القائمة الرئيسية

الصفحات

رواية عائلة من جهنم الحلقة الخامسة عشر 15- للكاتبة أروى طاهر المسلاتي

رواية عائلة من جهنم الحلقة الخامسة عشر 15- للكاتبة أروى طاهر المسلاتي

رواية عائلة من جهنم الحلقة الخامسة عشر 15- للكاتبة أروى طاهر المسلاتي

لقراءة باقي حلقات رواية عائلة من جهنم : اضغط هنا

رواية عائلة من جهنم الحلقة الخامسة عشر كاملة مكتوبة 15 - للكاتبة أروى طاهر المسلاتي - بنووتة الشيخ 



درتها زي الحلقه الاضافيه يابنات من الساعه 1نكتب ونرقد من التعب اسفه 😭
والروايه طولتها حلقتين لان مكتبتش كل الاحداث اليوم
قمر:تشوف لي عيونه ...بس انت طلعت جبان!
جبان ومقدرتش تفتح فمك بحرف قدامهم!!
غيث:ضغط عليها وقربها ليه❤️...منقدررررررش
منقدرش نعترف ولا نقوووول شي لين نرتب اموري افهمى لو حد عرف بشي يلي في داخلي بيبعدوك من عليا وانتى بديتي زي الادمان مش طايق مكان انتي مش فيه افهمممي..
قمر:ساكته وعيونها بيطلعو من الصدمه
غيث:طلقها بقوه لين قريب طاحت وهوا متكنطي
بس انتي حمااااااره وبهيمه متفهميش تنبحي تنبحي تنبحي طول الوقت وانتي مش فاهمه شي
عاجبك زيااااد؟؟؟عاجبك يلي داره؟
قمر:بصوت عالي زي صوت غيث....اي عاجبني اي
طلع راجل قدامهم وحكي ان يبي جيهان بدون ىخوف
غيث:لانه متعوووووووود متعوددددددد مش اول وحده يكلمهاااا
لو قعد يدوي ويقول نبيها من هني لعند الف سنه مفيش حد رح يدوره
لكن انا لو كنت طايش زيه وتكلمت وجهك هاذا معش بنشوووووووفه افهمي ...وماسك وجها بيده
قمر:معلقه عيونها فيه...قصدك انا اول وحده ؟
غيث:انتبه على نفسه ونزل يده...في شنو اول وحده؟
قمر:زيد مش اول مره يحب قلت او مش اول مره يكلم بنت !!
غيث:قام عيونه في سقف الغرفه وداهش من كثر ما عصب
قمر:مسكت بيدها يلي مش مكسوره في سوريته....
يعني انت ولا ؟!
يعني نقصد ان انا ؟!...انا اول وحده ؟؟
غيث:ضغط علي شاربه اللوطي وهوا مسكر عيونه وراسه فوق
قمر:غيث رد عليا !!
غيث:نزل عيونه يشوفلها ❤️كانت نضرتها هكي 🥺
يد مجبسه واليد التانيه ماسكه بيها سوريته وتراجي فيه يرد عليها وقلبها يدق
غيث:تنهد بي استسلام ...اي قمر اي انتي اول وحده
قمر:اول وحده شنو🥺
غيث:مسك يدها ونزلها من على سوريته...اول وحده تخش لي قلبي
قمر:ابتسمت ....احكيلي
غيث:يشوفلها وعيونه يلمعو لكن مفيش ولا تعبير في وجها ....شنو تبيلي نحكيلك بزبط؟!
قمر:الكلام يلي مقدرتش تحكيه قدامهم احكيهولي
غيث:خذي نفس....انا طالع عندي هلبا حجات بنديرها نهدرزو بعدين...جي بيطلع قمر نقزت من ع السرير وجت واقفه قدامه
غيث:قكر بطلي الحركات هاذي
قمر:دفاته بيدها وسكرت الباب ...خليك جريئ قدامي بس واحكي
غيث:يهز في رجله بتوتر وقايم راسه ...مفي شي انتي متعرفيشي
قمر:به نزل راسك شوفلي لاني قصيره منقدرش نوصلك ونزل راسك بسيف
غيث:قايم واسه وابتسم
قمر:تشح فيه من سوريته...غيييييث
