رواية انا يا سلفتي كاملة - كوكي سامح

رواية انا يا سلفتي كاملة - كوكي سامح

رواية انا يا سلفتي هي رواية للكاتبة كوكي سامح 
من الروايات الإلكترونية التي تُعتبر واحده من أبرز وأشهر الروايات
في الفترة الأخيرة
وأكثرهم بحثًا في مُحرك البحث الأمريكي جوجل 
بالطبع نحن نعرف كوكي سامح و رواياتها التي تحدثنا عنها في أكثر من مناسبة سابقه

روايات مميزة للكاتبة كوكي سامح 

ولها عدد كبير من الروايات المميزة مثل:

عن روايات كوكي سامح 

وجميع هذه الروايات حققت نجاحًا كبيرًا جدًا وكانوا من أبرز الروايات في الوطن العربي
في وقت صدورهم 
والآن حان الوقت لرواية جديدة مميزة 
وهي رواية أنا يا سلفتي
رواية انا يا سلفتي كاملة - كوكي سامح

عن رواية أنا يا سلفتي 

رواية أنا يا سلفتي رواية إجتماعية مكونه من عدد من الفصول 
منشوره بالشكل المُتعارف عليه للرواية الإلكترونيه 
على شكل فصول وحلقات ليست بشكل مُباشر مثل الروايات الورقية
ويتابع الرواية عدد كبير من القراء بشغل كُل يوم 
مما يجعلها واحده من أكثر الروايات شعبية وتشويقًا في الفترة الأخيرة
وبالطبع كما نفعل دائمًا جلبنا لكم رابط قراءة رواية أنا يا سلفتي كاملة 
 

تقيم رواية أنا يا سلفتي 

رواية أنا يا سلفتي هي رواية إلكترونيه اجتماعية 
لها نفس الطابع الرائع لروايات كوكي سامح المُمتعه
فبالتأكيد إذا كُنت من جمهور الكاتبة 
ستستمتع جدًا بقراءتك للرواية
أما عن تقيمنا للرواية فهو 9.5 من 10 درجات.

رواية أنا يا سلفتي الحلقة الأولى كاملة للكاتبة كوكي سامح 

رواية أنا يا سلفتي الحلقة الأولى 1 - كوكي سامح

رواية أنا يا سلفتي الحلقة الأولى 1 - كوكي سامح

لقراءة رواية انا يا سلفتي كاملة : اضغط هنا 

رواية أنا يا سلفتي الحلقة الأولى كاملة مكتوبة - كوكي سامح

كل يوم اقوم ع نفس الكابوس المزعج انى عروسه من غير عريس مع انى متجوزه النهارده سبوع سلفتى وكلنا متجمعين والكل فرحان ومبسوط بالنونو الجديد إنما أنا مبخلفش والنار قايده جوايا🔥كلهم بيعايرونى وأولهم سلفتى منها لله مقويه حماتى عليه وخصوصا ان جوزى مسافر والكل جاى عليه علشان مبخلفش مع انها حكمه ربنا انا مش عارفه الناس دى نوعها ايه ده محدش لى فى نفسه حاجه وانا واقفه لقيت حماتى بتقولى وايدها ع كتفى شدى حيلك يا شوق عاوزين نفرح بعوضك بصتلها وعينى كلها غيظ من كلامها وقولتلها لما احمد يرجع بس يا ماما شالت ايدها من عليه وقالت هاتو الغربال وفعلا مسكت الغربال وهى بتبص ليه وقالت اسمع كلام امك واسمع كلام ابوك وفضلوا كلهم يضحكوا وانا قلبى بيعيط من جوه لقيت سلفتى العقربه شالت ابنها وقالت خودى يا شوق شليه وادعى بس بتتعوج وقالت يمكن ربنا يديكى رددت حماتى وقالت والله مفيش فايده وكلهم قعدوا يضحكوا😒 


وبيدسوا عليه لمجرد انى مش بخلف لقيت نفسى خرجت بره وجسمى بيرتعش وحسيت انى مرهقه وسند بإيدى ع الباب وهما كلهم جوه مبسوطين وحسيت ان التفكير هيموتنى وطلعت ع شقتى وفتحت الباب وقفلته وحسيت بصوت بيكلمنى ويقولى اشمعنى انتى اللى مبتخلفيش اتجننت وبقيت ادور فالشقه هو فى ايه بالظبط انا ايه اللى بيجرالى انا حاسه انى جسمى بيتكتف وكأنى حد ربطنى انا مش عارفه اتحرك وبقيت اكلم نفسى وقولت دى اوهام وقومت من مكانى وقولت انا هنزل السبوع احسن انا لو قعدت لوحدى هتجنن وقومت دخلت الحمام وغسلت وشى ونزلت السبوع وكلهم مبسوطين وانا تعيسه من جوايا من جرحهم ليه ومن كلامهم الجارح ولمحت بعينى شريف اخو جوزى واقف يبص عليه اوى ولأول مره احس ان عينه منى لقيت نفسى جسمى متلج وصوت رجع تانى بس المره دى جوايا وبيقولى اخو جوزك قدامك اهو خودى حقك ما مراته العقربه بتعايرك انك مش بتخلفى خوديه منها علشان تحس بالقهر زى ما قهرتك وقولت فى سرى اعوذب بالله من الشيطان الرجيم ايه اللى بفكر فى ده.. ده لو حصل فيها خراب بيوت ووقفت مكانى واتسمرت ولقيت سلفتى بصوت واطى وبتقولى انتى عمرك ما هتشيلى انتى ارض بور خلى بالك انا جبت عروسه لجوزك وحماتك عارفه؟ بس انا قولتلها شكرا والف مبروك مقدما

أميره : شوق انتى جبله مزعلتيش

شوق : وازعل ليه انا هطلق..

وقولت فى سرى انتى اللى خربتى ع نفسك...



