القائمة الرئيسية

الصفحات

رواية العروس الجارية الحلقة الرابعة عشر 14 - لينة المنفي

رواية العروس الجارية الحلقة الرابعة عشر 14 - لينة المنفي

رواية العروس الجارية الحلقة الرابعة عشر 14 - لينة المنفي

لقراءة باقي حلقات رواية العروس الجارية : اضغط هنا 

رواية العروس الجارية الحلقة الرابعة عشر 14 كاملة مكتوبة

"قبل ماتقرو ماتعلقوش "
انا"بخوف": مالكككككك اصحى الطريق
مالك"بصدمه ماقدرش يتفدا السياره اللي قدامه وخبطو" 💔
انا"في لحظات السياره خبطت ومعش عرفت شنو صارلي غنضت عيوني معش عرفت شي !!"
...بعد دقيق من الحادث بدو الناس يتجمعو طلعو نورهان مغمى عليها ومالك كان واعي
مالك"بصوت يادوب طالع": نورهان ..نورهان 💔
الشاب: اهو وصل الأسعاف ابسرعه سعدوني خلنا نسعفوهم ...حطوهم في سيارات الاسعاف ورك مالك جنب نورهان وهو يتألم في مارش جارح يديه ورجله تعرج 💔....
مالك"بخوف ماسك يد نورهان": اوعي يانورهان مش وقت بصاره ..اوعي بسرعه مزالت نبيك😭💔..
_________________
"عند نجاح"
طلعت هيا ومجيد ومعاهم مهره
نجاح"تبوس في بنتها وتبكي": نحبك انا امك تحبك😭💔
مجيد"نتضايق": ماتبيش تسيبيها عمرك كله اكيد ح ترجعي
نجاح"مسجت دموعها": ح نرجع عشانك انتِ بس
مجيد"هاتفه رن طلعه من جيبه شافله لقاها مش هاتفه هاتف نجاح اللي عنده رد"
رضاء: وين كنتي ليا يومين نرن عليك ماترديش
مجيد"بصدمه فتح السبيكر وشاف النجاح بمعنى احكي "
نجاح"بخوف": ايوا
رضاء"بعصبيه": اعطيتك فلوس وعطيتك كل شي قلتي تبيه عشان تساعديني نخذ مكان مالك !!... وتوا جاني خبر انك تسافري وتعطي بنتك المالك ..تحسبيني عيل صغير ينضحك عليا والله ندمك عليها
نجاح"ميته من الخوف": بينك وبين مالك انا مادخلنيش
رضاء: تمام ...كله ساهل بس عينك من روحك
مجيد"بعصبيه": فكر ادير شي اقسم بالله نبلغ فيك تمام ...وهذا مش حدها خليها في بالك ...صكر مجيد هاتفه عصبيه ويشوف النجاح ماقدرش يمسك روحه وعطاها كف
نجاح"تبكي": خليني نفهمك بس😭
مجيد: مانبيش نفهم نبيك تفهمي مالك كل شي درتيه ... شنو انا منقص عليك عشان اديري هكي
نجاح"تبكي": انا مش نادمه ع اللي درته وعارفه روحي قاعده نتعاقب ع افعالي ربي بلاني بمرض عارفه روحي مش قده ..انا درت كل شي عشان ممانعيشش متشرده انا وبنتي كنت ح نعيش في شارع لولا الفلوس اللي كنت نتصرف بيهم
مجيد"دموعه في عيونه": انتِ قاعده ادمري في حياة انسان ع خاطر تعيشي متريحه !!...لازم تعترفي بكل شي
نجاح"تبكي": مانقدرش تخيل ردو اللي درته في بنتي
مجيد: لو ماحكيتيش ح نحكي انا يا نجاح ...مزال عندك فرصه تكفري عن ذنوبك
نجاح"نزلت راسها": ح نعترف بكل شي بس بنتي مستحيل نخليها عندهم 💔
مجيد: وين بتحطيها ؟!!
نجاح"بعد تفكير ": نحطها في دار ايتام
مجيد"منصدم": بوها قاعد كيف تحطيها دار ايتام ؟؟؟
نجاح"تبكي": انت جبرتني مانقدرش نتعرف انا مانقدرش
مجيد"خذا نفس": اسمعي اعترفي بكل شي درتيه وانا ح ندبر كيف نخذو امعانا مهره ..
