القائمة الرئيسية

الصفحات

رواية هكذا تغيرت أقدارنا الحلقة الأولى 1 - أحمد عبدالله

رواية هكذا تغيرت أقدارنا الحلقة الأولى 1 - أحمد عبدالله

رواية هكذا تغيرت أقدارنا الحلقة الأولى 1 - أحمد عبدالله

لقراءة باقي حلقات رواية هكذا تغيرت أقدارنا : اضغط هنا 

رواية هكذا تغيرت أقدارنا الحلقة الأولى كاملة مكتوبة للكاتب احمد عبدالله

موسيقى لقراءة الرواية 

" البداية "
.
تدور احدات الرواية في عمارة " قابيل " في وسط العاصمة طرابلس و تحديدآ في " المدينة "
" المقدمة "
صوت عياط في كل انحاء الشقة
حسن ( ظابط ) : طلعوهملي كلهم
سناء : نحي ايدك نحي ايدك لا لا
وعد : لللللااااااااااا
ليلي : يا خوي افهم قبل
نوال : يا ولادي عيب و الله عيب
ندى : 🥺 ااااااااه لاااااااا
اكرام : 😱
براءة : لاااااااااااااااااااااااااا
. ( نزلونا و احني نتمنوا الارض تنشق و تبلعنا )
عيون الناس كانت زي الموس
و اللهي مظلومين
الجيران : 🤭 مدايرين روحهم محترمات و هما دعارة
الجيران : ايه و الله الدنيا جابت ما عندها
.................................. حلقة 1🔥