رواية أنا يا سلفتي الحلقة الثانية كاملة مكتوبة لـ كوكي سامح


قولت فى سرى انتى اللى خربتى ع نفسك... بس اميره سلفتى قالتلى انتى عاوزه تتطلقى يا شوق قولتلها اه علشان جوزى يتجوز ويجيب حتته عيل علشان تفرحوا بيه وتعملوا سبوع حلو زى ده مش انتى خلاص شوفتى عروسه؟ وحماتى جت واحنا بنتكلم وبرضه مش مبطله وقالت تعالى يا أميره كلمى اشرف جوزك يا ست الستات وانا النار بتغلى جوايا وخلاص ع كده انا الشيطان لعب فى دماغى خلاص وبيقولى خودى حقك خودى جوزها منها وساعتها هى هتتقهر وتتلم اما بالنسبه لأحمد جوزى مش فارقه كتير ع طول مسافر وانا اللى عايشه فى غلب ومعايره هنا
اشرف : مالك واقفه لوحدك كده ليه يا شوق
شوق : واقفه بتفرج ع سبوع
اشرف : عقبالك
شوق : يارب ❤️ اتمنى اخلف ولد من راجل زيك يبقى من ضهر راجل
اشرف : عارفه انتى طول عمرك حلوه
شوق : بجد ☺️ بس احمد ع طول سايبنى ومسافر وانا محتاجه لراجل فى ضهرى انا لوحدى فالدنيا دى 😒 ومليش حد حتى أمى مش بتعرف تزورنى من حماتى أصلها صعبه ما انت عارف
اشرف : انا فى ضهرك وزى اخوكى يا شوق
شوق : اخويا بس انت اكتر من اخويا
اميره : مالكم فى حاجه انتوا واقفين كده ليه
اشرف : مفيش واقف مع مرات اخويا
اميره : مرات اخوك اه طيب ادعلها نشوف عوضها لحسن خلاص امك جابت آخرها خلاص وشافت عروسه وانت عارفاها كويس
وأشرف اتحرج قدام شوق ومسك اميره من دراعها وقال تعالى ايه اللى بتقوليه ده
اميره قالت بصوت مسموع وشوق سامعه كل حاجه وقالت دى مبتخلفش وجوزها طفشان منها علشان مش عارفه تجيب حته عيل ده القطط بتخلف لامؤاخذه وهى مش عارفه هههههههههه
اشرف : ايه الكلام ده بطلى جهل دى حكمه ربنا يا شيخه واسكتى لا تسمع حرام عليكى
اميره : ده جبله وقال بتقول هطلق يلا فى داهيه
اشرف : هتسكتى ولا هقلبها عليكى
اميره : خلاص متزعلش تعالى شوف ابنك علشان تعرف انى ست الستات
اشرف : ابنى عبدالله وبنتى منه ربنا يبارك فيهم
اميره : يارب ولسه ولدين كمان
اشرف : لا حولا ولا قوة الا بالله قولى يارب عن اذنك هشوف المسكينه دى سمعت ولا لا وفعلا اشرف خرج وشاف شوق واقفه وقالها شوق ادخلى جوه
شوق : انا طالعه شقتى بس ليه طلب عندك القولون عندى ملتهب وفى برشام مش لاقياه ياريت تدور عليه ولو لقيته انا فوق فى شقتى
اشرف : حاضر نخلص من الليله دى وعنيه ليكى يا ست الكل
شوق : ربنا يعزك وتليفون شوق رن وقالت عن اذنك يا اشرف انا طالعه وفعلا طلعت ورددت ع التليفون وكان احمد جوزها وكان بيطمن عليها وقفلت معاه وفضلت تبص لحيطان الشقه ودخلت اوضه الأطفال وقالت انا كلفت نفسى وعملت اوضه أطفال ليه علشان مخلفش وكمان اتعاير ع حاجه مليش يد فيها ع رأى أميره سلفتى دى القطط بتخلف بس انا لأ 😭
وقامت شوق فتحت شباك اوضه النوم وقعدت ع الارض وقالت هو ده ظلم يارب اشمعنى انا مخلفش ومفرحش انا تعبت خلاص بس انت قولت العين بالعين والبادى أظلم وانا هفترى وهاخد حته منها هاخد اشرف منها اما احمد هطلق بس احرق قلبها وقلب حماتها عليها ست الستات بتاعتها انا هوريهم العقارب دول وتليفون شوق رن وقالت دى فاطمه صاحبتى ورددت ع طول وقال فاطمه وحشتينى
فاطمه : مال صوتك ي شوق ايه ده انتى بتعيطى
شوق : مضايقه شويه تعالى عاوزه اقعد معاكى شويه
فاطمه : حاضر هلبس واجيلك الساعه لسه 9 بس مش هتأخر
شوق : تعالى انا مستنياكى
وشوق قفلت مع فاطمه ومستنياها علشان تقعد معاها
وشوق قالت ايه ده نفس الصوت وحطت ايدها ع ودانها وقالت صوت غريب ده جوايا وكل مره يقولى خودى جوزها خودى حقك بس المره دى شوق قالت انا هاخده وهخليه خاتم فى ايدى وهخليها تتعذب وتتقهر
وعدت ربع ساعه وجرس الباب رن وشوق قالت اكيد فاطمه وفعلا كانت فاطمه صاحبتها
فاطمه : مال القمر مضايق من ايه اوعى تقولى مسأله الخلفه والعيال ده امر ربنا يا حبيبتى
شوق : 😭 مفيش غيره انا بتذل كل يوم يا فاطمه من حماتى وسلفتى كأن مفيش ست غيرها خلفت تصورى سمعتها بودانى بتقول لأشرف جوزها ان القطط بتخلف يعنى ايه حسبى الله ونعم
فاطمه : هى البت دى مش هتسكت انا قولتلك كذا مره واقفيها عند حدها فى ناس كده بتيجى بالعين الحمرا إنما الطيبه بتاعتك دى متجيش معاها
شوق : انا عاوزه اتكلم معاكى انا قررت اتطلق وهاخد منها النعمه اللى هى فيها واتجوز اشرف وخلى حماتها تنفعها بقى
فاطمه : تطلقى يا مصيبتى لا لا
شوق : مفيش حل غير كده
فاطمه : لأ فى حل وحل هيجيب من الاخر
شوق : هو ده اللى فكرت فيه انا مقهوره لازم اقهرها واقهر حماتها خرابين البيوت انتى ناسيه انها بنت اختها علشان بتحبها إنما أنا غريبه
فاطمه : اسمعى منى وحياه امها الغاليه لا اخليها تندم ع كل دقيقه ضايقتك فيها
شوق : 😭😭😭😭😭
فاطمه : احنا نخليها تتجنن وتتدخل مستشفى المجانين ولما تتجنن تبقى لا تصلح أم وتاخدى عيالها تربيهم وكده حماتها مش هيبقى ليها عين وانتى اللى هتربى العيال وده غصب عنهم كلهم وساعتها انتى اعملى الغلبانه الطيبه وخودى العيال وقولى بأعلى صوتك دى مجنونه
شوق : طيب وهنجننها ازاى
فاطمه : هقولك يا عين وقلب صاحبتك هو مش جنان جنان بس هخليها تعض الارض انتى عارفه انى بقف فى صيدليه فايز اخويا وافهم فى انواع البرشام هجبلك برشام هلوسه......