نجاح"مسحت دموعها بفرحه": ماتكذبش عليا صح !!
مجيد: بس ديري زي ماقتلك ...اركبي السياره توا
نجاح: وين ؟!
مجيد: توا تمشي تعترفي المالك وتتأسفي ..واجعني مالك كيف خوه باعه 💔
نجاح"بشويت ندم": تمام ...ركبت نجاح ومجيد للسياره ومشو الحوش اهل مالك ع اساس يتلاقو مع مالك ونورهان
اما عند مالك ونورهان ....
كانت نورهان في العناية المشدده ....ومالك قعده يده تنزف وقاعد يستنى فيها قدام العنايه 💔...
بعد ثواني طلع الدكتور من العنايه
مالك"بخوف ولهفه": شنو صار امعاها ؟!!
الدكتور: يدها اليمين مكسوره وصايرلها ارتاج خفيف ..بعد شوي لو ما صارنش امعاها مضعفات ح نطلعوها للقسم ..وان شاءالله لاباس
مالك"حط يديه ع وجها": الحمدلله يارب ....طلع هاتفه من جيبه ورن ع احمد
احمد"كانت احذاه ورده وساره": خير يابونسيب
مالك"بتردد": وين ؟!
احمد: شنو في ؟
مالك: نورهان في المستشفى درنا حادث
احمد"بصدمه": ميف شنو صارلكم ؟
مالك: قاعده في العنايه توا
احمد: تمام ... صكر احمد وملامحه ما يبشرنش بالخير
ساره"بستغراب": منو ؟!
احمد: نورهان ومالك دارو حادث وقعدين في المستشفى
ورده"شهقت": بنتي بنتي يا احمد ...حي عليا حي بنتي
ساره"منفجعه": اهدي يا خالتي اهدي ان شاءالله خير
ورده"تبكي": نبي بنتي نبي بنتي
احمد"متوتر": ساره خليك مع امي انا نبي نمشي
ورده"تخذ في نفس بالقوه وتبكي": صبيني يا ساره رجليا معش شلوني نبي نمشي
ساره"بخوف": تـمام ..تمام .... ساعدت ساره ورده و طلعو بسرعه ...ونسو يقولو المروه
______________________
*في حوش اهل مالك *
عازه: ماشفنش نورهان اليوم غريبه !!
هنده: مشت عند اهلها تبيلها عشان تروح
عازه"تنهدت": عندي احساس سئ ..في شي بيصير
هنده"ضحكت": هذا يقولو عليه اخناق العرايس ماتفكريش بس ...كملت هنده كلامها وسمعت الباب يطق
طلعت اتحل فتحت الباب لقتها نجاح
هنده"بصدمه": نجاح 😳
نجاح"بين ع ملامحها التعب": كيف حالك ؟!
هنده"بتوتر": ت تتمام ؟!!
نجاح: نبي مالك
هنده"متفجأه": والله شنو نقولك انا متفجأه من شوفتك ..بس مالك مش قاعد
نجاح"بستغراب": ونورهان ؟!
هنده: حتى هيا مش قاعده ..كان في شي مهم قوليلي وانا نخبرهم
نجاح: لا مافيش شي بس جيه بنشوف مالك .. خويا يستنى فيا بنمشي
هنده: مع السلامه ...جت تمشي نجاح وسمعو صوت عياط مبروكه 😳....خشت هنده بسرعه وقعدت نجاح مش فاهمه وبعد تردد خشت
مبروكه"تبكي": مالك دير حادث مش عارفه شنو صارله نادي ع بوك اجري
عازه"تبكي": كلمته قالي توا يجي
نجاح"مصدومه"
هنده"قعدت تسكت في امها "
مبروكه"من شدة الصدمه مانتبهتش لوجود نجاح "....نجاح بعد سمعت الخبر طلعت بسرعه وحست روحها نادمه
نجاح"تبكي": لامش ح يصيرلهم شي قبل ما يسامحوني لااا ... طلعت ركت السياره
مجيد"مستغرب": شنو في ؟!
نجاح"مسحت دموعها": خلينا نمشو للمستفى مالك داير حادث
مجيد"بتوتر": تمام هي .....
