القائمة الرئيسية

الصفحات

رواية عائلة من جهنم الحلقة الخامسه 5 - بنوتة الشيخ (أروى طاهر المسلاتي)

رواية عائلة من جهنم الحلقة الخامسه 5 - بنوتة الشيخ (أروى طاهر المسلاتي)

رواية عائلة من جهنم الحلقة الخامسه 5 - بنوتة الشيخ (أروى طاهر المسلاتي)

لقراءة رواية عائلة من جهنم كاملة : اضغط هنا

رواية عائلة من جهنم الحلقة الخامسة 5 كاملة مكتوبة للكاتبة أروى طاهر المسلاتي (بنوتة الشيخ)

الناس يلي يلخبطو في العائله؛-
السلفات:-
جليله&راضيه:ساكنين فوق العائله وصغارهم صغيرين قاعدين
خديجه&سالم:صغارهم امينه واماني واكرام يلي توفت وولادها مجد ومحمد الملقب كندر يلي روح من السفر
هدى&الهاشمي:بناتها حوريه وفاء واريام المتزوجه ولادها زيد وغيث
صالحه هاذي عزوزة الحوش والشامخ جدهم
___________________

الزحمه تمت 💔والصدمه فاتت💔اليوم اكرام ليها3شهور متوفيه!
ال3شهور هاذم مكانش الحوش طبيعي !
كلهم قاعدين مأثر فيهم العزي من غير ان شباب العيله كلهم طلعو يباتو برا طول ال3شهور هاذم
مخليين البنات على راحتهم لان اهل ام اكرام ماشيين جايين .

قرر الشامخ(جدهم)ان لااازم الحوش يرجع لطبيعته
كأن يلي ماتت مش بسببه!!...وفعلا رجعو شباب العيله كل واحد لي غرفته وبدت التحضيرات للقرايا لان خلاص العطله كملت.

______________________

سميه:جننننى جننننى
جنى:تلبس في شنطتها...نعم ياماما هاااا
سميه:كنك مترديش
جنى:خذت شنطتها...خلاص جيت واتيه هيا
سميه:الصبر يارب ...هيا قمر
قمر:خذيت مدكرتي ..بعد ماشفت لي روحي نضره اخيره❤️
لبستي متناسقه مكياجي مش قوي وريحتي حلوه❤️طلعت من الغرفه ونزلت انا وماما وجنى
صبحنا عليهم كلهم مقعمزين يفطرو زحمه تقول عرس
قمر:جت عيني في عين مجد ولد عمى ضحكلي وبادلته نفس الشي حسيته عادي!
غيث:يشرب في القهوا وعيونه في هاتفه لكن مراقب كل شي جنبه بذات اول ما نزلت قمر وشم ريحة بارفانها يلي واصله لي اخر الصاله !!....من ضحكتها زبطتها فرخه مش مزبوطه واحتمال تخرب البنات هناياا نكمل خدمتي وتو نقعمزلها
جنى:قمر هاذا منو يلي مداير شعره فوق
قمر:هاذا محمد خو مجد وخو امينه واماني ...كان مسافر تركيا وتوا روح
جنى:شن اسمه؟
قمر:محمد تقريبا لكن مفيش حد ينادي فيه بي اسمه كلهم يقلوله كندر
جنى:كندر؟....وعلاش هكى ينادو فيه
قمر:حسستيني خبره فيهم وين نعلم
جنى:شبحت للكندر وقلبت عيونها بدون سبب😂😂
صالحه(حناهم): قعمزي افطري انتي وياها شنو واقفين
سميه:الحمد الله صحيتي بنمشي نوصلهم البنات تأخرو واجد
يلي مقعمزين كلهم قعدو يشبحو لبعضهم
صالحه:معندناش نساويين يسوقو في ها الحوش
سيارتك خذاها الحاج من الاسبوع يلي فات تصرف فيها
سميه:نصدمت...نعم؟؟؟
كيف محد يكلمنى ولا يشاورني؟
راضيه(سلفتها):في شنو تبيه يشاورك ياماما كبير الحوش هنايا ادرى بي مصلحتنا كلنا تسمعى الكلام وانتي مسكره فمك
قمر:انتي هيييي احترمي نفسك لما تحكى مع ماما
جليله:وزيااااده بناتها مش متربيات الله الله
قمر:لا حبيبتي متربيات واحسن تربيه مش....
غيث:بصوت عالي...خلااااص انتي وياها
صوت غيث كان يخوف بدات مع صدى الصوت يلي في الصاله
..
الشامخ(جدهم):نزل من الدروج...شنو يلي يصير هنايا،؟
قمر:كلهم نزلو راسهم بخوف...كأنه مش انسان طبيعي زينا علاااااش؟؟علاش يتحكم في كل شي ومفيش حد موقفه عند حده؟؟؟
صالحه:غيرت ملامح وجها...ياحاج بنات الشرقاويه هاذم يعلو في اصواتهم راهو حسبي الله فيهم رعشوني على الصبح تبي تاخد سيارتها وتطلع تنسرف هيا وصغارها
سميه:توسعو عيونها من الصدمه...انا بنشيلهم للمدرسه مق.....
الشامخ:سيارتك نباعت من اليوم مفيش مشاوير غير مع باقي سلفاتك والبنات يوصلهم ولد عمها ...غيث...يالله سلم ولدي
قمر:اناااااا؟؟؟انا نركب مع المتخلف هاذا؟؟؟
الشامخ:مردش عليها وقعمز يفطر وسميه قاعده مصدومه
قمر:شنو يلي قاعد يصير هاذا سيارة ماما منو يلي عطاكم الحق م....
غيث:سكرلها فمها بيده وطلعها
اما جنى قعدت متجمده في مكانها لين عيطت عليها صالحه 💔ف طلعت ولحقت اختها