رواية أنا يا سلفتي الحلقة الثالثه والرابعه كاملتان

وهجبلك برشام هلوسه وشوق قالت لفاطمه صاحبتها بصوت واطى يخربيتك برشام هلوسه والله هى تستاهل اكتر من كده بس اخاف حد يعرف حاجه دى تبقى مصيبه رددت فاطمه وقالت ما انتى كنت ناويه تاخدى جوزها منها وتطلقى مكنتش مصيبه يعنى لو خايفه بلاش
شوق : انا مش خايفه دى بتقهرنى يا فاطمه ربنا ما يوريكى سمها هى وخالتها
فاطمه : خالتها مين اه اه حماتك العقربه معلش نسيت 🤣 المهم اسمعينى كويس علشان كل اللى هقولوا مش هعرف اتلكم فى تانى عاوزاكى تقعدى معاها وقت طويل 🤭 مع انى عارفه انك مش بطيقها من كلامها السم بس استحملى لحد ما تغور فى ستين داهيه وبعدين خودى بنتها فى حضنك ع طول خليها تاخد عليكى
شوق : ماشى هعمل كده
فاطمه : شوق لازم تنفذى مش ماشى وخلاص
شوق : بقولك انا مقهوره هنفذ متقلقيش ما انا عارفه ان ده كله علشان مصلحتى
فاطمه : انا هجبلك البرشام من ورا اخويا فايز وخلى بالك محدش يعرف حاجه ولما اجبلك البرشام حطيه فى شاى او فى اى حاجه تكون دافيه علشان يدوب بسرعه وهى متحسش بيه لأن مع الوقت مش هتحس بنفسها وبأفعلها
شوق : مينفعش تاخده كله ونخلص مره واحده علشان انا هعملها كل شويه شاى كده تشك فيه
فاطمه : بطلى غباء مش كل شويه فاليوم مرتين وبعد كده هقولك تزودى الجرعه المهم تتجنن وتروح مستشفى المجانين وتاخدى عيالها وترتاحى من قرفها ويبقى كده ضربتى عصفورين بحجر واحد اخدتى ولادها وبقيتى مقام امهم وهيتربوا فى حضنك وتعوضى حرمانك من الخلفه وكمان من غير طلاق لأنهم غصب عنهم كلهم انتى اللى هتربيهم وانتى الحنينه عليهم بعد امهم وكمان هيتعلقوا بيكى وبرضه خلصتى من سلفتك العقربه وحماتك مش هيبقى ليها عين تتكلم معاكى اولاً علشان بتربى عيال ابنها وعيال بنت اختها المجنونه اللى عرتها قدام ابنها وهتخلصى من قرفها ثانيا بقى وده الأهم انها ياما هزقتك هى وبنت اختها وعايروكى وفالأخر بتربى عيالها يعنى انتى كده بطله يا بت 🤭😍😅
شوق : ياريت اتمنى اخلص من كل ده وارتاح ليه يارب انا مخلفتش زى اى ست مكنش حصل كل ده ياما اتهانت واتعايرت عندك حق فى كل كلمه يا فاطمه
فاطمه : عارفه يا شوق انتى أجمل بنت فالمنطقه كلها
شوق : جميله بس انتى عارفه انا متعلمتش انا جاهله حتى فالكتابه والقرايه ع قدى كان نفسى اتعلم الجهل وحش اوى
فاطمه : ما انا قدامك اهو خدت ايه من التعليم واقفه فالصيدليه مع اخويا فايز ولا راجل بص فى وشى مش عارفه ليه 😁🤔
شوق : مش عارفه ليه يا فاطمه يا بت احنا متربين مع بعض العيب فى اخوكى فايز المنطقه كلها بتاخد من عندى برشام ومخدارات ومبوظ شباب المنطقه
فاطمه : كذا مره اتلكم معاه وقولوا كفايه احنا مش بنكسب شويه بس وحياتك ولا بيسمع ليه ولا حتى لأمى
شوق : يلا بقى قومى علشان محدش يعرف انك عندى وحماتى تشوفك وتحس بحاجه
فاطمه : انا عارفه مبتقبلنيش والله ولا انا كمان من القلب للقلب
شوق : النهارده كلهم مشغولين ومش فايقين مشغولين بالمولود الجديد علشان كده قولتلك تعالى المهم يلا انزلى وانا هنزل وراكى اخد البرشام
فاطمه : لا مش دلوقت انا بكره هتصل بيكى واقولك تيجى تاخديه انا هقوم سلام يا حبيبتى
وقامت شوق وفتحت باب الشقه لقت فى وشها اشرف اخو جوزها وقالها ايه ده انتى رايحه فين يا شوق وكمان فاطمه هنا ازيك يا انسه فاطمه
فاطمه : الحمد لله بخير عن اذنكم بقى انا ماشيه يا شوق سلام
وفاطمه مشيت وسابت اشرف واقف مع شوق
وأشرف قال لشوق انا ملقتش برشام القولون اللى انتى عاوزه
شوق : برشام ايه يا اه اه اه ما هى كانت فاطمه هنا وكان عندهم فى الصيدليه وجابته
اشرف : طيب كويس بس ابقى خلى بالك من البنت دى سمعه اخوها مش حلوه
شوق : دى صاحبتى الوحيده مقدرش ابعد عنها وبعدين دى مش بتيجى خالص غير كل سنه مره وبعدين كتر الف خيرها جت وجابت البرشام لما عرفت ان القولون مموتنى ربنا يسترها
اشرف : اللى تشوفيه يا مرات الغالى انا هنزل والف سلامه عليكى
شوق : الله يسلمك و
وأشرف نزل ع شقته
وشوق قالت فى سرها خلاص بقى مع انى كنت راسمه عليك انت علشان اققهرها بس فاطمه غيرت خطتى خالص بس البت فاطمه دى دماغ حلوه 😘 يااااه بعد ما كنت مقهوره ومضايقه حاسه انى مبسوطه لمجرد بس ان سلفتى اميره تمشى من البيت بس هى اللى عملت كده من معايرتها ليه وكل شويه فالرايحه والجايه تعايرنى انى مش بخلف ياااه عدم الخلفه ده كسره بجد 😭 وبالذات مع الناس اللى زى حماتى وسلفتى العقارب منهم لله انا حاسه انى جعانه قوى انا حتى مأكلتش حاجه فالسبوع من كتر الزن والقرف لما ادخل المطبخ اعملى كوبايه شاى باللبن وسندوتش وفعلا شوق دخلت المطبخ وعملت الشاى وسندوتش ودخلت اوضه نومها وفتحت التليفزيون وتاكل وتشرب الشاى وراحت فالنوم
وفى صباح اليوم التالى شوق صحيت ع نفس الكابوس المزعج وقالت ايه ده نفس اعرف تفسير الحلم ده بس ده مش حلم ده كابوس ومزعج كمان وقامت لبست هدومها ونزلت وهى نازله عدت ع شقه حماتها وشافت اميره قاعده عندها..
اميره : رايحه فين يا ام شوق لا لا معلش يا شوق
شوق : نازله رايحه عند أمى أصلها تعبانه شويه
أميره : عارفه يا شوق اصل حضن العيل بالدنيا طول الليل وانا نايمه وفى حضنى عبدالله ومنه يا مش عارفه من غيرهم كنت هعمل ايه يا لو كنتى عندك عيال مكنتيش فكرتى فى احمد جوزك خالص سافر بقى ولا قاعد 🤭 اصل العيال تحسى كده انهم بيزهقوا من كتر دوشتهم
شوق : صدقينى حضن الراجل بالدنيا وربنا يباركلك فى جوزك وعيالك 🤭😅
وشوق قالت فى سرها انتى فعلا تستاهلى اللى هعملوا فيكى حتى حضن عيالك خساره فيكى
شوق : هاتى عبدالله كده
وشوق اخدت الولد ع ايدها وقالت فى سرها بكره تبقى ابنى انا وانا اللى هربيك ومش هتقول لماما لغيرى
وقالت عبدالله شبهه عمه بالظبط 😉 سبحان الله
اميره قالت بغيظ اه فعلا 😁
شوق : انا نازله
اميره : مش هتستأذنى من خالتى اه قصدى من حماتك
شوق : انا عارفه انها نايمه ابقى قوليلها مع السلامه علشان هتأخر وع فكره هبقى اسلملك ع ماما
اميره قالت بغيظ يلا تروحى ما ترجعى
وشوق نزلت بسرعه وكلمت فاطمه وقالت إنها هتقف تستناها علشان تاخد منها البرشام بس فاطمه طلبت منها تروح ليها الصيدليه هى واقفه وفتره الصبح بتكون واقفه لوحدها وشوق قفلت معاها وراحت ع الصيدليه وفعلا لقت فاطمه لوحدها وخدت منها البرشام وخبته وعرفت من فاطمه ازاى هتستخدمه وفاطمه قالت لها ع الأعراض اللى هتبان ع اميره وبرضه هتكون ع اتصال بيها 👌
وشوق قالت لفاطمه انها هتروح عند مامتها علشان محدش يشك فيها ويكون كلامها مظبوط قدام اميره وحماتها
وفعلا شوق راحت لمامتها وقعدت معاها واتغدت وفى وسط الكلام شوق قالت لأمها ع الحلم وانه كابوس وبتقوم مخنوقه منه وقالت لأمها انها هتمشى علشان اتأخرت وطبعا لان امها عارفه حماتها وسلفتها بيضيقوها اوى
وشوق راحت البيت واول حاجه عدت ع شقه حماتها وقالت ازيك يا ماما
الحماه : الحمد لله اميره قالت انك مامتك تعبانه خير
شوق : الحمد لله شويه برد وراحوا لحالهم
اميره : انتى وصلتى اهلا وسهلا يا شوق
شوق مسكت اميره وقالت لها يا حبيبتى يا ام عبدالله اققعدى هعملك غدا من ايديه لأن انتى بترضعى وابنك لازم يتغذى
أميره : انا لسه واكله مع خالتى
شوق : خلاص انا كمان اتغديت عند ماما بس مشربتش شاى هغير هدومى ونشربوا مع بعض وطلعت شوق ع شقتها تغير هدومها وخدت برشامه هلوسه معاها علشان تحطها فالشاى وقالت انا هحطلها اتنين علشان أنجز وافرح فيها وخدت برشمتين هلوسه ونزلت ع شقه حماتها ولقت اميره وحماتها بيتكلموا ومنه بتلعب فالصاله وعبدالله نايم ع حجر اميره
شوق قالت فى سرها يخربيتك انتى عامله زى القطط ولا باين عليكى انك لسه والده ايه ده
ودخلت المطبخ وعملت الشاى ومسكت البرشام الهلوسه علشان تحطه فالشاى وتليفون شوق رن ورددت وكانت امها وقالت لها خودى معاكى واحده حبيبتى ست الشيخه بتفسر الأحلام وقولتلها ع الحلم بتاعك وقالت لازم اسألها بنفسى وشوق قالت هاتيها بسرعه وفعلا كلمت شوق وطلبت منها تحكى الحلم بكل تفاصيله وشوق ابتدت تحكى الحلم وخلصت بس الشيخه قالت لشوق حاجه غريبه شوق اتبرجلت واتلغبط وحطت برشامه هلوسه فى كوبايه وواحده فى الكوبايه التانيه وقالت لشيخه انتى بتقولى ايه.....

