رواية أنا داليدا الحلقة السادسة والعشرون 26 كاملة - روايات نسمة مالك
 |
| رواية أنا داليدا الحلقة السادسة والعشرون 26 كاملة - روايات نسمة مالك |
لقراءة باقي حلقات رواية أنا داليدا : اضغط هنا
رواية أنا داليدا الحلقة السادسة والعشرون 26 كاملة - نسمة مالك
↔
البارت ال26💜
..لقاء بعد غياب..
مش كل البعد بيكون مسافات..
فى بعد اقوى واعنف من بعدنا عن بعض بلبلاد..
بعد شخص وهو جنبك..
بينك وبينه خطوه..
بيألم..
وخصوصا لو شخص غالى على قلبك..
فما بالك من بعد المسافات وكمان بعد العلاقات..
وعلاقه من بمن..
علاقه اب بأبنته💔
^^^^^^^^^^^^^
..يقود بسرعه مجنونه..
يود حقا ان يسبق الرياح ويصل لها..
ينظر لمن يجلس بجواره بعبث ويزيد من السرعه اكثر..
ظن انه ربما يتوتر ويطلب منه ان يهدأ من سرعته..
لكنه تفاجئ بهدوءه..
بل ويظهر على وجه اللهفه والاستعجال ايضا..
ليقرر قطع الصمت وتحدث بستغراب..
احمد:ايه يا حاضره الظابط انا دايس بنزين بالجامد..
مش هتقولى هدى ولا حتى تسحب الرخص..
عمار:كنت هقولك هات وانا اسوق بس خوفت عليك من سرعتى..
اكمل بتنهيده عاشقه..
دوس يا عم احمد خلينى اروح لمراتى..
زاد سرعته قليلا..
وأخيرا وصلو..
لينتفض عمار من جواره بستغراب ودهشه..
وتحدث بزهول..
معقول!!
تمعن اكثر بالنظر..
ايوه هو فعلا..
اكمل بأمر..
نزلنى يا احمد واركن براحتك..
احمد:بستغراب ايضا..مين اللى واقف مع مصطفى اخويا دا..
عمار:دا ادهم الشازلى..
جوز خالتى..
نظر له واكمل..
وحماك..
نهى حديثه ونزل من السياره متوجه نحوه..
تاركا احمد بحاله من الزهول والخوف والرعب ايضا..
ظنا انه قد جاء لألغاء فرحهم..
ترك سيارته بمنتصف الطريق ونزل سريعا متوجه اليهم..
اقترب منهم وتحدث بهمس و أمر لشقيقه..
احمد:اركن التاكس يا مصطفى..
مصطفى:بهمس ايضا..مبتردش على تليفونك ليه..
اتصلنا بيك كتير اوى..
بحث بيده عن هاتفه بملابسه..
ليغمض عينه بعنف فقد تركه بغرفه الملابس عند قاسم..
احمد:التليفون مش معايا..
روح اعمل اللى قولتلك عليه يله..
اقترب ووقف امامه مباشره..
تحدث عمار ببعض القلق..
عمار:عمى ادهم اعرفك دا احمد البحيرى ج؟؟
قطعه هو سريعا..
ادهم:ببتسامه..عارفه يا عمار..
اكمل بتأكيد..
دا جوز بنتى..
نظر عمار لأحمد الواقف بجمود..
لم يلقى السلام على ادهم..
لم يبتسم كمجامله حتى..
واخيرا نطق بتهذيب..
احمد:حضرتك جاى تحضر فرحنا..
ابتلع ريقه بصعوبه وتحدث بتوتر وقلق ملحوظ..
مش جاى تلغيه صح؟؟
ساد الصمت قليلا..
وادهم ينظر لاحمد بتمعن..
واخيرا تحدث ادهم بعتاب..
ادهم:انت عارف انا بقالى اد ايه مستنيك فى الشارع..
اكمل بأعجاب واضح..
اخوك اللى كان واقف معانا دلوقتى بلغ والدتك بوجودى..
وهى مشكوره جدا نزلتلى بنفسها وقولتلها انى والد جيسى..
احمد:يعنى جيسى عرفت انك هنا..
