رواية اغتيال برآة كاملة - روايات محمد مالك
في هذا المقال سنقرأ سويًًا رواية اغتيال برآة كاملة
للكاتب محمد مالك
الكاتب الروائي والشاعر وصاحب مدونة مالك الزعيم
قد اتحفنا الكاتب منذ أيام بـ رواية جديدة
تصصدر على صفحته على الفيس بوك
وبعد الطلبات الكثيرة التي جائت لنا
قررنا أن نضع لكم الرواية للقراءة كاملة على الموقع
لتسمتعوا بقراءتها.
عن رواية اغتيال برآة للكاتب محمد مالك
رواية اغتيال برآة هي الرواية الجديدة للكاتب
بعد مجموعة كبيرة من الروايات الناجحة
مثل:
- رواية عرض مجاني - الكاتب محمد مالك
- رواية ضحية ذئب وثعلب - الكاتب محمد مالك
- رواية تاجر العذرية - محمد مالك
وغيرها من الروايات المميزة
ولكن الأهم من كل هذا هي الرواية الجديدة
رواية اغتيال برآة
التي جلبتها لكم للقراءة
رواية اغتيال برآة كاملة مكتوبة للكاتب محمد مالك - الحلقة الاولى
↔
للكاتب المصري محمد مالك
جميع الحقوق محفوظة
مقدمة الرواية
انا برآة عز الدين مدرسة تاريخ ثانوي سني ٢٨ سنه خريجة كلية تربية جامعة القاهرة قسم تاريخ وعملت دراسات عليا بعد الكلية والحمد لله اخدت ماجستير بدرجة ممتاز مع مرتبة الشرف وحاليا بحضر ل رسالة الدكتوراه .. انا من اسرة متوسطة الحال بابا الله يرحمه كان موجه في التربية والتعليم وماما كانت موظفة بالشهر العقاري وحاليا بالمعاش .. عندي اخت واحدة اسمها سلمي بتدرس في كلية طب اسنان سنه تانية .. في يوم بالليل كان في رمضان بعد الفطار علطول كنا قاعدين انا وماما واختي بنتفرج علي التليفزيون وفجأة رن جرس الباب رحت افتح لقيت متولي ابن خالتي واقف ع الباب ومعاه بوكية ورد وكام علبة حلويات ولابس بدلة شيك اوي ولا كأنه عريس !! متولي ابن خالتي عنده محل كوافير كبير في المهندسين .. هو معاه دبلوم صنايع وسنه حوالي ٣٣ سنه .. بصراحة علاقتنا بيه مش اوي لأنه كان شقي جدا جدا وكان بيشاكل دبان وشه .. يعني بلطجي بس علي خفيف لدرجة انه اتسجن ٣سنين بسبب خناقة مع واحد عامله فيها عاهه مستديمه .. بس خالتي بتقول ان ربنا هداه بعد ما فتح محل الكوافير .. ما علينا .. المهم لما فتحت الباب لقيته بصلي وابتسم وقالي
متولي .. ازيك يا بنت خالتي ؟
برآة .. متولي !! ازيك عامل ايه ؟!
متولي .. زي الفل .. دا لما بشوفك بس .. ايه هتسبيني واقف ع الباب كدا مفيش اتفضل يا ابن خالتي ؟!
برآة .. اتفضل
الام .. مين يا برآة ؟
برآة .. دا متولي ابن خالتي يا ماما
الام مندهشة .. متولي !! تعالي يا ابني .. ايه اللي جابك بعد الفطار كدا علطول ؟! ايه امك جري لها حاجة ؟!
متولي يضحك .. هههههه .. لا متخافيش يا خالتي امي زي الفل وبتسلم عليكي كمان .. وبعدين لو امي جري لها حاجة هجيلك ومعايا بوكيه ورد ولابس بدلة شيك زي دي ؟!
الام .. طب الحمد لله .. اقعد يا متولي .. تشرب ايه ؟
متولي . هنشرب شربات ان شاء الله بس بعد ما اقلك انا جاي ليه
الام مندهشة من كلام متولي وتنظر ل برآة وبرآة تنظر اليها هي الاخري في دهشة.
برآة .. طيب بعد ازنكم انا عشان عندي مذاكرة
متولي .. لا استني يا برآة .. اقعدي من فضلك عشان الموضوع يخصك
برآة .. يخصني ؟!
