتبدي تجيهم كأنك ضيفة تاكلي وتشربي ولما بتجي بتروحي ديري روحك نسيتي مكان الباب توا نوريهم😈😈😈
----------------------------------------------------
احمد.. مقعمز ف الصالة ويراجي ف مرته وصغاره يلبسو
بتول.. طالعة وهيا لابسة قونة ليكرا سودة وجاكة دمية ووشاح اسود وقصتها ع الشارع لأنها مش محسوبة مع الشعر
احمد..هيا ياولاد
بتول.. وبصوت متصنع احمد معاش تعيط بالشوية
احمد.. حاضر
طبعآ .. احمد عنده 5 صغار ثلاثة ولاد وبنتين
رتاج .. هيا كملنا
احمد.. هيييي
-------------------------------------------------
رواسي .. السلام عليكم
سناء.. وهيا تقرض ف البصل وعيونها دموع نقزت ع اختها جاني عريس واسمه نبيل اقسم بالله اسم ع مسمى ياوخيتي بينقصني منكم
رواسي.. غير حولي ايديك عني بصل يافرخة وقوليلي كيف صار
سناء.. هذا ياكبدي نسيبة صاحبة امك الى كلها ذوق وتفهم ف الجمال وطبعآ شافت لجمال روحي لأن جمال وجهي متحلل كلمت امك وقتلها نبيها لولدي ااااااه محلاها عزوزتي تي بنسميها ماما هدي
رواسي.. الله ياسناء واخيرآ جاك نصيبك
سناء.. مالا تحسابيني بنعنس اسمعي بري غيري وتعالي عاونيني جاية السنيورة
رواسي.. لاماتقوليش بتول
سناء.. لابالعرض اااخ وخلاص امك هيا السبب هيا الى عزمتهم
رواسي.. اوووف متعاركة مع صلوحي والله ماعندي ليها خلوق
سناء.. الله متعاركين لو مش مخطوبة راهو ستغليت الفرصة وخديته نيهههههه
رواسي.. مبردك
-----------------------------------------------
أدم .. يما انا غدوة مسافر
سالمة.. حصلت الموافقة
أدم.. ايه ومرات نقعد غادي ثلاتة شهور باش ناخد الجنسية مرة وحدة
إبتهال.. كانت جايبة سفرة القهوة قصدك ف الجزاير تاخد الجنسية ف ثلاتة شهور
أدم.. إيه
إبتهال .. سعدودك
سالمة.. ياريتك تقعد تعيد معانا وبعدين تمشي
ادم .. وين يما بالله العيد مزال عليه أسبوع وانا كان مامشيت غدوة يحطو حد ف مكاني وانا الخدمة هدي ماحصلتها الا بطلوع الروح
سالمة.. ربي يوفقك ان شاء الله ويبعد عليك ولاد الحرام
أدم .. اللهم امين يارب بنمشي لعمامي بنسلم عليهم
سالمة.. تمام
ابتهال.. بتروح ع الغداء
ادم .. لا ماتراجوني
-------------------------------------------------
بتول.. السلام عليكم
سناء.. جت بنت الكلب
رواسي.. اسكتي فكينا منهم
خولة.. اهلين اهلين زارتنا البركة
بتول.. وهيا تتكلم من خشمها أهلين ياعمتي شن حالك
سناء.. شوفي قصتها تقول مصران مجفف هذا ف عاشوراء نديرو بيهم هريسة
رواسي.. هههههه ضمي فمك خلاص
سناء.. والله داهنتها بشحمة الجمل باش متبتتها
بتول.. شن حالكم يابنات وسلمت عليهم
خولة.. ياسناء بري جيبي الأنبولات لصغار خوك
سناء.. باهي يما خلي يخشو قبل
خولة.. شن قلت انا
سناء.. باهي😤😤 ومشت لدار أمها وفتحت الدولاب الهم توا بيشدوهالي ع انفخيلنا وع اربطيها وع طربقهالي ايوا عندي فكرة طلعت الأنبولات وطلعت البرا وكانت ماسكة خلال كبير لونه اصفر هيا ياخلال جداي زي ماكنت تخلل ف القيطون الى تلبس ف جداي خللي الأنبولات وبدت تنقب فيهم كم انا شريرة نيهههههههه والله كان يسمعو بيا ديزني لاند حايندمو لأنهم ماحطوني مكان زوجة اب سندريلا وسمعت صوت تصفيق وراها يارب يكون الجن العاشق ومش احمد
أدم.. هوا انتى تباني عبيطة بس طلعتي خبيثة
يتبع

رواية نبى راجل الحلقة الثانية 2 مكتوبة بقلم شيراز الشريف (القطة الشريرة)

الحلقة(2)


بقلم .. القطة الشريرة
-----------------------------------------------
أدم.. هوا انتى تباني عبيطة بس طلعتي خبيثة
سناء.. وقفت وشافتله انت شن دير هنا
أدم.. انتى الى موقفك ضعيف
سناء.. ليش وزنته انت باش عرفت انه ضعيف
أدم.. علاش الشر هذا معقولة حاطة راسك من راس عويل صغار
سناء.. انا وانت عويل هذو عويل مستوسخين طالعين ع امهم هيا وسخة وهما زيها تصور يقولولي عمتي معقولة طفلة زي يقولولها عمتي
أدم.. يعني انتي معتبرة روحك طفلة
سناء..طفلة صغيرة
أدم.. بغلة زيك مش عارف كيف متحملينها ناسها وخش عنها
سناء.. الواطي فعلآ ولاد العم جايبين الهم يعطيهم سم
---------------------------------------------------
محمد(ولد احمد) حناي هيا وين الامبولات
خولة.. سناء ياسناء وين النفخات
بتول.. مقعمزة وحاطة رجل ع رجل والسمعات ف وذانها
أحمد.. رواسي نوضي ديريلي طاسة قهوة
رواسي.. هي
ادم.. السلام عليكم ولما شاف بتول وخر
احمد.. خش ياأدم مافي حد براني
ادم.. خش وسلم من بعيد
--------------------------------------------
سناء.. كيف خاشة من الباب
رتاج.. عمتي قاتلك حناي هاتي الأمبولات
سناء.. مسكتها من وذنها معاش تقولي عمتي وشدي الهم متاعكم
رتاج.. مشت تجري
سناء.. لازم ماننسى انى بنت مخطوبة ومانتنرفز الواحد ماعنده حتى خصلة يلعب بيها باش يكمل لوك
رواسي.. انتي يامجنونة تعالي
سناء.. خيرك
رواسي.. شوفي لؤي كيف يكر ف الستار
سناء.. حي ياحي وهديكا البومة وين
رواسي.. بري توقيها كيف مقعمزة قدام ادم ماتقولي هوا الى راجلها
---------------------------------------------------
جهاد..يلعب ف الكورة وضرب أدم ع وجهه
أدم.. ياولد وسكت 😤
احمد.. جهاد برا العب ف الجنان بابا
ادم.. ف خاطره شكله كلام سناء حق
-------------------------------------------------
سناء .. لؤي حبيب عمتو تعال بنعطيك حاجة
ادم .. يشوفلها شوف كيف تفنصله والله انا الى خفت
لؤي..جاها يجري ومسك ف يدها وطلعو من الصالة
سناء.. مسكاته من قميصه وكراته للمخزن توا ماتتحشمش تكر ف الستار علاش تخرب قول
لؤي.. بدا يبكي ويعيط ماما ياماما
سناء.. سكرت عليه باب المخزن وخلاته الداخل ورجعت للمطبخ
رواسي.. شن درتي
سناء.. حبسته ف المخزن نيهههههه
رواسي.. توا خوك يدير فينا حالة
سناء.. بوك حسه جاء هيا نسقو الغداء وخوك هذا مايندري ع شي
رواسي.. تمام بري اقطعي ليمتين قارصات من الشجرة
سناء.. تمام وطلعت وتلاقت مع أدم ف الممر
ادم.. وين الولد
سناء.. اي ولد بسم الله الرحمن الرحيم
ادم.. لؤي
سناء.. وين نندري عنه
ادم.. انتي الى طلعتيه قدامنا
سناء.. وانت شن جو المحقق كونان الى مدايره شن دخلك
ادم.. كملي جميلك وارفعي حتى الفرخ جهاد لأنه طيبني بالكورة
سناء ..ماتلومه يشوف ف جبهتك كبيرة يحسابها ملعب كورة😂😂😂😂
أدم.. هي عاد مانلعبش مع الفرخات راه
سناء.. اي تلعب مع الدجاجات حول من طريقي 😒
أدم.. رجع للصالة وهوا معصب
سناء.. عاد جاني عريس زهيت ف عيونهم قاعدين يدحنسو عليا
----------------------------------------------------
سند .. الحمد لله
أحمد.. كمل يابوي خيرك وخرت
سند.. الحمد لله كول ياأدم توا معاش بتاكل ماكلة ليبيا
أدم.. بنستاحشها والله
احمد.. توا ترجعلها المهم ماتفرطش ف خدمتك
رتاج.. اجرري يابابا لؤي حاصل ف المخزن البراني
احمد.. ناض يجري
أدم .. الفرخة سناء مريضة نفسيآ
سند.. ياسناء ياسناء
--------------------------------------------------
سناء.. تغسل ف الماعين
رواسي .. بوك ينادي عليك
سناء.. نسمع فيه ومش ماشية مانبيش نشوف الفرخ ادم إمشي انتي
رواسي.. تعرفيه بوك وله هاتي جاي الماعين وبري
سناء.. اوووف وقعدت تمسح ف يديها ف المصلية ومشت نعم
سند .. ساعة نادي عليك
سناء.. دوشة الداخل مانسمع فيك
سند.. ارفعي الماعين وجيبي الشاهي
احمد.. رجع للمربوعة وهوا ماسك لؤي الى قاعد يبكي قول كيف خشيت للمخزن
سناء.. تفنص فيه
احمد.. تكلم
لؤي.. كان يبكي ويكح ومش قادر يتكلم
ادم.. يشوف لسناء كيف تفنص ف لؤي
سند.. خلاص خليه تلقاه كان يلعب مع خوته وسكرو عليه
سناء.. اي صح كلام بابا
سند.. ارفعي السفرة
سناء.. تمام ورفعت السفرة ومشت جري للمطبخ
رواسي.. وواك الهم كيف فرحت كملت
سناء.. هديكا الواطية قاعدة مقعمزة
رواسي.. اسكتي قريب نقز عليها
سناء.. خليها توا ندبرلها
رواسي.. شن بديري
سناء.. بكري نشوف ف جراد ف الجنان بنجيب وحدة وبنرعشها بيها
راوسي .. يحليك فكينا من المشاكل
سناء.. لامشاكل لاسو لكن كيف بنشدها
رواسي.. قولي لأدم
سناء.. لاشني ادم انا بنت مخطوبة ومانكلم ف الولاد وخطيبي يغار
رواسي..🤦‍♀️🤦‍♀️توا نمشي نقوله انا
سناء.. اي هكي عادي
---------------------------------------
بتول.. ماسكة تلفونها وتضحك
خولة.. ضحكينا معاك
بتول.. هدي اختي شهيرة الى من ند سناء باعتتلي صورها ف فرنسا
سناء.. كانت خاشة وجايبة سفرة القهوة الله غالب اختك الى من ندي ف فرنسا وانتى مقابلتني وتتفرجي ع الصور بدل ماتكوني مكانها🙂🙂
بتول.. طارتلها ومدت البوز
جهاد.. حناي الأمبولات كلهم ماينفعو
خولة.. كيف ماينفعو
جهاد.. الى ننفخوها نلقوها منقوبة
سناء.. ماتشوفيلي صاحب المحل غاشك
خولة.. حسابك بعدين
--------------------------------------------
رواسي.. شني مني
أدم.. من قبل تعرفوني ولانلعب معاكم ف الكورة😡 تبي نخبر خوك توا
رواسي.. بخوف والله مش انا هدي فكرة سناء وانا قلتلها بلاش منه الهبال
أدم.. ايوا قوليلي بري نادي عليها
رواسي.. تمام ومشت جري
------------------------------------------
سناء.. حاطة رجل ع رجل ومقبالة بتول باش توتي قفطان العرس
خولة.. تفنص ف سناء
بتول.. وهيا مستغربة نعم نعم عرس مني
سناء.. وهيا تشوفلها عرسي ياماما
بتول..😱😱😱 كيف وامتى ومن هوا
سناء.. ريلاكس حبيبتي الموضوع هذا مفجأة 😉😎
خولة.. يعطيك مايقطع لسانك
رواسي .. واقفة ع الباب سناء ترا تعالي شوية
سناء.. حاضر جاياتك وعيونها ف بتول الى فوق راسها علامات التعجب شنو
رواسي.. تعالي معايا بس وطلعو لخلف الحوش
------------------------------------------
أدم .. كان واقف ويدخن
رواسي.. دفت سناء وهربت
سناء.. شافت قدامها ولقت أدم وكيف بتهرب
أدم .. تعالي جاي 😠
سناء.. مانقدرش نوقف معاك من غير محرم
ادم.. مشاء الله تفهمي ف الدين طلعتي مالا الشيطان الى قالك ع خطة الجراد وين مشى
سناء.. نسى كراسة الكشكول الى ينقل منها الداخل ومشى يجيب فيها🙊
أدم.. تتبردي فوقها شن رايك نخبر خوك أحمد
سناء.. ياغبي انا وولد عمي ع الغريب هكي يقولو ناس زمان
أدم.. احترمي نفسك شني غبي متاعك
سناء.. خلاص انسى الموضوع وافتح الستارة والمسامح كريم
أدم .. قبل بنساعدك لكن لما قلتي غبي غيرت راي بري جيبيها الجرادة بروحك عقوبة ليك
سناء.. مستحيل
أدم.. أحمدددد
سناء.. لااااا خلاص اسكت فعلآ الأقارب عقارب
أدم.. امشي جيبيها
سناء.. تنقز ف مكانها وخايفة
ادم.. هيا نعدلك للثلاتة بس
سناء.. تقرب ف يدها باش تمسكها ونطت الجرادة وعيطت سناء بخوف ومشت تجري ورا أدم
أدم.. هههههههههه تعرفي بما انك ضحكتيني حانمسكهالك بس فهميني كيف بتمسكيها بعدين وتحدفيها ع بتول
سناء.. بنحطها ف طاسة بلاستك ع اساس نشرب ونحدفها عليها
أدم.. اما انتي تخوفي
سناء.. هيا شدها بسرعة
ادم.. مسكها بري جيبي الطاسة
سناء.. مشت تجري
ادم.. مجنونة البنت هدي لكن بنات عمي سند طلع فيهم جو
سناء.. انا جيت
ادم.. حطها ليها ف الطاسة ولفها بالمنديل
سناء.. مشت تجري
ادم..خزي حتى كلمة شكرآ ماقالتها
---------------------------------------------
رواسي.. شن صار معاك
سناء.. اهيا ف الطاسة بري طلعي أمك من الصالة
رواسي.. تمام خلي ناديها من هنا يما يما
--------------------------------------------------
خولة.. توا نجي اتكي يابنتي تريحي
بتول.. ماردت عليها
سناء .. خشت للصالة ووقفت جنب بتول الى كانت لاهية ف الهاتف ترا بعدي شوي بنفتح الروشن
بتول .. هاااا
سناء.. حولت المنديل وطيحت الجرادة ع راس بتول وعيطت حي يابتول جرادة ع راسك
بتول .. ناضت تعيط ياأحمد ياأحمد وبدت تجري بقونتها الليكرا وطاحت ف الممر
سناء.. مسكت الشبشب خليك خليك وطاحت فيها ضرب ع راسها
خولة ورواسي .. جو يجرو
سند واحمد وادم حتى هما جو يجرو
خولة.. حولي ع البنت شن ديريلها
سناء.. ف جرادة فوق راسها نقتل فيها ونزلت فيها ضرب
ادم..
يتبع


رواية نبى راجل الحلقة الثالثة 3 مكتوبة بقلم شيراز الشريف (القطة الشريرة)