غيث:نزل راسه وقرب عليها
قمر:قلبها يدق...قلت نزل راسك مش الصق فيا 😧
غيث:باسها على راسها وطلع
قمر:غيث استناااا محكيتليش غييييييث
غيث:طلع وسكر الباب ...حط يده على قلبه وتنهد براحه❤️
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
خديجه:هيا يابنات بوكم برا يراجي
وفاء:ماما خليني نبات مع اريام اليوم
اريام:مقدرتش تتحكم في اعصابه وعيطت بصوت عالي ...لااااااااا روحي منبيكش لا انتي ولا اختك
يلي في الدار كلهم نصدمو من رد فعل اريام على اختها !!
عز الدين :ماسك ولده...بشويه خيرك. ع البنت؟؟؟
امينه:شافت اريام وجها بدي اصفر ومعش عرفت شنو تحكى ....معليشي فافي اريام اعصابها تاعبه
عز الدين:اقعدي وفاء متعدليش عليها اختك هاذي هبلت
اريام:سكتت وهيا من داخل ترحي
وفاء:خدت شنطتها وابتسمت لي راجل اختها...لا عادي مره تانيه ان شاء الله ماما بايته؟
خديجه؛اي بايته روحي انتي وحوريه
وفاء:خذت شنطتها واشرت لي اختها ...هيا
طلعت وفاء وعز الدين حط البيبي وطلع وراها يجري واريام بدت تبكي لان راجلها مرضاش في حبيبته يلي هيا نفسها اختها 💔
الدار كان فيها هدى وبناتها امينه واماني وام عز الدين
_____________________
عز الدين:وفااااء وفااااء استنى
حوريه:هاذا خيره؟
وفاء:نعم
عز الدين:متواخذيهاش لانها عيطت عليك
وفاء:لا عادي برا خليك معاها
عز الدين:استني وفاء
وفاء:خلاص والله عادي مش زعلانه منها مقدره وضعها
عز الدين:تنهد...به تمام
شاف لي حوريه ...لو احتجتو شي كلموني
حوريه:ان شاء الله
عز الدين:رجع للغرفه وكان معصصصب من اريام
وكيف احرجت وفاء قدامهم 💔
_________________________
الساعه 2فس الليل:-
جنى:متكيه ع السرير وتهدرز ع قمر...زعمى بيديرو اسبوع لي اريام؟
قمر:مقعمزه في سريرها ومتكيه ع الحيط..اكيد
جنى:افففف شنو بنلبسس زعمى ؟!
وكيف بندير شعري نفكر نقصه ولا شن رايك؟!
قمر:....
جنى:نكلم فيك
قمر:....
جنى:شافت لي قمر لقتها متكيه وتبتسم ❤️
جنى:قمرررررر
قمر:ها خلعتيني شن تبي
جنى:شن صاير وين سارحه؟!
قمر:مش سارحه يدي توجع فيا متعبتني بنرقد
جنى:تلقح...ويلي يده توجع فيه يبتسم هكي ؟؟
قمر:سكري فمك وارقدي
جنى:اختي ونعرفك
__________________________
بعد مرور اسبوع:-
الايام هاذي كانت ملخبطه على العيله كلها!!
جيهان معش قادره تقعد هلبا مع العيله بعد يلي صار لان كل شويه يلقحو عليها وزيد يلي قريب يهبل كل شويه يناشب فيها ويدير في حركه قدامهم وهوا فرحان لان ضامنها ليه بعد ما جده تفاهم مع غيث❤️
اما قمر نهائي معش تلاقت مع غير بعد هذيك الليله يروح في وقت متأخر من الليل وقت تكون هيا راقده او حتى تشوفه من فوق ومتكلماش !
ايه مختفيه زي العاده في غرفتها وبس متكلمش في خد ولا تطلع ماكلتها ترصلها لعند الدار اكتر من هكى لا!!!
________________________
اليوم القصر كله مقلوب !