رواية أنا يا سلفتي الحلقة 5 والحلقة 6 

ج. 5و6...#انا_يا_سلفتى
شوق قالت للشيخه انتى بتقولى ايه معقول خلاص خلاص انا هلبس وهحاول اكون عندك دلوقتى وشوق قالت للشيخه انها عاوزه تكلم امها وفعلا كلمتها واتفقت معاها انها هتكون عندها ولو حد سألها هى تعبت تانى.. وشوق خدت صينيه الشاى وخرجت وقدمت الشاى لحماتها وأميره سلفتها
أميره : ايه ده هو انتى مش هتشربى شاى معانا
شوق : انا لسه ماما مكلمانى وتعبانه اوى ولازم اروحلها دلوقتى
الحماه : مش انتى لسه راجعه يا شوق
شوق : تعبت تانى يا ماما
الحماه بصت لشوق واتعوجت وقالت طيب ابقى سلميلى عليها
شوق : حاضر حاضر
وشوق كانت ملهوفه اوى ع تفسير الحلم ونسيت انها حطت برشام الهلوسه فى كوبايه اميره وكوبايه حماتها ومخدتش بالها كل اللى شاغل شوق الحلم وطلعت شقتها ولبست هدومها ونزلت جرى ع بيت امها وفالطريق قابلت فاطمه
فاطمه : مالك يا بنتى بتجرى كده ليه وشكلك مخضوض وقالت بصوت واطى ووشوشه شكلك حطيتى برشام الهلوسه لسلفتك؟ اوعى تكونى خايفه يا شوق
شوق : اه حطيته فالشاى بس فى حاجه مهمه تانيه
فاطمه : حاجه ايه؟
شوق : فاكره الحلم اللى قولتلك عليه
فاطمه : قصدك الكابوس اعوذب بالله انا لما بسمعه منك جسمى بيقشعر
شوق : اومال انا اعمل ايه انا لما بشوفوا بقوم مخنوقه عارفه لو مره مش مشكله هيبقى حلم زى اى حلم إنما علطول بحلم بيه
فاطمه : وايه دخل الحلم فالهفتك دى ووشك الأصفر ده انتى شكلك مخضوض اوى
شوق : ماما كلمتنى وكان عندها ست شيخه بس ايه قادره وهتفسر الحلم هى قالت حاجه بس انا عاوزه اتأكد وبرضه خايفه 😢
فاطمه : شيخه ياااه انا بموت فالحاجات دى انا هاجى معاكى
شوق : والصيدليه
فاطمه : فايز هناك ومعاه البت اللى هيخطبها واقفه معاه علشان كده مشيت هو بالمحسوس كده قالى أمشى
شوق : خلاص تعالى
وشوق وفاطمه راحوا ع بيت مامت شوق ووصلوا البيت وطلعوا وشوق خبطت وأم شوق فتحت وشوق قالت..
ماما هى فين ست الشيخه
الأم : فالصالون ادخلى هى قاعده جوه مستنياكى من بدرى
شوق : تعالى ادخلى يا فاطمه معايا
الام : ازيك يا فاطمه عامله ايه يا بنتى ربنا يسعدك واشوفك عروسه
فاطمه : يارب يارب ادعيلى بقولك يا ام شوق هى الشيخه دى بتفهم فالاعمال اصلى كنت عاوزه اشوف بختى مع انى عارفاه بس هجرب
الام : اه دى سرها باتع وبتشوف وكمان بتشوف الفنجان
فاطمه : طيب كويس
شوق : بطلى رغى يا فاطمه الشيخه مستنيه جوه
وشوق دخلت ع الشيخه وقالت السلام عليكم يا ست الشيخه
الشيخه : وعليكم السلام تعالى يا شوق اققعدى وشوق قعدت وقالت تعالى يا فاطمه
الشيخه : مين دى
فاطمه : انا صاحبه شوق وفى مقام اختها انا تقريبا مليش غيرها
الشيخه : عندك حلم يا فاطمه
فاطمه : لا انا نفسى اشوف الفنجان لو حضرتك بتعرفى نفسى اشوف بختى مع انى عارفاه
الشيخه : محدش لى فى نفسه حاجه ومحدش يعرف بكره فى ايه غير ربنا
شوق : انا عاوزه تفسير الحلم
الشيخه : احكيه وعاوزاه بتفاصيله
شوق : انا بشوف انى لابسه فستان فرح ابيض وعروسه بس الفرح ساكت والغريب فالحلم ان الناس بترقص من غير صوت انا مش سامعه موسيقى خالص بس كل اللى بيضايقنى انى قاعده عالكوشه لوحدى وبقول انا عروسه ومن غير عريس ومحدش سامعنى مع انى صوتى عالى وبقوم مفزوعه من النوم مع انى متجوزه
الشيخه : انا مش هفسر علشان لسه فى باقيه للحلم
شوق : ازاى ده الحلم كله
الشيخه : يعنى اقولك انك هتموتى
شوق : اموووت
فاطمه : تموووت؟! بعد الشر
الشيخه : الله اعلم بس خلى بالك من نفسك كويس. ايه يا شوق اتخضيتى ولا عاوزه اقولك كلام حلو انك هتخلفى مثلا ورزقك هيوسع
شوق : ياريت اخلف
الشيخه : ربك كبير
فاطمه : وانا
الشيخه : عندك حلم
فاطمه : لأ بس عاوزه اشوف الفنجان
الشيخه : انتى هتجيلى بيتى ولوحدك يا فاطمه علشان فى كلام كتير
فاطمه : كلام ايه الحقى يا شوق هى بتبرق كده ليه
شوق : فين ده دى شكلها عادى
فاطمه : انا عاوزه اتجوز ويتقدملى عرسان
الشيخه : قولتلك انتى هتجيلى بيتى
فاطمه : مينفعش هنا
الشيخه : لا وقبل ما تيجى تكونى صايمه انتى فاهمه
فاطمه : حاضر بس امتى
الشيخه : خودى تليفونى وهتفق معاكى ع ميعاد وهتصل بيكى قبلها يلا قومى قومى
فاطمه : شوق هى بتزعقلى ليه
شوق : يا ست الشيخه انا مش مرتاحه عاوزه اعرف تفسير حلمى انا تعبانه
الشيخه : قولتلك لما يكمل تعالى وانا هفسرلك الحلم قومى يا بنتى
والشيخه حطت ايدها ع بطن شوق وقالت انتى مخلفتيش ليه يا شوق لحد دلوقتى علشان امك زعلانه عليكى اوى
شوق : نصيبى كده انا مبخلفش بس انا عارفه ده ذنب مين وبتعذب بيه لحد دلوقتى
الشيخه : قومى يا بنتى روحى بيتك وخودى صاحبتك معاكى وخلى بالك ع نفسك
شوق : مع السلامه يا ست الشيخه ماما انا همشى علشان متأخرش يلا يا فاطمه
وفاطمه قالت بصوت عالى هبقى اكلمك يا ست الشيخه وقالت طيب لما اتصل بحضرتك هو انتى اسمك ايه
الشيخه : هههههههههه أسمى عاوزه تعرفى أسمى
فاطمه : لو مش عاوزه خلاص
الشيخه : ليه هو سر انا أسمى صافيه
فاطمه : خلاص انا هسجله فى تليفونى الشيخه صافيه
وشوق خدت فاطمه ومشيوا وروحوا عالبيت وشوق قالت لفاطمه فالطريق كان نفسى اعرف تفسير الحلم
فاطمه : الشيخه دى شكلها بتفهم اصبرى ع رزقك ده وهى بتبرقلى خوفت منها لا تعرف ب المصيبه اللى بنعملها
بقلم كوكى
شوق : تصدقى وانا
شوق : ايه ده اشرف سلفى
اشرف : على فين يا شوق ازيك يا انسه فاطمه
فاطمه : كويسه كويسه انا همشى يا شوق وابقى كلمينى سلام
اشرف : هى مالها البت دى لما بتشوفنى بتجرى وبتتفزع مش قولتلك بلاش مشى معاها
شوق : كتر خيرها يا اشرف ماما كانت تعبانه ومحدش وقف معايا غيرها
اشرف : الف سلامه مخدتيش اميره معاكى ليه اه نسيت انها لسه والده عقبالك وان شاء الله ربنا يكرمك... طيب كنتى خدى حماتك يا ستى
شوق : حصل خير انت مروح البيت
اشرف : ايوه يلا
وشوق وأشرف راحوا البيت وأشرف قال ايه ده هو باب السكه محدش قفله ليه دى الساعه عدت 8 بالليل
شوق : معرفش
وشوق طلعت دخلت ع شقه حماتها وشافت حماتها قاعده بتتفرج عالتلفزيون
شوق : ازيك يا ماما
شوق : ماما
اشرف طلع وقال ازيك يا حجه مالك انتى تعبانه
شوق : معرفش شكلها مسهم مش عارفه فى ايه
الحماه : ههههههههههه ههههههههه الفيلم ده حلو اوى
اشرف : ده مش فيلم يا حجه ده برنامج
الحماه : هههههههه انا داخله انام بت يا اسمك ايه ههههههه انتى اسمك ايه
شوق : اشرف ماما شكلها تعبان
اشرف : الظاهر كده
وأشرف اخد امه ونيمها فى اوضتها
وقال لشوق اطلعى نامى هى هتنام وهتبقى كويسه
شوق : انا هقعد معاها وهبات معاها النهارده ما انا كده كده قاعده لوحدى
اشرف : انا هدخل ومن وقت والتانى هبقى اجى اطمن الساعه داخله ع 9 هدخل أكل لقمه انا تعبان طول النهار فالشغل
شوق : نام انت وانا قاعده معاها ولو فى حاجه هقولك بس هى شكلها كويس
وشوق قالت فى سرها هى فين اميره نفسى اشوفها هى شكلها عامل ازاى
اشرف : تصبحى ع خير
وأشرف دخل شقته واول ما دخل شاف بنته منه قاعده بتلعب فالصاله ودخل ع المطبخ ملقاش اميره ودخل ع اوضه النوم وشاف ابنه عبدالله بيعيط وقاال اميره فين؟ دى مش هنا
وخد ابنه ودخل ع شوق وقالها خودى عبدالله فى كارثه مش عارف اميره راحت فين.....
يتبع