الحلقة(3)
بقلم.. القطة الشريرة
----------------------------------------------------
خولة.. حولي ع البنت شن ديريلها
سناء.. ف جرادة فوق راسها نقتل فيها ونزلت فيها ضرب
ادم.. هههههه والله جهنمية البنت أهيا
أحمد .. جبد سناء وبعدها عن بتول الى فقدت الوعي
خولة.. جيبي مية بسرعة
الصغار.. يبكو خايفين ع أمهم
سند.. سناء طلعي الصغار البرا لهيهم
سناء.. تشوف لرواسي وتضحك هيا حبايبي نطلعو بنعطيكم حاجة وطلعو
رتاج .. عمتي امي ماتت
سناء.. ياريت لكن العافن مايموت
أدم.. زيك مثلآ معقولة ف انسانة هكي
سناء.. شافتله وتنهدت انا اصلآ واخدة ع خاطري من التجربة الإنسانية نبي نتحول لدلاعة 🍉🍉🍉
أدم..😂😂😂 ربي يهديك
سناء.. تسمع ف صوت عياط الداخل السنيورة ناضت
أدم.. لكن نضربت ضرب مليح 🤣
بتول.. نوض روح بيا ياأحمد مانبيش نقعد هنا
خولة.. ستهدي بالله يابنتي انتي مزال دايخة
بتول.. أحمد شن قلت
رواسي.. خلاص ارفعها
أحمد.. نوضي هي ومسكها من ايدها وطلعها
خولة.. كانت ماشية وراهم بالشوية عليها ساعدي روحك رتاج تعالي ارفعي الشنطة عن أمك
رتاج.. جت رفعت الشنطة ومشو
خولة.. تشوف لسناء
سناء.. حولت شبشبها ف ايدها وخشت تجري
ادم ورواسي .. ههههههه
خولة.. الطول طول باب والعقل عقل ذبانة
أدم.. هيا نستأذن أنا نشوفكم بخير
خولة.. بارك الله فيك ربي يوصلك سالم ان شاء الله
أدم.. ان شاء الله
رواسي.. مابتسلم ع بابا
أدم .. اي حق نسيته وخش سلم عليه وطلع
---------------------------------------------------
ف الليل
خولة.. اليوم كلمتني نسيبة عرفتها
سند.. ايه
خولة.. قالت تبي سناء لولدها نبيل قتلها نشاور بوها ونرد عليك
سند.. نعرفه نبيل ولد كويس شوفي بنتك كانها موافقة توكلي ع الله
خولة.. ف خاطرها موافقة من غير شورك الى بناخد رايها
------------------------------------------------
سناء.. واقفة ع باب الدار متع امها وبوها وتتنصت وواك تكلمو بقوة وهما تقول يحكو مع اموات
رواسي.. بصوت واطي سنااااء يافرخة وقعدت تكر فيها
سناء.. أصبري خلي نسمعهم
رواسي.. والله كان تطلع أمك لما تقتلك وجبدتها بقوة
سناء.. فقدت توازنها وطاحت وطربقت بالضحك
رواسي.. يافرخة وسكرتلها فمها وهربو
-------------------------------------------
سند.. شن هالصوت وناض فتح الباب لكن مالقى حد
خولة .. تتوهم أكيد
---------------------------------------------------
رواسي.. انا محبطة ستاحشت صالح لكن مانبيش نكلمه
سناء.. شن رايك نكلمه ونقوله رواسي ف المستشفى ومركبة تغدية
رواسي.. لاقديمة بدو يعرفو الولاد
سناء.. عينك انتى مش واثقة من قدراتي
رواسي.. خايفة يكشفني
سناء.. هاتي رقمه هيا
رواسي.. جت جنبها ع السرير وقعدت تمل عليها ف الرقم
سناء.. اهو يرن
صالح.. فتح الخط وقعد ساكت
سناء.. ياصالح وهيا مدايرة روحها تبكي انا سناء
صالح.. بخوف خيرك وليش تبكي
سناء.. رواسي ياصالح مدخلة معاها حبوب للحمام وبتقتل روحها
صالح.. شن هوا توا جايكم انا
سناء.. اااه ليش لااااا مافيش داعي غير كلمها انت بس
صالح.. كيف تبيني نقعد هكي اقعدو لهوها لعند نجي
سناء.. غير اصبر وين تجي بس انت اتصل بيها مرات مابين ماوصلت هيا تكون ماتت
صالح .. ياسناء ماتعصبيني انا جاي توا انتي هديها بالله
رواسي.. بدت تنفض ف يديها نهاري الأحرف هذا مجنون ويديرها
سناء.. ياصالح كلمها بس ياراجل وكان ماهدت تعال
صالح.. هيا بنصكر باي
سناء.. غير اصبر ياعن بوك انت وياها والى متصلة باش تصالحكم شن بتجي تبي بابا يقطع رقابينا ومادمك تحبها وخايف عليها كلمتها وفكيتو أمي من هالدراما اهيا معاك كلمها
رواسي.. خايفة وترعش
سناء.. تكلمي رصيدي ماشي ع الفاضي
رواسي .. مشت لسريرها ألو
صالح.. معقولة يارواسي ديري فيا هكي مهما كانت المشاكل بينا ردبالك تعاوديها
رواسي.. حاضر
صالح.. تنهد ستاحشتك
رواسي.. حتى انا هلبة
سناء.. عقبال مانبدا نحكي مع نبيل ونتمعشق حتى انا🤤🤤🤤 اي حق هيييي انتي رصيدي كملتوه
رواسي.. حبي كلمني ع رقمي
صالح.. اي نسيت رصيد البنت
سناء.. مصحكم وخلاص وخدت تلفونها ورقدت ماسد الواحد ماعنده من يعبيله ولاعنده من يحبه تكملوله ف رصيده عليك طمع فيكم امالا كاني نخدم وبفلوسي شن درتو
رواسي.. خلاص اسكتي
سناء.. جو حبيبي ونحبك فوتيه قدامي واحترميني ولانوضي للمربوعة
رواسي.. اهو يتصل خلاص ضمي فمك
سناء.. يابيوع خلي نمشي نرقد ف المربوعة ورفعت دبشها يارب يوافق بابا وتنتهي المهزلة متع حياة العزوبية وخشت للمربوعة وقعدت تفتح ف الضي لكن اللامبة كانت محروقة هذا الى كان ناقص كله من بابا ديما يولع ويطفي احرف من صغار ولده ايديه غير متعات فساد وبعدين تعالي ياسناء ركبي اللامبات سعدودهم القصيرات ماحد يدور فيهم كل البنات بوتاهم مدلعينهم كل سنة يسافرو الا نحنا من 2006 ماشفنا بحر صارلنا جفاف ياخي وحصتنا من أرباب الأسرة مارينا منها ربع وحي عليك كان قلتي وينها يقولك والى تاكلي فيه من وين
سند.. شايلة عليا يابنت الكلب
سناء.. هوهوهو والله يابابا انا راقدة ونتكلم
سند .. تعالي جاي
سناء.. هربت تجري وفتحت ع امها الدار يما حزي عليا
سند.. بعياط تعالي هنا انا توا طلعت ماننفع كاني ماننفع راهو مش هذا حالي
خولة.. خيركم شن فيه استهدي بالله
سند.. كنت نصلي ف المربوعة وخشت الكلبة هدي ومافي كلمة وماقالتها عليا
سناء.. كنت راقدة ومانندريش ع روحي
سند .. قعد يقرب حولي انتي لين نخلطك معاها
سناء.. لاماتخلطنا امي خالية من السكر
خولة.. تعال جيفها
سند.. جبدها من شعرها وضربها ع ضهرها
رواسي.. حبي صوت دوشة شوية ونعاودلك وهيا طالعة من الدار تلاقت مع سناء الى كان شعرها مشفشف ومبهدلة
سناء..كان ماحطيتكم ف دار العجزة مانكون انا سناء
رواسي.. خيرك
سناء.. صحة النوم امك وبوك اعتدو عليا بالضرب المبرح
رواسي.. ليش شن درتي
سناء.. شي الى يقهر انى ماقلت شي
----------------------------------------------------
بعد مرور يومين
خولة.. أرزني يابنت وف المقابلة مش ديري العار نعرفك انا عينك ماتقيميها من عن الأرض
سناء.. خلاص يما من لما قتيلي بابا موافق وانتي شادة ف نفس الدسكة وبعدين شن ماتقيمي عينك من الأرض قالوك بنحضر طهور نملة
خولة.. يعطك مايرفعك تحشمي يامتعت العار
سناء.. لاانا متع نبيل نيهههههه
رواسي.. الجرس يرن شكلهم هما
سناء.. وووه عليا كيف ندير ساعدوني اول مرة ننخطب
خولة.. ضربتها تي اسكتي ياخرا
نسيبة.. كانت جاية هيا وبناتها الى مش راضيين ع سناء
رواسي .. رحبت بيهم ودخلتهم للصالة
خولة.. زارتنا البركة وسلمت عليكم وقعدو يحكو
خادم(أخت نبيل) وينها سناء
رواسي.. دقيقة ناديها ومشتلها ف المطبخ هيا أطلعي
سناء.. ياحليلي بطني جاني اسهال
رواسي.. ارفعي السفرة وهيا
سناء.. باهي نقوللها ماما ولا يام شن رايك
رواسي.. مصحك ارزني وهيا
سناء.. إحم يارب السحر الى ف المزيتات ارزقني ربعه بس وتشد معايا امين يارب وطلعت
رواسي.. اهيا جاية
سناء.. وكانت لابسة سروال امريكي وبلوزة بيضة ومسشورة شعرها وفرحانة بيه مع رسمة عين وروج حطت السفرة ع الطاولة وسلمت عليهم
نسيبة.. شن حالك ياسناء
سناء.. الله يبارك فيك
البنات .. قعدو يضحكو
خولة.. ههههه متوترة بسلامتها
سناء.. ف خاطرها بسلامتها صار بدت الهيبة متع البنت المتزوجة تبان
خولة.. رواسي قدميلهم الحلو
نسيبة.. والله متعبين رواحكم
خولة.. تعبكم راحة
خادم.. نبيل يتصل
نسيبة.. معناها هيا شكله
خادم .. تمام هييي وصكرت قاللكم هيا عنده عمل
خولة.. تمام بري البسي ع راسك وارفعيله العصير
سناء.. خشت لدار حطت وشاح ع راسها شعري الجميل محلاك وانت راقد نوم العوافي يارب وطلعت للمطبخ
رواسي.. مدتلها السفرة انتي اسمعي بس مش تقعدي تتكلمي فاهمة
سناء.. رفعت الطاسة انتى حمارة قالولك الراجل مقتصد علاش الطاسة هدي كلها وشربت منها وخلت للنص ايوا هكي باش يعرف اني مقتصدة
رواسي.. تريش ف شعرها كيف بتمدي للراجل الطاسة هدي
سناء.. راجلي وانا حرة والحلويات هدو هلبة هاتي جاي الغريبة بس تسده وحولت منها الكاكوية
رواسي.. لاااااا ردي البكلاوة يافرخة
سناء.. اسسسسس توا تجي امي انتي خليني بس توا نتفاهم معاه
رواسي.. اقسم بالله حيوانة باهي
سناء.. واجعتك الكاكوية خلاص عاد ارحموها وهيا ديما فوق الغريبة
رواسي.. امالا شن بنحطو
سناء.. عبود زميطة نيييههههه حولي من قدامي ترا وطلعت عنها
رواسي.. ربي يكون ف عونه
---------------------------------------------
نبيل.. مقعمز ف المربوعه وماسك هاتفه
سناء.. خشت عليه السلام عليكم
نبيل .. يشوف للطاسة ومش فاهم شي وعليكم السلام
سناء.. حطت السفرة ع الطاولة وقعمزت مقابلاته
نبيل.. يشوف للطاسة وللغريبة شن حالك
سناء.. الحمد لله وانت
نبيل .. الحمد لله ف نعمة وسكت
سناء.. هذا خيره سكت شني شاحن رصيد ف اللسان المزمار وخايفه يتم وقعدت تشوف لرجليه وتضحك
نبيل.. يشوفلها كيف تغطي ف وجها لعند طلع منها صوت الضحكة المدسوسة
سناء.. احم
نبيل.. ضحكيني معاك
سناء.. لاهوا غير متوترة هلبة بس وف خاطرها معاش تشوفي لرجليه بس مش قادرة
نبيل.. قداش عمرك
سناء.. 23
نبيل.. العمر كله وانا 30
سناء.. هلبة قصدي ماشاء الله تفضل اشرب عصيرك
نبيل.. هذا ليا انا حسبتك من التوتر غالطة
سناء.. انا بنت مانحبش التبدير ومقتصدة ف كل شي
نبيل.. يعطيك الصحة هذا الكلام
سناء.. 😊 ف خاطرها هذا فرح يحساب حق شكلها شدت وكملو هدرزة
----------------------------------------------------
أحمد.. باهي مليح وشن صار
خولة.. مشت الأمور تمام وتوا لبعد العيد
احمد.. ع خير ان شاء الله
خولة.. بوك جاء هي بالسلامة وسلم ع الصغار
أحمد.. ان شاء الله
بتول.. شن تحكي عمتي
أحمد.. سناء اليوم جو طلبوها رسمي
بتول .. شن هوا ومعقولة انا اخر من يسمع
أحمد.. عادي توا تحضري العرس
بتول.. والله عادي توا ارفعني لحوش بوي انا مستحيل نقعد عند واحد اهله مش معتبريني من العيلة
احمد.. حبيبتي ماتزعلي ياعمري حقك عليا وامسحيها ف وجهي وتوا بنمشي نهزبهم ع خاطرك
-------------------------------------------------
رواسي.. الف مبروك قداش فرحتلك
سناء.. ماردتش عليها
رواسي.. انتي ياكلبة شن ديري
سناء.. ندير ف بلوك لصاحباتي نيهههههههه انا مختوبة
رواسي.. طيح سعدك شن دخلهم صاحباتك
سناء..انتى ماتفرجتي ع سرقت زوجي صاحبة خدت راجل صاحبتها
رواسي.. هذاك ثمتيل
سناء.. اقعدي قولي هكي لين تلقى صالح متزوج عليك
رواسي.. تحركي من مكانك يابقرة
سناء.. السنة هدي بنعيد وانا مخطوبة نيهههههه
رواسي.. ووواك مش عارفة شن خطر عليهم يعيدو هنا عمامي
سناء.. اسكتي حارقيني البساطات الى غسلتهم
رواسي.. خلينا منهم بيكلمك البرنس
سناء .. هوا خدينا أرقام بعض وقالي توا نكلمك بس اسمعي بنحكيلك حاجة لكن ماتعيطي
رواسي.. شن
سناء.. بكري لما مشيتله أول ماقعمزت شفت لرجليه وقعدت نضحك
رواسي.. لاااااا ياعار هذا الى كنت خايفة منه
سناء.. والله حاولت مانشوف لكن ماقدرت
رواسي.. قاتلك امي بطليها الطبيعة هدي حشمتينا
سناء.. اي لكن ورن هاتفها رنة وحدة
رواسي .. من
سناء.. ان شاء الله يكون مداير رنة بالغلط ومايطلع الى ف بالي صح


رواية نبى راجل الحلقة الرابعة 4 مكتوبة بقلم شيراز الشريف (القطة الشريرة)



الحلقة(4)
بقلم.. القطة الشريرة
-------------------------------------------------
سناء.. ان شاء الله يكون مداير رنة بالغلط ومايطلع الى ف بالي صح
رواسي.. نبيل هذا
سناء.. ايه مدايرلي رنة اكيدا غالط
رواسي.. مصحه حتى انا الى بنت نتحشم نديرها
سناء.. نعاودله
رواسي.. لااااا نهارك كان ديريها ورن هاتفها
سناء.. اهوا نيهههههه كنت عارفة انه غالط وردت بصوت رقيق الوو
نبيل.. عاوديلي ماعنديش رصيد وصكر
سناء.. قعدت مصدومة وتشوف لرواسي
رواسي.. خيرك
سناء.. قالي عاوديلي مايحسباش خدمة جني ف وقته يبو عليا دينار.
رواسي.. وواك اسمعي فوتيه هذا من اولها هكي مالا بعدين كيف
سناء.. مصحك انتي هناك حد يلوح النعمة
رواسي.. انتي الى بتندمي
سناء.. عندك رصيد انتي
رواسي.. اي
سناء.. عطيني نكلمه حق ماعطيتك كلمتي صالح هذاك اليوم لما تصالحتو
رواسي.. يالطيف كيف تحسبي فيها لكن مانقدرش صالح يلقاني انتظار يديرلي عرس
سناء.. ابعتيلي جني امالا
رواسي.. ااااوف منك
-----------------------------------------------
أدم.. ماسك هاتفه ويقرا ف المنشور الى منزالته ابتهال الف مبروك بنت عمي سناء الخطوبة وربي يهنيك وخش ع التعليقات يدور ع رد سناء الى كان يسلمو الله يبارك فيك واستعدي للحظر لأنى مختوبة 😂😂😂 صار مختوبة مسكين الى طاح فيها بيقعد نادم طول عمره خلي نبعتلها طلب ونقوللها تمسح العار لكن انا شن دخلي بيها وخليك مع الإسم الى مدايرته خطيبة خطيبي والله مش صافية بالله خلي نرقد
----------------------------------------------------
نبيل.. اسمعي يابنت الناس جو المكالمات كل يوم مش ضروري منه خسارة رصيد ع الفاضي
سناء.. كيف هكي يعني كيف بنتعرفو ع بعض
نبيل.. بعد الزواج يعني مش شرط توا
سناء.. هيا فترة الخطوبة لتعارف
نبيل.. ونحنا بنتعرفو بعد الزواج تمام
سناء.. وهيا قريب تبكي تمام وصكرت عليه
رواسي.. كانت تصحح ف الكراسات متاعين الطلبة شنو
سناء.. أشعر بأنني مالقى عزاء
رواسي.. هههههه شن قالك
سناء.. مافيش داعي منهم المكالمات خسارة رصيد
رواسي.. خودي كلامي افسخي
سناء.. معاش تقوليها بعدين كلامه حق والمكالمات اصلآ حرام
رواسي.. زيدي إكدبي ع روحك
سناء.. بنرقد معاش تكلميني
رواسي.. تم
سناء.. غمضت عيونها وقعدت تفكر زعما بنقدر نعيش معاه زعما هوا هذا نصيبي هيا ماعندي علاش نشرط زي مايقولو المصريين ظل راجل ولاظل حيطة
------------------------------------------------
بعد مرور أسبوع
خولة.. ياسناء
سناء.. نعم
خولة.. خيره المخزن قاعد مقلوب
سناء.. باهي يما خيرك دهشت توا نظمه
خولة.. العيد غدوة وامتى بنلحقو
سناء.. نلحقو يما بعدين نحنا صايمين حرام التجنيد هذا كله
خولة.. كله اجر
رواسي.. جت تجري يما يما
خولة.. ها شن فيه
رواسي.. صالح بيجي
خولة.. ليش
رواسي.. جايبلي عيديتي
خولة.. يتفضل
رواسي.. تمام توا نقوله ومشت تجري
خولة.. تشوف لسناء وانتي وين مطيوح السعد متاعك
سناء.. يرضع ف أمه
خولة.. ههههه قنالك يابس
--------------------------------------------------
نسيبة.. قنعو خوكم ياخد للبنت حاجة ويفرحها
خادم.. مش لازم اهو حتى نحنا ماعمرنا هدونا لاف العيد لا ف غيره
نسيبة.. هذاك ف وجوهم مش حتى نحنا ماعجبناش لما ماتفكرك ف العيد حتى هما مابيعجبهم
نبيل.. السلام عليكم
خادم ونسيبة .. وعليكم السلام
خادم.. كنا نحكو عليك
نبيل.. خير ان شاء الله
خادم .. أمك قالت لازم تعطي لخطيبتك عيدية
نبيل.. وليش
نسيبة.. تفرح بيها بنت الناس مايجيش ياولدي ماتتفكرها ف العيد
نبيل ..دوة زايدة مش لازم منها
نسيبة.. كيف مش لازم مافيها شي كان خديتلها بدلة عيد ولا تعطيها حقها فلوس ويوم العيد ترفعلها فخد من الضحية عادي
خادم.. خلاص غدوة نبعتولها فخد ومشروب وتمت
--------------------------------------------
رواسي .. لبست ودارت شوية مكياج ووقفت البرا تراجي ف صالح
سناء.. قوليله يحسبني حتى انا
رواسي.. هههه تم ورن هاتفها اهو وصل ومشت تجري تفتح ف الباب
صالح.. ليش طالعة بدون ماتقولي من
رواسي.. عرفتك انت
صالح.. بصوت واطي ستاحشتك
رواسي.. حتى انا
صالح.. ترا خشي الداخل جايب معايا فارس خوي
رواسي.. هذا شن الى يصيح
صالح.. ضحك ضحيتك هدي
رواسي.. حي تبصر
صالح.. خشي بري
رواسي.. خشت تجري يما صالح جايبلي ضحية
سناء.. واحد صالح والنبي 😭😭😭😭😭
خولة.. ضيفيه قبل مايمشي خلي نطلع نسلم عليه
سناء.. وخيرني انا أشعر بأنني مترد حلويات فاضي
رواسي.. تصب ف العصير توا يجيبلك مزال العيد غدوة هوا
سناء.. اي مرات صايم وراقد مش زي صالح متاعك لاصلاة لاعبادة
رواسي.. 😒😒 شن دخلك بيه وطلعت
سناء.. ايه زمزكي عشان خروف يارب يجيبلي حتى فار المهم يدكرني
-----------------------------------------------
أدم.. انت خير أمك تدوي معايا هكي
وليد(شريك ادم ف الدار) ندوي كيف مانبي انا قديم هنا وجاي قبلك انت الى جاي جديد
ادم.. وبالك شركة بوك لين قاعد تشحط
وليد.. قعد يمد ف ايده وقعدو يضاربو
-------------------------------------------------
سناء.. ماشية جاية ف الدار تي هيا ياحرايمي اتصل
رواسي.. فرحانة ببدلة العيد وواقفة ع المراية وتشوف لروحها
سناء.. انتى صح اختى وكل حاجة لكن اكتشفت انك مزيتة
رواسي.. وهيا مصدومة معقولة تقولي عليا هكي
سناء.. ترا قولي الى عندك حظ مزيتات ولامش مزيتات لاشن مزيتات انتى عندك حظ المشحمات
رواسي.. خزي عليك
سناء.. حدفت هاتفها ع السرير مش حايتصل
رواسي.. تبدي كلبة كان لغدوة ماتفكرك وتقعدي معاه
سناء.. انا امتى خطتني عيشة الكلاب ماقعدلي شي غير ننبح
-----------------------------------------------
ف الصبح
رواسي.. سناء ياسناء نوضي يادراه عيد راه
سناء.. باهي خليني شوية ونوض
رواسي.. بوك قريب يروح من الصلاة نوضي
سناء.. ناضت ووواك قاعدة نفكر كيف بنعيد على بوك وامك
رواسي.. وكان شن فيها
سناء.. ضمي فمك انا هكي عارفتيني ديما ف الأعياد تركبني حالة نفسية وتوجعني بطني
رواسي.. لأنك هبلة
خولة.. ان شاء الله قاعدة مانضتي يرزيني فيك قريب يجو والحوش مخلط نوضي يعطك مايرفعك وطلعت
سناء.. شافت لرواسي هذا الى نحكي عليه توا تدعي عليا وبعدين نعيدو ونقعدو سامحيني ربي يطول ف عمرك ونضحكو ولاكأن شي صار وبعد تكملي تقولك هيا يرزيني فيكم
رواسي.. ههههههه ماكلمك نبيل
سناء.. ولافكر اصلآ حتى كان فكر بيبعت رسالة بس حايقولي الرسالة هدي سارية المفعول ف جميع الأعياد
-------------------------------------------------
أحمد.. السلام عليكم وستقبلوه صغاره وعيدو عليه
بتول .. حمود كل سنة وانت طيب ربي يخليك ليا
أحمد.. كل عام وانتي بخير ياعمري وربي مايحرمني منك
أحمد.. هيا واتين
بتول.. ايه بس ارفع الضحية قبل وارجع لأنى مستحيل نركب معاها ف نفس السيارة
أحمد.. حاضر
---------------------------------------------------
سناء.. لبست توتا طويلة ازرق كحلي وشعرها كله الفوق
رواسي.. لبست البدلة الى جابها ليها صالح
سناء.. توا شن بيحزها مع بنات عمك
رواسي.. ماتعدلي عليهم
سناء.. حس بوك جاء وووه بطني
رواسي.. هيا بسرعة أطلعي نعيدو عليه
سناء.. بري إنتي الأولة
رواسي.. مبردك وطلعت
سناء.. ساهلة يابنت كل عام وانت بخير وخلاص هيا بسم الله وطلعت
سند.. حاضن رواسي ربي يبارك فيك
رواسي.. تكبله ع راسه ربي يحفظك لينا
سناء.. بوي كل عام وانت بخير وحضناته ومسامح ع فلوس الفيزة
سند.. شكله اليوم بندبحك بدل الخروف
سناء.. نبصر والله
رواسي.. حضنت أمها كل عام وانتي بخير يما وربي يطول ف عمرك ان شاء الله
سناء.. علاش الدموع توا عارفيني دموع ماعندي توا كان مابكيت وانا نعيد عليها بنطلع بنت عاقة ورواسي خير مني
خولة.. شني ماتبيش تعيدي عليا
سناء.. باش نغسل بساط الصالة وحضنت امها كل عام وانتي بخير ومسامحة ع التعب الى متعبتيهولي وربي يهديك ويصلح حالك
خولة.. شني مجنونة ربي يهديني
سند.. والله تبي طريحة
سناء.. نعيد خيركم🥺🥺
رواسي.. حضنت اختها كل عام وانتي بخير يامجنونة
سناء.. وانتي بألف خير
خولة.. هيا بسرعة انتي وياها قريب يوصلو عمامكم
سناء.. تم النفاق الأسري ورجعنا للواقع نيههههههه
رواسي.. ههههه ياكلبة
-------------------------------------------------
أحمد .. فتح الباب السلام عليكم
سند.. مقعمز ع العتبة ويدخن وعليكم السلام
أحمد.. كان شاد الخروف وطلقه ف السياج وسلم ع سند وعيد عليه
سند.. وين الصغار امالا
سناء.. كانت مطلعة الماعين ومن بعيد احمد كيف حالك وكل عام وانت بخير
احمد.. وانتي طيبة
سند.. قولي وين الصغار
أحمد.. توا نجيبهم
سند.. وجيت جية وحدة ليش المشي والجي
سناء.. ف خاطرها اكيدا السنيورة ماتبيش تجي مع الخروف ياي لكن اليوم دواها عندي نيهههههه
أحمد.. توا نجي بنمشي نجيبهم
سناء.. باهي تعال اربطه توا بياكل الورد كله
احمد .. خشي الداخل وضمي فمك
سناء..😒😒 توا تشوف
سند.. بري جيبي الماس وسنيهم ورن الجرس
سناء.. مني
مفتاح (عمها) افتحي
سناء.. فتحت او العم كل عام وانت بخير وسلمت ع بناته ومرته
مفتاح.. أصغر واحد ف خوته م 74
مرته.. إخلاص
بناته
مروى..98
ساجدة مواليد 99
مودة.. مواليد2001
اكرم.. م 97
سند.. اهلآ اهلآ وقعدو يعيدو ع بعض
سناء.. أكرم بالله اربطه خروفكم
أكرم.. بري ولانربطك مكانه
سناء.. انا قلت هالكلام ع خاطرك لأن لما تربط الخروف حايعرفو انه الخروف هذا لدبح لكن كان خليته مفلوت مش حايفرقو بينكم من كثر ماتشبهله وبيدبحوك نيهههههههه وهربت
أكرم .. توا تشوفي بعدين
---------------------------------------------------
رواسي.. مدايرة مكالمة فيديو مع أمينة
امينة.. وين الفرخة سناء ستاحشتها
رواسي.. ههههه سناء مسكينة بوك حارث عليها اليوم
أمينة.. ياريتني معاكم
رواسي.. ايه والله ياريت اسمعي عمامي حسهم جو هيا نحكو بعدين وبوسيلي الصغار
أمينة.. توا نكلمكم بعدين سلمي ع الكل
رواسي.. يوصل
-----------------------------------------------
منجي ..(العم التاني) السلام عليكم
مرته.. نعيمة
عنده 4 ولاد
اشرف.. مواليد87
عمر.. مواليد89
هيثم.. مواليد 90
محمد.. مواليد94
سناء.. جو الى روسهم زي مقاعد المدرسة مشناهم يسدو النفس وفوقها يجكترو
اشرف .. سناء خيرك ماتسلمي
سناء.. من قبل مانسلم عليك
اشرف.. قاعدة طولي ف لسانك تبي طريحة
سناء.. وووه قداش يدحنسو توا لما سمعو بيا نخطبت عرفو قيمتي بالله اربطو خروفكم عييت وانا نجري فيهم كلولي ورداتي
--------------------------------------------------
ف السيارة
بتول.. اسمع من توا ماتقوليش اغسلي الكرشة
أحمد.. توا يغسلوها خواتي مادوريش انتي
----------------------------------------------------
حكيم.. (العم الثالت)السلام عليكم
مرته.. سلمى
بناته
ابتهال.. واكيدا عرفتوها مواليد 93
اسماء.. مواليد 94
ادم.. مواليد90
انس.. موااليد 2000
وهكي جو كلهم غير عم واحد والحمد لله الى ماجاء لأنه بأحفاده وهما هلبة وكان جو راهو الحوش عليه السلام
أحمد.. السلام عليكم
بتول .. خشت عيدت ع البنات وخولة ومسكت هاتفها
رواسي.. اجري ياسناء رتاج بزعت العصير ع الجلسة
سناء.. ماتقوليهاش والله انى ارى رؤوسآ قد اينعت وقد حانا قطافها نهارها أحرف مني ومشت تجري دور فيها
----------------------------------------------------
اخلاص.. مبردهم عيلتنا اخر من يدبح
خولة اي بكل تبيلهم لين يشربو الطاسة التانية متع الشاهي
سلمى.. اي وحتى الصغار هكي علموهم
-------------------------------------------------
سناء.. وهيا دور ع رتاج لقت النعجة تاكل ف الوردات ياعن ياخرا وقعدت تلز فيها قتلهم يربطوهم وشافت يمين وشافت يسار ومالقت حد وفتحتلهم باب الشارع ولزتهم هيا حبيباتي اليوم انتو الى معيدين ولقت واحد مربوط فكاته برا حتى انت بابا عيش حياتك وتزوج من النعجة القهوية شكلها بنت حلال وهربت
أكرم.. كيف طلع من الباب ولقى الباب مفتوح و الضحايا كلهم مهناش هيييي ياولاد اجرو
كلهم .. طلعو يجرو شن فيه
اكرم.. الخرفان هربو وطلعو وراهم جري
سناء.. كانت داسة ورا الشجرة نيههههههههه خلي نركب للسطح ونصورهم
يتبع