________________________

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

غيث:دف قمر لين جي ضهرها ع السياره ...شاف لي جنى
جنى:بلعت ريقها ومردتش
غيث:اركبي السياره
جنى:فتحت الباب وركبت وهيا خايفه
غيث:رجع عيونه لي قمر من جديد ...يلي صار داخل معش تكرريه
جدك غفرلك طولة لسانك لانك جديده ع الوضع
قمر:قامت يدها عدلت سورية غيث بشويه ...نقولك شي؟؟
غيث:قام حاجبه كأن يراجي فيها تكمل !!
قمر:طز فيك وفيه ...وفي الحوش هاذ كللللله
وفي صوتك العالي وفي تفنيصتك وفي كل شي يخصك
وكون واثق ان مش رح نزيدو يوم هنايا ورح نطلع انا وماما وخواتي من الحوش الحقير هاذا
غيث:حط يديه الزوز ع السياره وحاصرها...وابتسم بهدوء
خليني نطمنك ونقولك ...وحق يلي خلقني راجل
كان طلعتي منه الحوش هاذا تاخدي يلي تبيه
قمر:تغيرت ملامحها ودفاته لين نزل يديه ...معش نبي نقرا خلاص وصل جنى بس
ومشت لكن رجعها من يدها بقوه
غيث:القاعد2حتى قرايتك والمشي والجي في يدنا
قمر:مردتش وقعدت ساكته
غيث:ابتسم ورجع طرف الوشاح يلي قعد طايح اي كتفها ...دخلي خصلات شعرك وهيا
ركب غيث لي السياره وولعها وطلع طرف دخان
قمر:ادخل في شعرها وتتكلم بشويه...حقير الله ياخدك انت وجدك المكرمش .

____________________

اماني:واقفه ع الروشن تتفرج ...شفتي الحقيره تتلصق عليه
حاطه يدها في رقبة سوريته التافهاااا
امينه:واقفه ع المرايا تنقي في حواجبها ....وانتي ليش محروقه؟
اماني:شافت لي اختها بغل...تتسهوكي عليا ولا تستعبطي ولا شنو نضامك بزبط!؟
امينه:حطت الملقاط ع الطاوله وشبحتلها...بلا جو كلنا عارفين نضام العيله هنايا ولد العم المبير لي بنت العم الكبيره والكلبات هذوكم اصغر منك
اماني:وجيهان؟
امينه:جهان اصغر منك بي 4سنين تسحابي روحك ضريفه انتي😂
اماني:قعدت مركزه في غيث لين طلع بسيارته .