رواية أنا يا سلفتي الحلقة 7 والحلقة 8

ج. 7و8....#انا_يا_سلفتى
وأشرف قال لشوق خودى عبدالله يا شوق علشان فى كارثه اميره مش موجوده فالبيت وشوق قالت هتكون راحت فين يعنى وأشرف رجع شقته وجاب منه بنته وقال لشوق خلى بالك من منه وعبدالله وانا هروح عند حماتى اشوف اميره بس ازاى تخرج دى لسه والده شوق قالت فى سرها يارب ما ترجع ع قد السم اللى بيخرج من لسانها وبصت لمنه وعبدالله وقالت ده انا لسه معملتش حاجه وانتم بقيتوا معايا......
وأشرف نزل يجرى زى المجنون يشوف اميره راحت فين لأنها تعبانه ووالده ومش بتخرج غير بإذن منه ونزل وفتح باب السكه بتاع البيت وراح ع بيت حماته وسأل ع اميره وملقهاش وهو راجع ومعاه اخو اميره الكبير واسمه محسن علشان يدوروا ع اميره
محسن : اميره اهى يا اشرف
اشرف جرى وقال اميره ايه ده انتى قاعده فالشارع ليه
محسن : مالك يا بنتى متردى ع جوزك انتى تعبانه
اميره : هههههههه لا مش تعبانه انا فى بيتى اهو انتم اللى فى ايه انا قاعده ع السرير اهو
واميره ماسكه فى ايدها طوبه وقالت وعبدالله اهو خد امسك ابنك
اشرف : محسن اختك شكلها مش طبيعى
محسن : ما هى لسه والده انتى مزعلها فى حاجه
اشرف : لا خالص والله
وأشرف خد اميره من ايدها وراح بيها عالبيت وكان معاه محسن واول ما دخل شاف عبدالله ومنه قاعدين مع شوق
شوق : اميره كنتى فين يا حبيبتى
اميره : انا اهو قدامك هههههه
واميره مسكت عبدالله من ايد شوق وراحت حدفاه عالكنبه
اشرف وشوق قالوا ايه ده
اشرف : لا انتى فى ايه بالظبط
شوق : تعالى يا أميره أغسلى وشك
محسن : خلى مراتك تستريح وخد منه معاك وسيب عبدالله مع شوق
اشرف : هسيب الاتنين معاها
شوق : خد مراتك وروح شقتك وعبدالله ومنه معايا
اميره دخلت شقتها وكانت حاسه بنفسها وقالت انا عاوزه ولادى مش هسبهم
اشرف : تعالى 😁
وأشرف اخد اميره ودخل شقته وشوق اطمنت ع حماتها انها نامت وقالت تنامى ما تقومى انتى والعقربه اميره بنت اختك حسبى الله فيكم خساره انى اققعد معاكى وقالت لمنه تعالى يا قلبى ❤️ وشالت عبدالله وخدتهم ع شقتها ودخلت شقتها وقعدت وقالت بس عبدالله لازم يرضع مش عارفه اعمل ايه وقالت فكره واتصلت بفاطمه وطلبت منها ببرونه واحسن لبن للرضاعه علشان تعود عبدالله عليه وقالت لفاطمه انها مستحرمه عبدالله يرضع من اميره علشان حبوب الهلوسه وفعلا فاطمه مكدبتش خبر وجت لشوق ومعاها الببرونه واللبن وقالت لها الطريقه ازاى وكمان لازم تعقم الببرونه كويس
شوق : معلش هتعبك انا عمرى ما خلفت ولا حتى رضعت عيل
فاطمه : يا بت عبدالله هيعوضك ومنه كمان
شوق : صدقينى انا مش وحشه انا بس اللى سلفتها بتوجعها لمجرد انها مبتخلفش مع انه بتاع ربنا محدش لى فى نفسه حاجه
فاطمه : بكره تغور وترتاحى منها
فاطمه : المهم اسكتى ست الشيخه دى غريبه وكلامها أغرب
شوق : فاطمه بعدين عبدالله حبيبى جعان بعدين هكلمك ونرغى
فاطمه : ربنا يفرحك يا حبيبتى 😍 تصبحى ع خير
وفاطمه مشيت وشوق حضرت اللبن لعبدالله وكمان نزلت جابت بامبرز من اشرف واطمنت على اميره واشرف قالها هى قاعده عالسرير ومش عاوزه تنام
شوق : انا طالعه؟ منه وعبدالله لوحدهم وكانت ملهوفه عليهم اوى
اشرف قال لشوق تسلمى ع زوقك يا مرات الغالى
شوق : دول ولادى وخدت بعضها وطلعت ع شقتها
وشوق طلعت شقتها وقالت اول مره احس الاحساس ده الامومه 💖 ياااه احساس جميل 💞 ودخلت اوضه نومها ونيمت جمبها عبدالله وخدت منه فى حضنها وكانت فرحانه اوى وفون شوق رن وقالت ده أحمد جوزى ورددت عليه
شوق : حبيبى
احمد : شوق وحشتينى اول مره احس بفرحتك دى سبحان الله صوتك بيضحك خير يا حبيبتى
شوق : منه وعبدالله معايا ونايمين جمبى وانا مبسوطه اوى اوى
احمد : ربنا يبسطك يا حبيبتى وان شاء الله ربنا هيعوضنا ببنت شبهك وقمر زيك
شوق : انا مبخلفش وبظلمك معايا وكذا مره قولتلك طلقنى واتجوز وخلف دى ابسط حقوقك
احمد فتح فيديو كول ع شوق
شوق فتحت الكاميرا وقالت وحشتنى نفسى المسك انت سر سعادتي فى الدنيا دى كفايه انك مستحملنى
احمد : انتى روحى فى حد يسيب روحه 💞 اما الخلفه دى بتاعه ربنا وانا مش هطلقك وولاد اخويا هما ولادنا برضه
شوق قالت فى سرها ولاد اخوك هيكونوا ولادنا بجد من غير العقربه اميره
احمد : انا فرحان بيكى اوى يا حبيبتى انك فرحانه ربنا يخليكى ليه
شوق : حبيبى ربنا يخليك ليه
واحمد قفل مع شوق وشوق نامت فى سابع نومه واول مره تنام مرتاحه البال بس قامت ع نفس الحلم وقامت مفزوعه ع خبط اميره ع بابها...
وقامت فتحت
اميره دخلت شقه شوق زى المجنونه وقالت فين ولادى وقالت عبدالله بت يا منه
شوق : نايمين متخافيش يا أميره فى ايه يا حبيبتى
اميره : حبيبتك بقولك عاوزه ولادى
شوق قالت فى سرها لازم تغورى علشان ارتاح وقالت مش هينفع اسلوبى ده معاها دى عاوزه طريقه تبلفها وقالت
ومسكت اميره من ايدها وخدتها اوضه النوم وقالت لها تعالى منه وعبدالله عالسرير اهم اطمنتى يا ستى اققعدى واتغطى يلا انا هدخل اعمل فطار ليه وليكى
اميره : ماشى
وشوق دخلت المطبخ وعملت فطار سندوتشات وشاى وحطت حبوب الهلوسه فالشاى وابتدت مع نفسها تزود الجرعه وقلبت الشاى كويس ودخلت ع اميره الاوضه وفطروا مع بعض واميره شربت الشاى وخدت ولادها ونزلت وحاله اميره سأت اكتر من الاول وابتدت تهلوس بكلام محصلش وكمان وقفت فالبلكونه تعاكس الجيران وبقت تصرفتها مش مفهومه وحماتها وأشرف مستغربين لحال اميره اللى اتغير ومع مرور الوقت عبدالله ومنه خدوا ع شوق وبيناموا معاها وعدى شهر ونص وشوق بتحط حبوب الهلوسه لأميره واميره حالتها سأت بزياده وبقت تكلم شباب وعيال فالشارع وتخبط فالكلام فى كل حته وتهلوس والحاله سأت وجه اليوم الموعود اللى حماتها قالت لأشرف اميره لا تؤتمن ع ولادك خليهم مع شوق بصراحه شوق شايله عبدالله ومنه
شوق قالت فى سرها اخيراااا عقبالك لما تغورى ولا ربنا ياخدك ونرتاح
وشوق مسكت فونها واتصلت بفاطمه علشان تكلمها وفعلا كلمتها وقالت لها خلاص منه وعبدالله فى حضنى بس ناقص اميره تغور من البيت
فاطمه : هقولك تعملى ايه
وفاطمه قالت لشوق هتتصرف ازاى علشان اميره تخرج من البيت
وشوق مكدبتش خبر وقالت لأميره تعالى اققعدى فالبلكونه وادتها عصير وحاله اميره كانت وحشه اوى
شوق خرجت تجرى ع اشرف وقالت
شوق : اشرف اشرف الحق احنا خلاص اتفضحنا فالمنطقه
اشرف : فى ايه ؟
شوق : تعالى شوف
الحماه : فى ايه
ودخلوا كلهم البلكونه لاقوا اميره واقفه بقميص النوم والشارع كله بيتفرج عليها وعلى جسمها
وأشرف مش حاسس انها مش فى واعيها اتعامل كاراجل بيغير ع رجولته
الحماه : خودها غورها ع بيت امها
اشرف : انا هطلقها وارتاح من قرفها
الحماه : يلا فى ستين داهيه انا هكلم اختى انا زهقت من عمايلها
اشرف خد اميره وراح بيها ع بيت امها وقالهم دى ست أخلاقها مش كويسه وكمان اتجننت واتفضحنا فالمنطقه ورمى عليها يمين طلاق وساب اميره ومشى
محسن : اشرف اشرف تعالى بس
اشرف : اختك عندك ولا تصلح ام لاولادى وانا طلقتها
وأشرف مشى ع بيته
شوق : عملت ايه وقالت بخباثه اوعى تكون طلقتها
اشرف : طلقتها ب التلاته دى مش هتنفعنى يلا فى ستين داهيه
شوق قالت فى سرها الحمد لله خلصت منك ع خير
شوق : بقولك انا هاخد منه وعبدالله وهطلع انام وكمان احمد هيكلمنى
اشرف : سلميلى عليه
فون شوق رن راحت شوق قالت دى فاطمه خير
فاطمه : الو يا شوق
شوق : مالك
فاطمه : البيه سى فايز صاحب الصيدليه ضربنى وانا فالشارع ومش عارفه اروح فين
شوق : طيب تعالى وان شاء الله تتحل تعالى اققعدى معايا ما خلاص بقى حماتى بقت زى العجينه فى ايدى وأشرف ده علشان عياله بقى تحت رجلى مبيقولش تلت التلاته كام
فاطمه : ربنا يباركلك انا جايه
وفعلا فاطمه راحت ع بيت شوق وشوق قابلتها وفاطمه حكت لها اللى حصل بينها وبين فايز لأن المشكله بينهم بقت كبيره جدا
شوق قامت حضرت أكل وأكلت هى وفاطمه ونيمت منه وعبدالله وفاطمه نامت جمب شوق
وشوق راحت فالنوووووم وحلمت نفس الحلم بس المره دى قامت من النوووم وقالت فاطمه....
وقامت من النوم مفزوعه وقالت فاطمه فاطمه وبصت جمبها عالسرير بس ملقتش فاطمه وقالت هى اكيد فالحمام لما اقوم اشوفها دى كانت تعبانه ومضايقه من اخوها وقامت من عالسرير وخرجت وملقتش فاطمه فالشقه وقالت هى راحت فين معقووول تكون مشيت؟ انا قلقانه اوى! ؟ وخصوصا بعد الكابوس المنيل ده انا لازم اكلم ست الشيخه ضرورى وقالت بس الوقت متأخر دى الساعه عدت بعد الفجر إن شاء الله ع الساعه ١١ الصبح هكلمها وقالت اومال فاطمه راحت فين ومسكت فونها ورنت على فاطمه وسمعت رنت تليفون فاطمه فى اوضتها وقالت معنى كده انها موجوده هنا اومال راحت فين وشوق فتحت باب الشقه وقالت يمكن نزلت تحت ولما فتحت الباب لاقيته مردود وقالت ايه ده؟ وفتحت الباب وسمعت فاطمه بتقول وهى متغاظه انت هتتجوزنى امتى يا سى اشرف ما مراتك مشيت والخطه مشيت زى الفل وأطلقت
شوق : يا نهار اسووووود.....
يتبع...