رواية نبى راجل الحلقة الخامسة 5 مكتوبة بقلم شيراز الشريف (القطة الشريرة)

الحلقة(5)
بقلم.. القطة الشريرة
------------------------------------------------
كلهم .. طلعو يجرو شن فيه
اكرم.. الخرفان هربو وطلعو وراهم جري
سناء.. كانت داسة ورا الشجرة نيههههههههه خلي نركب للسطح ونصورهم
رواسي .. سناء خيرك وين ماشية
سناء.. نادي البنات وتعالو تفرجو ع الجو
رواسي.. نادتهم وركبو للسطح
ابتهال.. حي الخرفان كلهم هربو
رواسي.. قريب تبكي
سناء.. كلمي صلوحي يجي يلهد معاهم نيهههههه
رواسي.. من الى طلقهم بس
سناء.. تغير ف الموضوع شوفو احمد خوي كيف يفر اي ياكبدي متعود ع الجري
رواسي.. وين ريتيه الكذب متعود
سناء.. ماهو ديما يجري ورا السنيورة
البنات.. قعدو يضحكو
-----------------------------------------------
أدم.. سامحني ياصاحبي طردوك من ورايا
طه.. ماتقولش هكي بعدين مش نحنا الى نقعدو تحت رحمة حد
أدم.. كله من الكلب وليد وانت ياريتك ماخشيت بينا
طه.. عيب ياراجل ماتجيش
أدم.. باهي الى حصلنا طيارة
طه.. هههههه قول باهي الى بنعيدو مع العويلة
أدم.. رسمي ههههههه
-----------------------------------------------
بعد ساعة كاملة من الجري
رجعو الشباب وهما جايبين الضحايا ودهشانين
سند.. وهوا معصب من الحيوان الى فتحلهم الباب
سناء.. هدي رتاج
سند.. رتاج يارتاج
رتاج.. جت تجري نعم ياجدي
سند.. مسكها من ودنها ليش فتحتي الباب مزال تقربي هنا نوريك
رتاج .. مشت تبكي
رواسي.. انتي شفتيها بعيونك
سناء.. لاانا الى طلقتهم
رواسي.. حي عليك ياحيوانة امالا ليش تكدبي ع البنت
سناء.. لأنها بزعت العصير وانا مابنقدرش نضربها ع خاطر خوك فجدها قام بالواجب
رواسي.. متأكدة انك أختي
خولة.. سناء تعالي
سناء.. هيا جيت
-------------------------------------------------
نسيبة.. نبيل ماتنسى الفخد لخطيبتك
اماني..(مرات ولد نسيبة) عطاها عيديتها
نسيبة.. حتى الفخد بالسيف وافق عليه
أماني.. مرات ع ايديها يتغير
نسيبة.. نقولو ان شاء الله
-----------------------------------------------
سناء.. شادة راس الخروف وتخوف ف صغار أحمد
جهاد.. يبكي يما يما
سناء.. مزال نلقاكم الداخل نخليه يعضكم فروخ دهشوني
رواسي.. سناء يبيك أحمد
سناء.. شن يبي
رواسي.. بيقولك أغسلي الكرشة ياماما
سناء.. مصحه وانتي خيرك
رواسي.. عارفتيني نعاف منها ومن امتى نغسل فيها
سناء.. والله وانا شني مجاري ولامكب
أحمد.. سناء مش نادي فيك
سناء.. مش غاسلتها الكرشة نوض مرتك
أحمد.. مريضة
سناء.. حتى انا مريضة
أحمد.. تغسليها يعني تغسليها ماتخليني نمد ايدي
سناء.. والله امالا ليش جايبها
أحمد.. بعياط شن قتلك انا قدامي تحركي
سناء.. عيونها دموع توا تشوف
أكرم.. ههههههه عيطو عليها
سناء.. قطعت مصران وحدفاته عليه
أكرم.. ياحيوانة عاجبك هكي وسختيني
سناء.. حسبتك كيس كناسة نيههههههه وجابت صونية وفرغت فيها العفن الى ف الكرشة حشاكم
رواسي.. هذا شن اععععع ليش درتي هكي
سناء.. مش مفوتتها للكلبة بتول شوفيها كيف تفنصلي وزيادة حاطة رجل ع رجل والكلب خوك يشويلها ويوكل فيها
رواسي .. فوتي المشاكل
سناء.. غير شن رو بس
خولة.. ياابتهال تعالي ارفعي المقلي لعمامك والشباب
ابتهال .. جيت هيييي ورفعتلهم السفرة
سناء.. رواسي تعالي
رواسي.. نعم
سناء.. تعالي ارفعي معايا
رواسي.. لا نخاف فكيني منك
سناء.. خزي ياخوافة توا نرفعها بروحي
بتول.. كانت حاطة كرسيها ف الوسط وماجنبها شي وف جيهة بروحها لأنها تحب تلفت الإنتباه وتوري روحها
سناء.. حمام الهنا يا بنت سعيدة ورفعت الصونية وقعدت ماشية بالشوية
بتول.. كانت حاطة السماعات ومركزة ف الهاتف
سناء.. بعد قربت جيهة بتول دارت روحها نعكرت والى ف الصونية كله جاء ع بتول وهنا شغلو مخيلتكم نيهههههههههه
بتول.. عيطت لااااا ااااععععععع وكلهم جو
سناء.. ااو ياساتر
بتول.. اعععععع وقعدت ترجع
خولة.. شن درتي يافرخة الهم
سناء.. نعكرت مش بلعاني
احمد.. جاء يجري عيونك وين ترا قوليلي
سناء.. قتلكم نعكرت وأصلآ الصونية ثقيلة وحاصلة ف الكرشة بروحي
سند.. خلاص حصل خير
سلمى .. جيبو الطوبو وصبو عليها مية وبعدين تخش ادوش
ابتهال.. 1.0 لسناء
رواسي.. ريتيها مش عارفة من وين يجوها هالأفكار
مروى.. هههههههه تستاهل
بتول.. اااع ياأحمد خشلي ف فمي
سناء.. نيهههههههه ياي
------------------------------------------
أدم.. وأخيرآ وصلنا
طه.. اي الحمد لله وان شاء الله نلحقو ع الكبدة
أدم.. ههههههه زعما خلوها
---------------------------------------------
سناء.. إلا طفلي الدي لم يأتي بعد نوض جيبلي طاسة شاهي
ابتهال.. هههههه بوه وين
سناء.. عارفتكم حقيرات وبتشمتو وخاطركم تعرفو بس انا ماعنديش ف الخبث وبنحكيلكم ماكلمني ولاعيد عليا
ابتهال.. وشن جابلك ف العيد
سناء.. شي
مروى.. أخيه راجل زي هكي فوتيه
ساجدة.. اي صح فوتيه
سناء.. عارفتكم تبوني نعنس😒😒
ابتهال.. لايابقرة نبو مصلحتك بس
اشرف .. شكله ف مؤامرة شن تحكو
سناء.. والبس وشاح وتعال معانا
أشرف .. ضربها ع راسها شن قتلك ع طولة اللسان
سناء.. وانت شن دخلك جاي بينا خليك ف حالك دراه
أشرف.. توا نوريك عليها
رواسي.. حرام عليك
سناء.. مبردهم ولاد عمي منجي هذا بالذات لصقة ودحناس ف عيلتنا كلها مافيهم واحد قنين الواحد يقابل بيه
ساجدة.. فيه أدم يهبل ماعندك ماتقولي فيه
سناء.. هذا بتول من غير وشاح
البنات.. ههههههه
ابتهال.. يلا خوي ومانرضى عليه
مروى.. صح يهبل أدم طول وشخصية وعنده هيبة
ابتهال.. ان شاء الله تمشي تمشي وتاخديه
سناء.. بعيد السو باش ولادي يجو يشبهولك وحست بضربة ع ضهرها اااااي وشافت خلفها
اشرف.. ههههههه وديتك بيها يابنت عمي وفات
سناء.. توا مش هدو حركات بنات 🤮😤 توا يشوف ولد نعيمة وناضت
رواسي.. وين
سناء.. توا نجي وخشت للمطبخ جابت موس وفاتت ع المخزن طلعت مسمار وطلعت للشارع انا تلعب معايا وفاتت ع سيارة اشرف الجديدة بالموس وخدشتها ونزلت للقومة وبدت دير ف المسمار وتفرغ منها ف الهواء
الله الله حتى ف العيد مش مخلية حد ف حاله
سناء.. يارب يطلع جن جدي البكوش ومش اشرف
أدم.. لا هذا انا
سناء.. شافت خلفها انت مزيان نيههههه
أدم.. شن ديري انتي وين مانتلاقى معاك نلقاك مدايرة مصيبة الشيطان متاعك مش معيد
سناء.. لانحنا نخدمو بضمير ومانعطلو
أدم.. خشي الداخل قدامي
سناء.. وانت شن دخلك
أدم.. احمد ياأحمد
سناء.. وقفت لا اس خلاص خشيت
ادم.. يلا قدامي
سناء.. وقفت قدام الباب
أدم.. كان وراها
سناء.. تلفتت ايوا دكرت وجت عينها ف عينه كان قريب عليها هلبة وقعدت تشوفله ومصدومة
أدم.. مركز ف عيونها الكبار الناعسات وفمها الصغير شن دكرتي
سناء.. خيرك مولي حلو قصدي شوية بس ومشت لسيارة أحمد وخدشتها بالموس وفرغت منها الهواء
أدم.. مجنونة هيا خشي ونفتح الباب
سناء.. حي ودست روحها ورا السيارة
هيثم.. ياهلا مش انت ف الجزاير
ادم.. غير عيد قبل وكان متوتر
هيثم.. كل سنة وانت طيب وينعاد عليك بالصحة والسلامة
أدم.. كل عام وانت بخير وين ماشي
هيثم.. بنمشي نرقد خلاص دهشت والعشية نرجع
أدم.. خش خش بلا جو انا توا جيت سايرني
هيثم.. هيييي
سناء.. وووه الحمد لله وخشت تجري
ادم.. خش عليهم وكلهم تفجأو وحكالهم قصته
فات نص النهار
هدرزة وشوي وضحك
ف العشية
أشرف .. رافع سقيطتهم للسيارة ولقى سيارته مخدشة وقعد يسب ويلعن
أدم.. كان واقف البرا ويضحك عليه زعما شن دارلها لين انتقمت منه هكي
أحمد.. مطلع حتى هوا السقيطة ولقى سيارته حالة تي هذا منو النم
ادم.. ههههههه اشبح من حاطكم ف راسه باقي السيارات سليمات
أحمد.. والله الا لعب عويل وخش
سناء.. كانت مطلعه بورزات الكناسة حشاكم
أدم.. خشي الداخل
سناء.. هل انت خطيبي شن دخلك
أدم.. والله نخبر
سناء.. مبردك وتشوف لأشرف كيف يدور ع سيارته ويلمس ف الخدوش اشرف
اشرف.. خير عمك
سناء.. شن رايك ف الى وديتك بيه
اشرف .. هوا انتي
سناء.. خشت هربت
أشرف .. توا تشوفى
أدم.. وقفه توا معقولة تحط راسك من راس بنت فوتها
اشرف.. السيارة جديدة ياراجل
ادم.. توا نصلحها ع حسابي
---------------------------------------------------
ف الليل
سناء.. طالعة من الدوش كان يوم شاق
رواسي.. مش غير
سناء.. فتحت هاتفها الواطي يعطيه فقر تلقيه اليوم معيد بنملة
رواسي.. فوتيه
سناء.. اي بنفوته لكن خلي نردله الإهانة قبل
---------------------------------------------------
إبتهال.. مقعمزة ف الصالة وفاتحة النت وبدت تضحك
أدم.. يشوفلها خيرك
إبتهال.. وحكتله ع سناء شن دارت ببتول
ادم.. ههههههه ع من تخطر
ابتهال.. لاوخليك طلقت الضحايا والعيلة كلها قعدت تجري اصبر نوريك الفيديو
أدم.. يشوف ف الفيديو ويضحك
ابتهال.. والله فرخة جوها حلو لكن حظ ماعندها
ادم.. ليش
ابتهال.. الى خطبها والله خسارة فيه مقصر معاها هلبة وحتى العيد ماعيد عليها
ادم .. وتفسخ
-----------------------------------------------
ف الصبح
خولة.. ياسناء نوضي ياعار حمواتك جاينك
سناء.. ناضت واقفة وأخيرآ
رواسي.. شن جيان الصبح
سناء.. تبيهم يجو ف القايلة زي صالح😒😒
خولة.. هيا نوضو ضمو ووتو الحاجات
سناء.. ناضت جري
--------------------------------------------------
نبيل.. درس السيارة
خادم.. نزلت وهيا مش عاجبها
ثريا.. مش حشمة شيشة مشروب وحدة
خادم.. خسارة فيها ورنو الجرس
رواسي.. هيا وفتحتلهم الباب اهلين سلمو ودخلتهم
خولة.. رحبت بيهم تفضلو تفضلو
سناء.. طلعتلهم وسلمت عليهم
خادم.. مدتلها كيسة سودة وكيسة المشروب حصتك من العيد
سناء.. حست بالإهانة
خولة.. فنصت في بنتها تبيها تقوللهم شكرآ
سناء.. قعدت ساكتة وتشوفلهم
خولة.. نوضي دخليهم للمطبخ وضيفي حمواتك
سناء.. ناضت للمطبخ ولحقتها رواسي
رواسي.. خيرك
سناء.. شوفي هدي عيدية الفخد تقول فخد دجاجة وشيشة بتري
رواسي.. قنالك فوتيه ارفعي ضيفيهم
سناء.. باهي بري انتي توا نضيفهم
رواسي.. تمام
سناء.. طلعت صحن بلاستك وشركاته من الحاشية وصبت العصير ف طواسي البلاستك البيض وقبلها صبت فيهم الحليب وغسلتهم بالمية بس باش تقعد فيهم زفرة الحليب ورفعتلهم
خولة ورواسي .. نصدمو وقعدو يفنصو فيها
سناء.. حطت السفرة ع الطاولة انتو مش غريبين مدو ايديكم وخشت وخلتهم
خادم.. حست بالإهانة ووجعتها حركة سناء ورفعت أختها وطلعت
خولة.. ياسناء ياسناء
سناء.. كانت حاطة الفخد ع الزليز وراكبة ع كرسي وتصور فيه
خولة.. شن ديري وشن الماعين الى جبتيهم
سناء.. اس نصور فيه من فوق باش يبان صغير هلبة والله لما نزله ف القروبات وانا نشوف فيها خادم كيف تفشك ف القروبات توا تشوف كان ماطيحتها بيهم تعالي يارواسي حطي شيشة المشروب جنب الفخد نيهههههههه
يتبع


رواية نبى راجل الحلقة السادسة 6 مكتوبة بقلم شيراز الشريف (القطة الشريرة)