_________________________
"في المستشفى"
كان كل شوي يجي واحدمن اقارب نورهان ساره خبرتهم .. ومستغربين كيف مالك ينزف ومقاوم وقاعد يستنى في نورهان توعى 💔
ورده"صابره وساكته"... وساره قاعده قريب من احمد وهي خايفه
بعد ثواني جو اهل مالك كانت مبروكه تكي ومش فاهمه شنو صاير تحسب مالك بس اللي مدير حادث
اول ماشافت مالك حظناته وهي تبكي
مبروكه: الحمدلله الحمدلله فجعوني عليك يا يمي 😭
مالك"يتوجع": نورهان كانت امعي
مبروكه عدت عن مالك وشافت ورده تبكي مشت قعدت جنبها وتواسي فيها ...قطع عليم صوت خطوات كعب نجاح السريعه
نجاح"تشوف المالك": مالك مالك ...لازم تسامحني لازم 😭
مالك"مش فاهم": شنوفي
مجيد"مايبيش يفصح اخته": تعال شوي يا مالك
مبروكه"واخيراً لاحظت وجود نجاح": شنواديري انتِ هنا شنو ديري😡
نجاح"ترعش": ني نحكي امعك يا مالك نيك اتسامحني
مجيد : تعال يا مالك شوي
مالك"بعتاد": خوذ اختك واطلع من هنا مش فضيلكم 😡
مجيد"ماعرفش شنو يدير ": تمام ...حمدلله ع سلامتكم ... خذا نجاح بالقوه وطلعو من المستشفى ...كلهم مستغربين ومش عرفين من هذي وشنو كانت تقول
بينما كان الجميع يستنى في نورهان تطلع ...كانت مروه راقده في الحوش وهاتفها يرن ماوقفش
بعد وقت ردت مروه
مروه"بصوت ناعس": نعم !
منير: انا قدام الحوش اطلعي
مروه"قعدت وهي مش فاهمه": شنو تقول انت ؟😳
منير: اختك نورهان دايره حادث اهلك طلعو بدري ونشو عليك
مروه"متفجأه": شنو صار امعاها !!
منير: اطلعي توا نحكيلك ... صكرت مروه وخذت عبايه ووشاح وعدت تلبس بسرعه
مروه"بغضب": اكيد من مالك ...انا حذرتها ياريتها سمعت كلامي 💔😡... طلعت بسرعه لقت منير يستنى فيها
ركبت
مروه: احكيلي ابسرعه
منير: دارت خادث وهي طالعه من عندكم ...هي في العنايه مزالت ماوعتش ومالك مافيش غير جروح
مروه"بصوت عالي": نعرف اللي صار انا متاكده دارها بقصد متاكده😭🔥
منير: شنو تحكي انتِ؟؟
مروه: بسرعه سوق بسرعه.....وصلو بسرعه بحكم ان المستشفى اقريبه نزلت مروه بسرعه ومعاها منير خذاها منير للمكان اللي فيه الجميع
مروه "مشت وقفت قدام مالك": نعرف ان مل شي منك ... اقسم بالله يصيرلها حاجه مش ح نرحمك نقتلك انا فاهم😡
مالك"بعصبيه": انتِ مفروض اخر وحده تحكي ماتعرفيش شنو سببتي 😡
احمد" مسك مروه من يدها وسحبها بالقوه " ... طلع منير في جرتهم
احمد"بعصبيه": شنو تشوفي فيا انتِ تعلي في صوتك😤
منير: تمام خليها يا احمد
احمد"بنظره تخوف": مش فضيين القصصك فاهمه😡... سيبهم وخش
مروه"تبكي": ليش كلهم ضدي ليش .. انا ماحكيتش غير الحقيقه 😭💔
منير" حظنها ": انا معاك ماحد يقدر يديرلك شي❤️
مروه"تبكي بوجع": اختي يا ناس اختي ليش مايبوش سفهمو اني مستحيل نأذيها 💔🔥
منير"بحنيه": اهم شي تطلع نورهان والباقي ساهل .. بعدها منه شوي ومسح ادموعها ... هيا تعالي نخشو اقعدي مع خالتي
مروه"هزت براسها بمعنى تمام وخشت ".....
فات الوقت ومرات ساعه ... جى الدكتور
الدكتور: انتم هكي مش ح تنفعوها لازم تطلعو كلكم نحن مانعرفوش امتى تستعيد وعيها وانتم مش ح تكونو الا مصدر ازعاج ليها ياريت يقعد شخص واحد بس !!