ادهم:لا لسه معرفتش..
والدتك قالت مش هتقولها غير فى وجودك..
تحدث عمار بستفهام..
عمار:طيب يا عمى ادهم حضرتك مجوبتش على سؤال احمد..
حضرتك جاى ليه بالظبط؟
خفض رأسه وتنهد بألم..
رفع رأسه مره ثانيه ونظر لاحمد برجاء..
ادهم:بدموع لامعه..انا جاى من المطار على هنا على طول..
مقدرتش استنى للصبح..
صمت قليلا وأكمل يتأثر شديد..
جاى استأذن بنتى انها تسمحلى احضر فرحها💔
////////////
..البنات..
يرقصون بمفردهم داخل غرفه داليدا..
غافلين عن دولت وداليا وعاليا بالخارج..
دولت:بصدمه..معقول جاى علشان ياخدها يا عاليا؟؟
عاليا:ببكاء..ما انا مش قادره اصدق انه جاى يحضر الفرح..
سترك يارب..
دولت:بتعقل..لو جاى فعلا ياخدها زى ما بتقولى مش هيستأذن علشان يشوفها..
هيدخل علينا داخله مخبرين وياخد البت من وسطنا ويمشى..
مش هيسمع الكلام ويستنى جوزها يجى وهو عارف انه لو عمل ايه مش هيعرف ياخدها منه..
داليا:بهدوء..دولت معاها حق يا عاليا..
ممكن يكون جاى فعلا يحضر فرح بنته الوحيده ليه لا!!
متسئيش الظن..
استهدى بالله وبطلى عياط مش عيزين البنات يحسو بحاجه..
دولت:بغضب..واحمد وعمار مش عارفين نوصل لواحد فيهم..
نظرت لعاليا وتحدثت بغيظ..
حتى مش عارفين نقول للمار تتصل بقاسم علشان ميخرجوش من الاوضه ويشفوكى وانتى بتتشحتفى كده..
لتعلى صوتها فجأه..
بطلى عياط يا وليه انتى انا على اخرى مش ناقصه زن دلوقتى..
اكملت بسرها..
كفايه الحلو اللى اسمه ادهم دا..
علت صوتها مره اخرى وقد تناست نفسها كالعاده..
على الله يفضل حلو هو كمان وميعقننش على اللى خلفونا..
داليا وعاليا:بنفس واحد..هو مين دا اللى يفضل حلو؟؟
توترت كثيرا وهمت بالرد عليهم لكن خبط الباب انقذها..
ركضت من امامهم نحو الباب سريعا..
دولت:يارب يكون احمد ابنى..
فتحت الباب فوجدته عمار خلفه احمد..
نظرت لهم بغيظ وتحدثت بغضب..
الا ما عرفين نوصل لواحد فيكم يا واد يا ممحون انت وهو..
اتسعت عينهم بصدمه وابتعدو قليلا من امامها ليظهر خلفهم أدهم الذى يجاهد لكبت ضحكته..
توردت وجنتيها بشده وكادت تذوب من خجلها وركضت من امامهم للداخل سريعا..
فتحت لهم غرفه الضيوف وتحدثت بجديه..
اتفضلو ادخلو على ما ابلغ البنات انكم هنا..
دخل عمار وادهم وخرج احمد يتحدث لولدته بستعجال..
احمد:انتى قولتى لجيسى يا امه..
دولت:لا يا ضنايا محدش قالها حاجه..
احمد:برتياح..طيب الحمد لله..
طيب ناديلى عليها يا امه بسرعه كده..
دولت:بدموع..هو ابوها جاى ياخدها يا احمد؟؟
ابتسم لها وتحدث بطمأنان..
احمد:لا يا امه اطمنى..
هو جاى علشان يحضر فرحنا ويعملها لجيسى مفجأه..
يله يا امه قوليلها تخرج وعارفيها ان عمار هنا لتخرج بشعرها..
اتجهت دولت لغرفه البنات..
دخلت اغلقت السماعات..
ليصرخوا البنات بأعتراض..
داليدا:عااااااا أخالتو طفتيه لييييييه..
جيسى:يا مامى بليييييييز شغليه بسرعه قبل ما وسطى يبطل..