الحلقة(6)
بقلم.. القطة الشريرة
-------------------------------------------------
سناء.. اس نصور فيه من فوق باش يبان صغير هلبة والله لما نزله ف القروبات وانا نشوف فيها خادم كيف تفشك ف القروبات توا تشوف كان ماطيحتها بيهم تعالي يارواسي حطي شيشة المشروب جنب الفخد نيهههههههه
خولة.. والله كان ديريها لما نخبر بوك وخوك
رواسي.. يما خليها عندها الحق راه كان ماجابوه خيرلهم
سناء.. نزلت من الكرسي ورفعت الفخد حدفاته ف الجنان للقطاطيس
رواسي.. ليش حرام
سناء .. صدقة نيهههههه اس اهما جو خلي نصورهم فيديو وهما ياكلو فيه ونبعتهوله باش يموت من القهر
---------------------------------------------
أدم.. رجعنا للبطالة وللكساد وفتح النت وقعد يتصفح
-----------------------------------------------
نرجس.. (أخت نبيل ) الو خادم
خادم.. أهلين
نرجس.. وينك انتي وين افتحي النت وشوفي سناء مدايرتنا مضحكة
خادم.. كيف مضحكة
نرجس.. منزلة الفخد وشيشة المشروب وكاتبة عيديتي من خطيبي نبيل..... جابوهالي حمواتي ثريا ...... وخادم .......
والبنات ف التعليقات مسحو بيكم
خادم.. سكري سكري خلي نشوف
-----------------------------------------------
إبتهال.. فاتحة النت وتضحك
أدم.. كيف طالع من داره ضحكك كثر تعرفي كان يطلع فرخ الى يضحك فيك والله لما نقلبها ع راسك
ابتهال.. لاشن فرخ تعال شوف سناء اليوم جابولها العيدية متاعها وحشمتهم قدام الناس
أدم.. ليش حشمتهم
ابتهال.. جابولها فخد صغير وشيشة مشروب
ادم.. وسادها وانتو تحبو المظاهر ومعاش معبي عينكم شي
ابتهال.. بالله برا برا توا نشوفوك لما تخطب 😒😒
------------------------------------------------
سناء.. ههههههه تعالي شوفي نبيل من بكري يرن ويسكر
رواسي.. اكيدا خواته شحنوه
سناء.. اصبري خلي نبعتله من فضلك اتصل بي نيههههههه
رواسي.. هههههههه اما انتي
سناء.. خليه يتربى الكلب
--------------------------------------------
خادم.. ماسكة هاتفها وتكلم ف ثريا وهيا معصبة الحقيرة ريتيها كيف طيحت قدرنا والله لو تنطبق السماء ع الأرض خوك ماهو واخدها
ثريا.. حرقتلي دمي والله قريب ناكل روحي شمتت فينا الناس
خادم.. كلمته خوك انا وقتله ع عملتها
ثريا.. احسن مادرتي
-------------------------------------------------
سناء.. نيهههههه واخيرآ تصل
رواسي.. عاد بهدلتيه وانتي من فضلك اتصل بي
سناء.. الو
نبيل.. انتي علاش منزلة العيدية شن قصدك هكي تجازي فينا
سناء.. ع شن نجازي فيك يابابا ع فخد الدبانة الى جايبه ولاع قفاصتك لعلمك انا مانبيه الفخد ولاطامعة ف المشروب ولاطامعة ف شي منك الحمد لله شبعانة ف حوش بوي كنت طامعة ف رسالة وحدة بس تقولي فيها كل عام وانتي بخير
نبيل.. ماعنديش رصيد وانتي خيرك مابعتي
سناء.. انت الى راجل مش انا
نبيل.. اسمعي انا الجو هذا مايمشي معايا ومعاش نبيك وردي الفخد والمشروب
سناء.. هههههههه الفخد حدفته للقطاطيس ودرته صدقة ليك ماهو عارفة عمرك ماصدقت
نبيل.. شن عطيتيه للقطاطيس شن تقولي انتي
سناء.. توا نبعته ليك ع الوتس وشوفه نيههههههه ومش انت الى معاش تبيني انا الى معاش نبيك ياولد نسيبة وسكرت عليه وحطاته ف الحظر
رواسي.. تشوفلها توا يجيك الى احسن منه
سناء.. مانبيش الى أحسن منه نبي راجل😭😭😭😭
رواسي.. شن رايك نطيبو غدانا ونمشو لحوش عمي حكيم
سناء.. مش المفروض نخش ف حالة كأبة ونسمع اغاني حزينة لأنى فسخت
رواسي.. لا هذاك لما يبدا العريس يستاهل
سناء.. اي صح تمام معناها موافقة
------------------------------------------------
نسيبة.. الله غالب ياخولة وان شاء الموضوع هذا مايأثر ف صحبتنا
خولة.. اكيد لا لأن الحاجة هدي نصيب وهما نصيبهم مس مع
بعض
نسيبة.. بارك الله فيك ياخولة وسلميلي ع البنات
خولة.. ان شاء الله هي بالسلامة
-------------------------------------------------
نعيمة.. بالحق ومن خبرك انتي
مروى.. هيا سناء بروحها خبرتنا هههههه
نعيمة.. ههههه والله جو عليها ربي يعوضها ان شاء الله
مروى.. ان شاء الله تمام مرات عمو نتلاقو غير هيا قالت انشروها ف العيلة باش ماحد يشمت فيا ههههه
نعيمة.. شوف ف شن تفكر ربي يقوي نصيبها
مروى.. ان شاء الله وصكرت
أشرف.. مقعمز ع الطالولة جنب أمه ضحكيني معاك
نعيمة.. جبدت الكرسي وقعمزت هدي مروى تحكيلي ع سناء المنجوها قاتلي فسخت وقاتلهم انشرو الخبر باش ماحد يشمت فيا
أشرف.. وليش فسخت
نعيمة.. خطيبها بخيل وأصلآ فتكت منه
أشرف .. اي أحسن باهي شن رايك نخطبها أنا
نعيمة.. وشن المشكلة انا الحق تعز عليا البنت هيا
أشرف.. خلاص امالا كلمي بوي يكلم عمي
نعيمة.. حاضر
----------------------------------------------------
سناء.. هذا شني الى رافعتيه
رواسي.. بندير مشقر غادي غدوة بيجي صالح
سناء.. وصالح هذا يحسابنا فاتحين قهوة كل يومين جاي
رواسي.. جاي بيشوفني شن دخلك
سناء.. يارب حاجة مليحة
رواسي.. شن ديري انتي
سناء.. فتحت واي شات ودرت ميزة الرج نيههههههه
رواسي.. ليش فتحتيه برنامج متع عار هذا
سناء.. متع جد بوك هذا بنات فاضل الأحول تجوزو منه ووواك طلعلي ليبي يعطيه كرموسة ف جبهته الشيخ جبريل
رواسي.. ههههه شيخ وفاتح واي شات
سناء.. ينشر ف الإسلام شكله توا بنشوف اما نوع من الشيوخ
الشيخ جبريل.. اسمها السلام عليكم وليس هلا
سناء.. س ع شيخنا
الشيخ جبريل.. ياأختي حرام تحية الإسلام السلام عليكم ورحمة الله وبركاته فإذا حويتم بتحية فحيو بأحسن منها او ردوها
سناء.. س ع ورحمة الله وبركاته
الشيخ جبريل.. ربي يهديك انتى من وين
سناء.. ههههه انت كثير مهضوم شيخنا
الشيخ جبريل.. ههههه مهضوم هدي مش ليبية
سناء.. وكثير ذكي شيخنا انا من لبنان
الشيخ جبريل.. ياهلا وغلا باأحلا شعب
سناء.. اجري هذا سخن هههههه
رواسي.. هههههه شيخ منقز هذا
سناء.. وكمان إحنا بنحب الشعب الليبي كثير كثير كثير
الشيخ جبريل .. عادي نحكو صوت
سناء.. عن جد انت حابب تسمع صوتي
الشيخ جبريل.. اي والله كثير
سناء.. بس انا حاليآ كثير مأهورة ياشيخنا وألبي موجوع
الشيخ جبريل.. سلامة قلبك ليش
سناء.. شو بدي احكي ياشيخ الحياة كثير صعبة
الشيخ جبريل ..انا نشيل معاك
سناء.. كثير مهضوم انت ع فكرة لك يخرب بيتك شو حبيتك
الشيخ جبريل .. تسلميلي بس احكيلي
سناء.. انا هربانة من بيت أهلي حبيت واحد كثير كنت مستعدة موت منشانو بس أهلي كانو مو موافقين فاهربت معو بس هوا طلع خاين اخد شو معي مصاري وهرب
الشيخ جبريل .. لاحول ولاقوة الا بالله يارب سترك
سناء .. ميتة بالضحك
الشيخ جبريل .. وجعتيني يابنت وتوا وين قاعدة
سناء.. عند رفيئتي
الشيخ جبريل .. تقدري تجي لليبيا
سناء.. مامعي مصاري مشان التأشيرة
الشيخ جبريل.. انا ندفع حقها
سناء.. ياحياتي انت
الشيخ جبريل.. اااااح
سناء.. بوجه مصدوم تعالي شوفي العار ههههههه ولع هذا
رواسي.. حي احضريه الحقير
سناء.. وين نحضره تي هذا رزق توا بنخليه عبرة لمن لايعتبر
رواسي.. شن تبي فيه
سناء.. بنكسد عليه
رواسي.. هيا نوضي
سناء.. شوية بس شيخنا عندك فيس بوك
الشيخ جبريل.. اي عندي
سناء.. شو اسمك ع الفيس راح ضيفك عندي لأنى مابفتح واي شات كثير
الشيخ جبريل .. اسمي الشيخ جبريل جبريل وحاط الصورة هدي
سناء.. أوكي جوجو حياتي راح ابعتلك هاونيك 😘
الشيخ جبريل .. عاوديها جوجو
سناء.. وأحلا جوجو
رواسي.. هيا يافرخة
سناء.. باي حياتي
--------------------------------------------
إبتهال.. تبخر ف الحوش
ادم .. يفتح ف الرواشن طفي الهم قتلتينا
ابتهال .. لااا ياأدم بيجو سناء ورواسي
أدم.. سمع اسم سناء فرح ومشى يجري لداره وقعد يغير ف دبشه
----------------------------------------------------
سناء.. الحمد لله الى ماجينا لاصقين فيهم عمامك
رواسي.. قهرتك ياريتنا جينا جنبهم سعدودهم كلهم بحدا بعض الا نحنا
سناء.. شوفي الطرف هذا الى واقف غادي كأنه يراجي فيا
رواسي.. اسكتي بلا عار وبري وانتي ساكته توا ولاد عمك المنجي يراقبو فينا
سناء.. هما وروسهم تعرفي ليش امهم جابتهم بالعملية
رواسي.. ليش
سناء.. ع خاطر روسهم كبار
رواسي.. هههههه اسكتي خلاص وصلنا
-------------------------------------------------
اشرف.. واقف ف السطح ويراقب فيهم ونزل يجري
انس.. خيرك مستعجل
أشرف.. شي ماخيرني وفتح الباب
-------------------------------------------
أدم.. واقف ع المراية ويبخ ف العطر تي خيرني انا تقول عندي نظرة شرعية هذا كله ع خاطر سناء الهبلة
-----------------------------------------
سناء ورواسي .. واقفات ع الباب
رواسي .. رنت الجرس
أشرف .. بنات العم شن حالكم
سناء.. ان شاء الله ايامك كلها غم
رواسي.. الحمد لله وانت
اشرف.. مليح وضرب سناء ع راسها خيرم
ك متبكشة
سناء.. قامت رشادة وضرباته ع رجله مانحكيش مع الفروخ
أدم.. فتح الباب شن مجيبكم ف القوايل
رواسي.. ههههههه تلز فينا
سناء.. ع خاطر عاطينه دار يحساب روحه مالك الحوش راهو حتى الدجاجة عندها دار
أدم.. هي اسكتي مانلعب مع الفرخات
سناء.. اي انت نظامك الفروخ اهو أشرف موجود
أشرف .. مسكها من ايدها مش كان فسختي تفشي غلك فينا
سناء.. جبدت يدها خيرك زعلتي نبصر عليك انا
أشرف .. شن زعلتي متاعك اسمها زعلت
سناء.. باهي ماتعصبي خلاص
أدم ورواسي .. يضحكو
اشرف .. معقولة تقولي لراجلك المستقبلي ماتعصبي وزعلتي
سناء.. شن هوا
يتبع

رواية نبى راجل الحلقة السابعة 7 مكتوبة بقلم شيراز الشريف (القطة الشريرة)



الحلقة(7)
بقلم.. القطة الشريرة
------------------------------------------------
اشرف .. معقولة تقولي لراجلك المستقبلي ماتعصبي وزعلتي
سناء.. شن هوا
أشرف.. بري خشي بري ومشى
أدم.. حس بروحه ضايق من كلام أشرف
سناء.. من كثر ماجبهته كبيرة المسافة الى بين حواجبه وشعره ينقال فيها دعاء السفر
رواسي.. ههههههههه
أدم.. عيونه دموع خشي اقلبي وجهك
ابتهال.. طلعت انتو جيتو خيركم قاعدين البرا خشو وسلمت عليهم
سناء ورواسي .. خشو سلمو
-----------------------------------------------
نعيمة.. قتلك ياحاج
منجي.. شن فيه
نعيمة.. أشرف يبي سناء بنت عمه
منجي.. مش مخطوبة هيا
نعيمة.. كانت بس فسخت
منجي.. وليش لا مادا بيا ياخدو من بنات العيلة
نعيمة.. معناها كلم سند خوك
منجي.. إن شاء الله
----------------------------------------
إبتهال.. توتي ف السفرة بالله مش ديما نقولك فيها اشرف معجب بيك
سناء.. كان نعنس ماناخده انتي شوفي منظره فيه كمية أنوثة أكثر مني ويقول لأمه ماما
إبتهال.. ههههه عمي مابيرفض ولد خوه
سناء.. والله لما ندير العار
رواسي.. يستر الله وخلاص انا خايفة ع الولد أكثر من ماخايفة عليها
إبتهال .. سناء بري جيبي المناشف من المخزن
سناء.. مصحك بتحطيلنا مناشف شن تماسيح نحنا حطي مناديل بلا تطيح قدر
رواسي.. تحشمي
ابتهال.. ههههه خليها خليها متع أشرف هدي
سناء.. كان نموت ماناخده
ابتهال.. باهي بري جيبي المناديل من المخزن
سناء.. انا ضيفة دزي رواسي
رواسي.. تشوفي فينا مشنوقات انتي الى واقفة
سناء.. اي ماهو الحمير يبو راعي نيهههههه ومشت للمخزن
أدم .. واقف البرا ويدخن وشافها خشت للمخزن جاء جري وصكر عليها من برا
سناء..والله ياكلبات عرفتكم متأمرات عليا
أدم.. هذا انا جربي الى كنتي ديري فيه للناس
سناء.. أفتحلي عندي فوبيا من الأماكن المغلقة بندوخ راه اااه يما
أدم.. سمع صوت حاجة طاحت وفتحلها وهوا خايف سناء ياسناء وخش الداخل يدور فيها
سناء.. طلعت تجري وصكرت عليه نيههههههه لبدتلك ورا الباب ياغبي
أدم.. والله الله ثلاتة مرات كان ماتفتحتي
سناء.. شني ثلاتة مرات تتوضا ولاشن
أدم.. أفتحي خيرلك
سناء.. لا ومشت وسيباته
ابتهال.. خيرك عطلتي
سناء.. ندور فيهم كنت
إبتهال.. رن هاتفها بالله شوفيه ياسناء ايديا ملبزات
سناء.. لقاته رقم أدم هدي مروى بنصكر عليها
ابتهال.. اي فكينا من امها
أدم .. توا تشوف الحيوانة ورن ع أمه
ابتهال.. هيا ورفعو السفر وقعمزو ف الصالة
سلمى .. شن دير ف المخزن
سناء.. قعدت تضحك
ابتهال.. منو يما ف المخزن
سلمى.. ادم خوك قال محبوس ف المخزن
رواسي وابتهال.. شافو لسناء
سناء.. بصوت واطي هوا الى نابشني
ابتهال.. مشت تجري وفتحتله ههههههه
أدم.. وينها الحيوانة
ابتهال.. فوتها حرام هههههه
ادم.. ضمي فمك
ابتهال.. نحسابوك طلعت نحنا برا لحق مع بوي الغداء
تغدو كلهم وغسلو البنات الماعين
رواسي.. طلعت المشقر هيا ابتهال ديريلي
سناء.. خيره النت ضعيف هنا نبي نفتح ايميل جديد هداك الشيخ بنديره مضحكة
ابتهال.. فوتيه دراه
سناء.. لامانبيش بنكسد عليه لين نحصل راجل مقوم
ابتهال.. بري للدروج متع السطح النت غادي فل
سناء.. تمام ومشت للدروج
-----------------------------------------
أدم.. مكسد ع النقال ف المربوعة ورن عليه أشرف
اشرف .. قتلك عندك حمام مصري
أدم.. عندي وحدة
اشرف .. بيعهالي نبيها
أدم.. خودها هكي اصلآ مليت منهم
اشرف .. جيبها وتعال انا معكس ف السطح
ادم.. شوية هييييي
------------------------------------------
سناء.. شن نسمي روحي نبي اسم دلع تبولة ف صحن إزاز نيههههههههه بنت بيي مش نحنا بنت بابا ويطلع منك غاز سام لما تقوليها لولو العنوجة وتم لكن توا يحسابوني متع كرتك وتعال خاص يلا نديره وخلاص
أدم.. ياسلام ع القعدة والضحكة والمزاج الرايق
سناء.. ف حد باعتك ليا نرضع فيك مثلآ لين تتلصق
أدم.. وانتي مزال عندك وجه تحكي بعد عملتك
سناء.. البادي أظلم
أدم.. معناها وتي روحك
سناء.. وقفت وتشوف يمين ويسار
ادم.. بضحكة خبت ماعندك وين تهربي مني
سناء.. هربت الفوق للسطح بس الباب كان مصكر
أدم.. كان راكب ع مهله ولما وصلها طلع المفتاح من جيبه حصلتي
سناء.. والله ياولد سلمى نعيط ونلم عليك الناس ونلبسك قضية شرف بدل السروال البيج الى لابسه
أدم.. خوفتيني وقعد يقرب
سناء.. ماعندها وين تهرب
أدم.. مش طالع عليك الخوف
سناء..شني مكياج أختك تحسابه
أدم.. وقف قدامها شني يابنت خولة كيف بتهربي
سناء.. كانت خايفة بجديات انت شن تبي مني
أدم.. نبيك انتي
سناء.. شهقت أستغفر الله ياربي انتو ناس طماعة ماتصدقو تشوفو وحدة حلوة
أدم.. اي انا نتعب مع الحلوات
سناء.. حولت وشاحها وفتحت شعرها الملبد ف بعضه
أدم.. أعوذ بالله من الشيطان الرجيم ماصارليش
سناء.. الشعرة الى يخدرو فيها بالمحقق توقوموري واخدينها مني درق وجهك بعد
أدم.. تفضلي
سناء.. 😎😒وانا نازلة ديرلي موسيقة مراد علم دار نيهههههههه
أدم.. مجنونة
--------------------------------------------------
منجي.. شن قلت
سند.. والله ياخوي البنت بنتكم وانا مابنلقى خير من ولد خوي
منجي.. معناها توا نحددو يوم ونجو من الباب ونديرو الواجب
سند.. الحوش حوشك وتتفضل ف اي وقت
------------------------------------------------
ف الليل
سناء.. مدايرة قناع القهوة
رواسي.. خلاص حوليه
سناء.. عارفة نراجي ف جوجو
رواسي.. نوضي أغسليه
سناء.. اووف وجهك ولا وجهي وناضت غسلاته وشافت للمراية استغفر الله العظيم يارب اي المنظر دا🥺🥺 وطلعت الجمال جمال الروح
رواسي .. انتي ماناقصك شي بروحك تشيني ف روحك
سناء.. اهو جوجو بعتلي
الشيخ جبريل .. هلا وغلا
سناء.. شوفي الساقط بكري قالي السلام عليكم وتحية الإسلام وردت عليه أهلين بنور العين
الشيخ جبريل.. شو إسمك ياحلوة
سناء.. اسمي لايان
الشيخ جبريل.. حلو أسمك وأكيد صاحبته احلا
سناء.. ههههه كثير مهضوم انت جوجو
الشيخ جبريل.. ااااح منك وخلاص نبي نسمع صوتك
سناء.. اي تكرم عينك دئيئة وبدئلك حياتي
الشيخ جبريل .. ماتعطلي عليا ياحياتي
سناء.. نيههههههه هذا حاليآ والع ف نار جهنم
رواسي.. فوتيك منه
سناء.. جوجو ممكن طلب بدي شوفك
الشيخ جبريل.. حاضر وبعتلها صورته
سناء.. اجري شوفي هههههههه استغفر الله يارب ماتمسكها عليا خطيئة يشبه جتك جازية
رواسي.. حرام عليك
سناء.. شوفي الطبعة الى ع جبته تقول خاتمينه ف الحارس البلدي
خولة.. فتحت عليهم باب الدار شن يضحك فيكم
سناء..صكرت التلفون شي
خولة.. ايه ايه😒😒
سناء.. جاية وناوية الشر
خولة.. بساط المربوعة يبي غسلة بكري بوك طيح الرز وتلبز بالطبيخة
سناء.. يارب حولني لذبانة خضرا وعيونها زرق
خولة.. تبي العريس يقعد فيها وهيا ملبزة
سناء.. نزلت من السرير ومشت لأمها كيف عريس منو وامتى وكيف
خولة.. اشرف ولد عمك
سناء.. لاااااا شني اشرف يما مانبيهش راه
خولة.. مالا بكيفك بوك عطاك
سناء.. اسمعي يما راجلك اكبر طاغية شني عطاني فلوس بوه يحسابني
خولة.. تحشمي ع وجهك
سناء.. كان نموت ماناخده
خولة.. مشتله قاتلك البنت ماتبيش
سند.. سناء ياسناء
سناء.. تنقز ف مكانها وووه عليا وخشت تحت السرير
رواسي.. حي عليك تي نوضي أطلعي يعطك مايرفعك
سند.. سناء وفتح عليهم باب الدار وينها
سناء.. طلعت راسها من تحت السرير نعم
سند.. اطلعي شن ديري غادي
سناء.. نملة خاطفينلها ولدها نساعد فيها
سند .. نلعب معاك أنا شن قلتي لأمك ع اشرف
سناء.. قتلها مانلقو خير منه ولد عمي
خولة.. اسمع الكذابة
سناء.. انتي يما فهمتيني غلط
سند.. ايوااا ولد عمك ماتلقى زيه وطلع
سناء.. تضرب ف راسها ف الحيط وتبكي
رواسي.. مش تبي راجل اهو جاك
سناء.. نبي راجل مش بنوتة زيني
رواسي.. حرام عليك
سناء.. نموت وماناخده
-------------------------------------------------
بعد مرور يومين
سناء.. لاترقد ليل لانهار وهيا تفكر كيف بطفش أشرف
الشيخ جبريل.. طاح ف الفخ وقعد يبعت لسناء ف صوره وهوا مش لابس وكلام ....🔞
رواسي.. نوضي البسي قريب يجو
سناء.. وراس وخيتي تساعديني
رواسي.. شنو
سناء.. مش هوا بيدير النظرة الشرعية
رواسي.. اي
سناء.. نبي منك تلهي أمي بس
رواسي.. ليش شن بديري
سناء.. نيههههههه ياما بندير
يتبع

رواية نبى راجل الحلقة الثامنة 8 مكتوبة بقلم شيراز الشريف (القطة الشريرة)