من الصبح كلهم واقفين استعداد ويجهزو لحفلة استقبال بيبي اريام
بعد مشاااااكل كبيره بين اهل عز الدين والهاشمي اب اريام عشان الحفله وين رح تكون قاطعهم الشامخ واصر ان الحفله وح تكون في القصر وزي العاده محدش عارض الكلام
اهل عز الدين حسوها اهانه ...حفيدهم رح تكون الحفله في بيت تاني وطبعا هزبو عز الدين وعز الدين رد غيضه كلللله في مرته اريام يلي كانت طول الوقت تبكي وبس💔
الساعه6العصر :-
تجهزت الصاله الكبيره وبدت كل وحده لاهيا في شعرها وهدى وخديجه في المطبخ يحضرو ويطمنو على الضيافه
____________________
جنى:تجفف في شعرها ....خيرك لابسه عبايتك؟
قمر:تبخ في عطرها....بنمشي انحي الجبس
جنى:مسرع؟حسب علمي يقعد شهور
قمر:يلي في يدي مش كسر ياغبيه افهمي
جنى:امممم مش كسر ولا حجه باش تشوفي غيث
قمر:فنصت فيها...بنتتتت من وين جايبه قلة الادب هيا
جنى:افففف نبصر نبصر ...وفتحت الدولاب ..زعمى شنو نلبس ياربي احترت معش عندي شي
قمر:ديمه وانتي تعيطي معندك شي ودولابك معبي
جنى:ترا اسكتي انتي
قمر:رن تالفونها لاول مره بي اسم غيث من اسبوع كامل ...خلت روحها رزينه مردتش خذت شنطتها ونزلت
طق طق طق
جنى:ماسكه جيها وحده من شعرها...شن تبي ياخرا علاش متاخديش كل شي في مره م...😨
كندر:ابتسم...اهلا
جنى:عيونها بيطلعو وساكته ع المنضر يلي هيا فيه
الكندر:تفضلي
جنى:شافت كيس اسود....شن هاذا؟!
الكندر:خوذيه تعرفي
جنى:نحت شعرها من يدها وكان نصف مستشور ونصف لا😂....طلعت من الكيسه قفطان جينز حلو ...شن هاذا
الكندر:اتكى ع الباب...شفتك امس تسألي عليه في الانستا
قلت نجيبهولك اليوم اكيد تبي تلبسيه في الحفله
جنى:ع فكره انا مشريتاش لانه معجبنيش
الكندر:مشرتيشي لانك تعاركتي انتي وصاحب المحل ع السعر وقلتيله برا ياعيل يا خامر 🙂
جنى:خدودها حمرر...هوا استفزني
كندر:ابتسم....المهم صار عندك ياحلو❤️بلهني عليك
جنى:اءء امم ش شكرا
كندر:ضحك ...العفو
جنى:هوا انت كل وحده تلقاها معلقه تشريلها؟
كندر:اياه عليناا🤦🏻🤦🏻🤦🏻انا فاضي وربي
جنى:اي اي كلام الحق وجاااااع
كندر:منكددددديه...وطلع وقربع الباب
جنى:ابتسمت وتشوف للقفطان ...عادي لو تعبتك شويه معاي 😂
______________________
قمر:في طريقها لي سيارة غيث...خيرني نرعش هكي ؟؟!
اووووه مش قادره حتى ناخد نفس...خليك ع طبيعتك قمر ع طبيعتك
سميه:قموره
قمر:نخلعت...هاااا
سميه:اسم الله عليك كنك؟
قمر:لا ولا شي تبي حاجه؟
سميه: اتصلي بيا طمنيني لما توصلي
قمر:حاضر ماما
سميه:في امان الله
قمر:ركبت في السياره وشافتله...كيفك؟
غيث:لابس نضرات...تمام وانتى
قمر:الحمد الله
غيث:ولع السياره وطول الطريق مفيش خد تكلم فيهم كأنهم غرباء على بعض 😂
رغم ان مفيش حد تكلم لكن من داخل كل واحد حكي هلبااااا كلام مش قادر يقوله !
__________________________
جيهان:تنهدت بتعب...اووه خلاص جبتهم الماعين