رواية أنا يا سلفتي الحلقة التاسعة

وشوق سمعت فاطمه بتقول هتتجوزنى امتى يا سى اشرف ما خلاص مراتك اطلقت وخلصت والخطه مشيت زى الفل
شوق : يا نهارررر اسوود فاطمه وأشرف
اشرف: شويه كده وهنتجوز وانا على وعدى ليكى ده انتى حب عمرى يا بت
فاطمه : بجد حب عمرك ما كله من امك هى اللى بتكرهنى
اشرف : يلا اطلعى بقى قبل ما شوق تحس بيكى
فاطمه : شوق هتتهبل عاالعيال ونايمه فى حضنهم
اشرف : بحبك يا حته منى
فاطمه : وانا كمان انا طالعه سلام يا حبيبى ❤️
شوق : يانهار اسود يا نهار اسود انا هدخل انام علشان متعرفش انى سمعتها
وشوق دخلت اوضتها وعملت نفسها نايمه
وفاطمه طلعت ودخلت الاوضه ع شوق وقالت انام انا بقى علشان متاخدش بالها من حاجه
شوق : ايه يا فاطمه مالك فى حاجه
فاطمه : كنت عطشانه وقلقت وروحت الحمام ههه قصدى المطبخ وشربت مياه
شوق : طيب
وشوق عملت نفسها نايمه واتأكدت ان فاطمه نامت وخرجت بره الاوضه وفضلت قاعده وقامت دخلت المطبخ وعملت قهوه وفضلت تشربها وتفكر هتعمل ايه بعد ما عرفت ان فاطمه عملت الخطه علشان مصلحتها وكمان اشرف معاها وهى متعرفش وقالت يعنى اكيد فاطمه قالت لأشرف انى كنت هطلق واتجوزوا وقالت مش عارفه اعمل ايه 😒🤔والصبح طلع ع شوق وهى بتفكر فى فاطمه ومصيبه اشرف وقالت يااااه الساعه بقت 11 ومسكت الفون ودخلت المطبخ وقالت لما اكلم ست الشيخه واخد منها ميعاد علشان فاطمه متسمعش وفعلا اتصلت بالشيخه وقالت لها أن الحلم فى حاجه اختلفت زى ما قالت لها وعاوزه التفسير والشيخه صافيه قالت لشوق تيجى فى اى وقت وشوق قالت لها ساعه وهتكون عندها
وفعلا شوق قامت لبست وصحت فاطمه وقالت لها تاخد بالها من منه وعبدالله
فاطمه : رايحه فين يا شوشو
شوق : رايحه عند ماما أصلها طالبه منى حاجات وفلوس وانا هروح لها ضرورى
فاطمه : فلوس ايه
شوق : كنت واخده منها فلوس للجمعيه لحد ما احمد يبعت واحمد بعت وراحه علشان تاخدهم كتر خيرها وانتى عارفه امى ع قدها ست كبيره بقى
فاطمه قالت فى سرها امك ع قدها طيب ازاى دى عندها بيت يرمح فى الخيل
شوق : فاطمه فى حاجه
فاطمه : لا ي بنت قلبى بقول ربنا يبارك فى عمر امك يارب
شوق : انا ماشيه واعملى الرضعه لعبدالله واتعودى بقى 😂 ده ابن الغالى
فاطمه : اتعود ع ايه ومين الغالى ده يا بت
شوق : اشرف ايوه غالى مش ابو ولادى 😉😂
فاطمه : ولادك.؟! ولادك مين؟
شوق : انتى نسيتى منه وعبدالله
شوق : انا ماشيه العيال امانه فى رقبتك
فاطمه : طيب وقالت هى شوق مالها عموما وانا مالى المهم هتجوز اشرف
شوق راحت عند الشيخه ودخلت عليها وقالت السلام عليكم
الشيخه صافيه : عليكم السلام تعالى يا شوق
شوق : الحقينى يا ست الشيخه الحلم اتغير وفى حاجه غلط وياريت تفسريه وتساعدينى
الشيخه : قولى بالظبط
شوق : انى لابسه عروسه وقاعده لوحدى عالكوشه وكل المعازيم بترقص عالساكت مفيش صوت بس المره دى لقيت فى ايدى تليفون وببص فى لاقيته فيه مرايا بس ملقتش نفسى انا العروسه لاقيت فاطمه صاحبتى وبتقول انا عروسه من غير عريس والتليفون انفجر فى ايدى بس مكنتش انا كانت فاطمه
الشيخه : صاحبتك دى اللى كانت معاكى
شوق : اه هى
الشيخه : انا لما شوفتها مستريحتلهاش بصى يا شوق فاطمه مش هتتجوز لحد ما تموت وربنا يديها ع قد نيتها دى نار 🔥 قايده
شوق : نار قايده هى فعلا نار قايده
وشوق سمعت تفسير الحلم وقامت وقالت فى سرها اققول للشيخه على اللى عملته انا وفاطمه ولا بلاش مش عارفه اعمل ايه 😒
وشوق روحت البيت وطلعت على شقتها والتفكير شاغل بالها وفتحت باب شقتها وكان اشرف قاعد مع فاطمه وشايل عبدالله ع ايده وشوق دخلت وبتتسحب وقالت لما أقف اسمعهم بيقولوا ايه؟ وسمعت اشرف بيقول لفاطمه كله من امى بتحب احمد اكتر منى عارفه لو كان خلف كانت كتبت لعياله كل حاجه حتى هدومنا 😂 طول عمرها بتحبه وبتميزه عنى
فاطمه : اه علشان كده من وقت ما اتجوز وانت بتحط لشوق حبوب منع الحمل علشان متخلفش....
يتبع..