قبل الحادتة بشهر تقريبا
ليلي : نبدو قصتنا بشويش بشويش و نحكيلكم علي كل وحدة فينا بتفصيل و كيف تلاقينا
.
ندى ، بنت عمرها 23 سنة بنت وحدة من القبايل حبت شب عمرها 26 سنة و نشأت بينهم قصة حب و للاسف الاهل رفضوا و زن عليها اشب انهم يهربوا و للاسف غسل عقلها و هربوا لطرابلس و تزوجوا عند شخص صاحبه بشهود مزورة و بلفعل حصل الزواج و لما سمع انها حامل قرر ان يسافر و يخليها و يبعتلها كل مدة فلوس فا قررت ان تدور علي مكان تقعد فيه
.
سناء : بنت يتيمة عمرها 26 لا اب و لا ام تشتغل في بريد الاتصالات و بسبب المعاملة متع زوجة عمها قررت ان تطلع و تلقي مكان تلجي ليه و هي الان تعيش قصة حب مع شخص و تحبه و يحبها
.
وعد : بنت حلوة عمرها 27 بوها مات قبل سنة و امها تزوجت طول بعد ما مات و هيا تشتغل مع سناء في البريد و قررت ان حتي هيا تلجي لمكان زي ما درات سناء
.
براءة : امراة متزوجة و هي صغيرة عمرها 26 سنة تزوجت شخص الغلط كل يوم إهانة و دل و حقد و قلة قيمة و لما سمعت ان بوها توفي قررت ان تطلق منه و تشوف مكان تلجي ليه افضل من جهنم يلي كانت فيه و حاليا تدور في خدمة
.
اكرام : اما هادي حكايتها حكاية بنت عمرها 28 سنة عاشت حياة كانها في جهنم كانت تتعرض للتحرش كل يوم علي يد زوج امها و تتعرض للاهانة و الضرب و الذل كل يوم وقررت في يوم و ليلة انها تطلع من الحوش و تشوف مكان تلجي ليه افضل من يلي عايشة فيه و حاليا تستغل في مركز تجميل
.
نوال : اما نوال فا هي امراة في الخمسين من عمرها ارملة ورتت من راجلها شقة كبيرة و لان ما عندهاش دخل قررت ان تفتح شقتها بنسيون نسائي منها تشتغل و منها يملوا عليها حياتها
.
و هاذي أنا ، ليلي ، عمري 28 سنة ، نشتغل في وحدة من المستوصفات ممرضة جراحة متزوجة و عندي بنت وحيدة الاب و الام توفوا و انا كبيرة و ورتت عليهم الشقة و تزوجت فيها
.
من الان تبدا روايتنا
.
" حبس الجديدة " عنبر المخدارت "
الضابطة : ليلي علي غفور
ليلي : نعم
الضابط : تعالي
ليلي : 👁👁
الضابط : مبروك ورقة الافراج وصلت
ليلي : 😍 بلحقا بلحقا احلفي احلفي
( دموعي نزلوا و حاسة نفسي فرحانة و مصدومة و مش مصدقة في نفس الوقت )
ليلي : و اخيرا بنشوف بنتي بعد 3 سنين اخيرا
( صوت الزغازيط و المباركات من النساوين يلي معاي في العنبر )
ليلي : بارك الله فيكم كلكم و عقبالكم
نجوي ( وحدة من المسجونات ) : مبروك و اللهي البنت هاذي مضلومة من لما شفتها
ليلي : 🥺🔥
..............
( قدام عمارة نوال )
( درست تاكسي 🚕 فيها سناء و وعد بعد ما قررو ان يلقوا مكان افضل يقعدو فيه و سمعوا ان فيه فندق للنساء فقط كيف فاتح فا ركبوا )
( وصلت تاكسي فيها ندى و هي حامل بعد ما قعدت تدور في مكان تقعد فيه لين يرجع راجلها من السفر و تهرب من خوها يلي قالب عليها الدنيا )
( وصلت براءة هي و شنطتها و دموعها علي خدها بعد ما قررت ان تطلق من راجلها و تلقي مكان افضل ليها )
( وصلت اكرام بعد ما وحدة من يلي تشتغل معاها في المزين ان رح يفتح بنسيون للنساء فقط و رخيص و قررت ان تمشيله )
( وصلوا للباب مع بعض )
( قعدوا مستغربين من بعض )
( طقت ندى الباب )
نوال : هيا هيا حاضر حاضر
( فتحت الباب )
نوال : 😳 هذا شني ، منو انتم
وعد : مش هذا بنسيون نوال للسيدات