جليله:تعالي جيهان
جيهان:نعم
جليله:ارفعي حفضات الحلويات في غرفة غيث مدامه مهناش اكيد المكيف والع زي العاده والدار مصقعه حطي الحافضات عادي وتعالي
جيهان:تمام...خذتهم ومشت
جليله:خدميهم بنات الشرقاويه ميقولوش لا خير من تتعبي
راضيه:حب ديري روحك تخدمي وخلاص نهلكنا
صالحه:راااااااضيه
راضيه:اياه علينا...نعم
صالحه:نشوف فيك انتي والسوسه يلي معاك اخدمي زي الناس
راضيه:حاضر😡😡
____________________
حوريه:كملت استشوار شعرها وطلعت لجنان القصر باش تتأكد ان كل شي تمام ...
طق الباب الخارجي :-
حوريه:فتحت الباب ولسانها ارتبط❤️
كان نفس الشاب يلي شفاته من اسبوع وابتسملها
لبسه اناقته جماله❤️❤️❤️
عمر:اهلين
حوريه:اءء ا اهلا
عمر:استاذ غيث موجود،؟
حوريه: غ غيث خوي؟! اءءءا ل. ل لل لا
عمر:عطاها كرت...قوليله يتصل بيا ضروري لانه رقمه راح مني ومريت عليه للمعرض ملقيتاش
حوريه:هست براسها زي المسبوها
عمر:تمام ياحلو؟!
حوريه:هاا ...حلو ؟؟!
عمر:ضحكلها ع جنب وكانت خلاص رح اذوب يالله ع كل حال من غير حتى غيث الكرت صار عندك حتى انتي❤️
حوريه:ساكته تتفرج عليه
عمر:يالله سلام ياحلو...وطلع
حوريه:سكرت الباب الخارجي وبدت تنقز بروحها وتحضن في الكرت زي الهبله
_____________________
جنى:خشي استنيها...شويه وتروح
سماح:اءء به تمام انا نازله نراجيها لوطه
جنى:واقفه تمكيج...اوكي براحتك
سماح:طلعت وسكرت الباب
جنى:بعدت من ع المرايا وقعدت تتأمل في القفطان وتبتسم❤️
_________________________
جيهان:ماسكه حافضات الحلويات
زيد:حلويات ماسكه حلويات
جيهان:ضحكت...تعالا امسك دخلها انت غرفة خوك نتحشم نخش داخل!!
زيد:قام جيهان
جيهان:زززززيد نزلني شنو ادير
زيد:نزلها وهوا يضحك...عاد شنو بندير تلخبطت بينك وبين الحلويات
جيهان:حطت الحفضات ع الارض...لمره في حياتك بس بطل تحرجنى وتخليني نرتبك
زيد:الحب واعر🤤
ولان واعر تو تشوفيني كيف ناخدك يابنت
حيهان:نزلت من الدووج وهيا تضحك وفرحانه بكلامه❤️
_______________________
مجد:واقف ع المرايا لابس سوريه عربيه ويبخ في عطره ويحكي بي التالفون لين صدماته سماح لما خشت وسكرت الباب وهيا ترعش
مجد:تم مروان تو ندورك هي سلام ...شن جابك انتي هنايا
سماح:شوفلي حلللل ...كلهم عرفو اني على علاقه معاك وبدو يطلعو في اشاعات اني حامل منك
دير حل مجد تعبت الشارع كله يحكي عليا لو الكلام وصل لي خوتي انا انتهيت
مجد:رجع العطر مكانه...بطلي حركات البنات يلي اديري فيهم ومتجيش تحصليني في حجات مدايرتيها مع غيري
سماح:انا مجيتش قتلك حامل ياغبييييييي انا قتلك اشاعات دير حل للكلاب اصحابك يلي مقعمزين 24ساعه في الشارع
مجد:كانك بنت ناس راهو محد حكي عليك ...اطلعي من هنايا عندي ما ندير
سماح:حقيررر ..حبيتك من داخل قلبي💔 شنو الغلط يلي درته فهمنننننى
خديت كلامك في كل شي علاش فجآه صار هاذا كله؟؟؟