مالك "بدون مايفكر ": انا ح نقعد الجميع روحو
الدكتور: انت لازم تتعالج قبل واضح انك مجروح
ساره: معناها انا ح ينقهد امعهم وانتو روحو
مروه: انا اختها انا بنقعد امعاها
الدكتور: تناقشو فيما بينكم وكل ما طلعتو بسرعه كل ما كان احسن بنسبه الها والباقي المرضى.... مشى الدكتور وفعدو يناقشو من ح يقعد وفي نهايه قعدت هنده والباقي روحو بالغصب
اما مالك مشى يداوي في الجروح اللي ماحسش بيهم اصلاً الوجع كان في قلبه مش في جسده💔🔥
"لينا المنفي: لما يصير شي الشخص اتحبه تحس روحك انسان غير طبيعي معرض للأنهيار صح الدنيا ماتوقفش ع غياب حد لكن الكلام هذا للناس اللي مايحسوش بس ..لأن اللي يحب ويحس كل شي ح يتوقف في نظره 💔"
_______________________________
" عند نجاح "
مجيد: ليش كنتي مصره انك تعترفي لما مشينا ...انا خذيتك بالقوه فجأه قعدتي بتحكي
نجاح"بوجع": انا مانقدرش نستمر هكي ذنبهم يقعد في رقبتي لازم نحكي كل جريمه درتها في حقهم حسيت بالموت قريبه مني لاول مره اليوم حسيت ان الموت مرعب بنسبه ليا نبي نموت والناس تدعيلي مش تدعي عليا
انا عارفه روحي مش ح نطول 💔
مجيد"بقهره": شنو قاعده تحكي هذا كله شي مؤقت ح تردي زي قبل ويمكن احسن
نجاح"ضحكت بوجع": كل شي في يدين ربي وانا ح نقاوم بقدر المستطاع
مجيد"تنهد": اسمعي نحن طيارتنا بكره الصبح لازم نسافرو لان هذي الفرصه الوحيده عشان تتعالجي .. انتِ تعرفي قديش تعبت عشان نأمن الفرصه لك !!
نجاح: نعرف اني ما نستحقش ...مانقدرش نسافر بدون مايسامحوني
مجيد: شنو رئيك تحكي امعهم بعد نردو نحن مش ح نطولو 6 شهور بس
نجاح"بوجع": بس
مجيد: نجاح ع خاطر بنتك بس مش عشان حد ..تبيها تتربى يتيمه بدون حد
نجاح: تمام .... خشت نجاح لدارها كانت لامه كل شي جت حضنت بنتها ورقدت جنبها وهي تفكر انها ح ترجع بعد 6 شهور ولا
فات الليل ثقيل ع الجميع كل شخص منهم كان عنده حاجه توجع فيه مش محليته يرقد متريح 💔
" ثاني يوم الصبح "
كان مالك قاعد ساهر بحذا نورهان وماسك يدها
مالك"بصوت مبحوح": امتى تفتحي عيونك بس نبي نحكيلك كل شي نبي نوضحلك مانيش نشوفك هكي شوفتك هكي توجعلي في قلبي 💔..مش تحبي تنرفزيني اهو انا متنرفز ..نزلو دموعه ومسحهم بسرعه ...مانقدرش على بعدك قلتها لك من قبل ونقولها لك توا انا بدونك ولاشي 😭❤️...قطع ع مالك خشت هنده ..جت هنده حطت بدها ع كتف مالك
هنده: انت ارتاح انا توا وعد جنبها ..حتى انت تأذيت لازم تكون اقوى من هكي عشان نورهان😢❤️
مالك"بصوت تعبان": خليني قاعد ماتعبتش انا
هنده"الدموع في عيونها": تمام براحتك انا قاعده قدام الغرفة لو احتجت شي ...طلعت هنده وهي خايفه يصير شي النورهان ..مشت للدكتور النسؤل عن حالة نورهان ..