_____________________

جيهان:جايبه كوب اميه ...اهدي ماما بالله عليك

سمية : مش قادرة مش قاااادرة نار راكبه فيا ناااار
كيف يبيعوا سيارتي وياخذو فلوسها مغير م نعرف شي كيف اه

جيهان:من البدايه قلتلكم مش مطمنه اهو بدو يبانو على حقيقتهم
سميه:تنهدت وحاطه راسها بين يديها.....ياااارب الهمني الصبر من عندك عشان ها البنات يا رب
جيهان:مقعمزه جنب امها تحاول تخفف عليها 💔

________________________

غيث:درس السياره ...فتحت جنى الباب وهيا تشوف لي قمر ونزلت ببطئ..سكرت الباب وجت ماشيه لين نداها غيث
جنى:رجعت وهيا خايفه...نعم😨
غيث:طلع من جيبه فلوس...فطورك نسيتيه
وديري بالك ع روحك منبيش مشاكل
جنى:صحيت ماما عطتني
غيث:كلمى امك معش تعطيك من اليوم وشدي معش ترديني
جنى:خذتها وتشوف لي قمر...صحيت
غيث:ولع وطلع
قمر:مش محتاجينلك لا انت ولا فلوسك ع فكره
غيث:لما نعطيك تعالي تكلمى
قمر:عطيت اختي
غيث:ضحك ع جنب
قمر:متاعبش روحك وترفعني للجامعه لان وشهاده من ديني ما نازله منها السياره
غيث:تلفتلها...شنو؟؟!
قمر:نزلت عيونها باش متخافش ....اي اي مش نازله
قولت مبكري منبيش نمشي للجامعه واصريت نركبب السياره ولا؟؟اهو ركبت ومنبيش ننزل
غيث:انزلي من السياره
قمر:شنو؟
غيث:انزلي م ن ال س يا ره
قمر:تشوف لي رحمة السيارات ومصدومه...بننزل هنايا؟؟؟😨
غيث:انزللللي
قمر:فتحت الباب وهيا متوتره ونزلت
غيث:اشرلها بيده توا اركبي من القدام
قمر:بشويه.....التافه خلعننني ..وركبت
غيث:رجع ولع السياره وطلع
قمر:شنو استفدت؟؟
غيث:منحبش يقعد الكرسي هاذا فاضي ويلي من الخلف معبي
قمر:يبدا منضرك زي السواق الفاشل ولا؟
غيث:شبحلها وعقد حواجبه
قمر:اختفت ضحكتها
غيث:قاعده مسكره راسك متبيش الجامعه ؟
قمر:اي مش نازله
غيث:تمام....معنديش وقت باش نروح بيك بنمشي لي خدمتي انا وانتي خليك هنايا متشحطه لضهر
قمر:بعناد...اي عادي
غيث:سكت وكمل طريقه ...في داخله كان اكثر من شعور
الشعور الاول كانت نااار داخله والعه من حركات قمر واستفزازها ليه!
كان خاطره يكسرها بضرب ويربيها من اول وجديد
بس الشعور تاني كان غريب مليشي وصف !!
كانت قمر مختلفه بكل شي قرر يعاملها بنفس اسلوبها ويستفزها اكتر واكتر وكان مخطط يخليها اطيح قدام رجليه وتولي زيها زي باقي بنات العيله

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

الشامخ:حط طاشة الشاهي ع الطاوله...الحمد الله
شنو ياحاجه وتيتو العشي للعزومه اليوم؟
صالحه:مبتسمه...اكييد اكييد متخافش كللله واتي من امس
خديجه:تشوف لي الشامخ بحقد💔نار موت بنتها اكرام قاعده في قلبها وهوا يعزم ويضحك ولا كأن شي صاير !!
جليله:اي ياعمى حتى انا من الصبح نايضه درتلكم 3طواجين حلو تعرفني عاد فالحه فيه
الشامخ:الله يبارك فيك
راضيه:زمزاكه
جليله:زمزكي اكتر تاخدي اكتر ياروحي
راضيه:صدقتي ياسلفتي...وقعدو الزوز يضحكو وروسهم في بعض

__________________

غيث:وصلت لي شغلي
قمر:شافت لقاته معرض سيارات كبيرررر
غيث:بننزل توا ونكمل الساعه 1الضهر تنزلي نتصرف معاك تصرف اخي حدرتك
قمر:توا الساعه 8ونص ...تبيني نقعمز في السياره ونراجيك اعند الواحد؟😨
غيث:خذي نضراته...باش مره تانيه تعاندي ...ونزل وسكر الباب
قمر:افففف ياربي الدنيا نووو😫كيف بنتحملللل