رواية أنا يا سلفتي الحلقة العاشرة كاملة مكتوبة للكاتبة كوكي سامح

علشان كده كنت بتحط حبوب منع الحمل لشوق
وشوق سمعت وقالت يا نهار اسود يا ولاد الكلب
اشرف : وطبعا البركه فيكى لولا صيدليه فايز اخوكى مكنتش هعرف اعمل حاجه😂
فاطمه : واوعى تنسى مجهودى ما انا اللى خليت اميره تغير من شوق
اشرف : يااااه كنت اققعد اققولها عالجمال شوق وحلاوتها وطبعا اميره الحماره صدقت وكانت بس بتستعمل أساليب تانيه انها ست علشان خلفت وشوق جمالها عالفاضى حقوده بعيد عنك 😂
فاطمه : انا قادره من يومى ما هو كان لازم اميره تسم بدن شوق وتعايرها
أشرف: عارفه انا ياما تعبت وكله من أمى كانت بتعامل احمد كأنه ملاك ماشى عالأرض ده غير لما حبيت اتجوز البنت اللى كنت طول عمرى بحبها موفقتش عليها وطلبت منى اتجوز أميره بنت خالتى بوز النحس اللى شكلها يسد النفس وكتير قولتلها انا مش بحبها يا أمى ومش عجبانى وبرضه خلتنى اتجوزها إنما احمد اول ما قال اتجوز شوق فرحت ووافقت عالطول طلباته مجابه
فاطمه : هى مين حب عمرك دى وانا ابقى ايه ان شاء الله 🤔
اشرف : انا بقول ايه وانتى بتقولى ايه يا شيخه انا قايم هو انا معرفش افضفض بكلمتين جوايا
فاطمه : خلاص خلصنا اهى مراتك اتجننت وشوق فاكره نفسها مبتخلفش ومخلفتش خلاص بقى
اشرف : انا هقوم قبل ما تيجى شوق
شوق : يا ولاد الكلب بقى انتى يا عشره عمرى تعملى فيه كده فعلا اتقى شرا من أحسنت اليه بس وحيات وجعى وكل دمعه نزلت منى وكنت بتقطع وانا محرومه من الأمومه هتعرفوا مين هى شوق
اشرف : انا قايم بقى
شوق : السلام عليكم متجمعين عند النبى
فاطمه : شوق
شوق : ازيك يا اشرف خليك انا هدخل اعمل غدا ونتغدى مع بعض هات عبدالله ده الولد نايم
اشرف : شكرا يا مرات الغالى
شوق : فاطمه مش انا قولتلك تخلى بالك من العيال ومن ابو العيال
فاطمه قالت فى سرها هى شوق مالها
فاطمه : مالك ي شوشو شكلك كده مضايقه
اشرف : اسيبكم انا
شوق قالت فى سرها ما البلاوى كلها منك انت وهى يا شياطين عالأرض
شوق : خليك بس يا غالى انا انا هعملك المكرونه البشاميل اللى بتحبها
اشرف : ها ها اه طيب لما تخلصى الأكل ابقى ادينى صوت
شوق : هرن عليك
فاطمه : يلا انزل انت يا اشرف ولما شوق تخلص أكل هكلمك
وأشرف نزل ع شقته
شوق : بت يا فاطمه انا حاسه بحاجه كده تكونش اللى فى بالى
فاطمه : حاجه ايه
شوق : مش اشرف ده مكانش بيطيق وشك ده كان عالطول يحظرنى منك علشان اخوكى وسمعته البطاله
فاطمه : هو كان بيقولك كده وانتى مكنتيش بتقولى ليه
شوق : كنت بتحرج
فاطمه : وليه بتقولى دلوقت
شوق : علشانك خايفه عليكى لا تتجرحى وتتصدمى اصل شايفه عنيكى فيها لامعه وانتى صاحبه عمرى وانا واثقه انه عمره ما هيبصلك
فاطمه : اوف بقى خلاص ي شوق كل اللى حصل هو طلع يشوف عياله بس لا فى حب ولا غيره
شوق : وانا قولت غير كده انا هدخل احضر الغدا
فاطمه : ربنا يحرق دمك يا شيخه
شوق دخلت المطبخ وقالت انا هوريكم يا ملاعين يا شياطين ماشيه عالأرض بس انا برضه غلطت والشيطان ركبنى
شوق خرجت من المطبخ وقالت بصوت عالى فاطمه فاطمه
فاطمه : مالك ي شوق
شوق : بقولك فى حاجات ناقصه وانا نسيت اشتريها ممكن تنزلى تشتريها انتى علشان انا مش قادره راجعه تعبانه
فاطمه : حاضر
شوق : استنى خودى فلوس
فاطمه : انا معايا انتى اختى ي بت
شوق قالت فى سرها انا هوريكى
وفاطمه نزلت تشترى الحاجه وشوق قفلت الشقه ع نفسها وقالت لازم يا فاطمه تشربى من نفس الكأس وقالت لازم اخلص منكم وعلشان اخلص لازم الغيره تتدب فى قلبك بس الاول لازم اعمل حاجه لا مش حاجه واحده دول حاجتين وخدت منه وعبدالله ونزلت بيهم ع شقه حماتها وكان اشرف موجود وطلبت يخلى الولاد معاه لحد ما فاطمه ترجع وقالت إنها نازله ونسيت تقول لفاطمه ع طلبات تانى وهى نازله قابلت فاطمه عالسلم
فاطمه : ايه يا بنتى رايحه فين انا اشتريت كل حاجه
شوق : دقيق دقيق انا نسيت ومش عندى دقيق
فاطمه : خلاص خليكى
شوق : انتى تعبتى انا هنزل والولاد مع أشرف فى شقه حماتى سلام مش هتأخر
فاطمه : امتى بقى اطلع لحماتى بنفسى وتكون حماتى بس انا خاف اطلع دلوقت دى مش بطقنى انا هطلع الشقه وهرن على حبيبى اشرف
وشوق نزلت جرى فالشارع وخلاص حسبت حسبتها وعرفت هتعمل ايه وفضلت ماشيه بخطوات سريعه وبتجرى لحد ما وصلت وطلعت السلالم جرى وخبطت عالباب واول ما اتفتح قالت اميره فين يا محسن.....