هنده: معلش دكتور
الدكتور: تفضلي
هنده: في مريضه اسمها نورهان ..نبيك توضحلي اكثر عن حالتها
الدكتور: هيا توا في غيبوبه مؤقته يمكن تفيق بعد ساعه بعد ثواني بعد شهور ومرات لعد اسنين ...مع ان اصابتها طفيفه تعتبر لكن حالتها صعبه شوي هذي اليه يتبعها العقل عند المرور بشي صادم وماقدرش يتحمله ..
هنده"بحزن": شكراً ... ردت هنده وقعدت قدام الغرفه بعد شوي جى احمد
احمد"متحشم": نقدر انخش ؟!
هنده"بصوت هادي": لوتقدر خليهم شوي وبعدين خش
احمد"قعد مصبي جنب الغرفة "
هنده"كانن عيونها في الارض طول الوقت وذهنها شارد " ....قطع الصمت احمد
احمد"رفع عيونه" :قهوه ؟!
هنده"رفعت عيونها وتلقت مع عيون احمد": توا كنت بنمشي نخذها ..حتى مالك ماخذاش شي
احمد: تريحي توا نمشي انا طلع احمد ...وقعدت هنده وهيا حاسه بشي غريب اول مره يصير امعاها ❤️

__________________________________
مجيد: مزال نص ساعه ع طياره
نجاح"بتعب": مجيد خايفه نموت قبل مايسامحوني
مجيد"خذا نفس": انسي كل شي توا ...نص العلاج يعتد ع نفسيتك بعدين انتِ ماقتلتيش حد في نهاية كنت مجرد خطه لقتل مالك ومستحيل تتنفذ
نجاح: انت ماتعرفش شنو درت وماتقدرش تتخيل حتى !!
مجيد: خلاص معش تحكي ...مهره رقدت
نجاح"سكتت وضميرها يأنب فيها"
بعد نص ساعه ركبو للطياره
"عند اهل مالك "
مبروكه: يستر الله وخلاص ..ان شاءالله مايصيرلها شي مزالت صغيره يا ناري ع امها💔🔥
عازه: انا نبي نمشي عشان نبدل مع هنده اكيد مارقدتش امس
مبروكه: تمام
عازه: اب نزار كلم بويا واجل موعد العرس بعد 7 شهور
مبروكه"مستغربه": ليش ؟
عازه:اولاً نورهان مش معروف امتى تفتح اعيونها وثانياً اب اسماء قالو مريض واصل حده في اي لحضه يموت وثالثاً انا مزالت مش مستعده نفسياً
مبروكه"تنهدت": انتِ مالكش دخل باللي صار مفروض ما اجلتيش
عازه"نزلن ادموعها": انا وعده نورهان نخذها امعي للمزين مانقدرش ندير عرسي وهيا مش قاعد😭💔
مبروكه: ان شاءالله تطلع طيبه ...مشت عازه وركبت مع رضاء عشان يوصلها
رضاء: كيف حالها توا ؟!
عازه: قاعده في المستشفى مش معروف شي
رضاء: ومالك
عازه: قاعد امعاها 💔
رضاء"بخبث": تمام توا بعدين نجيب اسماء ونجي
عازه: كيف حال بوها اسماء ؟!
رضاء: ما اعتقدش ح يقاوم امثر من هكي كبير في العمر
عازه: ربي يكون في عونها
رضاء: وصلنا ... نزلت عازه ومعاها رضاء خشو لقو هنده بس قاعده
رضاء: وين مالك ؟!
هنده: مع نورهان
رضاء: كلميه ليا
هنده: تمام
عازه: وين اهل نورهان ؟
هنده: بدري جى خوها ومشى قال بعدين بتجي امها
عازه: اها ....خشت هنده لقت مالك ماسك يد نورهان
هنده: مالك
مالك: شنو ؟
هنده: رضاء يبيك اطلع
مالك"صبى وطلع"...... لقى رضاء
رضاء: لاباس
مالك: ماتشوف باس
رضاء: جي بنقولك ع شغل ..انت اكيد ح تكون مشغول هنا
مالك"بيآس": انا قرارت ح نتخلا ع كل شي ...الحرام عمره مايدوم
رضاء"بعصبيه": ماتفكرش في روحك بس فكر فينا كيف بنعيشو
مالك"جى بيمشي": اعتبر كل شي لك من اليوم ...هكي تمام ؟!... مشى مالك ودنيا مظلمه في عيونه مش حاس بأي شي همه الوحيد يشوف نورهان فاتحه عيونها ...خش الغرفة نورهان لقى عازه مغيرتلها
عازه: انت روح للحوش بدل وتعال
مالك"بعناد": لا مانبيش
عازه: معناها نروح انا وهنده وبعدين نجي جيبتلك حاجتك
مالك"سكت".... طلعو وقعد مالك بس في دار جى قعد جنب نورهان قعد مركز في تفاصيلها وخذاه النوم
فتحت اعيوني ع ضي الشمس ببطئ وانا مش حاسه بروحي كأني متخذره بالكامل ..حطينلي نفاس وجهاز اللي يقيس النبض وتغذيه ..شفت جنبي القيت مالك ماسك يدي ومغفي
انا"رفعت النفاس": م مالك
مالك"فتح عيونه ومش مصدق الصوت اللي سمعه يحسب روحه يحلم رفع اعيونه ": كيف طاوعك قلبك اديري فيا هكي ؟!