_____________________

اريام:تي ان شاء الله بنجي ...قلت نحط طليه في الغساله وندير كم حاجه نرفعها معاي
امينه:منو لايم عليك وانتي بطنك على ركابك تعالي متجيبي شي
اريام:ضروري منه ياغزاله
امينه:طمنيني شن صاير مع راجلك معش اكتشفتي شي؟!
اريام:قعمزت ع الكرسي ومتسكه التالفون....فرقت حالي يابنت عمي مش مخليني نمس تالفونه حتى شويه حتى لما يخش للحمام في يده
امينه:تو نلقو طريقه ولا يهمك المهم ردي بااااك تحسسيه بي شي توا خليك طبيعيه
اريام:هاذا يلي بيصير ...المهم زعمى اليوم بيكون فيه زحمه؟
امينه:وهلبااا تعرفي جدي عازم جيش
اريام:به امالا هي صوت عز الدين جي نتلاقو
امينه:اوكي باي
عز الدين:ابتسملها...الله يعاون
اريام:الله يسلمك حبيبي ...نحطلك الغدي؟
عز الدين:لالا مخاطريش ...بنخش ندوش ونطلعو العزومه متع الطهور اليوم ولا؟
اريام:اي صح
عز الدين:به وتي روحك نمشو بكري ..بالك جدك يحن علينا
اريام:ان شاء الله....وخشت للمطبخ

______________________

محمد:نعم استاد غيث ؟
غيث:سكر الاوراق يلي قدامه...نبيك تنزل لي سيارتي
محمد:اي؟
غيث:يحك في رقبته بتوتر وبصوت واطي...تلقى بنت
محمد:بنت😨😨؟
غيث:قعد يساوي في حوايجه ويحاول يستعيد هيبته ...بنت اي شن قلت انا؟؟؟
محمد:اي اي اسف مسمعتكش من الاول
غيث:انزل بدون ما تحس شوفها شنو ادير
محمد:نشوفها شنو ادير وهيا في سيارتك؟؟😨
غيث:اي
محمد:حاضر حح حاضر ...طلع محمد من مكتب غيث وهوا مصدوم ويضحك لان كان غيث طول عمره معروف مش متع الكلام هاذا ابداا
غيث:وقف على الروشن يتفرج على محمد كيف مر من جنب السياره وهوا يخطف في نضرات ورجع للمعرض من جديد
محمد:استاد غيث
غيث:ها شنو صار؟
محمد:يتكلم ويضحك...لقيتها مطيحه الكرسي وراقده
غيث:وشنو يلي يضحك في الموضوع ؟
محمد:اختفت الضحكه من على وجها...اسف
غيث:طير لي عند اللوادجو يلى قريب من هنايا وخليه يجي يركب سلفر اسود لي رواشن السياره بهدوء بدون ما حد يحس حتى البنت
محمد:سلفر؟عشان محدش يشوف البنت؟
غيث:تعالا قعمز اشري قهوا وهدرز وخلاص...تي برا نفد يلي قتلك عليه امشي
محمد:اسف اسف ..تو نمشي نشوفه توا
غيث:عطاه بضهر قعد يتفرج ع السياره ..ابتسم لما تخيلها راقده وهوا داخله يقول...عنايديه ومتستسلمش بسهوله

_______________________

اريام:تلم في حوايج راجلها يلي طايحات في كل مكان جت عينها على تالفون راجلها في الشحن
قرب منه وفتحاته...كان مسكر بي نمط
قعدت تحاول تذكر حركات يده لما فتحاته وتجرب لين صدقت معاها ونفتح.

خشت على السجل والرسايل والماسنجر ملقتش شي
بس نصدمت لما خشت على الواتس 💔
كانت في محادثه مع وحده مسميها (عشقي)
فتحت الدردشه بدت تقرا في الرسايل لين طاحت ع الارض لما لقاتها باعتتله ...لما تجيب اختى اريام قولي عشان نطلعلك وجنبه سمايل يضحك
قلبت لوطه وعرفت ان يشوف فيها في حوش جدها💔
كانت بتكمل المحادثه لكن رجعت التالفون مكانه لما سمعت الباب انفتح وراجلها طلع

____________________

قمر:السلام عليكم
الشباب ال3واقفين مصدومين في قمر
قمر:ندور في واحد اسمه غيث هنايا ...داره كبد هوا
شايف روحه وهكي تعرفوه؟
الشاب؛استاذ غيث؟؟😨
قمر:اي استاذ بالله ....هذاك الخرا استاذ ؟
الشاب:التاني ضحك من الصدمه....بالك انتي غالطه شن اسمه يلي ادوري عليه؟؟
قمر:غيييث غيث طويل وعريض
الشاب:فوق في مكتبه
قمر:شكراا😊...وركبت بسرعه
الشاب:جديات يلي سمعته ولا اصوات المحركات الجدد مأثرات عليا؟؟
الشاب التاني:لكن وصفاته صح😂😂😂