لمار:يا طنط انا لسه ما ختش فرصتى فى الرقص..
دولت:بقلق..البسى حاجه عليكى يا حبيبه و تعالى كلمى جوزك وبعدين ابقو هزو..
داليدا:بلهفه:عمار جه معاه يا خالتى..
لمار:وقاسم كمان جه معاهم يا طنط..
دولت:عمار بره..
معرفش قاسم معاهم ولا لاء..
اقتربت جيسى من دولت وتحدثت ببعض الخوف..
جيسى:فى حاجه حصلت يا مامى..
عدلت لها طرحه كاب فستانها وجذبتها من يدها متوجهه بها نحو زوجها..
اخيرا رأها امامه..
اقترب منها وقبل وجنتيها بعمق..
احمد:وحشتينى يا حبيبه احمد..
لتنظر هى له بتمعن وتتحدث بستفهام..
جيسى:مالك يا احمد..
اكملت ببراءه..
انت زعلان منى علشان خرجتك بره واحنا عند خالتو عاليا..
ابتسم على برأتها وحرك رأسه بلا..
امسك يدها وقبلها وتحدث ببتسامه..
احمد:فى مفجأه علشانك..
نظرت له ببعض الخوف..
جذب هو يدها واتجه بها نحو غرفه الضيوف..
خطت بخطوات مرتعشه للداخل..
لتقع عينها على والدها الواقف ينظر لها بدموع..
انسحب عمار وخرج بره الغرفه يبحث عن زوجته..
اقتربت قليلا ووقفت أمامه..
اغمضت عينها وفتحتهم مره اخرى ظنا منها انها تتخيل..
لكنها فاقت على صوت والدها..
ادهم:ببكاء..مش هتسلمى عليا يا عروسه..
بكت بعنف ونحيب شديد..
وضحكت من بين شهقاتها وهى تتنقل بعيونها بين والدها وزوجها وتحدثت بعدم تصديق..
جيسى:بابى..
احمد بابى هنا انا مش بحلم..
جذبها من خصرها واقترب من ادهم وتحدث بفرحه لفرحتها..
احمد:لا يا حبيبه احمد انتى مبتحلميش..
باباكى جاى علشان يسلمك ليا بأيده..
نظرت جيسى لوالدها بدموع غزيره وتحدثت بشك..
جيسى:بجد يا بابى حضرتك جاى تجوزنى لأحمد بنفسك..
ابتعلت ريقها بصعوبه واكملت بغصه مريره..
ولا مامى قالتلك تيجى تاخدنى..
نهت جملتها واحتضنت احمد بكلتها يدها من خصره متمسكه به بكل قوتها..
اغمض عينه بعنف من منظرها المرتعب منه..
فبدلا من ان تتحامى به اصبحت تتحامى منه..
نظر لها باسف وتحدث بندم..
ادهم:انا اسف على كل لحظه كنت بعيد عنك فيها يا بنتى..
ابتسم من بين دموعه..
اطمنى يا جيسى انا جاى استأذنك تسمحيلى احضر فرحك..
شهقت بزهول وفرحه عارمه وشددت من احتضان زوجها اكثر وتحدثت بمتنان لوالدها..
جيسى:طبعا اتمنى حضرتك تحضر فرحنا..
ادهم:طيب مش هتسلمى عليا و تيجى فى حضنى..
ببطئ ابتعدت عن حضن زوجها..
واقتربت من والدها وارتمت بحضنه تبكى بنحيب❤
////////////////////
عمار &داليدا💜
خرج من غرفه الضيوف يبحث عنها بلهفه..
لتركض نحوه عاليا وتساله بدموع..
عاليا:ادهم جاى ليه يا عمار؟؟
اقترب منها عمار وقبل رأسها بحب..
عمار:اهدى يا امى متعيطيش..
اطمنى عمى ادهم جاى يحضر فرح جيسى..
حك ذقنه قليلا وتحدث بأسف..
بس فى خبر مش لطيف..
نظرت له بتسائل..
عمى ادهم وخالتى انفصلو..
عاليا:بلامبالا..وايه الجديد..
