رواية أنا داليدا الحلقة السابعة عشر كاملة 17 - روايات نسمة مالك
 |
| رواية أنا داليدا الحلقة السابعة عشر كاملة 17 - روايات نسمة مالك |
لقراءة باقي حلقات رواية أنا داليدا : اضغط هنا
رواية أنا داليدا الحلقة السابعة عشر 17 كاملة - نسمة مالك
↔
انا داليدا💜
..صمت..
تنظر لها بتوسل ورجاء..
تنتظر قرارها بقلب مرتعب..
لتقطع داليا الصمت وتبتسم ودموعها تهدد بالنزول..
داليا:عشقتى يابنت عامر؟؟
لتهبط دموع داليدا بغزاره وتحرك رأسها بسرعه مجنونه بنعم..
لتكمل داليا ببكاء شديد..
هتتجوزى وتسبينى..
لتقترب داليدا وتقبل يدها وتحتضنها بحب..
داليدا:عمرى ما اقدر اسيبك يا ام الدود..
لتبعدها داليا برفق وتعدل لها رباط يدها المصابه..
داليا:بأصرار..وهفضل أم الدود يابت..
وانتى هتفضلى الدود مع الكل..
لتنظر لها داليدا وبدا الخوف يظهر على ملامحها..
لتقترب داليا وتمسك وجه داليدا وتكمل ببتسامه..
الا مع جوزك..
هتبقى الأنثى داليدا اللى خبتيها سنين..
داليدا:بأمل..يعنى انتى وافقتى على جوازى يا امى..
داليا:بالطريقه اللى عملتيها دى لا طبعا..
لتكمل بأصرار..
عمرى ما هوافق على جوازك من ورايا..
داليدا:بخجل..انا عارفه انى غلطانه..
انا اسفه يا امى..
داليا:اسفك مش كفايا يا بنت عمرى..
لتنظر لها داليدا بتسائل..
لتكمل داليا بأمر..
يطلقك..
دا اخر كلام عندى..
لتهم داليدا بالحديث..
لتقاطعها داليا بغضب واصرار اشد..
مهما تقولى مش هغير رأيى..
يطلقك ويطلب ايدك منى وانا ارفضه للمره الألف ويتقدم تانى ولما ابقى اوافق هيبقى جوازك منه بعد ما تخلصى تعليمك..
لتتنهد داليدا بيأس ودموعها تهبط على وجنتيها بحرقه..
لتكمل داليا بجمود..
دا أخر كلام عندى لو مش عجبك يبقى تمشى مع جوزك من سكات ومسمعش صوتك تانى..
وتنسى ان ليكى أم..
لتحرك داليدا رأسها بلا..
لتكمل داليا بنتصار..
يبقى قومى حالا وأطلبى منه الطلاق..
/////////////////////////
..عشقتك وكفى..
بقلب ينبض بعشقها..
يجمع أغراضها..
ثيابها التى لا تليق بها..
فجميعها ملابس رجالى كاجول..
حتى التيشرتات الداخليه رجالى ايضا..
ليلتقط احدهم ويشتنشقه بعشق وشغف شديد..
ويتحدث لنفسه بأصرار وهو يقرب تيشرتها داخل صدره..
عمار: وربى لعوضك..
هعوضك يا قلب عمار عن كل لحظه تعبتيها فى حياتك..
لينتبه لصوت احمد وهو يخبط على كتفه برفق..
احمد:باشا مصر..
ليك واحشه ياابو نسب..
عمار:ببتسامه..وانت كمان يا ابو حميد ليك واحشه..
احمد:بأحراج وهو ينظر لوقفته على السلم..
قولتلك خالتى بتحب الدود حب امتلاك..
بتعتبرها رجلها..
يعنى مشوارك مش هيبقى سهل ابدا..
عمار:بتنهيده عاشقه..كله يهون علشان خاطرها يا احمد..
انا مستعد اعمل كل حاجه فى الدنيا الا ان داليدا تبعد عنى..
ليحك احمد ذقنه ويتحدث وهو ينظر للملابس التى بيده..
احمد:طيب ايه..
مش دى هدوم داليدا..
ليحرك عمار رأسه بنعم..
طيب هى فين؟؟
عمار:قالتلى عايزه تتكلم مع والدتها على انفراد..
احمد:خلاص تعالى عندى البيت وبعدين نرجعلهم تانى..