الحلقة(8)
بقلم.. القطة الشريرة
------------------------------------------------
سناء.. نبي منك تلهي أمي بس
رواسي.. ليش شن بديري
سناء.. نيههههههه ياما بندير
رواسي.. احكيلي قبل
سناء.. بندرهله كبده اليوم فوتيني توا خلي نلبس وناضت للدولاب
----------------------------------------------------
سلمى.. خيرك سرحانة وساكتة مش عاجبتيني اليوم
إبتهال.. نفكر ف سناء مسكينة
أدم.. السلام عليكم
سلمى وإبتهال.. وعليكم السلام
أدم.. حذف المخدة ع ابتهال خيرك
سلمى.. تفكر ف بنت عمها
أدم.. اما وحدة فيهم
ابتهال.. سناء اليوم بيخطبوها رسمي وهيا ماتبيه
أدم.. وخيرها ماقالت مانبيه
ابتهال.. انت تعرف عمي ولانعلمك فيه عطاها بدون شورها
ادم.. إياه شن هيا سايبة وليش ماقالت مانبيه الحاجة هدي مش بالسيف
سلمى.. وانت خيرك عصبت هذا ولد عمها
أدم.. 😤😤 ماهو الشى هذا مايخش الدماغ من مزال يجبر بنته ع الزواج وناض طلع
سلمى.. خيره هذا
إبتهال.. زعما الى نفكر فيه صح وناضت لحقاته
سلمى.. ربي يهدي
أدم.. مقعمز البرا ويدخن
إبتهال.. شكله الى نفكر فيه صح
أدم.. شن
إبتهال.. تحب سناء
أدم.. لا طبعآ
ابتهال.. ليش عصبت امالا
أدم.. عادي لاعصبت لاشي
ابتهال.. باهي باه
----------------------------------------------------سناء.. واقفة ع المراية طالعة حلوة زيادة ع اللزوم
رواسي.. ههههههه انتى الفتلة تغير فيك
سناء.. أمي وين
رواسي.. تشطب
سناء.. مش تنسى لهيها ع قد ماتقدري
رواسي.. تمام اهو الجرس يرن وصلو
سناء.. بري أفتحي انتي
-------------------------------------------------
بتول.. انا قلت الى عندي
أحمد.. شن السبب الى خلاك تبي الحوش بإسمك
بتول.. بنت خالتي راجلها كتبلها الحوش بإسمها هيا ف شن خير مني
أحمد.. وحتى انتى الحوش هذا ليك ياعمري
بتول.. لا نبي تكتبه بإسمي ولا ارفعني لحوش بوي
------------------------------------------------
نعيمة.. شن أخباركم وكيف حالكم
خولة.. الحمد لله شن حالك يافايزة
فايزة(أخت نعيمة) الحمد لله وانتي
خولة.. ف نعمة الحمد لله
نعيمة.. وين سناء قوليلها تعالي فكينا من جو الرسميات
خولة.. سناء ياسناء
سناء.. السلام عليكم وسلمت عليهم
نعيمة.. توا بتقوليلي عمتي بالسيف عليك
سناء.. فكينا من جو العزوز الحرفة راهو نخلي عمي يتزوج عليك
نعيمة.. لا الا هدي
سناء.. من امتى وانتى طامعة فيا وحاطة عليا العين
نعيمة.. هههههه من لما كنتي صغيرة
خولة.. يلا تحشمي عاد
سناء.. من قبل جوي مليح معاها نعيمة ومش غريبة عادي
رواسي.. يستر الله وخلاص
-----------------------------------------------
أدم.. ليش نفكر فيها وكان نخطبت شن دخلي بيها ماتعنيلي شي اصلآ وانا مانحبهاش ايوا
---------------------------------------------------
نعيمة.. بري شوفي خطيبك يراجي فيك ف المربوعة
سناء.. وانتو عندكم عادي نمشيله بروحي نيهههههههه
خولة.. سناء تحشمي
سناء.. باهي ومشت للمطبخ
رواسي.. لحقتها شنو
سناء.. ردبالك يجو للمطبخ
رواسي..اووف منك مش مرتاحتلك
سناء.. بري بسرعة وحطت بكرج القهوة ع النار وطلعت الزبدة وحطتها ف صحن وحطت كاشيك ثوم فرماته من الليل فتحت شعرها ودهناته بالزبدة مع الثوم خلطة تطويل الشعر وتطفيش العرسان نيهههههههه غسلت يديها وصبت كاشيك فلفل أكحل مع كروية ف البكرج وزادت القهوة ووواك ريحة راسي معفنة نحس ف روحي كسكسي بالبصلة
حطت الوشاح ع راسها ومشت
أشرف.. كان لابس سروال ازرق كحلي وقميص أبيض مواصفاته مش طويل هلبة معبي شوي ومنبته بعيد يحب النظام ويعاف هلبة ويسحنن
سناء.. السلام عليكم وكانت ريحة الثوم فايحة
أشرف .. وعليكم السلام
سناء.. طبست ومدتله القهوة
أشرف.. شم الريحة وقعد يكح
سناء.. قعمزت ف مكانها شن الجو
أشرف.. مليح الحمد لله وانتي
سناء.. مليح وخدت جهاز المكيف وطفاته صقعت
أشرف .. شرب القهوة وشرق وقعد يكح وجهه ولا أحمر
سناء.. أشرب مية
أشرف.. هذا شني
سناء.. هذي قهوة سعودية زي الى يشربو فيها ف التلفزيون ويقولو تقهوا اشرب اشرب والله لما تكملها
أشرف.. ماتنشرب بكل
سناء.. شني بتردني معقولة
أشرف.. افتحي المكيف المربوعة ضغط
سناء.. لاصقع مانتحمل فيه المكيف وبدت تحك ف شعرها والريحة ماشية وتزيد تعرف جاني القمل زي الهم الصبح بس قاتلة 10 درتلهم مجزرة جماعية بالشبشب
أشرف.. تقزز من كلامها وبدا العرق يصب منه
سناء.. اشرب قهوتك ع خاطري
أشرف .. كل مايشرب شوي يحس ف روحه بيرجع
سناء.. قربت منه تعرف ف عادات وتقاليد زمان لقبيلة النعاج تعرفهم
اشرف .. لا وبعدي عني شوي
سناء.. تحك ف شعرها غير اصبر نقولك عليهم هدو قبيلة زمان لما يجيهم عريس لبنتهم العروس تفل ف القهوة متع العريس وهوا يشربها باش تتأكد انه يحبها
أشرف.. ااعععع
سناء.. شن اعععع حتى جاي القهوة وتفلت فيها اشرب هيييي
اشرف .. لاهكي زودتيها طلعتي مقززة هلبة
سناء.. رخت الوشاح من جيهة الرقبة وبدت تمروح
أشرف.. ضايق من الريحة ومن منظرها كيف تحك ف شعرها وكيف تمسح ف خشمها بإيدها كلمي أمي قوليلها هيا
سناء.. خيرك ضايقت
أشرف.. معاش تحكي ونوضي كلمي أمي
سناء.. حاضر وطلعت وقعدت تنقز ف الممر نيهههههههه ومشت جري للمطبخ ورنت ع رواسي
رواسي.. جت تجري وشمت الريحة هذا شني
سناء.. ولعي بخور بسرعة وقوليلهم قاللكم هيا وكان سألو عليا قوليلهم جاها مرض البنات وخشت للحمام خلي بندوش
رواسي.. نهار اغبر ع راسك
سناء.. بسرعة ومشت تجري للحمام
رواسي.. ولعت البخور ومشت لنعيمة ولخولة وبخرتلهم اشرف قاللكم هيا
نعيمة.. وين سناء خشت
رواسي.. ايه
خولة.. وينها
رواسي.. خشت للحمام شورها من الخوف جاها مرض البنات
نعيمة.. ههههههه والله سناء عليها مقالب تمام هي وناضت هيا وأختها
خولة.. عاودوها بالله
نعيمة .. ان شاء الله
وطلعو
أشرف.. كان مقعمز ف السيارة ومعصب ويبخ ف العطر ع يده ويشم
نعيمة وفايزة.. فتحو باب السيارة وركبو
فايزة.. خيره العريس معصب
أشرف.. عريس من انا معاش نبيها
نعيمة.. كيف ماتبيها
أشرف.. ماتمشيش معاي
نعيمة.. بعياط تلعب انت تبي بوك يقلبها ع روسنا
اشرف.. مادخلني انا مانبيها
------------------------------------------------
سناء.. طلعت من الحمام
رواسي.. تعالي قوليلي شن درتي
سناء.. شمي شعري ماتقولي دجاج متبل
رواسي.. اععععع هذا شنو
سناء.. نعاود نغسله ونجيك
------------------------------------------------
أدم.. مقعمز البرا ف الشارع اهو جاء اشرف ودرس السيارة جنب حوشهم
نعيمة.. نزلت من السيارة شن حالك ادم وخشت
أشرف.. جاء قعمز جنب أدم
ادم.. خيرها أمك
أشرف.. زعلت ع خاطر قتلها مانبيها سناء
أدم.. فرح وليش
أشرف.. نصدمت فيها اليوم جايتني ريحتها ثوم وفيها القمل ااععععع
أدم.. طربق بالضحك
أشرف.. والله رسمي والمشكلة تحشمت ماقدرتش نقوللهم البنت خامرة مانبيش نجرح مشاعرها
أدم.. اي قوللهم مافيش نصيب وماتفاهمنا وخلاص وانت كلمها وقوللها باش تقول نفس الكلام
أشرف.. حط ايده ع بطنه مغص غريب شكله من القهوة السعودية الى شربتهالي ومشى لحوشهم جري
أدم.. قعد يضحك بروحه زي المجنون والله الفرخة ماليها حل
----------------------------------------------
رواسي.. حرام عليك
سناء.. حرام ع امه انتي كان تشوفي كيف مقعمز ورجليه حاطهم ع بعض غير لابس شخاشير خسارة
رواسي.. مجنونة
سناء.. جوجو يتصل هيا اليوم بنطفشه مليت من أمه وخشت نزلت صوره وسكرينات بالمحادثه متاعه ودارتله مشاركه ع صفحته مش ديما انتو تشهدرو بينا نيهههههههههههه
رواسي.. لااااااااااا
سناء.. خليه باش معاش يتستر بإسم الدين ويتوب ع المزبوط
------------------------------------------------
الشيخ جبريل.. يشوف لروحه ومصدوم والناس الى ضايفها كلها تسب فيه وهوا مش قادر يحدف المناشير انا شن درت ف عمري لاااا وخشلها ع المسنجر بالله عليك أحدفي المنشور بالله عليك
سناء.. تأدبت مزال تعاود
الشيخ جبريل.. امسحيه بالله عليك عيلتي كلها شافاته خلاص
سناء.. معاش تلعب بالدين وبطل صياعة وقلة ادب
الشيخ جبريل.. حاضر غير إحدفي المنشور
سناء.. تم وحدفاته وحطاته ف الحظر وصكرت الحساب
رواسي.. الشيطان يتعلم منك
سناء.. بنرقد شوي اليوم كان شاق ومتعب تريته تطفيش العرسان اصعب من انك تلقى عريس
رواسي.. توا يجيك عريس مقوم غير أصبري بس
سناء.. بنغير اسمي لصابر
رواسي.. هههههههه تمرقدي تمرقدي
--------------------------------------------------
إبتهال.. تبصري ووواك منها الفرخة ضحك
رواسي.. حالة تعرفي بابا جاء بنمشي نحطله الغداء بعدين نهدرزو
ابتهال.. اي ضروري نهدرزو عندي موضوع يخص ادم وسناء
رواسي.. تم نغديه ونجيك
ابتهال .. باي وسكرت ومشت تجري لأدم لأنها قريبة منه وتحكيله ف كل شي
أدم.. ف داره راقد
ابتهال.. فتحت عليه باب الدار نوض نوض
ادم.. ناض مخلوع خير أمك
ابتهال.. اسمع سناء شن دارت لأشرف
ادم.. ناض قعمز شنو
ابتهال.. حكتله القصة
أدم.. هههههههههههه اي هوا حكالي وقالي ان ريحتها ثوم وهكي وحسيت انه ف شي
ابتهال.. ههههههه والله يستاهل
ادم.. خلاص درقي وجهك
ابتهال.. باهي انت أمتى بتعترف انك تحبها
أدم
يتبع

رواية نبى راجل الحلقة التاسعة 9 مكتوبة بقلم شيراز الشريف (القطة الشريرة)


الحلقة(9)


بقلم.. القطة الشريرة
------------------------------------------------
ادم.. خلاص درقي وجهك
ابتهال.. باهي انت أمتى بتعترف انك تحبها
أدم.. مانحبهاش
ابتهال.. والله تحبها واضح عليك برا اعترفلها قبل مايجي حد تاني وياخدها منك
أدم.. اطلعي اقلبي وجهك
ابتهال.. تمام وطلعت
أدم.. شن هالقوم هادو بالسيف الحب ورجع رقد وغمض عيونه وجت سناء ف خياله وقعد يفكر فيها وفتح عيونه يعني هيا طول عمرها مقابلتني ليش توا كيف فكرت فيها 😤😤
--------------------------------------------------
ف العشية
سناء.. فتحت عيونها ومش عارفة الوقت شن صبح والا ليل
رواسي.. صحة النوم
سناء.. شني الوقت توا
رواسي.. الساعة 5.30 العشية
سناء..وجهك زي خالتي مشهية نيهههههه
رواسي.. حيوانة
سناء.. تربعت وسرحت شوي
رواسي.. خيرك جوك مش حلو
سناء.. ذوقتيه ولقيتيه مش حلو
رواسي.. خيرك يافرخة
سناء.. عندي شعرة بين الأمل وفقدان الأمل نبي حد يسشورهالي 😭😭
رواسي.. معاش تفكري والله توا يجي الراجل الى يعوضك ويفرحك
سناء.. وانا ليش نراجيه لين يجى نجيبه بروحي
رواسي.. ماهو كله نصيب
سناء.. بالله ضمي عليا فمك نفسيتي حاليآ نفسية ناموسة عقيمة جايبة بالعملية
رواسي.. ربي يهديك
سناء.. فتحت النت ع طلبات الصداقة دب دب دب من قال دب انا قلتو دب عدينا ياسالمة تلقينا 8 (1.2.3.4.5.6.7.8 حصلت طرف نيهههههههه وقبلاته
رواسي.. غبية
سناء.. نحبك
الولد..🙄😳
سناء.. ههههه نبصر هذا تحدي بيني وبين صاحباتشي (الأنتيم يعني)
الولد.. ههههه اي قولي خلعتيني
سناء.. كول حلبة كويسة للخلعة
الولد.. جوك حلو شكله
سناء.. اي انا من النوعية الى لما تبدا رايقة تخليك تحبها ف 3 ثواني
الولد.. هههههه ياعندين جوك
سناء.. ياعندين جوك انت ليش تسب ف جوي
الولد.. انا اسمي بشار وإنتي
سناء.. انت بالذات ردبالك تطلع للخارج وتمشي للسينما
بشار.. ليش
سناء.. ياكلوك نيهههههههه
بشار.. ههههه قوية الضحكة باهي قولي شن اسمك
سناء.. اسمي سيدرا
بشار.. حلو اسمك وحبيت جوك
سناء.. حتى انا حبيتك
بشار.. بالسرعة هدي
سناء.. انا عايشة ع مبدأ خير البر عاجله
بشار.. ههههههه باهي شن رايك تطلعي معاي ونمشو نهيجو ف الإستراحة
سناء.. وانتو ليش كلمة نحبك تفهمو فيها دور حوش وتعال اغتصبني
بشار.. لأن هيا هكي
سناء.. تمام امتى نتلاقو
بشار.. غدوة
سناء.. توا نبعتلك نعتة المكان ف رسالة
بشار .. تم ياحلو
سناء.. انت من وين قبل مرات مانطلعو من نفس المنطقة
بشار.. اي صح لكن لعيونك نجي من نالوت
سناء.. وانا من طرابلس يعني مايصيرش
بشار.. وين مايصيرش نجي لكن المكان عليك
سناء.. تم عندي صاحبتي توا عندهم حوش فاضي يأجرو فيه توا نكلمها
بشار.. تم ياحلوة غدوة نكون عندك
سناء.. تمام عطيني رقمك باش نكلمك ونتفاهمو
بشار.. تم وبعتلها الرقم
سناء.. نستأذنك توا
بشار.. نتلاقو حبي
سناء.. باي 
رواسي.. شن ضحكت هالخبث
سناء.. نيهههههههه شي
فات اليوم عادي جدآ
---------------------------------------------
ف الليل
ابتهال.. يما غدوة نبي السوق
سلمى .. ليش
ابتهال.. بناخد قفطان لعرس جومانة بنت جيرانا
سلمى .. شوفي بوك
ابتهال.. بوي قال عادي
سلمى.. معناها قولي لأدم غدوة يرفعك
ابتهال.. اي لأنى بنفوت ع رواسي وسناء
سلمى.. تمام
-------------------------------------------
سناء.. ماشية جاية ف الدار
رواسي.. خيرك دوختيني
سناء.. حاسة بفراغ ف البنكرياس وصداع ف الكلية
رواسي.. أسمعي شن رايك نديرلك فرد لشعرك
سناء.. فرد لامسدس خليه هكي كيرلي وحلو
رواسي.. امك تعرفيها مش كيرلي
سناء.. يما بنتك تسب فيك
خولة.. جت خيركم تتعايطو
سناء.. بنتك بدير بث مباشر وبتوري وجها ومن غير حجاب قتلها توا نخبر أمك قالت عادي مش خايفة منها
خولة.. شن هوا وانتى مرا ديريها شن توري خلقتك هاتي جاي التلفون جيبيه
رواسي.. يما تكذب وحق ربي
سناء.. وشوفي تقولي كذابة فوقها
خولة.. هاتي التلفون قتلك
رواسي.. وعيونها دموع عطاته لأمها
خولة.. وانتي نقصي صوتك وطلعت
رواسي.. تفو ياكلبة حسبي الله ونعم الوكيل فيك ياكذابة
سناء.. بتموت من الضحك صالح صلوحي يامعذب روحي نيهههههههه ضمي فمك توا نجيبهولك وانتى تتبكي
رواسي .. معاش تكلميني
سناء.. بالله عليك نبي نكلمك والله كان ماكلمتك نموت
رواسي.. والله لما نخبر أمي ع الولاد الى تكلمي فيهم
سناء.. شدت أختها خيرك ماتتحملي بصارة توا نجيبهولك
رواسي.. معاش نبيه
سناء.. نعطيك تفرديلي شعري
رواسي.. سكتت شوية
سناء.. هيا نبيك ترقديه رقدت أهل الكهف
رواسي.. باهي😁 وناضت طلعت الفرد
--------------------------------------------------
أدم.. مكسد ع النت هوا كساد كساد خلي نخش للفرخة سناء بإيميلي التاني نكسد عليها وبعتلها طلب
----------------------------------------------
سناء.. اي يافرخة قطعتيه
رواسي.. ملبد ف بعضه ماعرفت كيف نخش فيه
سناء.. ياديري باهي يابعدي يديك عدبتيه مسكين
رواسي.. ريحة الثوم قاعدة فيه
سناء.. مضاد للجراثيم نيهههههههه
---------------------------------------------
إبتهال.. لازم ندير لقطة نخلي أدم يعترف لسناء بحبه وحتى هيا الكلبة لازم نشوف وضعها فرصتي ف العرس لازم انا نهتم بمكياجها
-------------------------------------------------
رواسي.. نوضي أغسليه هييييي
سناء.. اليوم نبي نتعذب عذاب العرايس فهمتي عليا يعني سشوار مكياج اوكي
رواسي.. تم بري أغسليه
سناء.. تم ومشت غسلاته
رواسي.. شوفي محلاه توا مع السشوار يطلع احلا ع الأقل يوم الحفلة تطلعي تهبلي
سناء .. يستر الله
رواسي.. بنسألك شن رايك ف أدم ولد عمي
سناء.. مبرده ومنظره زي وداد بنت السلطانة
رواسي.. حشاه خزي عليك والله حلو ويهبل غير لاحظيه طول وشخصية ولحيته محلاها وعضلات
سناء.. تقولي ف مواصفات ادم ولاجبل شيخ الجبل
رواسي.. أدم احلا
سناء.. انا لاأقبل بهذا الا جبل شيخ الشباب خسارة فيها الكلبة وفاء الكيلاني بشواربها زي الناقة سعدودها تصبح ع هذاك الوجه وتمسي عليه 🥺😭🤤
رواسي.. خلينا ف ادم انتي
سناء.. فكيني منه
رواسي.. مبردك جيبي السشوار وهيا
--------------------------------------------
ابتهال.. ادم غدوة نبي السوق
ادم.. لا
ابتهال.. وسناء ورواسي شن بنقوللهم
ادم.. وشن دخلهم
ابتهال.. ماهو بنطلعو جميع وقتلهم ادم بيرفعنا
أدم.. خلاص باهي
ابتهال.. بعد سمعت بسناء قلت باهي
ادم.. حدفها بالشحن اقلبي وجهك
ابتهال.. هربت
------------------------------------------------
رواسي.. وووك تعبت لكن النتيجة واو
سناء.. نيهههههههه اي الجمال المبالغ فيه ده
رواسي.. هههههه تغيرتي
سناء.. بالله ولعي المروحة خاطري نجرب جو الفنانات
رواسي.. ولعتها وحطتها قدام سناء
سناء.. دير ف لقطات والله انا مكاني ف روتانا خسارة فيكم عيلة زبالة
رواسي.. حطت المروحة
سناء.. خيرك حطيتيها وخيره وجهك هههههه طالعة تشبهي لبوك خاصة لما يعصب وذانه يتشنقلو الفوق يولي زي الخفاش غدوة نقوله نبي حصتي من الفيزة ولاحظيه
سند.. يابنت الكلب انا زي الخفاش
سناء.. يارب تطلع غولة صدام حسين ومش بابا
سند.. شدها من شعرها منو الى تتكلمي عليه ماتتحشميش ع وجهك
رواسي.. خلاص يابابا سامحها
سناء.. انت فاهم الموضوع غلط انا ملبوسة يابابا
سند.. انتى ابليس متبري منك
سناء.. 😭😭😭 معاش نعاودها
خولة.. جت حزتها خلاص سامحها رغم انها تستاهل
سناء.. ف خاطرها بنتك انا مش ضرتك
سند.. طلع ولحقاته خولة
سناء.. كان ماحطيتهم ف دار العجزة مانبدا بنت عاقة
رواسي.. تستاهلي
سناء.. وانتي ليش ماتقولي بوك ورايا
رواسي.. ماقدرتش
سناء.. الشعر هذا بدا يجبدلي ف المشاكل ومسكت هاتفها
رواسي.. وين ياماما جيبيلي هاتفي
سناء.. باهي خلي يتمرقدو
رواسي.. مش راقدة لين تجيبيه
سناء.. عايش ف زمن الرعايش بعتلي طلب وقبلاته
---------------------------------------
أدم.. وأخيرآ وبعتلها هلا
سناء.. أهلين
ادم.. شن حالك
سناء.. كيف طالعة من رعشة
ادم.. هههههه من مرعشك
سناء.. بوي
ادم.. شن اسمك
سناء.. يبدا بحرف ق وينتهي بحرف الراء
ادم.. قمر
سناء.. لاقبر نيهههههههه
ادم.. مبردك
سناء.. كان تشوفني وانا فريز
ادم.. انا اسمي فيصل
سناء.. حتى النت عندي فيصل نيههههههه
ادم.. حمارة الفرخة هدي
سناء.. كان مافهمتها فوتها
ادم.. مرتبطة
سناء.. لا
ادم.. ليش
سناء.. الى بيربطني قاعد يلقط ف حق الحبل
ادم.. ههههههههه شن رايك نربطك انا
سناء.. بندير روحي ثقيلة وبنقولك خلي نفكر نيههههههه
أدم.. خودي وقتك
سناء.. تمام شحني بيفيصل نيهههههه
أدم.. هههه تمام تصبحي ع خير
سناء.. وانت من أهله
رواسي.. هيا نوضي
سناء.. اوووف وناضت لدار أمها وبوها وفتحت الباب بالشوية وخشت وكانت الدار مظلمة وقعدت تمشي بالشوية لين وصلت السرير ووقفت ف جيهت أمها وقعدت تهز فيها بإيدها ع خاطر خايفة من بوها تي خيرها امي بدا نومها ثقيل وقعدت تهز فيها بالقووة
سند .. ناض مقعمز تي شنو بعياط
سناء..
يتبع