رواية أنا يا سلفتي الحلقة 12 و 13


ده قميص شوق يا نهار اسود ومنيل ع دماغك يا اشرف انا هخرب بيتك وبيتها وفاطمه قالت فى سرها بس مش هينفع اتكلم دلوقت
اشرف : فاطمه فاطمه
فاطمه : فى ايه مالك بتزعق كده ليه
اشرف : شوق رجعت انا خايف لا تشك فى حاجه يلا اطلعى اطلعى وبعدين هكلمك
فاطمه : ايه هو فى ايه مالك مرعوب ليه كده
اشرف : دى شوق لو شمت خبر انى ليه علاقه بيكى هتبقى مصيبه يلا اطلعى وبعدين نتكلم
فاطمه : خلاص طالعه وكلمنى ها
اشرف : حاضر
وفاطمه طلعت والغيره واكله قلبها ومتأكده ان شوق على علاقه بأشرف من القميص اللى فى دولاب اميره
فاطمه : اشتريتى الدقيق يا شوق انا فاكره انك كنتى عازمه اشرف عالغدا دى الساعه بقت 8 بالليل الا قوليلى كنتى فين كل ده
شوق قعدت عالكرسى الانتريه وقالت كنت عند ماما
فاطمه قالت فى سرها امممم شالله يا ماما
شوق : فين منه وعبدالله
فاطمه : عند حماتك
شوق : امممم اصل معددتش عليها وبعدين انتى كنتى فين يا بت
فاطمه : كنت كنت كنت
شوق : انتى علقتى يا بت 😂
فاطمه : كنت تحت ما انا نزلت اشوفك وادور عليكى
شوق : هو انا كنت تايهه ومعرفش
فاطمه : المهم انا جعانه
شوق : هقوم اعمل سندوتشات وشاى وانتى انزلى هاتى منه وعبدالله
فاطمه : حاضر
شوق : فاطمه وانا راجعه اخوكى فايز سألنى عليكى وقولتلوا معرفش
فاطمه : طيب احسن ما هو السبب فى اللى انا فيه
وشوق دخلت المطبخ وقالت ماشى يا فاطمه اما عرفتك مقامك وازاى تضحكى عليه وشوق عملت الشاى والسندوتشات وخرجت بيهم وحطتهم على ترابيزه السفره ودخلت اوضه نومها
فاطمه : بقولك منه نايمه وجبت عبدالله بس
شوق : هو اشرف تحت
فاطمه : اه ليه
شوق : عاوزاه فى حاجه هاتى عبدالله بس الاول وانا هنزل اتكلم معاه
فاطمه : تتكلمى معاه فى ايه
شوق : اخرجى هاتى الشاى والسندوتشات من على السفره
فاطمه : انا بسألك يا شوق عاوزه ايه من اشرف
شوق : يا حبيبتى عاوزاه فى حاجه ضرورى وانا هنزل اتكلم معاه لما اطلع هحكيلك
وفاطمه خرجت الصاله وشالت صنيه السندوتشات والشاى ودخلت اوضه النوم وقعدت عالسرير وفتحت التليفزيون والنار بتغلى جواها من الغيره شوق : انا جيت اهو ي ستى متأخرتش عليكى وشوق قعدت عالسرير وراحت أديت بوسه لعبدالله وقالت ياااه انت شبهه اشرف اوى
فاطمه قالت فى سرها اه ي شوق لو طلع اللى فى بالى صح
شوق : عاوزه اقولك ع حاجه كنت مخبياها عليكى يا فاطمه وجه الوقت علشان اقولك انتى اختى وحبيبتى
فاطمه : قولى قولى
شوق: انا بحب اشرف وكفايه انه خلانى أم ومعايا اهو عبدالله ومنه ولاده
فاطمه : فوقى يا بنتى دول مش ولادك
فاطمه : ما هو علشان كده انا مبخلفش وخلاص منه وعبدالله بقوا حته منى
فاطمه قالت فى سرها ينهار اسود
فاطمه : وأشرف نظامه ايه
شوق : بيموت عليه لما بس يشوفنى ولما لمسنى كان هيتجنن
فاطمه : هو لمسك كمان
شوق : لمس ايه بس دى غلطه لسان
فاطمه قالت فى سرها يبقى اللى شوفته صح اشرف على علاقه بشوق وانا حماره وبيلعب بيه
شوق : خودى سندوتش واشربى الشاى انا عن نفسى هقوم اخد شاور وبعدين انا مش جعانه
وشوق دخلت الحمام تاخد شاور وفاطمه الغيره واكله قلبها عالأخر وفضلت تاكل بغيظ وتشرب الشاى ومحروق دمها ان شوق ليها علاقه بأشرف
وشوق دخلت الحمام واتصلت بمحسن اخو أميره وطلبت انه يكلم اشرف ويقولوا انه بيتصل بيها وهى مبتردش عليه ويطلع يكلمها ولو سأله ليه يقولوا ان شوق كلمته قبل كده وهو بيطمن ع ولاد اخته وفعلا محسن اتصل بأشرف جوز اخته وسأله على شوق وقاله زى ما شوق فهمته وفعلا اشرف طلع وخبط وشوق خرجت من الحمام ولابسه روب لأنها كانت لسه هتاخد شاور ولما فتحت الباب اتخضت وعملت مكسوفه واترمت فى حضن اشرف وقالت بصوت واطى حقك عليه معلش اتخضيت 😍وفاطمه خرجت لما سمعت خبطه الباب وشافت شوق فى حضن اشرف وقالت كده عينى عينك يا فاجره انتى والكلب الخاين ماشى
اشرف : محسن عاوزك ي شوق وبعدين ياريت ميسألش ع ولادى تانى
شوق : انا هفهمك..
اشرف : لما تخلصى كلمينى
شوق : حاضر عن اذنك وقفلت الباب وشوق قالت فى سرها المهم ان فاطمه الغيره دبت فى قلبها وعرفت ان ليه علاقه بأشرف
فاطمه : انا مالى انا حاسه ان جسمى مكسر اوى ومفيش نوم فى عينى خالص ومحروق دمى اوى انا حاسه انى هرتكب جريمه ومسكت تليفونها واتصلت بأشرف وقالت إنها عاوزه تشوفوا لما شوق تنام وتنزله الشقه بس اشرف قالها مش هينفع وهيخرج يقابلها بكره بس بره البيت علشان يتكلموا براحتهم
وشوق خلصت الشاور ودخلت اوضه نومها وقالت ياااه انا عاوزه انام وقالت لفاطمه مش هتنامى
فاطمه : شويه كده وهنام نامى انتى بس
شوق : تصبحى ع خير
وشوق عامله نفسها نايمه وفاطمه صاحيه والغيره هتاكل قلبها ومع الوقت غمضت عنيها وحاولت تنام بس شوق قامت وقالت بصوت مسموع لأنها عارفه ان فاطمه صاحيه ياااه اخيرا فاطمه نامت لما انزل لحبيبى اشرف وقامت من جمب فاطمه وطبعا فاطمه كانت لسه صاحيه وسمعت شوق وعملت نفسها نايمه وشوق قامت تتسحب وفتحت الدولاب ولابست روب وقالت بصوت مسموع اشرف بيحب اللون ده وحطت برفان وسرحت شعرها وقالت فى سرها هوريكى يا فاطمه انتى والكلب الخاين الفاجر ده وخرجت تتسحب ونزلت عالسلم بالراحه ومسكت مفتاح شقه اشرف وفتحت الباب ودخلت وقفلت وراها...
وفاطمه شافت شوق دخلت شقه اشرف اتجننت وجريت ع المطبخ وفتحت الدرج وجابت سكينه وقالت انا لازم اققتله واقتلها محدش هياخد اشرف منى ونزلت تجرى وجت تزق باب الشقه لاقيته مفتوح ودخلت زى المجنونه ع اوضه النوم....
يتبع...
تعليقات



حجم الخط
+
16
-
تباعد السطور
+
2
-