عمار:لا لا مش هتحرك من غير داليدا..
ليكمل بستعجال..
ثوانى بس هودى الحاجه دى العربيه وأجيلك..
خرج سريعا ووضع أشيائها بسيارته وعاد يقف أمام بابها ينتظرها بقلب ينبض بعشقها..
لينظر له احمد ويتحدث بتأكيد..
احمد:ببتسامه..عمار لازم تبقى عارف لا خالتى هتسبلك داليدا بسهوله..
ولا داليدا هتسيب خالتى بسهوله..
دول روحهم فى بعض..
وانت بقى الله يعينك عليهم..
عمار:عارف يا احمد..
ومستعد لأى حاجه..
ليبتسم بثقه..
داليدا مراتى..
مرات عمار الشناوى..
لينتفضو اثنانتهم بفزع على صوت دولت..
دولت:بصراخ..يا لهووووووووى..
احمد:بفزع..ايه يا امه بتصوتى ليه..
لينظر حولها يبحث عن زوجته ويكمل بلهفه..
فين جيسى يا امه..
دولت:بلويه فم..مرتك مع خالتها فى عربيه المحروس..
لينظر عمار لاحمد بستفهام..
عمار:ببتسامه ومزاح..المحروس دا قصدها انا..
احمد:بخوف مصتنع..احححم طبعا..
لتكمل دولت بغضب..
دولت:خت هدوم الدود عندك فى العربيه..
اه ما انت ما صدقت تلهف البت..
اه يا نارى يا مرارى منكم..
كل واحد اتجوز موزته واحنا نشيل الهم..
عدينى منك له خلينى أطمن على أختشى حبيبتشى..
//////////////////////
..بعشقه..
اول كلمه نطقت بها جيسى لخالتها فور لقائهم..
عاليا:بفرحه ودموع..جيسى يا حبيبتى يا بنتى انتى اتكلمتى..
احتضنتها بحب..
الحمد لله يارب..
كنت بدعيلك من قلبى ليل نهار والله يابنتى..
لتبتعد عنها وتضربها برفق..
بقى يابنت يا نوتى انتى اول كلمه تقوليهالى اول ما تشوفينى بعشقه..
بدل ما تقوليلى واحشتينى يا خالتو..
لتتنهد جيسى بعشق..
جيسى:ببتسامه من بين دموعها..
طبعا واحشتينى يا أحلى خالتو..
لتكمل بهيام..
واه بعشقه ياخالتو..
ربنا استجاب دعوتك ليا..
ورزقنى بالمتوحش بتاعى..
لتكمل بتلقائيه وقد تناست نفسها كالعاده..
بيبوسنى بوسه هييييييح جنان..
لتحرك عاليا راسها بيأس من تصرفاتها وتتحدث بفضول..
عاليا:احححم بوسه بس يا جيسى..
جيسى:ببراءه..لا يا خالتو وحضنه كمان..
امممممم بيفترسنى فى حضنه المتوحش دا..
لتتنتبه لحديث خالتها ونظرتها المتلهفه..
وتتحدث بخجل شديد وقد توردت وجنتيها بشده..
حضرتك تقصدى ان حصل بنا أكتر من كده..
لتحرك عاليا راسها بنعم..
لا يا خالتو اطمنى..
عاليا:برتياح..انا عايزه اشوفك احلى عروسه يا حبيبتى..
جيسى:بحب..عارفه يا خالتو..
ربنا ميحرمنيش منك..
وبعدين حضرتك عارفه اننا قاعدين فى بيت مامته على ما شقتنا تخلص..
هانت يا خالتو وتشوفينى بالفستان الابيض..
لتكمل بمزاح..
هبقى الوتكه والموزه الجامده بتاعته هو بس..
لتنظر لها عاليا بزهول وتفاجئ..
عاليا:بنت جبتى الكلام الغريب دا منين..
جيسى:بهيام..هيكون مين غيره يا خالتو..
هيييييح المتوحش بتاعى لوحدى طبعا..
بيقولى كلام غريب بس عجبنى خالص خالص يا خالتو..
لتنظر لعاليا وتتحدث بصدق وعشق شديد..
انا بعشقه❤
//////////////////////////
..قاسم&لمار..
..عشق قاتل..
مر أكثر من ساعه..
أخيرا تمالك نفسه..
ابتعد عن شفتيها على مضض..