رواية نبى راجل الحلقة العاشرة 10 مكتوبة بقلم شيراز الشريف (القطة الشريرة)



الحلقة(10)
بقلم.. القطة الشريرة
---------------------------------------------------
سند .. ناض مقعمز تي شنو بعياط
سناء.. اشهد ان لاإله الا الله واشهد ان محمدآ رسول الله
خولة.. ناضت مخلوعة وولعت السهارة شن فيه بسم الله
سند..كان قاعد بلبس الداخلي بس وخولة لابسة روب احمر
سناء.. والله نحسابك أمي
سند.. بعياط انتى شن تبي ف عقابات الليل وليش خاشة من غير ماطقي الباب تبي نقتلك توا
سناء.. ماهو يابابا انت غير أسمعني نحنا كنا راقدت باهي وانا كيف حلمت بيك عطيتني فلوس الفيزة قصدي ماشي للحج سمعنا صوت تخبيط ع روشن دارنا وجيت باش نقوللكم
سند.. أطلعي اقلبي وجهك توا نجي
سناء.. طالعة وهيا ماسكة الضحكة ومشت جري لدار أسمعي يافرخة قولي سمعنا صوت تخبيط من الروشن والا بوك حايحرقنا ورمادنا بيديره قهوة وبيبيعه
سند..طلع البرا ودار ع الحوش لكن مافي شي ورجع خش تمرقدي انتي وياها مافي شي وانتى ياقردة مزال تخشي للدار بدون ماتخبطي نقتلك
سناء.. ان شاء الله تصبح ع خير😁
سند.. صكر عليهم باب الدار وطلع
رواسي.. نبي تلفوني توا
سناء.. اهو تلفوني كلميه منه وقعمزت ع السرير
رواسي.. خيرك
سناء.. مصدومة من منظر امك وبوك أقسم بالله حسيت روحي ف روتانا سينما ونتفرج ع يسرا وعادل امام استغفر الله وخلاص ناس تكبر وتهبل
رواسي.. شن دخلك بيهم دارهم وهما أحرار
سناء.. انتي حمارة فلوس الفيزا قاعدين ياخدو بيهم ف ارواب
رواسي.. اسكتي خلاص اهو يرن
سناء.. حسبي الله ونعم الوكيل فيكم ياعيلة يازبالة خلي نتمرقد وفتحت شعرها اليوم القرين بيلعب بشعري لين يدهش قبل ماعنده كيف يخش فيه
--------------------------------------------------
ف الصبح
بتول.. أحمد الحوش مش نظيف وانا ظهري يوجع فيا
أحمد.. خليه ياحبي
بتول..كيف نخليه تعرفني نحب النظافة جيب سناء ورواسي ينظفوه
أحمد.. توا نشوف أمي تمام
بتول.. تمام
----------------------------------------------
أدم.. صباح الخير ياعمي سند
سند.. صباح النور حتى انت هنا
أدم.. ايه
سند.. والله الا قضية هالغاز وانا الزحمة نكره أمها
أدم.. توكل انت ياعمي وتوا نوصله لعندكم
سند.. صحيت الله يبارك فيك
أدم.. مادور شي
---------------------------------------------
سناء .. مولعة مكنسة الضي وتمسح
خولة.. تأشرلها
سناء.. خيرك ياأم الروب الأحمر نيههههههه
خولة.. بنمشي عند خالتك قالو مريضة
سناء.. صبح الساعة9.30
خولة .. بنمشي وقفة وبنجي
سناء.. بري طول لاتشبحي يمين لايسار
خولة.. تعرفي تصكري فمك
سناء.. قوليلي يما الروب الى لابستيه امس متأكدة مش خانبتيه من دبش رواسي
خولة.. يعطك مايرفعك باهي
سناء.. قولي والله ماني مخبرتها
خولة.. متاعي يرزيني فيك
سناء.. معناها زي ماقلت فلوس الفيزا كلهم صارفينهم ع القطاف ياويلكم من ربي بدل ماتوقفي معانا وتجيبيلنا حصتنا من الفيزا قاعد يسكت فيك بالأرواب
خولة.. نترزا فيك ان شاء الله
سناء.. نيهههههههه بري قبل مانغير راي
خولة.. توا يجي بوك لما نخبره
سناء.. 🥺🥺 خيرك معاش تتحملي ف البصارة مامي
خولة.. توا بصارة ومشت عنها
-------------------------------------------------
بشار.. لابس ومجهز روحه
سالمة(امه) وين ياولدي
بشار.. ماشي لطرابلس
سالمة.. وهيا مستغربة شن فيها طرابلس
بشار.. ماشي مع واحد صاحبي
سالمة.. ردبالكم من الطريق
بشار.. ان شاء الله
----------------------------------------------------
سناء.. وأخيرآ كملت خلي نشوف بشار وين وصل ورنت عليه
بشار.. عاودلها ياهلا
سناء.. ياأهلين
بشار.. تعرفي يابنت صوتك يذوب
سناء.. مزال لين تشوفني
بشار.. ياحليلي فكيني من الإغراءت خير مانخلي السيارة طير توا
سناء.. لابشويا عليك نخاف عليك راه
بشار.. امتى نوصل بس
سناء.. توا توصل وحط ف بالك بنبات معاك اليوم
بشار.. اوووو احلا خبر وربي
سناء.. هيا بنصكر الجرس يرن
بشار.. تمام حبي باي
سناء.. باي وطلعت للباب منو
رواسي.. أفتحي انا
سناء.. فتحتلها وين مفاتيحك
رواسي.. نسيتهم وووه الجو قداش نار
سناء.. ريحتك زي العنز المبلولة نيههههههه
رواسي.. بنخش ندوش
سناء.. خشت للمطبخ وطلعت الفلفل وقعدت تقطع فيه بدير مخلل ورن الجرس اياه علينا شكلها العزوز حتى هيا ناسية المفتاح مش منها من الأحمر متع أمس وفتحت الباب
أدم.. كان واقف ع الباب ليش فاتحة الباب بمنظرك هذا
سناء.. فى حد معينك خطيبي
أدم.. مدخل اسطوانة الغاز ابعدي
سناء.. فتحتله الطريق
ادم.. بنخش نغسل يديا
سناء.. باهي دخلها الداخل مرة وحدة
ادم.. ف حد قالك متعين عندك
سناء.. غير هيا
ادم.. رفعها ودخلها
سناء.. الفرخ خيره بدا قنين ولحقاته للمطبخ
أدم.. وين أمك
سناء.. مهناش
ادم.. بروحك
سناء.. رواسي دوش وكانك حاط شي ف راسك فوت الموضوع وحكت عينها ويدها فيها الفلفل وقعدت تنقز اااي عيني
ادم.. خيرك
سناء.. مش قادرة تفتح عينها وتنقز ف مكانها ونفتح شعرها ونزل ع وجها
أدم.. قرب منها ترا حولي ايدك نشوف
سناء.. تحرق فيا 😭😭
أدم.. بعدلها يدها وحط ايديه ع وجها وبدا ينفخلها
سناء.. قاعدة تحرق اااي 😭😭
ادم.. تعالي ورفعها للحوض وفتح الشيشمة وقعد يغسللها ف وجها
سناء.. تحاول تفتح عينها
أدم.. يحوللها ف خصلات شعرها خلف ودانها ترا نشوف
سناء.. عينها حمرا ودمع بعدتله يده حول وانت ماصدقت ومسحت وجها ف تشيرته فسدتلي السشوار
ادم.. هكي تجازي فيها حق مش فيك
سناء.. ها كله منك بلبلتلي قصتي شوف كيف طارت
ادم.. اي هكي أحلا
سناء.. هذا إعجاب ولاتنمر
ادم.. هدي كذبة ان شاء الله ربي يسامحني عليها
رواسي.. ادم هنا
أدم.. هلا شن الجو
رواسي.. تمام وانت
ادم.. مليح
رواسي.. خيرها عينك حمرا انتي
سناء.. ولد عمك قاعد يتحرش فيا وانا كنت ندافع ع روحي دخل صبعه ف عيني اتصلي ببوك
ادم.. وهوا مصدوم كذابة
رواسي.. نعرفها الحيوانة
سناء.. نيهههههههه
ادم.. هي نستأذن
رواسي.. سلم ع امك وعمي
ادم.. يوصل وطلع
سناء.. خشت للدار وقعدت سرحانة وتفكر ف أدم خيره بدا حلو زعما يستعمل ف قناع النشا ومية الورد
أدم.. ركب ف السيارة وقعد يتفكر ف لقطته مع سناء الحمد لله الى شديت روحي ومادرت شي غلط بنهبل الزح شكله حق بديت نحبها
-----------------------------------------------
خولة.. انا ف حوش خالتك فوت عليا مرة وحدة
أحمد.. تمام كلميهم بناتك باش نلقاهم واتيات ونرفعهم طول
خولة.. تمام
------------------------------------------------
سناء.. بعتت مسج لبشار الحلو وين وصل
بشار.. رد عليها قريب نوصلك
سناء.. نيههههه مسكين تعرفي
رواسي.. ان شاء الله جاي الولد متع أمس
سناء.. قريب يوصل مسكين
رواسي.. ماتقوليش بتشوفيه
سناء.. نشوف من خليه يوصل وبنحطه ف الحظر نيههههههههههه
رواسي.. قداشك واطية
سناء.. هدو الأشكال هكي تبي لكن تخيلي منظره جاي من نالوت ومجهز روحه وبعدين مايلقى شي😂😂😂😂
رواسي.. أمك تتصل الو
خولة.. روحتي
رواسي.. ايه
خولة.. وتي روحك انتي وأختك باش تمشو تنظفو حوش خوك بتول مريضة
رواسي.. شن يما نخدمو عندها
سناء.. شن فيه
رواسي.. تبينا نظفو حوش الهانم بتول
سناء.. خطفت التلفون من رواسي شن نظفولها وانتي امنا ولا مرات بونا مش منظفين شي ومش ماشين
خولة.. قالو مش ماشين
أحمد.. هاتي الهاتف الو
سناء.. فنصت ف أختها وقعدت ساكتة
أحمد.. ردي ياخرا
سناء.. نسمع فيك
أحمد.. شن قلتي مش ماشين
سناء.. لا والله قلت حاضر
أحمد.. البسي انتي واختك قريب نوصل وصكر
سناء.. ااااه ياربي والله بنقتلها وحق ربي بنقتلها هيا وخوك
رواسي.. قلت حاضر الى يعبى ع امك
سناء.. والله تبيه ينتفلي شعري لكن وحياتك لما ندمها ومشت للمطبخ
رواسي.. شن بديري
سناء.. بري جيبي الشحمة متع العيد وحطيها ف فازو وجيبي الزبد من دار أمك
رواسي.. شن هوا الزبد
سناء.. هذاك الأسود الى زي الفوماط وريحته خامرة
رواسي.. حي عليك شن بديري
سناء.. مش تبي نظفولها حوشها توا نظفوه
رواسي.. وتت الحاجات مع أختها وجاهم أحمد ومشو
------------------------------------------------
بتول.. حاطة رجل ع رجل والحوش حالته حالة
احمد.. فتح الباب خشو
سناء.. السلام عليكم
الصغار.. جو يجرو عمتي
سناء.. يعطيكم عمية ياولاد الكلاب
رواسي.. حضنتهم وسلمت عليهم
بتول.. ناضت سلمت بطرف أصباعها اهلين شن حالكم
سناء.. خيرك هكي بديتي أعيه منظرك
بتول.. خيرني
سناء.. عيونك تحتهم أسود وبشرتك مش حلوة زي قبل
بتول.. احلفي سناء ياحليلي وخلاص
سناء.. تعرفي عندي خلطة مش عادية شوفي وجهي محلاه
بتول.. شن هيا بالله عليك
سناء.. لاماتمشي مع البشرة الحساسة ومرات يطلعلك الحب
بتول.. لا مش حساسة بشرتي
سناء.. تمام ع مسؤوليك لكن
بتول.. ايه
سناء.. ريحته قوية لكن
بتول.. عادي
سناء.. خليه ساعة كاملة لكن
بتول .. تمام ماعندي شي أصلآ
سناء.. طلعاته من الشنطة بري ديريه خلي نظمو الحوش
بتول.. صحيتي ومشت لدارها
سناء.. الزبد درت معاه مزيل الشعر وهيا بشرتها تتحسس منه نيههههههه
رواسي.. حي عليك حيي يافرخة
سناء.. طلعت كيس فيه جلود الدجاج خودي وحطي منه فوق دولاب المطبخ وف المخزن وورا المكتبه نبي الحوش يولي جيفة
يتبع

رواية نبى راجل الحلقة الحادية عشر 11 مكتوبة بقلم شيراز الشريف (القطة الشريرة)

الحلقة(11)
بقلم.. القطة الشريرة
----------------------------------------------------
سناء.. طلعت كيس فيه جلود الدجاج خودي وحطي منه فوق دولاب المطبخ وف المخزن وورا المكتبه نبي الحوش يولي جيفة
رواسي.. فكينا يافرخة والله لما يقتلنا خوك
سناء.. ديري شن قتلك وانا بنمشي نذوب شحمة العيد وبنحطها ف الشامبو نيهههههه
رواسي.. اووف منك
بتول.. ياسناء ياسناء
سناء.. نعم حبي
بتول.. القناع يحرق فيا حالة
سناء.. اي ماهو باش تبان النتيجة أسرع ف جيهة ماحطيتي فيها
بتول.. حق تعالي حطيلي صحيتي
سناء.. حطتلها ع حواجبها 🤭🤭
-----------------------------------------------
أدم.. مقعمز ف الصالة وسرحان يفكر ف سناء
أسماء.. بصوت واطي شوفي أدم كيف يتبسم بروحه زي المهبول
إبتهال.. هيييييي نحن هنا
أدم.. شافلها خيركم تفنصولي
أسماء.. رن هاتفها وناضت
إبتهال.. هيا نسمع فيك
أدم.. تنهد مش عارف الحق ماهي هيا طول عمرها مقابلتني شمعنى توا يعني
سناء.. قبل كانت صغيرة وانت أكثر شي كنت عند جدودي ف سبها يعني كيف بتلاحظها
أدم.. مش عارف نبي نتأكد قبل
-----------------------------------------
بشار.. الو ياحبي
سناء.. أهلين ياعيوني
بشار.. انا وصلت وتوا جنب حمام بلقيس بالزبط وينك إنتي
سناء.. توا تعرف شن دير البس وشاح وخش دير حمام حلو وادهك قلة الأدب والصياعة الى عندك
بشار.. شن تقولي انتي
سناء.. نيهههههههه كذبت عليك وخليتك تجي ع الفاضي
بشار.. يا..... 🔞
سناء.. غالط يابيبي انا مش أختك نيهههههه استقبل الحظر باي وصكرت عليه
بشار.. كلبة الكلاب واطية وقعد يسب
رواسي.. هيا شبه كملنا
سناء.. خلي نهربو قبل ماتحول القناع
رواسي.. انتى بتودينا ف داهية
سناء.. والله تبينا نخدموها وهيا مستريحة مهبولة إنتي
بتول.. تعيط الداخل يامامااااااااااا
سناء.. حي هدي غسلت وجها
بتول.. طلعت تجري انتى شن درتيلي شوفي منظري وجهي حب وحواجبي وين
سناء.. قتلك انا مش حاتتحمليه
بتول.. توا يجي أحمد يتفاهم معاك ومسكت هاتفها
رواسي.. غير هدي يابتول
بتول.. لانهدى لاشي شوفي وجهي دمراته
سناء.. خبريه انتي من قبل هكي غير المكياج ساترك
رواسي.. اسكتي يافرخة فكينا من المشاكل
بتول.. فاتحة المايك
احمد.. ايو
بتول.. وهيا تبكي ياأحمد تعالي بسرعة خواتك شوهولي وجهي
أحمد.. شن دارولك
بتول.. وهيا تبكي وتعيط تعال بسرعة مانقدرش نحكي ع الهاتف
أحمد .. هي جايك
بتول.. توا تشوفو ومشت لدارها
سناء.. هيا نهربو
رواسي.. وين بنهربو
سناء.. للحبشة فيها ملك لايظلم عنده أحد خير خالتك انتي اي مكان
رواسي.. لانخاف ومش هاربة
سناء.. تلبس ف عبايتها انا بنهرب وانتي أقعدي
رواسي.. خافت وناضت لبست وطلعو جري
سناء.. الحوش طبعآ مش ماشينله
رواسي.. وين طالعة بينا من هنا
سناء.. ياحمارة خوك بيجي من الطريق الرئيسي تبيه يشوفنا
رواسي.. تبكي كله منك ديما حاطتنا ف المشاكل
سناء.. ضمي فمك ودموعك وفريهم للطريحة
----------------------------------------------
أحمد .. وصل للحوش بتول يابتول
بتول .. طلعت تجري شوف ياأحمد وجهي كيف
أحمد.. قعد مصدوم هذا شني سناء رواسي
بتول.. هربو مادخلي فيك جيبلي حقي منهم شوف وجهي ياأحمد😭😭
أحمد.. هيا البسي باش تشوفيهم وهما ياكلو ف طريحة
بتول. لبست عباية ولبست خمار وطلعو
--------------------------------------------
سناء.. مافيش حد يخطفنا
رواسي.. تبكي وخايفة
سناء.. ضمي فمك معاش توتريني باش نقدر نفكر تعالي نخشو للمحل
-----------------------------------------------
خولة.. حي عليا تعالي نديرلك ثلج بالك يبرد
أحمد.. مايردوش
خولة.. خلي نتصل بيهم من رقمي
------------------------------------------------
سناء.. الهم وهما يتصلو بنحط أمهم ف الحظر
رواسي.. انتي بتصلحي الأمور ولابتخربيها
سناء.. غير أسكتي أنتي وشوفي لصاحب المحل محلاه يهبل
رواسي.. كان ماتسكتي وحق ربي نكلمهم ونقوللهم نحنا وين
سناء.. الو إبتهال
إبتهال.. شن الجو
سناء.. زي جبهة أشرف اسمعي نحنا مدايرين فالطة أكبر من راس ادم خوك
إبتهال.. شن مدايرين
سناء.. ردبالك تخبري حد
إبتهال.. قولي شغلتيني
سناء.. حكتلها القصة
ابتهال.. يحليلك وخلاص ماعندك حل غير تجو عندنا لين يهدا خوك
سناء.. هما أكيد بيجوكم غادي بعد مايروحو كلميني
ابتهال.. وتوا شن بديرو
سناء.. بندهورو ف المحلات
رواسي.. بوي يتصل يافرخة
سناء.. هيا باي اوباما يتصل
رواسي.. اسمعي نرد عليه ويجي يروح بينا وناخدو طريحتنا وخلاص
سناء.. تبي تنضربي إنتي إمشي روحي بروحك انا لاااااا
رواسي.. ووووواك منك وخلاص
----------------------------------------------
أدم.. غبية البنت هدي نوضي ألبسي خلي نمشولهم
إبتهال.. ماهو بيجو يدورهم هنا
أدم.. بوي مش حايخلي عمي يقربهم ولاأحمد لكن كان جو ومالقوهم مرات يفهمو غلط وتكبر المشكلة
إبتهال.. اي صح مالا خلي نلبس ونجيك
----------------------------------------------
سناء.. تعالي نخشو للمحل هذا شكله عنده مكياج مليح
رواسي.. قداش فاضية وقته هذا توا
سناء.. غير هيا نحنا عملتنا ودرناها ماعندنا وين نهربو
رواسي.. الهم
سناء.. السلام عليكم
صاحب المحل .. وعليكم السلام
سناء.. خدت دورة ف المحل ورجعتله معليش عندك مكياج للنافس
صاحب المحل.. كيف ياأختي نوع جديد هذا ولاشن
سناء.. لا مكياج غير خاص للنافس
صاحب المحل.. أول مرة نسمع بيه مكياج النافس بالك غالطة
سناء.. كيف غالطة يعني مراء كيف والدة مكياجها زي البنت المخطوبة
صاحب المحل.. وفوق راسه علامات إستفهام إنتو ادرا
رواسي.. جبدتها من ايدها شن ديري إنتي ياخرا
سناء.. شوفيه كيف مطنش خشمه نكسرله فيه نيههههههه
رواسي.. هيا أطلعي يافرخة شكرآ خوي
سناء.. المرة الجاية نجي نلقى عندك مكياج للأرملة وطلعو
رواسي.. إبتهال تتصل
سناء.. ردي عليها
رواسي.. أهلين ابتهال
ابتهال.. وينكم جايتكم مع أدم
رواسي.. نحنا جنب محل العبايات شيماء
إبتهال.. تمام وصكرت
سناء.. ياغبية هدو جواسيس وانتي عطيتيهم مكانا
رواسي.. خلي يجو ونفتكو معاش عندي طاقة نتحمل
سناء.. اي حتى انا جعت خالي ناكلو طريحة باهية تسدلنا النية
-----------------------------------------------
سند.. رجع للحوش وينهم
خولة.. مازال ماجو وأحمد كلم عمامهم وقال ماروهم
سند.. ومزال مقعمز نوض دور عليهم ياتيس
أحمد.. ناض واقف هيييي
سند.. تحرك قدامي
---------------------------------------------
أدم.. درس السيارة جنب المحل وفتح الروشن هيا أركبو
سناء.. خدت دورة ع السيارة وين داسينهم احمد وبابا
أدم.. ف فمي
رواسي.. أركبي هيا
سناء.. ركبت لدار الأيتام لو سمحت
ابتهال وادم.. هههههههه
ابتهال.. ياأم العمايل
سناء.. مش نادمة والله باش تحرم تقوله خواتك ينظفولي
أدم.. إنتو بحمايتي توا معاش دورو
سناء.. هذا غير إنه مولي حلو طلع شخصية 🤤🤤
إبتهال.. نحنا كلمنا بوي وحكيناله تعرفو قريب مات بالضحك وقال جيبوهم ومش حايقربهم حد
رواسي.. إن شاء الله والله كل من الفرخة هدي
سناء.. كله من الشيطان الى يوسوسلي قتله انا هدي مافيش داعي للإنتقام نحنا ناس ع حالنا شي حلفلي بالطلاق ثلاتة ندير هكي وماقدرتش نرده
أدم.. يشوفلها من المراية وهيا تحكي
سناء.. خيرك تفنصلي من المراية
أدم.. من يفنصلك انتى راسك كبير ومغطي المراية
إبتهال.. بالك معجب
سناء.. انا اللايك والإعجاب مانحب أمهم دير أحببته
إبتهال.. ههههههه خيرك مستعجلة توا يبدا يحب فيك لين تدهشي
أدم.. ضمي فمك انتي
سناء.. زادت ف النص انت محروم من جمالي لين نوصلو
أدم.. بالله عليك أرجعي جانى الصرع ف جنابي
سناء.. جبدلته شعره بقوة
أدم.. ااااااي توا تشوفي كان ماسلمتك لخوك باهي
سناء.. اي رسالة من صاحبتك ماهو باش تسلمني
رواسي.. خلاص ياجماعة أسكتو
-----------------------------------------------
سند.. يدق ف الباب بقوة منجي يامنجي
أشرف .. طلع تفضل ياعمي
سند.. بوك وين
أشرف .. مش قاعد
سند.. سناء ورواسي عندكم
أشرف .. لا ليش خيركم اليوم تسألو عليهم شن صاير
سند .. جيبلي طاسة مية ريقي نشف
----------------------------------------------
سناء.. بعياط وقف وقف وتضرب ف راس أدم
إبتهال.. خيرك
سناء.. بابا جنب حوش عمي منجي
أدم.. حولي مكسرك خير ماناديه
إبتهال.. لف من الباب الخلفي
أدم.. كيف بيلف
أحمد.. هوينهم يابوي مع أدم وقعد يجري
يتبع