انا"ابتسمت": تستاهل💔
مالك"نزلن ادموعه ومسحهن": انا نستاهل عشان نحبك صح ؟!
انا"نخذ في نفس بالقوه": شنو صار ؟
مالك"بصوت فيه بحه": مافيش حاجه مهمه غير سلامتك
انا"غمضت اعيوني "
مالك"انفجع": نورها نورهان !!
انا"فتحتهن من جديد": مالك نحبك ❤️
"بعد مرور 7 اشهر "
في الشهور هذين ما صارش اي شي مميز غير خطوبت ساره لمروان ..اكيد كلكم بتسألو كيف وليش احمد كان يتعبر في ساره كأخت وماعمره شافها غير هكي بعد فتره من المحاولات ساره يأست وفي نهاية خطبها مروان كانت ماتحباش بس توا بتموت عليه😂❤️....اما احمد خطب هنده بعد طلعت انا من المستشفى بشهر ..ومروه بدت تحب منير وقعد منير هو الواعر وهي الطيبه تخاف تزعله🙂😂💔.... وانا ومالك توا تعرفو شنو صار امعانا ... طبعاً اليوم عرس عازه وانا امعاها في الكوافير😌🔥🔥
المهم ........
كان مالك قاعد يقرا في كتاب ...فجأه رن عليه رقم غريب ..رد مالك
مالك: منو معي ؟!
مجيد: انا مجيد
مالك "متفجأ": كيف حالك
مجيد : تمام ...كيف حالك انت !!
مالك: الحمدلله بخير
مجيد :نبي نتلاقى امعك كان فاضي
مالك: والله اليوم عرس اختي لكن نقدر انجيك
مجيد : تمام نتلاقو بعد نص ساعه ع شط
مالك: تمام ... صبى مالك ومشى للسياره وهو يسوق رن هاتفه رد
مالك"ابتسم": شنو في توا ؟!
انا"بعصبيه": نسيت فستاني في سيارتك جيبيه ليا😭💔
مالك"ضحك": هدي روحك مش الموضوع مش مستحق عصبيه
انا"تنرفزت": عندك ساعه ماجبتش فيها الفستان معش نبيه 🙄
مالك"تنهد": تلقدي فيا ؟!
انا: نحكي امعك بعد تحيب الفستان سلام ... صكرت نورهان ووصل مالك نزل من السياره
لقى مجيد يستنى فيه سلم عليه
مالك: ان شاءالله خير
مجيد: نجاح عطاتك عمرها
مالك"بشفقه": الله يرحمها
مجيد"بحزن": زعما تغير رئيك وتقول الله لايرحمها بعد تعرف شنو دارت ؟!
مالك"برفعة حاجب": شنو !!
مجيد"خذا نفس": نجاح هي اللي خلت اسماء تحط حبوب لمرتك عشان تقتل الجنين ..ونجاح هيا اللي حرضت اختك نجوى ضدك وهيا نفسها اللي خلت رضاء ينقلب ضدك وكانت مخططه تقتلك حتى بس ما صارش ..وعرف ان مهره مش بنتك ... مجاح قبل ماتموت خبرتني كل شي داراته قالت لي نطلب منك السماح بدلاً عنها سافراً وكانت تبي تقابلك بس الضروف وقتها ماسمحنش
مالك"مصدوم ": الكلام اللي قاعد تقول فيه كبير
مجيد: اقسم بالله هذا اللي قالته نجاح بالخرف قبل مايخذ ربي امنته
مالك"نزل راسه بوجع": ربي خذالي حقي بزياده ... اسماء بوها توفى ورضاء انسجن قبضو عليه وهو يهرب في سلاح ..اما نجوى خسرتني كـ اخ الها ...اما نجاح ربي عقبها بالمرض ...