ما دا المتوقع خالتك من ساعه ما اتجوزته وسافرها وهى اعتبرت مهمته خلصت وكانت عايزه تطلق من زمان..
عمار:بتأكيد..بس متعرفيش جيسى دلوقتى خليها فى فرحتها..
حركت رأسها بالأيجاب..
غافلين عن دولت التى تستمع لهم وشبه ابتسامه ظهرت على وجهها لا تعلم سببها..
بحث عنها بعيونه مره اخرى..
عاليا:بعبث..بيرقصو هى واختك فى اوضتها..
ابتسم بتساع واتجه نحو غرفتها وتحدث لوالدته بستعجال..
طيب اجهزى يا امى علشان هنروح مشوار مهم دلوقتى..
خبط على باب الغرفه فلم يجد اجابه..
فتحه قليلا ونظر بطرف عينه..
لتتسع عينه بزهول حينما وقعت على حوريه البنفسج خاصته..
ترقص برقه ورشاقه ومرونه مع الموسيقى..
شعرها الحريرى يتمايل معها بأغراء شديد..
ابتلع ريقه بصعوبه..
و فتح الباب ودخل اخيرا..
وتحدث بحب..
احلى بنتين فى حياتى دول ولا ايه..
نهى حديثه وفتح ذراعيه لهم..
ليشهقو البنات بفرحه وركضو سريعا مختبئين داخل احضانه منه بخجل..
شدد من احتضانهم وتحدث موجه حديثه لشقيقته..
البسى يالمار علشان قاسم عمال يتحايل عليا يكتب عليكى الليله..
وراح يدور على مأذون وهيروحلنا على البيت..
رفعت نظرها له بصدمه ونظرت له و تحدثت بفرحه عارمه وزهول ايضا..
لمار:بجد يا عمار؟؟
حرك رأسه لها بتأكيد..
عمار:اه يا حبيبه اخوكى بجد..
يله روحى بسرعه قوليلهم يجهزو..
أرتدت كاب ايضا خاص بفستانها وتحدثت بستعجال..
انا كده جهزت..
يله يا ديده البسى الكاب بتاعك انتى كمان بسرعه..
همت داليدا بالابتعاد عنه لكنه شدد من احتضانها وتحدث بأمر لشقيقته..
عمار:روحى يا لمار بسرعه قولى للجماعه يجهزو هما كمان
وقوليلهم يعملو حسابهم هنكمل السهره عندنا..
وانا هجيب داليدا ونحصلك..
لمار:بطاعه وبفرحه..يسسسسس ايوه بقى يا عمار..
حاضر هقولهم..
نهت حديثها و ركضت للخارج غالقه الباب خلفها وهى تنادى والدتها بفرحه شديده..
هى..
معه..
اخيرا بحضنه..
بهيئتها المثيره وفستانها الرائع..
مد اصابع يده اسفل ذقنها جبرها على النظر له..
وتحدث بهمس و عشق..
عمار:بصيلى يا قلب عمار..
اشتقت لعيونك..
رفعت عيونها تنظر له بعشق ممتزج بخجل شديد..
طالت نظرتهم قليلا..
وببطئ ورفق وهدوء ابعدها عنه ممسك بكف يدها ولفها اكثر من مره ليتأمل جمالها بتمعن اكثر..
دارت بين يديه مره واثنان والثلاثه كان جذبها من خصرها رفعها من الارض وتحرك بها نحو باب الغرفه مستند بظهرها عليه..
داليدا:بخجل..عمار؟؟
اكملت حديثها بجوفه هو..
التقط شفاتيها بقبله عاشقه مشتاقه شغوفه..
يقبلها بشوقا جارف💜
ابتعد عنها على مضض بعدما استمع لخبط الباب..
لمار:بستعجال..يله يا داليدا احنا كلنا جهزنا..
داليدا:بصوت مبحوح..احححم حاضر يا لمار خارجه حالا..
وضعت يدها على صدره تدفعه بضعف وتحدثت بهمس ورجاء..
عمار خلينى البس..
يقبل كافه وجهها قبل صغيره متتاليه وتحدث بانفاس لاهثه..
عمار:مشبعتش!!
مشبعتش منك ياداليدا..