رواية نبى راجل الحلقة الثانية عشر 12 مكتوبة بقلم شيراز الشريف (القطة الشريرة)

الحلقة(12)
بقلم.. القطة الشريرة
-------------------------------------------------
أدم.. كيف بيلف
أحمد.. هوينهم يابوي مع أدم وقعد يجري
سناء.. أهرب أهرب
رواسي.. من الخوف داخت
أدم.. نزل من السيارة ووقف قدام أحمد
أحمد.. حول ياأدم ماتدخلش
أدم.. فوتهم ياراجل خواتك هدو كيف تفضل مرتك عليهم
سند.. جاء يجري من بعيد إنزلي انتى وياها
سناء.. فتحت باب رواسي وتخطتها ونزلت وحولت كندرتها وهربت
سند.. شافها اختك ياولد شدها
أحمد.. قعد يجري فيها
أدم.. ليش هاربة بس ولحقهم
أشرف.. حتى هوا يجري ومش فاهم شي
سناء.. كانت قاطعة الطريق والوشاح مغطيلها ع وجها وبوووم ضربتها سيارة
أحمد.. وقف ف مكانه وقعد مصدوم
سند.. فات عليه
أدم.. دفه عاجبك هكي توا
سناء.. كانت شبه فاقدة الوعي
صاحب السيارة.. نزل لاحول الله يارب سلم والناس تجمعت
سند.. قعمز سناء يابنتي يابنتي تسمعي فيا
أدم.. سناء شن يوجع فيك شن تحسي
سناء.. تشوفلهم وتبكي إنتو مني
سند.. البنت مشت فيها
صاحب السيارة .. أركبو أركبو نرفعكم للمستشفى
أشرف.. أحمد ياأحمد خيرك ياراجل وقفت هكي
سند وادم.. ركبو سناء وركبو
-----------------------------------------------
إبتهال.. تفيق ف رواسي
رواسي.. فاقت وقعدت تشوف يمين ويسار شن صار وينهم
إبتهال.. سناء هربت ولحقوها
رواسي.. ارفعيني عندها توا بيقتلوها
إبتهال.. وين بنلحقوها خلي نقرب السيارة للحوش وننزلو ومادامه أدم معاها مش حايصير شي
-----------------------------------------------
ف المستشفى
سناء.. راقدة ع السرير
الدكتور.. يفحص فيها شن إسمك
سناء.. ف خاطرها الى يفقدو الذاكرة زعما ينسو ف أسمأهم بس ولا الأحدات
الدكتور.. وين مشيتي يابنتي شن إسمك
سناء.. مش عارفة يابابا
الدكتور.. بابا
سناء.. انت قتلي يابنتي
الدكتور.. طلع معليش ناسها وين
سند وأدم .. خشو
الدكتور.. هدو مني
سناء.. تيمون وبومابا
الدكتور.. علي صوتك
سناء.. مانعرفهم
سند.. بخوف شن فيه يادكتور
الدكتور.. ترا شوية معليش
سند.. طلع معاه
أدم.. حق مش مدكرتيني
سناء.. ياريت فقدتها وفتكيت منكم
أدم.. معناها تكذبي
سناء.. اي وخايفة ننكشف
أدم.. غبية وحدة
الدكتور.. الحمد لله هيا صحتها بخير ومافيش اي كسور وممكن فقدان الداكرة هذا من الخلعة بس
سند.. يعني مافي شي خطير
الدكتور.. لا وتقدر تروح بيها
سند.. بارك الله فيك
صاحب السيارة..ها طمني ان شاء الله صحتها كويسة كان تبي تونس مستعد نرفعها
سند.. لاياخوي مادور شي حالتها كويسة وتوا مروحين بيها
صاحب السيارة.. الحمد لله يارب
------------------------------------------------
أحمد.. كان ماتت مش مسامح روحي
أشرف..لابعيد السو معاش تفاول
أحمد.. كله مني انا
اشرف.. خلاص ياراجل هدي ومعاش تفاول
-------------------------------------------------
سند.. هيا يابنتي بنروحو
سناء.. لامانعرفكش مانبيش نروح معاك
سند.. أنا بوك يابنتي كيف ماتعرفيني
حكيم.. بعد ماكلمه أدم جاء يجري السلام عليكم
سند.. وعليكم السلام
حكيم.. سلامتها سناء شن حالك يابنتي
سناء.. بابا 🥺
سند.. مش بوك هذا
أدم.. بينها ياعمي خليها ماتضغط عليها
حكيم.. قرب منها شن تحسي
سناء.. بنروح معاك وهذا يبي يرفعني
حكيم.. توا نروح بيك هييي
أدم.. كان فرحان بتقعد قدام عيني
-------------------------------------------------
رواسي.. مشغولة ع وخيتي
سلمى.. هدي روحك يابنتي قتلتي روحك بالبكي
إبتهال.. أدم مايردش وحتى انا نشغلت
------------------------------------------------
رتاج.. هيا جهاد نديرو زي ماقتلنا عمتي سناء
جهاد.. وينه الزمالطو
محمد.. حي عليكم متع أمي
رتاج.. عمتي قالت هوا متعها وعطاته لأمي وعادي كان خديناه
جهاد.. هيا نرسمو بيه ع الحيط ونديرو مفجأة لماما قبل ماتجي
-----------------------------------------------
خولة.. هدو طولو وينهم زعما
بتول.. حاطة الثلج ع وجها حتى أحمد مايردش عليا
خولة.. ان شاء الله خير
بتول.. تشوف لوجها الى مولي كيف شكلاطة ببلي وتبكي
---------------------------------------------------
أحمد.. كان مقعمز جنب حوش حكيم هوا وأشرف
أشرف.. أهما وصلو
حكيم.. هي إنزلو
أحمد.. فتح الباب لأخته
سناء.. حطت إيدها ع وجها وبعياط عمي حكيم
سند.. اهي الداكرة بدت ترجع
أحمد.. شن حالك شن تحسي
سناء.. ف خاطرها بتول ماتت ولاشن
أحمد.. مسكها من يدها بالشوية عليك
سناء.. أكيدا فخ وبعدتله يده حول عني انت منو
اشرف.. طمنا ياعمي
سند.. من الخلعة فقدت الداكرة
حكيم.. خشو توا وبعدين نتفاهمو
إبتهال.. صوت الباب نفتح ومشت تجري
رواسي.. ناضت لحقتها
سناء.. تمشي بالشوية وف خاطرها لاعرفت روحي جايبة لامضروبة ف راسي
ابتهال.. سناء خيره منظرك هكي
سناء.. شدت ف عمها حكيم منو هدو
رواسي.. مصدومة وتبكي خيرها سناء يابابا
حكيم.. ماتخافوش مابيها شي وخشو للصالة
رواسي.. حاضنة سناء انا أختك كيف نسيتيني
سناء.. الفرخة هدي شلاقمها متع الا نواح وبكي
سند.. هيا نوضي أختك وهيا
حكيم.. خليهم عندنا يراتحو اليوم من الرعشة الى ركبتوهالهم مش معقولة ياأحمد تعامل خواتك هكي ليش راهو المراءة مابتجي مكان امك ولاخواتك
أحمد.. ضميره مأنبه ويسمع وهوا ساكت
سند.. خوهم يقتلهم حتى القتل
حكيم.. انت السبب ياسند ربيته ع الغلط كيف يقتلهم هذا خوهم سندهم من بعدك المفروض تعلمه يحترمهم ويخاف عليهم مش يضرب ويعيط وشوف نتيجة الغلط قدامك
سناء.. تشوفلهم وتتسخف 🥺🥺 زيدهم بالله مش كان نوض ندهن روحي بالكركم باش نولي صفرة ع اساس جاني الصفير باش معاش يقربوني بكل نيههههههههه
أحمد.. خلاص يابوي خليهم اليوم وغدوة توا نجي نروح بيهم
سند.. ناض وقف وشاف لرواسي ردبالك ع أختك انتي
رواسي.. ان شاء الله
حكيم.. أقعدو تغدو
سند.. مرة تانية إن شاء الله وأمها مزال معندها علم بشي
حكيم.. طلع معاهم وسقدهم
سلمى.. أرفعوها للدار خلي ترتاح
إبتهال.. هيا ياسناء بشوية عليك ورفعوها للدار
رواسي.. حق مش مدكرتيني أنا أختك رواسي
سناء.. أعطيني صالح نستعرف بيك
رواسي.. بعياط دكرتني
سناء.. طاحت عليها وسكرتلها فمها ضمي توا تفضحيني
إبتهال.. ماتقوليش كذبة
سناء.. وهل عهدتم عليا الكذب
إبتهال.. هلبة
سناء.. لكن ف كل مرة تصدقو فيا نيههههههههه
رواسي.. خزي عليك ياكذابة هكي رعشتي العيلة كلها
سناء.. حتى هما رعشونا ياحبيبتي شن درنالهم لكن جريتلكم جرية الطحال تزوج البنكرياس وخشو القفص الصدري نيهههههههه
إبتهال.. تضحك ولاع بالها الوقحة
------------------------------------------------
خولة.. حي عليا بنتي أرفعوني ليها توا
سند.. حالها باهي ياودي توا نرفعك بعدين
أحمد.. نوضي بتول هييي
خولة.. أقعدو تغدو
أحمد..الصغار بروحهم
بتول.. ناضت وهيا مش عاجبها
-----------------------------------------------
ادم.. ركب ف السيارة وقعد يدخن وسمع صوت التلفون يرن وقعد يشوف يمين ويسار وشافه وكان يرن بإسم أمي اكيد متع سناء والا رواسي
--------------------------------------------------
إبتهال.. لكن غدوة بنمشو للعرس
رواسي.. ماظني يخلونا
إبتهال.. توا نقول لبابا يكلم عمي
سناء.. يابنات ماريتو تلفوني
إبتهال.. لااااا
رواسي.. حتى انا لااااا
سناء.. ناضت طلعت من الدار ومشت دور ع تلفونها
أدم.. كان خاش وماسك التلفون وتلاقى مع سناء
سناء.. تلفوني
أدم.. لقيته ف السيارة
سناء.. مدتله يدها هاته
أدم.. تبيه ألحقيني
سناء.. عنز جدك تحسابني هات التلفون
أدم.. الحقيني ولانخبر انك تكذبي ومش فاقدة الداكرة
سناء.. اوماي قاد شلاكتى طاحت من الصدمة اجعني نفقدك انت الليلة قبل غدوة
أدم.. ألحقيني وإنتي ساكتة
سناء.. لحقاته تحت الدروج يعني انت خاطرك نلبسك قضية شرف بدل سروالك
أدم.. لاخاطري ف بوسة منك
سناء.. انت قليل أدب ع فكرة ياولد سلمى والتلفون معاش نبيه ومشت عنه
أدم.. نجحت ف الإمتحان بنت خولة نيههههههه
سناء.. الحقير كيف عرف خاطري نبوسه
-------------------------------------------------
ف العشية
سلمى.. ماترفعوها سناء أمها بتجي تشوفها
إبتهال.. معناها أدم انت أقعد توا يرفعنا أنس وغمزت لرواسي
رواسي.. فهمت شن قصد إبتهال
سناء.. جيبولي إندومي
-------------------------------------------------
ف السيارة
أنس.. تعرفو خمسة دقايق بس
ابتهال.. خمسة عينك انت كحل لين نكملو سلم وخي باهي
-----------------------------------------------
بتول.. حابسة صغارها ف دارهم ع خاطر الزمالطو الى رسمو بيه ع الحيط
أحمد.. طلع من الدوش ويشم ف روحه
بتول.. اففف أحمد هذا شنو
أحمد.. مش عارف الشامبو فيه حاجة غلط وريحته أخيه
بتول.. حتى الحوش مداير ريحة
-----------------------------------------------
سلمى.. مقعمزة ع التلفزيون
سناء.. مقعمزة جنبها ومكسدة وناضت طلعت البرا ووواك ع الكساد خلي نركب للسطح وركبت توا نوريه أدم الحيوان لما نرزيه ف حماماته وفتحتلهم الباب متع الدار إذهبو فأنتم الطلقاء نيهههههههه وخدت الدحي ونزلت للمطبخ صبت طاسة عصير وكسرت فيها الدحية عصير المانحو بالبيض لشد ترهلات البطن نيههههههههه ومشت لأدم الى كان مكسد ف داره
أدم.. شن تبي
سناء.. درتلك طاسة عصير أعطيني نقالي
أدم.. قرب منها خدا الطاسة كان عجبني نردهولك كان ماعجبني ماتحلمي بيه
سناء.. متأكدة حايعجبك
أدم.. شرب الطاسة وقعد يتباوع ومشى جري للحمام
سناء .. خشت للدار وخنبت تلفونها الى كان محطوط ع السرير نيهههههه وهربت
أدم.. طلع من الحمام وبطنه مقلوبة
سناء.. واقفة ع حيط الدار نيههههههه تستاهل واهو تلفوني عندي
أدم.. توا تحصلي ياقردة
سناء.. عندك علم انك شربت دحي حماماتك الى فتحتلهم وطلقتهم
أدم.. والله اليوم نهايتك ع إيدي وقعد يجري فيها
سناء.. هربت منه ودست ف الورشة متع حكيم
أدم.. توا تشوف الحيوانة وركب للسطح وقعد يصب ف الرز باش يرجعو الحمامات
سناء.. هدي سيارة من زعما وفتحت الباب وخشت فيها ولقت فيها بطاقة شخصية محمد ناكوع وخدتها خلي ندير لعمي مشكلة مش عارفة كيف عايش حياة مثالية وماعنده مشاكل خلي نشوهله سمعته ونصكرله الورشة باش يفلس نيهههههه وحست بحد شدها من قرنها
يتبع



رواية نبى راجل الحلقة الثالثة عشر 13 والأخيرة مكتوبة بقلم شيراز الشريف (القطة الشريرة)