أرتدى ثيابه تاركا أزرار قميصه جميعها مفتوحه..
نظر لها ولملامحها الرقيقه والبريئه للغايه بندم..
قلبه أصبح يصرخ بعشقها..
يعلم ان ما فعله لن يغتفر..
لكنه لم ولن يسمح لها بالأبتعاد..
أغمض عينه بعنف لتهبط دموعه بغزاره..
لأول مره بحياته بعد موت والديه يبكى هكذا..
لينتبه لحاله سريعا..
استعاد جموده وصرامته..
أزال دموعه بكلتا يديه..
وأقترب منها وحقنها ثانيا لتبدأ هى بستعاده وعيها..
رسم البرود واللامبالاه على وجهه..
قناع يخفى به ندمه وعذابه الذى يشعر به..
لتدمى هى قلبه أكثر وتضربه بمقتل..
عندما بدأت تهمس بأسمه هو..
سب بسره شقيقه وأياد وعمار شقيقها حتى نفسه ايضا..
فهى أصبحت ضحيه لهم جميعا..
دون اى ذنب منها..
فتحت عينها ببطئ..
يداهما دوار عنيف وصداع قوى..
تشوش الرؤيه والأضاءه أزعجتها..
أغمضت عينها وفتحتهم مره أخرى بتساع وزهول بعدما لمحته..
تنظر جيدا له..
وتنظر للمكان حولها..
لتغمض عينها مره أخرى واضعه يدها عليهم تفركهم بعنف علها مخطئه فيما رأت..
لكنها صدمت برؤيته أمامها ثانيا على وجهه أبتسامه خبيثه مستفزه..
لتمعن النظر بهيئته قميصه المفتوح لأخره وحزام سرواله المفكوك..
لتنظر لنفسها وهيئتها العاريه تماما أسفل غطائها..
وتعود النظر اليه مره أخرى بعدم تصديق وعيون راجيه ان تكون بكابوس ليس الا..
الا انه حرك رأسه لها بلا وتحدث ببتسامه وجمود..
قاسم:مبتحلميش لا..
مبروك بقيتى مدام قاسم الأسيوطى..
لتهم هى بالصراخ وبلحظه كان أقترب منها واضعا يده فوق فمها وأحكم أمساكها بين يديه وتحدث بأمر..
أهدى وأسمعينى كويس..
انا ملمستكيش..
انتى لسه بنت بنوت..
لتنظر له لمار بأعين متسعه يغرقها الدمع..
وتحرك رأسها بعدم تصديق..
ليكمل هو بتأكيد..
وغلاوه أخويا انتى لسه بنت..
لتنظر له بستفهام..
ليكمل هو بجديه مصتنع البرود..
انا صورتك فى حضنى كأننا فى علاقه مع بعض بس..
لتغمض لمار عينها بعنف ويظهر الأشمئزاز على ملامحها..
لتفتحها سريعا وتحاول الأبتعاد عنه والفكاك من حصاره بهستريه..
ليبعد هو يده الموضوعه على فمها سريعا بعدما رأها على وشك التقئ..
جذب الغطاء عليها وأمسك خصرها بأحكام ومالها بها قليلا موجهها لباسكت بجانب سريرها..
لتبدأ هى بالتقئ بشده..
ليهمس هو لها بأذنها..
دا بسبب المره اللى شمتيها..
انا حقنتك بحقنه طارده للسموم..
لتزيد هى من حده التقئ أكثر حتى انتهت..
جسدها يرتعش ومتعرق بشده..
أسند رأسها على صدره لتبعده هى بكره شديده من لمسته لها..
وتحدثت بضعف..
لمار:لو انت فعلا راجل تفضل هنا لحد ما أخويا يجى..
ألقت جملتها عله يخشى من شقيقها ويفر هاربا قبل مجيئه..
لكنها تفاجئت من رد فعله..
فقد تمدد بجوارها بعدما أزاح قميصه عنه وأصبح عارى الصدر تماما وتحدث ببتسامه وبرود حاد..
قاسم:طيب ما انا مستنيه فعلا..
////////////////////
..وقف نبض قلبى..
تقف أمامه..
تهرب بعينها بعيدا عن نظره عيناه العاشقه..
وتتحدث بجديه وجمود مصتنع..
داليدا:طلقنى..
كلمه قاتله..
لم يسمعها بأذنه..
شقت قلبه وطعنته عندما تفوهت بها..