مجد:مزاج!
سماح:شافت لي يده...كان لابس نفس الساعه يلي جابتهولا في عيد ميلاده ...تمام
مدامه مزاج معش تحاول توصل فيا ولا تتواصل معاي مجد خلاص يكفي معش تتصل بيا ولا عاد تجي في طريقي
مجد:مش بكيفك
سماح:فقدت اعصابها....شن قصتتتتتك انت
ما نبيك ولا نصبر عليك ؟
مجد:وقت معش نبيك انا نسيب مش انتي
وتو اطلعي من هنايا
سماح:من اليوم لو قدرت توصل فيا خود يلي تبيه...وطلعت وسكرت الباب
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
كملت قمر من عند الدكتور ورجعت لسياره وهيا تشوف لي غيث من بعيد واقف ع الصيدليه ياخذلها في دواء❤️❤️
غيث:ركب عطاها الدواء وولع السياره
قمر:قريب نوصلو ومحكاش معاااااي💔
غيث:كيف يدك توا؟
قمر:احسن الحمد الله
غيث:سكت
قمر:الحوش زحمه
غيث:توا حفله ونفخ راس نمشي ندور وين نرقد
قمر:غيث
غيث:يسوق ...هاا
قمر:سكتت شويه بعدين تكلمت...استاحشتك
غيث:شد فرين بسيارته لين قمر نخلعت ...درس السياره ع اليمين وقعد يشوفلها
قمر:نقصد ان اسبوع كامل مريتكش ولا كلمتني علاش ؟
غيث:كنت محتاج نركز في الشغل اكتر! وانتي ديمه داهبتيلي شيرتي
قمر:استاحشتني ؟
غيث:ولع السياره من جديد...دخلي شعرك
قمر:بنسألك ع حجات لين نوصلو الحوش وانت هز براسك اي ولا لا متتكلمش
غيث:بدينا في جو الصغار
قمر:هيا ونبي
غيث:به
قمر؛استاحشتني؟!
غيث:هز راسه بي اي
قمر:واعدتنى مره وهربت...بترفعنى لي الشرق؟
غيث:هز راسه بي اي
قمر:تخلي المعكرش يزوجنى المجد
غيث:هز راسه بي اي
قمر:ونبي؟
غيث:ضحك
قمر:ضرباته ع يده...مبردك
المهم نكملو...استاحشت اماني؟؟
غيث:هز راسه بي لا
قمر:بلعت ريقها ...تحبنى؟
غيث:وصلنا
قمر:تبيش تجاوب قبل مننزل؟
غيث:شوفي شن في تحت كرسى السياره
قمر:نزلت راسها ادور ملقتش شي ...قامت راسها وهيا تتكلم...مفي ش
غيث:فاجأها بي بوسه❤️وبصوت هاااااذي وحنين
معش تسألي شي زي هاذا حاس بقلبي بيطلع منى
قمر:شبحتله وهيا حاطه يدها ع فمها ونزلت ❤️
_______________________
اريام:وقفت ع المرايا بعد ما كملتلها المزينه ❤️
خديجه:بالهني بنتي
اريام:تسلمى
هدى:هيا اريام كملتى؟!
اريام:مزال بنلبس ماما
وفاء:مشاء الله بس عدلي القصه حسيتها فوق هلبا
اريام؛انا نبيها فوق انتى مدخلكش
حوريه:تشوف لي اريام بصدمه!!
هدى؛ارياااام...خيرك مع اختك؟؟؟كل شويه مكشخه عليها؟؟
اريام:ساكته وتشوف لي وفاء بحقد لين وفاء طلعت متحملتش
__________________
قمر:خشت لي غرفتها طاحت ع السرير طووول
قاطعها صوت مسج
غيث:انا منفهمش في القصص هاذي وانتى طايش معش تقربي مني وتشوفيلي بي عيونك هذيك النضره متعك لان مره تانيه بيصير شي غلط وربي
قمر:ضحكت بخبث...زي شنو الشي التاني
غيث:قمرررررر
قمر؛اوكى خلاص سكتت😂
غيث:نحبك❤️
خليها في دماغك هاذا كان عندك دماغ
قمر:ضحكت ومردش عليه