الحلقة(13) الأخيرة
بقلم.. القطة الشريرة
-----------------------------------------------
سناء.. هدي سيارة من زعما وفتحت الباب وخشت فيها ولقت فيها بطاقة شخصية محمد ناكوع وخدتها خلي ندير لعمي مشكلة مش عارفة كيف عايش حياة مثالية وماعنده مشاكل خلي نشوهله سمعته ونصكرله الورشة باش يفلس نيهههههه وحست بحد شدها من قرنها
حكيم.. صار بتشوهيلي سمعتي وتبيني نفلس
سناء.. هههههه نبصر اصلآ نشوف فيك جاي بشوية عرفتك بتخلعني
حكيم.. ههههههه شني رجعت الداكرة
سناء.. اي شوي
حكيم.. باهي كويس نوضي خشي أمك الداخل
سناء.. هييي وصكرت السيارة
حكيم.. البطاقة يافالحة
سناء.. نيههههههه ومدتهاله
-------------------------------------------
أدم.. قاعد فوق السطح ويراجي ف حماماته والله فرخة حيوانة شكلي حق حبيتها
--------------------------------------------
خولة.. حضنت سناء شن حالك توا
سناء.. الحمد لله حالي كويسة
خولة.. تمسح ف دموعها
سلمى.. علاش تبكي ياخولة البنت كويسة وحالها باهي
سناء.. حضنت أمها كان نحسابك بتعرفي قيمتي راهو من زمان وقفت قدام برويطة
خولة.. ضربتها البرادة ماتبطليها
----------------------------------------------
أسماء.. أنس يتصل
إبتهال.. فوتيه
رواسي.. خلاص شن مزال بتشري
ابتهال.. نبي قفطان حلو لسناء عشان غدوة
----------------------------------------------
سناء.. فاتحة النت
أدم.. هلا
سناء.. أهلين
أدم.. شن حالك ياقبر
سناء.. مش بخير لين تنحط فيا نيهههههه
أدم.. قريب إن شاء الله
سناء.. هذا شكله كبد فيا
أدم.. قاعدة ماتبيش تقولي شن إسمك
سناء.. المرة هدي بنقول إسمي الحقيقي بالك تشد معاي إسمي سناء
أدم.. عاشت الأسامي
سناء.. تعيش وتسمي يافيصل
أدم.. شن ديري
سناء.. قاعدة نكبر ف مشكلة صغيرة باش نكد ع روحي
أدم.. ههههه والله فرخة حيوانة عادي نسمع صوتك
سناء.. الطبيعي والا الكيوت
أدم.. الطبيعي
سناء.. كمل طلبك تعال بعد سنة نيههههههههه
خولة..أختك طولت صح
سناء.. إيه توا تلقيهم يعاكسو فيهم الولاد وهما يضاحكو
خولة.. كلميها خلي تروح انا ماعنديش رصيد
سناء.. طلبت رواسي ومدت التلفون لأمها
خولة.. انتي وين
رواسي.. أهلين يما
خولة.. توا تروحي تسمعي ولانخبر بوك
رواسي.. باهي يما شوية بس
خولة.. انا قلت توا
رواسي.. تمام مروحة
------------------------------------------------
بتول.. مقعمزة ع المراية وترسم ف حواجبها وتبكي ع الحب الى ف وجها
محمد.. لقى مسمار وحطه ف البريزا وضربه الضي
رتاج.. تخبط ع الباب يماما أفتحي الباب محمد ضربه الضي يماما
بتول.. ولاكأنها
أحمد.. فتح الباب وكان جايب شوي خضرة وقعد يسمع ف العياط ومشى لدار صغاره ولقى محمد فاقد الوعي
الصغار يبكو وخايفين ع خوهم
احمد.. بعياط أمكم وين
رتاج.. من لما سكرت علينا معاش ريناها
أحمد.. وهوا رافع ولده بين إيديه مشى لبتول انتي وين شوفي ولدك
بتول.. شن بنديرلهم بنلقاها منك ولامن فروخك ولامن عيلتك
أحمد.. حسابك بعدين وطلع جري للمستشفى كله مني انا السبب دلعتها وسايستها ع حساب صغاري وخواتي وقعد يبكي يارب اشفيلي ولدي وطولي ف عمره وطمني عليه
---------------------------------------------
رجعو البنات وروحت خولة بعد ماكلمها أحمد
رواسي.. ياريتنا روحنا مع أمي
إبتهال.. فكينا من النكد ولد خوك وحاله كويس وغدوة نحضرو العرس وروحي
سناء.. تاكل ف الإندومي وتشوفلهم
أسماء.. مش عارفة كيف تاكلي فيها
سناء.. تجري ف دمي مرة درت تحليل دم طلع مرقة إندومي نيهههههههههه
-------------------------------------------------
فات اليوم عادي
ف الليل
خولة.. الحوش موحش من غير البنات
سند.. أول مرة نحس بفراغ
خولة.. هذا ع يوم وهكي امالا كان تزوجو كيف
سند.. أرقدي خلاص فكينا من النكد
---------------------------------------------
أدم.. وينك شن ديري
سناء.. شي مكسدة والنوم طاير
أدم.. نلعبو لعبة تحدي ولاصراحة
سناء.. جبتها يافيصل خير من الكساد لأنى لما نكسد ندير مصيبة
أدم.. تمام انا نبدا تحدي ولاصراحة
سناء.. تحدي
أدم.. انتي قلتي انك ف حوش عمك وأكيد عندك ولد عم كبير
سناء.. ايه راسه كبير زي البيت الأبيض
أدم.. نوضي بوسيه وتعالي
سناء.. مصح وجهك وليش نبوسه راجلي ولا راجلي
أدم.. هذا التحدي انك دير حاجة عمرك ماحطيت ف بالك انك ديرها وإنتي مش قده
سناء.. لابالعكس انا عمري ماخسرت ف تحدي وندير ف المستحيل بس هدي لااااا
أدم.. إنتي جبانة لاتعرفي تحدي لاشي
سناء.. قوللي عطيه كف والله لما نوض لكن بوسة عيب انا بت طاهرة وهافضل طول عمري طاهرة
أدم.. باهي نوضي أعطيه كف
سناء.. تم توا نجيك وناضت بشوية ومشت للمربوعة الى كان فيها أدم
أدم.. داير روحه يتفرج ع التلفزيون
سناء.. تمد ف راسها من الباب وتحول يحليلي هذا كيف بنقابله بعد عملتي
أدم.. هيا أمتى بتخش
سناء.. يلا يابنت إنتي قدها اصلآ لو ماضربتيه كف بديري فالطة أكبر وخشت
أدم.. مزال عندك وجه تقابلي
سناء.. حاطة ايديها ع خدودها لاحظت وجهي قصدك شن رايك فيه حلو صح
أدم.. زي وجه أم زكي
سناء.. وانت ياأبو غالب يامتع البليلة عالمهم مش جاية نتعارك عطيني الشحن🥺
أدم.. شن تبي فيه
سناء.. شي غير تلفوني جاه هبوط وبنركبله تغدية
أدم.. وشن الى منوضك
سناء.. كيف حطيت راسي بنرقد شوي خلايا مخي دكرو عركة ليا من 5سنين مارديتش عليها رد قوي وكلها كان نننننننننن فحاليآ قاعدة نجلد ف ذاتي
أدم.. شاد الضحكة تعالي أرفعيه وكان مرشوق ف البريزة الى فوق راسه
سناء.. بيني وبينك رسول الله ولو قربتني حاتخش مع أبولهب لنار وحاتحترق وساأشم رائحة شياطك نيهههههههههههه
أدم.. بترفعيه ولاشن
سناء.. قربت وقعمزت ع ركبيها وتشوف لأدم وتدرس ف وجهه وف خاطرها ياشيطان يارجيم مش عارفة ع شن مروجم وانت معبيني دنوب ماتوسوسلي بالبوسة وخليني مركزة ف شغلي
أدم.. شن ساعة تحولي ف الشحن
سناء.. أدم أقعد أقعد ردبالك تتحرك
أدم.. خيرك شن فيه
سناء.. زحفت ع الخلف وجت جنبه وهوا راقد ع ظهره
أدم.. شن فيه
سناء.. اس ماتتحرك عنكبوت كبير ع خدك
أدم.. حوليه بسرعة
سناء.. كيف مدت إيدها وبتضربه
أدم.. مسكها وجبدها عنده وحط ايده ع خصرها هكي بتحوليها
سناء.. تشوف ف عيون أدم وقاعدة تحس بالنفس متاعه قريب منها وحاسة روحها متخدرة
أدم.. نسأل فيك هكي يحولو فيها
سناء.. ايه
أدم.. تحسابيني غبي عنكبوت ع وجهي وماحسيت بيه
سناء.. قدرة ربي تبي تعاندها
أدم.. زاد ضغط ع خصرها وقربها ليه أكثر شن ندير فيك توا
سناء.. بوسني قصدي سيبني
أدم.. هاتي بوسة نطلقك
سناء.. باهي
أدم.. عطاها خده
سناء .. قربت منه وعضاته
أدم.. رخاها ااااي ياكلبة
سناء.. ناضت من جنبه نبوسك صار يا منحرف ومشت عنه
أدم.. ااااااااه ع قلبي وخلاص
سناء.. طلعت وحاطة إيدها ع قلبها أشعر بأنني منظومة عرس
--------------------------------------------------
ف الصبح
سلمى.. انا بنمشي نعول مع جماعة العرس
إبتهال.. تمام انتي بري توا باش نحنا نمشو بعدين
سلمى.. ردبالك من الحوش
ابتهال .. إن شاء الله
-------------------------------------------------
أدم.. أول مافتح عيونه وهوا يفكر ف سناء ولقطة الليل انا معاش قادر لازم نعترفلها
إبتهال.. كيف جاية بنوضك
---------------------------------------------------
الدكتور.. وضعه اليوم أحسن تقدر طلعه
أحمد.. شكرآ دكتور بارك الله فيك
----------------------------------------------
سناء.. انا اليوم لازم مانتلاقى مع أدم لأي سبب من الأسباب
رواسي.. خيرك اليوم مش عاجبتني
سناء.. ديري أحزنني وناضت عنها
أسماء.. مش من عوايدها صح
رواسي.. كان ماتفكر دير مصيبة
أسماء.. خلي نفتح الباب
رواسي.. زعما من جايكم ع الصبح
أسماء.. مش عارفة ومشت فتحت اووووو مريوم
مريوم(بنت خالت اسماء) أهلين وحضنتها وقعدو يسلمو
إبتهال..ههههههه الخطة وصلت
أسماء.. تفضلي
مريوم.. وينكم ياصغار خالتي العافنين
سناء.. اني أشم رائحة زيت شكلها الخوميرة
إبتهال .. نورتي وسلمت عليها وقعمزو ف الصالة
أدم.. طلع او مشفشفة شن الجو
مريوم.. بدلع ادم معاش تقولها
إبتهال.. سناء ياسناء تعالي
سناء.. جت وماتبيش تشوف لأدم
مريوم.. هدي سناء
سناء.. وإنتي قاعدة مريوم ماغيرتيش لمرسنة نيهههههههه ومدتلها يدها
أدم.. مش قادر يحول عيونه من عنها
مريوم.. أدم خيرك ساكت مش من عوايدك ومساكته من يده تعال إحكيلي شن جديدك ورفعاته
سناء.. الحيوانة الكبيرة وشافت لإبتهال حالة فمك ورفعت خوك من جنبك مش عارفة إن الشيطان ثالت زوز مع بعضهم لين يضيع شرفكم باش تفيقو
إبتهال .. تضحك
سناء.. اضحكي لما يطيح الفاس ف الراس حتى أشرف ولد عمك مش حايغطي عاركم
رواسي.. باهي انتي شن واجعك
سناء.. الغدد
إبتهال.. غمزت لرواسي
أسماء.. هيا نكملو شغلنا باش نلهو ف رواحنا يادوبك نلحقو
إبتهال.. اي
--------------------------------------------------
أحمد.. رجع للحوش
بتول.. كانت راقدة
رتاج.. جت تجري بابا نحنا جيعانين
أحمد.. وأمك وين
رتاج.. راقدة وامس ماطيبتلنا شي
أحمد.. دخلي خوك للدار ومشى لبتول وبعياط بتول
بتول.. أحمد معاش تعيط
أحمد.. نوضييييييي راقدة وولدك ف المستشفى راقدة وولادك جعانين راقدة وريحة الحوش جيفة تقلب
بتول.. نفسيتي مدمرة خليني ف حالي
أحمد.. قرب منها وعطاها طريحة ياتتعدلي وتمشي ف الطريق ياتقلبي وجهك لحوش ناسك وتوا نجيب سيدت سيدتك تحركي ديري فطور لصغارك بسرعة
بتول.. خافت من أحمد الجديد ومشت تجري للمطبخ
--------------------------------------------------
البنات.. كانو لاهيات ف الحوش الا سناء كانت تراقب ف أدم ومريوم من بعيد
سناء.. طلع حتى هوا يموت ف الخوميرات ومشتلهم نوضي يبوك البنات
مريوم.. انا ووقفت ماتبعد بعيد راجعتلك
أدم.. تمام
سناء.. وانت لاصق ف البنات ماعندكش حمامات تحلبهم عمل اديره
أدم.. وانتي شن واجعك ولاغيرانة منها
سناء.. عليك انت ان شاء الله استغفر الله العظيم ومشت عنه
أدم.. يضحك ماقالت لا معناها تغار
----------------------------------------------
إبتهال.. تعالي نسشورلك يارواسي بالوسع
مريوم .. يابنات نبي نقص قصتي
سناء.. هاتي نقصلك
مريوم.. تعرفي
سناء.. ياسلام
مريوم.. تمام
سناء.. شن رايك نديرلك حتى قناع يخلي بشرتك وردية
مريوم.. مش حانقول لااااا
سناء.. تمام تعالي للدار التانية احسن هنا زحمة وطلعو
رواسي.. لحقي ع بنت خالتك
إبتهال.. خليها تستاهل أصلآ مانحبها والى نبوه عرفناه
أسماء .. يعني سناء تحب أدم
إبتهال.. الحب هذا بتشوفوه ع وجه مريوم
سناء.. انتي أقعدي هنا توا ندير الخلطة ونجيك
مريوم.. تمام نمشي نكسد مع أدم لين تكملي
سناء.. راهو ادم فيه الجرب معاش تقربيه تجيك العدوة وهما داسين الموضوع
مريوم.. حق ياحرام
سناء.. اي والله وبصوت واطي الا نكدب توا نجيك وطلعت للمطبخ جابت كركم متع الأكل وطلعت كريم الجلوسيد من جيبها والعكر الفاسي اليوم حاتولي الحربة الملونة نيههههههههه وخلطتهم مع بعض
أدم.. إحم إحم
سناء.. شافت وراها
أدم.. شكلك ديري ف خلطة للجرب
سناء.. ااااا الجرب ليش
أدم.. نسمع فيك أنا
سناء.. وانت ليش تسمع تستاهل حول عن الباب
ادم.. وكان مش محول
سناء.. عمي حكيم جيت
ادم.. شاف وراه
سناء.. طلعت من تحت يده وشافتله نيهههههههههه ومشت
أدم.. كان نشدها بس
------------------------------------------------
خولة.. انت جيت
سند.. كان جايب فلوس الفيزة
خولة.. ضحكت
سند.. خيرك
خولة.. دكرت سناء وهيا تعيط ع حصتها
سند.. جاي ف الطريق ودكرت السنة الى فاتت لما قاتلي عطيني نتصور معاها بس
خولة.. ماتعرفش انك تلقط ف حصصهم وتاخدلهم ف قطاعي أرض باش تضمن مستقبلهم
------------------------------------------------
مريوم.. حاسة انك قصيتيها هلبة
سناء.. ردبالك تفتحي عيونك يخشلك القناع ف عيونك
مريوم.. باهي
----------------------------------------------------
أحمد.. نطلع ونجي ونلقى الريحة هدي مهناش ف الحوش تسمعي
بتول.. هزت براسها
أحمد.. طلع وقربع الباب
--------------------------------------------------
مريوم.. خلاص بنمشي نغسل
سناء.. بري هي درنا ساعتين
إبتهال.. جتهم ونخلغت من منظر مريوم وطلعت تجري حي يابنات ردتها كارته
مريوم.. غسلت وجها وشافت للمراية وقعدت تعيط
سناء.. نيههههههههه نبهرت بالنتيجة
أدم وأنس .. جو يجرو خيركم شن فيه
مريوم..طلعت من الحمام وهيا تبكي
كلهم.. نصدمو كان وجها خليط بين الأحمر والأصفر وقصتها مقصوصة هلبة ليش ياسناء درتي هكي كيف بنمشي للعرس
سناء.. عادي تنحي العين
مريوم.. بعياط الحق فيا وثقت فيك
أنس.. يضحك
إبتهال.. خلاص مريوم تعالي معاي توا ندورو حل ورفعوها للدار
سناء.. واقفة
أنس.. منورة ههههههههه
سناء.. بصوت واطي اسسسس توا يسمع الشيطان ومايصدق
أنس.. هههههه والله انتي جو ومشى
أدم.. يشوفلها ممكن تفسير
سناء.. ماعنديش صرف
أدم.. ليش درتي هكي مش حرام عليك
سناء.. لا مش حرام وانت ليش دافع عليها
أدم.. ليش درتي هكي
سناء.. كساد
أدم.. تكلمي باهي والبصارة أقطعيها ليش درتي هكي
سناء.. مادخلك
أدم.. تحبيني
سناء.. لا
أدم.. أحسن لأنى اليوم بنعترف لمريم انى نحبها
سناء.. عيونها تعبو دموع وقعدت مصدومة
-----------------------------------------------
بتول.. نظفت الحوش ولقت الجلود وبخرت ودارت الغداء
أحمد.. رجع للحوش ولقى كل شي مرتب وف خاطره كان المفروض من زمان ندير هكي
---------------------------------------------------
فات اليوم والبنات يوتو ف روحهم وقعدت سناء تراجي ف دورها
أدم(بشخصية فيصل)خيرك اليوم مش عاجبتيني
سناء.. أنا بروحي مش عارفة حاسة إنى سيفون ف حمام واحد بكستاني
أدم.. بالك تحبي يابنت
سناء.. هوا الحب يوجع هكي
أدم.. أكيد
سناء.. معناها انا نحب أدم
أدم .. فرح ومنو أدم
سناء.. ولد عمي
ادم.. إحكيلي كيف وشن تحسي
سناء.. ديما نبي نشوفه ولما نشوفه نفرح واليوم ماتحملت انه يحكي ويبصر مع غيري وحسيت انى بننفجر وتوا أنا حزينة لأنه طلع يحب بنت خالته
أدم.. ههههههه غبية وهذا كله وماحسيت انها تحبني باهي شن رايك نتزوجك ونسيك فيه
سناء.. اي فكرة حلوة لأنى متأكدة حانتعافى من كلمة مبروك وربي يعقد عسلكم وشورك ع الصلاية ديما حصلتي سمح التبسيمة
أدم.. هههههههه
إبتهال.. هيا دورك يابنت
سناء.. نحكو بعدين باي
-----------------------------------------------
صالح.. يما انا حددت الموعد نهاية الشهر
إيناس.. ربي يتمملك ع خير ياولدي
------------------------------------------------
الساعة8.30
رواسي وأسماء.. محلاك سناء
سناء.. كانت لابسة قفطان وردي للركبة ومنفوخ ومن فوق كت وشعرها مفتوح ودارتلها ابتهال قصة ومكياج هادي وماشي معاها
رواسي.. الصلاة ع النبي وين كنتي داستيه هذا
سناء.. هذا كله كان لراجلي لكنه عطل وفاته السو
أسماء.. اليوم كلهم بيدوروك لخوتهم ولولادهم
إبتهال.. وين مريوم حقا
اسماء.. نسيت نخبركم روحت
سناء.. ودرا
إبتهال .. هيا ألبسو عبايتكم توا نجي نكلم أدم
سناء.. تشوف لروحها ف المراية هذا هكي وبديت سندريلا امالا كان لبست الفيلو كيف
رواسي.. صوروني بنوري لصالح
سناء.. صوروني حتى انا ووريه باش يندم لأنه ختارك
إبتهال.. سناء تعالي معاي للمخزن كلموني جماعة العرس ويبو طنجرة كبيرة
سناء.. عمي وين
إبتهال.. مافي حد إطلعي
سناء.. مشت معاها للمخزن
إبتهال.. خلت سناء تخش وصكرت عليها الباب
سناء.. ياحيوانة افتحي
إبتهال.. لمصلحتك
ادم.. طلعلها من ورا السكفارلي بس بس
سناء.. شافت وراها وهيا مستغربة
ادم.. طالعة تهبلي
سناء.. انتو عيلة منحرفة والإنحراف مبالغ فيه عندكم
أدم.. يشوفلها من فوق للوطة وين كان الجمال هذا
سناء.. واخد اجازة وضع افتحلي الباب بنطلع
أدم.. حتى انا زي زيك محبوس
سناء.. هيا إبتهال غالطة بدل مريوم جابتني انا
أدم.. لا انا قلتلها تجيبك إنتي
سناء.. ليش
أدم.. عشان نسمع منك
سناء.. شن بتسمع
أدم.. إنك تحبيني
سناء.. ومن قال اني نحبك
أدم.. انتي قلتي
سناء.. كذب ماقلت شي
أدم.. قلتي لفيصل
سناء.. نصدمت مش انا
أدم.. قرب منها وباسها من فمها
سناء😳😳
أدم.. قوليها
سناء.. لااااا
أدم.. باسها مرة تانية
سناء.. شافتله
أدم.. هيا قولي ولاتبي الثالتة
سناء.. قول انت نقول
أدم.. انا نحبك نحبك نحبك
سناء.. حتى انا ثلاتة مرات
أدم.. حط ايديه ع وجها قوليها
سناء.. نحبك
أدم. ااااااه وأخيرآ بهدلتيني يابنت وحضنها
سناء.. كانت عايشة ف عالم تاني ومش مصدقة ان وأخيرآ لقت فارس احلامها يعني نصيبها كان جنبها وقريب عليها بس هيا قعدت دور فيه بعيد لكن ف الأخير لقاته ماتستعجلو النصيب لأنه كل متأخر كل ماكان خير ليكي إنتي ومتخافيش من كلمة عانس ممكن تكوني عايشة أحسن من 100 وحدة متزوجة الأبيض حاتلبسيه بس لازم يكون للشخص الصح الشخص الى حايحبك ويحترمك ويصونك ويقدرك ويخاف عليك للشخص الى مش حايفرط فيك وحايوقف معاك ويساندك ويشوفلك بنظرة فخر وربي يرزق كل بنت بولد حلال يحبها من غير مقابل ومن غير شروط 
-----------------------------------------------
بعد مرور سنتين
أدم.. يلعب ف البوبجي
سناء.. بطنها قدامها أدم غمض عيونك وأفتح فمك
أدم.. نلعب مش توا
سناء.. والله نزعل وولدك يجي متشوه
أدم.. صكر الهاتف وغمض عيونه هييييي
سناء.. حطتله فازلين ف فمه
أدم.. هذا شنو
سناء.. فازلين نيهههههههههه
ادم.. يافرخة وقعد يمسح ف لسانه ف تشيرته
تزوجت سناء وأدم وأخيرآ
صالح ورواسي تزوجو مع أدم وسناء ودارو عرس كبير وجت حتى أختهم امينة وحضرت وسند هداهم قطاعي الأرض الى كتبهم بأساميهم
بتول.. تعدلت بعد معاملة احمد الجديدة ليها وبدت تغسل ف الكرشة نيههههههه واحمد بدا يحب خواته ويحترم فيهم
خولة وسند .. مكسدين بروحهم وطلع إسمهم ف القرعة متع الحج وطبعآ ماشيين بفلوس الفيزة 😂😂
ابتهال.. تزوجت أشرف وسناء ديما لابستها بيه
اسماء.. تزوجت واحد تعرفت عليه من النت
-------------------------------------------------
سناء.. ف المطبخ طيحت الطنجرة ااااااي
أدم.. جاها يجري خيرك ياحبي
سناء.. كدبت عليك نيههههههههه
ادم.. والله بتركبيلي السكر زعلت منك
سناء.. 🥺🥺نشوف فيك قاعد تحبني وتخاف عليا والا لا
أدم.. الفرخ هذا معاش مخليني نحضنك كيف مانخاف ع حبي وعمري
سناء.. حسبي الله ونعم الوكيل
ادم.. عليا انا
سناء.. لا ف كل وحدة تقول الزواج مش حلو
أدم.. ههههههه هيا تعالي ارتاحي حبي معاش تعبي روحك
سناء.. أرفعني
أدم.. بسم الله ووووه مرزنك
سناء.. تبوس فيه نحبك
أدم.. نموت فيك
النهاية

تحميل رواية نبى راجل كاملة pdf 

لتحميل الرواية : اضغط هنا 
هل اعجبك الموضوع :

تعليقات