لتبتسم داليا ابتسامه أنتصار لمحها عمار سريعا..
ليتحدث هو بهدوء موجها حديثه لزوجته..
عمار:افهم من كده انك أختارتى والدتك..
لتحرك داليدا رأسها بنعم دون النظر لعيناه ايضا..
ليكمل هو بصدق..
انا بعشقك أكتر لما بتتمسكى بأهلك أوى كده..
لترفع عينها وتنظر له أخيرا..
ليهم بالأقتراب منها وقد سحرته نظرة عينها..
نظره راجيه متوسله الا ينفذ ما طلبته..
لتسرع داليا وتقف عائق بينهم وتتحدث بملل ونفاذ صبر..
داليا:قالتلك طلقنى وأخترت امى..
ايييييه يا أخينا أرمى اليمين واتكل على الله من هنا يله طرقنا..
أبتسم ابتسامه محاولا أخفاء ألم قلبه بها..
وتحدث بأصرار وعزيمه..
عمار:مستحيل أطلاقك يا داليدا..
ولأخر يوم فى عمرى هتفضلى مراتى..
ليصمت قليلا ويكمل بصدق..
وانا مش همنعك عن أهلك لو عايزه تفضلى معاهم خليكى..
ليستعد للخروج فتسرع داليا بالأمساك به من ياقته قميصه بعدما وقفت على أطراف أصابعها لفرق الطول بينهم..
داليا:بغضب عارم..اسمع اما أقولك يا جدع انت..
لو مرمتش اليمين على بنتى دلوقتى والله لأكون واخدها ونطلع على المحكمه حالا ونخلعك..
ونخليك تبقى الظابط المخلوع وشكلك يبقى عره وسط زميلك..
لتكمل بغضب أعمى..
بنتى مش هتتجوز وتسبنى انت فاهم..
دى بنتى لوحدى..بنت عمرى..
مستحيل حد ياخدها منى..
لتتدخل دولت وأحمد يحاولون ابعاد داليا عن عمار..
وهو يقف بلا حراك ووالدتها تدفعه بكلتا يدها على صدره بكل قوتها..
هو فقط عينه على زوجته التى تقف بجمود وهدوء مصتنع..
لا تبكى..
لا تبدى اى رد فعل..
تشاهد ما يحدث بصمت..
وأخيرا أبعدو داليا عنه وقد فقدت أعصابها وبدأت تتحدث دون أنتباه لكلماتها..
داليا:مش هسبهالو يا دولت..
بتقولى انها بتعشقه يعنى بتحبه أكتر منى..
لتصرخ أكثر..
دى بنت عمرى يا دولت..
لتبعد احمد عنها بعنف وتوجه حديثها له..
ابعد عنى منك لله يا احمد..
انت اللى جوزتهالو من ورايا..
لتعود بنظرها مره أخرى لعمار الواقف ينظر لزوجته وقد بدأ قلبه ينبض برعب من هدوئها وصمتها وعيونها تتنقل بينه وبين والدتها..
هطلقها غصب عن عينك..
ولا انت ولا غيرك هيعرفو ياخدو بنتى منى..
وبلحظه كان قطع عمار المسافه بينه وبين زوجته منتشلها داخل أحضانه قبل سقوطها على الأرض..
لتصرخ داليا بفزع ورعب..
داليدا بنتى..
لتهرول اليها وتتحدث ببكاء ونحيب شديد..
مالك ياضنايا فيكى ايه..
تتنقل بنظرها بينهم جميعا..
تنظر لهم وكأنها تحفظ ملامحهم..
ثم توجهت بالنظر مره أخرى لعشق قلبها..
ليتحدث بقلب اوشك على التوقف من شده رعبه..
عمار:داليدا يا قلب وروح عمار..
ردى عليا فيكى ايه يا حبيبتى..
عادت بنظرها مره أخرى لوالدتها وهمست ببتسامه ضعيفه..
داليدا:محدش يقدر ياخدنى منك غير ربنا يا أمى..
لترفع يدها السليمه وتمسك يد عمار وتضعها على قلبها وتضغط عليها بقوه..
وهمست له بضعف أشد..
قلبى مش مستحمل كل الحب والعشق اللى حاسس بيه..
نهت جملتها وأغلقت عينها غائبه عن الوعى او ربما عن الدنيا..
رأيكم وتوقعتكم..
دمتم بألف خير احلى قمرات💜