اكمل بتنهيده عاشقه وهو ينتقل لرقبتها وكتفها يقبل مكان اصابتها..
ولا عارف اشبع منك..
نظر لعيونها واكمل بتأكيد..
وعمرى ما هشبع منك ابدا يا قلب عمار..
هم بتقبيلها ثانيه الا ان صوت داليا افاقهم من دوامه عشقهم..
تتحدث من خلف الباب بصوت منخفض..
داليا:بغضب مصتنع..سيب البت و اطلع يا حضره الظابط من عندك بدل ما اطلبلك البوليس..
داليدا:هههههههههههه سمعت..
اكملت بتحذير..
تعملها ام الدود..
فرت من بين يديه اخيرا وارتدت الكاب الخاص بفستاتها وخرجت برفقه وجدتهم جميعا بنتظارهم..
اقترب عمار بها من ادهم وتحدث بفخر..
عمار:عمى ادهم اقدملك داليدا مراتى..
هم باكمال حديثه..
لكن جيسى اقتربت وتمسكت بيد والدها وتحدثت بفرحه طفوليه..
جيسى:بابى يا ديدا..
ابتسمت داليدا بفرحه لفرحه صديقتها وتحدثت بترحاب..
داليدا:اهلا وسهلا يا عمو..
حمد لله على سلامه حضرتك..
ادهم:الله يسلمك يا بنتى..
اكمل بتسائل..
انتى اخت احمد؟؟
عمار:هى زى اخته..
نظر لهم بستفهام..
احمد:داليدا بنت عمى وبنت خالتى فى نفس الوقت..
ادهم:امممم انا فكرتها اختك لأنها تشبه الست والدتك..
نهى حديثه ونظر نظره خاطفه تجاه دولت..
وتحدث مره اخرى..
موجه كلامه لدولت..
انا مديون ليكى بجزيل الشكر يا ست ام احمد على معاملتك الحسنه لبنتى..
اقترب خطوتين ووقف امامها مباشرة ينظر لعيونها الهاربه من نظرته بعمق..
وتحدث بأعجاب واضح..
انتى ام عظيمه..
شكرا جدا يا مدام دولت..
رفعت عينها تنظر له بستغراب لمعرفته بأسمها..
بادلها هو النظره بنظره متأمله لملامح وجهها..
حتى توقف نظره على شفاتيها المزمومه..
ابتلع ريقه بتوتر..
لتزهله هى بهمسها الذى استمعه هو جيدا..
دولت:بهمس لنفسها..اللهم أخزيك يا شيطان..
استغفر الله العظيم..
عادت الاستغفار اكثر من مره..
وتحدثت موجه حديثها له اخيرا..
دولت:اححححم العفو يا استاذ..
اكملت بسرها..
الراجل دا خطر على عقلى الباطل..
ابتعدت بنظرها عن عيناه..
اكملت بتأكيد..
حبيبه انا بعتبرها بنتى..
ابتسم هو لها بمتنان ابتسامه رائعه..
واخيرا ابتعد عنها بعيناه المحاصره لها..
لتتنفس هى براحه..
تحدث عمار بستعجال..
عمار:احمد خليك انت معاهم وانا هروح مشوار فى السريع كده واحصلكم بأمر الله..
داليدا:بلهفه..رايح فين..
اقترب منها همس بأذنها ببعض كلمات..
لتبتسم هى بتساع وتنظر له بعشق وهيام..
عمار:اححححم طيب يله بينا..
توجهو جميعا للخارج..
تحدث ادهم برجاء موجه حديثه لأبنته..
ادهم:ممكن تركبى معايا يا جيسى..
نظرت لزوجها الذى ابتسم لها وحرك رأسه بالأيجاب..
جيسى:حاضر يا بابى هركب مع حضرتك..
عمار:لمار انا هاخد عربيتك وهتحرك انا..
عاليا:طيب احنا كده هنركب فين ولا ناخد تاكس..
احمد:تاكس وانا موجود..
اتفضلى يا ام عمار..
تحدثت جيسى بلهفه..
جيسى:انت مش هتركب معايا يا مودى..
احمد:انا هكون ماشى وراكى متقلقيش..
جيسى:طيب انا هاخد مامى دولت معايا..