نوال : ايه وصلتي
اكرام : اني جاية بنأجر دار هني
وعد : حتي اني
سناء : و اني
براءة : واني
نوال : و اللهي اهلا و سهلا بيكم بس اني قلت نبي 3 بس معاي في الشقة مش اكتر من هكي
كرام : خلاص خوذيني اني
ندى : لا اني و اللهي حامل و تعبانة و ما عنديش وين نقعد
وعد : لالا الله يبارك فيك اني و سناء و اللهي ما لينا حد
سناء : اني و اللهي وحدانية ما ليا حد
نوال : شوفو بما انكم انتم اول زباين عندي رح ناخذكم كلكم بس و معش نبي نزيد اكتر من هكي
اكرام : تمام
ندى : صحيتي
براءة : شكرا
وعد : الله محلاها الشقة
( نوال : تفضلوا تفضلوا )
نوال : انتم الزوز صحاب صح
وعد و سناء : صح
نوال : خلاص خودوا الدار هادي
وعد و سناء : 😍
نوال : و انتي و انتي و انتي مع بعض
اكرام : انا
براءة: انا
ندى : انا
نوال : ايوه الدار هادي فيها 3 سراير و كبيرة و لو انتي يا حامل تبي تجي معاي لداري ما فيش مانع عندي سرير حتي غادي
ندى : لالا صحيتي
اكرام : شكرا ليك
براءة : الله محلاها الدار
نوال : تعالوا نبيكم
الكل : جو وراي 👁👁
نوال : شوفوا يا حلوات منك ليها انتم معاي اهني زي بناتي و اكتر و ما فتحت البنسيون الا اني محتاجة حد يونس عليا حياتي و نلقا فلوس باش نعيش فا كل وحدة تغسل حاجتها و تنضف المكان يلي قاعدة فيه و الغدي نتعاونوا فيه و يلي تخدم تجيب حاجات وقت الغدي و العشي كلنا مع بعض كل زوز فيكم دار المعاش حيكون رمزي ليكم كل وحدة حتدفع 50 دينار بس ، شن رايكم
الكل : تمام
.
🔥 حبس الجديدة 🔥
الضابطة : تعالي خودي دبشك و حاجتك
ليلي : حاضر
الضابطة : تفضلي
ليلي : شكرا ليك
( خديت حاجاتي و خراصي و حدايدي و طلعت من الحبس )
( اول ما طلعت شفت يمين يسار ما لقيتش ايوب مع ان وعدني قالي ان يوم طلعتك رح نكون معاك )
الضابط: هيا منك ليها اركبي
( ركبت لسيارة الشرطة و طلعنا )
( قعدت نشوف في البلاد كيف تغيرت و حتي الناس تغيرت و كنت فرحانة هلبا اني حنشوف بنتي )
( وصلنا لقسم الشرطة وقعت و طلعت من القسم )
.
🔥 البنسيون 🔥
سناء : وعد جعانة
وعد : باهي توا حتي بنجيب ماكلة بنجيب للكل و لا كيف
سناء : معش عارفة كيف الحل نقولك حاجة نجيب الحاجة و نسكروا دارنا
وعد : نتحشم
سناء : لالا ما فيهاش حشم بري جيبي و اني نقعد نساوي الدار و نرتب الحوايج
وعد : تمام
( طلعت من الدار )
نوال : وين ماشية
وعد : 👁👁 ما ما ماشية
نوال ؛ تكلمي خيرك ما ما ما
( مشتلها للكوجينة و قربت عليها )
وعد : هو الحقيقة اني و سناء جعانين فا قررت اني نمشي نجيب حاجة ناكلوها
نوال : لا
وعد : 😳
نوال : و المحشي هذا لمني ندير فيه بنتغدوا مع بعض
وعد : 😍 لا لا
نوال : زي ما قلتلكم و من غدوا نتعاونوا في البضعة
وعد : تمام
( رجعت تجري للدار )
سناء : وين الدجاج
وعد : قتلي نوال لا
سناء : شني و شن دخلها هيا
وعد : يا حمارة مطيبة غدي و بتحطه
سناء : قولي و الله
وعد : و الله
سناء : تمام
( في دار ندى و اكرام و براءة )
اكرام : انتي شن اسمك
براءة : براءة
اكرام : يا براءة ممكن ناخد الدولاب الفوقي
براءة : ايه عادي
اكرام : انتي وين بتحطي دبشك
ندى 😞 تمسح في دموعها ) في اي مكان عادي
اكرام : تمام نقسموه تقسيم ، خيرك تبكي فيه شي
ندى : لالا غير تعبانة شوي
براءة : 😳
.
( في دار وعد و سناء )
وعد : خلي نمشي نجيب مشروب و نجي