_______________________
جنى:ابتسمت لما سمعت صوت الكندر يحكى بي الفون قدام المطبخ الخارجى حطت وشاح على كتافها وطلعت...نخصاته من كتفه
كندر:يحكى بي الفون...تم به مش م.....😨😨😨😨😨😨😨😨😨😨😨😨😨
قعد فاتح فمه لما شاف جنى لابسه القفطان ❤️
جنى:بصوت وااطي...ثانكس❤️
الكندر:ماسك تالفونه وميتكلمش!!...يتفرج على جنى
جنى:دارتله باي بيدها ورجعت داخل اما الكندر ساكت وخلاص
______________________
بدت حفلة البيبي❤️❤️
ووصلو المعازيم واريام طول الوقت واضح الحزن في عيونها 💔
اجتمعو كلهم في الخيمه وبدت الضيافه
وفاء:اتصلت بي عز الدين وهيا مضايقه تحكيله كيف اريام تهزب فيها قدام الناس وفهماته ان لااازم يدير حل
جنى:خيرك لبستى سروال؟
قمر:معنديش نيه
جنى:وين سماح لقيتيها؟
قمر:لا دورت عليها شكلها روحت ملقيتهاش
كانت تبي شي هيا
جنى:تتفرج...منعرفش محكتليش
قمر:ركبت لي غرفتها عشان تاخد فونها وتكلم سماح ..
______________________
ايه:ماسكه شنطة سفر...حبيت الطلعه في الوقت هاذ زحمة مفيش حد منتبه احسن من ان يكون هدوء ومركزين عليا
غيث:تفضلي ...الزرف هاذا فيه كل شي تحتاجيه
ايه:منور❤️
غيث:نضمت الامور كلها انا وجدي خلاص معندك شي ملخبط توا
ايه:ابتسمت
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
سماح تالفونها مسكر!!
حطو العشي لي الضيوف والمكسرات والبكلاوه ❤️
بدو كلهم بروحو شوي شوي لين قعدو الاقارب بس
كانت الاوضاع مستقره
قمر وجيهان وجنى ال3مقعمزين جنب بعض
امانى وامينه ياكلو ويهدرزو مع حوريه ووفاء
ناضت وفاء تحاول تحكى مع اختها اريام بس اريام معطتهاش فرصه ابداااا
خش الشامخ سلم على خواته وبناتهم وقعمز ماسك ولد اريام❤️قعد يأذنله في وذنه
عطي امر الشامخ ان يجمع ولاده كلهم واحفاده الشباب عشان السبر متاعهم وهوا لما يحصلو مزيود يتم توزيع مبلغ مالي على اولاده واحفاده
وطلعا كلهم تجمعو عادا زيد يلي معكس قداش الحوش ويراسل في جيهان مش هامه لا جده ولا قصر !
__________________
الشامخ :وزع المبلغ وطبطب بيده مرتين على غيث
امانى:تفضل جدي
الشامخ:خذي الشاهي حطه ع الطاوله...البه يبارك فيك
تعالي يابنت
امانى:نعم
الشامخ:ارمشي وشاحك ارمي
امانى:شنو😨
الشامخ:ارمى قتلك
امنى:نحت وشاحها وكلهم كانو يهدرزو مفيش حد منتبه غير قمر!
الشامخ:وقف ووقف جنبه غيث
طلع من جيبه ذبله....اليوم قررت نديرها مفاجأه ليكم لان الموضوع بدي طويل هلبا ولا لا؟...هههههه
قمر:تشوف لي غيث وهيا فاهمه شنو يلي بيصير💔
معليشي ياشاب
زيد:استغرب من التيوتات المضلمه ..نعم خوي
انا محمد الفايز تبع الجيهات الامنيه
زيد:ان شاء الله خير؟
محمد:شدينا بنتكم مع واحد قبل نص ساعه في وضع بشع مع واحد كبير شويه في العمر وبعد الف حكمه باش سمت عيلتها وين...يتبع
هل اعجبك الموضوع :

تعليقات

تعليقان (2)
إرسال تعليق
  1. يـآريتت تنزلـي آلحلقه 14:-روآيهة عآئلهة مـن جهنم😞💛💛💛💛.

    ردحذف

إرسال تعليق