مجيد"ضحك بوجع": يمهل ولايهمل
مالك"شاف للساعه": نستأذن منك توا
مجيد: سامحتها ؟!
مالك: ربي الكبير يسامح من انا عشان مانسامحش 💔
مجيد: مع سلامه .... مشى مالك وركب السياره بسرعه عشان يطق يوصل الفستان😂❤️...بعد نص ساعه وصل ورن ع نورهان
مالك:انا قدام الكوافير اطلعي
انا"بعصبيه": معش نبيه خلاص😒
مالك"تنرفز": نورهان حبيبي تعالي بس
انا"بعد تفكير": تمام .... صكر مالك وطلعت انا للسياره فتحت الباب وركبت
انا: الفستان🙄
مالك: حسيته ضيق يجي عليك ؟!
انا"شفتله بنظره تخوف":كان عليا انا اصلاً ارقيقه لكن هذا ولدك مخليني هكي😢
مالك"ضحك": ربي يخليكم ليا
انا"بدلع": اسفه اعصابي معش تحملن مالقيتش فستان يجي عليا وبعد لقيت واحد نسيته في سياره😭😂❤️
مالك"ابتسم": نحبكم ❤️
انا"شفت لعيونه وقربت وعطيته بوسه خفيفه ع شفايفه🙈❤️..بعدت بسرعه
انا"ضحكت": وانا نحبك🔥
.......النهاية❤️🔥
ملاحظه : سبب تسمية الروايه بالعروس الجاريه هو ان نورهان كانت حاسه روحها جاريه في بداية زواجها كانت حياتها مقتصره ع الطبخ والحوسه وارضاء رغبات زوجها اللي ماكنش طايقها اصلاً ماكنتش تعتقد ان كل شي بيتغير ويقعد هكي ❤️
هكي نقعدو كملنا الروايه ...طبعاً هيا فيها لقطات حقيقيه وفي اللي انا كتبتهم من خيالي ❤️
كتبتها لغرضين المتعه والعبره
العبره اللي نبيكم تخذوها :
"كل شي قسمه ونصيب ماتعرفيش امتى وشنو ح يصير في اي وقت ممكن تنقلب حياتك 180 درجة زي ما صار مع نورهان بدل ما تكون اخت العروس لقت روحها هيا العروس" *
"عمرك ماتحقدي ع حد لان الحقد مش ح يدمر الا صاحبه عيشي حياتك ووكلي امرك الربي ...ماتقعديش نفس اسماء حقوده وحسوده وقتلت روح بريئه. "
"ربي يمهل ولا يهمل ح يخذلك حقك من كل حد اذاك ولو بعد حين ... زي ما صار مع مالك ونورهان ربي عاقب كل شخص خانهم وطعنهم في ظهر "
"احياناً اعطي نفسك الحريه خليكي مرحه ما يأثرش فيك المحيطين بيك نفس هنده هكي صدقيني ح تكوني متريحه نفسياً ...وامشي بمبداء ماليش علاقه بحياة غيري "
" خليك صريحه ومش متعت لف ودوراً لان الصراحه وفعل الشي اللي تحسيه صح مش ح يخليك تخافي من حد وعندك استعداد اتوجهي كل شي نفس مروه مع ان الجميع مايحبهش لكن شخصيتها قويه ومأثره"
"صفي نيتك وديري اللي تقدري عليه وساعدي اللي محتاج يجي يوم ويردولك كل شي درتيه "
" ساره شخصيتها جسدت الوفاء ...كانت اصدق واطيب شخصيه في الروايا مع انها حبت احمد بس ماكنش من قسمتها لكن ربي عوضها بمروان شخص كويس وصالح والأهم يحبها بصدق "


واخيراً كملت الروايا لاخر حرف نتمنى منكم الدعم والتفاعل ونتلاقو في روايا جديده قريباً ... رئيكم مهم جداً بنسبه ليا ❤️
هل اعجبك الموضوع :

تعليقات