سناء : تمام
( طلعت من الدار )
وعد : نجيب مشروب و جاية
نوال : باهي
( نزلت من الشقة و تلفتت لقت محل عطور )
( خشت )
وعد : لو سمحت يا خوي
سند : تفضلي
وعد : اهلا
سند : 😍 اهلا ، تفضلي
وعد : نسأل علي سوبر ماركت قريب من هني
سند : بدي يأشر بأيده ، بعد المحلين هاذم بزبط
وعد : صحيت بارك الله فيك
( طلعت من المحل )
( طلع وراي )
سند : عمي صالح البنت هادي جديدة في العمارة
صالح : هاذي مأجرة عند نوال هيا و وحدات تانيات
سند : باين علينا نشوفوا الحلويات كل يوم
صالح : 😂
🔥 ليلي 🔥
( طلعت نجري من قسم الشرطة و خديت تاكسي )
( طولت درس التاكسي نزلت نجري للعمارة و بديت نطق )
ليلي : ايوب ايوب ايوب
( طق بصوت عالي )
( فتح جاري الباب ) : يا ليلي حمد الله علي السلامة يا بنتي كفارة ان شاء الله
ليلي : عمي ناجي وين ايوب
الجار ؛ تعالي خشي نحكيلك تعالي
مرته : ليلي بنتي حمد الله علي السلامة
ليلي : ( تفكيري وقت كله و نفكر وينه و وين البنت 🥺 )
.
( خشيت قعمزت )
ناجي : و اللهي يا بنتي شن بنقولك بس ، ايوب بعد ما خشيتي الحبس بشهر باع الشقة و طلع
ليلي : باهي ما قالكش وين مشي
ناجي : لا و الله
ليلي : 🥺
ناجي : لما طلع ما كلم حد و ما قال حاجة لحد و بعدين استاذ ايوب عاش ايام تصعب علي الكافر في سبة يلي صار ليك
ليلي : 🥺
ناجي : هيا الشقة مش بأسمك
ليلي : لا كتبتها بأسمه
ناجي : الحوش حوشك يا بنتي
مرت الجار : نحضرلك حاجة تاكليها
ليلي : بارك الله فيكم اني ماشية
( طلعت و دمعتي علي خدي يعني يوم ما نطلع من الحبس عشان نشوف بنتي نلقاها مهناش )
( قعدت نمشي في الشارع نشوف في كل الصغار بنتي نور كلهم )
( مشيت لخالتي نوال )
🔥 النسيون 🔥
نوال : هيا يا بنات المحشي سخون
اكرام : سلم ايدك
سناء : الله علي الريحة
وعد : 🤤
ندى : نساعدك في حاجة
نوال : انتي خليك مكانك
براءة : نساعدك اني في حاجة
نوال : ايه انتي تعالي
( وتينا السفرة علي الطاولة و قعمزنا ناكلوا )
نوال : شن رايكم فيه
اكرام : يسلم ايدك
براءة : المحشي الاصلي متع زمان
ندى : و اللهي كان خاطري فيه
( طق الباب )
وعد : تو نفتح
نوال : قعمزي نفتح اني
( اتجهت الباب و فتحت )
نوال : ليلي 😱😍🔥
ليلي : 🥺
نوال : ليلي يا ليلي يا بنتي قلتيلي طالعة كنت جيتك للحبس خديتك
ليلي : 🥺 حصل خير
( اضبتها )
نوال : ليك وحشة يا ليلي هكي تهون عليك خالتك كل السنين تخليني بروحي
( قعدوا البنات يشوفوا لبعض و ناضوا )
ليلي : مني هاذم
نوال : اني فتحت حوشي بنسيون للبنات حتي يونسوني بعض ما خليتيني
اكرام : اهلين اني اكرام
ليلي : اهلين
سناء : واني سناء
ليلي : اهلين
براءة : واني براءة
ليلي : ☺️🥺
وعد : واني وعد
ندى : واني ندي
ليلي : اهلين بيكم
نوال : بتقعدي معايا
ليلي : ( هزيت راسي بمعني ايه ) 🥺
نوال : و اللهي فرحانة انك حتقعدي معاي ، خيرك ليلي فيه شي
ليلي :، نوال تعرفي بنتي وين
البنات : 👁👁
نوال : 😳
،،،،،،،،،،،،،،يتبع ، بقلم #أحمد_عبدالله
( حنعرفوا غدوا قصة كل بنت فيهم زي اكرام و براءة و ندى و غيرهم و رح نشوفوا شن قصة ليلي الكاملة و حياتهم في الشقة و هلبا حاجات جاية و الاحدات حتسخن و لكل وحدة قصة و حكاية طويلة عريضة حنعرفوها و وين الحب في حياة كل وحدة فيهم ❤️
هل اعجبك الموضوع :

تعليقات