شبه ابتسامه ظهرت على وجه أدهم وتحدث بهدوء موجه كلامه لزوج ابنته..
ادهم:نوزع بعضنا على العربيتين يا احمد..
احمد:تمام يا عمى..
ركبت داليدا وداليا وعاليا برفقه احمد..
ركبت جيسى ودولت ولمار برفقه ادهم..
ادهم:بصرامه موجه حديثه لسائقه..
روح انت يا محمد..
جلست الفتاتين بالخلف..
همت دولت بالركوب بجوارهم لكن ادهم اغلق الباب وفتح لها الباب الأمامى..
ابتسم بتساع وتحدث بعبث مفاجئ لنفسه هو شخصيا..
لا يعلم سببه ولكنه اكثر من مستمتع بتسببه فى اخجالها وتوردت وجنتيها..
اتفضلى يا مدام دولت..
وبخجل شديد ركبت واغلق هو الباب واتجه لمقعد السائق وبدأ بالقياده ومن وقت للأخر ينظر بطرف عينه للجالسه جواره خافضه رأسها بخجل..
//////////////////
..عند قاسم..
يقف امام منزل عمار..
امامه العديد من العالمين المتخصصين بتزين الحفلات..
يعملون على قدم وساق بسرعه شديده و بمهاره عاليه..
حتى اصبحت العماره كامله قطعه مضيئه بجميع الالوان المختلفه..
اعطت شكل ولا أروع..
تقف فرقه موسيقيه كامله من اشهر الفرق تستعد للعزف..
اكثر من فوتوجرافر يصورون فوتو وفيديو ايضا..
اشهر مصممين الأزياء واشهر ميكب أرتست يقفون بنتظار العروس..
يقف عريسنا ممستند على سيارته المغلفه جميعها بورود متنوعه لايظهر منها شئ غير فتحه صغيره ليستطيع السائق الرؤيه....
يرتدى بدله بيضاء وقميص اسود ومصفف شعره بعنايه.. ممسك بوكيه ورد ابيض مزين ببعض الورود الحمراء فأصبح بغايه الوسامه..
ينظر بساعته كل 3ثوانى..
واخيرا وصلت معشوقه قلبه..
اشار بعينه لأياد الذى بدأ بأشعال الألعاب الناريه بكثره..
بدأت الفرقه بالعزف..
تسمرت هى قليلا داخل سيارتها تنظر لما يحدث بعيون متسعه من شده زهولها..
اقتربت منها جيسى وقبلتها بحب و عيون دامعه..
جيسى:الف مبروك يا مرمر..
ربنا يفرح قلبك يا حبيبتى..
لمار:ببكاء..جيسى اللى بيحصل دا حقيقى..
نظرت نحو قاسم القادم نحوهم واكملت بعدم تصديق..
قاسم اللى جاى هناك دا..
جيسى:بفرحه..ايوه يا حبيبتى هو..
لتمعن النظر اكثر وتتحدث بفرحه اكبر..
ومودى جاى هو كمان اهو..
اقترب احمد من قاسم وتبادلو السلام بحب وفرحه حقيقيه..
احمد:الف مليون مبروك يا ابو الصحاب..
قاسم:الله يبارك فيك يا ابو حميد..
تسلم يا غالى..
نظر حوله واكمل بتسائل..
عمار لسه مجاش؟؟
احمد:راح يعمل اللى انت طلبته م؟؟
قطع حديثه عندما رأى سياره عمار..
اهو جه اهو..
التفت قاسم بلهفه شديده..
وجد عمار يقترب بسيارته حتى وقف امامه مباشره..
وضع يده على وجهه يخفى دموعه التى انهمرت بشده بعدما لمح شخص يجلس داخل السياره بجوار عمار..
اعطى بوكيه الورد لأحمد وركض سريعا نحو السياره..
ليصرخو البنات بتفاجئ وينظرون لبعضهم بصدمه ويتحدثون بنفس واحد..
لمار...جيسى: عاااااااااا هو رجع فى كلامه ولا ايه؟؟؟
عادو النظر نحوه مره اخرى سريعا ليجدوه..
رأيكم وتوقعتكم..