غيث:ينقل في معلومات وغارق في الاوراق
قمر:فتحت الباب بدون ما اطق
غيث:انصدم
قمر:اوكى نعترف نزلت واخترقت قوانينك الواو زي جدك المكرمش لكن!!...اعتقد ان عيب انا ضيفه اول مره نركب معاك والساعه 12ونص وانا جعانه مفروض تعزمني ع الاقل م....
غيث:خلاااااص خلاااااص اسكتي كيف تقدري تتكلمي بسرعه هكي
قمر:ابتسمت...نبي شاورما وببسي مع صحن بطاطا بدون كاتشب
غيث:مسح وجها بيديه مش مصدق يلي قاعد يصير وقامت تالفونه...محمد جيبلي واحد شاورما وببسي من القهوا
قمر:صحن البطاطا متنساش
غيث:وصحن الزفت بطاطا بلا كتشاب
محمد:من امتى تاكل هكي؟🙄
غيث:محممممممد😡😡
محمد:حاضر استاذ
غيث:سكر الخط ...وقام صبعه لي الصالون
قعمزي غاادي استني غداك بدون ولا كلمه وخليني نكمل شغلي
قمر:حاضر استاذ غيث😂....المشكله منضرك ميعطيش انك استاذ ابدااا
غيث:نزل البيرو ع الطاوله وخبط...قلت منبيش نسمع صووتك
قمر:به خلاص ....حطت شنطتها ع الطاوله ورقدت ع الصالون واخده راحتها وعيونها في التالفون
غيث:تنهد وكمل شغله

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

راضيه:شن صار؟؟
جليله:اوووه قلبي قلللبي بيطيح خلاص تعرفى من الرعشه
راضيه:حصلتي ولا لااا طمنيني
جليله:اي قدرت ناخد زوز حدايد بس
راضيه:تي شنو زوز وين الباقي
جليله:منعرفش عزوزة الشر هاذي وين حاطتهم. بعدين مع الزحمه نخش ندور الباقي
صالحه:تحركي انتي وياها كملو البصله كناين القهره
جليله:حاضر ياعمتي🙂

______________________

مجد:باس راس جده وقعمز جمبه ...كيف حالك
الشامخ:الحمد الله
مجد:جدي بنقولك
الشامخ:شنو ياولي العهد
مجد:حسيت غيث مسؤلياته هلباااا وزياده اليوم مدارس وواحد
الشامخ:اي ربي يعاونه ...غيث انا مربيه ونعرفه كويس قدها
مجد:اي صح...لكن شن رايك نشد عليه حمل شويه
الشامخ:بتخدم؟!
مجد:لا خدمة شنو تعرفي مش متع المواضيع هاذي😂😂...مدام سيارتي قاعده خليني نوصل البنات الصبح
الشامخ:اي عادي كلم غيث وتفاهم معاه
مجد:احلا جد في الجدود كلهم 😂❤️

كان مجد المدلل عند جده اما غيث كان يعامل فيه كأن ولده❤️❤️

___________________

قمر:اخيييييرااا جعانه بنموت
غيث:يكتب وشوي شوي يخطف في نضرات ليها
قمر:دارت كم صوره لشاورما وبدت تاكل
كملت ماكلتها وبدت تحس في ملل قعدت ماشيه جايه ماشيه جايه لين قربت منه ...شنو ادير
غيث:مردش عليها
قمر:قعمزت ع المكتب ....بنسافرو اعند خوالي في الشرق
رح نقعد نزن على ماما لين تقتنع
غيث:انزلي قعمزي ع الكرسي
قمر:شبحتله...وبعدين اقعد انت وبنات العيله يلي فرحان بيهم يهزو في روسهم وياخدو في الكلام زي المضحكه
واقعد انت وجدك المعكرش هاذا من الكبر خبث صافي واضح من وجها لا يرحم ولا يخلي رحمة ربي تنزل
غيث:انتي عارفه اني قادر انوض نكسرك تكسير توا ؟
قمر:نعيط بصوت عالي ونقلهم بيعتدي عليا وريني بعدين كيف بتلمها قدام الناس يلي تخدم عندك
غيث:بديتي تستفزي فيا بجديات ....وقاعد صاير وربي كان تفجرت عليك معاد تشوفي الضي
قمر:ابتسمت...اعترف اني احلا وحده في بنات العيله
غيث؛😒مش كل شي جمال
قمر:به اعترف اني احسن وحده في جوهم ودمي خفيف🙃
غيث:اففف....ونزل راسه يلم في الاوراق
قمر:اعترررررف
غيث:يشوفلها كيف مقعمزه ع المكتب وتهز في رجليها يلي مش واصلات للارض من كثر ما قصيره😂....انزلي الدوام تم
قمر:اخييييييرااا