متولي .. ايوا .. اقعدي وهتعرفي كل حاجة
الام .. خير يا متولي
متولي .. كل خير ان شاء الله يا خالتي .. بصي يا خالتي من غير لف ولا دوران ولا حتي مقدمات ملهاش لزمة .. انا طول عمري دوغري وصريح عشان كدا هدخل في الموضوع علطول
الام .. اتفضل
متولي .. انا جاي انهاردة عشان اطلب منك ايد برآة
الام مصدومة .. ايه !! تطلب ايديها ازاي يعني ؟!
متولي .. ايه يا خالتي في ايه ؟! مالك اتكهربتي ليه كدا ؟! اطلب ايديها يعني عايز اتجوزها علي سنة الله ورسولة
برآة تغضب بشدة .. ايه اللي انت بتقوله دا .. انسي الكلام دا خالص
متولي .. مش فاهم عدم لا مؤاخذة ؟!
برآة .. يعني شيل من دماغك فكرة الجواز مني دي خالص !! احنا ولاد خالة وبس
متولي .. وانا يعيبني ايه عدم لامؤاخذة ؟! انا الحمد لله معايا فلوس كتير اوي وعندي محل كبير في وسط البلد انتي عارفاه يا خالتي وكمان عندي شقة ملك ٢٠٠ متر في احسن حته في مصر واللي هتطلبيه انا موافق عليه
برآة .. بقلك انسي الموضوع دا خالص يا متولي لو سمحت
متولي .. طب انا عايز اعرف ايه سبب الرفض ؟! فيه حد تاني في حياتك عدم لا مؤاخذة ؟!
برآة .. لا مفيش .. والموضوع مش موضوع فلوس اصلا .. احنا فيه اختلاف كبير بينا في حاجات كتير اوي
متولي .. اها .. تقصدي عشان انا معايا دبلوم وانتي معاكي كلية !!
برآة .. يابني انا معايا ماجستير وبحضر كمان الدكتوراه .. يعني فيه فرق كبير بينا في التعليم دا غير انك ...
متولي .. اني ايه يا بنت خالتي ؟!
برآة .. دا غير انك رد سجون وانسان عايش حياتك بكل همجية وتطفل
متولي .. عاجبك الكلام اللي بتقوله بنتك دا يا خالتي ؟!
الام .. والله يا متولي دي حياتها وهي حره فيها
متولي .. اها .. جينا بقي للكلام اللي يضايق بجد .. طب اسمعي يا خالتي انتي وبنت خالتي .. برآة مش هتتجوز حد غيري .. فاهمين ؟! وهاسيبك اسبوع تفكري وتردي عليا .. يا اما تقولي اه انا موافقة اتجوزك يا ابن خالتي .. يا اما تقولي لا يا ابن خالتي معلش اصل انا مش ناوية اتجوز خالص .. دي الحالة الوحيدة اللي انا ممكن اسكت فيها .. لكن انك تتجوزي حد غيري انسي يا برآة .. دا انا اولعها نار واقلبها جحيم .. فاهمين ؟؟.. وانتوا عارفين متولي ممكن يعمل ايه !! سلام يا بنت خالتي .. سلام يا خالتي
وبعد ان ينصرف
برآة .. سامعة المتخلف دا بيقول ايه ؟! قال جاي يتجوزني قال !!
الام .. بس مكنتيش يا بنتي جرحتيه بالشكل دا !! كان ممكن نرفضة بطريقة احسن من كدا
برآة .. احسن .. عشان يعرف قيمته كويس .. دا صايع !!
وتمر الايام وتلتقي برآة بالشخص المناسب الذي تمنت ان يكون شريك حياتها انه مدرس مثلها يدعي طارق كان يعمل في السعودية ثم عاد الي ارض الوطن ليعمل بنفس المدرسة التي تعمل بها برآة وتعرف عليها ونشأت بينهما علاقة حب حتي قررا ان يتزوجا وهنا بدأت المشكلة .......؟؟!!!
الرواية في قمة الاثارة والمتعة .. ولن تصل الا للمتابعين علق بعشرين ملصق واعمل مشاركة في ٣ مجموعات عشان توصلك الرواية كاملة .. تحياتي ملك الروايات .. الكاتب والسيناريست المصري محمد مالك.