__________________

الساعه 8ونص :-
جيهان:ماما المعازيم وصلو ...جدي مداير طهور لي ولد عمه وعازم الشعب كله
عارفاتك تعبانه من يلي صار اليوم لكن انزلي غيري جوك شويه
سميه:ناضت من سريرها تعودت من الشطان ...غسلت وجها وصلت العشاء ونزلت هيا وجيهان

طق طق طق
جنى:فتحت الباب...قمر قتلك ماما تعالي تعشي
قمر:شعرها طايح على وجها ...اقلبي وجهك بنرقد
جنى:تي انزلي بلا جو تعرفي في هلبااا حجات لوطه سمعتهم
قمر:ناضت بسرعه ...شنو سمعتي
جنى:بدلي وانزلي تو نقولك
قمر:اففففف

_____________________

اريام:ناااار نااااااار والعه فيا ياريت غير يخوني مع وحده برانيه 💔💔💔
تقوله اختي اريام وتضحك 😭💔
امينه:اهدي اهدي ووسعي بالك
اريام:حسبي الله فيه معقوله هكي ...كيف مش مداير حساب لي ولده يلي جاي في الطريق
كيف ينسى قصت حبي الطويله معاه كيف💔💔💔
امينه:اهدي يابنت توا اول حاجه لازم نفهمو منى من خواتك يلي تخون فيك مع راجلك ..وفاء ولا حوريه
اريام:تمسح في دموعها وعيونها متورمات 💔💔

_________________

ايه:مقعمزه وسط الزحمه وانا نذكر !
كيف كانت مرت بوي تحبس فيا في الدور التاني
في المناسبات !!
كأني عار لان بدت عندي شبه حاله نفسيه 💔
وهيا يلي ركبتهالي الحاله هاذي هيا وخوها يلي كل اسبوع يجي سكران وتلوح فيا ليه
بعيوني كنت نشوف فيه يدفعلها وانا ساكته مش قادره نتكلم
بس اليوم 🔥انا كل شي ...انا الامره الناهيه وانا يلي في يدي كل الاملاك

🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥

قمر:نزلت لي الدور الاول سلمت عليهم وخشت المطبخ دارت نفص صغير وطلعت لي الجنان
تاكل

شافت غيث واقف يتكلم بي التالفون ومنسجم ويحكى
حست انه يكلم في حبيبته ...قربت منه وبدت تتكلم
قمر:غيث غيث
غيث :اشرلها بيده بمعنى اسكتي
قمر:واقفه بي استفزاز...منو هاذي ملاك ولا رحمه ولا تقوى ولا خوله ولا فاطمه 😂😂😂ولا
غيث:مسكها بيده كلها وسكرلها فمه وهوا يحكي
قمر:حطت يدها تحول تفك روحها وتكح...عطيك جلطه مغلضك نحي من عليااا

_____________________

جيهان:ركبت لي السطح ماسكه فرشات تنشر فيها وقعدت واقفه فتره تشوف المنضر من فوق
سمعت صوت وراها
زيد:شنو اديري هنايا؟؟
جيهان:تلفتت مخلوعه...انا انا ركبت نشرت هاذم
وبدت تركز عليه كان مقعمز وجنبه هلبا شيش مرش
واضح انه سكران
جيهان:ليش مداير في روحك هكي؟
زيد:ساكت ويشرب
جيهان:سكرت الباب يلي ينزل لي الدروج وقربت عليه ....انت صاير معاك مشكله؟في شي ؟؟!
زيد:ساكت
جيهان:اكرام الله يرحمها كانت تعنيلك صح؟
بس حرام يلي قاعد ادير فيه في نفسك مش....
زيد:قاطعها ...مش اول وحده تموت
ولا رح تكون اخر وحده
جيهان:قعمزت جنبه...كيف؟
احكيلي
زيد:قتلوهم الزوز ...لان حبو بعضهم
قتلوهم قبل العيد بي ليله بس
جيهان:😨😨من هما ؟؟...يتبع


هل اعجبك الموضوع :

تعليقات

لو عايز أي رواية pdf .. أو لو عايزنا نعرفك لما الرواية إللي بتتابعها ينزل منها حلقة جديدة، انضم لقناتنا على التيجرام: من هنا 
ما هو الفصل الذي تود قراءته؟